#ﻋﻜﺲ_ﺗﻴﺎﺭ
ﺣﻠﻘﻪ 14
" ﻣﻨﺎﺭ .. ﺭﺣﺎﺏ ﻛﻨﻚ
ﻗﺮﺑﺖ ﻣﻨﻬﺎ ﻭﺭﺣﺎﺏ ﺻﺒﺖ
ﺭﺣﺎﺏ ﺑﺼﻮﺕ ﻫﺎﺩﻱ .. ﻣﺎﻛﻨﻲ ﺷﻲ
ﻣﻨﺎﺭ .. ﻛﻨﻚ ﺗﺒﻜﻲ ﺷﻦ ﺻﺎﻳﺮ
ﺭﺣﺎﺏ .. ﺗﻲ ﻗﺘﻠﻚ ﻣﺎﻓﻲ ﺷﻲ ﺍﻧﺎ
ﺭﻛﺒﺖ ﺗﺠﺮﻱ ﻟﺴﻄﺎﺡ ﻭﻗﻤﻌﺰﺕ ﻉ ﻛﺮﺳﻲ ﻭﻗﻌﺪﺕ ﺗﺒﻜﻲ ﻭﺷﻬﻘﺎﺗﻬﺎ ﻛﻞ ﻣﺎﻟﻬﺎ ﻳﺰﻳﺪﻥ
ﻣﺎﻣﺎ .. ﺷﻮﻓﻬﺎ ﻳﺎﻋﺰﻭ ﻭﺍﻧﺖ ﻧﺎﺯﻝ ﻣﻌﺶ ﺟﺖ ﺍﻟﺒﻨﺖ
ﻋﺰﻭ .. ﻣﺎﻋﻨﺪﻫﺎ ﻭﻳﻦ ﺗﻌﺪﻱ ﻳﺎﺍﻣﻲ ﺍﻛﻴﺪﻩ ﺗﻬﺪﺭﺯ ﻣﻊ ﺑﻨﺎﺕ
ﻣﺎﻣﺎ .. ﺑﺎﻩ ﺳﻠﻢ ﻭﻟﻴﺪﻱ ﺷﻮﻓﻬﺎ ﻭﺧﻠﻴﻬﺎ ﺗﺮﻛﺐ
ﻋﺰﻭ ﻃﻠﻊ ﻳﻠﺒﺲ ﻑ ﻛﻨﺪﺭﺗﻪ ﻭﻃﻠﻊ ﻭﺻﻜﺮ ﺑﺎﺏ ﻭﺭﺍﻩ
ﺷﺎﻑ ﺿﻲ ﺳﻄﺎﺡ ﻭﺻﻮﺕ ﺭﺣﺎﺏ ﻛﺎﻥ ﻋﺎﻟﻲ ﺭﻛﺐ ﻳﺠﺮﻱ
ﻋﺰﻭ ﻣﻨﻔﺠﻊ .. ﻛﻨﻚ ﻳﺎﺭﺣﺎﺏ ﻛﻨﻚ ﺗﺒﻜﻲ
ﺭﺣﺎﺏ ﺑﺮﻣﺖ ﻋﻠﻴﻪ ﻭﺣﻄﺖ ﺍﻳﺪﻳﻬﺎ ﻉ ﻭﺟﻬﺎ
ﻋﺰﻭ ﺟﺎﺀ ﻗﺪﺍﻣﻬﺎ ﻭﻳﻜﺮ ﻑ ﺍﻳﺪﻳﻬﺎ .. ﺗﻲ ﻛﻨﻚ ﺷﻦ ﻓﻲ ﻣﺎﺗﺨﻮﻓﻴﻨﻴﺶ ﺷﻦ ﻓﻲ
ﺭﺣﺎﺏ ﻣﺴﺘﻤﺮﻩ ﻑ ﺑﻜﺎﺀ ﻭﻣﺎﺗﺮﺩﺗﺶ
ﻋﺰﻭ ﻓﻜﻠﻬﺎ ﺍﻳﺪﻳﻬﺎ ﻭﻣﺎﺳﻜﻬﻦ ﻭﻳﺒﺤﺖ ﻓﻴﻬﺎ .. ﻛﻨﻚ ﺷﻦ ﻓﻲ ﻑ ﺣﺪ ﺩﺍﺭﻟﻚ ﺣﺎﺟﻪ ﺍﺣﻜﻲ ﺍﺯﻑ ﻣﺎﺗﺨﻮﻓﻴﻨﻴﺶ
ﺭﺣﺎﺏ .. ﻣﻤﻊﺀﺀﺀﺵ ﺑﻨﻨﻘﻊﺀﺀﺩ ﻫﻨﺎﺍﺍ
ﻋﺰﻭ .. ﻣﻦ ﺩﺍﻭﻳﻠﻚ ﺷﻦ ﻓﻲ
ﺭﺣﺎﺏ ﺭﺩﺕ ﺗﺒﻜﻲ
ﻋﺰﻭ ﺗﻨﻬﺪ ﻭﻛﺮﻫﺎ ﻉ ﺻﺪﺭﻩ .. ﻭﺣﻴﺎﺗﻚ ﻋﻨﺪﻱ ﻳﺎﺭﺣﺎﺏ ﺍﻟﻲ ﺗﺒﻴﻬﺎ ﺗﺼﻴﺮ ﺍﺻﺒﺮﻱ ﻋﻠﻴﺎ ﻗﺒﻞ ﺷﻬﺮ ﻫﺬﺍ ﺗﻮﺍ ﻧﺴﻴﺒﻮﻫﺎ ﻟﻬﻢ
ﺭﺣﺎﺏ .. ﺍﺍﻩ ﻳﺎﺑﺎﺑﺎ ﻭﻳﻨﻚ
ﻋﺰﻭ ﺭﻓﻊ ﻋﻴﻮﻧﻪ ﻓﻮﻕ ﻣﺎﻳﺒﻴﺶ ﺩﻣﻮﻋﻪ ﻳﻨﺰﻟﻦ .. ﺍﻧﺎ ﺑﺎﺗﻚ ﻭﺧﻮﻙ ﻭﻛﻞ ﺣﺎﺟﻪ ﺍﻧﺘﻲ ﺗﺒﻴﻬﺎ ﺍﺳﻜﺘﻲ ﺑﺲ ﺧﻼﺹ
ﻭﺧﺮﻫﺎ ﻭﻣﺎﺳﻚ ﻭﺟﻬﺎ ﺑﻴﻦ ﺍﻳﺪﻳﻪ ﻭﻳﻤﺴﺤﻠﻬﺎ ﻓﻲ ﺩﻣﻮﻋﻬﺎ
ﻋﺰﻭ .. ﺧﻼﺹ ﺍﺳﻜﺘﻲ ﺑﺎﻫﻲ ﺗﻮﺍ ﺍﻣﻲ ﺗﺨﺎﻑ ﻋﻠﻴﻚ
ﺭﺣﺎﺏ ﻫﺰﺕ ﺭﺍﺳﻬﺎ
ﻋﺰﻭ .. ﺍﻧﺰﻟﻲ ﺧﻼﺹ ﻫﻴﺎ ﻉ ﺷﻨﻮ ﻛﺎﻧﺖ ﺩﺍﺯﺗﻚ
ﺭﺣﺎﺏ .. ﻟﺨﺎﻟﻲ ﻋﺒﺪﺍﻟﻠﻪ
ﻋﺰﻭ .. ﺗﻮﺍ ﻧﻜﻠﻤﻪ ﺍﻧﺎ ﺍﻧﺘﻲ ﻣﻌﺶ ﺗﻨﺰﻟﻴﻠﻬﻢ
ﺭﺣﺎﺏ ﺗﻨﻬﺪﺕ .. ﺑﺎﻩ
ﻧﺰﻟﺖ ﻟﺸﻘﻪ
ﻣﺎﻣﺎ .. ﻭﻳﻦ ﺧﺎﻟﻚ
ﺭﺣﺎﺏ .. ﺗﻮﺍ ﻳﻜﻠﻤﻪ ﻋﺰﻭ
ﻣﺎﻣﺎ .. ﻭﻳﻦ ﻛﻨﺘﻲ
ﺭﺣﺎﺏ .. ﺍﻧﺎ ﺧﺎﺷﻪ ﻟﺪﺍﺭﻧﺎ
ﻣﺎﻣﺎ .. ﺗﻌﺎﻟﻲ ﺗﺮﺍ ﺑﺤﺘﻲ ﻓﻴﺎ
ﺭﺣﺎﺏ .. ﺷﻦ ﺗﺒﻲ ﻛﻨﻚ
ﻣﺎﻣﺎ .. ﻛﻨﻚ ﺗﺤﺴﻲ ﻑ ﺣﺎﺟﻪ ﻭﺟﻚ ﻣﺶ ﻋﺎﺟﺒﻨﻲ
ﺭﺣﺎﺏ .. ﻻ ﻋﺎﺩﻱ ﻏﻴﺮ ﺗﺎﻋﺒﻪ
ﺧﺸﺖ ﻟﺪﺍﺭ ﻭﻋﺰﻗﺖ ﺭﻭﺣﻬﺎ ﻉ ﺳﺮﻳﺮ ﻭﺍﻧﻬﺎﺭﺕ ﺑﻜﺎﺀ "
" ﻭﻋﻴﺖ ﻟﺴﺎﻋﻪ 11 ﺧﺸﻴﺖ ﻟﻤﻄﺒﺦ ﻭﻗﻌﺪﺕ ﻧﺒﺮﻡ ﻑ ﻣﻄﺒﺦ ﻣﺶ ﻋﺎﺭﻓﻪ ﺷﻦ ﻧﺪﻳﺮ ﻏﺪﺍﺀ
ﻃﻠﻌﺖ ﻣﻔﺮﻭﻡ ﻭﻣﻜﺮﻭﻧﻪ ﻭﻗﻌﺪﺕ ﻧﻄﻴﺐ ﻓﻴﻬﺎ ﻭﻃﻠﻌﺖ ﻓﻮﺍﻛﻪ ﺑﻴﺶ ﻧﺪﻳﺮﻫﻦ ﻋﺼﻴﺮ ﺣﻄﻴﺖ ﺣﺎﺟﺎﺕ ﻉ ﻧﺎﺭ ﻭﻗﻌﺪﺕ ﻧﺪﻳﺮ ﻑ ﺳﻠﻄﺔ ﻭﺗﻴﺖ ﻃﺎﻭﻟﻪ ﺍﻟﻲ ﻑ ﺻﺎﻟﻪ ﻛﺎﻧﺖ ﺭﺧﺎﻡ ﺣﻄﻴﺖ ﻋﻠﻴﻬﺎ ﺗﺒﺎﺳﻲ ﻭﻛﻞ ﺣﺎﺟﻪ ﻭﺑﺤﺘﺖ ﻑ ﺳﺎﻋﻪ ﻟﻘﻴﺘﻬﺎ 1 ﻭﻧﺺ ﻛﻤﻠﺖ ﺣﻮﺳﻪ ﻣﻄﺒﺦ ﻭﺧﺸﻴﺖ ﺩﻭﺷﺖ ﻭﻟﺒﺴﺖ ﻓﺴﺘﺎﻥ ﺍﺻﻔﺮ ﻛﻢ ﻭﻣﻦ ﻛﺘﻮﻑ ﻧﺎﺯﻝ ﺷﻮﻳﺎ ﻉ ﺫﺭﺍﻉ ﻭﺻﺪﺭﻩ ﻓﻴﻪ ﻓﺘﺤﻪ ﺑﺴﻴﻄﻪ ﻭﺿﻬﺮ ﻧﻔﺲ ﺷﻲ ﻟﻌﻨﺪ ﺭﻛﺒﻪ ﻣﺸﻄﺖ ﺷﻌﺮﻱ ﻭﺩﺭﺕ ﻣﻴﻚ ﺍﺏ ﺧﻔﻴﻒ ﻭﻟﻔﻴﺖ ﺷﻌﺮﻱ ﻣﻦ ﻗﺪﺍﻡ ﻭﺑﺎﻗﻲ ﺧﻠﻴﺘﻪ ﻣﻄﻠﻮﻕ ﺳﻤﻌﺖ ﺻﻮﺕ ﻣﻔﺎﺗﻴﺢ ﻃﻠﻌﺖ ﻣﻦ ﺩﺍﺭ
ﺍﻧﺎ ﺍﺑﺘﺴﻤﺖ .. ﺍﻫﻠﻴﻦ ﺣﺒﻴﺒﻲ
ﺍﻳﻬﻢ .. ﺍﻩ ﻣﻴﺲ ﻫﻼ
ﻗﺮﺑﺖ ﻣﻨﻪ ﻭﺳﻠﺤﺘﻠﻪ ﺟﺎﻛﻪ
ﺍﻧﺎ .. ﺷﻜﻠﻚ ﺗﻌﺒﺎﻥ
