#ﻋﻜﺲ_ﺗﻴﺎﺭ
ﺣﻠﻘﻪ 3
ﺭﺷﺎ ﻗﻌﺪﺕ ﺗﺒﺤﺖ ﻑ ﻣﺤﻤﺪ ﻭﺗﺮﻋﺶ ﺑﺮﻡ ﻣﺤﻤﺪ ﺷﺎﻓﻬﺎ ﻭﺍﺭﺗﺒﻚ ﻭﻃﻠﻊ ﻃﻮﻝ ﻣﻦ ﻣﺤﻞ
ﻋﻼﺀ .. ﻛﻨﻚ ﺗﺮﻋﺸﻲ ﺗﺤﺴﻲ ﻑ ﺣﺎﺟﻪ
ﺭﺷﺎ ﺑﺼﻮﺕ ﻭﺍﻃﻲ .. ﺷﻜﻠﻪ ﻫﺒﻮﻁ
ﻋﻼﺀ .. ﺑﺴﻢ ﺍﻟﻠﻪ ﺧﻼﺹ ﻫﻴﺎ ﻧﻄﻠﻌﻮ ﺗﻮﺍ ﻧﺮﺩ ﺑﻴﻚ ﻑ ﻋﺸﻴﻪ
ﻃﻠﻌﺖ ﻭﻋﻼﺀ ﻧﺰﻝ ﺟﺎﺑﻠﻬﺎ ﻋﺼﻴﺮ ﻭﺷﻜﻼﻃﻪ
ﻋﻼﺀ .. ﺍﻛﻴﺪﻩ ﻣﺶ ﻓﺎﻃﺮﻩ ﺻﺎﺡ
ﺭﺷﺎ .. ﺍﻫﺎ ﻃﻠﻌﺖ ﺑﺴﺮﻋﻪ
ﻋﻼﺀ .. ﺑﺎﻩ ﺣﺼﻞ ﺧﻴﺮ ﻣﺮﻩ ﺍﺧﺮﻯ ﺍﻓﻄﺮﻱ
ﺭﺷﺎ .. ﺍﻥ ﺷﺎﺀ ﺍﻟﻠﻪ
ﻋﻼﺀ .. ﻣﺰﺍﻝ ﺗﺒﻲ ﻣﻜﺎﻥ ﺃﺧﺮﻯ ﻭﻻ ﺧﻼﺹ
ﺭﺷﺎ .. ﺧﻼﺹ ﺑﻌﺪﻳﻦ
ﻋﻼﺀ .. ﺑﺎﻩ ﺑﺲ ﻣﺎﺗﻘﻮﻟﻴﺶ ﻟﻲ ﺍﻣﻲ ﺗﻮﺍ ﺗﻨﻔﺠﻊ ﻋﻠﻴﻚ
ﺭﺷﺎ .. ﻻ ﻣﺶ ﺣﻨﻘﻮﻝ ﺍﻃﻤﻦ "
" ﻛﻨﺎ ﻗﺎﻋﺪﻳﻦ ﻑ ﺩﺍﺭ ﺳﻤﻌﺖ ﺻﻮﺕ ﺑﺎﺏ ﻧﻄﺒﻖ ﺑﻘﻮﻩ
ﻋﺰﻭ .. ﺗﻌﺎﺍﺍﻟﻲ ﻫﻨﺎ ﺍﻧﺘﻲ ﻭﻳﺎﻫﺎ
ﺍﻧﺎ ﻧﻔﺠﻌﺖ .. ﺻﻮﺕ ﻋﺰﻭ
ﺭﺣﺎﺏ .. ﺣﻲ ﻋﻠﻲ ﺍﻣﻪ
ﺧﺶ ﻋﻠﻴﻨﺎ ﻑ ﺩﺍﺭ ﻳﺠﺮﻱ ﻭ ﻣﺎﻣﺎ ﻭﺭﺍﻩ
ﻋﺰﻭ .. ﻣﻦ ﺍﻟﻜﻠﺒﻪ ﺍﻟﻲ ﻣﺰﺍﻟﺖ ﻣﺘﻮﺍﺻﻠﻪ ﻣﻊ ﺣﻴﻮﺍﻧﻪ ﺍﻣﻞ ﻣﻨﻬﻲ
ﻣﺎﻣﺎ .. ﺷﻦ ﺗﻘﻮﻝ ﺍﻧﺖ ﺍﻣﻞ ﺷﻨﻮ ﻟﻬﺎ ﺳﻨﻴﻦ ﻣﻌﺶ ﻋﺮﻓﻨﻪ ﻋﻠﻴﻬﺎ ﺷﻲ
ﺭﺣﺎﺏ ﺗﺒﺤﺖ ﻓﻴﻨﺎ ﻭﻣﺴﺘﻐﺮﺑﻪ .. ﻣﻦ ﺁﻣﻞ
ﺍﻧﺎ ﻗﻌﺪﺕ ﻧﺒﻜﻲ
ﻋﺰﻭ .. ﻧﺤﻜﻲ ﺍﻧﺎ ﻣﻨﻨﻨﻦ ﺍﻟﻲ ﺗﺤﻜﻲ ﻣﻌﺎﻫﺎ ﻣﻦ
ﺭﻳﻬﺎﻡ ﺗﺮﻋﺶ .. ﻣﺎﻓﻴﺶ ﺣﺪ ﻳﺤﻜﻲ ﻣﻌﺎﻫﺎ ﻛﻨﻚ ﺍﻧﺖ
ﻋﺰﻭ ﻗﺪﻡ ﻋﻠﻴﺎ .. ﺍﻧﺘﻲ ﻟﻴﺶ ﺗﺒﻜﻲ ﻋﻠﻴﺶ ﺍﻩ ﺗﺒﻜﻲ ﻉ ﻭﺣﺪﻩ ﺟﺎﺑﺘﻠﻨﺎ ﻋﺎﺭ ﺩﺍﺭﺕ ﺍﻟﻲ ﻣﺎﻳﻨﺪﺍﺭ ﺍﻟﻠﻪ ﻳﺴﺎﻣﺤﻚ ﻳﺎﺑﺎﺗﻲ ﺍﻟﻠﻪ ﻳﺴﺎﻣﺤﻚ
ﻃﻠﻊ ﻣﻦ ﺩﺍﺭ ﻭﺭﺷﺎ ﻭﻋﻼﺀ ﻛﻴﻒ ﺧﺎﺷﻴﻦ
ﻋﻼﺀ .. ﻛﻨﻪ ﺻﻮﺗﻚ ﻋﺎﻟﻲ ﺍﻧﺖ
ﻋﺰﻭ .. ﺗﻌﺎﻟﻲ ﻫﻨﺎ ﺍﻧﺘﻲ
ﺭﺷﺎ .. ﺍﻧﺎ ﻛﻨﻚ
ﻋﺰﻭ .. ﻧﺴﺄﻟﻚ ﺗﺠﺎﻭﺑﻲ ﻻ ﺗﻠﻔﻲ ﻻ ﺩﻭﺭﻱ ﻭﻛﺎﻥ ﻛﺬﺑﺘﻲ ﻳﺎ ﺭﺷﺎ ﺣﺘﺸﻮﻓﻲ ﺍﻟﻲ ﻣﺎﻋﻤﺮﻙ ﺷﻔﺘﻴﻪ
ﺭﺷﺎ ﻗﻌﺪﺕ ﺗﺮﻋﺶ ﻭﺗﺒﺤﺖ ﻓﻴﻪ
ﻋﺰﻭ .. ﻛﻠﻤﺘﻲ ﺍﻣﻞ
ﺭﺷﺎ .. ﺍﻣﻞ ﺷﻨﻮ ﺩﻭﺗﻬﺎ ﻋﺰﻭ ﻛﻨﻚ
ﻃﻠﻊ ﻭﺧﺒﻂ ﻟﺒﺎﺏ ﺑﻘﻮﻩ ﺭﻛﺐ ﻓﻮﻕ ﺳﻄﺎﺡ ﻭﻗﻌﺪ ﻳﺪﺧﻦ ﻗﻌﺪ ﻓﻮﻧﻪ ﻳﺮﻥ ﻃﻠﻌﻪ ﻭﻻﻗﻬﻰ ﺍﻣﻴﺮﻩ ﺻﻜﺮ ﻋﻠﻴﻬﺎ ﻗﻌﺪ ﻳﺬﻛﺮ ﻑ ﻛﻼﻣﻬﺎ
" ﺍﻣﻞ .. ﻋﺰﻭ ﺍﺳﻤﻌﻨﻲ ﺑﺲ
ﻋﺰﻭ ﻣﻦ ﺑﻴﻦ ﺳﻨﻮﻧﻪ .. ﻣﻌﺶ ﺗﺠﻴﺒﻲ ﺍﺳﻤﻲ ﻉ ﻟﺴﺎﻧﻚ ﻓﺎﻫﻤﻪ
ﺍﻣﻞ ﺗﺒﻜﻲ .. ﺍﺳﻤﻌﻨﻲ ﻗﺒﻞ ﺑﺲ ﺍﻧﺎ ﻣﻌﺶ ﻟﻴﺎ ﻏﻴﺮﻛﻢ
ﻋﺰﻭ .. ﺑﻌﺪ ﺷﻨﻮ ﺑﻌﺪ ﺍﻟﻲ ﺩﺭﺗﻴﻪ ﺑﻌﺪ ﺣﻜﻴﺘﻲ ﻋﻠﻴﻨﺎ ﻟﻨﺎﺱ ﺑﻌﺪ ﻃﻠﻌﺘﻲ ﻛﻼﻡ ﻉ ﺍﻣﻲ ﺑﻌﺪ ﻣﺸﻴﺘﻲ ﻭﻗﻠﺘﻲ ﺍﻧﺎ ﺑﻨﺠﻮﺯ ﻣﻌﺶ ﻧﻘﺪﺭ ﻉ ﻋﺸﻴﻪ ﻣﻌﺎﻛﻢ
ﺍﻣﻞ .. ﺍﻧﺎ ﻛﻨﺖ ﺻﻐﻴﺮﻩ ﻭﻗﺘﻬﺎ ﻭﺑﺎﺑﺎ ﺳﻴﺒﻨﻲ ﻋﻨﺪﻛﻢ ﺍﻣﺎﻧﻪ ﻣﺎﻛﻨﺘﺶ ﻧﻌﺮﻑ ﺻﺢ ﺍﻧﺎ ﺗﻲ ﻛﻨﺖ ﻑ ﺿﺮﻭﻑ ﺻﻌﺒﻪ ﺍﻣﻲ ﺗﺨﻠﺖ ﻋﻠﻴﺎ ﺑﺒﺴﺎﻃﻪ ﻭﺟﻴﺘﻜﻢ ﻭﺣﺪﻩ ﻏﺮﻳﺒﻪ ﻋﻠﻴﻜﻢ ﻣﺎﻛﻨﻜﻤﺶ ﺧﻮﺗﻲ ﻧﺤﺲ ﻓﻴﻜﻢ ﻛﻨﺖ ﻭ ﻛﻨﺖ ﻧﺤﺴﺎﺏ ﺍﻟﻲ ﺩﺭﺗﻪ ﻫﺬﺍ ﺍﻟﺼﺢ
ﻋﺰﻭ ﻣﺘﻌﺼﺐ .. ﺍﻃﻠﻌﻲ ﺑﺮﺍ
ﺍﻣﻞ .. ﻋﺰﻭ ﺑﺲ
ﻋﺰﻭ .. ﺑﺮﺍﺍﺍﺍﺍ
ﺍﻣﻞ ﺗﺒﻜﻲ .. ﺻﺪﻗﻨﻲ ﺍﺿﺤﻜﻮﺍ ﻋﻠﻴﺎ ﻃﻤﻌﻮﻧﻲ ﺑﺎﻟﻔﻠﻮﺱ؛؛ﻋﺰﻭ ﺍﻧﺎ ﻋﻨﺪﻱ ﻛﻞ ﺍﺧﺒﺎﺭﻛﻢ ﻛﻠﻜﻢ ﻭﻓﺮﺣﺎﻧﺘﻠﻜﻢ ﺑﺠﺪ ﺍﻧﺎ ﻓﺮﺣﺎﻧﻪ ﺍﻟﻮﺿﻌﻜﻢ ﻛﻴﻒ ﻗﻌﺪ
ﻋﺰﻭ .. ﺍﻃﻠﻌﻲ ﻳﺎﻛﺬﺍﺑﻪ ﻣﻌﺶ ﺑﻨﺸﻮﻑ ﻭﺟﻚ ﻓﺮﺣﺎﻧﻪ ﺻﺎﺭ "
ﻋﺰﻭ .. ﻳﺎﺭﺑﻲ ﻭﺭﻳﻨﻲ ﺻﺢ ﻣﻦ ﻏﻠﻂ ﺍﺍﺍﻩ ﻳﺎﺭﺑﻲ
ﺭﺩ ﻳﺮﻥ ﺗﻠﻔﻮﻧﻪ ﺗﻨﻬﺪ ﻭﺭﺩ
ﺍﻣﻴﺮﻩ .. ﻭﻳﻨﻚ ﺍﻩ ﺷﻐﻠﺘﻨﻲ ﻋﻠﻴﻚ ﻧﺮﻥ ﻣﺎﻓﻴﺶ ﺭﺩ ﻭﺗﻮﺍ ﺗﺮﻥ ﺗﻔﺼﻠﻨﻲ ﻉ ﺍﻗﻞ ﻗﻮﻟﻲ ﻣﺶ ﻓﺎﺿﻲ ﻣﺶ ﻫﻜﻲ ﻳﺎﻣﻌﺘﺰ ﻣﺶ ﻫﻜﻲ
ﻋﺰﻭ ﺗﻨﻬﺪ .. ﺍﻣﻴﺮﻩ ﻣﺤﺎﺟﺘﻚ ﺍﻧﺎ
ﺍﻣﻴﺮﻩ ﻫﺪﺕ ﺷﻮﻳﺎ .. ﻋﺰﻭ ﺣﺒﻴﺒﻲ ﻓﻲ ﺣﺎﺟﻪ
ﻋﺰﻭ .. ﺍﻭﻭﻑ ﺧﻼﺹ ﺻﻜﺮﻱ ﻣﺶ ﻗﺎﺩﺭ ﻧﺤﻜﻲ ﺗﻮﺍ
ﺍﻣﻴﺮﻩ .. ﻋﺰﻭ ﺧﻠﻴﻚ ﺣﺒﻴﺒﻲ ﻣﺎﺩﺳﺶ ﻋﻠﻴﺎ ﻣﺎﺗﺼﻜﺮﺵ ﻭﺍﻧﺖ ﻣﻀﺎﻳﻖ
ﻋﺰﻭ .. ﻣﻴﺮﻭ ﺑﺠﺪ ﻭﺍﻟﻠﻪ ﻣﺎﻗﺎﺩﺭ ﻧﺤﻜﻲ ﺭﻧﻲ ﻋﻠﻴﺎ ﺑﻌﺪﻳﻦ ﺷﻮﻳﺎ
