ﻋﻜﺲ _ ﺍﻟﺘﻴﺎﺭ
ﺣﻠﻘﻪ 39
ﻣﻨﻴﺮ ﻓﺘﺢ ﻋﻴﻮﻧﻪ ﺯﻳﻦ .. ﺷﻨﻮ ﻣﻦ ﺟﺪﻙ ﺍﻧﺘﻲ ﺗﺤﻜﻲ ﺍﻭﻛﻲ ﻏﻠﻄﺖ ﻭﻣﻌﺘﺮﻑ ﺑﻐﻠﻄﻲ ﺑﺲ ﻣﺶ ﺩﺭﺟﻪ ﺣﺒﻨﺎ ﻳﻨﺘﻬﻲ
ﻣﺮﻳﻢ ﺗﺒﺤﺖ ﻓﻴﻪ ﻭﻗﻌﺪﺕ ﺩﻑ ﻓﻴﻪ ﻣﻦ ﺻﺪﺭﻩ ﺑﻘﻮﻩ .. ﺗﺤﺴﺎﺑﻬﺎ ﺳﺎﻫﻠﻪ ﺍﻧﺖ ﻣﺶ ﺣﺎﺱ ﺑﻴﺎ ﻣﺶ ﺣﺎﺱ ﻭﺍﻧﺎ ﺍﻟﻲ ﻧﺤﺴﺎﺑﻚ ﺗﺨﺎﻑ ﻋﻠﻴﺎ ﻭﻉ ﺳﻤﻌﺘﻲ ﻭﺍﻧﺎ ﺍﻟﻲ ﻧﺤﺴﺎﺏ ﺭﻭﺣﻲ ﻣﺴﺘﻨﺪﻩ ﻉ ﺣﺪ ﻳﺤﻤﻴﻨﻲ ﻫﻜﻲ ﻳﺎﻣﻨﻴﺮ ﻫﻜﻲ ﻳﺎ ﺣﺒﻴﺒﻲ ﻫﻜﻲ
ﻣﻨﻴﺮ ﺳﺎﻛﺖ ﻭﻳﺒﺤﺖ ﻓﻴﻬﺎ
ﻣﺮﻳﻢ ﺗﺒﻜﻲ .. ﻣﻌﺶ ﺗﺤﻜﻲ ﻣﻌﺎﻳﺎ ﻓﺎﻫﻢ ﻓﻮﺗﻨﻲ
ﻣﻨﻴﺮ ﻣﺴﻚ ﺍﻳﺪﻳﻬﺎ ﻭﻫﻴﺎ ﺗﻜﺮ ﻓﻴﻬﻦ ﺑﻘﻮﻩ
ﻣﺮﻳﻢ .. ﺣﻮﻝ ﺍﻳﺪﻳﻚ ﻣﻦ ﻋﻠﻴﺎ ﺣﻮﻟﻬﻦ
ﻣﻨﻴﺮ ﺑﺼﻮﺕ ﻫﺎﺩﻱ .. ﺍﺳﺴﻒ ﻋﺎﺭﻓﻬﺎ ﻣﺎﺗﻜﻔﻴﺶ ﺑﺲ ﺑﺠﺪ ﺍﺳﻒ ﻣﺎﺗﻘﻮﻟﻴﺶ ﺍﻧﻚ ﺗﺒﻲ ﺗﺴﻴﺒﻴﻨﻲ ﺭﺩ ﺑﺎﻟﻚ ﺗﻘﻮﻟﻴﻬﺎ ﻓﻮﺗﻴﻨﻲ ﻣﺎﺗﺤﻜﻴﺶ ﻣﻌﺎﻳﺎ ﺍﺯﻋﻠﻲ ﺩﻳﺮﻱ ﺍﻟﻲ ﺗﺒﻴﻪ ﺑﺲ ﺧﻠﻴﻚ ﺍﻧﺎ ﺭﺍﺿﻲ ﻭﻣﺘﺤﻤﻞ ﻉ ﻣﻬﻢ ﺗﻘﻌﺪﻱ ﻟﻴﺎ
ﻣﺮﻳﻢ ﻣﻨﺰﻟﻪ ﺭﺍﺳﻬﺎ ﻭﺩﻣﻮﻋﻬﺎ ﻳﻨﺰﻟﻦ ﻉ ﺍﻳﺪﻳﻬﺎ ﻭﺍﻳﺪﻳﻦ ﻣﻨﻴﺮ
ﻣﻨﻴﺮ ﺗﻨﻬﺪ .. ﺗﺤﺴﺎﺑﻲ ﺩﻣﻮﻋﻚ ﻣﺎﻳﺤﺮﻗﻨﺶ ﻓﻴﺎ ﻳﻘﺘﻠﻦ ﻓﻴﺎ ﺣﺎﺱ ﺑﺎﻟﻘﻬﺮ ﺍﻧﺎ
ﻣﺮﻳﻢ ﺗﻬﺰ ﻓﻲ ﺭﺍﺳﻬﺎ ﻭﺗﺒﻜﻲ .. ﺣﻮﻝ ﺍﻳﺪﻳﻚ
ﻣﻨﻴﺮ .. ﻳﻜﻮﻥ ﻑ ﻋﻠﻤﻚ ﻣﺴﺘﺤﻴﻞ ﻧﺨﻠﻴﻚ ﺗﻤﺸﻲ ﻓﺎﻫﻤﻪ
ﻃﻠﻖ ﺍﻳﺪﻳﻬﺎ ﻭﺑﺮﻡ ﻭﻣﺮﻳﻢ ﺣﻮﻟﺖ ﺷﻌﺮﻫﺎ ﻉ ﺿﻬﺮﻫﺎ ﻭﺗﻤﺴﺢ ﻑ ﺩﻣﻮﻋﻬﺎ ﻭﺧﺸﺖ ﻟﻤﺰﺭﻋﻪ ﻭﻣﻨﻴﺮ ﻃﻠﻊ ﻋﻠﻖ ﺳﻴﺎﺭﺗﻪ ﻭﻣﺸﺎﺀ "
" ﺳﺎﻋﻪ 10 ﻧﻀﻨﺎ ﻛﻠﻨﺎ ﻭﻗﻌﺪﻧﺎ ﻧﻠﻤﻮ ﺳﻠﻴﻤﻪ ﻭﻓﺎﻃﻤﻪ ﻭﺩﻧﻴﺎ ﻉ ﻓﻄﻮﺭ ﻭﺍﻧﺎ ﻭﺭﺷﺎ ﻭﺗﺴﻨﻴﻢ ﻧﻠﻤﻮ ﻑ ﻓﺮﺍﺷﺎﺕ ﻭﻣﺮﻳﻢ ﻣﺰﺍﻟﺖ ﺭﺍﻗﺪﻩ ﻭﻣﺤﺪ ﻧﻮﺿﻬﺎ
ﺍﻧﺎ ﻧﺮﺿﻊ ﻑ ﻭﺳﻦ .. ﺻﺒﺎﺡ ﺍﻟﺨﻴﺮ ﺣﺒﻴﺒﻲ
ﺍﻳﻬﻢ .. ﺻﺒﺎﺡ ﺍﻟﻨﻮﺭ ﻭﻳﻨﻚ
ﺍﻧﺎ .. ﻧﺮﺿﻊ ﻑ ﻭﺳﻦ ﻭﻧﺨﺶ ﺣﻤﺎﻡ ﻭﻧﻄﻠﻊ
ﺍﻳﻬﻢ .. ﺑﺎﻩ ﻭﺟﻴﺒﻲ ﻭﺳﻦ
ﺍﻧﺎ .. ﺣﺎﺿﺮ
ﺻﻜﺮﺕ ﻣﻨﻪ ﻭﺻﺒﻴﺖ ﻟﺒﺴﺖ ﻭﺳﻦ ﻃﺎﻗﻴﺎ ﻭﻗﻮﻧﺘﻴﺎﺕ ﻭﺣﻄﻴﺘﻬﺎ ﻑ ﻗﻌﺎﺩ ﻭﺍﻧﺎ ﺧﺸﻴﺖ ﻟﺤﻤﺎﻡ ﻏﺴﻠﺖ ﻭﺗﻮﺿﻴﺖ ﻭﻏﻴﺮﺕ ﻟﺒﺴﺘﻲ ﻭ ﻃﻠﻌﺖ ﺑﺮﺍ
ﺳﻠﻴﻤﻪ .. ﺗﻌﺎﻟﻲ ﻫﻴﺎ ﺍﻓﻄﺮﻱ
ﺍﻧﺎ .. ﻧﺸﻴﻞ ﻭﺳﻦ ﻟﻲ ﺍﻳﻬﻢ
ﺳﻠﻴﻤﻪ .. ﺑﺎﻩ ﻭﺧﻠﻴﻪ ﻳﺠﻲ ﻳﻔﻄﺮ ﺣﺘﻰ ﻫﻮ
ﺍﻧﺎ .. ﺣﺎﺿﺮ
ﻣﺸﻴﺖ ﻟﺠﻴﻬﺎ ﻣﺮﺑﻮﻋﻪ ﻭﺩﻗﻴﺖ
ﻓﺘﺢ ﺍﻣﺠﺪ ﻳﻐﺒﺶ .. ﺻﺒﺎﺡ ﺍﻟﺨﻴﺮ
ﺍﻧﺎ .. ﺻﺒﺎﺡ ﺍﻟﻨﻮﺭ ﺍﻳﻬﻢ ﻭﻳﻦ
ﺍﻣﺠﺪ .. ﻃﻠﻊ ﺗﻮﺍ
ﺍﻧﺎ .. ﺻﺎﺡ ﻧﺤﺴﺎﺑﻪ ﻫﻨﺎ
ﺍﻣﺠﺪ ﻃﺒﺲ ﻳﺒﻮﺱ ﻑ ﻭﺳﻦ .. ﻋﺴﻞ ﻧﺠﻴﻬﺎ ﻳﺎﺭﺑﻲ
ﺍﻧﺎ ﺍﺑﺘﺴﻤﺖ .. ﺗﺴﻠﻢ ﺗﻌﺎﻝ ﺍﻓﻄﺮ ﺣﻄﻴﻨﺎ ﺍﻟﻔﻄﻮﺭ
ﺍﻣﺠﺪ .. ﺑﺎﻩ ﺍﻥ ﺷﺎﺀ ﺍﻟﻠﻪ
ﺑﺮﻣﺖ ﻭﻟﻘﻴﺖ ﺍﻳﻬﻢ ﺣﺎﻁ ﻛﺮﺍﻋﻪ ﻉ ﻣﺎﺩﻩ ﻭﻳﻮﻟﻊ ﻑ ﺩﺧﺎﻥ
ﺍﻧﺎ ﻣﺸﻴﺖ ﺷﻮﺭﺍ .. ﺻﺒﺎﺣﻮ
ﺍﻳﻬﻢ ﺍﺑﺘﺴﻢ ﻭﻧﻔﺦ ﺩﺧﺎﻥ .. ﺻﺒﺎﺡ ﺍﻟﺨﻴﺮ
ﺣﻄﻴﺖ ﻭﺳﻦ ﻉ ﻣﺎﺩﻩ ﺗﻼ ﻛﺮﺍﻋﻪ
ﺍﻳﻬﻢ ﻃﺒﺲ ﻋﻠﻴﻬﺎ ﻭﺷﻤﺮﻫﺎ
ﺍﻧﺎ .. ﻟﻔﻬﺎ ﻛﻮﻳﺲ ﺣﺒﻴﺒﻲ ﺻﻘﻊ
ﺍﻳﻬﻢ .. ﺑﺎﻩ ﻫﺎﻩ
ﺍﻧﺎ .. ﺗﻌﺎﻝ ﺍﻓﻄﺮ
ﺍﻳﻬﻢ .. ﻣﺎﻋﻨﺪﻳﺶ ﻧﻴﻪ