ﺍﻳﻬﻢ .. ﺍﻫﺎ ﺑﻜﻞ
ﺍﻧﺎ .. ﺧﺶ ﺩﻭﺵ ﻉ ﺳﺮﻳﻊ
ﺍﻳﻬﻢ .. ﻻﻻ ﺑﻌﺪ ﻏﺪﺍﺀ ﺟﻴﻌﺎﻥ ﺗﻮﺍ
ﺍﻧﺎ .. ﺑﺎﻩ ﻏﻴﺮ ﻭﺗﻌﺎﻝ ﺗﻼﻗﻬﻰ ﻭﺍﺗﻲ
ﺍﻳﻬﻢ .. ﺑﺎﻫﻲ ﻣﺶ ﺣﻨﻄﻮﻝ
ﺍﻧﺎ .. ﺑﺎﻩ
ﺧﺶ ﻟﺪﺍﺭ ﻭﺍﻧﺎ ﺣﻄﻴﺖ ﻟﻐﺪﺍﺀ ﻭﺻﺒﻴﺖ ﻟﻌﺼﻴﺮ
ﺍﻳﻬﻢ ﺧﺶ ﻟﺼﺎﻟﻪ .. ﺳﻠﻢ ﺍﻳﺪﻳﻚ
ﺍﻧﺎ .. ﺳﻠﻤﻚ ﺣﺒﻴﺒﻲ ﺍﻥ ﺷﺎﺀ ﺍﻟﻠﻪ ﻳﻌﺠﺒﻚ
ﺍﻳﻬﻢ .. ﺍﻛﻴﺪﻩ ﺣﻠﻮ ﻛﻴﻔﻚ
ﻗﻤﻌﺰ ﻭﺑﺪﺍ ﻳﺎﻛﻞ ﻭﺍﻧﺎ ﻧﺮﺍﺟﻲ ﻓﻴﻪ ﺷﻦ ﻳﻘﻮﻝ ﻗﻌﺪ ﻳﺤﺮﻙ ﻑ ﺣﻮﺍﺟﺒﻪ ﺑﻌﺪﻫﺎ ﺑﺤﺖ ﻓﻴﺎ
ﺍﻧﺎ .. ﺷﻨﻮ
ﺍﻳﻬﻢ .. ﺭﺍﺟﻲ ﻣﺰﺍﻝ
ﻗﻌﺪ ﻳﺎﻛﻞ ﺃﺧﺮﻯ
ﺍﻧﺎ .. ﻫﻴﺎ ﻗﺮﻳﺐ ﺗﻜﻤﻞ ﻭﻣﺰﺍﻝ ﻫﺬﺍ ﻛﻠﻪ
ﺍﻳﻬﻢ .. ﺍﻣﻤﻢ ﻣﻤﻢ ﺍﺍﺍ ﺣﻠﻮ ﺣﻠﻮ ﻣﺸﺎﺀ ﺍﻟﻠﻪ ﻋﻠﻴﻚ
ﺍﻧﺎ .. ﺻﺎﺡ ﺣﺒﻴﺒﻲ ﺳﻤﺢ ﻭﻻ ﺗﺠﺎﻣﻞ ﻓﻴﺎ
ﺍﻳﻬﻢ .. ﻛﺎﻥ ﺷﻴﻦ ﺭﺍﻩ ﻗﻠﺘﻬﺎ ﻟﻜﻲ ﻣﻦ ﺍﻭﻝ ﻋﻠﻴﺶ ﺑﻨﺪﺱ
ﺍﻧﺎ ﺍﺑﺘﺴﻤﺖ .. ﺻﺤﻪ ﻭﻋﺎﻓﻴﻪ
ﺍﻳﻬﻢ .. ﺳﻠﻤﻚ ﻛﻮﻟﻲ ﺍﻧﺘﻲ
ﻗﻌﺪﺕ ﻧﺎﻛﻞ ﺑﺸﻮﻳﺎ
ﺍﻳﻬﻢ .. ﻛﻞ ﺣﺎﺟﻪ ﺑﺸﻮﻳﺎ ﺍﻧﺘﻲ
ﺍﻧﺎ .. ﻫﻬﻬﻬﻪ ﻫﻜﻲ ﻧﺤﺐ
ﺍﻳﻬﻢ .. ﺗﺎﺧﺬﻱ ﻑ ﺣﺒﻮﺏ
ﺍﻧﺎ .. ﺍﻫﺎ ﻧﺎﺧﺬ
ﺍﻳﻬﻢ .. ﺭﺍﻙ ﺗﻨﺴﻴﻬﻢ
ﺍﻧﺎ .. ﻭﻛﺎﻥ ﺻﺎﺭ ﺣﻤﻞ ﻣﻦ ﻋﻨﺪ ﺭﺑﻲ ﻳﻌﻨﻲ ﻫﺬﻱ ﻧﻌﻤﻪ ﺍﻧﺎ ﻣﺎﻧﺮﻓﻀﻬﺶ
ﺍﻳﻬﻢ .. ﻛﻨﻚ ﺭﺩﻳﺘﻲ ﻑ ﻛﻼﻣﻚ ﻣﺎﻧﺤﻦ ﺍﺗﻔﻘﻨﺎ ﺗﻮﺍ ﻻ ﻉ ﺳﺒﻪ ﻗﺮﺍﻳﺘﻚ
ﺍﻧﺎ .. ﻣﺎﺭﺩﻳﺘﺶ ﺍﻧﺎ ﺑﺲ ﺍﻧﺖ ﻛﻨﻚ ﻣﺪﻗﻖ ﻉ ﻣﻮﺿﻮﻉ
ﺍﻳﻬﻢ ﺑﺤﺖ ﻓﻴﺎ ﻭﺭﻓﻊ ﺣﺎﺟﺒﻪ .. ﻻ ﻣﺶ ﻣﺪﻗﻖ ﺑﺘﺤﻤﻠﻲ ﻗﻴﺪﻙ ﻉ ﺭﻭﺣﻚ ﺍﻧﺎ ﻧﻔﻜﺮ ﻓﻴﻚ ﺑﺲ
ﺍﻧﺎ .. ﺍﻫﺎ
ﺳﻜﺘﻨﺎ ﻧﺤﻦ ﺍﺛﻨﻴﻦ
ﺍﻧﺎ .. ﺷﻦ ﺩﺭﺕ ﻟﻴﻮﻡ
ﺍﻳﻬﻢ ﺑﺪﻭﻥ ﻣﺎﻳﺒﺤﺖ ﻓﻴﺎ .. ﺷﻦ ﺑﻨﺪﻳﺮ ﺷﻐﻞ ﻳﻌﻨﻲ
ﺍﻧﺎ .. ﺍﻫﺎ ﺭﺑﻲ ﻳﻌﺎﻭﻧﻚ
ﺍﻳﻬﻢ ﺻﺒﻰ .. ﻓﻲ ﺷﺎﻫﻲ
ﺍﻧﺎ .. ﺍﻫﺎ ﻓﻲ
ﺍﻳﻬﻢ .. ﺻﺒﻴﻠﻲ ﻻﻧﻪ ﺑﻨﺮﻗﺪ
ﺍﻧﺎ .. ﺑﺎﻩ ﻫﻴﺎ
ﺻﺒﻴﺖ ﺻﺒﻴﺘﻠﻪ ﺷﺎﻫﻲ
ﺍﻧﺎ .. ﺗﻔﻀﻞ ﺣﺒﻴﺒﻲ
ﺧﺬﺍﻫﺎ ﻣﻨﻲ ﻭﺍﻧﺎ ﻟﻤﻴﺖ ﺣﻮﺳﻪ ﻟﻐﺪﺍﺀ ﻭﻗﻌﺪﺕ ﻧﻐﺴﻞ ﻑ ﻣﻮﺍﻋﻴﻦ ﺧﺶ ﻋﻠﻴﺎ ﺑﻴﺤﻂ ﻃﺎﺳﻪ
ﺍﻳﻬﻢ .. ﻛﻨﻚ ﻣﺎﺣﻄﻴﺘﻴﻬﻦ ﻑ ﻏﺴﺎﻟﻪ
ﺍﻧﺎ .. ﻋﺎﺩﻱ ﻃﺸﻪ ﻫﻨﺎ
ﺍﻳﻬﻢ .. ﺣﻄﻲ ﻓﻴﻬﺎ ﻣﺮﻩ ﺍﺧﺮﻯ ﺗﻮﺍ ﻧﻌﻠﻤﻚ ﻛﻴﻒ ﺗﻮﻟﻌﻴﻬﺎ
ﺍﻧﺎ .. ﺑﺎﻩ
ﻛﻤﻠﺖ ﺣﻮﺳﺘﻲ ﻭﻃﻔﻴﺖ ﺿﻮﺍﻳﺎ ﻭﺧﺸﻴﺖ ﻟﺪﺍﺭ ﻟﻘﻴﺘﻪ ﺭﺍﻗﺪ ﻉ ﺟﻨﺒﻪ ﻭﻣﺎﺩ ﺍﻳﺪﻳﻪ ﻗﺪﺍﻣﻪ ﺍﺑﺘﺴﻤﺖ ﻭﺧﺸﻴﺖ ﺗﻼﻩ ﺑﺸﻮﻳﺎ ﺭﻓﻌﺖ ﺍﻳﺪﻩ ﻭﺣﻄﻴﺖ ﺭﺍﺳﻲ ﻉ ﺍﻳﺪﻩ ﻭﻧﺰﻟﺖ ﺍﻳﺪﻩ ﻷﺧﺮﻯ "
" ﺍﻣﺠﺪ .. ﺩﻧﻴﺎ ﺩﻧﻴﺎﺍﺍﺍ
ﺩﻧﻴﺎ .. ﺍﻭﻭﻑ ﻧﻌﻤﻤﻤﻢ
ﺍﻣﺠﺪ .. ﻭﻳﻨﻚ
ﺩﻧﻴﺎ .. ﻑ ﺩﺍﺭ
ﺍﻣﺠﺪ ﺧﺸﻠﻬﺎ .. ﻫﻴﺎ ﻭﺗﻲ ﺭﻭﺣﻚ
ﺩﻧﻴﺎ .. ﻭﻳﻦ
ﺍﻣﺠﺪ .. ﻣﺎﺷﻴﻦ ﻟﻤﻜﺎﻥ
ﺩﻧﻴﺎ .. ﻭ ﺑﺎﻩ ﻭﻳﻦ
ﺍﻣﺠﺪ .. ﺻﺒﻲ ﺗﻮﺍ ﺑﻌﺪﻳﻦ ﻧﻘﻮﻟﻚ
ﺩﻧﻴﺎ .. ﻣﺎﻋﻨﺪﻳﺶ ﺟﻮ ﺍﻧﺎ
ﺍﻣﺠﺪ ﻗﻤﻌﺰ ﺗﻼﻫﺎ .. ﻛﻨﻚ ﻳﺎﺩﻧﻴﺎ ﺍﻧﺎ ﻣﺰﻋﻠﻚ ﻑ ﺣﺎﺟﻪ ﻭﻻ ﺷﻨﻮ
ﺩﻧﻴﺎ .. ﺍﻧﺎ ﻣﺎﻋﻨﺪﻳﺶ ﻧﻴﻪ
ﺍﻣﺠﺪ ﺣﻂ ﺍﻳﺪﻩ ﻉ ﺧﺼﺮﻫﺎ .. ﻻ ﺍﻛﻴﺪﻩ ﺍﻧﺎ ﻣﺰﻋﻠﻚ ﺑﺪﻭﻥ ﻣﺎﻧﺤﺲ
ﺩﻧﻴﺎ ﺑﺮﻣﺖ ﻭﺟﻬﺎ .. ﻣﺸﻌﺎﺭﻓﻪ
ﺍﻣﺠﺪ ﻣﺴﻚ ﻭﺟﻬﺎ ﻭﺑﺮﻣﻬﺎ ﻟﻪ .. ﺑﺤﺘﻲ ﻑ ﻋﻴﻮﻧﻲ ﻫﻨﺎ ﺍﻧﺘﻲ ﺯﻋﻼﻧﻪ ﻣﻨﻲ
ﺩﻧﻴﺎ .. ﺍﻣﺠﺪ ﺍﻧﺖ ﺗﺤﺒﻨﻲ
ﺍﻣﺠﺪ ﺯﻣﻂ ﺭﻳﻘﻪ .. ﺷﻨﻮ ﺳﻮﺍﻝ ﻫﺬﺍ
