ﻣﻦ ﻋﺎﻟﻤﻲ
# ﻋﻜﺲ _ ﺍﻟﺘﻴﺎﺭ
ﺣﻠﻘﻪ 40
" ﺭﻳﻬﺎﻡ .. ﺷﻨﻮ ﺟﻮﺍﺯ ﺷﻨﻮ ﺍﻟﻲ ﺗﺤﻜﻮﺍ ﻋﻠﻴﻪ ﺍﻧﺘﻢ ﺍﻧﺎ ﺑﻌﺪ ﺍﺳﺎﻣﻪ ﻣﻌﺶ ﺑﻨﺠﻮﺯ ﺑﻨﻜﻤﻞ ﻗﺮﺍﻳﺘﻲ ﻭﻧﺸﺘﻐﻞ ﺑﺲ ﺍﻧﺎ ﻣﻌﺶ ﺑﻨﺠﻮﺯ
ﻣﺎﻣﺎ .. ﺍﻫﺪﻯ ﻛﻨﻚ ﻧﻔﻌﻠﺘﻲ ﻫﻜﻲ ﻫﺬﻱ ﺳﻨﻪ ﺍﻟﺤﻴﺎﺀ ﺍﺳﺎﻣﻪ ﻣﺎﺕ ﺍﻟﻠﻪ ﻳﺮﺣﻤﻪ ﺑﺲ ﺣﺘﻰ ﻧﻔﺴﻚ ﻋﻨﺪﻙ ﻋﻠﻴﻬﺎ ﺣﻖ ﺍﻟﺤﻲ ﻳﺒﻲ ﻳﺎ ﺭﻳﻬﺎﻡ
ﺭﻳﻬﺎﻡ ﺩﻣﻮﻋﻬﺎ ﻳﻨﺰﻟﻦ .. ﻛﻨﻜﻢ ﻣﺎﺗﺒﻮﺵ ﺗﻔﻬﻤﻮ ﺍﻧﺘﻢ ﺍﻧﺎ ﺑﻌﺪ ﺍﺳﺎﻣﻪ ﺻﻜﺮﺕ ﻉ ﻣﻮﺿﻮﻉ ﺍﻟﺠﻴﺰﻩ
ﺭﺷﺎ .. ﻳﺎﻋﻤﺮﻱ ﺍﻧﺘﻲ ﺍﺳﺎﻣﻪ ﺍﻟﻠﻪ ﻳﺮﺣﻤﻪ ﺧﻼﺹ ﻣﺎﺕ ﻻﺯﻡ ﺗﻌﻴﺸﻲ ﺣﻴﺎﺗﻚ ﺍﻧﺘﻲ ﻣﺰﺍﻟﺘﻲ ﺻﻐﻴﺮﻩ ﺍﺳﺎﻣﻪ ﺗﻘﺪﺭﻱ ﺗﺪﻋﻴﻠﻪ ﻭﺗﺼﺪﻗﻲ ﻋﻠﻴﻪ ﺑﺲ ﻣﺰﺍﻝ ﻗﺪﺍﻣﻚ ﺍﻟﺤﻴﺎﺀ
ﺭﻳﻬﺎﻡ ﻋﻴﻄﺖ .. ﻣﺎﻓﻴﺶ ﺣﺪ ﻓﺎﺍﺍﻫﻢ ﻣﺎﺍﺍﻓﻴﺶ ﺍﻧﺎ ﻣﺰﺍﻟﺖ ﻧﺤﺐ ﺍﺳﺎﻣﻪ ﻣﺰﺍﻟﺖ ﻭﻣﺎﻧﺒﻴﺶ ﻧﺤﺐ ﻭﻻ ﻧﺠﻮﺯ ﺧﻠﻮﻧﻲ ﻑ ﺣﺎﻟﻲ ﻫﻜﻲ ﺍﻧﺎ ﻣﺘﺮﻳﺤﻪ
ﺻﺒﺖ ﺧﺸﺖ ﻟﺪﺍﺭ
ﻣﺎﻣﺎ .. ﻳﻨﻌﻠﻴﺎ ﻣﺰﺍﻟﺖ ﺻﻐﻴﺮﻩ ﺍﺳﺎﻣﻪ ﻟﻪ 6 ﺷﻬﻮﺭ
ﺍﻧﺎ .. ﺧﻠﻴﻬﺎ ﻳﺎﻣﺎﻣﺎ ﺗﻮﺍ ﺗﻬﺪﺃ ﻭﻧﺤﻜﻮﺍ ﻣﻌﺎﻫﺎ
ﺭﺣﺎﺏ .. ﻛﻴﻒ ﻋﺮﻓﺘﻴﻪ ﺍﻧﺘﻲ ﻫﻮ ﺧﻮ ﺩﻧﻴﺎ
ﺍﻧﺎ .. ﻫﻴﺎ ﺣﻜﺘﻠﻲ ﻑ ﺑﺪﺍﻳﻪ ﺟﻴﺰﺗﻲ ﺩﻭﺗﻠﻲ ﻉ ﺭﺷﺎ ﻭﺑﻌﺪﻫﺎ ﻧﺨﻄﺒﺖ ﺭﺷﺎ ﻋﺎﺩ ﻭﺗﻮﺍ ﺣﻜﺘﻠﻲ ﻉ ﺭﻳﻬﺎﻡ ﻗﺎﻟﺖ ﺩﻭﻳﺘﻠﻪ ﻉ ﻗﺼﺘﻬﺎ ﻭﺍﻟﻲ ﺻﺎﺭ ﻣﻌﺎﻫﺎ ﻭﻫﻮ ﻋﺮﻓﻬﺎ ﻃﻮﻝ
ﺭﺷﺎ .. ﺳﺒﺤﺎﻥ ﺍﻟﻠﻪ ﻉ ﻧﺼﻴﺐ ﻣﺮﺍﺕ ﻳﻘﻌﺪ ﻫﻮ ﺩﺍﻭﻫﺎ ﻑ ﺍﻭﻝ ﻭﺗﻮﺍ ﺑﻴﺪﻭﻱ ﺟﺮﺣﻬﺎ ﻭﻳﺠﺒﺮ ﺧﺎﻃﺮﻫﺎ
ﻣﺎﻣﺎ .. ﺍﻧﺎ ﺷﻦ ﻭﺩﻱ ﻏﻴﺮ ﺗﻘﻌﺪ ﻛﻮﻳﺴﻪ ﻭﻓﺮﺣﺎﻧﻪ ﺭﺑﻲ ﻳﺠﺒﺮ ﺏ ﺧﺎﻃﺮﻫﺎ
ﺭﺣﺎﺏ .. ﻣﺴﻜﻴﻨﻪ ﻑ ﻧﺺ ﻟﻴﻞ ﺗﺼﻠﻲ ﻭﺗﺪﻋﻴﻠﻪ ﻭﺗﻘﻌﺪ ﺗﺒﻜﻲ
ﻣﺎﻣﺎ .. ﻋﺎﺭﻓﺘﻬﺎ ﺷﺎﻳﻼ ﻑ ﻗﻠﺒﻬﺎ
ﺍﻧﺎ ﺻﺒﻴﺖ .. ﺭﺑﻲ ﻳﻔﺮﺝ ﻋﻠﻴﻬﺎ ﻭﺧﻼﺹ ﻧﻤﺸﻲ ﻧﺸﻮﻓﻬﺎ
ﻣﺸﻴﺖ ﻟﺪﺍﺭ ﺧﺸﻴﺖ ﻟﻘﻴﺘﻬﺎ ﻣﻘﻤﻌﺰﻩ ﻉ ﺳﺮﻳﺮ ﻭﺗﻤﺴﺢ ﻑ ﺩﻣﻮﻋﻬﺎ ﺧﺸﻴﺖ ﻗﻤﻌﺰﺕ ﺗﻼﻫﺎ
ﺭﻳﻬﺎﻡ .. ﻋﻠﻴﺶ ﻳﺎﻣﻴﺲ ﻋﻠﻴﺶ ﻣﺎﻩ ﻋﺎﺭﻓﺘﻴﻨﻲ ﻧﺤﺐ ﺍﺳﺎﻣﻪ ﻭﻣﺎﻧﺒﻴﺶ ﻧﺎﺧﺬ ﺧﺪ ﻏﻴﺮﻩ
ﺍﻧﺎ .. ﻫﻮﻣﺎ ﺍﺳﻤﻌﻴﻨﻲ ﺭﺑﻲ ﺷﻦ ﻗﺎﻝ ﻗﺎﻝ ﺍﻟﻠﻪ ﺗﻌﺎﻟﻰ ( ﻗُﻞ ﻟَّﻦ ﻳُﺼِﻴﺒَﻨَﺎ ﺇِﻻَّ ﻣَﺎ ﻛَﺘَﺐَ ﺍﻟﻠّﻪُ ﻟَﻨَﺎ ﻫُﻮَ ﻣَﻮْﻻَﻧَﺎ ﻭَﻋَﻠَﻰ ﺍﻟﻠّﻪِ ﻓَﻠْﻴَﺘَﻮَﻛَّﻞِ ﺍﻟْﻤُﺆْﻣِﻨُﻮﻥَ ﺍﻟﺘﻮﺑﺔ )
ﺳﻮﺍﺀ ﻫﻜﻲ ﻭﻻ ﻫﻜﻲ ﺍﺳﺎﻣﻪ ﻫﺬﺍ ﺣﺪ ﻋﻤﺮﻩ ﺭﺑﻲ ﻣﺶ ﺣﻴﺨﺘﺎﺭﻟﻚ ﺍﻻ ﺍﻟﻲ ﻓﻴﻬﺎ ﺍﻟﺨﻴﺮﻩ ﻣﺎﺻﺎﺭﺵ ﻫﻜﻲ ﺍﻻ ﻭﺭﺑﻲ ﻋﺎﺭﻑ ﺍﻧﻪ ﻓﻴﻬﺎ ﻟﻜﻲ ﺭﺑﻲ ﻳﺤﺒﻚ ﻻﻧﻪ ﺍﺑﺘﻼﻙ ﺭﺑﻲ ﺍﺫﺍ ﺣﺐ ﻋﺒﺪﺍً ﻳﺒﺘﻠﻴﻪ ﻭﺍﺣﻴﺎﻧﺎً ﺍﻧﺘﻲ ﻣﺮﺍﺕ ﻛﻨﺘﻲ ﺑﻌﻴﺪﻩ ﻉ ﺍﻟﻠﻪ ﻳﺒﻴﻚ ﺗﻘﺮﺑﻲ ﻣﻨﻪ ﻭﻳﺒﻲ ﻳﺨﺘﺒﺮ ﺻﺒﺮﻙ ﻭﻗﻮﺓ ﺍﻳﻤﺎﻧﻚ
ﺭﻳﻬﺎﻡ ﺗﺒﻜﻲ .. ﻋﺎﺭﻓﻪ ﻋﺎﺭﻓﻪ ﻛﻞ ﺍﻟﻜﻼﻡ ﻫﺬﺍ ﺑﺲ ﻣﺶ ﻣﺴﺘﻮﻋﺒﻪ ﺍﻧﻲ ﻧﻜﻮﻥ ﺍﻟﻐﻴﺮﻩ ﻳﺎﻣﻴﺲ ﺍﻧﺎ ﻧﺤﺐ ﺍﺳﺎﻣﻪ ﺍﻧﺘﻲ ﻋﺎﺭﻓﻪ ﻛﻴﻒ ﺍﻟﻮﺍﺣﺪ ﺑﻌﺪ ﻳﺤﺐ ﺻﺎﺡ ﻭﺍﻟﻠﻪ ﻋﺎﺭﻓﻪ ﺍﻧﺘﻲ
ﺍﻧﺎ .. ﻳﺎ ﻋﻤﺮﻱ ﻭ ﺍﻟﻠﻪ ﻋﺎﺭﻓﻪ ﺑﺲ ﻟﻨﻔﺴﻚ ﻋﻠﻴﻬﺎ ﺣﻖ ﻭﺍﻫﻠﻚ ﻋﻠﻴﻚ ﺣﻖ ﻑ ﻛﻞ ﺣﻖ ﻋﻄﻴﻪ ﺣﻘﻪ ﻳﺎﻫﻮﻣﺎ ﺍﻟﺤﻲ ﻳﺒﻲ
ﺭﻳﻬﺎﻡ ﺗﻤﺴﺢ ﻑ ﺩﻣﻮﻋﻬﺎ .. ﺧﺎﻳﻔﻪ ﻣﺎﻧﺤﺒﺶ ﻛﻴﻒ ﻣﺎ ﺣﺒﻴﺖ ﺍﺳﺎﻣﻪ ﺧﺎﻳﻔﻪ ﻧﻀﻠﻤﻪ ﻭﺧﺎﻳﻔﻪ ﻧﻘﻌﺪ ﻧﻔﻜﺮ ﻑ ﺍﺳﺎﻣﻪ ﻭﺍﻧﺎ ﻉ ﺫﻣﺘﻪ ﻣﺶ ﺗﻌﺘﺒﺮ ﺧﻴﺎﻧﻪ ﻫﻜﻲ
ﺍﻧﺎ .. ﺣﺘﺤﺒﻴﻪ ﻛﻴﻒ ﺍﺳﺎﻣﻪ ﻣﻤﻜﻦ ﻭﺃﻛﺜﺮ ﺻﺪﻗﻴﻨﻲ ﺍﺳﺘﺨﻴﺮﻱ ﺍﻧﺘﻲ ﺑﺲ ﺷﻮﻓﻲ ﺍﻧﺎ ﺧﻮﺫﻳﻨﻲ ﻣﺜﺎﻝ ﻟﻜﻲ ﻛﻨﺖ ﻣﺶ ﺭﺍﺿﻴﻪ ﻭﺧﺎﻳﻔﻪ ﺻﺎﺡ ﻑ ﺑﺪﺍﻳﻪ ﺟﻮﺍﺯﻧﺎ ﻣﺎﻛﻨﺘﺶ ﻣﺘﺮﻳﺤﻪ ﻭﺍﺟﺪ ﺑﺲ ﺍﻧﺎ ﻭﺍﺛﻘﻪ ﻑ ﺍﺧﺘﻴﺎﺭ ﺭﺑﻲ ﻭﻋﺎﺭﻓﺘﻪ ﺧﻴﺮ ﻭﺻﺒﺮﺕ ﻭﺍﻟﺤﻤﺪ ﺍﻟﻠﻪ ﺭﺑﻲ ﻋﺎﻃﻨﻲ ﻉ ﺻﺒﺮﻱ ﻭﺣﺴﻦ ﻇﻨﻲ ﻑ ﺍﻟﻠﻪ
ﺭﻳﻬﺎﻡ .. ﺑﺎﻩ ﻧﺼﻠﻲ ﺍﺳﺘﺨﺎﺭﻩ ﻭﻧﺮﺩ ﻋﻠﻴﻜﻢ
ﺍﻧﺎ ﺍﺑﺘﺴﻤﺖ ﻭﺣﻀﻨﺘﻬﺎ .. ﺭﺑﻲ ﻳﻌﻄﻴﻚ ﺍﻟﻲ ﻳﻔﺮﺣﻚ
ﺭﻳﻬﺎﻡ ﺗﻨﻬﺪﺕ .. ﺍﻥ ﺷﺎﺀ ﺍﻟﻠﻪ
ﺍﻧﺎ ﺻﺒﻴﺖ .. ﺗﻌﺎﻟﻲ ﻛﺴﺪﻱ ﻣﻌﺎﻧﺎ
ﺭﻳﻬﺎﻡ .. ﻻ ﻻ ﺍﻃﻠﻌﻲ ﺍﻧﺘﻲ ﻣﺎﻋﻨﺪﻳﺶ ﻧﻴﻪ
ﺍﻧﺎ .. ﺑﺎﻩ ﺗﻤﺎﻡ
ﻃﻠﻌﺖ ﺑﺮﺍ ﻭﻗﻤﻌﺰﺕ ﻣﻌﺎﻫﻦ ..
