ﻋﻜﺲ _ ﺍﻟﺘﻴﺎﺭ
ﺣﻠﻘﻪ 47
" ﺍﻳﻬﻢ ﺑﺼﻮﺕ ﻋﺎﻟﻲ .. ﺷﻨﻨﻦ ﺩﻳﻴﻴﺮﺭﻱ ﺍﻧﺘﻲ ﺷﻦ ﺩﻳﻴﻴﺮﻱ ﺑﺘﻘﺘﻠﻴﻨﻲ ﺍﻧﺘﻲ ﻭﻻ ﺗﺮﻳﺤﺘﻲ ﻛﻞ ﻣﺎ ﻧﻘﻮﻝ ﻧﺴﺎﻣﺤﻬﺎ ﺣﺮﺭﺭﺍﻡ ﻭﻧﺸﻔﻖ ﻋﻠﻴﻚ ﺗﺠﻨﻨﻲ ﺟﻨﻨﻨﻮﻧﻲ ﺍﺯﺯﻑ
ﺍﻧﺎ ﻣﻐﻤﻀﻪ ﻋﻴﻮﻧﻲ ﺯﻳﻦ .. ﻙ ﻛﻜﻨﻨﺖ
ﺍﻳﻬﻢ ﻣﺎﺳﻚ ﺍﻳﺪﻱ ﺑﻘﻮﻩ .. ﺻﻜﻜﻜﺮﺭﺭﺭﻱ ﻓﻤﻤﻤﻚ
ﺍﻧﺎ ﻧﺒﻜﻲ .. ﻳﺎﺍﻳﻬﻢ
ﺍﻳﻬﻢ .. ﺗﻌﺮﻓﻲ ﺗﺴﻜﺘﺘﺘﻲ ﺗﻌﺮﺭﺭﻓﻲ ﻣﺎﻧﺒﻴﺶ ﻧﺘﺮﻓﺰ ﺍﻛﺜﺮ ﺍﺯﻑ ﻛﺎﻥ ﺣﺪ ﻣﻜﺎﻧﻲ ﺭﺍﻩ ﻗﺘﻠﻚ ﻣﻦ ﺿﺮﺭﺏ ﺑﺴﺴﺲ ﺷﻨﻦ ﻧﺪﺩﺩﻳﺮ ﻣﺎﺗﻬﻮﻭﻧﻴﺶ ﻋﻠﻴﺎ ﺍﺯ $&& ﻣﺎﺗﻬﻮﻧﻴﻴﺶ ﻳﺎﻧﻌﻦ &$& ﺍﻧﺘﻲ ﻛﻨﻚ ﻛﻨﻚ ﺷﻨﻮ ﺗﺼﺮﻓﺎﺕ ﺃﻃﻔﺎﻝ ﻫﺬﻳﻨﺎ ﺷﻨﻮﻭﻭ
ﺍﻧﺎ ﻧﺒﻜﻲ ﻭﻧﻔﻚ ﻑ ﺍﻳﺪﻩ .. ﺍﻃﻠﻖ ﺍﻳﺪﻱ ﻳﺎﺍﻳﻬﻢ ﺍﻳﻲ ﺗﻮﻭﺟﻊ ﻓﻴﺎ ﻛﻨﻚ ﺍﻧﺖ
ﺍﻳﻬﻢ ﺧﺒﻂ ﺍﻟﻜﺮﺳﻲ ﺑﻜﺮﺍﻋﻪ ﻭﻗﻌﺪﺕ ﻧﺴﻤﻊ ﻑ ﻭﺳﻦ ﺗﺒﻜﻲ ﻑ ﺩﺍﺭ
ﺍﻳﻬﻢ ﻳﻌﻴﻂ .. ﺍﻧﻨﻨﻨﺘﻴﻲ ﻋﺎﺭﻓﻪ ﺗﺼﺮﺭﻓﻚ ﻫﺬﺍ ﺷﻨﻮ ﺍﺍﻩ ﻋﺎﺭﻓﻪ ﻗﻠﻪ ﺛﻘﻪ ﻫﺬﻱ ﻭﻻ ﻻ ﻋﺎﺭﻓﻪ ﺍﻧﻬﺎ ﻗﻠﻠﻠﻪ ﺛﺜﻘﻪ ﻋﺎﺭﻓﻪ ﺑﺲ ﺗﻮﺍ ﻧﻮﺭﻳﻚ ﻋﻠﻴﻬﺎ ﺗﻮﺍ ﺗﺸﻮﻓﻲ ﻣﻌﺎﻣﻠﻪ ﺳﻤﺤﻪ ﺍﻧﻲ ﻗﻠﺘﻬﺎ ﻳﺎﻣﻴﺲ ﻭﺍﻟﻠﻪ ﻣﺎﻧﻚ ﺷﺎﻳﻔﻪ ﻣﻨﻲ ﺣﺎﺟﻪ ﻛﻮﻳﺴﻪ ﻟﻴﻦ ﺗﺮﺑﻲ ﺍﻧﺎﺍﺍ ﺍﻟﻲ ﺩﻟﻌﺘﻚ ﻏﻴﺮ ﺷﻦ ﺗﺒﻲ ﺑﺲ ﻳﺎﺍﻣﻴﺲ ﻭﺗﻮﺍ ﺗﺮﺭﻛﺒﻲ ﻉ ﺭﺍﺳﻲ ﻻ ﺍﻧﺎ ﺟﻮ ﻫﺬﺍ ﻣﺎﻳﻤﺸﻴﺶ ﻣﻌﺎﻳﺎ ﻟﻮ ﻛﺎﻥ ﻏﻼﻙ ﻣﻘﻄﻌﻨﻨﻲ ﺗﻘﻄﻴﻊ
ﺍﻧﺎ ﻧﺒﻜﻲ .. ﻋﺎﺍﻣﻠﻨﻲ ﻛﻴﻒ ﻣﺎﺗﺒﻲ ﺇﻃﻠﻖ ﺍﻳﻴﺪﺩﻱ ﺑﺴﺲ ﺣﺮﺍﻡ ﻋﻠﻴﻚ
ﺍﻳﻬﻢ ﻃﻠﻘﻬﺎ ﺑﻘﻮﻩ ﻟﻴﻦ ﺣﺴﻴﺘﻬﺎ ﻑ ﻭﺳﻂ ﻛﺒﺪﻱ ﺧﺬﺍ ﻣﻮﺑﺎﻳﻠﻪ ﻭﻃﻠﻊ ﺧﺒﻂ ﺍﻟﺒﺎﺏ ﺑﻜﻞ ﻗﻮﺗﻪ ﻗﻤﻌﺰﺕ ﻉ ﻭﻃﻰ ﻭﻧﺒﺤﺖ ﻑ ﺍﻳﺪﻱ ﺍﻟﻲ ﻗﻌﺪ ﻟﻮﻧﻬﺎ ﺃﺯﺭﻕ ﻗﻌﺪﺕ ﻧﺒﻜﻲ ﺑﻘﻮﻩ ﻭﻧﺴﻤﻊ ﻑ ﺻﻮﺕ ﻭﺳﻦ ﺗﻌﻴﻂ "
" ﺍﻳﻬﻢ ﻧﺎﺯﻝ ﻣﻦ ﺩﺭﻭﺝ ﻳﺠﺮﻱ ﻭﻳﺤﻞ ﻑ ﺑﻄﻢ ﺳﻮﺭﻳﻪ
ﺳﻠﻴﻤﻪ .. ﻛﻨﻜﻢ ﻳﺎﺍﻳﻬﻢ ﺷﻦ ﻓﻲ ﻛﻨﻚ ﻣﻌﺎﻫﺎ
ﺍﻳﻬﻢ .. ﺍﻣﻲ ﻣﺤﺪ ﻳﺪﺧﻠﻲ ﻑ ﻣﻮﺿﻮﻉ ﻫﺬﺍ ﻣﺮﺍﺗﻲ ﻭﺍﻧﺎ ﺣﺮ ﻓﻴﻬﺎ
ﺳﻠﻴﻤﻪ .. ﺑﻨﺖ ﺗﺒﻜﻲ ﺷﻦ ﺩﺍﻳﺮ ﻓﻴﻬﺎ
ﺍﻳﻬﻢ ﻋﻴﻂ .. ﺗﺒﺒﺒﻜﻲ ﻭﻻ ﺣﺘﻰ ﺗﻤﻮﺕ ﻧﺴﻤﻊ ﺣﺪ ﺭﺍﻛﺒﻠﻬﺎ ﻳﺘﻔﺎﻫﻢ ﻣﻌﺎﻳﺎ ﺍﻧﺎ
ﻭﻃﻠﻊ ﻳﺠﺮﻱ
ﺗﺴﻨﻴﻢ ﻃﻠﻌﺖ .. ﻣﺎﻣﺎ ﺭﺍﻙ ﺗﺮﻛﺒﻲ ﺷﻔﺘﻴﻪ ﻛﻴﻒ ﻣﻌﺼﺐ
ﺳﻠﻴﻤﻪ .. ﻳﻨﻌﻠﻴﺎ ﺍﺳﻤﻌﻲ ﺻﻮﺕ ﺑﻜﺎﻫﺎ ﺣﺮﺍﻡ ﻋﻠﻴﻪ
ﺗﺴﻨﻴﻢ .. ﻳﺎﻣﺎﻣﺎ ﻣﺘﺪﺧﻠﻴﺶ ﺑﻴﻨﻬﻢ ﺗﻮﺍ ﻳﻬﺪﺃ ﻭﻳﺮﺍﺿﻴﻬﺎ
ﺍﻣﺠﺪ ﻧﺎﺯﻝ ﻣﻦ ﺷﻘﻪ .. ﺷﻦ ﻓﻲ ﻛﻨﻬﻢ ﺻﻮﺗﻬﻢ ﻗﺎﻟﺐ ﺍﻟﺤﻮﺵ
ﺳﻠﻴﻤﻪ .. ﻭ ﺍﻟﻠﻪ ﻣﺎﻧﻲ ﻋﺎﺭﻓﻪ ﻗﺎﻝ ﻣﺤﺪ ﻳﺮﻛﺒﻠﻬﺎ
ﺍﻣﺠﺪ .. ﺧﻼﺹ ﻣﺤﺪ ﻳﺮﻛﺐ ﻓﻜﻮﻧﺎ ﻣﻨﻪ
ﺳﻠﻴﻤﻪ .. ﺍﻥ ﺷﺎﺀ ﺍﻟﻠﻪ ﺧﻴﺮ ﺭﺑﻲ ﻳﻬﺪﻳﻪ ﻭﺧﻼﺹ "
" ﺑﺪﻳﺖ ﻧﻬﺪﺃ ﺑﺸﻮﻳﺎ ﻭﺻﺒﻴﺖ ﻏﺴﻠﺖ ﻭﺟﻲ ﻭﺧﺸﻴﺖ ﺳﻜﺘﺖ ﻭﺳﻦ ﻭﻗﻌﺪﺕ ﻧﺒﺤﺖ ﻑ ﺍﻳﺪﻱ ﻭ ﺩﻣﻮﻋﻲ ﻳﻨﺰﻟﻦ ﻭﻧﻤﺴﺢ ﻓﻴﻬﻦ ﻟﻴﻦ ﺩﺧﺖ ﻭ ﺭﻗﺪﺕ ﻣﻦ ﻛﺜﺮ ﺍﻟﺒﻜﺎﺀ "
" ﺍﻳﻬﻢ ﻣﻘﻤﻌﺰ ﻑ ﻣﺤﻞ ﻭﻳﺪﺧﻦ ﺧﺶ ﻋﻠﻴﻪ ﻣﺤﻤﺪ
ﻣﺤﻤﺪ .. ﺧﻴﺮ
ﺍﻳﻬﻢ ﺷﻴﺮﻟﻪ ﺑﻴﺪﻩ ﻭﺳﻜﺖ
ﻣﺤﻤﺪ ﻛﺮ ﺍﻟﻜﺮﺳﻲ ﻭﻗﻤﻌﺰ .. ﻛﻨﻚ ﻋﺎﻗﺪﻫﺎ ﻣﺰﺍﻟﺘﻮ ﺗﺎﻛﻴﻨﻬﺎ
ﺍﻳﻬﻢ .. ﺍﻟﻴﻮﻡ ﻭﺻﻠﺖ ﻟﺴﻤﺎﺀ ﺑﻴﻨﺎ
ﻣﺤﻤﺪ .. ﻛﻨﻜﻢ ﻛﻨﻚ ﻳﺎﺍﻳﻬﻢ ﺧﻼﺹ ﻏﻠﻄﺖ ﻭﺍﻋﺘﺬﺭﺕ ﻓﻮﺗﻬﺎ ﺍﻟﻤﺮﺍ ﺣﺎﻣﻞ ﺟﻮﻫﺎ ﻣﻠﺨﺒﻂ ﺍﻛﻴﺪﻩ
ﺍﻳﻬﻢ ﻳﺪﺧﻦ ﻭﻳﻨﻔﺦ ﻑ ﺩﺧﺎﻥ .. ﻻ ﺍﻟﻴﻮﻡ ﻣﺎﻩ ﻭﻭﻭﻭ ﻭﺣﻜﻰ ﺍﻟﻲ ﺻﺎﺭ
ﻣﺤﻤﺪ .. ﺍﻭﻭﻭ ﺟﻮ ﺷﻴﻦ ﻫﻜﻲ
ﺍﻳﻬﻢ ﺻﺒﻰ .. ﻫﺬﺍ ﻟﻴﺶ ﻣﺖ &$& ﻋﻨﺪﻱ ﻟﻠﻤﻠﻴﻮﻥ
ﻣﺤﻤﺪ .. ﺑﺎﻩ ﺣﺘﻰ ﺍﻧﺖ ﺍﻫﺪﻯ ﺧﻼﺹ ﺍﺣﻜﻰ ﻣﻌﺎﻫﺎ ﻭﻣﺸﻲ ﺟﻮ ﻫﺬﺍ ﺭﺍﺑﻊ ﻳﻮﻡ ﻣﺘﻌﺎﺭﻛﻴﻦ
ﺍﻳﻬﻢ .. ﻭﺩﻳﻨﻲ ﻣﺎﻧﻲ ﻣﺼﻠﺤﻬﺎ ﻟﻴﻦ ﺗﺸﻌﻒ ﺍﻧﺎ ﺗﻮﺍ ﻧﻮﺭﻳﻬﺎ ﺧﻠﻴﻬﺎ
ﻣﺤﻤﺪ .. ﺗﻲ ﺭﺍﺟﻞ ﺍﺳﺘﻬﺪﻱ ﺑﺎﻟﻠﻪ
ﺍﻳﻬﻢ .. ﻣﺎﻳﺒﻨﺶ ﺩﻟﻊ ﻫﺬﻳﻨﺎ ﻳﺒﻦ ﻏﻴﺮ ﺍﻟﻌﻴﻦ ﺣﻤﺮﻩ ﻫﻴﺎ ﺗﺒﻲ ﺣﺎﺟﻪ ﺗﻮﺍ