ﺍﻧﺎ .. ﻻ ﻻ ﺗﻌﺎﻝ ﺍﻓﻄﺮ ﻣﺰﺍﻝ ﺑﺪﺭﻱ ﻉ ﻏﺪﺍﺀ
ﺍﻳﻬﻢ .. ﺑﺎﻩ ﻳﺼﻴﺮ ﺧﻴﺮ ﻣﻨﻴﺮ ﻓﺮﺍﺷﻪ ﻛﻴﻒ ﻣﺎﻫﻮ ﺗﻮﺍ ﻛﻠﻤﺘﻪ ﻗﺎﻟﻲ ﺭﺩﻳﺖ ﻟﺒﻨﻐﺎﺯﻱ
ﺍﻧﺎ .. ﻭ ﺍﻟﻠﻪ ﺟﺪ ﺍﺯﻋﻤﻚ ﺻﺎﺭ ﺑﻴﻨﻬﻢ ﺣﺎﺟﻪ
ﺍﻳﻬﻢ ﻳﻨﻔﺦ ﻑ ﺩﺧﺎﻥ .. ﻣﺮﻳﻢ ﻭﻳﻦ
ﺍﻧﺎ .. ﺭﺍﻗﺪﻩ ﻣﺰﺍﻝ
ﺍﻳﻬﻢ ﺣﻂ ﻭﺳﻦ ﻑ ﻗﻌﺎﺩ .. ﺟﺪﻭﻕ ﻣﻨﻀﺮﻫﺎ ﻳﻬﺒﻞ
ﺍﻧﺎ .. ﺍﻫﺎ ﺗﻬﺒﻞ ﻫﺎﺗﻬﺎ ﺧﺎﻳﻔﻪ ﻋﻠﻴﻬﺎ ﻣﻦ ﺻﻘﻊ ﺧﻠﻲ ﻧﺨﺸﺸﻬﺎ
ﻣﺸﻴﻨﺎ ﺷﻮﺭﻫﻢ ﺍﻳﻬﻢ ﺻﺒﺢ ﻋﻠﻴﻬﻢ ﻭﻗﻤﻌﺰ ﻳﻔﻄﺮ ﻭﺍﻧﺎ ﺧﺸﻴﺖ ﺟﻮﺍ ﺣﻄﻴﺖ ﻭﺳﻦ ﻑ ﺩﺍﺭ ﻭﺍﻧﺎ ﻃﺎﻟﻌﻪ ﺳﻤﻌﺖ ﻣﺮﻳﻢ ﻑ ﺣﻤﺎﻡ ﺗﻜﺢ ﺷﻜﻠﻬﺎ ﺗﺴﺘﻔﺮﻍ ﺷﻮﻳﺎ ﻭﻃﻠﻌﺖ ﺣﺎﻃﻪ ﺍﻳﺪﻳﻬﺎ ﻉ ﺑﻄﻨﻬﺎ
ﺍﻧﺎ .. ﻻﺑﺄﺱ ﻛﻨﻚ
ﻣﺮﻳﻢ ﺑﺼﻮﺕ ﻣﺒﺤﻮﺡ .. ﺷﻜﻠﻲ ﻣﺮﺿﺖ ﺍﻣﺲ ﺭﻗﺪﺕ ﺑﺸﻌﺮﻱ ﻭﻫﻮ ﻣﺒﻠﻮﻝ ﻭﺍﻟﻴﻮﻡ ﻧﻀﺖ ﺍﻟﺴﺘﻪ ﻃﻠﻌﺖ ﺑﺮﺍ
ﺍﻧﺎ .. ﻻ ﺑﺄﺱ ﻋﻠﻴﻚ ﺗﻌﺎﻟﻲ ﺧﻮﺫﻱ ﺣﻠﻴﺐ ﺳﺎﺧﻦ
ﻣﺮﻳﻢ .. ﻻ ﻣﺎﻋﻨﺪﻳﺶ ﻧﻴﻪ ﻭﻣﺎﻧﺒﻴﺶ ﻧﻄﻠﻊ ﻧﺸﻮﻑ ﻣﻨﻴﺮ
ﺍﻧﺎ .. ﺭﻭﺡ ﻟﺒﻨﻐﺎﺯﻱ
ﻣﺮﻳﻢ ﺭﺷﻔﺖ ﺧﺸﻤﻬﺎ .. ﺟﺪﻳﺎﺕ
ﺍﻧﺎ .. ﺍﻫﺎ ﻗﺎﻟﻬﺎ ﺍﻳﻬﻢ
ﻣﺮﻳﻢ ﺳﻜﺘﺖ ﻭﺧﺸﺖ ﻟﺪﺍﺭ ﻭﺍﻧﺎ ﻃﻠﻌﺖ ﺑﺮﺍ
ﺳﻠﻴﻤﻪ .. ﺗﻌﺎﻟﻲ ﺍﻓﻄﺮﻱ ﻳﺎﺧﻴﻪ
ﺍﻧﺎ .. ﻫﻴﺎ ﺟﻴﺖ ﻳﺎﺍﻋﻤﻴﻤﻪ
ﺟﻴﺖ ﻗﻤﻌﺰﺕ ﺗﻼﻫﻢ ﻭﺻﺒﺘﻠﻲ ﺍﻋﻤﻴﻤﻪ ﺣﻠﻴﺐ ﻭﺣﻄﺘﻠﻲ ﻛﻌﻚ ﻣﻌﺎﻩ
ﻓﺎﻃﻤﻪ .. ﻧﻮﺿﻲ ﻳﺎﺑﺸﺮﻯ ﻧﻮﺿﻲ ﺍﺧﺘﻚ
ﺍﻧﺎ .. ﺷﻜﻠﻬﺎ ﻣﺮﻳﻀﻪ ﺭﺍﻩ ﺷﻮﻓﻴﻬﺎ ﻳﺎﺍﻋﻤﻴﻤﻪ
ﻓﺎﻃﻤﻪ .. ﻛﻨﻬﺎ
ﺍﻧﺎ .. ﻗﺎﻟﺖ ﺭﻗﺪﺕ ﺍﻣﺲ ﻭﻫﻴﺎ ﺷﻌﺮﻫﺎ ﻣﺒﻠﻮﻝ
ﻓﺎﻃﻤﻪ ﺻﺒﺖ .. ﻳﻨﻌﻠﻴﺎ ﻫﺎﻟﻔﺮﺧﻪ ﺗﺒﻲ ﺗﻬﺒﻠﻨﻲ ﺑﻌﻨﺎﺩﻫﺎ
ﻣﺤﻤﺪ ﺟﺎﻱ ﺷﻮﺭﻧﺎ .. ﺻﺒﺎﺡ ﺍﻟﺨﻴﺮ
ﻧﺤﻦ .. ﺻﺒﺎﺡ ﺍﻟﻨﻮﺭ
ﻣﺤﻤﺪ .. ﻭﻳﻦ ﻣﻨﻴﺮ
ﺳﻠﻴﻤﻪ .. ﻭﻳﻨﻪ
ﺍﻳﻬﻢ .. ﺭﻭﺡ ﻟﺒﻨﻐﺎﺯﻱ
ﺳﻠﻴﻤﻪ .. ﺭﻭﺡ ﻛﻴﻒ ﺭﻭﺡ ﻋﻠﻴﺶ
ﺍﻳﻬﻢ .. ﻭ ﺍﻟﻠﻪ ﻣﺎﻧﻲ ﻋﺎﺭﻑ ﻛﻠﻤﺘﻪ ﻗﺎﻟﻲ ﺭﻭﺣﺖ ﺷﻜﻠﻪ ﻋﻨﺪﻩ ﻣﻮﺿﻮﻉ
ﺳﻠﻴﻤﻪ .. ﻳﺴﺘﺮ ﺍﻟﻠﻪ ﻭﺧﻼﺹ
ﻣﺤﻤﺪ .. ﺷﻨﻮ ﻣﻮﺿﻮﻉ ﻳﻮﻡ ﺟﻤﻌﻪ
ﺳﻠﻴﻤﻪ .. ﺻﺎﺡ ﺻﺪﻗﺖ ﻓﻴﻪ
ﻓﺎﻃﻤﻪ ﻃﻠﻌﺖ ﺗﺠﺮﻱ .. ﻣﺤﻤﺪ ﺗﻌﺎﻝ ﺍﻃﻠﻊ ﺍﺧﺘﻚ ﻣﺶ ﻗﺎﺩﺭﻩ ﺗﺼﺒﻲ ﻉ ﻛﺮﻋﻴﻬﺎ
ﻣﺤﻤﺪ ﺣﻂ ﻃﺎﺳﻪ ﺍﻟﺤﻠﻴﺐ .. ﻛﻨﻬﺎ
ﻓﺎﻃﻤﻪ .. ﻣﺮﻳﻀﻪ ﺧﺶ ﺑﺴﺮﻋﻪ
ﺧﺶ ﻣﺤﻤﺪ ﻭﻧﺤﻦ ﺧﺸﻴﻨﺎ ﻭﺭﺍﻫﻢ
ﺭﺷﺎ .. ﻛﻨﻬﺎ ﻳﺎﺑﺘﻲ
ﺗﺴﻨﻴﻢ .. ﺷﻜﻠﻬﻢ ﻣﺘﻌﺎﺭﻛﻴﻦ ﻭﺍﺿﺤﻪ
ﺧﺶ ﻣﺤﻤﺪ ﻉ ﻣﺮﻳﻢ ﻭﻫﻴﺎ ﻛﺎﻧﺖ ﻣﻘﻤﻌﺰﻩ ﻉ ﺳﺮﻳﺮ ﻭﺗﺒﻜﻲ ﻭﺗﻬﺰ
ﻣﺤﻤﺪ .. ﻛﻨﻚ
ﻓﺎﻃﻤﻪ .. ﺗﻌﺎﻝ ﺷﻮﻑ ﺣﺮﺍﺭﺗﻬﺎ ﻣﺸﻴﻄﻪ
ﺳﻠﻴﻤﻪ ﺣﻄﺖ ﺍﻳﺪﻫﺎ ﻉ ﺭﺃﺳﻬﺎ .. ﻧﺎﺍﺍﺭ ﺑﻜﻞ
ﻣﺤﻤﺪ .. ﻋﻠﻴﺶ ﺗﺒﻜﻲ ﺗﻮﺍ
ﻣﺮﻳﻢ ﺗﺒﻜﻲ ﻭﺳﺎﻛﺘﻪ
ﻣﺤﻤﺪ .. ﻟﺒﺴﻴﻬﺎ ﺧﻠﻲ ﻧﺮﻭﺣﻮ
ﻓﺎﻃﻤﻪ .. ﺻﺒﻲ ﻫﻴﺎ ﺍﻟﺒﺴﻲ
ﻣﺮﻳﻢ ﺗﻬﺰ ﻓﻲ ﺭﺍﺳﻬﺎ ﺏ ﻻﻻ .. ﻣﺶ ﺷﺸﺶ ﻗﺎﺩﺭﻩ
ﺑﺸﺮﻯ ﻣﺪﺗﻠﻬﺎ ﻛﺒﻮﻁ ﻭﺍﻟﻮﺷﺎﺡ .. ﻫﻴﺎ ﺍﻟﺒﺴﻲ
ﺍﻳﻬﻢ .. ﺧﻼﺹ ﻭﺗﻮ ﺍﺭﻭﺍﺣﻜﻢ ﻫﻴﺎ
ﻓﺎﻃﻤﻪ .. ﺧﻠﻴﻜﻢ ﺍﻧﺘﻢ ﻏﻴﺮﻭ ﺟﻮ
