#ﻋﻜﺲ_ﺗﻴﺎﺭ
ﺣﻠﻘﻪ 1
ﺍﻧﺎ .. ﺍﺳﺘﺎﺫ ﻣﻤﻜﻦ ﻧﻄﻠﻊ ﺷﻮﻳﺎ
ﺭﻭﺍﻥ .. ﻭﻳﻦ ﻣﺎﺷﻴﻪ ﻳﺎﻓﺮﺧﻪ
ﺍﻧﺎ .. ﺗﻮﺍ ﻧﺠﻲ ﺑﺲ
ﺍﺳﺘﺎﺫ .. ﻭﻳﻦ ﻳﺎﻣﻴﺲ
ﺍﻧﺎ .. ﺷﻮﻳﺎ ﻣﺶ ﺣﻨﻄﻮﻝ
ﺍﺳﺘﺎﺫ .. ﻋﺪﻱ ﺗﻤﺎﻡ ﻣﺎﺗﺎﺧﺮﻳﺶ
ﻃﻠﻌﺖ ﻣﻦ ﻓﺼﻞ ﻧﺠﺮﻱ ﻭﻧﺰﻟﺖ ﻣﻦ ﺩﺭﻭﺝ ﺧﺒﻄﺖ ﻑ ﺣﺪ ﻭﻃﺎﺣﻦ ﺍﻻﻭﺭﺍﻕ ﺍﻟﻲ ﻑ ﺍﻳﺪﻩ ﻛﻠﻬﻦ
ﺍﻧﺎ .. ﻫﻴﻴﻲ ﻗﻌﺪﺕ ﻧﻠﻢ ﻓﻴﻬﻦ ﻭﺭﻓﻌﺖ ﺭﺍﺳﻲ ﻛﺎﻥ ﺷﺎﺏ ﻭﻗﻌﺪ ﻳﺒﺤﺖ ﻓﻴﺎ ﻭﻗﺎﺭﻥ ﺣﻮﺍﺟﺒﻪ
ﺍﻧﺎ .. ﺍﺍﺍ ﺍﻧﺎ ﺍﺳﻔﻪ ﻣﺶ ﻗﺼﺪﻱ
ﻣﺪﻳﺘﻠﻪ ﺍﻭﺭﺍﻕ ﻭﻋﺪﻳﺖ ﻭﺳﻴﺒﺘﻪ ﺧﺸﻴﺖ ﻟﻤﻜﺘﺐ ﺍﺧﺼﺎﺋﻴﻪ ﻭﻫﻮ ﻭﺭﺍﻳﺎ ﺧﺶ
ﺃﺧﺼﺎﺋﻴﺔ .. ﺧﻼﺹ ﻳﺎﻣﻴﺲ ﺑﻌﺪﻳﻦ ﻧﺰﻟﻴﻠﻲ ﻭﻧﺤﻜﻮﺍ
ﺍﻧﺎ .. ﺑﺲ
ﺍﺧﺼﺎﺋﻴﻪ .. ﺑﻌﺪﻳﻦ
ﺍﻧﺎ .. ﺍﻭﻭﻭﻑ ﺑﺎﻩ
ﻃﻠﻌﺖ ﻭﺍﻧﺎ ﺭﺍﻛﺒﻪ ﻣﻦ ﺩﺭﻭﺝ ﻛﺎﻧﺖ ﻑ ﺑﻨﺖ ﻣﺼﺒﻴﻪ ﻑ ﺍﺳﺘﺮﺍﺣﻪ ﺩﺭﻭﺝ ﻭﺗﺒﻜﻲ ﻛﻨﺖ ﻧﻌﺮﻓﻬﺎ ﻣﻦ ﺑﻌﻴﺪ
ﺍﻧﺎ .. ﺗﺴﻨﻴﻢ ﻛﻨﻚ ﺗﺒﻜﻲ
ﺗﺴﻨﻴﻢ .. ﺗﻮﺍ ﺍﻟﻲ ﺧﺶ ﻭﺭﺍﻙ ﺧﻮﻳﺎ ﻭﻫﻤﺎ ﺩﺍﻳﺮﻟﻲ ﺍﺳﺘﺪﻋﺎﺀ ﻉ ﺳﺒﻪ ﻣﻜﻴﺎﺝ ﺣﻲ ﻋﻠﻴﺎ
ﺍﻧﺎ .. ﺣﻲ ﻋﻠﻴﻚ ﻳﺎﻏﺒﻴﻪ
ﺗﺴﻨﻴﻢ .. ﺣﻴﺪﻳﺮ ﻳﻮﻡ ﺍﺳﻮﺩ ﺍﻛﻴﺪﻩ
ﺍﻧﺎ .. ﺧﻼﺹ ﺍﻫﺪﻯ ﺍﻧﺘﻲ ﺍﺣﻜﻲ ﻣﻌﺎﻩ ﺑﻬﺪﻭ ﻭﺍﻋﺘﺬﺭﻱ
ﺗﺴﻨﻴﻢ .. ﻣﺎﻳﻔﻬﻤﺶ ﻫﺬﺍ ﺍﻭﻭﻑ
ﺍﻧﺎ .. ﺧﻼﺹ ﺗﻌﺎﻟﻲ ﻧﺨﺸﻮ ﻟﻔﺼﻞ ﺍﻛﻴﺪﻩ ﺍﺳﺘﺎﺫ ﺣﻴﻬﺰﺏ
ﺗﺴﻨﻴﻢ .. ﺍﻭﻭﻭﻑ ﻭﻗﺘﻪ ﺍﺻﻼً
ﺩﻗﻴﺖ ﻟﺒﺎﺏ ﻭﻓﺘﺤﺖ ﺧﺸﺸﺖ ﺭﺍﺳﻲ
ﺍﻧﺎ .. ﺍﺳﺘﺎﺫ ﻧﺨﺸﻮ
ﺍﺳﺘﺎﺫ ﺑﺤﺖ ﻓﻴﻨﺎ .. ﻻ ﺍﺻﻼً ﺣﺘﺮﻥ ﺭﺩﻥ ﻭﻳﻦ ﻣﺎﻛﻨﺘﻦ
ﺻﻜﺮﺕ ﻟﺒﺎﺏ
ﺍﻧﺎ .. ﺍﻭﻭﻭﻑ ﻳﻴﻴﻲ ﻋﻠﻴﺎ ﻛﻴﻒ ﺑﻨﻔﻬﻢ ﺍﻧﺎ ﺗﻮﺍ
ﺗﺴﻨﻴﻢ .. ﺍﺣﺴﻦ ﺍﻣﻼ ﻓﻜﻪ ﻣﻦ ﻭﺟﻪ ﻫﺎﻟﺒﺎﺭﺩ
ﺍﻧﺎ .. ﺑﺲ ﻣﻦ ﻳﺸﺮﺣﻠﻲ ﺑﻌﺪﻫﺎ ﺑﺼﺮﺍﺣﻪ ﻫﻮ ﻛﻮﻳﺲ ﻳﻌﻨﻲ ﻧﻔﻬﻢ ﻣﻨﻪ
ﺗﺴﻨﻴﻢ .. ﺍﻭﻭﻭﻑ ﻓﻜﻴﻨﺎ ﻣﻦ ﺳﺮﻳﺐ ﻗﺮﺍﻳﺎ ﺗﻮﺍ
ﺍﻧﺎ .. ﻫﻬﻬﻪ ﺩﺍﺑﻴﻦ ﻃﺎﻟﻌﻴﻦ ﺧﻠﻴﻨﺎ ﻧﻬﺪﺭﺯﻭ
ﺗﺴﻨﻴﻢ .. ﺍﻧﺎ ﺑﻨﺴﺎﻝ ﻗﺒﻞ
ﺍﻧﺎ .. ﻫﻬﻬﻬﻪ ﺇﺳﺄﻟﻲ ﺑﺎﻩ
ﺗﺴﻨﻴﻢ .. ﻛﻢ ﻋﻨﺪﻙ ﺧﻮ ﻭﺍﺧﺖ ﺧﺎﻃﻲ ﺍﻟﻲ ﻑ ﻣﺪﺭﺳﻪ
ﺍﻧﺎ .. ﻋﻨﺪﻱ ﺧﻮﻳﻦ ﻋﺰﻭ ﻭﻋﻼﺀ ﻭﺗﻼﺕ ﺧﻮﺍﺕ ﺭﺣﺎﺏ ﻭﺭﺷﺎ ﻭﺭﻳﻬﺎﻡ
ﺗﺴﻨﻴﻢ .. ﺭﺑﻲ ﻳﺨﻠﻴﻜﻢ ﺍﻟﺒﻌﻀﻜﻢ
ﺍﻧﺎ .. ﺍﻣﻤﻢ ﺷﻦ ﺍﺳﻤﻪ ﺧﻮﻙ ﻟﺤﺼﻠﻪ ﻫﺬﺍ
ﺗﺴﻨﻴﻢ .. ﻫﻬﻬﻪ ﺍﻳﻬﻢ ﻭﻣﺸﻐﻴﺮ ﺣﺼﻠﻪ
ﻗﻌﺪﻧﺎ ﻧﻬﺪﺭﺯﻭ ﻟﻴﻦ ﺭﻥ ﺟﺮﺱ ﻭﻛﻤﻞ ﺩﻭﺍﻡ ﻭﻃﻠﻌﺖ ﺍﻧﺎ ﻭﺭﻭﺍﻥ ﻭﺭﺣﺎﺏ
ﻑ ﻃﺮﻳﻖ
ﺭﺣﺎﺏ .. ﺷﻔﺘﻚ ﺧﺒﻄﺘﻲ ﻑ ﺣﺪ ﻧﺒﺪﺭﻱ ﻣﻦ ﻫﺬﺍ
ﺍﻧﺎ .. ﻣﺎﻧﻌﺮﻓﺶ ﻣﺎﺷﻔﺘﺶ
ﺭﺣﺎﺏ .. ﻟﻴﺶ ﻧﺎﺯﻟﻪ ﺍﻧﺘﻲ ﺍﺻﻼً
ﺍﻧﺎ .. ﺍﻧﺘﻲ ﺍﺳﻜﺘﻲ ﻭﺣﻨﺤﺮﺵ ﻓﻴﻚ ﻋﺰﻭ ﺍﻟﻴﻮﻡ
ﺭﺣﺎﺏ .. ﻟﻴﺶ ﺷﻦ ﺩﺭﺕ
ﺍﻧﺎ .. ﺣﺘﻌﺮﻓﻲ ﻑ ﺣﻮﺵ
ﻗﻌﺪﺕ ﻧﻤﺸﻲ ﻗﺪﺍﻣﻬﻦ ﻭﺻﻠﻨﺎ ﻟﺤﻮﺵ ﻭﻛﺎﻥ ﻃﺎﺭﻕ ﻭﻟﺪ ﺧﺎﻟﻲ ﻭﺍﺻﺤﺎﺑﻪ ﻗﺪﺍﻡ ﻟﺤﻮﺵ
ﺍﻧﺎ .. ﻳﻴﻴﻲ ﻋﻠﻴﻨﺎ
ﺻﺒﻰ ﻭﺟﺎﺀ ﺷﻮﺭﻧﺎ
ﻃﺎﺭﻕ .. ﺷﻨﺠﻮ
ﺍﻧﺎ .. ﺗﻤﺎﻡ ﺍﻓﺘﺢ ﻟﺒﺎﺏ
ﻃﺎﺭﻕ .. ﺍﻫﺎ ﺑﺎﻩ
ﺭﺣﺎﺏ .. ﻃﺎﺭﻕ ﺷﻨﺠﻮ ﻭﻳﻨﻚ ﻣﺨﺘﻔﻲ
ﻃﺎﺭﻕ .. ﻑ ﺷﻐﻞ ﻭﺍﻟﻠﻪ ﺍﻧﺘﻲ ﺷﻨﺠﻮﻙ
