ﻋﻜﺲ _ ﺍﻟﺘﻴﺎﺭ
ﺣﻠﻘﻪ 58
" ﺭﻳﻬﺎﻡ .. ﻳﺎﺍﻧﺴﺲ
ﺍﻧﺲ .. ﻏﻴﺮ ﺍﻫﺪﻱ ﺑﺲ ﺧﺸﻲ ﻟﺪﺍﺭ ﻭﺻﻜﺮﻱ ﻉ ﺭﻭﺣﻚ ﻫﻴﺎ ﺍﻧﻲ ﻃﺎﻟﻊ
ﺗﺴﻤﻊ ﻑ ﺻﻮﺕ ﺑﺮﺍ
ﺭﻳﻬﺎﺍﺍﻡ ﺍﻧﺎ ﺍﻳﻴﻤﻦ ﺍﻓﺘﺤﻲ ﺍﻟﺒﺎﺏ
ﺭﻳﻬﺎﻡ ﺻﺒﺖ .. ﺍﻧﺲ ﻫﺬﺍ ﺍﻳﻤﻦ ﺧﻮﻙ
ﺍﻧﺲ .. ﻳﻨﻌﻦ ﻓﺠﻌﺘﻲ ﺍﻣﻲ ﺍﺯﻑ
ﺭﻳﻬﺎﻡ .. ﺍﻭﻛﻲ ﻧﻌﺪﻱ ﻧﻔﺘﺢ ﻣﺎﻃﻮﻟﺶ ﻋﻠﻴﺎ ﺧﺎﻳﻔﻪ
ﺍﻧﺲ .. ﺑﺎﻩ ﺻﻜﺮﻱ ﺗﻮﺍ
ﺻﺒﺖ ﺭﻳﻬﺎﻡ ﻟﺒﺴﺖ ﻣﻼﻳﺎ ﺍﻟﺼﻼﺓ ﻭﻃﻠﻌﺖ ﻓﺘﺤﺖ
ﺍﻳﻤﻦ .. ﻭﻳﻨﻚ ﻣﻌﺶ ﻓﺘﺤﺘﻲ ﺍﻣﻲ ﻗﺎﻟﺖ ﻗﺎﻋﺪﻩ ﺑﺮﻭﺣﻚ
ﺭﻳﻬﺎﻡ .. ﻣﺎﻩ ﺧﻔﺖ
ﺍﻳﻤﻦ ﺿﺤﻚ .. ﻗﻠﺘﻬﺎ ﺣﺘﻰ ﺍﻧﺎ ﺍﻧﺎ ﻟﻮﻃﻪ ﺍﻭﻛﻲ
ﺭﻳﻬﺎﻡ .. ﺗﻤﺎﻡ ﺍﻭﻛﻲ
ﺧﺸﺖ ﻗﻤﻌﺰﺕ ﻭﻗﻌﺪﺕ ﺗﺮﺍﺟﻲ ﻑ ﺍﻧﺲ "
" ﻣﺮﻳﻢ ﺗﺼﻜﺮ ﻑ ﺑﻠﻮﺯﺗﻬﺎ ﻭﺗﺒﺤﺖ ﻑ ﻣﻨﻴﺮ ﻭﻫﻮ ﻳﻤﺴﺢ ﻑ ﺷﻌﺮﻩ ﺑﺎﻟﻤﻨﺸﻒ
ﻣﺮﻳﻢ .. ﻋﻠﻴﻚ ﺗﻌﻄﻴﻞ ﺩﺭﺗﻪ ﻟﻨﺎ ﻳﻌﻨﻲ ﺣﻼﻟﻚ ﺍﻟﺠﻮ ﺍﻻ ﻑ ﻫﺎﻟﻮﻗﺖ
ﻣﻨﻴﺮ .. ﺑﺘﺴﻜﺘﻲ ﻭﻻ ﻧﺠﻲ ﻧﺴﻜﺘﻚ
ﻣﺮﻳﻢ .. ﻻ ﺳﺎﺩ ﺧﻼﺹ ﺑﻨﻨﺰﻝ ﻭﺍﻟﻠﻪ ﺍﻧﻚ ﺳﺎﻣﻂ ﺑﻜﻞ
ﻣﻨﻴﺮ ﻳﺪﻳﺮ ﻑ ﺟﻞ ﻟﺸﻌﺮﻩ .. ﻭﺍﻟﻠﻪ ﺣﻼﻟﻲ ﻳﻌﻨﻲ ﻣﺎﻋﻨﺪﻙ ﻛﻴﻒ ﺗﻤﻨﻌﻴﻨﻲ ﺭﺍﻩ
ﻣﺮﻳﻢ .. ﺑﺎﺭﺩ ﻭﺍﻟﻠﻪ ﺑﺎﺭﺩ
ﻣﻨﻴﺮ .. ﺷﻜﻠﻲ ﺑﻨﺨﻠﻴﻚ ﻫﻨﺎ ﺍﻧﺎ
ﻣﺮﻳﻢ ﺭﻓﻌﺖ ﺣﺎﺟﺒﻬﺎ .. ﺭﻳﺤﻨﺎ ﺗﺮﺍ ﺧﻠﻴﻨﺎ ﻧﻨﺰﻟﻮ ﻫﻴﺎ ﻭﻗﺖ
ﻣﻨﻴﺮ .. ﺗﺤﻜﻲ ﺗﻘﻮﻝ ﻣﻮﺿﻮﻋﻲ ﺑﺮﻭﺣﻲ ﺗﻲ ﺑﺤﺘﻲ ﺭﻗﺒﺘﻲ
ﻣﺮﻳﻢ ﺗﻀﺤﻚ .. ﻗﺘﻠﻚ ﺍﻟﺒﺲ ﺍﻟﻲ ﻓﻴﻬﺎ ﺭﻗﺒﻪ
ﻣﻨﻴﺮ .. ﻻﻻ ﺗﻜﺘﻤﻠﻲ ﻑ ﻧﻔﺴﻲ ﺗﻮﺍ ﻧﺪﻳﺮ ﺷﺎﻝ ﻭﺧﻼﺹ
ﻣﺮﻳﻢ .. ﺩﻳﺮ ﻫﻴﺎ ﺑﺒﻨﺰﻝ ﺭﺍﻩ ﻣﻠﻴﺖ
ﻣﻨﻴﺮ .. ﻫﻴﺎ ﻻﺣﻘﻚ
ﻃﻠﻌﺖ ﻣﺮﻳﻢ ﺧﺬﺕ ﻛﺐ ﻛﻴﻚ ﺩﺍﻳﺮﺗﻪ ﻭﻃﻠﻊ ﻣﻨﻴﺮ ﻧﺰﻟﻮ ﻟﻮﻃﻪ
ﻣﻨﻴﺮ .. ﺧﻴﺮﺭﺭ
ﻛﻠﻨﺎ .. ﺧﻴﺮ
ﻭﺳﻦ .. ﻣﻨﻴﺮﺭﺭﺭﺭ
ﻣﻨﻴﺮ .. ﻳﻨﻌﻠﻴﺎ ﺗﻌﺎﻟﻲ ﻳﺎﻋﺴﻞ
ﺯﻳﻨﻪ .. ﻧﻴﺮﺭﺭ ﻧﺎﺍﺍ
ﻣﻨﻴﺮ ﻳﻀﺤﻚ .. ﻗﻮﻟﻲ ﺍﺳﻤﻲ ﻛﻮﻳﺲ ﻧﺸﻤﺮﻙ
ﻃﺒﺲ ﻋﻠﻴﻬﻦ ﻭﺷﻤﺮﻫﻦ
ﻣﺮﻳﻢ ﺧﺸﺖ ﻋﻠﻴﻨﺎ .. ﺷﻨﺠﻮﻛﻦ
ﺍﻧﺎ .. ﻗﺎﻋﺪﻩ ﺍﻧﺎ ﺣﺎﻝ ﺍﻻﻣﺘﺤﺎﻧﺎﺕ
ﺩﻧﻴﺎ .. ﻭﺍﻧﺎ ﺣﺎﻝ ﺍﻟﻜﺴﺎﺩ ﻻ ﻃﻠﻌﻪ ﻻ ﺧﺸﻪ ﻑ ﻫﺎﻟﺼﻘﻊ
ﺗﺴﻨﻴﻢ .. ﻭﺍﻧﺎ ﺍﻣﺘﺤﺎﻧﺎﺕ ﺑﺮﺿﻮ
ﻣﺮﻳﻢ .. ﺍﻥ ﺷﺎﺀ ﺍﻟﻠﻪ ﺑﺎﻟﻨﺠﺎﺡ
ﻧﺤﻦ .. ﺍﻥ ﺷﺎﺀ ﺍﻟﻠﻪ
ﺳﻠﻴﻤﻪ .. ﺟﺎﻳﺒﻪ ﺣﺎﺟﻪ ﺍﻟﻘﻬﻮﻩ
ﻣﺮﻳﻢ .. ﺍﻫﺎ ﻛﺐ ﻛﻴﻚ
ﺗﺴﻨﻴﻢ .. ﻣﻴﺲ ﺩﺍﻳﺮﻩ ﺑﻴﺘﺰﺍ
ﻣﺮﻳﻢ .. ﺑﺎﻩ ﺳﻠﻢ ﺍﻳﺪﻳﻚ
ﺍﻧﺎ .. ﺗﺴﻠﻤﻲ ﺣﺘﻰ ﺍﻧﺘﻲ ﺳﻠﻢ ﺍﻳﺪﻳﺎﺗﻚ
ﺳﻠﻴﻤﻪ .. ﺍﻟﻴﻮﻡ ﺗﻮﺍ ﻧﺪﻳﺮﻭ ﻣﻘﻄﻊ ﻑ ﺍﻟﻴﻞ ﺍﻣﺠﺪ ﺧﺎﻃﺮﻩ ﻓﻴﻪ
ﺍﻧﺎ .. ﺍﻟﻠﻪ ﻳﺎﺍﻋﻤﻴﻤﻪ ﺣﺘﻰ ﺍﻧﺎ ﺧﺎﻃﺮﻱ ﻓﻴﻪ .
ﺳﻠﻴﻤﻪ .. ﺣﺎﻣﻞ
ﺍﻧﺎ .. ﻻ ﻛﻨﻲ ﺑﺴﻢ ﺍﻟﻠﻪ ﻭﺳﻦ ﻭﺟﻮﺩ ﻉ ﺭﻭﺱ ﺑﻌﻀﻬﻢ ﻭﺗﻮﺍ ﺍﻣﺘﺤﺎﻧﺎﺕ ﺍﻧﺎ
ﻣﺮﻳﻢ .. ﺻﺎﺡ ﺗﻌﺐ ﻭﺍﻧﺘﻲ ﻛﻴﻒ ﺧﺸﻴﺘﻲ ﺍﻟﻌﺸﺮﻳﻦ ﻣﺰﺍﻟﺘﻲ ﺻﻐﻴﺮﻩ
ﺳﻠﻴﻤﻪ .. ﺩﺍﺑﻴﻦ ﻣﺘﻔﺎﻫﻤﻴﻦ ﺍﻧﺘﻲ ﻭﻳﺎﻩ ﺑﻴﻨﻜﻢ
ﺩﻧﻴﺎ .. ﺻﺎﺡ ﺩﺍﺑﻴﻦ ﻫﻮ ﺭﺍﺿﻲ ﻋﺎﺩﻱ ﻉ ﺭﺍﺣﺘﻚ ﺍﻧﺘﻲ ﺍﻫﻢ ﺣﺎﺟﻪ ﺻﺤﺘﻚ
ﺍﻧﺎ .. ﻻ ﺍﻟﺤﻤﺪﺍﻟﻠﻪ ﺭﺍﺿﻲ
ﻗﻌﺪﻧﺎ ﻧﺤﻮﺳﻮ ﻟﻐﺪﺍﺀ ﻭﻧﻬﺪﺭﺯﻭ "
" ﻣﻨﻴﺮ .. ﺑﺸﻮﻳﺎ ﻳﺎﻋﻤﻮ ﺯﻳﺰﻱ ﻛﻨﻚ ﺗﻜﺮﻱ ﻫﻜﻲ
ﺣﻮﻟﺘﻠﻪ ﺍﻟﺸﺎﻝ ﺍﻟﻲ ﺣﺎﻃﻪ
ﺍﻳﻬﻢ ﺑﺤﺖ ﻓﻴﻪ ﻭﻏﻤﺰﻟﻪ .. ﺻﺎﺭ ﻗﺘﻠﻲ ﺧﺬﺍﺗﻚ ﻧﻮﻣﻪ
ﺍﻣﺠﺪ ﺿﺤﻚ .. ﻧﻮﻣﻪ ﻣﻦ ﻧﻮﻉ ﺛﺎﻧﻲ
ﺍﻳﻬﻢ .. ﺗﻲ ﻳﻨﻌﻠﻴﺎ ﻭﺧﻼﺹ ﺍﺍﺍﺣﺤﺎ
ﻣﻨﻴﺮ .. ﺭﺍﻩ ﻭﺍﻟﻠﻪ ﻧﺼﺒﻴﻠﻚ ﻭﺍﻧﺖ ﻣﺎﺗﺴﺘﺮ ﺣﺪ
ﺍﻳﻬﻢ .. ﻣﺎﻋﻨﺪﻙ ﻣﺎﺗﺴﺘﺮ ﻣﻔﻀﻮﺡ ﺳﻮﺍﺀ ﺗﻮﺍ ﻭﻻ ﺑﻌﺪﻳﻦ
ﻣﻨﻴﺮ ﻛﺸﺦ .. ﺍﻧﻘﻨﻚ ﺍﻻ ﺹ &$&
ﺍﻳﻬﻢ ﻳﻀﺤﻚ .. ﻧﻲ &$&
ﺍﻣﺠﺪ .. ﺍﻭﻭﻱ ﺍﻧﺖ ﻭﻳﺎﻩ ﺍﻟﻌﻴﺎﻝ ﻭﺻﺒﺎﻳﺎ ﻳﺴﻤﻌﻦ ﻓﻴﻜﻦ
ﻣﻨﻴﺮ .. ﻫﻮ ﻑ &$& ﻳﺨﻠﻲ ﻓﻴﺎ ﻧﻔﻠﻢ ﻉ ﺳﺎﺱ ﻫﻮ ﺗﻲ ﺑﺎﻟﻠﻪ ﺑﻨﺘﻚ ﻛﻴﻒ ﺟﺖ ﺍﻻ ﻣﻦ ﻫﺬﻛﻪ ﺍﻟﻤﻮﺿﻮﻉ
ﺍﻳﻬﻢ ﻋﺰﻕ ﻓﻴﻪ ﻣﺨﺪﻩ .. ﻣﺎﻩ ﻣﺮﺍﺗﻚ ﺣﺎﻣﻞ ﻳﺎﺗﻴﺲ
ﻣﻨﻴﺮ .. ﻣﺎﻩ ﻧﺤﻜﻴﻠﻚ ﻭﺍﻧﺖ ﺷﺮﻳﻨﻲ ﻣﺆﺩﺏ ﺗﺮﺍ ﺍﺳﻜﺘﻠﻲ ﺭﺍﻩ ﻭﺍﻟﻠﻪ ﻧﺼﺒﻲ ﻧﺒﺮﻙ ﻋﻠﻴﻚ
ﺍﻳﻬﻢ .. ﺻﺒﻲ ﺗﺮﺍ
ﺍﻣﺠﺪ ﻳﻀﺤﻚ .. ﺣﻠﻔﺘﻠﻜﻢ ﻭﺍﻟﻠﻪ
ﻃﻠﻌﺖ ﺗﺴﻨﻴﻢ ﺗﺤﻂ ﻑ ﺗﺒﺎﺳﻲ
ﺗﺴﻨﻴﻢ .. ﻛﻨﻜﻢ ﺗﺤﻠﻔﻮ
ﻣﻨﻴﺮ .. ﺍﻗﻠﺒﻲ ﻭﺟﻚ
ﺗﺴﻨﻴﻢ ﻛﺸﺨﺖ .. ﻉ ﺳﺎﺱ ﻧﺒﻴﻠﻚ ﻭﺟﻪ ﺍﻧﺎ ﺑﺎﻟﻠﻪ ﺧﻄﺎﻧﻲ
ﺍﻧﺎ ﻃﻠﻌﺖ ﻭﻗﻌﺪﺕ ﻧﻀﻢ ﻣﻌﺎﻫﺎ
ﺍﻳﻬﻢ .. ﺑﺘﺤﻄﻮ ﺧﻼﺹ
ﺍﻧﺎ .. ﺍﻫﺎ ﺧﻼﺹ ﺑﻨﺤﻄﻮ
ﺍﻳﻬﻢ .. ﻭﺍﺧﻴﺮﺍ ﺍﺯﻑ ﺷﺤﻮﺭﺗﻨﺎ ﻣﻌﺎﻛﻢ
ﺍﻧﺎ .. ﻣﺶ ﻗﺎﺩﺭ ﺗﺼﺒﺮ ﻫﺎﻟﺪﻗﻴﻘﺘﻴﻦ
ﻣﻨﻴﺮ .. ﻓﻮﺗﻴﻪ ﻫﺬﺍ ﻏﺎﻟﻲ ﻋﻠﻴﻪ ﻃﻮﺍﻃﻲ
ﺍﻧﺎ ﺿﺤﻜﺖ
ﺍﻳﻬﻢ ﺑﺤﺖ ﻓﻴﻪ ﺑﻨﺺ ﻋﻴﻦ .. ﺧﻴﺮ ﻟﻚ ﺍﻧﺖ ﺧﻠﻴﻨﻲ ﻣﺤﺘﺮﻣﻚ
ﻣﻨﻴﺮ ﺿﺤﻚ .. ﻳﻨﻌﻠﻲ
ﺍﻣﺠﺪ ﻳﻀﺤﻚ .. ﺧﻼﺹ ﻭﺍﻧﺘﻢ ﺗﻨﺎﻗﺮﻭ
ﺳﻠﻴﻤﻪ .. ﻫﻴﺎ ﻳﺎﺷﺒﺎﺏ
ﺍﻳﻬﻢ ﺻﺒﻰ .. ﻳﻨﻌﻠﻴﺎ
ﺟﻮ ﻗﻤﻌﺰﻭ ﻉ ﻃﺎﻭﻟﻪ ﻭﺑﺪﻳﻨﺎ ﻧﺘﻐﺪﻭ ﻭﻧﻬﺪﺭﺯﻭ ﻛﻤﻠﻨﺎ ﻭﻛﻞ ﻭﺍﺣﺪ ﺻﺒﻰ ﻳﺪﻳﺮ ﻑ ﺣﺎﺟﻪ ﻭﻧﺤﻦ ﻑ ﻛﻮﺟﻴﻨﻪ ﻭﺍﻋﻤﻴﻤﻪ ﺑﺮﺍ ﻉ ﻋﺪﺍﻟﻪ ﺍﻟﺸﺎﻫﻲ
ﺍﻳﻬﻢ ﺧﺶ ﻣﻦ ﺑﺎﺏ ﻟﻜﻮﺟﻴﻨﻪ .. ﻣﻴﺲ ﺗﻌﺎﻟﻲ ﺑﻨﻮﺭﻳﻚ ﺣﺎﺟﻪ
ﺍﻧﺎ .. ﺷﻨﻮ
ﺍﻳﻬﻢ .. ﺗﻌﺎﻟﻲ ﺑﺲ
ﻃﻠﻊ ﺍﻳﻬﻢ ﻭﺍﻧﺎ ﻧﻐﺴﻞ ﻑ ﺍﻳﺪﻳﺎ
ﺗﺴﻨﻴﻢ ﺗﻀﺤﻚ .. ﻳﻨﻌﻠﻴﺎ ﺣﺘﻰ ﻣﺮﻳﻢ ﻭﻣﻨﻴﺮ ﺍﺧﺘﻔﻮ
ﺍﻧﺎ ﺿﺤﻜﺖ .. ﻣﺴﻤﻄﻚ
ﻃﻠﻌﺖ ﻭﺟﻴﺖ ﺗﻼﻩ
ﺍﻳﻬﻢ ﺍﺑﺘﺴﻢ .. ﺑﺤﺘﻲ
ﺍﻧﺎ ﻋﻴﻄﺖ .. ﻫﻴﻴﻴﻴﻲ ﺳﻨﺒﻞ ﺟﺎﺑﺖ
ﺍﻳﻬﻢ .. ﻃﻠﻌﺖ ﻟﻘﻴﺘﻬﺎ ﺟﺎﻳﺒﻪ ﺷﻮﻓﻲ ﻛﻴﻒ ﺻﻐﻴﺮﺍﺕ
ﺍﻧﺎ ﻃﺒﺴﺖ ﻋﻠﻴﻬﻦ .. ﻧﺠﻚ ﻟﻴﺎ ﻳﻬﺒﻠﻦ ﺑﻜﻞ ﻳﺎﺍﻳﻬﻢ
ﺍﻳﻬﻢ ﻃﺒﺲ ﻣﻌﺎﻳﺎ ﺭﻛﺒﻪ ﻭﻧﺺ .. ﺍﻫﺎ ﻣﻨﻀﺮﻫﻦ ﺣﻠﻮ ﺑﺤﺘﻲ ﺧﺎﻳﻔﻪ ﻋﻠﻴﻬﻦ
ﺍﻧﺎ .. ﻧﺠﻚ ﻟﻴﺎ ﻗﻠﺐ ﺍﻻﻡ ﺣﺘﻰ ﻫﻴﺎ ﻛﻴﻔﻨﺎ
ﺍﻳﻬﻢ .. ﺗﻮﺍ ﻧﺰﺭﻕ ﺑﻴﻬﻦ ﻟﻤﺴﺘﺸﻔﻰ
ﺍﻧﺎ .. ﺑﺎﻩ ﺗﻤﺎﻡ
ﺍﻳﻬﻢ .. ﺗﻌﺎﻟﻲ ﻧﺒﺮﻣﻮ ﻣﻦ ﺟﻴﻬﺎ ﻷﺧﺮﻯ
ﺍﻧﺎ .. ﺑﺎﻩ ﻋﺎﺩﻱ
ﺑﺮﻣﻨﺎ ﻭﻗﻌﺪﻧﺎ ﻧﺤﻜﻮﺍ ﻟﻴﻦ ﺍﻳﻬﻢ ﻣﺴﻚ ﺍﻳﺪﻱ ﻭﻛﺮﻧﻲ ﻗﺪﺍﻣﻪ
ﺍﻳﻬﻢ ﺑﺼﻮﺕ ﻭﺍﻃﻲ .. ﺑﺤﺘﻲ ﻣﻨﻴﺮ ﻭﻣﺮﻳﻢ