ﻣﺎﻣﺎ .. ﺷﻦ ﻗﺎﻟﺖ
ﺍﻧﺎ ﺍﺑﺘﺴﻤﺖ .. ﺍﻗﺘﻨﻌﺖ ﺷﻮﻳﺎ ﺭﺍﻩ ﻭﻗﺎﻟﺖ ﻧﺼﻠﻲ ﺍﺳﺘﺨﺎﺭﻩ ﻗﺒﻞ
ﻣﺎﻣﺎ .. ﺍﻥ ﺷﺎﺀ ﺍﻟﻠﻪ ﺭﺑﻲ ﻳﻔﺮﺣﻬﺎ
ﺭﺷﺎ .. ﺍﻥ ﺷﺎﺀ ﺍﻟﻠﻪ ﺍﻟﻲ ﻓﻴﻬﺎ ﺧﻴﺮﻩ ﻳﺠﻴﺒﻬﺎ ﻟﻬﺎ؛ﻣﻴﺲ ﻛﻨﻬﺎ ﻭﺳﻦ ﺍﻳﺪﻳﻬﺎ ﺍﻻﺛﻨﻴﻦ ﻑ ﻓﻤﻬﺎ ﻛﺎﻧﻬﺎ ﺗﺴﻨﻦ ﻭﻫﻴﺎ ﻣﺰﺍﻟﺖ ﺻﻐﻴﺮﻩ
ﺍﻧﺎ .. ﺍﻫﺎ ﻳﺎﻣﺎﻣﺎ ﻟﻴﻦ ﺗﻘﻌﺪ ﺗﺒﻜﻲ ﻣﺮﺍﺕ ﻭﺍﻳﺪﻳﻬﺎ ﺍﻻﺛﻨﻴﻦ ﻑ ﻓﻤﻬﺎ ﺗﻌﺾ ﻓﻴﻬﻦ
ﻣﺎﻣﺎ .. ﺗﺤﺲ ﻑ ﺍﻧﺴﺠﻪ ﺍﻟﻠﺜﻪ ﺣﺘﻰ ﻣﻦ ﺗﻮﺍ ﺍﺷﺮﻳﻠﻬﺎ ﺍﻟﻌﻀﺎﺿﻪ
ﺍﻧﺎ .. ﻋﻠﻴﺶ ﺗﻌﺾ ﻓﻴﻬﻦ ﺑﺎﻩ
ﻣﺎﻣﺎ .. ﻳﺨﻔﻒ ﻑ ﺍﻟﻮﺟﻊ ﺍﻟﻲ ﺗﺤﺲ ﻓﻴﻪ ﻣﺘﺨﺎﻓﻴﺶ ﻣﺮﺍﺕ ﺗﻘﻌﺪ ﺗﺒﻜﻴﻠﻚ ﺑﺪﻭﻥ ﺳﺒﺐ ﻣﻦ ﺍﻻﻟﻢ ﻭﺗﻘﻌﺪ ﺗﺴﻴﻞ ﺍﻟﺮﻳﺎﻗﻪ ﻭﺍﺟﺪ ﻭﻣﺮﺍﺕ ﺣﺮﺍﺭﻩ
ﺍﻧﺎ .. ﺣﻲ ﻋﻠﻴﺎ ﻧﺨﺎﻑ ﻋﻠﻴﻬﺎ
ﻣﺎﻣﺎ .. ﻳﺎﻫﺒﻠﻪ ﻻﺯﻡ ﻫﻜﻲ ﻟﻌﻨﺪ ﻳﻄﻠﻌﻦ
ﺍﻧﺎ .. ﺻﺎﺡ
ﻣﺎﻣﺎ .. ﺍﻩ ﺷﻮﻓﻴﻬﺎ ﻛﻴﻒ ﺗﻌﺾ ﻓﻴﻬﻦ
ﺍﻧﺎ .. ﺗﻮﺍ ﻧﻘﻮﻝ ﻟﻲ ﺍﻳﻬﻢ ﻳﺠﻴﺒﻠﻬﺎ
ﺭﺣﺎﺏ ﺧﺎﺷﻪ ﺏ ﺻﻔﺮﻩ ﺍﻟﻘﻬﻮﺓ
ﺍﻧﺎ .. ﻣﺎﻋﻨﺪﻛﺶ ﻣﻌﻬﺪ ﺍﻟﻴﻮﻡ
ﺭﺣﺎﺏ .. ﻻﻻ ﺍﻟﻴﻮﻡ ﺑﻜﺮﺍ
ﺍﻧﺎ .. ﻣﺎﻣﺎ ﺍﻣﺘﻰ ﺑﻴﺎﻥ ﻋﺰﻭ
ﻣﺎﻣﺎ .. ﺍﻥ ﺷﺎﺀ ﺍﻟﻠﻪ ﻗﺎﻝ ﻧﻬﺎﻳﻪ ﺍﻟﺸﻬﺮ
ﺍﻧﺎ .. ﻭﺍﻟﻌﺮﺱ ﺍﻣﺘﻰ
ﻣﺎﻣﺎ .. ﻗﺒﻞ ﺭﻣﻀﺎﻥ ﺍﻥ ﺷﺎﺀ ﺍﻟﻠﻪ
ﺭﺷﺎ .. ﺑﺪﻳﺘﻲ ﺗﺎﺧﺬﻱ ﻑ ﺣﺎﺟﺎﺕ
ﻣﺎﻣﺎ .. ﺍﻫﺎ ﻣﺮﻩ ﻣﺮﻩ ﻧﺎﺧﺬ ﺣﺎﺟﺎﺕ ﻑ ﺣﺎﺟﺎﺕ ﻟﻌﺮﺱ ﻛﻠﻪ ﺍﺛﺎﺙ ﺷﻮﺭﻫﻢ ﻫﻤﺎ ﺍﻷﺛﻨﻴﻦ
ﺭﺷﺎ .. ﺑﺎﻩ ﻛﻮﻳﺲ ﻣﺸﺎﺀﺍﻟﻠﻪ ﺷﻘﻪ ﺑﺴﻴﻄﻪ ﻭﺣﻠﻮﻩ ﺑﻜﻞ
ﺍﻧﺎ .. ﺍﺣﻠﻰ ﺣﺎﺟﻪ ﺍﻟﺒﺴﺎﻃﻪ ﺗﺒﺎﻥ ﺣﻠﻮﻩ
ﺭﺣﺎﺏ .. ﺣﺘﻰ ﺷﻘﻪ ﺍﻋﻠﻴﻮﻩ ﻣﺸﺎﺀ ﺍﻟﻠﻪ
ﺍﻧﺎ .. ﻣﺸﺎﺀ ﺍﻟﻠﻪ ﻫﻤﺎ ﺍﻷﺛﻨﻴﻦ
" ﻛﺴﺪﻧﺎ ﻋﻨﺪ ﻫﻠﻲ ﺷﻮﻳﺎ ﻭﺑﻌﺪﻫﺎ ﺭﻭﺣﻨﺎ ﻧﺤﺲ ﻑ ﺭﻭﺣﻲ ﺗﻌﺒﺎﻧﻪ ﻭﺟﺴﻤﻲ ﻳﺮﻋﺶ ﺭﺿﻌﺖ ﻭﺳﻦ ﻭﺣﻄﻴﺘﻬﺎ ﻑ ﺳﺮﻳﺮ ﻭﺍﻧﺎ ﺭﻗﺪﺕ ﻭﺣﺎﻃﻪ ﺍﻳﺪﻱ ﻉ ﺭﺍﺳﻲ
ﺍﻳﻬﻢ .. ﺷﻨﺠﻮ
ﺍﻧﺎ ﻓﺘﺤﺖ ﻋﻴﻮﻧﻲ ﻭﺣﻮﻟﺖ ﺍﻳﺪﻱ .. ﺗﻤﺎﻡ
ﺍﻳﻬﻢ .. ﻛﻨﻚ ﺗﺤﺴﻲ ﻑ ﺣﺎﺟﻪ
ﺍﻧﺎ .. ﻣﺸﻌﺎﺭﻓﻪ ﺗﻌﺒﺎﻧﻪ
ﺍﻳﻬﻢ .. ﺷﻦ ﺗﺤﺴﻲ
ﺍﻧﺎ .. ﺭﺍﺳﻲ ﺑﻜﻞ ﻭﺟﺴﻤﻲ ﻳﺮﻋﺶ
ﻣﺴﻚ ﺍﻳﺪﻱ ﻭﺍﻳﺪﻩ ﻷﺧﺮﻯ ﺣﻄﻬﺎ ﻉ ﺭﺍﺳﻲ
ﺍﻳﻬﻢ .. ﺣﻲ ﻋﻠﻲ ﺍﻣﻪ ﻧﺎﺭ ﻣﺸﻴﻄﻪ ﺻﺒﻲ ﺧﺸﻲ ﺩﻭﺷﻲ
ﻗﻤﻌﺰﺕ ﻉ ﺳﺮﻳﺮ
ﺍﻳﻬﻢ .. ﻫﻴﺎ ﺻﺒﻲ
ﻣﺴﻜﻨﻲ ﻭﺑﻌﺪ ﺻﺒﻴﻨﺎ ﺍﺭﺗﺨﻴﺖ ﺑﻴﻦ ﺍﻳﺪﻳﻪ ﻣﻌﺶ ﻗﺪﺭﺕ ﻧﺼﺒﻲ
ﺍﻳﻬﻢ .. ﻣﺶ ﻗﺎﺩﺭﻩ ﺗﺼﺒﻲ
ﺍﻧﺎ ﺑﺼﻮﺕ ﻓﻴﻪ ﺭﻋﺸﻪ .. ﻣﺸﺶ ﻗﺎﺩﺭﻩ
ﺷﻤﺮﻧﻲ ﻟﺤﻤﺎﻡ
ﺍﻳﻬﻢ .. ﺑﻨﺤﻄﻚ ﺗﻮﺍ ﻟﻴﻦ ﻧﻔﺘﺢ ﺍﻟﻤﻴﻪ
ﻫﺰﻳﺖ ﺭﺍﺳﻲ ﻭﺣﻄﻨﻲ ﻧﺴﻨﺪﺕ ﻉ ﺳﺎﺱ ﻭ ﻗﻌﺪﺕ ﻻﻓﻪ ﺍﻳﺪﻳﺎ ﻉ ﺭﻭﺣﻲ
ﻓﺘﺢ ﻣﻴﻪ ﻭﺟﺎﻧﻲ ﻳﻤﺸﻲ ﺑﻴﺎ ﻭﺧﺶ ﻣﻌﺎﻳﺎ ﻑ ﺩﻭﺵ
ﺍﻧﺎ ﻧﺮﻋﺶ .. ﻣﺼﻘﻌﻪ ﺍﻧﺖ ﺍﻃﻠﻊ
ﺍﻳﻬﻢ ﻳﺤﻮﻟﻲ ﻑ ﺷﻌﺮﻱ ﻣﻦ ﻉ ﻭﺟﻲ .. ﺍﺷﺸﺶ ﺧﻠﻴﻚ ﺍﻧﺘﻲ ﻣﺮﻳﻀﻪ ﻣﺎﺗﻔﻜﺮﻳﺶ ﻓﻴﺎ ﺗﻮﺍ
ﺍﻧﺎ .. ﻧﻨﻦ ﺻﺼﻘﻌﺎﺍﻧﻪ
ﺣﻀﻨﻲ ﻭﺍﻧﺎ ﺣﺎﻃﻪ ﺍﻳﺪﻳﺎ ﻉ ﻭﺟﻲ ﻭﻧﺮﻋﺶ
ﺍﻳﻬﻢ .. ﺷﺪﻱ ﺣﻴﻠﻚ ﺣﺒﻴﺒﻲ
ﻭﺧﺮﻧﻲ ﻭﺭﻓﻊ ﺷﻌﺮﻩ ﺍﻟﻲ ﻛﺎﻥ ﺟﺎﻱ ﻉ ﻭﺟﻲ
ﺻﻜﺮ ﺍﻟﻤﻴﻪ ﻭﺟﺎﻧﻲ ﻟﻒ ﺍﻟﻤﻨﺸﻒ ﻋﻠﻴﺎ
ﺍﻧﺎ .. ﺣﻮﻟﻲ ﺍﻟﺪﺑﺶ
ﺍﻳﻬﻢ .. ﺍﺻﺒﺮﻱ ﻫﻴﺎ ﻧﻄﻠﻌﻠﻚ ﺩﺑﺸﻚ
ﻣﺸﺎﺀ ﻟﺪﻭﻻﺏ ﻭﺍﻧﺎ ﻣﺼﺒﻴﻪ ﻻﻓﻪ ﻣﻨﺸﻒ ﻃﻠﻌﻠﻲ ﺗﻮﺗﻪ ﻭﺣﻄﻬﺎ ﻉ ﺳﺮﻳﺮ ﻭﺣﻮﻝ ﻣﻨﺸﻒ ﻭﻗﻌﺪ ﻳﺴﻠﺤﻠﻲ ﻑ ﺩﺑﺸﻲ
ﺍﻧﺎ .. ﺻﻘﻌﺎﺍﺍﺍﻧﻪ ﺍﻳﻴﻴﻬﻢ
ﺍﻳﻬﻢ .. ﺍﺷﺸﺶ ﺣﺒﻴﺒﻲ ﺗﻮﺍ ﺗﻠﺒﺴﻲ
ﻗﻌﺪﺕ ﻳﻠﺒﺲ ﻓﻴﺎ ﻑ ﺩﺑﺸﻲ ﻭﻟﻒ ﺷﻌﺮﻱ ﺑﺎﻟﻤﻨﺸﻒ
ﺍﻳﻬﻢ .. ﺍﺭﻗﺪﻱ ﻑ ﺳﺮﻳﺮ ﻭﺩﻓﻲ ﻋﻠﻲ ﻣﺎﺟﺒﺘﻠﻚ ﺑﻨﺪﻭﻝ
ﺍﻧﺎ .. ﻏﻴﺮ ﺩﺑﺸﻚ ﺗﻮﺍ ﺗﻤﺮﺽ
ﺍﻳﻬﻢ .. ﻏﻴﺮ ﺍﺳﻜﺘﻲ ﺑﺲ
ﻣﺸﺎﺀ ﺟﺎﺑﻠﻲ ﺑﻨﺪﻭﻝ ﻭﻟﻤﺲ ﺭﺍﺳﻲ
ﺍﻳﻬﻢ .. ﺍﻟﺤﻤﺪ ﺍﻟﻠﻪ ﺧﻔﺖ ﺣﺮﺍﺭﻩ ﺗﺮﺍ ﺍﻳﺪﻳﻚ
ﻣﺪﻳﺘﻠﻪ ﺍﻳﺪﻱ
ﺍﻳﻬﻢ .. ﺍﻟﺤﻤﺪﺍﻟﻠﻪ ﻛﻮﻳﺴﻪ
ﺭﻓﻊ ﺍﻳﺪﻱ ﻭﺑﺎﺳﻬﺎ
ﺍﻧﺎ .. ﻏﻴﺮ ﺩﺑﺸﻚ
ﺍﻳﻬﻢ .. ﺑﺎﻫﻲ ﻫﻲ
ﻏﻴﺮ ﺩﺑﺸﻪ ﻭﺟﺎﻧﻲ ﻣﺎﺳﻚ ﻣﺸﻂ
ﺍﻳﻬﻢ .. ﺗﻘﺪﺭﻱ ﺗﻨﻮﺿﻲ ﻧﻤﺸﻄﻪ ﻟﻜﻲ ﻭﻧﺠﻔﻔﻪ
ﺍﻧﺎ .. ﻓﻜﻨﻲ ﻣﻨﻪ ﻃﻮﻳﻞ ﻭﺍﺟﺪ ﺗﻮﺍ ﻳﺘﻌﺒﻚ
ﺍﻳﻬﻢ .. ﻏﻴﺮ ﻧﻮﺿﻲ ﺷﻮﻳﺎ
ﻧﻮﺿﻨﻲ ﻭﻣﺴﺢ ﺷﻌﺮﻱ ﻭﻗﻌﺪ ﻳﻤﺸﻂ ﻓﻴﻪ ﺑﺸﻮﻳﺎ ﻟﻴﻦ ﻧﻌﺴﺖ ﻭﺟﻔﻔﻪ ﻟﻴﺎ ﺏ ﻣﺠﻔﻒ
ﺍﻳﻬﻢ .. ﺍﺭﻗﺪﻱ ﻫﻲ ﺧﻼﺹ
ﺧﺸﻴﺖ ﺗﺤﺖ ﻭﺭﻏﺎﻥ ﻭﺷﻌﺮﻱ ﻉ ﻣﺨﺪﻩ ﻣﻄﺮﻭﺡ ﺧﺶ ﻣﻌﺎﻳﺎ ﻭﺣﻀﻨﻲ ﻣﻦ ﻻﻭﺭﻩ
ﺍﻧﺎ ﺑﺼﻮﺕ ﻣﺒﺤﻮﺡ .. ﺣﻮﻝ ﺧﺎﻳﻔﺘﻚ ﺗﻤﺮﺽ
ﺍﻳﻬﻢ ﺑﺼﻮﺕ ﻫﺎﺩﻱ ﻭﻧﻔﺦ ﻓﻲ ﺭﻗﺒﺘﻲ .. ﻻ ﻋﺎﺩﻱ ﻣﺶ ﺣﻨﻤﺮﺽ ﺑﻌﺪﻳﻦ ﻓﺪﺍﻙ ﺻﺤﺘﻲ ﻭﻋﺎﻓﻴﺘﻲ ﻉ ﻣﻬﻢ ﺍﻧﺘﻲ ﺑﺨﻴﺮ ﺷﻦ ﻗﺘﻠﻚ ﺍﻧﺎ ﻗﺘﻠﻚ ﻣﺴﺘﻌﺪ ﻧﻘﻌﺪ ﺗﻌﺒﺎﻥ ﻣﻠﻴﻮﻥ ﺳﻨﻪ ﻭﺍﻧﺘﻲ ﻣﺘﺮﻳﺤﻪ
ﺍﻧﺎ ﺍﺑﺘﺴﻤﺖ ﺑﺸﻮﻳﺎ ﺑﻌﺰ ﺗﻌﺒﻲ ﻭﻣﺴﻜﺖ ﺍﻳﺪﻳﻪ ﺍﻟﻲ ﻻﻓﺎﺕ ﻉ ﺧﺼﺮﻱ .. ﻳﺎﺭﺏ ﻣﺎﺗﺨﺘﺒﺮﻧﻴﺶ ﻑ ﺍﻳﻬﻢ
ﺍﻳﻬﻢ ﺑﺎﺳﻨﻲ ﻉ ﺭﻗﺒﺘﻲ .. ﺧﻼﺹ ﺍﺭﻗﺪﻱ
ﺍﻧﺎ .. ﺍﻳﻬﻢ
ﺍﻳﻬﻢ .. ﺣﻴﺎﺗﻪ
ﺍﻧﺎ .. ﺍﻗﺮﺍﻟﻲ ﻗﺮﺍﻥ ﻣﺶ ﺍﻧﺖ ﺣﺎﻓﻆ
ﺍﻳﻬﻢ .. ﺣﺎﺿﺮ
ﻗﻌﺪ ﻳﻘﺮﺍﻟﻲ ﻑ ﺳﻮﺭﻩ ﻳﺎﺳﻴﻦ ﻟﻴﻦ ﻏﻔﻴﺖ ﻭ ﺭﻗﺪﺕ "
" ﺍﻟﻴﻮﻡ ﺛﺎﻧﻲ ﻑ ﺻﺒﺢ ..