ﺭﺣﺎﺏ .. ﺗﻤﺎﻡ
ﺍﻧﺎ .. ﺭﺣﺎﺏ ﻫﻴﺎ ﺍﺭﻛﺒﻲ
ﺭﺣﺎﺏ .. ﻧﺤﻜﻮﺍ ﺑﻌﺪﻳﻦ ﺍﻟﻴﻮﻡ ﺧﻤﻴﺲ
ﺍﻧﺎ .. ﺭﺣﺎﺍﺏ
ﺭﺣﺎﺏ .. ﻫﻴﺎ ﺟﻴﺖ
ﺍﻧﺎ .. ﻗﺪﺍﻣﻲ ﺍﻧﺘﻲ
ﺭﺣﺎﺏ .. ﺍﻭﻭﻑ ﺷﻦ ﺩﺭﺕ ﺍﻧﺎ
ﺭﻛﺒﻨﺎ ﻟﺪﺭﻭﺝ ﻭﺩﻗﻴﺖ ﻓﺘﺤﺖ ﻣﺎﻣﺎ
ﺍﻧﺎ .. ﺧﻴﺮ ﻳﺎ ﻣﺎﻣﺎ
ﻣﺎﻣﺎ .. ﺧﻴﺮﺍﺕ ﺧﺸﻦ
ﺍﻧﺎ .. ﻋﺰﻭ ﻗﺎﻋﺪ
ﻣﺎﻣﺎ .. ﻻﻻ ﻋﻠﻴﺶ
ﺍﻧﺎ .. ﻭﻋﻼﺀ
ﻣﺎﻣﺎ .. ﻛﻨﻚ ﻣﺰﺍﻟﻮ ﻑ ﺷﻐﻞ
ﺍﻧﺎ .. ﺗﻤﺎﻡ
ﺧﺸﻴﺖ ﻟﺪﺍﺭﻧﺎ ﻭﻫﻴﺎ ﻭﺭﺍﻳﺎ
ﺭﺣﺎﺏ .. ﻗﻮﻟﻴﻠﻲ ﺷﻦ ﺩﺭﺕ ﺍﻧﺎ ﻣﺎﻓﻬﻤﺘﺶ
ﺭﺷﺎ .. ﻛﻨﻜﻦ ﺷﻦ ﻓﻲ
ﺍﻧﺎ .. ﻋﺎﺭﻓﻪ ﺷﻦ ﺩﺍﻳﺮﻩ ﻫﺬﻱ
ﺧﺸﺖ ﺭﻳﻬﺎﻡ ﻭﺻﻜﺮﺕ ﺑﺎﺏ
ﺭﻳﻬﺎﻡ .. ﻛﻨﻜﻦ
ﺍﻧﺎ .. ﺗﻲ ﻣﺼﺎﺣﺒﻪ ﺷﻠﻪ ﺯﻱ ﻭﺟﻬﺎ ﻭﻣﺼﻴﻪ ﺑﻨﺖ ﻉ ﺗﻠﻔﻮﻥ ﻭﺷﻔﺮﻩ
ﺭﺷﺎ .. ﻫﻴﻴﻴﻴﻴﻲ ﻃﻴﺢ ﺳﻌﺪﻙ ﻛﺎﻥ ﻳﻌﺮﻓﻬﺎ ﻣﻌﺘﺰ ﺗﻲ ﻳﻘﺘﻠﻚ
ﺍﻧﺎ .. ﺣﻨﻘﻮﻟﻬﺎ ﻟﻪ ﺗﻮﺍ ﻧﻮﺭﻳﻚ ﻭﻧﺸﻮﻑ ﻓﻴﻚ ﻛﻴﻒ ﺗﻠﺼﻘﻲ ﻑ ﻃﺎﺭﻕ ﺍﻟﺼﺎﻳﻊ ﻭﻑ ﻣﺪﺭﺳﻪ ﺍﺩﻳﺮﻱ ﻑ ﻣﻜﻴﺎﺝ ﺗﻲ ﺑﻌﺪ ﺣﻜﺘﻠﻲ ﺍﺧﺼﺎﺋﻴﻪ ﻭﺟﻲ ﻃﺎﺡ ﻭﺯﻟﻄﺖ ﻣﻨﻬﺎ ﺣﺮﺍﻡ ﻋﻠﻴﻚ ﺩﻳﺮﻱ ﻫﻜﻲ ﻣﻌﺘﺰ ﻗﺎﻝ ﺍﻭﻝ ﻣﺎﺗﻨﺠﺤﻦ ﻧﺠﻴﺒﻠﻜﻦ ﺍﻧﺘﻦ ﺍﺛﻨﻴﻦ ﺗﻠﻔﻮﻧﺎﺕ ﻭﻋﺪﻧﺎ ﺑﻴﻬﻦ ﻋﻠﻴﺶ ﺗﻠﻌﺒﻲ ﻣﻦ ﻭﺭﺍﻩ
ﺭﻳﻬﺎﻡ .. ﺧﻼﺹ ﻳﺎﻣﻴﺲ ﺍﺳﻜﺘﻲ ﺧﻠﻨﻲ ﻧﺤﻜﻲ ﻣﻌﺎﻫﺎ
ﺭﺷﺎ .. ﺧﻼﺹ ﺗﻌﺎﻟﻲ
ﻃﻠﻌﺖ ﻭﺳﻠﺤﺖ ﻭﺷﺎﺣﻲ ﻭﻧﺴﻠﺢ ﻑ ﺟﺎﻛﺘﻲ ﺩﻕ ﺑﺎﺏ ﺷﻘﺘﻨﺎ ﻣﺸﻴﺖ ﻧﻔﺘﺢ
ﻣﺮﻭﺍﻥ .. ﺍﻫﻠﻴﻦ ﻣﻴﺲ
ﺍﻧﺎ .. ﻫﻼ ﻣﺮﻭﺍﻥ ﻛﻴﻒ ﺣﺎﻟﻚ
ﻣﺮﻭﺍﻥ .. ﺍﻟﺤﻤﺪ ﺍﻟﻠﻪ ﻛﻴﻒ ﺣﺎﻟﻚ ﺍﻧﺘﻲ ﻋﻤﺘﻲ ﻭﻳﻦ
ﺍﻧﺎ .. ﺗﻤﺎﻡ ﻛﻮﻳﺴﻪ ﻣﺎﻣﺎ ﻑ ﻣﻄﺒﺦ ﺧﺸﻠﻬﺎ
ﻣﺮﻭﺍﻥ .. ﺍﻫﺎ ﺑﺎﻩ
ﻣﺸﻴﺖ ﺧﺸﻴﺖ ﻧﺪﻭﺵ ﻭﻧﻔﻜﺮ ﻑ ﺭﺣﺎﺏ ﻛﻴﻒ ﻃﺎﻳﺸﻪ ﻭﻣﺎﺗﻔﻜﺮﺵ ﻑ ﻧﺘﺎﺋﺞ ﺑﻜﻞ
" ﺍﻛﻴﺪﻩ ﺩﺧﺘﻮ ﺻﺎﺡ
ﺍﻧﺎ ﺍﺳﻤﻲ ﻣﻴﺲ ﻡ 1996 ﺃﻛﺒﺮ ﻭﺍﺣﺪ ﻑ ﺧﻮﺗﻲ ﻣﻌﺘﺰ ﻡ 1989 ﻭﺑﻌﺪﻫﺎ ﻋﻼﺀ 1990 ﻭﺭﻳﻬﺎﻡ 1993 ﻭﺭﺷﺎ 1995 ﻭﺑﻌﺪﻫﺎ ﺍﻧﺎ ﻭﺭﺣﺎﺏ 1998
ﻣﺎﻣﺎ ﺍﺳﻤﺎﺀ ﻭﺑﺎﺑﺎ ﻋﻤﺮ ﺗﻮﻓﻰ ﺑﻌﺪ ﻣﺎﻣﺎ ﻛﺎﻧﺖ ﺣﺎﻣﻞ ﺑﺮﺣﺎﺏ ﻭﺟﻴﻨﺎ ﻗﻌﺪﻧﺎ ﻑ ﻋﻤﺎﺭﻩ ﻋﻴﺖ ﺟﺪﻱ ﻋﻄﻮﻧﺎ ﺷﻘﻪ ﻭﻋﻤﺎﻣﻲ ﻣﺎﺩﻭﺭﻧﺶ ﻗﻌﺪﻧﺎ ﻣﻊ ﺧﻮﺍﻟﻲ "
" ﻃﻠﻌﺖ ﻣﻦ ﺣﻤﺎﻡ ﻧﻤﺴﺢ ﻑ ﺷﻌﺮﻱ
ﻋﺰﻭ ﻣﺒﺘﺴﻢ .. ﺷﻨﺠﻮ
ﺍﻧﺎ ﺍﺑﺘﺴﻤﺖ .. ﺗﻤﺎﻡ ﻭﺍﻧﺖ
ﻋﺰﻭ .. ﺍﻟﺤﻤﺪﺍﻟﻠﻪ ﺷﻨﻮ ﺟﻮ ﻗﺮﺍﻳﺎ
ﺍﻧﺎ .. ﺗﻤﺎﻡ ﻣﺎﺷﻴﻪ
ﻋﺰﻭ .. ﺷﻦ ﺭﺍﻳﻜﻦ ﺍﻟﻴﻮﻡ ﺧﻤﻴﺲ ﻧﻄﻠﻌﻜﻦ ﻧﺪﻫﻮﺭﻛﻦ
ﺍﻧﺎ .. ﺍﻧﺎ ﺑﻨﺮﻗﺪ ﺍﻟﻴﻮﻡ ﺍﻧﺖ ﺷﻮﻑ ﺑﻨﺎﺕ ﻛﺎﻥ ﻳﺒﻦ
ﻓﺘﺤﺖ ﺑﺎﺏ ﺩﺍﺭﻧﺎ ﻭﻋﺰﻭ ﻭﺭﺍﻳﺎ ﺧﺸﻴﺖ ﻛﺎﻧﺖ ﺭﺣﺎﺏ ﺗﺒﻜﻲ ﺑﻌﺪ ﺧﺶ ﻋﺰﻭ ﻗﻌﺪﺕ ﺗﻤﺴﺢ ﻓﻲ ﺩﻣﻮﻋﻬﺎ
ﻋﺰﻭ .. ﻛﻨﻚ ﺗﺒﻜﻲ
ﺑﺤﺘﺖ ﻓﻴﻬﺎ ﻭﺭﺩﻳﺖ ﻧﻤﺴﺢ ﻑ ﺷﻌﺮﻱ
ﺭﺣﺎﺏ .. ﺑﺎﺑﺎ ﻋﺰﻭ
ﻋﺰﻭ ﺍﺑﺘﺴﻢ .. ﻟﻴﺎ ﻭﺍﺟﺪ ﻋﻠﻴﻬﺎ ﺍﻟﻜﻠﻤﻪ ﻫﺬﻱ
ﻗﻤﻌﺰ ﻉ ﺳﺮﻳﺮﻫﺎ
ﻋﺰﻭ .. ﻛﻨﻚ ﺯﻋﻼﻧﻪ
ﺭﺣﺎﺏ .. ﻟﻮ ﻏﻠﻄﺖ ﺗﺴﺎﻣﺤﻨﻲ
ﻋﺰﻭ .. ﻛﻨﻚ ﺷﻨﻮ ﻓﻲ ﺷﻦ ﺩﺍﻳﺮﻩ
ﺭﺣﺎﺏ .. ﺍﻧﺎ ﺍﺳﻔﻪ ﻣﺎﻛﻨﺶ ﻗﺼﺪﻱ
ﻋﺰﻭ ﺑﺤﺖ ﻓﻴﺎ .. ﻛﻨﻬﺎ
ﺍﻧﺎ .. ﻣﺎﻧﻌﺮﻓﺶ