ﺍﻧﺎ ﺑﺤﺘﺖ ﻟﻘﻴﺘﻪ ﺣﺎﻃﻬﺎ ﻉ ﺳﺎﺱ ﻭﻳﺒﻮﺱ ﻓﻴﻬﺎ
ﺍﻧﺎ ﻋﻀﻴﺖ ﻉ ﻓﻤﻲ .. ﻃﺢ ﺳﻌﺪﻙ ﺧﻠﻴﻨﺎ ﻧﻌﺪﻭ
ﺍﻳﻬﻢ ﻣﺒﺘﺴﻢ .. ﻳﻨﻌﻠﻴﺎ ﻭﺧﻼﺹ ﺗﺎﺭﻳﺘﻪ ﺧﻮﻳﺎ ﻳﻬﻨﻲ ﺭﻳﺘﻲ ﻛﻴﻒ ﻳﺒﻮﺱ
ﺍﻧﺎ ﺿﺤﻜﺖ .. ﺍﻳﻬﻢ ﻋﻴﺐ ﺧﻼﺹ
ﺍﻳﻬﻢ ﺑﺮﻣﻨﻲ ﻉ ﺳﺎﺱ .. ﺗﺒﻲ ﻛﻴﻔﻬﻢ
ﺍﻧﺎ ﻧﺰﻟﺖ ﺭﺍﺳﻲ ﻭﺑﻌﺪﻫﺎ ﺑﺤﺘﺖ ﻓﻴﻪ ﻭﻣﺪﻳﺖ ﻓﻤﻲ .. ﻋﻨﺪﻧﺎ ﺷﻘﻪ ﻋﻴﺐ
ﺍﻳﻬﻢ ﺑﺼﻮﺕ ﻫﺎﺩﻱ .. ﻭﻋﻠﻴﺶ ﺗﻤﺪﻱ ﻑ ﻓﻤﻚ ﻫﻜﻲ
ﺍﻧﺎ ﺿﺤﻜﺖ .. ﻋﺎﺩﻱ ﺍﻧﺖ ﻋﻘﻠﻚ ﻣﺴﻮﺱ ﻭ ... ﻃﺒﺲ ﻋﻠﻴﺎ ﻭﺑﺎﺳﻨﻲ ﺧﻄﻒ
ﺍﻳﻬﻢ ﺣﻂ ﺍﻳﺪﻩ ﻭﺭﺍﺀ ﺭﻗﺒﺘﻪ ﻭﻣﺒﺘﺴﻢ .. ﺍﺣﻢ
ﺍﻧﺎ ﺍﺑﺘﺴﻤﺖ ﻭﺗﻨﻬﺪﺕ .. ﺧﺬﻳﺘﻬﺎ ﺧﺬﻳﺘﻬﺎ ﻳﻌﻨﻲ ﺍﻧﺖ
ﺍﻳﻬﻢ ﺑﺼﻮﺕ ﻫﺎﺩﻱ ﺑﻜﻠﻠﻞ .. ﺗﺒﻲ ﺃﺧﺮﻯ
ﺍﻧﺎ ﺣﻄﻴﺖ ﺍﻳﺪﻳﺎ ﻉ ﺻﺪﺭﻩ ﻭﻧﺒﺤﺖ ﻑ ﻋﻴﻮﻧﻪ .. ﻻ ﺳﺎﺩ ﺑﺲ ﻧﺤﺒﻚ
ﺍﻳﻬﻢ ﺗﻨﻬﺪ .. ﻧﻤﻮﺕ ﻓﻴﻚ ﻳﺎﻓﺮﺻﺘﻲ ﻣﻦ ﺍﻟﺤﻴﺎﺀ
ﺍﻧﺎ ﺍﺑﺘﺴﻤﺖ ﻭﺷﺒﻜﺖ ﺍﻳﺪﻱ ﺏ ﺍﻳﺪﻩ .. ﻫﻴﺎ ﻋﺪﻭ
ﺍﻳﻬﻢ ﺿﻐﻂ ﻉ ﺍﻳﺪﻱ ﻭﻗﻌﺪﻧﺎ ﻧﻤﺸﻮ ﻟﻴﻦ ﻭﺻﻠﻨﺎ ﻑ ﺑﺎﺏ ﻛﻮﺟﻴﻨﻪ ﺭﻓﻊ ﺍﻳﺪﻱ ﻭﺑﺎﺳﻬﺎ
ﺍﻳﻬﻢ .. ﺧﻼﺹ ﻋﺪﻱ
ﺍﻧﺎ ﺍﺑﺘﺴﻤﺖ ﻭﺧﺸﻴﺖ "
" ﻣﺮﻳﻢ ﺗﺼﻜﺮ ﻑ ﺑﻠﻮﺯﺗﻬﺎ .. ﻣﻌﻘﻮﻟﻪ ﻫﻜﻲ ﻳﺎﻣﻨﻴﺮ
ﻣﻨﻴﺮ ﺣﺎﻁ ﺍﻳﺪﻳﻪ ﻉ ﺧﺼﺮﻩ ﻭﻣﺒﺘﺴﻢ ﻭﻳﺒﺤﺖ ﻓﻴﻬﺎ .. ﻭ ﺍﻧﺘﻲ ﻛﺎﻥ ﻋﺎﺟﺒﻚ ﺑﻼ ﻛﺬﺏ
ﻣﺮﻳﻢ ﺿﺤﻜﺖ .. ﺍﻭﻛﻲ ﻳﻌﻨﻲ ﺍﻧﺎ ﻧﻀﻌﻒ ﻣﻦ ﺣﺮﻛﺎﺗﻚ ﺑﺲ ﻧﺨﺎﻑ ﺣﺪ ﻳﺸﻮﻓﻨﺎ
ﻣﻨﻴﺮ ﻗﺮﺏ ﻣﻨﻬﺎ ﻭﺣﻂ ﺍﻳﺪﻳﻪ ﻉ ﺳﺎﺱ ﻭﻗﺮﺏ ﻣﻦ ﻭﺟﻬﺎ ﻭﻗﻌﺪ ﻳﺤﺮﻙ ﻑ ﺧﺸﻤﻪ ﻉ ﺧﺪﻫﺎ
ﻣﻨﻴﺮ ﻣﺒﺘﺴﻢ ﻭﻣﻐﻤﺾ ﻋﻴﻮﻧﻪ ﻭﺣﺎﻁ ﺻﻮﺍﺑﻌﻪ ﺻﻐﻴﺮﺍﺕ ﻭﺭﺍﺀ ﻭﺫﻧﻬﺎ ﻭﺻﺒﻌﻪ ﺍﻟﻜﺒﻴﺮ ﻉ ﺧﺪﻫﺎ
ﻣﻨﻴﺮ ﺑﻬﻤﺲ .. ﻧﺤﺒﻚ
ﻣﺮﻳﻢ ﻣﻐﻤﻀﻪ ﻋﻴﻮﻧﻬﺎ ﻭﻓﺎﺗﺤﻪ ﻓﻤﻬﺎ ﺗﻨﻔﺲ ﺑﻘﻮﻩ
ﻣﻨﻴﺮ ﻳﻀﺤﻚ ﻭﻳﺪﻭﻱ ﺑﻬﻤﺲ .. ﻣﺘﺸﻨﺠﻪ ﻣﺰﺍﻟﺘﻲ
ﻣﺮﻳﻢ ﺗﻨﻔﺲ ﺑﻘﻮﻩ ﻭﻣﺴﻜﺖ ﻑ ﺧﺼﺮﻩ ﺑﻘﻮﻩ
ﻣﻨﻴﺮ ﺑﻨﻔﺲ ﺍﻟﻬﻤﺲ .. ﺍﻫﻤﻤﻢ ﻣﺰﺍﻟﺘﻲ ﻧﺠﻚ ﻟﻴﺎ ﻭﺧﻼﺹ ﻭﺍﻟﻠﻪ ﻧﺘﻌﺐ ﺍﻧﺎ ﺑﻌﺪ ﺗﻘﻌﺪﻱ ﺩﺍﻳﺨﻪ ﻫﻜﻲ
ﻣﺮﻳﻢ ﺗﺰﻣﻂ ﻑ ﺭﻳﻘﻬﺎ
ﻣﻨﻴﺮ ﺑﺎﺱ ﻓﻤﻬﺎ
ﻣﺮﻳﻢ ﺍﺑﺘﺴﻤﺖ ﻭﻓﺘﺤﺖ ﻋﻴﻮﻧﻬﺎ
ﻣﻨﻴﺮ ﺍﺑﺘﺴﻢ .. ﺷﻨﻮ
ﻣﺮﻳﻢ ﺣﻀﻨﺎﺗﻪ .. ﻭﻻ ﺣﺎﺟﻪ ﻭﺍﻟﻠﻪ ﻧﺤﺒﻚ
ﻣﻨﻴﺮ ﻳﻀﺤﻚ .. ﻣﺶ ﺧﺎﻳﻔﻪ ﺣﺪ ﻳﺸﻮﻓﻨﺎ
ﻣﺮﻳﻢ ﺍﺑﺘﺴﻤﺖ .. ﺑﻄﻞ ﺑﻼﺩﻩ ﻋﺎﺩ
ﻣﻨﻴﺮ ﻭﺧﺮ ﺷﻮﻳﺎ .. ﻳﻨﻌﻠﻴﺎ
ﻣﺮﻳﻢ ﺣﺎﻃﻪ ﺍﻳﺪﻳﻬﺎ ﻉ ﺭﻗﺒﺘﻬﺎ .. ﺧﻼﺹ ﺑﻨﺨﺶ
ﻣﻨﻴﺮ ﻏﻤﺰﻟﻬﺎ .. ﺗﻢ ﻋﺪﻱ
ﻣﺮﻳﻢ ﺍﺑﺘﺴﻤﺖ ﻭﻋﺪﺕ ﻣﻦ ﺗﻼﻩ ﻭﺧﺸﺖ ﺗﻼﻧﺎ ﻑ ﻛﻮﺟﻴﻨﻪ ﻗﻌﺪﻧﺎ ﻧﻬﺪﺭﺯﻭ ﻣﻊ ﺑﻌﻀﻨﺎ ﻟﻴﻦ ﺟﺎﺀ ﺍﻟﻤﻐﺮﺏ ﻭﺍﻋﻤﻴﻤﻪ ﺧﺸﺖ ﻃﻴﺐ ﻑ ﻣﻘﻄﻊ ﻭﻧﺤﻦ ﺗﻼﻫﺎ
" ﺍﻧﺎ ﻣﻘﻤﻌﺰﻩ ﻉ ﻛﺮﺳﻲ ﻭﺳﻦ ﻗﺪﺍﻣﻲ ﺗﺰﻥ
ﺩﻧﻴﺎ .. ﻛﻨﻬﺎ ﺗﺰﻥ ﻣﻦ ﻧﺒﺪﺭﻱ
ﺍﻧﺎ .. ﺗﺒﻲ ﻛﺎﻛﻮ
ﺩﻧﻴﺎ .. ﺩﻳﺮﻟﻬﺎ
ﺍﻧﺎ .. ﻻ ﻻ ﻣﺎﻓﻴﺶ ﻣﺮﻩ ﻭﺣﺪﻩ ﻫﻮ ﺑﺲ ﺍﻳﻬﻢ ﻋﻮﺩﻫﺎ ﺗﺒﻲ ﻳﺨﺶ ﻳﺪﻳﺮﻟﻬﺎ
ﻣﺮﻳﻢ .. ﺑﺲ ﻏﻠﻂ ﻫﻜﻲ ﻣﺶ ﻛﻞ ﺣﺎﺟﻪ ﻧﻠﺒﻴﻬﺎ ﻟﻬﺎ
ﺍﻧﺎ .. ﺷﻦ ﺑﻨﺪﻳﺮﻟﻪ ﻣﺎﻳﺴﻤﻌﺶ ﻣﻨﻲ
ﺳﻠﻴﻤﻪ .. ﻣﻴﻪ ﻣﺮﻩ ﻧﻘﻮﻟﻪ ﺍﻟﺤﻨﻴﻨﻪ ﻭﺍﺟﺪ ﻭﺍﺟﺪ ﻣﺶ ﻛﻮﻳﺲ
ﻭﺳﻦ ﻣﺴﻜﺖ ﻑ ﺳﻠﺴﻠﺘﻲ ﻭﻛﺮﺗﻬﺎ ﺑﻘﻮﻩ ﻟﻴﻦ ﻧﻘﻄﻌﺖ
ﺍﻧﺎ ﻣﺴﻜﺖ ﺍﻳﺪﻫﺎ .. ﺷﻦ ﺩﺭﺭﺗﻲ ﻗﻄﻌﺘﻴﻬﺎ
ﻣﺮﻳﻢ ﻛﺮﺗﻬﺎ ﻣﻨﻲ
ﺳﻠﻴﻤﻪ .. ﺧﻼﺹ ﺳﻠﺴﻠﻪ ﻣﺎﺗﺤﺮﻗﻴﺶ ﺩﻣﻚ
ﺍﻧﺎ ﻣﺴﻜﺘﻬﺎ ﻑ ﺍﻳﺪﻱ ﻛﺎﻧﺖ ﺳﻠﺴﻠﻪ ﺍﻟﻲ ﻫﺪﻳﻬﺎ ﻟﻴﺎ ﺍﻳﻬﻢ ﻣﻜﺘﻮﺏ ﻓﻴﻬﺎ ﺍﺳﻤﻪ
ﺩﻧﻴﺎ .. ﺷﻜﻠﻬﺎ ﻏﺎﻟﻴﻪ ﻋﻠﻴﻚ
ﺍﻧﺎ ﺷﻮﻳﺎ ﻭﻧﺒﻜﻲ .. ﺍﻫﺎ ﻭﺍﺟﺪ
ﺳﻠﻴﻤﻪ ﺑﺮﻣﺖ ﺑﺤﺘﺖ ﻓﻴﻪ .. ﻣﻦ ﺍﻳﻬﻢ ﺷﻜﻠﻬﺎ
ﺍﻧﺎ .. ﺍﻫﺎ ﻣﻦ ﺍﻳﻬﻢ
ﺳﻠﻴﻤﻪ ﺑﺤﺘﺖ ﻓﻴﺎ ﺑﺮﻓﻌﻪ ﺣﺎﺟﺐ .. ﻭﻋﻠﻴﺶ ﺷﺎﺭﻳﻬﺎ ﻟﻜﻲ ﻭﻫﻮ ﻣﺶ ﻋﺎﺭﻑ ﻭﻳﻦ ﻳﺤﻂ ﻓﻠﻮﺳﻪ
ﺗﺴﻨﻴﻢ ﺑﺤﺘﺖ ﻓﻴﺎ ﻭﺿﺤﻜﺖ ﻭﻓﻨﺼﺖ ﻑ ﺍﻣﻬﺎ .. ﺍﻛﻴﺪﻩ ﻣﻨﺎﺳﺒﻪ ﺧﺎﺻﻪ
ﺍﻧﺎ ﺑﺤﺘﺖ ﻓﻴﻬﺎ ﻭﺻﺒﻴﺖ .. ﺍﻫﻲ ﻗﺎﻟﺘﻬﺎ ﺗﺴﻨﻴﻢ ﻣﻨﺎﺳﺒﻪ ﺧﺎﺻﻪ ﺑﻴﻨﺎ
ﻭﻃﻠﻌﺖ ﻣﻦ ﻛﻮﺟﻴﻨﻪ ﻛﺎﻳﻦ ﺍﻳﻬﻢ ﻛﻴﻒ ﺧﺎﺵ ﻟﺤﻮﺵ
ﺍﻧﺎ .. ﺍﻳﻬﻢ ﺑﺤﺖ ﻗﻄﻌﺘﻬﺎ ﻭﺳﻦ ﺑﺠﺪ ﻗﺮﻳﺐ ﻧﺒﻜﻲ ﺍﻧﺎ
ﺍﻳﻬﻢ ﻣﺴﻜﻬﺎ ﻭﺿﺤﻚ .. ﺗﻮﺍ ﻧﺼﻠﺤﻬﺎ ﻭﻧﺠﻴﺐ ﺑﺪﺍﻝ ﺍﻟﻮﺣﺪﻩ ﻋﺸﺮﻩ ﻋﻠﻴﺶ ﺑﺘﺒﻜﻲ ﺣﺎﺟﻪ ﺗﺠﻴﺒﻬﺎ ﻓﻠﻮﺱ ﻣﺎﺗﺒﻜﻴﺶ ﻋﻠﻴﻬﺎ ﻓﺎﻫﻤﻪ
ﺍﻧﺎ .. ﺑﺲ ﻏﺎﻟﻴﻪ ﻋﻠﻴﺎ ﻫﺬﻱ ﺍﻭﻝ ﻫﺪﻳﻪ ﻣﻨﻚ ﻳﺎﺍﻳﻬﻢ
ﺍﻳﻬﻢ ﺍﺑﺘﺴﻢ .. ﺗﻮﺍ ﻧﺼﻠﺤﻬﺎ ﺧﻼﺹ
ﺧﺶ ﻣﻨﻴﺮ .. ﺷﻨﻮ ﺍﻟﻲ ﺑﺘﺼﻠﺤﻬﺎ
ﺍﻳﻬﻢ .. ﺟﻴﺖ ﻭﺟﺎﺑﻚ ﺭﺑﻲ ﻣﺶ ﺻﺎﺣﺒﻚ ﻋﻨﺪﻩ ﻣﺤﻞ ﺫﻫﺐ
ﻣﻨﻴﺮ .. ﺍﻫﺎ ﻋﻠﻴﺶ
ﺍﻳﻬﻢ .. ﺍﻣﺴﻚ ﺷﻴﻠﻬﺎ ﻟﻪ ﺑﺎﻟﻠﻪ ﺻﻠﺤﻬﺎ
ﻣﻨﻴﺮ ﻣﺴﻜﻬﺎ ﻭﻳﺒﺤﺖ ﻓﻴﻬﺎ .. ﻭﻳﻦ ﻉ ﺟﻮ ﺍﻳﻬﻢ ﻭﻃﺮﻭﺡ ﻳﺎﻋﻴﻨﻲ ﻭﺧﻼﺹ
ﺍﻳﻬﻢ ﺑﺤﺖ ﻓﻴﻪ .. ﻻ ﻋﻴﻨﻚ ﻻ ﻭﺫﻧﻚ ﺭﻳﺢ ﺭﻭﺣﻚ
ﻣﻨﻴﺮ ﺑﺤﺖ ﻓﻴﺎ .. ﻻ ﻻ ﻣﺎﺗﺒﻜﻴﺶ ﺗﻮﺍ ﻧﺼﻠﺤﻬﺎ
ﺍﻧﺎ ﻛﺸﺨﺖ .. ﺍﻧﻘﻨﻚ ﺳﺎﻣﻂ
ﻣﻨﻴﺮ ﺿﺤﻚ ﻭﺣﻄﻬﺎ ﻑ ﺟﻴﺒﻪ .. ﺗﻢ ﻣﻮﺿﻮﻋﻬﺎ ﻳﺎ ﻃﻴﺮ
ﺍﻳﻬﻢ .. ﻣﻨﻮﺭ ﻭﺍﻟﻠﻪ
ﺧﺸﻴﺖ ﺍﻧﺎ ﻟﻜﻮﺟﻴﻨﻪ
ﺳﻠﻴﻤﻪ ﺑﺤﺘﺖ ﻓﻴﺎ .. ﺷﻦ ﻗﺎﻟﻚ ﺍﻳﻬﻢ ﻋﺎﺩ
ﺍﻧﺎ .. ﺗﻮﺍ ﻳﺼﻠﺤﻬﺎ ﻟﻴﺎ
ﺳﻠﻴﻤﻪ .. ﺍﻣﻤﻢ ﺑﺎﻫﻲ ﻳﺎﺣﻨﻪ ﺍﺟﻌﻨﻪ ﻣﺎﻳﻐﻴﺐ
ﺍﻧﺎ .. ﺍﻣﻴﻦ ﺍﻥ ﺷﺎﺀ ﺍﻟﻠﻪ
ﻣﺮﻳﻢ ﺑﺤﺘﺖ ﻓﻴﺎ ﻭﻫﺰﺗﻠﻲ ﺭﺍﺳﻬﺎ ﺏ ﻣﻌﻨﻰ ﻣﺸﻲ ﺍﺑﺘﺴﻤﺘﻠﻬﺎ ﻭﺳﻜﺘﺖ ﻭﻃﻴﺒﺖ ﺍﻟﻤﻘﻄﻊ ﻭﺩﻧﻴﺎ ﺗﺴﺎﻋﺪ ﻓﻴﻬﺎ ﻭﺣﻄﻴﻨﻪ
ﺍﻣﺠﺪ .. ﺗﺴﻠﻢ ﺍﻳﺪﻳﻚ ﻳﺎ ﺍﻣﻲ
ﺳﻠﻴﻤﻪ .. ﺻﺤﺘﻴﻦ
ﺍﻳﻬﻢ .. ﺳﻠﻤﻚ ﻃﻴﺎﺑﻪ ﺍﻧﻘﻨﻪ ﻭﻗﺘﻪ ﻑ ﻫﺎﻟﺼﻘﻊ
ﺳﻠﻴﻤﻪ .. ﻛﻮﻝ ﻳﺎﺑﺎﺗﻲ ﻳﺪﻓﻲ ﺍﺟﻨﺎﺑﻚ
ﻣﺮﻳﻢ .. ﻳﻬﺒﻞ ﻳﺎﺍﻋﻤﻴﻤﻪ ﻋﺎﺭﻓﺘﻴﻨﻲ ﻏﺎﻟﻲ ﻋﻠﻴﺎ ﺍﻟﻤﻘﻄﻊ ﺍﻣﺘﺎﻋﻚ
ﺍﻧﺎ .. ﺳﻠﻤﻚ ﺳﻮﺍﻳﺎ
ﺳﻠﻴﻤﻪ .. ﺻﺤﻪ ﻭﻋﺎﻓﻴﻪ ﻋﺎﺩ ﻋﺠﻴﻨﻪ ﺷﻮﺭ ﺩﻧﻴﺎ
ﺍﻳﻬﻢ .. ﻣﻨﻮﺭﻩ ﺩﻧﺪﻥ
ﺩﻧﻴﺎ ﺿﺤﻜﺖ .. ﺻﺤﻪ
ﻣﻨﻴﺮ .. ﺍﻧﻘﻨﻚ ﺍﺻﻠﻴﻪ
ﺩﻧﻴﺎ .. ﺻﺤﺘﻴﻦ
ﻗﻌﺪﻧﺎ ﻧﺎﻛﻠﻮ ﻭﺑﻌﺪﻫﺎ ﺧﺸﻴﺖ ﺍﻧﺎ ﻭﻣﺮﻳﻢ ﻟﻜﻮﺟﻴﻨﻪ ﻧﻐﺴﻠﻮ ﻑ ﻣﻮﺍﻋﻴﻦ ﻭﺗﺴﻨﻴﻢ ﺗﻠﻢ ﺑﺮﺍ ﻭﺗﻜﻨﺲ