ﻣﺮﻳﻢ ﻃﺎﻟﻌﻪ ﻣﻦ ﺣﻮﺵ ﻭﻣﻨﻴﺮ ﻳﺪﺧﻦ ﻭﻳﻌﻤﺶ ﻑ ﻋﻴﻮﻧﻪ ﻗﻌﺪﺕ ﺗﺒﺤﺖ ﻓﻴﻪ ﻭﺳﺎﺭﺣﻪ ﺭﻏﻢ ﺍﻧﻬﻦ ﺍﺭﺑﻊ ﺍﻳﺎﻡ ﺑﺲ ﺣﺎﺳﺘﻪ ﻣﺮﻫﻖ ﻭﺗﻌﺒﺎﻥ ﻭﻧﺎﻗﺺ ﻭﺟﻪ ﺫﺍﺑﻞ
ﻣﻨﻴﺮ ﺑﺮﻡ ﻭﺷﺎﻓﻬﺎ ﺍﺑﺘﺴﻢ ﻭﻫﻴﺎ ﺗﻨﻬﺪﺕ
ﻣﻨﻴﺮ ﺟﺎﺀ ﺷﻮﺭﻫﺎ ﻭﺻﺒﻰ ﻗﺪﺍﻣﻬﺎ ﻭﺣﺎﻁ ﺍﻳﺪﻳﻪ ﻑ ﺟﻴﻮﺑﻪ .. ﻛﻮﻳﺴﻪ ﺗﻮﺍ ﺷﻦ ﺗﺤﺴﻲ ﻑ ﺭﻭﺣﻚ
ﻣﺮﻳﻢ ﺑﺼﻮﺕ ﻭﺍﻃﻲ .. ﺗﻤﺎﻡ
ﻣﻨﻴﺮ ﻳﺒﺤﺖ ﻓﻴﻬﺎ .. ﻭﺟﻚ ﺗﻌﺒﺎﻥ ﺑﺎﻳﻦ
ﻣﺮﻳﻢ ﺳﻜﺘﺖ ﻭﺑﺤﺘﺖ ﻓﻴﻪ .. ﻛﻨﻚ ﻋﺎﻳﺶ ﻉ ﺩﺧﺎﻥ ﺑﺲ
ﻣﻨﻴﺮ .. ﻛﻴﻒ ﻋﺮﻓﺘﻲ
ﻣﺮﻳﻢ ﺗﻨﻬﺪﺕ ﺗﻨﻬﻴﺪﻩ ﻃﻮﻳﻠﻪ .. ﻧﻌﺮﻓﻚ ﺃﻛﺜﺮ ﻣﻦ ﺭﻭﺣﻲ
ﻣﻨﻴﺮ ﻧﻔﺦ ﺩﺧﺎﻥ ﻓﻮﻕ ﺑﻌﺪﻫﺎ ﻧﺰﻝ ﺭﺍﺳﻪ ﻳﺒﺤﺖ ﻓﻴﻬﺎ .. ﺩﺍﺑﻴﻦ ﻋﺎﺭﻓﺘﻴﻨﻲ ﺃﻛﺜﺮ ﻣﻦ ﺭﻭﺣﻚ ﺍﻛﻴﺪﻩ ﻋﺎﺭﻓﻪ ﺍﻧﺎ ﻛﻴﻒ ﻧﺤﺒﻚ
ﻣﺮﻳﻢ .. ﻟﻼﺳﻒ ﻫﺬﻱ ﺍﻟﺤﺎﺟﻪ ﺍﻟﻮﺣﻴﺪﻩ ﺍﻟﻲ ﻗﻌﺪﺕ ﻣﻌﺶ ﻧﻌﺮﻓﻬﺎ
ﻣﻨﻴﺮ .. ﺑﺲ ﺍﻧﺎ ﻧﺤﺒﻚ ﻟﻠﻤﻮﺕ
ﻣﺮﻳﻢ ﻧﺰﻟﺖ ﺭﺍﺳﻬﺎ ﻭﺩﻣﻮﻋﻬﺎ ﻧﺰﻟﻦ .. ﻋﺪﻱ ﻳﺎﻣﻨﻴﺮ ﻣﻌﺶ ﻧﺒﻲ ﻧﺤﻜﻲ ﺃﻛﺜﺮ
ﻣﻨﻴﺮ ﺑﺼﻮﺕ ﻫﺎﺩﻱ .. ﻣﺶ ﺣﻨﻌﺪﻱ ﺭﺍﻩ ﺍﻧﺎ ﻣﺤﺮﻭﻕ ﺑﺪﻭﻧﻚ ﻭ ﺍﻟﻠﻪ ﻣﺤﺮﻭﻕ ﻣﺶ ﻗﺎﺩﺭ ﻧﻐﻤﺾ ﻋﻴﻦ ﻛﻞ ﻣﺎﻧﺼﻜﺮ ﻋﻴﻮﻧﻲ ﺗﺠﻲ ﺑﻴﻦ ﻋﻴﻮﻧﻲ
ﻣﺮﻳﻢ ﺑﺤﺘﺖ ﻓﻴﻪ .. ﺩﺍﺑﻴﻦ ﻣﺤﺮﻭﻕ ﻟﻴﺶ ﻣﺎﻓﻜﺮﺕ ﻣﻦ ﺍﻭﻝ ﻟﻴﺶ ﺁﻩ ﻣﺶ ﻋﺎﺭﻑ ﺭﻭﺣﻚ ﺣﺘﺠﺮﺣﻨﻲ ﻭﺣﺘﻘﺘﻠﻨﻲ ﺑﺲ ﺍﻟﺤﻖ ﻋﻠﻴﺎ ﻣﻦ ﺍﻭﻝ ﻋﻄﻴﺘﻚ ﻓﺮﺻﻪ ﺗﻘﺮﺏ ﻣﺮﻩ ﻭﺍﺛﻨﻴﻦ ﻟﻴﻦ ﺗﻤﺎﺩﻳﺖ ﻭﺩﺭﺗﻨﻲ ﻭﺣﺪﻩ ..
ﻣﻨﻴﺮ .. ﺍﺷﺸﺸﺶ ﺍﺳﻜﺘﻲ ﺍﺳﻜﺘﻲ ﻣﺎﺗﻜﻤﻠﻴﺶ ﻻﻧﻚ ﺣﺘﻐﻠﻄﻲ ﻭﺍﺟﺪ ﻭﺗﺨﻠﻄﻲ ﺩﻧﻴﺎ ﻑ ﺑﻌﻀﻬﺎ
ﻣﺮﻳﻢ ﺗﻨﻬﺪﺕ ﻭﻗﻌﺪﻥ ﺩﻣﻮﻋﻬﺎ ﻳﻨﺰﻟﻦ .. ﺟﺮﺣﺘﻨﻲ
ﻣﻨﻴﺮ ﻗﺮﺏ ﻣﻨﻬﺎ ﻭﻫﻴﺎ ﻭﺧﺮﺕ .. ﻋﻠﻴﺶ ﺧﺎﻳﻔﻪ ﻣﻨﻲ
ﻣﺮﻳﻢ .. ﻗﺘﻠﻚ ﻋﺪﻱ ﻳﺎﻣﻨﻴﺮ
ﻣﻨﻴﺮ .. ﻣﺶ ﺣﻨﻌﺪﻱ ﻟﻴﻦ ﺗﺴﻤﻌﻴﻨﻲ ﺍﻧﺎ ﺍﻭﻛﻲ ﻏﻠﻄﺖ ﻭﺣﻘﻚ ﻋﻠﻴﺎ ﺍﻧﺎ ﺍﺳﻒ ﺑﺲ ﺿﻌﻔﺖ ﻗﺪﺍﻣﻚ ﻭﺍﻟﻠﻪ ﻣﺎﻋﻤﺮﻱ ﻓﻜﺮﺕ ﻓﻴﻚ ﺗﻔﻜﻴﺮ ﻫﻜﻲ ﻭﻛﺎﻥ ﺗﺒﻲ ﺗﻮﺍ ﻧﻄﻠﻊ ﺍﻟﻌﺮﺱ ﻉ ﻣﻬﻢ ﺍﻧﺘﻲ ﺗﺮﺿﻲ ﺻﺪﻗﻴﻨﻲ ﺍﻧﺎ ﻣﺎﻋﻤﺮﻳﺶ ﻓﻜﺮﺕ ﻓﻴﻚ ﺗﻔﻜﻴﺮ ﺣﻘﻴﺮ ﺍﻧﺘﻲ ﻗﺒﻞ ﻻ ﺗﻜﻮﻧﻲ ﺣﺒﻴﺒﺘﻲ ﺍﻧﺘﻲ ﺑﻨﺖ ﻋﻤﻲ ﺍﻧﺘﻲ ﻋﺮﺿﻲ ﻭﺷﺮﻓﻲ
ﻣﺮﻳﻢ ﺗﺴﻤﻊ ﻭﺳﺎﻛﺘﻪ
ﻣﻨﻴﺮ ﺑﺼﻮﺕ ﻫﺎﺩﻱ .. ﻧﺤﺒﻚ ﻳﺎﻏﺒﻴﻪ ﻧﺤﺒﻚ
ﻣﺮﻳﻢ .. ﻣﺶ ﺗﺒﻴﻨﻲ ﻧﺮﺿﻰ
ﻣﻨﻴﺮ ﺍﺑﺘﺴﻢ .. ﺍﻫﺎ ﺍﻛﻴﺪﻩ ﻗﻮﻟﻲ ﺍﻟﻲ ﺍﻧﺘﻲ ﺗﺒﻴﻪ
ﻣﺮﻳﻢ .. ﻣﻌﺶ ﺗﺤﻜﻲ ﻣﻌﺎﻳﺎ ﻟﻴﻦ ﻣﺎﺍﻧﺎ ﻧﺮﻭﻕ ﺑﺮﻭﺣﻲ ﻣﻌﺶ ﺗﻄﻠﻊ ﻑ ﻃﺮﻳﻘﻲ
ﻣﻨﻴﺮ ﺍﺧﺘﻔﺖ ﺍﺑﺘﺴﺎﻣﺘﻪ .. ﻣﺴﺘﺤﻲﻝ ﻧﺨﻠﻴﻚ ﻫﻜﻲ ﻭﺍﻋﺮ ﻋﻠﻴﺎ ﺗﻘﻌﺪﻱ ﺯﻋﻼﻧﻪ ﻭﺍﻟﻠﻪ ﻭﺍﻋﺮ ﻫﻨﺎ ﺍﺭﺑﻊ ﺍﻳﺎﻡ ﻭﻗﺮﻳﺐ ﻧﻤﻮﺕ ﺑﻼﻙ
ﻣﺮﻳﻢ ﺑﺤﺘﺖ ﻻﺟﻴﻬﺎ ﻻﺧﺮﻯ ﻭﺳﻜﺘﺖ
ﻣﻨﻴﺮ ﺗﻨﻬﺪ .. ﺑﺎﻩ ﺗﻮﺍ ﺍﻧﺎ ﻃﺎﻟﻊ ﺗﺒﻲ ﺣﺎﺟﻪ
ﻣﺮﻳﻢ ﻫﺰﺕ ﺭﺍﺳﻬﺎ ﺏ ﻻﻻ ﻭ ﻫﻮ ﻃﻠﻊ ﻭﻫﻴﺎ ﺗﻨﻬﺪﺕ ﻭﻗﻤﻌﺰﺕ ﻉ ﻛﺮﺳﻲ
ﻣﺆﻟﻢ ﺍﻥ ﺗﺮﺣﻞ ﻭﺍﻧﺖ ﺗﻌﻠﻢ ﺑﺄﻧﻚ ﺳﺘﻌﻮﺩ ﻋﻨﺪﻣﺎ ﻳﺘﻤﻜﻦ ﻣﻨﻚ ﺍﻻﺷﺘﻴﺎﻕ
"
" ﺑﻌﺪ ﻳﻮﻡ ..