ﺍﻣﻴﺮﻩ .. ﺑﺎﻩ ﺣﺎﺿﺮ ﻉ ﻣﻬﻢ ﺭﺍﺣﺘﻚ
ﻋﺰﻭ .. ﺗﺒﻲ ﺷﻲ ﺗﻮﺍ
ﺍﻣﻴﺮﻩ .. ﺳﻼﻣﺘﻚ ﺑﺲ "
" ﻣﺎﻣﺎ .. ﻳﻨﻌﻠﻴﺎ ﺷﻦ ﺫﻛﺮﻩ ﺑﻴﻬﺎ ﺍﺯﻋﻤﻚ ﺷﺎﻓﻬﺎ ﻭﻻ ﺷﻨﻮ
ﻋﻼﺀ ﻣﺘﻜﻲ ﻉ ﺑﺎﺏ ﻭﻳﻠﻒ ﻑ ﻣﻔﺘﺎﺣﻪ ﻉ ﺻﺒﻌﻪ
ﺭﺣﺎﺏ .. ﻓﻬﻤﻮﻧﻲ ﺍﻧﺎ ﻣﻦ ﻫﺬﻱ ﻭﻟﻴﺶ ﻋﺰﻭ ﻗﺎﻝ ﺍﻟﻠﻪ ﻳﺴﺎﻣﺤﻚ ﻳﺎ ﺑﺎﺗﻲ ﺷﻦ ﺩﺧﻠﻪ ﺑﺎﺑﺎ ﻣﻦ ﻫﺬﻱ ﻛﻨﻜﻢ ﺳﺎﻛﺘﻴﻦ
ﺍﻧﺎ ﻧﺒﻜﻲ ﻭﻧﻤﺴﺢ ﻉ ﺩﻣﻮﻋﻲ ﻭﺭﺷﺎ ﺳﺎﻛﺘﻪ ﺗﻬﺰ ﻓﻲ ﻛﺮﺍﻋﻬﺎ
ﺭﻳﻬﺎﻡ .. ﻻ ﻣﺴﺘﺤﻴﻞ ﺗﺮﺩ ﺗﺨﺶ ﺣﻴﺎﺗﻨﺎ ﻓﺎﻫﻤﻴﻦ ﻻ ﻭﺍﻟﻠﻪ ﺍﻟﻮﺍﺣﺪ ﻣﺎﻧﺎﻗﺼﻪ ﻫﻢ ﺧﻠﻴﻬﺎ ﺑﻌﻴﺪ ﻋﻠﻴﻨﺎ ﻭﺍﻧﺘﻲ ﻷﺧﺮﻯ ﻋﻠﻴﺶ ﺗﺒﻜﻰ ﺗﻮﺍ
ﺍﻧﺎ .. ﻣﺎﻧﺒﻜﻴﺶ ﻋﻠﻴﻬﺎ ﺍﻧﺎ
ﻓﺘﺢ ﻟﺒﺎﺏ ﻋﺰﻭ ﻭﺧﺶ ﻛﺎﻥ ﻫﺎﺩﻱ ﻗﻤﻌﺰ ﺗﻼ ﻣﺎﻣﺎ ﻣﺴﻚ ﺍﻳﺪﻫﺎ ﻭﺑﺎﺳﻬﺎ
ﻋﺰﻭ .. ﺍﺳﻒ ﺧﻮﻓﺘﻚ ﺻﺎﺡ ﻣﺶ ﻗﺼﺪﻱ ﻭﺍﻟﻠﻪ ﺑﺲ ﻛﻨﺖ ﻣﻌﺼﺐ
ﻣﺎﻣﺎ .. ﻭﻳﻦ ﺷﻔﺘﻬﺎ
ﻋﺰﻭ .. ﺧﻼﺹ ﺻﻜﺮﻭ ﻣﻮﺿﻮﻉ ﻣﻤﻜﻦ
ﻣﺎﻣﺎ .. ﺑﺎﻩ ﻋﻠﻲ ﺭﺍﺣﺘﻚ
ﻋﺰﻭ .. ﺷﻨﻮ ﻏﺪﺍﺀ ﻣﻄﻮﻝ
ﻣﺎﻣﺎ .. ﻻﻻ ﺧﻼﺹ ﺷﻮﻳﺎ ﻭﻧﺤﻂ
ﻗﻌﺪ ﺗﻠﻔﻮﻥ ﺭﺷﺎ ﻳﺮﻥ ﻭﻫﻴﺎ ﺗﺒﺤﺖ ﻓﻴﻪ ﻭﻣﺴﺘﻜﻪ
ﻋﺰﻭ .. ﺗﻠﻔﻮﻧﻚ
ﻭﺷﻤﺮﻩ ﻭﻫﻴﺎ ﺗﺒﺤﺖ ﻑ ﻋﺰﻭ ﻭﺳﺎﻛﺘﻪ
ﻋﺰﻭ .. ﺻﺎﺣﺒﺘﻚ ﻫﺬﻱ ﺷﻜﻠﻬﺎ ﺍﻣﺴﻜﻲ ﻛﻨﻚ ﺳﺎﻛﺘﻪ
" ﺭﺷﺎ ﺧﺬﺕ ﻣﻨﻪ ﺗﻠﻔﻮﻥ ﻭﺧﺸﺖ ﻟﺪﺍﺭ ﺿﻴﻮﻑ
ﻣﺤﻤﺪ .. ﻛﻨﻚ ﻣﺎﺗﺮﺩﻱ
ﺭﺷﺎ .. ﻛﻨﻲ ﻣﺎﻧﺮﺩ
ﻣﺤﻤﺪ .. ﺍﻫﺎ ﻣﻦ ﻧﺒﺪﺭﻱ ﻧﺮﻥ
ﺭﺷﺎ .. ﻣﻦ ﻧﺒﺪﺭﻱ
ﻣﺤﻤﺪ .. ﻛﻨﻚ ﺗﺤﻜﻲ ﻫﻜﻲ
ﺭﺷﺎ .. ﻭﺗﺴﺄﻝ ﻓﻴﺎ ﺍﺧﺮﻯ ﻣﺶ ﻉ ﺳﺎﺱ ﺧﻼﺹ ﻧﺘﻼﻗﻮﺍ ﻑ ﺟﺎﻣﻌﻪ ﻭﺍﻧﺎ ﻣﺴﺘﺤﻴﻞ ﻧﺮﺿﺎﻟﻚ ﺷﻴﻨﻪ ﻭﺻﺎﺡ ﻣﻌﺎﻙ ﺣﻖ ﻏﻠﻂ ﻧﺘﻼﻗﻮﺍ ﺑﺮﺍ ﻣﺶ ﻛﺎﻥ ﻫﻜﻲ ﻛﻼﻣﻚ ﺗﺴﺘﻐﻞ ﺍﻧﻲ ﻗﺘﻠﻚ ﻃﺎﻟﻌﻪ ﺗﻠﺤﻘﻨﻲ ﺕ ..
ﻣﺤﻤﺪ .. ﻟﺤﻈﻪ ﻟﺤﻈﻪ ﻟﺤﻘﺘﻚ ﺷﻨﻮ ﺩﻭﺗﻬﺎ ﻫﺬﻱ ﺍﻧﺎ ﺟﻴﺖ ﺑﺼﺪﻓﻪ ﺑﺲ ﻭﺷﻔﺘﻴﻨﻲ ﺑﻌﺪ ﺷﻔﺘﻚ ﻃﻠﻌﺖ ﺑﺴﺮﻋﻪ ﺧﻔﺖ ﺧﻮﻙ ﻳﺤﺲ ﻋﻠﻴﻨﺎ
ﺭﺷﺎ ﻋﻠﺖ ﺻﻮﺗﻬﺎ .. ﻭﻭﺍﻭﻭﻭ ﻟﻬﺪﺭﺟﻪ ﺍﻟﺼﺪﻓﻪ ﻳﻌﻨﻲ ﻣﺤﻤﺪ ﻟﻴﺶ ﻳﺎﻣﺤﻤﺪ ﻗﺘﻠﻚ ﻧﺘﻼﻗﻮﺍ ﻑ ﺟﺎﻣﻌﻪ ﺧﻼﺹ ﻣﺰﺍﻝ ﻋﻠﻴﻬﺎ ﺍﺳﺒﻮﻉ ﻭﺗﺒﺪﺃ ﺗﻲ ﻗﺮﻳﺐ ﻣﺘﺖ ﻟﻮ ﻛﺎﻥ ﻓﻄﻦ ﻋﻼﺀ ﺷﻦ ﻛﺎﻥ ﺻﺎﺭ ﻭﻗﺘﻬﺎ
ﻣﺤﻤﺪ .. ﻭﻃﻰ ﺻﻮﺗﻚ ﻣﻴﻪ ﻣﺮﻩ ﻧﻘﻮﻟﻚ ﺻﻮﺗﻚ ﻭﻃﻴﻪ ﻓﺎﻫﻤﻪ ﻭﺍﻧﺎ ﻣﺎﻧﻜﺬﺑﺶ ﻛﺎﻥ ﺍﻧﺎ ﺩﺭﺗﻬﺎ ﻭﻟﺤﻘﺘﻚ ﺭﺍﻩ ﻗﻠﺘﻬﺎ ﻭﻣﺎﺗﺒﻴﺶ ﺗﺼﺪﻗﻲ ﻋﻨﻚ ﻭﺍﻟﻠﻪ ﻣﺎﺻﺪﻗﺘﻲ ﺑﺎﻫﻲ
ﻭﺻﻜﺮ ﻑ ﻭﺟﻬﺎ ﻭﻫﻴﺎ ﻣﺎﺳﻜﻪ ﻓﻮﻥ ﻭﺗﺒﺤﺖ ﻓﻴﻪ
ﺭﺷﺎ .. ﻳﺎﺭﺑﻲ ﺷﻨﻮ ﺍﻟﻴﻮﻡ ﻫﺬﺍ "
" ﺣﻄﺖ ﻣﺎﻣﺎ ﻭﺭﻳﻬﺎﻡ ﺍﻟﻐﺪﺍﺀ ﻭﻗﻌﺪﻧﺎ ﻧﺘﻐﺪﻭ ﻭﻛﻞ ﺣﺪ ﻓﻴﻨﺎ ﻳﻔﻜﺮ ﻑ ﺣﺎﺟﻪ
ﻣﺎﻣﺎ ﺑﺤﺘﺖ ﻓﻲ ﻋﺰﻭ .. ﻋﺰﻭ
ﻋﺰﻭ ﺭﻓﻊ ﺭﺃﺳﻪ .. ﻧﻌﻢ
ﻣﺎﻣﺎ .. ﺷﻦ ﺻﺎﺭ ﺭﺩ ﻋﻠﻴﻚ ﺭﺍﺟﻞ
ﻋﺰﻭ .. ﺃﻳﻬﻢ ﻗﺼﺪﻙ
ﺍﻧﺎ ﺭﻓﻌﺖ ﺭﺍﺳﻲ ﻭﺑﺤﺘﺖ ﻓﻴﻪ
ﻋﺰﻭ ﺑﺤﺖ ﻓﻴﺎ .. ﺍﻫﺎ ﺭﺩ ﻋﻠﻴﺎ ﻧﺒﺪﺭﻱ ﻭﻗﺎﻝ ﻛﻴﻒ ﻣﺎﺗﺒﻮ ﺧﻼﺹ ﺍﻟﺨﻤﻴﺲ
ﻣﺎﻣﺎ .. ﺑﺎﻫﻲ ﻛﻮﻳﺲ
ﻗﻌﺪﺕ ﺳﺎﻛﺘﻪ ﻭﻧﺎﻛﻞ
ﻋﻼﺀ ﺻﺒﻰ .. ﺻﻔﺮﻩ ﺩﺍﻳﻤﺎ
ﻣﺎﻣﺎ .. ﺻﺤﻪ ﻛﻨﻚ ﻣﺎﻛﻠﻴﺖ
ﻋﻼﺀ .. ﺍﻟﺤﻤﺪ ﺍﻟﻠﻪ ﺷﺒﻌﺖ ﺧﻼﺹ
ﺭﺷﺎ .. ﺍﻟﻠﻪ ﻳﺄﺧﺬﻫﺎ ﻧﻜﺪﺕ ﻋﻠﻴﻨﺎ
ﻣﺎﻣﺎ .. ﺭﺷﺎﺍﺍ
ﺭﺷﺎ ﺻﺒﺖ ﺑﺴﺮﻋﻪ ﻭﺧﺸﺖ ﻟﺪﺍﺭﻧﺎ
ﻋﺰﻭ .. ﻛﻨﻬﺎ ﻫﺬﻱ
ﺭﻳﻬﺎﻡ .. ﺧﻠﻴﻬﺎ ﺧﻼﺹ
ﺍﻧﺎ ﺑﺼﻮﺕ ﻭﺍﻃﻲ .. ﺍﻟﺤﻤﺪﺍﻟﻠﻪ
ﺻﺒﻴﺖ ﺧﺸﻴﺖ ﻭﺭﺍﻫﺎ ﻟﻘﻴﺘﻬﺎ ﺭﺍﻣﻴﻪ ﺭﻭﺣﻬﺎ ﻉ ﺳﺮﻳﺮ ﻭﺗﺒﻜﻲ
ﻗﻤﻌﺰﺕ ﺗﻼﻫﺎ
ﺍﻧﺎ .. ﻛﻨﻚ ﺗﺒﻜﻲ ﻋﻠﻴﺶ ﺍﻟﺒﻜﺎﺀ ﺗﻮﺍ
ﺭﺷﺎ .. ﻳﺎﺭﺑﻲ ﻣﻠﻴﺖ ﺍﻧﺎ
ﺍﻧﺎ .. ﻋﻠﻴﺶ ﻣﻠﻴﺘﻲ ﺍﻧﺎ ﻋﺎﺭﻓﺘﻪ ﺑﻜﺎﺀ ﻫﺬﺍ ﻉ ﺳﺒﻪ ﺣﺒﻴﺐ ﺍﻟﻘﻠﺐ ﺍﺣﻤﻴﺪﺍ
ﺭﺷﺎ ﺻﺒﺖ ﻣﺴﺤﺖ ﺩﻣﻮﻋﻬﺎ .. ﻫﺎﻟﺤﻴﻮﺍﻥ ﺗﺎﻧﻲ
ﺍﻧﺎ ﺿﺤﻜﺖ .. ﻫﻬﻬﻪ ﻗﻠﺘﻬﺎ ﻛﻨﻜﻢ ﻣﺘﻌﺎﺭﻛﻴﻦ
ﺭﺷﺎ .. ﻧﺤﻜﻴﻠﻚ ﺷﻦ ﺻﺎﺭ ﺑﺲ ﻭ ﺍﻧﺘﻲ ﺍﺣﻜﻤﻲ
ﺍﻧﺎ .. ﺑﺎﻩ ﺍﺣﻜﻲ ﻳﺎﺳﺘﻲ
ﺭﺷﺎ .. ﺑﻌﺪ ﻃﻠﻌﺖ ....