ﻋﺰﻭ .. ﺗﻌﺎﻟﻲ ﺷﻦ ﻓﻲ
ﺍﻧﺎ .. ﺗﺤﻜﻲ ﺑﺮﻭﺣﻬﺎ ﻋﻨﺪﻫﺎ ﻟﺴﺎﻥ
ﻃﻠﻌﺖ ﻭﺳﻴﺒﺘﻬﻢ ﻭﻣﺸﻴﺖ ﻟﺼﺎﻟﻪ
ﻋﻼﺀ .. ﺑﺎﻫﻲ ﺍﻟﻲ ﺷﻔﻨﺎ ﻭﺟﻚ ﺩﻳﻤﺎ ﻑ ﻫﺎﻟﺪﺍﺭ ﻭﻉ ﻗﺮﺍﻳﺎ
ﺍﻧﺎ .. ﺷﻬﺎﺩﻩ ﺍﻛﻴﺪﻩ ﺑﻨﻘﻌﺪ ﻧﻘﺮﺍ
ﻋﻼﺀ .. ﺑﺎﻫﻲ ﻳﺎ ﺳﺘﻲ ﺑﺎﻟﻨﺠﺎﺡ "
" ﺭﺷﺎ .. ﻣﻊ ﻣﻦ ﺍﻧﺘﻀﺎﺭ
ﻣﺤﻤﺪ .. ﺷﻨﻮ ﺗﺤﻘﻴﻖ ﻭﻻ ﻛﻴﻒ
ﺭﺷﺎ .. ﺍﻓﻬﻤﻬﺎ ﻛﻴﻒ ﻣﺎﺗﺒﻲ ﻣﻊ ﻣﻦ ﺗﺤﻜﻲ ﻣﺤﻤﺪ ﺍﻧﺘﻀﺎﺭﺍﺗﻚ ﻛﺎﺛﺮﺍﺕ ﻛﻨﻚ ﻣﺮﻛﺰ ﻭﻛﺎﻥ ﺳﺎﻟﺖ ﺍﺗﻬﺮﺏ ﻣﻦ ﺍﺟﺎﺑﻪ ﺑﺠﺪ ﻣﺶ ﻭﺿﻊ ﻭﺍﻟﻠﻪ
ﻣﺤﻤﺪ .. ﺭﺷﺮﻭﺷﺘﻲ ﺍﻧﺘﻲ ﻋﺎﺭﻓﻪ ﻃﺒﻌﻲ ﻓﻜﺶ ﻛﺎﻥ ﺑﻨﺨﻮﻧﻚ ﺭﺍﻩ ﻗﻠﺘﻬﺎ ﻟﻜﻲ ﻫﻜﻲ ﻣﺶ ﻣﺘﺤﺸﻢ ﻭﺑﻌﺪﻳﻦ ﻣﺶ ﺟﻮﻱ ﺍﻧﺎ ﻧﻠﻌﺐ ﻉ ﺍﺛﻨﻴﻦ ﻧﻌﻄﻴﻚ ﺍﻧﺘﻲ ﺣﺐ ﻭﻏﺮﺍﻡ ﻭﺣﺘﻰ ﻫﻴﺎ ﻧﻔﺲ ﺷﻲ ﻭﺍﺟﺪ ﺷﺮﻛﻪ ﺻﺎﺡ ﻫﻬﻬﻬﻪ ﻳﺎﻏﺒﻴﻪ ﻣﻌﺶ ﺗﻔﻜﺮﻱ ﻑ ﺣﺎﺟﺎﺕ ﻏﺒﻴﺎﺕ ﺍﻣﺘﺎﻋﻚ
ﺭﺷﺎ ﺗﻨﻬﺪﺕ .. ﺍﻭﻭﻭﻑ ﺍﺣﻤﻴﺪﺍ ﻧﺤﺒﻚ ﺍﻧﺎ
ﻣﺤﻤﺪ .. ﻳﺎﻗﻠﺐ ﺍﺣﻤﻴﺪﺍ ﺍﻧﺘﻲ ﺣﺒﻲ ﺗﻮﺍ ﺧﺸﻮ ﺯﺑﺎﺋﻦ ﺑﻌﺪﻳﻦ ﺷﻮﻱ ﻧﺮﻥ ﻋﻠﻴﻚ ﺍﻓﻄﻨﻲ ﻟﻤﻮﺑﺎﻳﻠﻚ
ﺭﺷﺎ .. ﺍﻫﻤﻢ ﺣﺎﺿﺮ ﺣﺒﻴﺒﻲ ﻭﻟﻠﻪ ﺍﻟﻠﻪ ﻑ ﻋﻴﻮﻧﻚ
ﻣﺤﻤﺪ .. ﻫﻬﻬﻬﻪ ﺣﺎﺿﺮ ﺍﻭﻛﻲ ﺗﻮﺍ
ﺭﺷﺎ .. ﺑﺎﻱ
ﺻﻜﺮﺕ ﻣﻨﻪ ﻭﻧﻔﺘﺢ ﺑﺎﺏ ﻣﺮﺑﻮﻋﻪ
ﻋﻼﺀ .. ﺷﻦ ﺍﺩﻳﺮﻱ ﺍﻧﺘﻲ ﻫﻨﺎ
ﺭﺷﺎ .. ﺍﻩ ﻛﻨﺖ ﻧﺤﻜﻲ ﻣﻊ ﺻﺎﺣﺒﺘﻲ
ﻋﻼﺀ .. ﺑﺎﻫﻲ ﺍﻃﻠﻌﻲ ﺍﺻﺤﺎﺑﻲ ﺟﺎﻳﻦ ﻫﻨﺎ
ﺭﺷﺎ .. ﻳﻴﻴﻲ ﻋﻠﻴﻨﺎ ﻣﻦ ﺍﺻﺤﺎﺑﻚ
ﻋﻼﺀ ﻓﻨﺺ .. ﺟﻮﺍ
ﺭﺷﺎ .. ﺑﺎﺍﺍﺍﻫﻲ
ﺧﺸﻴﺖ ﻟﻤﻄﺒﺦ
ﺍﻧﺎ .. ﻣﺎﻣﺎ ﺷﻨﻮ ﻏﺪﺍﻧﺎ
ﻣﺎﻣﺎ .. ﺭﺯ ﻭﺷﺮﺑﻪ
ﺍﻧﺎ .. ﺍﻫﺎ ﺑﺎﻩ
ﺷﻮﻱ ﻭﺳﻤﻌﺖ ﺻﻮﺕ ﻋﺰﻭ ﻳﺪﻭﻱ ﺑﺼﻮﺕ ﻋﺎﻟﻲ ﻭﺭﺣﺎﺏ ﺗﺒﻜﻲ
ﻣﺎﻣﺎ .. ﺣﻲ ﺷﻦ ﻓﻲ
ﺍﻧﺎ .. ﺗﺴﺘﺎﻫﻞ
ﻣﺎﻣﺎ .. ﻛﻨﻬﺎ ﺷﻦ ﺩﺍﻳﺮﻩ
ﺍﻧﺎ .. ﻣﺎﻣﺎ ﻣﺎﺩﻓﻌﻴﺶ ﻋﻠﻴﻬﺎ ﺍﻳﻮﺍﻩ ﻟﻮ ﻣﺮﻩ ﺑﺲ ﺗﻘﺴﻰ ﻋﻠﻴﻬﺎ ﺣﺘﻌﺮﻑ ﻏﻠﻄﻬﺎ
ﻣﺎﻣﺎ ﻋﺪﺕ ﺗﺠﺮﻱ ﻭﺍﻧﺎ ﻭﺭﺍﻫﺎ
ﻋﺰﻭ .. ﺗﻲ ﺍﻧﺎ ﻓﻴﺶ ﻗﺼﺮﺕ ﻣﻌﺎﻙ ﺍﺍﺍﻩ ﻓﺸﻨﻮ ﻗﻮﻟﻴﻠﻲ ﺗﻲ ﺣﺘﻰ ﻭﻗﺖ ﻧﻘﻌﺪ ﺑﻼ ﻓﻠﻮﺱ ﺗﻘﻮﻟﻴﻠﻲ ﻳﺎﻋﺰﻭ ﻧﺒﻲ ﻧﻌﺪﻱ ﻧﺴﻠﻒ ﻉ ﺧﺎﻃﺮﻙ ﻫﺬﺍ ﻧﻬﺎﻳﺘﻬﺎ ﻳﺎﺭﺣﺎﺏ ﺗﺨﻮﻧﻲ ﺛﻘﻪ ﺗﺼﺎﺣﺒﻲ ﺷﻠﻪ ﻛﻴﻒ ﻫﻜﻲ ﺗﻲ ﻋﻠﻴﺶ ﺑﺲ ﻋﻠﻴﺶ
ﺧﺶ ﻋﻼﺀ
ﻋﻼﺀ .. ﺷﻦ ﺩﺍﻳﺮﻩ ﻣﻦ ﻣﺼﺎﺣﺒﻪ ﺷﻨﻮ ﻓﻲ ﺍﺯﻑ
ﻋﺰﻭ .. ﻣﺶ ﺷﻮﺭﻙ ﻋﻼﺀ ﺍﻃﻠﻊ ﻣﻦ ﻣﻮﺿﻮﻉ ﺧﻼﺹ ﺍﻧﻬﻰ ﻣﻮﺿﻮﻉ ﺍﻧﺘﻬﻰ ﻫﻨﺎ
ﻋﻼﺀ .. ﻻﻻ ﻗﻮﻟﻲ ﺷﻦ ﻓﻲ ﺗﻮﺍ ﻧﻌﺮﻑ ﻛﻴﻒ ﻧﺮﺑﻴﻬﺎ ﺍﻧﺎ ﺍﻟﺤﻴﻮﺍﻧﻪ ﻫﺬﻱ ﺍﻧﺎ ﻋﺎﺭﻑ ﺿﺮﺑﻪ ﺟﺎﻳﺘﻬﺎ ﺟﺎﻳﺘﻬﺎ
ﻋﺰﻭ ﻓﻨﺺ .. ﻋﻼﺍﺍﺍﺍﺍﺀ ﺍﻧﻬﻰ ﻗﻠﺖ ﺍﻧﺎ ﺻﺎﺡ ﻭﻣﻴﻪ ﻣﺮﻩ ﻧﻘﻮﻟﻚ ﺍﻳﺪﻙ ﺭﺩ ﺑﺎﻟﻚ ﺗﻤﺪﻫﺎ
ﻣﺎﻣﺎ .. ﺷﻨﻮ ﻓﻲ
ﻋﺰﻭ .. ﺍﻃﻠﻌﻮ ﻛﻠﻜﻢ ﺗﻘﻌﺪ ﺍﻣﻲ ﻭﻣﻴﺲ ﺑﺲ
ﻃﻠﻌﻮ ﻛﻠﻬﻢ ﻭﺻﻜﺮﻭ ﻟﺒﺎﺏ ﻭﺭﺣﺎﺏ ﻗﻌﺪﺕ ﺣﺎﺿﻨﻪ ﻣﺎﻣﺎ ﻭﺗﺒﻜﻲ
ﻋﺰﻭ .. ﻣﻦ ﺍﻣﺘﻰ ﻣﺼﺎﺣﺒﻪ ﺷﻠﻪ ﻫﺬﻱ
ﺍﻧﺎ .. ﻣﻦ ﺑﺪﺍﻳﻪ ﺳﻨﻪ
ﻋﺰﻭ .. ﻭﻟﻴﺶ ﻣﺎﺗﺤﻜﻲ
ﺍﻧﺎ .. ﻣﺎﻛﻨﺘﺶ ﻧﻌﺮﻑ ﺍﻧﺎ ﺍﻧﻬﺎ ﺷﻠﻪ ﻣﺶ ﺗﻤﺎﻡ
ﺭﺣﺎﺏ ﺗﺒﻜﻲ .. ﻋﺰﻭ ﺍﻧﺎ ..