ﻣﺮﻳﻢ .. ﻓﻮﺗﻴﻬﺎ ﻣﺮﺍﺕ ﻋﻤﻲ ﻋﺎﺭﻓﺘﻬﺎ ﺍﻧﺎ ﻣﺮﻩ ﻣﺮﻩ ﺗﺠﻴﻬﺎ ﺣﺎﻟﻪ ﻫﻜﻲ
ﺍﻧﺎ .. ﻣﺸﻌﺎﺭﻓﻪ ﻟﻴﺶ ﺗﺪﺧﻞ ﺑﺲ ﻭﻣﺶ ﺍﻭﻝ ﻣﺮﻩ ﺗﻌﺰﻕ ﻛﻼﻡ
ﻣﺮﻳﻢ .. ﻫﻴﺎ ﻣﺘﻌﻠﻘﻪ ﺏ ﺍﻳﻬﻢ ﻭﺍﺟﺪ ﺭﺍﻩ ﻭﻛﺎﻥ ﺩﻳﻤﺎ ﻣﻌﺎﻫﺎ ﺗﻮﺍ ﻏﺎﻳﺮﻩ ﻣﻨﻚ ﺑﺲ
ﺍﻧﺎ .. ﻭﺍﻟﻠﻪ ﺍﻫﻮ ﺷﻔﺘﻴﻪ ﺍﻳﻬﻢ ﻣﻌﺎﻫﺎ
ﻣﺮﻳﻢ .. ﻻﻻ ﺯﻣﺎﻥ ﻛﺎﻥ ﺑﻜﻞ ﺑﺲ ﺗﻮﺍ ﺧﻒ ﻫﻴﺎ ﻣﺶ ﺑﺤﺎﺟﻪ ﺑﺲ ﺍﻟﺤﻴﺎﺀ ﺗﻼﻫﻲ ﺧﻼﺹ ﺣﺘﻰ ﻫﻮ ﻗﻌﺪ ﻋﻨﺪﻩ ﻋﻴﻠﻪ ﻭﻣﺴﺆﻭﻟﻴﺎﺕ
ﺍﻧﺎ .. ﻭ ﺍﻟﻠﻪ ﻣﺎﻳﻔﻀﻪ ﻳﺮﻭﺡ ﻣﻦ ﻣﺼﺮﻑ ﻃﺎﻳﺐ ﻣﻦ ﺷﻐﻞ ﻭﻳﻌﺪﻱ ﻟﻤﺤﻼﺕ ﻳﺒﺮﻡ ﻋﻠﻴﻬﻦ
ﻣﺮﻳﻢ .. ﻫﻴﺎ ﻫﻚ ﺗﻔﻜﺮ ﻉ ﻣﻬﻢ ﻓﻮﺗﻴﻬﺎ ﻣﺎﺗﺤﻜﻴﺶ ﻟﻲ ﺍﻳﻬﻢ
ﻛﻨﺖ ﺑﻨﺪﻭﻱ ﺧﺸﺖ ﺗﺴﻨﻴﻢ ﺳﻜﺘﻨﺎ ﻭﻗﻌﺪﻧﺎ ﻧﻠﻤﻮ ﻑ ﺍﻟﺤﻮﺳﻪ ﻃﻠﻌﻨﺎ ﻣﻦ ﻛﻮﺟﻴﻨﻪ ﻟﻘﻴﺖ ﺟﻮﺩ ﺭﺍﻗﺪ ﻑ ﻛﺘﺮ ﺍﻋﻤﻴﻤﻪ ﻭﺳﻦ ﺑﺪﺍﻳﻪ ﺗﻨﻌﺲ ﻋﻨﺪ ﻣﻨﻴﺮ
ﺍﻧﺎ .. ﻳﻴﻴﻲ ﺭﻗﺪ ﻳﺎﺭﻭﺣﻲ
ﺳﻠﻴﻤﻪ .. ﺍﻫﺎ ﺭﻗﺪ ﺣﺘﻰ ﻭﺳﻦ ﺍﻫﻲ ﻗﺎﻋﺪﻩ ﺗﻨﻌﺲ
ﺍﻧﺎ ﺷﻤﺮﺕ ﺟﻮﺩ .. ﻣﻨﻴﺮ ﻧﺘﻌﺒﻚ ﻣﻌﺎﻳﺎ ﺗﺸﻴﻠﻬﺎ ﻟﻴﺎ
ﻣﻨﻴﺮ ﺷﻤﺮﻫﺎ .. ﻻ ﻋﺎﺩﻱ
ﺍﻧﺎ .. ﺗﺼﺒﺤﻮ ﻋﻠﻰ ﺧﻴﺮ ﻟﻴﻠﺘﻜﻢ ﺳﻌﻴﺪﻩ
ﻛﻠﻬﻢ .. ﻭﺍﻧﺘﻲ ﻣﻦ ﺍﻫﻞ ﺍﻟﺨﻴﺮ
ﺭﻛﺒﺖ ﺍﻧﺎ ﻭﻣﻨﻴﺮ ﻭﺻﻠﺖ ﻟﺸﻘﻪ ﻓﺘﺤﺘﻬﺎ
ﺍﻧﺎ .. ﺗﻔﻀﻞ
ﻣﻨﻴﺮ ﻳﺒﻮﺱ ﻑ ﻭﺳﻦ .. ﻻ ﺍﻣﺴﻜﻲ ﻧﺎﺯﻝ
ﺍﻧﺎ .. ﺷﻜﺮﺍً
ﻣﻨﻴﺮ .. ﻋﻔﻮﺍً ﺍﻭﻛﻲ ﻫﻲ
ﺧﺸﻴﺖ ﻟﺪﺍﺭ ﻏﻴﺮﺕ ﻟﻮﺳﻦ ﻭﺣﻄﻴﺘﻬﺎ ﻑ ﺳﺮﻳﺮﻫﺎ ﻭﻏﻴﺮﺕ ﻟﺠﻮﺩ ﺣﻄﻴﺘﻪ ﻑ ﺳﺮﻳﺮﻩ ﻭﺧﺸﻴﺖ ﻟﺪﺍﺭ ﻟﺒﺴﺖ ﺑﺠﺎﻣﻪ ﻭﻃﻠﻘﺖ ﺷﻌﺮﻱ ﻭﺑﺨﻴﺖ ﻋﻄﺮ ﺟﻴﺖ ﺑﻨﻄﻠﻊ ﺧﺶ ﺍﻳﻬﻢ
ﺍﻧﺎ ﻗﺮﺑﺖ ﻣﻨﻪ ﻭﻟﻔﻴﺖ ﺍﻳﺪﻳﺎ ﻉ ﺭﻗﺒﺘﻪ .. ﺟﻴﺖ ﺣﺒﻴﺒﻲ
ﺍﻳﻬﻢ .. ﻛﻨﺖ ﻣﻐﻔﻲ ﻑ ﺩﺍﺭ ﺍﻟﻤﻌﻴﺸﻪ ﺍﺻﻼ
ﺍﻧﺎ ﺭﻓﻌﺖ ﺭﻭﺣﻲ ﺑﺴﺖ ﺧﺪﻩ .. ﺻﺎﺡ ﺣﺒﻴﺒﻲ ﻧﻮﻡ ﺍﻟﻌﻮﺍﻓﻲ
ﺍﻳﻬﻢ ﻣﺴﻚ ﺧﺼﺮﻱ .. ﺷﻨﻮ ﻋﻤﺮﻱ
ﺍﻧﺎ ﺍﺑﺘﺴﻤﺖ ﻭﺣﺮﻛﺖ ﺭﺍﺳﻲ .. ﺷﻲ ﺑﺲ ﻗﺮﺑﺖ ﺳﺎﻋﻪ 12
ﺍﻳﻬﻢ .. ﻗﺼﺪﻙ ﺑﻨﺨﺶ ﺍﻟﺜﻼﺛﻴﻦ
ﺍﻧﺎ ﺿﺤﻜﺖ .. ﺷﻮﻓﻲ ﺷﻴﺒﻪ ﺍﻟﻲ ﻑ ﻟﺤﻴﺘﻚ
ﺍﻳﻬﻢ ﺿﺤﻚ ﻭﺧﺮ ﺭﺍﺳﻪ .. ﻻ ﻻ ﻣﺎﻓﻴﺶ ﺷﻴﺐ
ﺍﻧﺎ .. ﻋﻠﻲ ﻣﻦ
ﺍﻳﻬﻢ .. ﺗﻔﺸﻜﻲ ﻋﻠﻴﺎ ﻋﺎﺩ ﺍﻧﺘﻲ ﻛﻴﻒ ﺑﺘﺨﺸﻲ ﺍﻟﻌﺸﺮﻳﻦ
ﺍﻧﺎ ﺿﺤﻜﺖ .. ﺍﻣﻤﻢ ﻣﺰﺍﻟﺖ ﺻﻐﻴﺮﻩ
ﺍﻳﻬﻢ .. ﻋﻨﺠﺪ ﺍﻟﻔﺮﻕ ﺍﻟﻲ ﺑﻴﻨﺎ ﺍﺯﻑ ﻑ ﺍﻟﻌﻤﺮ ﻭﺣﺠﻢ ﻭﻃﻮﻝ ﻭﻋﻘﻞ
ﺍﻧﺎ ﻧﻬﺰ ﻭﻧﺒﺤﺖ ﻓﻴﻪ .. ﺑﺲ ﺣﻠﻮ ﺻﺎﺡ ﻻﺯﻡ ﻳﻜﻮﻥ ﻓﻲ ﺍﺧﺘﻼﻑ ﺑﻴﻨﺎ
ﺍﻳﻬﻢ ﺑﺎﺱ ﺧﺪﻱ .. ﺻﺎﺡ ﺣﻠﻮ ﺑﻌﺪ ﺧﻄﺮﻫﺎ ﻭﺗﻲ ﺷﻨﺎﻃﻲ ﺑﻜﺮﺍ ﻃﺎﻟﻌﻴﻦ
ﺍﻧﺎ .. ﻭﻳﻦ ﺣﺒﻴﺒﻲ
ﺍﻳﻬﻢ ﻓﻚ ﺍﻳﺪﻳﺎ ﻭﺑﺎﺳﻬﻦ .. ﺑﻜﺮﺍ ﺗﻌﺮﻓﻲ ﻣﻔﺎﺟﺎﺀ ﺧﻼﺹ ﻉ ﻣﻬﻢ ﻭﺗﻲ ﺩﺑﺶ
ﺍﻧﺎ .. ﻛﻢ ﻳﻮﻡ ﺑﺎﻩ
ﺍﻳﻬﻢ .. ﻳﻮﻡ ﺑﺲ ﺍﻻﺛﻨﻴﻦ ﻣﺎﻩ ﻋﻨﺪﻙ ﺍﻣﺘﺤﺎﻥ
ﺍﻧﺎ .. ﺑﺎﻩ ﺗﻤﺎﻡ
ﻗﻤﻌﺰ ﺍﻳﻬﻢ ﻉ ﺳﺮﻳﺮ ﻭﺍﻧﺎ ﻃﻠﻌﺖ ﺷﻨﻄﻪ ﻭﻗﻌﺪﺕ ﻧﺮﺗﺐ ﻑ ﺩﺑﺶ ﻭﻋﻴﻨﻲ ﻉ ﺍﻟﺴﺎﻋﻪ ﺷﻔﺘﻬﺎ 11:59 ﺳﻴﺒﺖ ﺍﻟﻲ ﻑ ﺍﻳﺪﻱ ﻭﻣﺸﻴﺖ ﻗﻤﻌﺰﺕ ﻉ ﻛﺮﻋﻴﻪ ﻭﻣﺴﻜﺖ ﻑ ﺭﻗﺒﺘﻪ ﻭﺣﻄﻴﺖ ﺧﺸﻤﻲ ﻉ ﺧﺸﻤﻪ ﻭﻣﻐﻤﻀﻪ ﻋﻴﻮﻧﻲ
ﺍﻧﺎ ﺑﺼﻮﺕ ﻫﺎﺩﻱ .. ﻳﺎﺭﺏ ﻛﻞ ﺳﻨﻴﻦ ﻛﻴﻒ ﻫﺎﻟﺤﻈﻪ ﻭﻧﻔﺲ ﻟﻬﻔﻪ ﻭﻧﻔﺲ ﺍﻟﻨﻔﺲ ﺍﻟﻲ ﺗﻮﺍ ﻧﺴﺘﻨﺸﻖ ﻓﻴﻪ
ﺍﻳﻬﻢ ﻣﺴﻚ ﺧﺼﺮﻱ ﻭﺑﺄﺱ ﻓﻤﻲ .. ﺍﻥ ﺷﺎﺀ ﺍﻟﻠﻪ ﻳﺎﺭﺏ ﻛﻞ ﻋﺎﻡ ﻭﻧﺤﻦ ﻫﻚ
ﺍﻧﺎ ﺗﻨﻬﺪﺕ .. ﺧﻼﺹ ﻛﺒﺮﺕ ﺳﻨﻪ ﺣﺒﻴﺒﻲ ﻛﻞ ﻋﺎﻡ ﻭﺍﻧﺖ ﺑﺎﻟﻒ ﺧﻴﺮ
ﺍﻳﻬﻢ ﺍﺑﺘﺴﻢ .. ﻭﺍﻧﺘﻲ ﺑﺎﻟﻒ ﺧﻴﺮ
ﺑﺮﻣﻨﻲ ﻭﺟﺎﺑﻨﻲ ﺗﻼﻩ ﻭﻗﺎﻋﺪﺍﺕ ﻛﺮﻋﻴﺎ ﻉ ﻛﺮﻋﻴﻪ ﻣﺰﺍﻝ ﻭﺍﻧﺎ ﻣﺎﺳﻜﻪ ﻑ ﺭﻗﺒﺘﻪ
ﺍﻧﺎ ﻧﺤﺮﻙ ﻑ ﺍﻳﺪﻱ ﻉ ﺭﻗﺒﺘﻪ .. ﺣﺒﻴﺒﻲ ﺧﻠﻴﻬﺎ ﺑﻜﺮﺍ ﻧﻔﺲ ﻛﻞ ﺳﻨﻪ
ﺍﻳﻬﻢ ﻃﺒﺲ ﻉ ﺭﻗﺒﺘﻲ ﻭﻧﺤﺲ ﻑ ﻧﻔﺴﻪ ﺳﺎﺧﻦ ﺑﻜﻞ .. ﻧﺤﺒﻚ
ﺍﻧﺎ ﺗﻨﻬﺪﺕ ﺗﻨﻬﻴﺪﻩ ﻃﻮﻳﻠﻪ .. ﻧﻤﻮﺕ ﻋﻠﻲ ﺣﺒﻚ ﻧﻤﻮﻭﻭﺕ ﻋﻠﻠﻠﻴﻪ
ﺍﻳﻬﻢ ﺣﻀﻨﻲ ﻭﻗﻌﺪ ﺳﺎﻛﺖ ﻭﺍﻧﺎ ﻣﺒﺘﺴﻤﻪ ﻭﻛﻨﺖ ﻧﺪﻋﻲ ﺍﻧﻪ ﺭﺑﻲ ﻳﺪﻭﻡ ﻋﻠﻴﻨﺎ ﻫﺎﻟﺴﻌﺎﺩﻩ
ﺍﻳﻬﻢ .. ﻣﻴﺲ ﻗﻮﻟﻴﻬﺎ ﻟﻴﺎ
ﺍﻧﺎ ﺍﺑﺘﺴﻤﺖ .. ﻳﺎﺭﺏ ﻣﺎﺗﺨﺘﺒﺮﻧﻴﺶ ﻑ ﺍﻳﻬﻢ
ﺍﻳﻬﻢ ﻳﺘﻨﻔﺲ ﻉ ﺭﻗﺒﺘﻲ .. ﻭﺣﺘﻰ ﻻﺧﺮﺍﺕ
ﺍﻧﺎ ﺗﻨﻬﺪﺕ .. ﻭﺍﻧﺎ ﻧﺤﺒﻚ ﺍﻟﺤﺎﺟﺎﺕ ﻣﺶ ﺍﻟﺤﺎﺟﻪ ﻭﺍﻧﺖ ﺍﺣﻦ ﻋﺼﺒﻲ ﻑ ﺩﻧﻴﺎ
ﺑﺎﺱ ﺭﻗﺒﺘﻲ ﻭﻗﻌﺪ ﺣﺎﺿﻨﻲ ﻭﺍﻧﺎ ﻣﻌﺶ ﻓﻄﻨﺖ ﺭﻗﺪﺕ ﻃﻮﻝ "
" ﻑ ﺍﻟﺼﺒﺢ ﻧﻮﺿﻨﻲ ﺍﻳﻬﻢ ﻭﻃﻠﻌﻨﺎ ﻑ ﺍﻟﻄﺮﻳﻖ ﺍﻳﻬﻢ ﻳﺴﻮﻕ ﻭﺍﻧﺎ ﻭﺳﻦ ﻗﺎﻟﺒﺎﺕ ﺭﺍﺳﻪ ﻧﻐﻨﻮ
ﺍﻳﻬﻢ ﻳﻀﺤﻚ .. ﺧﻼﺹ ﻭﺍﻟﻠﻪ ﺭﺍﺳﻲ
ﺍﻧﺎ ﻧﻌﻴﻂ .. ﺧﻠﻠﻴﻴﻴﻨﻲ ﺍﻋﻴﻴﻴﺶ ﻭﺍﻧﺎ ﺑﻴﻦ ﺍﻳﺪﻳﻚ
ﺍﻳﻬﻢ ﻃﻔﻰ ﻣﺴﺠﻞ .. ﺗﻲ ﺍﺳﺴﺲ ﻭﺣﻘﺮﺑﻲ ﺭﺍﺳﻲ ﻣﺎﺗﻌﺮﻓﻴﺶ ﺗﺴﻜﺘﻲ ﺍﻧﺘﻲ
ﺍﻧﺎ ﺟﻴﺖ ﺑﻨﻮﻟﻌﻪ ﺿﺮﺑﻨﻲ ﻉ ﺍﻳﺪﻱ .. ﺍﺍﺡ ﻭﺍﻋﺮﻩ
ﺍﻳﻬﻢ .. ﻣﺎﺗﻮﻟﻌﻴﺶ ﺧﻼﺹ ﺭﺍﺳﻲ
ﻭﺳﻦ .. ﺑﺎﺑﺎ ﻭﻟﻊ ﻭﻟﻊ
ﺍﻳﻬﻢ .. ﺧﻼﺹ ﻗﻠﺖ ﻻ ﻛﻠﻤﻪ ﻫﻴﺎ ﺭﺍﺳﻲ ﻫﺬﺍ ﺷﻨﻮ ﻣﻦ ﻃﻠﻌﻨﺎ ﻭﺍﻧﺘﻦ ﻣﺎﺳﻜﺘﻦ
ﺍﻧﺎ .. ﺣﺒﻴﺒﻲ ﻓﺮﺣﺎﻧﻴﻦ ﺑﺲ
ﻭﺳﻦ ﻣﺼﺒﻴﻪ ﻑ ﻧﺺ ﻭﺗﺒﻮﺱ ﻑ ﺧﺪﻩ
ﻭﺳﻦ .. ﺣﺒﻴﺒﻲ ﻳﺎﺑﺎﺑﺎ
ﺍﻳﻬﻢ ﺍﺑﺘﺴﻢ .. ﺣﺒﻴﺒﺖ ﺑﺎﺑﺎ
ﺍﻧﺎ ﻣﺴﻜﺖ ﻑ ﺍﻳﺪﻩ ﻭﺭﻓﻌﺘﻬﺎ ﻭﺑﺴﺘﻬﺎ ﺑﻘﻮﻩ
ﺍﻳﻬﻢ .. ﻧﺠﻚ ﻟﻴﺎ ﺧﻠﻴﻨﻲ ﻧﺴﻮﻕ ﺣﺒﻴﺒﻲ
ﺍﻧﺎ .. ﺣﺎﺿﺮ ﻳﺎ ﻋﻤﺮﻱ
ﻗﻌﺪ ﻳﺴﻮﻕ ﺍﻳﻬﻢ ﻭﺍﻧﺎ ﻧﺘﻔﺮﺝ ﻣﻦ ﺭﻭﺷﻦ ﻭﻣﺮﻩ ﻣﺮﻩ ﻧﻬﺪﺭﺯﻭ ﻟﻴﻦ ﻭﺻﻠﻨﺎ
ﺩﺭﺱ ﺍﻳﻬﻢ ﺳﻴﺎﺭﻩ ﻭﻧﺰﻟﻨﺎ ﻛﺎﻧﺖ ﺍﺳﺘﺮﺍﺣﻪ ﺻﻐﻴﺮﻩ ﻭﻓﻴﻬﺎ ﻓﺮﻧﺪﺍ ﺣﻠﻮﻩ ﻭﻣﻦ ﻗﺪﺍﻡ ﻣﻠﻴﺎﻧﻪ ﻭﺭﺩ ﻛﺎﻥ ﻣﻜﺎﻥ ﻳﻔﺘﺢ ﺍﻟﻨﻔﺲ
ﺍﻳﻬﻢ ﻳﻨﺰﻝ ﻑ ﺷﻨﻄﻪ ﻭﺍﻧﺎ ﻧﺰﻟﺖ ﻭﺳﻦ ﻭﺟﻮﺩ
ﺍﻧﺎ .. ﺣﺒﻴﺒﻲ ﺍﻧﺖ ﻣﺎﺟﺮﻫﺎ
ﺍﻳﻬﻢ ﻳﺼﻜﺮ ﻑ ﺷﻨﻄﻪ ﺳﻴﺎﺭﻩ .. ﻻﻻ ﺷﺮﻳﺘﻬﺎ ﺍﺳﺒﻮﻉ ﺍﻟﻲ ﻓﺎﺕ
ﺍﻧﺎ ﺍﺑﺘﺴﻤﺖ .. ﺟﺪﻳﺎﺕ ﺍﻳﻬﻢ ﺍﻟﻠﻪ ﺣﺒﻴﺒﻲ ﺗﻬﺒﻞ
ﺍﻳﻬﻢ ﺟﺎﻱ ﺷﻮﺭﻱ ﻭﺷﻤﺮ ﺟﻮﺩ .. ﺗﻌﺎﻟﻲ ﺧﺸﻲ ﺟﻮﺍ ﺣﻠﻮﻩ ﺑﻜﻞ
ﻣﺸﻴﻨﺎ ﻟﺒﺎﺏ ﻭﻓﺘﺢ ﺍﻳﻬﻢ ﺍﻟﺒﺎﺏ ﻭﺧﺸﻴﻨﺎ ﻛﺎﻧﺖ ﺻﺎﻟﻪ ﺻﻐﻴﺮﻩ ﻭﻛﻮﺟﻴﻨﻪ ﺑﺎﺭ ﻣﺘﻮﺳﻂ ﺣﺠﻤﻬﺎ ﻣﺶ ﻛﺒﻴﺮﻩ ﺑﻜﻞ ﻭﻓﻴﻬﺎ ﺑﺎﺏ ﻳﻔﺘﺢ ﻉ ﻓﺮﻧﺪﺍ ﺍﻟﻲ ﻣﻦ ﻻﻭﺭﻩ ﻭﺑﻌﺪﻫﺎ ﻑ ﻣﺮﺭ ﻓﻴﻪ ﺩﺍﺭﻳﻦ ﻭﺣﻤﺎﻡ