ﺍﻧﺎ .. ﺍﻧﺘﻲ ﻏﻠﻄﺎﻧﻪ ﻣﺮﺍﺕ ﻫﻮ ﺻﺎﺡ ﺻﺪﻓﻪ ﻳﻌﻨﻲ ﺍﻧﺘﻲ ﻫﻜﻲ ﺗﻜﻮﻧﻲ ﺿﻠﻤﺘﻴﻪ ﺗﺴﺮﻋﺘﻲ ﻻﻧﻪ ﻣﺎﻋﻄﻴﺘﻴﺶ ﻓﺮﺻﻪ ﺣﺘﻰ ﻳﺤﻜﻲ
ﺭﺷﺎ .. ﺗﻲ ﻛﻨﺖ ﻣﻌﺼﺒﻪ ﻭﺣﻜﻴﺖ ﺑﺪﻭﻥ ﻣﺎﻧﺤﺲ
ﺍﻧﺎ .. ﺷﻮﻓﻴﻪ ﺗﻮﺍ ﺭﻧﻲ ﻋﻠﻴﻪ ﻭﺍﺣﻜﻲ ﺑﻬﺪﻭﺀ ﻛﻨﻚ ﺩﻳﻤﺎ ﻣﺘﺴﺮﻋﻪ ﺍﻧﺘﻲ
ﺭﺷﺎ .. ﺍﻭﻭﻑ ﻫﻜﻲ ﻗﻮﻟﻚ ﻧﺮﻥ ﻋﻠﻴﻪ
ﺍﻧﺎ .. ﺍﻫﺎ ﺭﻧﻲ
ﻗﻤﻌﺰﺕ ﻉ ﺳﺮﻳﺮﻱ ﻭﻧﻘﺮﺍ
ﺭﺷﺎ .. ﻣﺎﻳﺮﺩﺵ ﻋﻠﻴﺎ
ﺍﻧﺎ .. ﺣﺎﻭﻟﻲ ﺃﺧﺮﻯ
ﺭﺷﺎ .. ﺍﻭﻑ ﺑﺎﻫﻲ "
" ﺭﺣﺎﺏ .. ﻭﺭﺃﺱ ﻫﻮﻣﻲ ﻧﻨﺰﻝ ﻃﺸﻪ ﺑﺲ ﻧﺤﻜﻲ ﻣﻌﺎﻩ ﻭﻧﺮﺩ
ﺭﻳﻬﺎﻡ .. ﻻ ﻳﻌﻨﻲ ﻻ ﻳﺎﺭﺣﺎﺏ ﻛﻨﻚ ﺍﻧﺘﻲ
ﺭﺣﺎﺏ .. ﺑﺎﻩ ﻋﺸﺎﻥ ﺧﺎﻃﺮﻱ ﻣﺶ ﺣﻨﻄﻮﻝ ﻛﻨﻚ ﻣﻜﺎﺭﻩ ﺍﻧﺘﻲ
ﺭﻳﻬﺎﻡ .. ﺍﻭﻭﻑ ﻉ ﺳﺮﻳﻊ ﻣﺶ ﺣﻨﻐﻄﻲ ﻋﻠﻴﻚ ﻭﺍﺟﺪ
ﺭﺣﺎﺏ .. ﺑﺎﻫﻲ ﺣﺎﺿﺮ ﻭﺍﻟﻠﻪ ﻉ ﺳﺮﻳﻊ؛؛ﻫﺎ ﻛﻮﻳﺲ ﺷﻜﻠﻲ
ﺭﻳﻬﺎﻡ .. ﺍﻫﺎ ﻫﻴﺎ ﺳﻘﺪﻱ
ﻧﺰﻟﺖ ﺭﺣﺎﺏ ﻟﺪﺭﻭﺝ
ﺍﺭﻭﻯ .. ﻛﻨﺖ ﺭﺍﻛﺒﺘﻠﻜﻦ ﺗﻮﺍ
ﺭﺣﺎﺏ .. ﺍﻫﺎ ﺍﻧﺎ ﻧﺎﺯﻟﻪ ﻟﺤﻮﺵ ﺧﺎﻟﻲ ﻋﺒﺪﺍﻟﻠﻪ
ﺍﺭﻭﻯ .. ﺍﻫﺎ ﺗﺒﻲ ﻧﺪﻯ
ﺭﺣﺎﺏ .. ﻫﺎ ﺍﻣﻼ ﻣﻦ ﻧﺒﻲ
ﺍﺭﻭﻯ .. ﺍﻭﻭﻑ ﺑﺎﻫﻲ ﺳﺎﻟﺖ ﺑﺲ
ﺭﺣﺎﺏ ﻧﺰﻟﺖ ﺗﺠﺮﻱ ﻭﺩﻕ ﻉ ﺑﺎﺏ
ﻧﺪﻯ .. ﺧﻴﺮ
ﺭﺣﺎﺏ .. ﺧﻴﺮﺍﺕ ﺧﻮﻙ ﻗﺎﻋﺪ
ﻧﺪﻯ .. ﻫﻬﻬﻪ ﻋﺎﺭﻓﺘﻚ ﺟﺎﻳﺎ ﻉ ﺳﺒﺎﻩ ﺍﻫﺎ ﻗﺎﻋﺪ
ﺭﺣﺎﺏ .. ﻭﺍﻣﻚ
ﻧﺪﻯ .. ﺭﺍﻗﺪﻩ ﺧﺸﻲ ﺑﺴﺮﻋﻪ ﻫﻴﺎ
ﺭﺣﺎﺏ ﻣﺸﺖ ﺩﻕ ﻉ ﺑﺎﺏ ﺩﺍﺭﻩ
ﻃﺎﺭﻕ .. ﺧﺸﻲ ﻭﻻ ﺧﺶ ﻣﻦ ﻣﺆﺩﺏ ﻫﺬﺍ
ﺭﺣﺎﺏ ﺧﺸﺸﺖ ﺭﺍﺳﻬﺎ ﻣﻦ ﺑﺎﺏ
ﻃﺎﺭﻕ ﻗﻤﻌﺰ .. ﺭﺣﺎﺏ ﺧﺸﻲ ﺧﺸﻲ
ﺭﺣﺎﺏ ﺟﺎﺗﻪ ﺗﺠﺮﻱ ﻗﻤﻌﺰﺕ ﺗﻼﻩ
ﺭﺣﺎﺏ .. ﺣﺒﻴﺒﻲ ﻛﻴﻒ ﺣﺎﻟﻚ ﺍﻟﻴﻮﻡ
ﻃﺎﺭﻕ ﺍﺑﺘﺴﻢ .. ﺑﺸﻮﻓﺘﻚ ﻗﻌﺪﺕ ﺍﺣﺴﻦ ﺷﻨﻮ ﻳﺎ ﺣﻠﻮﻩ ﻗﺮﻳﺘﻲ
ﺭﺣﺎﺏ .. ﺍﻫﺎ
ﻃﺎﺭﻕ .. ﺑﺎﻩ ﺑﺎﻟﺘﻮﻓﻴﻖ ﺍﻥ ﺷﺎﺀ ﺍﻟﻠﻪ
ﺭﺣﺎﺏ .. ﺭﺍﻳﻔﺖ ﻋﻠﻴﻚ ﻭﺍﻟﻠﻪ
ﻃﺎﺭﻕ .. ﺣﺘﻰ ﺍﻧﺎ ﻣﺮﺍﻳﻒ ﻋﻠﻴﻚ ﺑﺲ ﺷﻨﻮ ﻧﺪﻳﺮﻭ ﻧﺼﺒﺮﻭ ﻭﺧﻼﺹ ﻟﻴﻦ ﻧﺘﻢ ﺍﻧﺎ ﻑ ﺷﻘﻪ ﻭﻧﺠﻲ ﻧﺨﻄﺐ ﻫﻜﻲ ﻣﺤﺪ ﻳﻘﺪﺭ ﻳﺤﻜﻲ ﻣﻌﺎﻳﺎ ﺣﺎﺟﻪ
ﺭﺣﺎﺏ ﺍﺑﺘﺴﻤﺖ .. ﺍﻟﻠﻪ ﻳﺎﺭﻳﺖ ﻧﺎﺧﺬﻭ ﺭﺍﺣﺘﻨﺎ ﻑ ﺍﻟﺤﻜﻰ
ﻃﺎﺭﻕ .. ﺍﻥ ﺷﺎﺀ ﺍﻟﻠﻪ ﻧﻜﻮﻧﻮ ﺍﻟﺒﻌﻀﻨﺎ
ﺭﺣﺎﺏ .. ﺍﻥ ﺷﺎﺀ ﺍﻟﻠﻪ؛؛ﺧﻼﺹ ﺍﻧﺎ ﺑﻨﺮﻛﺐ
ﻃﺎﺭﻕ .. ﺑﺎﻫﻲ ﻋﺪﻱ ﺑﻜﺮﺍ ﻋﻨﺪﻙ ﻓﺘﺮﻩ ﻭﻻ ﺍﺛﻨﻴﻦ
ﺭﺣﺎﺏ .. ﻓﺘﺮﻩ
ﻃﺎﺭﻕ .. ﻭﻣﻴﺲ
ﺭﺣﺎﺏ .. ﻣﻴﺲ ﺑﻜﺮﺍ ﻋﻨﺪﻫﺎ ﺑﺎﻗﻲ ﺍﻟﺤﺼﺺ
ﻃﺎﺭﻕ .. ﺑﺘﺮﻭﺣﻲ ﻣﻊ ﺑﻨﺎﺕ ﺻﺎﺡ
ﺭﺣﺎﺏ .. ﺍﻫﺎ
ﻃﺎﺭﻕ .. ﺧﻼﺹ ﺗﻮﺍ ﻧﺠﻴﻚ ﺗﻤﺎﻡ
ﺭﺣﺎﺏ .. ﺗﻤﺎﻡ ﺑﻜﻞ
ﻃﻠﻌﺖ ﻟﻘﻴﺖ ﻧﺪﻯ ﻣﻘﻤﻌﺰﻩ ﻉ ﺍﻝ Tv
ﻧﺪﻯ .. ﻛﻤﻠﺘﻮ ﻳﺎﺣﻨﻪ
ﺭﺣﺎﺏ .. ﻫﻬﻬﻪ ﻛﻤﻠﻨﺎ ﺍﻧﺎ ﺭﺍﻛﺒﻪ
ﻧﺪﻯ .. ﺑﺎﻩ ﻣﻊ ﺳﻼﻣﻪ "
" ﺭﻳﻬﺎﻡ .. ﻣﺎﻣﺎ
ﻣﺎﻣﺎ ﺑﺮﻣﺖ ﺑﺤﺘﺖ ﻓﻴﻬﺎ .. ﻧﻌﻢ
ﺭﻳﻬﺎﻡ .. ﻣﺎﻣﺎ ﺍﺳﺎﻣﻪ ﻗﺎﻟﻲ ﺷﻦ ﺭﺍﻳﻚ ﻋﺮﺱ ﺗﻮﺍ ﻭﻻ ﺑﻌﺪ ﺭﻣﻀﺎﻥ ﺍﻧﺎ ﻗﺘﻠﻪ ﺑﻌﺪ ﺭﻣﻀﺎﻥ ﺧﻴﺮ
ﻣﺎﻣﺎ .. ﺍﻟﺮﺍﺟﻞ ﻛﺎﻥ ﻳﺮﻳﺪ ﺗﻮﺍ ﻣﺎﺗﻌﺎﻧﺪﻳﺶ ﺍﻧﺘﻲ ﻭﺗﻘﻮﻟﻲ ﺗﺒﻲ ﺑﻌﺪ ﺭﻣﻀﺎﻥ
ﺭﻳﻬﺎﻡ .. ﻻ ﻳﺎﻣﺎﻣﺎ ﺍﺳﺎﻣﻪ ﺭﺍﺿﻲ ﻭﻗﺎﻟﻲ ﻋﺎﺩﻱ
ﻣﺎﻣﺎ .. ﺑﺎﻩ ﺭﺑﻲ ﻳﻔﺮﺣﻚ ﻭﻳﺴﻌﺪﻙ
ﺭﻳﻬﺎﻡ ﺍﺑﺘﺴﻤﺖ .. ﺍﻥ ﺷﺎﺀ ﺍﻟﻠﻪ ﻳﺎﺭﺏ "
" ﺍﻟﻴﻮﻡ ﺛﺎﻧﻲ ﻑ ﺻﺒﺢ
ﺍﻧﺎ .. ﻫﻴﺎ ﺭﺣﺎﺏ ﻭﻗﺖ ﻛﻨﻚ
ﺭﺣﺎﺏ .. ﺑﺎﻩ ﻧﻠﺒﺲ ﻭﺷﺎﺣﻲ ﺳﺮﻳﻊ ﺳﺮﻳﻊ
ﺍﻧﺎ .. ﺍﻧﺎ ﻧﺎﺯﻟﻪ ﻭﺍﻟﻠﻪ ﻣﺎﻧﻲ ﻣﺮﺟﻴﺘﻚ ﻭﻗﺖ ﻋﻠﻴﻨﺎ ﻛﻨﻚ ﺍﻧﺘﻲ
ﻃﻠﻌﺖ ﻣﻦ ﺩﺍﺭ
ﻣﺎﻣﺎ .. ﺧﻮﺫﻱ ﻓﻠﻮﺳﻚ
ﺍﻧﺎ .. ﺧﺬﻳﺘﻬﻦ
ﻣﺎﻣﺎ .. ﺑﺎﻟﺘﻮﻓﻴﻖ ﺭﻛﺰﻱ ﺑﺎﻫﻲ ﻭﺟﺎﻭﺑﻲ ﺑﺸﻮﻳﺎ ﻣﺎﺗﺮﺗﺒﻜﻴﺶ
ﺍﻧﺎ .. ﻧﺒﻲ ﺩﻋﻮﺍﺗﻚ ﺑﺲ ﻳﺎ ﻣﺎﻣﺎ
