# ﻋﻜﺲ _ ﺍﻟﺘﻴﺎﺭ
ﺣﻠﻘﻪ 43
" ﺭﻳﻬﺎﻡ ﻭﺧﺮﺕ ﻣﻦ ﺻﺪﻣﻪ ﻭﺧﺒﻄﺖ ﻑ ﻃﺎﻭﻟﻪ ﻃﻴﺤﺖ ﺍﻟﺘﺤﻔﻪ
ﺍﻧﺲ ﺑﺮﻡ ﻭﺻﻜﺮ ﻣﻮﺑﺎﻳﻞ .. ﺭﻳﻬﺎﻡ ﻣﺎﺗﻔﻬﻤﻴﺶ ﻏﻠﻂ
ﺭﻳﻬﺎﻡ ﺩﻣﻮﻋﻬﺎ ﻧﺰﻟﻦ .. ﻃﻠﻌﺖ ﺗﻌﺮﻑ ﺍﺳﺎﻣﻪ ﺑﺲ ﺩﺍﺑﻴﻦ ﻋﺎﺭﻓﻪ ﺍﻛﻴﺪﻩ ﻋﺎﺭﻑ ﺣﺒﻪ ﻟﻴﺎ ﻛﻴﻒ ﻋﻠﻴﺶ ﺍﺩﻳﺮ ﻫﻜﻲ
ﺍﻧﺲ ﻣﺴﺢ ﻑ ﻭﺟﻪ .. ﻧﺤﻦ ﻣﻌﺮﻓﻪ ﻗﺪﻳﻤﻪ ﻭﻣﺎﻛﻨﺘﺶ ﻧﻌﺮﻑ ﺍﺳﺎﺳﺎً ﻋﺮﻓﺖ ﻑ ﻧﻬﺎﻳﻪ
ﺭﻳﻬﺎﻡ ﻋﻴﻄﺖ .. ﻛﺬﺫﺫﺫﺍﺏ ﻋﻠﻠﻠﻴﺶ ﺗﻜﺬﺫﺫﺏ ﻗﻮﻝ ﺍﻟﺤﻖ ﻳﺎﺍﻧﺲ ﺍﺣﻜﻲ
ﺍﻧﺲ ﻓﻨﺺ ﻭﻗﺮﺏ ﻣﻨﻬﺎ ﻣﺴﻚ ﺍﻳﺪﻳﻬﺎ ﺑﻘﻮﻩ .. ﻣﻌﺶ ﺗﻘﻮﻟﻲ ﻛﺬﺍﺏ ﻓﺎﻫﻤﻪ ﻋﻠﻴﺶ ﺑﻨﻜﺬﺏ ﻗﺘﻠﻚ ﻣﻌﺮﻓﻪ ﻗﺪﻳﻤﻪ ﻭﻧﻘﻄﻌﻦ ﺍﻷﺧﺒﺎﺭ ﺣﺘﻰ ﻣﻮﺗﻪ ﻣﺎﻧﻨﺪﺭﻳﺶ ﻋﻠﻴﻬﺎ ﺑﺲ ﺑﻌﺪ ﺳﺎﻟﻨﺎ ﻋﻠﻴﻜﻢ ﻋﺮﻓﺖ ﺍﻟﻘﺼﻪ ﻭﻗﺘﻬﺎ ﻭﺍﻧﺎ ﻣﺎﻗﺪﺭﺗﺶ ﻧﺘﺮﺍﺟﻊ ﺧﻼﺹ
ﺭﻳﻬﺎﻡ ﺗﺒﻜﻲ ﻭﺳﺎﻛﺘﻪ
ﺍﻧﺲ ﺿﺎﻏﻂ ﻉ ﺳﻨﻮﻧﻪ .. ﻣﺶ ﻗﻠﺘﻲ ﻳﺎﺍﻧﺲ ﺳﺎﻋﺪﻧﻲ ﻭﻻ ﻛﻼﻡ ﺑﺲ ﻭﺗﻮﺍ ﻣﻦ ﺍﻭﻝ ﻣﻮﻗﻒ ﺫﻛﺮﻙ ﺏ ﺍﺳﺎﻣﻪ ﺑﺪﻳﺘﻲ ﻑ ﺍﻟﺒﻜﺎﺀ ﻭﺩﻣﻮﻉ
ﺭﻳﻬﺎﻡ ﺗﺒﻜﻲ ﻭﺗﺒﺤﺖ ﻓﻴﻪ
ﺍﻧﺲ ﻋﻴﻂ .. ﻣﺶ ﻫﻜﻲ ﻗﻠﺘﻲ ﻣﺶ ﻫﻜﻴﻲ ﺷﻦ ﺗﻐﻴﺮ ﺳﻮﺍﺀ ﻧﻌﺮﻓﻪ ﻭﻻ ﻣﺎﻧﻌﺮﻓﺶ ﺷﻦ ﺍﻟﻨﺘﻴﺠﻪ ﻫﻴﺎ ﻫﻴﺎ ﺍﺳﺎﻣﻪ ﻣﺎﺕ ﻭﻧﺤﻦ ﺟﻮﺯﻧﺎ
ﺭﻳﻬﺎﻡ ﻗﻌﺪﺕ ﺗﺸﻬﻖ
ﺍﻧﺲ .. ﺭﺩﻱ ﻋﻠﻴﺎ ﺷﻨﻮ ﻳﺒﻲ ﻳﺘﻐﻴﺮ
ﺭﻳﻬﺎﻡ ﺗﻬﺰ ﻓﻲ ﺭﺍﺳﻬﺎ ﺏ ﻻﻻ
ﺍﻧﺲ ﺗﻨﻬﺪ .. ﺍﻧﺎ ﻃﺎﻟﻊ ﺗﻮﺍ ﻧﺨﻠﻴﻚ ﺑﺮﻭﺣﻚ ﺗﻤﺎﻡ
ﺑﺮﻡ ﺍﻧﺲ ﻣﺸﺎﺀ
ﺭﻳﻬﺎﻡ ﻣﺴﻜﺖ ﻑ ﺍﻳﺪﻩ .. ﻋﻠﻴﺶ ﺗﺒﻲ ﺗﻌﺪﻱ ﺗﺒﻲ ﺗﻤﺸﻲ ﺣﺘﻰ ﺍﻧﺖ ﺗﺒﻲ ﺗﺴﻴﺒﻨﻲ ﻣﺶ ﺗﻘﺪﺭ ﺗﻘﻌﺪ ﻣﻌﺎﻳﺎ ﺧﻼﺹ ﻛﻴﻒ ﺗﺒﻴﻨﻲ ﻧﺤﺒﻚ ﺑﺴﺮﻋﻪ ﻭﻧﺤﻦ ﻛﻴﻒ ﻃﻘﻴﻨﺎ ﺍﺳﺒﻮﻉ ﺑﺲ
ﺍﻧﺲ ﻓﻚ ﺍﻳﺪﻩ ﻭﻃﻠﻊ ﻭﻫﻴﺎ ﻗﻤﻌﺰﺕ ﻉ ﺻﺎﻟﻮﻥ ﻭﺗﻨﻬﺪﺕ ﻭﻗﻌﺪﺕ ﺗﻤﺴﺢ ﻑ ﺩﻣﻮﻋﻬﺎ "
" ﺭﺷﺎ .. ﻫﻴﺎ ﺣﻄﻴﺖ ﺍﻟﻐﺪﺍﺀ ﻳﺎ ﻣﺤﻤﺪ
ﻣﺤﻤﺪ ﺟﺎﺀ ﻗﻤﻌﺰ ﻉ ﻃﺎﻭﻟﻪ ﻭﻳﺒﺤﺖ ﻓﻴﻬﺎ ﻭﻫﻴﺎ ﺗﺼﺐ ﻑ ﺍﻟﻌﺼﻴﺮ
ﻣﺤﻤﺪ .. ﻗﻤﻌﺰﻱ ﻫﻴﺎ
ﺭﺷﺎ .. ﺑﺎﻩ ﻧﺼﺐ ﻑ ﺍﻟﻌﺼﻴﺮ ﻭﻧﻘﻤﻌﺰ
ﺻﺒﺎﺗﻪ ﻭﻗﻤﻌﺰﺕ ﻗﻌﺪﺕ ﺗﺎﻛﻞ ﺑﺸﻮﻳﺎ ﻭﻣﺤﻤﺪ ﻳﺒﺤﺖ ﻓﻴﻬﺎ
ﻣﺤﻤﺪ .. ﻛﻨﻚ ﻳﺎﺭﺷﺎ ﻓﻲ ﺣﺎﺟﻪ
ﺭﺷﺎ .. ﻻ ﻻ ﻣﺎﻓﻲ ﺷﻲ ﺑﺲ ﻫﻜﻲ ﻣﺎﻋﻨﺪﻳﺶ ﻧﻴﻪ ﺍﺻﻼً
ﻣﺤﻤﺪ .. ﺑﺎﻩ ﺍﺷﺮﺑﻲ ﻋﺼﻴﺮﻙ ﻭﺑﻌﺪﻳﻦ ﻛﻮﻟﻲ ﻛﺎﻥ ﻫﺬﺍ
ﺭﺷﺎ .. ﺍﻫﺎ ﻫﻮ ﻫﻜﻲ ﺑﻨﺪﻳﺮ ﺣﺘﻰ ﺍﻧﺎ
ﻗﻌﺪﺕ ﺗﺸﺮﺏ ﻑ ﻋﺼﻴﺮ ﻭﺻﺒﺖ
ﻣﺤﻤﺪ .. ﺧﻠﻴﻚ ﺑﺎﻩ ﻫﺪﺭﺯﻱ ﻣﻌﺎﻳﺎ ﻣﺶ ﻣﺘﻌﻮﺩ ﺍﻧﻚ ﻣﺶ ﻣﻌﺎﻳﺎ ﻉ ﺍﻟﻐﺪﺍﺀ
ﺭﺷﺎ .. ﺗﻌﺒﺎﻧﻪ ﺧﻠﻴﻨﻲ ﻧﺮﻗﺪ
ﻣﺤﻤﺪ .. ﺑﺎﻩ ﺧﻼﺹ ﻋﺪﻱ ﺗﺮﻳﺤﻲ ﺍﻫﻢ ﺣﺎﺟﻪ ﺭﺍﺣﺘﻚ
ﺻﺒﺖ ﺭﺷﺎ ﺧﺸﺖ ﻟﺪﺍﺭ ﻭﻣﺤﻤﺪ ﺧﺶ ﻟﻜﻮﺟﻴﻨﻪ ﺑﻴﻐﺴﻞ ﺍﻳﺪﻳﻪ ﻭﻳﻠﺤﻘﻬﺎ ﺑﻴﻌﺮﻑ ﻛﻨﻬﺎ ﻛﺎﻧﺖ ﻉ ﻃﺎﻭﻟﻪ ﻛﻴﺲ ﺍﻣﺘﺎﻉ ﺻﻴﺪﻟﻴﻪ ﻣﺸﺎﺀ ﻓﺘﺤﻪ ﻭﻻﻗﻰ ﺍﻻﺧﺘﺒﺎﺭ ﻣﺴﻜﻪ ﻭﺧﺶ ﻟﺪﺍﺭ ﻻﻗﻬﻰ ﻏﺎﻣﻪ ﻭﺟﻬﺎ ﻑ ﻣﺨﺪﻩ
ﻣﺤﻤﺪ ﻗﻤﻌﺰ ﺗﻼﻫﺎ .. ﺭﺷﺎ
ﺭﺷﺎ .. ﻣﺤﻤﺪ ﻗﺘﻠﻚ ﺗﻐﺪﺍﺀ ﺍﻧﺎ ﻣﺎﻋﻨﺪﻳﺶ ﻧﻴﻪ ﺗﻮﺍ ﺑﺎﻟﻚ ﺑﻌﺪﻳﻦ ﻧﻘﻤﻌﺰ ﻧﺎﻛﻞ ﻓﻮﺗﻨﻲ ﺍﻧﺎ
ﻣﺤﻤﺪ .. ﺍﻧﺘﻲ ﻣﻀﺎﻳﻘﻪ ﻉ ﺳﺒﻪ ﻫﻜﻲ
ﺭﺷﺎ ﺭﻓﻌﺖ ﺭﺍﺳﻬﺎ ﻭﺑﺤﺘﺖ ﻑ ﺍﻳﺪﻩ ﻭﺭﺩﺕ ﻏﻤﺖ ﻭﺟﻬﺎ
ﻣﺤﻤﺪ .. ﻗﺼﺪﻙ ﻉ ﺳﺒﻪ ﻫﻜﻲ ﺍﻧﻘﻨﻚ ﻫﺒﻠﻪ ﻛﺎﻥ ﺿﺎﻳﻘﺘﻲ ﻉ ﻣﻮﺿﻮﻉ ﺍﻟﺤﻤﻞ ﻭﻧﺤﻦ ﻣﺎﻟﻨﺶ ﺷﻬﺮﻳﻦ ﺑﺲ ﺑﻌﺪﻳﻦ ﻋﺎﺩﻱ ﺧﻠﻴﻨﺎ ﻋﺮﺳﺎﻥ ﺷﻦ ﺗﺒﻲ ﻑ ﺗﻌﺐ ﻻﺣﻘﻪ ﻋﻠﻴﻪ
ﺭﺷﺎ ﺳﺎﻛﺘﻪ
