#ﻋﻜﺲ_ﺗﻴﺎﺭ
ﺣﻠﻘﻪ 4
ﺧﺸﻴﺖ ﻭﻣﺰﺍﻝ ﻣﺎﺭﻓﻌﺖ ﻋﻴﻮﻧﻲ ﻓﻴﻪ ﻗﺪﻣﺘﻠﻪ
ﺍﻧﺎ ﺑﺼﻮﺕ ﻭﺍﻃﻲ .. ﺗﻔﻀﻞ
ﺍﻳﻬﻢ .. ﺍﺣﻢ ﺯﻳﺪ ﻓﻀﻠﻚ
ﻛﻨﺖ ﺣﺎﺳﻪ ﺑﻨﻀﺮﺍﺗﻪ ﻓﻴﺎ ﻗﺪﻣﺖ ﻟﻌﺰﻭ ﻭﻗﻤﻌﺰﺕ ﺗﻼﻩ
ﻋﺰﻭ .. ﺧﻮﺫﻭ ﺭﺍﺣﺘﻜﻢ
ﻃﻠﻊ ﻋﺰﻭ ﻭﺍﻧﺎ ﻣﺰﺍﻟﺖ ﻣﻨﺰﻟﻪ ﺭﺍﺳﻲ ﻭﺳﺎﻛﺘﻪ
ﺃﻳﻬﻢ .. ﻣﻴﺲ ﻛﻴﻒ ﺣﺎﻟﻚ
ﺍﻧﺎ ﻫﻨﺎ ﺭﻓﻌﺖ ﺭﺍﺳﻲ ﻭﺑﺤﺘﺖ ﻓﻴﻪ ﻭﻗﻌﺪﺕ ﻧﺒﺤﺖ ﻓﻴﻪ ﻭﺳﺎﻛﺘﻪ
ﺃﻳﻬﻢ ﺿﺤﻚ ﺑﺸﻮﻳﺎ ﺿﺤﻜﻪ ﺑﺴﻴﻄﻪ ﻭﺣﻂ ﺍﻳﺪﻩ ﻉ ﻟﺤﻴﺘﻪ .. ﺷﻦ ﻗﺼﺘﻚ ﻣﺎﻗﺎﻟﻮﻟﻴﺶ ﺍﻧﻚ ﺑﻜﻮﺷﻪ
ﺍﻧﺎ ﺑﺼﻮﺕ ﻭﺍﻃﻲ .. ﺍﻧﺎ ﺗﻤﺎﻡ ﻭﺍﻧﺖ ﻛﻴﻒ ﺣﺎﻟﻚ
ﺃﻳﻬﻢ .. ﺍﻟﺤﻤﺪﺍﻟﻠﻪ؛
ﻗﻌﺪﺕ ﺳﺎﻛﺘﻪ ﻭﺷﺎﺑﻜﻪ ﺍﻳﺪﻳﺎ ﺑﻌﻀﻬﻦ ﻭﻧﻌﺼﺮ ﻓﻴﻬﻦ
ﺃﻳﻬﻢ .. ﺍﺣﻢ ﺑﺎﻩ ﺷﻦ ﺷﺮﻭﻃﻚ
ﺍﻧﺎ ﺑﺤﺘﺖ ﻓﻴﻪ .. ﺍﺣﻜﻰ ﺍﻧﺖ ﻗﺒﻞ
ﺃﻳﻬﻢ .. ﻛﺎﻥ ﺗﺒﻲ ﺗﻜﻤﻠﻲ ﺗﻌﻠﻴﻤﻚ ﺍﻧﺎ ﻣﺶ ﻣﻌﺎﺭﺽ ﻣﻌﺎﺭﺽ ﻉ ﺣﺎﺟﻪ ﻭﺣﺪﻩ ﻭﺍﻟﻲ ﻫﻴﺎ ﺷﻐﻞ ﻭﺍﻟﺒﺲ ﺣﺘﻰ ﻫﻮ ﻣﺶ ﻓﺎﺭﺽ ﻋﻠﻴﻚ ﻋﺒﺎﻳﺎ ﺑﺲ ﻟﺒﺲ ﻃﻮﻳﻞ ﻭﻛﻴﻒ ﻣﺎﺗﻌﺮﻓﻲ ﺍﻧﺎ ﺷﻘﺘﻲ ﻓﻮﻕ ﻫﻠﻲ ﻛﺎﻥ ﻗﺎﻟﻮﻟﻚ ﺍﻟﺤﻤﺪﺍﻟﻠﻪ ﺷﻘﻪ ﻛﺎﻣﻠﻪ ﻧﺎﻗﺼﻬﺎ ﺑﺲ ﺑﻨﺖ ﺍﻟﺤﻼﻝ ﻭﻃﺒﻌﺎً ﺍﻧﺎ ﻧﺸﺘﻐﻞ ﻑ ﻣﺼﺮﻑ ﻭﻋﻨﺪﻱ ﻣﺤﻞ ﻟﺮﻭﺣﻲ ﺍﻟﺤﻤﺪﺍﻟﻠﻪ ﻣﺴﺘﻮﺭﻩ
ﻃﻮﻝ ﻣﺎﻫﻮ ﻳﺤﻜﻲ ﻭﺍﻧﺎ ﻧﺴﻤﻊ ﻭﻧﻬﺰ ﻑ ﺭﺍﺳﻲ
ﺃﻳﻬﻢ .. ﻭﺍﻧﺘﻲ ﺷﻦ ﺷﺮﻭﻃﻚ
ﺍﻧﺎ .. ﻛﻨﺖ ﺷﺎﺭﻃﻪ ﻗﺮﻳﺘﻲ ﺑﺲ ﺍﻧﺖ ﻣﺶ ﻣﻌﺎﺭﺽ
ﺃﻳﻬﻢ .. ﻧﺤﻦ ﻫﻜﻲ ﻣﺘﻔﻘﻴﻦ ﺗﻤﺎﻡ ﻳﻌﻨﻲ
ﺍﻧﺎ ﺟﻴﺖ ﺑﻨﺼﺒﻲ
ﺃﻳﻬﻢ .. ﻛﺎﻥ ﺻﺎﺭ ﻧﺼﻴﺐ ﺍﻧﺎ ﻣﺎﻧﺒﻴﺶ ﻧﻄﻮﻝ ﻑ ﻋﺮﺱ ﻳﻌﻨﻲ ﺑﻌﺪ ﺍﻣﺘﺤﺎﻧﺎﺗﻚ ﻑ ﻋﻄﻠﻪ ﻧﺺ ﺳﻨﻪ
ﺍﻧﺎ .. ﺍﻩ ﻛﻴﻒ ﻣﺎﻓﻴﺶ ﻭﻗﺖ
ﺃﻳﻬﻢ .. ﻳﻌﻨﻲ ﻧﻔﻬﻢ ﻣﻦ ﻛﻼﻣﻚ ﻣﻮﺍﻓﻘﻪ
ﺍﻧﺎ ﺳﻜﺘﺖ
ﺃﻳﻬﻢ .. ﺑﺎﻩ ﺗﻤﺎﻡ
ﺻﺒﻴﺖ ﻃﻠﻌﺖ ﻭﺧﺸﻠﻪ ﻋﺰﻭ ﺍﻭﻝ ﻣﺎﺧﺸﻴﺖ
ﺭﺷﺎ .. ﺷﻦ ﺻﺎﺭ
ﺭﺣﺎﺏ .. ﺷﻦ ﺷﻜﻠﻪ ﺳﻤﺢ ﻭﻻﺷﻴﻦ
ﺭﻳﻬﺎﻡ .. ﺷﻦ ﻗﺎﻝ ﺷﻦ ﻗﺎﻝ
ﺭﺣﺎﺏ .. ﻻ ﺷﻦ ﺷﻜﻠﻪ ﻗﺒﻞ
ﺭﺷﺎ .. ﺗﻲ ﺍﺣﻜﻲ
ﺍﻧﺎ ﻗﻤﻌﺰﺕ ﻉ ﻛﺮﺳﻲ ﻭ ﺍﺑﺘﺴﻤﺖ
ﺭﺷﺎ .. ﻋﻦ ﺟﺪ ﻭﺟﻚ ﺍﺣﻜﻲ
ﺍﻧﺎ .. ﺷﻜﻠﻪ ﻳﺎﺑﻨﺎﺕ ﺑﺎﻳﻦ ﺭﺍﺟﻞ ﺑﻜﻞ ﻳﻬﺒﻞ ﻋﺮﺭﺭﻳﺾ ﻭﻃﻮﻳﻞ ﺷﻮﻳﺎ ﻣﺶ ﺑﻜﻞ ﺑﻜﻞ ﺷﻌﺮﻩ ﺍﺳﻮﺩ ﻭﻫﻜﻲ ﻑ ﻟﻮﻥ ﻛﺴﺘﻨﺎﺋﻲ ﻭﻟﺤﻴﺘﻪ ﻧﻔﺲ ﺷﻲ ﻣﺮﺳﻮﻣﻪ ﺭﺳﻢ ﻋﻴﻮﻧﻪ ﻛﺒﺎﺍﺍﺭ ﻭﺭﻣﻮﺷﻪ ﻛﺜﻴﻔﺎﺕ ﻭﺧﺸﻤﻪ ﻭﺍﻗﻒ ﻫﻜﻲ ﻛﻴﻒ ﻧﻮﺻﻔﻪ ﺣﺎﺩ ﻭﺣﻮﺍﺟﺒﻪ ﻣﺮﺳﻮﻣﺎﺕ ﺑﺲ ﺑﺎﻳﻦ ﻉ ﻭﺟﻪ ﺟﺪﻳﺎ ﻫﻜﻲ
ﺭﺣﺎﺏ .. ﻣﺤﻼﻩ ﺷﻜﻠﻪ ﺣﻠﻮ
ﺭﻳﻬﺎﻡ .. ﺷﻦ ﻗﺎﻟﻚ
ﺭﺷﺎ .. ﻳﻌﻨﻲ ﻫﻮ ﺍﺣﻠﻰ ﻣﻨﻚ
ﺍﻧﺎ ﻗﻌﺪﺕ ﻧﺤﻜﻴﻠﻬﻦ ﺷﻦ ﺻﺎﺭ ﻣﻌﺎﻳﺎ
ﺭﻳﻬﺎﻡ .. ﻭﺍﻧﺘﻲ ﺷﻨﻮ
ﺧﺸﺖ ﻋﻠﻴﻨﺎ ﻣﺎﻣﺎ
ﻣﺎﻣﺎ .. ﻫﺎ ﺑﺸﺮﻳﻨﻲ ﺧﻮﻙ ﻋﺎﺣﺒﻪ ﻭﻳﺸﻜﺮ ﻓﻴﻪ
ﺍﻧﺎ .. ﻣﻮﺍﻓﻘﻪ
ﺭﻳﻬﺎﻡ .. ﻟﻮﻭﻭﻭﻭﻭﻭﻭﻟﻠﻠﻴﻴﻴﻴﻲ
ﺍﻧﺎ .. ﺭﺍﺟﻲ ﺷﻦ ﻳﺮﺩ
ﻣﺎﻣﺎ .. ﻣﻮﺍﻓﻖ ﻗﺎﻟﻬﺎ ﻟﺨﻮﻙ
ﺍﻧﺎ .. ﺑﺴﺮﻋﻪ ﻫﺬﻱ
ﻣﺎﻣﺎ .. ﺭﺍﺟﻞ ﻗﺎﻝ ﻣﺴﺘﻌﺠﻞ
ﻋﺰﻭ ﺧﺶ ﻋﻠﻴﻨﺎ ﻣﺒﺘﺴﻢ .. ﻫﺎ ﺷﻨﻮ
ﻣﺎﻣﺎ .. ﻋﻄﻴﻪ ﻣﻮﺍﻓﻘﻪ ﺑﻜﺮﺍ
ﻋﺰﻭ .. ﻣﺒﺮﻭﻙ ﺍﻥ ﺷﺎﺀ ﺍﻟﻠﻪ ﺑﻬﻨﺎﻙ
ﺍﻧﺎ ﺗﺤﺸﻤﺖ ﻭﺧﺸﻴﺖ ﻟﺪﺍﺭ
ﺭﻳﻬﺎﻡ .. ﻫﻬﻪ ﺗﻮﺍ ﺍﻧﺎ ﻧﺠﻴﺐ ﻣﻨﻬﺎ ﺍﺧﺒﺎﺭ
ﺧﺸﺖ ﻋﻠﻴﺎ ﺭﻳﻬﺎﻡ
ﺭﻳﻬﺎﻡ .. ﻫﺎ ﺷﻨﻮ ﻣﻴﺴﻮ ﻣﺘﺮﻳﺤﻪ ﻭﻋﺎﺟﺒﻚ ﻣﻮﺿﻮﻉ
ﺍﻧﺎ .. ﺭﻳﻬﺎﻡ ﺧﺎﻳﻔﻪ ﻧﻨﺪﻡ
ﺭﻳﻬﺎﻡ .. ﻭﻟﻴﺶ ﺗﻨﺪﻣﻲ
ﺍﻧﺎ .. ﻫﻜﻲ ﺣﺴﻴﺘﻪ ﻳﺨﻮﻑ
ﺭﻳﻬﺎﻡ .. ﻣﻦ ﺍﻱ ﻧﺎﺣﻴﻪ
ﺍﻧﺎ .. ﺷﺨﺼﻴﺘﻪ ﻭﻣﻼﻣﺤﻪ ﺟﺪﻳﺎ ﺧﺎﻳﻔﻪ ﻭﺍﻟﻠﻪ ﺻﺎﺡ ﻣﺘﺮﻳﺤﻪ ﺑﺲ ﺧﺎﻳﻔﻪ ﻭﺍﺟﺪ