ﻣﺎﻣﺎ ﺍﺑﺘﺴﻤﺖ .. ﺍﻥ ﺷﺎﻟﻠﻪ ﺑﺎﻟﻨﺠﺎﺡ
ﻓﺘﺤﺖ ﺑﺎﺏ ﺷﻘﺘﻨﺎ ﻭﻧﺰﻟﺖ ﻭﻟﺤﻘﺘﻨﻲ ﺭﺣﺎﺏ
ﺍﻧﺎ .. ﺑﺎﻫﻲ ﺍﻟﻲ ﻧﺰﻟﺘﻲ ﻭﻗﺖ
ﺭﺣﺎﺏ .. ﺍﻭﻭﻑ ﺑﺎﻫﻲ ﺑﻼ ﻫﺰﺍﻳﺐ ﻣﻦ ﺻﺒﺢ
ﻗﻌﺪﻧﺎ ﻧﻤﺸﻮ ﻟﻴﻦ ﻭﺻﻠﻨﺎ ﻟﻤﺪﺭﺳﻪ ﻭﺧﺸﻴﺖ ﺍﻧﺎ ﻭﻳﺎﻫﺎ
ﺍﻧﺎ .. ﺍﺳﻤﻌﻲ ﺍﻧﺘﻲ ﻳﺎﻓﺮﺧﻪ ﺑﻌﺪﻳﻦ ﺭﻭﺣﻲ ﻃﻮﻝ ﻟﺤﻮﺵ ﺍﻩ
ﺭﺣﺎﺏ .. ﺗﺄ ﺑﺎﻫﻲ
ﺧﺸﻴﺖ ﻟﺴﺎﺣﻪ ﻗﻌﺪﺕ ﻧﺤﻜﻲ ﻣﻊ ﺻﺎﺣﺒﺎﺗﻲ ﻭﺧﺸﻴﻨﺎ ﺑﻌﺪﻫﺎ ﻟﻲ ﺍﻣﺘﺤﺎﻥ
" ﺭﺣﺎﺏ .. ﻛﻮﻳﺲ ﺷﻜﻠﻲ
ﻫﺪﻳﻞ " ﺻﺎﺣﺒﺘﻬﺎ .." ﺩﻛﻨﻲ ﺭﻭﺝ ﺷﻮﻳﺎ ﻣﺶ ﺑﻴﺎﻥ
ﺭﺣﺎﺏ .. ﻫﻜﻲ
ﻫﺪﻳﻞ .. ﺗﻤﺎﻡ ﺑﻜﻞ
ﺭﺣﺎﺏ .. ﻭﺷﺎﺣﻲ
ﻫﺪﻳﻞ .. ﻛﻮﻳﺲ ﺍﻃﻠﻌﻲ ﺷﻔﺘﻪ ﻳﺒﺮﻡ ﺑﺮﺍ ﻭﻣﺎﺳﻚ ﺗﻠﻔﻮﻧﻪ ﻳﺸﻮﻑ ﻑ ﺳﺎﻋﻪ
ﺭﺣﺎﺏ ﺍﺑﺘﺴﻤﺖ .. ﻳﺎﺧﻴﻪ ﻧﺠﻴﻪ ﺣﺒﻴﺒﻲ
ﻃﻠﻌﺖ ﺭﺣﺎﺏ ﻭﻃﺎﺭﻕ ﺑﺮﻡ ﺍﺑﺘﺴﻢ
ﺭﺣﺎﺏ ﻗﺮﺑﺖ ﻣﻨﻪ .. ﺻﺒﺎﺣﻮ
ﻃﺎﺭﻕ .. ﺻﺒﺎﺡ ﺍﻟﺨﻴﺮ؛؛ﺷﻨﻮ ﺣﻠﻴﺘﻲ ﺣﺒﻴﺒﻲ ﺑﺎﻟﻲ ﻣﺸﻐﻮﻝ ﻋﻠﻴﻚ ﻣﻦ ﻧﺒﺪﺭﻱ
ﺭﺣﺎﺏ .. ﺣﻠﻴﺖ ﻛﻮﻳﺲ ﺟﺎﺀ ﺍﻣﺘﺤﺎﻥ ﺣﻠﻮ ﻭﺳﺎﻫﻞ
ﻃﺎﺭﻕ .. ﺑﺎﻩ ﻛﻮﻳﺲ
ﺭﺣﺎﺏ .. ﻫﻴﺎ ﻧﻤﺸﻮ ﺧﻼﺹ
ﻃﺎﺭﻕ .. ﻓﻄﺮﺗﻲ
ﺭﺣﺎﺏ .. ﻻ ﻣﻘﺼﻒ ﻣﺎﻳﺤﻠﺶ ﻑ ﺍﻣﺘﺤﺎﻥ ﻧﺤﺴﺎﺑﻮﻩ ﻳﺤﻞ
ﻃﺎﺭﻕ .. ﺑﺎﻩ ﺗﻮﺍ ﻧﺎﺧﺬﻭ ﻣﻦ ﻣﺤﻞ
ﺭﺣﺎﺏ ﻃﻠﻌﺖ ﻓﻠﻮﺱ ﻣﻦ ﺟﻴﺒﻬﺎ .. ﺍﻣﺴﻚ
ﻃﺎﺭﻕ ﺑﺤﺖ ﻓﻴﻬﺎ ﻭﺭﺩ ﺑﺤﺖ ﻑ ﻓﻠﻮﺱ .. ﺩﺳﻲ ﻓﻠﻮﺳﻚ ﺧﻴﺮ ﻣﺎﻧﺨﺮﺏ ﻭﺟﻚ ﺗﻮﺍ
ﺭﺣﺎﺏ ﺑﺪﻟﻊ .. ﺣﺒﻴﺒﻲ ﻛﻨﻚ
ﻃﺎﺭﻕ ﺍﺑﺘﺴﻢ .. ﻣﺎﺗﺤﻜﻴﺶ ﻣﻌﺎﻳﺎ ﻫﻜﻲ ﺧﻴﺮ ﺍﻧﺘﻲ
ﺭﺣﺎﺏ ﺍﺑﺘﺴﻤﺖ ﻭﻃﺖ ﻋﻴﻮﻧﻬﺎ .. ﺑﺎﻩ ﻫﻴﺎ ﺍﻣﺸﻲ ﺍﺷﺮﻳﻠﻲ ﺷﻜﻼﻃﻪ ﺟﻴﻌﺎﻧﻪ ﺣﺒﻴﺒﺘﻚ
ﻃﺎﺭﻕ ﺷﻴﺮ ﻉ ﻋﻴﻮﻧﻪ .. ﻣﻦ ﻋﻴﻮﻧﻲ
ﺧﺶ ﻟﻤﺤﻞ ﻭﻫﻴﺎ ﻣﺼﺒﻴﻪ ﺗﻠﻌﺐ ﺏ ﺍﺳﻮﺭﺍﺗﻬﺎ
ﻃﺎﺭﻕ .. ﺗﻔﻀﻠﻲ ﻭﺩﺳﻲ ﺑﺎﻗﻲ ﻑ ﺷﻨﻄﺘﻚ
ﺭﺣﺎﺏ .. ﻋﻴﻮﻧﻲ ﻟﻴﺶ ﻣﺘﻌﺐ ﺭﻭﺣﻚ
ﻃﺎﺭﻕ .. ﺣﻮﺑﺎ ﺭﺍﻩ ﺧﻴﺮﻟﻚ
ﺭﺣﺎﺏ .. ﻫﻬﻬﻪ ﺧﻼﺹ ﺳﻜﺘﺖ
ﻗﻌﺪﻭ ﻳﻤﺸﻮ ﻟﻴﻦ ﻭﺻﻠﻬﺎ ﻟﻨﻬﺎﻳﻪ ﺷﺎﺭﻉ
ﺭﺣﺎﺏ .. ﺧﻼﺹ ﻋﺪﻱ
ﻃﺎﺭﻕ ﻣﺴﻚ ﺍﻳﺪﻫﺎ
ﺭﺣﺎﺏ .. ﻃﺎﺭﻕ ﻛﻨﻚ ﺗﻮﺍ ﻳﺸﻮﻓﻨﺎ ﺣﺪ
ﻃﺎﺭﻕ .. ﻣﺎﻳﻬﻤﻨﻴﺶ ﺣﺪ ﺍﻻ ﺍﻧﺘﻲ
ﺭﺣﺎﺏ .. ﻭﻻ ﺍﻧﺎ ﻳﻬﻤﻨﻲ ﺣﺪ ﻏﻴﺮﻙ
ﻃﺎﺭﻕ .. ﻣﺎﺗﻨﺴﻴﺶ ﺍﻧﻲ ﻧﺤﺒﻚ ﻭﺣﻨﻘﻌﺪ ﻧﺤﺒﻚ ﻃﻮﻝ ﻋﻤﺮﻱ
ﺭﺣﺎﺏ ﺍﺑﺘﺴﻤﺖ .. ﻭﺍﻧﺎ ﻧﺤﺒﻚ
ﻃﺎﺭﻕ .. ﻋﺪﻱ ﻫﻲ
ﺭﺣﺎﺏ .. ﻧﺘﻼﻗﻮﺍ ﺑﻌﺪﻳﻦ
ﻃﺎﺭﻕ ﺷﻴﺮﻟﻬﺎ ﻭﻫﻴﺎ ﻗﻌﺪﺕ ﺗﻤﺸﻲ ﻟﻌﻨﺪ ﻭﺻﻠﺖ ﻟﺤﻮﺵ
ﻭﺍﻟﻘﻠﺐ ﻟﻤﺎ ﻳﺤﺐ؟ ﺗﻨﻌﻤﻰ ﺍﻟﻌﻴﻮﻥ ﻋﻠﻰ ﻛُﻞ ﺍﻟﻨﺎﺱ "
" ﺭﻭﺍﻥ " ﺻﺎﺣﺒﺘﻲ .." ﻳﻨﻌﻠﻴﺎ ﻣﺶ ﻫﻮ ﺩﺍﺀ ﺍﻟﻲ ﻛﻨﺖ ﻣﺘﻮﻗﻌﺎﻩ
ﺍﻧﺎ .. ﻫﻬﻬﻪ ﺻﺪﻣﻪ ﺑﺼﺮﺍﺣﻪ
ﺭﻭﺍﻥ .. ﻫﻬﻬﻪ ﻳﻨﻌﻠﻴﺎ ﻭﺧﻼﺹ ﺗﻌﺎﻟﻲ ﻫﻴﺎ ﻧﻜﺴﺪﻭ ﻑ ﻣﻜﺎﻧﺎ
ﺍﻧﺎ .. ﻫﻴﺎ ﻧﻌﺪﻭ
ﻣﺸﻴﻨﺎ ﻭﻗﻤﻌﺰﻧﺎ
ﺍﻧﺎ .. ﺭﻭﺍﻥ ﺑﻨﺤﻜﻴﻠﻚ
ﺭﻭﺍﻥ .. ﺍﺣﻜﻲ ﻣﻦ ﻧﺒﺪﺭﻱ ﻧﺸﻮﻑ ﻓﻴﻚ ﺗﺰﺣﺰﺣﻲ ﻃﻠﻌﻲ ﻫﺎﻟﺠﻮﻫﺮﻩ
ﺍﻧﺎ .. ﻫﻬﻬﻪ ﺑﺎﻩ ﻗﺎﻋﺪﻩ ﻧﺤﻜﻲ ﺍﻫﻮ؛؛ﻣﻮﺩﻩ ﻣﺮﺍﺕ ﻳﻮﺳﻒ ﻫﺬﻛﻪ ﺍﻟﻴﻮﻡ ...... ؛
ﺭﻭﺍﻥ .. ﺍﻭﻭﻭ ﻛﺒﺮﻧﺎ ﻭﺑﻨﺠﻮﺯﻭ
ﺍﻧﺎ ﺿﺮﺑﺘﻬﺎ ﻉ ﺍﻳﺪﻫﺎ .. ﻳﺎﺑﺎﺭﺩﻩ ﺍﺗﺤﻨﻄﻲ
ﺭﻭﺍﻥ .. ﻣﺶ ﺻﻠﻴﺘﻲ ﺍﺳﺘﺨﺎﺭﻩ ﻭﺗﺮﻳﺤﺘﻲ ﺧﻼﺹ
ﺍﻧﺎ .. ﺍﻫﺎ ﺗﺮﻳﺤﺖ ﺑﺲ ﻣﺸﻌﺎﺭﻓﻪ ﻫﻜﻲ ﻭﺣﻠﻢ ﻛﺎﻥ ﺣﻠﻮ ﺑﻜﻞ
ﺭﻭﺍﻥ .. ﺧﻼﺹ ﻣﻌﺘﺰ ﻋﻄﺎ ﻣﻮﺍﻓﻘﻪ ﻉ ﻣﻘﺎﺑﻠﻪ ﺍﻥ ﺷﺎﺀ ﺍﻟﻠﻪ ﺧﻴﺮ
ﺍﻧﺎ .. ﺍﻥ ﺷﺎﺀ ﺍﻟﻠﻪ ﻣﺘﻮﺗﺮﻩ ﻣﻦ ﺗﻮﺍ
ﺭﻭﺍﻥ .. ﺍﻳﻴﻬﻢ
ﺍﻧﺎ ﺑﺤﺘﺖ ﻓﻴﻬﺎ ﻭﻛﺸﺨﺖ ﺿﺮﺑﺖ ﺍﻳﺪﻫﺎ .. ﺍﻧﺘﻲ ﺗﺒﻲ ﻃﺮﻳﺤﻪ ﺍﻟﻴﻮﻡ ﺻﺎﺡ
ﺭﻭﺍﻥ .. ﺍﺣﺢ ﻳﺎﺑﺎﺭﺩﻩ ﺑﺎﻩ ﻓﻬﻤﻨﺎ
ﺍﻧﺎ .. ﺻﺒﻲ ﺭﻥ ﺍﻟﺠﺮﺱ
ﺭﻭﺍﻥ .. ﺻﺒﻴﻨﻲ ﻣﻌﺎﻙ "
" ﻑ ﻗﺎﻳﻼ ﻭﻗﺖ ﺍﻟﻐﺪﺍﺀ