ﻣﺤﻤﺪ ﺭﻓﻊ ﺭﺍﺳﻬﺎ .. ﺗﻲ ﻏﻴﺮ ﺑﺤﺘﻲ ﻓﻴﺎ ﺭﺍﻩ ﻭﺍﻟﻠﻪ ﻧﺠﻲ ﻓﻮﻗﻚ ﺑﻌﺪﻫﺎ ﻣﺤﺪ ﻳﺤﺰﻙ ﻣﻨﻲ
ﺭﺷﺎ ﺿﺤﻜﺖ ﻭﺑﺤﺘﺖ ﻓﻴﻪ
ﻣﺤﻤﺪ ﺍﺑﺘﺴﻢ ﻭﺑﺎﺱ ﺭﺍﺳﻬﺎ .. ﻣﻦ ﺟﺎﺑﻪ ﻫﺬﺍ
ﺭﺷﺎ .. ﻗﻠﺖ ﻟﻤﺮﻳﻢ ﻣﺸﺖ ﺟﺎﺑﺘﻪ ﺑﺸﺮﻯ ﻛﻨﺖ ﺷﺎﻛﻪ ﺍﻧﻲ ﺣﺎﻣﻞ ﻭﻧﺒﻴﻬﺎ ﻟﻜﻲ ﻣﻔﺎﺟﺎﺀ ﻣﺎﺻﺎﺭ ﺷﻲ
ﻣﺤﻤﺪ .. ﺑﺎﻩ ﻭﻋﺎﺩﻱ ﺧﻼﺹ ﻣﺎﺻﺎﺭﺵ ﺷﻬﺮ ﻫﺬﺍ ﻳﺼﻴﺮ ﺷﻬﺮ ﺗﺎﻧﻲ
ﺭﺷﺎ .. ﺑﺎﻩ ﺍﻥ ﺷﺎﺀ ﺍﻟﻠﻪ
ﻣﺤﻤﺪ .. ﺻﺒﻲ ﺧﻠﻴﻨﺎ ﻧﻄﻠﻌﻮ ﻧﻐﻴﺮﻭ ﺟﻮﻧﺎ
ﺭﺷﺎ .. ﻭﻳﻦ ﺗﺒﻲ ﻧﻌﺪﻭ
ﻣﺤﻤﺪ .. ﺍﻧﺘﻲ ﺗﺒﻲ ﻣﻜﺎﻥ ﻣﻌﻴﻦ
ﺭﺷﺎ ﺣﻀﻨﺎﺗﻪ .. ﺩﺍﺑﻴﻦ ﺍﻧﺖ ﻣﻌﺎﻳﺎ ﻣﺎﻧﺒﻴﺶ ﺣﺎﺟﻪ ﺧﻠﻴﻨﺎ ﻗﺎﻋﺪﻳﻦ ﻑ ﺷﻘﺘﻨﺎ ﻭﺧﻼﺹ
ﻣﺤﻤﺪ ﺑﺎﺱ ﺭﻗﺒﺘﻬﺎ .. ﺍﻧﺘﻲ ﻫﻜﻲ ﻣﺘﺮﻳﺤﻪ
ﺭﺷﺎ .. ﺍﻛﻴﺪﻩ ﻣﺘﺮﻳﺤﻪ
ﻣﺤﻤﺪ .. ﺑﺎﻩ ﺧﻠﻴﻨﺎ ﻧﻄﻠﻌﻮ ﺻﺪﻗﻴﻨﻲ ﺗﻮﺍ ﻧﻐﻴﺮﻭ ﺟﻮ
ﺭﺷﺎ .. ﺑﺎﻩ ﺣﺎﺿﺮ ﻛﻴﻒ ﻣﺎﺍﻧﺖ ﺗﺤﺐ ﻳﺎﻋﻤﺮﻱ
ﻣﺤﻤﺪ ﺍﺑﺘﺴﻢ ﻭﺭﺷﺎ ﺻﺒﺖ ﺗﺨﺘﺎﺭ ﻑ ﻟﺒﺴﻪ
ﻣﺤﻤﺪ ﻳﻠﻌﺐ ﻉ ﻣﻮﺑﺎﻳﻞ .. ﻧﻌﺪﻭ ﻟﻤﻄﻌﻢ ﻧﺘﻐﺪﻭ
ﺭﺷﺎ ﺑﺮﻣﺖ ﻋﻠﻴﻪ .. ﻟﻴﺶ ﻣﺶ ﻋﺎﺣﺒﻚ ﺗﻄﻴﺒﻲ
ﻣﺤﻤﺪ ﺿﺤﻚ .. ﻻ ﻋﻠﻴﺶ ﺑﺲ ﺍﻧﺘﻲ ﻣﺎﺗﻐﺪﻳﺶ
ﺭﺷﺎ .. ﺑﺎﻩ ﻛﻮﻳﺲ
ﻣﺤﻤﺪ ﺻﺒﻰ ﺣﻀﻨﻬﺎ ﻭﻳﺘﺤﺮﻙ ﺑﻴﻬﺎ ﻳﻤﻴﻦ ﻭﻳﺴﺎﺭ .. ﻳﻨﻌﻠﻲ ﻣﻦ ﺍﻟﺰﻋﺎﻝ
ﺭﺷﺎ ﺍﺑﺘﺴﻤﺖ .. ﻧﺰﻋﻞ ﻣﻦ ﺍﻟﻲ ﻧﺤﺒﻬﻢ ﺑﺲ ﻭﺍﺣﻴﺎﻧﺎً ﻧﺤﺐ ﻧﺰﻋﻞ ﻻﻧﻪ ﻧﺤﺐ ﻃﺮﻳﻘﺘﻚ ﻛﻴﻒ ﺗﺮﺍﺿﻴﻨﻲ ﻧﺰﻋﻞ ﺑﻴﺶ ﻧﺸﻮﻑ ﻧﻀﺮﺗﻚ ﺍﻟﺤﻠﻮﻩ ﻛﻴﻒ ﺗﺤﺎﻭﻝ ﺗﺮﺿﻴﻨﻲ ﻭﻧﺰﻋﻞ ﻉ ﺳﺒﻪ ﻛﻼﻣﻚ ﻭﻧﺰﻋﻞ ﻉ ﺳﺒﻪ ﺣﻀﻨﻚ ﻭﻗﺘﻬﺎ ﻧﺤﺲ ﺑﻴﻪ ﻛﻴﻒ ﺣﻠﻮ ﻧﺤﺴﻪ ﻣﻠﻴﺎﻥ ﺣﺎﺟﺎﺕ ﻭﺍﺣﺪﻩ
ﻣﺤﻤﺪ ﺍﺑﺘﺴﻢ ﻭﺑﺎﺱ ﺧﺪﻫﺎ .. ﻛﺎﻥ ﺗﺒﻲ ﻫﺬﺍ ﻛﻠﻪ ﺍﻧﺎ ﺣﻨﺪﻳﺮﻩ ﺑﺲ ﻣﺎﺗﺰﻋﻠﻴﺶ
ﺭﺷﺎ ﺍﺑﺘﺴﻤﺖ .. ﺧﻠﻴﻨﻲ ﻧﺨﺘﺎﺭ ﺧﻼﺹ
ﻣﺤﻤﺪ ﻭﺧﺮ ﻭﻗﻤﻌﺰ .. ﺗﻤﺎﻡ ﺍﻧﺎ ﻧﺎﺯﻝ ﻣﺎﻃﻮﻟﻴﺶ
ﺭﺷﺎ .. ﺣﺎﺿﺮ ﻧﺤﺒﺒﺒﻚ
ﻣﺤﻤﺪ ﻳﻀﺤﻚ .. ﺑﺎﻩ ﺑﻌﺪﻳﻦ
ﺭﺷﺎ ﺍﺑﺘﺴﻤﺖ
ﺇﻫﺘﻤﺎﻣﻚ ﻭﻗﺖ ﺍﻟﺤﺐ ﻫﺬﺍ ﺷﻲ ﻭﺍﺭﺩ ﻟﻜﻦ ﺇﻫﺘﻤﺎﻣﻚ ﻭﻗﺖ ﺍﻟﺰﻋﻞ ﻫﺬﻱ ﻣﺎﻳﺴﻮﻳﻬﺎ ﺇﻻ ﻣُﺤﺐ ﺻﺎﺩﻕ "
" ﻧﻀﺖ ﻉ ﺿﻬﺮ ﺣﺎﺳﻪ ﺭﻭﺣﻲ ﺗﺎﻋﺒﻪ ﻭﺍﺟﺪ ﻣﺴﻜﺖ ﻣﻮﺑﺎﻳﻞ ﻟﻘﻴﺖ ﻋﺮﻡ ﺭﻧﺎﺕ ﻣﻦ ﺍﻳﻬﻢ
ﺍﻧﺎ .. ﺣﻲ ﻋﻠﻴﺎ ﺟﺎﻳﺘﻨﻲ ﺟﺎﻳﺘﻨﻲ ﺍﻟﻬﺰﻳﺒﻪ
ﻋﺎﻭﺩﺕ ﻋﻠﻴﻪ ﻉ ﻃﻮﻝ ﺭﺩ
ﺍﻳﻬﻢ .. ﻛﻨﻚ ﻣﺎﺗﺮﺩﻱ ﻋﻠﻴﺶ ﺗﺸﻐﻠﻲ ﻓﻴﺎ ﺍﻛﻴﺪﻩ ﺳﺎﻳﻠﻨﺖ ﻋﺎﺭﻓﻚ ﺍﻧﺎ
ﺍﻧﺎ .. ﺑﺎﻩ ﺍﻫﺪﻯ ﺑﺲ ﺍﻫﺎ ﻛﺎﻥ ﺳﺎﻳﻠﻨﺖ ﻭﻫﺬﻱ ﻧﻮﺿﻪ ﺍﺻﻼً ﻃﻮﻟﺖ ﻭﺍﺟﺪ
ﺍﻳﻬﻢ .. ﺍﺳﺘﻐﻔﺮﺍﻟﻞﻩ ﻭﺧﻼﺹ ﺑﻌﺪﻳﻦ ﻧﺤﻜﻮﺍ ﻑ ﻗﺼﻪ ﺳﺎﻳﻠﻨﺖ ﻫﺬﻱ ﻋﻤﻮﻣﺎً ﺷﻦ ﺩﺍﻳﺮﻩ ﺗﻮﺍ
ﺍﻧﺎ .. ﻳﻌﻨﻲ ﻣﺰﺍﻟﺖ ﻧﺤﺲ ﻑ ﺍﻻﻟﻢ
ﺍﻳﻬﻢ .. ﻣﺎﻓﻴﺶ ﺩﻭﺍﺀ ﻧﺠﻴﺒﻪ ﻟﻜﻲ ﻣﻦ ﺻﻴﺪﻟﻴﻪ
ﺍﻧﺎ .. ﻻ ﻻ ﻣﺶ ﻛﻮﻳﺲ ﺍﻟﺪﻭﺍﺀ ﺟﻴﺒﻠﻲ ﺑﻨﺪﻭﻝ ﻛﻮﻳﺲ ﻧﺤﺒﻪ ﻳﺮﻳﺢ ﻓﻴﺎ
ﺍﻳﻬﻢ .. ﺑﺎﻩ ﺣﺎﺿﺮ ﺗﺒﻲ ﺣﺎﺟﻪ ﺍﺧﺮﻯ ﻧﺠﻴﺒﻬﺎ ﻟﻜﻲ
ﺍﻧﺎ .. ﺟﻴﺐ ﻓﻮﺍﻛﻪ ﻻﻧﻪ ﺷﻜﻠﻪ ﻏﺪﺍﻧﺎ ﺧﻔﻴﻒ ﻛﻴﻒ ﻧﻀﺖ
ﺍﻳﻬﻢ .. ﺑﺎﻩ ﺗﻢ ﺍﻧﺎ ﺳﺎﻋﻪ ﻭﻧﻜﻮﻥ ﻑ ﺍﻟﺤﻮﺵ
ﺍﻧﺎ .. ﺑﺎﻩ ﺍﻭﻛﻲ ﺧﻠﻴﻨﻲ ﻧﻤﺸﻲ ﻧﺪﻳﺮﻩ ﺣﺎﺟﻪ
ﺍﻳﻬﻢ .. ﺗﻤﺎﻡ ﺗﺸﺎﻭ
ﺻﻜﺮﺕ ﻣﻨﻪ ﻭﻣﺸﻴﺖ ﻟﻮﺳﻦ ﻟﻘﻴﺘﻬﺎ ﻭﺍﻋﻴﻪ ﻭﺗﻌﺾ ﻑ ﺍﻳﺪﻳﻬﺎ
ﺍﻧﺎ ﺭﻓﻌﺘﻬﺎ .. ﻳﻨﻌﻠﻴﺎ ﻣﻨﻚ ﻋﻠﻴﻚ ﻋﻮﺝ ﻛﻠﻪ ﺍﻧﺘﻲ ﺍﻫﻲ ﺍﻟﻌﻀﺎﺿﻪ
ﺗﺒﺤﺖ ﻓﻴﺎ ﻭﺧﻼﺹ
ﺍﻧﺎ .. ﺍﻓﻔﻒ ﺑﻨﺘﻚ ﺗﺒﻲ ﺗﻐﻴﺮ