ﺍﻧﺎ .. ﺍﻳﻬﻢ ﺣﻄﻠﻬﺎ ﻻﻫﻴﺎ
ﺍﻳﻬﻢ .. ﺭﺿﻌﻴﻬﺎ
ﺍﻧﺎ .. ﺷﻮﻳﺎ ﺭﻳﻬﺎﻡ ﺗﺮﻥ ﻋﻠﻴﺎ ﺑﺲ
ﺍﻳﻬﻢ .. ﺑﺎﻩ ﻫﻴﺎ
ﺍﻧﺎ .. ﺍﻳﻮﺍﻩ ﻫﻮﻣﺎ
ﺭﻳﻬﺎﻡ .. ﺍﻫﻠﻴﻦ ﻣﻴﺴﻮ ﻛﻴﻒ ﺣﺎﻟﻚ
ﺍﻧﺎ .. ﺍﻟﺤﻤﺪﺍﻟﻠﻪ ﻛﻴﻒ ﺣﺎﻟﻚ ﺍﻧﺘﻲ ﻭﻛﻴﻒ ﺣﺎﻝ ﻣﺎﻣﺎ ﻭﺧﻮﺗﻲ
ﺭﻳﻬﺎﻡ .. ﺣﻤﺪﺍﻟﻠﻪ ﻛﻠﻨﺎ ﻛﻮﻳﺴﻴﻦ ﻛﻴﻒ ﺣﺎﻝ ﺍﻳﻬﻢ ﻭﺳﻦ
ﺍﻧﺎ .. ﺗﻤﺎﻡ ﺑﺨﻴﺮ
ﺭﻳﻬﺎﻡ .. ﻗﺘﻠﻚ ﻗﻮﻟﻲ ﻟﺪﻧﻴﺎ ﻳﺘﻔﻀﻠﻮ
ﺍﻧﺎ ﺍﺑﺘﺴﻤﺖ .. ﺍﻥ ﺷﺎﺀ ﺍﻟﻠﻪ ﺍﻟﻲ ﻓﻴﻬﺎ ﺧﻴﺮﻩ ﻳﺠﻴﺒﻬﺎ ﻟﻜﻲ ﺭﺑﻲ ﺗﻮﺍ ﻧﻘﻮﻟﻠﻬﺎ
ﺭﻳﻬﺎﻡ .. ﻣﻴﺲ
ﺍﻧﺎ .. ﻧﻌﻢ
ﺭﻳﻬﺎﻡ .. ﺧﻠﻴﻬﻢ ﻳﺠﻮ ﺑﺎﻟﻤﺮﻩ ﻛﺎﻥ ﻳﺒﻮ ﻳﻠﺒﺴﻮ ﺩﺑﻠﻪ ﻭﺟﻮ ﻫﺬﺍ ﺍﻧﺎ ﻣﻮﺍﻓﻘﻪ ﺧﻼﺹ ﻭﺩﺍﺑﻴﻦ ﺍﻳﻬﻢ ﺷﻜﺮﻫﻢ ﻟﻲ ﻋﺰﻭ ﺧﻼﺹ
ﺍﻧﺎ .. ﺑﺲ ﻣﺎﺗﺠﻴﺶ
ﺭﻳﻬﺎﻡ .. ﻣﺎﻧﺒﻴﺶ ﻭﺟﻴﺞ ﺧﻼﺹ ﻗﻮﻟﻴﻬﺎ ﻟﻬﺎ ﻭﺭﺃﺱ ﻣﻴﺲ
ﺍﻧﺎ ﺗﻨﻬﺪﺕ .. ﺍﻥ ﺷﺎﺀ ﺍﻟﻠﻪ ﺑﺎﻩ
ﺭﻳﻬﺎﻡ .. ﺑﺎﻩ ﺍﻭﻛﻲ ﺗﻮﺍ ﻣﺎﻧﺒﻴﺶ ﻧﻌﻄﻞ ﻋﻠﻴﻚ
ﺍﻧﺎ .. ﺳﻼﻡ ﺳﻠﻤﻲ ﻉ ﻫﻠﻲ
ﺭﻳﻬﺎﻡ .. ﻳﻮﺻﻞ
ﺻﻜﺮﺕ ﻣﻨﻬﺎ ﻭﺟﻴﺖ ﻟﻲ ﺍﻳﻬﻢ
ﺍﻳﻬﻢ .. ﺍﺯﻑ ﻣﻌﺶ ﻋﺮﻓﺖ ﺷﻦ ﻧﺪﻳﺮﻟﻬﺎ ﻭ ﺍﻧﺘﻲ ﻣﻌﺶ ﺻﻜﺮﺗﻲ
ﺍﻧﺎ .. ﻳﻴﻲ ﻳﺎﻋﻤﺮﻱ ﺍﻧﺘﻲ
ﺧﺬﻳﺘﻬﺎ ﻣﻨﻪ ﻭﻗﻌﺪﺕ ﻧﺮﺿﻊ ﻓﻴﻬﺎ
ﺍﻧﺎ .. ﻋﺰﻭ ﺳﺎﻟﻚ ﻉ ﻫﻞ ﻣﻮﺩﻩ
ﺍﻳﻬﻢ .. ﺍﻫﺎ ﺳﺎﻟﻨﻲ ﻋﻠﻴﻬﻢ
ﺍﻧﺎ .. ﻛﻨﻚ ﻣﺎﻗﺘﻠﻲ
ﺍﻳﻬﻢ ﻣﺎﺳﻚ ﻣﻮﺑﺎﻳﻠﻪ .. ﻛﻼﻡ ﺭﺟﺎﻟﻪ ﺍﻧﺘﻲ ﺷﻦ ﺩﺧﻠﻚ ﻓﻴﻪ
ﺍﻧﺎ .. ﺷﻦ ﻓﻴﻪ ﻣﻦ ﻛﻼﻡ ﺭﺟﺎﻟﻪ ﺗﻮﺍ ﺑﺎﻟﻠﻪ ﻣﻮﺿﻮﻉ ﺷﻮﺭ ﺍﺧﺘﻲ ﻭﺍﻟﻲ ﺳﺎﻝ ﺧﻮﻳﺎ ﻭﺍﻟﻲ ﺳﺎﻟﻮﻩ ﺭﺍﺟﻠﻲ
ﺍﻳﻬﻢ ﺿﺤﻚ ﻭﻫﺰ ﺭﺍﺳﻪ .. ﺑﺎﻩ ﺑﺎﻩ ﺍﻫﻮ ﻋﺮﻓﺘﻲ ﺧﻼﺹ
ﺍﻧﺎ .. ﺣﺎﻧﻂ ﻛﻠﻪ ﺍﻧﺖ ﺍﺳﻤﻊ ﺷﻮﻳﺎ ﻭﺑﻨﻌﺪﻱ ﻟﻤﺮﻳﻢ
ﺍﻳﻬﻢ .. ﻣﺰﺍﻟﻮ ﻣﺘﻌﺎﺭﻛﻴﻦ ﻣﺮﻳﻢ ﻣﺼﻜﺮﻩ ﺭﺍﺳﻬﺎ ﻭﻣﻨﻴﺮ ﻗﺎﻝ ﻛﺎﻥ ﻃﻮﻟﺖ ﻭﺍﺟﺪ ﺣﻨﺨﺸﺶ ﺍﻣﻲ ﻭﺍﻣﺠﺪ ﻳﺤﻜﻮ ﻟﻬﻠﻬﺎ ﻭﻳﻄﻠﻊ ﺍﻟﻔﺮﺡ
ﺍﻧﺎ .. ﺗﺒﻲ ﺻﺮﺍﺣﻪ ﻫﻮ ﻏﻠﻄﺎﻥ ﻭﻳﺴﺘﺎﻫﻞ
ﺍﻳﻬﻢ ﺿﺤﻚ .. ﺷﻮﺭﻙ ﻋﺎﺩ ﺍﻧﺘﻲ
ﺍﻧﺎ ﺿﺤﻜﺖ .. ﺍﻧﺘﻢ ﺗﻘﻬﺮﻭ ﺍﻟﻮﺍﺣﺪ ﻳﻌﻨﻲ
ﺍﻳﻬﻢ .. ﻭﺍﻧﺘﻦ ﺷﻨﻮ ﻛﻴﺪﻛﻦ ﻋﻈﻴﻢ ﻭﺗﺮﺩﻧﺎ ﺍﺿﻌﺎﻑ ﻑ ﺍﻟﻘﺴﻮﻩ
ﺍﻧﺎ .. ﺣﺮﺍﻡ ﻋﻠﻴﻚ ﻧﺤﻦ ﻗﻠﺒﻨﺎ ﺭﻫﻴﻒ ﻣﻦ ﻛﻠﻤﻪ ﺣﻠﻮﻩ ﻳﺘﻐﻴﺮ ﻣﺰﺍﺟﻨﺎ
ﺍﻳﻬﻢ ﺍﺑﺘﺴﻢ ﻉ ﺟﻨﺐ .. ﺑﺎﻩ ﺍﻧﺤﺒﻚ
ﺍﻧﺎ ﺿﺤﻜﺖ .. ﻧﺤﺒﻬﺎ ﺿﺤﻜﺘﻚ ﻫﺬﻱ
ﺍﻳﻬﻢ ﻣﺒﺘﺴﻢ .. ﻛﻴﻒ
ﺍﻧﺎ .. ﺗﺒﺘﺴﻢ ﻉ ﺟﻨﺐ ﻑ ﺍﻭﻝ ﺟﻴﺰﺗﻨﺎ ﻛﻨﺖ ﻧﻘﻮﻝ ﺍﺑﺘﺴﺎﻣﺘﻪ ﺍﻟﻤﺴﺘﻔﺰﺓ
ﺍﻳﻬﻢ ﺍﺑﺘﺴﻢ ﻉ ﺟﻨﺐ .. ﻭﺗﻮﺍ
ﺍﻧﺎ ﺿﺤﻜﺖ .. ﺗﻬﺒﺒﺒﻞ ﻧﻌﺸﻘﻬﺎ
ﺍﻳﻬﻢ ﺣﻮﻟﻲ ﻭﺳﻦ ﻭﻫﻴﺎ ﻣﺰﺍﻟﺖ ﺗﺮﺿﻊ
ﺍﻧﺎ .. ﻣﺰﺍﻟﺖ
ﺍﻳﻬﻢ .. ﺧﻼﺹ ﺭﻗﺪﺕ
ﺣﻄﻬﺎ ﻉ ﺍﻟﺼﺎﻟﻮﻥ ﻭﻗﺮﺏ ﻣﻨﻲ ﺻﺒﻴﺖ ﺑﺴﺮﻋﻪ
ﺍﻧﺎ .. ﺑﻨﻌﺪﻱ ﻟﻤﺮﻳﻢ
ﺍﻳﻬﻢ ﺿﺤﻚ .. ﺗﻲ ﻭ ﺍﻟﻠﻪ ﺍﻧﺘﻲ ﺗﻔﻜﻴﺮﻙ ﻋﺪﺍ ﺑﻌﻴﺪ
ﺍﻧﺎ .. ﻭﺍﻟﻠﻪ ﺍﻧﺖ ﻣﺎﻓﻴﻜﺶ ﺍﻣﺎﻥ
ﺍﻳﻬﻢ ﻛﺮﻧﻲ ﻗﻤﻌﺰﻧﻲ ﻉ ﻛﺮﻋﻴﻪ .. ﻻ ﻣﺎﺗﺨﺎﻓﻴﺶ ﻣﺶ ﻣﻘﺮﺏ ﻣﻨﻚ ﺍﻻ ﻑ ﻋﻴﺪ ﺟﻮﺍﺯﻧﺎ
ﺍﻧﺎ ﻣﺴﻜﺖ ﻑ ﺭﻗﺒﺘﻪ ﻭﺣﻄﻴﺖ ﺧﺸﻤﻲ ﻉ ﺧﺸﻤﻪ .. ﻗﺮﺏ ﺑﻜﻞ
ﺍﻳﻬﻢ ﺍﺑﺘﺴﻢ .. ﻧﺒﻴﻪ ﻳﻮﻡ ﺣﻠﻮ ﺩﻟﻌﻴﻨﻲ ﻣﺶ ﺷﻮﺭﻱ
ﺍﻧﺎ ﺿﺤﻜﺖ .. ﺩﻳﻤﺎ ﻣﺪﻟﻌﺘﻚ ﺍﻧﺎ ﺣﺮﺍﻡ ﻋﻠﻴﻚ
ﺍﻳﻬﻢ .. ﺑﺲ ﻋﻴﺪ ﺟﻮﺍﺯﻧﺎ ﻟﻪ ﻃﻌﻤﻪ ﺑﺮﻭﺣﻬﺎ
ﺍﻧﺎ ﺗﻨﻬﺪﺕ ﻭﺑﺴﺖ ﻓﻤﻪ .. ﺍﻛﻴﺪﻩ ﻫﺬﻱ ﺧﻠﻴﻨﻲ ﻧﻌﺪﻱ ﺍﻧﺎ
ﺍﻳﻬﻢ .. ﺑﺎﻩ ﻋﺪﻱ ﻫﻴﺎ ﺑﺘﺸﻴﻠﻲ ﻭﺳﻦ ﻣﻌﺎﻙ
ﺍﻧﺎ .. ﺍﻧﺖ ﻗﺎﻋﺪ
ﺍﻳﻬﻢ .. ﺍﻫﺎ ﺧﻠﻴﻬﺎ
ﺍﻧﺎ .. ﻧﺠﻚ ﻟﻴﺎ ﻭﺧﻼﺹ
ﻣﺸﻴﺖ ﺧﺸﻴﺖ ﻏﻴﺮﺕ ﺩﺑﺸﻲ ﻭﻋﺪﻳﺖ ﻟﺤﻮﺵ ﻋﻢ ﺍﻳﻬﻢ ﻛﺎﻥ ﺣﻮﺵ ﻣﺮﺩﻭ ﺧﺸﻴﺖ ﻧﺴﻤﻊ ﻑ ﺻﻮﺕ ﺟﺮﻱ ﻉ ﺩﺭﻭﺝ ﺑﺤﺘﺖ ﻟﻘﻴﺖ ﺭﺷﺎ ﺗﻨﻂ ﻉ ﺩﺭﻭﺝ ﺑﻜﺮﺍﻉ ﻭﺣﺪﻩ ﻭﻣﺤﻤﺪ ﻣﺼﺒﻲ ﻳﺒﺤﺖ ﻓﻴﻬﺎ ﻭﻳﻀﺤﻚ
ﺍﻧﺎ .. ﻛﻨﻚ ﺍﻧﺘﻲ
ﺭﺷﺎ .. ﻫﻴﻴﻲ ﻛﻨﻚ ﺟﺎﻳﺎ
ﺍﻧﺎ .. ﺟﺎﻳﺘﻚ ﺍﻧﺘﻲ ﺗﻮﺍ ﺍﻧﺎ
ﺭﺷﺎ .. ﻟﻤﻦ ﺟﺎﻳﺎ
ﺍﻧﺎ .. ﻟﻤﺮﻳﻢ
ﺭﺷﺎ .. ﻳﻴﻲ ﺻﺎﺡ ﺣﺘﻰ ﺍﻧﺎ ﻧﻨﺰﻟﺘﻠﻬﻢ
ﺍﻧﺎ .. ﺑﺎﻩ ﻫﻴﺎ ﻧﺨﺸﻮ
ﻣﺸﻴﻨﺎ ﻟﺒﺎﺏ ﺷﻘﺘﻬﻢ ﻭﺩﻗﻴﺖ ﻓﺘﺤﺖ ﺑﺸﺮﻯ
ﺍﻧﺎ .. ﻭﻳﻦ ﻣﺮﻳﻢ
ﺑﺸﺮﻯ .. ﻓﻮﻕ ﻑ ﺩﺍﺭﻫﺎ
ﺍﻧﺎ .. ﺍﻧﺎ ﺭﻛﺒﺘﻠﻬﺎ ﺍﻗﻌﺪﻥ ﺍﻧﺘﻦ ﻫﺪﺭﺯﻥ