ﺍﻧﺎ .. ﺗﻬﺒﻞ ﺑﻜﻞ ﻳﺎﺍﻳﻬﻢ
ﺍﻳﻬﻢ ﺣﻀﻨﻲ ﻣﻦ ﻻﻭﺭﻩ .. ﻋﺠﺒﺎﺗﻚ
ﺍﻧﺎ ﺑﺮﻣﺖ ﺣﻄﻴﺖ ﺍﻳﺪﻳﺎ ﻉ ﻛﺘﻮﻓﻪ ﻭﺭﻓﻌﺖ ﺭﻭﺣﻲ ﺑﺴﺖ ﺧﺪﻩ .. ﺍﻛﻴﺪﻩ ﺗﺒﻲ ﺗﻌﺠﺒﻨﻲ ﻭﻧﻀﻴﻔﻪ ﺑﻜﻞ
ﺑﺮﻣﺖ ﻭﺷﺎﺑﻜﻪ ﺍﻳﺪﻳﺎ ﻑ ﺑﻌﻀﻬﻦ ﻭﻧﺒﺤﺖ ﻓﻴﻬﺎ
ﺍﻧﺎ .. ﺷﺮﻳﺘﻬﺎ ﺑﻌﺪ ﻛﻨﺎ ﻣﺘﺰﺍﻋﻠﻴﻦ
ﺍﻳﻬﻢ .. ﺍﻣﻢ
ﺑﺮﻣﺖ ﻋﻠﻴﻪ ﻭﺍﺑﺘﺴﻤﺖ
ﺍﻧﺎ .. ﺣﺘﻰ ﻭﺍﻧﺖ ﺯﻋﻼﻥ ﻣﻨﻲ ﺗﻔﻜﺮ ﻓﻴﺎ
ﺍﻳﻬﻢ ﺑﺮﻡ ﺑﺤﺖ ﻑ ﺍﻟﻌﻴﺎﻝ ﻛﺎﻧﻮ ﻳﻠﻌﺒﻮ ﻣﺶ ﻣﺮﻛﺰﻳﻦ ﻋﻠﻴﻨﺎ ﻗﺮﺏ ﻣﺴﻚ ﺍﻳﺪﻳﺎ ﻭﺗﻨﻬﺪ
ﺍﻳﻬﻢ .. ﺍﻛﻴﺪﻩ ﺑﻨﻔﻜﺮ ﻓﻴﻚ ﺻﺎﺡ ﻧﻌﺼﺐ ﻭﻧﻌﻴﻂ ﻭﻧﻌﻠﻢ ﻑ ﺍﻳﺪﻳﻚ ﻧﻔﺲ ﻣﺎﺗﻘﻮﻟﻲ ( ﻭﻣﺴﻚ ﺍﻳﺪﻳﺎ ﻣﻦ ﺫﺭﺍﻉ ) ﺑﺲ ﺻﺪﻗﻴﻨﻲ ﻧﻘﺴﻰ ﻭﻛﺎﻧﻲ ﻗﺴﻴﺖ ﻉ ﺭﻭﺣﻲ ﻻﻧﻪ ﺍﻧﺘﻲ ﺭﻭﺣﻲ ﻭﺍﻟﻲ ﻳﺰﻋﻠﻚ ﻳﺰﻋﻠﻨﻲ ﻭﺍﻟﻲ ﺗﺬﻳﻚ ﺗﺬﻳﻨﻲ ﺣﺘﻰ ﺍﻧﺎ ﻭﺍﻟﻲ ﺗﺤﺴﻴﻪ ﻭﻗﺖ ﺯﻋﻠﻲ ﻣﻨﻚ ﺍﻧﺎ ﻣﻤﻜﻦ ﻧﺤﺲ ﺏ ﺃﻛﺜﺮ ﻣﻨﻚ
ﺍﻧﺎ ﺍﺑﺘﺴﻤﺖ .. ﺍﻧﺎ ﺑﻌﺪ ﻗﻠﺖ ﺍﻧﺖ ﺍﺣﻦ ﻋﺼﺒﻲ ﻑ ﺩﻧﻴﺎ ﻣﺎﻗﻠﺘﻬﺶ ﻣﻦ ﻓﺮﺍﻍ
ﺣﻀﻨﻲ ﺍﻳﻬﻢ ﻭﻣﻄﺒﺲ ﻉ ﻛﺘﻔﻲ
ﻭﺳﻦ .. ﺑﺎﺑﺎ ﺍﻣﺒﻲ ﻛﺎﻛﻮ
ﺍﻳﻬﻢ ﻭﺧﺮ ﻭﻋﺾ ﻉ ﻓﻤﻪ .. ﺍﺍﺡ ﻣﻨﻚ ﺍﻧﺘﻲ ﺧﺸﻲ ﺩﻳﺮﻱ ﺑﺮﻣﻪ ﻉ ﺩﺍﻳﺮ ﻭﺍﻧﺎ ﻃﺎﻟﻊ ﻧﺠﻴﺐ ﻏﺪﺍﺀ ﻣﻦ ﺑﺮﺍ ﻭﺣﺎﺟﺎﺕ ﺑﺴﻴﻄﻪ
ﺍﻧﺎ .. ﺣﺎﺿﺮ ﺭﺩ ﺑﺎﻟﻚ ﻣﻦ ﺭﻭﺣﻚ
ﺍﻳﻬﻢ .. ﺣﺎﺿﺮ ﻫﻴﺎ ﺑﺎﺑﺎ ﻧﻌﺪﻭ ﻣﻌﺎﻳﺎ
ﻭﺳﻦ .. ﻧﺎ ﻧﺎ ﺑﺎﺑﺎ
ﺟﻮﺩ ﻣﺴﻚ ﻑ ﻛﺮﻋﻴﻪ
ﺍﻳﻬﻢ ﻃﺒﺲ ﺷﻤﺮﻩ .. ﺗﻮﺍ ﻧﺸﻴﻠﻬﻢ ﻣﻌﺎﻳﺎ ﺗﻤﺎﻡ
ﺍﻧﺎ .. ﺗﻌﺒﻮﺵ ﺑﺎﺑﺎ ﺑﺎﻫﻲ
ﻭﺳﻦ .. ﺑﺎﻫﻲ
ﺟﻮﺩ .. ﺑﻪ ﺑﻪ
ﺍﻧﺎ ﺍﺑﺘﺴﻤﺖ ﻭﻃﺒﺴﺖ ﺑﺴﺘﻪ .. ﻧﺠﻚ ﻟﻴﺎ ﻣﺮﺑﻮﺟﻪ ﺣﺒﺎﻳﺒﻲ
ﻃﻠﻊ ﺍﻳﻬﻢ ﻭﺍﻧﺎ ﺧﺸﻴﺖ ﺷﻔﺖ ﻛﻮﺟﻴﻨﻪ ﻛﺎﻥ ﺟﺎﻳﺐ ﻣﻮﺍﻋﻴﻦ ﺑﺴﻴﻄﺎﺕ ﻭﺧﺸﻴﺖ ﺟﻮﺍ ﻛﺎﻥ ﺷﺎﺭﻱ ﺩﺍﺭ ﻧﻮﻡ ﺑﺴﻴﻄﻪ ﺳﻠﺤﺖ ﻭﺷﺎﺣﻲ ﻭﻟﺒﺴﺖ ﺑﺠﺎﻣﻪ ﻭﻃﻠﻘﺖ ﺷﻌﺮﻱ ﻭﺑﺨﻴﺖ ﻋﻄﺮ ﻭﻃﻠﻌﺖ ﺑﺮﺍ ﻧﺒﺮﻡ ﺷﻮﻳﺎ ﻭﺧﺶ ﺍﻳﻬﻢ ﻭﺍﻋﻴﺎﻝ
ﺍﻳﻬﻢ .. ﺷﻴﻠﻮ ﻫﻴﺎ ﺟﻮﺩ ﻳﺎﺑﻄﻞ ﺍﺷﻤﺮ ﻛﻮﻳﺲ
ﻭﺳﻦ .. ﺑﺤﺖ ﻧﺎ ﺑﺎﺑﺎ
ﺍﻳﻬﻢ .. ﺍﻧﺘﻲ ﻧﺠﻚ ﻟﻴﺎ
ﺍﻧﺎ ﺟﻴﺖ ﺧﺬﻳﺖ ﻣﻨﻬﻢ ﺍﻻﻛﻴﺎﺱ .. ﻧﺠﻚ ﻳﺎﺧﻴﻪ ﺍﻥ ﺷﺎﺀ ﺍﻟﻠﻪ ﺗﻜﺒﺮ ﻭﺗﺨﺶ ﻋﻠﻴﺎ ﻛﻴﻒ ﺑﺎﺑﺎ
ﺍﻳﻬﻢ .. ﺻﻘﻊ ﻋﻠﻴﻚ ﻳﺎﻣﺎﻣﺎ ﻛﺒﺮﺕ
ﺍﻧﺎ .. ﻧﺠﻴﻪ ﺣﺒﻴﺒﻲ
ﺧﺬﻳﺖ ﻣﻨﻪ ﺍﻟﻐﺪﺍﺀ ﻭﺣﻄﻴﺖ ﻭﻗﻤﻌﺰﻧﺎ ﻧﺎﻛﻠﻮ ﻭﻧﻮﻛﻞ ﻑ ﺟﻮﺩ ﻣﻌﺎﻳﺎ ﻭﺳﻦ ﺑﻴﻨﺎ ﻛﻞ ﻣﺮﻩ ﺗﺎﻛﻞ ﻣﻦ ﺣﺪ ﺗﻐﺪﻳﻨﺎ ﻭﻟﻤﻴﺖ ﺍﻟﺤﻮﺳﻪ ﻭﻗﻴﻞ ﺍﻳﻬﻢ ﺷﻮﻳﺎ ﻭﻧﺎﺽ ﻉ ﻣﻐﺮﺏ
ﺍﻳﻬﻢ .. ﻫﻴﺎ ﻧﻄﻠﻌﻮ ﻣﻦ ﻻﻭﺭﻩ
ﺍﻧﺎ .. ﻧﻠﺒﺲ ﻭﺷﺎﺣﻲ
ﺍﻳﻬﻢ .. ﻻ ﻻ ﺳﺎﺱ ﻣﺘﻌﻠﻲ
ﻃﻠﻌﻨﺎ ﻣﻦ ﻻﻭﺭﻩ ﻭﻛﺎﻥ ﻑ ﺩﺭﺟﺎﺣﻪ ﻛﺒﻴﺮ ﻭﻓﻴﻬﺎ ﺿﻼﻟﻴﻪ
ﺍﻧﺎ .. ﺍﻟﻠﻪ ﻳﺎﺣﺒﻴﺒﻲ ﻣﺤﻼﻫﺎ
ﻣﺸﻴﺖ ﻗﻤﻌﺰﺕ ﻋﻠﻴﻬﺎ ﺍﻧﺎ ﻭﺍﻟﻌﻴﺎﻝ ﻭﺟﺎﺀ ﺍﻳﻬﻢ ﻣﻌﺎﻧﺎ ﻉ ﺳﺒﻪ ﻫﻮ ﻃﻮﻳﻞ ﻛﺮﻋﻴﻪ ﻳﻮﺻﻠﻦ ﻟﻠﻮﻃﻰ ﻭﻗﻌﺪ ﻳﺤﺮﻙ ﻓﻴﻬﺎ
ﺍﻧﺎ .. ﺗﻌﺮﻑ ﺣﺒﻴﺒﻲ ﺷﻦ ﻛﻨﺖ ﻧﻘﻮﻝ ﺯﻣﺎﻥ ﻗﺒﻞ ﻻ ﺟﻮﻧﺎ ﻳﻘﻌﺪ ﺣﻠﻮ
ﺍﻳﻬﻢ ﻣﺘﻜﻲ ﻉ ﻣﺴﻨﺪ ﻭﺑﺤﺖ ﻓﻴﺎ .. ﺷﻦ ﻛﻨﺘﻲ ﺗﻘﻮﻟﻲ
ﺍﻧﺎ .. ﻛﻨﺖ ﻧﻘﻮﻝ ﺍﻧﻪ ﺣﻴﺎﺗﻲ # ﻋﻜﺲ _ ﺍﻟﺘﻴﺎﺭ ﺑﺲ ﻋﺮﻓﺖ ﺍﻧﻲ ﻣﺎﺷﻴﻪ ﻑ ﺗﻴﺎﺭ ﺍﻟﺼﺎﺡ ﺗﻴﺎﺭ ﺣﻠﻮﻭﻭ ﻛﻞ ﺷﻲ ﻓﻴﻪ ﺣﻠﻮ ﻭﺗﻴﺎﺭ ﺍﻧﺎ ﻧﺤﺲ ﺑﻴﻪ ﻑ ﺍﻣﺎﻥ ﻭﺭﺍﺣﻪ
ﺍﻳﻬﻢ ﺍﺑﺘﺴﻢ ﻭﻗﺮﺏ ﻣﻨﻲ ﻻﻧﻪ ﺍﻟﻌﻴﺎﻝ ﻧﺰﻟﻮ ﻣﻦ ﺟﻨﺒﻨﺎ
ﺍﻳﻬﻢ ﻣﺴﻚ ﺍﻳﺪﻱ .. ﺭﺑﻲ ﻳﺪﻭﻣﻬﺎ ﻋﻠﻴﻨﺎ ﺍﻟﻔﺮﺣﻪ ﻫﺬﻱ
ﺍﻧﺎ ﺍﺑﺘﺴﻤﺖ ﻭﺣﻄﻴﺖ ﺭﺍﺳﻲ ﻉ ﺻﺪﺭﻩ ﻭﻧﺒﺤﺖ ﻑ ﺍﻟﻌﻴﺎﻝ
ﺍﻳﻬﻢ .. ﺑﺤﺘﻲ ﻛﻴﻒ ﻳﻠﻌﺒﻮ ﺭﺑﻲ ﻳﺨﻠﻴﻬﻢ ﻟﻨﺎ
ﺍﻧﺎ .. ﻳﺎﻋﻤﺮﻱ ﺍﻧﺎ
ﺍﻳﻬﻢ .. ﺗﺒﻴﺶ ﺗﺨﻮﻳﻬﻢ
ﺍﻧﺎ ﺍﺑﺘﺴﻤﺖ .. ﻻﻻ ﻣﺰﺍﻝ ﺻﻐﺎﺭ
ﺍﻳﻬﻢ ﺿﺤﻚ .. ﺣﻠﻔﺘﻠﻚ
ﺍﻧﺎ .. ﺑﻄﻞ ﺣﻨﺎﻃﻪ ﻋﺎﺩ ﺟﻮﺩ ﻣﺰﺍﻝ ﺑﻴﺒﻲ
ﺍﻳﻬﻢ .. ﺑﺲ ﻭﺳﻦ ﺣﻤﻠﺘﻲ ﻋﻠﻴﻬﺎ ﻭﻫﻴﺎ ﺑﻴﺒﻲ
ﺍﻧﺎ .. ﺣﺒﻴﺒﻲ ﻛﻨﺖ ﻓﺎﺿﻴﻪ ﻭﻗﺘﻬﺎ ﻋﻤﺮﻱ ﻧﻌﺮﻓﻚ ﻣﺘﻔﻬﻢ ﺍﻧﺎ ﺍﻧﺖ ﻋﺎﺭﻑ ﺍﻧﻪ ﻭﺭﺍﻳﺎ ﺗﺨﺮﺝ ﻭﻗﺮﺍﻳﺎ
ﺍﻳﻬﻢ ﺑﺎﺱ ﺭﺍﺳﻲ .. ﺍﻛﻴﺪﻩ ﻣﺘﻔﻬﻢ ﺣﺒﻴﺒﻲ ﺧﻠﻲ ﻧﻮﺽ ﺑﻨﺠﻴﺐ ﺗﻮﺭﺗﻪ ﻭﺣﺎﺟﺎﺕ ﻣﺎﺷﻲ
ﺻﺒﻰ ﺍﻳﻬﻢ ﻭﺍﻧﺎ ﻣﺴﻜﺖ ﻑ ﺭﻗﺒﺘﻪ ﻭﻗﻌﺪﺕ ﻧﺒﻮﺱ ﻑ ﻓﻤﻪ
ﺍﻳﻬﻢ ﺍﺑﺘﺴﻢ ﻭﺑﺼﻮﺕ ﻫﺎﺩﻱ .. ﺧﻼﺹ
ﺍﻧﺎ ﺍﺑﺘﺴﻤﺖ .. ﺑﺎﻩ ﻋﺪﻱ
ﻃﻠﻊ ﺍﻳﻬﻢ ﻭﺍﻧﺎ ﺧﻠﻴﺖ ﺍﻟﻌﻴﺎﻝ ﻳﻠﻌﺒﻮ ﻑ ﻓﺮﻧﺪﺍ ﻭﻣﺸﻴﺖ ﺩﻭﺷﺖ ﻭﻃﻠﻌﺖ ﺧﺸﺸﺖ ﻟﻌﻴﺎﻝ ﻉ ﺍﻝ Tv ﺍﺳﺘﺸﻮﺭﺕ ﺷﻌﺮﻱ ﻭﻟﺒﺴﺖ ﺭﻭﺏ ﺯﻓﻪ ﻛﺎﻥ ﻟﻮﻧﻪ ﺳﻜﺮﻱ ﻛﺘﻪ ﻋﺮﻳﺾ ﻭﻣﻦ ﺻﺪﺭ ﻋﺮﻳﺎﻥ ﻗﺼﻴﺮ ﻟﻌﻨﺪ ﺭﻛﺒﻪ ﻭﻃﺮﻑ ﺍﻟﻲ ﺑﺮﺍ ﺟﺒﻴﺮ ﺣﻠﻮ ﻟﺒﺴﺘﻪ ﻃﺮﻑ ﺍﻟﻲ ﺑﺮﺍ ﻭﺩﺭﺕ ﻣﻜﻴﺎﺝ ﺑﺴﻴﻂ ﻭﻟﺒﺴﺖ ﺧﻠﺨﺎﻝ ﻭﺍﺳﻮﺍﺭﻩ ﺿﺎﺑﻄﻪ ﻉ ﺭﻗﺒﺘﻲ ﻃﻠﻌﺖ ﺑﺮﺍ ﺟﺘﻨﻲ ﻭﺳﻦ
ﻭﺳﻦ .. ﻣﺒﻲ ﻧﻨﻲ ﻧﺎ
ﺍﻧﺎ .. ﺗﻌﺎﻟﻲ
ﺩﺭﺗﻠﻬﺎ ﺭﺿﺎﻋﻪ ﻛﺎﻛﻮ ﻭﻋﻄﻴﺘﻬﺎ ﻟﻬﺎ ﺭﻗﺪﺕ ﻃﻮﻝ ﻭﻃﻠﻌﺖ ﻟﻘﻴﺖ ﺟﻮﺩ ﺭﺍﻗﺪ ﻉ ﺍﻝ Tv ﺣﻄﻴﺘﻪ ﺟﻨﺐ ﻭﺳﻦ ﻭﻃﻠﻌﺖ ﺷﻤﻮﻉ ﻭﺗﻴﺘﻬﻦ ﻉ ﺍﻻﺭﺽ ﻭﻟﻌﺘﻬﻦ ﻭﻃﻔﻴﺖ ﺿﻲ ﻭﺣﻠﻴﺖ ﺿﻲ ﺣﻤﺎﻡ ﺑﺲ ﻭﺑﺨﻴﺖ ﻋﻄﺮﻱ ﺍﻟﻲ ﻳﺤﺒﻪ ﺍﻳﻬﻢ Si ﺑﺨﻴﺖ ﻣﻨﻪ ﺍﻧﺎ ﻭﺑﺨﻴﺖ ﻑ ﺻﺎﻟﻪ ﻭﺍﺟﺪ ﻭﺑﺤﺘﺖ ﻑ ﺳﺎﻋﻪ ﻛﺎﻧﺖ 10:30 ﺧﺸﻴﺖ ﻟﻜﻮﺟﻴﻨﻪ ﻧﺸﺮﺏ ﻑ ﻣﻴﻪ ﺳﻤﻌﺖ ﺻﻮﺕ ﺍﻟﺒﺎﺏ ﻭﺻﻮﺕ ﺍﻛﻴﺎﺱ ﻣﺒﻴﺘﺶ ﻧﻄﻠﻊ ﻟﻴﻦ ﻫﻮ ﺧﺶ ﻋﻠﻴﺎ ﺣﻂ ﺍﻻﻛﻴﺎﺱ ﻭﺟﺎﺀ ﺣﻀﻨﻲ
ﺍﻳﻬﻢ ﻣﺒﺘﺴﻢ .. ﺑﺎﺧﻪ ﺍﻟﻌﻄﺮ ﻑ ﻛﻞ ﻣﻜﺎﻥ
ﺍﻧﺎ ﻟﻔﻴﺖ ﺍﻳﺪﻳﺎ ﻉ ﺍﻳﺪﻳﻪ .. ﺍﻣﻤﻤﻢ ﻃﺒﻌﺎً ﺑﻴﺶ ﺭﻳﺤﻪ ﻫﺬﻱ ﺗﻘﻌﺪ ﺩﻳﻤﺎ ﻫﻨﺎ
ﻭﻣﺴﻜﺖ ﺧﺸﻤﻪ ﺍﻳﻬﻢ ﺣﺮﻙ ﺭﺍﺳﻪ
ﺍﻳﻬﻢ ﻳﺤﺮﻙ ﻑ ﺧﺸﻤﻪ ﻉ ﺭﻗﺒﺘﻲ ﻭﻳﺘﻨﻔﺲ ﺑﻘﻮﻭﻩ .. ﻣﺤﻼﺍﺍﺍﻩﺍ ﻳﺎﻣﻴﺴﻮ ﺭﺩ ﺑﺎﻟﻚ ﺗﻐﻴﺮﻳﻪ ﺭﺩ ﺑﺎﻟﻚ
ﺍﻧﺎ ﺿﺤﻜﺖ .. ﺗﺬﻛﺮ ﺑﻌﺪ ﺷﻤﺮﺗﻪ ﻭﻗﺘﻠﻲ ﺫﻭﻗﻚ
ﺍﻳﻬﻢ .. ﻣﻦ ﻳﻮﻣﻬﺎ ﻋﺎﻟﻖ ﻑ ﺧﺸﻤﻲ ﻧﺠﻚ ﻟﻴﺎ
ﺍﻧﺎ .. ﻭﻟﻴﺎ ﺣﺒﻴﺒﻲ
ﺑﺮﻣﺖ ﻟﻌﻨﺪ ﻭﺭﻓﻌﺖ ﻛﺮﻋﻴﺎ ﻭﺣﺮﻛﺖ ﺧﺸﻤﻲ ﻉ ﺧﺸﻤﻪ