ﻣﺤﻤﺪ .. ﻻ ﺳﻼﻣﺘﻚ ﻏﻴﺮ ﻓﻜﺮ ﺑﻴﻨﻚ ﻭﺑﻴﻦ ﺭﻭﺣﻚ ﻫﺬﻱ ﻣﻴﺲ ﻣﺶ ﺣﺪ ﺃﺧﺮﻯ
ﺍﻳﻬﻢ ﺗﻨﻬﺪ ﻭﻧﻔﺦ .. ﺑﺎﻩ ﺍﻭﻛﻲ ﺗﻮﺍ
ﻃﻠﻊ ﺍﻳﻬﻢ ﻭﻣﺤﻤﺪ ﻗﻤﻌﺰ ﻣﻜﺎﻧﻪ "
" ﻃﺒﻌﺎً ﺍﻣﻴﺮﻩ ﻭﻋﺰﻭ ﻋﺪﻭ ﻟﻤﺸﺮﻕ ﻏﻴﺮﻭ ﻑ ﺟﻮﻫﻢ ﻋﺮﺳﺎﻥ ﻋﺎﺩ
ﺍﻣﻴﺮﻩ .. ﻋﺰﻭﺯﺗﻲ ﻭﻳﻦ ﻣﻮﺑﺎﻳﻠﻚ
ﻋﺰﻭ ﻃﺎﻟﻊ ﻣﻦ ﺩﺍﺭ .. ﻛﻨﻚ ﺷﻦ ﺗﺒﻲ ﻓﻴﻪ
ﺍﻣﻴﺮﻩ .. ﻧﺒﻲ ﻧﺴﺮﻕ ﺭﺻﻴﺪ ﻧﺮﻥ ﻉ ﻣﺎﻣﺎ
ﻋﺰﻭ ﺟﺎﺀ ﻗﻤﻌﺰ .. ﺩﺯﺩﺍﻧﻲ ﻓﻴﻪ ﻛﺮﺕ ﺍﻣﺸﻲ ﺧﻮﺫﻳﻪ
ﺍﻣﻴﺮﻩ ﺑﺎﺳﺘﻪ ﻉ ﺧﺪﻩ .. ﺷﻜﺮﺍً ﻳﺎ ﻋﻴﻮﻧﻲ
ﻋﺰﻭ .. ﺗﻲ ﻛﺮﺕ ﻣﺎﺣﺘﻰ ﺣﺎﺟﻪ ﻛﺒﻴﺮﻩ ﻋﺪﻱ ﻳﺎﻫﺒﻠﻪ ﻋﺪﻱ
ﻋﺪﺕ ﺍﻣﻴﺮﻩ ﺧﺬﺕ ﻛﺮﺕ ﻭﻋﺒﺎﺗﻪ ﻭﺍﺗﺼﻠﺖ ﺏ ﺍﻣﻬﺎ ﻫﺪﺭﺯﺕ ﻣﻌﺎﻫﺎ ﻭ ﻃﻠﻌﺖ ﺗﻼ ﻋﺰﻭ
ﺍﻣﻴﺮﻩ .. ﺑﻴﺒﻲ
ﻋﺰﻭ ﺑﺮﻡ ﻋﻠﻴﻬﺎ ﻳﻔﻨﺺ .. ﺷﻨﻮ
ﺍﻣﻴﺮﻩ ﺿﺤﻜﺖ ﻭﻗﺮﺑﺖ ﻣﻨﻪ .. ﺍﻓﺮﺩ ﻭﺟﻚ ﺣﺒﻴﺒﻲ ﻛﻨﻚ
ﻋﺰﻭ .. ﺍﻳﻮﺍﻩ ﻗﻮﻟﻲ ﺣﺒﻴﺒﻲ ﺍﻟﻲ ﺗﺒﻴﻪ ﺑﺲ ﺑﻴﺒﻲ ﻫﺬﺍ ﻣﺎﻧﺎﻗﺺ ﻉ ﺟﺪ ﺍﺻﻠﻲ
ﺍﻣﻴﺮﻩ ﻗﺮﺑﺖ ﻭﻣﺴﻜﺖ ﺍﻳﺪﻩ .. ﺑﺎﻩ ﻣﺎﻧﺒﻮﺵ ﻧﻄﻠﻌﻮ
ﻋﺰﻭ .. ﻻ ﻉ ﺍﻟﻤﻐﺮﺏ ﺗﻮﺍ ﻧﻄﻠﻌﻮ
ﺍﻣﻴﺮﻩ .. ﺑﺎﻩ ﻗﺮﺏ ﺍﻟﻤﻐﺮﺏ ﻧﻮﺽ ﻧﻮﺗﻲ ﺭﻭﺣﻲ
ﻋﺰﻭ .. ﻣﻜﻴﺎﺝ ﻣﻤﻨﻮﻉ
ﺍﻣﻴﺮﻩ ﻗﻤﻌﺰﺕ ﻉ ﻛﺮﻋﻴﻪ .. ﻋﺰﺯﺯﻭ ﺣﺒﻴﺒﻲ ﺑﺎﻩ ﻃﺸﻪ ﺍﻧﺎ ﻋﺮﻭﺱ ﻋﺎﺩ
ﻋﺰﻭ .. ﻗﻠﺖ ﻣﻤﻨﻮﻉ ﺻﺎﺡ
ﺍﻣﻴﺮﻩ ﺗﺤﺮﻙ ﻓﻲ ﺍﻳﺪﻳﻬﺎ ﻉ ﻟﺤﻴﺘﻪ .. ﻭﺭﺍﺱ ﻋﺰﻭ
ﻋﺰﻭ ﺭﺍﻓﻊ ﺣﺎﺟﺒﻪ .. ﺍﻣﻴﺮﻩ ﺧﻼﺹ ﻗﻠﺖ ﻣﻤﻨﻮﻉ ﺍﻧﺎ ﺗﺒﻲ ﺗﻤﻜﻴﺠﻲ ﺣﻄﻲ ﺧﻤﺎﺭ ﻭﻣﻜﻴﺠﻴﻠﻲ ﺍﻧﺎ ﻋﻠﻴﺶ ﻧﺎﺱ ﺗﺸﻮﻑ ﺣﻼﻭﺗﻚ
ﺍﻣﻴﺮﻩ ﻣﺪﺕ ﻓﻤﻬﺎ .. ﺧﺰﻱ ﻋﻠﻴﻚ ﻗﻌﺪﺕ ﻑ ﺧﺎﻃﺮﻱ
ﻋﺰﻭ .. ﻣﻌﻠﻴﺶ ﻳﺎﺳﻤﺤﻪ ﺑﺲ ﺍﻧﺎ ﻫﻜﻲ ﻃﺒﻌﻲ ﻭﺍﻧﺘﻲ ﻋﺎﺭﻓﻪ
ﺍﻣﻴﺮﻩ ﺍﺑﺘﺴﻤﺖ .. ﻭﺍﻧﺎ ﺷﻦ ﻧﻘﻮﻟﻚ ﻧﻘﻮﻟﻚ ﻧﺤﺐ ﺭﺟﻮﻟﺘﻚ ﻫﺬﻱ
ﻋﺰﻭ ﺍﺑﺘﺴﻢ ﻭﺣﺮ ﻛﺮﺍﻋﻪ ﺍﻟﻲ ﻣﻘﻤﻌﺰﻩ ﻋﻠﻴﻬﺎ .. ﺑﺎﻩ ﺻﺒﻲ ﻫﻲ ﻭﻗﺖ
ﺍﻣﻴﺮﻩ ﺑﺎﺳﺘﻪ ﻭﺻﺒﺖ ﺗﻠﺒﺲ ﻭﻃﻠﻌﺖ
ﻋﺰﻭ .. ﺗﺮﺍ ﻟﻔﻲ ﻫﻜﻲ
ﺍﻣﻴﺮﻩ ﺗﻠﻒ .. ﺷﻨﻮ
ﻋﺰﻭ .. ﺍﺭﻓﻌﻲ ﺍﻳﺪﻳﻚ ﻓﻮﻕ
ﺍﻣﻴﺮﻩ ﺗﻀﺤﻚ .. ﻋﻠﻴﺶ ﺍﻥ ﺷﺎﺀ ﺍﻟﻠﻪ
ﻋﺰﻭ .. ﻏﻴﺮ ﺍﺭﻓﻌﻲ ﺑﺲ
ﺍﻣﻴﺮﻩ ﺭﻓﻌﺖ ﺍﻳﺪﻳﻬﺎ .. ﻫﻤﻤﻢ ﺷﻨﻮ
ﻋﺰﻭ .. ﺑﺎﻩ ﺗﻤﺎﻡ ﺧﻼﺹ ﻫﻲ ﻗﺪﺍﻣﻲ ﻳﺎﺍﺑﻠﻪ
ﺍﻣﻴﺮﻩ ﺿﺤﻜﺖ .. ﺑﺎﻩ
ﻃﻠﻌﻮ ﻫﻤﺎ ﺍﺛﻨﻴﻦ ﻭﺭﻛﺒﻮ ﻟﺴﻴﺎﺭﻩ ﻭﺻﻠﻮ ﻣﻄﻌﻢ ﻭﻧﺰﻟﻮ
ﻋﺰﻭ .. ﻫﻴﺎ ﺍﻃﻠﺒﻲ
ﺍﻣﻴﺮﻩ ﻣﺎﺳﻜﻪ ﻣﻴﻨﻮ .. ﺍﻣﻤﻤﻢ ﻣﺶ .. ﻗﻄﻊ ﻋﻠﻴﻬﺎ ﺭﻧﻪ ﻣﻮﺑﺎﻳﻞ ﻋﺰﻭ
ﻋﺰﻭ .. ﻟﺤﻈﻪ ﺑﺲ
ﺍﻣﻴﺮﻩ ﺗﺒﺤﺖ ﻑ ﻣﻴﻨﻮ .. ﺧﻮﺫ ﺭﺍﺣﺘﻚ ﺣﺒﻴﺒﻲ
ﻋﺰﻭ ﺻﺒﻰ ﺗﺒﺎﻋﺪ ﻭﻫﻮ ﻣﺴﺘﻐﺮﺏ ﺍﻧﻪ ﻋﻤﻲ ﻳﺮﻥ ﻋﻠﻴﻪ .. ﺍﺣﻢ ﺍﻳﻮﺍﻩ
ﻋﻤﻲ .. ﺍﻟﻮ ﻳﺎﻋﺰﻭ ﻛﻴﻒ ﺣﺎﻟﻚ
ﻋﺰﻭ ﻣﺴﺘﻐﺮﺏ .. ﺍﻟﺤﻤﺪﺍﻝﻟﻪ ﻛﻴﻒ ﺣﺎﻟﻚ ﺍﻧﺖ ﻭﻋﻤﺎﻣﻲ
ﻋﻤﻲ ﺗﻨﻬﺪ .. ﺍﻟﺤﻤﺪ ﺍﻟﻠﻪ ﻗﺘﻠﻚ
ﻋﺰﻭ .. ﺷﻨﻮ ﻓﻲ ﻳﺎﻋﻤﻲ ﺷﻐﻠﺘﻨﻲ
ﻋﻤﻲ .. ﺍﻣﻞ ﺍﺧﺘﻚ
ﻋﺰﻭ ﺯﻣﻂ ﺭﻳﻘﻪ .. ﻛﻨﻬﺎ ﺍﻥ ﺷﺎﺀ ﺍﻟﻠﻪ ﺧﻴﺮ
ﻋﻤﻲ .. ﻋﻄﺎﺗﻚ ﻋﻤﺮﻫﺎ
ﻋﺰﻭ ﻏﻤﺾ ﻋﻴﻮﻧﻪ ﺯﻳﻦ .. ﺍﻥ ﺍﻟﻠﻪ ﻭﺍﻥ ﺍﻟﻴﻪ ﺭﺍﺟﻌﻮﻥ
ﻋﻤﻲ .. ﻋﻈﻢ ﺍﻟﻠﻪ ﺍﺟﺮﻛﻢ
ﻋﺰﻭ ﺑﺼﻮﺕ ﻭﺍﻃﻲ .. ﺍﺟﺮﻧﺎ ﻭﺍﺟﺮﻙ ﻉ ﺍﻟﻠﻪ ﻛﻴﻒ ﻣﺎﺗﺖ
ﻋﻤﻲ .. ﻋﻨﺪﻫﺎ ﺳﺮﻃﺎﻥ
ﻋﺰﻭ ﻛﺎﺗﻢ ﻋﺒﺮﺗﻪ ﻭﻳﺰﻣﻂ ﻑ ﺭﻳﻘﻪ .. ﺑﺎﻩ ﻛﻴﻒ ﻳﺼﻴﺮ ﻑ ﻋﺰﺍﺀ ﻭﻻ ﺷﻦ ﺑﺪﻳﺮﻭ
ﻋﻤﻲ .. ﻳﺎﻋﺰﻭ ﻣﺎﻓﻴﻬﺎ ﻋﺰﺍﺀ ﻧﺤﻦ ﻣﺘﺒﺮﻳﻦ ﻣﻨﻬﺎ ﻭﺗﻮﺍ ﺑﺘﺠﻲ ﺩﻳﺮ ﻋﺰﺍﺀ ﻣﺎﻋﺰﺍﺀ ﻓﻜﺮ ﻓﻴﻬﺎ ﺑﺎﻟﻤﻨﻄﻖ ﺷﻮﻳﺎ ﻛﻼﻡ ﻧﺎﺱ ﻭﺳﻤﻌﻪ ﺧﻮﺍﺗﻚ ﻭﺑﻨﺎﺗﻨﺎ
ﻋﺰﻭ ﻳﻬﺰ ﻑ ﺭﺍﺳﻪ ﻭﻣﻐﻤﺾ ﻋﻴﻮﻧﻪ .. ﺍﻥ ﺷﺎﺀ ﺍﻟﻠﻪ ﺑﻜﺮﺍ ﺩﻓﻴﻨﻪ
ﻋﻤﻲ .. ﺑﻜﺮﺍ ﻉ ﺿﻬﺮ
ﻋﺰﻭ .. ﺑﺎﻩ ﺍﻥ ﺷﺎﺀ ﺍﻟﻠﻪ ﺗﺒﻲ ﺣﺎﺟﻪ ﺗﻮﺍ
ﻋﻤﻲ .. ﺳﻼﻣﺘﻚ ﺑﺲ
ﻋﺰﻭ ﺻﻜﺮ ﻭﻣﺸﺎﺀ ﻋﻨﺪ ﺍﻣﻴﺮﻩ
ﺍﻣﻴﺮﻩ .. ﺣﺒﻴﺒﻲ ﺍﺧﺖ ..
