ﺕ ﻣﻦ ﻋﺎﻟﻤﻲ
# ﻋﻜﺲ _ ﺍﻟﺘﻴﺎﺭ
ﺣﻠﻘﻪ 42
" ﻣﻨﻴﺮ .. ﻣﺎﻧﻘﺪﺭﺵ ﻧﺰﻋﻠﻚ ﻋﺪﻱ ﺣﺒﻴﺒﻲ
ﻣﺮﻳﻢ ﺻﺒﺖ ﻭﺣﻄﺖ ﺍﻳﺪﻫﺎ ﻉ ﻗﻠﺒﻬﺎ .. ﻫﻴﻴﻴﻴﻲ ﻧﺠﻚ ﻟﻴﺎ ﻳﺎﻋﻤﺮﻱ ﺭﺑﻲ ﻣﺎ ﻳﺤﺮﻣﻨﻲ ﻣﻨﻚ
ﻣﻨﻴﺮ ﺿﺤﻚ .. ﺑﻌﺪ ﻗﺘﻠﻚ ﻋﺪﻱ ﺑﺪﻳﺘﻲ ﻑ ﺍﻟﻐﺰﻝ ﻋﺎﺩ ﻫﺎﺑﺎ ﻋﻠﻴﻚ ﻛﻠﻪ ﺍﻧﺘﻲ
ﻣﺮﻳﻢ ﺗﻀﺤﻚ .. ﻭﺍﻟﻠﻪ ﻧﺤﺒﻚ ﺑﺲ ﺑﺠﺪ ﻛﻨﺖ ﺯﻋﻼﻧﻪ ﻫﻜﻲ ﻛﺎﻥ ﺧﺎﻃﺮﻱ ﻑ ﺍﻟﻤﺸﻴﻪ
ﻣﻨﻴﺮ .. ﻭﺍﻧﺎ ﻧﻘﺪﺭ ﻧﺨﻠﻲ ﺣﺎﺟﻪ ﻑ ﺧﺎﻃﺮﻙ ﻉ ﻣﻬﻢ ﺍﻟﺒﺴﻲ ﺣﺎﺟﻪ ﻃﻮﻳﻠﻪ ﻣﺎﺩﻳﺮﻳﺶ ﻣﻜﻴﺎﺝ ﻻﻧﻚ ﺍﻧﺘﻲ ﺟﻮﻫﺮﺗﻲ ﻭﺍﻧﺎ ﺧﺎﻳﻒ ﻋﻠﻴﻚ
ﻣﺮﻳﻢ ﺍﺑﺘﺴﻤﺖ .. ﺣﺎﺿﺮ ﺣﺒﻴﺒﻲ ﺍﻥ ﺷﺎﺀ ﺍﻟﻠﻪ ﻛﻴﻒ ﻣﺎﺍﻧﺘﻲ ﺗﺒﻲ
ﻣﻨﻴﺮ .. ﺑﺎﻩ ﺍﻧﺎ ﻃﺎﻟﻊ ﺗﻮﺍ
ﻣﺮﻳﻢ .. ﻣﻊ ﺳﻼﻣﻪ ﺩﻳﺮ ﺑﺎﻟﻚ ﻉ ﺭﻭﺣﻚ
ﻣﻨﻴﺮ .. ﺣﺎﺿﺮ ﻧﺘﻼﻗﻮﺍ ﺑﻌﺪﻳﻦ
ﻣﺮﻳﻢ .. ﺗﻢ
ﺻﻜﺮﺕ ﻣﻨﻪ ﻭﺻﺒﺖ ﺗﺨﺘﺎﺭ ﻑ ﻟﺒﺴﻪ ﺗﻠﺒﺴﻬﺎ "
" ﺭﻳﻬﺎﻡ ﻓﺘﺤﺖ ﻋﻴﻮﻧﻬﺎ ﻭﺍﺳﺘﻐﺮﺑﺖ ﺍﻧﻪ ﺍﻧﺲ ﻣﺶ ﺣﺎﻁ ﺍﻳﺪﻩ ﻉ ﺧﺼﺮﻫﺎ ﻛﻴﻒ ﻣﺎ ﺗﻌﻮﺩﺕ ﻑ ﺍﻟﻴﻮﻣﻴﻦ ﺍﻟﻲ ﻓﺎﺗﻦ ﺑﺮﻣﺖ ﻻﻗﺘﻪ ﻋﺎﻃﻴﻬﺎ ﺑﺎﻟﻈﻬﺮ ﻗﺮﺑﺖ ﻣﻨﻪ ﻭﺣﻄﺖ ﺍﻳﺪﻫﺎ ﻉ ﺧﺼﺮﻩ
ﺍﻧﺲ ﺑﺮﻡ .. ﺻﺒﺎﺡ ﺍﻟﺨﻴﺮ ﻧﻀﺘﻲ
ﺭﻳﻬﺎﻡ .. ﺻﺒﺎﺡ ﺍﻟﻨﻮﺭ ﻧﻀﺖ ﻣﻦ ﺍﻣﺘﻰ ﻭﺍﻋﻲ ﺍﻧﺖ
ﺍﻧﺲ .. ﻣﻦ ﻧﺒﺪﺭﻱ ﻭﺍﻧﺘﻲ ﻣﻌﺶ ﻧﻀﺘﻲ ﺑﻜﻞ
ﺭﻳﻬﺎﻡ .. ﺍﺳﺘﻐﺮﺑﺘﻚ ﻣﺎﻟﻘﻴﺘﻜﺶ ﻛﻴﻒ ﺍﻟﻌﺎﺩﻩ ﻧﺤﺴﺎﺑﻚ ﺷﺎﻳﻞ ﻋﻠﻴﺎ ﻭﻻ ﺣﺎﺟﻪ
ﺍﻧﺲ ﺿﺤﻚ .. ﻭﻋﻠﻴﺶ ﺑﻨﺸﻴﻞ ﻋﻠﻴﻚ ﺷﻦ ﺩﺭﺗﻲ ﻣﺸﺎﺀ ﺍﻟﻠﻪ ﻋﻠﻴﻚ
ﺭﻳﻬﺎﻡ ﺍﺑﺘﺴﻤﺖ .. ﺗﺴﻠﻢ
ﺍﻧﺲ .. ﻧﻮﺿﻲ ﻫﻴﺎ ﺑﻴﺶ ﻧﻌﺪﻭ ﻟﺸﻂ
ﺭﻳﻬﺎﻡ ﺧﺸﺖ ﺗﺤﺖ ﻭﺭﻏﺎﻥ .. ﺻﻘﻌﺎﻧﻪ ﻣﻮﺕ ﺗﻌﺮﺭﻑ
ﺍﻧﺲ .. ﻛﻨﻚ ﺑﺎﻟﻚ ﺗﺒﻲ ﺗﻤﺮﺿﻲ
ﺭﻳﻬﺎﻡ .. ﻻ ﺍﻧﺎ ﻧﻘﻌﺪ ﺩﻳﻤﺎ ﻧﺼﻘﻊ ﻭﻧﺤﻤﻰ ﻋﺎﺩﻱ
ﺍﻧﺲ .. ﺍﻫﺎ ﺑﺎﻩ ﻧﺪﻳﺮﻟﻚ ﺣﺎﺟﻪ ﺩﻓﻴﻚ
ﺭﻳﻬﺎﻡ .. ﻻ ﻻ ﺧﻠﻴﻨﻲ ﻧﻘﻌﺪ ﺗﺤﺖ ﻭﺭﻏﺎﻥ ﻛﻮﻳﺲ
ﺍﻧﺲ .. ﻣﻦ ﺟﻴﻨﺎ ﻣﻌﺶ ﻃﻠﻌﻨﺎ ﻗﺒﻞ ﻗﻠﺖ ﻧﻄﻠﻌﻮ ﻉ ﺷﻂ
ﺭﻳﻬﺎﻡ .. ﺑﺎﻩ ﺗﻮﺍ ﻧﻠﺒﺲ ﺣﺎﺟﻪ ﺛﻘﻴﻠﻪ ﻭﻧﻄﻠﻌﻮ
ﺍﻧﺲ .. ﻛﺎﻥ ﺗﻌﺒﺎﻧﻪ ﻋﺎﺩﻱ
ﺭﻳﻬﺎﻡ .. ﻻﻻ ﻣﺶ ﺗﻌﺒﺎﻧﻪ ﺑﺲ ﻧﺼﻘﻊ ﻭﻫﻜﻲ
ﺍﻧﺲ .. ﺑﺎﻩ ﺻﺒﻲ
ﺣﻮﻝ ﻣﻦ ﻋﻠﻴﻬﺎ ﺍﻟﻮﺭﻏﺎﻥ
ﺭﻳﻬﺎﻡ .. ﺍﺍﺍﺍﺍﺍ ﻣﺶ ﻫﺎﻳﻦ ﻋﻠﻴﺎ ﻧﺼﺒﻲ
ﺍﻧﺲ ﺿﺤﻚ .. ﻻ ﺗﻮﺍ ﻳﻬﻮﻥ ﻋﻠﻴﻚ ﻏﻴﺮ ﻧﻮﺿﻲ
ﺭﻳﻬﺎﻡ ﻏﻄﺖ ﺭﺍﺳﻬﺎ ﺏ ﻣﺨﺪﻩ .. ﻭﺭﺃﺱ ﺍﻧﺲ
ﺍﻧﺲ ﺣﻮﻝ ﻣﺨﺪﻩ ﻭﻣﺴﻚ ﺍﻳﺪﻫﺎ ﻭﻛﺮﻫﺎ
ﺭﻳﻬﺎﻡ ﺗﻐﻤﺾ ﻑ ﻋﻴﻮﻧﻬﺎ ﻭﺍﻧﺲ ﻳﺒﺤﺖ ﻓﻴﻬﺎ ﻭﻣﺒﺘﺴﻢ
ﺭﻳﻬﺎﻡ ﺣﺴﺖ ﺑﻴﻪ ﻣﺴﻜﻬﺎ ﻓﺘﺤﺖ ﻋﻴﻮﻧﻬﺎ ﻻﻗﺘﻪ ﺷﺎﻣﺮﻫﺎ ﻗﻌﺪﺕ ﺗﺒﺤﺖ ﻑ ﻣﻼﻣﺤﻪ ﺍﻟﺠﺪﻳﻪ
ﺭﻳﻬﺎﻡ .. ﻋﻠﻴﺶ ﺷﻤﺮﺗﻨﻲ
ﺍﻧﺲ ﺍﺑﺘﺴﻢ .. ﻣﺎﺗﺒﻴﺶ ﺗﻨﻮﺿﻲ ﺷﻦ ﻧﺪﻳﺮﻟﻚ ﻣﺎﻓﻴﺶ ﺣﻞ ﺍﻻ ﻫﻚ
ﺭﻳﻬﺎﻡ ﻏﻤﻀﺖ ﻋﻴﻮﻧﻬﺎ ﺯﻳﻦ ﻭﻗﻌﺪﺕ ﺗﺴﺘﻨﺸﻖ ﻑ ﺭﻳﺤﺘﻪ
ﻧﺰﻟﻬﺎ ﻉ ﻭﻃﻰ
ﺭﻳﻬﺎﻡ ﻓﺘﺤﺖ ﻋﻴﻮﻧﻬﺎ
ﺍﻧﺲ .. ﻫﻴﺎ ﺧﺸﻲ ﻧﺮﺍﺟﻲ ﻓﻴﻚ ﻳﺎﺗﻨﺒﺎﻟﻪ
ﺭﻳﻬﺎﻡ ﺍﺑﺘﺴﻤﺖ .. ﺗﻤﺎﻡ
ﺧﺸﺖ ﺭﻳﻬﺎﻡ ﻭﻗﻌﺪﺕ ﺗﻐﺴﻞ ﻑ ﻭﺟﻬﺎ ﻭﺗﺒﺘﺴﻢ ﻏﺴﻠﺖ ﻭﻃﻠﻌﺖ ﻓﺘﺤﺖ ﺷﻨﻄﻪ ﻭﻗﻌﺪﺕ ﺗﺨﺘﺎﺭ ﻑ ﻟﺒﺴﻪ
ﺍﻧﺲ .. ﺩﻭﺭﻱ ﻑ ﻟﺒﺴﻪ
ﺭﻳﻬﺎﻡ .. ﺍﻫﺎ ﻧﺪﻭﺭ
ﺻﺒﻰ ﺗﻼﻫﺎ ﻭﻫﻴﺎ ﻃﻠﻌﺖ ﻣﺎﻟﻴﺎ ﺻﻮﻑ ﺳﻮﺩﻩ ﺿﺎﺑﻄﻪ ﻗﺼﻴﺮﻩ ﻭﺳﺮﻭﺍﻝ ﺟﻴﻨﺰ