ﺭﻳﻬﺎﻡ .. ﺑﻌﺪﻳﻦ ﺃﻳﻬﻢ ﻛﺒﻴﺮ ﻭﺍﻛﻴﺪﻩ ﻋﺎﻗﻞ ﻳﻌﻨﻲ ﻫﻮ ﻣﺶ ﺗﺼﺮﻓﺎﺗﻪ ﺗﺼﺮﻓﺎﺕ ﻣﺮﺍﻫﻖ
ﺍﻧﺎ .. ﻭﺣﺘﻰ ﻓﺮﻕ ﺑﻴﻨﺎ ﻭﺍﺟﺪ
ﺭﻳﻬﺎﻡ .. ﻣﺶ ﻭﺍﺟﺪ ﺑﺎﻟﻌﻜﺲ ﻓﺮﻕ ﺣﻠﻮ ﺑﻴﻨﻜﻢ ﻭﺍﻟﻠﻪ ﻓﻲ ﺣﺎﺟﺎﺕ ﺍﻧﺘﻲ ﻣﺶ ﻋﺎﺭﻓﺘﻴﻬﻦ ﻣﺰﺍﻟﺘﻲ ﺻﻐﻴﺮﻩ ﻻﺯﻡ ﺗﻌﺮﻓﻲ ﻛﻴﻒ ﺗﻜﺴﺒﻴﻪ ﻟﻜﻲ ﻛﻴﻒ ﺗﻤﺼﻲ ﻏﻀﺒﻪ ﻛﻴﻒ ﺗﻬﺪﻳﻪ ﻛﻴﻒ ﺗﺨﻠﻴﻪ ﻳﺤﺒﻚ ﺣﺎﺟﺎﺕ ﻭﺍﺟﺪﻩ ﻻﺯﻡ ﺍﻧﺘﻲ ﺗﻌﺮﻓﻴﻬﻦ ﻗﺒﻞ ﻻ ﺗﺠﻮﺯﻱ ﺃﻳﻬﻢ
ﺍﻧﺎ .. ﻛﻴﻒ ﻧﻌﺮﻓﻬﻦ ﺍﻧﺎ
ﺭﻳﻬﺎﻡ .. ﺍﻭﻝ ﺣﺎﺟﻪ ﺍﻧﺘﻲ ﺗﻤﺎﻡ ﻣﻮﺍﻓﻘﻪ ﻛﻞ ﺷﻲ ﺗﻤﺎﻡ
ﺍﻧﺎ ﺍﺑﺘﺴﻤﺖ .. ﺗﻤﺎﻡ؛؛ﺏﺱ ﻳﺎﻫﻮﻣﺎ ﻗﺎﻝ ﻳﺒﻲ ﻋﺮﺱ ﺗﻮﺍ
ﺭﻳﻬﺎﻡ .. ﻣﺰﺍﻝ ﻑ ﻭﻗﺖ ﺷﻬﺮ ﻗﺪﺍﻣﻨﺎ ﻗﺎﻋﺪﻩ ﺍﻧﺎ ﻭﺭﺷﺎ ﻭﻣﺎﻣﺎ ﻭﺭﺣﺎﺏ ﻏﻴﺮ ﺗﻜﻤﻠﻦ ﺍﻣﺘﺤﺎﻧﺎﺕ ﻭﻣﺎﺗﻜﻮﻧﻲ ﺍﻻ ﺭﺍﺿﻴﻪ
ﺍﻧﺎ ﺗﻨﻬﺪﺕ .. ﺧﻔﺖ ﻣﻦ ﺗﻮﺍ
ﺭﻳﻬﺎﻡ .. ﺍﺳﻤﻌﻲ ﻛﻼﻣﻲ ﺑﺲ ﺍﻧﺘﻲ؛؛ﺧﻼﺹ ﻧﻤﺸﻲ ﻧﺸﻮﻓﻬﻦ ﺑﺮﺍ ﻭﻧﺨﻠﻴﻚ ﺗﻘﺮﻱ
ﺍﻧﺎ .. ﺗﻤﺎﻡ ﺑﺎﻩ "
" ﻭﻫﻜﻲ ﻣﺮﻥ ﻳﻮﻣﻴﻦ ﻭﻧﺤﻦ ﻧﻔﺲ ﺭﻭﺗﻴﻦ ﻣﻦ ﻣﺪﺭﺳﻪ ﻟﺤﻮﺵ ﻭﻗﺮﺍﻳﺎ ﻭﻫﻠﻲ ﻳﻔﻜﺮﻭ ﻑ ﻋﺮﺱ ﻭﺍﻧﺎ ﻛﺬﻟﻚ ﻧﻔﻜﺮ ﺑﺲ ﻣﺨﺘﻠﻒ ﺗﻔﻜﻴﺮﻱ ﻋﻠﻴﻬﻢ ﺍﻧﺎ ﻧﻔﻜﺮ ﻛﻴﻒ ﺑﺘﻜﻮﻥ ﺣﻴﺎﺗﻲ ﻣﺶ ﻣﻔﻜﺮﻩ ﻑ ﻋﺮﺱ ﻧﻔﻜﺮ ﻛﻴﻒ ﺑﻨﺘﺤﻤﻞ ﻣﺴﺆﻭﻟﻴﻪ ﺣﻮﺵ ﻭﺭﺍﺟﻞ ﺃﻛﺒﺮ ﻣﻨﻲ ﺏ 10 ﺳﻨﻴﻦ ﺭﺍﺟﻞ ﻣﺎﻧﻌﺮﻑ ﻋﻠﻴﻪ ﺷﻲ ﻏﻴﺮ ﺍﺳﻤﻪ ﻣﺸﻌﺎﺭﻓﻪ ﺍﻃﺒﺎﻋﻪ ﻭﻻ ﻛﻴﻒ ﻳﻜﻮﻥ
ﻑ ﻳﻮﻡ ﺍﻧﺎ ﻃﺎﻟﻌﻪ ﻣﻦ ﻗﺎﻋﻪ ﺍﻣﺘﺤﺎﻥ ﻭ ﺩﻣﻮﻋﻲ ﻉ ﺧﺪﻱ
ﺭﻭﺍﻥ .. ﻣﺎﺗﺤﻜﻴﺶ ﻑ ﺍﻣﺘﺤﺎﻥ ﺑﻜﻞ
ﻗﻌﺪﺕ ﻧﻨﺰﻝ ﻑ ﺩﺭﻭﺝ ﻭﻧﺒﻜﻲ ﺗﻘﺎﺑﻠﺖ ﺍﻧﺎ ﻭﺭﺣﺎﺏ
ﺭﺣﺎﺏ .. ﻛﻨﻚ ﻣﺎﺣﻠﻴﺘﻴﺶ ﻭﻻ ﺷﻨﻮ ﻣﻴﺲ ﻛﻨﻚ
ﺍﻧﺎ .. ﺑﻨﺮﻭﺡ
ﺭﺣﺎﺏ .. ﺧﻼﺹ ﺗﻌﺎﻟﻰ ﻫﻴﺎ ﺣﻠﻮ ﺍﻟﺒﺎﺏ ﺍﺻﻼ
ﻃﻠﻌﺖ ﻣﻦ ﺑﺎﺏ ﻭﺷﻔﺖ ﺍﺳﺘﺎﺫ ﻣﺎﺩﻩ
ﺍﺳﺘﺎﺫ .. ﺷﻨﻮ ﻳﺎﻣﻴﺲ ﻛﻨﻚ ﺗﺒﻜﻲ ﺍﻣﺘﺤﺎﻥ ﻛﺎﻥ ﺑﺴﻴﻂ
ﺍﻧﺎ .. ﺑﺴﻴﻂ ﺷﻨﻮ ﻳﺎ ﺍﺳﺘﺎﺫ ﺣﺮﺍﻡ ﻋﻠﻴﻚ ﺍﺩﻳﺮ ﻓﻴﻨﺎ ﻫﻜﻲ
ﺍﺳﺘﺎﺫ .. ﻫﺬﻳﻨﺎ ﺃﺳﺌﻠﺘﻲ ﺍﻧﺎ ﻑ ..
ﻭﺑﺮﻣﺖ ﺍﻧﺎ ﺑﺤﺘﺖ ﻑ ﺟﻴﻬﺎ ﺑﺎﺏ ﻭﻓﺠﺎﺀ ﻃﺤﺖ ﻣﻦ ﻃﻮﻟﻲ ﻗﻌﺪﺕ ﻧﺴﻤﻊ ﻑ ﺩﻧﻴﺎ ﺗﻼﻳﺎ ﻣﺸﻮﺷﻪ ﻭﻛﺄﻧﻪ ﺣﺪ ﺭﺍﻓﻌﻨﻲ
ﻣﻴﺲ ﺗﺴﻤﻌﻲ ﻓﻴﺎ ﺭﺩﻱ ﻋﻠﻴﺎ
ﻗﻌﺪﺕ ﻧﻔﺘﺢ ﻑ ﻋﻴﻮﻧﻲ ﻭﺣﺎﺳﻪ ﺑﺘﻌﺐ ﻓﺘﺤﺖ ﻋﻴﻮﻧﻲ ﻭﺷﻔﺖ ﺃﻳﻬﻢ ﻗﻌﺪﺕ ﻧﺒﺤﺖ ﻓﻴﻪ ﻭﻣﺶ ﻣﺴﺘﻮﻋﺒﻪ
ﺃﻳﻬﻢ ﻗﺎﺭﻥ ﺣﻮﺍﺟﺒﻪ .. ﺍﻧﺘﻲ ﻛﻮﻳﺴﻪ
ﺍﻧﺎ ﺑﺼﻮﺕ ﻭﺍﻃﻲ .. ﺍﻧﺎ ﺗﻤﺎﻡ
ﺑﺤﺘﺖ ﺗﻼﻳﺎ ﻭﺷﻔﺖ ﻭﺷﺎﺣﻲ ﻉ ﻛﺮﺳﻲ ﻛﺮﻳﺘﻪ ﻭﻗﻤﻌﺰﺕ ﻗﻌﺪﺕ ﻧﻠﺒﺲ ﻓﻴﻪ ﺑﺴﺮﻋﻪ
ﺃﻳﻬﻢ .. ﺍﻫﺪﻯ ﺑﺲ ﻛﻨﻚ ﺩﺧﺘﻲ ﺍﺳﺘﺎﺫ ﺩﺍﺭﻟﻚ ﺣﺎﺟﻪ
ﻗﻌﺪﺕ ﺳﺎﻛﺘﻪ ﻭﻧﺒﻜﻲ
ﺃﻳﻬﻢ .. ﺍﺣﻜﻲ ﻧﺴﻤﻊ ﻫﻮ ﺩﺍﻳﺮﻟﻚ ﺣﺎﺟﻪ ﻣﻀﺎﻳﻘﻚ
ﺍﻧﺎ .. ﺍﻧﺖ ﺷﻦ ﺟﺎﺑﻚ ﻫﻨﺎ ﺑﺲ
ﺃﻳﻬﻢ ﺑﻨﺒﺮﻩ ﻣﻌﺼﺒﻪ .. ﻣﻴﻴﻴﺲ
ﺍﻧﺎ ﻧﻔﺠﻌﺖ ﻭﺭﻓﻌﺖ ﺭﺍﺳﻲ
ﺃﻳﻬﻢ ﻫﺰ ﺭﺍﺳﻪ .. ﺍﻭﻛﻲ
ﺻﺒﻰ ﻭﻃﻠﻊ ﻣﻦ ﺩﺍﺭ ﻣﻦ ﺩﻭﻥ ﻣﺎﻳﺤﻜﻲ ﻣﻌﺎﻳﺎ ﺣﺎﺟﻪ ﺍﺧﺮﻯ ﺭﺩﻳﺖ ﻧﺒﻜﻲ ﺃﺧﺮﻯ ﻭﻧﻠﺒﺲ ﻑ ﻭﺷﺎﺣﻲ ﺧﺸﺖ ﻋﻠﻴﺎ ﺭﺣﺎﺏ ﺗﺠﺮﻱ
ﺭﺣﺎﺏ .. ﻣﻴﺲ ﺧﻮﻓﺘﻨﻲ ﻛﻨﻚ ﺷﻦ ﻓﻲ
ﺍﻧﺎ .. ﺭﺣﺎﺏ ﺑﻨﺮﻭﺡ ﻣﺶ ﻗﺎﺩﺭﻩ ﻧﻘﻌﺪ ﻫﻨﺎ
ﺭﺣﺎﺏ .. ﻧﺮﻥ ﻉ ﻋﺰﻭ ﻭﻻ ﻋﻼﺀ ﻳﺮﻭﺡ ﺑﻴﻨﺎ
ﺍﻧﺎ .. ﻻ ﻣﺎﻓﻴﺶ ﺩﺍﻋﻲ
ﺭﺣﺎﺏ .. ﻛﻨﻪ ﺃﻳﻬﻢ ﻃﻠﻊ ﻣﻌﺼﺐ ﻣﻦ ﺩﺍﺭ ﻫﻜﻲ ﻛﺎﻥ ﺷﻔﺘﻴﻪ ﻳﺎﻣﻴﺲ ﺑﻌﺪ ﺩﺧﺘﻲ ﻣﺎﺧﻠﺶ ﺍﺳﺘﺎﺫ ﻳﻘﺮﺏ ﻣﻨﻚ ﻭﻋﻴﻂ ﻋﻠﻴﻪ
ﺍﻧﺎ .. ﻫﺬﺍ ﻳﺮﺍﻗﺐ ﻓﻴﺎ ﻭﻻ ﻛﻴﻒ ﺟﺎﻱ ﻟﻌﻨﺪ ﻣﺪﺭﺳﺘﻲ ﻫﻨﺎ
ﺭﺣﺎﺏ .. ﻻﺍﺍﺍ ﻣﺎﺗﻀﻠﻤﻴﺶ ﺍﺧﺘﻪ ﺗﻘﺮﺍ ﻣﻌﺎﻙ