ﺍﻳﻬﻢ ﻣﺒﺘﺴﻢ ﻭﻣﺴﻚ ﺧﺼﺮﻱ
ﺍﻧﺎ .. ﻭﺭﻳﻨﻲ ﺷﻦ ﺟﺒﺖ
ﺍﻳﻬﻢ ﺑﺮﻣﻨﻲ ﻉ ﺭﺧﺎﻡ ﺣﻠﻴﺖ ﺍﻻﻛﻴﺎﺱ ﻛﺎﻥ ﺟﺎﻳﺐ ﺗﻮﺭﺗﻪ ﻭﺣﺎﺟﺎﺕ ﻟﺴﻬﺮ ﻟﻴﻞ ﻓﺘﺤﺖ ﺗﻮﺭﺗﻪ ﻛﺎﻥ ﻣﻜﺘﻮﺏ ﻋﻠﻴﻬﺎ ﻋﻤﺮﻱ ﻭﻋﻤﺮ ﺍﻳﻬﻢ
ﺍﻳﻬﻢ ﻃﺒﺲ ﻉ ﻭﺫﻧﻲ .. ﻣﺰﺍﻝ ﺳﺎﻋﻪ ﻭﺗﺨﺸﻲ ﺍﻟﻌﺸﺮﻳﻦ
ﺍﻧﺎ ﺷﺒﻜﺖ ﺍﻳﺪﻳﺎ ﻋﻨﺪ ﻓﻤﻲ ﻭﻣﺒﺘﺴﻤﻪ .. ﺗﻌﺎﻝ ﻧﺤﻄﻮ ﺣﺎﺟﺎﺕ ﺑﺮﺍ
ﻃﻠﻌﻨﺎ ﺑﺮﺍ ﻭﻗﻌﺪﻧﺎ ﻧﺮﺗﺒﻮ ﻑ ﺣﺎﺟﺎﺕ ﻭﻧﻬﺪﺭﺯﻭ ﻟﻴﻦ ﻗﻌﺪ ﻋﺸﺮ ﺩﻗﺎﻳﻖ ﻉ ﺳﺎﻋﻪ 12 ﻣﺴﻜﺖ ﻭﻻﻋﻪ ﻭﺍﻳﻬﻢ ﺣﻂ ﺍﻳﺪﻩ ﻉ ﺍﻳﺪﻱ ﻭﻟﻌﻨﺎ ﺷﻤﻮﻉ ﻣﻊ ﺑﻌﻀﻨﺎ
ﺍﻧﺎ ﻣﺒﺘﺴﻤﻪ .. ﺣﺒﻴﺒﻲ
ﺑﺮﻣﺖ ﻋﻠﻴﻪ ﻭﻫﻮ ﻣﺒﺘﺴﻢ
ﺍﻧﺎ .. ﻭﻟﻊ ﺍﻏﻨﻴﻪ ﻭﺑﺤﺲ ﻣﻌﺎﻙ
ﺍﻳﻬﻢ ﻃﻠﻊ ﺍﻟﻤﻮﺑﺎﻳﻞ ﻭﻋﻠﻘﻬﺎ ﻭﻛﺎﻥ ﻣﺰﺍﻝ ﺩﻗﻴﻘﻪ
ﺍﻳﻬﻢ ﺿﻐﻂ ﻉ ﺧﺼﺮﻱ .. ﻫﻴﺎ ﻧﺘﻤﻨﻮ ﻣﻊ ﺑﻌﻀﻨﺎ
ﺍﻧﺎ ﻏﻤﻀﺖ ﻋﻴﻮﻧﻲ ﻭﻋﺎﺿﻪ ﻉ ﻓﻤﻲ
ﺍﻳﻬﻢ ﻃﺒﺲ ﺑﻴﺎ ﻉ ﺷﻤﻮﻉ ﻭﻳﻀﺤﻚ .. ﺍﻓﺘﺤﻲ ﻋﻴﻮﻣﻚ ﻭﺍﻧﻔﺨﻲ
ﺍﻧﺎ ﻓﺘﺤﺖ ﻋﻴﻮﻧﻲ ﻭﻧﻔﺨﻨﺎ ﻣﻊ ﺑﻌﻀﻨﺎ ﻭﺑﺮﻣﺖ ﻉ ﺍﻳﻬﻢ ﺣﻀﻨﺘﻪ ﺑﻘﻮﻩ .. ﺑﻨﻄﻄﻴﺮﺭﺭ ﻳﺎﺍﻳﻬﻢ ﺑﻨﻄﻴﺮ ﻓﺮﺣﺎﻧﻪ ﺷﻮﻑ ﻗﻠﺒﻲ ﻛﻴﻒ ﻳﻨﺒﺾ
ﺍﻳﻬﻢ ﻋﻴﻮﻧﻪ ﻛﺎﻧﻦ ﻳﻠﻤﻌﻦ ﻭﺍﺑﺘﺴﻢ ﺑﻀﺤﻜﻪ .. ﻛﻞ ﻋﺎﻡ ﻭﺍﻧﺘﻲ ﺑﺎﻟﻒ ﺧﻴﺮ
ﺍﻧﺎ ﺣﻀﻨﺘﻪ ﻭﺳﺎﻛﺘﻪ ﻭﻗﻌﺪ ﺍﻳﻬﻢ ﻳﺒﺮﻡ ﺑﻴﺎ ﺑﺸﻮﻳﺎ ﻉ ﺍﻻﻏﻨﻴﻪ
ﻭﺑﺤﺲ ﻣﻌﺎﻙ
ﺃﻧﻨﺎ ﻓﻲ ﺍﻟﺴﻤﺎ ﻣﺶ ﻓﻲ ﺍﻟﺪﻧﻴﺎ
ﻭﺃﻥ ﺃﻧﺖ ﻣﻼﻙ ﻭﻣﻌﺎﻙ ﺍﻟﺴﻨﻪ ﺑﺘﻔﻮﺕ ﺛﺎﻧﻴﻪ
ﺍﻧﺎ ﻣﺒﺘﺴﻤﻪ ﻭﻣﻐﻤﻀﻪ ﻋﻴﻮﻧﻲ .. ﻑ ﺍﻟﺴﻤﺎ ﺑﺠﺪﺩﺩ ﻳﺎﺍﻳﻬﻢ ﻳﺎﺭﺑﻲ ﺍﺭﺟﻮﻙ ﺍﻻ ﺍﻳﻬﻢ ﻳﺎﺭﺑﻲ
ﺣﺴﻴﺖ ﻑ ﻣﻴﻪ ﻉ ﻛﺘﻔﻲ
ﻭﺧﺮﺕ ﻭﺍﻳﻬﻢ ﻣﺴﺢ ﻋﻴﻮﻧﻪ
ﺍﻧﺎ ﺩﻣﻮﻋﻲ ﻧﺰﻟﻦ ﻭﻣﺒﺘﺴﻤﻪ
ﺍﻳﻬﻢ ﻣﺴﺢ ﺩﻣﻮﻋﻲ ﻭﻣﺒﺘﺴﻢ .. ﻧﺒﻴﻚ ﻓﺮﺣﺎﻧﻪ ﺍﻧﺎ
ﺍﻧﺎ .. ﺻﺪﻗﻨﻲ ﺑﻨﻄﻴﺮ ﺍﻧﺎ
ﺍﻳﻬﻢ ﺭﺩ ﺣﻀﻨﻲ ﻭﻳﻬﺰ ﺑﻴﺎ ﺑﺸﻮﻳﺎ
ﻋﺎﻳﺸﻨﻲ ﻓﻲ ﻫﻮﺍﻙ
ﻻﺯﻡ ﺃﻋﻴﺶ ﻣﻌﺎﻙ
ﺃﻧﺎ ﻋﺎﻳﺰﻙ ﺗﻘﺮﺏ ﻟﻴﺎ ﻭﺗﺒﺺ ﻓﻲ ﻋﻨﻴﺎ
ﻧﺴﻴﺘﻨﻲ ﺃﻟﻠﻲ ﻓﺎﺕ
ﺷﻮﻓﺖ ﻣﻌﺎﻙ ﺣﺎﺟﺎﺕ
ﻣﺸﻮﻓﺘﻬﺎﺵ ﻏﻴﺮ ﻭﺃﻧﺖ ﻭﺍﻗﻒ ﺑﻴﻦ ﺃﻳﺪﻳﺎ
ﻭﺑﺤﺲ ﻣﻌﺎﻙ
ﺃﻧﻨﺎ ﻓﻲ ﺍﻟﺴﻤﺎ ﻣﺶ ﻓﻲ ﺍﻟﺪﻧﻴﺎ
ﻭﺃﻥ ﺃﻧﺖ ﻣﻼﻙ ﻭﻣﻌﺎﻙ ﺍﻟﺴﻨﻪ ﺑﺘﻔﻮﺕ ﺛﺎﻧﻴﻪ
ﺍﻳﻬﻢ .. ﻧﻘﺼﻮ ﺗﻮﺭﺗﻪ
ﻣﺸﻴﻨﺎ ﻟﺘﻮﺭﺗﻪ ﻭﺍﻧﺎ ﻧﻘﺺ ﻭﺍﻳﻬﻢ ﻣﺎﺳﻚ ﺍﻳﺪﻱ
ﺍﻧﺎ ﺑﺮﻣﺖ ﻟﺒﺰﺕ ﺍﻳﻬﻢ ﻭﻫﻮ ﻳﻀﺤﻚ ﻭﺧﺬﺍ ﻭﺍﺟﺪ ﻭﺣﻄﻬﺎ ﻑ ﻭﺟﻲ
ﺍﻧﺎ ﻧﻀﺤﻚ .. ﺍﺍﺍﺍﺍ ﻭﺟﻲ ﻛﻠﻪ ﺣﺮﺍﻡ ﻋﻠﻴﻚ
ﺍﻳﻬﻢ ﻳﻀﺤﻚ .. ﻣﺤﺪ ﻗﺎﻟﻚ ﻧﺎﺑﺸﻲ
ﺍﻧﺎ ﺍﺑﺘﺴﻤﺖ ﻭﺗﻨﻬﺪﺕ
ﺍﻳﻬﻢ ﺍﺑﺘﺴﻢ .. ﻭﺭﺑﻲ ﻧﺤﺒﻚ
ﺍﻧﺎ ﺍﺑﺘﺴﻤﺖ .. ﻧﻤﻮﺕ ﻓﻴﻚ ﻫﻴﺎ ﻭﻳﻦ ﻫﺪﻳﺘﻲ
ﺍﻳﻬﻢ ﻃﻠﻊ ﻣﻦ ﺟﻴﺒﻪ ﻣﻔﺘﺎﺡ ﻣﻐﻠﻒ ﺑﻔﻴﻮﻧﻜﻪ
ﺍﻧﺎ ﺿﺤﻜﺖ .. ﺳﻴﺎﺭﻩ
ﺍﻳﻬﻢ ﺿﺤﻚ .. ﺳﻴﺎﺭﻩ ﺍﻫﺎ
ﺍﻧﺎ ﺣﻀﻨﺘﻪ .. ﻧﺠﻚ ﻟﻴﺎ
ﺍﻳﻬﻢ ﻳﻀﺤﻚ .. ﺗﻴﺸﺮﺕ ﺭﺍﺡ ﻓﻴﻬﺎ
ﺍﻧﺎ ﺑﺤﺘﺖ ﻓﻴﻪ ﻭﻣﺪﻳﺖ ﻓﻤﻲ ﻭﺳﻠﺤﺘﻪ ﻟﻪ .. ﺍﺻﻼ ﺣﻴﺘﺤﻮﻝ ﻭﻗﺮﺑﺖ ﺑﺴﺖ ﺻﺪﺭﻩ ﻭﺍﻳﻬﻢ ﻣﺴﻚ ﺧﺼﺮﻱ ﻭﻳﺒﻮﺱ ﻑ ﻓﻤﻲ ﻭﻳﺒﺮﻡ ﺑﻴﺎ ﻭﺍﻧﺎ ﻟﻔﻴﺖ ﺍﻳﺪﻳﺎ ﻉ ﺭﻗﺒﺘﻪ ﻭﻣﺮﻩ ﻧﻤﺴﻚ ﻑ ﺿﻬﺮﻩ ﻭﻣﺮﻩ ﻑ ﺧﺼﺮﻩ ﻭﻣﺮﺗﺨﻴﻪ
ﺍﻧﺎ ﺗﻨﻬﺪﺕ .. ﻧﻤﻮﻭﻭﺕ ﻓﻴﻚ ﻭﺍﻟﻠﻪ ﻧﻤﻮﺕ ﻓﻴﻚ
ﺍﻳﻬﻢ ﺑﺼﻮﺕ ﻫﺎﺩﻱ ﺑﻜﻠﻠﻞ .. ﻟﻴﻠﻪ ﺑﻨﻘﻄﻌﻚ ﺍﻧﺎ
ﺍﻧﺎ ﺿﺤﻜﺖ ﻭﺑﺴﺖ ﻓﻤﻪ .. ﺧﻮﺫ ﺭﺍﺣﺘﻚ ﺍﻟﻲ ﺍﻧﺖ ﺗﺒﻴﻪ ﻳﺎﻋﻤﺮﻱ
ﻧﺰﻝ ﻛﺘﻮﻑ ﺭﻭﺏ ﻭﻃﺎﺡ ﺭﻭﺏ ﻭﺣﻂ ﺍﻳﺪﻩ ﻉ ﺩﺍﺧﻠﻲ ﻭﻓﺘﺤﻪ ﻭﻗﻌﺪ ﻳﺨﺶ ﺑﻴﺎ ﻟﺪﺍﺭ ﻭﺍﻧﺎ ﻣﺎﺳﻜﻪ ﻓﻴﻪ ﺧﺸﺶ ﺍﻳﺪﻩ ﺟﻮﺍ ﺷﻌﺮﻱ ﻭﻳﻤﺸﻲ ﻟﺪﺍﺭ ﻃﻴﺤﻨﻲ ﻉ ﺳﺮﻳﺮ ﻭﺟﺎﺀ ﻓﻮﻗﻲ ﻭﻭﻭﻭﻭﻭﻭﻭﻭﻭ "
" ﺭﻭﺣﻨﺎ ﻣﻦ ﻣﺸﺮﻕ ﻭﺩﺭﺕ ﺃﺧﺮﻯ ﺍﻣﺘﺤﺎﻥ ﻭﻳﻮﻡ ﺍﻻﺛﻨﻴﻦ ﻛﻨﺎ ﻣﻠﺘﻤﻴﻦ ﻑ ﺣﻮﺵ ﻫﻠﻲ ..
ﺍﻧﺎ .. ﺍﻟﻒ ﻣﺒﺮﻭﻙ ﻳﺎﻋﺰﻭ ﻋﻘﺒﺎﻟﻚ ﻋﻼﻭﻱ
ﻋﻼﺀ .. ﺍﻧﺎ ﻫﻜﻲ ﻣﺘﺮﻳﺢ ﺷﻐﻠﻲ ﺗﻤﺎﻡ
ﺭﺷﺎ .. ﺍﺣﺴﻦ ﺣﺎﺟﻪ ﻧﻔﺲ ﺷﺮﻛﻪ
ﻋﻼﺀ ﺿﺤﻚ .. ﻭﻧﻔﺲ ﺗﺨﺼﺺ ﻫﻨﺪﺳﻪ
ﺭﻳﻬﺎﻡ .. ﻳﺎﺧﻴﻪ ﺭﺑﻲ ﻳﺰﻳﺪﻛﻢ ﻣﻦ ﻋﻨﺪﻩ
ﻣﺎﻣﺎ .. ﺍﻥ ﺷﺎﺀ ﺍﻟﻠﻪ ﻳﺎﺭﺏ ﻭﻧﺸﻮﻑ ﺍﻋﻴﺎﻟﻬﻢ
ﺍﻧﺎ .. ﺍﻥ ﺷﺎﺀ ﺍﻟﻠﻪ ﻳﺎﺭﺏ
ﺑﺸﺮﻯ ﺻﺒﺖ .. ﻧﺪﻳﺮﻭ ﻗﻬﻮﺀ
ﺭﻳﻬﺎﻡ ﺻﺒﺖ ﻣﻌﺎﻫﺎ .. ﺗﻮﺍ ﻧﺼﺒﻲ ﻣﻌﺎﻙ ﻫﻴﺎ
ﺧﺸﻦ ﺭﻳﻬﺎﻡ ﻭﺑﺸﺮﻯ ﻟﻜﻮﺟﻴﻨﻪ ﻭﺩﻕ ﺍﻟﺒﺎﺏ ﺻﺒﻰ ﻋﺰﻭ
ﻋﺰﻭ .. ﻣﻦ ﺟﺎﻳﻨﺎ ﺍﺯﻋﻤﻚ
ﻣﺎﻣﺎ .. ﺧﻴﺮ ﺍﻥ ﺷﺎﺀ ﺍﻟﻠﻪ
ﻃﻠﻊ ﻋﺰﻭ ﻓﺘﺢ ﻛﺎﻥ ﺭﺍﺟﻞ ﺑﺎﻳﻦ ﻑ ﺑﺪﺍﻳﻪ ﺍﺭﺑﻌﻴﻨﻴﺎﺕ ﻋﻤﺮﻩ ﻭﻣﻌﺎﻩ ﺑﻨﺖ ﺻﻐﻴﺮﻩ ﻣﻦ ﻋﻤﺮ ﻭﺳﻦ
ﻋﺰﻭ ﻣﺴﺘﻐﺮﺏ ﻭﺑﺤﺖ ﻑ ﺑﻨﺖ ﻛﺎﻧﻪ ﻣﺸﺒﻪ ﻋﻠﻴﻬﺎ .. ﺗﻔﻀﻞ
ﺭﺍﺟﻞ .. ﺍﻧﺎ ﻋﺎﺩﻝ ﺭﺍﺟﻞ ﺍﻣﻞ ﺍﺧﺘﻚ
ﻋﺰﻭ ﻃﻮﻝ ﻋﻴﻮﻧﻪ ﺟﻦ ﻉ ﺍﻟﺒﻨﺖ .. ﺍﻭﻛﻲ ﺍﺫﻛﺮﺗﻚ ﻑ ﺩﻓﻴﻨﻪ
ﺭﺍﺟﻞ ﻣﺪﻫﺎ ﻟﻪ .. ﺑﻨﺖ ﺍﻣﻞ ﺍﺳﻤﻬﺎ ﻳﻘﻴﻦ
ﻋﺰﻭ ﻣﺴﻜﻬﺎ ﻭﻫﻮ ﻣﺼﺪﻭﻡ ﻭﻗﻌﺪ ﻳﺒﺤﺖ ﻓﻴﻬﺎ ﺑﻌﺪﻫﺎ ﺑﺤﺖ ﻑ ﺍﻟﺮﺍﺟﻞ .. ﺗﻔﻀﻞ
ﻋﻼﺀ ﻣﻦ ﺳﻘﻴﻔﻪ .. ﻣﻦ ﺟﺎﺀ ﻳﺎﻋﺰﻭ
ﻋﺰﻭ ﺑﺤﺖ ﻑ ﻋﻼﺀ .. ﺭﺍﺟﻞ ﺍﻣﻞ ﺍﺧﺘﻚ
ﻋﻼﺀ ﺳﻜﺖ ﻭﻗﺮﺏ ﻣﻨﻪ ﺳﻠﻢ ﻋﻠﻴﻪ ﻭﻫﻮ ﻣﻨﺼﺪﻡ
ﺧﺸﻮ ﻟﻤﺮﺑﻮﻋﻪ ﻭﺑﻨﺖ ﻑ ﺍﻳﺪ ﻋﺰﻭ
ﻋﺎﺩﻝ .. ﺍﻧﺎ ﺟﺎﻱ ﺑﻨﻌﻄﻴﻜﻢ ﺍﻟﺒﻨﺖ ﺍﻧﺎ ﻣﻌﺶ ﻧﻘﺪﺭ ﻉ ﺗﺮﺑﺎﻳﺘﻬﺎ ﻭﻫﻠﻲ ﻣﻦ ﺍﺳﺎﺱ ﻣﺶ ﻣﻮﺍﻓﻘﻴﻦ ﻉ ﺍﻣﻞ ﻣﻦ ﺍﻭﻝ ﻭﺑﻌﺪ ﻣﺎﺗﺖ ﻋﻔﺎﻛﻢ ﺍﻟﻠﻪ ﻣﻦ ﺳﺮﻃﺎﻥ
ﻋﺰﻭ ﺑﺤﺖ ﻓﻴﻪ ﻭﻗﻌﺪ ﻳﺰﻣﻂ ﻑ ﺭﻳﻘﻪ ﻭﻗﻠﺒﻪ ﻳﺪﻕ ﺑﻘﻮﻩ
ﻋﻼﺀ .. ﻭﺑﺎﻫﻲ
ﻋﺎﺩﻝ .. ﻫﻠﻲ ﻣﺶ ﻣﺘﻘﺒﻠﻴﻦ ﺍﻟﺒﻨﺖ ﻭﺍﻧﺘﻢ ﺧﻮﺍﻟﻬﺎ ﺍﻭﻟﻰ ﺑﻴﻬﺎ ﻭﺍﻛﻴﺪﻩ ﺗﻮﺍ ﺗﺮﺍﻋﻮﻫﺎ ﺍﻧﺎ ﺣﺘﻰ ﺿﺮﻭﻓﻲ ﻣﺎﻳﺴﻤﺤﻨﺶ ﻭﻟﻮ ﻣﺶ ﻣﻮﺍﻓﻘﻴﻦ ﻗﺮﺭﺕ ﺍﻧﻲ ﻧﺤﻄﻬﺎ ﻑ ﺩﺍﺭ ﺭﻋﺎﻳﺔ
ﻋﺰﻭ ﺑﺤﺖ ﻭ ﻫﻮ ﻣﻨﺼﺪﻡ ﻭﻓﺎﺭ ﺩﻣﻪ ﻟﺮﺍﺱ .. ﺍﻧﺖ ﻣﺘﺎﻛﺪ ﺍﻧﻬﺎ ﺑﻨﺘﻚ ﻣﻦ ﺩﻣﻚ ﻭﻣﻦ ﻟﺤﻤﻚ
ﻋﺎﺩﻝ .. ﻣﺘﺎﻛﺪ ﻣﻴﻪ ﻑ ﺍﻟﻤﻴﻪ ﻫﻠﻲ ﻛﺎﻧﻮ ﻳﺸﻜﻮ ﻓﻴﻬﺎ ﺑﺲ ﺩﺭﺕ ﺗﺤﻠﻴﻞ ﻭﻛﺎﻧﺖ ﺑﻨﺘﻲ ﺷﻮﻑ ﺷﺒﻪ
ﻋﺰﻭ ﺗﻨﻬﺪ .. ﺗﻮﻛﻞ ﺍﻟﺒﻨﺖ ﻋﻨﺪﻧﺎ
ﻋﻼﺀ ﺑﺤﺖ ﻓﻴﻪ .. ﻛﻴﻒ ﻋﺮﻓﺖ ﺍﻣﻞ ﻣﻦ ﻭﻳﻦ
ﻋﺰﻭ ﺻﺒﻰ ﻭﺧﺶ ﺑﺎﻟﺒﻨﺖ ﻭﺍﻧﺎ ﻛﻨﺖ ﻋﻨﺪ ﺍﻟﺒﺎﺏ ﺑﻨﺸﻮﻑ ﻣﻦ ﺟﺎﺀ ﺧﺶ ﻋﺰﻭ ﻭﻣﺪﻟﻲ ﺍﻟﺒﻨﺖ