ﺍﻧﺲ .. ﺍﻟﺒﺴﻲ ﻛﺒﻮﻁ
ﺭﻳﻬﺎﻡ .. ﺍﻫﺎ ﺍﻛﻴﺪﻩ ﺻﻘﻊ ﻭﺣﺘﻰ ﺿﺎﺑﻄﻪ
ﺍﻧﺲ .. ﺑﺎﻩ ﺗﻤﺎﻡ ﺍﻟﺒﺴﻲ ﻉ ﺭﺍﺣﺘﻚ ﺍﻧﺎ ﺑﺮﺍ
ﻃﻠﻊ ﺍﻧﺲ ﻭﺭﻳﻬﺎﻡ ﻟﺒﺴﺖ ﻭﻟﺒﺴﺖ ﻭﺷﺎﺡ ﻭﺭﺩﻱ ﻭﺑﺨﺖ ﻋﻄﺮﻫﺎ ﻭﻃﻠﻌﺖ
ﺍﻧﺲ .. ﻭﻳﻦ ﺍﻟﻜﺒﻮﻁ
ﺭﻳﻬﺎﻡ .. ﻛﻨﻚ ﺍﻧﺲ ﻣﻌﻠﻖ ﺑﺮﺍ ﺷﻜﻠﻚ ﺗﺮﻛﺰ ﻉ ﺍﻟﺒﺲ
ﺍﻧﺲ .. ﻣﺎﻩ ﺟﺴﻤﻚ ﻣﻔﺼﻞ ﻋﺎﺩ ﻣﺎﺗﺠﻴﺶ ﺷﻨﻮ ﺑﻘﺮﻭﻧﻲ ﺍﻧﺎ
ﺭﻳﻬﺎﻡ ﺿﺤﻜﺖ .. ﻭﺳﻊ ﺑﺎﻟﻚ ﺑﺲ ﺣﻨﻠﺒﺲ ﻣﺎﺗﺨﺎﻓﺶ ﺍﻧﺎ ﺑﺮﻭﺣﻲ ﻣﺎﻧﺤﺒﺶ ﻟﺒﺴﻪ ﺍﻟﻀﻴﻖ
ﺍﻧﺲ .. ﺑﺎﻩ ﺗﻤﺎﻡ ﻫﻴﺎ ﺍﻟﺒﺴﻲ ﺑﻴﺶ ﻧﻌﺪﻭ
ﻟﺒﺴﺖ ﺭﻳﻬﺎﻡ ﻛﺒﻮﻁ ﻛﺤﻠﻲ ﻭﻛﻮﻳﺶ ﻭﺭﺩﻱ ﻧﻔﺲ ﻟﻮﻥ ﻭﺷﺎﺡ ﻭﺧﺬﺕ ﺳﻠﻪ ﺣﻄﺖ ﻓﻴﻬﺎ ﺣﺎﺟﺎﺕ ﻟﻠﻔﻄﻮﺭ ﻭﻃﻠﻌﻮ
ﺭﻳﻬﺎﻡ ﻣﺴﻜﺖ ﻑ ﺍﻳﺪﻩ ﻣﻦ ﻓﻮﻕ .. ﺭﺍﺟﻲ ﺑﻨﺴﻠﺢ ﻛﻮﻳﺸﻲ ﻣﺎﻧﺤﺒﺶ ﻧﻤﺸﻲ ﻉ ﺭﻣﻠﻪ ﺑﻴﻪ
ﺳﻠﺤﺖ ﻛﻮﻳﺸﻬﺎ ﻭﻣﺴﻜﺎﺗﻪ ﻑ ﺍﻳﺪﻫﺎ ﻛﺎﻥ ﺷﻂ ﻓﺎﺿﻲ ﻉ ﺳﺒﻪ ﺷﺘﺎﺀ
ﻃﺮﺣﺖ ﺍﻟﻤﻔﺮﺵ ﻭﺣﻄﺖ ﻋﻠﻴﻪ ﺣﺎﺟﺎﺕ
ﺭﻳﻬﺎﻡ .. ﺗﺒﻲ ﺣﻠﻴﺐ ﻭﻻ ﻗﻬﻮﺓ
ﺍﻧﺲ ﻣﺘﻜﻲ ﺗﻼﻫﺎ ﻭﻣﺎﺳﻚ ﻣﻮﺑﺎﻳﻞ .. ﺍﻻﺛﻨﻴﻦ
ﺭﻳﻬﺎﻡ .. ﺗﻤﺎﻡ
ﺻﺒﺘﻠﻪ ﺣﻠﻴﺐ ﻭﻗﻬﻮﺓ ﻭﻋﻄﺎﺗﻪ ﻟﻪ
ﺭﻳﻬﺎﻡ .. ﺗﺒﻲ ﻧﺺ ﻣﻌﺎﻩ
ﺍﻧﺲ ﻗﻤﻌﺰ ﻛﻮﻳﺲ .. ﻻ ﻻ ﻫﻜﻲ ﻛﻮﻳﺲ ﺑﻜﻞ
ﺭﻳﻬﺎﻡ ﺻﺒﺖ ﻟﺮﻭﺣﻬﺎ ﻭﻗﻌﺪﺕ ﺗﺸﺮﺏ ﻭﺗﺎﻛﻞ ﻑ ﺑﺸﻜﻮﻁ
ﺍﻧﺲ .. ﺗﺤﺒﻲ ﻓﻄﻮﺭ ﺑﺤﺎﺟﻪ
ﺭﻳﻬﺎﻡ .. ﺍﺣﻴﺎﻧﺎً ﻭﺍﺣﻴﺎﻧﺎً ﻻ
ﺍﻧﺲ .. ﺍﻫﺎ ﺑﺎﻩ ﻛﻮﻟﻲ ﻛﻮﻳﺲ ﺑﻴﺶ ﺗﺴﻤﻨﻲ
ﺭﻳﻬﺎﻡ .. ﻻ ﻫﻜﻲ ﻛﻮﻳﺲ ﻣﺎﻧﺒﻴﺶ ﻧﺰﻳﺪ ﺃﻛﺜﺮ
ﺍﻧﺲ .. ﻣﺸﻌﺎﺭﻑ ﻧﺤﺲ ﻑ ﺟﺴﻤﻚ ﻭﻫﻮ ﻣﻠﻴﺎﻥ ﺍﺣﻠﻰ
ﺭﻳﻬﺎﻡ .. ﺑﻴﺶ ﺗﻠﺒﺴﻨﻲ ﻋﺒﺎﻳﻪ ﻭﻗﺘﻬﺎ ﺗﻮﺍ ﻋﺎﺩﻱ ﻭﻣﺎﺳﻠﻤﺖ ﻣﻨﻚ
ﺍﻧﺲ ﺭﺍﻓﻊ ﻛﺮﻋﻴﻪ ﻭﺣﺎﻁ ﺍﻳﺪﻳﻪ ﻋﻠﻴﻬﻦ .. ﻫﻬﻬﻬﻪ ﻻ ﻻ ﻣﺶ ﻟﻬﺪﺭﺟﻪ ﺑﺲ ﺳﺘﺮﻩ ﻛﻮﻳﺴﻪ
ﺭﻳﻬﺎﻡ .. ﻋﺎﺭﻓﻪ
ﺍﻧﺲ ﺑﺤﺖ ﻓﻴﻬﺎ .. ﻫﻴﺎ ﺻﺒﻲ ﻧﺘﻤﺸﻮ
ﺭﻳﻬﺎﻡ .. ﺧﺎﻃﺮﻱ ﻧﺨﺶ ﻧﻌﻮﻡ ﻣﻨﻀﺮﻩ ﻳﺴﻬﻒ
ﺍﻧﺲ .. ﻏﺮﻳﺒﻪ ﻫﺎﺩﻱ ﻗﺒﻞ ﺩﻳﻤﺎ ﻫﺎﻳﺞ ﻑ ﺻﻘﻊ
ﺭﻳﻬﺎﻡ ﺻﻜﺮﺕ ﻛﺒﻮﻃﻬﺎ .. ﺍﻧﻘﻨﻪ ﺻﻘﻊ ﺑﻜﻞ
ﺍﻧﺲ .. ﻣﺶ ﻻﺑﺴﻪ ﻣﺎﻟﻴﺎ ﺩﺍﺧﻠﻴﻪ
ﺭﻳﻬﺎﻡ .. ﻻﻻ ﻧﻀﺎﻳﻖ ﻣﻨﻬﺎ
ﺍﻧﺲ .. ﺻﻘﻊ ﻫﻜﻲ ﺍﻟﺒﺴﻴﻬﺎ ﻣﺮﻩ ﺍﺧﺮﻯ
ﺭﻳﻬﺎﻡ .. ﻣﺎﺗﺤﺎﻭﻟﺶ ﻣﻌﺎﻳﺎ ﻣﻦ ﺍﻧﺎ ﻭﺻﻐﻴﺮﻩ ﻫﻜﻲ ﺣﺘﻰ ﻣﺎﻣﺎ ﻓﺎﺗﺘﻨﻲ
ﺍﻧﺲ .. ﺗﻤﺮﺿﻲ ﻭﻧﺤﻦ ﻗﺎﻋﺪﻳﻦ ﻗﺪﺍﻡ ﺑﺤﺮ ﺷﻮﻓﻲ ﺻﻘﻊ ﻋﺎﺩ
ﺭﻳﻬﺎﻡ .. ﻻ ﻋﺎﺩﻱ ﺍﻧﺎ ﻣﺶ ﻣﺮﺍﺿﻪ
ﺍﻧﺲ .. ﺑﺎﻫﻲ ﻉ ﺭﺍﺣﺘﻚ
ﺭﻳﻬﺎﻡ ﺑﺤﺘﺖ ﻓﻴﻪ .. ﺍﻧﺎ ﻣﺎﻧﺤﺒﻬﺶ ﻛﻠﻤﻪ ﻫﺬﻱ ﺭﺍﻩ ﺻﺎﺡ ﻫﻴﺎ ﺑﺮﺍﺣﺘﻲ ﺑﺲ ﻣﺎﻧﺤﺒﺶ ﺣﺪ ﻳﻘﻮﻟﻬﺎ ﻟﻴﺎ
ﺍﻧﺲ ﺿﺤﻚ ﻭﻫﺰ ﺭﺍﺳﻪ .. ﻻ ﺍﻧﺎ ﺷﻜﻠﻲ ﺣﻨﻮﺣﻞ ﻓﻴﻚ ﺍﻧﺘﻲ ﻃﺒﻌﻚ ﺻﻌﺐ ﺭﺍﻩ
ﺭﻳﻬﺎﻡ ﺍﺑﺘﺴﻤﺖ .. ﻣﺶ ﻋﺎﺭﻓﻪ ﻣﻤﻜﻦ
ﺍﻧﺲ ﺻﺒﻰ ﻭﻧﻔﺾ ﺩﺑﺸﻪ ﻣﻦ ﺭﻣﻠﻪ .. ﻫﻴﺎ ﺻﺒﻲ
ﺭﻳﻬﺎﻡ ﺻﺒﺖ ﻭﺳﻘﻤﺖ ﻟﺒﺴﺘﻬﺎ ﻭﻧﻔﻀﺘﻬﺎ ﻭﻗﻌﺪﻭ ﻳﻤﺸﻮ ﻭﺭﻳﻬﺎﻡ ﺳﺎﻛﺘﻪ
ﺍﻧﺲ .. ﻛﺎﻥ ﻣﺎﻧﺤﻜﻴﻠﻜﺶ ﺍﻧﺎ ﺍﻧﺘﻲ ﺗﺴﻜﺘﻲ
ﺭﻳﻬﺎﻡ ﺗﻨﻬﺪﺕ .. ﻣﺎﻧﺤﺒﺶ ﻧﺤﻜﻲ ﻭﺍﺟﺪ
ﺍﻧﺲ ﻫﺰ ﺭﺍﺳﻪ .. ﺑﺎﻩ ﺗﻤﺎﻡ ﺧﻼﺹ
ﻗﻌﺪ ﺳﺎﻛﺖ ﻭﺧﻼﺹ
ﺭﻳﻬﺎﻡ ﺑﺤﺘﺖ ﻓﻴﻪ .. ﺿﺎﻳﻘﺘﻚ
ﺍﻧﺲ ﺣﺎﻁ ﺍﻳﺪﻳﻪ ﻑ ﺟﻴﻮﺏ ﺟﺎﻛﻪ .. ﻻ ﺟﻮ ﺗﻤﺎﻡ ﻋﻠﻴﺶ ﺑﻨﻀﺎﻳﻖ ﻫﺬﺍ ﻃﺒﻌﻚ