ﺳﻠﻴﻤﻪ .. ﻳﺎﻳﺎﻙ ﺍﻻ ﻧﻐﻴﺮﻭ ﺟﻮ ﻻﻻ ﻣﺮﻭﺣﻴﻦ ﻫﻴﺎ ﺑﻨﺎﺕ ﻟﻤﻦ ﺣﺎﺟﺎﺕ
ﻣﺸﻴﻨﺎ ﻧﺤﻦ ﻟﻤﻴﻨﺎ ﺣﺎﺟﺎﺗﻨﺎ ﻭﺑﺸﺮﻯ ﻟﺒﺴﺖ ﻣﺮﻳﻢ ﺩﺑﺸﻬﺎ ﻭﻧﺤﻦ ﻛﻤﻠﻨﺎ ﻭﻃﻠﻌﻨﺎ ﻭﺭﻛﺒﻨﺎ ﻑ ﺳﻴﺎﺭﺍﺕ
ﻣﺤﻤﺪ ﻛﺎﻥ ﻣﻌﺎﻩ ﺻﺎﻟﺢ ﻭﻓﺎﻃﻤﻪ ﻭ ﻣﺮﻳﻢ ﻭﺭﺷﺎ
ﻭﻧﺤﻦ ﻣﻌﺎﻧﺎ ﺗﺴﻨﻴﻢ ﻭﺑﺸﺮﻯ ﻭﺍﻣﺠﺪ ﻣﻌﺎﻩ ﺳﻠﻴﻤﻪ ﻭﺭﺗﺎﺝ ﻭﺭﻭﺣﻨﺎ
ﻣﺮﻳﻢ ﺣﺎﻃﻪ ﺭﺍﺳﻬﺎ ﻉ ﻛﺘﻒ ﻓﺎﻃﻤﻪ .. ﺗﻌﺒﺎﻧﻪ
ﻓﺎﻃﻤﻪ .. ﺗﻮﺍ ﻧﻮﺻﻠﻮ ﻗﺮﻳﺐ ﺧﻼﺹ
ﺻﺎﻟﺢ ﺑﺮﻡ ﻋﻠﻴﻬﺎ .. ﺭﺑﻲ ﻳﻬﺪﻳﻚ ﻳﺎﻣﺮﻳﻮﻣﻪ ﻧﻘﻮﻟﻚ ﻧﺸﻔﻲ ﺷﻌﺮﻙ
ﻣﺮﻳﻢ ﻗﻌﺪﺕ ﺗﺒﻜﻲ
ﻣﺤﻤﺪ ﻳﺒﺤﺖ ﻓﻴﻬﺎ ﻣﻦ ﺍﻟﻤﺮﺍﻳﻪ .. ﻋﻠﻴﺶ ﺗﺒﻜﻲ ﺗﻮﺍ ﺗﺼﺤﻲ ﺧﻼﺹ
ﺭﺷﺎ .. ﺳﺎﻫﻠﻪ ﺗﻮﺍ ﺗﻌﺪﻱ ﻣﺴﺘﺸﻔﻰ ﻭﺗﺎﺧﺬﻱ ﺩﻭﺍﺀ
ﻓﺎﻃﻤﻪ .. ﺧﻼﺹ ﺍﺳﻜﺘﻲ
ﻧﺤﻦ ﺭﻭﺣﻨﺎ ﻟﺤﻮﺵ ﻭﻣﺤﻤﺪ ﻋﺪﺍ ﻟﻤﺴﺘﺸﻔﻰ ﻧﺤﻦ ﺧﺸﻴﻨﺎ ﻟﺤﻮﺵ ﻭﻣﻨﻴﺮ ﻛﺎﻥ ﻣﻘﻤﻌﺰ ﻑ ﺟﻨﺎﻥ ﻳﺪﺧﻦ
ﻣﻨﻴﺮ .. ﻛﻨﻜﻢ ﺭﻭﺣﺘﻮ
ﺍﻣﺠﺪ .. ﻣﺮﻳﻢ ﺗﻌﺒﺖ ﻭﺷﺎﻟﻮﻫﺎ ﻟﻤﺴﺘﺸﻔﻰ
ﻣﻨﻴﺮ ﺻﺒﻰ .. ﺗﻌﺒﺖ ﻛﻨﻬﺎ ﻟﻴﻦ ﻣﺴﺘﺸﻔﻰ
ﺳﻠﻴﻤﻪ .. ﺧﺬﺕ ﺑﺮﺩ ﻗﺎﻟﺖ ﺩﻭﺷﺖ ﻭ ﺭﻗﺪﺕ ﺑﺸﻌﺮﻫﺎ ﻣﺒﻠﻮﻝ
ﻣﻨﻴﺮ .. ﺍﻭﻭﻑ ﺍﻳﻦ ﻣﺴﺘﺸﻔﻰ ﺑﺎﻩ
ﺍﻳﻬﻢ .. ﺧﻼﺹ ﺗﻮﺍ ﺗﺠﻲ ﻣﺎﻧﻌﺮﻓﻮﺵ ﺍﻳﻦ ﻣﺴﺘﺸﻔﻰ
ﻣﻨﻴﺮ ﻣﺴﺢ ﻉ ﻭﺟﻪ ﻭﻃﻠﻊ ﻭﻧﺤﻦ ﺧﺸﻴﻨﺎ ﺟﻮﺍ ﻭﺍﻧﺎ ﻭﺩﻧﻴﺎ ﺭﻛﺒﻨﺎ ﺷﻘﻘﻨﺎ
ﺍﻧﺎ ﺧﺸﻴﺖ ﺣﻄﻴﺖ ﺷﻨﺎﻃﻲ ﻑ ﺻﺎﻟﻪ ﻭﺧﺸﻴﺖ ﺏ ﻭﺳﻦ ﺩﺭﺗﻠﻬﺎ ﺩﻭﺵ ﻭﻏﻴﺮﺗﻠﻬﺎ ﻭﺭﺿﻌﺘﻬﺎ ﻭﺭﻗﺪﺕ ﻭﺍﻧﺎ ﺧﺸﻴﺖ ﺩﻭﺷﺖ ﻭﻃﻠﻌﺖ ﻟﻘﻴﺖ ﺍﻳﻬﻢ ﻣﻘﻤﻌﺰ ﻉ ﺳﺮﻳﺮ
ﺍﻧﺎ .. ﺭﻭﺣﺖ ﻣﺮﻳﻢ
ﺍﻳﻬﻢ .. ﻻ ﻣﺰﺍﻝ
ﺍﻧﺎ ﻧﺸﻒ ﻓﻲ ﺷﻌﺮﻱ .. ﺍﻫﺎ
ﻣﺸﻴﺖ ﺷﻮﺭ ﺩﻭﻻﺏ ﻭﻃﻠﻌﺖ ﺗﻮﺗﻪ ﺳﻤﺎﺋﻲ ﻑ ﺍﺑﻴﺾ ﻭﻟﻔﻴﺖ ﺷﻌﺮﻱ ﺑﻤﻨﺸﻒ
ﺍﻧﺎ .. ﺧﺶ ﺩﻭﺵ ﺣﺒﻴﺒﻲ
ﺍﻳﻬﻢ ﻳﺜﺎﻭﺏ .. ﻧﺪﻭﺵ ﻭﻧﺮﻗﺪ ﺭﻗﺪﻧﺎ ﻣﺘﺎﺧﺮ
ﺍﻧﺎ .. ﺑﺎﻩ ﻋﺪﻱ ﺗﻮﺍ ﻧﻮﺗﻴﻠﻚ ﺩﺑﺸﻚ
ﺍﻳﻬﻢ ﺻﺒﻰ ﺑﺎﺱ ﺭﺍﺳﻲ ﻭﺧﺶ ﻟﺤﻤﺎﻡ ﻭﺍﻧﺎ ﻭﺗﻴﺘﻠﻪ ﺩﺑﺸﻪ "
" ﻣﻨﻴﺮ ﻳﺮﺍﺟﻲ ﻑ ﺟﻨﺎﻥ ﻉ ﻧﺎﺭ ﻟﻴﻦ ﻧﻔﺘﺢ ﺍﻟﺒﺎﺏ ﻣﺸﺎﺀ ﻳﺠﺮﻱ ﺷﻮﺭﻫﻢ
ﻣﻨﻴﺮ .. ﻣﺮﻳﻢ ﻛﻮﻳﺴﻪ ﺍﻧﺘﻲ ﺗﺤﺴﻲ ﻑ ﺣﺎﺟﻪ ﻗﻮﻟﻴﻠﻲ
ﻣﺮﻳﻢ ﻣﺎﺗﺒﺤﺘﺶ ﻓﻴﻪ .. ﻛﻮﻳﺴﻪ ﺣﻮﻝ ﺧﻠﻴﻨﻲ ﻧﺨﺶ
ﻣﻨﻴﺮ .. ﻛﻨﻬﺎ ﺗﻐﺪﻳﻪ ﻟﻴﺶ ﻣﺮﻭﺣﻴﻦ ﺑﻴﻬﺎ
ﻓﺎﻃﻤﻪ .. ﻳﺒﻮﻫﺎ ﺗﻘﻌﺪ ﻟﻴﻦ ﺗﻜﻤﻞ ﺑﺲ ﻫﻴﺎ ﺻﻜﺮﺕ ﺭﺍﺳﻬﺎ
ﻣﺤﻤﺪ .. ﺧﻼﺹ ﻫﻴﺎ ﺍﺭﻛﺒﻲ ﻳﺎﻣﺮﻳﻢ
ﻣﺮﻳﻢ ﻣﺴﻜﺖ ﻑ ﺍﻳﺪﻩ ﻭﺳﺘﻨﺪﺕ ﻉ ﻛﺘﻔﻪ
ﻣﺤﻤﺪ .. ﻣﺶ ﻗﺎﺩﺭﻩ ﺗﺮﻛﺒﻲ
ﻣﺮﻳﻢ ﺗﻨﻬﺪﺕ .. ﻻ ﻋﺎﺩﻱ
ﻗﻌﺪ ﻳﻤﺸﻲ ﻣﻌﺎﻫﺎ ﻭﻣﻨﻴﺮ ﻳﺒﺤﺖ ﻓﻴﻬﺎ
ﻣﻨﻴﺮ .. ﻃﻤﻨﻴﻨﻲ ﻋﻠﻴﻬﺎ ﻳﺎ ﻋﻤﺘﻲ
ﻓﺎﻃﻤﻪ .. ﺣﺎﺿﺮ ﺑﺎﻩ ﺍﻥ ﺷﺎﺀ ﺍﻟﻠﻪ
ﻃﻠﻊ ﻣﻨﻴﺮ ﻣﻦ ﺣﻮﺵ ﻭﻣﺮﻳﻢ ﺭﻛﺒﺖ ﻟﺤﻮﺷﻬﻢ
ﻣﺤﻤﺪ ﻋﻠﻖ ﺗﻐﺪﻳﻪ ﺗﻼ ﺳﺮﻳﺮﻫﺎ ﻭﻫﻴﺎ ﺣﺎﻃﻪ ﺍﻳﺪﻳﻬﺎ ﻉ ﻋﻴﻮﻧﻬﺎ
ﻣﺤﻤﺪ .. ﺗﺤﺴﻲ ﻑ ﺣﺎﺟﻪ
ﻣﺮﻳﻢ ﻫﺰﺕ ﺭﺍﺳﻬﺎ ﺏ ﻻﻻ
ﻣﺤﻤﺪ .. ﺧﻼﺹ ﺗﺮﻳﺤﻲ ﺷﻮﻳﺎ ﻭﺗﻜﻤﻞ ﺗﻐﺪﻳﻪ
ﻃﻠﻊ ﻣﺤﻤﺪ ﻫﻮ ﻭﺭﺷﺎ ﻭﺭﻛﺒﻮ ﻟﺸﻘﺘﻬﻢ "
" ﺍﻟﻴﻮﻡ ﺛﺎﻧﻲ ..