ﻋﺰﻭ .. ﺍﻧﺘﻲ ﺍﺳﺴﺲ ﻭﻻ ﺻﻮﺕ ﺗﻮﺍ ﻣﻮﺻﻴﻪ ﻉ ﺍﻟﺘﻠﻔﻮﻥ ﻣﺮﻩ ﺃﺧﺮﻯ ﺗﻬﺮﺑﻲ ﺑﺎﻟﻤﺮﻩ ﻭﺗﺼﺎﺣﺒﻲ ﻣﻦ ﻭﺭﺍﻧﺎ
ﺭﺣﺎﺏ .. ﻻ ﻳﺎﻋﺰﻭ ﻣﺶ ﻫﻜﻲ ﺣﺮﺍﻡ ﻋﻠﻴﻚ
ﻋﺰﻭ .. ﺑﻌﺪ ﺩﺭﺗﻴﻬﺎ ﻣﻌﺶ ﻓﻲ ﺗﻠﻔﻮﻥ ﺍﻟﻲ ﻭﺍﻋﺪﻙ ﺑﻴﻪ ﻭﻧﻮﺭﻳﻚ ﻣﻌﺎﻣﻠﻪ ﺷﻦ ﺷﻜﻠﻬﺎ
ﻃﻠﻊ ﻭﺧﺒﻂ ﻟﺒﺎﺏ
ﻣﺎﻣﺎ .. ﺷﻦ ﻓﻲ ﺷﻦ ﺩﺍﻳﺮﻩ
ﺭﺣﺎﺏ .. ﺗﺮﻳﺤﺘﻲ ﺍﻧﺘﻲ ﺗﻮﺍ ﺍﺍﺍﻩ
ﺍﻧﺎ .. ﻧﺒﻲ ﻣﺼﻠﺤﺘﻚ ﺍﻧﺎ
ﺭﺣﺎﺏ .. ﺍﻫﺎ ﻭﺍﺿﺢ ﺑﻜﻞ ﻣﺎﺗﻌﺮﻓﻴﺶ ﺗﺤﻜﻴﻠﻲ ﺍﻧﺎ ﻭﺗﻘﻮﻟﻴﻠﻲ ﺳﻴﺒﻲ ﻳﺎﺭﺣﺎﺏ ﺍﻟﻲ ﺩﻳﺮﻱ ﻓﻴﻪ ﺭﺍﻩ ﻏﻠﻂ ﻣﺎﺗﻌﺮﻓﻴﺶ ﺗﻮﺍ ﺧﻼﺹ
ﻃﻠﻌﺖ ﻭﺳﻴﺒﺘﻬﺎ ﻭﺭﻛﺒﺖ ﻓﻮﻕ ﺳﻄﺎﺡ ﻟﻘﻴﺖ ﻣﺮﻭﺍﻥ ﻳﻜﻠﻢ ﺑﻌﺪ ﺷﺎﻓﻨﻲ ﺻﻜﺮ
ﺍﻧﺎ .. ﺧﻼﺹ ﺧﻠﻴﻚ ﺗﻮﺍ ﻧﻨﺰﻝ
ﻣﺮﻭﺍﻥ .. ﻻ ﺍﺻﻼً ﻛﻤﻠﺖ
ﺍﻧﺎ .. ﺍﻫﺎ
ﻗﻤﻌﺰﺕ ﻉ ﻛﺮﺳﻲ ﻭﻗﻌﺪﺕ ﺳﺎﻛﺘﻪ ﻭﻫﻮ ﻣﺎﺳﻜﻪ ﺗﻠﻔﻮﻧﻪ
ﻣﺮﻭﺍﻥ .. ﻛﻨﻚ
ﺍﻧﺎ .. ﺷﻲ ﺍﻧﺖ ﻛﻨﻚ
ﻣﺮﻭﺍﻥ .. ﺑﻌﺪ ﺗﻀﺎﻳﻘﻲ ﺗﺮﻛﺒﻲ ﻫﻨﺎ ﺍﻧﺘﻲ ﻭﺍﻛﻴﺪﻩ ﺍﻛﻴﺪﻩ ﺭﺣﺎﺏ
ﺍﻧﺎ .. ﺑﺘﺠﻠﻄﻨﻲ
ﻣﺮﻭﺍﻥ .. ﻣﺎﺗﻔﻜﺮﺵ ﻓﻲ ﺷﻲ ﺍﻟﺒﻨﺖ ﻫﺬﻱ ﻣﺶ ﺍﺧﺘﻚ ﺑﺲ ﻏﺒﻴﻪ ﻭﻣﺘﻬﻮﺭﻩ ﻣﺎﺗﻔﻜﺮﺵ ﻑ ﻣﺼﻠﺤﻪ ﺭﻭﺣﻬﺎ ﻳﻌﻨﻲ ﺍﻧﺎ ﺑﺠﺪ ﺧﺎﻳﻒ ﺍﻧﻬﺎ ﺍﺩﻳﺮ ﺷﻲ ﻛﺎﺭﺛﻪ ﻣﻦ ﻭﺭﺍﻛﻢ
ﺍﻧﺎ ﺻﺒﻴﺖ ﻭﻓﻨﺼﺖ .. ﻫﻴﻴﻴﻲ ﺍﻧﺖ ﻣﺎﺗﺤﻜﻴﺶ ﻉ ﺍﺧﺘﻲ ﻫﻜﻲ ﺻﺎﺡ ﻫﻴﺎ ﻃﺎﻳﺸﻪ ﺑﺲ ﻣﺤﺘﺮﻣﻪ ﺳﻤﻌﺖ ﺍﻧﺎ ﻣﺎﻧﺴﻤﺤﺶ ﻟﺤﺪ ﻳﺤﻜﻲ ﻋﻠﻴﻬﺎ ﻫﻜﻲ ﻓﺎﺍﺍﻫﻢ ﺣﺘﻰ ﻟﻮ ﻛﺎﻥ ﻭﻟﺪ ﺧﺎﻟﻲ
ﻭﺑﺮﻣﺖ ﺑﺒﻨﺰﻝ
ﻣﺮﻭﺍﻥ .. ﻣﻴﺲ ﻛﻨﻚ ﻋﺼﺒﺘﻲ ﺍﻧﺎ ﻣﺶ ﻗﺼﺪﻱ ﺣﺎﺟﻪ ﺑﺲ ﺍﻧﺎ ﺧﺎﻳﻒ ﻋﻠﻴﻬﺎ ﻻﻧﻪ ﻛﻴﻒ ﺍﺧﺘﻲ
ﺍﻧﺎ ﺑﺮﻣﺖ .. ﺧﺎﻑ ﻉ ﺍﺧﺘﻚ ﺍﻣﺎ ﻧﺤﻦ ﻋﻨﺪﻧﺎ ﻣﻦ ﻳﺨﺎﻑ ﻋﻠﻴﻨﺎ ﺗﻤﺎﻡ
ﻭﻧﺰﻟﺖ ﻧﺠﺮﻱ ﻓﺘﺤﺖ ﺑﺎﺏ ﺷﻘﺘﻨﺎ ﻭﺧﺸﻴﺖ
ﺭﻳﻬﺎﻡ .. ﻭﻳﻦ ﻛﻨﺘﻲ
ﺍﻧﺎ .. ﻓﻮﻕ
ﺭﻳﻬﺎﻡ .. ﺍﻫﺎ ﺑﺎﻩ ﻗﺘﻠﻚ ﻫﻞ ﺍﺳﺎﻣﻪ ﺟﺎﻳﻦ ﻳﻮﻡ ﺳﺒﺖ ﻧﺒﻲ ﻧﺪﻳﺮ ﻛﻢ ﺣﺎﺟﻪ ﺗﺴﺎﻋﺪﻳﻨﻲ ﺭﺷﺎ ﻓﺘﺘﻨﻲ ﻭﺭﺣﺎﺏ ﻛﻤﻠﺘﻬﺎ ﺑﻜﺎﺀ
ﺍﻧﺎ .. ﺑﺎﻫﻲ ﻋﺎﺩﻱ ﻧﺴﻬﺮ ﺍﻧﺎ ﻭﻳﺎﻙ
ﺭﻳﻬﺎﻡ .. ﻧﺠﻚ ﻟﻴﺎ ﺷﻜﺮﺍً
ﺍﻧﺎ ﺍﺑﺘﺴﻤﺖ ﺑﺸﻮﻳﺎ ﻭﺧﺸﻴﺖ ﻟﺪﺍﺭ ﺭﻗﺪﺕ ﻭﺳﻴﺒﺖ ﺭﺣﺎﺏ ﺗﺒﻜﻲ ﺗﻼﻳﺎ "
" ﻑ ﺍﻟﻌﺸﻴﻪ
ﻃﺎﺭﻕ .. ﻛﻨﻬﻦ ﻋﻴﻮﻧﻚ
ﺭﺣﺎﺏ ﺑﺮﻣﺖ ﻭﺟﻬﺎ .. ﺷﻲ ﻋﺎﺩﻱ ﻣﻦ ﻧﻮﻡ
ﻃﺎﺭﻕ ﻣﺴﻚ ﻭﺟﻬﺎ ﺑﻴﺪﻩ .. ﻻ ﻓﻲ ﻛﺬﺍﺑﻪ ﺍﺣﻜﻲ ﺧﻴﺮﻟﻚ
ﺭﺣﺎﺏ .. ﻃﺎﺭﻕ ﻟﻮ ﺳﻤﺤﺖ ﻣﻌﺶ ﺗﻠﻤﺴﻨﻲ
ﻃﺎﺭﻕ ﻧﺰﻝ ﺍﻳﺪﻩ .. ﺍﺳﻒ ﺑﺲ ﻛﻨﻚ ﺣﺒﻴﺒﺘﻲ ﻣﻦ ﻣﺰﻋﻠﻚ
ﺭﺣﺎﺏ .. ﻣﺶ ﺣﺪ ﻣﺰﻋﻠﻨﻲ ﺑﺲ ﺍﻟﻲ ﺻﺎﺭ ﺍﻧﻲ ﺣﻜﻴﺖ ﻟﻌﺰﻭ ﻋﻠﻲ ﻛﻨﺖ ﺑﻨﺪﻳﺮﻩ
ﻃﺎﺭﻕ .. ﻋﻠﻴﺶ ﺗﺤﻜﻲ
ﺭﺣﺎﺏ .. ﻣﻴﺲ ﻋﺮﻓﺖ ﻭﻗﺎﻟﺖ ﻟﺨﻮﺍﺗﻲ ﻭﻗﻌﺪﻥ ﻳﻬﺰﺑﻦ ﺍﺻﻼً ﻣﻦ ﺍﻭﻝ ﻛﻨﺖ ﻣﺶ ﻣﻘﺘﻨﻌﻪ ﺑﺲ ﺍﻧﺖ ﺍﺻﺮﻳﺖ ﻳﺎ ﻃﺎﺭﻕ ﻗﺘﻠﻚ ﻧﺤﻜﻮﺍ ﻫﻨﺎ ﺑﺲ ﺍﻧﺖ ﻗﻌﺪﺕ ﺗﺰﻥ ﻣﺎﻛﻨﺘﺶ ﻧﺒﻲ ﺍﻧﺪﻳﺮ ﻫﻜﻲ ﻭﺍﻧﺎ ﺿﻤﻴﺮﻱ ﻗﻌﺪ ﻳﺎﻧﺐ ﻓﻴﺎ
ﻃﺎﺭﻕ .. ﺍﻭﻭﻭﻑ ﺑﺎﻫﻲ ﺷﻦ ﻗﺎﻝ ﺿﺮﺑﻚ
ﺭﺣﺎﺏ .. ﻻ ﺑﺲ ﻗﺎﻝ ﻛﻼﻡ ﺧﻼﻧﻲ ﻧﺘﺤﺸﻢ ﺣﺘﻰ ﻧﺒﺤﺖ ﻑ ﻭﺟﻪ ﻭﻗﺎﻝ ﻣﺎﻧﺤﻠﻤﺶ ﺑﻔﻮﻥ ﺍﻟﻲ ﻛﺎﻥ ﺑﻴﺸﺮﻳﻪ ﻟﻴﺎ ﻋﺎﺭﻓﺘﻪ ﺯﻋﻞ ﻣﻨﻲ ﻭﺍﺟﺪ
ﻃﺎﺭﻕ .. ﻣﺎﺗﺰﻋﻠﻴﺶ ﺭﻭﺣﻚ ﺗﻮﺍ ﻳﺮﺿﻰ ﻏﻴﺮ ﻑ ﺍﻭﻝ ﺑﺲ ﻋﺼﺐ
ﺭﺣﺎﺏ .. ﺍﻭﻑ ﺍﻧﺸﺎﺀﺍﻟﻠﻪ
ﻃﺎﺭﻕ .. ﺧﻼﺹ ﺑﻌﺪﻳﻦ ﻧﺤﻜﻮﺍ ﺍﻃﻠﻌﻲ ﺗﻮﺍ
ﺭﺣﺎﺏ .. ﺍﻭﻛﻲ ﺗﻤﺎﻡ