ﻣﻮﺩﻩ .. ﺍﻭﻓﺎ
ﻳﻮﺳﻒ ﺑﺤﺖ ﻓﻴﻬﺎ .. ﻧﻌﻢ ﻛﻨﻚ
ﻗﺮﺑﺖ ﻣﻨﻪ ﻭﺣﻄﺖ ﺍﻳﺪﻫﺎ ﻉ ﻛﺘﻔﻪ ﻭﻣﺘﻜﻴﻪ ﻋﻠﻴﻪ
ﻣﻮﺩﻩ .. ﺣﺒﻴﺒﻲ ﺧﻠﻴﻨﺎ ﻟﻴﻮﻡ ﻧﻨﺰﻟﻮ ﻧﺸﻮﻓﻮ ﺍﻣﻚ ﺣﺮﺍﻡ ﻳﻌﻨﻲ ﻑ ﻧﻬﺎﻳﻪ ﻫﻴﺎ ﻣﺮﺍ ﻛﺒﻴﺮﻩ ﻭﺗﺒﻲ ﻣﻦ ﻳﺴﺎﻳﺮﻫﺎ ﺧﻠﻴﻨﺎ ﻧﺤﻦ ﻧﻨﺰﻟﻮ
ﻳﻮﺳﻒ ﺭﺩ ﻳﺒﺤﺖ ﻑ ﺍﻝ Tv
ﻣﻮﺩﻩ .. ﺍﻭﻓﺎ ﺷﻨﻮ ﻗﻠﺖ ﺍﻛﻴﺪﻩ ﺗﺒﻲ ﺗﺸﻮﻓﻚ ﺣﺮﺍﻡ ﻓﻮﺗﻬﺎ ﺗﻮﺍ ﻧﻨﺰﻝ ﻭﻧﺘﺎﺳﻒ ﻣﻨﻬﺎ ﺣﺘﻰ ﻧﻜﺴﺮﻭ ﺷﺮ
ﻳﻮﺳﻒ .. ﺍﻭﻑ ﻣﻮﺩﻩ ﺍﺳﻜﺘﻲ ﺑﻼ ﺯﻥ
ﻣﻮﺩﻩ .. ﻣﺎﻧﺒﻴﺶ ﻻﻻ ﺣﺮﺍﻡ ﻋﻠﻴﻚ ﺑﺎﻩ ﺗﺮﺿﻰ ﺍﻧﺖ ﻭﻟﺪﻙ ﺍﺩﻳﺮﻟﻚ ﻫﻜﻲ ﻣﺎﺗﺮﺿﺶ ﺻﺎﺡ
ﻳﻮﺳﻒ .. ﺍﻭﻑ ﺑﺎﻫﻲ
ﻣﻮﺩﻩ ﺑﺎﺳﺖ ﺧﺪﻩ .. ﻧﺠﻚ ﻋﺎﺭﻓﺘﻚ ﺣﺘﻘﻮﻝ ﺑﺎﻩ ﻭﺗﻴﺖ ﺣﺘﻰ ﻛﻴﻜﻪ ﺍﻟﻲ ﻫﻴﺎ ﺗﺤﺒﻬﺎ ﻭﺍﻭﻓﺎ ﻟﻮ ﻛﺎﻥ ﺗﺠﻴﺐ ﻫﻜﻲ ﻋﻄﺮ ﻭﻻ ﺣﺎﺟﻪ ﻫﻴﺎ ﺗﺤﺒﻬﺎ ﻧﻔﺮﻭﺣﻬﺎ ﺑﻴﻬﺎ
ﻳﻮﺳﻒ ﻳﺒﺤﺖ ﻓﻴﻬﺎ ﻭﻣﺒﺘﺴﻢ .. ﻧﺤﺒﻬﺎ ﻃﻴﺒﻪ ﻗﻠﺒﻚ ﻫﺬﻱ
ﻣﻮﺩﻩ ﺍﺑﺘﺴﻤﺖ .. ﺷﻨﻮ ﻧﻄﻠﻌﻮ ﻭﻻ ﺗﻌﺪﻱ ﺑﺮﻭﺣﻚ
ﻳﻮﺳﻒ .. ﻻ ﻫﻴﺎ ﺻﺒﻲ ﻏﻴﺮﻱ ﺧﻠﻲ ﻧﻄﻠﻌﻮ ﻧﻐﻴﺮﻭ ﺟﻮ ﺣﺘﻰ
ﻣﻮﺩﻩ .. ﻧﺠﻚ ﻟﻴﺎ ﺷﻜﺮﺍً ﻳﺎﺑﻴﺒﻲ ﻫﻴﺎ ﻣﺶ ﺣﻨﻄﻮﻝ
ﻋﺪﺕ ﻣﻮﺩﻩ ﺗﻐﻴﺮ ﻑ ﺩﺑﺸﻬﺎ ﻭﻧﺰﻟﺖ ﻫﻴﺎ ﻭﻳﻮﺳﻒ
ﻳﻮﺳﻒ .. ﻭﻳﻦ ﺗﺒﻲ
ﻣﻮﺩﻩ .. ﺍﻣﻤﻢ ﻋﺎﺩﻱ ﺍﻱ ﻣﻜﺎﻥ ﺣﻠﻮ ﻫﻜﻲ
ﻳﻮﺳﻒ ﺑﺤﺖ ﻓﻴﻬﺎ ﻭﺍﺑﺘﺴﻢ .. ﻣﺎﺷﻲ ﺗﻤﺎﻡ "
" ﻣﺤﻤﺪ .. ﻫﺎ ﻫﺎ ﻟﻴﺶ ﺗﺮﻧﻲ ﺗﻮﺍ ﺍﻩ ﺷﻦ ﺗﺒﻲ
ﺭﺷﺎ ﺧﻨﻘﺘﻬﺎ ﺍﻟﻌﺒﺮﻩ .. ﺃﺣﻤﻴﺪﺍ
ﻣﺤﻤﺪ .. ﺗﻮﺍ ﺍﺣﻤﻴﺪﺍ ﺗﻮﺍ
ﺭﺷﺎ .. ﺍﻓﻬﻢ ﻗﺒﻞ ﺑﻌﺪﻫﺎ ﻋﺼﺐ ﻋﻠﻴﺎ ﻋﻄﻴﻨﻲ ﻓﺮﺻﻪ ﺑﺎﻩ ﻧﺤﻜﻲ
ﻣﺤﻤﺪ .. ﻭ ﺍﻧﺘﻲ ﺍﻣﺲ ﻋﻄﻴﺘﻴﻨﻲ ﻓﺮﺻﻪ ﻧﺸﺮﺡ ﻭﻧﺤﻜﻲ
ﺭﺷﺎ .. ﺑﺲ ﺍﻧﺎ
ﻣﺤﻤﺪ .. ﺍﻧﺘﻲ ﺷﻨﻮ ﻳﺎ ﺭﺷﺎ ﺷﻨﻮ ﻣﺶ ﺍﻭﻝ ﻣﺮﻩ ﺗﺸﻜﻲ ﺍﻧﺘﻲ ﻣﺶ ﺍﻭﻝ ﻣﺮﻩ ﺗﻌﻴﻄﻲ ﻧﻔﺲ ﺍﻣﺲ ﻭﻣﺎﺗﻌﻄﻨﻴﺶ ﻓﺮﺻﻪ ﻧﺒﺮﺭ ﺑﻜﻞ ﺩﻳﻤﺎ ﻧﻔﺲ ﺍﻟﺠﻮ ﻳﺎ ﺭﺷﺎ ﺩﻳﻤﺎ
ﺭﺷﺎ ﻗﻌﺪﺕ ﺗﺒﻜﻲ .. ﺍﺣﻤﻴﺪﺍ ﻛﻨﺖ ﻣﻌﺼﺒﻪ ﻭﻣﻀﺎﻳﻘﻪ ﻣﺎﻧﺒﻴﺶ ﻳﺼﻴﺮ ﻫﻜﻲ ﺍﻧﺎ ﻣﺎﻧﺒﻴﺶ ﺗﺰﻋﻞ ﻣﻨﻲ ﻧﻔﺲ ﻛﻞ ﻣﺮﻩ ﻭﻧﺮﺩﻭ ﻟﻤﺸﺎﻛﻞ
ﻣﺤﻤﺪ .. ﺍﻭﻭﻑ ﺗﺆ ﺑﺎﻩ ﻟﻴﺶ ﺗﺒﻜﻲ ﺍﺯﺡ
ﺭﺷﺎ ﺳﺎﻛﺘﻪ ﻭﺗﺒﻜﻲ
ﻣﺤﻤﺪ .. ﺻﻜﺮﻱ ﺍﻣﺸﻲ ﺍﻏﺴﻠﻲ ﻭﺟﻚ ﻭﺍﻫﺪﻯ ﺷﻮﻳﺎ ﻭﺭﺩﻱ ﻧﺤﻜﻮﺍ
ﺭﺷﺎ ﺳﺎﻛﺘﻪ
ﻣﺤﻤﺪ .. ﻣﺎﺷﻲ
ﺭﺷﺎ .. ﺑﺎﻩ
ﻣﺤﻤﺪ .. ﺻﻜﺮﻱ ﻫﻲ
ﺻﻜﺮﺕ ﻭﻣﺸﺖ ﻏﺴﻠﺖ ﻭﺟﻬﺎ ﻭﺭﺩﺕ ﻗﻤﻌﺰﺕ ﻉ ﺳﺮﻳﺮ ﻣﺎﺳﻜﻪ ﻓﻮﻥ ﻑ ﺍﻳﺪﻫﺎ ﺭﻥ ﻓﻮﻥ
ﺭﺷﺎ ﺗﻨﻬﺪﺕ .. ﺍﻟﻮ
ﻣﺤﻤﺪ .. ﺍﻳﻮﺍﻩ ﺷﻨﻮ ﺗﺴﻤﻌﻲ ﻓﻴﺎ
ﺭﺷﺎ .. ﺍﻫﺎ ﻧﺴﻤﻊ
ﻣﺤﻤﺪ .. ﻫﺪﻳﺘﻲ ﺗﻮﺍ
ﺭﺷﺎ .. ﺍﻫﻢ
ﻣﺤﻤﺪ .. ﺑﺎﻩ ﺗﻤﺎﻡ ﻛﻮﻳﺲ
ﺭﺷﺎ .. ﻣﻴﺪﻭ
ﻣﺤﻤﺪ .. ﺍﻭﻭﻑ ﻫﺎ ﻳﺎﻫﻤﻪ ﺍﻧﺘﻲ
ﺭﺷﺎ .. ﺭﺩ ﻋﻠﻴﺎ ﺣﺘﻰ ﺑﻌﺪ ﻧﺘﻌﺎﺭﻛﻮ
ﻣﺤﻤﺪ .. ﻭﺑﻌﺪ ﻧﻜﻮﻥ ﻣﻌﺼﺐ ﻭﻋﺎﺭﻑ ﺍﻧﻲ ﻣﺶ ﺣﻨﺘﺤﻜﻢ ﻑ ﺃﻋﺼﺎﺑﻲ ﻭﺑﻨﺰﻋﻠﻚ ﻭﻗﺘﻬﺎ ﻧﻄﺮ ﺍﻧﻲ ﻣﺎﻧﺮﺩﺵ ﻋﻠﻴﻚ ﻭﻻ ﻧﺤﻜﻲ ﻣﻌﺎﻙ ﺧﺎﻳﻒ ﻉ ﺯﻋﻠﻚ ﻭﺍﻧﺎ ﺯﻋﻼﻥ ﻣﻨﻚ
ﺭﺷﺎ .. ﺑﺎﻩ ﻭﺍﻟﻠﻪ ﺍﻧﺎ ﺍﺳﻔﻪ
ﻣﺤﻤﺪ .. ﺣﺼﻞ ﺧﻴﺮ ﺧﻼﺹ ﻳﻌﻨﻲ ﺍﻧﺘﻲ ﻣﺶ ﻋﺎﺭﻓﺘﻴﻨﻲ ﻛﻴﻒ ﺍﻧﺎ ﻧﻔﻜﺮ ﻭﻻ ﻛﻴﻒ ﻧﺤﺒﻚ ﻳﺎﺣﻤﺎﺭﻩ
ﺭﺷﺎ .. ﺣﻤﺎﺭﻩ ﺍﻧﺖ ﻗﻠﺘﻬﺎ ﺑﺲ ﻭﺍﻟﻠﻪ ﺍﻧﺎ ﺑﺮﻭﺣﻲ ﻫﻜﻲ ﻣﻀﺎﻳﻘﻪ ﺟﺖ ﻓﻴﻚ ﺍﻧﺖ
ﻣﺤﻤﺪ .. ﻛﻨﻬﺎ ﺣﺒﻴﺒﺘﻲ ﺯﻋﻼﻧﻪ ﻣﻦ ﻣﻀﺎﻳﻘﻬﺎ
ﺭﺷﺎ ﺍﺑﺘﺴﻤﺖ .. ﻭﺍﻟﻲ ﻣﻀﺎﻳﻘﻨﻲ ﺷﻦ ﺑﺪﻳﺮﻟﻪ
ﻣﺤﻤﺪ .. ﻧﻮﻗﻒ ﻑ ﻭﺟﻪ ﻛﻞ ﺍﻟﻲ ﻳﻀﺎﻳﻘﻚ
ﺭﺷﺎ .. ﻧﺤﺒﻚ ﻭﺍﻟﻠﻪ
ﻣﺤﻤﺪ .. ﻫﻬﻬﻪ ﻭﺍﻧﺎ ﻧﺤﺒﻚ ﻳﺎﻫﺒﻠﻪ
ﺭﺷﺎ .. ﺭﺍﻳﻔﺖ ﻋﻠﻴﻚ ﻭﺍﻣﺲ ﻣﻜﺴﺪﻩ ﺑﺮﻭﺣﻲ
ﻣﺤﻤﺪ .. ﻭﺍﻧﺎ ﻛﺴﺪﺕ ﺑﺲ ﺷﻦ ﻧﺪﻳﺮﻟﻚ ﺍﻧﺘﻲ ﺗﺒﻲ ﻃﺮﻳﺤﻪ