ﺭﺷﺎ .. ﺗﻮﺍ ﻧﻘﺮﻣﻮﻙ
ﺍﻧﺎ ﺻﺒﻴﺖ .. ﻗﺮﻣﻲ ﻋﺎﺩﻱ ﻣﺴﺎﻣﺤﺘﻚ
ﻣﺸﻴﺖ ﺭﻛﺒﺖ ﺩﻗﻴﺖ ﻋﻠﻴﻬﺎ ﻭﺧﺸﻴﺖ
ﻣﺮﻳﻢ ﺣﻮﻟﺖ ﺍﻟﻮﺭﻏﺎﻥ .. ﻣﻴﺲ ﺧﺸﻲ ﺗﻔﻀﻠﻲ
ﺍﻧﺎ .. ﺷﻨﺠﻮ
ﻣﺮﻳﻢ .. ﺯﻱ ﺍﻟﺰﻓﺖ
ﺍﻧﺎ .. ﺻﺎﺭ ﺣﺎﺟﻪ
ﻣﺮﻳﻢ .. ﺍﻫﺎ ﺍﻭﻝ ﺍﻣﺲ ﻃﻠﻌﺖ ﻑ ﺻﺒﺢ ﻭﻭﻭﻭﻭ ﻗﻌﺪﺕ ﺗﺤﻜﻴﻠﻲ ﻑ ﺍﻟﻲ ﺻﺎﺭ
ﺍﻧﺎ .. ﺍﺳﺒﻮﻉ ﻟﻜﻢ ﺻﺎﺡ
ﻣﺮﻳﻢ .. ﺍﻫﺎ ﺭﺍﻳﻔﺖ ﻋﻠﻴﻪ ﻭﺍﻟﻠﻪ
ﺍﻧﺎ ﺍﺑﺘﺴﻤﺖ .. ﻋﺎﺭﻓﻪ ﺷﻦ ﻗﺎﻝ ﻟﻲ ﺍﻳﻬﻢ ﻗﺎﻟﻪ ﻭﻭﻭﻭﻭﻭ
ﻣﺮﻳﻢ .. ﺣﻲ ﻋﻠﻴﺎ ﻣﺎﻧﺒﻴﺶ ﻫﻠﻲ ﻳﻌﺮﻓﻮ ﺍﻧﺎ ﻉ ﺳﺎﺱ ﺟﻮ ﺑﻴﻨﺎ ﺣﻠﻮ
ﺍﻧﺎ .. ﺧﻼﺹ ﺍﺻﺎﻟﺤﻴﻪ ﺣﺮﺍﻡ ﻋﻠﻴﻚ
ﻣﺮﻳﻢ .. ﻗﻮﻟﻚ ﻫﻜﻲ ﺑﺲ ﻧﺒﻴﻪ ﻫﻮ ﻳﺤﺎﻭﻝ ﺃﺧﺮﻯ
ﺍﻧﺎ .. ﻣﺎﺭﻧﺶ ﻋﻠﻴﻚ
ﻣﺮﻳﻢ .. ﻗﺎﻓﻠﻪ ﻓﻮﻧﻲ
ﺍﻧﺎ .. ﺍﻓﺘﺤﻴﻪ ﺧﻼﺹ ﻭﺍﻗﻌﺪﻱ ﺍﻧﺰﻟﻲ ﺑﺎﻧﻲ ﻋﻠﻴﻪ
ﻣﺮﻳﻢ .. ﺍﺯﻋﻤﻚ
ﺍﻧﺎ .. ﺍﻫﺎ ﻫﻴﺎ ﺍﻟﺒﺴﻲ ﻭﺍﻧﺰﻟﻲ ﺗﻮﺍ ﻧﻘﻮﻝ ﻟﻠﺒﻨﺎﺕ ﻧﻜﺴﺪﻭ ﻉ ﺟﻨﺎﻥ
ﻣﺮﻳﻢ .. ﻣﺎﻣﺎ ﻣﺶ ﻗﺎﻋﺪﻩ ﺻﺎﺡ
ﺍﻧﺎ .. ﺍﻫﺎ ﻣﺶ ﻗﺎﻋﺪﻩ ﻫﻴﺎ ﺍﻟﺒﺴﻲ ﻭﺗﻌﺎﻟﻲ
ﻣﺮﻳﻢ ﺻﺒﺖ .. ﺑﺎﻩ ﻫﻴﺎ ﺟﻴﺖ
ﻧﺰﻟﺖ ﺍﻧﺎ ﻭﻫﻴﺎ ﻟﺤﻘﺘﻨﻲ ﻭﻃﻠﻌﻨﺎ ﺑﺮﺍ
ﺭﺷﺎ .. ﺧﺎﻃﺮﻱ ﻑ ﺳﻨﺘﺮﺍ ﻳﺎﺑﻨﺎﺕ
ﺑﺸﺮﻯ .. ﻋﻨﺪﻱ ﺭﻗﻢ ﻛﺎﻓﻲ ﺗﺒﻮ ﻧﻮﺻﻮ
ﺭﺷﺎ .. ﻓﻜﻴﻨﺎ ﺗﻮﺍ ﻣﺤﻤﺪ ﻳﻬﺰﺏ
ﻣﺮﻳﻢ .. ﺻﺪﻗﺖ ﻓﻜﻴﻨﺎ ﻣﻨﻪ ﺗﻮﺍ ﺗﺠﻲ ﺍﻟﻬﺰﺑﻴﻪ ﻑ ﻭﺟﻬﺎ
ﺧﺶ ﻣﻨﻴﺮ ﻣﻦ ﺑﺎﺏ ﺍﻟﺤﻮﺵ
ﺍﻧﺎ ﻧﻄﻴﺖ .. ﺍﻫﻮ ﻣﻨﻴﺮ ﺗﻮﺍ ﻳﺠﻴﺒﻠﻨﺎ
ﻣﻨﻴﺮ ﺑﺤﺖ ﻓﻴﻨﺎ ﻭﺑﻌﺪﻫﺎ ﻗﻌﺪ ﻳﺒﺤﺖ ﻑ ﻣﺮﻳﻢ .. ﺷﻦ ﺗﺒﻦ
ﺭﺷﺎ ﺗﻔﻨﺺ ﻓﻴﺎ
ﺍﻧﺎ .. ﻣﺮﻳﻢ ﺧﺎﻃﺮﻫﺎ ﻑ ﺳﻨﺘﺮﺍ ﻭﺣﺘﻰ ﻧﺤﻦ ﻧﺒﻮ ﺗﺠﻴﺒﻠﻨﺎ
ﻣﻨﻴﺮ ﺍﺑﺘﺴﻢ .. ﻏﺎﻟﻲ ﻭﻃﻠﺐ ﺭﺧﻴﺺ ﺣﺎﺿﺮ ﻣﻦ ﻋﻴﻮﻧﻲ
ﺍﻧﺎ ﺍﺑﺘﺴﻤﺖ ﻭﺑﺤﺘﺖ ﻑ ﻣﺮﻳﻢ ﺍﻟﻲ ﻛﺎﻧﺖ ﻣﺒﺘﺴﻤﻪ ﻭﻣﻨﺰﻟﻪ ﺭﺍﺳﻬﺎ ﺗﻠﻌﺐ ﺏ ﻣﻮﺑﺎﻳﻞ
ﻣﻨﻴﺮ .. ﺗﺒﻮ ﺣﺎﺟﻪ ﺃﺧﺮﻯ
ﺍﻧﺎ .. ﺳﻼﻣﺘﻚ ﺍﺳﺎﻝ ﻣﺮﻳﻢ
ﻣﻨﻴﺮ ﺍﺑﺘﺴﻢ .. ﻣﺮﻳﻢ ﺗﺒﻲ ﺣﺎﺟﻪ
ﻣﺮﻳﻢ ﻫﺰﺕ ﺭﺍﺳﻬﺎ ﻭﺳﻜﺘﺖ
ﻣﻨﻴﺮ .. ﺗﺴﻨﻴﻢ ﻭﻳﻦ
ﺍﻧﺎ .. ﻃﺎﻟﻌﻪ ﻫﻴﺎ ﻭﺍﻋﻤﻴﻤﻪ ﻟﺤﻮﺵ ﺧﺎﻟﻚ ﻣﻤﻜﻦ
ﻣﻨﻴﺮ .. ﺑﺎﻩ ﺍﻧﺎ ﻃﺎﻟﻊ ﻧﺠﻴﺒﻠﻜﻦ ﺳﻨﺘﺮﺍ
ﺍﻧﺎ .. ﺷﻜﺮﺍً ﺗﻌﺒﻨﺎﻙ
ﻣﻨﻴﺮ .. ﺍﺳﻜﺘﻴﻠﻲ ﺑﺎﻟﻠﻪ
ﺍﻧﺎ ﺿﺤﻜﺖ .. ﺑﺎﻩ ﻗﻮﻟﻲ ﺗﻌﺒﻚ ﺭﺍﺣﻪ
ﻣﻨﻴﺮ ﺿﺤﻚ ﻭﻫﺰ ﺭﺍﺳﻪ .. ﺑﺸﺤﺘﻪ ﻫﻴﺎ
ﺍﻧﺎ .. ﺍﻧﺖ ﻣﺎﺗﺒﻴﺶ ﺗﻘﻮﻟﻬﺎ ﻧﺸﺤﺘﻬﺎ
ﻣﻨﻴﺮ .. ﻫﺒﻠﻪ
ﻋﺪﺍ ﻣﻨﻴﺮ ﻭﻣﺮﻳﻢ ﺑﺤﺘﺖ ﻓﻴﺎ ﻭﺍﺑﺘﺴﻤﺖ
ﺭﺷﺎ .. ﺗﻐﻤﺰﻥ ﻭﺗﻀﺤﻜﻦ ﺷﻦ ﻓﻲ
ﺍﻧﺎ .. ﻣﺎﻓﻲ ﺷﻲ ﻛﻨﻚ ﻧﻘﺼﻴﻪ
ﺑﺸﺮﻯ .. ﻭﺍﻟﻠﻪ ﺍﻧﺎ ﺍﻟﻲ ﺍﺧﺘﻬﺎ ﻣﺎﻧﻲ ﻋﺎﺭﻓﻪ ﻟﻴﺶ ﻳﺘﻐﻤﺰﻥ
ﻣﺮﻳﻢ .. ﻣﺶ ﺷﻮﺭﻛﻦ ﻳﺎﺧﻴﻪ
ﺭﺷﺎ .. ﻫﺎﺑﺎ ﺑﺎﻩ ﻉ ﺭﺍﺣﺘﻜﻦ ﻭﻳﻦ ﻭﺳﻦ ﻳﺎﻣﻴﺲ
ﺍﻧﺎ .. ﺭﺍﻗﺪﻩ ﻗﺎﻋﺪﻩ
ﺭﺷﺎ .. ﻣﺨﻠﻴﺘﻬﺎ ﺑﺮﻭﺣﻬﺎ
ﺍﻧﺎ .. ﺍﻳﻬﻢ ﻣﻌﺎﻫﺎ
ﺭﺷﺎ .. ﺍﻫﺎ
ﻗﻌﺪﻧﺎ ﻧﻬﺪﺭﺯﻭ ﻭﺷﻮﻳﺎ ﺧﺶ ﻣﻨﻴﺮ ﻭﺟﺎﻳﺐ ﺳﻨﺘﺮﺍ ﻭﺷﻜﻼﻃﻪ ﻭﻋﺼﺎﺋﺮ
ﻣﻨﻴﺮ .. ﻫﻴﺠﻦ ﻫﻲ ﻭﻳﻦ ﺗﻠﻘﻮ ﺣﺪ ﻛﻴﻔﻲ
ﺭﺷﺎ .. ﻻ ﻣﺶ ﺣﻨﻠﻘﻮ ﻣﻨﻮﺭ ﺑﻜﻞ
ﻣﻨﻴﺮ .. ﻧﻮﺭ ﻧﻮﺭﻙ ﻳﺎﻃﻴﺮﻱ
ﺭﺷﺎ ﺿﺤﻜﺖ
ﻣﻨﻴﺮ ﺧﺬﺍ ﻛﺮﺳﻲ ﻭﻗﻤﻌﺰ ﺗﻼ ﻣﺮﻳﻢ
ﻣﻨﻴﺮ ﺑﺤﺖ ﻓﻴﻬﺎ ﻭﺍﺑﺘﺴﻢ .. ﻣﺶ ﻣﺮﺍﻳﻔﻪ ﻋﻠﻴﺎ
ﻣﺮﻳﻢ ﺗﻨﻬﺪﺕ .. ﺍﺗﺮﻙ ﻟﻲ ﺷﻴﺌﺎً ﻳﺸﻌﺮﻧﻲ ﺍﻧﻚ ﻣﺎﺯﻟﺖ ﻣﻬﺘﻤﺎً ﻻﻣﺮﻱ ﺍﻱ ﺍﺷﺎﺭﻩ ﺍﻏﻴﻆ ﺑﻴﻬﺎ ﺍﻻﻳﺎﻡ ﺍﻟﺘﻲ ﺗﺤﻮﻝ ﻗﻨﺎﻋﻲ ﺑﻌﻜﺲ ﺫﻟﻚ
ﺻﺒﺖ ﻣﻦ ﻛﺮﺳﻲ ﻭﻫﻮ ﻻﺣﻘﻬﺎ
ﻗﻌﺪﺕ ﻣﺼﺒﻴﻪ ﻋﻨﺪ ﺍﻟﻤﺨﺰﻥ ﺍﻟﻤﻜﺎﻥ ﺍﻟﻲ ﺩﻳﻤﺎ ﻳﺘﻼﻗﻮﺍ ﻓﻴﻪ
ﻣﻨﻴﺮ ﻣﺼﺒﻲ ﻭﺭﺍﻫﺎ ﻭﻳﺤﻜﻲ ﺑﺼﻮﺕ ﻫﺎﺩﻱ ﻭﻓﻴﻪ ﺭﺟﻔﻪ ﺻﻮﺕ ﻭﺍﺣﺪ ﺗﻌﺒﺎﻥ ﻭﺿﺎﻳﻊ ﻣﺶ ﻋﺎﺭﻑ ﻛﻴﻒ ﻳﺼﺮﻑ .. ﺍﺷﺘﻘﺖ ﻟﻚ ﺭﻏﻢ ﻗﺮﺑﻚ ﻭﺍﻧﺖ ﺍﻟﺒﻌﻴﺪ
ﻣﺮﻳﻢ ﻏﻤﻈﺖ ﻋﻴﻮﻧﻬﺎ ﻭﺩﻣﻮﻋﻬﺎ ﻃﺎﺣﻦ ﻉ ﺧﺪﻭﺩﻫﺎ
ﻣﻨﻴﺮ ﺗﻨﻬﺪ .. ﺭﺍﻳﻔﺖ ﻋﻠﻴﻚ
ﻣﺮﻳﻢ ﻣﺮﺑﻌﻪ ﺍﻳﺪﻳﻬﺎ ﻋﻨﺪ ﺻﺪﺭﻫﺎ ﻭﺗﻬﺰ
ﻣﻨﻴﺮ .. ﺗﺸﻮﻓﻲ ﻛﻴﻒ ﻗﻌﺪ ﺷﻜﻠﻲ ﺍﺳﺒﻮﻉ ﻣﺎﻗﺪﺭﺗﺶ ﺑﻼﻙ ﺍﺳﺒﻮﻉ ﺑﺲ ﺍﻧﺎ ﻣﺎﻧﻘﺪﺭﺵ ﻧﺒﻌﺪ ﺃﻛﺜﺮ ﻣﻦ ﻫﻚ ﺧﻼﺹ ﺳﺎﺩﻧﻲ ﻋﺬﺍﺏ
ﻣﺮﻳﻢ ﺑﺮﻣﺖ ﻭﺗﺒﺤﺖ ﻓﻴﻪ
ﻣﻨﻴﺮ .. ﺗﻌﺬﺑﻲ ﻓﻴﺎ ﺑﻐﻴﺎﺑﻚ ﻭﺗﻌﺬﺑﻲ ﻓﻴﺎ ﺑﺪﻣﻮﻋﻚ ﻓﻲ ﺍﻗﺴﻰ ﻣﻦ ﻫﻜﻲ ﻋﻘﺎﺏ