ﺍﻧﺎ .. ﺍﺧﺘﻪ ﻣﻦ
ﺭﺣﺎﺏ .. ﺗﺴﻨﻴﻢ
ﺍﻧﺎ ﻗﻌﺪﺕ ﻧﺬﻛﺮ ﻟﻤﺎ ﺧﺒﻄﺖ ﻑ ﺣﺪ ﻑ ﻣﺪﺭﺳﻪ ﻭ ﻗﺎﻟﺘﻠﻲ ﺧﻮﻳﺎ .. ﺑﺎﻩ ﺻﺒﻲ ﻫﻴﺎ ﺑﻨﺮﻭﺡ
ﺭﺣﺎﺏ .. ﺍﻧﺘﻲ ﺗﻤﺎﻡ ﺗﻘﺪﺭﻱ ﺗﺮﻭﺣﻲ
ﺍﻧﺎ .. ﻗﺘﻠﻚ ﺗﻤﺎﻡ ﺍﻧﺎ
ﺭﺣﺎﺏ .. ﺑﺎﻩ ﻛﻮﻳﺲ ﻫﻴﺎ ﺻﺒﻲ
ﺻﺒﻴﺖ ﻭﻃﻠﻌﻨﺎ ﺑﺮﺍ ﻣﺪﺭﺳﻪ
ﺭﺣﺎﺏ ﻧﻐﺰﺗﻨﻲ .. ﺃﻳﻬﻢ ﻗﺎﻋﺪ ﻑ ﺳﻴﺎﺭﻩ ﻭﺭﺍﻧﺎ
ﺍﻧﺎ .. ﺗﺤﻜﻲ ﺟﺪ
ﺭﺣﺎﺏ .. ﻭﺍﻟﻠﻪ ﺭﺩ ﺑﺎﻟﻚ ﺗﺒﺮﻣﻲ ﺍﻧﺘﻲ ﺗﻮﺍ ﺍﻧﺎ ﻧﺸﻮﻓﻪ ﻭﻣﺶ ﺣﻨﺨﻠﻴﻪ ﻳﺤﺲ
ﺍﻧﺎ .. ﺑﺎﻩ ﺗﻤﺎﻡ ﺍﻭﻑ ﺍﻣﺘﻰ ﻳﻜﻤﻞ ﻫﺎﻟﻴﻮﻡ ﺑﺎﺭﺩ
ﻗﻌﺪﻧﺎ ﻧﻤﺸﻮ ﻟﻴﻦ ﻭﺻﻠﻨﺎ ﺑﺪﺍﻳﻪ ﺷﺎﺭﻉ ﻭﻫﻮ ﻗﻌﺪ ﻣﺼﺒﻲ ﻑ ﺑﺪﺍﻳﻪ ﺑﻌﺪ ﻭﺻﻠﻨﺎ ﻟﺤﻮﺵ ﺑﺮﻣﺖ ﺑﺤﺘﺖ ﻓﻴﻪ ﻭﻫﻮ ﺑﺤﺖ ﻓﺘﺤﺖ ﺍﻟﺒﺎﺏ ﻭﺧﺸﻴﺖ ﻃﻮﻝ
ﺭﺣﺎﺏ ﻣﺒﺘﺴﻤﻪ .. ﻳﻨﻌﻠﻴﺎﺍﺍ ﻣﻦ ﺍﻟﺤﺐ ﻭﺧﻼﺹ
ﺍﻧﺎ .. ﺗﻌﺮﻓﻲ ﺗﺴﻜﺘﻲ ﺍﻧﺘﻲ
ﻧﺤﻦ ﺭﺍﻛﺒﻴﻦ ﻭﻳﻮﺳﻒ ﻧﺎﺯﻝ
ﻳﻮﺳﻒ .. ﺻﺒﺎﺡ ﺍﻟﺨﻴﺮ
ﺍﻧﺎ ﺭﻛﺒﺖ .. ﺻﺒﺎﺡ ﺍﻟﻨﻮﺭ
ﺭﺣﺎﺏ .. ﺻﺒﺎﺍﺍﺣﻮﻭﻭ
ﻳﻮﺳﻒ .. ﻛﻨﻬﺎ
ﺭﺣﺎﺏ .. ﻣﻀﺎﻳﻘﻪ ﻉ ﺳﺒﻪ ﺍﻣﺘﺤﺎﻥ
ﻳﻮﺳﻒ .. ﻭﻳﻨﻚ ﻣﻌﺶ ﻧﺸﻮﻑ ﻓﻴﻚ
ﺭﺣﺎﺏ .. ﺍﻣﺘﺤﺎﻧﺎﺕ ﻭﻫﻢ ﻭﻃﻴﺎﺡ ﺳﻌﺪ
ﻳﻮﺳﻒ .. ﻫﻬﻬﻪ ﻛﻠﻬﻦ ﻣﻊ ﺑﻌﻀﻬﻦ
ﺭﺣﺎﺏ .. ﺍﻫﺎ ﻭﺍﻟﻠﻪ ﻫﻢ ﺍﻣﺘﻰ ﻧﻜﻤﻞ ﻗﺮﺍﻳﺎ ﺑﻜﻞ ﻭﻧﺘﺮﻳﺢ
ﻳﻮﺳﻒ .. ﻫﻬﻪ ﻭﺗﺠﻮﺯﻱ
ﺭﺣﺎﺏ .. ﻫﺎ ﺑﺎﻟﻚ ﺑﻨﻌﻨﺰ ﻳﻌﻨﻲ
ﻳﻮﺳﻒ .. ﺣﻴﻮﺍﻧﻪ ﺍﻧﺘﻲ ﻣﺎﺗﺤﺸﻤﻴﺶ ﺑﻜﻞ
ﺭﺣﺎﺏ ﻃﻠﻌﺖ ﻟﺴﺎﻧﻬﺎ .. ﺑﺎﺭﺩ ﻫﻴﺎ ﺑﺎﻱ
ﺭﻛﺒﺖ ﺭﺣﺎﺏ ﻭﻃﺎﺭﻕ ﻛﺎﻥ ﻳﺴﻜﺮ ﻑ ﺑﺎﺏ ﺷﻘﺘﻬﻢ
ﻃﺎﺭﻕ .. ﻳﺎﻫﻼ ﺏ ﺳﻤﺎﺣﺘﻲ
ﺭﺣﺎﺏ .. ﻫﻬﻪ ﺍﻫﻠﻴﻦ ﺣﺒﻴﺒﻲ
ﻃﺎﺭﻕ .. ﺷﻨﺠﻮ
ﺭﺣﺎﺏ .. ﺗﻤﺎﻡ ﺍﻣﻤﻢ ﺍﻟﻴﻮﻡ ﻓﻘﺪﺗﻚ ﻣﺎﺟﻴﺘﺶ ﻟﻤﺪﺭﺳﻪ
ﻃﺎﺭﻕ .. ﺧﺬﺗﻨﻲ ﻧﻮﻣﻪ ﻭﺍﻟﻠﻪ ﺍﺳﻒ ﻳﺎ ﻋﻤﺮﻱ ﻛﻨﺖ ﻧﺎﻭﻱ ﻧﺠﻲ
ﺭﺣﺎﺏ ﻣﺪﺕ ﻓﻤﻬﺎ .. ﺃﻫﻢ
ﻃﺎﺭﻕ .. ﺧﻼﺹ ﻳﺎﺯﻋﺎﻟﻪ ﻣﺶ ﻗﺼﺪﻱ ﻋﺎﺩ ﻳﺎﺣﻠﻮﻩ
ﺭﺣﺎﺏ .. ﺩﺧﻠﻨﻴﺶ ﺑﻴﻚ ﻟﻴﻮﻡ ﻻﺯﻡ ﺗﻔﻀﻲ ﺭﻭﺣﻚ ﺑﻴﺶ ﻧﻜﺴﺪﻭ ﻣﻊ ﺑﻌﻀﻨﺎ
ﻃﺎﺭﻕ .. ﻣﻦ ﻋﻴﻮﻧﻲ
ﺭﺣﺎﺏ .. ﺧﻼﺹ ﺭﺍﻛﺒﻪ ﺍﻧﺎ ﻧﺎﺍﺍﻋﺴﻪ
ﻃﺎﺭﻕ .. ﻫﻬﻬﻪ ﻧﻮﻡ ﺍﻟﻌﻮﺍﻓﻲ
ﻋﻨﺪﻱ ﺍﻧﺎ ﺧﺸﻴﺖ ﻟﺤﻮﺵ ﻭﻣﺸﻴﺖ ﻟﺤﻤﺎﻡ ﻃﻮﻝ ﻧﺪﻭﺵ ﻭﻗﻌﺪﺕ ﺗﺤﺖ ﺩﻭﺵ ﻭﺍﺟﺪ ﻭﺍﻧﺎ ﻧﻔﻜﺮ ﻭﺣﺎﺳﻪ ﺑﺘﻌﺐ
ﻣﺎﻣﺎ .. ﻣﻴﺴﻮ ﺣﺒﻴﺒﺘﻲ ﻛﻨﻚ ﻃﻮﻟﺘﻲ
ﺍﻧﺎ .. ﻃﺎﻟﻌﻪ ﻳﺎ ﻣﺎﻣﺎ
ﻃﻠﻌﺖ
ﻣﺎﻣﺎ .. ﻛﻨﻚ ﻃﻮﻟﺘﻲ ﺷﻐﻠﺘﻴﻨﻲ ﻋﻠﻴﻚ
ﺍﻧﺎ .. ﻻ ﺑﺲ ﺗﺎﻋﺒﻪ ﺷﻲ ﻣﺎﺣﺴﻴﺘﺶ ﺑﺎﻟﻮﻗﺖ
ﻣﺎﻣﺎ .. ﺍﻫﺎ ﺑﺎﻩ
ﺍﻧﺎ .. ﺭﺣﺎﺏ ﻭﻳﻦ
ﻣﺎﻣﺎ .. ﺧﺸﺖ ﺭﻗﺪﺕ
ﺍﻧﺎ .. ﺣﺘﻰ ﺍﻧﺎ ﺑﻨﺮﻗﺪ
ﻣﺎﻣﺎ .. ﺟﻔﻔﻲ ﺷﻌﺮﻙ ﻗﺒﻞ ﺗﻮﺍ ﺗﻤﺮﺿﻲ
ﺍﻧﺎ .. ﻧﺠﻴﻚ ﺗﻤﺸﻄﻴﻠﻲ ﺷﻌﺮﻱ
ﻣﺎﻣﺎ .. ﺗﻌﺎﻟﻲ
ﺟﻴﺘﻬﺎ ﻭﻗﻌﺪﺕ ﺗﻤﺸﻄﻠﻲ ﻑ ﺷﻌﺮﻱ ﺣﻄﻴﺖ ﺭﺍﺳﻲ ﻉ ﻛﺮﻋﻴﻬﺎ
ﻣﺎﻣﺎ .. ﻗﺎﻟﺘﻠﻲ ﺭﺣﺎﺏ ﻉ ﺍﻟﻲ ﺻﺎﺭ ﺷﻨﻮ ﺣﻜﻴﺘﻲ ﻣﻌﺎﻩ
ﻫﺰﻳﺖ ﻛﺘﻮﻓﻲ
ﺍﻧﺎ .. ﺷﻲ ﻋﺼﺐ ﻭﻫﻜﻲ ﺑﺲ
ﻣﺎﻣﺎ .. ﺍﻫﺎ
ﻗﻌﺪﺕ ﺗﻠﻌﺒﻠﻲ ﺑﺸﻌﺮﻱ
ﺍﻧﺎ .. ﻫﻠﻪ ﺍﻟﻴﻮﻡ ﺟﺎﻳﻦ ﺻﺎﺡ ﺑﻴﺶ ﻳﺘﻔﻘﻮ ﻣﻊ ﺧﻮﺗﻲ
ﻣﺎﻣﺎ .. ﺍﻥ ﺷﺎﺀ ﺍﻟﻠﻪ ﺟﺎﻳﻦ
ﺍﻧﺎ .. ﺑﺎﻩ ﺗﻤﺎﻡ
ﻣﺎﻣﺎ .. ﻋﺪﻱ ﻟﺪﺍﺭ ﺗﺮﻳﺤﻲ
ﺻﺒﻴﺖ ﻭﺧﺸﻴﺖ ﻟﺪﺍﺭ ﺭﻗﺪﺕ ﻉ ﺳﺮﻳﺮ ﻭﻛﻞ ﻣﺎﻧﻐﻤﺾ ﻋﻴﻮﻧﻲ ﻳﺠﻲ ﻑ ﺑﺎﻟﻲ ﺷﻜﻠﻪ ﻭﻫﻮ ﻳﺤﻜﻲ ﻗﻌﺪﺕ ﻧﺴﺘﻐﻔﺮ ﻟﻴﻦ ﻏﻔﻴﺖ
ﻧﻀﺖ ﻑ ﻋﺸﻴﻪ ﻃﻠﻌﺖ ﺑﺮﺍ ﻟﻘﻴﺖ ﺻﺒﺎﻳﺎ ﺧﻮﺍﻟﻲ ﻭﺑﻨﺎﺕ ﺧﻮﺍﻟﻲ ﻋﻨﺪﻧﺎ
ﻓﺎﻃﻤﻪ " ﻣﺮﺍﺕ ﺧﺎﻟﻲ ﻓﺘﺤﻲ .." ﺍﻟﻌﺮﻭﺱ ﺭﺍﻗﺪﻩ ﻭﻳﻦ ﻉ ﻧﻮﻡ