ﻃﻠﻌﺖ ﺭﺣﺎﺏ ﻣﻦ ﺩﺍﺭ
ﻧﺪﻯ .. ﺣﻜﻴﺘﻮ
ﺭﺣﺎﺏ .. ﺍﻫﻤﻢ ﺣﻜﻴﻨﺎ
ﻧﺪﻯ .. ﺷﻦ ﻗﺎﻝ
ﺭﺣﺎﺏ .. ﺷﻦ ﺑﻴﻘﻮﻝ ﻳﻌﻨﻲ ﺷﻲ
ﻧﺪﻯ .. ﺭﺣﺎﺏ ﻧﺼﺤﺘﻚ ﺍﻧﺎ ﺑﺲ ﺍﻧﺘﻲ ﺭﺑﻲ ﻳﻬﺪﻳﻚ
ﺭﺣﺎﺏ .. ﻧﺪﻯ ﺧﻼﺹ ﻭﺗﻬﻴﺎﻟﻲ ﺧﻮﻙ ﻫﻮ
ﻧﺪﻯ .. ﺧﻮﻳﺎ ﺍﻫﺎ ﺑﺲ ﻋﺎﺭﻓﺘﻪ ﺍﻣﺘﺎﻉ ﺑﻨﺎﺕ ﺭﺣﺎﺏ ﺍﻧﺘﻲ ﺻﻐﻴﺮﻩ ﻣﺰﺍﻟﺘﻲ ﻣﺶ ﻋﺎﺭﻓﻪ ﺻﺢ ﻣﻦ ﺍﻟﻐﻠﻂ
ﺭﺣﺎﺏ .. ﺍﻭﻭﻭﻑ ﻧﺪﻯ ﻛﻨﻚ ﺭﺍﻳﺤﻪ ﻫﻜﻲ ﻑ ﺑﺪﺍﻳﻪ ﻋﻼﻗﺘﻨﺎ ﺍﻧﺘﻲ ﺍﻟﻲ ﻛﻨﺘﻲ ﺗﺸﺠﻌﻲ ﻓﻴﺎ ﺷﻨﻮ ﺗﻐﻴﺮ ﺗﻮﺍ ﻳﻌﻨﻲ
ﻧﺪﻯ .. ﺍﻧﺘﻲ ﻣﺶ ﻓﺎﻫﻤﻪ ﺍﺻﻼً ﺣﻴﺠﻴﻚ ﻳﻮﻡ ﻭﺗﻌﺮﻓﻲ ﻣﻌﻨﻰ ﻛﻼﻡ ﻛﻮﻳﺲ
ﺭﺣﺎﺏ .. ﺍﻧﺸﺎﺀ ﺍﻟﻠﻪ ﻣﺎﻳﺠﻴﺶ ﺍﻟﻴﻮﻡ ﻫﺬﺍ؛؛ ﺍﻧﺎ ﺭﺍﻛﺒﻪ ﺗﻮﺍ
ﻧﺪﻯ .. ﺑﺎﻩ "
" ﻳﻮﺳﻒ .. ﺗﻲ ﻛﻨﻚ ﻳﺎﺭﺍﺟﻞ ﻣﻦ ﺟﻴﺖ ﻭﺍﻧﺖ ﺿﺎﺭﺏ ﻛﺎﺋﺒﻪ ﻭﻗﺮﻳﺐ ﺗﺒﻜﻲ
ﻋﺰﻭ .. ﺷﻲ ﻓﻮﺗﻨﻲ ﻋﺎﺩﻱ
ﻳﻮﺳﻒ .. ﻣﺘﻌﺎﺭﻙ ﻣﻊ ﺍﻣﻴﺮﻩ
ﻋﺰﻭ .. ﻻ
ﻳﻮﺳﻒ .. ﻣﻌﻨﺎﻫﺎ ﺣﺎﺟﻪ ﻑ ﺣﻮﺵ ﻳﺎﺭﺍﺟﻞ ﻭﻟﺪ ﺧﺎﻟﻚ ﺍﻧﺎ ﻭﺳﺮﻙ ﺩﻳﻤﺎ ﻋﻨﺪﻱ ﻛﻨﻚ ﺷﻦ ﻓﻲ
ﻋﺰﻭ .. ﺍﻭﺳﻴﻔﻪ ﺍﻋﺬﺭﻧﻲ ﻫﺎﻟﻤﺮﻩ
ﻳﻮﺳﻒ .. ﺍﻭﻛﻲ ﺑﺮﺍﺣﺘﻚ ﻭﺍﻣﺘﻰ ﻣﺎﺑﺘﺤﻜﻲ ﺍﻧﺎ ﻗﺎﻋﺪ
ﻋﺰﻭ .. ﻣﺎﺗﻘﺼﺮ ﻭﺍﻟﻠﻪ ﻋﺎﺭﻓﻚ ﺍﺻﻠﻲ
ﺧﺶ ﺳﻔﻴﺎﻥ .. ﺍﻭﻭﻭﻭﻭ ﺍﻧﺘﻮ ﻫﻨﺎ
ﻳﻮﺳﻒ .. ﻛﺒﺒﺒﺴﻪ ﺗﻌﺎﻝ ﻫﻨﺎ ﻳﺎﺣﻴﻮﺍﻥ ﺍﺍﻩ ﻛﻨﻚ ﻣﺎﻓﺘﺤﺖ ﺻﺒﺢ
ﺳﻔﻴﺎﻥ .. ﻭﺍﻟﻠﻪ ﺷﻦ ﻧﻘﻮﻟﻚ ﻛﺎﻥ ﻋﻨﺪﻱ ﻣﻮﻋﺪ
ﻋﺰﻭ .. ﺍﻣﺘﻰ ﻋﻤﺮﻫﻦ ﻛﻤﻠﻦ ﻣﻮﺍﻋﻴﺪﻙ ﺍﻧﺖ
ﺳﻔﻴﺎﻥ .. ﺗﻲ ﻋﻴﺸﻮ ﻟﺤﻈﻪ ﻳﺎﺭﺍﺟﻞ ﻣﺶ ﺍﻧﺖ ﻣﺎﺳﻚ ﻑ ﺍﻣﻴﺮﺗﻚ ﻭﻋﺰﻭﺯﺗﻲ ﻣﺒﺮﺩﻛﻢ ﻭﻻ ﺍﻧﺖ ﺛﺎﻧﻲ ﻣﻮﺩﻩ ﻭﻣﻮﺩﻩ ﻳﺎ ﺭﺍﺟﻞ ﻋﻠﻴﻚ ﻟﺼﻘﻪ ﻛﻴﻒ ﻣﺘﺤﻤﻞ ﺗﻘﻌﺪ ﻉ ﻣﺮﺍﺗﻚ ﺑﺲ ﻛﺎﻥ ﺍﻧﺎ ﺭﺍﻩ ﺿﺮﺑﻬﺎ ﺛﺎﻧﻴﻪ
ﻳﻮﺳﻒ .. ﺷﻦ ﻋﺮﻓﻚ ﻑ ﺍﻟﺤﺐ ﺍﻧﺖ ﺍﺳﻜﺖ ﺍﻟﻨﺒﻲ
ﻣﺮﻭﺍﻥ .. ﺧﻴﺮﺭ ﻳﺎ ﺟﻤﺎﻋﻪ
ﺳﻔﻴﺎﻥ .. ﺟﺎﺀ ﻃﺎﻟﺐ ﺍﻟﻌﻠﻢ ﻋﺎﺩ ﺗﻮﺍ ﺷﻨﻮ ﻳﺤﺰﻫﺎ
ﻣﺮﻭﺍﻥ .. ﺻﻜﺮ ﻓﻤﻚ ﻳﺎﺯﻳﺮ ﺍﻟﻨﺴﺎﺀ
ﺳﻔﻴﺎﻥ .. ﺗﻲ ﻭﺣﻘﺮﺑﻲ ﻧﻘﻌﺪ ﺯﻳﺮ ﻧﺴﺎﺀ ﺧﻴﺮ ﻣﺎ ﻧﻘﻌﺪ ﻃﺎﻟﺐ ﻋﻠﻢ
ﻣﺮﻭﺍﻥ .. ﺍﺳﻜﺖ ﻳﺎﻓﺎﺷﻞ ﺗﻨﺠﺢ ﺑﺪﻑ
ﺳﻔﻴﺎﻥ .. ﻉ ﻣﻬﻢ ﻧﻨﺠﺢ ﻣﺶ ﺷﻮﺭﻙ
ﻣﺮﻭﺍﻥ .. ﻏﻴﺮ ﻧﺒﻲ ﻣﺼﻠﺤﻪ ﻛﺎﻥ ﻫﺬﺍ ﺭﺩﻳﺖ ﺗﻌﺎﻝ ﻧﺒﻴﻚ
ﻳﻮﺳﻒ .. ﺍﻭﻭﻭﻭﻭﻭ ﺃﺳﺮﺍﺭ ﻋﻠﻴﻨﺎ ﻭﻻ ﺳﻔﻴﺎﻥ ﻭﻣﺮﻭﺍﻥ ﺃﺧﺮﻯ
ﻣﺮﻭﺍﻥ .. ﺗﻲ ﻫﻴﺎ ﺗﻌﺎﻝ ﺍﺯﻑ
ﺳﻔﻴﺎﻥ .. ﻭﺭﺍﻙ "
" ﻑ ﻟﻴﻞ ﻗﺎﻋﺪﻩ ﻑ ﺳﺮﻳﺮﻱ ﻭﺳﺎﻛﺘﻪ ﻭﺧﻮﺍﺗﻲ ﻳﻬﺪﺭﺯﻥ ﺗﻼﻳﺎ
ﺭﺣﺎﺏ .. ﻣﻴﺲ
ﺍﻧﺎ .. ﻫﻤﻢ
ﺭﺣﺎﺏ .. ﻋﺎﺩﻱ ﻧﺠﻲ ﺗﻼﻙ ﻧﺮﻗﺪ
ﺍﻧﺎ ﺑﺮﻣﺖ ﺑﺤﺘﺖ ﻓﻴﻬﺎ .. ﺗﻌﺎﻟﻲ
ﺟﺘﻨﻲ ﺗﺠﺮﻱ ﺭﻓﻌﺖ ﺍﻟﻐﻄﺎﺀ ﻭﺧﺸﺖ ﻣﻌﺎﻳﺎ
ﺭﺣﺎﺏ .. ﺍﺣﻀﻨﻴﻨﻲ
ﺍﻧﺎ .. ﺍﻱ ﺍﻭﻭﻭﻑ ﻣﻨﻚ ﺍﻧﺘﻲ
ﺭﻓﻌﺖ ﺍﻳﺪﻱ ﻭﺧﺸﺖ ﻑ ﺻﺪﺭﻱ
ﺭﻳﻬﺎﻡ .. ﻛﻨﻜﻦ
ﺭﺷﺎ .. ﻏﻼ ﺯﺍﻳﺪ ﻧﺎﺯﻝ
ﺍﻧﺎ .. ﺍﺳﺴﺲ ﺍﻧﺘﻦ
ﺭﺷﺎ .. ﺟﻌﺎﻧﻪ ﺭﺍﻩ ﺍﻧﺎ
ﺭﺣﺎﺏ .. ﻭﺭﺃﺱ ﺭﺷﺮﻭﺷﻪ ﺗﺼﺒﻲ ﺩﻳﺮﻧﺎ ﺣﻠﻴﺐ ﻭﺷﺎﻫﻲ
ﺭﻳﻬﺎﻡ ﻗﻌﺪ ﺗﻠﻔﻮﻥ ﻳﺮﻥ .. ﺍﺷﺸﺶ ﺍﺳﺎﻣﻪ ﺍﻧﺎ ﻣﺎﻧﺒﻴﺶ ﺷﻲ ﻭﻣﺎﺗﺤﻜﻮﺵ ﻣﻌﺎﻳﺎ
ﺍﻧﺎ .. ﺧﺰﻱ ﻳﺎﺧﻮﺍﻓﻪ
ﺭﻳﻬﺎﻡ .. ﺍﺳﺲ ﺍﻧﺘﻲ ﻳﺎﻧﻜﺪ
ﺭﺷﺎ .. ﻛﻠﻪ ﺍﻧﺎ ﻃﺎﻟﻌﻪ ﺑﻨﺪﻳﺮ ﺣﺎﺟﻪ ﻧﺎﻛﻠﻬﺎ
ﻃﻠﻌﺖ ﺭﺷﺎ ﻭﺭﻳﻬﺎﻡ ﺗﺤﺖ ﻭﺭﻏﺎﻥ ﺗﺤﻜﻲ
ﺭﺣﺎﺏ .. ﻣﻴﺴﻮ ﺯﻋﻼﻧﻪ ﻣﻨﻲ