ﺍﻧﺎ ﻣﺴﺘﻐﺮﺑﻪ .. ﻣﻦ ﻫﺬﻱ
ﻋﺰﻭ ﺑﺼﻮﺕ ﻭﺍﻃﻲ .. ﺍﻣﺴﻜﻲ ﻳﺎﻣﻴﺲ ﺍﻣﺴﻜﻲ ﻭﺍﺳﻜﺘﻲ
ﻣﺴﻜﺘﻬﺎ ﻭﻗﻌﺪﺕ ﻧﺒﺤﺖ ﻓﻴﻬﺎ ﺣﺴﻴﺘﻬﺎ ﻣﺎﺭﻩ ﻋﻠﻴﺎ ﻭﺍﺟﺪ ﻭﺑﻨﺖ ﻣﺴﻜﺖ ﻓﻴﺎ ﺯﻳﻦ
ﻋﺎﺩﻝ .. ﺗﻌﺮﻓﺖ ﻋﻠﻴﻬﺎ ﻑ ﻳﻮﻡ ﻛﻨﺎ ﺍﻧﺎ ﻭﺍﺻﺤﺎﺑﻲ ﻑ ﺷﻘﻪ ﻭﻗﺎﻟﻮ ﺟﺎﻳﺒﻴﻦ ﺑﻨﺎﺕ ﺑﻌﺪ ﺷﻔﻨﺎﻫﻦ ﻛﻠﻬﻢ ﻧﻌﺠﺒﻮ ﺏ ﺍﻣﻞ ﻛﻴﻒ ﺳﻤﺤﻪ ﻭﺻﻐﻴﺮﻩ ﻭﺍﻧﺎ ﻭﻗﺘﻬﺎ ﻣﺎﻗﺪﺭﺗﺶ ﻧﺨﻠﻴﻬﺎ ﻫﺮﺑﺖ ﺑﻴﻬﺎ ﻣﺤﺪ ﺷﺎﻓﻨﻲ ﺣﻜﺘﻠﻲ ﺑﻌﺪ ﻫﺮﺑﺖ ﻛﺎﻧﺖ ﻋﺎﻳﺸﻪ ﻑ ﺷﻘﻪ ﻣﻊ ﺑﻨﺎﺕ ﻭﻛﺎﻧﺖ ﺗﺤﺐ ﺣﺪ ﺑﺲ ﻫﻠﻪ ﻣﺎﻭﺍﻓﻘﺶ ﻗﺮﺭﺕ ﻧﺠﻮﺯﻫﺎ ﻭﺟﻴﺖ ﻟﻬﻠﻲ ﻭﺩﺭﺕ ﻧﻬﺎﺭ ﺑﻴﺶ ﻧﺎﺧﺬﻫﺎ ﻭﻛﻨﺖ ﻋﺎﺭﻓﻬﺎ ﺗﺤﺐ ﺍﻟﻲ ﻛﺎﻧﺖ ﺗﺤﺒﻪ ﺑﺲ ﻣﻌﻤﻲ ﺑﻴﻬﺎ ﻛﻨﺖ ﻭﺍﻧﺎ ﻳﻘﻴﻦ ﻧﺸﻮﻑ ﻑ ﺻﻮﺭﺗﻬﺎ ﻓﻴﻬﺎ ﻣﻌﺶ ﻧﻘﺪﺭ ﻧﺮﺑﻴﻬﺎ ﻭﺍﻧﺎ ﻋﻨﺪﻱ ﻛﻠﻰ ﻫﻴﺎ ﺍﻣﺎﻧﻪ ﻋﻨﺪﻛﻢ ﻭﺻﺒﻰ ﻃﻠﻊ ﺧﺸﺶ ﺩﺑﺸﻬﺎ ﻛﻠﻪ ﻭﻃﻠﻊ ﻋﺰﻭ ﻭﻋﻼﺀ ﻣﻨﺼﺪﻣﻴﻦ ﻭﺧﺸﻮ ﻋﻠﻴﻨﺎ ﺟﺎﻳﺒﻦ ﺩﺑﺶ
ﺭﺷﺎ ﺗﻀﺤﻚ .. ﺑﺲ ﺑﺲ ﻫﻴﺎ ﻛﺎﻧﻬﺎ ﻣﺎﺳﻜﻪ ﻓﻴﻚ ﻫﻜﻲ
ﺍﻣﻴﺮﻩ .. ﺗﻬﺒﻞ ﻳﺎﺧﻴﻪ ﺑﻨﺖ ﻣﻦ
ﻣﺎﻣﺎ ﺗﺒﺤﺖ ﻭﺳﺎﻛﺘﻪ ﻟﻴﻦ ﺧﺶ ﻋﺰﻭ
ﺭﻳﻬﺎﻡ .. ﻋﺰﻭ ﻣﻦ ﺍﻟﺒﻨﻮﺗﻪ ﺍﻟﻌﺴﻞ ﻫﺬﻱ
ﻋﺰﻭ ﺑﺤﺖ ﻑ ﺍﻣﻴﺮﻩ ﻭﺷﻴﺮﻟﻬﺎ ﺑﺮﺍﺳﻪ ﺍﻧﻬﺎ ﺗﺮﻛﺐ ﺻﺒﺖ ﻣﺴﺘﻐﺮﺑﻪ ﻭﻋﻼﺀ ﺑﺮﺿﻮ ﺻﺒﻨﺎ ﻫﻨﺎ ﺍﻻﺛﻨﻴﻦ ﻭﺭﻛﺒﻨﺎ ﻃﺒﻌﺎ ﻓﻄﻨﺎ ﻟﻠﺼﺎﺭ ﺟﺎﺀ ﻋﺰﻭ ﻗﻤﻌﺰ ﺟﻨﺐ ﻣﺎﻣﺎ
ﻋﺰﻭ .. ﺍﻣﻲ ﻛﺎﻥ ﻗﺘﻠﻚ ﺑﻨﺖ ﻫﺬﻱ ﻣﻌﺶ ﻋﻨﺪﻫﺎ ﺣﺪ ﻭﻧﺤﻦ ﻧﺮﺑﻮﻫﺎ ﺗﻮﺍﻓﻘﻲ
ﻣﺎﻣﺎ ﺑﺤﺘﺖ ﻓﻴﻬﺎ ﻭﺑﺤﺘﺖ ﻑ ﻋﺰﻭ .. ﺑﻨﺖ ﺍﻣﻞ ﺻﺎﺡ
ﻋﺰﻭ .. ﺍﻣﻲ ﺟﺎﻭﺑﻲ
ﻣﺎﻣﺎ .. ﺍﻧﺖ ﺗﺒﻴﻬﺎ
ﻋﺰﻭ ﺗﻨﻬﺪ ﺑﻨﻔﺦ .. ﺑﻨﺖ ﺍﺧﺘﻲ ﻑ ﻧﻬﺎﻳﻪ
ﻧﺤﻦ ﻣﺼﺪﻭﻣﺎﺕ ﻭﺳﺎﻛﺘﺎﺕ
ﻣﺎﻣﺎ .. ﺍﻋﺘﺒﺮﻫﺎ ﻭﺣﺪﻩ ﻣﻦ ﺑﻨﺎﺕ ﻳﺎﻋﺰﻭ
ﻋﺰﻭ ﺍﺑﺘﺴﻢ .. ﻛﻨﺖ ﻋﺎﺭﻓﻚ ﺑﺘﻘﻮﻟﻲ ﻫﻜﻲ
ﺍﻧﺎ .. ﺑﺲ ﻛﻴﻒ
ﻋﺰﻭ ﻗﻌﺪ ﻳﺤﻜﻲ ﻑ ﺍﻟﻘﺼﻪ
ﺭﺷﺎ .. ﺍﻧﺎ ﺑﺠﺪ ﻣﻨﺼﺪﻣﻪ ﺑﻨﺘﻪ ﻳﺎﻋﺎﻟﻢ ﺑﻨﺘﻪ
ﻋﻼﺀ .. ﻣﺎﻋﻨﺪﺵ ﻗﻠﺐ ﺑﺎﻩ ﻫﻮ ﻳﻨﺪﺭﻱ ﻋﻠﻴﻨﺎ ﻛﻮﻳﺴﻴﻦ ﻭﻻ ﻻ ﺑﻴﺶ ﻳﻤﻦ ﻋﻠﻴﻬﺎ ﺑﺤﺘﻲ ﻛﻴﻒ ﻣﺴﺘﻐﺮﺑﺘﻨﺎ ﺑﺲ
ﺍﻧﺎ ﻭﺧﺮﺗﻬﺎ ﻭﺑﺤﺘﺖ ﻓﻴﻬﺎ ﻑ ﻋﻴﻮﻧﻬﺎ ﺑﺎﻳﻨﻪ ﺍﻟﻜﺴﺮﻩ ﺍﻟﻌﻴﻞ ﺍﻟﻴﺘﻴﻢ ﻳﺒﺎﻥ ﻣﻦ ﻧﻀﺮﻩ ﻋﻴﻮﻧﻪ .. ﺷﻦ ﺍﺳﻤﻚ ﻳﺎﺳﻤﺤﻪ
ﻋﺰﻭ ﺑﺤﺖ ﻓﻴﻨﺎ .. ﻳﻘﻴﻦ ﺍﺳﻤﻬﺎ
ﻋﻼﺀ ﻳﻤﺪﻟﻬﺎ ﻑ ﺍﻳﺪﻳﻪ .. ﻳﻘﻮﻧﻲ ﺗﻌﺎﻟﻲ ﻳﺎﺧﺎﻟﻮ
ﻳﻘﻴﻦ ﻗﻌﺪﺕ ﺗﺒﻜﻲ ﺑﺎﻟﻌﺒﺮﻩ .. ﻧﺒﻲ ﺑﺎﺍﺍﺍ ﺑﺎﺍﺍﺍ ﻧﺒﻲ ﺑﺎﺍﺍﺑﺎﺍﺍ
ﻋﻼﺀ ﺷﻤﺮﻫﺎ .. ﺍﺷﺶ ﻳﺎﺳﻤﺤﻪ ﺧﻼﺹ
ﻣﺎﻣﺎ ﺗﺒﺤﺖ ﻓﻴﻬﺎ .. ﺳﺒﺤﺎﻥ ﺍﻟﻠﻪ ﺍﻣﻬﺎ
ﻋﺰﻭ .. ﻋﻴﻮﻧﻬﺎ ﻛﻴﻒ ﺑﺎﺗﻬﺎ ﻣﻠﻮﻧﺎﺕ
ﺭﺷﺎ .. ﻧﺤﻦ ﺷﻦ ﺑﻨﻘﻮﻟﻮ ﻟﻨﺎﺱ
ﻋﺰﻭ ﺑﺤﺖ ﻓﻴﻬﺎ .. ﺧﺎﻳﻔﺎﺕ ﻉ ﺍﺭﻭﺍﺣﻜﻦ
ﺭﻳﻬﺎﻡ .. ﺗﺒﻲ ﺍﻟﺤﻖ ﺍﻫﺎ ﻳﺎﻋﺰﻭ
ﻋﺰﻭ ﺑﺤﺖ ﻓﻴﺎ ﻻﻧﻲ ﻛﻨﺖ ﺳﺎﻛﺘﻪ
ﺍﻧﺎ .. ﺍﻳﻬﻢ ﻳﻌﺮﻑ
ﻋﺰﻭ .. ﻛﻴﻒ ﻳﻌﺮﻑ ﻫﺬﻱ ﻣﻦ ﻭﻳﻦ ﻳﻌﺮﻑ
ﺍﻧﺎ ﻗﻌﺪﺕ ﻧﺤﻜﻲ ﻑ ﺍﻟﻘﺼﻪ
ﺭﺷﺎ .. ﻋﻤﻲ ﻳﻌﺮﻑ ﻣﺎﻋﻤﺮﺵ ﺣﺴﺴﻨﻲ ﻭﻻ ﻗﺎﻝ ﻛﻠﻤﻪ ﺍﻧﻪ ﻳﻌﺮﻑ ﺍﻟﻘﺼﻪ ﻣﻌﻘﻮﻟﻪ
ﻋﻼﺀ ﺳﺎﻛﺖ ﻭﻣﺎﺳﻚ ﻳﻘﻴﻦ ﻳﺒﺮﻡ ﺑﻴﻬﺎ
ﻋﺰﻭ ﺳﻜﺖ ﻭﺑﺤﺖ ﻑ ﻋﻼﺀ .. ﺑﺎﻟﻚ ﺟﻴﻌﺎﻧﻪ
ﻣﺎﻣﺎ .. ﻣﺪﻫﺎ ﻳﺎﻋﻼﺀ
ﻣﺪﻫﺎ ﻟﻬﺎ ﻭﻫﻴﺎ ﻗﻌﺪﺕ ﺗﻤﺪ ﻑ ﺍﻳﺪﻳﻬﺎ ﻟﻴﺎ ﺻﺒﻴﺖ ﻣﺴﻜﺘﻬﺎ ﺳﻜﺘﺖ ﻭﺣﺎﻃﻪ ﺭﺍﺳﻬﺎ ﻉ ﺻﺪﺭﻱ ﻭﺍﻧﺎ ﻧﻤﺸﻲ ﻑ ﺍﻳﺪﻱ ﻉ ﺷﻌﺮﻫﺎ
ﻋﺰﻭ ﺻﺒﻰ .. ﺷﻮﻓﻦ ﺷﻨﺎﻃﻲ ﻣﺮﺍﺕ ﻓﻴﻪ ﺣﻠﻴﺐ ﻭﻻ ﺣﺎﺟﻪ ﺍﻧﺎ ﺭﺍﻛﺐ ﺭﺍﺳﻲ ﺑﻴﻄﺮﺑﻖ
ﻭﻋﻼﺀ ﻃﻠﻊ ﻃﻮﻝ ﺭﺷﺎ ﺷﺎﻓﺖ ﺷﻨﺎﻃﻲ ﻭﻃﻠﻌﺖ ﺭﺿﺎﻋﻪ ﻭﺩﺍﺭﺗﻠﻬﺎ ﺭﺿﺎﻋﻪ ﻭﺟﺎﺑﺘﻬﺎ ﻟﻴﺎ
ﺍﻧﺎ .. ﻗﻮﻧﻲ ﺑﺤﺘﻲ ﺭﺿﺎﻋﻪ ﺗﺒﻲ
ﻣﺴﻜﺘﻬﺎ ﻭﻗﻌﺪﺕ ﺗﺮﺿﻊ ﺑﺮﻭﺣﻬﺎ ﻭﺑﺪﺕ ﺗﻐﻤﺾ ﻭﺭﻗﺪﺕ
ﻣﺎﻣﺎ ﻗﻌﺪﺕ ﺳﺎﻛﺘﻪ ﻭﺳﺎﺭﺣﻪ .
ﺭﺷﺎ .. ﻑ ﺷﻨﻮ ﺗﻔﻜﺮﻱ ﻣﺎﻣﺎ
ﻣﺎﻣﺎ .. ﻭﺟﻌﺘﻨﻲ ﺍﻟﺒﻨﺖ ﻭﺍﺟﺪ ﺳﺒﺤﺎﻥ ﺍﻟﻠﻪ ﻳﻌﻨﻲ ﺭﺑﻴﺖ ﺍﻣﻬﺎ ﻑ ﺑﺪﺍﻳﻪ ﻋﻤﺮﻫﺎ ﺷﻜﻠﻲ ﺑﻨﺮﺑﻲ ﺑﻨﺘﻬﺎ ﻟﻴﻦ ﺗﻜﺒﺮ
ﺍﻧﺎ .. ﺍﻥ ﺷﺎﺀ ﺍﻟﻠﻪ ﻃﻠﻌﻴﻬﺎ ﻋﺮﻭﺱ ﻛﻴﻔﻨﺎ
ﻣﺎﻣﺎ ﺗﻨﻬﺪﺕ .. ﺍﻥ ﺷﺎﺀ ﺍﻟﻠﻪ ﺧﻴﺮ ﻳﺎﺑﻨﺎﺕ ﻭﺧﻼﺹ
ﺍﻧﺎ .. ﺗﻮﺍ ﺗﻌﻮﺩ ﻋﻠﻴﻚ ﻭﻉ ﺍﻟﻌﻴﺎﻝ ﺻﻐﻴﺮﻩ ﻣﺰﺍﻟﺖ
ﺭﻳﻬﺎﻡ .. ﺍﻫﺎ ﺣﺎﻁ ﺍﻭﺭﺍﻗﻬﺎ ﺑﻴﻨﻬﺎ ﻭﺑﻴﻦ ﻭﺳﻦ ﺷﻬﺮ ﺑﺲ
ﺍﻧﺎ .. ﺗﺒﺎﻥ ﻣﻦ ﻋﻤﺮﻫﺎ ﺭﺑﻲ ﻳﺸﻮﻑ ﺑﺤﺎﻟﻬﺎ ﻭﺧﻼﺹ
ﺳﻜﺘﻨﺎ ﻭﻛﻞ ﻭﺣﺪﻩ ﻗﻌﺪﺕ ﺗﻔﻜﺮ ﻑ ﺣﺎﺟﻪ ﺑﻴﻨﻬﺎ ﻭﺑﻴﻦ ﺭﻭﺣﻬﺎ "
" ﻋﺰﻭ ﺭﻛﺐ ﻟﺸﻘﻪ .. ﺍﻣﻴﺮﻩ ﻗﻬﻮﺀ ﺑﺎﻟﻠﻪ ﺑﺪﻭﻥ ﺳﻜﺮ ﺍﻩ
ﺍﻣﻴﺮﻩ ﺑﺤﺘﺖ ﻓﻴﻪ .. ﺣﺎﺿﺮ
ﻋﺪﺕ ﺩﺍﺭﺕ ﻗﻬﻮﺀ ﻭﺟﺖ ﻣﺪﺗﻬﺎ ﻟﻪ
ﺍﻣﻴﺮﻩ .. ﺗﻔﻀﻞ
ﻋﺰﻭ ﻣﺴﻜﻪ ﻣﻨﻬﺎ .. ﺷﻜﺮﺍ ﺭﺍﺳﻲ ﻣﺶ ﻗﺎﺩﺭ ﻧﺮﻓﻌﻪ
ﺍﻣﻴﺮﻩ .. ﺳﻼﻣﺘﻚ ﺷﻦ ﻓﻲ ﻳﺎﻋﺰﻭ
ﻋﺰﻭ ﺣﻂ ﻗﻬﻮﺀ ﻉ ﻃﺎﻭﻟﻪ .. ﻧﺤﻜﻴﻠﻚ ﺑﻌﺪ ﻧﺮﻭﻕ
ﺍﻣﻴﺮﻩ .. ﺍﻭﻛﻲ ﺑﺲ ﺑﻨﺖ ﻫﺬﻱ ﻣﻦ
ﻋﺰﻭ ﺑﺤﺖ ﻓﻴﻬﺎ .. ﺑﻨﺖ ﺍﺧﺘﻲ ﺍﺧﺘﻲ ﻣﻦ ﺑﺎﺗﻲ ﺃﻛﺜﺮ ﻣﻦ ﻫﻜﻲ ﻣﻌﺶ ﺗﺴﺎﻟﻲ
ﺍﻣﻴﺮﻩ .. ﺑﺎﻩ ﻫﻴﺎ ﺑﺘﻘﻌﺪ ﻫﻨﺎ
ﻋﺰﻭ ﺑﺤﺖ ﻓﻴﻬﺎ
ﺍﻣﻴﺮﻩ .. ﺍﻭﻛﻲ ﻉ ﺭﺍﺣﺘﻚ ﺗﻤﺎﻡ ﺗﺮﻳﺢ ﺗﻮﺍ
ﻋﺰﻭ ﺗﻨﻬﺪ ﻭﺻﺒﻰ .. ﺧﺎﺵ ﺑﻨﺮﻗﺪ
ﺍﻣﻴﺮﻩ .. ﻧﻮﻡ ﺍﻟﻌﻮﺍﻓﻲ
ﺧﺶ ﻋﺰﻭ ﺭﻗﺪ ﻉ ﺳﺮﻳﺮ ﻭﺣﺎﺱ ﺑﺜﻘﻞ ﻉ ﺻﺪﺭﻩ ﻛﻞ ﻣﺎﻳﻐﻤﺾ ﺗﺠﻲ ﻗﺪﺍﻡ ﻋﻴﻮﻧﻪ ﻳﻘﻴﻦ ﻭﻳﺬﻛﺮ ﻛﻼﻡ ﻋﺎﺩﻝ ﻉ ﺍﻣﻞ ﻛﻴﻒ ﻛﺎﻧﺖ ﻋﺎﻳﺸﻪ "
" ﻧﺤﻦ ﻣﺎﻃﻮﻟﻨﺶ ﻭﺍﻟﻲ ﻫﺬﻱ ﻛﻠﻤﺖ ﺭﺍﺟﻠﻬﺎ ﻭﺭﻭﺣﺖ
ﺍﻧﺲ ﻳﺒﺤﺖ ﻑ ﺭﻳﻬﺎﻡ .. ﻛﻨﻚ ﻳﺎﻫﻮﻣﻲ ﺷﻦ ﻓﻲ
ﺭﻳﻬﺎﻡ .. ﺷﻲ ﻳﺎﺍﻧﺲ
ﺍﻧﺲ .. ﺍﻧﺎ ﻣﺘﺎﻛﺪ ﻓﻲ ﺣﺎﺟﻪ
ﺭﻳﻬﺎﻡ .. ﻑ ﺍﻟﺤﻮﺵ ﻳﺎﺍﻧﺲ
ﺍﻧﺲ .. ﺍﻭﻛﻲ ﺗﻤﺎﻡ
ﻭﺻﻠﻮ ﻟﺤﻮﺵ ﻭﺧﺸﺖ ﺭﻳﻬﺎﻡ ﻏﻴﺮﺕ ﺩﺑﺸﻬﺎ ﻭﻗﻤﻌﺰﺕ ﺗﻼ ﺍﻧﺲ ﻭﻫﻴﺎ ﺗﻌﺼﺮ ﻑ ﺍﻳﺪﻳﻬﺎ ﺑﻘﻮﻩ
ﺍﻧﺲ ﻓﻜﻬﻦ .. ﺍﺣﻜﻲ ﺷﻦ ﻓﻲ
ﺭﻳﻬﺎﻡ .. ﺣﺘﻰ ﻟﻮ ﻛﺎﻥ ﻣﻮﺿﻮﻉ ﻛﺒﻴﺮ
ﺍﻧﺲ .. ﺑﺎﻩ ﺍﺣﻜﻲ ﺗﺨﻮﻓﻲ ﻓﻴﺎ ﺭﺍﻙ
ﺭﻳﻬﺎﻡ .. ﻻﻻ ﻟﻴﻦ ﺗﻮﻋﺪﻧﻲ ﻳﺎﺍﻧﺲ