ﺭﺷﺎ .. ﻫﻬﻪ ﻣﺶ ﺣﺮﺍﻡ ﺣﺒﻴﺒﺘﻚ
ﻣﺤﻤﺪ .. ﻣﺎﻩ ﻫﻴﺎ ﺗﺴﺘﺎﻫﻞ
ﺭﺷﺎ ﺑﺠﻌﻮﻧﻪ .. ﺍﺣﻤﻴﺪﺩﺩﺍﺍﺍ
ﻣﺤﻤﺪ .. ﻋﻦ ﺟﺪ ﻭﺟﻚ ﻣﻌﺶ ﺗﺤﻜﻲ ﻫﻜﻲ
ﺭﺷﺎ .. ﻫﻬﻬﻬﻪ ﻭﻛﻴﻒ ﺗﺒﻴﻨﻲ ﻧﺤﻜﻲ ﺑﺎﻩ
ﻣﺤﻤﺪ .. ﻫﻜﻲ ﺍﺣﻜﻲ ﻋﺎﺩﻱ
ﺭﺷﺎ .. ﺍﻣﻤﻢ ﻭﻟﻴﺶ ﺑﺎﻩ
ﻣﺤﻤﺪ .. ﻧﻤﺒﺮ ﻭﻥ ﺍﻧﺎ ﻫﻜﻲ ﻭﻗﺘﻬﺎ ﻧﺘﺤﻤﺲ ﻭﺗﺘﻌﺐ ﻣﻊ ﻛﻼﻡ ﻫﺬﺍ
ﺭﺷﺎ .. ﻫﻬﻬﻪ ﻭﻧﻤﺒﺮ ﺗﻮﻭ
ﻣﺤﻤﺪ .. ﻭﻧﻤﺒﺮ ﺗﻮ ﺍﻧﺎ ﻧﺤﺐ ﺍﻧﻚ ﺗﻘﻌﺪﻱ ﻉ ﻃﺒﻴﻌﺘﻚ ﻳﻌﻨﻲ ﺍﻧﺎ ﺣﺒﻴﺘﻚ ﻫﻜﻲ ﻭﺣﺒﻴﺖ ﺟﻮﻙ ﻭﺷﺨﺼﻴﺘﻚ ﻫﻜﻲ
ﺭﺷﺎ .. ﺑﺲ ﺍﻧﺎ ﻣﺎﻧﻐﻴﺮﺵ ﻑ ﺷﺨﺼﻴﺘﻲ ﻭﻻ ﺟﻮﻱ ﻣﺎ ﻧﻐﻴﺮﻟﻚ ﻑ ﺟﻮ ﺍﻧﺖ
ﻣﺤﻤﺪ .. ﻳﻨﻌﻠﻴﺎ ﺍﻧﺎ ﻭﺧﻼﺹ "
" ﻣﻮﺩﻩ .. ﺣﻘﻚ ﻋﻠﻴﺎ ﻳﺎﺍﻋﻤﻴﻤﻪ ﻣﺶ ﻗﺼﺪﻱ ﻧﺰﻋﻠﻚ ﺍﻧﺎ ﺣﺎﺳﺒﺘﻚ ﻛﻴﻒ ﻣﺎﻣﺎ
ﺳﺎﻟﻤﻪ ﺗﺒﺤﺖ ﻓﻴﻬﺎ ﻭﻣﺶ ﻋﺎﺟﺒﻬﺎ ﻛﻼﻡ
ﻳﻮﺳﻒ ﻗﺮﺏ ﻣﻨﻬﺎ ﻭﺑﺎﺱ ﺍﻳﺪﻳﻬﺎ .. ﺳﺖ ﺣﺒﺎﻳﺐ ﺯﻋﻼﻥ ﻣﻨﻲ ﻣﻌﻘﻮﻟﻪ ﻣﻦ ﻳﻘﺪﺭ ﻳﺰﻋﻠﻚ ﺍﻧﺘﻲ ﻳﺎﺳﺖ ﺍﻟﻜﻞ
ﺳﺎﻟﻤﻪ ﻣﺎﺳﻜﺘﻠﻪ ﺷﻌﺮﻩ .. ﺗﻮﺍ ﻳﺎﻏﻀﻴﺐ ﺍﻩ
ﻳﻮﺳﻒ .. ﻫﻬﻬﻬﻪ ﺧﻼﺹ ﺑﺎﻩ ﺑﻼ ﻣﻌﻴﻼ ﻗﺪﺍﻡ ﻣﺮﺍﺗﻲ ﻛﺒﺮﻧﺎ ﻱ ﺍﻣﻲ ﺧﻼﺹ
ﺳﺎﻟﻤﻪ .. ﻳﺎﻛﻼ ﻛﺒﺮﺕ ﺷﻦ ﺩﻭﺗﻬﺎ ﻫﺬﻱ ﻣﺰﺍﻟﺖ ﺻﻐﻴﺮ
ﻧﺪﻯ .. ﻛﻨﻚ ﻳﺎﻣﺎﻣﺎ ﻳﻮﺳﻒ ﻗﻌﺪ ﺷﺎﻳﺐ ﻗﺮﻳﺐ ﻳﺨﺶ ﺛﻼﺛﻴﻦ
ﻳﻮﺳﻒ .. ﻻ ﻋﺎﺩ ﻣﺶ ﺷﺎﻳﺐ ﺍﻧﺘﻲ ﻷﺧﺮﻯ ﻣﺰﺍﻟﺖ ﺷﺎﺏ
ﺳﺎﻟﻤﻪ .. ﺗﻮﺍ ﻣﺶ ﻗﻠﺖ ﻛﺒﺮﺕ ﺷﻦ ﻏﻴﺮ ﻛﻼﻣﻚ
ﻃﺎﺭﻕ ﺧﺶ .. ﺍﻟﺴﻼﻡ ﻋﻠﻴﻜﻢ
ﺳﺎﻟﻤﻪ .. ﺍﻫﻮ ﺟﺎﺀ ﻷﺧﺮﻯ ﻫﺬﺍ ﻣﺮﺍﺗﻪ ﻗﺎﻋﺪﻩ ﻛﻴﻒ ﻭﺿﻮﺡ ﺷﻤﺲ ﺗﻤﺸﻴﻪ ﻛﻴﻒ ﻣﺎﻫﻴﺎ ﺗﺒﻲ
ﻃﺎﺭﻕ .. ﺷﻨﻮ ﺷﻨﻮ ﻗﺮﻣﻪ ﻋﻴﻨﻲ ﻋﻴﻨﻚ ﻫﻜﻲ ﻛﻨﻚ ﻳﺎﺍﻣﻲ
ﻳﻮﺳﻒ .. ﺗﻌﺎﻟﻰ ﺍﺳﺘﻠﻢ
ﻃﺎﺭﻕ .. ﺍﻭﻭﻭ ﺍﻟﻌﺰﻭﺯ ﻣﺶ ﺭﺍﺿﻴﻪ ﻋﻠﻴﻨﺎ ﺍﻟﻴﻮﻡ
ﺳﺎﻟﻤﻪ .. ﺍﺣﺢ ﻏﻴﺮ ﻧﻌﺮﻑ ﺑﺲ ﺍﻧﺎ ﻣﻦ ﺍﻟﻲ ﻭﺃﺧﺬﻩ ﻋﻘﻠﻚ ﺍﻧﺎ
ﻃﺎﺭﻕ .. ﻫﻬﻬﻪ ﻭﻛﺎﻥ ﻋﺮﻓﺘﻴﻬﺎ ﺷﻦ ﺗﺒﻲ ﺩﻳﺮﻱ
ﻧﺪﻯ .. ﻣﺎﻣﺎ ﻧﻘﻮﻝ
ﻃﺎﺭﻕ ﻓﻨﺺ ﻓﻴﻬﺎ .. ﺑﺎﻩ ﺷﻨﺠﻮ ﺷﻐﻞ ﻳﺎﻳﻮﺳﻒ
ﺳﺎﻟﻤﻪ .. ﺗﻐﻴﺮ ﻑ ﻣﻮﺿﻮﻉ ﺍﻩ
ﻃﺎﺭﻕ .. ﻫﻬﻬﻪ ﻛﻨﻚ ﻣﻌﺎﻳﺎ ﺷﻲ ﻣﺮﻩ ﺍﺳﺘﻠﻤﻲ ﻣﺮﻭﺍﻥ ﻭﻓﻮﺗﻴﻨﻲ ﺍﻧﺎ
ﺳﺎﻟﻤﻪ .. ﻣﺮﻭﺍﻥ ﺍﻟﻠﻪ ﻳﺮﺑﺤﻪ ﻣﺎﻓﻴﺶ ﻣﻨﻪ ﺍﺛﻨﻴﻦ
ﻳﻮﺳﻒ .. ﻫﺎﺑﺎ ﻭﺧﻼﺹ ﻣﺤﺒﺖ ﺍﻟﻮﺍﻟﺪﻳﻦ ﺑﺨﻮﺕ
ﺳﺎﻟﻤﻪ .. ﺷﻦ ﻗﺼﺪﻙ ﺍﻧﺖ ﺍﻩ
ﻳﻮﺳﻒ .. ﻫﻬﻬﻪ ﻣﺎﻗﺼﺪﻱ ﺷﻲ
ﻃﺎﺭﻕ .. ﻣﺮﺍﺗﻚ ﻣﺰﺍﻟﺖ ﻉ ﻫﺪﻭﺀ ﺍﻟﻤﺴﺘﻔﺰ ﻫﺬﺍ
ﻣﻮﺩﻩ ﺍﺑﺘﺴﻤﺖ .. ﻛﻨﻚ ﻣﻌﺎﻳﺎ ﻳﺎ ﻃﺎﺭﻕ
ﻃﺎﺭﻕ .. ﻫﺪﺭﺯﻱ ﺍﻧﻄﻠﻘﻲ ﺩﻳﻤﺎ ﻛﺎﺷﻪ ﻑ ﺭﻭﺣﻚ ﻫﻜﻲ
ﻳﻮﺳﻒ .. ﻫﻴﺎ ﻫﻚ ﻓﻮﺗﻬﺎ ﻳﺎ ﺭﺍﺟﻞ ﻋﺎﺭﻓﺘﻬﺎ ﺳﻤﺎﻃﺘﻚ ﺍﻧﺎ
ﻃﺎﺭﻕ ﺻﺒﻰ .. ﻣﺼﺒﻲ ﺑﻜﻞ ﺍﻧﺎ
ﺳﺎﻟﻤﻪ .. ﻭﻳﻦ ﻣﺎﺷﻲ
ﻃﺎﺭﻕ .. ﻣﺎﺷﻲ ﻣﻊ ﻋﻼﺀ ﻋﻨﺪﻧﺎ ﻣﻮﺿﻮﻉ
ﺳﺎﻟﻤﻪ .. ﺍﺷﺮﺏ ﺣﺎﺟﻪ ﻗﺒﻞ؛؛ﺻﺒﻦ ﺩﻳﺮﻥ ﻗﻬﻮﺀ ﻫﻴﻴﻲ ﻻﺯﻡ ﺑﺘﻨﺪﻳﻪ ﻳﺎﺑﺘﻲ "
" ﻧﻀﺖ ﻣﻊ ﺳﺎﻋﻪ 5 ﺭﺍﺳﻲ ﻣﺼﺪﻉ ﺑﻜﻞ ﻃﻠﻌﺖ ﻣﻦ ﺩﺍﺭ ﻣﺸﻴﺖ ﻟﻤﻄﺒﺦ ﻟﻘﻴﺖ ﻣﺎﻣﺎ ﻣﺼﺒﻴﻪ ﻑ ﻣﻄﺒﺦ ﻭﺗﻌﺠﻦ ﻑ ﺣﺎﺟﻪ ﻭﺗﻼﻫﺎ ﺭﻳﻬﺎﻡ ﺗﺤﻮﺱ
ﻣﺎﻣﺎ .. ﻧﻀﺘﻲ ﺻﺢ ﺍﻟﻨﻮﻡ ﻳﺎﺣﻨﻪ
ﺍﻧﺎ ﺍﺑﺘﺴﻤﺖ ﺑﺸﻮﻳﺎ .. ﺳﻠﻤﻚ ﺷﻦ ﺩﻳﺮﻭ
ﻣﺎﻣﺎ .. ﻋﺪﻱ ﺩﻳﺮﻱ ﺣﺎﺟﺎﺗﻚ ﺍﻟﻲ ﺗﺒﻲ ﺩﻳﺮﻫﺎ ﻭﻗﺒﻞ ﻻ ﺗﺒﺪﻱ ﺗﻘﺮﻱ ﺗﻌﺎﻟﻴﻠﻲ ﻫﻨﺎ ﻧﻘﻮﻟﻚ
ﺍﻧﺎ .. ﺑﺎﻩ ﺍﻥ ﺷﺎﺀ ﺍﻟﻠﻪ ﺧﻴﺮ
ﺭﻳﻬﺎﻡ .. ﻣﺎﻃﻮﻟﻴﺶ
ﺍﻧﺎ .. ﺑﺎﻫﻲ ﻣﺶ ﻣﻄﻮﻟﻪ "
" ﻃﺎﺭﻕ .. ﺗﻲ ﺻﺒﻲ ﻓﺰ ﺧﻠﻲ ﻧﻤﺸﻮ ﻧﻜﺴﺪﻭ ﻋﻠﻴﻪ
ﻋﻼﺀ .. ﻳﺎﺭﺍﺟﻞ ﻓﻜﻨﺎ ﻣﻨﻪ ﻣﻌﺘﺰ ﺗﻮﺍ ﻳﻨﻔﺼﻞ ﻋﻠﻴﻨﺎ ﻭﻧﻠﺘﺰﻭ
ﻃﺎﺭﻕ .. ﺑﺎﻩ ﻫﺎ ﺍﻣﻼ ﻧﻘﻌﺪﻭ ﻑ ﻛﺴﺎﺩ ﻧﺒﺪﺭﻱ ﺗﻘﻮﻟﻲ ﻋﻨﺪﻱ ﻣﻮﺿﻮﻉ ﻣﻬﻢ ﺗﻌﺎﻝ ﻭﺗﻮﺍ ﺗﻘﻮﻟﻲ ﻻ ﺧﻼﺹ ﻧﻬﻴﺘﻪ ﻣﻮﺿﻮﻉ