ﻣﺸﻴﺖ ﺑﻴﻬﺎ ﻟﺤﻤﺎﻡ ﻭﺩﻭﺷﺘﻠﻬﺎ ﻭﻏﻴﺮﺗﻠﻬﺎ ﻭﺣﻄﻴﺘﻬﺎ ﻑ ﺍﻟﻘﻌﺎﺩ ﻭﻏﻴﺮﺕ ﺩﺑﺸﻲ ﻭﺷﻠﺘﻬﺎ ﻣﻌﺎﻳﺎ ﺣﻄﻴﺖ ﺍﻝ Tv ﻉ ﻗﺮﺍﻥ ﻭﺑﺮﻣﺖ ﻭﺳﻦ ﻟﻌﻨﺪﻱ ﻻﻧﻪ ﻣﺰﺍﻟﺖ ﺻﻐﻴﺮﻩ ﻣﺶ ﻛﻮﻳﺲ ﺗﺸﻮﻑ ﺷﺎﺷﻪ
ﺧﺸﻴﺖ ﻟﻜﻮﺟﻴﻨﻪ ﻭﻗﻠﻴﺖ ﺑﻄﺎﻃﺎ ﻭﺑﻀﻨﺠﺎﻝ ﻭﻃﻠﻌﺖ ﻣﻔﺮﻭﻡ ﻉ ﺳﺮﻳﻊ ﻃﻴﺒﺘﻪ ﺷﻮﻳﺎ ﻭﺧﺶ ﺍﻳﻬﻢ ﻣﺎﺳﻚ ﺍﻻﻛﻴﺎﺱ
ﺍﻳﻬﻢ .. ﺍﻟﺴﻼﻡ ﻋﻠﻴﻜﻢ
ﺍﻧﺎ ﺑﺮﻣﺖ .. ﻭﻋﻠﻴﻜﻢ ﺍﻟﺴﻼﻡ
ﻭﺳﻦ ﺑﻌﺪ ﺳﻤﻌﺖ ﺻﻮﺕ ﺍﻳﻬﻢ ﺑﺮﻣﺖ ﺗﺒﺤﺖ ﻓﻴﻪ
ﺍﻳﻬﻢ ﺍﺑﺘﺴﻢ .. ﻧﺠﻴﻬﺎ ﻛﻠﺒﻮﺯﺗﻲ ﺍﻧﺎ ﺷﻨﻮ ﻳﺎﺳﻤﺤﻪ ﻋﺎﺭﻓﻪ ﺻﻮﺗﻲ
ﺷﻤﺮﻫﺎ ﻓﻮﻕ ﻭ ﻫﻴﺎ ﺗﻀﺤﻚ
ﺍﻳﻬﻢ .. ﺷﻨﻮ ﻳﺎﺑﺎﺑﺎ ﺭﺑﻲ ﻳﺤﻔﻈﻚ ﻭ ﻧﺸﻮﻓﻚ ﻋﺮﻭﺳﻪ
ﺍﻧﺎ ﻧﺒﺤﺖ ﻓﻴﻬﻢ ﻭﻧﺒﺘﺴﻢ ﺟﻴﺖ ﺗﻼﻩ ﻭﻫﻮ ﺣﻄﻬﺎ ﻑ ﻗﻌﺎﺩ .. ﻫﺎﺕ ﺍﻻﻛﻴﺎﺱ ﺻﺤﻴﺖ ﺣﺒﻴﺒﻲ
ﺍﻳﻬﻢ ﺑﺤﺖ ﻓﻴﺎ ﺑﻨﺺ ﻋﻴﻦ .. ﺗﻠﺴﻨﻲ ﻓﻴﺎ ﺑﻴﺶ ﻣﺎﻧﻬﺰﺑﺶ ﺻﺎﺡ
ﺍﻧﺎ ﺍﺑﺘﺴﻤﺖ ﻭﺣﻀﻨﺘﻪ ﻣﻦ ﻻﻭﺭﻩ .. ﺣﺒﻴﺒﻲ ﻋﺎﺭﻓﺘﻪ ﻣﺶ ﺣﻴﻬﺰﺑﻨﻲ ﻣﺎﻳﺼﺨﺶ ﻓﻴﺎ ﺻﺎﺡ ﻳﺎ ﻋﻤﺮﻱ
ﺍﻳﻬﻢ ﺿﺤﻚ .. ﺗﻲ ﻣﺎﻫﺬﻱ ﺍﻟﻤﺸﻜﻠﻪ ﺍﻣﺸﻲ ﺣﻄﻲ ﺍﻟﻐﺪﺍﺀ
ﺍﻧﺎ ﺑﺴﺖ ﻛﺘﻔﻪ .. ﺣﺎﺿﺮ ﺣﺒﻴﺒﻲ
ﻣﺸﻴﺖ ﻟﻜﻮﺟﻴﻨﻪ ﻭﺣﻄﻴﺖ ﺍﻟﻐﺪﺍﺀ
ﺍﻳﻬﻢ .. ﻳﻌﻄﻴﻚ ﺍﻟﺼﺤﻪ ﻭﺍﻟﻠﻪ ﻣﺸﺎﺀﺍﻟﻠﻪ
ﺍﻧﺎ .. ﺗﻲ ﺧﻔﻴﻒ ﻣﺎﺩﺭﺕ ﺷﻲ
ﺍﻳﻬﻢ ﻗﻤﻌﺰ .. ﻧﻌﻤﻪ ﺭﺑﻲ ﻫﺬﻱ ﻓﻲ ﺍﻟﻲ ﻣﺶ ﻻﻗﻴﻬﺎ ﺻﺎﺡ ﻭﻻ ﻻ
ﺍﻧﺎ .. ﺻﺎﺡ ﺍﻫﺎ
ﺣﻄﻴﺖ ﻭﺳﻦ ﻉ ﻃﺎﻭﻟﻪ ﺑﺎﻟﻘﻌﺎﺩ ﺍﻣﺘﺎﻋﻬﺎ ﻭﻧﺤﻦ ﻧﺘﻐﺪﻭ
ﺍﻳﻬﻢ .. ﻭﻛﻠﺘﻴﻬﺎ
ﺍﻧﺎ .. ﻻﻻ ﻣﺰﺍﻝ ﺷﻮﻳﺎ ﺃﺧﺮﻯ ﺩﺭﺗﻠﻬﺎ ﺭﺿﺎﻋﻪ ﺑﺲ
ﺍﻳﻬﻢ .. ﺑﺎﻫﻲ ﺗﻤﺎﻡ ﺗﺴﻠﻢ ﺍﻳﺪﻳﻚ
ﺍﻧﺎ .. ﺳﻠﻤﻚ ﺻﺤﻪ
ﺻﺒﻰ ﺍﻳﻬﻢ ﻭﺍﻧﺎ ﺻﺒﻴﺖ ﻏﺴﻠﺖ ﻓﻮﺍﻛﻪ ﻭﺣﻄﻴﺘﻬﻦ ﻑ ﺗﺒﺴﻲ ﻭﺩﺭﺕ ﻭﺟﺒﻪ ﻭﺳﻦ ﻭﻣﺸﻴﺖ ﺗﻼﻩ ﺍﻳﻬﻢ
ﻧﻮﻛﻞ ﻑ ﻭﺳﻦ ﻭﻣﺮﻩ ﻧﺎﻛﻞ ﺣﺘﻰ ﺍﻧﺎ
ﺍﻧﺎ .. ﻫﻢ ﻫﻤﻤﻢ ﺧﻼﺹ ﺃﺧﺮﻯ ﻛﺸﻴﺘﻚ ﺧﻮﺫﻳﻪ
ﺍﻳﻬﻢ .. ﻣﻌﺶ ﺗﺒﻲ
ﺍﻧﺎ .. ﺑﺤﺖ ﻛﻴﻒ ﺗﺤﺮﻙ ﻑ ﺭﺍﺳﻬﺎ
ﺍﻳﻬﻢ .. ﺗﺮﺍ ﻫﺎﺗﻲ
ﻗﻌﺪ ﺍﻳﻬﻢ ﻳﻀﺤﻜﻠﻬﺎ ﻟﻴﻦ ﻭﻛﻠﻬﺎ
ﺍﻧﺎ .. ﺗﺒﻲ ﻣﻦ ﻳﺤﺎﻳﻞ ﻋﻠﻴﻚ ﻳﺎﻋﻮﺑﻪ
ﺍﻳﻬﻢ ﺿﺤﻚ .. ﺷﺎﻃﺮﻩ ﺷﻔﺘﻴﻬﺎ
ﺍﻧﺎ .. ﺗﻲ ﺑﻜﻞ
ﺟﺘﻨﻲ ﺳﻨﺒﻞ ﻧﻄﺖ ﻉ ﻛﺮﻋﻴﺎ ﻭﺍﻧﺎ ﻛﻨﺖ ﺷﺎﻣﺮﻩ ﻭﺳﻦ ﺑﻴﺶ ﻣﺎﺗﺮﺟﻌﺶ ﺍﻟﻲ ﻛﻼﺗﻪ
ﺍﻳﻬﻢ .. ﺍﻳﻮﺍﺍﻩ ﻛﻤﻠﺖ ﻫﻜﻲ ﻭﺍﻧﺎ ﻭﻳﻦ ﻣﻜﺎﻧﻲ
ﺍﻧﺎ ﺍﺑﺘﺴﻤﺖ .. ﻣﺶ ﺳﺎﺩﻙ ﻗﻠﺒﻲ
ﺍﻳﻬﻢ ﺍﺑﺘﺴﻢ .. ﺳﺎﺩﻧﻲ ﺑﺲ ﻳﺎﺧﺬﻭ ﻓﻴﻚ ﻣﻨﻲ
ﺍﻧﺎ .. ﺷﻦ ﻧﺪﻳﺮﻟﻬﻦ ﻋﺎﺩ
ﺍﻳﻬﻢ .. ﻫﺬﻱ ﺑﻨﺸﻴﻠﻬﺎ ﻣﻌﺶ ﺑﻨﺨﻠﻴﻬﺎ ﻓﻜﻴﻨﻲ ﻣﻨﻬﺎ
ﺍﻧﺎ .. ﻭﺭﺍﺱ ﺍﻳﻬﻢ ﻻ ﺧﻠﻴﻬﺎ ﻣﺪﺍﻳﺮﺗﻠﻲ ﺟﻮ ﻑ ﺍﻟﺸﻘﻪ
ﺍﻳﻬﻢ .. ﺑﺎﻩ ﻳﺼﻴﺮ ﺧﻴﺮ ﺗﻮﺍ ﺣﻮﻟﻴﻬﺎ ﺧﻠﻲ ﻧﺮﻗﺪ ﻉ ﻛﺮﻋﻴﻚ ﺻﻮﺕ ﺍﻟﻘﺮﺁﻥ ﻭﺍﻳﺪﻙ ﻉ ﺷﻌﺮﻱ ﻣﺎﻓﻴﺶ ﺍﺣﻠﻰ ﻣﻦ ﻫﻜﻲ
ﺍﻧﺎ ﺍﺑﺘﺴﻤﺖ ﻭﺣﻄﻴﺖ ﻭﺳﻦ ﻑ ﻗﻌﺎﺩ ﻭﻏﻄﻴﺘﻬﺎ .. ﺭﺍﺟﻲ ﻧﻀﻠﻢ ﺍﻟﺼﺎﻟﻪ ﻭﻧﻌﻠﻲ ﺻﻮﺕ
ﺍﻳﻬﻢ .. ﺑﺎﻩ ﻫﻴﺎ
ﺻﺒﻴﺖ ﺿﻠﻤﺖ ﺍﻟﺼﺎﻟﻪ ﻭﻋﻠﻴﺖ ﺻﻮﺕ ﺍﻟﻘﺮﺁﻥ ﻭﻗﻤﻌﺰﺕ ﺭﻗﺪ ﺍﻳﻬﻢ ﻉ ﻛﺮﻋﻴﺎ ﻭﻳﺒﺤﺖ ﻓﻴﺎ ﻭﺍﻧﺎ ﻧﻠﻌﺐ ﻉ ﺷﻌﺮﻩ
ﺍﻳﻬﻢ ﻳﺒﺤﺖ ﻓﻴﺎ ﻭﻣﺒﺘﺴﻢ .. ﺧﻠﻴﻚ ﺗﺒﺤﺘﻲ ﻓﻴﺎ
ﺍﻧﺎ ﻫﺰﻳﺖ ﺭﺍﺳﻲ ﻭﻗﻌﺪﺕ ﻧﺒﺤﺖ ﻓﻴﻪ ﻑ ﻟﺤﻈﻪ ﻫﺬﻱ ﻛﻨﺖ ﻣﺎﻧﺒﻴﺶ ﺷﻲ ﻣﻦ ﺩﻧﻴﺎ ﻏﻴﺮ ﺍﻧﻲ ﻧﻘﻌﺪ ﻧﺒﺤﺖ ﻑ ﻋﻴﻮﻧﻪ ﻭﺧﻼﺹ ﻗﻌﺪ ﻳﻐﻔﻰ ﻭﻳﻐﻤﺾ ﻑ ﻋﻴﻮﻧﻪ ﻟﻴﻦ ﺭﻗﺪ "
" ﻉ ﺍﻟﻤﻐﺮﺏ ..