ﻣﻮﺩﻩ .. ﺧﻠﻮﻫﺎ ﺗﺎﺧﺬ ﺭﺍﺣﺘﻬﺎ ﻟﻴﻦ ﺗﺠﻮﺯ
ﺳﻠﻤﺖ ﻋﻠﻴﻬﻦ ﻭﻗﻤﻌﺰﺕ
ﺍﺭﻭﻯ .. ﻫﻞ ﺭﺍﺟﻠﻚ ﺟﺎﻳﻦ ﻭﻣﺒﺮﺩﻩ ﺭﺍﻗﺪﻩ
ﺍﻧﺎ .. ﻫﻬﻬﻬﻪ ﺷﻦ ﻧﺪﻳﺮ ﻣﺜﻼً ﻧﺮﻳﺢ ﻑ ﺭﺍﺳﻲ ﻭﺍﺣﺪ ﻛﺎﻥ ﻑ ﻭﺟﻴﺞ ﻭﺍﻣﺘﺤﺎﻧﺎﺕ
ﻧﺪﻯ .. ﺧﻠﻴﻚ ﻳﺎﺣﻨﻪ ﻣﺘﺮﻳﺤﻪ
ﺍﻧﺎ .. ﺟﻮ ﻫﻤﺎ
ﻣﻮﺩﻩ ... ﻫﻬﻬﻪ ﺟﻮ ﺍﻫﺎ
ﺭﻳﻬﺎﻡ ﺟﺎﻳﺎ ﺗﻘﺪﻡ ﻑ ﻋﺼﻴﺮ .. ﻧﻀﺘﻲ ﻳﺎﺣﻨﻪ
ﺍﻧﺎ ﺻﺒﻴﺖ .. ﺍﻫﺎ ﻧﻀﺖ
ﻣﺸﻴﺖ ﻟﻤﻄﺒﺦ ﻟﻘﻴﺖ ﺭﺷﺎ ﺗﺼﺐ ﻑ ﻋﺼﻴﺮ
ﻣﺎﻣﺎ .. ﻫﻴﺎ ﻭﻗﺖ
ﺭﺷﺎ .. ﻫﺎﻛﻲ ﺷﻴﻠﻲ ﻳﺎﻣﻴﺲ ﺑﻨﻮﺗﻲ ﺷﺎﻫﻲ ﻭﻣﺎﻟﺢ ﻭﻗﺖ ﻗﺮﻳﺐ ﻳﻌﺪﻭ ﻟﻌﺮﺏ
ﻣﺸﻴﺖ ﺷﻠﺖ ﺳﻔﺮﻩ ﻗﺎﺑﻠﻨﻲ ﻣﺮﻭﺍﻥ
ﻣﺮﻭﺍﻥ .. ﻋﺮﻭﺱ ﻭﻳﺸﻐﻠﻮ ﻓﻴﻚ
ﺍﻧﺎ .. ﻫﻬﻬﻪ ﺍﻟﻠﻪ ﻏﺎﻟﺐ
ﻣﺮﻭﺍﻥ .. ﻫﻬﻪ ﻫﺎﺗﻲ ﺑﺎﻩ
ﺧﺬﺍ ﻣﻨﻲ ﻭﺍﻧﺎ ﺭﺩﻳﺖ ﺧﺸﻴﺖ ﺟﻮﺍ
ﺧﺸﻴﺖ ﻟﺪﺍﺭ ﻟﺤﻘﺘﻨﻲ ﻣﻮﺩﻩ
ﻣﻮﺩﻩ .. ﺗﻌﺎﻟﻲ ﻫﻨﺎ ﻗﻮﻟﻴﻠﻲ ﺷﻦ ﺻﺎﺭ ﻣﻌﺎﻙ ﺍﻟﻴﻮﻡ
ﺍﻧﺎ .. ﻭﺻﻠﻚ ﺣﺘﻰ ﺍﻧﺘﻲ ﺍﻟﺨﺒﺮ
ﻣﻮﺩﻩ .. ﻛﻠﻤﺘﻨﻲ ﺗﺴﻨﻴﻢ ﻭ ﻗﺎﻟﺘﻠﻲ ﺃﻳﻬﻢ ﻋﺼﺐ ﻣﻨﻬﺎ ﺍﻧﺘﻲ ﺷﻦ ﻗﺘﻴﻠﻪ
ﺍﻧﺎ .. ﻣﺎﻗﻠﺖ ﺷﻲ ﻫﻮ ﻣﻌﺼﺐ ﺑﺮﻭﺣﻪ ﻳﻌﻨﻲ ﺍﻧﺎ ﺑﻌﺪ ﺩﺧﺖ ..... ؛ﺑﺲ ﻫﻜﻲ ﺻﺎﺭ ﻣﺶ ﻋﺎﺭﻓﻪ ﻟﻴﺶ ﻋﺼﺐ ﻉ ﺳﺒﻪ ﺍﺳﺘﺎﺫ ﻭﻻ ﻉ ﺳﺒﻪ ﺭﺩﻱ
ﻣﻮﺩﻩ .. ﻧﻌﻄﻴﻚ ﺗﻜﻠﻤﻴﻪ ﺍﺣﻜﻲ ﻣﻌﺎﻩ ﻃﺸﻪ
ﺍﻧﺎ ﻫﺰﻳﺖ ﺭﺍﺳﻲ ﺏ ﻻﻻ .. ﻻﻻ ﻣﺎﻧﺒﻴﺶ ﻣﺎﻧﺒﻴﺶ
ﻣﻮﺩﻩ .. ﻏﻴﺮ ﻫﻴﺎ ﺗﺤﻜﻲ ﻣﻌﺎﻩ ﺷﻮﻳﺎ
ﺍﻧﺎ ﺳﻜﺘﺖ
ﻣﻮﺩﻩ .. ﻏﻴﺮ ﺷﻮﻳﺎ ﻣﺎﻃﻮﻟﻴﺶ ﻣﻌﺎﻩ ﺣﺘﻰ
ﺍﻧﺎ .. ﺑﺎﻩ ﻫﻴﺎ
ﺭﻧﺖ ﻋﻠﻴﻪ
ﻣﻮﺩﻩ .. ﻧﺨﻠﻴﻚ ﻉ ﺭﺍﺣﺘﻚ
ﻃﻠﻌﺖ ﻭﺍﻧﺎ ﺣﻄﻴﺖ ﻓﻮﻥ ﻉ ﻭﺫﻧﻲ
ﺃﻳﻬﻢ .. ﺍﻳﻮﺍﺍﺍﻩ
ﺍﻧﺎ ﺣﻄﻴﺖ ﺍﻳﺪﻱ ﻉ ﻗﻠﺒﻲ ﻭﺑﺼﻮﺕ ﻭﺍﻃﻲ .. ﺍﻟﻮﻭ
ﺃﻳﻬﻢ .. ﻣﻮﺩﻩ
ﺍﻧﺎ ﺑﺼﻮﺕ ﻭﺍﻃﻲ ﺑﻜﻠﻠﻞ .. ﺍﻧﺎ ﻣﻴﺲ
ﺃﻳﻬﻢ .. ﺍﻫﺎﺍﺍ ﻣﻴﺲ ﻗﺘﻴﻠﻲ ﺷﻦ ﺃﺧﺒﺎﺭ
ﺍﻧﺎ .. ﺗﻤﺎﻡ
ﺳﻜﺘﻨﺎ ﺷﻮﻳﺎ ﻧﺤﻦ ﺍﺛﻨﻴﻦ
ﺃﻳﻬﻢ .. ﺗﺒﻲ ﺣﺎﺟﻪ
ﺍﻧﺎ .. ﻻ ﺑﺲ ..
ﺃﻳﻬﻢ .. ﺑﺎﻩ ﺗﻤﺎﻡ ﺗﻮﺍ ﻣﺶ ﻓﺎﺿﻲ
ﺍﻧﺎ ﺧﻨﻘﺘﻨﻲ ﻋﺒﺮﻩ .. ﺍﻭﻛﻲ
ﺻﻜﺮﺕ ﻣﻨﻪ ﻭﻗﻌﺪﺕ ﻣﺎﺳﻜﻪ ﺩﻣﻮﻋﻲ ﺧﺸﺖ ﻋﻠﻴﺎ ﺭﻳﻬﺎﻡ
ﺭﻳﻬﺎﻡ .. ﺗﻌﺎﻟﻲ ﻋﺰﻭ ﺧﺶ ﻭﻳﺒﻚ ﺗﺴﻤﻌﻲ
ﺍﻧﺎ .. ﻣﺎﻳﻬﻤﻨﻴﺶ
ﺭﻳﻬﺎﻡ .. ﻛﻨﻚ
ﺍﻧﺎ .. ﺑﻌﺪﻳﻦ ﻭﻫﺎﻛﻲ ﻓﻮﻥ ﻣﻮﺩﻩ
ﺭﻳﻬﺎﻡ .. ﺗﻌﺎﻟﻲ ﻫﻴﺎ ﻓﻜﻴﻨﺎ ﻣﻦ ﻛﻼﻡ
ﻃﻠﻌﺖ ﻣﻌﺎﻫﺎ ﻭﻣﺸﻴﺖ ﻟﻤﺮﺑﻮﻋﻪ ﻟﻘﻴﺖ ﺧﻮﺍﻟﻲ
ﻓﺘﺤﻲ .. ﻫﻼ ﻭﻣﺮﺣﺒﺎ
ﺍﻧﺎ ﺍﺑﺘﺴﻤﺖ .. ﺍﻫﻠﻴﻦ ﺧﺎﻟﻮ ﻛﻴﻒ ﺣﺎﻟﻚ
ﻋﺒﺪﺍﻟﻠﻪ .. ﺍﻧﺎ ﺯﻋﻼﻥ ﻣﻨﻚ ﻣﺎﺗﺴﻠﻤﻴﺶ ﻋﻠﻴﺎ
ﻗﻤﻌﺰﺕ ﺗﻼﻩ ﻭﻣﺎﺳﻜﻪ ﺍﻳﺪﻩ
ﺍﻧﺎ .. ﺯﻋﻼﻥ ﻣﻨﻲ ﺍﻧﺎ ﻳﺎﺧﺎﻟﻮ ﺷﻦ ﺩﺭﺕ
ﻋﺒﺪﺍﻟﻠﻪ .. ﻣﻌﻘﻮﻟﻪ ﻣﺎﺗﻨﺰﻟﻴﺶ ﻋﻠﻴﻨﺎ ﺑﻜﻞ ﻭﻻ ﺗﺸﻮﻓﻲ ﺧﻮﺍﻟﻚ ﺷﻦ ﺩﺍﻳﺮﻳﻦ
ﺍﻧﺎ .. ﺣﻘﻚ ﻋﻠﻴﺎ ﻳﺎﺧﺎﻟﻮ ﺑﺲ ﻭﺍﻟﻠﻪ ﻗﺮﺍﻳﺎ ﻭﺍﻣﺘﺤﺎﻧﺎﺕ
ﻋﺒﺪﺍﻟﻠﻪ .. ﺑﺎﻫﻲ ﺍﻥ ﺷﺎﺀ ﺍﻟﻠﻪ ﺑﺎﻟﻨﺠﺎﺡ
ﻓﺘﺤﻲ .. ﻫﺎ ﺷﻨﻮ ﻳﺎﺧﺎﻟﻮ ﺭﺍﺿﻴﺎ
ﻣﺎﻣﺎ .. ﺭﺍﺿﻴﺎ ﺃﺧﺮﻯ ﺭﺿﻰ
ﻓﺘﺤﻰ .. ﺧﻠﻴﻬﺎ ﻳﺎﺍﺳﻤﺎﺀ ﻧﺴﻤﻌﻬﺎ ﻣﻨﻬﺎ
ﺍﻧﺎ ﺑﺼﻮﺕ ﻭﺍﻃﻲ .. ﻣﻮﺍﻓﻘﻪ
ﻓﺘﺤﻰ .. ﺑﺎﻩ ﺍﻥ ﺷﺎﺀ ﺍﻟﻠﻪ ﺑﻬﻨﺎﻙ
ﻋﺒﺪﺍﻟﻠﻪ .. ﻗﺒﻞ ﻻ ﻧﺸﺮﻃﻮ ﻧﺤﻦ ﻫﻤﺎ ﺣﻜﻮ ﻗﺒﻞ ﻭﻣﺸﺎﺀﺍﻟﻠﻪ ﻋﻤﻪ ﻗﺎﻝ ﻛﻼﻡ ﻣﻮﺯﻭﻥ ﻣﺸﺎﺀﺍﻟﻠﻪ ﻋﻠﻴﻪ ﻭﺍﺗﻔﻘﻨﺎ ﻉ ﺩﻓﻊ ﻳﻮﻡ ﺟﻤﻌﻪ ﺍﻥ ﺷﺎﺀ ﺍﻟﻠﻪ ﻛﺎﻥ ﺳﺨﺮ ﺭﺑﻲ ﻭﻋﺮﺱ ﺣﺪﺩﻭﻩ ﻑ ﻧﻬﺎﻳﻪ ﻋﻄﻠﻪ ﻫﺎ ﺷﻨﻮ ﺭﺍﺿﻴﻦ
ﻣﺎﻣﺎ .. ﺭﺍﺿﻴﻦ ﻛﻮﻳﺲ ﺑﻜﻞ
ﻋﺒﺪﺍﻟﻠﻪ .. ﻗﺎﻟﻮ ﻳﺒﻮ ﻓﺎﺗﺤﻪ ﻣﻊ ﺧﻄﺒﻪ ﻭﺍﻥ ﺷﺎﺀ ﺍﻟﻠﻪ ﺭﺑﻲ ﻳﺘﻤﻢ ﻉ ﺧﻴﺮ