ﻋﻼﺀ .. ﺧﻼﺹ ﻃﻠﻌﺘﻪ ﻣﻦ ﺭﺍﺳﻲ
ﺳﻔﻴﺎﻥ .. ﻫﻼ ﺏ ﺷﺒﺎﺏ
ﻋﻼﺀ .. ﻫﻼ
ﺳﻔﻴﺎﻥ .. ﻣﺎﻧﻠﻘﺶ ﻋﻨﺪﻛﻢ ﺩﺧﺎﻥ
ﻃﺎﺭﻕ .. ﻋﻨﺪﻱ ﻭﻣﺶ ﻋﺎﻃﻴﻚ
ﺳﻔﻴﺎﻥ .. ﻣﺪ ﻭﻓﻜﻨﺎ ﻣﻦ ﻗﺮﻗﻀﻪ ﻳﺎ ﺭﺍﺟﻞ ﻧﺴﻠﻚ ﺑﺲ ﻭﻧﻌﻄﻴﻚ ﺑﺎﻛﻮ ﻛﺎﻣﻞ
ﻃﺎﺭﻕ .. ﺑﻨﺮﺍﺟﻲ ﻟﻴﻦ ﺗﺴﻠﻚ ﺗﻮﺍ ﺍﻧﺎ
ﺳﻔﻴﺎﻥ .. ﻳﺎﺭﺍ ﺭﻭﺡ ﺍﻋﻠﻴﻮﻩ ﻣﺎﻋﻨﺪﻛﺶ
ﻋﻼﺀ ﺑﺤﺖ ﻓﻴﻪ ﻣﻦ ﺟﻨﺐ .. ﺗﺤﻖ ﻓﻴﺎ ﻧﺪﺧﻦ
ﺳﻔﻴﺎﻥ ﺿﺮﺑﻪ ﻉ ﺿﻬﺮﻩ .. ﻧﺴﻴﺘﻚ ﻳﺎﺭﺍ ﺍﻧﺖ ﻣﺆﺩﺏ
ﻋﻼﺀ .. ﺳﻔﻴﺎﻥ ﺧﻴﺮﻟﻚ
ﺳﻔﻴﺎﻥ .. ﺑﺎﻩ ﻫﺎ ﺑﺘﻤﺪ ﻭﻻ ﻻ
ﻋﻼﺀ ﻃﻠﻊ ﻓﻠﻮﺱ ﻣﻦ ﺟﻴﺒﻪ ﻭﻋﺰﻗﻬﻦ ﻟﻪ .. ﺍﻣﺴﻚ ﻭﺣﻞ ﻫﻲ ﻋﺪﻱ ﺍﺷﺮﻱ ﺩﺧﺎﻥ
ﺳﻔﻴﺎﻥ .. ﻳﺎﻧﻌﻠﻴﺎ ﺍﻧﺎ ﺍﻧﻘﻨﻚ ﺍﺻﻠﻲ ﻳﺎﻃﻴﺮﻱ ﺩﻳﻤﺎ ﻣﻨﻮﺭﻫﺎ
ﻃﻠﻊ ﺳﻔﻴﺎﻥ
ﻃﺎﺭﻕ .. ﺑﺘﺤﻜﻲ ﻭﻻ ﻧﺘﻠﻚ ﺑﻜﻒ
ﻋﻼﺀ .. ﺧﻠﻴﻬﺎ ﻣﻊ ﺍﻳﺎﻡ ﺗﻮﺍ ﺗﻌﺮﻑ ﺷﻨﻮ ﻓﻲ
ﻃﺎﺭﻕ ﺣﻂ ﺍﻳﺪﻩ ﻉ ﻛﺘﻒ ﻋﻼﺀ .. ﺑﺎﻫﻲ ﺍﻥ ﺷﺎﺀ ﺍﻟﻠﻪ ﺧﻴﺮ ﻭﺧﻼﺹ
ﻋﻼﺀ ﺗﻨﻬﺪ ﻭ ﺑﺤﺖ ﻑ ﻃﺎﺭﻕ .. ﺍﻥ ﺷﺎﺀ ﺍﻟﻠﻪ "
" ﺍﻧﺎ .. ﻛﻴﻴﻴﻒ ﺑﻜﺮﺍ ﺍﻣﺘﻰ ﺻﺎﺭ ﻛﻼﻡ ﻫﺬﺍ
ﻣﺎﻣﺎ .. ﺭﺍﺟﻞ ﻣﺶ ﻓﺎﺿﻲ ﻗﺎﻝ
ﺍﻧﺎ .. ﻭﺗﻘﻮﻟﻮﻟﻪ ﺑﻜﺮﺍ
ﻣﺎﻣﺎ .. ﺑﻜﺮﺍ ﻣﺶ ﻋﻨﺪﻙ ﻋﻄﻠﻪ ﺗﻮﺍ ﺍﻧﺘﻲ ﻓﻜﻴﻨﻲ ﻣﻦ ﻧﻮﺑﺠﻪ ﺯﺍﻳﺪﻩ
ﺍﻧﺎ .. ﺍﻭﻭﻑ ﻳﺎﻣﺎﻣﺎ ﺍﻭﻭﻑ
ﻣﺎﻣﺎ .. ﺧﻼﺹ ﺍﻟﻲ ﺻﺎﺭ ﺻﺎﺭ ﺗﻮﺍ
ﺭﻳﻬﺎﻡ .. ﺧﻼﺹ ﺗﻮﺍ ﻳﻌﻨﻲ ﻣﺶ ﺑﺘﻔﺮﻕ ﺑﻜﺮﺍ ﻭﻻ ﻳﻮﻡ ﺧﻤﻴﺲ
ﺭﺷﺎ .. ﺻﺎﺡ ﺍﻧﺘﻲ ﻫﻜﻲ ﻭﻻ ﻫﻜﻲ ﺗﺒﻲ ﺗﺸﻮﻓﻴﻪ ﺷﻮﻓﻴﻪ ﺗﻮﺍ ﻭﺗﺮﻳﺤﻲ
ﺭﺣﺎﺏ .. ﺩﻳﺮﻱ ﻗﻨﺎﻉ ﻟﻮﺟﻚ ﺗﺤﺴﻴﻪ ﺷﺎﺣﺐ ﻫﻜﻲ ﻭﺩﻳﺮﻱ ﻓﺘﻠﻪ
ﺭﻳﻬﺎﻡ .. ﺍﻫﺎ ﺩﻳﺮﻳﻬﻦ ﻭﺩﻳﺮﻱ ﺣﻤﺎﻡ ﻭﻗﻤﻌﺰﻱ ﺍﻗﺮﻱ
ﺍﻧﺎ .. ﺳﺮﻳﺐ ﻭﺣﻘﺮﺑﻲ
ﺭﺷﺎ .. ﻫﻲ ﺻﺒﻲ ﺧﻠﻲ ﻧﻜﺴﺪﻭ ﻋﻠﻴﻚ ﻭﻧﺨﺘﺎﺭﻭ ﻟﺒﺴﻪ
ﺭﺣﺎﺏ ﻛﺮﺕ ﺍﻳﺪﻱ ﻭﺻﺒﺘﻨﻲ .. ﻫﻴﺎ ﻭﻗﺖ
ﺻﺒﻴﺖ ﻣﻌﺎﻫﻦ ﻭﺧﺸﻴﻨﺎ ﻟﺪﺍﺭ ﺭﺣﺎﺏ ﻓﺘﺤﺖ ﺍﻟﺪﻭﻻﺏ
ﺭﺣﺎﺏ .. ﺍﻣﻤﻢ ﺷﻦ ﺭﺍﻳﻚ ﻑ ﺑﻠﻮﺯﻩ ﻫﺬﻱ
ﻛﺎﻧﺖ ﺑﻠﻮﺯﻩ ﻟﻮﻧﻬﺎ ﻭﺭﺩﻱ ﻫﺎﺩﻱ ﺑﻜﻞ ﻗﺼﻴﺮﻩ ﻟﻨﺺ ﻓﺨﺪﻩ ﻭﻣﻦ ﺍﻳﺪﻳﻦ ﻓﻴﻬﺎ ﺧﻂ ﺩﺍﻧﺘﻴﻞ ﻟﻌﻨﺪ ﺭﻗﺒﻪ ﻭﻭﺣﺘﻰ ﻫﻴﺎ ﻓﻴﻬﺎ ﺩﻧﺘﻴﻞ
ﺭﺷﺎ .. ﺍﻫﺎ ﺣﻠﻮﻩ ﺗﺠﻲ ﻋﻠﻴﻚ ﻫﺬﻱ ﻳﺎﻣﻴﺴﻮ
ﺭﻳﻬﺎﻡ .. ﻭﺳﺮﻭﺍﻝ ﺍﺳﻮﺩ
ﺭﺷﺎ .. ﻭﺷﺎﺡ ﺭﺻﺎﺻﻲ ﺍﻟﻤﺨﺮﺑﺶ ﺏ ﺍﺳﻮﺩ
ﺭﺣﺎﺏ .. ﻫﺎ ﺷﻮ ﺭﺍﻳﻚ
ﺍﻧﺎ .. ﺣﻠﻮﻩ
ﺭﺷﺎ .. ﻫﻴﺎ ﻗﻤﻌﺰﻱ ﺗﻮﺍ ﺑﻨﺪﻳﺮ ﻣﺰﻳﻦ ﻫﻨﺎ ﻧﺤﻦ
ﺍﻧﺎ ﺿﺤﻜﺖ .. ﻫﻬﻬﻬﻪ ﺳﺎﻣﻄﺎﺕ
ﺭﻳﻬﺎﻡ .. ﻭﺳﻌﻦ ﻫﻲ ﺍﻧﺎ ﺑﻨﺪﻳﺮ ﻓﺘﻠﻪ
ﺭﺣﺎﺏ .. ﻧﻌﺪﻱ ﻧﺪﻳﺮﻟﻚ ﻗﻨﺎﻉ ﺍﺻﻼً ﺭﻳﻬﺎﻡ ﻣﺶ ﺣﻄﻮﻝ ﻓﻴﻚ
ﺭﺷﺎ .. ﺍﺿﺤﻜﻲ ﻳﺎﺑﺎﺭﺩﻩ ﻣﺎ ﺗﻘﻮﻟﺶ ﺑﻜﺮﺍ ﻣﻘﺎﺑﻠﺘﻚ
ﺧﺬﻳﺖ ﺍﻳﺪﻫﺎ ﻭﺣﻄﻴﺘﻬﺎ ﻉ ﻗﻠﺒﻲ
ﺍﻧﺎ .. ﺍﻟﻤﺴﻲ ﻗﻠﺒﻲ ﻣﻦ ﺗﻮﺍ
ﺭﺷﺎ .. ﺍﻫﺪﻯ ﺍﺷﺸﺶ ﺻﻠﻴﺘﻲ ﺍﺳﺘﺨﺎﺭﻩ ﻭﺗﺮﻳﺤﺘﻲ ﺧﻼﺹ ﻭﺍﻟﻲ ﻓﻴﻬﺎ ﺧﻴﺮﻩ ﺭﺑﻲ ﻳﺠﻴﺒﻬﺎ
ﺍﻧﺎ .. ﺍﻥ ﺷﺎﺀ ﺍﻟﻠﻪ ﻳﺎﺭﺏ
ﻗﻌﺪﺕ ﺭﻳﻬﺎﻡ ﺗﺸﺘﻐﻞ ﻭﺭﺷﺎ ﺗﻼﻫﺎ ﺗﻬﺪﺭﺯ
ﻭﺍﻧﺎ ﻑ ﻋﺎﻟﻢ ﺑﺮﻭﺣﻲ ﻧﻔﻜﺮ ﻑ ﺍﻟﻲ ﺟﺎﻱ ﺍﺯﻋﻤﻚ ﺑﻴﻜﻮﻥ ﺍﺣﻠﻰ ﻣﻦ ﺍﻟﻲ ﻋﺎﻳﺸﺘﻪ ﺗﻮﺍ ﻭﻛﻴﻒ ﻣﺎﻧﺤﻠﻢ ﺍﻧﺎ ﻭﻛﻴﻒ ﻣﺎﺍﻣﺘﻤﻨﻴﻪ ﻭﻻ ﺑﻴﻜﻮﻥ ﻋﻜﺲ ﺗﻴﺎﺭ ﻭﻻ ﻛﻴﻒ ﺑﻴﻜﻮﻥ ﺷﻦ ﺑﻴﻜﻮﻥ ﺷﺨﺺ ﻫﺬﺍ ﻛﻴﻒ ﻃﺒﻌﻪ ﺷﻜﻠﻪ ﻧﺤﻠﻢ ﺑﻴﻪ ﻣﻦ ﻗﺒﻞ ﻻ ﻧﺸﻮﻓﻪ
ﺭﺣﺎﺏ .. ﻫﻴﺎ ﻳﺎ ﻋﺮﻭﺳﻪ
ﺍﻧﺎ .. ﻋﺮﻭﺳﻪ ﻏﻴﺮ ﻧﻮﺍﻓﻖ ﺑﺲ ﻛﻨﻜﻢ ﻣﺴﺘﻌﺠﻠﻴﻦ
ﺭﻳﻬﺎﻡ .. ﺍﺯﻋﻤﻚ ﺍﻧﺎ ﻗﺒﻞ ﻭﻻ ﺍﻧﺘﻲ
ﺍﻧﺎ ﺍﺑﺘﺴﻤﺖ .. ﺣﺘﻰ ﻭﻛﺎﻥ ﻭﺍﻓﻘﺖ ﻭﺻﺎﺭ ﺍﻥ ﺷﺎﺀ ﺍﻟﻠﻪ ﺍﻧﺘﻲ ﻗﺒﻞ ﻉ ﺍﻗﻞ ﺍﻧﺎ ﻧﺘﻌﺮﻑ ﻋﻠﻴﻪ ﻭﻧﺸﻮﻑ ﻃﺒﻌﻪ ﻭﻫﻮ ﻳﺸﻮﻑ ﻃﺒﻌﻲ