ﻣﺮﻳﻢ ﻗﺮﺑﺖ ﻣﻨﻪ ﻭﺣﻄﺖ ﺍﻳﺪﻫﺎ ﻉ ﻗﻠﺒﻪ ﻭ ﻫﻮ ﻣﺒﺘﺴﻢ
ﻣﺮﻳﻢ ﺍﺑﺘﺴﻤﺖ .. ﻗﻠﺒﻚ ﻳﺪﻕ ﺑﻘﻮﻩ
ﻣﻨﻴﺮ .. ﻳﺪﻕ ﻉ ﺳﺒﺎﻙ
ﻣﺮﻳﻢ .. ﻟﻮ ﻛﺎﻥ ﻟﻘﻴﺘﻪ ﻣﺎﻳﺪﻗﺶ ﺑﻘﻮﻩ ﻛﻨﺖ ﺻﺪﻗﺖ ﺍﻧﻚ ﻣﺎﺗﺤﺒﻨﻴﺶ
ﻣﻨﻴﺮ .. ﻣﻦ ﻛﺎﺫﺏ ﻋﻠﻴﻚ ﺑﺲ ﻭﻗﺎﻟﻚ ﻣﻨﻴﺮ ﻣﺎﻳﺤﺒﻜﺶ
ﻣﺮﻳﻢ ﻫﺰﺕ ﻛﺘﻮﻓﻬﺎ ﻭﺑﺤﺘﺖ ﻑ ﻋﻴﻮﻧﻪ ﻭﻣﻨﻴﺮ ﻳﺒﺤﺖ ﻓﻴﻬﺎ ﻛﺮﻫﺎ ﻟﺼﺪﺭﻩ ﻭﻫﻴﺎ ﻗﻌﺪﺕ ﺗﺒﻜﻲ
ﻣﺮﻳﻢ .. ﻣﻌﺶ ﺑﻨﻐﻴﺐ ﻋﻠﻴﻚ ﻣﺎﻧﻘﺪﺭﺵ ﻧﻌﻴﺶ ﺑﻼﻙ ﺍﻧﺎ ﻣﺴﺘﺤﻴﻞ ﻧﺘﺤﻤﻞ ﺍﻟﻌﻴﺸﻪ ﻣﻦ ﺩﻭﻥ ﻭﺟﻮﺩﻙ ﻑ ﻋﻤﺮﻱ ﻣﺎﻧﻘﺪﺭﺵ ﻧﻨﺴﺎﻙ ﻟﺤﻈﻪ ﺣﺘﻰ ﻟﻮ ﺗﺒﻌﺪ ﻋﻠﻴﺎ ﻣﻠﻴﻮﻥ ﺳﻨﻪ ﺣﺘﻘﻌﺪ ﻣﺪﻓﻮﻥ ﺟﻮﺍ ﻗﻠﺒﻲ ﺍﻧﺖ
ﻣﻨﻴﺮ ﻳﺤﺮﻙ ﻑ ﺍﻳﺪﻩ ﻉ ﺿﻬﺮﻫﺎ ﻭﻫﻴﺎ ﺗﺒﻜﻲ ﻭﺗﺤﻜﻲ
ﻣﻨﻴﺮ ﺑﺼﻮﺕ ﻫﺎﺩﻱ .. ﺍﺳﺴﻒ ﺍﺳﺴﻒ ﺧﻼﺹ ﻣﻌﺶ ﺗﺒﻜﻲ ﺗﻲ ﺗﻌﺬﺑﻲ ﻓﻴﺎ ﺍﻧﺘﻲ ﻫﻜﻲ ﺍﺳﻜﺘﻲ ﺧﻼﺹ ﺭﺍﻩ ﻭﺍﻟﻠﻪ ﻧﺘﻠﻚ ﺑﻜﻒ
ﻣﺮﻳﻢ ﺗﺒﻜﻲ ﻭﺗﻀﺤﻚ ﻭﺗﺒﺤﺖ ﻓﻴﻪ ﻭﺿﺮﺑﺎﺗﻪ ﻉ ﻛﺘﻔﻪ .. ﺑﺎﺭﺩ
ﻣﻨﻴﺮ ﻣﺒﺘﺴﻢ .. ﻉ ﻣﻬﻢ ﺗﺮﺿﻲ
ﻣﺮﻳﻢ ﺭﺷﻔﺖ ﺧﺸﻤﻬﺎ .. ﺍﻧﺤﺒﻚ
ﻣﻨﻴﺮ .. ﻳﻨﻌﻠﻲ ﻣﺮﺍﻳﻒ ﻋﻠﻴﻚ
ﻣﺮﻳﻢ .. ﺣﺘﻰ ﺍﻧﺎ ﻣﺮﺍﻳﻔﻪ ﻋﻠﻴﻚ ﻭﺍﺟﺪ
ﻣﻨﻴﺮ ﺍﺑﺘﺴﻢ .. ﺧﻼﺹ ﻋﺪﻱ ﻣﺤﻤﺪ ﻗﺮﻳﺐ ﻳﺠﻲ
ﻣﺮﻳﻢ ﺗﻨﻬﺪﺕ .. ﺧﺎﻃﺮﻱ ﻧﺤﻜﻲ ﻣﻌﺎﻙ ﺃﺧﺮﻯ
ﻣﻨﻴﺮ ﺍﺑﺘﺴﻢ .. ﻣﺰﺍﻝ ﻗﺪﺍﻣﻨﺎ ﻭﺍﺍﺟﺪ ﺧﻼﺹ ﺗﻮﺍ ﻋﺪﻱ
ﻣﺮﻳﻢ ﻣﺎﺷﻴﺎ ﺷﻮﺭﻧﺎ ﻭﺗﺒﺮﻡ ﺗﺒﺤﺖ ﻓﻴﻪ .. ﺧﻠﻴﻚ ﺩﻳﻤﺎ ﺗﺤﺒﻨﻲ ﺑﺎﻫﻲ
ﻣﻨﻴﺮ ﺿﺤﻚ .. ﺣﺎﺿﺮ
ﻣﺮﻳﻢ .. ﻭﻋﺪ
ﻣﻨﻴﺮ ﻣﺒﺘﺴﻢ ﻭﻳﻬﺰ ﻑ ﺭﺍﺳﻪ .. ﻭﻋﺪ ﻋﺪﻱ ﺧﻼﺹ
ﺟﺖ ﺗﻼﻧﺎ ﻣﺮﻳﻢ ﻭﻫﻴﺎ ﻣﺒﺘﺴﻤﻪ ﻭﻣﻨﻴﺮ ﺭﻓﻊ ﺗﻴﺸﺮﺕ ﺍﻟﻲ ﻛﺎﻥ ﻣﻌﺒﻲ ﺩﻣﻮﻉ ﻣﺮﻳﻢ ﺍﺑﺘﺴﻢ ﻭﺧﺶ ﻟﺤﻮﺷﻬﻢ "
" ﻳﻮﻡ ﺍﻟﻲ ﺑﻴﺠﻮ ﻫﻞ ﺩﻧﻴﺎ ﻳﺨﻄﺒﻮ ﻑ ﺭﻳﻬﺎﻡ ..
ﺍﻧﺎ .. ﺷﻦ ﻗﺮﺭﺗﻲ ﺗﻠﺒﺴﻲ
ﺭﻳﻬﺎﻡ ﻣﻘﻤﻌﺰﻩ ﻉ ﺳﺮﻳﺮ ﻭﺳﺎﺭﺣﻪ .. ﻣﺶ ﻓﺎﺭﻗﻪ ﺍﻱ ﺣﺎﺟﻪ ﻋﺎﺩﻱ
ﺭﺷﺎ .. ﻛﻴﻒ ﻋﺎﺩﻱ ﻫﺬﻳﻤﺎ ﺟﺎﻳﻦ ﻳﺨﻄﺒﻮ ﻓﻴﻚ
ﺭﻳﻬﺎﻡ .. ﺑﺎﻩ ﻋﺎﺭﻓﻪ
ﺭﺣﺎﺏ .. ﻗﺎﻟﺖ ﻟﻤﺎﻣﺎ ﻣﺎﻧﺒﻴﺶ ﻧﺪﻳﺮ ﻣﻘﺎﺑﻠﻪ ﻭﻻ ﻧﺒﻲ ﻧﺪﻳﺮ ﻋﺮﺱ
ﺍﻧﺎ .. ﻫﻴﻴﻴﻲ ﻣﻦ ﺟﺪﻙ
ﻣﺎﻣﺎ ﺧﺸﺖ .. ﻛﻨﻚ
ﺭﺣﺎﺏ .. ﺣﻜﻴﺘﻠﻬﺎ ﻋﻠﻲ ﻗﺎﻟﺘﻪ
ﺭﻳﻬﺎﻡ .. ﺗﺮﺍ ﺍﻧﺎ ﻗﻠﺖ ﻛﻼﻣﻲ ﺧﻼﺹ ﻣﺎﻧﺒﻴﺶ ﻋﺮﺱ ﻛﺎﻥ ﻫﺬﺍ ﻧﻘﻮﻟﻠﻜﻢ ﻣﺎﻧﻴﺶ ﻣﺠﻮﺯﻩ ﺑﻜﻞ
ﺍﻧﺎ .. ﻋﻠﻴﺶ ﻋﺼﺒﻴﻪ ﻫﺬﻱ ﻛﻠﻬﺎ
ﺭﻳﻬﺎﻡ .. ﺍﻧﺎ ﻗﻠﺘﻬﺎ ﻟﻜﻢ ﻋﺮﺱ ﻣﺎﻧﺒﻴﺶ
ﺍﻧﺎ .. ﺑﺎﻩ ﺍﻥ ﺷﺎﺀ ﺍﻟﻠﻪ ﺧﻴﺮ
ﻃﻠﻌﺘﻠﻬﺎ ﻓﺴﺘﺎﻥ ﺑﺴﻴﻂ ﻭﻃﻠﻌﻨﺎ ﺧﻠﻴﻨﻬﺎ ﺑﺮﻭﺣﻬﺎ
ﺍﻧﺎ .. ﻳﺎ ﻣﺎﻣﺎ ﻣﺎﺗﻀﻐﻄﻴﺶ ﻋﻠﻴﻬﺎ ﻛﻨﻚ ﺍﻧﺘﻲ
ﻣﺎﻣﺎ .. ﺧﺎﻳﻔﻪ ﻋﻠﻴﻬﺎ ﺑﺲ
ﺍﻧﺎ .. ﺻﺪﻗﻴﻨﻲ ﺣﺘﻨﺴﺠﻢ ﻏﻴﺮ ﻑ ﺑﺪﺍﻳﻪ
ﻣﺎﻣﺎ .. ﺍﻥ ﺷﺎﺀ ﺍﻟﻠﻪ ﻳﺎﺭﺏ ﺷﻨﻮ ﻳﺎﺭﺷﺎ ﻣﺎﻓﻴﺶ ﺣﺎﺟﻪ ﻑ ﻃﺮﻳﻖ
ﺭﺷﺎ .. ﻻﻻ ﻣﺎﻓﻴﺶ ﺷﻲ ﻣﻴﺴﻮ ﺍﻧﺘﻲ ﺩﺭﺗﻲ ﺣﺎﺟﻪ ﺑﻴﺶ ﺣﻤﻠﺘﻲ
ﺍﻧﺎ .. ﺗﻲ ﺗﻘﻮﻟﻚ ﺣﻤﻠﺖ ﺑﺎﻟﻐﻠﻂ ﻭﻛﻞ ﺣﺎﺟﻪ ﺟﺖ ﺑﺎﻟﻐﻠﻂ ﺣﺘﻰ ﺟﻴﺘﻬﺎ
ﻣﺎﻣﺎ .. ﻫﻴﻴﻲ ﻛﻨﻚ ﺗﺤﻜﻲ ﻫﻜﻲ ﻫﺬﻱ ﻧﻌﻤﻪ ﻣﻦ ﻋﻨﺪ ﺭﺑﻲ
ﺍﻧﺎ .. ﺗﻮﺍ ﺍﻧﺎ ﺭﻓﻀﺘﻬﺎ ﻳﺎﻣﺎﻣﺎ ﺻﺎﺡ ﺗﻌﺒﺖ ﻑ ﺣﻤﻠﺘﻬﺎ ﻭﻣﺎﺟﺖ ﺍﻻ ﻭﺭﻳﻘﻲ ﻧﺎﺷﻒ ﺑﺲ ﻓﺮﺣﺖ ﺑﺠﻴﺘﻬﺎ
ﻣﺎﻣﺎ .. ﻧﺠﻴﻬﺎ ﻳﺎﺧﻴﻪ ﺍﻥ ﺷﺎﺀ ﺍﻟﻠﻪ ﺗﺸﻮﻓﻴﻬﺎ ﻋﺮﻭﺱ
ﺍﻧﺎ ﺍﺑﺘﺴﻤﺖ .. ﺍﻥ ﺷﺎﺀ ﺍﻟﻠﻪ
ﺭﺷﺎ ﺻﺒﺖ .. ﻧﺨﺶ ﻧﺸﻮﻓﻬﺎ
ﺻﺒﺖ ﺭﺷﺎ ﺧﺸﺖ ﻟﻘﺖ ﺭﻳﻬﺎﻡ ﻻﺑﺴﻪ ﻭﻣﻘﻤﻌﺰﻩ ﻉ ﺳﺮﻳﺮ
ﺭﺷﺎ .. ﻛﻨﻚ ﻣﺎﺩﺭﺗﻲ ﺣﺎﺟﻪ ﻑ ﻭﺟﻚ
ﺭﻳﻬﺎﻡ .. ﻣﺎﻧﻴﺶ ﺩﺍﻳﺮﻩ ﻋﺠﺒﺘﻬﻢ ﻫﻜﻲ ﺑﺎﻫﻲ ﻣﺶ ﻋﺎﺟﺒﺘﻬﻢ ﻃﺮﻳﻘﻬﻢ ﺯﻳﻨﻪ
ﺭﺷﺎ .. ﺍﻟﻴﻮﻡ ﺣﺘﻰ ﺍﻟﺨﻄﺒﻪ ﺧﻼﺹ ﻣﺎﻓﻴﻬﺶ ﻣﺎﺗﻌﺠﺒﻴﻬﻢ ﻻ ﺷﻲ
ﺭﻳﻬﺎﻡ ﺳﻜﺘﺖ
ﺭﺷﺎ .. ﻏﻴﺮ ﺷﻮﻳﺎ ﻛﺤﻞ ﺣﺘﻰ ﻭﺭﻭﺝ ﺑﺴﻴﻂ
ﺭﻳﻬﺎﻡ ﺻﺒﺖ ﻭﺭﺷﺎ ﺩﺍﺭﺗﻠﻬﺎ ﻛﺤﻞ ﻭﺭﻭﺝ ﺑﺴﻴﻂ ﺑﻜﻞ
ﺭﺷﺎ .. ﻧﻄﻠﻘﻠﻚ ﺷﻌﺮﻙ
ﺭﻳﻬﺎﻡ .. ﻣﺎﻋﻨﺪﻳﺶ ﻧﻴﻪ ﻧﺴﺘﺸﻮﺭ
ﺭﺷﺎ .. ﻣﺶ ﺍﺳﺘﺸﻮﺍﺭ ﻧﻄﻠﻘﻪ ﻭﻧﺪﻳﺮﻟﻪ ﺟﻮ
ﺭﻳﻬﺎﻡ ﻫﺰﺕ ﺭﺍﺳﻬﺎ ﻭﺗﻨﻬﺪﺕ ﻭﺭﺷﺎ ﺩﺍﺭﺗﻠﻬﺎ ﺟﻮ ﻟﺸﻌﺮﻫﺎ
ﺷﻮﻳﺎ ﻭﺟﻮ ﻫﻞ ﺩﻧﻴﺎ ﻭ ﻃﻠﻌﺖ ﺭﻳﻬﺎﻡ ﻓﻮﻕ ﻣﻦ ﺍﻟﻨﻔﺲ
ﺍﻡ ﺩﻧﻴﺎ .. ﻣﺸﺎﺀﺍﻟﻠﻪ ﺭﺑﻲ ﻳﺤﻔﻈﻬﺎ