ﻣﺎﻣﺎ .. ﺍﻥ ﺷﺎﺀ ﺍﻟﻠﻪ
ﻃﻠﻌﻮ ﺧﻮﺍﻟﻲ ﻭﻧﺤﻦ ﺧﺸﻴﻨﺎ ﺟﻮﺍ ﺷﻮﻳﺎ ﻭﻛﻞ ﺣﺪ ﻋﺪﺍ ﻟﺸﻘﻪ
ﻣﺎﻣﺎ .. ﺍﻛﺘﺒﻲ ﻳﺎ ﺭﻳﻬﺎﻡ ﻛﻞ ﺣﺎﺟﻪ ﻧﺒﻮﻫﺎ ﻟﻴﻮﻡ ﺩﻓﻊ
ﺭﻳﻬﺎﻡ .. ﻧﻜﺘﺐ ﻳﺎﻣﺎﻣﺎ ﻗﺎﻋﺪﻩ
ﺭﺷﺎ .. ﻭﺍﻧﺘﻦ ﺗﻌﺎﻟﻦ ﻣﻌﺎﻳﺎ ﻧﻜﺘﺒﻮ ﺣﺎﺟﺎﺕ ﺩﺑﺸﻚ
ﺻﺒﻴﺖ ﻣﻌﺎﻫﻦ ﻟﺪﺍﺭ
ﺭﺣﺎﺏ .. ﺍﻭﻝ ﺣﺎﺣﻪ ﺍﻛﺘﺒﻴﻬﺎ ﺍﺭﻭﺍﺏ
ﺍﻧﺎ .. ﺭﺣﺎﺍﺍﺏ
ﺭﺷﺎ .. ﺍﺳﻜﺘﻲ ﺍﻧﺘﻲ ﺩﺑﺶ ﺃﺧﺮﻯ ﺣﺎﺟﻪ ﺍﻭﻝ ﺣﺎﺟﻪ ﻻﺯﻡ ﻧﻜﻤﻠﻮﻫﺎ ﺑﺪﺭﻱ ﻭﻧﺘﺮﻳﺤﻮ ﻣﻦ ﻭﺟﻴﺠﻬﺎ ﻣﻜﻴﺎﺝ ﻭﻋﻄﻮﺭ ﻣﺴﺘﻠﺰﻣﺎﺕ ﻫﺬﻳﻨﺎ ﻛﻠﻬﻦ
ﺭﺣﺎﺏ .. ﺍﻧﺎ ﺻﺎﺡ ﻋﺪﻱ ﻟﻤﺤﻞ ﻛﺒﻴﺮ ﺗﺎﺧﺬﻱ ﻣﻨﻪ ﻛﻞ ﺣﺎﺟﺘﻚ
ﺭﺷﺎ .. ﺍﻫﺎ ﺑﻜﺮﺍ ﻻﺯﻡ ﻧﻜﻤﻠﻪ
ﺭﺣﺎﺏ .. ﻭﺑﻌﺪﻫﺎ ﻣﻮﺍﺩ ﻛﻬﺮﺑﺎﺋﻴﻪ ﺻﺎﺡ
ﺭﺷﺎ .. ﺍﻫﻢ ﺑﻌﺪﻫﺎ ﻫﻨﺎ ﺣﺘﻰ ﻫﻨﺎ ﻻﺯﻡ ﻣﻦ ﻣﺤﻞ ﻛﺒﻴﺮ ﻧﻜﻤﻞ ﻓﻴﻪ ﻛﻞ ﺣﺎﺟﺘﻲ ﺑﻴﺶ ﻣﺎﻧﻘﻌﺪﺵ ﻧﺪﻭﺭ ﺍﻧﺎ ﻣﻦ ﻣﺤﻞ ﻟﻤﺤﻞ
ﺭﺣﺎﺏ .. ﺷﻦ ﻓﻲ ﺑﻌﺪﻫﺎ ﺑﺎﻩ
ﺭﺷﺎ .. ﺧﻼﺹ ﺑﻌﺪﻫﺎ ﺩﺑﺸﻬﺎ ﻭ ﻫﺬﻱ ﺍﺳﻬﻞ ﺣﺎﺟﻪ
ﺭﺣﺎﺏ .. ﻭﺣﺎﺟﺎﺕ ﻟﺸﻘﻪ ﺗﺤﻒ ﻣﺎﺗﺤﻒ ﻭﺻﺎﻟﻮﻥ
ﺭﺷﺎ .. ﺍﺻﺒﺮﻱ ﻗﺎﻋﺪﻩ ﻧﺤﻜﻲ ﺍﻧﺎ
ﺭﺣﺎﺏ .. ﻛﻢ ﺩﺍﺭ ﻫﻴﺎ
ﺭﺷﺎ .. ﻣﻮﺩﻩ ﻧﺒﺪﺭﻱ ﻗﺎﻟﺖ ﺩﺍﺭ ﻧﻮﻡ ﻭﺩﺍﺭ ﻟﻀﻴﻮﻑ ﻭﺩﺍﺭ ﻓﺎﺿﻴﻪ ﻭﺻﺎﻟﻪ ﻛﺒﻴﺮﻩ ﻭﻣﺮﺑﻮﻋﻪ ﺑﺤﻤﺎﻣﻬﺎ
ﺭﺣﺎﺏ .. ﺍﻫﺎ ﻣﺸﺎﺀﺍﻟﻠﻪ ﺷﻜﻠﻬﺎ ﺣﻠﻮﻩ
ﺍﻧﺎ ﺳﺎﻛﺘﻪ ﻭﻧﺴﻤﻊ
ﺭﺷﺎ .. ﺗﻘﻮﻝ ﻣﺎﻋﺮﺳﻚ ﺍﻧﺘﻲ
ﺍﻧﺎ .. ﺍﻧﺎ ﻧﻔﻜﺮ ﻑ ﻣﺼﺮﺍﻳﻒ ﻫﺬﻳﻨﺎ ﻛﻠﻬﻦ ﺧﻮﺗﻲ ﺑﻴﻘﺪﺭﻭ ﻋﻠﻴﻬﻦ
ﺭﺷﺎ .. ﺭﺑﻚ ﻛﺮﻳﻢ ﻳﺎﻣﻴﺲ ﻳﻮﻡ ﺟﻤﻌﻪ ﺩﻓﻌﻚ ﻭﺍﻛﻴﺪﻩ ﺗﻮﺍ ﻳﻌﻄﻮﻙ ﻓﻠﻮﺱ ﻑ ﺍﻳﺪﻙ ﻟﺪﺑﺶ
ﺭﺣﺎﺏ .. ﻭﺍﻛﻴﺪﻩ ﺧﻮﺍﻟﻲ ﺗﻮﺍ ﻳﺼﺒﻮ ﻣﻌﺎﻧﺎ
ﺍﻧﺎ .. ﺧﻮﺍﻟﻲ ﻗﺪﻳﺶ ﻣﻨﻬﻢ ﻑ ﻧﻬﺎﻳﻪ ﺑﻜﻞ ﻫﻤﺎ ﻋﻨﺪﻫﻢ ﺍﻟﺘﺰﻣﺎﺕ ﻏﻴﺮﻧﺎ
ﺭﺣﺎﺏ .. ﺍﻥ ﺷﺎﺀ ﺍﻟﻠﻪ ﺧﻴﺮ ﻭﺧﻼﺹ ﻣﺎﺗﻔﻜﺮﻳﺶ
ﺍﻧﺎ .. ﻣﺎﻓﻴﺶ ﺩﺍﻋﻲ ﻧﺸﻴﻞ ﺩﺑﺶ ﺍﻭﻓﺮ
ﺭﺷﺎ .. ﺍﺳﻜﺘﻲ ﺗﺮﺍ ﺍﻧﺘﻲ ﺑﺘﻌﺮﺳﻲ ﻣﺮﻩ ﻭﺣﺪﻩ
ﺍﻧﺎ .. ﻋﺎﺭﻓﺎﺕ ﻧﺒﺪﺭﻱ ﺷﻨﻮ
ﺭﺣﺎﺏ .. ﺷﻨﻮ
ﺍﻧﺎ .. ﻣﻮﺩﻩ ﻋﻄﺘﻨﻲ ﻧﺤﻜﻲ ﻣﻊ ﺃﻳﻬﻢ
ﺭﺷﺎ .. ﺷﻨﻮﻭﻭﻭﻭ
ﺭﺣﺎﺏ .. ﺣﻜﻴﺘﻮﻭﻭ
ﺍﻧﺎ ﻗﻌﺪﺕ ﻧﺤﻜﻴﻠﻬﻦ ﻉ ﻣﻜﺎﻟﻤﺘﻨﺎ
ﺭﺷﺎ .. ﺍﻛﻴﺪﻩ ﺯﻋﻞ ﻣﻦ ﺭﺩﻙ ﻣﺒﺪﺭﻱ
ﺭﺣﺎﺏ .. ﺷﻜﻠﻪ ﻃﺒﻌﻪ ﺻﻌﺐ
ﺍﻧﺎ .. ﻳﺴﺘﺮ ﺍﻟﻠﻪ ﻭﺧﻼﺹ
ﺭﺷﺎ .. ﺍﺷﺶ ﺍﺣﻤﻴﺪﺍ ﻳﺮﻥ
ﺍﻧﺎ .. ﺗﺮﻋﺶ ﺭﻋﻴﺶ
ﺭﺷﺎ .. ﻫﻬﻬﻪ ﺣﺘﻰ ﻫﻮ ﺍﺣﻤﻴﺪﺍ ﻳﺎﺣﻨﻪ
ﺍﻧﺎ .. ﻫﻬﻬﻪ ﻫﺒﻠﻪ ﻋﺪﻱ ﺑﺎﻩ
ﻋﺪﺕ ﺗﺠﺮﻱ ﻟﺪﺍﺭ ﺿﻴﻮﻑ ﺗﻜﻠﻢ ﻭﺭﻳﻬﺎﻡ ﻑ ﻣﺮﺑﻮﻋﻪ
ﺭﻳﻬﺎﻡ .. ﺍﻫﺎ ﺍﻟﻴﻮﻡ ﺟﻮ ﺗﻔﻘﻮ ﻭﻋﺮﺱ ﺍﻗﻞ ﻣﻦ ﺷﻬﺮ
ﺍﺳﺎﻣﻪ .. ﻛﺎﻥ ﻭﺍﻓﻘﺘﻲ ﺭﺍﻩ ﺣﺘﻰ ﻧﺤﻦ ﻋﺮﺳﻨﺎ ﻗﺮﻳﺐ
ﺭﻳﻬﺎﻡ .. ﺣﺒﻴﺒﻲ ﻛﻨﻚ ﻛﻞ ﺗﺄﺧﻴﺮﻩ ﻓﻴﻬﺎ ﺧﻴﺮﻩ
ﺍﺳﺎﻣﻪ .. ﻋﺎﺭﻑ ﺑﺲ ﺷﻦ ﻧﺪﻳﺮ ﻭﺍﻟﻠﻪ ﻻﻧﻲ ﻧﺤﺒﻚ ﺑﺲ ﻧﺒﻴﻚ ﻣﻌﺎﻳﺎ
ﺭﻳﻬﺎﻡ ﺍﺑﺘﺴﻤﺖ .. ﺣﺘﻰ ﺍﻧﺎ ﻧﺒﻴﻚ ﻣﻌﺎﻳﺎ ﺑﺲ ﻫﻜﻲ ﺍﺣﺴﻦ ﻭﺍﻟﻠﻪ ﺣﺎﺳﺒﻪ ﻛﻢ ﺣﺎﺟﻪ ﻑ ﺭﺍﺳﻲ
ﺍﺳﺎﻣﻪ .. ﺑﺎﻩ ﺍﻥ ﺷﺎﺀ ﺍﻟﻠﻪ ﺧﻴﺮ ﺷﻦ ﺑﻨﻘﻮﻝ
ﺭﻳﻬﺎﻡ .. ﺣﺒﻴﺒﻲ ﺗﺤﺴﺲ ﻓﻴﺎ ﺍﻧﻚ ﺯﻋﻼﻥ ﻣﻨﻲ ﻫﻜﻲ
ﺍﺳﺎﻣﻪ .. ﻻ ﻭﺍﻟﻠﻪ ﻣﺶ ﺯﻋﻼﻥ ﻋﺎﺩﻱ ﺑﺲ ﻫﻜﻲ ﻛﺎﻥ ﺧﺎﻃﺮﻱ ﺗﻜﻮﻧﻲ ﻣﻌﺎﻳﺎ ﺧﺎﻳﻒ ﺍﻧﻪ ﻳﺠﻲ ﻳﻮﻡ ﻭﻣﺎﺗﻜﻮﻧﻴﺶ ﻣﻌﺎﻳﺎ ﻧﻨﺪﻡ ﺍﻧﻪ ﻣﺎﺳﺘﻌﺠﻠﺘﺶ
ﺭﻳﻬﺎﻡ .. ﺍﺳﺎﻣﻪ ﻛﻨﻚ ﺗﺤﻜﻲ ﻫﻜﻲ ﻛﺎﻧﻪ ﺑﻨﻨﺤﺮﻣﻮ ﻣﻦ ﺑﻌﻀﻨﺎ ﺑﻼ ﻓﺎﻝ ﺷﻴﻦ
ﺍﺳﺎﻣﻪ .. ﻣﺶ ﻗﺼﻪ ﻓﺎﻝ ﺷﻴﻦ ﺑﺲ ﺑﺠﺪ ﻛﻨﺖ ﻣﺘﻤﻨﻰ ﺗﻮﺍ ﻳﻄﻠﻊ ﻋﺮﺳﻨﺎ ﺑﺲ ﻑ ﻧﻔﺲ ﺍﻟﻮﻗﺖ ﺍﻫﻢ ﺷﻲ ﺭﺍﺣﺖ ﻫﻮﻣﻲ ﻋﻨﺪﻱ