ﺩﻧﻴﺎ .. ﺳﻮﺍﻝ ﻛﻴﻒ ﺍﻱ ﺳﻮﺍﻝ ﺍﻧﺖ ﺗﺤﺒﻨﻲ
ﺍﻣﺠﺪ ﺿﺤﻚ ﺿﺤﻜﻪ ﺑﺴﻴﻄﻪ .. ﺍﻛﻴﺪﻩ ﻛﻨﻚ ﺍﻧﺘﻲ ﻋﻠﻴﺶ ﺗﺴﺄﻟﻲ ﻫﻜﻲ
ﺩﻧﻴﺎ ﻓﻜﺘﻠﻪ ﺍﻳﺪﻳﻪ .. ﺍﻟﻲ ﻳﺤﺐ ﻳﻔﻬﻢ ﺍﻟﻲ ﻳﺤﺒﻪ ﻣﻦ ﻧﻀﺮﻩ ﻭﺣﺪﻩ ﻳﻌﺮﻑ ﻫﻮ ﺷﻦ ﻓﻴﻪ ﻭﺷﻦ ﻣﻀﺎﻳﻘﻪ ﻫﻮ ﺯﻋﻼﻥ ﻣﻨﻪ ﻭﻻ ﻻ
ﺍﻣﺠﺪ ﺳﻜﺖ ﻭﻗﻌﺪ ﻳﻴﺠﺖ ﻓﻴﻬﺎ
ﺩﻧﻴﺎ .. ﻫﻬﻬﻪ ﺃﻛﺜﺮ ﺣﺪ ﺯﻣﺎﻥ ﻛﺎﻥ ﻓﺎﻫﻤﻨﻲ ﺍﻳﻮﺏ ﻣﻦ ﺻﻮﺗﻲ ﻳﻌﺮﻑ ﺍﻧﺎ ﻛﻨﻲ
ﺍﻣﺠﺪ ﻓﻨﺺ .. ﺷﻦ ﺟﺎﺏ ﺳﻴﺮﻩ ﺍﻟﺰﻓﺖ ﻫﺬﺍ
ﺩﻧﻴﺎ .. ﻻ ﺑﺲ ﻧﺤﻜﻴﻠﻚ ﻋﺎﺩﻱ ﻛﻨﻚ ﺿﺎﻳﻘﺖ
ﺍﻣﺠﺪ .. ﺍﻛﻴﺪﻩ ﺑﻨﻀﺎﻳﻖ
ﺩﻧﻴﺎ .. ﺻﺎﺡ ﻣﻌﺎﻙ ﺣﻖ ﻣﺶ ﺣﻠﻮﻩ ﺗﺠﻴﺐ ﺳﻴﺮﻩ ﺣﺪ ﻛﺎﻧﺖ ﻣﺮﺍﺗﻚ ﺗﺤﺒﻪ ﻭﺗﺒﻴﻪ
ﺍﻣﺠﺪ ﺻﺒﻰ ﻭﻓﻨﺺ .. ﺍﻧﺘﻲ ﻛﻨﻚ ﺷﻦ ﺗﺤﺴﻲ ﺑﻀﺒﻂ ﻟﻴﻮﻡ
ﺩﻧﻴﺎ .. ﻭﻻ ﺷﻲ
ﺍﻣﺠﺪ .. ﺷﻦ ﺻﺎﻳﺮ ﻋﻘﻠﻚ ﻛﻨﻚ ﺗﺪﻭﻱ ﻫﻜﻲ ﻓﻬﻤﻴﻨﻲ ﺍﻧﺎ ﺷﻦ ﺩﺍﻳﺮ
ﺩﻧﻴﺎ ﺻﺒﺖ .. ﻣﺶ ﺩﺍﻳﺮ ﺷﻲ ﻭﺧﻠﻴﻨﻲ ﻑ ﺣﺎﻟﻲ ﺗﻤﺎﻡ
ﺍﻣﺠﺪ .. ﻋﻠﻲ ﻳﻌﺒﺮﻙ ﺍﺻﻼً
ﻃﻠﻊ ﻟﻔﺮﻧﺪﺍ ﻭﺻﻜﺮ ﻟﺒﺎﺏ ﻭﺭﺍﻩ ﺑﻘﻮﻩ ﻭﻗﻤﻌﺰ ﻉ ﻛﺮﺳﻲ ﻳﺪﺧﻦ "
" ﻣﺮﻳﻢ .. ﺣﻤﺎﺩﻱ ﺷﻦ ﺻﺎﺭ ﻣﻌﺎﻙ ﺗﺮﻭﺡ ﺑﻴﺎ
ﻣﺤﻤﺪ .. ﻫﻴﺎ ﺍﻧﺎ ﻗﺮﻳﺐ ﻣﻦ ﺟﺎﻣﻌﻪ ﻧﺪﻳﺮﻟﻚ ﺭﻧﻪ ﺍﻃﻠﻌﻲ ﺗﻢ
ﻣﺮﻳﻢ .. ﺗﻤﺎﻡ ﺑﺎﻩ
ﺻﻜﺮﺕ ﺍﻟﻤﻮﺑﺎﻳﻞ ﺑﺘﺮﺩﻩ ﻑ ﺷﻨﻄﻪ ﺭﻥ ﻣﻨﻴﺮ ﻣﺴﻜﺎﺗﻪ ﻭﺍﺑﺘﺴﻤﺖ
ﻣﺮﻳﻢ ﺗﻨﺤﻨﺤﺖ .. ﺍﻳﻮﺍ
ﻣﻨﻴﺮ .. ﻫﻼ ﺷﻨﺠﻮ
ﻣﺮﻳﻢ .. ﺍﻣﻢ ﺗﻤﺎﻡ
ﻣﻨﻴﺮ .. ﺍﺣﻤﻴﺪﺍ ﺑﻴﺮﻭﺡ ﺑﻴﻚ ﻭﻻ ﻣﺎﺻﺎﺭﺵ ﻣﻦ ﺳﻴﺎﺭﺗﻪ
ﻣﺮﻳﻢ .. ﻻ ﻗﺮﻳﺐ ﻣﻦ ﺟﺎﻣﻌﻪ ﻗﺎﻟﻲ
ﻣﻨﻴﺮ .. ﺗﻤﺎﻡ ﺑﺎﻩ ﻗﻠﺖ ﻧﺘﺎﻛﺪ ﻣﻨﻚ ﻳﻌﻨﻲ
ﻣﺮﻳﻢ .. ﺍﻫﺎ
ﻣﻨﻴﺮ .. ﺗﺒﻲ ﺣﺎﺟﻪ ﺗﻮﺍ
ﻣﺮﻳﻢ .. ﺷﻜﺮﺍً
ﻣﻨﻴﺮ ﺿﺤﻚ .. ﻣﺎﻓﻴﺶ ﺑﻴﻨﺎ ﺷﻜﺮ ﻋﻤﻮﻣﺎً ﻋﻨﺪﻱ ﻣﻌﺎﻙ ﻣﻮﺿﻮﻉ ﺑﻌﺪﻳﻦ
ﻣﺮﻳﻢ ﺯﻣﻄﺖ ﺭﻳﻘﻬﺎ .. ﺍﻥ ﺷﺎﺀ ﺍﻟﻠﻪ ﺧﻴﺮ
ﻣﻨﻴﺮ .. ﺧﻴﺮ ﺧﻴﺮ ﺍﻥ ﺷﺎﺀ ﺍﻟﻠﻪ ﺳﻼﻡ ﺗﻮﺍ
ﻣﺮﻳﻢ .. ﺍﻭﻛﻲ
ﺻﻜﺮﺕ ﻭﺍﺑﺘﺴﻤﺖ ﺭﻥ ﻣﺤﻤﺪ ﻃﻠﻌﺘﻠﻪ
ﻣﺤﻤﺪ .. ﺷﻦ ﺻﺎﺭ ﺣﻠﻴﺘﻲ
ﻣﺮﻳﻢ ﻣﺒﺘﺴﻤﻪ .. ﺣﻠﻴﺖ ﺍﻫﺎ
ﻣﺤﻤﺪ .. ﺑﺎﻫﻲ ﻛﻮﻳﺲ ﺟﻴﺘﻲ ﻉ ﺍﻟﻮﻗﺖ
ﻣﺮﻳﻢ .. ﺍﻫﺎ ﺗﻤﺎﻡ ﺑﻜﻞ
ﻣﺤﻤﺪ .. ﺑﺎﻫﻲ ﻛﻮﻳﺲ "
" ﺧﺬﺍ ﻑ ﻋﻴﻨﻲ ﺍﻟﻨﻮﻡ ﻭﻋﻴﺖ ﻣﻊ ﺳﺘﻪ ﻟﻘﻴﺖ ﺍﻳﻬﻢ ﻃﺎﻟﻊ ﻭﻣﺶ ﻣﻮﻋﻴﻨﻲ ﻧﻘﻬﺮﺕ ﻣﻦ ﻟﻘﻄﺘﻪ ﻭﺍﺟﺪ
ﺻﺒﻴﺖ ﺿﻤﻴﺖ ﺩﺍﺭ ﻭﻃﻠﻌﺖ ﺗﻮﺿﻴﺖ ﻭﺻﻠﻴﺖ ﻭﻣﺸﻴﺖ ﻟﻜﻮﺟﻴﻨﻪ ﺩﺭﺕ ﻛﻴﻜﻪ ﻭﻏﻴﺮﺕ ﻟﺒﺴﺘﻲ ﻭﻟﺒﺴﺖ ﻭﺷﺎﺣﻲ ﻗﻠﺖ ﻧﻨﺰﻟﻬﺎ ﺗﺸﺮﺏ ﺑﻴﻬﺎ ﺍﻋﻤﻴﻤﻪ ﺍﻟﻘﻬﻮﺀ ﻧﺰﻟﺖ ﺩﻗﻴﺖ ﻉ ﺑﺎﺏ
ﺗﺴﻨﻴﻢ .. ﺍﻫﻠﻴﻦ ﻣﻴﺲ
ﺍﻧﺎ .. ﻫﻼ ﻛﻴﻒ ﺣﺎﻟﻚ
ﺗﺴﻨﻴﻢ .. ﺍﻟﺤﻤﺪﺍﻟﻞﻩ ﺗﻔﻀﻠﻲ
ﺍﻧﺎ .. ﺯﻳﺪ ﻓﻀﻠﻚ ﻑ ﺣﺪ ﻋﻨﺪﻛﻢ
ﺗﺴﻨﻴﻢ .. ﻻ ﻣﻦ ﺑﻴﻘﻌﺪ ﻋﻨﺪﻧﺎ ﻳﺎﺧﻴﻪ
ﺍﻧﺎ .. ﺍﻣﺴﻜﻲ ﻣﻨﻲ ﻫﺬﺍ ﻛﻴﻜﻪ ﺍﻥ ﺷﺎﺀ ﺍﻟﻠﻪ ﺗﻌﺠﺒﻜﻢ
ﺗﺴﻨﻴﻢ .. ﺗﺮﺍ
ﺭﻓﻌﺖ ﺍﻟﻤﻐﻄﺎﺀ
ﺗﺴﻨﻴﻢ .. ﻣﺸﺎﺀﺍﻟﻠﻪ ﺑﺎﻳﻨﻪ ﺣﻠﻮﻩ ﺳﻠﻢ ﺍﻳﺪﻳﻚ
ﺳﻠﻴﻤﻪ .. ﺧﻴﺮﺍﺕ
ﺍﻧﺎ ﺍﺑﺘﺴﻤﺖ .. ﺧﻴﺮ ﻳﺎﺍﻋﻤﻴﻤﻪ ﻛﻴﻒ ﺣﺎﻟﻚ
ﺳﻠﻴﻤﻪ .. ﺍﻟﺤﻤﺪﺍﻟﻞﻩ ﻛﻴﻒ ﺣﺎﻟﻚ ﺍﻧﺘﻲ
ﺍﻧﺎ .. ﺑﺨﻴﺮ
ﺗﺴﻨﻴﻢ .. ﺗﻮﺍ ﻧﺪﻳﺮ ﻗﻬﻮﺀ ﻭﻧﺠﻲ ﻣﻴﺲ ﺩﺍﻳﺮﺗﻨﺎ ﻛﻴﻜﻪ
ﺳﻠﻴﻤﻪ .. ﺳﻠﻢ ﺍﻳﺪﻳﻚ
ﺍﻧﺎ .. ﺻﺤﻪ
ﺳﻠﻴﻤﻪ .. ﺍﻳﻬﻢ ﻑ ﻣﺤﻞ
ﺍﻧﺎ .. ﺍﻫﺎ