ﺭﻳﻬﺎﻡ ﻣﺴﻜﺖ ﺍﻳﺪﻩ ﻣﻦ ﻓﻮﻕ .. ﻣﺶ ﺍﻧﺖ ﺗﺒﻲ ﺗﺴﺎﻋﺪﻧﻲ ﻭﺗﺼﺒﻲ ﻣﻌﺎﻳﺎ
ﺍﻧﺲ .. ﺑﺎﻩ ﺑﺲ ﺷﻦ ﺩﺧﻞ ﻫﺬﻱ ﻑ ﻫﺬﻱ
ﺭﻳﻬﺎﻡ ﻫﺰﺕ ﻛﺘﻮﻓﻬﺎ .. ﻣﺶ ﻋﺎﺭﻓﻪ ﺑﺲ ﻧﺒﻴﻚ ﺗﻘﻌﺪ ﻣﻌﺎﻳﺎ ﻑ ﻛﻞ ﺣﺎﺟﻪ
ﺍﻧﺲ ﺍﺑﺘﺴﻢ ﻭﻫﺰ ﺭﺍﺳﻪ .. ﺣﺎﺿﺮ ﺗﻤﺎﻡ
ﺭﻳﻬﺎﻡ ﺣﻄﺖ ﺍﻳﺪﻫﺎ ﻣﻌﺎﻩ ﻑ ﺟﻴﺒﻪ .. ﻧﺨﻠﻴﻬﺎ ﺗﺪﻓﺎ ﻣﻌﺎﻙ
ﺍﻧﺲ ﻫﺰ ﺭﺍﺳﻪ ﻭﻣﺒﺘﺴﻢ .. ﺗﻤﺎﻡ
ﻣﺴﻚ ﺍﻳﺪﻫﺎ ﻭﻫﻴﺎ ﺟﻮﺍ ﻭﻗﻌﺪ ﺿﺎﻏﻂ ﻋﻠﻴﻬﺎ ﻭﻳﻤﺸﻮ ﻉ ﺷﻂ "
" ﻧﻀﺖ ﺍﻟﺼﺒﺢ ﺧﺸﻴﺖ ﻟﺤﻤﺎﻡ ﻟﻘﻴﺘﻬﺎ ﻧﺎﺯﻟﻪ ﻋﻠﻴﺎ ﺍﺳﺘﻐﺮﺑﺖ ﻻﻧﻪ ﻣﻦ ﺭﺑﻌﻨﺖ ﻣﻌﺶ ﺟﺘﻨﻲ ﻉ ﺳﺒﻪ ﻧﺮﺿﻊ ﺧﻔﺖ ﺗﻜﻮﻥ ﺻﺎﺭﺕ ﺣﺎﺟﻪ ﻣﻦ ﻟﻴﻠﻪ ﺍﻣﺲ
ﻃﻠﻌﺖ ﻣﻦ ﺩﺍﺭ ﻧﻮﺽ ﻑ ﺍﻳﻬﻢ
ﺍﻧﺎ .. ﺍﻳﻬﻢ ﺍﻳﻬﻢ ﻧﻮﺽ
ﺍﻳﻬﻢ .. ﺗﻲ ﺍﺭﻗﺪﻱ ﺧﻠﻴﻚ ﻣﺪﻓﻴﺎ ﻣﻌﺎﻳﺎ
ﺍﻧﺎ .. ﺗﻲ ﻧﻮﺽ ﻣﻮﺿﻮﻉ ﻣﻬﻢ
ﺍﻳﻬﻢ ﻧﺎﺽ ﺑﺤﺖ ﻓﻴﺎ .. ﺷﻨﻮ ﻛﻨﻚ
ﺍﻧﺎ .. ﻟﻘﻴﺖ ﺩﻡ ﻧﺎﺯﻝ ﻋﻠﻴﺎ
ﺍﻳﻬﻢ .. ﻭﻳﻌﻨﻲ ﻣﺎﻩ ﺗﻤﺮﺿﻲ ﻛﻞ ﺷﻬﺮ
ﺍﻧﺎ .. ﻻ ﻻ ﻣﺎﻩ ﺑﻌﺪ ﻧﻘﻌﺪ ﻧﺮﺿﻊ ﻣﺎﺗﺠﻴﻨﻴﺶ ﺍﻧﺎ ﺧﺎﻳﻔﻪ ﻳﻘﻌﺪ ﻧﺰﻳﻒ ﻉ ﺳﺒﻪ ﻟﻴﻠﻪ ﺍﻣﺲ
ﺍﻳﻬﻢ ﺑﺤﺖ ﻓﻴﺎ .. ﺍﻧﺎ ﻧﻌﺮﻑ ﻣﺮﺍﺕ ﺗﺼﻴﺮ ﻑ ﺍﻭﻝ ﻣﺮﻩ ﺣﺴﻚ ﺧﻮﻓﺘﻴﻨﻲ
ﺍﻧﺎ .. ﻧﻜﻠﻢ ﻣﺎﻣﺎ ﻧﺴﺎﻟﻬﺎ
ﺍﻳﻬﻢ .. ﻛﻠﻤﻲ ﺷﻮﻓﻴﻬﺎ
ﺭﻧﻴﺖ ﻉ ﻣﺎﻣﺎ ﺷﻮﻳﺎ ﻭﺭﺩﺕ
ﻣﺎﻣﺎ .. ﺧﻴﺮﺍﺕ ﺷﻨﺠﻮ
ﺍﻧﺎ .. ﺍﻟﺤﻤﺪ ﺍﻟﻠﻪ ﺗﻤﺎﻡ ﻭﺍﻧﺘﻢ ﺷﻨﺠﻮﻛﻢ
ﻣﺎﻣﺎ .. ﺍﻟﺤﻤﺪ ﺍﻟﻠﻪ ﺗﻤﺎﻡ ﻛﻴﻒ ﺣﺎﻝ ﺍﻳﻬﻢ ﻭﺳﻦ
ﺍﻧﺎ .. ﺗﻤﺎﻡ ﻛﻮﻳﺴﻴﻦ ﻳﺎﻣﺎﻣﺎ ﺑﻨﺴﺎﻟﻚ
ﻣﺎﻣﺎ .. ﺷﻨﻮ ﺇﺳﺄﻟﻲ
ﺍﻧﺎ .. ﻳﺎ ﻣﺎﻣﺎ ﺍﻟﻴﻮﻡ ﻧﻀﺖ ﻭﻟﻘﻴﺘﻬﺎ ﻧﺎﺯﻟﻪ ﻋﻠﻴﺎ ﻣﺶ ﻣﺎﺗﺠﻴﺶ ﻑ ﺭﺿﺎﻋﻪ ﻭﺍﻧﺎ ﺧﺎﻳﻔﻪ ﻣﻦ ﺣﺎﺟﻪ
ﻣﺎﻣﺎ .. ﻣﻦ ﺷﻨﻮ ﺧﺎﻳﻔﻪ ﻛﻨﻚ ﺧﻮﻓﺘﻴﻨﻲ
ﺍﻧﺎ ﺣﺎﻃﻪ ﺍﻳﺪﻱ ﻉ ﺟﺒﻬﺘﻲ ﻻﻧﻲ ﻣﺘﻮﺗﺮﻩ .. ﻣﺎﻩ ﺍﻣﺲ ﻛﺎﻥ ﻋﻴﺪ ﺟﻮﺍﺯﻧﺎ ﻭﺧﺎﻳﻔﻪ ﻳﻘﻌﺪ ﻧﺰﻳﻒ
ﻣﺎﻣﺎ .. ﺍﻫﺎ ﻭﺍﻟﻠﻪ ﻉ ﻋﻠﻤﻲ ﻧﺰﻳﻒ ﻣﺎﻳﺠﻴﺶ ﺍﻻ ﻑ ﺑﺪﺍﻳﻪ ﻭﻋﺎﺩﻱ ﺭﺍﻩ ﻣﻤﻜﻦ ﺍﻧﺘﻲ ﻣﻌﺶ ﻗﻌﺪﺗﻲ ﺗﺮﺿﻌﻲ ﻓﻴﻬﺎ ﺩﻳﻤﺎ ﻫﺬﺍ ﻟﻴﺶ ﻧﺰﻟﺖ ﻋﻠﻴﻚ ﻭﻑ ﺑﺪﺍﻳﻪ ﺗﻮﺍ ﺗﻘﻌﺪ ﻣﺶ ﻣﻨﺘﻈﻤﻪ ﺭﺍﻩ ﻣﺮﺍﺕ ﺷﻬﺮ ﻫﺬﺍ ﺗﺠﻲ ﺷﻬﺮ ﻷﺧﺮﻯ ﺭﺍﻩ
ﺍﻧﺎ .. ﺍﻫﺎ ﺻﺎﺡ ﻓﺘﺮﻩ ﻫﺬﻱ ﻗﻌﺪﺕ ﻧﺮﺿﻊ ﻓﻴﻬﺎ ﻑ ﺻﻨﺎﻋﻲ ﻭﺑﺪﻳﺘﻠﻬﺎ ﻑ ﻭﺍﺟﺒﺎﺕ ﺍﻻﻃﻔﺎﻝ ﻣﻌﺶ ﻗﻌﺪﺕ ﻣﻌﺘﻤﺪﻩ ﻉ ﺣﻠﻴﺒﻲ ﺑﺲ
ﻣﺎﻣﺎ .. ﺍﻫﺎ ﺑﺎﻩ ﻛﻮﻳﺲ ﺑﻴﺶ ﺣﺘﻰ ﺗﺴﺎﻋﺪﻙ ﺑﻌﺪ ﺗﻔﻄﻤﻴﻬﺎ ﺑﺲ ﻋﺎﻃﻴﻬﺎ ﻣﺰﺍﻟﺖ ﺻﻐﻴﺮﻩ ﺣﻠﻴﺒﻚ ﻣﻔﻴﺪ ﻟﻬﺎ
ﺍﻧﺎ .. ﺍﻥ ﺷﺎﺀ ﺍﻟﻠﻪ ﻛﻠﻤﺖ ﻏﻴﺮ ﺑﻨﺴﺄﻝ ﻻﻧﻲ ﺧﻔﺖ ﺷﻮﻳﺎ
ﻣﺎﻣﺎ .. ﻣﺎﺗﺨﺎﻓﻴﺶ ﻳﺎﺣﻨﻪ
ﺍﻧﺎ .. ﺑﺎﻩ ﻳﺎ ﻣﺎﻣﺎ ﻣﻊ ﺳﻼﻣﻪ ﺗﻮﺍ
ﻣﺎﻣﺎ .. ﻣﻊ ﺳﻼﻣﻪ ﺍﻭﻛﻲ
ﺻﻜﺮﺕ ﻣﻨﻬﺎ ﻭﺑﺤﺘﺖ ﻑ ﺍﻳﻬﻢ
ﺍﻳﻬﻢ .. ﻫﺎﻩ ﺷﻔﺘﻲ ﻣﺎﻓﻴﺶ ﺷﻲ ﻏﻴﺮ ﺷﻬﺪﺭﺗﻲ ﺑﻴﻨﺎ ﻭﻧﺤﻦ ﺩﻳﻤﺎ ﻣﺘﺸﻬﺪﺭﻳﻦ
ﺍﻧﺎ ﺿﺤﻜﺖ .. ﺍﻟﻠﻪ ﻏﺎﻟﺐ ﺷﻦ ﻧﺪﻳﺮ ﺧﻔﺖ ﻭﺍﻟﻠﻪ
ﺍﻳﻬﻢ .. ﺧﻮﺍﻓﻪ ﻫﻴﺎ ﻧﻮﺿﻲ ﺩﻳﺮﻧﺎ ﻓﻄﻮﺭ ﺟﻴﻌﺎﻧﻪ ﺍﻣﺲ ﺣﺘﻰ ﺗﻮﺭﺗﻪ ﻣﺎﻛﻠﻴﻨﺎﻫﺎ ﻗﺎﻋﺪﻩ ﻑ ﺗﻼﺟﻪ
ﺍﻧﺎ .. ﺗﻲ ﻣﻦ ﺍﻟﻲ ﻣﺴﺘﻌﺠﻞ ﺍﻣﺲ ﻗﺮﻳﺐ ﻳﻄﻴﺮ ﺑﻴﺎ
ﺍﻳﻬﻢ ﻗﻤﻌﺰ ﺗﻼﻳﺎ ﻭﺑﺄﺱ ﺭﺍﺳﻲ .. ﻣﻦ ﺣﺒﻲ ﻟﻜﻲ ﺑﺲ ﺷﻦ ﻧﺪﻳﺮ