ﻋﺰﻭ .. ﺻﺒﻲ ﺑﻨﺮﻭﺣﻮ
ﺍﻣﻴﺮﻩ .. ﻋﺰﻭ ﺷﻦ ﻓﻲ ﻭﺟﻚ ﺍﺻﻔﺮ ﻋﻠﻲ ﺍﺳﻮﺩ
ﻋﺰﻭ .. ﺍﻣﻴﺮﻩ ﻣﺎﺗﺴﺎﻟﻴﺶ ﻳﺎﺭﻳﺖ
ﺍﻣﻴﺮﻩ ﺻﺒﺖ ﻭﻫﻴﺎ ﺳﺎﻛﺘﻪ ﻭﺭﻛﺒﻮ ﻟﺴﻴﺎﺭﻩ ﻭﺗﺒﺤﺖ ﻑ ﻋﺰﻭ ﺍﻟﻲ ﺩﻣﻮﻉ ﻉ ﻃﺮﻑ ﻋﻴﻨﻪ
ﻋﺰﻭ ﺑﺪﻭﻥ ﻣﺎﻳﺒﺤﺖ ﻓﻴﻬﺎ .. ﺍﻧﺰﻟﻲ ﺑﻌﺪﻳﻦ ﺗﻮﺍ ﻧﺠﻲ ﻧﺤﻜﻲ ﻣﻌﺎﻙ
ﺍﻣﻴﺮﻩ ﻫﺰﺕ ﺭﺍﺳﻬﺎ .. ﺣﺎﺿﺮ
ﻧﺰﻟﺖ ﺍﻣﻴﺮﻩ ﺍﻭﻝ ﻣﺎ ﻧﺰﻟﺖ ﻏﻤﺾ ﻋﻴﻮﻧﻪ ﻭﻋﺾ ﻉ ﻓﻤﻪ ﻭﺩﻣﻮﻋﻪ ﻧﺰﻟﻦ "
" ﻑ ﺍﻟﻴﻞ ﻛﻨﺖ ﺭﺍﻗﺪﻩ ﺭﻥ ﻣﻮﺑﺎﻳﻠﻲ ﺭﻓﻌﺖ ﺭﺍﺳﻲ ﻭﺭﺩﻳﺖ
ﺍﻧﺎ .. ﺍﻳﻮﺍﻩ ﺭﺣﺎﺏ
ﺭﺣﺎﺏ .. ﻣﻴﺲ
ﺍﻧﺎ .. ﻧﻌﻢ ﻓﻲ ﺣﺎﺟﻪ ﻛﻨﻚ
ﺭﺣﺎﺏ .. ﻧﺒﺪﺭﻱ ﻛﻠﻢ ﻋﺰﻭ ﻭﻗﺎﻝ ﺍﻧﻪ ﺍﻣﻞ ﻣﺎﺗﺖ
ﺍﻧﺎ ﺟﻴﺖ ﻣﺼﺒﻴﻪ ﻭﺩﻣﻮﻋﻲ ﻳﻨﺰﻟﻦ .. ﺍﻣﺘﻰ ﺻﺎﺭ ﻛﻼﻡ ﻫﺬﺍ
ﺭﺣﺎﺏ .. ﻣﺎﻧﻌﺮﻓﺶ ﻗﺎﻝ ﻋﻨﺪﻫﺎ ﺳﺮﻃﺎﻥ ﺑﺲ ﻣﺎﻛﺜﺮﺵ ﻛﻼﻡ ﻭﺻﻜﺮ ﻭ ﻣﺎﻣﺎ ﻗﺎﻋﺪﻩ ﺗﺒﻜﻲ ﻭﻋﻼﺀ ﻃﻠﻊ ﻣﻌﺶ ﻋﺮﻓﺖ ﻣﺎﻧﺪﻳﺮ
ﺍﻧﺎ ﺗﻨﻬﺪﺕ .. ﺻﻜﺮﻱ ﺧﻼﺹ
ﺻﻜﺮﺕ ﻣﻨﻬﺎ ﻭﻗﻤﻌﺰﺕ ﺑﺪﻳﺖ ﻧﺒﻜﻲ ﻛﺎﻧﻪ ﺣﺪ ﻗﺮﻳﺐ ﻣﻨﻲ ﺍﻟﻲ ﻣﺎﺕ ﺷﻮﻳﺎ ﻭﺧﺶ ﻋﻠﻴﺎ ﺍﻳﻬﻢ ﻭﺍﻧﺎ ﻣﺎﺳﻜﻪ ﻣﻮﺑﺎﻳﻞ ﻭﻧﺒﻜﻲ ﻭﻧﺸﻬﻖ ﻭﻫﻮ ﻳﺒﺤﺖ ﻓﻴﺎ ﻭﻣﺴﺘﻐﺮﺏ
ﺍﻧﺎ ﺻﺒﻴﺖ ﺑﺴﺮﻋﻪ ﻭﺣﻀﻨﺘﻪ
ﺍﻳﻬﻢ ﻣﺴﺘﻐﺮﺏ ﻭﺳﺎﻛﺖ
ﺍﻧﺎ ﻧﺒﻜﻲ ﺑﻌﺒﺮﺗﻲ ﻭﻛﻼﻡ ﻣﺶ ﻃﺎﻟﻊ ﻣﻨﻲ .. ﻣﻢ ﻣﺎﺍﺍ
ﺍﻳﻬﻢ .. ﺷﻦ ﻓﻲ ﻓﻲ ﺣﺎﺟﻪ ﻛﻨﻚ ﺗﺒﻜﻲ ﻫﻜﻲ ﺍﺯﻑ
ﺍﻧﺎ .. ﻫﺎ ﻫﺎﺍﺍ ﺍﺍﺍﺍ
ﺍﻳﻬﻢ ﻭﺧﺮﻧﻲ ﻭﺍﻧﺎ ﺣﺎﻃﻪ ﺍﻳﺪﻳﺎ ﻉ ﻋﻴﻮﻧﻲ .. ﺑﺎﻩ ﺍﺳﻜﺘﻲ ﺑﺲ ﻋﻠﻴﺶ ﺍﻟﺒﻜﺎﺀ ﻫﺬﺍ ﻛﻠﻪ ﻓﻲ ﺣﺎﺟﻪ
ﺍﻧﺎ ﻫﺰﻳﺖ ﺭﺍﺳﻲ ﻭﺭﺩﻳﺖ ﻧﺒﻜﻲ
ﻗﻤﻌﺰﻧﻲ ﻉ ﺳﺮﻳﺮ ﻭﺻﺒﻠﻲ ﻣﻴﻪ ﻭﺷﺮﺑﻨﻲ
ﺍﻳﻬﻢ .. ﺍﺣﻜﻲ
ﺍﻧﺎ ﺩﻣﻮﻋﻲ ﻳﻨﺰﻟﻦ .. ﺍﺧﺘﻲ ﺍﻣﻞ
ﺍﻳﻬﻢ .. ﺑﺎﻩ ﻛﻨﻬﺎ
ﺍﻧﺎ ﻧﻤﺴﺢ ﻑ ﺩﻣﻮﻋﻲ ﻭﻧﺒﺤﺖ ﻓﻴﻪ .. ﺍﻟﻴﻮﻡ ﻣﺎﺗﺖ
ﺍﻳﻬﻢ ﺑﺤﺖ ﻓﻴﺎ ﺯﻳﻦ .. ﻻ ﺍﻟﻪ ﺍﻻ ﺍﻟﻠﻪ ﻋﻈﻢ ﺍﻟﻠﻪ ﺍﺟﺮﻛﻢ
ﺍﻧﺎ ﺭﺩﻳﺖ ﻧﺒﻜﻲ .. ﻣﺶ ﻋﺎﺭﻓﻪ ﻳﺎﺍﻳﻬﻢ ﻟﻴﺶ ﻭﺍﺟﻌﺘﻨﻲ ﻫﻜﻲ ﺧﺎﻃﺮﻱ ﻧﻔﻬﻢ ﻣﺶ ﻻﻗﻴﻪ ﺗﻔﺴﻴﺮ ﻋﻠﻴﺶ ﻧﺒﻜﻲ ﻋﻠﻴﻬﺎ ﺑﺲ ﻓﻬﻤﻨﻲ
ﺍﻳﻬﻢ ﻗﺮﺏ ﻣﻨﻲ ﻭﺍﻧﺎ ﺣﻀﻨﺘﻪ ﻭﻫﻮ ﻳﻤﺸﻲ ﻑ ﺍﻳﺪﻩ ﻉ ﺿﻬﺮﻱ
ﺍﻳﻬﻢ .. ﻣﺎﺗﺮﻋﺸﻴﺶ ﺭﻭﺣﻚ ﺧﻼﺹ ﻫﺬﺍ ﻳﻮﻣﻬﺎ
ﺍﻧﺎ ﺗﻨﻬﺪﺕ ﻭﺭﻓﻌﺖ ﺭﺍﺳﻲ ﻓﻴﻪ ﻭﻫﻮ ﺑﺤﺖ ﻑ ﻋﻴﻮﻧﻲ ﺷﻮﻳﺎ ﺑﻌﺪﻫﺎ ﺣﻮﻟﻬﻦ .. ﺍﻗﻌﺪ ﻣﻌﺎﻳﺎ ﻣﺎﺗﻌﺪﻳﺶ ﺍﺭﺟﻮﻙ ﺍﻟﻴﻮﻡ ﺑﺲ
ﺍﻳﻬﻢ ﺭﻓﻊ ﺭﺃﺳﻪ ﻓﻮﻕ ﻭﺭﺩ ﺑﺤﺖ ﻓﻴﺎ .. ﺑﺎﻩ ﺣﺎﺿﺮ ﻋﻨﺪﻙ ﺩﻭﺍﺀ ﺗﻮﺍ ﺧﺬﻳﺘﻪ
ﺍﻧﺎ ﻫﺰﻳﺖ ﺭﺍﺳﻲ ﺏ ﻻﻻ
ﺍﻳﻬﻢ .. ﺑﺎﻩ ﻧﺼﺒﻲ ﻧﺠﻴﺒﻪ ﻭﻧﺠﻲ
ﺍﻧﺎ .. ﺑﺎﻩ
ﻃﻠﻊ ﺍﻳﻬﻢ ﺷﻮﻳﺎ ﻭﺍﻧﺎ ﻗﻌﺪﺕ ﺳﺎﺭﺣﻪ ﻟﻴﻦ ﺟﺎﺀ ﺍﻳﻬﻢ ﻗﻤﻌﺰ ﻗﺪﺍﻣﻲ ﻃﻠﻊ ﺍﻟﺤﺒﻪ ﻭﻣﺪﻫﺎ ﻟﻴﺎ ﻭﻣﺪﻟﻲ ﺍﻟﻤﻴﻪ
ﺍﻧﺎ ﺗﻨﻬﺪﺕ .. ﺷﻜﺮﺍ
ﺍﻳﻬﻢ ﺳﻜﺖ
ﺍﻧﺎ ﻗﻌﺪﺕ ﺳﺎﻛﺘﻪ ﻭﻧﺒﺤﺖ ﻑ ﺍﻳﺪﻱ ﻭﻋﻼﻣﻪ ﺍﻟﻲ ﺩﺍﺭﻫﺎ ﻟﻴﺎ ﺍﻳﻬﻢ
ﺍﻳﻬﻢ ﺑﺤﺖ ﻭﻳﻦ ﻣﺎ ﻛﻨﺖ ﻧﺒﺤﺖ ﺑﻌﺪﻫﺎ ﺑﻌﺪ ﻋﻴﻮﻧﻪ
ﺍﻧﺎ .. ﺑﻨﺮﻗﺪ
ﺍﻳﻬﻢ .. ﺑﺎﻩ ﻛﻮﻟﻲ ﻗﺒﻞ
ﺍﻧﺎ ﻫﺰﻳﺖ ﺭﺍﺳﻲ ﺏ ﻻﻻ
ﺍﻳﻬﻢ ﺭﻓﻊ ﺍﻟﻮﺭﻏﺎﻥ .. ﺑﺎﻩ ﺧﺸﻲ ﻫﻲ
ﺍﻧﺎ ﺑﺼﻮﺕ ﻭﺍﻃﻲ .. ﺍﻳﻬﻢ
ﺍﻳﻬﻢ ﺗﻨﻬﺪ ﺗﻨﻬﻴﺪﻩ ﻃﻮﻳﻠﻪ .. ﻧﻌﻢ
ﺍﻧﺎ .. ﻭﻟﻊ ﻗﺮﺁﻥ ﺑﻴﺶ ﻧﻘﺪﺭ ﻧﺮﻗﺪ
ﺍﻳﻬﻢ .. ﺣﺎﺿﺮ ﺑﺎﻩ
ﻭﻟﻊ ﺍﻟﻘﺮﺁﻥ ﻭﻗﻤﻌﺰ ﺗﻼﻳﺎ ﻭﺍﻧﺎ ﻛﻞ ﻣﺎ ﺗﻨﺰﻝ ﺩﻣﻌﻪ ﻣﻨﻲ ﻧﻤﺴﺤﻬﺎ ﻭﺍﻳﻬﻢ ﻳﺒﺤﺖ ﻓﻴﺎ ﻭﺳﺎﻛﺖ ﻟﻴﻦ ﺭﻗﺪﺕ "
" ﺍﻟﻴﻮﻡ ﺛﺎﻧﻲ ﺭﻭﺡ ﻋﺰﻭ ﻭﺣﻀﺮ ﺩﻓﻴﻨﻪ ﻫﻮ ﻭﻋﻼﺀ ﻭﺍﻋﻴﺎﻝ ﺧﻮﺍﻟﻲ ﻭﺧﻮﺍﻟﻲ ﻭﺭﻭﺡ ﻟﺸﻘﺘﻪ ﻣﻘﺪﺭﺵ ﻳﺮﺩ ﺃﺧﺮﻯ ﻟﻤﺸﺮﻕ ﻭﺧﻮﺍﺗﻲ ﺳﻤﻌﻦ ﺗﻨﻜﺪﻥ ﻑ ﺑﺪﺍﻳﻪ ﻭﺑﻌﺪﻫﺎ ﻓﺎﺗﻦ ﻣﻮﺿﻮﻉ ﻻﻧﻪ ﻣﺤﻤﺪ ﻭﺃﻧﺲ ﻣﺎﻳﻌﺮﻓﻮﺵ "