ﺭﺣﺎﺏ ﺗﻀﺤﻚ .. ﺣﺮﺍﻡ ﻋﻠﻴﻚ ﻳﺎﺍﺳﺘﺎﺫ ﻭﺍﻟﻠﻪ ﻧﺮﻛﺰ ﻣﻌﺎﻙ ﺩﻳﻤﺎ
ﺍﺳﺘﺎﺫ .. ﺩﻳﻤﺎ ﺳﺎﺭﺣﻪ ﻋﻘﻠﻚ ﻣﺶ ﻣﻌﺎﻙ
ﺭﺣﺎﺏ .. ﻻ ﻭﺍﻝ ..
ﺳﻔﻴﺎﻥ .. ﺭﺣﺎﺍﺏ
ﺭﺣﺎﺏ ﺑﺮﻣﺖ ﻭﺍﺑﺘﺴﻤﺖ .. ﺳﻔﻴﺎﻥ ﺷﻨﺠﻮ
ﺳﻔﻴﺎﻥ ﻗﺎﺭﻥ ﺣﻮﺍﺟﺒﻪ .. ﺗﻤﺎﻡ ﺗﻌﺎﻟﻲ ﻫﻴﺎ
ﺭﺣﺎﺏ .. ﺍﺳﺘﺎﺫ ﺍﻫﻮ ﺧﻄﻴﺒﻲ ﺳﻔﻴﺎﻥ
ﺍﺳﺘﺎﺫ ﺍﺑﺘﺴﻤﻠﻪ .. ﺧﻴﺮﺍﺕ ﺷﻨﺠﻮ
ﺳﻔﻴﺎﻥ ﻳﺒﺤﺖ ﻑ ﺭﺣﺎﺏ .. ﺗﻤﺎﻡ ﺍﻟﺤﻤﺪﺍﻟﻠﻪ
ﺍﺳﺘﺎﺫ .. ﺧﻠﻴﻬﺎ ﺗﺮﻛﺰ ﺩﻳﻤﺎ ﺳﺎﺭﺣﻪ ﺭﺍﻩ
ﺳﻔﻴﺎﻥ ﻣﺴﻚ ﺍﻳﺪ ﺭﺣﺎﺏ ﻣﻦ ﺫﺭﺍﻉ .. ﺍﻥ ﺷﺎﺀ ﺍﻟﻠﻪ ﺗﻌﺎﻟﻲ ﻫﻲ
ﻛﺮﻫﺎ ﻣﻦ ﺍﻳﺪﻫﺎ
ﺭﺣﺎﺏ .. ﺣﺒﻴﺒﻲ ﺳﻔﻴﺎﻥ
ﺳﻔﻴﺎﻥ ﺑﺮﻡ ﻋﻠﻴﻬﺎ ﻭﻫﻮ ﻗﺎﺭﻥ ﺣﻮﺍﺟﺒﻪ ﻭﻣﺴﻜﺮ ﻗﺒﻀﻪ ﺍﻳﺪﻩ .. ﺷﻨﻮ ﺍﻟﻤﻨﻈﺮ ﺍﻟﻲ ﺷﻔﺘﻚ ﺑﻴﻪ
ﺭﺣﺎﺏ .. ﻣﻨﻀﺮ ﺷﻨﻮ ﻛﻨﻚ
ﺳﻔﻴﺎﻥ .. ﺍﻧﺎ ﻣﺶ ﻗﺘﻠﻚ ﻣﺎﺗﺤﻜﻴﺶ ﻣﻊ ﺣﺪ ﻣﺶ ﻗﺘﻠﻚ ﺍﻟﺒﺴﻲ ﻃﻮﻳﻞ
ﺭﺣﺎﺏ .. ﺑﺲ ﻫﺬﺍ ﺍﻷﺳﺘﺎﺫ ﻳﺎﺳﻔﻴﺎﻥ ﺑﻌﺪﻳﻦ ﻟﺒﺴﺘﻲ ﻛﻨﻬﺎ
ﺳﻔﻴﺎﻥ ﻳﺒﺤﺖ ﻻﺟﻴﻬﺎ ﻻﺧﺮﻯ ﻭﺳﺎﻛﺖ
ﺭﺣﺎﺏ .. ﺣﺒﻴﺒﻲ ﺑﺤﺖ ﻓﻴﺎ ﻧﺤﻜﻴﻠﻚ
ﺳﻔﻴﺎﻥ .. ﺭﻭﺣﻲ ﺧﻼﺹ ﺭﻧﻲ ﻉ ﻋﻼ ﻭﻻ ﻋﺰﻭ
ﺭﺣﺎﺏ .. ﻣﺰﺍﻝ ﻣﺎﻛﻤﻠﺖ ﺑﺲ ﺧﺬﻳﻨﺎ ﺍﺳﺘﺮﺍﺣﻪ ﺑﺲ
ﺳﻔﻴﺎﻥ ﺿﺎﻏﻂ ﻉ ﺳﻨﻮﻧﻪ .. ﻗﺘﻠﻚ ﺭﻭﺣﻲ ﻛﻠﻤﻪ ﻫﻴﺎ ﻓﻜﻴﻨﻲ ﻣﻦ ﻛﺜﺮﻩ ﺍﻟﻜﻼﻡ
ﺭﺣﺎﺏ ﺑﺼﻮﺕ ﻭﺍﻃﻲ .. ﺑﺎﻩ ﺣﺎﺿﺮ
ﻃﻠﻌﺖ ﺍﻟﻤﻮﺑﺎﻳﻞ ﻭﻫﻮ ﻳﺒﺤﺖ ﻓﻴﻬﺎ
ﺭﺣﺎﺏ .. ﺍﻋﻠﻴﻮﻩ ﺍﻧﺖ ﻭﻳﻦ
ﻋﻼﺀ .. ﻛﻨﻚ ﺗﺒﻲ ﺣﺎﺟﻪ
ﺭﺣﺎﺏ .. ﺗﻌﺎﻝ ﺭﻭﺡ ﺑﻴﺎ
ﻋﻼﺀ .. ﻣﺶ ﻣﺰﺍﻟﺘﻲ
ﺭﺣﺎﺏ .. ﻻ ﺧﻼﺹ ﺍﺳﺘﺎﺫ ﺍﻋﺘﺬﺭ
ﻋﻼﺀ .. ﺑﺎﻩ ﻗﺮﻳﺐ ﻣﻨﻚ ﺍﻧﺎ ﺧﻼﺹ ﺷﻮﻳﺎ ﻭﺟﺎﻱ
ﺭﺣﺎﺏ ﺻﻜﺮﺕ ﻭﺑﺤﺘﺖ ﻑ ﺳﻔﻴﺎﻥ ﺳﻔﻴﺎﻥ ﺑﺎﻋﺪ ﻋﻴﻮﻧﻪ ﻣﻦ ﻋﻠﻴﻬﺎ
ﺭﺣﺎﺏ ﺑﺼﻮﺕ ﻫﺎﺩﻱ .. ﻳﺎ ﺣﺒﻴﺒﻲ ﺷﻦ ﺩﺭﺕ ﺍﻧﺎ
ﺳﻔﻴﺎﻥ ﻧﺴﻨﺪ ﻉ ﺳﺎﺱ ﻭﻗﻌﺪ ﻳﺤﺮﻙ ﻑ ﻣﻔﺎﺗﻴﺤﻪ .. ﺍﺳﻜﺘﻲ ﺧﻼﺹ ﻉ ﻣﻐﺮﺏ ﺟﺎﻳﻜﻢ ﻭﻧﻌﺮﻑ ﻛﻴﻒ ﻧﺘﻔﺎﻫﻤﻮ
ﺭﺣﺎﺏ .. ﻛﻴﻒ ﻗﺼﺪﻙ
ﺳﻔﻴﺎﻥ ﺣﻂ ﺻﺒﻌﻪ ﻉ ﻓﻤﻪ .. ﺍﺳﻜﺘﻲ
ﺭﺣﺎﺏ ﺳﻜﺘﺖ ﻭﺷﻮﻳﺎ ﻭﺭﻥ ﻋﻠﻴﻬﺎ ﻋﻼﺀ
ﺭﺣﺎﺏ .. ﻋﻼﺀ ﺟﺎﺀ ﺧﻼﺹ ﺑﻨﺮﻭﺡ
ﺳﻔﻴﺎﻥ .. ﺗﻢ
ﻃﻠﻌﺖ ﺭﺣﺎﺏ ﺧﻼﻫﺎ ﻟﻴﻦ ﺗﻌﺪﻱ ﻭﻃﻠﻊ "
" ﺍﻳﻬﻢ .. ﻳﺎﻣﻴﺲ ﺗﻌﺎﻟﻲ ﺍﻟﺒﻨﺖ ﺟﻴﻌﺎﻧﻪ
ﺍﻧﺎ .. ﺑﺎﻫﻲ ﺍﺻﺒﺮ ﻭ ﺍﻟﻠﻪ ﻣﺶ ﻓﺎﺿﻴﻪ
ﺍﻳﻬﻢ .. ﺍﻳﻦ ﺍﻫﻢ ﺗﻮﺍ
ﺍﻧﺎ .. ﺑﺎﻩ ﺟﻴﻨﺎ ﺧﻼﺹ ﺳﺎﺩﻙ ﺃﻋﻴﺎﻁ
ﺟﻴﺖ ﺗﻼﻩ ﻭﻗﻌﺪﺕ ﻧﺮﺿﻊ ﻓﻴﻬﺎ
ﺍﻧﺎ .. ﺷﻨﻮ ﻫﺬﺍ ﻣﺎﺗﺒﻄﻞ ﺑﻜﺎﺀ ﻋﻠﻴﻚ ﺩﺭﺍﻩ ﻛﺒﺪ
ﺍﻳﻬﻢ .. ﻛﻨﻚ ﺍﻧﺘﻲ ﺻﻐﻴﺮﻩ ﺭﺍﻫﻲ
ﺍﻧﺎ .. ﺗﺆ ﺍﺳﺘﻐﻔﺮﺍﻟﻠﻪ ﺧﻼﺹ ﺍﺭﻗﺪﻳﻠﻲ
ﺍﻳﻬﻢ .. ﻫﺎﺗﻴﻬﺎ ﺗﻮﺍ ﻧﺼﺒﻲ ﻧﺪﻳﺮﻟﻬﺎ ﺭﺿﺎﻋﻪ
ﺍﻧﺎ .. ﻻﻻ ﺧﻠﻴﻬﺎ ﺗﻮﺍ ﺗﺮﻗﺪ ﺑﻌﺪ ﺗﺸﺒﻊ ﻣﻦ ﺻﺪﺭﻱ
ﺍﻳﻬﻢ ﺳﻜﺖ ﻭﻣﺴﻚ ﻣﻮﺑﺎﻳﻠﻪ ﻭﺍﻧﺎ ﺭﺿﻌﺖ ﻭﺳﻦ ﻭﺭﻗﺪﺕ
ﺍﻧﺎ .. ﺷﻴﻠﻬﺎ ﻭﺭﺃﺱ ﺍﻳﻬﻢ
ﺍﻳﻬﻢ .. ﻫﺎﺗﻲ ﺑﺎﻩ