ﺍﻧﺎ ﺍﺑﺘﺴﻤﺖ .. ﻧﺠﻚ ﻟﻴﺎ ﻋﺪﻱ ﺩﻭﺵ ﻋﻠﻲ ﻣﺎﺩﺭﺕ ﻓﻄﻮﺭ
ﻟﻔﻴﺖ ﺷﻌﺮﻱ ﻓﻮﻕ ﻭﻟﺒﺴﺖ ﻃﺮﻑ ﻣﺘﺎﻉ ﺭﻭﺏ ﻭﻟﻤﻴﺖ ﺳﺮﻳﺮ ﻭ ﻃﻠﻌﺖ ﻟﻤﻴﺖ ﻋﺒﺎﻳﺘﻲ ﻭﺧﺸﻴﺖ ﻟﻜﻮﺟﻴﻨﻪ ﺷﻔﺖ ﺗﻮﺭﺗﻪ ﻭﺩﺭﺕ ﻓﻄﻮﺭ ﺷﻮﻳﺎ ﻭﺧﺶ ﺍﻳﻬﻢ ﻳﻤﺴﺢ ﻑ ﺷﻌﺮﻩ ﺑﺎﻟﻤﻨﺸﻒ
ﺍﻳﻬﻢ .. ﺩﺭﺗﻲ ﻗﻬﻮﻩ ﺭﺍﺳﻲ ﻣﺼﺪﻉ ﺑﻜﻞ
ﺍﻧﺎ ﺑﺮﻣﺖ ﻭﺣﻄﻴﺖ ﺑﻜﺮﺝ ﻉ ﻃﺎﻭﻟﻪ .. ﺍﻫﻲ ﻗﻬﻮﺗﻚ ﻋﺎﺭﻓﺘﻚ ﺗﺤﺒﻬﺎ
ﺻﺒﻴﺘﻠﻪ ﻗﻬﻮﺓ ﻭﺻﺒﻴﺖ ﻟﺮﻭﺣﻲ ﺑﺎﻟﺤﻠﻴﺐ ﻭﻗﻤﻌﺰﺕ
ﺍﻳﻬﻢ .. ﺑﻌﺪ ﻧﻘﻮﻟﻚ ﻋﻨﺪﻙ ﻋﺎﺩﺍﺕ ﻏﺮﻳﺒﻪ ﻣﺎﺗﻘﻮﻟﻴﺶ ﻻ
ﺍﻧﺎ ﺿﺤﻜﺖ .. ﻗﺼﺪﻙ ﻉ ﺳﺒﻪ ﻧﺒﺪﺭﻱ
ﺍﻳﻬﻢ .. ﺍﻫﺎ ﻭﻗﺼﻪ ﺍﺟﻨﺎﺑﻚ ﻑ ﺍﻟﺤﻤﻞ
ﺍﻧﺎ .. ﻛﻨﻚ ﻣﺎﻩ ﻗﺎﻟﺖ ﺍﻟﺪﻛﺘﻮﺭﻩ ﺭﺣﻢ ﻳﻘﻌﺪ ﻳﺒﻲ ﻳﺘﻮﺳﻊ ﻫﺬﺍ ﻟﻴﺶ
ﺍﻳﻬﻢ .. ﺑﺲ ﻃﻮﻟﺖ ﻣﻌﺎﻙ
ﺍﻧﺎ .. ﺍﻟﻠﻪ ﻏﺎﻟﺐ ﺑﻌﺪ ﺧﻄﺮﻫﺎ ﻛﻨﻚ ﻗﺎﻋﺪ ﺍﻧﺖ
ﺍﻳﻬﻢ .. ﺧﺬﻳﺖ ﺍﺫﻥ ﺍﻧﺎ ﻧﺎﺯﻝ ﻧﺠﻴﺐ ﻭﺳﻦ
ﺍﻧﺎ .. ﺍﺻﺒﺮ ﻧﻘﺺ ﻟﻬﻠﻚ ﻣﻦ ﺗﻮﺭﺗﻪ ﻭﺍﺟﺪﻩ ﺷﻦ ﺑﻨﺪﻳﺮﻭ ﺑﻴﻬﺎ ﻭﻧﺤﻦ ﺍﺛﻨﻴﻦ ﺑﺲ
ﺍﻳﻬﻢ ﺻﺒﻰ .. ﺑﺎﻩ ﻗﺼﻲ ﻫﻲ ﻧﺮﺍﺟﻲ ﻓﻴﻚ
ﻗﺼﻴﺘﻠﻪ ﻭﻋﻄﻴﺘﻬﺎ ﻟﻪ ﻭﻧﺰﻝ ﻭﺍﻧﺎ ﻟﻤﻴﺖ ﺣﻮﺳﻪ ﻓﻄﻮﺭ ﻭﺧﺸﻴﺖ ﻏﻴﺮﺕ ﻟﺒﺴﺘﻲ ﻭﺭﻛﺐ ﺍﻳﻬﻢ
ﺍﻧﺎ ﺍﺑﺘﺴﻤﺖ .. ﻧﺠﻚ ﻟﻴﺎ ﺳﻤﺎﺣﺘﻲ ﺍﻧﺎ ﺗﻌﺎﻟﻲ ﻳﺎﺭﻭﺡ ﻣﺎﻣﺎ
ﺍﻳﻬﻢ ﺍﺑﺘﺴﻢ .. ﺗﻀﺤﻚ ﺑﺤﺘﻴﻠﻬﺎ ﻛﺎﻥ ﺷﻔﺘﻴﻬﺎ ﺑﻌﺪ ﺷﺎﻓﺘﻨﻲ ﻟﻮﻃﻪ ﻛﻴﻒ ﺗﻀﺤﻚ ﺑﻄﻴﺮ
ﺍﻧﺎ .. ﻧﺠﻴﻬﺎ ﻛﺒﺮﺕ ﻭﺗﻔﻬﻢ ﻗﻌﺪﺕ
ﺧﺬﻳﺘﻬﺎ ﻣﻨﻪ ﻭﻗﻌﺪﺕ ﺗﻜﺮﻟﻲ ﻑ ﺑﻠﻮﺯﺗﻲ ﻣﻦ ﻋﻨﺪ ﺻﺪﺭ
ﺍﻧﺎ .. ﻳﺎﻋﻤﺮﻱ ﺍﻧﺎ
ﻗﻌﺪﺕ ﻧﺮﺿﻊ ﻓﻴﻬﺎ ﻭﺍﻳﻬﻢ ﻓﺎﺗﺢ ﺍﻝ Tv ﻳﺘﻔﺮﺝ
ﺍﻧﺎ .. ﺍﻳﻬﻢ
ﺍﻳﻬﻢ .. ﻧﻌﻢ ﻛﻨﻚ
ﺍﻧﺎ .. ﻋﺎﺭﻑ ﺍﺩﻳﺮ ﻓﻴﺎ ﺧﻴﺮ ﻛﺎﻥ ﺗﺠﻴﺒﻨﺎ ﻏﺪﺍﺀ ﻣﻦ ﺑﺮﺍ
ﺍﻳﻬﻢ .. ﺑﺎﻩ ﺳﺎﻫﻠﻪ ﺗﻮﺍ ﻧﻄﻠﻊ ﻭﻻ ﺗﻄﻠﻌﻲ ﻣﻌﺎﻳﺎ ﻧﺘﻐﺪﻭ ﺑﺮﺍ
ﺍﻧﺎ .. ﻻ ﻻ ﺧﻠﻴﻨﻲ ﻑ ﺍﻟﺸﻘﻪ ﺍﺭﻳﺤﻠﻲ ﻣﻠﻴﺖ ﻣﻦ ﻃﻠﻮﻉ ﻣﻦ ﺭﺑﻌﻨﺖ ﻭﺍﻧﺎ ﻛﻤﻠﺘﻬﺎ ﻃﻠﻮﻉ ﺧﻠﻴﻨﻲ ﻧﺘﺮﻳﺢ ﻑ ﺷﻘﻪ
ﺍﻳﻬﻢ .. ﺑﺎﻩ ﻛﻴﻒ ﻣﺎﺗﺒﻲ
ﻃﻠﻊ ﺍﻳﻬﻢ ﻭﺟﺎﺑﻠﻨﺎ ﻏﺪﺍﺀ ﻣﻦ ﺑﺮﺍ ﻭﺗﻐﺪﻳﻨﺎ ﻭﻑ ﺍﻟﻌﺸﻴﻪ
ﺍﻧﺎ ﻧﻠﺒﺲ ﺟﺎﺀ ﺍﻳﻬﻢ ﺣﻀﻨﻲ ﻣﻦ ﻻﻭﺭﻩ .. ﺍﻳﻬﻢ ﻧﻠﺒﺲ ﺍﻣﺸﻲ ﺍﻣﺴﻚ ﻭﺳﻦ ﺗﻌﺾ ﻑ ﺍﻳﺪﻳﻬﺎ
ﺍﻳﻬﻢ ﺑﺼﻮﺕ ﻫﺎﺩﻱ .. ﻫﺪﻳﺘﻚ ﻣﺎﺗﺒﻴﻬﺶ
ﺍﻧﺎ ﺑﺮﻣﺖ ﻭﺍﺑﺘﺴﻤﺖ .. ﺷﻨﻮ ﻫﻴﺎ ﻭﺭﻳﻨﻲ
ﺍﻳﻬﻢ ﺑﺮﻡ ﻉ ﺳﺮﻳﺮ ﻭﻣﺴﻚ ﻛﻴﺲ ﻑ ﺍﻳﺪﻩ .. ﺷﻮﻓﻲ
ﺣﻠﻴﺘﻬﺎ ﻟﻘﻴﺘﻪ ﻋﻄﺮ is
ﺍﻧﺎ .. ﺣﻲ ﻋﻄﺮﻱ ﺍﻟﻲ ﻧﺤﺒﻪ
ﺍﻳﻬﻢ .. ﻗﺮﻳﺐ ﻳﻜﻤﻞ ﻣﺎﻧﺒﻴﻜﺶ ﺗﻐﻴﺮﻳﻪ ﺷﻮﻓﻲ ﺑﺎﻗﻲ ﺍﻟﻜﻴﺲ
ﻟﻘﻴﺘﻪ ﺳﺎﻋﻪ ﺣﻠﻮﻩ ﻭﺭﺍﻗﻴﻪ
ﺍﻳﻬﻢ .. ﻓﻲ ﻣﻨﻬﺎ ﻧﻮﻉ ﺭﺍﺟﻠﻲ ﺧﺬﻳﺖ ﻭﺣﺪﻩ ﺣﺘﻰ ﺍﻧﺎ
ﻭﺭﻧﻲ ﺍﻳﺪﻩ ﻭﺍﻧﺎ ﻟﺒﺴﺖ ﺍﻣﺘﺎﻋﻲ
ﺍﻧﺎ ﺍﺑﺘﺴﻤﺖ .. ﻣﺤﻼﻫﻦ ﻳﺎﺍﻳﻬﻢ ﻳﻬﺒﻠﻦ
ﺍﻳﻬﻢ .. ﻉ ﻣﻬﻢ ﻋﺠﺒﺎﺗﻚ
ﺍﻧﺎ .. ﺗﻬﺒﻞ ﺑﻜﻞ ﺳﻠﻤﻚ ﺟﻴﺎﺏ
ﺍﻳﻬﻢ .. ﺳﻠﻤﻚ ﻫﻴﺎ ﻧﻨﺰﻟﻮ
ﻟﻔﻴﺖ ﻭﺳﻦ ﺑﺎﻟﻔﻮﻃﻪ ﻭﻧﺰﻟﻨﺎ
ﺍﻳﻬﻢ .. ﻣﻨﻀﺮﻫﺎ ﻳﻀﺤﻚ ﻛﻴﻒ ﺗﻘﺼﻘﺺ
ﺍﻧﺎ .. ﺍﻫﺎ ﻣﻦ ﺗﻮﺍ ﺧﻄﻴﺮﻩ ﺍﻟﻔﺮﺧﻪ
ﺍﻳﻬﻢ .. ﺗﻔﻨﺺ ﻓﻴﻚ ﻛﺎﻧﻬﺎ ﻓﺎﻫﻤﻪ
ﺍﻧﺎ ﺑﺤﺘﺖ ﻓﻴﻬﺎ ﻭﺿﺤﻜﺖ .. ﻫﺎﺑﺎ ﻋﻠﻴﻚ ﺍﻧﺘﻲ
ﻧﺰﻟﻨﺎ ﻭﺧﺸﻴﻨﺎ ﺟﻮﺍ
ﺍﻧﺎ .. ﺍﻟﺴﻼﻡ ﻋﻠﻴﻜﻢ ﻳﺎ ﻋﺮﺏ