" ﻣﺮﻳﻢ ﺑﺘﻄﻠﻊ ﻣﻦ ﺑﺎﺏ ﺧﺶ ﻳﺎﺳﻴﻦ
ﻳﺎﺳﻴﻦ ﻳﺒﺤﺖ ﻓﻴﻬﺎ .. ﺧﻴﺮﺍﺕ
ﻣﺮﻳﻢ ﺍﺭﺗﺒﻜﺖ .. ﺧﻴﺮ
ﻳﺎﺳﻴﻦ .. ﺷﻨﺠﻮ
ﻣﺮﻳﻢ .. ﺗﻤﺎﻡ ﺍﻧﺎ ﺑﻨﻄﻠﻊ ﻣﺴﺘﻌﺠﻠﻪ ﺗﻮﺍ
ﻳﺎﺳﻴﻦ .. ﻣﺘﺮﻳﺤﻪ ﻣﻊ ﻣﻨﻴﺮ ﺟﻮﻛﻢ ﻛﻮﻳﺲ
ﻣﺮﻳﻢ ﺑﺮﻣﺖ ﺑﺤﺘﺖ ﻓﻴﻪ .. ﻧﺤﻦ ﺗﻤﺎﻡ ﺑﻜﻠﻠﻞ ﻋﻘﺒﺎﻟﻚ
ﻣﻨﻴﺮ ﻃﻠﻊ ﻣﻦ ﺣﻮﺵ ﻭﻗﺎﺭﻥ ﺣﻮﺍﺟﺒﻪ .. ﺧﻴﺮ ﻳﺎﻃﻴﺮ ﻣﻦ ﺍﻣﺘﻰ ﻫﻨﺎ
ﻣﺮﻳﻢ ﻭﺧﺮﺕ .. ﺍﻧﺎ ﻃﺎﻟﻌﻪ ﻧﻔﺲ ﻣﺎﻗﺘﻠﻚ
ﻣﻨﻴﺮ ﺷﻴﺮﻟﻬﺎ ﺑﺮﺍﺳﻪ ﻭﺑﺤﺖ ﻑ ﻳﺎﺳﻴﻦ ﺍﻟﻲ ﻳﺒﺤﺖ ﻑ ﻣﺮﻳﻢ ﻭﺣﻂ ﺍﻳﺪﻩ ﻛﺘﻔﻪ
ﻳﺎﺳﻴﻦ ﺑﺤﺖ ﻓﻴﻪ .. ﺷﻨﺠﻮ
ﻣﻨﻴﺮ ﺭﺍﻓﻊ ﺣﺎﺟﺒﻪ .. ﺗﻤﺎﻡ ﻭﺍﻟﻠﻪ ﺍﻧﺖ ﺷﻨﺠﻮﻙ ﺷﻦ ﺧﻄﺮﻧﺎ ﻉ ﺑﺎﻟﻚ
ﻳﺎﺳﻴﻦ .. ﺍﻫﻮ ﻛﻨﺖ ﻗﺮﻳﺐ ﻣﻦ ﺍﻟﺤﻮﺵ ﻗﻠﺖ ﻧﺒﺮﻡ ﻋﻠﻴﻜﻢ ﻭﺧﻼﺹ
ﻣﻨﻴﺮ .. ﺑﺎﻩ ﺍﻧﺴﺘﻨﺎ ﺧﺶ ﻧﻬﺪﺭﺯﻭ ﺟﻮﺍ
ﻳﺎﺳﻴﻦ .. ﺑﺎﻩ
ﻣﻨﻴﺮ .. ﺍﺻﺒﺮ ﻋﻨﺪﻱ ﻣﻜﺎﻟﻤﻪ ﻧﺪﻳﺮﻫﺎ ﻭﻧﺠﻴﻚ
ﻳﺎﺳﻴﻦ .. ﺗﻢ ﻧﺮﺍﺟﻲ ﻓﻴﻚ
ﺧﺶ ﻳﺎﺳﻴﻦ ﻭﻣﻨﻴﺮ ﺭﻥ ﻉ ﻣﺮﻳﻢ
ﻣﻨﻴﺮ .. ﺍﻳﻮﺍﺍﻩ
ﻣﺮﻳﻢ .. ﻧﻌﻢ
ﻣﻨﻴﺮ .. ﺷﻦ ﻗﺎﻟﻚ ﻫﺬﺍ
ﻣﺮﻳﻢ .. ﺗﻲ ﻣﺎﻗﺎﻝ ﺷﻲ ﺧﻴﺮ ﺷﻨﺠﻮ ﺑﺲ
ﻣﻨﻴﺮ .. ﺑﺲ ﻳﺎ ﻣﺮﻳﻢ
ﻣﺮﻳﻢ .. ﺑﺲ ﻭﻗﺎﻟﻲ ﻣﺘﺮﻳﺤﻪ ﻣﻊ ﻣﻨﻴﺮ ﻗﺘﻠﻪ ﺍﻫﺎ ﻣﺘﺮﻳﺤﻪ ﻋﻠﻴﺶ ﻛﻨﻚ ﻋﺎﺩﻱ ﻳﻌﻨﻲ
ﻣﻨﻴﺮ .. ﻻﻻ ﻣﺶ ﻋﺎﺩﻱ ﺍﻟﻌﻴﻞ ﻫﺬﺍ ﻣﺶ ﺻﺎﻓﻲ ﻉ ﻣﻬﻢ ﻣﺎﻧﺒﻴﺶ ﻧﻜﺪ ﻋﻠﻴﻚ ﺍﻧﺎ ﻭﻧﺪﻳﺮ ﺟﻮ ﺷﻴﻦ ﻻﻧﻲ ﻋﺎﺭﻑ ﺣﺒﻲ ﻋﻨﺪﻙ ﻛﻴﻒ
ﻣﺮﻳﻢ ﺍﺑﺘﺴﻤﺖ .. ﻧﺠﻚ ﻟﻴﺎ ﻭﺧﻼﺹ
ﻣﻨﻴﺮ .. ﺑﺎﻩ ﺗﻮﺍ ﺍﻭﻛﻲ ﻳﺮﻭﺡ ﺍﻟﺜﻘﻴﻞ ﻫﺬﺍ ﻭﻧﺤﻜﻮﺍ
ﻣﺮﻳﻢ ﺿﺤﻜﺖ .. ﺑﺎﻩ ﺗﻤﺎﻡ
ﻣﻨﻴﺮ ﺍﺑﺘﺴﻢ .. ﺳﻼﻡ "
" ﻓﺘﺤﺖ ﻋﻴﻮﻧﻲ ﻧﻀﺖ ﺧﺸﻴﺖ ﻟﺤﻤﺎﻡ ﻏﺴﻠﺖ ﻭﺗﻮﺿﻴﺖ ﻭﺻﻠﻴﺖ ﻭ ﻃﻠﻌﺖ ﻟﻘﻴﺖ ﺍﻳﻬﻢ ﻳﺮﺿﻊ ﻑ ﻭﺳﻦ
ﺍﻧﺎ ﺑﺼﻮﺕ ﻭﺍﻃﻲ .. ﺻﺒﺎﺡ ﺍﻟﺨﻴﺮ
ﺍﻳﻬﻢ ﻳﺒﺤﺖ ﻑ ﻭﺳﻦ .. ﺻﺒﺎﺡ ﺍﻟﻨﻮﺭ
ﻗﺮﺑﺖ ﻗﻤﻌﺰﺕ ﺗﻼﻩ .. ﺷﻨﻮ ﺗﻌﺒﺎﺗﻚ
ﺍﻳﻬﻢ .. ﻫﺎﻛﻲ ﺭﺿﻌﻴﻬﺎ ﻣﻌﺶ ﻋﺮﻓﺖ ﺷﻦ ﻧﺪﻳﺮﻟﻬﺎ
ﺍﻧﺎ .. ﺍﻧﺖ ﻣﺎﺳﻜﻬﺎ ﻏﻠﻂ
ﺧﺬﻳﺘﻬﺎ ﻣﻨﻪ ﻭﻗﻌﺪﺕ ﻧﺮﺿﻊ ﻓﻴﻬﺎ
ﺍﻳﻬﻢ .. ﺍﻓﻄﺮﻱ ﻭﺧﻮﺫﻱ ﺩﻭﺍﻙ ﺍﻧﺎ ﻃﺎﻟﻊ
ﺍﻧﺎ ﻣﺴﻜﺖ ﻑ ﺍﻳﺪﻩ .. ﺍﻳﻬﻢ
ﺍﻳﻬﻢ .. ﻣﻴﺲ ﻟﻮ ﻛﺎﻥ ﻉ ﺟﻮ ﺍﻟﻲ ﺍﻣﺲ ﺍﻧﺎ ﺭﺍﻋﻴﺖ ﺷﻌﻮﺭﻙ ﺑﺲ ﺑﺲ ﻣﻮﺿﻮﻉ ﺗﺎﻧﻲ ﻛﻴﻒ ﻣﺎﻫﻮ
ﺍﻧﺎ ﺗﻨﻬﺪﺕ .. ﻧﻌﺮﻑ ﺑﺲ ﺑﻨﻘﻮﻟﻚ ﺷﻜﺮﺍً ﻉ ﺗﻔﻬﻤﻚ
ﻃﻠﻊ ﺍﻳﻬﻢ ﻭﺍﻧﺎ ﺭﺿﻌﺖ ﻭﺳﻦ ﻭﺧﺬﻳﺖ ﺩﻭﺍﺀ ﻣﻌﺶ ﻋﺮﻓﺖ ﻣﺎﻧﺪﻳﺮ ﺣﺎﺳﺘﻬﺎ ﺍﺻﻌﺐ ﻓﺘﺮﻩ ﺗﻤﺮ ﻋﻠﻴﺎ ﻣﻌﺎﻣﻠﻪ ﺍﻳﻬﻢ ﻟﻴﺎ ﻣﺎﻧﻘﺪﺭﺵ ﻧﺘﺤﻤﻠﻬﺎ ﻭﻋﺎﺭﻓﻪ ﻟﻮ ﻛﺎﻥ ﻧﻌﺘﺬﺭ ﻣﻦ ﺗﻮﺍ ﻟﺒﻜﺮﺍ ﺻﺒﺢ ﻟﻔﺮﺍﺳﻪ ﻓﺮﺍﺳﻪ "
" ﺭﻳﻬﺎﻡ ﻣﻐﻤﻀﻪ ﻋﻴﻮﻧﻬﺎ .. ﺑﺴﺮﻋﻪ ﻳﺎﺍﻧﺲ
ﺍﻧﺲ .. ﺧﻼﺹ ﺳﺤﺒﺘﻬﺎ
ﺭﻳﻬﺎﻡ .. ﺍﺯﻋﻤﻚ ﺣﺎﻣﻞ ﻭﻻ ﻻ
ﺍﻧﺲ .. ﻋﻠﻴﺶ ﺗﺒﻲ ﺗﻮﺍ ﺍﻧﺘﻲ
ﺭﻳﻬﺎﻡ .. ﻋﺎﺩﻱ ﻋﻠﻴﺶ
ﺍﻧﺲ .. ﻻ ﺷﻲ ﺑﺲ ﺣﺘﻰ ﻛﺎﻥ ﻣﺶ ﺣﺎﻣﻞ ﻓﻜﻴﻨﻲ ﻣﻦ ﺟﻮ ﺷﻴﻦ ﻭﺗﺰﻋﻠﻲ ﻣﺎﻟﻨﺶ ﻭﺍﺟﺪ ﻣﺠﻮﺯﻳﻦ ﻧﺤﻦ
ﺭﻳﻬﺎﻡ ﺿﺤﻜﺖ .. ﻻﻻ ﻣﺶ ﺣﻨﺪﻳﺮ ﺟﻮ ﺷﻴﻦ ﻣﺎﺗﺨﺎﻓﺶ
ﺍﻧﺲ .. ﻛﻞ ﺷﻲ ﻑ ﻭﻗﺘﻪ ﺣﻠﻮ ﻳﺎ ﺣﻠﻮﻩ ﺍﻧﺘﻲ
ﺭﻳﻬﺎﻡ .. ﺍﻛﻴﺪﻩ ﻫﺬﻱ
ﺍﻧﺲ ﺻﺒﻰ .. ﺧﻠﻴﻨﻲ ﻧﻤﺸﻲ ﻟﻤﺨﺘﺒﺮ ﺑﺎﻟﻤﺮﻩ ﻧﺮﺍﺟﻲ ﻧﺘﻴﺠﻪ ﺭﺍﻩ ﻣﺎﺗﺸﻐﻠﻴﺶ ﺑﺎﻟﻚ
ﺭﻳﻬﺎﻡ .. ﺗﻤﺎﻡ ﺣﺒﻲ
ﺍﻧﺲ ﻃﺒﺲ ﺑﺎﺱ ﺭﺍﺳﻬﺎ .. ﻧﺘﻼﻗﻮﺍ ﺑﻌﺪﻳﻦ
ﺭﻳﻬﺎﻡ ﻣﺼﺒﻴﻪ ﺗﻤﺸﻲ ﻭﺭﺍﻩ ﻭﻣﺎﺳﻜﻪ ﺍﻳﺪﻫﺎ ﺍﻟﻲ ﺳﺤﺐ ﻣﻨﻬﺎ .. ﺭﺩ ﺑﺎﻟﻚ ﻣﻦ ﺭﻭﺣﻚ ﺗﻤﺎﻡ
ﺍﻧﺲ .. ﺣﺎﺿﺮ ﺍﻥ ﺷﺎﺀ ﺍﻟﻠﻪ ﺗﻮﺻﻲ ﻉ ﺣﺎﺟﻪ ﺗﻮﺍ
ﺭﻳﻬﺎﻡ ﺍﺑﺘﺴﻤﺖ .. ﺳﻼﻣﺘﻚ ﺑﺲ
ﺍﻧﺲ .. ﺍﻭﻛﻲ
ﻃﻠﻊ ﺍﻧﺲ ﻭﺭﻳﻬﺎﻡ ﺧﺸﺖ ﺗﻠﻢ ﻑ ﺣﻮﺳﺘﻬﺎ ﻭﺗﺒﺮﻡ ﻣﻦ ﻫﻨﺎ ﻭﻣﻦ ﻫﻨﺎ ﻭﻏﻴﺮﺕ ﺩﺑﺸﻬﺎ ﺷﻮﻳﺎ ﻭﺧﺶ ﺍﻧﺲ