ﺻﺒﻰ ﺷﺎﻟﻬﺎ ﻭﺍﻧﺎ ﺭﺩﻳﺖ ﻧﻀﻢ ﻭﺟﻴﺖ ﺗﻼﻩ ﻛﺎﻳﻦ ﺣﺎﻁ ﻣﺨﺪﻩ ﻉ ﻛﺮﻋﻴﻪ ﺭﻗﺪﺕ ﻋﻠﻴﻬﺎ
ﺍﻳﻬﻢ .. ﺗﻌﺒﺎﻧﻪ ﺣﺴﻴﺘﻚ
ﺍﻧﺎ .. ﺍﻫﺎ ﺷﻮﻳﺎ ﻣﺸﻌﺎﺭﻓﻪ ﻛﻴﻒ
ﻏﻤﻀﺖ ﻋﻴﻮﻧﻲ ﺣﺴﻴﺖ ﺑﻴﺪ ﺍﻳﻬﻢ ﻉ ﻓﻤﻲ
ﺍﻧﺎ ﺑﺼﻮﺕ ﻭﺍﻃﻲ .. ﺗﺆ ﺍﻳﻬﻢ
ﺍﻳﻬﻢ ﻣﺒﺘﺴﻢ .. ﻧﻮﺿﻲ ﻛﻨﻚ ﺑﺘﺮﻗﺪﻱ
ﺍﻧﺎ .. ﺧﻠﻴﻨﻲ
ﺍﻳﻬﻢ .. ﺍﻧﺘﻦ ﺍﻻﺛﻨﻴﻦ ﺭﻗﺪﺗﻦ ﻧﻜﺴﺪ ﻫﻜﻲ
ﺍﻧﺎ ﺿﺤﻜﺖ .. ﺍﺭﻗﺪ ﻣﻌﺎﻧﺎ
ﺍﻳﻬﻢ ﺍﺑﺘﺴﻢ .. ﺑﺎﻩ ﺍﺭﻗﺪﻱ ﻫﻲ
ﻗﻌﺪ ﻳﻠﻌﺐ ﻉ ﺷﻌﺮﻱ ﻟﻴﻦ ﻏﻔﻴﺖ "
" ﺩﻧﻴﺎ .. ﻳﺎﺍﺍﻋﻠﻠﻲ ﺗﻌﺎﻝ ﻫﻨﺎ ﻣﺎﻃﻠﻌﺶ ﺣﺴﻲ ﺑﺎﺗﻚ ﺭﺍﻗﺪ
ﺍﻋﻠﻴﻮﻩ ﻣﺶ ﻣﻌﺪﻝ ﻋﻠﻴﻬﺎ ﻭﻳﻄﻴﺢ ﻑ ﺗﺤﻒ ﻭﻳﺠﺮﻱ
ﺩﻧﻴﺎ ﻋﻴﻄﺖ .. ﻳﺎﺍﺍﺍﻋﻠﻴﻲﻱ
ﺍﻣﺠﺪ ﻧﺎﺽ ﻣﻦ ﻧﻮﻣﻪ ﻭﻃﻠﻊ ﻟﺼﺎﻟﻪ .. ﻛﻨﻚ ﺗﻌﻴﻄﻲ
ﺩﻧﻴﺎ .. ﻫﺒﻠﻨﻲ ﻣﺎﻳﺴﻤﻌﺶ ﻑ ﺍﻟﻜﻼﻡ
ﺍﻣﺠﺪ ﻓﻨﺺ ﻭﻣﺴﻚ ﻋﻠﻲ ﻣﻦ ﺩﺑﺸﻪ .. ﻣﺶ ﻋﺎﺭﻓﻨﻲ ﺭﺍﺍﺍﻗﺪ
ﺩﻧﻴﺎ ﺻﺒﺖ ﺑﺼﻌﻮﺑﺔ .. ﺧﻠﻴﻪ ﻳﺎﺍﻣﺠﺪ ﺭﺍﻙ ﺗﻀﺮﺑﻪ ﻋﺎﺭﻓﺘﻪ ﺍﻧﺎ ﺿﺮﺑﻚ
ﺍﻣﺠﺪ .. ﺣﻮﻟﻲ ﻣﺎﺗﺪﺧﻠﻴﺶ ﻫﺬﺍ ﺛﺎﻧﻲ ﻣﺮﻩ ﻳﻠﻘﺐ ﺩﻧﻴﺎ ﻭﺍﻧﺎ ﺭﺍﻗﺪ
ﺩﻧﻴﺎ ﺟﺎﺗﻪ ﻭﻣﺴﻜﺖ ﻋﻠﻲ ﻣﻨﻪ ﻭﺻﺒﺖ ﻗﺪﺍﻣﻪ .. ﻻ ﻭﺭﺍﺳﻚ ﺳﻴﺒﻪ ﺧﻼﺹ ﻋﺸﺎﻥ ﺧﺎﻃﺮﻱ
ﺍﻣﺠﺪ ﻋﻴﻂ .. ﺍﻣﺸﺸﺸﻲ ﺍﺭﺭﺭﻗﺪ
ﻋﻠﻲ ﻋﺪﺍ ﻳﺠﺮﻱ ﻟﺪﺍﺭ
ﺩﻧﻴﺎ .. ﺍﻫﺪﻯ ﺧﻼﺹ ﺗﻮﺍ ﻧﺮﻗﺪﻩ ﺍﻣﺸﻲ ﺍﺭﻗﺪ
ﺍﻣﺠﺪ .. ﺗﻌﺎﻟﻲ ﺍﻧﺘﻲ ﻗﻤﻌﺰﻱ ﺗﺮﻳﺤﻲ
ﺩﻧﻴﺎ .. ﻣﺶ ﻗﺎﺩﺭﻩ ﻧﺘﺤﻤﻞ ﺗﺼﺒﺎﻱ ﻭﻻ ﺣﺎﺟﻪ
ﺍﻣﺠﺪ .. ﻣﺰﺍﻝ ﺷﻬﺮﻳﻦ ﺧﻼﺹ ﺗﺤﻤﻠﻲ
ﺩﻧﻴﺎ .. ﺗﻌﺒﺎﻧﻪ ﺑﻜﻞ ﻣﻌﺶ ﺑﻨﺤﻤﻞ ﺧﻼﺹ
ﺍﻣﺠﺪ ﺍﺑﺘﺴﻢ ﻭﺣﻀﻨﻬﺎ .. ﺗﻮﺍ ﺗﺠﻴﺒﻲ ﻭﺗﺮﻳﺤﻲ
ﺩﻧﻴﺎ .. ﺍﻭﻭﻑ ﻋﻤﻠﻴﻪ ﻣﺮﺍﺕ ﺑﺲ ﻗﺎﻟﺘﻠﻲ ﻣﺶ ﻋﺎﺭﻓﻪ ﺍﻥ ﺷﺎﺀ ﺍﻟﻠﻪ ﻃﺒﻴﻌﻲ ﻳﺎﺍﻣﺠﺪ
ﺍﻣﺠﺪ .. ﺑﺎﻩ ﺳﺎﻫﻠﻪ ﺗﻨﻮﺿﻲ ﺗﻼﻗﻰ ﺯﻳﻨﻪ ﺗﻼﻙ ﻻ ﺗﺘﻌﺒﻲ ﻻ ﺷﻲ
ﺩﻧﻴﺎ .. ﻻ ﻭﺍﻋﺮﻩ ﺧﺎﻳﻔﻪ ﻣﻨﻬﺎ
ﺍﻣﺠﺪ .. ﻣﺎﺗﺨﺎﻓﻴﺶ ﺭﺑﻲ ﻳﻨﻮﺿﻚ ﻉ ﺧﻴﺮ ﻭﺳﻼﻣﻪ
ﺩﻧﻴﺎ .. ﺍﻥ ﺷﺎﺀ ﺍﻟﻠﻪ ﻳﺎﺭﺏ
ﺍﻣﺠﺪ .. ﺩﻳﺮﻟﻲ ﻗﻬﻮﺀ ﺭﺍﺳﻲ ﺻﺪﻉ ﺑﻜﻞ
ﺩﻧﻴﺎ ﻣﺪﺗﻠﻪ ﺍﻳﺪﻫﺎ .. ﺣﺎﺿﺮ ﺻﺒﻴﻨﻲ ﺑﺲ
ﺍﻣﺠﺪ ﺻﺒﺎﻫﺎ ﻭﻣﺸﺎﺀ ﻣﻌﺎﻫﺎ ﻟﻜﻮﺟﻴﻨﻪ
ﺩﻧﻴﺎ ﻣﺼﺒﻴﻪ ﻉ ﻏﺎﺯ ﻭﺗﺤﻮﺱ
ﺍﻣﺠﺪ ﺗﻨﻬﺪ ﺑﺮﻣﺖ ﻋﻠﻴﻪ ﺩﻧﻴﺎ
ﺩﻧﻴﺎ .. ﻛﻨﻚ
ﺍﻣﺠﺪ ﺍﺑﺘﺴﻢ .. ﺣﺎﺱ ﺭﻭﺣﻲ ﻛﻨﺖ ﻫﺒﻞ ﺑﻜﻞ
ﺍﻣﺠﺪ .. ﻋﻠﻴﺶ
ﺍﻣﺠﺪ ﺻﺒﻰ ﻭﺣﻀﻨﻬﺎ ﻣﻦ ﻻﻭﺭﻩ .. ﻻﻧﻲ ﻣﺶ ﺷﺎﻳﻒ ﺍﻟﺤﺎﺟﺎﺕ ﺍﻟﺤﻠﻮﻩ ﺍﻟﻲ ﻓﻴﻚ ﻭﺧﻠﻴﺖ ﺍﻳﺎﻣﻨﺎ ﻳﻤﺸﻦ ﻫﻚ
ﺩﻧﻴﺎ ﺗﻨﻬﺪﺕ .. ﺑﺎﻩ ﺍﻧﺖ ﺗﻮﺍ ﺗﺤﺒﻨﻲ
ﺍﻣﺠﺪ ﺑﺎﺳﻬﺎ .. ﻗﺎﻟﺖ ﻧﺤﺒﻚ ﺑﺲ ﺗﻲ ﻧﻤﻮﺕ ﻓﻴﻚ ﻣﻮﻭﺕ
ﺩﻧﻴﺎ ﺍﺑﺘﺴﻤﺖ .. ﺣﻮﻝ ﺧﻼﺹ ﺑﻨﺼﺐ ﺍﻟﻘﻬﻮﺓ
ﺍﻣﺠﺪ ﻭﺧﺮ ﻭ ﻫﻴﺎ ﺻﺒﺘﻠﻪ ﺍﻟﻘﻬﻮﺓ
ﺩﻧﻴﺎ .. ﺗﺒﻲ ﺣﺎﺟﻪ ﻣﻌﺎﻫﺎ
ﺍﻣﺠﺪ .. ﻻ ﻻ ﺗﻢ ﻫﻜﻲ ﻛﻮﻳﺲ
ﺩﻧﻴﺎ ﺣﻄﺖ ﺍﻳﺪﻫﺎ ﻉ ﺑﻄﻨﻬﺎ .. ﺻﺤﻪ ﻳﺎﻋﻤﺮﻱ
ﺍﻣﺠﺪ ﻋﺰﻗﻠﻬﺎ ﺑﻮﺳﻪ .. ﺳﻠﻤﻚ "
" ﺭﻳﻬﺎﻡ .. ﺳﻔﻴﺎﻥ ﻗﺎﻋﺪ ﺑﺮﺍ ﻳﺤﻜﻲ ﻣﻊ ﻋﺰﻭ ﻭﻣﺎﻣﺎ