ﺍﻧﺎ .. ﺭﺣﺎﺏ ﻣﻌﺶ ﺍﺩﻳﺮﻱ ﺷﻲ ﻣﻦ ﻭﺭﺍﻳﺎ ﺑﺠﺪ ﺯﻋﻠﺘﻴﻨﻲ ﺭﺍﻩ
ﺭﺣﺎﺏ .. ﺍﺳﻔﻪ ﻣﻌﺶ ﻧﺪﻳﺮ ﺷﻲ ﻣﻦ ﻭﺭﺍﻛﻢ؛؛ﺑﺎﻩ ﺍﺣﻜﻲ ﻣﻊ ﻋﺰﻭ
ﺍﻧﺎ .. ﺧﻠﻴﻪ ﻓﺘﺮﻩ ﻫﺬﻱ ﺗﻮﺍ ﺑﺮﻭﺣﻪ ﻳﺮﻭﻕ ﺍﻛﻴﺪﻩ ﻭﺟﻌﺎﺗﻪ ﻣﻨﻚ ﻻﻧﻪ ﻣﻌﺘﺒﺮ ﺍﻧﻪ ﻣﺮﺑﻴﻚ
ﺭﺣﺎﺏ .. ﺍﻭﻭﻭﻑ ﺧﺎﻳﻔﻪ ﻧﺤﻜﻲ ﻣﻌﺎﻩ ﻳﻌﺼﺐ ﻋﻠﻴﺎ
ﺍﻧﺎ .. ﻣﺎﻗﺘﻠﻚ ﺧﻠﻴﻪ ﺗﻮﺍ "
" ﻳﻮﺳﻒ .. ﻣﻮﺩﻱ
ﻣﻮﺩﻩ .. ﺗﺆ ﻫﻤﻢ ﻛﻨﻚ
ﻳﻮﺳﻒ .. ﺧﻼﺹ ﺳﺎﺩﻙ ﺯﻋﻞ ﺻﺎﺡ
ﻣﻮﺩﻩ ﻏﻄﺖ ﻭﺟﻬﺎ ﺑﺎﻟﻔﻮﻃﻪ .. ﺑﻨﺮﻗﺪ
ﻳﻮﺳﻒ ﻗﺮﺏ ﻣﻨﻬﺎ ﻭﺣﻀﻨﻬﺎ ﻣﻦ ﻻﻭﺭﻩ .. ﺣﺒﻴﺒﺘﻲ ﻋﺎﺩ ﺍﻓﺮﺩﻳﻬﺎ ﺍﻧﺘﻲ ﻛﻨﺘﻲ ﻏﻠﻄﺎﻧﻪ ﻳﻌﻨﻲ ﻭﺭﺩﺓ ﻓﻌﻠﻲ ﻛﺎﻧﺖ ﻋﺎﺩﻳﻪ
ﻣﻮﺩﻩ .. ﻫﺌﻪ ﻣﺶ ﻋﺎﺩﻳﻪ ﻣﺶ ﻟﺪﺭﺟﻪ ﻣﺎﺗﺤﻜﻴﺶ ﻣﻌﺎﻳﺎ ﺍﺳﺒﻮﻉ ﻭﻃﻨﺶ ﻭﻣﺎﺗﺨﻠﻴﺶ ﻓﻴﺎ ﻧﻨﺰﻝ ﻟﻬﻠﻚ
ﻳﻮﺳﻒ ﺑﺎﺱ ﺭﻗﺒﺘﻬﺎ .. ﺑﺎﻩ ﻳﻌﻨﻲ ﺍﻟﻲ ﺩﺭﺗﻴﻪ ﻣﺶ ﻏﻠﻂ ﻳﻌﻨﻲ ﺗﻌﻠﻰ ﺻﻮﺗﻚ ﻗﺪﺍﻣﻬﻢ ﻛﻠﻬﻢ ﻭﻣﺎﺗﺤﺘﺮﻣﻴﺶ ﻭﺟﻮﺩﻱ ﻗﺪﺍﻣﻬﻢ ﻧﺰﻟﺘﻲ ﻣﻦ ﻗﻴﻤﺘﻲ ﻗﺪﺍﻡ ﻫﻠﻲ
ﻣﻮﺩﻩ .. ﺍﺳﻔﻪ ﺍﻧﺎ ﻣﺶ ﻗﺼﺪﻱ ﺍﻭﻓﻲ ﺑﺲ ﺯﻋﻼﻧﻪ ﺍﻧﺎ
ﺑﺮﻣﻬﺎ ﻭﻫﻴﺎ ﺗﺒﺤﺖ ﻟﻮﻃﻪ
ﺣﻂ ﺍﻳﺪﻩ ﺗﺤﺖ ﺣﻨﻜﻬﺎ ﻭﺭﻓﻌﻪ
ﻳﻮﺳﻒ ﺍﺑﺘﺴﻢ ﻭﻣﺴﻚ ﺧﺸﻤﻬﺎ .. ﺧﻼﺹ ﻳﺎﺯﻋﺎﻟﻪ ﻣﺸﻜﻠﻪ ﻭﻋﺪﺕ ﻑ ﺣﺎﻟﻬﺎ ﺍﻧﺎ ﻣﻌﺶ ﻧﻘﺴﻰ ﻟﻬﺪﺭﺟﻪ ﻭﺍﻧﺘﻲ ﺍﺣﺘﺮﻣﻲ ﻭﺟﻮﺩﻱ ﻭﻣﻌﺶ ﺗﻐﻠﻄﻲ
ﻣﻮﺩﻩ .. ﻋﺎﺩ ﻣﺶ ﺭﺳﻮﻟﻪ ﺍﻧﺎ ﻻﺯﻡ ﻧﻐﻠﻂ
ﻳﻮﺳﻒ ﻗﺮﺏ ﻭﻋﺾ ﺧﺪﻫﺎ .. ﺍﺍﺍﻩ ﻳﺎﻣﺠﺮﻣﻪ ﺍﻧﺘﻲ
ﻣﻮﺩﻩ .. ﺍﻭﻓﻲ ﻧﻮﺭﻳﻚ ﺣﺎﺟﻪ
ﻳﻮﺳﻒ .. ﺷﻨﻮ ﻳﺎ ﻋﻴﻮﻥ ﺍﻭﻓﻲ
ﻣﻮﺩﻩ ﺣﻮﻟﺖ ﺍﻟﻔﻮﻃﻪ ﻭﻛﺎﻧﺖ ﻻﺑﺴﻪ ﺭﻭﺏ ﺣﻠﻮ ﻭﻧﺎﻋﻢ
ﻳﻮﺳﻒ ﺍﺑﺘﺴﻢ .. ﺗﻴﻴﻴﻲ ﺍﺣﺤﺤﺢ ﺩﺍﻳﺮﻩ ﺟﻮﻙ ﻳﺎﻓﺮﺧﻪ
ﺟﺎﺀ ﻓﻮﻗﻬﺎ ﻭﻗﺮﺏ ﺑﺎﺱ ﻓﻤﻬﺎ ﻭﻭﻭﻭﻭﻭﻭ "
" ﺛﺎﻧﻲ ﻳﻮﻡ ﻓﺘﺤﺖ ﻋﻴﻮﻧﻲ ﻟﻘﻴﺖ ﺭﺣﺎﺏ ﻣﺰﺍﻝ ﺭﺍﻗﺪﻩ ﺗﻼﻳﺎ ﻭﻧﺴﻤﻊ ﻓﻲ ﺻﻮﺗﻬﻢ ﺑﺮﺍ ﻳﻔﻄﺮﻭ
ﺳﺤﺒﺖ ﺭﻭﺣﻲ ﺑﺸﻮﻳﺎ ﻭﻃﻠﻌﺖ ﻧﺤﻚ ﻑ ﻋﻴﻮﻧﻲ
ﺍﻧﺎ .. ﺻﺒﺎﺡ ﺍﻟﺨﻴﺮ
ﻣﺎﻣﺎ .. ﺻﺒﺎﺡ ﺍﻟﻨﻮﺭ ﺍﻣﺸﻲ ﺧﺸﻲ ﻟﺤﻤﺎﻡ ﻭﺗﻌﺎﻟﻲ ﺧﺒﺰﻩ ﺳﺎﺧﻨﻪ ﺗﻬﺒﻞ
ﻋﺰﻭ ﻗﻌﺪ ﻳﺎﻛﻞ ﻑ ﻧﺺ .. ﺗﻘﺮﻣﺶ ﺗﻘﺮﻣﺶ ﺍﻣﻤﻢ
ﺍﻧﺎ .. ﺧﺰﻱ ﺭﺍﺍﺍﺟﻮﻭﻭ
ﻋﻼﺀ ﻳﻀﺤﻚ .. ﺑﻨﻜﻤﻞ ﻋﻠﻴﻚ ﺭﺍﺍﺍﻫﻮ
ﺟﻴﺖ ﻧﺠﺮﻱ ﻭﻧﻄﻴﺖ ﻉ ﺿﻬﺮﻩ
ﺍﻧﺎ ﻧﻀﺤﻚ .. ﺳﻴﻴﻴﻴﺐ
ﺭﻳﻬﺎﻡ .. ﻫﻬﻬﻬﻪ ﻛﺴﺮﺗﻲ ﺍﻟﻌﻴﻞ ﺣﻲ ﻋﻠﻴﻚ ﻳﺎ ﻣﺎﻣﺎ ﺍﻟﻌﻴﻞ ﻋﺪﺍ ﻓﻴﻬﺎ
ﻋﺰﻭ .. ﻫﻬﻬﻬﻬﻪ ﺧﻼﺹ ﺳﻴﺒﻴﻪ ﺗﻮﺍ ﻧﻤﺴﻜﻠﻚ ﺍﻧﺎ ﻭﺣﺪﻩ
ﺍﻧﺎ .. ﻫﻬﻬﻬﻪ ﺑﺎﻩ ﻭﻋﺪ
ﻋﺰﻭ .. ﻭﻋﺪ ﻳﺎ ﻫﺒﻠﻪ
ﻛﺮﻳﺖ ﺷﻌﺮ ﻋﻼﺀ ﻭﻋﺪﻳﺖ ﻧﺠﺮﻱ ﻟﺤﻤﺎﻡ
ﺭﺷﺎ .. ﻋﺒﻴﻄﻪ
ﺷﻮﻱ ﻭﻃﻠﻌﺖ ﺟﻴﺖ ﻗﻤﻌﺰﺕ ﺗﻼ ﻣﺎﻣﺎ
ﻣﺎﻣﺎ .. ﺷﻦ ﺗﺒﻲ ﻧﺪﻳﺮﻟﻚ
ﺍﻧﺎ .. ﺍﻣﻤﻢ ﻧﺺ ﺗﻦ ﻭﻫﺮﻳﺴﻪ ﻛﺜﺮﻳﻴﻬﺎﺍ ﻭﺣﻠﻴﺐ ﻭﺷﺎﻫﻲ ﻳﻤﻲ
ﻋﺰﻭ .. ﺍﻣﺘﺤﺎﻧﺎﺗﻚ ﻗﺮﺑﻦ
ﺍﻧﺎ .. ﻳﺐ ﻣﺰﺍﻝ ﻋﻠﻴﻬﻦ ﺍﺳﺒﻮﻉ ﺑﺲ
ﻋﺰﻭ .. ﺑﺎﻫﻲ ﺍﻧﺸﺎﺀ ﺍﻟﻠﻪ ﺑﺎﻟﻨﺠﺎﺡ
ﺍﻧﺎ .. ﺍﻧﺸﺎﺀﺍﻟﻠﻪ
ﻋﻼﺀ .. ﺗﻲ ﺍﻛﻴﺪﻩ ﻋﺎﺩ ﺗﻨﺠﺢ ﻫﺬﻱ ﺍﻣﺘﺎﻉ ﺍﻟﻌﻠﻢ
ﺍﻧﺎ ﻛﺸﺨﺖ .. ﻗﻮﻝ ﻣﺸﺎﺀﺍﻟﻠﻪ ﺭﺍﻩ ﻧﺴﻘﻂ ﺑﺲ
ﻋﻼﺀ .. ﻣﺎ ﺣﺘﻰ ﺳﻘﻄﺘﻲ ﻳﻌﻨﻲ
ﺍﻧﺎ .. ﺧﻤﺴﺴﺴﻪ ﻑ ﻋﻴﻮﻧﻚ
ﻣﺎﻣﺎ .. ﻻﺯﻡ ﻣﻦ ﻫﺮﺟﻪ ﺍﻧﺘﻢ ﺍﻫﻤﺪﻭ
ﺭﺷﺎ .. ﺍﻣﻲ ﺷﻦ ﻏﺪﺍﺀ
ﻋﺰﻭ .. ﺑﺪﻻ ﻣﺎﺗﺨﺸﻲ ﺍﻧﺘﻲ ﺍﻃﻴﺒﻲ
ﺭﺷﺎ .. ﻣﺰﺍﻟﺖ ﺻﻐﻴﺮﻩ
ﻋﺰﻭ .. ﻻ ﻣﺎﺻﻐﻴﺮﻩ ﻟﻌﻨﺪ ﺍﻣﺲ ﺟﻮﻙ ﺧﻄﺎﺏ ﻭﺧﻼﺹ ﺑﻨﻌﻄﻴﻚ