ﺭﻳﻬﺎﻡ ﺍﺑﺘﺴﻤﺖ .. ﻧﺠﻚ ﻟﻴﺎ ﺣﺒﻴﺒﻲ ﻣﺶ ﺣﻨﻜﻮﻧﻮ ﺍﻻ ﺭﺍﺿﻴﻦ ﻧﺤﻦ ﺍﺛﻨﻴﻦ
ﺍﺳﺎﻣﻪ .. ﺍﻥ ﺷﺎﺀ ﺍﻟﻠﻪ ﻳﻜﻮﻥ ﻋﺮﺳﻨﺎ ﺍﺣﻠﻰ ﻋﺮﺱ
ﺭﻳﻬﺎﻡ .. ﺍﻛﻴﺪﻩ ﻣﺶ ﺣﻨﻜﻮﻧﻮ ﺍﻧﺎ ﻭﻳﺎﻙ ﺍﻟﻌﺮﺳﺎﻥ
ﺍﺳﺎﻣﻪ .. ﻫﻬﻬﻪ ﻳﻨﻌﻠﻴﺎ ﻣﻦ ﺳﻤﺤﻪ "
" ﺍﻟﻴﻮﻡ ﺛﺎﻧﻲ ﻑ ﺻﺒﺢ ﻃﻠﻌﺖ ﻣﺎﻣﺎ ﻭﺭﻳﻬﺎﻡ ﻳﻮﺗﻦ ﻟﺤﺎﺟﺎﺕ ﺩﻓﻊ ﻭﻗﻌﺪﺕ ﺍﻧﺎ ﻭﺭﺣﺎﺏ ﻧﻘﺮﻭ ﻭﺭﺷﺎ ﺍﻃﻴﺐ ﻑ ﻏﺪﺍﺀ "
" ﻋﻼﺀ .. ﺷﻦ ﺗﺤﺴﺐ ﺍﻧﺖ
ﻋﺰﻭ .. ﺷﻲ ﻛﻨﻚ ﺟﺎﻱ ﺍﻧﺖ
ﻋﻼﺀ .. ﺟﺎﻱ ﺑﻨﻌﻄﻴﻚ ﻫﺬﻳﻨﺎ
ﻋﺰﻭ .. ﺷﻨﻮ
ﻋﻼﺀ .. ﺷﻦ ﺗﺤﻖ ﻓﻴﻬﻦ ﻓﻠﻮﺱ ﺍﻣﺲ ﺗﺸﻮﻑ ﻑ ﺍﻣﻚ ﻛﻴﻒ ﺿﺎﻳﻔﻪ ﻑ ﻭﺟﻬﺎ
ﻋﺰﻭ .. ﻧﻔﻜﺮ ﻓﻴﻪ ﺣﺘﻰ ﺍﻧﺎ ﺍﻥ ﺷﺎﺀ ﺍﻟﻠﻪ ﺭﺑﻲ ﻳﺴﺘﺮﻧﺎ ﻭﺧﻼﺹ
ﻋﻼﺀ .. ﺍﻥ ﺷﺎﺀ ﺍﻟﻠﻪ ﻋﻄﻴﺘﻬﻦ ﻓﻠﻮﺱ ﻗﺎﻟﻮ ﺑﻴﻄﻠﻌﻦ ﺍﻟﻴﻮﻡ
ﻋﺰﻭ .. ﺍﻫﺎ ﻋﻄﻴﺘﻬﻦ ﺭﺷﺎ ﺑﺘﻄﻠﻊ ﻫﻴﺎ ﻭﻧﺪﻯ
ﻋﻼﺀ .. ﺍﻫﺎ ﺑﺎﻩ ﺗﺒﻲ ﺣﺎﺟﻪ ﺗﻮﺍ
ﻋﺰﻭ .. ﻻ ﺳﻼﻣﺘﻚ
ﺧﺶ ﻳﻮﺳﻒ
ﻋﻼﺀ .. ﺍﻧﺎ ﻣﺎﺷﻲ
ﻳﻮﺳﻒ .. ﺧﻴﺮﺍﺕ
ﻋﺰﻭ .. ﺧﻴﺮ
ﻳﻮﺳﻒ .. ﺷﻦ ﺍﺧﺒﺎﺭ
ﻋﺰﻭ .. ﺍﻫﻮ ﻣﺎﺷﻲ ﻭﺍﻧﺖ
ﻳﻮﺳﻒ .. ﺗﻤﺎﻡ ﻣﺎﺷﻴﻪ ﺷﻨﺠﻮ ﺳﻮﻕ
ﻋﺰﻭ .. ﻣﺎﺷﻲ ﻛﻞ ﻳﻮﻡ ﺑﺸﻜﻞ ﻭﺍﻟﻠﻪ
ﻳﻮﺳﻒ ﺣﻂ ﺍﻳﺪﻩ ﻉ ﻛﺘﻒ ﻋﺰﻭ .. ﻣﺎﺗﺸﻴﻠﺶ ﻫﻢ ﺣﺎﺟﻪ ﻛﻞ ﺷﻲ ﻳﺠﻲ ﻑ ﻭﻗﺘﻪ ﺣﻠﻮ ﻭﺳﻊ ﺑﺎﻟﻚ ﻳﺎﺭﺍ
ﻋﺰﻭ .. ﺍﺯﻋﻤﻚ ﻛﻞ ﺣﺎﺟﻪ ﺗﻘﻌﺪ ﻛﻴﻒ ﻣﺎﻧﺒﻮ ﻧﺤﻦ ﻳﻮﺳﻒ ﺍﻧﺎ ﺷﺎﻳﻞ ﻫﻤﻬﻢ ﻭﺍﺟﺪ ﻧﻌﺘﺒﺮ ﺍﻧﺎ ﺑﺎﺗﻬﻢ ﺗﻲ ﺣﺘﻰ ﻋﻼﺀ ﻛﺎﻥ ﻋﺎﺑﻲ ﻋﻠﻴﺎ ﻑ ﻛﻞ ﺣﺎﺟﻪ ﻭﻛﻨﺖ ﺭﺍﺩ ﺑﺎﻟﻲ ﻣﻨﺎ ﻛﺎﻧﻪ ﺍﺻﻐﺮ ﻣﻨﻲ ﺑﻮﺍﺟﺪ
ﻳﻮﺳﻒ .. ﻛﻠﻪ ﺏ ﺍﺟﺮﻩ ﻳﺎﻋﺰﻭ ﺍﻧﺖ ﻣﻀﺤﻲ ﻭﺍﺟﺪ ﻉ ﺳﺒﺎﻫﻢ
ﻋﺰﻭ .. ﺗﻲ ﺍﻧﺎ ﻣﺶ ﻧﻔﻜﺮ ﻑ ﺭﻭﺣﻲ ﻭﻻ ﻑ ﻋﻼﺀ ﺍﻧﺎ ﻛﻞ ﺗﻔﻜﻴﺮﻱ ﻑ ﺧﻮﺍﺗﻲ ﻭﺍﻣﻲ ﺣﺎﺱ ﺭﻭﺣﻲ ﺿﻠﻤﺖ ﻣﻴﺲ ﺑﻨﺖ ﻣﺰﺍﻟﺖ ﺻﻐﻴﺮﻩ ﺣﺎﺳﻬﺎ ﻣﺶ ﻗﺪ ﻣﺴﺆﻭﻟﻴﻪ ﻭﺭﺍﺟﻞ ﺃﻛﺒﺮ ﻣﻨﻬﺎ ﺑﻌﺸﺮ ﺳﻨﻴﻦ
ﻳﻮﺳﻒ .. ﻭﺍﻟﻠﻪ ﻣﺎﺗﺨﺎﻑ ﻋﻠﻴﻬﺎ ﻣﻴﺲ ﺃﻳﻬﻢ ﺭﺍﺟﻞ ﻭﺍﻟﻠﻪ ﻭﺻﻴﺘﻪ ﻭﺍﺟﺪ ﻋﻠﻴﻬﺎ
ﻋﺰﻭ .. ﺍﻥ ﺷﺎﺀ ﺍﻟﻠﻪ ﺧﻴﺮ ﻭﺍﻥ ﺷﺎﺀ ﺍﻟﻠﻪ ﻣﺎﻧﻨﺪﻣﺶ
ﻳﻮﺳﻒ .. ﻻ ﻣﺶ ﺣﺘﻨﺪﻡ ﺻﺪﻗﻨﻲ
ﻋﺰﻭ .. ﺧﻼﺹ ﻫﻴﺎ ﻭﻗﺖ ﻏﺪﺍﺀ
ﻳﻮﺳﻒ .. ﻫﻴﺎ ﺍﻃﻠﻊ
ﻃﻠﻌﻮ ﻫﻤﺎ ﺍﺛﻨﻴﻦ ﻟﺤﻮﺵ
ﻋﺰﻭ .. ﻣﺮﺍﺗﻚ ﻣﺶ ﻗﺎﻋﺪﻩ
ﻳﻮﺳﻒ .. ﻻ ﻗﺎﻋﺪﻩ ﻋﻨﺪ ﻫﻠﻲ
ﻋﺰﻭ .. ﺍﻧﺎ ﺑﺎﻩ ﻧﺘﻼﻗﻮﺍ ﺑﻌﺪﻳﻦ
ﺧﺶ ﻳﻮﺳﻒ ﻟﺤﻮﺵ ﻫﻠﻪ
ﻳﻮﺳﻒ .. ﺧﻴﺮ
ﺳﺎﻟﻤﻪ .. ﺧﻴﺮ ﺑﺴﻤﺢ ﻃﻠﻪ
ﻳﻮﺳﻒ .. ﻛﻴﻒ ﺣﺎﻟﻚ ﻳﺎﺍﻣﻲ
ﺳﺎﻟﻤﻪ .. ﻛﻮﻳﺴﻪ ﺍﻟﺤﻤﺪﺍﻟﻠﻪ
ﻳﻮﺳﻒ .. ﻭﻳﻦ ﺧﻮﺗﻲ
ﺳﺎﻟﻤﻪ .. ﻣﺮﻭﺍﻥ ﻋﻨﺪ ﺻﺎﺣﺒﻪ ﻳﻘﺮﺃ ﻭﻃﺎﺭﻕ ﻗﺎﻝ ﻣﺶ ﻣﺮﻭﺡ
ﻳﻮﺳﻒ .. ﻭﺑﺎﺗﻲ
ﺳﺎﻟﻤﻪ .. ﺑﺎﺗﻚ ﺭﺍﻗﺪ
ﻳﻮﺳﻒ .. ﺍﻫﺎ ﺷﻨﻮ ﻏﺪﺍﺀ ﻣﻄﻮﻝ ﻭﻻ ﻛﻴﻒ
ﺳﺎﻟﻤﻪ .. ﻣﺮﺍﺗﻚ ﺍﻟﻤﺮﺧﻴﻪ ﺗﺨﺶ ﻟﻤﻄﺒﺦ ﻣﻌﺶ ﺗﻄﻠﻊ ﻭﺍﺧﺘﻚ ﻣﺎﺩﻩ ﻭﺟﻬﺎ ﺗﻬﺪﺭﺯ
ﻳﻮﺳﻒ ﺳﻜﺖ ﻭﺑﺤﺖ ﻑ ﺍﻝ Tv
ﺳﺎﻟﻤﻪ .. ﺷﻨﻮ ﻣﺎﻓﻴﺶ ﺣﺎﺟﻪ ﻑ ﻃﺮﻳﻖ
ﻳﻮﺳﻒ .. ﺣﺎﺟﻪ ﺷﻨﻮ ﻳﺎﺍﻣﻲ
ﺳﺎﻟﻤﻪ .. ﻳﻌﻨﻲ ﻣﺮﺍﺗﻚ ﻣﺶ ﺣﺎﻣﻞ
ﻳﻮﺳﻒ .. ﻻ ﻣﺰﺍﻝ ﻣﺎﺳﺨﺮ ﺭﺑﻲ
ﺳﺎﻟﻤﻪ .. ﺍﻗﻌﺪ ﻗﻮﻝ ﻣﺰﺍﻝ ﻣﺎﺳﺨﺮ ﻭﻳﻌﺪﻱ ﻋﻤﺮﻙ ﻫﻜﻲ ﺗﺮﺍﺟﻲ ﻓﻴﻬﺎ
ﻳﻮﺳﻒ .. ﺗﺆ ﻛﻨﻚ ﻳﺎﺍﻣﻲ ﺭﺍﻩ ﻛﻴﻒ ﺳﻜﺮﻧﺎ ﺳﻨﻪ
ﺳﺎﻟﻤﻪ .. ﺍﺳﻤﻊ ﺭﺍﻫﻮ ﻛﺎﻥ ﻃﻮﻟﺖ ﻭﺍﺟﺪ ﺍﻧﺎ ﻣﺶ ﻣﺮﺍﺟﻴﺘﻬﺎ ﺑﻨﺠﻮﺯﻙ ﺍﻧﺎ
ﻣﻊ ﻃﻠﻌﺖ ﻣﻮﺩﻩ ﻣﺎﺳﻜﻪ ﻣﻔﺮﺵ ﻑ ﺍﻳﺪﻫﺎ ﻭﻗﻌﺪﺕ ﺗﺒﺤﺖ ﻓﻲ ﻳﻮﺳﻒ