ﺭﺣﺎﺏ ﺻﺒﺖ .. ﺣﻲ ﻋﻠﻴﺎ ﺍﺯﻋﻤﻚ ﺷﻦ ﻳﺤﻜﻲ
ﺭﻳﻬﺎﻡ .. ﺗﻮﺍ ﺗﺨﺶ ﻣﺎﻣﺎ ﻭﻧﺴﺎﻟﻮﻫﺎ
ﺭﺣﺎﺏ ﻗﻌﺪﺕ ﻣﺎﺷﻴﺎ ﺟﺎﻳﺎ ﻑ ﺻﺎﻟﻪ ﻭﻣﺘﻮﺗﺮﻩ
ﺭﻳﻬﺎﻡ .. ﺍﻫﺪﻯ ﺧﻼﺹ ﻋﻠﻴﻚ ﺗﻜﺒﻴﺮ ﺷﻮﺭﺥ ﻛﻠﻪ ﺍﻧﺘﻲ
ﺭﺣﺎﺏ .. ﺧﺎﻳﻔﻪ
ﺷﻮﻳﺎ ﻭﺧﺸﺖ ﻣﺎﻣﺎ ﻭﻑ ﺍﻳﺪﻳﻬﺎ ﺍﻛﻴﺎﺱ
ﺭﺣﺎﺏ .. ﺷﻨﻮ ﻫﺬﻳﻨﺎ
ﻣﺎﻣﺎ .. ﻣﻦ ﺳﻔﻴﺎﻥ ﻟﻜﻲ
ﺭﺣﺎﺏ .. ﺷﻦ ﻳﺒﻲ ﻳﺎ ﻣﺎﻣﺎ
ﻣﺎﻣﺎ .. ﻗﺎﻝ ﻧﺒﻲ ﻧﺠﻴﺐ ﻫﻠﻲ ﺧﻼﺹ
ﺭﺣﺎﺏ ﺍﺑﺘﺴﻤﺖ .. ﺑﺲ ﻫﻜﻲ
ﻣﺎﻣﺎ .. ﺍﻫﺎ ﻭﺗﻨﺎﻗﺶ ﻣﻊ ﻋﺰﻭ ﻟﻴﻦ ﻗﻨﻌﻪ
ﺭﺣﺎﺏ ﺍﺑﺘﺴﻤﺖ ﻭﻣﺴﻜﺖ ﺍﻛﻴﺎﺱ ﻭﺧﺸﺖ ﺗﺠﺮﻱ ﻟﺪﺍﺭ
ﻓﺘﺤﺘﻬﻦ ﻭﻛﺎﻥ ﺟﺎﻳﺐ ﺩﺑﺶ ﻭﻛﻠﻪ ﻃﻮﻳﻞ ﻭﺍﺳﻊ
ﺭﺣﺎﺏ .. ﻣﻦ ﺟﺪﻩ ﻳﺒﻨﻲ ﻧﻠﺒﺲ ﻫﻜﻲ
ﺭﻳﻬﺎﻡ .. ﺑﺲ ﺣﻠﻮ ﺭﺍﻩ
ﺭﺣﺎﺏ .. ﺍﻭﻛﻲ ﺣﻠﻮ ﺑﺲ ﻭﺍﺳﻊ ﻭﺍﺟﺪ ﻭﻃﻮﻳﻞ
ﺭﻳﻬﺎﻡ .. ﺧﻴﺮ ﻣﻦ ﻟﺒﺴﻚ ﺍﻟﻀﻴﻖ ﺍﻟﺒﺴﻴﻪ ﺍﺳﻜﺘﻲ
ﺭﺣﺎﺏ .. ﺗﻲ ﺑﺲ ..
ﻣﺎﻛﻤﻠﺘﺶ ﻛﻼﻣﻬﺎ ﺭﻥ ﻣﻮﺑﺎﻳﻠﻬﺎ
ﺭﺣﺎﺏ .. ﻫﻮ
ﺭﻳﻬﺎﻡ .. ﻃﺎﻟﻌﻪ ﺍﻧﺎ ﺍﺣﻜﻲ ﺑﺮﺍﺣﺘﻚ
ﺭﺣﺎﺏ .. ﺑﺎﻩ ﻫﻴﺎ
ﻃﻠﻌﺖ ﺭﻳﻬﺎﻡ ﻭﺭﺣﺎﺏ ﺭﺩﺕ
ﺳﻔﻴﺎﻥ .. ﺍﻳﻮﺍﻩ
ﺭﺣﺎﺏ .. ﺍﻟﻮ
ﺳﻔﻴﺎﻥ .. ﺷﻔﺘﻲ ﺍﻻﻛﻴﺎﺱ
ﺭﺣﺎﺏ .. ﺷﻔﺖ
ﺳﻔﻴﺎﻥ .. ﻣﺶ ﻋﺎﺟﺒﻚ ﺷﻜﻠﻪ
ﺭﺣﺎﺏ .. ﻳﻌﻨﻲ
ﺳﻔﻴﺎﻥ .. ﺷﻨﻮ ﺍﻟﻲ ﻋﺎﺟﺒﻚ ﻟﺒﺲ ﺿﻴﻖ ﻭﺳﻬﻮﻛﻪ ﻣﻊ ﺍﺳﺎﺗﺬﻩ
ﺭﺣﺎﺏ .. ﻣﺶ ﺳﻬﻮﻛﻪ ﻛﻨﺎ ﻧﺤﻜﻮﺍ ﻉ ﻣﻨﻬﺞ ﻣﺎﺗﻘﻠﺒﺶ ﺍﻟﻜﻼﻡ ﺗﻮﺍ
ﺳﻔﻴﺎﻥ .. ﻉ ﻣﻬﻢ ﺍﻧﺎ ﻣﺎﻧﺒﻴﺶ ﻧﻨﻔﺼﻞ ﻋﻠﻴﻚ ﻭﻧﺰﻋﻠﻚ ﺣﻜﻰ ﻣﻌﺎﻫﻢ ﻣﻌﺶ ﻧﺒﻲ ﻭﺗﻠﺒﺴﻲ ﺩﺑﺶ ﺍﻟﻲ ﺟﺒﺘﻪ ﻭﺗﺴﻜﺘﻲ
ﺭﺣﺎﺏ ﺳﻜﺘﺖ
ﺳﻔﻴﺎﻥ .. ﺗﺴﻤﻌﻲ ﻓﻴﺎ
ﺭﺣﺎﺏ .. ﻫﻮﻭﻭﻑ ﻧﺴﻤﻊ
ﺳﻔﻴﺎﻥ .. ﺍﻳﻮﺍﻩ
ﺭﺣﺎﺏ .. ﻗﺎﻟﺖ ﻣﺎﻣﺎ ﺗﺒﻲ ﺗﺠﻴﺐ ﻫﻠﻚ ﺧﻼﺹ
ﺳﻔﻴﺎﻥ .. ﺑﻌﺪ ﺭﻣﻀﺎﻥ ﻋﺰﻭ ﻗﺎﻝ ﻫﻜﻲ ﺧﻴﺮ
ﺭﺣﺎﺏ .. ﺍﻣﻤﻢ ﺑﺎﻩ ﻛﻮﻳﺲ
ﺳﻔﻴﺎﻥ .. ﺗﻤﺎﻡ
ﺭﺣﺎﺏ .. ﺑﺎﻩ ﺗﺒﻲ ﺣﺎﺟﻪ ﺗﻮﺍ ﺑﻨﺼﻜﺮ
ﺳﻔﻴﺎﻥ .. ﻻﻻ ﺳﻼﻣﺘﻚ
ﺭﺣﺎﺏ .. ﺑﺎﻩ ﺍﻭﻛﻲ
ﺳﻔﻴﺎﻥ .. ﺗﻌﺎﻟﻲ ﻫﻨﺎ ﺗﺼﻜﺮﻱ ﻑ ﻋﻴﻨﻚ
ﺭﺣﺎﺏ ﺍﺑﺘﺴﻤﺖ .. ﺷﻦ ﺗﺒﻲ
ﺳﻔﻴﺎﻥ ﺗﻨﻬﺪ .. ﺷﻲ ﻧﺤﺒﻚ
ﺭﺣﺎﺏ ﺍﺑﺘﺴﻤﺖ .. ﺑﺲ ﻉ ﻫﺬﻱ
ﺳﻔﻴﺎﻥ .. ﺍﻫﺎ ﻉ ﻫﺬﻱ ﺍﻧﺎ ﺩﺭﺕ ﻫﻚ ﻉ ﺳﺒﻪ ﻧﻐﺎﺭ ﻋﻠﻴﻚ
ﺭﺣﺎﺏ ﺑﺪﻟﻊ .. ﺍﻣﻤﻤﻢ ﺗﻐﺎﺍﺍﺭ
ﺳﻔﻴﺎﻥ ﺑﺼﻮﺕ ﻭﺍﻃﻲ .. ﺯﺏ &$&
ﺭﺣﺎﺏ .. ﺷﻨﻮ ﺣﺒﻴﺒﻲ
ﺳﻔﻴﺎﻥ .. ﺷﻲ ﻳﺎﻋﻤﺮﻱ ﺳﻘﻤﻲ ﺩﻭﺗﻚ ﺑﺲ ﺧﻴﺮ ﻣﺎﻧﻄﻠﻌﻠﻚ ﻣﻦ ﻣﻮﺑﺎﻳﻞ ﺗﻮﺍ
ﺭﺣﺎﺏ .. ﻫﻬﻬﻬﻬﻪ ﻧﺤﻜﻲ ﻋﺎﺩﻱ ﻛﻨﻚ ﺍﻧﺖ
ﺳﻔﻴﺎﻥ .. ﺗﻲ ﺍﺍﺍﻩ ﻭﺧﻼﺹ ﺷﻦ ﺑﻨﻘﻮﻝ
ﺭﺣﺎﺏ .. ﻫﻤﻢ ﺷﻨﻮ
ﺳﻔﻴﺎﻥ .. ﺻﻜﺮﻱ ﺗﻮﺍ ﺧﻠﻴﻨﻲ ﺷﻮﻳﺎ ﻭﻧﺮﺩ ﻋﻠﻴﻚ
ﺭﺣﺎﺏ ﺍﺑﺘﺴﻤﺖ .. ﺣﺎﺿﺮ ﺍﻧﺤﺒﻚ ﺑﺎﻱ
ﺳﻔﻴﺎﻥ ﺍﺑﺘﺴﻢ .. ﺍﻭﻛﻲ
ﺻﻜﺮﺕ ﺭﺣﺎﺏ ﻭﻗﻌﺪﺕ ﻣﺒﺘﺴﻤﻪ
ﻻ ﻳﻜﺒﺮ ﺍﻟﺤﺐ ﺑﻄﻮﻝ ﺍﻟﻤﺪﻩ؛ ﺇﻧﻤﺎ ﺏ ﺟﻤﺎﻝ ﺍﻟﻤﻮﺍﻗﻒ ﻟﻮ ﻛﺎﻧﺖ ﻟﺤﻈﺎﺕ
"
" ﻑ ﺍﻟﻴﻞ ..