ﻣﻨﻴﺮ .. ﻗﺘﻠﻚ ﻣﺎﺗﺸﺮﻳﺶ ﺣﺎﺟﺎﺕ ﻭﺍﺟﺪﻩ ﺍﻧﺎ ﺍﻟﺸﻘﻪ ﻧﺒﻲ ﺍﻧﺜﺜﻬﺎ ﺗﻌﺎﻟﻲ ﺑﺪﺑﺸﻚ
ﻣﺮﻳﻢ .. ﻣﺎﺗﺠﻴﺶ ﻣﺎﻩ ﻻﺯﻡ ﻧﺠﻴﺐ ﺣﺎﺟﺎﺕ ﺗﺒﻲ ﺍﻟﻨﺎﺱ ﻳﻀﺤﻜﻮ ﻋﻠﻴﺎ
ﻣﻨﻴﺮ .. ﺗﻲ ﻓﻜﻴﻨﻲ ﻣﻦ ﻛﻼﻡ ﺍﻟﻨﺎﺱ ﺗﻮﺍ ﺍﻧﺎ ﻗﺘﻠﻚ ﻣﺎﺗﻜﺜﺮﻳﺶ ﺭﺍﻩ ﻭﺍﻟﻠﻪ ﻧﺮﻛﺒﻠﻚ ﺗﻮﺍ
ﻣﺮﻳﻢ ﺗﻀﺤﻚ .. ﺗﻲ ﺑﺎﻫﻲ ﺧﻼﺹ ﻓﻬﻤﺖ
ﻣﻨﻴﺮ .. ﻧﺒﻲ ﺣﺎﺟﻪ ﻭﺣﺪﻩ ﺑﺲ ﺗﻜﺜﺮﻳﻬﺎ
ﻣﺮﻳﻢ ﻣﺎﺳﻜﻪ ﺗﻠﻔﻮﻥ ﺑﻜﺘﻔﻬﺎ ﻭﺗﻤﺰﻟﻂ ﻑ ﺍﻳﺪﻳﻬﺎ .. ﺷﻨﻮ ﻳﺎﺣﺒﻴﺒﻲ
ﻣﻨﻴﺮ ﺍﺑﺘﺴﻢ ﻭﻳﺤﻚ ﻑ ﻟﺤﻴﺘﻪ .. ﺍﻻﺭﻭﺍﺏ ﻳﻨﻌﺠﺪ ﻭﺟﻚ
ﻣﺮﻳﻢ ﻓﻨﺼﺖ ﻋﻴﻮﻧﻬﺎ
ﻣﻨﻴﺮ .. ﺗﺮﺍ ﻓﻜﻴﻨﻲ ﻣﻦ ﺗﻔﻨﻴﺺ ﺗﻮﺍ ﻭﺣﺮﻛﺎﺕ ﺍﻟﺒﻨﺎﺕ ﺍﻧﺎ ﻗﺘﻠﻚ ﻛﺜﺮﻳﻬﻦ ﻭﺍﻧﺎ ﺷﻔﺖ ﻛﻢ ﻭﺍﺣﺪ ﻋﺠﺒﻨﻲ ﺧﺬﻳﺘﻬﻦ
ﻣﺮﻳﻢ .. ﺑﺎﻩ
ﻣﻨﻴﺮ .. ﺷﻨﻮ ﺑﺎﻩ ﻗﺘﻠﻚ ﻛﺜﺮﻱ ﺭﺍﻩ ﻭﺍﻟﻠﻪ ﺑﻌﺪ ﻧﺸﻮﻓﻚ ﻧﺘﻠﻚ ﺑﻜﻒ ﻳﻄﻴﺮ ﻣﻼﻣﺢ ﻭﺟﻚ
ﻣﺮﻳﻢ ﺗﻀﺤﻚ .. ﺗﻲ ﺑﺎﻫﻲ ﺧﻼﺹ ﻭﻭﻭﻭﻭ ﻋﻠﻴﺎ ﺍﻧﺖ ﺑﻜﻞ ﻛﻼﻣﻚ
ﻣﻨﻴﺮ ﻳﺒﺘﺴﻢ .. ﺷﻦ ﻧﺪﻳﺮﻟﻚ ﻋﺎﺩ ﺍﻧﺘﻲ ﺗﻘﻮﻟﻴﻠﻲ ﺑﺎﻩ ﻗﻮﻟﻲ ﺣﺎﺿﺮ ﻣﺮﻩ ﺍﺧﺮﻯ ﺍﻃﺎﻋﻪ ﺍﻟﺠﻮﺯ ﻭﺍﺟﺐ
ﻣﺮﻳﻢ .. ﺗﺮﺍ ﺭﻳﺤﻨﺎ ﻻ ﻭﺍﺟﺐ ﻻ ﺣﺼﻪ ﻏﻴﺮ ﺧﻠﻴﻨﻲ ﻧﻮﺻﻞ ﻓﻴﻚ ﺑﻴﺶ ﻧﻄﻴﻌﻚ
ﻣﻨﻴﺮ ﺻﺒﻰ ﻣﻦ ﻣﻜﺎﻧﻪ ﻭﻗﻌﺪ ﻳﺤﺮﻙ ﻑ ﺍﻳﺪﻩ ﻉ ﺷﻌﺮﻩ .. ﺗﻮﺻﻠﻲ ﻓﻴﺎ ﺗﻲ ﻳﻨﻌﻠﻲ ﺍﻣﺘﻰ ﻧﻮﺻﻠﻮ ﻑ ﺑﻌﻀﻨﺎ
ﻣﺮﻳﻢ ﺗﺼﻜﺮ ﻑ ﺯﻣﺎﻟﺘﻮ ﻭﺗﺤﻂ ﻓﻴﻪ ﻉ ﻛﻮﻣﺪﻳﻨﺎ .. ﺍﺳﻤﻊ ﻓﻜﻨﻲ ﻣﻦ ﻛﻼﻣﻚ ﺍﻟﺴﺨﻴﻒ ﺭﺍﻩ ﻭﺍﻟﻠﻪ ﻧﺼﻜﺮ
ﻣﻨﻴﺮ .. ﺗﻲ ﺍﻧﺘﻲ ﺍﻟﻲ ﺩﻭﻳﺘﻲ ﺍﻧﺎ ﺷﻦ ﺫﻧﺒﻲ ﺗﻮﺍ
ﻣﺮﻳﻢ .. ﺍﻧﺎ ﻣﺎﻧﻘﺼﺪﺵ ﻋﺎﺭﻓﻬﺎ ﺍﻧﺖ ﻏﻴﺮ ﺑﺴﻼﻣﺘﻚ ﻣﺘﺴﺒﻞ ﻣﺴﻤﻄﻚ
ﻣﻨﻴﺮ ﻳﻀﺤﻚ .. ﺍﻟﻠﻪ ﻏﺎﻟﺐ ﻋﺎﺩ ﺗﻔﻜﻴﺮﻱ ﺣﻘﻴﺮ ﺷﻦ ﻧﺪﻳﺮ
ﻣﺮﻳﻢ ﺗﺒﺤﺖ ﻑ ﺍﻳﺪﻫﺎ .. ﺗﻔﻜﻴﺮﻙ ﺍﻟﺤﻘﻴﺮ ﺧﻠﻴﻪ ﺑﻌﺪ ﻧﺠﻮﺯﻭ ﺗﻮﺍ ﺧﺎﻳﻔﺘﻚ ﺗﻔﻜﺮﻱ ﻑ ﺷﻲ ﺣﺎﺟﻪ ﺃﺧﺮﻯ ﻭﺍﻧﺎ ﺑﻌﻴﺪﻩ
ﻣﻨﻴﺮ .. ﻻ ﺍﻧﺘﻲ ﺟﺎﻳﻚ ﺟﺎﻳﻚ ﺍﻟﻜﻒ ﺑﻌﺪ ﻧﺸﻮﻓﻚ
ﻣﺮﻳﻢ ﺗﻀﺤﻚ .. ﺑﺎﻩ ﺑﻄﻞ ﺣﻨﺎﻃﻪ
ﻣﻨﻴﺮ ﺗﻨﻬﺪ .. ﺧﻼﺹ ﻗﺮﻳﺐ ﻣﻌﺶ ﻓﻲ ﻭﺍﺟﺪ
ﻣﺮﻳﻢ ﺍﺑﺘﺴﻤﺖ .. ﺍﻫﺎ ﻣﺎﻓﻴﺶ ﻓﻲ ﻭﺍﺟﺪ ﺭﺑﻲ ﻳﺨﻠﻴﻚ ﻟﻴﺎ
ﻣﻨﻴﺮ ﺍﺑﺘﺴﻢ .. ﻭﻳﺨﻠﻴﻚ
ﻣﺮﻳﻢ .. ﻗﺘﻠﻚ ﺗﻮﺍ ﺑﻨﺼﻜﺮ ﻣﺎﻣﺎ ﺩﺍﻳﺮﻩ ﻋﺼﻴﺪﻩ ﻣﺸﻌﺎﺭﻓﻪ ﺷﻦ ﺟﺎﻳﻬﺎ ﺑﺲ ﻗﺎﻟﺖ ﺟﻮ ﺻﻘﻊ ﺩﻓﻴﻨﻪ
ﻣﻨﻴﺮ ﻳﻀﺤﻚ .. ﺑﺎﻩ ﻋﺪﻱ ﺑﻌﺪﻳﻦ ﻧﻜﻤﻠﻮ
ﻣﺮﻳﻢ .. ﻧﺤﺒﻚ ﺑﺎﻱ
ﻣﻨﻴﺮ ﺗﻨﻬﺪ .. ﺍﻭﻛﻲ
ﺻﻜﺮﺕ ﻭﻧﺰﻟﺖ ﺗﺠﺮﻱ
ﻣﺤﻤﺪ .. ﺗﻲ ﻫﻴﺎ ﻳﺎﻓﺮﺧﻪ ﺻﻘﻌﺖ ﺍﻟﻌﺼﻴﺪﻩ
ﺭﺷﺎ .. ﻳﻨﻌﻠﻴﺎ ﻳﺎﺍﻋﻤﻴﻤﻪ ﻣﻨﻀﺮﻫﺎ ﻳﻬﺒﻞ ﺑﻜﻠﻠﻞ
ﻓﺎﻃﻤﻪ ﺗﻀﺤﻚ .. ﻣﺘﺴﻬﻔﻪ ﻋﻠﻴﻬﺎ
ﺭﺷﺎ ﻗﻤﻌﺰﺕ .. ﺍﻫﺎ ﺑﻜﻞ ﺳﻠﻢ ﺍﻳﺪﻳﻚ ﺷﻜﻠﻬﺎ ﺳﻤﺤﻪ
ﺑﺸﺮﻯ .. ﻣﻌﺮﻭﻓﻪ ﻋﺼﻴﺪﺕ ﻣﺎﻣﺎ ﺳﻤﺤﻪ
ﺭﺷﺎ ﺗﺎﻛﻞ .. ﻣﺸﺎﺀﺍﻟﻠﻪ ﺳﻠﻤﻚ ﻋﺼﺎﺩﻩ
ﻓﺎﻃﻤﻪ .. ﺳﻠﻤﻚ ﺻﺤﻪ
ﻣﺤﻤﺪ .. ﻃﻠﻌﺘﻲ ﻟﺴﻮﻕ ﻳﺎﻓﺮﺧﻪ
ﻣﺮﻳﻢ .. ﻧﺒﻲ ﻛﻨﺖ ﻓﻴﻪ
ﻣﺤﻤﺪ .. ﻧﺎﻗﺼﻚ ﺣﺎﺟﻪ
ﻣﺮﻳﻢ .. ﻻﻻ ﺗﻤﺎﻡ ﺟﻮﻱ
ﻣﺤﻤﺪ .. ﺑﺎﻩ ﻋﻘﺒﺎﻟﻚ
ﺑﺸﺮﻯ .. ﺧﻄﺎﻧﻲ ﻣﺶ ﻣﺠﻮﺯﻩ ﺍﻧﺎ
ﻣﺤﻤﺪ .. ﻭﻋﻠﻴﺶ ﺍﻥ ﺷﺎﺀ ﺍﻟﻠﻪ
ﺑﺸﺮﻯ .. ﻫﻚ ﻛﺴﺎﺩ ﻓﻜﻨﻲ ﻣﻦ ﺳﺮﻳﺐ
ﻣﺤﻤﺪ ﻳﻀﺤﻚ ﻭﻳﻬﺰ ﻑ ﺭﺍﺳﻪ .. ﻋﻠﻲ ﻛﻴﻔﻚ ﺗﻮﺍ ﻧﺸﻮﻓﻚ ﻭﺍﻧﺘﻲ ﻣﺠﻮﺯﻩ "
" ﻑ ﺍﻟﻴﻞ ﺧﺶ ﺍﻧﺲ ﻭﺭﻳﻬﺎﻡ ﻛﺎﻧﺖ ﻑ ﻛﻮﺟﻴﻨﻪ ﺳﻤﻌﺖ ﺗﺼﻜﻴﺮ ﺍﻟﺒﺎﺏ ﻃﻠﻌﺖ