ﺭﻳﻬﺎﻡ ﺑﺤﺘﺖ ﻓﻴﻪ .. ﻫﻤﻢ ﺷﻨﻮ
ﺍﻧﺲ .. ﺍﻟﺸﻬﺮ ﺍﻟﺠﺎﻱ ﺍﻥ ﺷﺎﺀ ﺍﻟﻠﻪ
ﺭﻳﻬﺎﻡ ﺍﺑﺘﺴﻤﺖ .. ﺍﻥ ﺷﺎﺀ ﺍﻟﻠﻪ ﻗﻤﻌﺰ ﻋﻠﻲ ﻣﺎﺳﺨﻨﺖ ﺷﺎﻫﻲ ﻭﺑﻴﺘﺰﺍ
ﺍﻧﺲ .. ﺑﺎﻩ ﻫﻴﺎ
ﺧﺸﺖ ﺭﻳﻬﺎﻡ ﻭﺗﺖ ﺷﺎﻫﻲ ﻭﺑﻴﺘﺰﺍ ﻭﺟﺖ ﺗﻼ ﺍﻧﺲ
ﺍﻧﺲ .. ﻳﺴﻠﻤﻦ ﺍﻳﺪﻳﻚ
ﺭﻳﻬﺎﻡ .. ﺳﻠﻤﻚ
ﻣﺪﺗﻠﻪ ﺷﺎﻫﻲ ﻭﺑﻴﺘﺰﺍ
ﺍﻧﺲ .. ﻗﺘﻠﻚ ﺷﻔﺖ ﻋﺰﻭ ﻧﺒﺪﺭﻱ ﺍﻣﺘﻰ ﺣﻠﻪ ﻋﺪﺍ ﺑﻴﺶ ﻳﺮﻭﺡ
ﺭﻳﻬﺎﻡ .. ﺍﻩ ﻣﺎﻩ ﻗﺎﻝ ﻋﻨﺪﻩ ﻣﻮﺿﻮﻉ ﻣﺎ ﻣﻮﺿﻮﻉ ﻣﺶ ﻋﺎﺭﻓﻪ ﺻﺮﺍﺣﻪ
ﺍﻧﺲ .. ﺗﻲ ﻳﻔﻮﺕ ﻻ ﻣﻮﺿﻮﻉ ﻻ ﺳﺤﻨﺘﻲ ﻫﺬﻳﻨﺎ ﺍﺣﻠﻰ ﺍﻳﺎﻡ
ﺭﻳﻬﺎﻡ ﻗﺮﺑﺖ ﺗﻼﻩ ﻭﺍﺑﺘﺴﻤﺖ .. ﺍﻣﻤﻤﻢ ﻳﻬﺒﻠﻦ ﺍﻳﺎﻡ ﺣﻠﻮﻩ ﺑﺠﺪ
ﺍﻧﺲ ﺑﺎﺱ ﺧﺪﻫﺎ .. ﺍﻓﺘﺤﻲ ﺍﻝ Tv ﺧﻠﻲ ﻧﺘﻔﺮﺝ
ﺭﻳﻬﺎﻡ ﻣﺴﻜﺖ ﺭﻳﻤﻮﺕ ﻭﻓﺘﺤﺎﺗﻪ ﻭﻗﻌﺪﺕ ﺗﻔﺮﺝ ﻣﻌﺎﻩ "
" ﺳﻔﻴﺎﻥ .. ﺷﻨﺠﻮﻙ ﺗﻮﺍ
ﺭﺣﺎﺏ .. ﺗﻤﺎﻡ ﺍﻫﻮ ﻣﺎﺷﻴﻪ
ﺳﻔﻴﺎﻥ .. ﻋﻠﻴﺶ ﻣﺰﻋﻠﻪ ﺭﻭﺣﻚ ﺗﻮﺍ ﺍﻧﺘﻲ
ﺭﺣﺎﺏ ﺳﻜﺘﺖ
ﺳﻔﻴﺎﻥ .. ﺭﺩﻱ ﻋﻠﻴﺎ ﺍﺣﻜﻲ ﻣﺶ ﺍﻧﺎ ﺣﺒﻴﺒﻚ ﻛﻨﻚ ﺳﺎﻛﺘﻪ
ﺭﺣﺎﺏ ﺗﻨﻬﺪﺕ .. ﻋﺎﺩﻱ ﻳﻌﻨﻲ ﻣﺶ ﻗﺼﻪ ﻣﺰﻋﻠﺘﻬﺎ ﻭﻻ ﺣﺎﺟﻪ ﺑﺲ ﻭﺟﻌﻨﻲ ﻋﺰﻭ ﺣﺘﻰ ﺑﻌﺪ ﺗﺮﻳﺢ ﺟﺎﺗﻪ ﺍﻟﻘﺼﻪ ﻫﺬﻱ
ﺳﻔﻴﺎﻥ .. ﺗﻮﺍ ﻳﻘﻌﺪ ﻳﻮﻡ ﻭﻻ ﻳﻮﻣﻴﻦ ﻭﻳﻨﺴﻰ ﻭﻳﺮﺩ ﻟﺤﻴﺎﺗﻪ
ﺭﺣﺎﺏ .. ﺍﻥ ﺷﺎﺀ ﺍﻟﻠﻪ
ﺳﻔﻴﺎﻥ .. ﻣﺎﻋﺪﻳﺘﻴﺶ ﻟﻤﻌﻬﺪ
ﺭﺣﺎﺏ .. ﻣﺎﻋﻨﺪﻳﺶ ﺧﻠﻮﻕ ﻟﻨﻔﺎﺥ ﺍﻟﺰﺍﻳﺪ
ﺳﻔﻴﺎﻥ .. ﺑﺎﻩ ﺑﺲ ﻛﺜﺮﺗﻲ ﻏﻴﺎﺏ ﺭﺍﻩ ﺷﻦ ﺑﺘﺴﺘﻔﺎﺩﻱ ﺑﺲ
ﺭﺣﺎﺏ .. ﺍﻫﻮ ﺑﻜﺮﺍ ﺗﻮﺍ ﻧﻌﺪﻱ ﺍﻥ ﺷﺎﺀ ﺍﻟﻠﻪ
ﺳﻔﻴﺎﻥ .. ﺑﺎﻩ ﺍﻥ ﺷﺎﺀ ﺍﻟﻠﻪ
ﺭﺣﺎﺏ ﺳﻜﺘﺖ
ﺳﻔﻴﺎﻥ .. ﻛﻨﻚ ﺳﻜﺘﻲ
ﺭﺣﺎﺏ .. ﺍﺣﻜﻲ ﺍﻧﺖ ﺷﻦ ﺑﻨﻘﻮﻝ
ﺳﻔﻴﺎﻥ ﺗﻨﻬﺪ ﻭﺳﻜﺖ ﻗﻌﺪ ﻳﺴﻤﻊ ﻑ ﺻﻮﺕ ﻧﻔﺲ ﺭﺣﺎﺏ
ﺳﻔﻴﺎﻥ .. ﺗﻌﺮﻓﻲ
ﺭﺣﺎﺏ .. ﺷﻨﻮ
ﺳﻔﻴﺎﻥ .. ﺣﺘﻰ ﺻﻮﺕ ﻧﻔﺴﻚ ﺭﺍﺿﻲ ﺑﻴﻪ ﻋﺎﺩﻱ ﺗﻘﻌﺪﻱ ﺳﺎﻛﺘﻪ ﻭﻧﺴﻤﻊ ﻧﻔﺴﻚ ﻋﺎﺩﻱ ﻋﻨﺪﻱ
ﺭﺣﺎﺏ ﺍﺑﺘﺴﻤﺖ .. ﻧﺤﺒﻚ
ﺳﻔﻴﺎﻥ ﺿﺤﻚ .. ﻧﻤﻮﺕ ﻓﻴﻚ
ﺭﺣﺎﺏ .. ﺣﺒﻴﺒﻲ
ﺳﻔﻴﺎﻥ .. ﻫﻤﻤﻢ ﻧﻌﻢ
ﺭﺣﺎﺏ .. ﻣﺎﻣﺎ ﺗﻜﻠﻢ ﻓﻴﺎ ﺗﻮﺍ ﻧﺤﻜﻮﺍ ﺑﻌﺪﻳﻦ ﺍﻭﻛﻲ
ﺳﻔﻴﺎﻥ .. ﺗﻤﺎﻡ ﺍﻭﻛﻲ
ﺻﻜﺮﺕ ﻣﻨﻪ ﻭ ﻃﻠﻌﺖ ﺗﻼ ﻣﺎﻣﺎ
ﺭﺣﺎﺏ .. ﻧﻌﻢ ﻳﺎﻣﺎﻣﺎ ﺷﻨﻮ
ﻣﺎﻣﺎ .. ﻛﻨﻚ ﻣﻌﺶ ﻃﻠﻌﺘﻲ ﺟﺎﺀ ﻋﺰﻭ ﺳﺎﻝ ﻋﻠﻴﻚ
ﺭﺣﺎﺏ .. ﺍﻫﺎ ﻛﻨﺖ ﻧﺤﻜﻲ ﻣﻊ ﺳﻔﻴﺎﻥ ﺷﻨﺠﻮﻩ ﻋﺰﻭ
ﻣﺎﻣﺎ .. ﻫﺎﺑﺎ ﻋﻠﻲ ﺣﻀﻪ ﻋﺰﻭ ﺑﺎﻳﻦ ﻣﺘﻨﻜﺪ
ﺭﺣﺎﺏ .. ﻳﺎﺭﻭﺣﻲ ﺍﻛﻴﺪﻩ ﺣﺘﻰ ﺍﻣﻴﺮﻩ ﺯﻋﻼﻧﻪ
ﻣﺎﻣﺎ .. ﺍﻛﻴﺪﻩ ﺑﺘﻌﻴﺶ ﺍﻳﺎﻣﻬﺎ ﻛﻴﻒ ﺍﻱ ﻋﺮﻭﺱ
ﺭﺣﺎﺏ .. ﺍﻛﻴﺪﻩ ﺗﻮﺍ ﻳﻌﻮﺿﻬﺎ ﻋﺰﻭ
ﻣﺎﻣﺎ .. ﺍﻥ ﺷﺎﺀ ﺍﻟﻠﻪ ﺩﻳﺮﻧﺎ ﻗﻬﻮﻩ ﺳﻠﻢ ﺑﻨﻴﺘﻲ
ﺭﺣﺎﺏ .. ﺣﺎﺿﺮ ﻳﺎﻣﺎﻣﺎ "
" ﻋﺰﻭ ﺭﻛﺐ ﻟﺸﻘﻪ ﻻﻗﻰ ﺍﻣﻴﺮﻩ ﺗﺒﺮﻡ
ﻋﺰﻭ .. ﻛﻨﻚ ﺗﺒﺮﻣﻲ
ﺍﻣﻴﺮﻩ .. ﺷﻲ ﻧﺘﻔﺮﺝ ﻋﻠﻴﻬﺎ ﻣﻌﺶ ﻋﺮﻓﺖ ﻣﺎﻧﺪﻳﺮ ﻭﻣﺎﻧﺒﻴﺶ ﻧﻔﺘﺢ ﻧﺖ ﺗﻮﺍ ﺑﻨﺎﺕ ﻛﻠﻬﻦ ﻳﺨﺸﻦ ﻋﻠﻴﺎ ﻭﺟﻮ ﻗﻠﻖ
ﻋﺰﻭ ﻗﺮﺏ ﻭﺣﻀﻨﻬﺎ .. ﺳﺎﻣﺤﻴﻨﻲ ﻳﺎﺭﻭﺣﻲ ﺑﺲ ﺍﻟﻠﻪ ﻏﺎﻟﺐ ﻣﻮﺿﻮﻉ ﻣﻬﻢ
ﺍﻣﻴﺮﻩ ﻫﺰﺕ ﻛﺘﻮﻓﻬﺎ .. ﻣﺎﻓﻴﺶ ﻣﺸﻜﻠﻪ ﺧﻼﺹ ﻋﺎﺩﻱ
ﻋﺰﻭ ﻭﺧﺮ ﻭﺑﺄﺱ ﺭﺍﺳﻬﺎ .. ﺍﻥ ﺷﺎﺀ ﺍﻟﻠﻪ ﺗﻮﺍ ﻧﻌﻮﺿﻚ
ﺍﻣﻴﺮﻩ .. ﺑﺎﻩ
ﻋﺰﻭ .. ﻉ ﻣﻬﻢ ﻣﺶ ﺯﻋﻼﻧﻪ ﻣﻨﻲ
ﺍﻣﻴﺮﻩ .. ﻻﻻ ﺟﻮ ﺗﻤﺎﻡ ﺑﺲ ﻛﺴﺪﺕ
ﻋﺰﻭ .. ﻟﻴﺶ ﻣﺎﻧﺰﻟﺘﻲ ﻛﺴﺪﺗﻲ ﻣﻊ ﺍﻣﻲ ﻭﺭﺣﺎﺏ
ﺍﻣﻴﺮﻩ .. ﻧﺘﺤﺸﻢ ﻣﻨﻬﻢ ﻣﺰﺍﻟﺖ ﻧﺒﻴﻚ ﺗﻨﺰﻝ ﻣﻌﺎﻳﺎ
ﻋﺰﻭ .. ﺍﻥ ﺷﺎﺀ ﺍﻟﻠﻪ ﺑﺎﻩ ﺩﻳﺮﻳﻠﻲ ﻗﻬﻮﺀ ﺭﺍﺳﻲ ﺻﺪﺍﻉ ﺑﻜﻞ
ﺍﻣﻴﺮﻩ .. ﺣﺎﺿﺮ
ﻋﺰﻭ .. ﻳﺤﻀﺮﻟﻚ ﺍﻟﺨﻴﺮ "
" ﻑ ﺍﻟﻴﻞ ..