ﺳﺎﻟﻤﻪ .. ﻫﻴﺎ ﻛﻨﻜﻦ ﻣﻌﺶ ﻃﻠﻌﺘﻦ
ﻣﻮﺩﻩ ﺑﺼﻮﺕ ﻭﺍﻃﻲ .. ﺍﻧﻲ ﺟﻴﺖ
ﻳﻮﺳﻒ .. ﻫﺎﺗﻲ ﺗﻮﺍ ﻧﻄﺮﺣﻪ ﺍﻧﺎ
ﺻﺒﻰ ﺑﻴﻤﺴﻜﻪ ﻣﻨﻬﺎ ﻫﻴﺎ ﻛﺮﺍﺗﻪ
ﻣﻮﺩﻩ .. ﺧﻼﺹ ﺳﻴﺐ ﺗﻮﺍ ﻧﻄﺮﺡ
ﺭﺩ ﻗﻤﻌﺰ ﻭﻳﺒﺤﺖ ﻓﻴﻬﺎ ﻭﻫﻴﺎ ﻣﺎﺗﺒﻴﺶ ﺗﺒﺤﺖ ﻓﻴﻪ
ﻧﺪﻯ .. ﻫﻴﺎ ﻏﺪﺍﺀ
ﺳﺎﻟﻤﻪ .. ﻭﻋﻲ ﺑﺎﺗﻚ ﻫﻴﺎ "
" ﻑ ﻋﺸﻴﻪ ﻃﻠﻌﻦ ﻧﺪﻯ ﻭﺭﺷﺎ ﻟﺴﻮﻕ ﻭﺍﻧﺎ ﻗﺎﻋﺪﻩ ﻑ ﺣﻮﺵ ﻭﺟﻦ ﻣﺎﻣﺎ ﻭﺭﻳﻬﺎﻡ
ﺭﻳﻬﺎﻡ .. ﺗﻜﺴﺮﻥ ﻛﺮﻋﻴﺎ
ﺭﺣﺎﺏ .. ﻛﻤﻠﺘﻦ ﻛﻞ ﺣﺎﺟﻪ
ﺭﻳﻬﺎﻡ .. ﻛﻤﻠﻨﺎ ﺍﻫﺎ
ﺍﻧﺎ .. ﺷﻦ ﺑﺘﺤﻄﻮ ﺍﻧﺘﻢ
ﺭﻳﻬﺎﻡ .. ﻗﻬﻮﺀ ﻭﻣﻌﺎﻫﺎ ﺣﻠﻮ ﻭﻋﺼﻴﺮ ﻭﺷﻜﻼﻃﻪ ﻭﻣﻮﺍﻟﺢ ﻭﻣﺜﺮﻭﺩﻩ ﻭﺗﻤﺮ ﺍﻟﻤﻠﺒﺲ ﻫﺬﻱ ﻧﻤﺪﻭﻩ ﻟﻬﻢ ﺑﺮﻭﺣﻪ
ﺭﺣﺎﺏ .. ﺍﻫﺎ ﻛﻮﻳﺲ ﺑﻜﻞ
ﺍﻧﺎ .. ﺧﻮﺗﻲ ﻛﻢ ﻋﺎﺯﻣﻴﻦ
ﺭﻳﻬﺎﻡ .. ﻣﺸﻌﺎﺭﻓﻪ ﺑﺲ ﻫﺬﺍ ﺩﻓﻊ ﻳﻌﻨﻲ
ﻣﺎﻣﺎ .. ﻗﺎﻟﻮ ﺍﻟﻜﺒﺎﺭ ﺍﻟﻜﺒﺎﺭ ﻑ ﻓﺎﺗﺤﻪ ﺑﻴﻌﺰﻣﻮ
ﺭﺣﺎﺏ .. ﻋﻤﺎﻣﻲ ﺑﻴﺤﻀﺮﻭ
ﺍﻧﺎ ﺑﺤﺘﺖ ﻑ ﻣﺎﻣﺎ
ﻣﺎﻣﺎ .. ﻋﺰﻭ ﻗﺎﻝ ﻣﺶ ﻣﻜﻠﻤﻬﻢ ﻛﺎﻥ ﺑﻴﻜﻠﻢ ﻋﻼﺀ ﺧﻠﻴﻪ ﻳﻜﻠﻢ ﻭﺧﺎﻟﻚ ﻋﺒﺪﺍﻟﻠﻪ ﻗﺎﻝ ﻋﻴﺐ ﻣﻬﻤﺎ ﻳﻜﻮﻥ ﻫﺬﻳﻤﺎ ﻫﻠﻜﻢ
ﺍﻧﺎ .. ﺍﻫﺎ ﻭﻋﻼﺀ ﺷﻦ ﻗﺎﻝ
ﻣﺎﻣﺎ .. ﻋﻼﺀ ﻗﺎﻝ ﺗﻮﺍ ﻧﻜﻠﻤﻬﻢ ﻭﺧﻼﺹ ﻧﺪﻳﺮ ﺍﻟﻮﺍﺟﺐ ﺣﺘﻰ ﻗﺪﺍﻡ ﺍﻟﻨﺎﺱ
ﺭﻳﻬﺎﻡ .. ﻟﻮﻻ ﺍﻟﻨﺎﺱ ﺑﺲ ﻛﺎﻥ ﻫﺬﺍ ﻻ ﻋﻤﺎﻣﻲ ﻻ ﻧﻌﺮﻓﻬﻢ
ﺭﺣﺎﺏ .. ﺑﻨﻌﺮﻑ ﻋﻠﻴﺶ ﻫﻤﺎ ﺩﺍﺭﻭ ﻫﻜﻲ ﺑﺎﻩ ﺍﻧﺘﻢ ﻛﻨﻜﻢ ﻣﺎﺗﺤﻜﻮﺵ ﻋﻠﻴﻬﻢ ﻭﻛﻞ ﻣﺎﻧﺴﺎﻝ ﺗﺴﻜﺘﻮﻧﻲ
ﺭﻳﻬﺎﻡ .. ﺍﻧﺘﻲ ﻣﺰﺍﻝ ﺻﻐﻴﺮﻩ ﻣﺶ ﻟﻜﻲ ﻛﻼﻡ ﻫﺬﺍ
ﺭﺣﺎﺏ ... ﺍﻭﻑ ﻋﻨﺠﺪ ﺻﻐﻴﺮﻩ
ﻣﺎﻣﺎ .. ﺻﺒﻲ ﺳﺨﻨﻴﻠﻨﻪ ﻏﺪﺍﺀ ﻭﺍﻧﺘﻲ ﺳﺎﻛﺘﻪ
ﺻﺒﺖ ﺭﺣﺎﺏ ﻟﻤﻄﺒﺦ ﻭﻧﺤﻦ ﻣﻊ ﺑﻌﻀﻨﺎ ﻧﺤﻜﻮﺍ ﻉ ﺣﺎﺟﺎﺕ ﻋﺮﺱ "
" ﻣﻮﺩﻩ .. ﻻ ﺑﻜﻞ ﻭﺍﺿﺢ ﻭﺍﺿﺢ ﺍﻧﻚ ﺭﺍﻓﺾ ﻟﺪﺭﺟﻪ ﻣﺎﻗﺪﺭﺗﺶ ﺗﺮﺩ
ﻳﻮﺳﻒ .. ﻏﻴﺮ ﺍﻓﻬﻤﻲ ﻭﻓﻜﻴﻨﻲ ﻣﻦ ﺃﻋﻴﺎﻁ ﺑﺲ
ﻣﻮﺩﻩ .. ﺗﻲ ﺷﻦ ﻧﻔﻬﻢ ﺷﻨﻮ ﺣﺮﺍﻡ ﻋﻠﻴﻜﻢ ﺩﺍﻳﺮ ﺭﻭﺣﻚ ﻣﺼﺒﻲ ﻣﻌﺎﻳﺎ ﻭﺍﻧﺖ ﻣﺼﺒﻲ ﻣﻊ ﺍﻣﻚ ﻳﺎﻳﻮﺳﻒ
ﻳﻮﺳﻒ .. ﻏﻴﺮ ﺭﺍﺟﻲ ﺑﺲ ﻣﺎﺗﺒﺪﻳﺶ ﺗﻌﻴﻄﻲ ﺑﻴﺶ ﻣﺎﺗﻨﺪﻣﻴﺶ ﻭﻗﺖ ﻧﺰﻋﻞ ﻭﺍﻧﺘﻲ ﻋﺎﺭﻓﻪ ﻗﻤﻌﺰﻱ ﻭﺍﻫﺪﻯ ﻧﻌﻦ ﺟﺪ ﻭﺟﻚ ﺑﻌﺪ ﺗﻌﻠﻘﻲ
ﻣﻮﺩﻩ ﻗﻤﻌﺰﺕ ﻭﻫﻮ ﻗﻤﻌﺰ ﺗﻼﻫﺎ ﻣﺴﻚ ﺍﻳﺪﻫﺎ
ﻳﻮﺳﻒ .. ﻳﺎﻋﻤﺮﻱ ﺍﻧﺘﻲ ﻳﺎﺳﻤﺤﺘﻲ ﻳﺎ ﺣﻠﻮﻩ ﻳﺎ ﻫﻤﻲ ﻭﻃﻴﺎﺡ ﺳﻌﺪﻱ ﺍﻧﺎ ﻭﺃﺧﺬﻙ ﻉ ﻗﺼﻪ ﻫﻚ ﻛﺒﺮﻫﺎ ﻭﻛﻞ ﺷﺎﻫﺪﻳﻦ ﻋﻠﻴﻬﺎ ﻭﺗﻘﻮﻟﻴﻠﻲ ﺍﻧﺖ ﻣﺶ ﺭﺍﻓﺾ ﻫﻴﺎ ﺣﻜﺖ ﻣﻦ ﻫﻨﺎ ﻭﺍﻧﺘﻲ ﻃﺒﻴﺘﻲ ﻣﻦ ﻫﻨﺎ ﻛﻨﺖ ﺑﻨﺮﺩ ﺑﺲ ﺍﻧﺘﻲ ﺟﻴﺘﻲ ﻣﺎﺣﺒﻴﺘﺶ ﻧﺤﻜﻲ ﻗﺪﺍﻣﻚ
ﻣﻮﺩﻩ .. ﺍﻭﻭﻑ ﻣﺎﻧﺒﻴﺶ ﺣﺪ ﻳﺸﺎﺭﻛﻨﻲ ﻓﻴﻚ ﻧﺒﻴﻚ ﻟﻴﺎ ﺑﺲ
ﻳﻮﺳﻒ ﺿﺤﻚ .. ﻫﻬﻬﻪ ﻭﺍﻧﺎ ﻟﻜﻲ ﻳﺎﻫﺒﻠﻪ ﻣﺎﺗﺴﻤﻌﻴﺶ ﻛﻼﻡ ﺣﺪ ﻭﻻ ﺗﻌﺪﻟﻲ ﻉ ﺣﺪ ﻉ ﻣﻬﻢ ﺍﻧﺎ
ﻣﻮﺩﻩ ﺍﺑﺘﺴﻤﺖ .. ﺑﺎﻩ ﺍﺣﻀﻨﻲ
ﻳﻮﺳﻒ ﺍﺑﺘﺴﻢ ﻭﺣﻂ ﺍﻳﺪﻩ ﻭﺭﺍﺀ ﺭﻗﺒﺘﻬﺎ ﻭﻛﺮﻫﺎ ﻟﻌﻨﺪﻩ
ﻳﻮﺳﻒ .. ﻫﻜﻲ ﺗﻤﺎﻡ
ﻣﻮﺩﻩ ﺑﺼﻮﺕ ﻫﺎﺩﻱ .. ﺍﻩ ﺗﻤﺎﻡ ﺑﻜﻞ ﺣﺒﻴﺒﻲ
ﺑﺎﺱ ﺭﺍﺳﻬﺎ ﻭﻗﻌﺪ ﻳﻤﺸﻲ ﻑ ﺍﻳﺪﻩ ﻉ ﺿﻬﺮﻫﺎ "
" ﻑ ﻟﻴﻞ ﺭﻭﺣﺖ ﺭﺷﺎ
ﺭﻳﻬﺎﻡ .. ﻛﻤﻠﺘﻲ
ﺭﺷﺎ .. ﺍﻫﺎ ﻗﺘﻠﻜﻦ ﺣﻨﻜﻤﻠﻪ ﻑ ﻳﻮﻡ ﺍﻧﺘﻦ ﻫﺰﻳﺘﻦ ﻋﻠﻴﺎ
ﺭﻳﻬﺎﻡ .. ﻣﺸﺎﺀﺍﻟﻠﻪ ﻋﺼﺮ ﺳﺮﻋﻪ ﺍﻧﺘﻲ
ﺭﺷﺎ .. ﻫﻬﻪ ﺍﻫﺎ؛ﺭﺍﺟﻨﻲ ﻧﺨﺶ ﻟﺤﻤﺎﻡ ﻭﻧﺼﻠﻲ ﻭﻧﺘﻔﺮﺟﻮ ﻣﻊ ﺑﻌﻀﻨﺎ
ﺭﻳﻬﺎﻡ .. ﺑﺎﻩ ﻫﻴﺎ ﻧﺮﺍﺟﻮ ﻓﻴﻚ
ﺍﻧﺎ .. ﻭﻳﻦ ﺭﺣﺎﺏ
ﺭﻳﻬﺎﻡ .. ﻣﺸﻌﺎﺭﻓﻪ ﻛﺎﻧﺖ ﻫﻨﺎ ﻣﺎﺗﻘﻮﻟﻴﺶ ﻧﺰﻟﺖ ﻟﻄﺎﺭﻕ