ﺭﺷﺎ .. ﻣﺘﺪﺧﻠﺶ ﻓﻴﻬﻢ
ﻣﺤﻤﺪ .. ﻣﺶ ﻣﺪﺧﻞ ﺑﺲ ﺑﻨﻌﺮﻑ ﺷﻦ ﺻﺎﻳﺮ
ﺭﺷﺎ .. ﺧﻠﻴﻬﺎ ﻫﻴﺎ ﻣﺎﺗﺒﻴﺶ ﺗﻄﻠﻊ ﺣﺘﻰ ﻣﻦ ﺩﺍﺭ
ﻣﺤﻤﺪ .. ﺍﻥ ﺷﺎﺀ ﺍﻟﻠﻪ ﺧﻴﺮ ﻭﺧﻼﺹ ﺷﻦ ﺑﻨﻘﻮﻝ ﻳﻌﻨﻲ
ﺭﺷﺎ ﻗﺮﺑﺖ ﻣﻨﻪ ﻭﺑﺎﺳﺖ ﺧﺪﻩ
ﻣﺤﻤﺪ ﺍﺑﺘﺴﻢ .. ﻗﺮﺑﻲ ﺗﻌﺎﻟﻲ
ﺭﺷﺎ ﻗﺮﺑﺖ ﻣﻨﻪ ﺃﻛﺜﺮ ﻭﻣﺴﻜﺖ ﻑ ﺭﻗﺒﺘﻪ .. ﺣﺒﻴﺒﻲ
ﻣﺤﻤﺪ .. ﻧﻌﻢ ﻳﺎﻗﻠﺒﻲ
ﺭﺷﺎ .. ﻣﺎﺿﺎﻳﻘﺶ ﺭﻭﺣﻚ
ﻣﺤﻤﺪ .. ﺷﻦ ﻧﺪﻳﺮ ﻧﻀﺎﻳﻖ ﻉ ﺳﺒﺎﻫﺎ
ﺭﺷﺎ ﺍﺑﺘﺴﻤﺖ .. ﺭﺑﻲ ﻳﺨﻠﻴﻚ ﻟﻬﺎ
ﻣﺤﻤﺪ .. ﻭﻳﺨﻠﻴﻚ
ﻃﺒﺲ ﺑﺎﺱ ﺭﻗﺒﺘﻬﺎ
ﺭﺷﺎ .. ﺭﺑﻲ ﻳﻔﺮﺡ ﻗﻠﺒﻚ
ﻣﺤﻤﺪ .. ﻭﻗﻠﺒﻚ ﻉ ﻣﻬﻢ ﺗﻘﻌﺪﻱ ﺗﻼﻳﺎ ﺍﻧﺎ ﻭﻗﺘﻬﺎ ﻗﻠﺒﻲ ﻳﻘﻌﺪ ﻓﺮﺣﺎﻥ
ﺭﺷﺎ ﺍﺑﺘﺴﻤﺖ "
" ﻣﻨﻴﺮ ﻗﺎﻋﺪ ﻑ ﺟﻨﺎﻥ ﻳﺪﺧﻦ ﻭﻳﻤﺴﺢ ﻉ ﻭﺟﻪ ﻭﻣﺎﺳﻚ ﻣﻮﺑﺎﻳﻞ ﻳﻜﺘﺐ ﻑ ﻣﺴﺞ
ﻣﺮﻳﻮﻣﻪ ﺣﺒﻴﺒﻲ ﺍﺳﻒ ﺳﺎﻣﺤﻴﻨﻲ ﻫﺬﺍ ﺗﺎﻟﺖ ﻳﻮﻡ ﻭﺍﻧﺘﻲ ﺯﻋﻼﻧﻪ ﻣﻨﻲ ﻣﺶ ﻗﺎﺩﺭ ﻻ ﻧﺮﻗﺪ ﻻ ﻧﺎﻛﻞ ﻣﻦ ﺗﻔﻜﻴﺮ ﻣﺮﻳﻢ ﺭﺩﻱ ﻋﻠﻴﺎ ﻭﻫﺰﺑﻴﻨﻲ ﻭﺧﻠﻴﻨﺎ ﻧﺘﺮﺍﺿﻮ
ﻣﺮﻳﻢ ﺭﺍﻗﺪﻩ ﻉ ﺳﺮﻳﺮ ﻭﺳﺎﻛﺘﻪ ﻭﺻﻠﻬﺎ ﻣﺴﺞ ﺑﻌﺪ ﻗﺮﺕ ﺍﻻﺳﻢ ﻗﻠﺒﻬﺎ ﻗﻌﺪ ﻳﺪﻕ ﺑﻘﻮﻩ ﻓﺘﺤﺖ ﻣﺴﺞ ﻭﻗﻌﺪﺕ ﺗﻘﺮﺍ ﻭﺗﺒﻜﻲ
ﺑﺸﺮﻯ .. ﻛﻨﻚ ﺷﻦ ﻓﻲ
ﻣﺮﻳﻢ ﺗﺒﻜﻲ .. ﺷﻲ ﻣﺘﻌﺎﺭﻛﻪ ﺍﻧﺎ ﻭﻣﻨﻴﺮ
ﺑﺸﺮﻯ .. ﻛﻨﻜﻢ ﺑﺎﻩ ﻋﻠﻴﺶ ﻣﺘﻌﺎﺭﻛﻴﻦ
ﻣﺮﻳﻢ ﺗﻤﺴﺢ ﻑ ﺩﻣﻮﻋﻬﺎ ﻭﺗﺒﺤﺖ ﻑ ﺑﺸﺮﻯ .. ﻣﺘﻌﺎﺭﻛﻴﻦ ﻭﺧﻼﺹ ﻭﺍﻧﺎ ﺯﻋﻼﻧﻪ ﻣﺎﻧﺒﻴﺶ ﻧﺮﺿﻰ
ﺑﺸﺮﻯ .. ﻋﻠﻴﺶ ﺑﺎﻩ ﺩﺍﺑﻴﻦ ﻳﺮﺍﺿﻰ ﻓﻴﻚ ﺧﻼﺹ
ﻣﺮﻳﻢ ﻫﺰﺕ ﺭﺍﺳﻬﺎ ﺏ ﻻﻻ .. ﻣﺶ ﻓﺎﻫﻤﻪ ﺍﻧﺘﻲ ﻣﺎﻩ
ﺑﺸﺮﻯ .. ﺭﺑﻲ ﻳﻬﺪﻳﻚ ﻭﺧﻼﺹ
ﻣﺮﻳﻢ ﺧﺸﺖ ﺗﺤﺖ ﻭﺭﻏﺎﻥ ﻭﻗﻔﻠﺖ ﻣﻮﺑﺎﻳﻠﻬﺎ "
" ﻣﻨﻴﺮ ﻳﻨﻔﺦ ﻭﻳﺪﺧﻦ ﺭﺩ ﻳﻜﺘﺐ ﻑ ﻣﺴﺞ ﺟﺪﻳﺪ .. ﻗﻮﻟﻴﻠﻲ ﺍﻟﻲ ﻳﺮﺿﻴﻚ ﺍﻧﺎ ﻧﺪﻳﺮﻩ ﺗﺒﻲ ﻧﻄﻠﻊ ﺍﻟﻌﺮﺱ ﻧﻄﻠﻌﻪ ﺗﻮﺍ ﻉ ﻣﻬﻢ ﺗﺮﺿﻲ
ﺩﺯ ﻣﺴﺞ ﻭﺻﻜﺮ ﻣﻮﺑﺎﻳﻞ ﺧﺶ ﺍﻳﻬﻢ
ﺍﻳﻬﻢ .. ﻛﻨﻚ ﻗﺎﻋﺪ ﻑ ﺻﻘﻊ
ﻣﻨﻴﺮ .. ﻣﺎﻋﻨﺪﻳﺶ ﻧﻴﻪ ﻧﺨﺶ
ﺍﻳﻬﻢ .. ﻛﻨﻚ ﻓﻲ ﺣﺎﺟﻪ ﺻﺎﻳﺮﻟﻪ
ﻣﻨﻴﺮ .. ﻉ ﺳﺎﺱ ﻣﻴﺲ ﻣﺎﺣﻜﺘﻠﻜﺶ ﺑﺎﻟﻠﻪ
ﺍﻳﻬﻢ .. ﻻ ﻻ ﻣﺎﺣﻜﺘﺶ ﻓﻲ ﺣﺎﺟﻪ ﺻﺎﻳﺮﻩ
ﻣﻨﻴﺮ ﺗﻨﻬﺪ ﻭﻗﻌﺪ ﻳﺤﻜﻲ ﻑ ﺍﻟﻲ ﺻﺎﺭ .. ﺿﻌﻔﺖ ﺷﻦ ﻧﺪﻳﺮ ﻣﺎﻗﺪﺭﺗﺶ ﻧﻘﺎﻭﻡ
ﺍﻳﻬﻢ .. ﻏﻠﻄﺎﻥ ﻳﺎﻣﻨﻴﺮ ﻋﻨﺪﻫﺎ ﺣﻖ ﺗﺰﻋﻞ ﻣﻨﻚ ﻻﺯﻡ ﺗﺤﻜﻢ ﻑ ﺭﻭﺣﻚ
ﻣﻨﻴﺮ ﻳﻤﺸﻲ ﻑ ﺍﻳﺪﻩ ﻉ ﺷﻌﺮﻩ .. ﺷﻦ ﻧﺪﻳﺮ ﺗﻮﺍ
ﺍﻳﻬﻢ .. ﺧﻠﻴﻬﺎ ﺗﻮﺍ ﻟﻴﻦ ﺗﻬﺪﺃ ﺑﻌﺪﻫﺎ ﺍﺣﻜﻲ ﻣﻌﺎﻫﺎ
ﻣﻨﻴﺮ .. ﺩﺯﻳﺖ ﻣﺴﺠﺎﺕ ﻣﺎﺗﺮﺩﺵ
ﺍﻳﻬﻢ ... ﻣﻌﺶ ﺩﺯ ﺧﻼﺹ ﺧﻠﻴﻬﺎ ﻉ ﺭﺍﺣﺘﻬﺎ
ﻣﻨﻴﺮ ﺻﺒﻰ .. ﺍﻧﺎ ﻃﺎﻟﻊ
ﺍﻳﻬﻢ .. ﻭﻳﻦ ﻣﺎﺷﻲ ﻑ ﻫﺎﻟﻴﻞ
ﻣﻨﻴﺮ .. ﻣﺎﺷﻲ ﻟﺼﺎﺣﺒﻲ
ﺍﻳﻬﻢ .. ﺑﺎﻩ ﻋﺪﻱ