ﺳﻠﻴﻤﻪ .. ﺍﻟﻴﻮﻡ ﻣﺎﻣﺮﺵ ﻋﻠﻴﺎ ﺍﻣﺘﻰ ﻋﺪﺍ ﻫﻮ
ﺍﻧﺎ ﺯﻟﻄﺖ ﻣﻦ ﺳﻮﺍﻟﻬﺎ ﻻﻧﻪ ﺍﻧﺎ ﺑﺮﻭﺣﻲ ﻣﺶ ﻋﺎﺭﻓﻪ ﺍﻣﺘﻰ ﻋﺪﺍ
ﺍﻟﻜﻮﺟﻴﻨﻪ ﻣﺘﺎﻉ ﻋﻴﺖ ﻋﻤﻲ ﻛﺎﻧﺖ ﻧﻈﺎﻡ ﺑﺎﺭ ﻑ ﺗﺴﻨﻴﻢ ﺍﺩﻳﺮ ﻑ ﻗﻬﻮﺀ ﻭﻧﺸﻮﻑ ﻓﻴﻨﺎ
ﺗﺴﻨﻴﻢ ﻧﻄﺖ .. ﺍﻟﻴﻮﻡ ﻋﺪﺍ ﺑﺪﺭﻱ ﺍﻳﻬﻢ ﻗﺎﻟﻲ ﻋﻨﺪﺍ ﺷﻐﻞ
ﺳﻠﻴﻤﻪ .. ﺭﺑﻲ ﻳﻌﻴﻨﻪ ﻉ ﺳﻨﻴﻨﻪ
ﻣﻨﻴﺮ ﺧﺶ ﻣﻦ ﺑﺎﺏ .. ﺍﻭﻭ ﻣﻴﺲ ﻋﻨﺪﻧﺎ ﻫﻼ ﻫﻼ
ﺍﻧﺎ ﺍﺑﺘﺴﻤﺖ .. ﺍﻫﻠﻴﻦ ﻛﻴﻒ ﺣﺎﻟﻚ
ﻣﻨﻴﺮ .. ﺍﻟﺤﻤﺪﺍﻟﻠﻪ
ﻗﻤﻌﺰ ﻣﻘﺎﺑﻠﻨﺎ ﻉ ﺻﺎﻟﻮﻥ
ﻣﻨﻴﺮ .. ﺍﻟﻴﻮﻡ ﻛﻤﻠﺘﻪ ﻛﻠﻪ ﺟﺮﻱ ﺗﻮﺍ ﺩﺯﻧﻲ ﺍﻳﻬﻢ ﻫﻨﺎ ﺑﺲ ﻭﺍﻟﻠﻪ ﻣﺎﻧﻲ ﻃﺎﻟﻊ ﻟﻴﻦ ﻧﺸﺮﺏ ﻗﻬﻮﺗﻲ ﻳﻤﻠﺢ ﻛﻨﺖ ﻣﺘﺮﻳﺢ ﻣﻨﻪ
ﺳﻠﻴﻤﻪ .. ﺧﻴﻚ ﻳﻠﻲ ﻣﺎﺗﺤﺸﻢ ﻗﺎﻋﺪ ﻳﺤﺮﻕ ﻭﺍﻧﺖ ﻣﺒﺮﺩ
ﻣﻨﻴﺮ .. ﻻ ﻳﺤﺮﻕ ﻻ ﻋﻤﻲ ﺳﺤﻨﺘﻲ ﻫﻮ ﻛﺒﺎﺭ ﺷﻄﺤﺎ ﺑﺲ ﻫﻴﺎ ﻳﺎﻓﺮﺧﻪ ﺍﻟﻘﻬﻮﺀ
ﺗﺴﻨﻴﻢ ﻃﺎﻟﻌﻪ ﻣﻦ ﻛﻮﺟﻴﻨﻪ ﺑﺴﻔﺮﻩ .. ﺑﺎﻫﻲ ﺑﺎﻫﻲ ﻓﻬﻤﻨﺎ ﺧﻼﺹ
ﺧﺬﺍ ﻓﻨﺠﺎﻝ ﻭﻛﻴﻜﻪ
ﻣﻨﻴﺮ .. ﺍﻭﻭﻭ ﻛﻴﻜﻪ ﻣﻦ ﺍﻣﺘﻰ ﺗﺴﻨﻴﻢ ﻳﻄﻠﻊ ﻣﻨﻬﺎ ﻫﺎﺍﻻﺑﺪﺍﻉ
ﺳﻠﻴﻤﻪ .. ﻫﺬﻱ ﻣﻴﺲ ﺩﺍﻳﺮﺗﻬﺎ
ﻣﻨﻴﺮ ﺑﺤﺖ ﻓﻴﺎ .. ﻣﺸﺎﺀ ﺍﻟﻠﻪ ﺳﻠﻢ ﺍﻳﺪﻳﻚ
ﺍﻧﺎ .. ﺳﻠﻤﻚ ﺻﺤﻪ
ﻣﻨﻴﺮ ﻳﺄﻛﻞ .. ﻣﺸﺎﺀﺍﻟﻠﻪ ﻣﺸﺎﺀ ﺍﻟﻠﻪ ﺍﻧﺰﻟﻲ ﻋﻠﻤﻲ ﺗﺴﻨﻴﻢ ﺑﺎﻟﻠﻪ
ﺗﺴﻨﻴﻢ ﻛﺸﺨﺖ .. ﻣﺎﻧﺒﻴﺶ ﻧﺠﻮﺯ
ﻣﻨﻴﺮ .. ﺑﺎﻫﻲ ﺩﻳﺮﻧﺎ ﻧﺤﻦ ﻣﺶ ﺷﺮﻁ ﻟﺮﺍﺟﻠﻚ
ﺗﺴﻨﻴﻢ .. ﻋﺪﻱ ﺑﺎﻟﻠﻪ ﺍﻳﻬﻢ ﻳﺮﺍﺟﻲ ﻓﻴﻚ
ﺷﻮﻳﺎ ﻭﻋﺪﺍ ﻣﻨﻴﺮ ﻭﻧﺤﻦ ﻗﻌﺪﻧﺎ ﻧﻬﺪﺭﺯﻭ "
ﻣﺮﻳﻢ ﺗﺴﻠﺢ ﻑ ﺑﻠﻮﺯﻩ ﻭﻣﺎﺳﻜﻪ ﺗﻴﺸﺮﺕ ﻑ ﺍﻳﺪﻫﺎ
ﺑﺸﺮﻯ .. ﺑﺎﺍﺍﻫﻲ ﺑﻌﺪﻫﺎ
ﻣﺮﻳﻢ ﺗﻠﺒﺲ ﻑ ﺗﻴﺸﺮﺕ .. ﺧﻼﺹ ﺑﻌﺪﻫﺎ ﺣﻄﻨﻲ ﻭﻋﺪﺍ
ﻣﺎﺧﺸﻴﺖ ﻟﻼﻣﺘﺤﺎﻥ ﺍﻻ ﻭﺍﻧﺎ ﻫﺎﻳﻤﻪ ﻣﺎﻧﺤﻜﻴﻠﻚ
ﺑﺸﺮﻯ ﺗﺒﺘﺴﻢ ﻟﻜﻼﻣﻬﺎ .. ﻳﺎﺧﻴﻪ ﺍﻧﺘﻲ ﻭﻣﻨﻴﺮ ﺭﺍﻛﺒﻴﻦ ﺑﻜﻞ
ﻣﺮﻳﻢ ﻗﻤﻌﺰﺕ ﻉ ﺳﺮﻳﺮﻫﺎ ﻭﺍﺑﺘﺴﻤﺖ .. ﺍﺯﻋﻤﻚ ﻳﻄﻠﻊ ﻳﺤﺒﻨﻲ
ﺑﺸﺮﻯ .. ﺍﻥ ﺷﺎﺀ ﺍﻟﻠﻪ ﺑﺲ ﺍﻧﺘﻲ ﺧﻠﻴﻚ ﻋﺎﺩﻳﻪ
ﻣﺮﻳﻢ .. ﻣﺎﻧﻘﺪﺭﺵ ﻧﻤﺴﻚ ﺭﻭﺣﻲ ﺑﻌﺪﻳﻦ ﺑﻌﺪ ﻛﻼﻣﻪ ﺍﻟﻴﻮﻡ ﺍﻧﺎ ﺧﻼﺹ
ﺑﺸﺮﻯ .. ﺑﺲ ﺍﺯﻋﻤﻚ ﺷﻦ ﻳﺒﻲ ﻣﻨﻚ
ﻣﺮﻳﻢ ﺗﻜﺖ ﻉ ﺳﺮﻳﺮ ﻭﻣﺴﻜﺖ ﺷﻴﺘﻬﺎ .. ﻣﺸﻌﺎﺭﻓﻪ ﻣﺸﻮﻗﻪ ﻧﻌﺮﻑ ﺑﻜﻞ
ﺑﺸﺮﻯ .. ﺍﻥ ﺷﺎﺀ ﺍﻟﻠﻪ ﺗﻮﺍ ﺗﻌﺮﻓﻲ ﺧﻠﻲ ﻧﻨﺰﻝ ﻧﺠﻴﺐ ﺣﺎﺟﻪ ﻧﺎﻛﻠﻬﺎ ﺍﻧﺎ
ﻣﺮﻳﻢ .. ﺑﺎﻩ ﻋﺪﻱ
ﺑﺸﺮﻯ ﻧﺰﻟﺖ ﻭﻣﺮﻳﻢ ﻣﺴﻜﺖ ﻓﻮﻧﻬﺎ ﻭﺣﻄﺖ ﺳﻤﺎﻋﺎﺕ ﻭﻗﻌﺪﺕ ﺗﺴﻤﻊ ﻑ ﺗﺴﺠﻴﻞ ﻣﻜﺎﻟﻤﺘﻬﻢ ﻭﻣﺒﺘﺴﻤﻪ ﻭﻛﻞ ﻣﺮﻩ ﺗﺠﻲ ﻑ ﺑﺎﻟﻬﺎ ﻓﻜﺮﻩ ﺷﻜﻞ "
" ﻋﺰﻭ ﻳﻠﻢ ﻑ ﺣﻮﺳﻪ ﺍﻟﻌﻤﺎﻝ ﻭﺳﺎﺭﺡ ﻭﻋﻼﺀ ﻳﻐﻨﻲ ﺗﻼﻩ
ﻋﻼﺀ .. ﻋﺰﻭ ﻋﺰﻭﻭﻭ ﺍﻧﺖ ﻳﺎﺍﻭﻱ
ﻋﺰﻭ ﺗﻨﻬﺪ .. ﻧﻌﻢ
ﻋﻼﺀ .. ﻭﻳﻦ ﺭﺍﻳﺢ
ﻋﺰﻭ .. ﻣﻌﺎﻙ ﻛﻨﻚ ﺷﻦ ﺗﺒﻲ
ﻋﻼﺀ .. ﺍﻣﺘﻰ ﻧﻘﻮﻝ ﻟﻤﻴﺲ ﺗﺸﻮﻑ ﺻﺎﻟﻮﻥ
ﻋﺰﻭ .. ﻛﻞ ﻣﺎﺍﺳﺘﻌﺠﻠﻨﺎ ﻛﻞ ﻣﺎﺍﺣﺴﻦ ﻳﺎﺭﻳﺖ ﻧﻜﻤﻠﻮ ﺑﺴﺮﻋﻪ ﺣﺘﻰ ﻳﻌﻨﻲ ﺍﺳﺒﻮﻉ ﺟﺎﻱ ﻧﻘﻌﺪﻭ ﺳﺎﻛﻨﻴﻦ
ﻋﻼﺀ .. ﺍﺳﺒﻮﻉ ﺟﺎﻱ ﻋﻠﻴﺶ ﺍﺳﺘﻌﺠﺎﻝ ﻫﺬﺍ ﻛﻠﻪ ﻣﺰﺍﻝ
ﻋﺰﻭ .. ﻣﺰﺍﻝ ﺷﻨﻮ ﺣﻮﺵ ﻛﻠﻪ ﻛﻤﻞ ﻏﻴﺮ ﺗﺸﻄﻴﺎﺕ ﺑﺴﻴﻄﻪ ﺑﻜﺮﺍ ﻟﻮ ﻛﺎﻥ ﻧﻄﺮ ﻧﺪﻳﺮﻫﻦ ﺑﺮﻭﺣﻲ
ﻋﻼﺀ .. ﺷﻦ ﻓﻲ ﻣﻦ ﻣﻮﺍﻝ ﻑ ﺭﺍﺳﻚ