ﺩﻧﻴﺎ .. ﻣﺎﻗﺎﻟﻜﺶ ﺣﺎﺟﻪ
ﺍﻣﺠﺪ .. ﻻﻻ ﺑﺲ ﺟﻮ ﻫﺎﺩﻱ ﺷﻜﻠﻬﻢ ﺻﺎﻟﺤﻮ
ﺩﻧﻴﺎ .. ﻣﻤﻜﻦ ﺑﺲ ﺳﺎﻣﻄﻪ ﻟﻘﻄﻪ ﺍﻧﻪ ﻛﻠﻬﻢ ﻳﺸﻬﺪﻭ ﻉ ﻋﺮﻛﺘﻜﻢ
ﺍﻣﺠﺪ .. ﻣﺶ ﺣﻠﻮﻩ ﺑﺲ ﺍﻫﻮ ﺑﻌﺪ ﻳﻨﻔﺼﻞ ﻣﻌﺶ ﻳﻌﺮﻑ ﺣﺪ
ﺩﻧﻴﺎ .. ﺭﺑﻲ ﻳﻬﺪﻳﻪ ﺣﺒﻴﺒﻲ ﺗﺤﺲ ﻑ ﺣﺎﺟﻪ
ﺍﻣﺠﺪ .. ﻻﻻ ﺟﻮ ﺗﻤﺎﻡ ﻳﺎ ﻋﻤﺮﻱ ﻣﺎﺗﺸﻐﻠﻴﺶ ﺑﺎﻟﻚ ﺧﻼﺹ ﺣﻮﻝ ﺍﻟﻮﺟﻊ ﺟﺮﺡ ﺑﺴﻴﻂ ﻫﻮ
ﺩﻧﻴﺎ .. ﻋﺎﺭﻓﺘﻪ ﺑﺲ ﻛﺎﻥ ﻳﻮﺟﻊ ﻓﻴﻚ ﻭﺍﺟﺪ
ﺍﻣﺠﺪ .. ﻻ ﺧﻼﺹ ﺧﻒ ﺗﻮﺍ
ﺩﻧﻴﺎ .. ﺑﺎﻩ ﺍﻟﺤﻤﺪﺍﻟﻠﻪ ﻃﻤﻨﺘﻨﻲ
ﺍﻋﻠﻴﻮﻩ ﺟﺎﺀ ﻳﺠﺮﻱ ﻭﻋﺰﻕ ﺭﻭﺣﻪ ﻉ ﺍﻣﺠﺪ
ﺍﻣﺠﺪ .. ﺍﻣﻤﻢ ﺍﺍﺍﺍ ﻳﺎﺍﻋﻠﻴﻮﻩ
ﺩﻧﻴﺎ ﻭﺧﺮﺍﺗﻪ ﻣﻦ ﻋﻠﻴﻪ .. ﺣﻲ ﻋﻠﻴﺎ ﺗﺤﺲ ﻑ ﺣﺎﺟﻪ
ﺍﻣﺠﺪ ﺭﻓﻊ ﺗﻴﺸﺮﺕ .. ﻻﻻ ﺗﻤﺎﻡ ﻏﻴﺮ ﻑ ﺑﺪﺍﻳﻪ ﺣﺴﻴﺘﻬﺎ ﻋﻨﺠﺪ ﻭﺟﻚ ﻳﺎﻓﺮﺥ ﺍﻟﺤﺮﺍﻡ
ﺩﻧﻴﺎ ﺿﺤﻜﺖ .. ﻻ ﻭﺍﻟﻠﻪ ﺟﺎﺀ ﺑﻌﺪ ﺳﻨﻪ ﻣﻦ ﺟﻮﺍﺯﻧﺎ
ﺍﻣﺠﺪ ﺿﺤﻚ .. ﺍﻧﺎ ﻭ ﺍﻟﻠﻪ ﺟﺎﺀ ﻣﺘﺎﺧﺮ ﺍﻟﻔﺮﺥ
ﺩﻧﻴﺎ .. ﻋﺪﻱ ﺗﺮﻳﺢ ﻑ ﺩﺍﺭ ﺧﻼﺹ
ﺍﻣﺠﺪ ﺻﺒﻰ ﻭﺣﺎﻁ ﺍﻳﺪﻩ ﻉ ﺟﺮﺡ ﻭﻃﺒﺲ ﺑﺎﺱ ﺧﺪﻫﺎ .. ﺍﻧﺤﺒﻚ
ﺩﻧﻴﺎ ﺍﺑﺘﺴﻤﺖ ﻭﺧﺶ ﺍﻣﺠﺪ ﻟﺪﺍﺭ ﻳﺘﺮﻳﺢ ﻭﻫﻴﺎ ﺳﻤﻌﺖ ﺯﻳﻨﻪ ﺗﺒﻜﻲ ﻣﺸﺖ ﺗﺴﻜﺖ ﻓﻴﻬﺎ "
" ﺭﻭﺡ ﺍﻳﻬﻢ ﻑ ﻟﻴﻞ ﺑﻜﻞ ﻭﺍﻧﺎ ﻛﻨﺖ ﺭﺍﻗﺪﻩ ﻑ ﺩﺍﺭ ﻭﻣﺮﻗﺪﻩ ﻭﺳﻦ ﺗﻼﻳﺎ ﻭﻧﻠﻌﺐ ﻉ ﺍﻳﺪﻫﺎ ﻭﻣﻮﻟﻌﻪ ﺍﻟﻘﺮﺁﻥ ﺷﻮﻳﺎ ﻭﺧﺶ ﺍﻳﻬﻢ ﺍﻧﺎ ﻛﻨﺖ ﻋﺎﻃﻴﻪ ﻟﺒﺎﺏ ﺑﻀﻬﺮ ﺟﺎﺀ ﻣﻦ ﺟﻴﻬﺎ ﺍﻣﺘﺎﻋﻪ ﻭﺑﺤﺖ ﻓﻴﺎ ﺍﻧﺎ ﻓﻄﻨﺘﻠﻪ ﻭﺑﺤﺘﺖ ﻓﻴﻪ
ﺍﻧﺎ .. ﺑﺘﺮﻗﺪ ﺗﻮﺍ ﻧﺤﻮﻟﻬﺎ ﻧﺤﻄﻬﺎ ﻑ ﺳﺮﻳﺮ
ﺍﻳﻬﻢ .. ﻻﻻ ﺭﺍﻗﺪ ﺑﺮﺍ ﺍﺻﻼً ﺍﻧﺎ
ﺍﻧﺎ ﺗﻨﻬﺪﺕ ﻭﻫﺰﻳﺖ ﺭﺍﺳﻲ ﻭﺭﺩﻳﺖ ﺣﻄﻴﺖ ﺭﺍﺳﻲ ﻉ ﻣﺨﺪﻩ ﻭﻫﻮ ﻣﺰﺍﻝ ﻳﺒﺤﺖ ﻓﻴﺎ ﻭﺳﺎﻛﺖ ﺑﻌﺪﻫﺎ ﺧﺬﺍ ﺍﻟﻤﺨﺪﻩ ﻭﻃﻠﻊ ﻭﺍﻧﺎ ﻧﻀﺖ ﺣﻄﻴﺖ ﻣﺨﺪﻩ ﻣﻦ ﺟﻴﻬﺎ ﻻﺧﺮﻯ ﻉ ﺳﺒﻪ ﻭﺳﻦ ﻣﺎﻃﻴﺤﺶ ﻭﻏﻤﻀﺖ ﻋﻴﻮﻧﻲ ﻗﻌﺪﺕ ﻧﺮﺩﺩ ﻣﻊ ﻗﺮﺁﻥ ﻟﻴﻦ ﺭﻗﺪﺕ
ﻋﻨﺪ ﺍﻳﻬﻢ ﻗﻌﺪ ﻳﺘﻘﻠﺐ ﻳﻤﻴﻦ ﻭﻳﺴﺎﺭ ﻣﺶ ﺟﺎﻳﺎ ﻧﻮﻡ ﺻﺒﻰ ﺧﺶ ﻟﺪﺍﺭ ﻭﺍﻧﺎ ﻛﻨﺖ ﺭﺍﻗﺪﻩ ﻗﺮﺏ ﻣﻨﻲ ﻭﻃﺒﺲ ﻋﻠﻴﺎ ﻭﺷﻢ ﺭﻳﺤﻪ ﺍﻣﺘﺎﻋﻲ ﻭﺍﺑﺘﺴﻢ ﻭﺷﻢ ﺭﻳﺤﻪ ﺷﻌﺮﻱ ﻭﻗﻌﺪ ﻳﻤﺸﻲ ﻑ ﻛﻒ ﺍﻳﺪﻩ ﻉ ﺷﻌﺮﻱ ﺑﻌﺪﻫﺎ ﻧﻂ ﻭﻃﻠﻊ ﺑﺴﺮﻋﻪ ﻣﻦ ﺩﺍﺭ ﻻﻧﻪ ﺧﺎﻑ ﻳﻀﻌﻒ "
" ﻑ ﺍﻟﺼﺒﺢ ﻧﻀﺖ ﻭﺗﻴﺖ ﺍﻟﻔﻄﻮﺭ ﻟﻲ ﺍﻳﻬﻢ ﺑﻌﺪﻫﺎ ﺣﺴﻴﺖ ﺭﻭﺣﻲ ﺩﺍﻳﺨﻪ ﻣﺴﻜﺖ ﻑ ﺍﻟﺤﻮﺽ ﻉ ﺧﺸﺖ ﺍﻳﻬﻢ ﻗﺮﺏ ﻣﻨﻲ ﻭﻣﺴﻚ ﺧﺼﺮﻱ ﺑﻴﺪ ﻭﺣﺪﻩ
ﺍﻧﺎ ﻟﻔﻴﺖ ﺑﺤﺘﺖ ﻓﻴﻪ
ﺍﻳﻬﻢ ﻗﺎﺭﻥ ﺣﻮﺍﺟﺒﻪ .. ﻣﻦ ﻗﻠﻪ ﻭﻛﺎﻟﻚ ﻫﺬﻱ ﺷﻮﻓﻲ ﺟﺴﻤﻚ ﻛﻴﻒ ﺿﻌﻒ ﻓﺠﺎﺀ
ﺍﻧﺎ ﺑﺼﻮﺕ ﻭﺍﻃﻲ .. ﻣﺎﻧﻌﺮﻓﺶ ﻧﺎﻛﻞ ﺑﺮﻭﺣﻲ ﺍﻧﺖ ﻋﻮﺩﺗﻨﻲ ﺗﻜﻮﻥ ﻣﻌﺎﻳﺎ ﻑ ﻛﻞ ﺣﺎﺟﻪ ﻣﺶ ﻣﺘﻌﻮﺩﻩ ﻉ ﻏﻴﺎﺑﻚ ﻫﻜﻲ
ﺍﻳﻬﻢ ﺳﻜﺖ
ﺍﻧﺎ ﺭﻓﻌﺖ ﻋﻴﻮﻧﻲ ﻑ ﻋﻴﻮﻧﻪ
ﺍﻳﻬﻢ ﻭﺧﺮ ﺍﻳﺪﻩ ﻭﺣﻂ ﺍﻳﺪﻳﻪ ﻑ ﺟﻴﻮﺑﻪ .. ﺑﺎﻩ ﺧﺸﻲ ﺍﺭﻗﺪﻱ ﻭﺟﻚ ﺑﺎﻳﻦ ﺗﻌﺒﺎﻥ
ﺍﻧﺎ ﻫﺰﻳﺖ ﺭﺍﺳﻲ ﻭﻏﻤﻀﺖ ﻋﻴﻮﻧﻲ ﺯﻳﻦ ﻭﻃﻠﻌﺖ ﻣﻦ ﻛﻮﺟﻴﻨﻪ ﻗﻌﺪﺕ ﻧﻤﺸﻲ ﻟﺪﺍﺭ ﻟﻴﻦ ﺣﺴﻴﺖ ﺑﻴﺪ ﺍﻳﻬﻢ
ﺍﻳﻬﻢ ﻳﻜﺮ ﻓﻴﺎ ﻟﻜﻮﺟﻴﻨﻪ .. ﺗﻌﺎﻟﻲ
ﺍﻧﺎ .. ﻛﻨﻚ
ﺍﻳﻬﻢ ﻗﻤﻌﺰﻧﻲ ﻉ ﻛﺮﺳﻲ .. ﻗﻤﻌﺰﻱ ﺍﻓﻄﺮﻱ ﻭﺧﻮﺫﻱ ﺩﻭﺍﻙ ﻣﺶ ﺑﺘﺎﻛﻠﻲ ﻣﻌﺎﻳﺎ ﺍﻫﻮ ﺍﻧﺎ ﻣﻌﺎﻙ ﻛﻮﻟﻲ ﻫﻴﺎ ﻫﺬﺍ ﻛﻠﻪ ﺗﺎﻛﻠﻴﻪ ﻭﺍﺷﺮﺑﻲ ﺣﻠﻴﺐ ﻭﻋﺴﻞ ﻧﻔﺲ ﻣﺎﻛﻨﺖ ﻧﺪﻳﺮﻟﻚ
ﺍﻧﺎ ﺍﺑﺘﺴﻤﺖ ﺑﺸﻮﻳﺎ .. ﺍﻧﺖ ﺍﺣﻦ ﻋﺼﺒﻲ ﻑ ﺩﻧﻴﺎ