ﺭﻳﻬﺎﻡ ﺗﻨﻬﺪﺕ .. ﻭﻳﻦ ﻛﻨﺖ
ﺍﻧﺲ ﻳﺤﻂ ﻑ ﻣﻔﺘﺎﻳﺤﻪ .. ﻉ ﺍﻟﺸﻂ
ﺭﻳﻬﺎﻡ .. ﻣﺎﻛﻠﻴﺖ ﺷﻲ ﺷﻜﻠﻚ
ﺍﻧﺲ ﻳﺴﻠﺢ ﻑ ﺟﺎﻛﺘﻪ ﻭﻣﺎﻳﺒﺤﺘﺶ ﻓﻴﻬﺎ .. ﻻ ﻣﺎﻋﻨﺪﻳﺶ ﻧﻴﻪ ﺗﻤﺎﻡ
ﺭﻳﻬﺎﻡ ﻗﺮﺑﺖ ﻣﻨﻪ .. ﺍﻧﺲ ﺑﺤﺖ ﻓﻴﺎ
ﺍﻧﺲ ﺑﺤﺖ ﻓﻴﻬﺎ .. ﻧﻌﻢ
ﺭﻳﻬﺎﻡ ﺯﺍﺩﺕ ﻗﺮﺑﺖ ﻣﻨﻪ ﻭﺗﺒﺤﺖ ﻓﻴﻪ .. ﺯﻋﻠﺘﻚ ﺑﻜﻼﻣﻲ ﺍﻧﺎ ﺍﺳﻔﻪ ﺑﺎﻩ ﺷﻦ ﻧﺪﻳﺮ ﺍﻧﺎ ﻧﻮﻋﺪﻙ ﻣﻌﺶ ﻧﺒﻜﻲ ﻗﺪﺍﻣﻚ ﻋﻠﻴﻪ ﻣﻌﺎﻙ ﺣﻖ ﺻﺎﺡ ﺑﺲ ﻗﺼﺪﻱ ﺍﻧﺎ ﻣﺎﺑﻜﻴﺘﺶ ﻋﻠﻴﻪ ﺍﻧﺎ ﺑﻜﻴﺖ ﻉ ﺳﺒﻪ ﻧﺤﺴﺎﺑﻚ ﺗﻌﺮﻓﻪ ﻣﻦ ﻗﺒﻞ ﺑﺲ ﻫﻜﻲ ﺭﺍﻩ
ﺍﻧﺲ ﻳﺒﺤﺖ ﻓﻴﻬﺎ
ﺭﻳﻬﺎﻡ ﺗﻨﻬﺪﺕ .. ﻋﻠﻴﺶ ﺳﺎﻛﺖ ﺗﻮﺍ
ﺍﻧﺲ ﻧﻔﺦ .. ﺷﻦ ﺗﺒﻴﻨﻲ ﻧﻘﻮﻝ ﻳﻌﻨﻲ
ﺭﻳﻬﺎﻡ .. ﻗﻮﻝ ﺍﻟﻲ ﺗﺒﻲ ﺗﻘﻮﻟﻪ ﻫﺰﺑﻨﻲ ﻋﺎﺩﻱ ﻭﻋﻴﻂ ﻋﻠﻴﺎ ﺑﺲ ﻣﺎﺗﻘﻌﺪﺵ ﺳﺎﻛﺖ
ﺍﻧﺲ ﺍﺑﺘﺴﻢ .. ﻋﻠﻴﺶ ﺑﻨﻌﻴﻂ ﻋﻠﻴﻚ ﻭﻧﻬﺰﺑﻚ ﺍﻧﺎ ﺑﻌﺪ ﻃﻠﻌﺖ ﻛﻨﺖ ﻧﺒﻴﻚ ﺗﻔﻜﺮﻱ ﺑﻴﻨﻚ ﻭﺑﻴﻦ ﺭﻭﺣﻚ ﻣﺸﻌﺎﺭﻑ ﺣﺴﻴﺘﻚ ﺗﺒﻲ ﺭﺍﺣﻪ ﻭﻣﻜﺎﻥ ﺑﺮﻭﺣﻚ ﺗﻔﻜﺮﻱ ﻓﻴﻪ ﻣﻤﻜﻦ ﺍﻟﻔﺘﺮﻩ ﺍﻟﻲ ﻓﺎﺗﺖ ﻛﻠﻬﺎ ﻣﺎﻛﻨﺘﺶ ﺳﺎﺩﻩ ﻻﻧﻚ ﻛﻨﺘﻲ ﺗﻔﻜﺮﻱ ﺑﺲ ﻑ ﺍﺳﺎﻣﻪ ﻭﻑ ﻣﻮﺗﻪ ﺻﺎﺡ ﻣﺎﻓﻜﺮﺗﻴﺶ ﻑ ﻣﺴﺘﻘﺒﻠﻚ ﻭﻑ ﺭﻭﺣﻚ ﻭﺍﻧﺘﻲ ﺗﻮﺍ ﻣﺤﺘﺎﺟﻪ ﺗﻔﻜﺮﻱ ﻓﻴﻬﻦ ﺻﺎﺡ
ﺭﻳﻬﺎﻡ ﻫﺰﺕ ﺭﺍﺳﻬﺎ ﻭﺍﺑﺘﺴﻤﺖ .. ﺻﺎﺡ ﺍﻫﺎ
ﺍﻧﺲ .. ﻭﻓﻜﺮﺗﻲ
ﺭﻳﻬﺎﻡ .. ﻭﺍﺟﺪ
ﺍﻧﺲ ﻫﺰ ﺭﺍﺳﻪ .. ﺑﺎﻩ ﺗﻤﺎﻡ ﻛﻮﻳﺲ ﺍﻧﺎ ﺧﺎﺷﻪ ﺑﻨﺮﻗﺪ ﺗﻮﺍ
ﺭﻳﻬﺎﻡ .. ﻣﺎﺗﺒﻴﺶ ﺗﻘﻌﺪ ﻣﻌﺎﻳﺎ ﺍﻟﻴﻮﻡ ﻛﻠﻪ ﻣﺎﻗﻌﺪﻧﺶ ﻣﻊ ﺑﻌﻀﻨﺎ
ﺍﻧﺲ .. ﻧﻌﺴﺎﻧﻪ ﺑﻜﺮﺍ ﻧﻘﻌﺪﻭ ﻣﻊ ﺑﻌﻀﻨﺎ
ﺭﻳﻬﺎﻡ .. ﺑﺎﻩ ﺗﻤﺎﻡ ﺗﺼﺒﺢ ﻋﻠﻰ ﺧﻴﺮ
ﺍﻧﺲ ﺍﺑﺘﺴﻢ .. ﻭﺍﻧﺘﻲ ﻣﻦ ﺍﻫﻠﻮ
ﺧﺶ ﺍﻧﺲ ﺭﻗﺪ ﻭﺭﻳﻬﺎﻡ ﻗﻤﻌﺰﺕ ﻓﺘﺤﺖ ﺍﻝ Tv ﻉ ﺳﺎﺱ ﺑﺘﻔﺮﺝ ﻗﻌﺪﺕ ﺗﻔﻜﺮ ﻑ ﺍﻧﺲ ﻭﺣﻴﺎﺗﻬﺎ ﻣﻌﺎﻩ ﻟﻴﻦ ﻏﻔﺖ ﻉ ﺻﺎﻟﻮﻥ "
" ﻉ ﺍﻟﻔﺠﺮ ..
ﺩﻧﻴﺎ .. ﺍﻣﻤﻤﻤﻢ ﺍﻣﺠﺪ ﺍﻣﺠﺪﺩ ﻧﻮﺽ ﺗﻲ ﻳﺎﺍﻣﺠﺪ ﺷﻜﻠﻲ ﺑﻨﺠﻴﺐ ﻛﻨﻚ ﺭﺍﻗﺪ ﻫﻜﻲ ﺍﺍﺍﺍﺍﺍﻩ
ﺍﻣﺠﺪ ﻓﺎﺗﺢ ﻧﺺ ﻋﻴﻦ .. ﻛﻨﻚ
ﺩﻧﻴﺎ .. ﺑﻄﻨﻨﻲ ﺧﻼﺹ ﻧﻮﺽ ﺷﻜﻠﻲ ﻭﻻﺩﻩ
ﺍﻣﺠﺪ ﻗﻤﻌﺰ ﻳﺤﻚ ﻑ ﻋﻴﻮﻧﻪ .. ﻑ ﺍﻟﻔﺠﺮ
ﺩﻧﻴﺎ ﻣﺴﻜﺖ ﺍﻳﺪﻫﺎ ﻭﻋﻀﺘﻬﺎ
ﺍﻣﺠﺪ ﻋﻴﻂ .. ﺗﻴﻴﻴﻴﻴﻲ ﺍﺍﺍﺍﺍﺍﺍ ﻛﻨﻚ ﺍﻧﺘﻲ
ﺩﻧﻴﺎ ﺗﺄﻟﻢ .. ﻫﻮ ﻳﻌﺮﻑ ﺍﻧﻪ ﻓﺠﺮﺭﺭﺭﺭ ﻧﻮﻭﻭﺽ ﺣﺮﻗﺖ ﺩﻣﻲ
ﺍﻣﺠﺪ ﺻﺒﻰ ﺑﺴﺮﻋﻪ .. ﺑﺎﻩ ﺷﻦ ﻧﺪﻳﺮ ﺍﻧﺎ ﺗﻮﺍ
ﺩﻧﻴﺎ ﺗﻌﺾ ﻑ ﺍﻳﺪﻫﺎ .. ﺍﻟﻌﺒﺎﺍﺍﻱﻳﻴﻪ ﺍﺍﺍﺍﺍﻩ ﻳﺎﺍﺭﺑﻲ ﺍﺍﺍﻩ
ﺍﻣﺠﺪ .. ﺍﻫﺎ ﺻﺎﺡ ﺑﺎﻩ ﻫﻴﺎ
ﻣﺸﺎﺀ ﻳﺠﺮﻱ ﺟﺎﺏ ﺍﻟﻌﺒﺎﻳﻪ ﻭﻗﻌﺪ ﻳﻠﺒﺲ ﻓﻴﻬﺎ ﻭﺍﻋﻠﻴﻮﻩ ﻣﻦ ﺍﻟﺤﺮﻛﻪ ﻧﺎﺽ ﻭﻗﻌﺪ ﻳﻌﻴﻂ
ﺍﻣﺠﺪ ﻣﺸﺎﺀ ﻳﺠﺮﻱ ﻭﺷﻤﺮﻩ ﻑ ﺍﻳﺪﻩ
ﺩﻧﻴﺎ .. ﻃﻠﻊ ﺷﻨﻄﻪ ﺑﻨﺖ
ﺍﻣﺠﺪ .. ﺑﺎﻩ ﻫﻴﺎ ﺑﺎﻩ
ﻣﺴﻚ ﺷﻨﻄﻪ ﻭﻃﻠﻊ ﻳﺠﺮﻱ
ﺩﻧﻴﺎ .. ﺍﻣﻤﻤﻤﻤﻤﻢ ﺍﻣﻤﻤﻤﺠﺪ ﺗﻲ ﻭﻳﻦ ﻋﺪﻳﺖ
ﻣﺸﺎﺀ ﺣﻂ ﺷﻨﻄﻪ ﻭﺍﻋﻠﻴﻮﻩ ﺑﺮﺍ ﻭﺧﺸﻠﻬﺎ ﻳﺠﺮﻱ
ﺍﻣﺠﺪ .. ﺟﻴﺘﻚ ﺟﻴﺘﻚ ﻫﻴﺎ
ﺩﻧﻴﺎ ﻣﺎﺳﻚ ﻑ ﺍﻳﺪﻩ ﻭﺗﻤﺸﻲ ﻣﻌﺎﻩ
" ﺍﻧﺎ ﻛﻨﺖ ﻭﺍﻋﻴﻪ ﻧﺮﺿﻊ ﻑ ﻭﺳﻦ ﺳﻤﻌﺖ ﺻﻮﺕ ﺍﻟﻬﺮﺟﻪ ﻭﺻﻮﺕ ﺍﻋﻠﻴﻮﻩ
ﺍﻧﺎ .. ﺍﻳﻬﻢ ﺍﻳﻬﻢ ﻧﻮﺽ
ﺍﻳﻬﻢ ﺑﺮﻡ ﻋﻠﻴﺎ .. ﻧﻌﻢ ﻛﻨﻚ ﺷﻦ ﻓﻲ
ﺍﻧﺎ .. ﺻﻮﺕ ﻫﺮﺟﻪ ﺑﺮﺍ ﻭﺻﻮﺕ ﺍﻋﻠﻴﻮﻩ ﻳﺒﻜﻲ ﺗﺮﺍ ﺍﻃﻠﻊ ﺷﻮﻑ