ﺳﻠﻴﻤﻪ ﻃﺎﻟﻌﻪ ﻣﻦ ﻛﻮﺟﻴﻨﻪ .. ﻭﻋﻠﻴﻜﻢ ﺍﻟﺴﻼﻡ ﺧﻴﺮﺍﺕ ﻛﻴﻒ ﺣﺎﻟﻚ
ﺍﻧﺎ .. ﺍﻟﺤﻤﺪﺍﻟﻠﻪ ﺷﻦ ﺩﺍﻳﺮﻩ ﻳﺎﺍﻋﻤﻴﻤﻪ
ﺳﻠﻴﻤﻪ .. ﺍﻟﺤﻤﺪﺍﻟﻞﻩ ﺗﻮﺍ ﻛﻨﺖ ﻧﺪﻳﺮ ﻑ ﺑﻴﺘﺰﺍ ﻣﻨﻴﺮ ﻳﺮﻳﺪﻫﺎ
ﺍﻧﺎ .. ﻳﻌﻄﻴﻚ ﺍﻟﺼﺤﻪ ﻭﻳﻦ ﺗﺴﻨﻴﻢ
ﺳﻠﻴﻤﻪ .. ﻣﺎﺷﻴﻪ ﻟﺼﺎﺣﺒﺘﻬﺎ
ﺍﻳﻬﻢ .. ﻣﻦ ﺷﺎﻟﻬﺎ
ﺳﻠﻴﻤﻪ .. ﻣﻨﻴﺮ
ﺍﻳﻬﻢ .. ﻏﺮﻳﺒﻪ ﻛﻴﻒ ﺭﺿﻰ
ﺳﻠﻴﻤﻪ .. ﻭﻋﺪﺍﺗﻪ ﺑﻜﻴﻜﻪ ﺑﻴﺶ ﻳﺸﻴﻠﻬﺎ
ﺍﻧﺎ ﺿﺤﻜﺖ .. ﻛﻞ ﺣﺎﺟﻪ ﺑﻤﻘﺎﺑﻞ ﻋﻨﺪﻩ
ﺳﻠﻴﻤﻪ .. ﺍﻫﺎ ﻻﺯﻡ ﻛﺎﻥ ﻫﺬﺍ ﻣﺎﻳﺼﻴﺮ ﺷﻲ
ﻣﻨﻴﺮ .. ﺍﻟﺴﻼﻡ ﻋﻠﻴﻜﻢ
ﺍﻳﻬﻢ .. ﺗﺬﻛﺮ ﺍﻟﺤﻘﻴﺮ ﻳﺠﻴﻚ ﻳﻄﻴﺮ
ﻣﻨﻴﺮ .. ﻣﻦ ﻛﺎﻥ ﻳﻘﺮﻡ ﻓﻴﺎ
ﺍﻧﺎ .. ﻣﺎﻓﻲ ﺣﺪ ﺟﺎﺀ ﺷﻮﺭﻙ ﻧﺤﻜﻮﺍ ﻋﻠﻴﻚ ﺑﺲ
ﻣﻨﻴﺮ ﺟﺎﺀ ﻗﻤﻌﺰ ﺗﻼ ﺍﻳﻬﻢ ﻭﻣﺴﻚ ﻭﺳﻦ .. ﻭﺷﻦ ﻧﺤﻜﻮﺍ ﺑﺎﻩ
ﺳﻠﻴﻤﻪ .. ﻗﺘﻠﻬﺎ ﻣﻨﻴﺮ ﻳﺒﻲ ﺑﻴﺘﺰﺍ ﺑﺲ
ﻣﻨﻴﺮ .. ﺍﻫﺎ ﺑﺎﻩ ﻛﻤﻠﺘﻴﻬﺎ
ﺍﻣﺠﺪ & ﺩﻧﻴﺎ .. ﺍﻟﺴﻞﺍﻡ ﻋﻠﻴﻜﻢ
ﻧﺤﻦ .. ﻭﻋﻠﻴﻜﻢ ﺍﻟﺴﻼﻡ
ﺳﻠﻴﻤﻪ .. ﺧﻴﺮﺍﺕ ﻳﺎﻋﻴﻦ ﻗﺎﺑﻠﺖ ﻭﻳﻨﻚ
ﺩﻧﻴﺎ ﺍﺑﺘﺴﻤﺖ .. ﺣﻮﺳﻪ ﺍﻟﻔﺮﺡ ﻭﺗﻌﺐ
ﺳﻠﻴﻤﻪ .. ﺭﺑﻲ ﻳﻨﻮﺿﻚ ﻉ ﺧﻴﺮ
ﺩﻧﻴﺎ .. ﻛﻴﻒ ﺣﺎﻟﻚ ﻳﺎﻣﻴﺲ
ﺍﻧﺎ ﺍﺑﺘﺴﻤﺖ .. ﺍﻟﺤﻤﺪﺍﻝﻟﻪ ﺍﻧﺘﻲ ﺷﻦ ﺩﺍﻳﺮﻩ ﻣﻊ ﺗﻌﺐ
ﺩﻧﻴﺎ .. ﻳﻴﻴﻲ ﻭﺍﻟﻠﻪ ﻣﺎﻧﺤﻜﻴﻠﻚ ﺗﻌﺐ ﻟﻴﻪ ﻟﻴﻪ
ﺍﻧﺎ ﺟﺎﻧﻲ ﺍﻋﻠﻴﻮﻩ ﻣﺎﺳﻚ ﻑ ﻛﺮﺍﻋﻲ ﺭﻓﻌﺘﻪ ﻭﻗﻤﻌﺰ ﻋﻨﺪﻱ .. ﺍﻫﺎ ﻳﺎﺧﻴﻪ ﻭﺍﻋﺮ ﺗﻌﺐ
ﺳﻠﻴﻤﻪ ﺻﺒﺖ
ﺍﻧﺎ ﺻﺒﻴﺖ ﻭﺣﻄﻴﺖ ﺍﻋﻠﻴﻮﻩ .. ﻣﻌﺶ ﺗﻜﻤﻠﻲ ﻳﺎﺍﻋﻤﻴﻤﻪ ﻭﺍﻟﻠﻪ ﺗﻮﺍ ﻧﺨﺶ ﺍﻧﺎ
ﺳﻠﻴﻤﻪ .. ﺗﻮﺍ ﻧﺨﺸﻮ ﻣﻊ ﺑﻌﻀﻨﺎ
ﺍﻧﺎ .. ﻭﺍﻟﻠﻪ ﻣﺎﻫﻲ ﺻﺎﻳﺮﻩ ﺗﻮﺍ ﻧﺨﺶ ﺑﺮﻭﺣﻲ ﺭﻳﺖ ﻫﺎﻟﺤﺎﺟﻪ ﺍﻟﻜﺒﻴﺮﻩ ﺍﻟﻲ ﻧﺒﻲ ﻧﺪﻳﺮﻫﺎ
ﺳﻠﻴﻤﻪ .. ﺣﺘﻰ ﺍﻧﺘﻲ ﻃﺎﻟﻌﻪ ﻣﻦ ﺗﻌﺐ ﻋﻠﻴﺶ ﺗﻬﻠﻜﻲ ﻑ ﺭﻭﺣﻚ
ﺍﻧﺎ .. ﻣﺎﻓﻴﻬﺎ ﺗﻌﺐ ﻋﺎﺩﻱ
ﺧﺸﻴﺖ ﻟﻜﻮﺟﻴﻨﻪ ﻭﺧﺸﺖ ﻣﻌﺎﻳﺎ ﺭﺗﺎﺝ ﺗﺴﺎﻋﺪ ﻓﻴﺎ
ﺍﻧﺎ .. ﺗﻮﺟﺎ ﺣﻄﻲ ﻓﻨﺎﺟﻴﻞ ﻫﻜﻲ
ﺭﺗﺎﺝ .. ﻫﻜﻲ ﻳﻌﻨﻲ
ﺍﻧﺎ .. ﺍﻳﻮﺍﻩ ﺷﺎﻃﺮﻩ ﺗﺒﻲ ﻧﺪﻳﺮﻟﻚ ﻛﺎﻛﻮ
ﺭﺗﺎﺝ .. ﻋﺎﺩﻱ
ﺍﻧﺎ .. ﻧﺠﻚ ﻟﻴﺎ ﻋﺎﺩﻱ ﺍﻫﺎ ﺗﻮﺍ ﻧﺪﻳﺮ ﻧﺸﺮﺏ ﺍﻧﺎ ﻭﻳﺎﻙ ﻣﺎﻧﺒﻴﺶ ﻗﻬﻮﻩ
ﺭﺗﺎﺝ ﺍﺑﺘﺴﻤﺖ .. ﺑﺎﻩ ﺗﻤﺎﻡ
ﺻﺒﻴﺖ ﻗﻬﻮﻩ ﻭﺣﻄﻴﺖ ﻣﻌﺎﻫﺎ ﺑﺸﻜﻮﻁ ﻭﺩﺭﺕ ﻛﺎﻛﻮ ﻟﻴﺎ ﻭﻟﺮﺗﺎﺝ ﻭﻃﻠﻌﺖ
ﺳﻠﻴﻤﻪ .. ﺑﺎﻩ ﺧﻠﻴﻨﻲ ﻧﻜﻤﻞ ﺍﻟﺒﻴﺘﺰﺍ ﺷﻜﻠﻬﻢ ﺟﻮﺍﻋﻪ
ﺍﻧﺎ .. ﺧﻠﻴﻬﺎ ﺧﻼﺹ ﺗﻮﺍ ﻧﻜﻤﻠﻬﺎ ﻭﻧﺪﻳﺮ ﻣﻌﺎﻫﺎ ﻗﻼﻳﻪ ﻛﺎﻥ ﻓﻲ ﻗﻠﺐ ﻭﻟﺤﻢ
ﺳﻠﻴﻤﻪ .. ﻓﻲ ﻛﻞ ﺍﻟﺨﻴﺮ ﺑﺎﻩ ﻧﺨﺸﻮ ﻧﻬﺪﺭﺯﻭ ﺗﻼﻙ
ﺍﻧﺎ .. ﻋﺎﺩﻱ ﺑﺎﻩ ﺑﺲ ﺍﻧﺎ ﻧﻄﻴﺐ
ﺳﻠﻴﻤﻪ .. ﺑﺎﻩ ﻉ ﺭﺍﺣﺘﻚ
ﺧﺸﻦ ﻣﻌﺎﻳﺎ ﻭﺍﻧﺎ ﻛﻤﻠﺖ ﺑﻴﺘﺰﺍ ﻛﺎﻥ ﻣﺰﺍﻝ ﻃﺎﺟﻴﻨﻴﻦ ﺣﻄﻴﺘﻬﻦ ﻑ ﺍﻟﻜﻮﺷﻪ ﻭﺑﺪﻳﺖ ﻑ ﻗﻼﻳﺎ
ﺳﻠﻴﻤﻪ .. ﺑﺎﻩ ﻧﺪﻳﺮ ﺧﺒﺰﻩ ﺣﻮﺵ ﺳﻤﺤﻪ ﻣﻊ ﺍﻟﻘﻼﻳﻪ
ﺩﻧﻴﺎ .. ﺍﻟﻠﻪ ﻳﺎﺍﻋﻤﻴﻤﻪ ﻳﺎﺭﻳﺖ ﻭﺍﻟﻠﻪ
ﺳﻠﻴﻤﻪ .. ﺧﺎﻃﺮﻙ ﻓﻴﻬﺎ
ﺩﻧﻴﺎ .. ﺗﻌﺮﻓﻲ ﻟﻴﺎ ﻭﺍﺟﺪ ﺧﺎﻃﺮﻱ ﻑ ﺧﺒﺰﺗﻚ ﺑﺲ ﻣﺘﺤﺸﻤﻪ
ﺳﻠﻴﻤﻪ .. ﻳﻨﻌﻠﻴﺎ ﻭﻛﻨﻚ ﻣﺎ ﺗﺤﻜﻲ ﺗﺠﻲ ﻑ ﺑﻴﺒﻲ
ﺍﻧﺎ .. ﻋﺎﺩﻱ ﻳﺎﺑﺘﻲ ﻫﺬﻱ ﺣﺎﺟﻪ ﻣﻦ ﺭﺑﻲ ﺑﻌﺪﻳﻦ ﺍﻋﻤﻴﻤﻪ ﻋﺴﻞ ﻣﺘﻔﻬﻤﻪ ﻣﺶ ﻑ ﻭﺟﻚ ﻳﺎﺍﻋﻤﻴﻤﻪ ﺑﺲ ﻣﺸﺎﺀ ﺍﻟﻠﻪ ﻋﻠﻴﻚ