ﺍﻧﺲ .. ﺑﻴﺶ ﻧﻮﻋﺪﻙ ﺍﺣﻜﻲ ﻳﺎﺭﻳﻬﺎﻡ ﺷﻦ ﺻﺎﻳﺮ ﺷﻦ ﺩﺍﻳﺮﻩ ﺍﻧﺘﻲ
ﺭﻳﻬﺎﻡ ﺩﻣﻮﻋﻬﺎ ﻧﺰﻟﻦ .. ﻭﺍﻟﻠﻪ ﻣﺎﺩﺭﺕ ﺣﺎﺟﻪ ﻭﺍﻟﻠﻪ ﻣﺎﺷﻮﺭﻱ ﻳﺎﺍﻧﺲ ﺑﺲ ﺍﻭﻋﺪﻧﻲ ﺭﺍﻙ ﺗﺴﻴﺒﻨﻲ
ﺍﻧﺲ ﺗﻨﻬﺪ .. ﻭﻋﺪ ﺍﺣﻜﻲ ﻫﻴﺎ ﻧﺸﻔﺘﻲ ﺩﻡ ﻑ ﻋﺮﻭﻗﻲ ﺭﺍﻙ
ﺭﻳﻬﺎﻡ ﺯﻣﻄﺖ ﺭﻳﻘﻬﺎ .. ﻋﻨﺪﻱ ﺍﺧﺖ ﻭﺳﻜﺘﺖ ﺑﺤﺘﺖ ﻓﻴﻪ
ﺍﻧﺲ ﻛﻤﻞ ﻋﻠﻴﻬﺎ .. ﻣﻦ ﺑﺎﺗﻚ ﻭﺍﺳﻤﻬﺎ ﺍﻣﻞ
ﺭﻳﻬﺎﻡ ﻣﺴﺤﺖ ﺩﻣﻮﻋﻬﺎ ﻭﺑﺤﺘﺖ ﻓﻴﻪ .. ﻙ ﻛﻴﻴﻒ ﻋﺮﻓﺖ
ﺍﻧﺲ .. ﻛﻴﻒ ﻋﺮﻓﺖ ﻫﺬﻱ ﻣﺶ ﺷﻮﺭﻙ
ﺭﻳﻬﺎﻡ .. ﻻ ﻛﻴﻒ ﻋﺮﻓﺖ ﺗﻮﺍ ﺗﺤﻜﻲ
ﺍﻧﺲ ﺭﻓﻊ ﺣﺎﺟﺒﻪ .. ﺍﻧﺘﻲ ﺷﻦ ﺧﻄﺮﻟﻚ ﺗﺤﻜﻲ ﺗﻮﺍ
ﺭﻳﻬﺎﻡ .. ﻻﻧﻪ ﻫﻴﺎ ﻣﺎﺗﺖ ﻟﻬﺎ ﻣﻤﻜﻦ ﺳﻨﺘﻴﻦ ﺍﻟﻴﻮﻡ ﺭﺍﺟﻠﻬﺎ ﺟﺎﺏ ﺑﻨﺘﻬﺎ ﻭﻳﻘﻮﻝ ﻣﻌﺶ ﻧﻘﺪﺭ ﻧﺮﺑﻴﻬﺎ
ﺍﻧﺲ .. ﻣﻌﻘﻮﻟﻪ ﺑﻨﺘﻪ
ﺭﻳﻬﺎﻡ .. ﺍﻧﺖ ﻛﻴﻒ ﻋﺮﻓﺖ
ﺍﻧﺲ .. ﺍﺳﺎﻣﻪ
ﺭﻳﻬﺎﻡ ﻗﻠﺒﻬﺎ ﺩﻕ ﺑﻘﻮﻩ .. ﻛﻨﻪ ﻋﻠﻴﺶ ﺗﺤﻜﻲ ﻋﻠﻴﻪ
ﺍﻧﺲ ﺭﺍﻓﻊ ﺣﺎﺟﺒﻪ .. ﻣﺎﻧﻌﺮﻓﺶ ﻣﻦ ﻭﻳﻦ ﻛﺎﻳﻦ ﺳﺎﻣﻊ ﺍﻟﻘﺼﻪ ﻭﺟﺎﺀ ﺣﻜﻬﺎ ﻟﻨﺎ ﻗﺒﻞ ﻻ ﻳﺨﻄﺒﻚ ﻛﺎﻳﻦ ﺣﺎﻳﺮ ﺑﺲ ﻛﻠﻨﺎ ﺷﺸﺠﻌﻨﺎﻩ ﺍﻧﻪ ﻣﺶ ﺷﻮﺭﻙ
ﺭﻳﻬﺎﻡ ﺗﻨﻬﺪﺕ ﻭﺻﺒﺖ .. ﺍﻭﻛﻲ ﺑﺎﻩ ﺍﻧﺎ ﺑﻨﻄﻠﻊ ﺗﻮﺍ ﺑﺮﺍ ﺧﻠﻴﻨﻲ ﻳﺎﺍﻧﺲ
ﺍﻧﺲ ﺳﻜﺖ ﻭﻫﻴﺎ ﻃﻠﻌﺖ ﻗﻌﺪﺕ ﺗﺒﻜﻲ ﻭﺑﻌﺪﻫﺎ ﻫﺪﺕ ﺷﻮﻳﺎ ﻣﺴﻜﺖ ﻣﻮﺑﺎﻳﻞ ﻭﻗﻌﺪﺕ ﺗﻤﺸﻲ ﻓﻴﻪ ﺷﺎﻓﺖ ﺍﺧﺖ ﺍﺳﺎﻣﻪ ﻣﻨﺰﻟﻪ ﺑﻮﺳﺖ ﻉ ﺍﻧﻪ ﻋﻴﺪ ﻣﻴﻼﺩ ﺍﺳﺎﻣﻪ ﺭﻳﻬﺎﻡ ﻗﻌﺪﺕ ﺗﺬﻛﺮ ﻑ ﺃﻋﻴﺎﺩ ﻣﻴﻼﺩﻩ ﻭﺗﺒﻜﻲ ﺑﻘﻮﻩ ﻃﻠﻊ ﺍﻧﺲ ﺑﺤﺖ ﻓﻴﻬﺎ ﻭﻫﻴﺎ ﻛﺎﻧﺖ ﺗﺒﺤﺖ ﻑ ﻣﻮﺑﺎﻳﻞ ﻗﺮﺏ ﺍﻧﺲ ﻣﺴﻜﻪ ﻣﻨﻬﺎ ﻭﻗﻌﺪ ﻳﻘﺮﺃ ﻑ ﺍﻟﺒﻮﺳﺖ ﻭﻳﺒﺤﺖ ﻑ ﺻﻮﺭﻩ ﻭﺑﺤﺖ ﻑ ﺭﻳﻬﺎﻡ ﺑﻌﺼﺒﻴﻪ
ﺍﻧﺲ .. ﻉ ﺳﺒﻪ ﻫﻜﻲ ﺑﺘﻘﺘﻠﻲ ﺭﻭﺣﻚ ﻣﻦ ﺍﻟﺒﻜﺎﺀ ﻭﻭﺍﻭﻭﻭ ﻟﻬﺪﺭﺟﻪ ﺣﺒﻪ ﻳﺒﻲ ﻳﻘﻄﻌﻚ .. ﻋﻠﻲ ﺻﻮﺗﻪ ﺍﻛﺜﺮ .. ﻋﻠﻴﻴﻴﺶ ﺗﺒﻜﻲ ﺗﺮﺍ ﺧﻄﺮ ﻋﻠﻴﻚ ﺍﻟﻤﺎﺿﻲ ﺣﻨﻴﺘﻲ ﺗﻤﻨﻴﺘﻪ ﻋﺎﺍﺍﻳﺶ ﺍﻩ ﻭﻻ ﺷﻨﻮ ﺍﻧﻄﻄﻘﻲ ﺍﺣﻜﻲ
ﺭﻳﻬﺎﻡ ﺗﺒﺤﺖ ﻓﻴﻪ .. ﺷﺎﻙ ﻑ ﺣﺒﻲ ﻟﻜﻲ ﺍﻧﺖ
ﺍﻧﺲ ﻳﻔﻨﺺ ﻓﻴﻬﺎ .. ﺗﻘﻠﺒﻲ ﻑ ﺍﻟﻜﻼﻡ ﻭﻻ ﻛﻴﻒ ﺍﻧﺘﻲ ﺍﻩ ﻓﻬﻤﻴﻨﻲ ﺗﺮﺍ
ﺭﻳﻬﺎﻡ ﻋﻠﺖ ﺻﻮﺗﻬﺎ .. ﻣﺎﻗﻠﻠﺒﺘﺶ ﺷﻲ ﻳﺎﺍﻧﺲ ﺗﺮﺍ ﻣﺎﺗﺤﺮﻗﺶ ﺩﻣﻲ ﺃﻛﺜﺮ ﻭﺍﻧﺎ ﻛﺎﻥ ﺩﻣﻲ ﻣﺤﺮﻭﻕ ﺧﺎﻳﻔﻪ ﻣﻦ ﺭﺩﻙ
ﺍﻧﺲ .. ﻻ ﻭﺍﻟﻠﻪ ﺻﺪﻗﺘﻚ ﻧﻤﺼﺼﺺ ﻑ ﺻﺒﻌﻲ ﺍﻧﺎ ﺗﺤﻘﻲ ﻓﻴﺎ ﻭ ﻭﻃﻲ ﺻﻮﺗﻚ ﻣﺰﺍﻝ ﻧﺤﻜﻲ ﺑﻬﺪﻭﺍﺀ ﺍﻧﺎ ﻳﺎﺭﻳﻬﺎﻡ ﻧﻘﺴﻲ ﺣﺴﻚ
ﺭﻳﻬﺎﻡ ﺳﻜﺘﺖ ﻭﺗﺒﺤﺖ ﻓﻴﻪ
ﺍﻧﺲ .. ﺍﺳﻜﺘﻲ ﺍﻫﺎ ﺑﺎﻫﻲ ﺭﺍﻙ ﺗﺤﻜﻲ ﺭﺩ ﺑﺎﻟﻚ ﺣﻲ ﻋﻠﻴﻚ ﺗﻤﻮﺗﻲ ﺭﺍﻩ
ﺭﻳﻬﺎﻡ ﻋﻴﻄﺖ .. ﺍﻧﺴﺴﺴﺲ ﺧﻼﺍﺹ ﺧﻼﺍﺍﺍﺹ
ﺍﻧﺲ ﺭﻓﻊ ﺍﻳﺪﻩ ﻭﺿﺮﺑﻬﺎ ﻛﻒ
ﺭﻳﻬﺎﻡ ﺣﻄﺖ ﺍﻳﺪﻫﺎ ﻉ ﺧﺪﻫﺎ ﻭﺗﺒﺤﺖ ﻓﻴﻪ ﻭﻣﺠﻤﺪﻩ ﻑ ﻣﻜﺎﻧﻬﺎ
ﺍﻧﺲ ﻧﺼﺪﻡ ﻣﻦ ﺭﻭﺣﻪ ﻭﺑﺤﺖ ﻑ ﺍﻳﺪﻩ ﻭﺑﺤﺖ ﻓﻴﻬﺎ .. ﺭﻳﻬﺎﻡ ﺍﻧﺎ
ﺭﻳﻬﺎﻡ ﺑﺼﻮﺕ ﻭﺍﻃﻲ .. ﺷﻴﻠﻨﻲ ﻟﺨﻮﺗﻲ ﺗﻮﺍ
ﺍﻧﺲ ﻗﺮﺏ ﻣﻨﻬﺎ ﺭﻳﻬﺎﻡ ﻭﺧﺮﺕ ﻭﺑﺼﻮﺕ ﻳﺮﻋﺶ
ﺭﻳﻬﺎﻡ .. ﺍﻧﺲ ﻕﺀﺀﺗﻠﻚ ﺷﻴﻠﻨﻲ
ﺍﻧﺲ ﻣﺴﻚ ﺍﻳﺪﻫﺎ ﺭﻳﻬﺎﻡ ﻗﻌﺪﺕ ﺗﺒﻜﻲ ﺑﻌﺒﺮﺗﻬﺎ ﻭﺟﺴﻤﻬﺎ ﻳﻬﺰ ﻭﻧﻔﺴﻬﺎ ﻣﺶ ﻣﻨﺘﻀﻢ
ﺍﻧﺲ ﻳﺒﺤﺖ ﻓﻴﻬﺎ ﺑﻨﻀﺮﻩ ﻧﺪﻡ .. ﻳﺎﺭﻳﻬﺎﻡ ﺍﻧﺎ ﻣﺶ ﻗﺼﺪﻱ ﺍﺳﻜﺘﻲ ﺑﺲ ﺧﻠﻴﻨﻲ ﻧﻔﻬﻤﻚ ﺍﻧﺎ ﻗﺘﻠﻚ ﻭﻃﻲ ﺻﻮﺗﻚ ﻭﺍﻟﻠﻪ ﺍﻟﻠﻪ ﻣﺶ ﻋﺎﺭﻑ ﻛﻴﻒ ﺻﺎﺭ
ﺭﻳﻬﺎﻡ ﻓﻜﺖ ﺍﻳﺪﻫﺎ ﻭﻗﻌﺪﺕ ﺗﻤﺸﻲ ﻟﺪﺍﺭ ﻭﺍﻧﺲ ﻭﺭﺍﻫﺎ ﻣﺶ ﻋﺎﺭﻑ ﻳﺼﺮﻑ
ﺍﻧﺲ .. ﺭﻳﻬﺎﻡ
ﺭﻳﻬﺎﻡ ﺧﺸﺖ ﻟﺪﺍﺭ ﻭﺻﻜﺮﺗﻬﺎ ﻭﻗﻌﺪﺕ ﺗﺒﻜﻲ ﻭﺍﻧﺲ ﻃﻠﻊ ﻣﻦ ﺍﻟﺸﻘﻪ "
" ﻣﺤﻤﺪ .. ﻛﻨﻚ ﺗﺤﻮﺳﻲ ﻣﻦ ﻧﺒﺪﺭﻱ ﻧﺸﻮﻑ ﻓﻴﻚ
ﺭﺷﺎ .. ﺷﻲ ﻛﻨﻚ
ﻣﺤﻤﺪ ﻣﺴﻚ ﺍﻳﺪﻫﺎ ﻭﻛﺮﻫﺎ ﺗﻼﻩ .. ﻛﻨﻚ ﺍﺣﻜﻲ ﻋﻠﻴﺎ ﺍﻧﺎ
ﺭﺷﺎ .. ﻧﺒﻲ ﻧﻌﻴﺶ ﻟﺤﻈﻪ ﺣﻠﻮﻩ ﻫﺬﺍ ﻣﻌﺎﻙ ﺧﻠﻴﻨﻲ ﻋﺎﻳﺸﺘﻬﺎ ﺧﺎﻳﻔﻪ ﺑﻌﺪ ﻧﺤﻜﻲ ﻳﻜﻮﻥ ﻫﺬﺍ ﺃﺧﺮﻯ ﻳﻮﻡ ﻟﻨﺎ ﻣﻊ ﺑﻌﻀﻨﺎ
ﻣﺤﻤﺪ ﻗﺮﻥ ﺣﻮﺍﺟﺒﻪ .. ﺑﺘﺤﻜﻲ ﻭﻻ ﻻ
ﺭﺷﺎ ﺗﻨﻬﺪﺕ .. ﺧﻠﻲ ﺑﺎﺗﻚ ﻭﻻ ﺍﻳﻬﻢ ﻳﺤﻜﻲ ﺍﻧﺎ ﻣﺎﻧﻘﺪﺭﺵ ﻧﺨﺎﻑ ﻳﺎ ﻣﺤﻤﺪ ﻧﺨﺎﻑ ﻑ ﻧﻬﺎﻳﻪ ﺑﻜﻞ ﺗﺮﺩﻧﻲ ﻟﺤﻮﺵ ﻫﻠﻲ ﻭﻧﻔﺘﺮﻗﻮ ﺑﺠﺪ
ﻣﺤﻤﺪ .. ﺷﻦ ﺗﻘﻮﻟﻲ ﺍﻧﺘﻲ ﻛﻨﻚ ﻣﺎﻓﻴﺶ ﺣﺎﺟﻪ ﺗﻘﺪﺭ ﺗﺨﻠﻴﻨﻲ ﻧﺴﻴﺒﻚ ﺍﺣﻜﻲ ﻭﺭﺃﺱ ﺭﺷﺎ ﻣﺎﻋﺎﺩ ﺗﺰﻳﺪﻱ ﺗﺸﻐﻠﻴﻨﻲ
ﺭﺷﺎ ﻏﻤﻀﺖ ﻋﻴﻮﻧﻬﺎ ﻭﻓﺘﺤﺘﻬﻦ .. ﺯﻣﺎﻥ
ﻣﺤﻤﺪ .. ﺑﺎﻫﻲ ﺷﻦ ﻓﻲ ﺯﻣﺎﻥ ﻛﻤﻠﻲ ﻫﻴﺎ
ﺭﺷﺎ .. ﺑﺎﺑﺎ ﻛﺎﻥ ﻣﺠﻮﺯ ﻉ ﻣﺎﻣﺎ ﺑﺴﺮ
ﻣﺤﻤﺪ .. ﺑﺎﻩ ﻋﺎﺭﻑ ﺍﻳﻬﻢ ﻭﺑﺎﺗﻲ ﺣﻜﻮ ﻋﺎﺭﻓﻬﺎ ﺍﺧﺘﻚ ﻭﺑﻼ ﺑﻼ ﺍﻧﺎ ﻣﺶ ﻫﺎﻣﻨﻲ ﻓﻲ ﺣﺎﺟﻪ ﺃﺧﺮﻯ
ﺭﺷﺎ ﻣﻨﺼﺪﻣﻪ .. ﻻ ﺑﺲ ﻋﻨﺪﻫﺎ ﺑﻨﺖ ﺟﺎﺑﻬﺎ ﺑﺎﺗﻬﺎ ﻋﻨﺪﻧﺎ
ﻣﺤﻤﺪ .. ﻋﻠﻲ ﻫﻜﻲ ﺩﺭﺍﻣﺎ ﻫﺬﻱ ﻛﻠﻬﺎ ﻭﺑﻌﺪﻳﻦ ﺣﺘﻰ ﻛﺎﻥ ﻣﺶ ﻋﺎﺭﻑ ﺑﻨﺴﻴﺒﻚ ﻋﻠﻴﺶ ﺍﻥ ﺷﺎﺀ ﺍﻟﻠﻪ ﺍﻧﺘﻲ ﺩﺧﻠﻚ ﻣﺎﺩﺧﻠﻜﺶ ﻣﺎﻟﻪ ﺻﻜﺮﻱ ﻓﻤﻚ ﺑﺎﻫﻲ
ﺭﺷﺎ ﺗﻨﻬﺪﺕ ﻭﺣﻀﻨﺎﺗﻪ
ﻣﺤﻤﺪ ﺿﺤﻚ .. ﺧﻼﺹ ﻋﻠﻴﺶ ﺟﻮ ﻫﺬﺍ ﻛﻠﻪ
ﺭﺷﺎ .. ﺷﻲ ﻧﺤﺒﻚ ﺭﺑﻲ ﻳﺨﻠﻴﻚ ﻟﻴﺎ
ﻣﺤﻤﺪ ﻳﺤﺮﻙ ﻑ ﺍﻳﺪﻩ ﻉ ﺿﻬﺮﻫﺎ .. ﻭﻳﺨﻠﻴﻚ ﻳﺎﺭﺏ ﻣﻌﺶ ﺗﺨﺎﻓﻲ ﻓﺎﻫﻤﻪ ﻻﻧﻪ ﻣﺤﻤﺪ ﻳﺤﺒﻚ ﺗﻤﺎﻡ
ﺭﺷﺎ .. ﺑﺲ ﻫﻠﻚ ﻭﻫﻞ ﺍﻳﻬﻢ
ﻣﺤﻤﺪ .. ﺑﺎﺗﻲ ﻗﺎﻋﺪ ﻳﺤﻜﻲ ﻣﺎﺗﺨﺎﻓﻴﺶ ﻳﺎﺭﺷﺎ ﻣﺤﻤﺪ ﻣﻌﺎﻙ
ﺭﺷﺎ ﺗﻨﻬﺪﺕ .. ﻭﺍﻧﺎ ﻟﻴﺶ ﻣﺘﺮﻳﺤﻪ ﻳﻌﻨﻲ
ﻣﺤﻤﺪ ﺑﺎﺱ ﻛﺘﻔﻬﺎ .. ﻧﺤﺒﻚ
ﺭﺷﺎ ﻣﺴﻜﺖ ﻑ ﺭﻗﺒﺘﻪ .. ﻫﻴﺎ ﻋﻴﺸﻨﻲ ﺟﻮ ﺍﻷﺗﺮﺍﻙ ﻭﺷﻤﺮﻧﻲ
ﻣﺤﻤﺪ ﺿﺤﻚ ﻭﺷﻤﺮﻫﺎ .. ﻫﺒﻠﻪ
ﺭﺷﺎ .. ﺍﻣﻤﻢ ﻭﺗﺤﺒﻨﻲ ﺻﺎﺡ
ﻣﺤﻤﺪ ﺍﺑﺘﺴﻢ .. ﺍﻫﻤﻢ ﻧﺤﺒﻚ
ﺭﺷﺎ .. ﻧﺠﻚ ﻟﻴﺎ ﻭﺧﻼﺹ
ﺧﺶ ﺑﻴﻬﺎ ﻟﺪﺍﺭ ﻭﺧﻼﺹ ﻣﻌﺶ ﻧﻌﺮﻓﻮ ﺷﻦ ﺻﺎﺭ ﺻﻜﺮﻭ ﺑﺎﺏ ﻉ ﻭﺟﻲ
"
" ﺣﻜﻴﺖ ﻟﻲ ﺍﻳﻬﻢ ﺍﻟﻲ ﺻﺎﺭ ﻭﻛﺎﻥ ﺭﺩﻩ
ﺍﻳﻬﻢ .. ﺗﻮﺍ ﻫﻮ ﻭﻳﻦ ﻗﻠﺒﻪ ﻳﺴﻠﻢ ﺑﻨﺘﻪ ﺑﺲ ﺍﻧﺎ ﻣﺎﻧﺘﺨﻴﺎﻟﺶ ﺣﻴﺎﺗﻲ ﺑﺪﻭﻥ ﺍﻋﻴﺎﻟﻲ ﺑﺎﻩ ﻫﻮ ﺳﻠﻢ ﻫﻜﻲ ﺷﻦ ﻋﺮﻓﻪ ﺍﻧﻪ ﻛﻮﻳﺴﻴﻦ ﻭﻻ ﻻ
ﺍﻧﺎ ﺟﻴﺖ ﺗﻼﻩ .. ﻣﺶ ﻋﺎﺭﻓﻪ ﻭﺍﻟﻠﻪ ﺍﻟﺒﻨﺖ ﺿﺤﻴﻪ ﻑ ﻣﻮﺿﻮﻉ ﺑﺠﺪ ﻧﻀﺮﺗﻬﺎ ﻳﺎﺍﻳﻬﻢ ﻛﺴﺮﺕ ﻓﻴﺎ ﺍﻟﻒ ﺣﺎﺟﻪ ﻣﻦ ﺟﻮﺍ ﻧﻀﺮﻩ ﺍﻟﻴﺘﻴﻢ ﻭﺍﻋﺮﻩ ﻭﻗﻌﺪﺕ ﻣﻜﺒﺸﻪ ﻓﻴﺎ ﻭﺍﺟﺪ ﺳﻴﺒﺘﻬﺎ ﺭﺍﻗﺪﻩ