ﺭﻳﻬﺎﻡ ﺑﺼﻮﺕ ﻭﺍﻃﻲ .. ﻭﻳﺤﻔﻈﻚ
ﻗﻤﻌﺰﺕ ﺭﻳﻬﺎﻡ ﺷﻮﻳﺎ ﻭﻋﻘﻠﻬﺎ ﻣﺶ ﻣﻌﺎﻧﺎ ﺑﻜﻞ
ﺍﻧﺎ ﻫﺰﻳﺘﻬﺎ .. ﺭﻳﻬﺎﻡ ﺗﺒﻲ ﺗﻠﺒﺴﻚ ﺩﺑﻠﻪ ﻧﻮﺿﻲ
ﻧﻮﺿﺘﻬﺎ ﻭﻟﺒﺴﺘﻬﺎ ﺩﺑﻠﻪ
ﺩﻧﻴﺎ ﻣﺒﺘﺴﻤﻪ .. ﺍﻥ ﺷﺎﺀ ﺍﻟﻠﻪ ﻋﺠﺒﺎﺗﻚ ﺍﺧﺘﻴﺎﺭ ﺍﻧﺲ
ﺭﻳﻬﺎﻡ ﺑﺪﻭﻥ ﻣﺎﺗﺒﺤﺖ ﻓﻴﻬﺎ .. ﺣﻠﻮﻩ ﻋﺠﺒﺘﻨﻲ
ﻣﺎﻣﺎ ﻣﺒﺘﺴﻤﻪ .. ﺍﻥ ﺷﺎﺀ ﺍﻟﻠﻪ ﺑﻬﻨﺎﻫﻢ
ﺍﻣﻪ .. ﻧﺤﻦ ﻣﺎﻧﺒﻮﺵ ﻧﻄﻮﻟﻮ ﺑﺎﻟﻌﺮﺱ ﺣﺎﻝ ﺍﻟﻐﺎﻳﻪ ﺍﺳﺒﻮﻋﻴﻦ ﻧﻘﺮﻭ ﻓﺎﺗﺤﻪ ﻭﻧﺎﺧﺬﻭﻫﺎ ﻣﺶ ﺩﺍﻳﺮﻥ ﻋﺮﺱ
ﻣﺎﻣﺎ .. ﻭﻻ ﻧﺤﻦ ﺩﺍﻳﺮﻥ ﻋﺮﺱ
ﺍﻣﻪ .. ﻫﻮ ﺷﻘﺘﻪ ﻛﺎﻣﻠﻪ ﺍﻟﺤﻤﺪﺍﻟﻠﻪ ﻣﺎﻧﺎﻗﺼﻪ ﺷﻲ ﻏﻴﺮ ﺑﻨﺖ ﺍﻟﺤﻼﻝ
ﻣﺎﻣﺎ .. ﻣﺸﺎﺀ ﺍﻟﻠﻪ
ﺍﻣﻪ .. ﺩﺍﺑﻴﻦ ﻣﺶ ﺩﺍﻳﺮﻥ ﻋﺮﺱ ﺍﻥ ﺷﺎﺀ ﺍﻟﻠﻪ ﺍﻟﻔﺮﺡ ﺑﻌﺪ ﺃﺳﺒﻮﻋﻴﻦ ﺗﻠﺤﻘﻮ
ﻣﺎﻣﺎ .. ﺍﻥ ﺷﺎﺀ ﺍﻟﻠﻪ ﻛﻴﻒ ﻣﺎﻛﻨﺘﻮ ﻋﺎﺭﻓﻴﻦ ﺩﺑﺸﻬﺎ ﻛﺎﻥ ﻛﺎﻣﻞ ﻏﻴﺮ ﺍﻟﻠﻪ ﻏﺎﻟﺐ ﻧﺼﻴﺐ ﻭﺍﻥ ﺷﺎﺀ ﺍﻟﻠﻪ ﻧﺼﻴﺒﻬﺎ ﻣﻊ ﻭﻟﺪﻛﻢ ﺯﻳﻦ
ﺍﻣﻪ .. ﺍﻥ ﺷﺎﺀ ﺍﻟﻠﻪ ﻳﺎﺭﺏ
ﻗﻌﺪﻭ ﺷﻮﻳﺎ ﻭﺭﻭﺣﻮ ﻭﻣﻦ ﺍﻭﻝ ﻣﺎﺭﻭﺣﻮ ﺭﻳﻬﺎﻡ ﺧﺸﺖ ﻟﺪﺍﺭ ﻭﺻﻜﺮﺕ ﻉ ﺭﻭﺣﻬﺎ
ﻋﺰﻭ .. ﺑﺎﻩ ﻛﻮﻳﺲ ﻗﻮﻟﻴﻠﻲ ﺍﻟﻲ ﺗﺒﻮﻩ ﻭﺍﻧﺎ ﻧﻄﻠﻊ ﻧﺠﻴﺒﻪ ﻣﻊ ﺭﺣﺎﺏ ﺗﺮﻳﺤﻲ ﻳﺎﺍﻣﻲ
ﻣﺎﻣﺎ .. ﺍﻟﻌﺮﺱ ﻳﺠﻲ ﻛﻴﻒ ﻣﺎ ﻳﺠﻲ ﺍﻧﺎ ﻫﻤﻲ ﻛﻠﻪ ﻑ ﺭﻳﻬﺎﻡ
ﻋﺰﻭ .. ﺗﻮﺍ ﺗﺎﻗﻠﻢ ﻳﺎﺍﻣﻲ ﺭﺍﺟﻞ ﻛﻮﻳﺲ ﺑﻜﻞ ﻭﻫﻮ ﻓﺎﻫﻢ ﺣﺎﻟﺘﻬﺎ ﻣﺎﺗﺸﻐﻠﻴﺶ ﺑﺎﻟﻚ ﺗﺒﻜﻲ ﺗﻮﺍ ﺧﻴﺮ ﻣﺎﺗﺒﻜﻲ ﻃﻮﻝ ﻋﻤﺮﻫﺎ ﺻﺎﺡ ﻭﻻ ﻻ
ﺍﻧﺎ .. ﺻﺎﺡ ﻣﻌﺎﻩ ﺍﻟﺤﻖ ﻳﺎﻣﺎﻣﺎ
ﺭﺷﺎ .. ﺑﺲ ﻭﺟﻌﺘﻨﻲ ﺭﻳﻬﺎﻡ ﻣﺰﺍﻟﺖ ﺻﻐﻴﺮﻩ ﻉ ﺍﻟﻬﻢ
ﻋﺰﻭ .. ﻑ ﻣﺼﻠﺤﺘﻬﺎ ﺑﺘﻘﻌﺪ ﻃﻮﻝ ﻋﻤﺮﻫﺎ ﻫﻜﻲ ﻳﻌﻨﻲ ﺗﺸﻮﻑ ﺣﻴﺎﺗﻬﺎ
ﺭﺷﺎ .. ﺍﻥ ﺷﺎﺀ ﺍﻟﻠﻪ ﺗﻨﺴﺠﻢ ﻣﻌﺎﻩ
ﺍﻧﺎ ﺭﻥ ﻣﻮﺑﺎﻳﻠﻲ .. ﺍﻳﻮﺍﻩ ﻳﺎﺍﻳﻬﻢ
ﺍﻳﻬﻢ .. ﺍﻧﺎ ﺑﺮﺍ
ﺍﻧﺎ .. ﺑﺎﻩ ﺷﻮﻳﺎ ﺑﺲ
ﻋﺰﻭ ﺻﺒﻰ .. ﺑﺮﺍ ﻗﺎﻋﺪ
ﺍﻧﺎ .. ﺍﻫﺎ
ﻣﺎﻣﺎ .. ﺳﻠﻢ ﻭﻟﻴﺪﻱ ﺍﺣﻜﻲ ﻣﻊ ﺧﻄﻴﺒﺘﻚ ﻭﻗﻮﻟﻠﻬﺎ ﻉ ﺗﺎﺟﻴﻞ ﺍﻟﺒﻴﺎﻥ ﻛﺎﻥ ﺯﻋﻠﺖ ﻭﻻ ﺣﺎﺟﻪ ﺭﺍﺿﻴﻬﺎ ﺣﻘﻬﺎ
ﻋﺰﻭ .. ﺍﻥ ﺷﺎﺀ ﺍﻟﻠﻪ ﻳﺎﺍﻣﻲ ﻣﺎﻋﻨﺪﻫﺎ ﻟﻴﺶ ﺗﺰﻋﻞ
ﻃﻠﻊ ﻋﺰﻭ ﻟﻲ ﺍﻳﻬﻢ ﻭﺍﻧﺎ ﻃﻠﻌﺖ ﻭﺭﻭﺣﺖ ﻭﻋﺰﻭ ﺧﺶ ﻟﺠﻨﺎﻥ ﻭﻳﻦ ﻉ ﺍﻣﻴﺮﻩ
ﺍﻣﻴﺮﻩ .. ﺧﻴﺮﺍﺕ ﺣﺒﻴﺒﻲ
ﻋﺰﻭ .. ﺧﻴﺮ ﻳﺎﺳﻤﺤﻪ ﺷﻨﺠﻮﻙ
ﺍﻣﻴﺮﻩ .. ﺑﺨﻴﺮ ﺣﺒﻴﺒﻲ ﻛﺎﻧﻪ ﻣﺎﻳﻘﻌﺪ ﺟﻮﻱ ﺳﻤﺢ ﺩﺍﺑﻴﻦ ﻋﺰﻭ ﺗﻼﻳﺎ
ﻋﺰﻭ ﺍﺑﺘﺴﻢ .. ﻧﺠﻚ ﻟﻴﺎ ﻭﺧﻼﺹ ﻣﻴﺮﻭ
ﺍﻣﻴﺮﻩ .. ﻧﻌﻢ ﺣﺒﻴﺒﻲ
ﻋﺰﻭ .. ﺑﻨﺤﻜﻲ ﻑ ﻣﻮﺿﻮﻉ ﺑﺲ ﺧﺎﻳﻔﻚ ﺗﺰﻋﻠﻲ ﻣﻨﻲ
ﺍﻣﻴﺮﻩ .. ﺷﻨﻮ ﺣﺒﻴﺒﻲ ﺍﺣﻜﻲ ﻣﺶ ﺣﻨﺰﻋﻞ
ﻋﺰﻭ .. ﺑﻨﺎﺟﻠﻮ ﺍﻟﺒﻴﺎﻥ ﻟﺒﺪﺍﻳﻪ ﺷﻬﺮ ﺍﻟﺠﺎﻱ
ﺍﻣﻴﺮﻩ .. ﻋﻠﻴﺶ
ﻋﺰﻭ .. ﻣﺎﻩ ﺍﺧﺘﻲ ﺭﻳﻬﺎﻡ ﺍﻧﺘﻲ ﻋﺎﺭﻓﻪ ﺍﻟﻲ ﺻﺎﺭ ﻣﻌﺎﻫﺎ ﻭﻭﻭﻭﻭﻭ
ﺍﻣﻴﺮﻩ .. ﺍﻫﺎ ﻳﺎﻋﻤﺮﻱ ﺭﺑﻲ ﻳﻬﻨﻴﻨﺎ ﺷﻜﻠﻬﺎ ﺗﺤﺒﻪ ﺍﻟﻲ ﺍﺳﺘﻐﻨﺖ ﻉ ﻋﺮﺳﻬﺎ ﺍﻟﻲ ﻛﻞ ﺑﻨﺖ ﺗﺤﻠﻢ ﺑﻴﻪ
ﻋﺰﻭ .. ﺍﻟﻠﻪ ﻏﺎﻟﺐ ﻧﺼﻴﺒﻬﺎ ﻭﻳﻦ ﺗﻨﺪﺭﻱ ﻣﺮﺍﺕ ﺭﺑﻲ ﻛﺎﺗﺐ ﻫﻚ ﺍﻻ ﻭﻓﻴﻪ ﺧﻴﺮﻩ
ﺍﻣﻴﺮﻩ .. ﺍﻛﻴﺪﻩ ﺭﺑﻲ ﻳﻬﻨﻴﻨﻬﺎ ﻭﺧﻼﺹ
ﻋﺰﻭ .. ﺍﻥ ﺷﺎﺀ ﺍﻟﻠﻪ ﻉ ﻣﻬﻢ ﻣﺶ ﺯﺍﻋﻠﻪ ﻣﻨﻲ ﺍﻧﺘﻲ
ﺍﻣﻴﺮﻩ .. ﻭﺍﻧﺎ ﻧﻘﻌﺪ ﻧﺰﻋﻞ ﻣﻨﻚ ﺣﺒﻴﺒﻲ ﺑﺎﻟﻌﻜﺲ ﺍﻧﺎ ﻧﻔﺮﺡ ﺭﺍﻩ ﺑﻌﺪ ﺗﺤﻜﻴﻠﻲ ﻛﻴﻒ ﻣﻀﺤﻲ ﻉ ﺳﺒﻪ ﻫﻠﻚ
ﻋﺰﻭ ﺍﺑﺘﺴﻢ .. ﺷﻦ ﻧﺪﻳﺮ ﺗﻌﻮﺩﺕ ﺍﻧﻲ ﻧﻔﺮﺣﻬﻢ ﻫﻤﺎ ﻗﺒﻞ ﻣﺎﺍﻧﺎ ﻧﻔﺮﺡ ﺧﺬﻳﺖ ﻉ ﺍﻧﻬﻢ ﻣﺴﺆﻟﻴﺘﻲ ﻭﻛﻴﻒ ﺍﻋﻴﺎﻟﻲ
ﺍﻣﻴﺮﻩ .. ﺭﺑﻲ ﻳﺨﻠﻴﻚ ﻟﻬﻢ ﺑﺲ ﻫﻜﻲ ﻧﻐﺎﺭ ﺍﻧﺎ ﺭﺍﻩ
ﻋﺰﻭ ﺿﺤﻚ .. ﻣﻌﻨﺎﻫﺎ ﺣﻴﻘﻌﺪﻥ ﻣﺸﺎﻛﻠﻨﺎ ﻣﻦ ﻏﻴﺮﺗﻚ ﺍﻣﻼ ﻛﺎﻥ ﺗﺸﻮﻓﻲ ﺭﺣﺎﺏ ﻛﻴﻒ
ﺍﻣﻴﺮﻩ .. ﺭﺑﻲ ﻣﺎ ﻳﺠﻴﺐ ﺑﻴﻨﺎ ﻣﺸﺎﻛﻞ ﺑﻌﺪﻳﻦ ﻣﺶ ﺭﺣﺎﺏ ﻣﺨﻄﻮﺑﻪ ﺧﻠﻲ ﺧﻄﻴﺒﻬﺎ ﻳﻌﻄﻴﻬﺎ ﺣﻨﺎﻥ
ﻋﺰﻭ ﺿﺤﻚ .. ﺣﻨﺎﻥ ﻋﺰﻭ ﻏﻴﺮ
ﺍﻣﻴﺮﻩ ﺗﻨﻬﺪﺕ .. ﻣﺶ ﻏﻴﺮ ﻏﻴﺮ ﻑ ﻛﻞ ﺣﺎﺟﻪ
ﻋﺰﻭ ﺍﺑﺘﺴﻢ .. ﻧﺤﺒﻚ "
" ﻣﺸﺎﺀ ﺍﻻﺳﺒﻮﻉ ﻭﺑﺪﻥ ﺍﻳﺎﻡ ﺍﻟﻌﺮﺱ ﻭﻳﻮﻡ ﻛﺎﻥ ﺩﻓﻊ
ﻋﺰﻭ .. ﺍﻣﻲ ﺍﻣﻲ
ﻣﺎﻣﺎ ﺟﺎﺗﻪ .. ﺩﻓﻌﻮ ﻓﻴﻬﺎ
ﻋﺰﻭ .. ﻣﺒﺮﻭﻙ ﻋﻠﻴﻬﺎ
ﻣﺎﻣﺎ .. ﻟﻮﻭﻭﻭﻭﻭﻭﻭﻭﻭﻟﻠﻠﻠﻲ
ﻧﺤﻦ ﻑ ﺩﺍﺭ ..