ﻋﺰﻭ .. ﺧﻼﺹ ﻳﺎﻋﻼﺀ ﻛﻞ ﻳﻮﻡ ﻧﺸﻮﻑ ﻑ ﺧﻮﺍﺗﻲ ﻣﻀﺎﻳﻘﺎﺕ ﺃﻛﺜﺮ ﻣﻦ ﻳﻮﻡ ﺍﻟﻲ ﻗﺒﻠﻪ ﺍﻧﺎ ﻣﺎﻧﻘﺪﺭﺵ ﻧﺘﺤﻤﻞ ﻫﺬﻳﻨﺎ ﻣﺴﺆﻭﻟﻴﻪ ﻑ ﺭﻗﺒﺘﻲ
ﻋﻼﺀ .. ﺷﻜﻠﻬﺎ ﺻﺎﻳﺮ ﺣﺎﺟﻪ
ﻋﺰﻭ .. ﺗﻔﻜﻴﺮﻱ ﻛﻠﻪ ﻑ ﺭﺣﺎﺏ ﺍﻟﻴﻮﻡ ﻧﺴﻤﻊ ﻑ ﺻﻮﺕ ﺑﻜﺎﻫﺎ ﻑ ﺳﻄﺎﺡ ﻣﺎﻋﺮﻓﺘﺶ ﺷﻦ ﺻﺎﻳﺮ ﻣﻌﺎﻫﺎ ﻭﺗﻘﻮﻟﻲ ﻣﻌﺶ ﺑﻨﻘﻌﺪ
ﻋﻼﺀ ﺳﻜﺖ ﺷﻮﻳﺎ ﻭﻋﺰﻭ ﺭﺩ ﻳﻠﻢ
ﻋﻼﺀ .. ﺍﺳﺒﻮﻉ ﺍﻟﺠﺎﻱ ﺍﺳﺒﻮﻉ ﺟﺎﻱ ﻛﻴﻒ ﻣﺎﺍﻧﺖ ﺗﺒﻲ
ﻋﺰﻭ ﺍﺑﺘﺴﻢ .. ﺗﻤﺎﻡ ﻏﻴﺮ ﺷﺪ ﺍﻟﻬﻤﻪ ﻣﻌﺎﻳﺎ ﺑﺲ
ﻋﻼﺀ .. ﺍﻥ ﺷﺎﺀ ﺍﻟﻠﻪ ﻣﻌﺎﻙ ﺍﻧﺎ
ﻋﺰﻭ .. ﺍﻫﻲ ﺍﻣﻲ ﺗﺮﻥ ﻃﻮﻟﻨﺎ ﻋﻠﻴﻬﺎ
ﻋﻼﺀ .. ﻗﻮﻟﻠﻬﺎ ﺍﻧﻪ ﻣﻄﻮﻟﻴﻦ ﺧﻠﻴﻨﺎ ﻧﻜﻤﻠﻮ ﺑﺴﺮﻋﻪ
ﻋﺰﻭ .. ﺑﺎﻩ "
" ﻛﺴﺪﺕ ﺷﻮﻳﺎ ﻭﺍﻧﺎ ﻛﻴﻒ ﺑﻨﺮﻛﺐ ﺧﺶ ﺍﻳﻬﻢ ﻣﺎﺑﻴﺘﺶ ﻧﺒﺤﺖ ﻓﻴﻪ ﻭﻛﻤﻠﺖ ﺑﺎﻗﻲ ﻃﺮﻳﻘﻲ
ﺍﻳﻬﻢ ﻗﺎﺭﻥ ﺣﻮﺍﺟﺒﻪ ﻭﻳﺒﺤﺖ ﻓﻴﺎ ﻭﻳﻤﺸﻲ ﻭﺭﺍﻳﺎ ﻓﺘﺤﺖ ﺑﺎﺏ ﺷﻘﻪ ﻭﺧﺸﻴﺖ
ﺳﻠﺤﺖ ﻛﻨﺪﺭﻩ ﻭﺣﻄﻴﺘﻬﺎ ﻑ ﺟﺰﺍﻣﻪ ﻭﻫﻮ ﻭﺭﺍﻳﺎ ﻳﺴﻠﺢ ﻑ ﺟﺎﻛﺘﻪ
ﺧﺸﻴﺖ ﻟﺼﺎﻟﻪ ﺳﻠﺤﺖ ﻭﺷﺎﺣﻲ
ﺍﻳﻬﻢ .. ﺷﻦ ﻛﻨﺘﻲ ﺩﻳﺮﻱ ﻟﻮﻃﻪ
ﺍﻧﺎ ﺑﺪﻭﻥ ﻣﺎﻧﺒﺤﺖ .. ﺷﻲ ﻛﻨﺖ ﻧﻬﺪﺭﺯ ﻣﻊ ﺍﻋﻤﻴﻤﻪ ﻭﺗﺴﻨﻴﻢ ﺩﺭﺕ ﻛﻴﻜﻪ ﻧﺰﻟﺘﻬﺎ ﻋﻘﺒﺘﻠﻚ ﻣﻨﻬﺎ ﻛﺎﻥ ﺑﺘﺎﻛﻞ
ﺍﻳﻬﻢ .. ﺍﻫﺎ ﺑﺎﻩ
ﺧﺸﻴﺖ ﻟﺪﺍﺭ ﺷﻌﻠﺖ ﺍﻟﻀﻲ ﻭﻓﺘﺤﺖ ﺩﻭﻻﺏ ﻭﻫﻮ ﻳﻤﺸﻲ ﻭﺭﺍﻳﺎ
ﺍﻳﻬﻢ ﻳﺤﻚ ﻑ ﺭﻗﺒﺘﻪ ﻣﻦ ﻻﻭﺭﻩ .. ﻗﺘﻠﻚ
ﺍﻧﺎ ﻋﺎﻃﻴﻪ ﻭﺟﻲ ﻟﺪﻭﻻﺏ ﻭﻧﻄﻠﻊ ﻑ ﺩﺑﺶ .. ﺷﻨﻮ
ﺍﻳﻬﻢ ﻗﺮﺏ ﻣﻨﻲ ﻭﻃﺒﺲ ﻉ ﻭﺫﻧﻲ ﻭﻫﻤﺴﻠﻲ
ﺍﻳﻬﻢ .. ﻧﺤﺒﻚ
ﺍﻧﺎ ﺍﺑﺘﺴﻤﺖ ﺑﺸﻮﻳﺎ ﻭﺟﺴﻤﻲ ﺗﻘﺸﻌﺮ ﻣﻦ ﻫﻤﺴﺘﻪ .. ﺍﺣﻢ ﻭﺑﺎﻩ
ﺍﻳﻬﻢ ﺍﺑﺘﺴﻢ ﻭﺧﺮ .. ﻏﻴﺮﻱ ﺩﺑﺸﻚ ﻭﺩﻳﺮﻱ ﺍﻟﻲ ﺗﺒﻴﻪ ﻭﺗﻌﺎﻟﻲ ﻧﺒﻴﻚ
ﻃﻠﻌﺖ ﺑﺠﺎﻣﻪ ﺑﻮﺩﺭﻳﻪ ﻓﻴﻬﺎ ﻧﺠﻮﻡ ﺻﻐﻴﺮﺍﺕ ﻭﻧﺎﻋﻤﻪ ﻟﺒﺴﺘﻬﺎ ﻭﻃﻠﻘﺖ ﺷﻌﺮﻱ ﻭﺑﺨﻴﺖ ﻋﻄﺮ ﻭﻧﻤﺴﺢ ﻑ ﻣﻜﻴﺎﺝ ﺑﺎﻟﻤﺰﻳﻞ ﻣﻜﻴﺎﺝ ﻭﺑﺮﻣﺖ
ﺍﻧﺎ .. ﺟﻌﺎﻥ ﺗﺒﻲ ﺗﻌﺸﻰ
ﺍﻳﻬﻢ .. ﻻ ﺗﻌﺸﻴﺖ ﺑﺮﺍ
ﺍﻧﺎ ﺭﻓﻌﺖ ﺣﻮﺍﺟﺒﻲ ﻭﻣﻼﻣﺤﻲ ﺗﻐﻴﺮﻥ .. ﺗﻌﺸﻴﺖ ﺍﻫﺎ ﺗﻤﺎﻡ ﺑﺎﻩ
ﻃﻠﻌﺖ ﻣﻦ ﺗﻼﻩ
ﺍﻳﻬﻢ .. ﺗﺆ ﺍﻭﻑ ﺯﻋﻠﺖ ﻋﻠﻴﻚ ﻏﺒﺎﺀ
ﻃﻠﻊ ﻭﺭﺍﻳﺎ
ﺍﻳﻬﻢ .. ﺍﺣﻢ ﺣﺒﻴﺒﻲ ﻣﻴﺲ
ﺍﻧﺎ ﻣﺎﺑﻴﺘﺶ ﻧﺮﺩ ﻭﻣﺸﻴﺖ ﻭﻟﻌﺖ ﺍﻝ Tv ﻗﻤﻌﺰﺕ ﻧﺘﻔﺮﺝ ﻗﻤﻌﺰ ﺗﻼﻳﺎ
ﺍﻳﻬﻢ .. ﺍﻣﺘﻰ ﺑﺘﺮﻗﺪﻱ
ﺍﻧﺎ .. ﻣﺶ ﻋﺎﺭﻓﻪ
ﺍﻳﻬﻢ .. ﺑﻜﺮﺍ ﺍﻣﺘﻰ ﺑﺘﻨﻮﺿﻲ
ﺍﻧﺎ .. ﺗﻮﺍ ﻧﻌﺪﻝ ﻣﻨﺒﻪ
ﺍﻳﻬﻢ .. ﺑﺎﻩ ﻗﻮﻟﻴﻠﻲ ﻉ ﺳﺎﻋﻪ ﺑﻨﻮﺽ ﻣﻌﺎﻙ
ﺍﻧﺎ .. ﻣﺎﻓﻴﺶ ﺩﺍﻋﻲ ﺑﻌﺪ ﻧﻠﺒﺲ ﻧﻮﺿﻚ ﻋﻠﻴﺶ ﺗﺘﻌﺐ ﻭﺑﺤﺘﺖ ﻓﻴﻪ
ﺍﻳﻬﻢ ﺍﺑﺘﺴﻢ ﻉ ﺟﻨﺐ ﻭﺣﻂ ﺍﻳﺪﻩ ﻉ ﻋﻴﻮﻧﻪ
ﻗﻌﺪﺕ ﻧﺒﺤﺖ ﻓﻴﻪ ﻛﻴﻒ ﺩﺍﻳﺮ ﻓﺠﺎﺀ ﺣﻮﻝ ﺍﻳﺪﻩ ﻭﻣﺴﻚ ﺍﻳﺪﻱ ﺣﻄﻬﺎ ﻉ ﻓﻤﻪ
ﺍﻧﺎ ﻛﺸﺨﺖ .. ﺍﻳﺪﻱ ﺃﻃﻠﻖ
ﺍﻳﻬﻢ .. ﺯﻋﻠﻚ ﻭﺍﻋﺮ ﺣﺒﻴﺒﻲ
ﺍﻧﺎ .. ﺍﻧﺖ ﺣﺎﻭﻟﺖ ﺗﺮﺍﺿﻴﻨﻲ
ﺍﻳﻬﻢ .. ﻣﺎﻩ ﺍﻧﺎ ﺑﺮﻭﺣﻲ ﺯﻋﻠﺖ ﻣﻨﻚ ﻳﻌﻨﻲ ﻑ ﻧﺤﻦ ﺍﺛﻨﻴﻦ ﻣﺘﺴﺎﻭﻳﻦ
ﺍﻧﺎ .. ﻣﺪﺭﺗﺶ ﺷﻲ ﺍﻧﺎ ﺍﻧﺖ ﻣﺘﺴﺒﻞ ﻋﻠﻴﺎ
ﺍﻳﻬﻢ ﺍﺑﺘﺴﻢ .. ﻣﺘﺴﺒﻞ ﻋﻠﻴﺎ ﺻﺎﺭ
ﺍﻧﺎ ﻛﺮﻳﺖ ﺍﻳﺪﻱ .. ﺍﻭﻑ ﺣﻮﻝ ﺍﻳﻬﻢ ﺧﻼﺹ
ﺍﻳﻬﻢ ﻗﻌﺪ ﻳﺒﺤﺖ ﻑ ﻋﻴﻮﻧﻲ ﻭﺣﺴﻴﺖ ﺑﻨﻀﺮﺗﻪ ﺗﻐﻴﺮﺕ ﻉ ﻃﻮﻝ ﺣﻮﻟﺖ ﻋﻴﻮﻧﻲ ﻫﺮﺑﺖ ﻣﻦ ﻧﻀﺮﺗﻪ
ﺟﺎﺀ ﺑﻴﺼﺒﻲ ﺻﺒﻴﺖ ﻭﺭﺍﻩ ﻭﻣﺴﻜﺖ ﻓﻴﻪ ﻣﻦ ﺧﺼﺮﻩ ﻣﻦ ﻻﻭﺭﻩ
ﺍﻧﺎ ﺑﺼﻮﺕ ﻭﺍﻃﻲ .. ﺧﻠﻴﻚ ﻣﻌﺎﻳﺎ