ﺍﻳﻬﻢ .. ﻛﻮﻟﻲ ﻣﺎﺗﻜﺜﺮﻳﺶ ﻛﻼﻡ
ﻗﻌﺪﺕ ﻧﺎﻛﻞ ﻭﻣﺮﻩ ﻣﺮﻩ ﻧﺒﺤﺖ ﻓﻴﻪ ﻧﺸﻮﻑ ﻑ ﺣﺮﻛﺎﺗﻪ ﻭﺣﺎﻃﻪ ﺍﻳﺪﻱ ﻉ ﺧﺪﻱ
ﺍﻳﻬﻢ ﺑﺤﺖ ﻓﻴﺎ ﺑﻨﺺ ﻋﻴﻦ .. ﻛﻮﻟﻲ ﻛﻨﻚ ﺗﺒﺤﺘﻲ ﻓﻴﺎ
ﺍﻧﺎ ﺗﻨﻬﺪﺕ .. ﺷﻜﻠﻲ ﻧﺘﻮﺣﻢ ﻋﻠﻴﻚ
ﺍﻳﻬﻢ ﻫﺰ ﺭﺍﺳﻪ ﻭﺻﺒﻰ
ﺍﻧﺎ .. ﺑﺘﻌﺪﻱ
ﺍﻳﻬﻢ .. ﺣﻨﺮﻭﺡ ﻛﻴﻒ ﺍﻣﺲ
ﺍﻧﺎ ﺻﺒﻴﺖ .. ﻻﻻ ﺭﻭﺡ ﺑﺪﺭﻱ ﻭﺭﺃﺱ ﺍﻳﻬﻢ ﻛﻨﻚ ﺍﺩﻳﺮ ﻫﻜﻲ ﻓﻴﺎ
ﺍﻳﻬﻢ ﺑﺮﻡ ﻋﻄﺎﻧﻲ ﺑﻀﻬﺮ
ﺍﻧﺎ ﺑﺼﻮﺕ ﻣﺨﻨﻮﻕ .. ﺍﻳﻬﻢ ﺭﻭﺡ ﻉ ﻏﺪﺍﺀ ﻭﺍﻗﻌﺪ ﻣﻌﺎﻳﺎ
ﺍﻳﻬﻢ ﻣﺸﺎﺀ ﺧﻄﻮﻩ
ﺍﻧﺎ .. ﺣﺮﺍﻡ ﻋﻠﻴﻚ ﺣﺘﻰ ﻭﺳﻦ ﺩﻭﺭ ﻓﻴﻚ
ﺍﻳﻬﻢ ﻃﻠﻊ ﻣﻦ ﺷﻘﻪ ﺑﺴﺮﻋﻪ ﻭﻧﺰﻝ ﻟﻮﻃﻪ ﻟﺠﻨﺎﻥ ﻣﺤﻤﺪ ﻛﺎﻥ ﻳﺴﺨﻦ ﻑ ﺳﻴﺎﺭﻩ
ﺍﻳﻬﻢ ﻣﺼﺒﻲ ﻳﺪﺧﻦ ﻗﺪﺍﻡ ﺍﻟﺒﺎﺏ
ﻣﺤﻤﺪ ﻗﺮﺏ ﻣﻨﻪ .. ﺻﺒﺎﺡ ﺍﻟﺨﻴﺮ
ﺍﻳﻬﻢ .. ﺻﺒﺎﺡ ﺍﻟﻨﻮﺭ
ﻣﺤﻤﺪ .. ﻃﺎﻟﻊ
ﺍﻳﻬﻢ .. ﺍﻥ ﺷﺎﺀ ﺍﻟﻠﻪ ﻛﻨﻚ
ﻣﺤﻤﺪ .. ﺑﺘﺮﻭﺡ ﺍﻻ ﻛﻴﻒ ﺍﻣﺲ
ﺍﻳﻬﻢ ﺳﻜﺖ
ﻣﺤﻤﺪ .. ﻛﻨﻚ
ﺍﻳﻬﻢ ﺧﺬﺍ ﻧﻔﺲ .. ﻣﺸﻌﺎﺭﻑ ﻣﺎﻋﻨﺪﻳﺶ ﻧﻴﻪ ﻧﺮﻭﺡ ﺑﺲ ﻑ ﻧﻔﺲ ﻛﺎﻥ ﻧﻼﻗﻰ ﻧﺮﻭﺡ
ﻣﺤﻤﺪ .. ﺗﻲ ﺍﻭﻛﻲ ﺟﻮ ﺻﺮﺍﻉ ﺑﻴﻦ ﻗﻠﺒﻲ ﻭﻋﻘﻠﻲ
ﺍﻳﻬﻢ ﺑﺤﺖ ﻓﻴﻪ ﺑﺎﻟﺠﻨﺐ .. ﺗﺸﻔﻂ ﺍﻧﺖ
ﻣﺤﻤﺪ .. ﺷﻦ ﻧﺪﻳﺮﻟﻚ ﻋﺎﺩ ﺿﺎﺭﺏ ﺍﻟﺤﺰﻥ ﻳﺎﺭﺍ ﺧﻼﺹ ﻣﻮﺿﻮﻉ ﻭﺻﺎﺭ ﻧﺎﻗﺼﺎﺕ ﻋﻘﻞ ﻭﺩﻳﻦ ﺷﻦ ﺑﺪﻳﺮﻟﻬﺎ
ﺍﻳﻬﻢ ﻧﻔﺦ ﺩﺧﺎﻥ .. ﺑﺎﻩ ﺍﻟﻤﺸﻜﻠﻪ ﺍﻧﻲ ﻣﺮﺍﻳﻒ ﺍﻧﺎ
ﻣﺤﻤﺪ ﺿﺤﻚ ﻭﻫﺰ ﺭﺍﺳﻪ .. ﻻﻧﻘﻨﻲ ﻣﺮﺍﻳﻒ ﻋﻠﻴﻚ ﻧﺮﻳﺪﻙ
ﺍﻳﻬﻢ ﺿﺤﻚ ﻭﻧﻔﺦ ﺩﺧﺎﻥ .. ﻭﻻﻧﻘﻨﻲ ﻣﺸﺘﺎﻕ ﻟﻤﻮﺍﻋﻴﺪﻙ
ﻣﺤﻤﺪ ﺧﺒﻂ ﺍﻳﻬﻢ ﻉ ﻛﺘﻔﻪ .. ﺧﻼﺹ ﻓﻜﻨﺎ ﻣﻦ ﻃﻮﺍﻃﻲ ﻣﺰﺍﻝ ﻉ ﺭﻣﻀﺎﻥ ﺍﻗﻞ ﻣﻦ ﺍﺳﺒﻮﻉ
ﺍﻳﻬﻢ .. ﺧﻼﺹ ﻛﺪﻭﻫﺎ
ﻣﺤﻤﺪ .. ﺍﻥ ﺷﺎﺀ ﺍﻟﻠﻪ ﻛﻞ ﺳﻨﻪ ﻭﺍﻧﺖ ﻃﻴﺐ
ﺍﻳﻬﻢ .. ﻭﺍﻧﺖ ﻃﻴﺐ ﺍﻥ ﺷﺎﺀ ﺍﻟﻠﻪ ﺧﻴﺮ
ﻣﺤﻤﺪ .. ﻫﻴﺎ ﺗﻮﺻﻲ ﻉ ﺣﺎﺟﻪ ﺗﻮﺍ
ﺍﻳﻬﻢ ﺷﻴﺮﻟﻪ ﺑﻴﺪﻩ .. ﻻ ﻻ ﺳﻼﻣﺘﻚ
ﻣﺤﻤﺪ ﻳﺮﻛﺐ ﻑ ﺳﻴﺎﺭﺗﻪ .. ﺍﻭﻛﻲ
ﻣﺤﻤﺪ ﻃﻠﻊ ﻭﺍﻳﻬﻢ ﻳﻜﻤﻞ ﻑ ﺩﺧﺎﻥ ﻭﻳﺬﻛﺮ ﻑ ﺷﻜﻠﻲ ﻭﻳﺒﺘﺴﻢ ﻣﺮﻩ ﻣﺮﻩ
ﺍﻣﺠﺪ .. ﺻﺒﺎﺣﻚ ﻟﻮﺯ
ﺍﻳﻬﻢ ﺑﺤﺖ ﻓﻴﻪ .. ﺻﺒﺎﺡ ﺍﻟﻮﺭﺩ
ﺍﻣﺠﺪ .. ﻃﺎﻟﻊ ﻟﺸﻐﻞ
ﺍﻳﻬﻢ .. ﺍﻥ ﺷﺎﺀ ﺍﻟﻠﻪ ﻛﻨﻚ
ﺍﻣﺠﺪ .. ﻻ ﺑﺲ ﻧﺴﺄﻝ
ﺍﻳﻬﻢ .. ﻭﺍﻧﺖ ﻛﻨﻚ ﻃﺎﻟﻊ
ﺍﻣﺠﺪ .. ﻓﻲ ﺣﺎﺟﺎﺕ ﻧﺎﻗﺼﺎﺕ ﻑ ﺷﻘﻪ ﺑﻨﺠﻴﺒﻬﻦ
ﺍﻳﻬﻢ .. ﻗﻮﻟﻲ ﺷﻦ ﺗﺒﻲ ﺗﻮﺍ ﻧﺠﻴﺒﻬﻦ ﺍﻧﺎ ﺧﺶ ﺗﺮﻳﺢ ﻣﺰﺍﻟﺖ ﺍﻳﺪﻙ ﻭﺟﺮﺡ
ﺍﻣﺠﺪ .. ﺍﻧﻘﻨﻚ ﺗﺮﻳﺤﻨﻲ ﺍﻣﺴﻚ ﺍﻫﻲ ﻭﺭﻗﻪ
ﺧﺬﺍﻫﺎ ﻣﻨﻪ ﻭﺣﻄﻬﺎ ﻑ ﺟﻴﺒﻪ
ﺍﻣﺠﺪ .. ﺍﻣﺴﻚ ﻓﻠﻮﺱ
ﺍﻳﻬﻢ ﺑﺤﺖ ﻓﻴﻪ ﺑﻨﺺ ﻋﻴﻦ .. ﺭﺩ ﻓﻠﻮﺳﻚ ﻣﺶ ﺑﻴﻨﺎ
ﺍﻣﺠﺪ .. ﻻ ﻻ ﻳﺎ ﺭﺍﺟﻞ ﻗﻄﻦ ﻭﺍﻟﺤﻠﻴﺐ ﻏﺎﻟﻴﺎﺕ ﺟﻮ ﻗﻠﻖ ﺍﻣﺴﻚ ﻭﻓﻜﻨﻲ
ﺍﻳﻬﻢ .. ﻫﻴﺎ ﻛﻠﻤﻪ ﻣﺶ ﺧﻨﺎﺧﺬﻫﻦ ﺭﺩ ﻓﻠﻮﺳﻚ ﺧﻼﺹ
ﺍﻣﺠﺪ .. ﻋﻠﻲ ﻛﻴﻔﻚ
ﺭﻛﺐ ﺍﻳﻬﻢ ﺳﻴﺎﺭﺗﻪ .. ﺗﻮﺍ ﻧﺠﻴﺒﻬﻦ ﻭﻧﺮﺩ ﻋﻠﻴﻚ ﺗﻮﺍ
ﺍﻣﺠﺪ .. ﺗﻢ ﻣﻨﻮﺭ
ﺍﻳﻬﻢ .. ﻧﻮﺭ ﻧﻮﺭﻙ ﻭﻟﻮ
ﻃﻠﻊ ﺍﻳﻬﻢ ﺑﺴﻴﺎﺭﻩ ﻭﺍﻣﺠﺪ ﺧﺶ "
" ﻟﻤﻴﺖ ﺍﻟﻔﻄﻮﺭ ﻭﺑﻨﺒﺪﺍ ﻧﻐﺴﻞ ﺍﻟﻤﻮﺍﻋﻴﻦ ﺭﻥ ﺟﺮﺱ ﺍﻟﺸﻘﻪ ﻧﺸﻔﺖ ﺍﻳﺪﻳﻪ ﻭﺷﻔﺖ ﻣﻦ ﺍﻟﻌﻴﻦ ﻟﻘﻴﺘﻬﺎ ﺭﺷﺎ ﻓﺘﺤﺖ ﺍﻟﺒﺎﺏ
ﺍﻧﺎ .. ﺧﻴﺮ ﺗﻔﻀﻠﻲ
ﺭﺷﺎ ﺧﺸﺖ ﻭﺣﺎﻃﻪ ﺍﻳﺪﻫﺎ ﻭﺭﺍﺀ ﺿﻬﺮﻫﺎ .. ﺷﻨﺠﻮﻙ
ﺍﻧﺎ .. ﻛﻴﻒ ﻣﺎﺍﻧﺎ
ﺭﺷﺎ ﻗﻤﻌﺰﺕ .. ﻣﺰﺍﻝ ﻣﺎﺻﺎﻟﺤﺘﻮ
ﺍﻧﺎ ﻫﺰﻳﺖ ﺭﺍﺳﻲ