ﺍﻳﻬﻢ ﻗﻤﻌﺰ .. ﺗﻮﺍ ﻧﺸﻮﻑ ﺧﻠﻴﻚ ﻫﻨﺎ
ﻃﻠﻊ ﺍﻳﻬﻢ ﻭﺍﻧﺎ ﻣﺎﻫﻨﺎﻧﻴﺶ ﻋﻘﻠﻲ ﻣﺸﻴﺖ ﻟﺤﻘﺘﻪ
ﺩﻧﻴﺎ .. ﺷﻦ ﻳﺒﻲ ﻳﺒﻨﺰﻟﻨﻲ ﺍﻧﺎ ﺍﻟﺪﺭﺭﻭﺝ ﺍﺍﺍﻩ
ﺍﻣﺠﺪ .. ﺍﻫﺪﻱ ﺑﺲ ﺗﻮﺍ ﺗﻨﻮﺿﻴﻬﻢ ﻫﻜﻲ ﻭﻋﻠﻲ ﻗﺎﻟﺐ ﺩﻧﻴﺎ ﺍﻋﻴﺎﻃﺎﺕ
ﺍﻳﻬﻢ ﻃﻠﻊ .. ﺑﺴﻢ ﺍﻟﻠﻪ ﻛﻨﻜﻢ ﻓﻲ ﺣﺎﺟﻪ ﻛﻨﻪ ﺍﻋﻠﻴﻮﻩ ﻣﺮﻳﺾ
ﺍﻣﺠﺪ .. ﺗﻲ ﻻﻻ ﺩﻧﻴﺎ ﻣﺮﻳﻀﻪ ﻭﻫﻮ ﻧﺎﺽ ﻳﻌﻴﻂ
ﺍﻳﻬﻢ ﻧﺰﻝ ﺷﻤﺮﻩ .. ﺍﺣﻢ ﺍﻫﺎ ﺗﻨﻮﺽ ﺑﺴﻼﻣﻪ ﺧﻼﺹ ﺍﻋﻠﻴﻮﻩ ﺧﻠﻴﻪ ﻣﻌﺎﻧﺎ
ﺍﻣﺠﺪ .. ﻻﻻ ﻏﻴﺮ ﺧﻠﻴﻪ ﺗﻮﺍ ﻳﻘﻌﺪ ﻳﻌﻴﻂ
ﺍﻳﻬﻢ ﺑﺮﻡ ﻳﻤﺸﻲ ﻟﺸﻘﻪ .. ﻃﺮﻳﻘﻚ ﺑﻴﻀﻪ ﻃﻤﻨﺎ ﺑﺲ
ﺍﻣﺠﺪ .. ﻣﻨﻮﺭ
ﺧﺶ ﻋﻠﻴﺎ ﺍﻳﻬﻢ
ﺍﻧﺎ .. ﻳﺎ ﻋﻤﺮﻱ ﻣﺎﺷﻴﻪ ﺗﺠﻴﺐ ﺷﻜﻠﻬﺎ
ﺍﻳﻬﻢ .. ﺍﻫﺎ ﺷﻨﻮ ﺍﻋﻠﻴﻮﻩ ﻛﻨﻚ ﺗﺒﻜﻲ ﻳﺎ ﻋﻤﻮ
ﺍﻋﻠﻴﻮﻩ ﻳﺒﻜﻲ ﻭﺳﺎﻛﺖ
ﺍﻧﺎ .. ﻧﺠﻚ ﻟﻴﺎ ﺗﻌﺎﻝ ﻫﻴﺎ ﺟﻌﺎﻥ ﺍﻧﺖ
ﺍﻋﻠﻴﻮﻩ ﻫﺰ ﺭﺍﺳﻪ
ﺍﻧﺎ .. ﻧﺠﻴﻪ ﻳﺎﺧﻴﻪ ﺟﻌﺎﻥ ﺗﻌﺎﻝ ﻧﺎﻛﻠﻮ ﻫﻴﺎ
ﻣﺸﻴﺖ ﺣﻄﻴﺘﻪ ﻉ ﻃﺎﻭﻟﻪ ﻭﺍﻳﻬﻢ ﻣﻘﻤﻌﺰ ﻉ ﻛﺮﺳﻲ ﻭﻳﻨﺎﺑﺶ ﻓﻴﻪ
ﺍﻳﻬﻢ ﻳﻀﺤﻚ .. ﺑﻌﻴﻴﻲ
ﺍﻋﻠﻴﻮﻩ ﻳﻀﺤﻚ ﻭﻳﺤﻮﻟﻪ ﻑ ﺍﻳﺪﻳﻪ
ﺍﻳﻬﻢ .. ﺑﺒﻌﻊ
ﺍﻧﺎ ﻣﺒﺘﺴﻤﻪ ﻭﻧﺒﺤﺖ ﻓﻴﻬﻢ .. ﻫﻴﺎ ﺍﻋﻠﻴﻮﻩ ﻧﺸﺮﺑﻮ ﺍﻟﺤﻠﻴﺐ
ﻗﻤﻌﺰﺕ ﺗﻼﻩ ﻭﺧﺬﻳﺘﻪ ﻑ ﻛﺘﺮﻱ ﻭﻗﻌﺪﺕ ﻧﺸﺮﺏ ﻓﻴﻪ
ﺍﻧﺎ .. ﺷﻨﻮ ﺗﺒﻲ ﺃﺧﺮﻯ ﻭﻻ ﺣﻤﺪﺍﻟﻠﻪ
ﺍﻋﻠﻴﻮﻩ .. ﺑﻴﺶ ﺧﻼﺙ
ﺍﻧﺎ ﺣﻀﻨﺘﻪ .. ﻧﺠﻚ ﻟﻴﺎ ﻳﺎﻋﻤﺮﻱ ﺍﻧﺖ
ﺍﻳﻬﻢ .. ﻋﺴﻞ ﺑﻜﻞ
ﺍﻧﺎ .. ﺑﻜﻞ ﻳﻬﺒﻞ ﻫﻴﺎ ﺗﺮﻗﺪ
ﺍﻋﻠﻴﻮﻩ ﻫﺰ ﺭﺍﺳﻪ ﻭﺷﻤﺮﻩ ﺍﻳﻬﻢ ﺧﺶ ﺑﻴﻪ ﻟﺪﺍﺭ
ﺍﻧﺎ .. ﺗﺮﻗﺪ ﺑﻴﻨﺎ ﺍﻟﻴﻮﻡ
ﺣﻄﻴﺘﻪ ﺑﻴﻨﺎ ﻭﺷﻮﻳﺎ ﻭﺭﻗﺪ
ﺍﻳﻬﻢ ﻳﺒﺤﺖ ﻓﻴﻪ ﻭﻣﺒﺘﺴﻢ .. ﺍﻣﺘﻰ ﺗﻜﺒﺮ ﻭﺳﻦ ﻭﺗﺠﻲ ﺗﺮﻗﺪ ﺑﻴﻨﺎ
ﺍﻧﺎ ﺍﺑﺘﺴﻤﺖ .. ﺣﻠﻮﻩ ﺻﺎﺡ
ﺍﻳﻬﻢ .. ﺍﻫﺎ ﺷﻮﻓﻴﻪ ﻛﻴﻒ ﺭﺍﻗﺪ
ﺍﻧﺎ .. ﺭﺑﻲ ﻳﺤﻔﻈﻪ ﻋﺴﻞ ﺷﻮﻳﺎ ﻭﺭﻥ ﻉ ﺍﻣﺠﺪ ﺷﻮﻓﻪ ﺷﻦ ﺻﺎﺭ ﻣﻌﺎﻩ
ﺍﻳﻬﻢ .. ﺍﻥ ﺷﺎﺀ ﺍﻟﻠﻪ ﺍﻧﺘﻲ ﺍﺭﻗﺪﻱ ﺍﻧﺎ ﻃﺎﺭ ﻧﻮﻡ ﻣﻦ ﻋﻴﻮﻧﻲ
ﺍﻧﺎ ﻏﻤﻀﺖ ﻋﻴﻮﻧﻲ .. ﺑﺎﻩ ﺗﺼﺒﺢ ﻋﻠﻰ ﺧﻴﺮ
ﺍﻳﻬﻢ ﺍﺑﺘﺴﻢ ﻭﻃﺒﺲ ﺑﺎﺱ ﺭﺍﺳﻲ .. ﺗﻼﻗﻲ ﺍﻟﺨﻴﺮ
ﺍﻣﺠﺪ ﻣﺼﺒﻲ ﻑ ﻣﺮﺭ ﻭﻳﺮﺍﺟﻲ ﻓﻴﻬﺎ ﻣﻌﺶ ﻃﻠﻌﺖ ﻭﻫﻮ ﺑﺎﺭﻡ ﻃﻠﻌﺖ ﺩﻛﺘﻮﺭﻩ
ﺩﻛﺘﻮﺭﻩ .. ﺍﻟﺤﻤﺪ ﺍﻟﻠﻪ ﻉ ﺳﻼﻣﺘﻬﺎ
ﺍﻣﺠﺪ ﺑﺮﻡ .. ﺷﻨﻮ ﺟﺎﺑﺖ ﺩﻧﻴﺎ ﺷﻦ ﺻﺎﺭ ﻓﻴﻬﺎ
ﺩﻛﺘﻮﺭﻩ .. ﺍﻟﺤﻤﺪﺍﻝﻟﻪ ﺑﻨﺖ ﻭﺍﻻﻡ ﺑﺨﻴﺮ
ﺍﻣﺠﺪ ﺍﺑﺘﺴﻢ .. ﺍﻟﻠﻪ ﻳﺒﺸﺮﻙ ﺑﺎﻟﺨﻴﺮ
ﺩﻛﺘﻮﺭﻩ ﺍﺑﺘﺴﻤﺖ .. ﺗﻮﺍ ﺷﻮﻳﺎ ﻭﻳﻄﻠﻌﻦ ﻣﻤﺮﺿﺎﺕ ﻳﺸﻠﻨﻚ ﻟﻬﺎ
ﺍﻣﺠﺪ ﺿﺤﻚ .. ﺑﺎﻩ ﺗﻤﺎﻡ
ﻋﺪﺕ ﺩﻛﺘﻮﺭﻩ ﻭﺍﻣﺠﺪ ﻃﻠﻊ ﻣﻮﺑﺎﻳﻠﻪ ﻳﺮﻥ ﻉ ﺍﻳﻬﻢ
ﺍﻳﻬﻢ .. ﺗﻮﺍ ﻛﻨﺖ ﺑﻨﺮﻥ ﻋﻠﻴﻚ ﺷﻦ ﺻﺎﺭ
ﺍﻣﺠﺪ .. ﺟﺎﺑﺖ ﺑﻨﻴﻪ
ﺍﻳﻬﻢ ﺍﺑﺘﺴﻢ .. ﺍﻟﺤﻤﺪﺍﻟﻞﻩ ﻉ ﺳﻼﻣﺘﻬﺎ ﻣﺒﺮﻭﻙ ﻣﺎﺟﺪ ﻋﻠﻴﻚ
ﺍﻣﺠﺪ .. ﺍﻟﻠﻪ ﻳﺒﺎﺭﻙ ﻓﻴﻚ
ﺍﻳﻬﻢ .. ﺧﺸﺸﻮﻙ ﻋﻠﻴﻬﺎ
ﺍﻣﺠﺪ .. ﻻ ﻻ ﻣﺰﺍﻝ ﺷﻮﻳﺎ ﺃﺧﺮﻯ ﺍﻫﻮ ﻃﻠﻌﻦ ﻣﻤﺮﺿﺎﺕ
ﺍﻳﻬﻢ .. ﺑﺎﻩ ﺍﻭﻛﻲ ﺗﻮﺍ
ﺻﻜﺮ ﺍﻳﻬﻢ ﻭﺧﺶ ﺭﻗﺪ ﺗﻼﻳﺎ
ﺍﻣﺠﺪ .. ﻭﻳﻨﻬﺎ
ﻣﻤﺮﺿﻪ .. ﻓﻲ ﺍﻟﻐﺮﻓﻪ ﻫﺬﻱ ﺗﻔﻀﻞ ﺧﺶ
ﺍﻣﺠﺪ ﺧﺶ ﻋﻠﻴﻬﺎ ﻭﻫﻴﺎ ﺷﺒﻪ ﺩﺍﻳﺨﻪ ﻗﻤﻌﺰ ﺗﻼﻫﺎ ﻭﻣﺴﻚ ﺍﻳﺪﻫﺎ
ﺍﻣﺠﺪ ﻣﺒﺘﺴﻢ .. ﻣﺒﺮﻭﻙ ﻋﻠﻴﻨﺎ ﺟﺘﻨﺎ ﺑﻨﻮﺗﻪ ﻋﺴﻞ ﻛﻴﻒ ﺍﻣﻬﺎ
ﺩﻧﻴﺎ ﺑﺼﻮﺕ ﻭﺍﻃﻲ .. ﺷﻔﺘﻬﺎ