ﺭﻳﻬﺎﻡ ﻗﻌﺪﺕ ﺗﺒﻜﻲ .. ﺩﻓﻌﻮ ﺧﻼﺹ
ﺍﻧﺎ ﺣﻀﻨﺘﻬﺎ .. ﻣﺒﺮﻭﻙ ﻳﺎﻋﻤﺮﻱ ﺍﻥ ﺷﺎﺀ ﺍﻟﻠﻪ ﻛﻴﻒ ﻣﺎﺍﻧﺘﻲ ﺗﺒﻲ
ﺭﻳﻬﺎﻡ .. ﺍﻧﺎ ﻧﺒﻲ ﺍﺳﺎﻣﻪ ﻳﺎﻣﻴﺲ
ﺍﻧﺎ .. ﺭﺑﻲ ﻳﺮﺣﻤﻪ
ﺭﻳﻬﺎﻡ ﺗﻨﻬﺪﺕ .. ﺍﻣﻴﻦ ﻳﺎﺭﺏ ﺍﻣﻴﻦ
ﺍﻧﺎ ﻭﺧﺮﺗﻬﺎ ﻭﻣﺴﺤﺘﻠﻬﺎ ﺩﻣﻮﻋﻬﺎ .. ﺍﻃﻠﻌﻲ ﻓﺮﺣﻲ ﻣﺎﻣﺎ
ﻃﻠﻌﺖ ﺍﻧﺎ ﻭﻳﺎﻫﺎ ﻭﻗﻌﺪﺕ ﺗﺠﺎﻣﻞ ﻓﻴﻬﻢ
ﺍﻟﻴﻮﻡ ﺛﺎﻧﻲ ﻣﺸﻴﻨﺎ ﻟﺒﺴﻨﺎ ﺷﻘﻪ ﻭﺑﻌﺪﻫﺎ ﺳﻴﺎﻕ ﻛﺎﻥ ﻋﺮﺱ ﺑﺴﻴﻴﻴﻂ ﺑﻜﻞ ﻣﺎﻛﻨﺶ ﺑﺎﻳﻦ ﺍﻧﻪ ﺟﻮ ﻋﺮﺱ ﺑﻜﻞ
ﻳﻮﻡ ﺯﻓﻪ ﻑ ﺻﺒﺢ ﻃﺒﻌﺎً ﺭﻳﻬﺎﻡ ﺭﻓﻀﺖ ﺍﻧﻬﺎ ﺗﻠﺒﺲ ﻓﻴﻠﻮ ﻃﻠﻌﺖ ﺭﺷﺎ ﺍﺧﺘﺮﺗﻠﻬﺎ ﻓﺴﺘﺎﻥ ﺍﺑﻴﺾ ﻃﻮﻳﻞ ﻛﻠﻪ ﺟﺒﻴﺮ ﺣﻠﻮ ﺑﻜﻞ ﻭﻣﻜﻴﺎﺝ ﻗﺎﻟﺖ ﻣﺶ ﻣﺎﺷﻴﻪ ﻟﻜﻮﺍﻓﻴﺮ
ﺭﺣﺎﺏ .. ﺳﻔﻴﺎﻥ ﺧﻼﺹ ﻋﺪﻱ
ﺳﻔﻴﺎﻥ .. ﺧﺎﻃﺮﻱ ﻧﺸﻮﻓﻚ ﺏ ﻓﺴﺘﺎﻥ
ﺭﺣﺎﺏ .. ﻻﻻ ﻋﺪﻱ ﺧﻼﺹ
ﺳﻔﻴﺎﻥ .. ﺑﺎﻩ ﻋﻄﻴﻨﻲ ﺑﻮﺳﻪ
ﺭﺣﺎﺏ .. ﻧﻌﻄﻴﻚ ﻛﻒ ﻣﺶ ﺑﻮﺳﻪ ﻫﺬﺍ ﻣﺎﻧﺎﻗﺺ
ﺳﻔﻴﺎﻥ .. ﺑﺎﻩ ﺍﻧﺤﺒﻚ
ﺭﺣﺎﺏ .. ﺍﻭﻛﻲ ﻋﺎﺭﻓﻪ ﻋﺪﺩﺩﻱ
ﺳﻔﻴﺎﻥ .. ﺗﻮﺍ ﻧﻮﺭﻳﻚ ﺑﻌﺪﻳﻦ ﻳﺎﻓﺮﺧﻪ ﺧﺸﻲ ﺗﻮﺍ ﻣﻌﺶ ﺗﻄﻠﻌﻲ ﻓﺎﻫﻤﻪ
ﺭﺣﺎﺏ ﺍﺑﺘﺴﻤﺖ .. ﻳﻨﻌﻠﻴﺎ ﻣﻦ ﺍﻟﻐﻴﻮﺭ
ﺳﻔﻴﺎﻥ ﺿﺤﻚ .. ﺧﺸﻲ ﺧﻼﺹ
ﺭﺣﺎﺏ .. ﺑﺎﻱ ﻧﺤﺒﺒﺒﻚ ﻧﺤﺒﺒﺒﻚ
ﺳﻔﻴﺎﻥ ﻣﺒﺘﺴﻢ .. ﻧﻤﻮﺕ ﻓﻴﻚ ﻫﻴﺎ ﺧﺸﻲ
ﺧﺸﺖ ﺭﺣﺎﺏ ﻟﺪﺍﺭ ﻭﺍﻧﺎ ﻛﻨﺖ ﻧﻜﻠﻢ ﻑ ﺍﻳﻬﻢ
ﺍﻳﻬﻢ .. ﻟﻴﺎ ﻭﺍﺟﺪ ﻋﻠﻴﻚ ﻋﺎﺩ
ﺍﻧﺎ .. ﺍﻧﺖ ﻗﻠﺘﻠﻲ ﻣﺶ ﺣﻨﻘﺮﺏ ﻣﻨﻚ ﺍﻻ ﻑ ﻋﻴﺪ ﺟﻮﺍﺯﻧﺎ
ﺍﻳﻬﻢ .. ﺗﻲ ﻋﺎﺭﻑ ﺍﺯﻑ ﺑﺲ ﺷﻮﻓﺘﻚ ﺗﻜﻔﻲ
ﺍﻧﺎ ﺍﺑﺘﺴﻤﺖ .. ﺑﻌﺪﻳﻦ ﺗﻌﺎﻝ ﻭﺷﻮﻓﻨﻲ ﺑﺲ ﻣﺎﻧﻘﺪﺭﺵ ﻧﺮﻭﺡ ﻻﻧﻪ ﻫﺎﻟﻤﺮﻩ ﺣﻮﺳﻪ ﻑ ﺣﻮﺷﻨﺎ
ﺍﻳﻬﻢ .. ﺍﻣﺮﻱ ﻝ ﺍﻟﻠﻪ ﻭﺧﻼﺹ ﻋﺪﻱ ﺗﻮﺍ ﺍﻛﻴﺪﻩ ﻣﺶ ﻓﺎﺿﻴﻪ
ﺍﻧﺎ .. ﺍﻭﻛﻲ ﺑﺎﻱ
ﺻﻜﺮﺕ ﻣﻨﻪ ﻭﺑﺤﺘﺖ ﻑ ﺭﺣﺎﺏ
ﺭﺣﺎﺏ .. ﺑﺎﻳﺘﻪ ﻣﻌﺎﻧﺎ ﻳﻌﻨﻲ ﺍﻟﻴﻮﻡ
ﺍﻧﺎ .. ﺍﻥ ﺷﺎﺀ ﺍﻟﻠﻪ ﺭﻳﻬﺎﻡ ﻭﻳﻦ
ﺭﺣﺎﺏ .. ﺩﻭﺷﺖ ﻭﺭﺷﺎ ﻗﺎﻋﺪﻩ ﺩﻳﺮﻟﻬﺎ ﻑ ﻣﻜﻴﺎﺝ ﻭﺗﺒﺮﻡ ﻋﻠﻴﻬﺎ
ﺍﻧﺎ .. ﺗﻤﺎﻡ
ﻗﻌﺪﻭ ﺷﻮﻳﺎ ﺷﻮﻳﺎ ﻭﻳﺠﻮ ﺍﻟﻤﻌﺎﺯﻳﻢ ﻣﺎﻛﻨﻮﺵ ﻭﺍﺟﺪ ﻉ ﺳﺒﻪ ﺍﻟﻌﺮﺱ ﻉ ﺿﻴﻖ
ﻉ ﻣﻐﺮﺏ ﺭﻳﻬﺎﻡ ﻃﻠﻌﺖ ﺑﺮﺍ ﻑ ﺟﻨﺎﻥ ﻭﻧﺤﻦ ﻧﺒﺮﻣﻮ ﻭﺍﻧﺎ ﻣﺮﻩ ﻣﺮﻩ ﻧﺠﻲ ﺗﻼﻫﺎ ﻻﻧﻬﺎ ﻭﺍﺿﺢ ﺍﻧﻬﺎ ﻣﺮﺗﺒﻜﻪ ﺑﻜﻞ ﻭﺟﻮﻫﺎ ﺷﻴﻦ
ﺷﻮﻳﺎ ﻭﺳﻤﻌﻨﺎ ﺑﻴﺒﺎﺕ ﻭﺧﺸﻮ ﻫﻞ ﺩﻧﻴﺎ ﻋﺸﻴﻨﺎﻫﻢ ﻭﻗﺖ ﺑﻴﺎﺧﺬﻭ ﺭﻳﻬﺎﻡ
ﺭﻳﻬﺎﻡ ﻋﻴﻮﻧﻬﺎ ﺩﻣﻮﻉ .. ﻣﺎﻣﺎ ﻭﻳﻦ ﺑﺎﻩ
ﺍﻧﺎ .. ﺗﻮﺍ ﺗﺠﻲ ﺍﻟﺒﺴﻲ ﻋﺒﺎﻳﺘﻚ ﺑﺲ
ﺭﻳﻬﺎﻡ ﺗﻠﺒﺲ ﻭﺗﺒﺤﺖ ﻓﻴﺎ .. ﻭﻳﻨﻬﺎ
ﺭﺷﺎ .. ﺗﻮﺍ ﺗﺠﻴﻚ ﻛﻨﻚ
ﻟﺒﺴﺘﻬﺎ ﻭﺷﺎﺣﻬﺎ ﻭﻃﻠﻌﺖ ﻣﻌﺎﻫﺎ ﻟﻌﻨﺪ ﺑﺮﺍ
ﺍﻧﺎ ﺍﺑﺘﺴﻤﺘﻠﻬﺎ .. ﻣﺮﺑﻮﺣﻪ ﻣﺎﻣﺎ ﺗﻮﺍ ﺗﺸﻮﻓﻴﻬﺎ ﺑﻌﺪ ﺗﺠﻲ ﻑ ﺯﻳﺎﺭﻩ
ﺭﻳﻬﺎﻡ .. ﺑﻨﺸﻮﻓﻬﺎ
ﺍﻧﺎ .. ﺧﻼﺹ ﺍﻃﻠﻌﻲ
ﻃﻠﻌﺖ ﻣﻌﺎﻫﻢ ﻭﺍﻧﺎ ﺧﺸﻴﺖ
ﻋﺰﻭ ﻣﺴﻚ ﺍﻳﺪﻫﺎ .. ﻫﻨﺎ ﺍﻧﺎ ﻋﺰﻭ
ﺭﻳﻬﺎﻡ ﺷﺪﺕ ﻑ ﺍﻳﺪﻩ .. ﻋﺰﻭ
ﻋﺰﻭ .. ﻣﺮﺑﻮﺣﻪ ﺭﺑﻲ ﻳﻬﻨﻴﻚ ﺍﻫﻲ ﻳﺎﺍﻧﺲ ﺍﻣﺎﻧﻪ ﻑ ﺭﻗﺒﺘﻚ ﺭﻳﻬﺎﻡ
ﺍﻧﺲ .. ﻣﺎﺗﺨﺎﻓﺶ ﻋﻠﻴﻬﺎ ﻃﺎﺣﺖ ﻑ ﺍﻳﺪﻳﻦ ﺍﻣﻴﻨﻪ
ﺭﻳﻬﺎﻡ ﺑﻌﺪ ﺩﻭﺍﺀ ﺭﻓﻌﺖ ﺭﺍﺳﻬﺎ ﻓﻴﻪ
ﺍﻧﺲ ﻣﺴﻚ ﺍﻳﺪﻫﺎ ﻭﻓﺘﺢ ﺑﺎﺏ ﻭﺭﻛﺒﻬﺎ ﻭﻣﺸﺎﺀ ﻟﺠﻴﻬﺎ ﺳﻮﺍﻕ ﻭﺭﻛﺐ
ﺍﻧﺲ ..
" ﻳﺘﺒﻊ "..
ﺭﺍﻳﻜﻦ ﻳﺎﺑﻨﺎﺕ ﻑ ﺣﻠﻘﻪ ﺗﻮﻗﻌﺎﺗﻜﻦ ﻟﺤﻠﻘﺎﺕ ﺍﻟﺠﺎﻳﺎ
Anosha Alriany
٠٤ / ٠٨ / ٢٠١٩ · ﺍﻟ