ﺍﻳﻬﻢ .. ﺻﺎﺡ ﻫﻴﺎ ﺿﺤﻴﻪ ﺑﺲ ﻛﻴﻒ ﻳﺴﻠﻢ ﻓﻴﻬﺎ ﻳﺎﻫﻮ ﻫﺬﻱ ﻣﺘﻜﻮﻧﻪ ﻣﻦ ﺻﻠﺒﻪ
ﺍﻧﺎ ﻫﺰﻳﺖ ﻛﺘﻮﻓﻲ .. ﻣﺰﺍﻟﺖ ﺻﻐﻴﺮﻩ ﺗﻮﺍ ﺗﻌﻠﻖ ﺏ ﻣﺎﻣﺎ ﻭﺧﻮﺗﻲ
ﺍﻳﻬﻢ .. ﺍﻛﻴﺪﻩ ﺻﺎﺡ ﺭﺑﻲ ﻳﺸﻮﻑ ﺑﺤﺎﻟﻬﺎ
ﺍﻧﺎ .. ﺍﻥ ﺷﺎﺀ ﺍﻟﻠﻪ ﻧﻌﺴﺖ ﺑﻜﻞ ﺑﻨﺮﻗﺪ
ﺍﻳﻬﻢ .. ﺗﻌﺎﻟﻲ ﻫﻴﺎ
ﻗﺮﺑﺖ ﻣﻨﻪ ﻭ ﺭﻗﺪﺕ ﻉ ﺍﻳﺪﻩ "
" ﻭﺭﻗﺪﻧﺎ ﻫﺬﻛﻪ ﻟﻴﻠﻪ ﻛﻞ ﺣﺪ ﻳﻔﻜﺮ ﻑ ﺣﺎﺟﻪ ﻑ ﺑﺎﻟﻪ
ﺍﻟﻴﻮﻡ ﺛﺎﻧﻲ ﻧﺎﺿﺖ ﺭﻳﻬﺎﻡ ﻟﻤﺖ ﺩﺑﺸﻬﺎ ﻭﺭﻧﺖ ﻉ ﻋﺰﻭ
ﻋﺰﻭ .. ﺻﺒﺎﺡ ﺍﻟﺨﻴﺮ
ﺭﻳﻬﺎﻡ ﺑﺼﻮﺕ ﻭﺍﻃﻲ .. ﺻﺒﺎﺡ ﺍﻟﻨﻮﺭ
ﻋﺰﻭ .. ﺧﻴﺮ ﺍﻥ ﺷﺎﺀ ﺍﻟﻠﻪ ﻓﻲ ﺣﺎﺟﻪ
ﺭﻳﻬﺎﻡ .. ﻋﺰﻭ ﺗﻌﺎﻝ ﺧﻮﺫﻧﻲ
ﻋﺰﻭ .. ﻛﻨﻚ ﻳﺎﺭﻳﻬﺎﻡ
ﺭﻳﻬﺎﻡ ﺧﻨﻘﺘﻬﺎ ﺍﻟﻌﺒﺮﻩ .. ﻋﺰﻭ ﺗﻌﺎﻝ ﻣﺎﺗﺴﺎﻟﺶ
ﻗﻌﺪﺕ ﻣﻘﻤﻌﺰﻩ ﻉ ﺩﺍﺭ ﺗﺮﺍﺟﻲ ﻭﻋﺰﻭ ﻧﺰﻝ ﻟﻮﻃﻪ ﻻﻗﻰ ﻳﻘﻴﻦ ﺗﻠﻌﺐ ﻓﻢ ﻣﺪﺧﻞ ﺑﺤﺖ ﻓﻴﻬﺎ ﻣﻌﺶ ﻋﺮﻑ ﻳﻘﻮﻝ ﺍﻧﻬﺎ ﺿﺤﻴﻪ ﻭﻻ ﻳﺤﻂ ﻟﻮﻡ ﻋﻠﻴﻬﺎ ﻻﻧﻪ ﺣﺲ ﺣﻴﺎﺓ ﺧﻮﺍﺗﻪ ﺑﺘﺨﺮﺏ ﻃﻠﻊ ﻣﻦ ﺣﻮﺵ ﻋﺪﺍ ﺍﻟﺤﻮﺵ ﺍﻧﺲ ﺩﻕ ﻉ ﺑﺎﺏ ﻭﻛﺎﻥ ﺍﻧﺲ ﺑﻴﻄﻠﻊ
ﺍﻧﺲ .. ﺻﺒﺎﺡ ﺍﻟﺨﻴﺮ ﺗﻔﻀﻞ
ﻋﺰﻭ .. ﺻﺒﺎﺡ ﺍﻟﻨﻮﺭ ﻭﻳﻦ ﺭﻳﻬﺎﻡ
ﺍﻧﺲ ﻧﻔﺠﻊ .. ﻛﻼﻣﺎﺗﻚ ﻭﻻ ﺷﻨﻮ
ﻋﺰﻭ .. ﺍﻫﺎ ﻛﻠﻤﻬﺎ
ﺍﻧﺲ .. ﺷﻦ ﻗﺎﻟﺖ
ﻋﺰﻭ .. ﺷﻲ ﻓﻬﻤﺖ ﺑﺮﻭﺣﻲ ﺧﻼﺹ ﻳﺎﺍﻧﺲ ﻛﻠﻤﻬﺎ ﻉ ﺭﺍﺣﺘﻚ ﻛﺎﻥ ﺗﺒﻲ ﻃﻠﻖ ﻭﻻ ﺣﺎﺟﻪ ﺍﺧﺘﻲ ﻣﺶ ﻋﺎﺯﻗﻬﺎ ﻫﻴﺎ ﻛﻠﻤﻬﺎ ﻟﻴﺎ
ﺍﻧﺲ .. ﻏﻴﺮ ﻭﺳﻊ ﺑﺎﻟﻚ ﺑﺲ ﺧﻼﻓﻨﺎ ﻣﺶ ﺷﻮﺭ ﺍﻟﻘﺼﻪ ﺑﻜﻞ ﻭﺍﻟﻠﻪ ﻭﻧﻌﺘﺮﻑ ﺍﻧﻲ ﻏﻠﻄﺎﻥ ﻓﻴﻬﺎ ﺑﺲ ﺧﻠﻴﻬﺎ ﺑﺎﻟﻚ ﻧﺘﻔﺎﻫﻢ ﻣﻌﺎﻫﺎ
ﻧﺰﻟﺖ ﺭﻳﻬﺎﻡ ﻭﻫﻴﺎ ﺗﻜﺮ ﻑ ﺷﻨﻄﻪ ﺍﻣﺘﺎﻉ ﻋﺠﻞ ﺍﻟﻜﺒﻴﺮﻩ
ﺍﻧﺲ ﺟﺎﺀ ﺷﻮﺭﻫﺎ .. ﺭﻳﻬﺎﻡ ﻭﺳﻌﻲ ﺑﺎﻟﻚ ﺑﺲ ﻣﺎﺗﻜﺒﺮﻳﻬﺶ ﻋﺎﺩ
ﺭﻳﻬﺎﻡ .. ﻫﻴﺎ ﻛﺎﺑﺮﻩ ﺑﺮﻭﺣﻬﺎ ﻳﺎﺍﻧﺲ ﺧﻠﻴﻨﻲ ﻧﻤﺸﻲ ﻟﻬﻠﻲ ﻭﺑﻌﺪ ﺗﺄﻛﺪ ﺍﻧﻪ ﺭﻳﻬﺎﻡ ﺗﺤﺒﻚ ﻭﻗﺘﻬﺎ ﻧﺤﻜﻮﺍ
ﺟﺎﺀ ﻋﺰﻭ ﺧﺬﺍ ﻣﻨﻬﺎ ﺷﻨﻄﻪ ﻭﺭﻛﺒﺖ ﻣﻌﺎﻩ ﻭﻋﺪﺕ ﻟﺤﻮﺵ ﻫﻠﻲ
" ﻣﺮﻥ ﻳﻮﻣﻴﻦ ﻭﺑﺎﺕ ﻣﺤﻤﺪ ﺻﺎﻟﺢ ﺣﻜﻰ ﺍﻟﻘﺼﻪ ﻋﻴﻠﻪ ﻭﺍﻣﺠﺪ ﻛﺎﻥ ﻣﻌﺎﻩ ﺑﺲ ﻣﺎﺟﺒﻮﺵ ﺳﻴﺮﻩ ﺍﻧﻬﺎ ﻧﻔﺴﻬﺎ ﺍﻣﻞ ﺍﻟﻲ ﻛﺎﻥ ﻳﺤﺒﻬﺎ ﺍﻣﺠﺪ ﻭﺭﻳﻬﺎﻡ ﻗﺎﻋﺪﻩ ﻑ ﺣﻮﺵ ﻫﻠﻲ ﻗﺎﻓﻠﻪ ﻣﻮﺑﺎﻳﻠﻬﺎ ﻭﻣﺶ ﺭﺍﺿﻴﻪ ﺗﺤﻜﻲ ﻟﺤﺪ ﻉ ﺳﺒﺐ ﺍﻟﻌﺮﻛﻪ ﻛﻨﺖ ﻑ ﻳﻮﻡ ﻋﻨﺪ ﻫﻠﻲ ﻭﻳﻘﻴﻦ ﻣﺴﻜﺖ ﻓﻴﺎ ﺭﻭﺣﺖ ﺑﻴﻬﺎ ﻭﺧﺸﻴﺖ ﺳﻠﻤﺖ ﻟﻮﻃﻪ
ﺳﻠﻴﻤﻪ ﺗﺒﺤﺖ ﻑ ﻳﻘﻴﻦ .. ﻛﻴﻒ ﺑﺎﻫﺎ ﻳﺨﻴﻠﻬﺎ
ﺍﻳﻬﻢ ﻓﻨﺺ ﻑ ﺍﻣﻪ .. ﺿﺮﻭﻓﻪ ﻭﻫﻮ ﺧﻼﻫﺎ ﻋﻨﺪ ﺧﻮﺍﻟﻬﺎ
ﺗﺴﻨﻴﻢ .. ﻋﺴﻮﻟﻪ
ﻳﻘﻴﻦ ﻣﺎﺳﻜﻪ ﻓﻴﺎ ﻗﺮﺑﺖ ﺗﺴﻨﻴﻢ ﺗﺒﻲ ﺗﻤﺴﻜﻬﺎ
ﻳﻘﻴﻦ .. ﻣﺎﻣﺎ
ﺍﻧﺎ ﺍﺳﺘﻜﻴﺖ ﻭﺑﺤﺘﺖ ﻓﻴﻬﺎ ﻭﺍﻳﻬﻢ ﺑﺤﺖ ﻓﻴﺎ
ﺳﻠﻴﻤﻪ .. ﻛﻨﻬﺎ ﺗﻘﻮﻟﻚ ﻣﺎﻣﺎ
ﺍﻧﺎ .. ﺗﺴﻤﻊ ﻑ ﻭﺳﻦ
ﺳﻠﻴﻤﻪ .. ﺍﻣﻤﻢ ﺑﺎﻫﻲ ﻳﺎﺣﻨﻪ
ﺍﻳﻬﻢ ﺻﺒﻰ .. ﻫﻴﺎ ﻣﻴﺲ
ﺭﻛﺒﻨﺎ ﻓﻮﻕ ﻭﺳﻦ ﺗﻨﻖ
ﻭﺳﻦ .. ﻣﺎﻣﺎ ﺍﻣﺒﻲ ﻧﻘﻨﻘﺎ
ﻳﻘﻴﻦ ﺗﺒﺤﺖ ﻓﻴﺎ .. ﻧﺒﻲ
ﺍﻧﺎ .. ﺑﺎﻩ ﻫﻴﺎ ﻗﻤﻌﺰﻥ ﻉ ﺍﻝ Tv ﺗﻮﺍ ﻧﺠﻲ
ﺧﺸﻴﺖ ﻟﺪﺍﺭ ﻧﻐﻴﺮ ﻭﺍﻳﻬﻢ ﻉ ﺳﺮﻳﺮ ﻳﺒﺤﺖ ﻓﻴﺎ
ﺍﻧﺎ .. ﻛﻨﻚ
ﺍﻳﻬﻢ .. ﻣﺶ ﻋﺎﺭﻓﻪ ﻛﻴﻒ ﻳﺴﻠﻢ ﻓﻴﻬﺎ ﺑﺼﺮﺍﺣﻪ ﺍﻧﺎ ﺣﺴﺲ ﺍﻧﻪ ﻓﻲ ﺣﺎﺟﻪ
ﺍﻧﺎ ﺑﺤﺘﺖ ﻓﻴﻪ .. ﻛﻴﻒ ﺷﻨﻮ ﻗﺼﺪﻙ ﻣﺶ ﺑﻨﺘﻪ ﻫﻜﻲ ﺗﻘﺼﺪ ﻳﻌﻨﻲ ﺍﻧﺖ ﺧﻔﺖ ﻉ ﺳﺒﻪ ﺧﺸﺸﺘﻬﺎ ﻟﺸﻘﻪ ﺻﺎﺡ ﻣﻌﺎﻙ ﺣﻖ ﺗﻮﺍ ﺑﻜﺮﺍ ﻳﺠﻲ ﻋﻼﺀ ﻳﺎﺧﺬﻫﺎ
ﺍﻳﻬﻢ ﻗﺮﻥ ﺣﻮﺍﺟﺒﻪ .. ﻣﺎﻗﻠﺘﺶ ﻫﻜﻲ ﺍﻧﺎ ﻛﻨﻚ
ﺍﻧﺎ ﺑﺮﻣﺖ ﻉ ﺩﻭﻻﺏ .. ﻫﻜﻲ ﻣﻌﻨﻰ ﻛﻼﻣﻚ ﻳﺎﺍﻳﻬﻢ
ﺍﻳﻬﻢ ﺻﺒﻰ .. ﻻ ﻣﺶ ﻫﻜﻲ ﻭﻋﻠﻴﺶ ﺗﻔﺴﺮﻱ ﻣﻦ ﺭﺍﺳﻚ
ﺍﻧﺎ .. ﻣﺎﻓﺴﺮﺕ ﺷﻲ ﺍﻧﺎ ﻭﺑﻌﺪﻳﻦ ﺣﺘﻰ ﺍﻣﻚ ﻧﻔﺲ ﺟﻮ
ﺍﻳﻬﻢ .. ﺑﺪﻳﻨﺎ ﻑ ﺟﻮ ﺍﻣﻚ ﻧﺤﻦ ﻋﻠﻴﺶ ﺩﺍﻳﺮﻩ ﻧﻜﺪ ﺗﻮﺍ
ﺍﻧﺎ ﺟﻴﺖ ﺑﻨﺤﻜﻲ ﺩﻕ ﺍﻟﺒﺎﺏ ﻭﺧﺸﺖ ﻭﺳﻦ ﻭﻳﻘﻴﻦ
ﻳﻘﻴﻦ .. ﻣﺎﻣﺎ
ﺍﻧﺎ .. ﻧﻌﻢ ﻳﺎﻣﺎﻣﺎ
ﻳﻘﻴﻦ .. ﻧﺒﻲ ﺣﻴﺐ
ﺍﻧﺎ ﺍﺑﺘﺴﻤﺖ .. ﺣﺎﺿﺮ
ﻭﺳﻦ .. ﻧﻘﻨﻘﺎ ﻣﺎﻣﺎ
ﺍﻧﺎ .. ﺑﺎﻩ ﺣﺒﻴﺒﺘﻲ ﻋﺪﻥ ﺗﻮﺍ
ﻃﻠﻌﻦ ﻭﺑﺮﻣﺖ ﺑﺤﺘﺖ ﻑ ﺍﻳﻬﻢ
ﺍﻧﺎ .. ﺷﻔﺖ ﻧﻀﺮﺗﻚ
ﺍﻳﻬﻢ .. ﻣﺎﺩﻭﻳﺘﺶ ﺣﺎﺟﻪ ﻛﻨﻚ ﺗﺤﺴﺴﻲ ﺍﻧﺘﻲ
ﺍﻧﺎ ﻗﻤﻌﺰﺕ ﻭﻗﻌﺪﺕ ﺳﺎﻛﺘﻪ ﻻﻧﻲ ﻛﻨﺖ ﻣﻀﺎﻳﻘﻪ ﻓﻌﻼً ﻉ ﻳﻘﻴﻦ ﻣﻊ ﺭﻳﻬﺎﻡ ﺍﻟﻲ ﺣﺮﺟﺎﻧﻪ
ﺍﻳﻬﻢ ﻗﻤﻌﺰ ﺗﻼﻳﺎ .. ﻣﻌﺶ ﺗﺤﺴﺴﻲ ﺗﻢ
ﻭﺻﺒﻰ ﻃﻠﻊ ﻭﺍﻧﺎ ﻣﺸﻴﺖ ﺩﺭﺕ ﺣﻠﻴﺐ ﻟﺒﻨﺎﺕ ﻭﺭﻗﺪﻥ ﺭﻗﺪﺗﻬﻦ ﻣﻊ ﺑﻌﻀﻬﻦ ﻭﺧﺸﻴﺖ ﺳﺮﻳﺮ ﺷﻮﻳﺎ ﻭﺧﺶ ﺍﻳﻬﻢ ﻣﻌﺎﻳﺎ ﻭﺍﻧﺎ ﻛﻨﺖ ﻋﺎﻃﻴﻪ ﺑﻀﻬﺮ
ﺍﻳﻬﻢ .. ﻣﻴﺲ
ﺍﻧﺎ ﺑﺮﻣﺖ ﻋﻠﻴﻪ
ﺍﻳﻬﻢ .. ﻗﺮﺑﻲ ﻛﻨﻚ
ﺍﻧﺎ .. ﺷﻲ ﺧﻠﻴﻨﻲ ﻫﻜﻲ
ﺍﻳﻬﻢ .. ﺯﻋﻠﺘﻲ ﺑﺪﻭﻥ ﻣﺎ ﺗﺤﻜﻲ
ﺍﻧﺎ .. ﻣﺶ ﺯﻋﻼﻧﻪ ﺍﻧﺎ ﺍﻟﻲ ﺯﻋﻠﺘﻚ ﺑﺲ ﺍﻧﺎ ﻣﻀﺎﻳﻘﻪ ﺗﻤﺎﻡ
ﺍﻳﻬﻢ ﺗﻨﻬﺪ .. ﺍﻭﻛﻲ ﺑﺲ ﺍﻳﻬﻢ ﺩﻳﻤﺎ ﻣﻌﺎﻙ ﺍﻭﻛﻲ
ﺍﻧﺎ ﻫﺰﻳﺖ ﺭﺍﺳﻲ ﻭﺭﺩﻳﺖ ﺑﺮﻣﺖ ﻭﺍﻳﻬﻢ ﺧﻼﻧﻲ ﻉ ﺭﺍﺣﺘﻲ ﻣﺎﺿﻐﻄﺶ ﻋﻠﻴﺎ "
" ﻋﻼﺀ .. ﻫﻠﻚ ﺷﻦ ﻗﺎﻟﻮ
ﺑﺸﺮﻯ .. ﻭﺍﻟﻠﻪ ﻣﺎ ﻗﺎﻟﻮ ﺣﺎﺟﻪ ﻋﺎﺩﻱ ﻳﺎﻋﻼﺀ ﻟﻴﺶ ﻛﻠﻜﻢ ﻣﺘﺤﺴﺴﻴﻦ ﻛﻴﻒ ﺍﻧﺖ ﻛﻴﻒ ﺭﺷﺎ ﻛﻴﻒ ﻣﻴﺲ
ﻋﻼﺀ .. ﻋﺎﺩﻱ
ﺑﺸﺮﻯ .. ﺑﺲ ﺗﻬﺒﻞ ﺍﻟﺒﻨﻮﺗﻪ ﻳﺎﻋﻼﺀ ﺣﺒﻴﺘﻬﺎ
ﻋﻼﺀ ﺍﺑﺘﺴﻢ .. ﺍﻫﺎ ﻣﺸﺎﺀ ﺍﻟﻠﻪ ﻋﻠﻴﻬﺎ ﺃﻥ ﺷﺎﺀ ﺍﻟﻠﻪ ﺣﺘﺮﺑﻰ ﺑﻴﻨﺎ ﻫﻨﺎ ﻣﺎﻓﻴﺶ ﺣﺪ ﻳﺠﻲ ﺷﻮﺭﻫﺎ
ﺑﺸﺮﻯ .. ﻧﺠﻚ ﻟﻴﺎ ﻭﺧﻼﺹ
ﻋﻼﺀ .. ﺍﻧﺘﻲ ﺍﻟﻲ ﻧﺠﻚ ﻟﻴﺎ ﺗﻌﺎﻟﻲ ﻫﻨﺎ
ﻛﺮﻫﺎ ﻣﻦ ﺍﻳﺪﻫﺎ
ﺑﺸﺮﻯ ﺗﻀﺤﻚ .. ﻋﻼﺍﺍﻭﻭﻭﻱ
ﻋﻼﺀ ﺿﺤﻚ ﻭﻃﻴﺤﻬﺎ ﻣﻌﺎﻩ
ﺑﺸﺮﻯ .. ﻫﻴﻴﻲ ﻋﻼﺀ ﺩﻡ ﺷﻨﻮ ﻫﺬﺍ
ﻋﻼﺀ ﺑﺤﺖ ﻓﻴﻪ ﻭﺭﺩ ﺑﺤﺖ ﻓﻴﻬﺎ .. ﻋﻠﻴﺶ ﺷﻨﻮ ﻫﺬﺍ
ﺑﺸﺮﻯ .. ﺑﻄﻨﻲ ﻳﺎﻋﻼﺀ
ﻋﻼﺀ ﻗﺮﺏ ﻣﻨﻬﺎ ﻭﻫﻴﺎ ﺩﺍﺧﺖ ..
" ﻳﺘﺒﻊ "..
ﺭﺍﻳﻜﻦ ﻑ ﺍﻟﺤﻠﻘﻪ ﻭﺃﺣﺪﺍﺛﻬﺎ ﻛﻴﻒ ﺣﺴﻴﺘﻦ ﺣﺘﻜﻮﻥ ﻧﻬﺎﻳﻪ ﻭﺷﻦ ﻧﻬﺎﻳﻪ ﺍﺣﺪﺍﺙ ﻫﻴﺎ ﺗﻔﺎﻋﻠﻦ ﻣﺰﺍﻝ ﺣﻠﻘﺘﻴﻦ
Anosha Alriany