ﺍﻳﻬﻢ ﺑﺼﻮﺕ ﺣﺎﺩ .. ﻣﺶ ﻣﺎﻛﻨﺘﻴﺶ ﺗﺒﻴﻨﻲ ﻗﺒﻞ ﺷﻮﻳﺎ
ﺍﻧﺎ ﺑﺼﻮﺕ ﻫﺎﺩﻱ .. ﺍﺳﻔﻪ
ﺍﻳﻬﻢ ﺑﺮﻡ ﻋﻠﻴﺎ ﻭﻗﻌﺪ ﻳﺒﺤﺖ ﻑ ﻋﻴﻮﻧﻲ ﻭﺍﻧﺎ ﻧﺒﺤﺖ ﻑ ﻭﻃﻰ ﻗﻌﺪ ﻳﻤﺸﻲ ﻓﻲ ﺿﻬﺮ ﺍﻳﺪﻩ ﻉ ﺧﺪﻱ
ﺍﻳﻬﻢ .. ﺑﺤﺘﻲ ﻓﻴﺎ
ﺍﻧﺎ ﻫﺰﻳﺖ ﻛﺘﻮﻓﻲ .. ﻻ ﻣﺎﻧﺒﻴﺶ
ﺍﻳﻬﻢ ﺍﺑﺘﺴﻢ ﻭﻫﺰ ﻛﺘﻮﻓﻪ .. ﻭﻟﻴﺶ
ﺍﻧﺎ .. ﺗﺨﻮﻑ ﻓﻴﺎ ﻻﻧﻪ
ﻧﺰﻝ ﺭﺍﺳﻪ ﻟﻌﻨﺪﻱ
ﺍﻳﻬﻢ .. ﺍﻧﺎ ﻧﺨﻮﻑ ﻓﻴﻚ ﺍﻣﺘﻰ ﺧﻮﻓﺘﻚ
ﺭﻓﻌﺖ ﻛﺮﻋﻴﺎ ﻭﺣﻀﻨﺘﻪ ﻣﻦ ﺭﻗﺒﺘﻪ
ﺍﻧﺎ .. ﻣﺶ ﻻﺯﻡ ﺗﻌﺮﻑ ﺍﻣﺘﻰ ﺗﻮﺍ ﺑﺲ ﺧﻠﻴﻨﻲ ﺗﻮﺍ ﻧﺒﻲ ﺣﻀﻨﻚ
ﺍﻳﻬﻢ ﺗﻨﻬﺪ ﻭﺭﻓﻊ ﺭﻭﺣﻪ ﺍﺭﺗﻔﻌﺖ ﺍﻧﺎ ﻣﻦ ﻉ ﺍﺭﺽ ﺧﺶ ﺑﻴﺎ ﻟﺪﺍﺭ ﻭﺣﻄﻨﻲ ﻉ ﺳﺮﻳﺮ ﻭﺟﺎﺀ ﺗﻼﻳﺎ ﻭﻟﻊ ﻭﻧﺎﺳﺎﺕ
ﺍﻳﻬﻢ .. ﺍﺳﻒ ﻉ ﺗﺼﺮﻓﻲ ﺍﻟﻴﻮﻡ ﺑﺲ ﺭﻗﻴﺘﻴﻬﺎ ﻟﻴﺎ ﺭﺍﻩ
ﺍﻧﺎ ﺳﻜﺘﺖ
ﺍﻳﻬﻢ .. ﺧﻼﺹ ﻣﺶ ﻣﺸﻜﻠﻪ ﻋﺎﺩﻱ ﻧﺤﻦ ﻣﺰﺍﻟﻨﺎ ﻑ ﺑﺪﺍﻳﻪ ﻃﺒﻴﻌﻲ ﻳﺼﻴﺮﻥ ﻣﺸﺎﻛﻞ
ﺍﻧﺎ ﻗﺮﺑﺖ ﻣﻨﻪ ﺃﻛﺜﺮ .. ﺑﻌﻴﺪ ﺍﻟﺴﻮﺀ ﺍﻥ ﺷﺎﺀ ﺍﻟﻠﻪ ﺭﺑﻲ ﻣﺎﻳﺠﻴﺐ ﺑﻴﻨﺎ ﻣﺸﺎﻛﻞ
ﺍﻳﻬﻢ .. ﻛﺎﻧﻚ ﺗﺒﻲ ﺣﺎﺟﻪ ﺍﻧﺘﻲ ﻃﻠﻌﻴﻬﺎ
ﺍﻧﺎ ﺍﺑﺘﺴﻤﺖ .. ﻣﺎﻧﺒﻲ ﺷﻲ ﻛﻨﻚ
ﺍﻳﻬﻢ ﻏﻤﺰﻟﻲ ﻭﻗﺮﺏ ﺑﺎﺳﻨﻲ ﻉ ﻓﻤﻲ .. ﻣﺶ ﻫﺬﻱ ﺍﻟﻲ ﺗﺒﻴﻬﺎ
ﺍﻧﺎ ﻧﺤﺮﺟﺖ .. ﺍﻳﻬﻢ ﺗﺄ
ﺍﻳﻬﻢ ﺗﻨﻬﺪ .. ﻧﺤﺒﻚ
ﺍﻧﺎ ﺗﻨﻬﺪﺕ ﻧﻔﺲ ﺗﻨﻬﻴﺪﺍ .. ﻧﺤﺒﻚ
ﺣﻂ ﺍﻳﺪﻩ ﺗﺤﺖ ﺭﻗﺒﺘﻲ ﻭﺍﻧﺎ ﺭﻗﺪﺕ ﻉ ﺍﻳﺪﻩ ﻭﻫﻮ ﻳﻤﺸﻲ ﻑ ﺍﻳﺪﻩ ﻉ ﺷﻌﺮﻱ ﻭﻳﺤﻜﻴﻠﻲ ﻉ ﻳﻮﻣﻪ ﻛﻴﻒ ﻛﺎﻥ ﻟﻴﻦ ﺧﺬﺍ ﻑ ﻋﻴﻨﻲ ﺍﻟﻨﻮﻡ "
" ﻑ ﺍﻟﺼﺒﺎﺡ ﻋﻨﺪ ﺭﺣﺎﺏ ﻧﺎﺿﺖ ﺧﺸﺖ ﻟﺤﻤﺎﻡ ﻭﻟﺒﺴﺖ ﻭﻃﻠﻌﺖ ﺗﻔﻄﺮ
ﻣﺎﻣﺎ .. ﻛﻮﻟﻲ ﻛﻨﻚ ﻣﻦ ﺍﻣﺲ ﻫﻜﻲ
ﺭﺣﺎﺏ .. ﻣﺎﻋﻨﺪﻳﺶ ﻧﻴﻪ
ﻣﺎﻣﺎ .. ﺗﺒﻲ ﺩﻭﺧﻲ ﺍﻧﺘﻲ ﻭﻻ ﺷﻦ ﻗﺼﺘﻚ
ﺭﺣﺎﺏ ﺣﻄﺖ ﺍﻳﺪﻫﺎ ﻉ ﻓﻤﻬﺎ ﻭﺧﺸﺖ ﺗﺠﺮﻱ ﻟﺤﻤﺎﻡ
ﻣﺎﻣﺎ .. ﻳﻨﻌﻠﻴﺎ ﻛﻨﻚ ﺍﺳﻢ ﺍﻟﻠﻪ ﺷﻦ ﻛﻠﻴﺘﻲ ﺑﺲ
ﺭﺣﺎﺏ ﺩﻣﻮﻋﻬﺎ ﻉ ﺧﺪﻭﺩﻫﺎ ﻭﺻﺒﺖ ﻉ ﺣﻮﺽ ﻣﻐﻤﻀﻪ ﻋﻴﻮﻧﻬﺎ
ﻣﺎﻣﺎ ﺗﺤﻞ ﻑ ﺷﻴﺸﻤﻪ .. ﻏﺴﻠﻲ ﻭﺟﻚ ﻭﻏﻴﺮﻱ ﺩﺑﺸﻚ ﻭﺗﺮﻳﺤﻲ
ﺭﺣﺎﺏ ﻏﺴﻠﺖ ﻭﺟﻬﺎ ﻭﻃﻠﻌﺖ ﺧﺬﺕ ﺷﻨﻄﺘﻬﺎ
ﻣﺎﻣﺎ .. ﺍﻗﻌﺪﻱ ﻭﻳﻦ ﻣﺎﺷﻴﻪ
ﺭﺣﺎﺏ ﺑﺼﻮﺕ ﻭﺍﻃﻲ .. ﻋﻨﺪﻱ ﺍﻣﺘﺤﺎﻥ ﻻﺯﻡ ﻧﺤﻀﺮﻩ
ﻋﺰﻭ ﻃﺎﻟﻊ ﻣﻦ ﺩﺍﺭ ﻳﻌﻤﺶ .. ﻛﻨﻜﻢ ﻛﻨﻬﺎ ﺭﺣﺎﺏ ﻭﺟﻬﺎ ﻫﻜﻲ
ﻣﺎﻣﺎ .. ﺗﻮﺍ ﻗﻌﺪﺕ ﺗﺴﺘﻔﺮﻍ ﻗﺘﻠﻬﺎ ﺗﺮﻳﺤﻲ ﻣﺼﻜﺮﻩ ﺭﺍﺳﻬﺎ ﺑﺘﻌﺪﻱ
ﻋﺰﻭ .. ﻻ ﻭﻳﻦ ﺗﻌﺪﻱ ﺧﻠﻴﻚ ﺑﺎﻳﻦ ﺍﻧﻚ ﺗﻌﺒﺎﻧﻪ
ﻣﺎﻣﺎ .. ﺍﻫﺎ ﻭﺟﻚ ﺍﺻﻔﺮ ﺑﻜﻞ
ﺭﺣﺎﺏ .. ﻋﻨﺪﻱ ﺍﻣﺘﺤﺎﻥ ﺧﻠﻴﻨﻲ ﻧﻌﺪﻱ ﺗﻮﺍ ﻧﺘﺮﻳﺢ ﻑ ﻣﺪﺭﺳﻪ ﻏﺎﺩﻱ
ﻋﺰﻭ .. ﺑﺎﻩ ﺭﺍﺟﻴﻨﻲ ﻧﻠﺒﺲ ﻭﻧﺸﻴﻠﻚ
ﺭﺣﺎﺏ .. ﻻ ﻻ ﺧﻠﻴﻚ ﻳﺎﻋﺰﻭ
ﻃﻠﻌﺖ ﻟﺴﻘﻴﻔﻪ ﺗﻠﺒﺲ ﻑ ﺳﺒﻴﺪﺭﻭﻫﺎ
ﺭﺣﺎﺏ .. ﻣﺎﺗﻀﻐﻄﺶ ﻋﻠﻴﺎ ﺑﻨﻌﺪﻱ ﺑﺮﻭﺣﻲ ﻋﺎﺭﻓﺘﻚ ﺑﺘﻘﻌﺪ ﺗﺤﻜﻲ
ﻋﺰﻭ .. ﺷﻦ ﺻﺎﻳﺮ ﻻﺯﻡ ﻧﻌﺮﻑ
ﺭﺣﺎﺏ .. ﻭﻋﺪ ﺣﺘﻌﺮﻑ ﻣﺶ ﻣﻮﺿﻮﻉ ﻛﺒﻴﺮ ﻫﻮ ﺑﺲ ﺣﻨﻘﻮﻟﻚ ﺑﺎﻫﻲ
ﻋﺰﻭ .. ﺑﺎﻩ ﺭﺩ ﺑﺎﻟﻚ ﻣﻦ ﺭﻭﺣﻚ
ﺭﺣﺎﺏ ﺍﺑﺘﺴﻤﺖ .. ﺣﺎﺿﺮ ﻳﺎ ﺑﺎﺑﺎ
ﻋﺰﻭ ﺍﺑﺘﺴﻢ ﻭﻫﻴﺎ ﻃﻠﻌﺖ ﻣﻦ ﺍﻭﻝ ﻣﺎﻃﻠﻌﺖ ﻣﻦ ﺷﻘﻪ ﺍﺑﺘﺴﺎﻣﻪ ﺍﺧﺘﻔﺖ ﻃﻮﻝ ﻭﻧﺰﻟﺖ ﻟﻮﻃﻪ ﻟﻘﺖ ﻃﺎﺭﻕ ﻳﺴﺨﻦ ﻑ ﺳﻴﺎﺭﻩ ﺑﻌﺪ ﺷﺎﻑ ﺭﺣﺎﺏ ﻧﺰﻝ ﻃﻮﻝ