ﺭﺷﺎ ﻏﺼﺖ ﻑ ﻧﺺ .. ﻧﻌﻢ ﺧﻄﺎﺏ ﺷﻨﻮ ﺩﻭﺗﻬﻢ ﻫﺬﻱ
ﻋﺰﻭ ﺷﺮﺏ ﺣﻠﻴﺐ ﻭﻧﺰﻝ ﻃﺎﺳﻪ .. ﺷﻨﻮ ﺷﻦ ﺩﻭﺗﻬﻢ ﺧﻄﺎﺏ ﻳﻌﻨﻲ
ﺭﺷﺎ .. ﻣﺶ ﻣﻮﺍﻓﻘﻪ ﺍﻫﻲ ﻣﻴﺲ ﺗﻼﻙ ﻋﻄﻴﻬﺎ
ﺍﻧﺎ .. ﻛﻨﻚ ﺍﻧﺘﻲ ﺷﻨﻮ ﻋﻄﻴﻬﺎ ﻫﺬﻱ ﺍﻧﺎ ﻣﺰﺍﻟﺖ ﻧﻘﺮﺍ
ﻋﺰﻭ .. ﻫﻬﻬﻬﻪ ﻧﺒﺼﺮ ﻣﻌﺎﻙ ﺍﻛﻴﺪﻩ ﺑﻨﺎﺧﺬ ﺭﺍﻳﻚ ﻳﻌﻨﻲ
ﺭﺷﺎ .. ﻓﺠﻌﺘﻨﻲ ﻭﺍﻟﻠﻪ
ﻋﻼﺀ .. ﻭﺍﻧﺘﻲ ﺍﻣﺘﻰ ﻋﺮﺳﻚ ﺍﻧﺸﺎﺀ ﺍﻟﻠﻪ
ﺭﻳﻬﺎﻡ .. ﺑﺎﻟﻚ ﻗﺎﻋﺪﻩ ﻉ ﻗﻠﺒﻚ
ﻣﺎﻣﺎ .. ﺻﺒﻦ ﺍﻧﺘﻦ ﺍﻟﻲ ﻋﻨﺪﻫﺎ ﺣﺎﺟﻪ ﺍﺩﻳﺮﻫﺎ ﻣﺶ ﺗﻨﺎﻗﺮﻥ ﻗﺎﻋﺪﺍﺕ
ﺍﻧﺎ .. ﺍﻧﺎ ﻣﻌﺎﻙ ﻑ ﻣﻄﺒﺦ ﺍﻟﻴﻮﻡ
ﻣﺎﻣﺎ .. ﺑﺎﻩ ﺻﺒﻲ ﻫﻴﺎ
ﺻﺒﻴﻨﺎ ﻟﻤﻴﻨﺎ ﺻﻔﺮﻩ ﺍﻧﺎ ﻭﺑﻨﺎﺕ ﻭﺧﺸﻴﺖ ﻣﻊ ﻣﺎﻣﺎ ﻑ ﻣﻄﺒﺦ "
" ﺭﺣﺎﺏ .. ﺍﻧﺎ ﻧﺎﺯﻟﻪ ﻟﻮﻃﻪ
ﺭﺷﺎ .. ﺭﺍﺟﻴﻨﻲ ﺣﺘﻰ ﺑﻨﻨﺰﻝ ﻧﺒﻲ ﻧﺪﻯ
ﺭﺣﺎﺏ .. ﺑﺎﻩ ﻫﻴﺎ ﺑﺴﺮﻋﻪ
ﺍﻧﺎ .. ﻭﺍﻧﺘﻲ ﻋﻨﺪ ﻣﻦ ﻧﺎﺯﻟﻪ
ﺭﺣﺎﺏ .. ﻧﺒﻲ ﺳﻔﻴﺎﻥ ﺍﻧﺎ
ﺍﻧﺎ .. ﺷﻦ ﺗﺒﻲ ﻓﻴﻪ
ﺭﺣﺎﺏ .. ﺍﻣﺲ ﺣﻄﻴﺖ ﻋﻨﺪﻩ ﻛﺘﺎﺑﻲ ﻳﺘﺮﺟﻤﻠﻲ ﻑ ﻗﻄﻌﻪ
ﺍﻧﺎ .. ﺍﻫﺎ
ﻧﺰﻟﻦ ﻫﻨﺎ ﺍﺛﻨﻴﻦ ﻟﻮﻃﻪ
" ﻃﺒﻌﺎً ﻋﻨﺪﻧﺎ ﺧﺎﻟﻴﻦ ﺑﺲ
ﺧﺎﻟﻲ ﻋﺒﺪﺍﻟﻠﻪ ﻫﺬﺍ ﺍﻟﻜﺒﻴﺮ ﻋﻨﺪﻩ ﻳﻮﺳﻒ ﻡ 85 ﻭﻃﺎﺭﻕ 90 ﻭﻣﺮﻭﺍﻥ 94 ﻭﻧﺪﻯ 95
ﻭﺧﺎﻟﻲ ﻓﺘﺤﻲ ﻋﻨﺪﻩ ﺳﻔﻴﺎﻥ 90 ﻭﺍﺭﻭﻯ 93 ﻭﻣﻨﺎﺭ 94
ﻭﻣﺎﻣﺎ ﺍﺧﺘﻬﻢ ﺍﻟﻮﺣﻴﺪﻩ ﻭﻋﻤﺎﺭﻩ ﻫﻴﺎ ﻋﻤﺎﺭﻩ ﻋﻴﺖ ﺟﺪﻱ ﻟﻮﻃﻪ ﺣﻮﺵ ﺟﺪﻱ ﻭﻓﻮﻕ ﻣﻨﻬﺎ ﺣﻮﺵ ﺧﺎﻟﻲ ﻋﺒﺪﺍﻟﻠﻪ ﻭﺧﺎﻟﻲ ﻓﺘﺤﻲ ﻭﺑﻌﺪﻫﺎ ﺷﻘﺘﻨﺎ ﻧﺤﻦ ﻭﻣﻘﺎﺑﻞ ﺷﻘﻪ ﻳﻮﺳﻒ "
" ﺩﻕ ﺑﺎﺏ ﻭﺻﺒﻴﺖ ﻓﺘﺤﺖ ﺍﻧﺎ
ﻣﻮﺩﻩ .. ﺧﻴﺮﺍﺕ
ﺍﻧﺎ .. ﺧﻴﺮ ﻛﻴﻒ ﺣﺎﻟﻚ ﺗﻔﻀﻠﻲ
ﻣﻮﺩﻩ .. ﺯﻳﺪ ﻓﻀﻠﻚ ﻋﻤﺘﻲ ﻗﺎﻋﺪﻩ
ﺍﻧﺎ .. ﺍﻫﺎ ﻗﺎﻋﺪﻩ
ﻣﺎﻣﺎ .. ﺧﻴﺮ ﻳﺎﻣﻮﺩﻩ ﻛﻴﻒ ﺣﺎﻟﻚ ﻭﻛﻴﻒ ﺣﺎﻝ ﻳﻮﺳﻒ
ﻣﻮﺩﻩ .. ﻛﻮﻳﺴﻪ ﻛﻴﻒ ﺣﺎﻟﻜﻢ ﺍﻧﺘﻢ
ﺍﻧﺎ ﻧﺴﺤﺒﺖ ﻭﻣﺸﻴﺖ ﻟﻤﻄﺒﺦ ﻧﺪﻳﺮ ﻑ ﻗﻬﻮﺀ ﻭﺟﻴﺖ ﻧﻘﺪﻡ
ﻣﻮﺩﻩ .. ﻋﻠﻴﺶ ﺗﻌﺒﻲ ﻑ ﺭﻭﺣﻚ ﻳﺎﺣﻨﻪ ﺍﻧﺎ ﺷﻮﻳﺎ ﻭﺑﻨﻌﺪﻱ ﻏﻴﺮ ﺟﺎﻳﺎ ﻧﺒﻲ ﻧﺤﻜﻲ ﻟﻲ ﺍﻣﻚ ﻣﻮﺿﻮﻉ
ﻣﺎﻣﺎ .. ﺧﻴﺮ ﺍﻧﺸﺎﺀ ﺍﻟﻠﻪ
ﻣﻮﺩﻩ .. ﺧﻠﻴﻚ ﻳﺎﻣﻴﺲ ﻣﻮﺿﻮﻉ ﻳﺨﺼﻚ
ﺍﻧﺎ ﺷﻴﺮﺕ ﻉ ﺭﻭﺣﻲ .. ﻳﺨﺼﻨﻲ ﺍﻧﺎ
ﻣﻮﺩﻩ .. ﺍﻫﺎ ﺍﻧﺸﺎﺀ ﺍﻟﻠﻪ
ﻣﺎﻣﺎ .. ﺷﻨﻮ ﻳﺎﻣﻮﺩﻩ
ﻣﻮﺩﻩ .. ﺑﺼﺮﺍﺣﻪ ﻳﺎﻋﻤﺘﻲ ﻭﻟﺪ ﺧﺎﻟﻲ ﻳﺪﻭﺭ ﻑ ﻋﺮﻭﺳﻪ ﻭﺍﻣﻪ ﻛﺎﻥ ﺗﺬﻛﺮﻱ ﺑﻌﺪ ﺟﺘﻨﻲ ﺷﻔﺎﺗﻚ ﻭﻗﺘﻠﻬﺎ ﺻﻐﻴﺮﻩ ﻣﺰﺍﻟﺖ ﻭﻟﻌﻨﺪ ﺗﻮﺍ ﻣﺰﺍﻝ ﻣﺎ ﺣﺼﻠﺖ ﻋﺮﻭﺱ ﻗﻠﺖ ﻧﺪﻭﻳﻠﻚ ﻭﺍﻧﺘﻢ ﺷﺎﻭﺭ ﺑﺲ ﺑﺼﺮﺍﺣﻪ ﻫﻮ ﻣﺸﺎﺀﺍﻟﻠﻪ ﻋﻠﻴﻪ ﻣﺶ ﺷﻜﻴﺮﻩ ﻓﻴﻪ ﻉ ﺳﺒﻪ ﻭﻟﺪ ﺧﺎﻟﻲ ﺑﺲ ﺍﻟﺤﻖ ﻳﻨﻘﺎﻝ
ﺍﻧﺎ ﻗﻌﺪﺕ ﺳﺎﻛﺘﻪ ﻭﻧﺒﺤﺖ
ﻣﺎﻣﺎ .. ﻭﺍﻟﻠﻪ ﻣﺎﻧﻲ ﻋﺎﺭﻓﻪ ﻳﺎﺧﻴﻪ ﻣﺰﺍﻝ ﺻﻐﻴﺮﻩ ﻧﺸﺎﻭﺭﻭ ﻭﻧﺮﺩ ﻋﻠﻴﻚ
ﻣﻮﺩﻩ .. ﺍﻧﺸﺎﺀ ﺍﻟﻠﻪ ﻣﺎﻧﻌﻄﻠﺶ ﻋﻠﻴﻚ ﺗﻮﺍ
ﻃﻠﻌﺖ ﻣﻮﺩﻩ ﻭﻣﺎﻣﺎ ﺑﺤﺘﺖ ﻓﻴﺎ
ﺍﻧﺎ .. ﻗﺎﻝ ﻧﺠﻮﺯ ﻗﺎﻝ
ﻣﺎﻣﺎ .. ﻏﻴﺮ ﺗﻌﺎﻟﻲ ﻫﻨﺎ ﻣﺸﺎﺀﺍﻟﻠﻪ ﻋﺎﺋﻠﻪ ﻫﻞ ﺍﻣﻬﺎ ﻣﻮﺩﻩ ﺍﻧﺘﻲ ﺷﻦ ﺧﺎﺳﺮﻩ ﻳﺠﻲ ﻭﻧﺸﻮﻓﻮﻩ ﻋﺠﺒﻚ ﻭﻋﺠﺐ ﺧﻮﺗﻚ ﺑﺎﻫﻲ ﻣﺎﻋﺠﺒﻜﺶ ﻣﺎﻓﻴﺶ ﺣﺪ ﺟﺎﺑﺮﻙ
ﺍﻧﺎ .. ﻣﺸﻌﺎﺭﻓﻪ ﻳﺎﻣﺎﻣﺎ ﻳﺼﻴﺮ ﺧﻴﺮ ﺗﻮﺍ
ﺟﺎﺀ ﻭﻗﺖ ﻏﺪﺍﺀ ﻭﺍﻟﺘﻤﻴﻨﺎ ﻉ ﻏﺪﺍﺀ
ﻣﺎﻣﺎ .. ﺷﺒﺎﺏ
ﻋﺰﻭ .. ﻧﻌﻢ ﻳﺎﺍﻣﻲ ﺷﻨﻮ