ﺳﻠﻴﻤﻪ .. ﺳﻠﻤﻚ ﻭﺍﻧﺘﻦ ﻣﺸﺎﺀﺍﻟﻠﻪ ﻋﻠﻴﻜﻦ ﺑﻨﺎﺕ ﺍﺻﻞ ﻣﻦ ﺟﻴﺘﻦ ﻣﺎﺷﻔﻨﺎ ﻣﻨﻜﻦ ﺣﺎﺟﻪ ﺷﻴﻨﻪ
ﺩﻧﻴﺎ .. ﺗﺴﻠﻤﻴﻠﻲ ﻳﺎﺍﻋﻤﻴﻤﻪ
ﺳﻠﻴﻤﻪ .. ﺗﻮﺍ ﻧﺪﻳﺮﻫﺎ ﺑﺎﻟﺰﺍﻳﺪ ﻭﺧﻮﺫﻳﻬﺎ
ﺩﻧﻴﺎ .. ﺗﺴﻠﻤﻲ ﻳﺎﺍﻋﻤﻴﻤﻪ ﻧﺘﻌﺒﻚ ﻣﻌﺎﻳﺎ
ﺳﻠﻴﻤﻪ .. ﻣﺎﻓﻴﻬﺎ ﺗﻌﺐ ﺍﻧﺎ ﻋﺎﺟﻨﻪ ﻋﺎﺟﻨﻪ
ﺍﻧﺎ ﻗﻌﺪﺕ ﻧﺪﻳﺮ ﻑ ﻗﻼﻳﺎ ﻭﺍﻋﻤﻴﻤﻪ ﺗﻌﺠﻦ ﻭﺩﻧﻴﺎ ﺗﻨﻀﻢ ﻑ ﺻﻔﺮ
ﺳﻠﻴﻤﻪ .. ﺟﻴﺒﺘﻚ ﻑ ﻫﺎﻟﻴﻮﻣﻴﻦ
ﺩﻧﻴﺎ .. ﻛﻴﻒ ﻋﺮﻓﺘﻲ
ﺳﻠﻴﻤﻪ .. ﺑﻄﻨﻚ ﻧﺎﺯﻟﻪ ﻭﺍﺟﺪ ﻭﺍﺿﺤﻪ ﺣﺘﻰ ﻣﻴﺲ ﻑ ﺍﻟﻌﻴﺪ ﻋﺮﻓﺘﻬﺎ ﻏﻴﺮ ﻋﺮﻓﺘﻬﺎ ﺻﻐﻴﺮﻩ ﻭﺑﻜﺮﻳﻪ ﺗﻮﺍ ﺗﺨﺎﻑ
ﺍﻧﺎ .. ﻳﻨﻌﻠﻴﺎ ﻣﻮﻋﺮﻫﺎ ﻣﺴﺘﺤﻴﻞ ﻧﻨﺴﺎﻫﺎ ﻭﺍﻧﺎ ﻣﺶ ﻻﻗﻴﻪ ﺟﻬﺪ ﻗﺮﻳﺐ ﺧﻨﻘﺘﻬﺎ ﻻ ﺳﻤﺢ ﺍﻟﻠﻪ ﺗﻄﻠﻊ ﻋﻠﻴﻬﻢ ﺭﺃﺱ ﺑﻨﺖ ﺑﻌﺪﻫﺎ ﻧﺮﺧﻲ
ﺳﻠﻴﻤﻪ .. ﺭﺑﻲ ﻧﻮﺿﻚ ﻃﻴﺒﻪ ﻳﺎﺧﻴﻪ ﻏﻴﺮ ﺑﻜﺮﻳﻪ ﺍﻧﺘﻲ
ﺍﻧﺎ .. ﺍﻫﺎ
ﺳﻠﻴﻤﻪ .. ﺗﻮﺍ ﻑ ﺑﻄﻦ ﻷﺧﺮﻯ ﺗﻌﻮﺩﻱ
ﺍﻧﺎ .. ﻳﻨﻌﻠﻴﺎ ﻣﺰﺍﻝ ﺑﺪﺭﻱ
ﺩﻧﻴﺎ ﺿﺤﻜﺖ .. ﻣﺰﺍﻟﺘﻲ ﺻﻐﻴﺮﻩ ﻋﻴﺸﻲ ﺣﻴﺎﺗﻚ ﻣﻊ ﺍﻳﻬﻢ
ﺍﻧﺎ ﺍﺑﺘﺴﻤﺖ .. ﺍﻥ ﺷﺎﺀ ﺍﻟﻠﻪ
ﺳﻠﻴﻤﻪ .. ﺭﺑﻲ ﻳﺤﻔﻈﻜﻢ ﺍﻥ ﺷﺎﺀ ﺍﻟﻠﻪ
ﺍﻳﻬﻢ ﺧﺎﺵ ﻟﻜﻮﺟﺒﻨﻪ ﻭﻣﻨﻴﺮ ﻭﺗﺴﻨﻴﻢ ﻭﺍﻣﺠﺪ ﻭﺭﺍﻩ .. ﻳﺎﺭﺑﻲ ﻧﺠﻴﻪ ﻳﺎﺭﺑﻲ ﻧﺠﻴﻪ ﻳﺎﺭﺑﻲ ﻧﺠﻴﻪ ﺍﻟﻲ ﻳﺸﻮﻓﻪ ﻳﺤﺴﺪﻧﻲ ﻓﻴﻪ ﺣﺒﻴﺒﻲ ﻳﺎﺭﺑﻲ ﻧﺠﻴﻪ ﺣﺒﻴﺒﻲ ﻳﺎﺭﺑﻲ ﻧﺠﻴﻪ ﺣﺒﻴﺒﻲ
ﻣﻨﻴﺮ .. ﺭﺑﻲ ﺗﺮﻋﺎﻩ ﺍﻟﻲ ﻧﺤﺒﻪ ﻣﻮﺕ ﻭﻧﻬﻮﺍﻩ ﻏﻼ ﻋﻤﺮﻱ ﻣﺎﻧﻌﻴﺶ ﺑﻼﻩ ﻋﻤﺮﻱ ﻛﻠﻪ ﻣﻠﻜﻪ ﻭﻟﻴﻪ ﺣﺒﻴﺒﻲ
ﺗﺴﻨﻴﻢ .. ﻛﻨﻜﻢ ﺑﺴﻢ ﺍﻟﻠﻪ
ﺍﻳﻬﻢ ﻳﺒﺤﺖ ﻓﻴﺎ ﻭﻣﺒﺘﺴﻢ .. ﻳﺎﺭﺑﻲ ﺍﻟﻌﺎﻟﻲ ﻣﺎﺗﺤﺮﻡ ﻣﻨﺎ ﺍﻟﻐﺎﻟﻲ ﻫﻮ ﺿﻲ ﻋﻴﻮﻧﻲ ﻭﺩﻻﻟﻲ ﻣﺎﻟﺤﺴﺎﺩ ﻧﺨﺎﻑ ﻋﻠﻴﻪ
ﻣﻨﻴﺮ .. ﺗﻲ ﺍﻭﻛﻲ ﻋﺮﻓﻨﺎﻙ ﺗﻐﻨﻴﻠﻬﺎ
ﺩﻧﻴﺎ ﺗﻀﺤﻚ .. ﺧﻠﻴﻬﻢ ﻣﺰﺍﻟﻮ ﻋﺮﺳﺎﻥ ﺭﺍﻩ
ﻣﻨﻴﺮ .. ﺗﻲ ﻋﺮﺳﺎﻥ ﻭﺫﻧﻲ ﺻﻜﺮﻭ ﺳﻨﻪ ﺷﻨﻮ ﻫﺎﻟﺘﻌﺮﻳﺴﻪ
ﺗﺴﻨﻴﻢ .. ﺗﻮﺍ ﺑﻴﻜﺴﺪ ﻋﻠﻴﻜﻢ ﻋﺪﻱ ﻳﺎﻣﻨﻴﺮ ﻣﺮﻳﻢ ﺗﺒﻴﻚ
ﻣﻨﻴﺮ .. ﺟﺪ
ﺗﺴﻨﻴﻢ .. ﻭ ﺍﻟﻠﻪ ﻋﺪﻱ
ﺍﻧﺎ ﻓﻨﺼﺖ ﻑ ﺍﻳﻬﻢ .. ﺍﻃﻠﻊ ﺧﻼﺹ ﻗﺮﻳﺐ ﻧﻜﻤﻞ
ﺍﻳﻬﻢ .. ﻛﻨﻜﻢ ﺗﻌﺒﻮ ﻑ ﻣﺮﺍﺗﻲ
ﺍﻧﺎ .. ﺍﻳﻴﻴﻴﻬﻢ
ﺍﻳﻬﻢ ﻳﻀﺤﻚ .. ﺑﺎﻫﻲ
ﺍﻣﺠﺪ .. ﻳﺪﺍﻓﻊ ﻋﻠﻴﻚ ﺷﻔﺘﻴﻪ
ﺍﻧﺎ ﺿﺤﻜﺖ .. ﻭﺳﻦ ﺗﺒﻜﻲ ﻋﺪﻱ
ﻃﻠﻌﻮ ﻭﻧﺤﻦ ﺷﻮﻳﺎ ﻭﺣﻄﻴﻨﺎ ﺍﻟﻌﺸﺎﺀ
ﻣﻨﻴﺮ .. ﺗﺴﻠﻢ ﺍﻳﺪﻳﻚ
ﺍﻧﺎ .. ﺻﺤﻪ
ﺍﻣﺠﺪ .. ﻣﻨﻮﺭﻩ ﺣﺎﺭﻩ ﺗﺸﻠﻂ
ﺍﻧﺎ ﺿﺤﻜﺖ .. ﻉ ﻣﻬﻢ ﻋﺠﺒﺎﺗﻚ
ﺍﻣﺠﺪ .. ﺗﻲ ﻗﻨﺎﻟﻚ ﻣﻨﻮﺭﻩ ﻋﺎﺩ ﻣﺶ ﻏﻨﺎﻭﻩ ﻫﻴﺎ
ﺍﻳﻬﻢ .. ﺍﻭﻳﻲ ﺍﻭﻳﻲ ﻣﺮﺍﺗﻲ ﺗﺎﻋﺒﻪ ﻗﻮﻟﻮ ﻛﻠﻤﻪ ﻣﺴﻘﻤﻪ
ﺍﻧﺎ ﻧﻔﻨﺺ ﻓﻴﻪ .. ﺍﻳﻴﻴﻬﻢ ﺳﺎﺩﻙ ﺣﻨﺎﻃﻪ
ﺍﻳﻬﻢ ﻳﻀﺤﻚ ﻭﻳﺄﻛﻞ .. ﺗﺴﻠﻢ ﺍﻳﺪﻳﻚ
ﺍﻧﺎ ﺍﺑﺘﺴﻤﺖ .. ﺻﺤﻪ ﻭﻋﺎﻓﻴﻪ
ﺩﻧﻴﺎ .. ﺳﻠﻤﻚ ﻃﻴﺎﺑﻪ ﺗﻤﺴﺢ ﻉ ﺍﻟﻜﺒﺪ
ﺍﻧﺎ .. ﺻﺤﻪ
ﺗﺴﻨﻴﻢ .. ﺗﻬﺒﻞ ﺑﻜﻞ ﻳﻨﻌﻠﻴﺎ ﻧﺤﺒﻬﺎ ﺑﻜﻞ ﺍﻟﻘﻼﻳﻪ
ﺳﻠﻴﻤﻪ .. ﺍﻣﻚ ﻣﻌﻠﻤﺘﻚ
ﺍﻧﺎ ﺍﺑﺘﺴﻤﺖ .. ﺍﻫﺎ ﻣﺎﻣﺎ
ﺳﻠﻴﻤﻪ .. ﻣﺸﺎﺀﺍﻟﻠﻪ ﺳﻠﻤﻬﺎ ﺭﺑﺎﻳﻪ
ﺍﻧﺎ ﺍﺑﺘﺴﻤﺖ .. ﺗﺴﻠﻤﻲ ﻳﺎﺍﻋﻤﻴﻤﻪ
ﺗﻐﺪﻳﻨﺎ ﻭﺧﺸﺖ ﺗﺴﻨﻴﻢ ﻏﺴﻠﺖ ﻣﻮﺍﻋﻴﻦ ﻭﺩﻧﻴﺎ ﺗﺴﺎﻋﺪ ﻓﻴﻬﺎ ﺷﻮﻳﺎ ﻭﻑ ﻟﻴﺎ ﺭﻛﺒﻨﺎ ﻛﻞ ﺣﺪ ﻟﺸﻘﺘﻪ "
" ﺍﻟﻴﻮﻡ ﺛﺎﻧﻲ ..