ﺍﻧﺎ .. ﺍﻛﻴﺪﻩ ﻋﺎﺭﻓﺘﻪ ﺟﺎﺀ ﻋﺎﺩ ﻳﺎﺭﺑﻲ ﻫﺎﻟﻤﻜﻠﻮﺑﻪ ﻫﺬﻱ
ﺭﻳﻬﺎﻡ .. ﺑﺲ ﻣﺎﻳﻨﺨﺎﻓﺶ ﻋﻠﻴﻬﺎ ﺻﺪﻗﻴﻨﻲ
ﺍﻧﺎ .. ﺭﺑﻲ ﻳﺴﺘﺮ ﺍﻧﺎ ﻣﺶ ﺧﺎﻳﻔﻪ ﻋﻠﻴﻬﺎ ﺧﺎﻳﻔﻪ ﻳﺰﺭﻗﻮ ﻋﻠﻴﻬﺎ ﺧﻮﺗﻲ ﻭﺍﻟﻠﻪ
ﺭﻳﻬﺎﻡ .. ﻻ ﺭﺑﻲ ﻳﺴﺘﺮﻧﺎ "
ﺭﺣﺎﺏ ﺑﺼﻮﺕ ﻭﺍﻃﻲ .. ﻃﺎﺍﺍﺭﻕ
ﻃﺎﺭﻕ ﺑﺮﻡ .. ﺍﻭﻭ ﻳﺎﻃﺸﻪ ﺗﻌﺎﻟﻲ
ﺭﺣﺎﺏ .. ﻣﺎﻓﻴﺶ ﺣﺪ ﻫﻨﺎ
ﻃﺎﺭﻕ .. ﻻﻻ ﻣﺎﻓﻴﺶ ﺣﺪ ﺗﻌﺎﻟﻲ ﺑﺴﺮﻋﻪ
ﺟﺎﺗﻪ ﺗﺠﺮﻱ
ﺭﺣﺎﺏ .. ﺣﺒﻴﺒﻲ ﺭﺍﻳﻔﺖ ﻋﻠﻴﻚ ﻭﺍﻟﻠﻪ
ﻃﺎﺭﻕ .. ﻭﺍﻟﻠﻪ ﺍﻧﺎ ﺍﻛﺜﺮ ﻳﺎﺍﻧﻮﺑﻪ
ﺭﺣﺎﺏ .. ﻧﻜﺴﺪﻭ ﺑﻌﺪﻳﻦ ﻭﻻ ﻛﻴﻒ ﻳﺼﻴﺮ ﺍﻧﺎ ﻣﺮﺍﻳﻔﻪ ﻋﻠﻴﻚ ﻭﺍﻟﻠﻪ ﻣﻌﺶ ﻛﺴﺪﻧﺎ
ﻃﺎﺭﻕ .. ﺍﻧﻮﺑﺘﻲ ﻭﺍﻟﻠﻪ ﺷﻦ ﻧﻘﻮﻟﻚ ﺍﻟﻴﻮﻡ ﺟﻤﺎﻋﻪ ﻣﺎﺷﻴﻦ ﻟﻤﺰﺭﻋﻪ
ﺭﺣﺎﺏ .. ﺍﻫﺎ ﺑﺎﻩ ﺧﻼﺹ ﺍﻧﺎ ﺭﺍﻛﺒﻪ
ﻃﺎﺭﻕ .. ﺗﻲ ﺗﻌﺎﻟﻲ ﻫﻨﺎ ﻏﻴﺮ ﻣﺎﻧﻀﺮﺑﻚ ﻣﺎﻧﺤﺒﻜﺶ ﺗﺰﻋﻠﻲ ﻳﺎﻓﺮﺧﻪ
ﺭﺣﺎﺏ .. ﻻ ﻣﺶ ﺯﻋﻼﻧﻪ ﺍﺻﻼً ﻋﺎﺩﻱ
ﻃﺎﺭﻕ .. ﺍﻧﻮﺑﻪ ﺑﻄﻠﻲ ﺯﻋﻞ ﻋﺎﺩ ﻭﺍﻟﻠﻪ ﻟﻴﺎ ﻭﺍﺟﺪ ﻋﻠﻴﻬﻢ
ﺭﺣﺎﺏ ﻛﺸﺨﺖ .. ﻣﻌﺶ ﺗﻘﻮﻟﻲ ﺍﻧﻮﺑﻪ
ﻃﺎﺭﻕ ﺍﺑﺘﺴﻢ ﻭﻣﺴﻚ ﺍﻳﺪﻫﺎ .. ﺍﻧﻮﺑﻪ ﻭﻧﺺ
ﺭﺣﺎﺏ .. ﺑﺎﺍﺍﺭﺩ ﺑﺎﻩ ﻗﻮﻝ ﺍﻱ ﺣﺎﺟﻪ ﺍﻻ ﺍﻧﻮﺑﻪ ﺷﻨﻮ ﺍﻧﻮﺑﻪ ﻫﻜﻲ
ﻃﺎﺭﻕ .. ﺍﺭﻧﻮﺑﻪ ﺑﺲ ﻣﺎﻧﺤﺒﺶ ﻧﻘﻮﻟﻬﺎ ﻫﻜﻲ ﻧﺤﺲ ﻓﻴﻪ ﺛﻘﻴﻞ ﺍﻧﻮﺑﻪ ﺍﺧﻒ
ﺭﺣﺎﺏ .. ﺑﺎﻩ ﺃﻃﻠﻖ ﺍﻳﺪﻱ ﺧﻼﺹ
ﻃﺎﺭﻕ ﻛﺮﻫﺎ ﻟﻌﻨﺪﻩ ﺃﻛﺜﺮ .. ﻭﺍﻧﺎ ﻗﻠﺖ ﻻ
ﺭﺣﺎﺏ ﺍﺑﺘﺴﻤﺖ .. ﻃﺎﺍﺍﺭﻕ
ﻃﺎﺭﻕ ﺭﻓﻊ ﺍﻳﺪﻫﺎ ﻭﺑﺎﺳﻬﺎ .. ﺧﻼﺹ ﻧﺘﻼﻗﻮﺍ ﺑﻜﺮﺍ
ﺭﺣﺎﺏ ﺍﺑﺘﺴﻤﺖ ﻭﺧﺮﺕ ﺑﺘﺮﻛﺐ
ﻃﺎﺭﻕ .. ﺍﻧﻮﺑﻪ
ﺭﺣﺎﺏ ﺑﺮﻣﺖ ﺑﺤﺘﺖ ﻓﻴﻪ
ﻃﺎﺭﻕ ﻋﺰﻗﻠﻬﺎ ﺑﻮﺳﻪ ﺑﻴﺪﻩ ﺭﺣﺎﺏ ﻗﻌﺪﺕ ﺗﻀﺤﻚ ﻭﺭﻛﺒﺖ ﺗﺠﺮﻱ "
" ﺍﻟﻴﻮﻡ ﺛﺎﻧﻲ ﻣﻦ ﺻﺒﺢ ﻭ ﻣﺎﻣﺎ ﺩﺍﻳﺮﻩ ﻃﻮﺍﺭﻱ ﺗﻐﺪﻳﻨﺎ ﻭﺑﺪﻥ ﺑﻨﺎﺕ ﻑ ﺗﻮﺍﺗﻲ ﻭﺣﺎﺳﻪ ﻟﻴﻦ ﺟﻮ ﻫﻞ ﺃﻳﻬﻢ
ﻭﻗﻌﺪﻥ ﻳﻘﺪﻣﻦ ﺑﻨﺎﺕ ﻭﺣﺎﻳﺴﺎﺕ
ﺷﻮﻱ ﻭﺧﺶ ﻋﺰﻭ ﻣﺎﺳﻚ ﺿﺮﻑ ﻑ ﺍﻳﺪﻩ
ﻣﺎﻣﺎ .. ﻟﻮﻭﻭﻭﻭﻭﻭﻭﻟﻠﻠﻠﻠﻴﻴﻴﻴﻴﻲ
ﺍﻧﺎ ﺳﻤﻌﺖ ﺻﻮﺗﻬﻦ ﺑﺮﺍ ﺣﺴﻴﺖ ﺑﺸﻌﻮﺭ ﻏﺮﻳﺐ ﺑﻜﻞ ﺷﻌﻮﺭ ﺍﻧﻲ ﺧﻼﺹ ﻗﺮﻳﺐ ﺣﻨﺠﻮﺯ ﺷﻌﻮﺭ ﻣﺶ ﻋﺎﺭﻓﻪ ﻛﻴﻒ ﻧﻔﺴﺮﻩ ﻛﺎﻧﻪ ﻫﺬﺍ ﻭﻳﻦ ﻓﻄﻨﺖ ﺍﻧﻪ ﺍﻧﺎ ﺑﻨﺠﻮﺯ
ﺧﺸﺖ ﻋﻠﻴﺎ ﻣﻮﺩﻩ
ﻣﻮﺩﻩ .. ﻣﺒﺮﻭﻙ ﻳﺎ ﻋﻤﺮﻱ ﻣﺒﺮﻭﻙ
ﺍﻧﺎ .. ﺍﻟﻠﻪ ﻳﺒﺎﺭﻙ ﻓﻴﻚ
ﻣﻮﺩﻩ .. ﺍﺿﺤﻜﻲ ﻛﻨﻚ ﺿﺎﺭﺑﻪ ﻛﺌﺎﺑﻪ
ﺍﻧﺎ .. ﻻ ﻋﺎﺩﻱ
ﻣﻮﺩﻩ .. ﺃﻳﻬﻢ ﻳﺮﻥ
ﺍﻧﺎ ﺳﻜﺘﺖ
ﻣﻮﺩﻩ .. ﻫﺎﻛﻲ
ﺍﻧﺎ .. ﻻ ﻣﺎﻧﺒﻴﺶ ﻧﺤﻜﻲ ﻓﻜﻴﻨﻲ
ﻣﻮﺩﻩ .. ﻗﺎﻟﻲ ﻳﺒﻴﻚ ﻭﻳﺒﻲ ﻳﺒﺎﺭﻛﻠﻚ
ﺍﻧﺎ .. ﻻﻻ ﻳﺎﻣﻮﺩﻩ ﻻ
ﻣﻮﺩﻩ ﺭﺩﺕ ﻋﻠﻴﻪ ﻭﻣﺎﻋﺪﻟﺘﺶ ﻋﻠﻴﺎ
ﻣﻮﺩﻩ .. ﺍﻟﻮﻭ
ﺃﻳﻬﻢ .. ﺍﻳﻮﺍﻩ
ﻣﻮﺩﻩ .. ﻣﺒﺮﻭﻙ ﻳﺎ ﻋﺮﻳﺲ
ﺃﻳﻬﻢ ﺿﺤﻚ .. ﺍﻟﻠﻪ ﻳﺒﺎﺭﻙ ﻓﻴﻚ
ﻣﻮﺩﻩ .. ﺗﺒﻲ ﻣﻴﺲ
ﺃﻳﻬﻢ .. ﺍﻫﺎ ﻳﺎﺭﻳﺖ
ﻣﺪﺗﻠﻲ ﻓﻮﻥ ﻭﻻ ﻧﺸﻴﺮﻟﻬﺎ ﺑﺮﺍﺳﻲ ﺏ ﻻﻻ
ﻣﻮﺩﻩ .. ﺍﻣﺴﻜﻲ ﻫﻴﺎ
ﻣﺴﻜﺖ ﻓﻮﻥ ﻭﺭﺩﻳﺖ
ﺃﻳﻬﻢ .. ﺃﻳﻮﻩ
ﺍﻧﺎ .. ﺍﻟﻮ
ﺃﻳﻬﻢ .. ﻣﺒﺮﻭﻙ
ﺍﻧﺎ .. ﺍﻟﻠﻪ ﻳﺒﺎﺭﻙ ﻓﻴﻚ
ﺃﻳﻬﻢ .. ﻛﻴﻒ ﺣﺎﻟﻚ
ﺍﻧﺎ .. ﺗﻤﺎﻡ
ﺃﻳﻬﻢ .. ﺍﻫﺎ ﻛﻨﺖ ﻣﻜﻠﻤﻚ ﻉ ﺍﻭﻝ ﺍﻣﺲ ﺑﻌﺪ ﺭﻧﻴﺘﻲ
ﺍﻧﺎ .. ﺍﻫﺎ ﻻ ﻋﺎﺩﻱ ﺑﺮﺍﺣﺘﻚ ﻃﺒﻌﺎً
ﺃﻳﻬﻢ .. ﺍﻫﺎ ﺗﻤﺎﻡ
ﺍﻧﺎ .. ﺑﻨﺼﻜﺮ
ﺃﻳﻬﻢ ..
" ﻳﺘﺒﻊ "..
ﺭﺍﻳﻜﻦ ﻑ ﺍﻟﺤﻠﻘﻪ ﻭﺷﻦ ﺗﻮﻗﻌﻦ ﺣﻴﺎﺀ ﻣﻴﺲ ﻭﺍﻳﻬﻢ ﻛﻴﻒ ﺗﺒﻲ ﺗﻜﻮﻥ
ﻭﻣﻮﺩﻩ ﺗﺒﻲ ﺗﻬﻨﻰ ﻣﻊ ﻳﻮﺳﻒ ﻭﻻ ﺑﻴﺪﻳﺮ ﻛﻴﻒ ﻣﺎﻗﺎﻟﺖ ﺍﻣﻪ ﻓﺮﺣﻨﻲ ﺑﺘﻔﺎﻋﻞ ﻭﺗﻌﻠﻴﻘﺎﺕ ﻃﻮﻳﻠﻪ
Anosha Alriany