ﻣﺎﻣﺎ .. ﺟﺎﻱ ﻋﺮﻳﺲ ﻟﻲ ﺍﺧﺘﻜﻢ
ﻋﻼﺀ .. ﺭﺷﺎ
ﻣﺎﻣﺎ .. ﻻﻻ ﻣﻴﺲ
ﻋﺰﻭ ﺑﺤﺖ ﻓﻴﺎ ﻭﺍﻧﺎ ﺭﺩﻳﺖ ﻧﺎﻛﻞ .. ﺑﺎﻩ ﻳﻌﻨﻲ ﺷﻨﻮ
ﻣﺎﻣﺎ .. ﻳﻌﻨﻲ ﻧﺎﺧﺬ ﻑ ﺭﺍﻳﻜﻢ
ﻋﺰﻭ .. ﺟﻴﺒﻲ ﺍﺳﻤﻪ ﻭﻋﻴﺖ ﻣﻦ ﻭﺧﻠﻲ ﻳﺠﻮ ﻛﺎﻥ ﻣﻴﺲ ﻣﻮﺍﻓﻘﻪ ﻣﺶ ﻣﻮﺍﻓﻘﻪ ﻳﺎﺍﻣﻲ ﻓﻮﺗﻲ
ﻣﺎﻣﺎ .. ﻻﻻ ﻣﻮﺍﻓﻘﻪ ﻣﻴﺲ
ﻋﺰﻭ ﺍﺑﺘﺴﻢ ﻭﺍﻧﺎ ﺻﺒﻴﺖ ﻧﺠﺮﻱ ﻟﺪﺍﺭ
ﻋﻼﺀ .. ﻫﻬﻬﻪ ﻗﺼﺪﻛﻢ ﺗﺤﺸﻤﺖ ﻳﻌﻨﻲ ﺗﻮﺍ
ﺭﻳﻬﺎﻡ .. ﻫﻬﻬﻬﻪ ﺣﺎﺟﻪ ﻛﻴﻒ ﻫﻚ
ﻣﺎﻣﺎ .. ﻫﻮ ﻭﻟﺪ ﺧﺎﻝ ﻣﻮﺩﻩ ﻣﺮﺍﺕ ﻳﻮﺳﻒ
ﻋﻼﺀ .. ﻻ ﻭﺍﻟﻠﻪ ﻣﺸﺎﺀﺍﻟﻠﻪ ﻋﻠﻴﻬﻢ ﺍﻋﻴﺎﻝ ﺧﺎﻟﻬﺎ ﺷﻔﺘﻬﻢ ﻑ ﺗﻔﺮﻳﺶ
ﻋﺰﻭ .. ﺍﻟﻲ ﻓﻴﻬﺎ ﺧﻴﺮﻩ ﻳﺠﻴﺒﻬﺎ ﺭﺑﻲ؛؛ﺳﻔﺮﻩ ﺩﺍﻳﻤﺎ ﺍﻧﺸﺎﺀﺍﻟﻠﻪ ﺻﺤﻪ
ﻛﻠﻬﻢ .. ﺳﻠﻤﻚ
ﻃﻠﻊ ﻋﺰﻭ ﺭﻛﺐ ﻓﻮﻕ ﻳﺪﺧﻦ ﻭﻗﻌﺪ ﻳﺮﻥ ﻉ ﺍﻣﻴﺮﻩ
ﺍﻣﻴﺮﻩ .. ﺣﺒﻴﺒﻲ
ﻋﺰﻭ ﺗﻨﻬﺪ .. ﻋﻴﻮﻧﻪ
ﺍﻣﻴﺮﻩ .. ﺷﻨﺠﻮﻙ
ﻋﺰﻭ .. ﺗﻤﺎﻡ ﺍﻟﺤﻤﺪﺍﻟﻠﻪ ﻭﺍﻧﺘﻲ
ﺍﻣﻴﺮﻩ .. ﻛﻮﻳﺴﻪ
ﻋﺰﻭ .. ﺑﺎﻫﻲ ﺗﻤﺎﻡ؛؛ﻣﻌﻠﻴﺶ ﺍﻋﺬﺭﻳﻨﻲ ﺍﻣﺲ ﺭﻭﺣﺖ ﺭﻗﺪﺕ ﺣﺘﻰ ﻣﺴﺠﻚ ﻣﺎﺷﻔﺘﺶ ﺍﺳﻒ
ﺍﻣﻴﺮﻩ .. ﻋﺎﺭﻓﺘﻚ ﺗﻌﺒﺎﻥ ﺣﺒﻴﺒﻲ
ﻋﺰﻭ .. ﺧﻔﺖ ﺗﺰﻋﻠﻲ
ﺍﻣﻴﺮﻩ .. ﻻ ﻣﺎﺯﻋﻠﺘﺶ
ﻋﺰﻭ .. ﺑﺎﻫﻲ ﺗﻤﺎﻡ؛؛ﻣﺎﺗﺒﻴﺶ ﺗﺠﻲ ﻟﻤﺤﻞ
ﺍﻣﻴﺮﺓ .. ﺍﻣﻤﻢ ﺍﻟﻴﻮﻡ ﻛﻨﺖ ﺣﺎﺑﻪ ﺍﻧﻲ ﻧﺪﻳﺮﻫﺎ ﻟﻜﻲ ﻣﻔﺎﺟﺄﺓ ﺑﺲ ﺧﻼﺹ ﺩﺍﺑﻴﻦ ﺳﺎﻟﺖ
ﻋﺰﻭ ﺍﺑﺘﺴﻢ ﻭﺣﻂ ﺍﻳﺪﻩ ﻉ ﻟﺤﻴﺘﻪ .. ﺗﻤﺎﻡ ﺑﻜﻞ "
" ﺧﺸﻦ ﻋﻠﻴﺎ ﺧﻮﺍﺗﻲ ﻭﺍﻧﺎ ﻗﺎﻋﺪﻩ ﺣﺎﻃﻪ ﺍﻳﺪﻱ ﻉ ﺧﺪﻱ
ﺭﺣﺎﺏ .. ﻣﻮﺍﻓﻘﻪ ﺍﻧﺘﻲ
ﺍﻧﺎ ﺑﺤﺘﺖ ﻓﻴﻬﻦ .. ﻣﺎﻣﺎ ﻗﺎﻟﺖ ﻟﻲ ﻳﺠﻲ ﻭﺍﻧﺘﻲ ﺷﻮﻓﻲ
ﺭﺷﺎ .. ﺍﻫﺎ ﻭﻋﻼﺀ ﻗﺎﻝ ﻛﻮﻳﺴﻴﻦ
ﺭﻳﻬﺎﻡ .. ﺍﻧﺸﺎﺀﺍﻟﻞﻩ ﻓﻴﻬﺎ ﺧﻴﺮﻩ ﻧﺤﺲ ﻓﻴﻚ ﻣﺘﻮﺗﺮﻩ
ﺍﻧﺎ .. ﻣﺸﻌﺎﺭﻓﻪ ﺣﺎﻳﺴﻪ ﻭﺍﻟﻠﻪ ﺧﺎﻳﻔﻪ ﺣﻴﺎﺀ ﺟﺪﻳﺪﻩ ﺣﺪ ﺟﺪﻳﺪ ﻣﺎﻧﻌﺮﻓﺶ ﻣﺶ ﻋﺎﺭﻓﻪ
ﺭﺷﺎ .. ﺍﻧﺘﻲ ﺷﻮﻓﻲ ﻭﺍﺣﻜﻤﻲ ﻗﺒﻞ ﻭﺍﻧﺸﺎﺀ ﺍﻟﻠﻪ ﺧﻴﺮ
ﺍﻧﺎ .. ﺍﻧﺸﺎﺀ ﺍﻟﻠﻪ
ﻭﻣﺮ ﺍﻻﺳﺒﻮﻉ ﻳﻮﻡ ﺧﻤﻴﺲ ﻳﻮﻡ ﺑﻴﺠﻮ ﺍﻟﻌﺮﺏ
ﺭﺷﺎ .. ﻣﺶ ﻫﺬﻱ ﺍﺣﻠﻰ ﻳﺎ ﺭﻳﻬﺎﻡ
ﺭﻳﻬﺎﻡ .. ﺍﻫﺎ ﺣﻠﻮ
ﺭﺣﺎﺏ .. ﺻﺎﺡ ﺻﺒﻲ ﺍﻟﺒﺴﻲ ﺧﻼﺹ ﻗﺮﻳﺐ ﻳﺠﻮ
ﻛﺎﻧﻦ ﻣﻄﻠﻌﺎﺕ ﺑﻠﻮﺯﻩ ﺑﻴﺞ ﺳﺮﻭﺍﻝ ﻗﻬﻮﺀ
ﺍﻧﺎ .. ﻣﺶ ﺣﺴﻴﺘﻪ ﻏﺎﻣﻖ
ﺭﻳﻬﺎﻡ .. ﺍﻫﺎ ﺻﺎﺡ ﻗﺘﻠﻚ ﺍﻟﺒﺴﻲ ﻗﻔﻄﺎﻥ
ﺍﻧﺎ .. ﺍﻭﻑ ﺑﺎﻩ ﻃﻠﻌﻴﻪ ﻫﻴﺎ
ﻃﻠﻌﺘﻠﻲ ﻗﻔﻄﺎﻥ ﺍﺧﻀﺮ ﺩﺍﻛﻦ ﻭﻟﺒﺴﺘﻪ ﻭﺩﺭﺗﻠﻲ ﺭﺣﺎﺏ ﺷﻌﺮﻱ ﻓﻠﻮ ﻭﺭﺷﺎ ﺩﺭﺗﻠﻲ ﻣﻴﻚ ﺍﺏ ﺧﻔﻴﻒ
ﺭﺣﺎﺏ .. ﺍﻧﺎ ﺑﻨﻨﺰﻝ ﺷﻮﻱ ﺗﻮﺍ ﻧﺠﻲ
ﺭﺷﺎ .. ﻭﻳﻦ
ﺭﺣﺎﺏ .. ﺷﻮﻱ ﺑﺲ
ﻃﻠﻌﺖ ﻣﻦ ﺩﺍﺭ ﻧﺰﻟﺖ ﻭﻟﻘﺖ ﻃﺎﺭﻕ ﻗﺪﺍﻡ ﻭﺟﻬﺎ
ﻃﺎﺭﻕ .. ﻧﺪﻭﺭ ﻓﻴﻚ ﻑ ﺳﻤﺎﺀ ﻟﻘﻴﺘﻚ ﻑ ﻭﻃﻰ
ﺭﺣﺎﺏ .. ﻫﻬﻬﻬﻬﻪ ﻛﻨﺖ ﺟﺎﻳﺘﻚ
ﻃﺎﺭﻕ .. ﻧﻌﻠﻴﺎ ﻣﻦ ﻋﺴﻞ ﺷﻨﺠﻮ ﺍﻟﻴﻮﻡ
ﺭﺣﺎﺏ .. ﻳﻬﺒﻞ ﺑﻌﺪ ﺷﻔﺘﻚ
ﻃﺎﺭﻕ .. ﺷﻨﻮ ﻟﺴﺎﻥ ﺳﻤﺢ ﻫﺬﺍ
ﺭﺣﺎﺏ .. ﻛﻴﻒ ﺳﻤﺎﺣﺘﻲ ﺻﺎﺍﺍﺡ
ﻃﺎﺭﻕ .. ﺍﻫﻢ ﻃﺒﻌﺎً ﺑﻌﺪﻳﻦ ﻧﺘﻼﻗﻮﺍ ﺗﻮﺍ ﺧﻠﻴﻨﻲ ﻧﻤﺸﻲ ﺧﻴﺮ
ﺭﺣﺎﺏ ﺑﺪﻟﻊ ﻭﻣﺴﻜﺖ ﺍﻳﺪﻩ .. ﻭﻟﻴﺶ ﺗﺒﻲ ﺗﻤﺸﻲ
ﻃﺎﺭﻕ .. ﺧﻴﺮ ﺧﻴﺮ ﻟﻜﻲ ﻭﻟﻴﺎ
ﺭﺣﺎﺏ .. ﻫﻬﻬﻬﻪ ﻋﺎﺭﻓﺘﻚ ﺻﺎﻳﻊ
ﻣﻊ ﻧﺰﻟﺖ ﻣﺮﻭﺍﻥ ﻭﻓﺘﺤﺖ ﺑﺎﺏ ﺷﻘﺘﻨﺎ
ﺭﺣﺎﺏ .. ﻫﻴﻴﻴﻴﻲ
" ﻳﺘﺒﻊ "..
ﺭﺃﻳﻜﻦ ﻑ ﺍﻭﻝ ﺣﻠﻘﻪ ﻭﻛﻴﻒ ﺣﺴﻴﺘﻦ ﺃﺣﺪﺍﺛﻬﺎ ﺑﻴﻜﻮﻥ
Anosha Alriany