ﻃﺎﺭﻕ .. ﻭﻳﻨﻚ ﺍﻣﺲ ﻧﺸﻐﻠﺖ ﻋﻠﻴﻚ ﻣﻨﺎﺭ ﻗﺎﻟﺘﻠﻲ .. ﻣﺰﺍﻝ ﻣﺎﻛﻤﻞ ﻛﻼﻣﻪ ﺭﺣﺎﺏ ﻃﻠﻌﺖ ﻛﻴﺲ ﻣﻦ ﺷﻨﻄﺘﻬﺎ ﻭﺣﻄﺘﻬﺎ ﻉ ﻛﻮﻓﻨﻲ ﺳﻴﺎﺭﻩ
ﺭﺣﺎﺏ ﺑﻘﻮﻩ .. ﺳﻌﺎﺩﺗﻚ ﻣﻊ ﻏﻴﺮﻱ
ﻃﺎﺭﻕ ﻳﺒﺤﺖ ﻓﻴﻬﺎ .. ﻛﻴﻒ ﺷﻦ ﺗﻘﻮﻟﻲ ﺍﻧﺘﻲ
ﺭﺣﺎﺏ .. ﻛﻼﻣﻲ ﻭﺍﺿﺢ
ﻭﻃﻠﻌﺖ ﻃﻮﻝ ﻗﻌﺪﺕ ﺗﺠﺮﻱ ﻑ ﺧﻄﻮﺍﺗﻬﺎ ﻭﺩﻣﻮﻋﻬﺎ ﺯﻱ ﺷﻼﻝ ﻉ ﺧﺪﻭﺩﻫﺎ ﻻﻧﻬﺎ ﺳﻴﺒﺖ ﻗﻠﺒﻬﺎ ﺑﻜﻞ ﻣﺎﻓﻴﻪ ﻣﻊ ﻃﺎﺭﻕ ﺳﻴﺒﺖ ﺍﺣﻼﻡ ﻭﺣﻴﺎﺀ ﻛﺎﻣﻠﻪ ﻣﻌﺎﻩ ﻃﺎﺭﻕ ﻗﻌﺪ ﻣﺼﺒﻲ ﻳﺒﺤﺖ ﻣﺸﻌﺎﺭﻑ ﻛﻴﻒ ﻳﺼﺮﻑ ﻭﻻ ﻓﺎﻫﻢ ﺍﻟﻲ ﺻﺎﺭ ﺍﺻﻼً "
" ﻋﻨﺪﻱ ﺍﻧﺎ
ﺍﻳﻬﻢ .. ﻣﻴﺲ ﺣﺒﻴﺒﻲ ﻧﻮﺿﻲ ﻭﻗﺖ ﻋﻠﻴﻚ
ﺍﻧﺎ .. ﺗﺆ ﺧﻠﻴﻨﻲ
ﺍﻳﻬﻢ ﻳﺒﻮﺱ ﻑ ﺧﺪﻱ .. ﻫﻴﺎ ﻭﻗﺖ ﻭﺍﻟﻠﻪ ﺗﻮﺍ ﺗﺮﻭﺣﻲ ﻭﺗﺮﻗﺪﻱ
ﻓﺘﺤﺖ ﻋﻴﻮﻧﻲ ﻛﺎﻥ ﻭﺟﻪ ﻗﺮﻳﺐ ﻣﻦ ﻭﺟﻲ ﺭﻓﻌﺖ ﺭﻭﺣﻲ ﻭﺑﺴﺘﻪ ﻃﻮﻝ
ﺍﻧﺎ .. ﺻﺒﺎﺡ ﺍﻟﺨﻴﺮ
ﺍﻳﻬﻢ .. ﺻﺒﺎﺡ ﺍﻟﻌﺴﻞ ﻫﻴﺎ ﻧﻮﺿﻲ
ﻧﻀﺖ ﻟﻔﻴﺖ ﺷﻌﺮﻱ ﻭﺧﺸﻴﺖ ﻟﺤﻤﺎﻡ ﻭﺍﻳﻬﻢ ﺭﺗﺐ ﺳﺮﻳﺮ ﻭﻳﻄﻠﻊ ﻑ ﻟﺒﺴﺘﻲ ﻣﻦ ﺩﻭﻻﺏ ﻭﺣﻂ ﺷﻨﻄﻪ ﻉ ﺳﺮﻳﺮ ﻭﻃﻠﻊ
ﻃﻠﻌﺖ ﺑﺤﺘﺖ ﻑ ﺳﺮﻳﺮ ﻭﺍﺑﺘﺴﻤﺖ ﺻﻠﻴﺖ ﻭﻗﻌﺪﺕ ﻧﻠﺒﺲ
ﺍﻳﻬﻢ ﺧﺶ ﻋﻠﻴﺎ .. ﻣﺰﺍﻝ ﻣﺎﻛﻤﻠﺘﻲ ﻫﻴﺎ ﺍﻟﻔﻄﻮﺭ
ﺍﻧﺎ .. ﻫﻴﺎ ﺣﺒﻴﺒﻲ ﺍﻟﻮﺷﺎﺡ ﺑﺲ
ﺍﻳﻬﻢ ﻗﻌﺪ ﻣﺼﺒﻲ ﻳﺒﺤﺖ ﻭﺍﻧﺎ ﻟﺒﺴﺖ ﻭﺷﺎﺡ ﻭﻣﺴﻜﺖ ﺍﻟﻌﻄﺮ ﻧﺒﻲ ﻧﺒﺦ
ﺍﻳﻬﻢ ﻣﺴﻚ ﺍﻳﺪﻱ .. ﺣﺒﻴﺒﻲ ﻣﺶ ﺗﻔﻮﺗﻴﻪ ﻣﻌﺎﻛﻢ ﺍﺳﺎﺗﺬﻩ ﺣﺮﺍﻡ
ﺍﻧﺎ ﺍﺑﺘﺴﻤﺖ .. ﺣﺎﺿﺮ
ﺧﺬﻳﺖ ﺷﻨﻄﻲ ﻭﻃﻠﻌﺖ
ﺍﻳﻬﻢ .. ﻫﻴﺎ ﻗﻤﻌﺰﻱ ﺍﻓﻄﺮﻱ
ﺧﺬﻳﺖ ﺣﻠﻴﺐ ﻭﺻﺒﻴﺖ
ﺍﻳﻬﻢ .. ﻛﻮﻟﻲ ﺗﻔﺎﺣﻪ
ﺍﻧﺎ .. ﻻ ﻣﺎﻧﺤﺒﺶ
ﺍﻳﻬﻢ .. ﻧﺪﻳﺮﻟﻚ ﻧﺺ ﺗﺸﻴﻠﻴﻪ ﻣﻌﺎﻙ ﻭﻻ ﺗﺸﺮﻱ ﻣﻦ ﻏﺎﺩﻱ
ﺍﻧﺎ .. ﻻ ﻧﺸﺮﻱ ﺑﺮﻭﺣﻲ ﻻﻧﻪ ﻣﺮﺍﺕ ﻣﺎﺗﻘﻌﺪﺵ ﻋﻨﺪﻱ ﻧﻴﻪ ﺣﺮﺍﻡ ﺍﻟﻨﺺ
ﺍﻳﻬﻢ .. ﺑﺎﻫﻲ ﺗﻤﺎﻡ ﻫﻴﺎ
ﻧﺰﻟﻨﺎ ﻣﻊ ﺩﺭﻭﺝ
ﺍﻧﺎ .. ﺗﺴﻨﻴﻢ ﺑﺘﻤﺸﻲ ﻣﻌﺎﻧﺎ
ﺍﻳﻬﻢ .. ﻻﻻ ﺗﺴﻨﻴﻢ ﺍﻧﺘﻘﻠﺖ ﻣﻦ ﻣﺪﺭﺳﻪ
ﺍﻧﺎ .. ﺻﺎﺡ ﺍﻣﺘﻰ
ﺍﻳﻬﻢ .. ﺍﻣﺲ ﻗﺎﻟﻲ ﺍﻣﺠﺪ
ﺍﻧﺎ .. ﺍﻫﺎ
ﻃﻠﻌﻨﺎ ﻭﺭﻛﺒﻨﺎ ﻑ ﺳﻴﺎﺭﻩ ﺷﻮﻳﺎ ﻭﺻﻠﻨﺎ
ﺍﻳﻬﻢ .. ﻫﺎﻛﻲ ﺣﺒﻴﺒﻲ
ﺍﻧﺎ .. ﻭﺟﺪﺍﺕ ﻳﺎﺍﻳﻬﻢ
ﺍﻳﻬﻢ .. ﻋﺎﺩﻱ ﻣﺶ ﻣﺸﻜﻠﻪ ﺧﻠﻴﻬﻦ ﻣﻌﺎﻙ ﻫﻴﺎ ﻣﻮﻓﻘﻪ ﺭﺩ ﺑﺎﻟﻚ ﻣﻦ ﺭﻭﺣﻚ
ﺍﻧﺎ ﺍﺑﺘﺴﻤﺖ .. ﺣﺎﺿﺮ ﺣﺒﻴﺒﻲ
ﻧﺰﻟﺖ ﺧﺸﻴﺖ ﻣﺪﺭﺳﻪ ﻭﺑﺪﺍ ﺭﻭﺗﻴﻦ ﺍﻟﻌﺎﺩﻱ ﺧﺸﻴﺖ ﺍﻟﺤﺼﺼﻲ ﻭﻣﺎﺷﻔﺘﺶ ﺭﺣﺎﺏ "
" ﻳﻮﺳﻒ .. ﺧﻼﺹ ﺧﻠﻲ ﺷﻨﺎﻃﻲ ﻗﺘﻠﻚ
ﻣﻮﺩﻩ .. ﻣﺎﻩ ﺛﻘﻴﻠﻪ ﻫﺬﻱ ﻋﻠﻴﻚ
ﻳﻮﺳﻒ .. ﻋﺎﺩﻱ ﺍﻃﻠﻘﻲ ﺑﺲ ﺍﻧﺘﻲ
ﻣﻮﺩﻩ .. ﻣﺎﺍﺩﻳﺮﻳﺶ ﺻﻮﺕ ﺍﻛﻴﺪﻩ ﺭﺍﻗﺪﻳﻦ
ﻳﻮﺳﻒ .. ﺍﻣﻲ ﻑ ﻭﻗﺖ ﻫﺬﺍ ﺗﻘﻌﺪ ﻭﺍﻋﻴﻪ
ﻣﻮﺩﻩ .. ﺍﻥ ﺷﺎﺀ ﺍﻟﻠﻪ ﻣﺎﺗﺴﻤﻌﻨﺶ ﺻﺒﺢ
ﻳﻮﺳﻒ ﺑﺤﺖ ﻓﻴﺎ
ﻣﻮﺩﻩ .. ﻣﺎﺗﻘﻠﺒﺶ ﻭﺟﻚ ﺧﻼﺹ
ﻳﻮﺳﻒ ﻫﺰ ﺭﺍﺳﻪ .. ﺍﺭﻛﺒﻲ ﻭ ﺍﻧﺘﻲ ﺳﺎﻛﺘﻪ
ﺭﻛﺒﺖ ﻣﻮﺩﻩ ﻟﺪﺭﻭﺝ ﻭﻳﻮﺳﻒ ﻓﺘﺢ ﺷﻘﻪ ﺧﺸﻮ ﻫﻤﺎ ﺍﻷﺛﻨﻴﻦ
ﻳﻮﺳﻒ .. ﺧﻠﻴﻬﻦ ﺷﻨﺎﻃﻲ ﺑﻌﺪﻳﻦ ﺭﺩﻳﻬﻦ ﺗﻮﺍ ﺗﺮﻳﺤﻲ
ﻣﻮﺩﻩ .. ﺧﺶ ﺍﻧﺖ ﺩﻭﺵ ﺑﻌﺪﻫﺎ ﺗﻮﺍ ﻧﺨﺶ ﺍﻧﺎ
ﻳﻮﺳﻒ .. ﺑﺎﻩ ﺧﺎﺷﻪ ﺍﻧﺎ
ﻳﻮﺳﻒ ﺧﺶ ﺩﻕ ﺑﺎﺏ ﺍﻣﺘﺎﻉ ﺍﻟﺸﻘﻪ ﻃﻠﻌﺖ ﻣﻮﺩﻩ ﺗﺤﻞ
ﺳﺎﻟﻤﻪ .. ﻭﻳﻦ ﻳﻮﺳﻒ
ﻣﻮﺩﻩ ﻧﻔﺠﻌﺖ ﻣﻨﻬﺎ .. ﻳﻮﺳﻒ ﻳﺪﻭﺵ
ﺳﺎﻟﻤﻪ .. ﻫﻴﻴﻲ ﺳﻤﺎﻟﻠﻪ ﻛﻴﻒ ﺟﻴﺘﻮ ﻃﺒﻌﺎً ﻋﺎﻣﻴﻪ ﻋﻴﻮﻧﻪ ﺑﻬﺎﻟﺤﺮﻛﺎﺕ