ﻣﺤﻤﺪ .. ﻛﻨﻚ ﻓﻲ ﺣﺎﺟﻪ
ﺭﺷﺎ .. ﻻ ﻻ ﺷﻲ
ﻣﺤﻤﺪ .. ﻛﻨﻚ ﻭﺟﻚ ﺍﺻﻔﺮ ﻧﺸﻴﻠﻚ ﻟﻤﺴﺘﺸﻔﻰ
ﺭﺷﺎ .. ﻻﻻ ﻏﻴﺮ ﻋﺪﻱ ﻟﺸﻐﻠﻚ ﺍﻧﺎ ﻧﺒﻲ ﻧﻔﻄﺮ ﺑﺲ ﻫﺬﺍ ﻟﻴﺶ
ﻣﺤﻤﺪ .. ﺑﺎﻩ ﺗﻤﺎﻡ ﻛﺎﻥ ﺣﺴﻴﺘﻲ ﺑﺤﺎﺟﻪ ﻛﻠﻤﻴﻨﻲ
ﺭﺷﺎ .. ﺣﺎﺿﺮ
ﻟﺒﺲ ﺟﺎﻛﺘﻪ ﻭﻳﺒﺤﺖ ﻓﻴﻬﺎ
ﻣﺤﻤﺪ .. ﻣﺶ ﻫﺎﻳﻦ ﻋﻠﻴﺎ ﻧﻌﺪﻱ ﻭﻧﺴﻴﺒﻚ ﻭﺟﻚ ﺯﻱ ﻟﻴﻤﻪ ﺑﻜﻞ
ﺭﺷﺎ ﺑﺎﺳﺘﻪ ﻉ ﺧﺪﻩ .. ﻋﺪﻱ ﺧﻼﺹ ﺍﻧﺎ ﺟﻮﻱ ﺗﻤﺎﻡ
ﻣﺤﻤﺪ ﺭﺩ ﺑﺎﺳﻬﺎ .. ﺑﺎﻩ ﺗﻮﺍ ﻧﺮﻥ ﻋﻠﻴﻚ ﺑﻌﺪﻳﻦ
ﺭﺷﺎ ﺍﺑﺘﺴﻤﺖ .. ﺑﺎﻩ ﻋﺪﻱ ﺣﺒﻴﺒﻲ
ﻋﺪﺍ ﻣﺤﻤﺪ ﻭ ﻫﻴﺎ ﻣﺸﺖ ﻟﺮﻭﺷﻦ ﺭﺍﺟﺎﺗﻪ ﻟﻴﻦ ﺭﻛﺐ ﺳﻴﺎﺭﺗﻪ ﻭﻋﺪﺍ ﻭﻫﻴﺎ ﻧﺰﻟﺖ
ﺩﻗﺖ ﻉ ﺑﺎﺏ ﻭﻓﺘﺤﺖ ﻣﺮﻳﻢ
ﺭﺷﺎ .. ﺧﻴﺮﺍﺕ ﺷﻦ ﺟﻮ
ﻣﺮﻳﻢ .. ﺗﻤﺎﻡ ﺷﻨﺠﻮﻙ ﺍﻧﺘﻲ
ﺭﺷﺎ .. ﻛﻮﻳﺴﻪ ﺍﻟﺤﻤﺪﺍﻟﻠﻪ ﻧﺒﻲ ﺧﺪﻣﻪ
ﻣﺮﻳﻢ .. ﺷﻨﻮ ﺗﻔﻀﻠﻲ
ﺭﺷﺎ .. ﻣﻦ ﺍﻣﺲ ﻭﺍﻧﺎ ﻧﺪﻭﺥ ﺷﺎﻛﻪ ﻑ ﺭﻭﺣﻲ ﺣﺎﻣﻞ ﻧﺒﻲ ﺍﺧﺘﺒﺎﺭ ﺣﻤﻞ
ﻣﺮﻳﻢ ﺍﺑﺘﺴﻤﺖ .. ﻧﺠﻚ ﻟﻴﺎ ﻳﺎﺍﺍﺍﺧﻴﻪ ﺍﻥ ﺷﺎﺀ ﺍﻟﻠﻪ ﻳﺎﺭﺑﻲ
ﺭﺷﺎ ﺍﺑﺘﺴﻤﺖ .. ﺍﻥ ﺷﺎﺀ ﺍﻟﻠﻪ ﻳﺎﺭﺏ ﺑﺲ ﻣﺎﻧﺒﻴﺶ ﻣﺤﻤﺪ ﻳﻌﺮﻑ ﺧﺎﻳﻔﺘﻪ ﻳﻔﺮﺡ ﻭﻳﻄﻠﻊ ﻣﺎﻓﻴﺶ ﺣﻤﻞ
ﻣﺮﻳﻢ .. ﺗﻮﺍ ﻧﻘﻮﻝ ﻟﻤﺎﻣﺎ ﺗﻌﺪﻱ ﺗﺠﻴﺒﻠﻚ
ﺭﺷﺎ .. ﺧﺎﻳﻔﺘﻬﺎ ﺗﻘﻮﻟﻪ ﻣﺎﺗﻤﺴﻜﺶ ﺭﻭﺣﻬﺎ
ﻣﺮﻳﻢ .. ﺗﻮﺍ ﻧﻘﻮﻝ ﻟﻲ ﺑﺸﺮﻯ ﻉ ﺳﺎﺱ ﺗﺒﻲ ﺣﺎﺟﻪ
ﺭﺷﺎ .. ﺍﻟﻠﻪ ﻳﺮﺑﺤﻚ
ﻣﺮﻳﻢ .. ﺗﻮﺍ ﻫﺎﻟﻮﻗﺘﻲ ﺗﻮﺍ ﻧﺮﻛﺐ ﻧﻘﻮﻟﻠﻬﺎ
ﺭﺷﺎ .. ﻧﺠﻚ ﻟﻴﺎ ﺍﻧﺎ ﺭﺍﻛﺒﻪ
ﻣﺮﻳﻢ .. ﺑﺎﻩ ﺗﻮﺍ ﻧﺮﻛﺒﻪ ﻟﻜﻲ
ﺭﺷﺎ .. ﺑﺎﻩ ﺷﻜﺮﺍً
ﻣﺮﻳﻢ .. ﻣﺶ ﺑﻴﻨﺎ ﻋﺎﺩﻱ
ﺭﻛﺒﺖ ﺭﺷﺎ ﻭﻗﻌﺪﺕ ﺗﺮﺍﺟﻲ ﻉ ﻧﺎﺭ "
" ﺳﻔﻴﺎﻥ .. ﻭﻳﻨﻚ ﺍﻧﺘﻲ
ﺭﺣﺎﺏ .. ﻛﻨﻚ ﺳﻔﻴﺎﻥ ﺍﻟﻲ ﻻﺑﺴﻪ ﻣﻮﻑ ﺍﻧﺎ
ﺳﻔﻴﺎﻥ .. ﺍﻫﺎ ﻟﻤﺤﺘﻚ ﺗﻮﺍ ﻣﺶ ﺣﻨﻄﻮﻝ ﻧﻌﻄﻴﻚ ﺍﻟﺤﺎﺟﻪ ﻭﻣﺎﺷﻲ
ﺭﺣﺎﺏ .. ﺗﻲ ﺷﻨﻮ ﻫﻴﺎ
ﺳﻔﻴﺎﻥ .. ﺣﺎﺟﻪ ﻭﺧﻼﺹ ﺻﻜﺮﻱ ﻭﺻﻠﺖ ﻓﻴﻚ
ﺻﻜﺮ ﻭﻗﺮﺏ ﻣﻨﻬﺎ ﺳﻠﻢ
ﺭﺣﺎﺏ ﻣﺒﺘﺴﻤﻪ .. ﺷﻨﺠﻮ
ﺳﻔﻴﺎﻥ ﻳﺒﺤﺖ ﻓﻴﻬﺎ .. ﺗﻤﺎﻡ ﺍﻟﺤﻤﺪﺍﻟﻠﻪ ﻣﺎﻧﺒﻴﺶ ﻧﻄﻮﻝ ﻧﺨﺎﻑ ﻧﺪﻳﺮﻟﻚ ﺷﺒﻬﺎ ﻭﺟﻮ
ﺭﺣﺎﺏ .. ﺍﻫﺎ ﺍﺻﻼً ﺣﺘﻰ ﻋﺰﻭ ﻗﺮﻳﺐ ﻳﻮﺻﻞ
ﻃﻠﻊ ﻣﻦ ﺟﻴﺒﻪ ﺻﻨﺪﻭﻕ
ﺭﺣﺎﺏ .. ﺷﻨﻮ ﻓﻴﻪ
ﺳﻔﻴﺎﻥ .. ﻑ ﺍﻟﺤﻮﺵ ﺣﻠﻴﻪ ﺗﻤﺎﻡ
ﺭﺣﺎﺏ .. ﺗﺸﻮﻗﺖ ﻧﻌﺮﻑ
ﺳﻔﻴﺎﻥ .. ﻗﺖ ...
ﺭﻥ ﻣﻮﺑﺎﻳﻞ ﺭﺣﺎﺏ
ﺭﺣﺎﺏ .. ﺷﻮﻳﺎ ﺣﺒﻴﺒﻲ
ﺳﻔﻴﺎﻥ ﻫﺰ ﺭﺍﺳﻪ ﻭﺭﺣﺎﺏ ﺭﺩﺕ
ﺭﺣﺎﺏ .. ﺷﻮﻳﺎ ﻋﺰﻭ ﺩﻗﻴﻘﺘﻴﻦ ﻭﻃﺎﻟﻌﻪ
ﻋﺰﻭ .. ﺗﻤﺎﻡ ﻧﺮﺍﺟﻲ ﻓﻴﻚ
ﺻﻜﺮﺕ ﻣﻨﻪ ﻭﺑﺤﺘﺖ ﻑ ﺳﻔﻴﺎﻥ
ﺭﺣﺎﺏ .. ﻛﻨﻚ ﺣﺒﻴﺒﻲ ﺟﻮﻙ ﺷﻴﻦ
ﺳﻔﻴﺎﻥ ﺗﻨﻬﺪ .. ﻣﺸﻌﺎﺭﻑ ﺑﺲ ﻓﻮﺗﻲ ﻉ ﻣﻬﻢ ﺍﻧﺘﻲ ﻣﻌﺎﻳﺎ ﺍﻧﺎ ﻣﻌﺶ ﻳﻬﻤﻨﻲ ﻛﻼﻡ ﺍﻟﻨﺎﺱ ﻛﻠﻪ ﻑ ﺳﺎﺱ
ﺭﺣﺎﺏ .. ﻟﻴﺶ ﺷﻦ ﺳﺎﻣﻊ
ﺳﻔﻴﺎﻥ .. ﻣﺎﺳﺎﻣﻊ ﺷﻲ ﺑﺲ ﺍﻫﻮ ﻧﺤﻜﻴﻠﻚ ﻋﺪﻱ ﺧﻼﺹ ﻋﺰﻭ ﻳﺮﺍﺟﻲ
ﺭﺣﺎﺏ ﺍﺑﺘﺴﻤﺖ .. ﻧﺤﺒﻚ
ﺳﻔﻴﺎﻥ ﺍﺑﺘﺴﻢ ﺑﺸﻮﻳﺎ .. ﺣﺘﻰ ﺍﻧﺎ
ﻃﻠﻌﺖ ﺭﺣﺎﺏ ﻭﺭﻛﺒﺖ ﻑ ﺳﻴﺎﺭﻩ
ﻋﺰﻭ .. ﻃﻮﻟﺘﻲ
ﺭﺣﺎﺏ .. ﻣﻌﻠﻴﺶ ﺑﺲ ﻛﻨﺎ ﻧﺴﺎﻟﻮ ﻑ ﺍﺳﺘﺎﺫ ﻉ ﺣﺎﺟﻪ
ﻋﺰﻭ .. ﺑﺎﻩ ﺣﺼﻞ ﺧﻴﺮ
ﻃﻠﻊ ﻋﺰﻭ ﻭﺻﻠﻬﺎ ﻟﺤﻮﺵ ﻭﺭﺣﺎﺏ ﺧﺸﺖ
ﺭﺣﺎﺏ .. ﺧﻴﺮ ﻳﺎﻣﺎﻣﺎ
ﻣﺎﻣﺎ .. ﻭﻳﻨﻚ ﻳﺎﻣﺎﻣﺎ ﻃﻮﻟﺘﻲ ﻋﻠﻴﺎ ﻗﻌﺪﺕ ﻣﻜﺴﺪﻩ ﺑﺮﻭﺣﻲ
ﺭﺣﺎﺏ .. ﻭﺍﻟﻠﻪ ﺍﺳﺘﺎﺫ ﻃﻮﻝ ﺑﻴﻨﺎ ﻭﺯﺣﻤﻪ ﻃﺮﻳﻖ ﻛﺎﻥ ﺗﺒﻲ ﻣﻌﺶ ﻧﻌﺪﻱ ﺧﻼﺹ
ﻣﺎﻣﺎ .. ﻻ ﻻ ﻧﺒﻴﻚ ﺗﺴﺘﻔﺎﺩﻱ ﺑﺲ ﻓﻀﻰ ﻋﻠﻴﺎ ﺍﻟﺤﻮﺵ
ﺭﺣﺎﺏ ﺍﺑﺘﺴﻤﺖ ﻭﺟﺖ ﺣﻀﻨﺖ ﻣﺎﻣﺎ ﻣﻦ ﻻﻭﺭﻩ .. ﺭﺑﻲ ﻳﻬﻨﻴﻬﻢ ﻭﻳﻦ ﻋﺪﻳﻨﺎ ﺍﻧﺎ ﻭﻋﺰﻭ ﻭﻋﻼﺀ
ﻣﺎﻣﺎ .. ﺍﻣﻴﻦ ﻳﺎﺭﺏ ﺑﺲ ﻛﻞ ﺣﺪ ﻭﻣﻜﺎﻧﺘﻪ ﻋﺎﺩ
ﺭﺣﺎﺏ .. ﺭﺑﻲ ﻳﺨﻠﻴﻚ ﻟﻨﺎ
ﻣﺎﻣﺎ .. ﻋﺪﻱ ﻏﻴﺮﻱ ﻭﺗﻌﺎﻟﻲ ﻫﺪﺭﺯﻳﻠﻲ ﺟﺎﻛﻲ ﺳﻔﻴﺎﻥ ﻏﺎﺩﻱ
ﺭﺣﺎﺏ ﺍﺑﺘﺴﻤﺖ .. ﺍﻫﺎ ﺟﺎﺀ ﺭﺍﺟﻴﻨﻲ ﻧﻐﻴﺮ ﺩﺑﺸﻲ ﻭﻧﺠﻲ ﻧﻬﺪﺭﺯﻭ