ﺍﻣﺠﺪ .. ﻻﻻ ﻣﺰﺍﻝ ﺗﻮﺍ ﻳﺠﻴﺒﻮﻫﺎ ﻟﻜﻲ ﺍﻛﻴﺪﻩ ﻣﺪﻭﺭﺗﻬﺶ ﻗﻌﺪﺕ ﻣﺸﻐﻮﻝ ﻋﻠﻴﻚ ﻭﻧﺴﻴﺘﻬﺎ
ﺩﻧﻴﺎ ﻫﺰﺕ ﺭﺍﺳﻬﺎ
ﺍﻣﺠﺪ ﻣﺎﺳﻚ ﺍﻳﺪﻫﺎ ﺑﻘﻮﻩ .. ﺗﺤﺴﻲ ﻑ ﺣﺎﺟﻪ ﻃﻤﻨﻴﻨﻲ
ﺩﻧﻴﺎ .. ﻻ ﻻ ﺷﻲ
ﺷﻮﻳﺎ ﻭﺧﺸﺖ ﻣﻤﺮﺿﻪ ﺑﺎﻟﺒﻨﺖ
ﺍﻣﺠﺪ ﻳﻀﺤﻚ ﻭﻳﺒﺤﺖ ﻓﻴﻬﺎ ﻭﻋﻴﻮﻧﻪ ﻣﻠﻴﺎﻧﺎﺕ ﺩﻣﻮﻉ .. ﺑﺴﻢ ﺍﻟﻠﻪ ﻣﺸﺎﺀ ﺍﻟﻠﻪ ﺭﺑﻲ ﻳﺤﻤﻴﻬﺎ ﻭﺗﻄﻠﻊ ﻣﻦ ﺣﻔﻈﻪ ﻛﺘﺎﺏ ﺍﻟﻠﻪ
ﺩﻧﻴﺎ ﻳﺎﺩﻭﺏ ﻣﺒﺘﺴﻤﻪ
ﺍﻣﺠﺪ ﻗﻌﺪ ﻳﺬﻧﻠﻬﺎ .. ﺍﻟﻠﻪ ﺍﻛﺒﺮ ﺍﻟﻠﻪ ﺍﻛﺒﺮ ﺍﺷﻬﺪ ﺍﻥ ﻻ ﺍﻟﻪ ﺍﻻ ﺍﻟﻠﻪ ﻭﻭﻛﻤﻞ ﺑﺎﻗﻲ ﺍﻷﺫﺍﻥ
ﺩﻧﻴﺎ .. ﻫﺎﺗﻬﺎ ﻧﺸﻮﻓﻬﺎ
ﻣﺪﻫﺎ ﻟﻬﺎ
ﺩﻧﻴﺎ ﻣﺒﺘﺴﻤﻪ .. ﻳﺎ ﻋﻤﺮﻱ ﺍﻧﺎ ﺗﻬﺒﻞ ﻳﺎﺍﻣﺠﺪ ﺷﻮﻓﻬﺎ
ﺍﻣﺠﺪ ﺗﻨﻬﺪ ﻭﻗﻤﻌﺰ ﺗﻼﻫﺎ .. ﺭﺑﻲ ﻳﺤﻤﻴﻜﻢ ﻟﻴﺎ
ﺩﻧﻴﺎ ﺍﺑﺘﺴﻤﺖ .. ﻭﻳﺤﻤﻴﻚ ﻳﺎﻋﻤﺮﻱ "
" ﻉ ﺿﻬﺮ ﻃﻠﻌﻮﻫﺎ ﻭﻃﻠﻌﺖ ﻉ ﺣﻮﺵ ﻋﻴﺖ ﻋﻤﻲ ﻟﻮﻃﻪ ﻧﺰﻟﺖ ﺍﻧﺎ ﻭﺧﻠﻴﺖ ﺍﻋﻠﻴﻮﻩ ﻭﺳﻦ ﺭﺍﻗﺪﻳﻦ
ﺍﻧﺎ .. ﻣﺒﺮﻭﻙ ﻳﺎﻋﻤﺮﻱ ﻋﺴﻞ ﻳﺎﺧﻴﻪ
ﺩﻧﻴﺎ ﻣﺒﺘﺴﻤﻪ .. ﺍﻟﻠﻪ ﻳﺒﺎﺭﻙ ﻓﻴﻚ ﺷﻨﻮ ﺗﻌﺒﻜﻢ ﺍﻋﻠﻴﻮﻩ
ﺍﻧﺎ .. ﻻ ﻋﺴﻞ ﺑﻜﻞ ﺷﺮﺏ ﺣﻠﻴﺐ ﻭﺭﻗﺪ ﺑﻴﻨﻲ ﻭﺑﻴﻦ ﺍﻳﻬﻢ ﻣﺰﺍﻝ ﺭﺍﻗﺪ
ﺩﻧﻴﺎ .. ﻳﻨﻌﻠﻴﺎ ﺍﻛﻴﺪﻩ ﻗﻴﺪﻛﻢ
ﺍﻧﺎ .. ﻋﻠﻴﺶ ﻳﺒﻲ ﻳﻘﻴﺪﻧﺎ ﻣﺴﻜﻴﻦ ﺑﺎﻟﻌﻜﺲ ﺩﺍﻳﺮﻧﺎ ﺟﻮ ﺍﻳﻬﻢ ﻓﺮﺣﺎﻥ ﺑﻴﻪ
ﺗﺴﻨﻴﻢ .. ﻏﺎﻟﻲ ﻋﻠﻴﻪ ﺍﻳﻬﻢ ﺍﺻﻼً ﻫﻮ
ﺳﻠﻴﻤﻪ .. ﻣﻌﻘﻮﻟﻪ ﻣﺎﺗﻨﻮﺿﻮﻧﻲ ﻧﻤﺸﻲ ﻣﻌﺎﻙ
ﺩﻧﻴﺎ .. ﻋﻠﻴﺶ ﻧﺒﻮ ﻧﺸﻐﻠﻮﻙ ﻳﺎﺍﻋﻤﻴﻤﻪ ﺍﻫﻮ ﺭﻭﺣﺖ ﻭﻃﻠﻌﺖ ﻋﻠﻴﻚ ﻭﺍﻧﺎ ﺟﻴﺒﺘﻲ ﻉ ﻓﺠﺮ ﻑ ﻋﺰ ﺍﻟﻴﻞ
ﺳﻠﻴﻤﻪ .. ﻋﺎﺩﻱ ﻭﻛﺎﻥ ﻣﺎﻩ ﺍﻛﻴﺪﻩ ﺍﻣﺠﺪ ﻣﻌﺶ ﻳﺼﺮﻑ
ﺩﻧﻴﺎ .. ﻻ ﻋﺎﺩﻱ ﻭﺍﻟﻠﻪ ﻧﺒﻮﻟﻚ ﺍﻟﺮﺍﺣﻪ ﺑﺲ ﻧﺤﻦ
ﺧﺸﺖ ﺭﺣﻤﻪ .. ﻟﻮﻭﻭﻭﻭﻭﻭﻭﻟﻠﻠﻠﻴﻴﻴﻴﻴﻲ
ﺩﻧﻴﺎ ﺍﺑﺘﺴﻤﺖ .. ﺳﻠﻤﻚ ﺯﻏﺎﺭﺗﻪ ﺍﻟﻌﻘﺒﻪ ﻋﻨﺪﻙ
ﺭﺣﻤﻪ ﺧﺸﺖ ﺗﺴﻠﻢ .. ﺍﻥ ﺷﺎﺀ ﺍﻟﻠﻪ ﻳﺎﺧﻴﻪ ﺣﻤﺪﺍﻟﻠﻪ ﻋﻠﻰ ﺍﻟﺴﻼﻣﻪ ﺷﻦ ﺩﺍﻳﺮﻩ
ﺩﻧﻴﺎ .. ﺍﻟﻠﻪ ﻳﺴﻠﻤﻚ ﺍﻟﺤﻤﺪ ﺍﻟﻠﻪ ﺑﺨﻴﺮ
ﺑﺮﻣﺖ ﻋﻠﻴﻨﺎ ﺭﺣﻤﻪ ﻭﺳﻠﻤﺖ
ﺗﺴﻨﻴﻢ .. ﺷﻨﻮ ﺑﺘﺴﻤﻮﻫﺎ
ﺩﻧﻴﺎ ﺍﺑﺘﺴﻤﺖ .. ﺯﻳﻨﻪ
ﺭﺣﻤﻪ .. ﺍﻥ ﺷﺎﺀ ﺍﻟﻠﻪ ﺗﻄﻠﻊ ﺯﻳﻨﻪ ﻑ ﻃﺒﻊ ﻭﻛﻞ ﺣﺎﺟﻪ ﺭﺑﻲ ﻳﺤﻤﻴﻬﺎ ﻟﻜﻢ
ﺩﻧﻴﺎ .. ﺗﺴﻠﻤﻲ ﺍﻥ ﺷﺎﺀ ﺍﻟﻠﻪ
ﺍﻧﺎ .. ﺷﻦ ﻃﻴﺒﺘﻲ ﻳﺎﺍﻋﻤﻴﻤﻪ
ﺳﻠﻴﻤﻪ .. ﺩﺭﺕ ﺭﺯ ﺑﺎﻟﺘﻘﻠﻴﻪ ﻭﺑﺮﻭﺩﻭ
ﺍﻧﺎ .. ﻳﻌﻄﻴﻚ ﺍﻟﺼﺤﻪ
ﺳﻠﻴﻤﻪ .. ﺗﺴﻠﻤﻲ
ﺍﻧﺎ ﺻﺒﻴﺖ .. ﻧﺸﻮﻑ ﺍﻟﻌﻴﺎﻝ
ﻣﺸﻴﺖ ﺭﻛﺒﺖ ﻓﻮﻕ ﻟﻘﻴﺖ ﺍﻋﻠﻴﻮﻩ ﻧﺎﻳﺾ ﻭﻳﺒﺤﺖ ﻑ ﺩﺍﺭ ﻣﺴﺘﻐﺮﺑﻬﺎ ﻭﺳﻦ ﺗﺮﺿﻊ ﻑ ﻻﻫﻴﻪ ﻭﺳﺎﻛﺘﻪ ﻏﻴﺮﺗﻠﻬﺎ ﻭﺭﺿﻌﺘﻬﺎ ﻭﺣﻄﻴﺘﻬﺎ ﻑ ﻗﻌﺎﺩ ﻭﺷﻤﺮﺕ ﺍﻋﻠﻴﻮﻩ ﻑ ﺍﻳﺪﻱ
ﺩﻧﻴﺎ .. ﺣﺒﻴﺐ ﻣﺎﻣﺎ ﺟﻴﺖ ﺗﻌﺎﻝ ﺷﻮﻑ ﺧﻴﺘﻚ
ﺍﻧﺎ .. ﺩﺑﺸﻪ ﻑ ﺷﻘﻪ
ﺩﻧﻴﺎ .. ﻻ ﻻ ﻧﺰﻟﻲ ﺍﻣﺠﺪ ﻧﺒﺪﺭﻱ
ﺍﻧﺎ .. ﻭﺣﻠﻴﺒﻪ
ﺩﻧﻴﺎ .. ﻛﻠﻪ ﻧﺰﻟﻪ
ﺍﻧﺎ .. ﺗﻌﺎﻝ ﻧﻐﻴﺮﻭ ﻫﻲ
ﺗﺴﻨﻴﻢ .. ﻫﺎﺗﻲ ﺗﻮﺍ ﺍﻧﺎ ﻧﻐﻴﺮﻟﻪ ﺷﻮﻓﻲ ﻣﺎﻣﺎ ﺑﺲ
ﺍﻧﺎ .. ﺑﺎﻩ ﻫﺎﻛﻲ
ﺭﺣﻤﻪ .. ﺭﺷﺎ ﺭﺷﺎ ﺑﻨﺘﻚ ﻳﺎﻣﻴﺲ
ﺍﻧﺎ .. ﻛﻠﻬﻢ ﻗﺎﻟﻮﻫﺎ ﺍﻫﺎ
ﺭﺣﻤﻪ .. ﻧﺴﺨﺘﻬﺎ ﺑﻜﻞ
ﺩﻧﻴﺎ .. ﺍﻫﺎ ﺑﻌﺪ ﻛﺒﺮﺕ ﺑﺎﻧﺖ ﺑﻜﻞ
ﺧﺸﻴﺖ ﺍﻧﺎ ﻟﻜﻮﺟﻴﻨﻪ ﻭﺳﺎﻋﺪﺕ ﺍﻋﻤﻴﻤﻪ ﻭﺧﺸﻮ ﺷﺒﺎﺏ ﻭﺣﻄﻴﻨﻪ ﺍﻟﻐﺪﺍﺀ ﻭﺗﻐﺪﻳﻨﺎ "
" ﻑ ﺍﻟﻌﺸﻴﻪ ..