" ﺭﻛﺐ ﺍﻳﻬﻢ ﻟﺸﻘﻪ ﻭﺍﻧﺎ ﻛﻨﺖ ﻣﺮﻗﺪﻩ ﻭﺳﻦ ﻭﻻﺑﺴﻪ ﺗﻮﺗﻪ ﻭﻣﻄﻔﻴﻪ ﺍﻻﺿﺎﺀ ﻭﻣﻮﻟﻌﻪ ﻗﺮﺍﻥ ﻑ ﺷﻘﻪ
ﺧﺶ ﺍﻳﻬﻢ ﻣﺒﺘﺴﻢ .. ﺧﻴﺮﺍﺕ
ﺍﻧﺎ ﺻﺒﻴﺖ .. ﺧﻴﺮ ﺷﻦ ﺟﻮ
ﺍﻳﻬﻢ ﻳﺴﻠﺢ ﻑ ﻛﺒﻮﻁ .. ﺗﻤﺎﻡ ﻭﻳﻦ ﻭﺳﻦ
ﺍﻧﺎ .. ﺭﻗﺪﺕ
ﺍﻳﻬﻢ .. ﻳﺎﺧﺴﺎﺭﻩ ﻗﺒﻞ ﺑﻨﻜﺴﺪ ﻋﻠﻴﻬﺎ
ﺍﻧﺎ .. ﺗﻮﺍ ﺷﻮﻳﺎ ﻭﺗﻨﻮﺽ ﺗﻌﻠﻖ ﺍﻋﻴﺎﻃﺎﺕ
ﺍﻳﻬﻢ ﺿﺤﻚ ﻭﺣﻀﻨﻲ .. ﺻﻐﻴﺮﻩ ﺑﻴﺒﻲ ﻳﺎ ﻋﻤﺮﻱ
ﺍﻧﺎ ﺭﻓﻌﺖ ﺭﺍﺳﻲ ﻭﻣﺴﻜﺖ ﺟﺪﻭﻗﻪ .. ﻧﺠﻴﻪ ﺣﺒﻴﺒﻲ
ﺍﻳﻬﻢ .. ﺻﻐﻴﺮ ﺗﺤﻘﻲ ﻓﻴﺎ ﺗﻘﺮﺻﻴﻠﻲ ﻑ ﺟﺪﻭﻗﻲ
ﺍﻧﺎ ﺿﺤﻜﺖ .. ﻋﺎﺭﻓﺘﻚ ﺭﺍﺍﺟﻞ ﻭﺳﻴﺪ ﺍﻟﺮﺟﺎﻟﻪ
ﺍﻳﻬﻢ ﺑﺎﺱ ﺭﺍﺳﻲ .. ﺟﻮ ﺷﻘﻪ ﻣﺮﻳﺢ ﺍﻭﻝ ﻣﺎﺧﺸﻴﺖ ﺍﺑﺘﺴﻤﺖ ﺣﺴﻴﺖ ﺻﺪﺭﻱ ﻧﺸﺮﺡ ﺑﺼﻮﺕ ﺍﻟﻘﺮﺍﻥ
ﺍﻧﺎ ﺍﺑﺘﺴﻤﺖ .. ﺻﻮﺗﻪ ﻣﺮﻳﺢ
ﺍﻳﻬﻢ .. ﺑﻜﻞ ﻣﺮﻳﺢ ﺻﻮﺗﻪ ﻭﺣﺴﻜﻢ ﻑ ﺷﻘﻪ ﻳﺮﻳﺢ ﻑ ﻗﻠﺒﻲ ﺍﻳﺎﻡ ﻋﺮﺱ ﻣﺤﻤﺪ ﻣﺎﻧﺮﻗﺪﺵ ﻓﻴﻬﺎ ﻛﻞ ﻣﺎﻧﻔﺘﺢ ﺍﻟﺒﺎﺏ ﻧﺤﺲ ﻑ ﺟﻮﻱ ﻳﺘﻐﻴﺮ ﻧﺼﻜﺮ ﺍﻟﺒﺎﺏ ﻭﻧﻨﺰﻝ ﻟﻮﻃﻪ
ﺍﻧﺎ ﺍﺑﺘﺴﻤﺖ ﻭﺣﻀﻨﺘﻪ .. ﺭﺑﻲ ﻣﺎﻳﻐﻴﻴﻚ ﻋﻠﻴﻨﺎ
ﺍﻳﻬﻢ .. ﺗﻌﺎﻟﻲ ﺣﻄﻴﻠﻲ ﺣﺎﺟﻪ ﻧﺎﻛﻠﻬﺎ
ﺍﻧﺎ .. ﺣﺎﺿﺮ ﻗﺘﻠﻚ ﺣﺒﻴﺒﻲ ﺑﻜﺮﺍ ﻣﺎﺷﻴﻪ ﻟﺤﻮﺵ ﻫﻠﻲ
ﺍﻳﻬﻢ .. ﺑﺎﻩ ﺗﻤﺎﻡ
ﺣﻄﻴﺘﻠﻪ ﺗﻌﺸﻰ ﻭﺧﺸﻴﻨﺎ ﻟﺪﺍﺭ
ﺍﻳﻬﻢ ﻟﺒﺲ ﺗﻮﺗﻪ ﻭﺭﻗﺪ ﻑ ﺳﺮﻳﺮ ﻭﺍﻧﺎ ﻧﺪﻫﻦ ﻑ ﺍﻳﺪﻳﻪ
ﺍﻳﻬﻢ .. ﺍﺳﻤﻌﻲ ﺻﻮﺕ ﻣﻄﺮ
ﺍﻧﺎ ﺍﺑﺘﺴﻤﺖ .. ﻳﻬﺒﻞ ﺻﻮﺗﻬﺎ
ﺟﻴﺖ ﺗﻼﻩ ﻭﻗﻌﺪ ﺻﻮﺕ ﺭﻋﺪ ﻭﺑﺮﻕ ﻋﺎﻟﻲ ﻋﻴﻄﺖ ﻭﺣﻀﻨﺘﻪ
ﺍﻳﻬﻢ ﻳﻀﺤﻚ .. ﻛﻨﻚ ﺗﺨﺎﻓﻲ ﻣﻨﻪ
ﺍﻧﺎ .. ﻳﺨﻮﻑ ﻓﻴﺎ ﻣﻦ ﺍﻧﺎ ﻭﺻﻐﻴﺮﻩ
ﺭﺩ ﺃﺧﺮﻯ ﺻﻮﺕ ﻋﺎﻟﻲ ﺣﻀﻨﺘﻪ ﺑﻘﻮﻩ
ﺍﻳﻬﻢ ﺣﺎﻁ ﺍﻳﺪﻩ ﻉ ﺿﻬﺮﻱ .. ﻣﺘﺨﺎﻓﻴﺶ ﻳﺎﻫﺒﻠﻪ
ﺍﻧﺎ ﻫﺰﻳﺖ ﻛﺘﻮﻓﻲ .. ﻧﺨﺎﻑ ﻣﻨﻪ
ﺍﻳﻬﻢ ﺑﺎﺱ ﺭﺍﺳﻲ .. ﺣﻮﻝ ﺧﻼﺹ
ﻭﺧﺮﺕ ﻭﻗﻌﺪﺕ ﺭﺍﻗﺪﻩ ﻉ ﺻﺪﺭﻩ ﻭﺍﻳﻬﻢ ﻋﻠﻰ ﺻﻮﺕ ﻗﺮﺍﻥ ﻟﻴﻦ ﻫﺪﻳﺖ ﻭ ﺭﻗﺪﺕ "
" ﺍﻟﻴﻮﻡ ﺛﺎﻧﻲ ﻑ ﺣﻮﺵ ﻫﻠﻲ ..
ﺍﻧﺎ .. ﺧﺎﻳﻔﻪ ﻧﻘﻮﻟﻠﻬﺎ ﺗﺰﻋﻞ ﻣﻨﻲ ﻭﺗﻀﺎﻳﻖ
ﺭﺷﺎ .. ﺍﺣﻜﻲ ﻟﻤﺎﻣﺎ ﻭﺧﻼﺹ
ﻣﺎﻣﺎ ﺟﺖ ﻗﻤﻌﺰﺕ ﺗﻼﻧﺎ ﻭﺭﺣﺎﺏ ﺗﻬﺰ ﺏ ﻭﺳﻦ
ﻣﺎﻣﺎ .. ﺷﻦ ﺟﻮ ﻣﺤﻤﺪ ﻣﻌﺎﻙ ﻳﺎﺭﺷﺎ
ﺭﺷﺎ .. ﺍﻟﺤﻤﺪﺍﻟﻠﻪ ﺗﻤﺎﻡ ﻛﻮﻳﺲ
ﻣﺎﻣﺎ .. ﺑﺎﻩ ﺍﻟﺤﻤﺪﺍﻟﻠﻪ
ﺍﻧﺎ .. ﻣﺎﻣﺎ ﺑﻨﺤﻜﻴﻠﻚ ﻣﻮﺿﻮﻉ
ﻣﺎﻣﺎ .. ﺷﻨﻮ ﺧﻴﺮ ﺍﻥ ﺷﺎﺀ ﺍﻟﻠﻪ
ﺍﻧﺎ .. ﺩﻧﻴﺎ ﺳﻠﻔﺘﻲ ﺩﻭﺗﻠﻲ ﻉ ﺭﻳﻬﺎﻡ ﺗﺒﻴﻬﺎ ﺍﻟﺨﻮﻫﺎ ﻭﺭﺍﻩ ﺧﻮﻫﺎ ﻫﻮ ﺩﻛﺘﻮﺭ ﺍﻟﻲ ﺷﺮﻑ ﻉ ﺣﺎﻟﻪ ﺭﻳﻬﺎﻡ
ﻣﺎﻣﺎ ﺑﺘﺪﻭﻱ ﻗﻄﻌﺖ ﻋﻠﻴﻬﺎ ﺭﻳﻬﺎﻡ
ﺭﻳﻬﺎﻡ ..
" ﻳﺘﺒﻊ "..
ﺭﺍﻳﻜﻦ ﻑ ﺍﻟﺤﻠﻘﻪ ﻗﻮﻟﻜﻦ ﺷﻦ ﺑﻴﺼﻴﺮ ﻑ ﻣﻨﻴﺮ ﻭﻣﺮﻳﻢ ﻭﺭﻳﻬﺎﻡ ﺗﻮﺍﻓﻖ ﻭﻻ ﻻ ﻫﻴﺎ ﺗﻔﺎﻋﻠﻦ
Anosha Alriany