ﺭﺷﺎ .. ﻭﺷﻜﻠﻚ ﻣﺎﺣﺮﻛﺘﻴﺶ ﺭﻭﺣﻚ ﺑﻜﻞ ﻭﺍﻫﻮ ﻗﺎﻋﺪ ﻣﺰﺍﻝ ﻳﺮﻗﺪ ﺑﺮﺍ ﻣﻌﻘﻮﻟﻪ ﻳﺎﻣﻴﺲ
ﺍﻧﺎ ﺳﻜﺘﺖ
ﺭﺷﺎ .. ﻭﺧﻼﺹ ﻣﺎﻧﻚ ﺣﺎﻣﻞ ﺗﻘﺪﺭﻱ ﺩﻳﺮﻱ ﻃﺮﻭﺡ ﻋﻠﻴﻪ
ﺍﻧﺎ .. ﻣﺎﻋﻨﺪﻳﺶ ﻣﺎﻧﺪﻳﺮﻟﻪ ﺣﺎﻭﻟﺖ ﻣﺮﻩ ﺍﺛﻨﻴﻦ ﺧﻼﺹ ﺗﻌﺒﺖ ﺧﻠﻴﻪ ﻟﻴﻦ ﻳﻬﺪﺃ ﻭﻳﻔﺶ ﻏﻠﻪ ﻭﺧﻼﺹ
ﺭﺷﺎ .. ﺍﻧﺘﻲ ﻳﺎﻫﺒﻠﻪ ﻣﺰﺍﻝ ﻉ ﺭﻣﻀﺎﻥ ﺍﻗﻞ ﻣﻦ ﺍﺳﺒﻮﻉ ﺑﺘﺨﺸﻲ ﻉ ﺭﻣﻀﺎﻥ ﻭﻣﺶ ﻣﺎﺻﺎﻟﺤﺘﻴﻪ
ﺍﻧﺎ ﻫﺰﻳﺖ ﻛﺘﻮﻓﻲ .. ﻋﺎﺩﻱ ﻣﺶ ﻣﺸﻜﻠﻪ
ﺭﺷﺎ .. ﻻ ﺍﻧﺘﻲ ﺻﺎﻳﺮ ﺍﻟﻌﻘﻠﻚ ﺣﺎﺟﻪ ﻣﻌﻘﻮﻟﻪ ﺻﺎﺑﺮﻩ ﺑﺪﻭﻥ ﺍﻳﻬﻢ ﻳﺎﻣﻴﺴﻮ
ﺍﻧﺎ ﺧﻨﻘﺘﻨﻲ ﺍﻟﻌﺒﺮﻩ
ﺭﺷﺎ ﻗﺮﺑﺖ ﺗﻼﻳﺎ .. ﻳﺎ ﻋﻤﺮﻱ ﺍﻧﺘﻲ ﻣﺮﺍﻳﻔﺘﻴﻠﻪ
ﺍﻧﺎ ﻫﺰﻳﺖ ﺭﺍﺳﻲ
ﺭﺷﺎ .. ﻳﺎ ﺣﺒﻴﺒﺘﻲ ﺍﻧﺘﻲ ﺷﻦ ﺻﺎﺭ ﺃﺧﺮﻯ ﺗﺴﻨﻴﻢ ﻗﺎﻟﺘﻠﻲ ﻉ ﺻﻮﺗﻜﻢ ﺍﻣﺲ ﻭ ﻗﺎﻟﺘﻠﻲ ﻗﺎﻝ ﻣﺎﺣﺪ ﻳﺮﻛﺒﻠﻬﺎ
ﺍﻧﺎ ﺳﻜﺘﺖ
ﺭﺷﺎ .. ﻗﻮﻟﻴﻠﻲ ﺷﻦ ﺩﺭﺗﻲ ﺃﺧﺮﻯ
ﺍﻧﺎ ﻗﻌﺪﺕ ﻧﺒﻜﻲ ﻭﻧﺤﻜﻴﻠﻬﺎ ﺍﻟﻲ ﺻﺎﺭ
ﺭﺷﺎ .. ﻣﻌﻘﻮﻟﻪ ﻳﺎﻣﻴﺲ ﻣﻌﺎﻩ ﺍﻟﺤﻖ ﻳﺰﻋﻞ ﺑﺲ ﺑﺮﺿﻮ ﺣﺎﻭﻟﻲ ﻣﻌﺎﻩ ﻟﻴﻦ ﻳﺮﺿﻰ ﻭﺟﻚ ﻣﺮﻫﻖ ﺑﻜﻞ ﻭﺟﺴﻤﻚ ﻧﻘﺺ ﺑﻜﻞ ﻑ ﺍﺳﺒﻮﻉ ﻭﻣﻌﺎﻫﺎ ﺍﻧﺘﻲ ﺣﺎﻣﻞ ﺭﺍﻙ ﺗﻨﺴﻰ
ﺍﻧﺎ ﺭﺷﻔﺖ ﺧﺸﻤﻲ .. ﻣﺶ ﻧﺎﺳﻴﻪ ﺑﺲ ﻣﺶ ﻗﺎﺩﺭﻩ ﻧﺎﻛﻞ
ﺭﺷﺎ .. ﺍﻏﺼﺒﻲ ﺭﻭﺣﻚ ﻭﺧﻼﺹ ﻳﻼ ﺭﺑﻲ ﻳﻬﺪﻱ ﺳﺮﻛﻢ
ﺍﻧﺎ .. ﺷﻔﺘﻲ ﺍﻟﻲ ﺻﺎﺭ ﻭﺟﻌﻨﻲ ﻋﺰﻭ ﻭﺍﺟﺪ
ﺭﺷﺎ .. ﻣﺴﻜﻴﻦ ﻭﺍﻟﻠﻪ ﺍﻥ ﺷﺎﺀ ﺍﻟﻠﻪ ﺭﺑﻲ ﻳﻬﻨﻴﻨﻪ ﻭﺧﻼﺹ
ﺍﻧﺎ ﺻﺒﻴﺖ .. ﺍﻥ ﺷﺎﺀ ﺍﻟﻠﻪ ﻧﺪﻳﺮﻭ ﻛﺎﻛﻮ ﻧﻔﻄﺮﻭ
ﺭﺷﺎ .. ﺑﺎﻩ ﻣﺰﺍﻟﺖ ﻣﺎﻓﻄﺮﺕ ﺍﺻﻼً
ﺧﺸﻴﺖ ﻟﻜﻮﺟﻴﻨﻪ ﺩﺭﺕ ﻛﺎﻛﻮ ﻭﻧﺎﺿﺖ ﻭﺳﻦ ﺩﺭﺗﻠﻬﺎ ﺭﺿﺎﻋﻪ ﻭﺣﻄﻴﺘﻬﺎ ﻑ ﻣﺸﺎﺉ ﺗﻠﻌﺐ ﺗﻼﻧﺎ ﻭﺭﺷﺎ ﻗﻌﺪﺕ ﺗﻼﻳﺎ ﺷﻮﻳﺎ ﻭﺭﻭﺣﺖ ﻭﺍﻧﺎ ﺣﻄﻴﺖ ﻃﻨﺠﺮﻩ ﻉ ﻧﺎﺭ ﻭﻗﻌﺪﺕ ﻧﺤﺲ ﻑ ﺭﺅﻳﻪ ﻗﺪﺍﻣﻲ ﻣﺸﻮﺷﻪ ﻟﻴﻦ ﻃﺤﺖ ﻭﻣﻌﺶ ﻧﻨﺪﺭﻱ ﻉ ﺷﻲ "
" ﻣﺮﻳﻢ .. ﺻﺒﺎﺡ ﺍﻟﺨﻴﺮ
ﻣﻨﻴﺮ ﺑﺼﻮﺕ ﻣﺒﺤﻮﺡ .. ﺍﺣﻢ ﺻﺒﺎﺡ ﺍﻟﻨﻮﺭ
ﻣﺮﻳﻢ .. ﻛﻨﻚ ﻣﺎﻋﺪﻳﺖ ﻟﺸﻐﻞ
ﻣﻨﻴﺮ .. ﻗﻌﺪ ﻓﻴﻬﺎ ﺷﻐﻞ ﻣﻦ ﻭﺭﺍﺀ ﺳﻬﻮﺭ ﺍﻣﺲ
ﻣﺮﻳﻢ ﺿﺤﻜﺖ .. ﻣﻦ ﻗﺎﻝ ﺗﺴﻬﺮ ﻭﺗﺴﻬﺮﻧﻲ ﻣﻌﺎﻙ
ﻣﻨﻴﺮ .. ﺗﻲ ﻛﻨﻚ ﺍﻧﺘﻲ ﺷﻮﻳﺎ ﻭﺟﺎﻳﻨﺎ ﺭﻣﻀﺎﻥ ﺧﻠﻴﻨﺎ ﻧﺴﻬﺮﻭ ﺷﻮﻱ ﺗﻮﺍ ﻳﺠﻲ ﺭﻣﻀﺎﻥ ﻭﻧﺒﺪﺃ ﺍﻷﺫﺍﻥ ﺍﻷﺫﺍﻥ
ﻣﺮﻳﻢ ﺗﻀﺤﻚ .. ﺍﻧﻘﻨﻚ ﺳﺎﻣﻂ ﻭ ﺍﻟﻠﻪ
ﻣﻨﻴﺮ .. ﺑﺎﻩ ﺧﻠﻴﻨﻲ ﻧﻮﺽ ﻧﺪﻭﺵ ﻉ ﺳﺮﻳﻊ ﻭﻧﻌﺪﻱ ﻧﻔﺘﺢ ﺍﻟﻤﺤﻞ ﻭﺍﺟﺪ ﻋﺎﺩ ﺍﻟﺸﻐﻞ ﻭﻣﺤﻞ ﺃﻣﻼ ﺗﺒﻲ ﺍﻳﻬﻢ ﻭﺍﻣﺠﺪ ﻳﻤﺴﺤﻮ ﺑﻴﺎ ﺍﻟﻮﻃﻰ
ﻣﺮﻳﻢ ﺗﻀﺤﻚ .. ﺑﺎﻩ ﻋﺪﻱ ﻳﺎﻫﺒﻞ
ﻣﻨﻴﺮ ﺍﺑﺘﺴﻢ .. ﺗﺤﺒﻴﻪ ﺍﻝ ... ﺳﻤﻊ ﺻﻮﺕ ﺃﻋﻴﺎﻁ ﺍﻳﻬﻢ ﻣﻦ ﻓﻮﻕ .. ﺻﻜﺮﻱ ﺻﻜﺮﻱ
ﻣﺮﻳﻢ .. ﺷﻦ ﻓﻲ
ﻣﻨﻴﺮ ﺻﻜﺮ ﻭﻃﻠﻊ .. ﺷﻦ ﻓﻲ
ﺳﻠﻴﻤﻪ ﺗﺠﺮﻱ ﻉ ﺩﺭﻭﺝ .. ﺍﻟﺤﻖ ﻉ ﺧﻮﻙ "
" ﻗﺒﻞ ﺷﻮﻳﺎ ﺍﻳﻬﻢ ﺭﻛﺐ ﻭﺩﻕ ﻉ ﺷﻘﻪ ﺍﻣﺠﺪ
ﺍﻣﺠﺪ .. ﻣﻨﻮﺭ ﻳﺎﻃﻴﺮ
ﺍﻳﻬﻢ .. ﻧﻮﺭ ﻧﻮﺭﻙ
ﺍﻣﺠﺪ .. ﺻﻮﺕ ﻭﺳﻦ ﺻﺎﺡ ﺷﻮﻓﻬﺎ
ﺍﻳﻬﻢ .. ﻣﺎﺷﻲ ﺣﺘﻰ ﺍﻧﺎ ﺗﺒﻲ ﺣﺎﺟﻪ
ﺍﻣﺠﺪ .. ﺳﻼﻣﺘﻚ
ﺍﻳﻬﻢ ﻓﺘﺢ ﺍﻟﺒﺎﺏ ﻭﻗﺎﺑﻼﺗﻪ ﺍﻟﻨﺎﺭ ﻃﺎﻟﻌﻪ ﻣﻦ ﻛﻮﺟﻴﻨﻪ
ﺍﻳﻬﻢ ﻓﺘﺢ ﻋﻴﻮﻧﻪ .. ﻣﻴﻴﻴﺲ ﻳﺎﺍﻣﻤﺠﺪﺩﺩﺩ ﻣﻨﻴﺮﺭﺭﺭﺭﺭ ﻛﺢ ﻛﺢ ﻗﻌﺪ ﻳﺨﺶ ﻟﻜﻮﺟﻴﻨﻪ ﻭﻻﻗﻨﻲ ﻃﺎﻳﺤﻪ ..
" ﻳﺘﺒﻊ "...
ﺭﺍﻳﻜﻦ ﻳﺎﺑﻨﺎﺕ ﻫﻴﺎ ﺗﻮﻗﻌﻮ ﺷﻦ ﺻﺎﺭ ﻣﻌﺎﻫﺎ ﺗﻔﺎﻋﻠﻮ ﻋﺎﺩ ﺧﻄﺮﻫﺎ ﺭﺍﻳﻔﺖ ﻉ ﻛﻼﻣﻜﻢ ﻭﺍﻟﻠﻪ
Anosha Alriany