ﺍﻧﺲ .. ﺍﻣﺘﻰ ﺟﺎﺑﺖ ﻋﻄﻴﻬﺎ ﻟﻴﺎ ﻳﺎﺍﻣﻲ
ﺍﻣﻪ .. ﻑ ﺍﻟﻔﺠﺮ ﺟﺎﺑﺖ ﺑﻨﺖ ﺳﻤﻮﻫﺎ ﺯﻳﻨﻪ
ﺍﻧﺲ ﺿﺤﻚ .. ﺗﺸﺒﻪ ﺩﻧﻴﺎ ﻭﻻ ﻻ
ﺍﻣﻪ .. ﻣﺰﺍﻟﺖ ﺻﻐﻴﺮﻩ ﻛﻨﻚ ﻋﺎﺩ ﺍﻟﻌﻘﺒﻪ ﻋﻨﺪﻙ
ﺍﻧﺲ ﺍﺑﺘﺴﻢ .. ﺍﻥ ﺷﺎﺀ ﺍﻟﻠﻪ ﻳﺎﺭﺏ
ﺻﻜﺮ ﻣﻦ ﺍﻣﻪ ﻭﺑﺤﺖ ﻑ ﺭﻳﻬﺎﻡ
ﺭﻳﻬﺎﻡ .. ﺍﻣﺘﻰ ﺟﺎﺑﺖ ﻳﺎﺧﻴﻪ ﻋﺴﻞ ﺑﻜﻞ ﺩﻧﻴﺎ
ﺍﻧﺲ .. ﻉ ﺍﻟﻔﺠﺮ ﻗﺎﻟﺘﻠﻲ ﺟﺎﺑﺖ ﺑﻨﺖ ﺳﻤﻮﻫﺎ ﺯﻳﻨﻪ
ﺭﻳﻬﺎﻡ .. ﻳﺎﺧﻴﻪ ﺑﻨﻮﺗﻪ ﻣﻐﻼﻫﻦ ﻋﻠﻴﺎ
ﺍﻧﺲ ﺍﺑﺘﺴﻢ .. ﻋﻘﺒﺎﻟﻨﺎ
ﺭﻳﻬﺎﻡ ﺗﻨﻬﺪﺕ .. ﺍﻥ ﺷﺎﺀ ﺍﻟﻠﻪ
ﺍﻧﺲ .. ﻛﻨﻚ ﺭﻗﺪﺗﻲ ﺑﺮﺍ ﺍﻣﺲ
ﺭﻳﻬﺎﻡ .. ﻣﺎﻩ ﺑﻨﺴﺎﻟﻚ ﺑﻨﻘﻮﻟﻚ ﺍﻣﺘﻰ ﺧﺸﺸﺘﻨﻲ ﻫﻨﺎ
ﺍﻧﺲ .. ﺳﺎﻋﻪ ﺳﺒﻌﻪ ﻭﻟﻘﻴﺘﻚ ﺑﻼ ﻏﻄﺎﺀ ﺃﺧﺮﻯ
ﺭﻳﻬﺎﻡ .. ﻛﻨﺖ ﻧﺘﻔﺮﺝ ﻏﻔﻴﺖ ﺑﺮﻭﺣﻲ
ﺍﻧﺲ .. ﺑﺎﻩ ﻣﻌﺶ ﺗﻌﺎﻭﺩﻳﻬﺎ ﺗﻤﺮﺿﻲ
ﺭﻳﻬﺎﻡ ﺍﺑﺘﺴﻤﺖ .. ﺑﺎﻩ ﺣﺎﺿﺮ
ﺍﻧﺲ .. ﺑﻨﻌﺪﻭ ﻟﺪﻧﻴﺎ
ﺭﻳﻬﺎﻡ ﻧﻄﺖ .. ﺟﺪ ﻳﺎﺍﻧﺲ
ﺍﻧﺲ ﺿﺤﻚ .. ﺟﺪ ﻋﻠﻴﺶ ﻓﺮﺣﺎﻧﻪ ﻫﻜﻲ
ﺭﻳﻬﺎﻡ .. ﻧﺸﻮﻑ ﺧﻮﺍﺗﻲ
ﺍﻧﺲ .. ﺍﻟﻲ ﻳﺴﻤﻌﻚ ﻳﻘﻮﻝ ﺳﻨﻴﻦ ﻣﺎﺷﻔﺘﻴﻬﻦ
ﺭﻳﻬﺎﻡ ﺿﺤﻜﺖ .. ﺭﺍﻳﻔﺖ ﻋﻠﻴﻬﻦ
ﺍﻧﺲ ﺍﺑﺘﺴﻢ .. ﺑﺎﻩ ﻧﻮﺿﻲ ﻏﻴﺮﻱ ﻫﻲ ﻧﺮﺍﺟﻲ ﻓﻴﻚ ﺑﺮﺍ
ﺭﻳﻬﺎﻡ .. ﺭﺍﺟﻲ
ﺍﻧﺲ .. ﺷﻨﻮ
ﺭﻳﻬﺎﻡ ﺍﺑﺘﺴﻤﺖ ﻭﻗﺮﺑﺖ ﺣﻀﻨﺎﺗﻪ .. ﺷﻜﺮﺍً ﻭﺍﺟﺪ
ﺍﻧﺲ ﺗﻠﺨﺒﻂ ﻭﻗﻌﺪ ﻻﻑ ﻋﻠﻴﻬﺎ ﻭﺳﺎﻛﺖ
ﺭﻳﻬﺎﻡ ﻭﺧﺮﺕ ﺷﻮﻳﺎ
ﺍﻧﺲ .. ﻻ ﻋﺎﺩﻱ ﻋﻠﻴﺶ ﺗﺸﻜﺮﻱ ﻓﻴﺎ ﻣﺎﺩﺭﺗﺶ ﺷﻲ ﺍﻧﺎ
ﺭﻳﻬﺎﻡ ﻫﺰﺕ ﻛﺘﻮﻓﻬﺎ .. ﻣﺶ ﻋﺎﺭﻓﻪ ﺧﻼﺹ ﺻﺒﻲ ﻫﻴﺎ ﺧﻠﻴﻨﻲ ﻧﻠﺒﺲ
ﺍﻧﺲ ﺿﺤﻚ ﻭﻫﺰ ﺭﺍﺳﻪ ﻭﻃﻠﻊ ﻭﺭﻳﻬﺎﻡ ﺧﺬﺕ ﻧﻔﺲ ﻃﻮﻳﻞ ﻭﺍﺑﺘﺴﻤﺖ ﻭﺻﺒﺖ ﺗﺨﺘﺎﺭ ﻑ ﺍﻟﺒﺴﻪ ﺗﻠﺒﺴﻬﺎ ﻟﺒﺴﺖ ﻭﺩﺍﺭﺕ ﺷﻮﻱ ﻣﻴﻚ ﺍﺏ ﺑﺴﻴﻂ ﻭﻃﻠﻌﻮ "
" ﺍﻧﺎ .. ﺧﻼﺹ ﺷﻴﻠﻦ ﻫﺬﻳﻨﺎ ﺑﺲ ﺗﻮﺍ ﺍﻧﺎ ﻧﻄﻠﻊ ﺍﻟﻤﺴﻤﻨﻪ ﻣﻦ ﺍﻟﻔﺮﻳﺰ
ﺭﺷﺎ ﺗﻼﻳﺎ ﺍﺩﻳﺮ ﻑ ﺗﻤﺮ ﺩﻭﺍﺭ ﻭﻣﺮﻳﻢ ﺗﺼﺐ ﻑ ﺣﻮﻳﺮﻩ ﻑ ﺗﺒﺎﺳﻲ
ﺭﺷﺎ .. ﻣﻦ ﻳﻌﺼﺪ
ﻣﺮﻳﻢ .. ﺗﻮﺍ ﺗﻌﺼﺪ ﻣﺎﻣﺎ
ﺍﻧﺎ .. ﻋﺎﺩﻱ ﻧﻌﺼﺪ ﺣﺘﻰ ﺍﻧﺎ
ﻣﺮﻳﻢ .. ﺗﻌﺮﻓﻲ
ﺍﻧﺎ .. ﺍﻛﻴﺪﻩ ﺳﺎﻫﻠﻪ ﻋﺼﻴﺪﻩ ﻣﺎﺣﺘﻰ ﺣﺎﺟﻪ ﻛﺒﻴﺮﻩ
ﺑﺸﺮﻯ ﺧﺸﺖ .. ﺭﻳﻬﺎﻡ ﺍﺧﺘﻜﻦ ﺟﺖ
ﺍﻧﺎ .. ﺻﺎﺡ
ﺭﺷﺎ .. ﻳﺎﺧﻴﻪ ﺭﺍﻳﻔﺖ ﻋﻠﻴﻬﺎ
ﻃﻠﻌﻨﺎ ﻣﻦ ﻛﻮﺟﻴﻨﻪ ﻟﻘﻴﻨﻬﺎ ﺗﺴﻠﻢ ﻉ ﺻﺒﺎﻳﺎ
ﺍﻡ ﺍﻧﺲ .. ﻣﺸﺎﺀﺍﻟﻠﻪ ﺭﺑﻲ ﻳﺤﻤﻴﻬﺎ
ﺳﻠﻴﻤﻪ ﺗﺒﺤﺖ ﻓﻴﻬﺎ .. ﺍﻥ ﺷﺎﺀ ﺍﻟﻠﻪ ﺗﻮﺍ ﺗﻬﻨﻴﻪ ﻛﻴﻒ ﺧﻴﺎﺗﻬﺎ
ﻭﺻﻠﺖ ﻓﻴﻨﺎ ﻭﺳﻠﻤﺖ ﻋﻠﻴﻨﺎ
ﺭﻳﻬﺎﻡ .. ﻛﻴﻒ ﺣﺎﻟﻜﻢ ﺷﻦ ﺩﺍﻳﺮﺕ
ﺍﻧﺎ ﻣﺒﺘﺴﻤﻪ .. ﺍﻟﺤﻤﺪ ﺍﻟﻠﻪ ﻛﻴﻒ ﺣﺎﻟﻚ ﺍﻧﺘﻲ ﺑﺎﻳﻨﻪ ﺭﺍﻳﻘﻪ
ﺭﻳﻬﺎﻡ ﺍﺑﺘﺴﻤﺖ .. ﺍﻟﺤﻤﺪ ﺍﻟﻠﻪ
ﺍﻧﺎ .. ﺭﺷﺎ ﺧﻠﻴﻚ ﻣﻌﺎﻫﻦ ﺧﻠﻴﻨﻲ ﻧﻬﺪﺭﺯ ﻣﻌﺎﻫﺎ ﺷﻮﻳﺎ
ﺭﺷﺎ .. ﺑﺎﻩ ﺗﻤﺎﻡ
ﺧﺸﻴﺖ ﺑﻴﻬﺎ ﻟﺪﺍﺭ ﻭ ﻫﻴﺎ ﺗﺴﻠﺢ ﻑ ﺟﺎﻛﺘﻬﺎ
ﺍﻧﺎ .. ﺷﻨﺠﻮﻙ ﻣﻊ ﺍﻧﺲ
ﺭﻳﻬﺎﻡ ﺍﺑﺘﺴﻤﺖ .. ﺍﻟﺤﻤﺪ ﺍﻟﻠﻪ ﺗﻤﺎﻡ
ﺍﻧﺎ .. ﺻﺎﺭﺕ ﺑﻴﻨﻜﻢ ﺣﺎﺟﻪ
ﺭﻳﻬﺎﻡ .. ﻣﺰﺍﻟﺖ ﻋﻠﻴﺎ ﺍﺻﻼً
ﺍﻧﺎ .. ﺻﺎﺡ ﺑﺎﻩ ﻉ ﻣﻬﻢ ﺭﺍﺿﻴﻪ
ﺭﻳﻬﺎﻡ ﺍﺑﺘﺴﻤﺖ .. ﺍﻟﺤﻤﺪ ﺍﻟﻠﻪ
ﺍﻧﺎ .. ﻫﻴﺎ ﻧﻄﻠﻌﻮ
ﻃﻠﻌﻨﺎ ﺑﺮﺍ ﻭﺍﻧﺎ ﺧﺸﻴﺖ ﻟﻜﻮﺟﻴﻨﻪ "
" ﻋﺰﻭ ﻳﺒﺤﺖ ﻑ ﺛﺮﻳﺎ .. ﺭﻛﺒﺘﻬﺎ ﺍﻫﺎ ﺟﺖ ﺣﻠﻮﻩ
ﺍﻣﻴﺮﻩ .. ﺑﺎﻩ ﺗﻤﺎﻡ ﻛﻮﻳﺲ ﺷﻦ ﻣﺰﺍﻝ ﺃﺧﺮﻯ
ﻋﺰﻭ .. ﺛﺮﻳﺎ ﺍﻟﺪﺍﺭ ﻭﺩﺍﺭ ﺍﻟﻨﻮﻡ
ﺍﻣﻴﺮﻩ .. ﺏ ..
ﺭﻛﺒﺖ ﺭﺣﺎﺏ ﺗﺠﺮﻱ .. ﻣﺎﻣﺎ ﻳﺎﻋﺰﻭ ﻣﺎﻣﺎ
ﻋﺰﻭ ﺻﻜﺮ .. ﻛﻨﻬﺎ ﻛﻨﻬﺎ
ﺭﺣﺎﺏ ..
" ﻳﺘﺒﻊ "..
ﺭﺍﻳﻜﻦ ﻗﻮﻟﻜﻦ ﺭﻳﻬﺎﻡ ﺣﺘﻨﺴﺠﻢ ﻭﻻ ﻻ؟ ! ﺍﺯﻋﻤﻚ ﺷﻦ ﺻﺎﺭ ﻑ ﺍﻡ ﻣﻴﺲ ﻫﻴﺎ ﺗﻮﻗﻌﺎﺗﻜﻦ
Anosha Alriany