ﻣﻮﺩﻩ ﻧﺤﺮﺟﺖ .. ﺍﺍﺍ
ﺳﺎﻟﻤﻪ .. ﺣﻮﻟﻲ ﻧﺨﺶ ﻧﺮﺍﺟﻴﻪ ﻑ ﺻﺎﻟﻪ
ﻣﻮﺩﻩ ﺗﺒﺤﺖ ﻓﻴﻬﺎ ﻭﻣﻨﺼﺪﻣﻪ
ﺳﺎﻟﻤﻪ .. ﻏﻴﺮ ﻗﻮﻟﻲ ﺗﻔﻀﻠﻲ ﺣﺘﻰ ﺑﺎﻟﻜﺬﺏ ﻳﺎﺣﻨﻪ ﺭﺍﻩ ﺷﻘﻪ ﻭﻟﺪﻱ ﻣﺶ ﺟﺎﻳﺒﺘﻴﻬﺎ ﻣﻦ ﺣﻮﺷﻜﻢ
ﻣﻮﺩﻩ ﺳﺎﻛﺘﻪ
ﺳﺎﻟﻤﻪ .. ﻫﺬﺍ ﻛﻠﻪ ﺩﻭﺵ ﻳﻮﺳﻒ
ﺷﻮﻳﺎ ﻭﻃﻠﻊ ﺍﻧﺼﺪﻡ ﻣﻦ ﺍﻣﻪ
ﺳﺎﻟﻤﻪ .. ﺑﺎﻫﻲ ﺍﻟﻲ ﻃﻠﻌﺖ
ﻳﻮﺳﻒ .. ﺧﻴﺮ ﻳﺎﺍﻣﻲ
ﺳﺎﻟﻤﻪ .. ﺍﻳﻦ ﺧﻴﺮ ﺗﺤﻜﻲ ﻋﻠﻴﻪ ﻭﺍﻧﺘﻲ ﻣﺎﺗﻨﺪﺭﻱ ﻋﻠﻴﺎ ﻭﻳﻦ ﻧﻔﺘﺢ
ﻳﻮﺳﻒ .. ﻧﻐﻴﺮ ﻭﻧﺠﻲ
ﺳﺎﻟﻤﻪ .. ﺍﻫﺮﺏ ﺍﻫﺮﺏ ﻋﺎﻣﻴﻪ ﻋﻴﻮﻧﻚ ﻫﺬﻱ ﻋﺎﺩ ﻳﺒﺎﻝ ﺗﻮﺍ ﺣﺎﻣﻞ ﻣﺎﺣﻤﻠﺖ ﺍﻻ ﻫﻴﺎ
ﻳﻮﺳﻒ ﺑﺼﻮﺕ ﻋﺎﻟﻲ ﺷﻮﻳﺎ .. ﺍﻣﻲ ﺷﻦ ﺗﺒﻲ ﺗﻮﺍ ﻛﻨﻚ
ﺳﺎﻟﻤﻪ .. ﻻ ﻣﺎﻧﺒﻲ ﺷﻲ ﺳﻼﻣﺘﻜﻢ
ﻭﺧﻄﻤﺖ ﻣﻦ ﺗﻼ ﻣﻮﺩﻩ
ﺳﺎﻟﻤﻪ .. ﺍﻟﻲ ﻣﺎﻓﻴﻪ ﺧﻴﺮ ﺍﻟﻬﻠﻪ ﺑﻴﻠﻘﻮﻩ ﻓﻴﻪ ﺍﻟﻨﺎﺱ ﺑﺮﺍﻧﻴﻪ
ﻣﻮﺩﻩ ﺗﺒﺤﺖ ﺳﺎﻛﺘﻪ ﻃﻠﻌﺖ ﻭﺧﺒﻄﺖ ﺍﻟﺒﺎﺏ ﻭﺭﺍﻫﺎ ﻣﻮﺩﻩ ﺑﺤﺘﺖ ﻑ ﻳﻮﺳﻒ
ﻳﻮﺳﻒ ﺗﻨﻬﺪ
ﻣﻮﺩﻩ ﺑﺼﻮﺕ ﻣﺤﻨﻮﻕ .. ﻫﺬﻱ ﺍﻟﺤﻴﺎﺀ ﺍﻟﻲ ﺣﻠﻤﻨﺎ ﺑﻴﻬﺎ
ﻳﻮﺳﻒ ﺑﺮﻡ ﻭﺳﻤﻊ ﺻﻮﺕ ﻗﺰﺍﺯ ﺑﺮﻡ ﻭﻓﻨﺺ ﻋﻴﻮﻧﻪ "
" ﻃﻠﻌﻨﺎ ﻑ ﺍﺳﺘﺮﺍﺣﻪ ﻟﻘﻴﺖ ﺭﺣﺎﺏ ﻣﻘﻤﻌﺰﻩ ﺟﻴﺖ ﺗﻼﻫﺎ
ﺍﻧﺎ ﻣﺒﺘﺴﻤﻪ .. ﺻﺒﺎﺡ ﺍﻟﺨﻴﺮ
ﺭﺣﺎﺏ ﺑﺮﻣﺖ .. ﻫﻴﻴﻲ ﻣﻴﺲ
ﺣﻀﻨﺘﻨﻲ ﺯﻳﻦ
ﺍﻧﺎ .. ﻫﻬﻬﻪ ﻫﺬﺍ ﻛﻠﻪ ﺭﻳﺎﻑ
ﺭﺣﺎﺏ .. ﺍﻫﺎ ﺭﺍﻳﻔﻨﺎ ﻋﻠﻴﻚ
ﺍﻧﺎ .. ﻧﺠﻚ ﻟﻴﺎ ﻭﺍﻧﺎ ﺭﺍﻳﻔﺖ ﻋﻠﻴﻜﻢ
ﺭﺣﺎﺏ .. ﻧﺠﺤﺘﻲ
ﺍﻧﺎ ﺍﺑﺘﺴﻤﺖ .. ﻧﺠﺤﺖ ﺍﻫﺎ
ﺭﺣﺎﺏ ﺍﺑﺘﺴﻤﺖ .. ﻣﺒﺮﻭﻙ
ﺍﻧﺎ .. ﺍﻟﻠﻪ ﻳﺒﺎﺭﻙ ﻓﻴﻚ ﻛﻨﻚ ﻗﺎﻋﺪﻩ ﺑﺮﻭﺣﻚ
ﺭﺣﺎﺏ .. ﻣﺎﻋﻨﺪﻳﺶ ﻧﻴﻪ ﻧﻘﻌﺪ ﻣﻊ ﺑﻨﺎﺕ
ﺍﻧﺎ .. ﺻﺎﻳﺮ ﻣﻌﺎﻙ ﺣﺎﺟﻪ
ﺭﺣﺎﺏ ﺍﺑﺘﺴﻤﺖ .. ﺳﻴﺒﻨﺎ ﺍﻧﺎ ﻭﻃﺎﺭﻕ
ﺍﻧﺎ ﻓﺘﺤﺖ ﻋﻴﻮﻧﻲ ﺯﻳﻦ .. ﻟﻴﺶ ﺷﻨﻮ ﺳﺒﺐ
ﺭﺣﺎﺏ .. ﺑﻼ ﺳﺒﺐ ﻛﻞ ﺣﺪ ﻳﻼﻗﻰ ﻃﺮﻳﻘﻪ ﺣﺘﻰ ﺑﻨﺎﺕ ﻣﺎﻳﻌﺮﻓﻨﺶ ﺍﻧﺘﻲ ﺍﻭﻝ ﻭﺣﺪﻩ ﺗﻌﺮﻓﻲ
ﺍﻧﺎ .. ﻳﺎﻋﻤﺮﻱ ﺍﻧﺎ ﺭﺑﻲ ﻳﻌﻮﺿﻚ ﺍﻟﺨﻴﺮ ﻣﻨﻪ ﻣﺎﺗﺰﻋﻠﻴﺶ
ﺭﺣﺎﺏ .. ﻓﻮﺗﻴﻨﻲ ﺍﻧﺎ ﺍﻧﺘﻲ ﺷﻨﺠﻮﻙ ﻣﻊ ﺍﻳﻬﻢ
ﺍﻧﺎ .. ﺍﻟﺤﻤﺪﺍﻟﻠﻪ ﻛﻮﻳﺴﻴﻦ
ﺭﺣﺎﺏ .. ﺑﺎﻩ ﺍﻟﺤﻤﺪﺍﻟﻠﻪ
ﻫﺪﺭﺯﻧﺎ ﺷﻮﻳﺎ ﻟﻴﻦ ﺭﻥ ﺟﺮﺱ ﻭﺭﻛﺒﻨﺎ ﻟﺤﺼﺼﻨﺎ ﺃﺧﺮﻯ "
" ﺟﺎﺀ ﻭﻗﺖ ﻣﺮﻭﺍﺡ ﻃﻠﻌﺖ ﺷﻔﺖ ﺍﻳﻬﻢ ﻣﺼﺒﻲ ﻣﺸﻴﺘﻠﻪ ﻭﺍﻧﺎ ﻣﺒﺘﺴﻤﻪ ﺑﻌﺪ ﺷﺎﻓﻨﻲ ﺑﺮﻡ ﻃﻮﻝ ﻭﺭﻛﺐ ﻑ ﺳﻴﺎﺭﻩ
ﺍﻧﺎ ﻣﺒﺘﺴﻤﻪ .. ﺣﺒﻴﺒﻲ
ﺍﻳﻬﻢ .. ﻣﻴﺲ ﺧﻠﻴﻨﻲ ﻣﺎﺳﻚ ﺃﻋﺼﺎﺑﻲ ﻟﻌﻨﺪ ﺷﻘﻪ
ﺍﻧﺎ .. ﺷﻨﻦ ﻓﻲ
ﻣﺎﺭﺩﺵ ﻋﻠﻴﺎ ﻗﻌﺪﺕ ﻧﺒﺤﺖ ﻑ ﻣﻨﻀﺮﻩ ﻛﻴﻒ ﻣﻌﺼﺐ ﺳﻜﺘﺖ ﻭﻗﻌﺪﺕ ﻧﺪﻋﻲ ﻑ ﺳﺮﻱ ﻻﻧﻪ ﻣﻨﻀﺮﻩ ﻳﺨﻮﻑ ﻛﺎﻥ "
" ﻣﻨﻴﺮ .. ﺍﺍ ﺻﺒﺎﺡ ﺍﻟﺨﻴﺮ
ﻣﺮﻳﻢ ﺑﺮﻣﺖ .. ﺻﺒﺎﺡ ﺍﻟﻨﻮﺭ
ﻣﻨﻴﺮ .. ﻓﺎﺿﻴﻪ ﻭﻻ ﻭﻗﺖ ﻉ ﻣﺤﺎﺿﺮﺗﻚ
ﻣﺮﻳﻢ .. ﻻ ﻣﺰﺍﻝ ﺣﺘﻰ ﺍﺣﻤﻴﺪﺍ ﻣﻨﺰﻟﺶ
ﻣﻨﻴﺮ .. ﺍﻣﺲ ﻗﺘﻠﻚ ﻧﺒﻴﻚ ﻑ ﻣﻮﺿﻮﻉ
ﻣﺮﻳﻢ ﺍﺑﺘﺴﻤﺖ .. ﺷﻨﻮ ﺍﻟﻤﻮﺿﻮﻉ ﺗﺸﻮﻗﺖ ﻧﻌﺮﻑ
ﻣﻨﻴﺮ .. ﻋﺮﻳﺲ
ﻣﺮﻳﻢ ﻣﺰﺍﻟﺖ ﻣﺒﺘﺴﻤﻪ .. ﻛﻴﻒ
ﻣﻨﻴﺮ ...
" ﻳﺘﺒﻊ "..
ﺭﺍﻳﻜﻦ ﻑ ﺍﻟﺤﻠﻘﻪ ﺗﻮﻗﻌﻦ ﻟﻴﺶ ﺍﻳﻬﻢ ﻣﻌﺼﺐ ﻫﻜﻲ ﻭﺷﻦ ﺑﻴﺼﻴﺮ ﻣﻊ ﻣﻮﺩﻩ ﻭﻳﻮﺳﻒ ﺷﻦ ﻳﻘﺼﺪ ﻣﻨﻴﺮ ﺑﻜﻼﻣﻪ ﻫﻴﺎ ﺗﻔﺎﻋﻠﻦ ﻣﻌﺎﻳﺎ ﻳﺎﺑﻨﺎﺕ
Anosha Alriany