ﺭﺷﺎ .. ﻳﺸﻮﻑ ﺍﻟﻌﺴﻞ ﻣﻴﺴﻮ ﺍﻧﺘﻲ ﻣﻊ ﺍﻱ ﺣﺪ ﻳﻤﺸﻲ ﻃﺒﻌﻚ ﻫﺎﺩﻳﻪ ﻭﻋﺴﻞ
ﺭﺣﺎﺏ .. ﻣﻴﺲ ﺍﻧﺘﻲ ﻣﻮﺍﻓﻘﻪ ﺑﻘﻨﺎﻋﻪ ﺻﺎﺡ ﻭﻻ ﻉ ﺳﺒﻪ ﻣﺎﻣﺎ ﺩﻭﺗﻠﻚ
ﺍﻧﺎ .. ﺍﻧﺎ ﺻﺎﺡ ﺗﺮﻳﺤﺖ ﻟﻤﻮﺿﻮﻉ ﻭﺣﺎﺑﺘﻪ ﻣﺎﻧﻜﺬﺑﺶ ﻋﻠﻴﻜﻢ ﻭﻧﻘﻮﻝ ﻻ ﺍﻧﺎ ﻛﺎﺭﻩ ﻣﻮﺿﻮﻉ ﺑﺲ ﺍﻟﻲ ﺧﻠﺘﻨﻲ ﻧﺸﺸﺠﻊ ﻧﺸﻮﻑ ﻑ ﻣﺎﻣﺎ ﻛﻴﻒ ﻓﺮﺣﺎﻧﻪ ﺗﺒﻲ ﺗﻔﺮﺡ ﺑﻴﻨﺎ ﻧﺸﻮﻑ ﻑ ﻋﻴﻮﻥ ﻋﺰﻭ ﺍﻧﻪ ﺑﻴﺘﺮﻳﺢ ﻋﻠﻴﻨﺎ ﻭﻳﺘﻬﻨﺎ ﻧﺤﻦ ﻣﺴﺆﻭﻟﻴﻪ ﺻﻌﺒﻪ ﻑ ﺭﻗﺒﺘﻪ ﺭﺍﻩ ﻣﺶ ﺳﺎﻫﻠﻪ ﻧﺤﻦ ﺍﺭﺑﻊ ﺑﻨﺎﺕ ﻭﻣﺎﻓﻴﺶ ﻭﺣﺪﻩ ﻓﻴﻨﺎ ﺗﺸﺘﻐﻞ ﻛﻠﻨﺎ ﺻﻐﺎﺭ ﻭﻓﻮﻕ ﻫﺬﺍ ﻛﻠﻪ ﻋﻨﺪ ﺧﻮﺍﻟﻲ ﻗﺎﻋﺪﻳﻦ ﻣﺎﺗﺒﺤﺘﻨﺶ ﻫﻜﻲ ﻫﺬﺍ ﻭﺍﻗﻊ ﻋﺰﻭ ﺑﻴﺘﺮﻳﺢ ﻋﻠﻴﻨﺎ
ﺭﺷﺎ ﺗﻨﻬﺪﺕ .. ﺍﻥ ﺷﺎﺀ ﺍﻟﻠﻪ ﻳﺘﺮﻳﺢ ﻋﻠﻴﻨﺎ ﻛﻴﻒ ﻣﺎﻳﺒﻲ ﻭﻛﻴﻒ ﻣﺎﻧﺤﻦ ﻧﺒﻮ
ﺭﺣﺎﺏ .. ﺍﻥ ﺷﺎﺀ ﺍﻟﻠﻪ ﺧﻼﺹ ﻭﺍﻧﺘﻦ ﻣﻐﻼ ﻋﻠﻴﻜﻦ ﻧﻜﺪ
ﺍﻧﺎ ﺿﺮﺑﺘﻬﺎ ﺑﻤﺸﻄﻪ .. ﺳﺎﻣﻄﻪ ﻫﺬﺍ ﻟﺒﺰ ﺍﻣﺘﻰ ﻧﺤﻮﻟﻪ
ﺭﺣﺎﺏ .. ﺍﺳﺲ ﺧﻠﻴﻪ ﻣﺰﺍﻝ ﻭﺍﻧﺘﻲ ﻣﺴﺘﻌﺠﻠﻪ
ﺭﻳﻬﺎﻡ .. ﻋﺼﺮ ﺳﺮﻋﻪ ﺑﻨﺖ ﻫﺬﻱ
ﺍﻧﺎ .. ﺍﻧﺘﻲ ﻛﻨﻚ ﻣﺎﺗﻌﺪﻱ ﺗﻘﺮﻱ
ﺭﺣﺎﺏ .. ﺗﻮﺍ ﻧﺴﻬﺮ ﺑﻌﺪﻳﻦ ﺷﻦ ﻭﺭﺍﻳﺎ
ﺍﻧﺎ .. ﺑﺎﻩ ﻳﺎﺣﻨﻪ ﻉ ﺭﺍﺣﺘﻚ
ﻣﺎﻣﺎ ﺧﺸﺖ ﻋﻠﻴﻨﺎ .. ﻭﺣﺪﻩ ﻣﻨﻜﻦ ﺗﺠﻴﻨﻲ
ﺭﻳﻬﺎﻡ .. ﻫﻴﺎ ﺟﻴﺘﻚ
ﻗﻌﺪﻧﺎ ﻧﻬﺪﺭﺯﻭ ﺑﻌﺪﻫﺎ ﺧﺸﻴﺖ ﺩﻭﺷﺖ ﻭﻃﻠﻌﺖ ﻏﻴﺮﺕ ﺩﺑﺸﻲ ﻭﻗﻤﻌﺰﺕ ﻧﻘﺮﺍ ﻟﻴﻦ ﻣﺎﺣﺴﻴﺘﺶ ﺑﺮﻭﺣﻲ ﻭﺭﻗﺪﺕ
ﺭﻳﻬﺎﻡ .. ﻣﻴﺲ ﻣﻴﺴﻮ
ﺍﻧﺎ .. ﻫﻤﻤﻢ
ﺭﻳﻬﺎﻡ .. ﻧﻮﺿﻲ ﺳﺎﻋﻪ 2
ﺍﻧﺎ .. ﺍﻭﻑ ﺍﻣﺘﻰ ﺭﻗﺪﺕ
ﺭﻳﻬﺎﻡ .. ﻋﺸﺮﻩ ﻧﻮﺿﻲ ﻛﻤﻠﻲ ﻗﺮﺍﻳﺘﻚ
ﺍﻧﺎ .. ﺑﺎﻫﻲ
ﻗﻌﺪﺕ ﻧﻘﺮﺍ ﻟﻴﻦ ﺭﻗﺪﺕ ﻭﻧﻀﺖ ﺗﺎﻧﻲ ﻳﻮﻡ ﻃﻠﻌﺖ ﻣﻦ ﺩﺍﺭ
ﺭﻳﻬﺎﻡ .. ﻋﺮﻭﺳﺘﻨﺎ ﻧﺎﺿﺖ
ﺍﻧﺎ .. ﺻﺒﺎﺡ ﺍﻟﺨﻴﺮ
ﺭﻳﻬﺎﻡ .. ﺻﺒﺎﺡ ﺍﻟﻨﻮﺭ ﻭﻳﻦ ﻧﻮﻡ ﻫﺬﺍ ﻛﻠﻪ
ﺍﻧﺎ .. ﻗﺮﺍﻳﺎ ﻭﺍﻟﻠﻪ ﻛﻤﻠﺖ ﻟﻴﻞ ﻧﻘﺮﺍ
ﺭﻳﻬﺎﻡ .. ﻳﺎﺧﻴﻪ ﺍﻥ ﺷﺎﺀ ﺍﻟﻠﻪ ﺑﺎﻟﺘﻮﻓﻴﻖ
ﺍﻧﺎ .. ﺍﻥ ﺷﺎﺀ ﺍﻟﻠﻪ ﻳﺎﺭﺏ
ﻣﺸﻴﺖ ﺗﻮﺿﻴﺖ ﻭﺻﻠﻴﺖ ﻭﻃﻠﻌﺖ
ﻋﺰﻭ .. ﻫﺬﻱ ﻧﻮﺿﻪ
ﺍﻧﺎ .. ﻗﺮﺍﻳﺎ
ﻋﺰﻭ .. ﻫﻬﻬﻪ ﻛﻨﻚ ﺗﻘﻮﻟﻲ ﻓﻴﻬﺎ ﺑﺘﻀﻤﺮ
ﺍﻧﺎ .. ﺗﻌﺐ ﻭﺍﻟﻠﻪ
ﻋﺰﻭ .. ﺭﺑﻲ ﻳﺮﺩﻟﻚ ﺗﻌﺐ
ﺗﻐﺪﻳﻨﺎ ﻭﺷﺎﻟﻦ ﺑﻨﺎﺕ ﺻﻔﺮﻩ
ﺭﺣﺎﺏ .. ﻫﻴﺎ ﺳﺎﻋﻪ ﺍﺭﺑﻌﻪ ﻭﻧﺺ
ﺭﺷﺎ .. ﺍﻫﺎ ﺍﻟﺒﺴﻲ ﻫﻴﺎ
ﺍﻧﺎ .. ﺍﻭﻭﻑ ﻣﺶ ﻣﺰﺍﻝ
ﺭﺷﺎ .. ﻋﺼﺮ ﻭﺇﺫﻥ ﻫﻴﺎ
ﺍﻧﺎ .. ﺑﺎﻫﻲ ﺗﻮﺍ ﻧﻠﺒﺲ
ﻟﺒﺴﺖ ﻟﺒﺴﺘﻲ
ﺭﻳﻬﺎﻡ .. ﺷﻮﻳﻪ ﺭﺗﻮﺵ ﻳﻐﻴﺮﻥ ﻭﺟﻚ
ﺍﻧﺎ .. ﻓﻜﻴﻨﻲ
ﺭﺣﺎﺏ .. ﺗﻲ ﻳﻐﻴﺮﻥ ﻟﻮﻥ ﻭﺟﻚ ﺑﺲ ﻣﺶ ﻭﺍﺟﺪ
ﺭﺷﺎ .. ﺗﻮﺍ ﻧﺪﻳﺮﻟﻬﺎ ﺍﻧﺎ ﻋﺎﺭﻓﺘﻬﺎ ﻛﻴﻒ ﺗﺒﻲ ﻫﻴﺎ
ﺩﺭﺗﻠﻲ ﻛﺤﻞ ﺧﻔﻴﻒ ﻭﻣﺴﻜﺮﺍ ﻭﺭﻭﺝ ﻫﺎﺩﻱ
ﺭﻳﻬﺎﻡ .. ﺍﻩ ﻫﻜﻲ ﻛﻮﻳﺲ
ﺭﺣﺎﺏ .. ﻫﻜﻲ ﺑﺄﻥ ﻭﺟﻚ
ﻋﺰﻭ .. ﻣﻴﺲ
ﺍﻧﺎ .. ﺍﺯﻋﻤﻚ ﺟﺎﺀ ﻋﺪﻱ ﺷﻮﻓﻴﻪ ﻳﺎﺭﺣﺎﺏ
ﻃﻠﻌﺘﻠﻪ ﺭﺣﺎﺏ ﻭﺭﺩﺕ ﺟﺘﻨﺎ
ﺭﺣﺎﺏ .. ﻗﺎﻋﺪ ﻑ ﻣﺮﺑﻮﻋﻪ ﻗﺎﻝ ﺗﻮﺗﺎ ﻗﻬﻮﺀ ﺗﻌﺎﻟﻲ ﺑﻴﻬﺎ
ﺭﻳﻬﺎﻡ .. ﻧﻤﺸﻲ ﻧﺪﻳﺮﻫﺎ
ﻟﺒﺴﺖ ﻭﺷﺎﺣﻲ
ﺍﻧﺎ ﻣﺴﻜﺖ ﺍﻳﺪﻳﻦ ﺭﺷﺎ .. ﻛﻮﻳﺲ ﻣﻨﻀﺮﻱ
ﺭﺷﺎ .. ﺍﺵ ﺍﻫﺪﻯ ﻣﻨﻀﺮﻙ ﻳﻬﺒﻞ ﻋﺴﻞ ﻏﻴﺮ ﻣﺎﺗﻮﺗﺮﻳﺶ ﺑﺲ
ﺍﻧﺎ .. ﺍﻭﻭﻑ ﺧﺎﻳﻔﻪ
ﺷﻮﻳﺎ ﻭﺗﺖ ﻗﻬﻮﺀ
ﺭﻳﻬﺎﻡ .. ﻫﻴﺎ ﺷﻴﻠﻲ ﺑﻄﻠﻲ ﺭﻋﻴﺶ
ﻣﺴﻜﺖ ﺻﻔﺮﻩ ﻭﻃﻠﻌﺖ ﺑﻴﻬﺎ ﻭﺻﻠﺖ ﻋﻨﺪ ﺑﺎﺏ ﻣﺮﺑﻮﻋﻪ ﺩﻗﻴﺖ ﻭﻓﺘﺤﺖ ...
" ﻳﺘﺒﻊ "..
ﺭﺍﻳﻜﻦ ﻳﺎﺑﻨﺎﺕ ﻭﺗﻮﻗﻌﺎﺗﻜﻦ ﻛﻴﻒ ﺑﺘﻜﻮﻥ ﺣﻴﺎﺀ ﻣﻴﺲ ﻣﻊ ﺍﻳﻬﻢ ﻭ ﺍﻣﻞ ﺷﻦ ﺍﻟﻘﺼﻪ ﺍﻟﻲ ﻭﺭﺍﻫﺎ
ﻫﻴﺎ ﻧﺒﻲ ﺗﻌﻠﻴﻘﺎﺕ ﺣﻠﻮﻩ ﻭﻃﻮﻳﻠﻪ ﺗﻔﺎﻋﻠﻦ ﻳﺎﺑﻨﺎﺕ ﺩﻳﺮﻥ ﻣﺸﺎﺭﻛﺎﺕ ﻟﺮﻭﺍﻳﻪ
Anosha Alriany