ﺧﺸﺖ ﺭﺣﺎﺏ ﻟﺪﺍﺭ ﻭﻃﻠﻌﺖ ﺻﻨﺪﻭﻕ ﻭﻓﺘﺤﺎﺗﻪ ﻛﺎﻥ ﻣﻌﺒﻲ ﺻﻮﺭ ﻭﻛﺎﻧﻦ ﺻﻮﺭﻫﺎ ﻗﻌﺪﺕ ﺗﻔﺮﺝ ﻋﻠﻴﻬﻦ ﺑﺴﺘﻐﺮﺍﺏ ﻭﻫﻴﺎ ﺗﻔﺮﺝ ﺭﻥ ﻋﻠﻴﻬﺎ ﺳﻔﻴﺎﻥ
ﺭﺣﺎﺏ .. ﺍﻳﻮﺍ
ﺳﻔﻴﺎﻥ .. ﺷﻔﺘﻴﻬﻦ
ﺭﺣﺎﺏ .. ﺷﻔﺖ ﺑﺲ ﺷﻦ ﻗﺼﺘﻬﻦ
ﺳﻔﻴﺎﻥ ﺗﻨﻬﺪ .. ﺍﻧﺎ ﻣﺼﻮﺭﻫﻦ ﻭﻣﺸﻴﺖ ﻣﺼﻮﺭﺍﺗﻲ ﻭﻃﻠﻌﺘﻬﻦ ﻧﺒﻴﻚ ﺗﻔﺮﺟﻲ
ﺭﺣﺎﺏ ﺍﺑﺘﺴﻤﺖ .. ﻧﺠﻚ ﻟﻴﺎ ﻭﺧﻼﺹ ﺭﺑﻲ ﻳﺨﻠﻴﻚ ﻟﻴﺎ
ﺳﻔﻴﺎﻥ .. ﻭﻳﺨﻠﻴﻚ
ﺭﺣﺎﺏ .. ﺳﻔﻴﺎﻥ ﻛﺎﻥ ﺗﺤﺒﻨﻲ ﺍﺣﻜﻲ ﺷﻦ ﻓﻲ
ﺳﻔﻴﺎﻥ .. ﻣﺎﻓﻴﺶ ﺷﻲ ﻳﺎﺣﻮﺑﺎ ﺑﺲ ﺗﻮﺍ ﺧﻠﻴﻨﻲ ﻧﺼﻜﺮ
ﺭﺣﺎﺏ .. ﻧﺤﺒﻚ ﺭﺍﻩ ﻭﺍﺟﺪ ﺑﻜﻞ
ﺳﻔﻴﺎﻥ ﺍﺑﺘﺴﻢ .. ﺣﺘﻰ ﺍﻧﺎ ﻧﺤﺒﻚ ﻭﺍﺟﺪ
ﺻﻜﺮﺕ ﻣﻨﻪ ﻭﻏﻴﺮﺕ ﺩﺑﺸﻬﺎ ﻭﻃﻠﻌﺖ "
" ﻣﺮﻳﻢ .. ﻫﻴﺎ ﺩﻳﺮﻳﻪ ﺍﻧﺎ ﺑﺮﻭﺣﻲ ﻣﺸﻮﻗﻪ
ﺭﺷﺎ .. ﻳﺎﺭﺏ ﻳﻄﻠﻊ ﻓﻲ ﺣﻤﻞ
ﻣﺮﻳﻢ .. ﺍﻥ ﺷﺎﺀ ﺍﻟﻠﻪ ﺧﺸﻲ ﻫﻴﺎ
ﺧﺸﺖ ﺭﺷﺎ ﻟﺤﻤﺎﻡ ﻭﺩﺍﺭﺕ ﺍﺧﺘﺒﺎﺭ ﻭﻗﻌﺪﺕ ﺗﺮﺍﺟﻲ ﻟﻴﻦ ﻃﻠﻌﺖ ﻧﺘﻴﺠﻪ ﺑﺤﺘﺖ ﻓﻴﻬﺎ ﺑﺰﻋﻞ ﻭﻃﻠﻌﺖ
ﻣﺮﻳﻢ .. ﺷﻨﻮ
ﺭﺷﺎ .. ﻣﺎﻓﻴﺶ ﺣﻤﻞ
ﻣﺮﻳﻢ .. ﺑﺎﻩ ﻋﺎﺩﻱ ﻣﺎﻓﻴﺶ ﻣﺸﻜﻠﻪ ﻣﺰﺍﻟﺘﻲ ﺻﻐﻴﺮﻩ ﻋﻠﻴﺶ ﺗﺰﻋﻠﻲ ﻑ ﺭﻭﺣﻚ
ﺭﺷﺎ .. ﻛﻨﺖ ﻧﺒﻲ ﻧﻔﺮﺡ ﻣﺤﻤﺪ
ﻣﺮﻳﻢ .. ﺗﻮﺍ ﺗﻔﺮﺣﻴﻪ ﺍﻥ ﺷﺎﺀ ﺍﻟﻠﻪ ﻋﻠﻴﺶ ﻣﺮﻛﺒﻪ ﻉ ﺭﻭﺣﻚ
ﺭﺷﺎ .. ﻻ ﻋﺎﺩﻱ ﺗﻤﺎﻡ ﺷﻜﺮﺍً ﺗﻌﺒﺘﻚ
ﻣﺮﻳﻢ .. ﻣﺎﻓﻴﻬﺶ ﺗﻌﺐ ﻋﺎﺩﻱ ﺍﻥ ﺷﺎﺀ ﺍﻟﻠﻪ ﺭﺑﻲ ﻳﺮﺯﻗﻜﻢ
ﺭﺷﺎ ﺍﺑﺘﺴﻤﺖ .. ﺍﻥ ﺷﺎﺀ ﺍﻟﻠﻪ
ﻣﺮﻳﻢ ﻣﺎﺷﻴﻪ ﺷﻮﺭ ﺑﺎﺏ .. ﻣﻊ ﺳﻼﻣﻪ ﻫﻲ
ﺭﺷﺎ .. ﺳﻠﻤﻲ ﻉ ﺍﻋﻤﻴﻤﻪ ﻭﺑﺸﺮﻯ
ﻣﺮﻳﻢ .. ﻳﻮﺻﻞ
ﻧﺰﻟﺖ ﻣﺮﻳﻢ ﻭﺭﺷﺎ ﺧﺸﺖ ﻗﻤﻌﺰﺕ ﻉ ﺳﺮﻳﺮ ﺯﻋﻼﻧﻪ ﺷﻮﻳﺎ ﻭﺭﻥ ﻋﻠﻴﻬﺎ ﻣﺤﻤﺪ
ﻣﺤﻤﺪ .. ﺧﻴﺮﺍﺕ ﺣﺒﻴﺒﻲ
ﺭﺷﺎ .. ﺧﻴﺮ
ﻣﺤﻤﺪ .. ﺷﻨﻮ ﻛﻮﻳﺴﻪ ﺗﻮﺍ
ﺭﺷﺎ .. ﺗﻤﺎﻡ ﻣﺎﺗﺸﻐﻠﺶ ﺑﺎﻟﻚ ﺑﻴﺎ
ﻣﺤﻤﺪ .. ﺻﻮﺗﻚ ﻓﻴﻪ ﺣﺎﺟﻪ
ﺭﺷﺎ ﺗﻨﻬﺪﺕ .. ﺷﻲ ﺣﺒﻴﺒﻲ
ﻣﺤﻤﺪ .. ﻣﺘﺎﻛﺪﻩ ﻳﺎﺭﺷﺎ
ﺭﺷﺎ .. ﻭ ﺍﻟﻠﻪ ﻣﺎﻓﻲ ﺣﺎﺟﻪ ﺧﻼﺹ ﺧﻠﻴﻨﻲ ﻧﺼﺒﻲ ﻧﺪﻳﺮ ﻏﺪﺍﺀ
ﻣﺤﻤﺪ .. ﺑﺎﻩ ﺗﻤﺎﻡ ﺷﻮﻳﺎ ﻭﻧﺠﻲ ﻣﺶ ﺣﻨﻄﻮﻝ
ﺭﺷﺎ .. ﺗﻤﺎﻡ
ﺻﻜﺮﺕ ﻣﻤﻊ ﻭﺻﺒﺖ ﺍﺩﻳﺮ ﻑ ﻏﺪﺍﺀ "
" ﺍﻳﻬﻢ .. ﻣﻴﺲ ﻛﻨﻚ
ﺍﻧﺎ ﺣﺎﻃﻪ ﺍﻳﺪﻳﺎ ﻉ ﺑﻄﻨﻲ .. ﺑﻄﻨﻲ ﺗﻮﺟﻊ ﻓﻴﺎ ﺑﻜﻞ
ﺍﻳﻬﻢ .. ﺗﺒﻲ ﻧﺪﻳﺮﻟﻚ ﺣﺎﺟﻪ
ﺍﻧﺎ .. ﻧﺒﻲ ﻛﻤﻮﻥ ﻭﻻ ﺣﺎﺟﻪ ﺩﺍﻓﻴﺎ ﻧﺤﻄﻬﺎ ﻑ ﺑﻄﻨﻲ
ﺍﻳﻬﻢ .. ﻛﻴﻒ ﺷﻨﻮ ﺣﺎﺟﻪ ﺩﺍﻓﻴﺎ ﺷﻦ ﺗﺒﻲ
ﺍﻧﺎ ﻧﺘﺄﻟﻢ ﻭﻣﻐﻤﻀﻪ ﻋﻴﻮﻧﻲ .. ﻋﺒﻴﻠﻲ ﻣﻴﻪ ﺩﺍﻓﻴﺎ ﻑ ﺷﻴﺸﻪ
ﺍﻳﻬﻢ .. ﺑﺎﻩ ﺣﺎﺿﺮ
ﺻﺒﻰ ﻣﻦ ﺗﻼﻳﺎ ﻃﻮﻝ ﺷﻮﻳﺎ ﻭﺟﺎﻧﻲ
ﺍﻳﻬﻢ ﻳﻤﺴﺢ ﻉ ﺭﺍﺳﻲ .. ﻧﻮﺿﻲ ﻫﻴﺎ ﺧﻠﻲ ﻧﺤﻄﻬﺎ ﻟﻜﻲ
ﺍﻧﺎ .. ﺑﺎﻩ
ﺳﻨﺘﺪﺕ ﺭﻭﺣﻲ ﻉ ﺳﺮﻳﺮ ﻭﻫﻮ ﺭﻓﻊ ﺗﻮﺗﻪ ﻭﺣﻂ ﺍﻳﺪﻩ ﻉ ﺑﻄﻨﻲ
ﺍﻳﻬﻢ .. ﻭﻳﻦ ﻫﻨﺎ
ﺍﻧﺎ ﻏﻤﻀﺖ ﻋﻴﻮﻧﻲ .. ﺍﻣﻤﻢ ﻫﻨﺎ ﺣﻄﻬﺎ ﻟﻴﺎ
ﺣﻄﻬﺎ ﻟﻴﺎ ﻭﺍﻧﺎ ﻏﻤﻀﺖ ﻋﻴﻮﻧﻲ ﻭﺍﺳﺘﺮﺧﻴﺖ
ﺍﻳﻬﻢ .. ﺍﺷﺮﺑﻲ ﺍﻟﻜﻤﻮﻥ
ﺍﻧﺎ .. ﻫﺎﺗﻪ ﺑﺎﻩ
ﺍﻳﻬﻢ .. ﻣﺶ ﺍﻭﻝ ﻳﻮﻡ ﺗﻘﻌﺪ ﺗﻮﺟﻊ
ﺍﻧﺎ .. ﻣﺎﻩ ﺍﻣﺲ ﺣﺴﺖ ﻭﺍﺟﺪ
ﺍﻳﻬﻢ .. ﻭﻋﻠﻴﺶ ﺗﺤﻮﺳﻲ ﻭﺗﻌﺒﻲ ﻑ ﺭﻭﺣﻚ ﺧﻼﺹ ﺍﻣﻲ ﺩﺍﺭﺕ ﺑﻴﺘﺰﺍ ﻋﻠﻴﺶ ﺗﺨﺸﻲ ﺍﻧﺘﻲ
ﺍﻧﺎ .. ﺧﻼﺹ ﺻﺎﺭﺕ ﺗﻮﺍ ﺷﻮﻳﺎ ﻭﻧﺨﻒ
ﺍﻳﻬﻢ .. ﺑﺎﻩ ﺍﺷﺮﺑﻲ
ﺷﺮﺑﺘﻪ ﻭﺣﻄﻴﺘﻪ ﺗﻼﻳﺎ ﻭ ﺭﻗﺪﺕ ﻗﻌﺪﺕ ﻧﻤﺸﻲ ﻓﻲ ﺷﻴﺸﻪ ﻉ ﺑﻄﻨﻲ ﻭﻣﻐﻤﻀﻪ ﻋﻴﻮﻧﻲ
ﺍﻧﺎ .. ﻋﺪﻱ ﺍﻳﻬﻢ ﻋﻨﺪﻙ ﺷﻐﻞ
ﺍﻳﻬﻢ .. ﻛﻮﻳﺴﻪ ﺍﻧﺘﻲ
ﺍﻧﺎ .. ﺗﻤﺎﻡ ﻣﺘﺨﺎﻓﺶ ﻋﺪﻱ ﺗﻮﺍ ﺷﻮﻳﺎ ﻭﻧﻬﺪﺍ
ﺍﻳﻬﻢ ﻃﺒﺲ ﺑﺎﺱ ﺭﺍﺳﻲ .. ﺳﻼﻣﺘﻚ ﻳﺎ ﻋﻤﺮﻱ
ﺍﻧﺎ ﺍﺑﺘﺴﻤﺖ .. ﺳﻠﻤﻚ
ﻋﺪﺍ ﺍﻳﻬﻢ ﻭﺍﻧﺎ ﺷﻮﻳﺎ ﻭﻏﻔﻴﺖ "
" ﺭﻳﻬﺎﻡ ﻃﺎﻟﻌﻪ ﻣﻦ ﺩﺍﺭ ﻭﺗﺴﻤﻊ ﻑ ﺍﻧﺲ ﻳﻜﻠﻢ
ﺍﻧﺲ .. ﻣﺶ ﻋﺎﺭﻓﻪ ﺍﻣﻼ ﺑﻌﺪ ﺗﻌﺮﻑ ﺍﻧﻲ ﻛﻨﺖ ﻧﻌﺮﻑ ﺍﺳﺎﻣﻪ ﻭﻭ
ﺭﻳﻬﺎﻡ ..
ﺍﻧﺲ ﺑﺮﻡ ...
" ﻳﺘﺒﻊ "..
ﺭﺍﻳﻜﻦ ﺍﺯﻋﻤﻚ ﺷﻦ ﻳﺼﻴﺮ ﺑﻴﻦ ﺭﻳﻬﺎﻡ ﻭﺃﻧﺲ
Anosha Alriany
