#ﻋﻜﺲ_ﺗﻴﺎﺭ
ﺣﻠﻘﻪ 12
" ﻳﻮﺳﻒ .. ﻣﻮﺩﻩ ﺭﺩﻱ ﻋﻠﻴﺎ ﻣﻮﺩﻩ
ﻣﻌﺶ ﺳﻤﻊ ﺻﻮﺗﻬﺎ ﺻﺒﻰ ﻃﻠﻊ ﻣﻦ ﺷﻘﻪ ﻳﺠﺮﻱ ﻭﻳﺮﻥ ﻉ ﺍﻣﻬﺎ "
" ﻭﻋﻴﺖ ﻉ ﺿﻬﺮ ﺭﺗﺒﺖ ﺩﺍﺭ ﻭ ﻓﺘﺤﺖ ﺭﻭﺷﻦ ﺗﻬﻮﻯ ﻭﺗﻮﺿﻴﺖ ﻭﺻﻠﻴﺖ ﻭﺑﺮﻣﺖ ﻉ ﺷﻘﻪ ﻭﻃﻠﻌﺖ ﺍﻓﺮﻭﺍﻝ ﻟﻮﻧﻪ ﺍﺳﻮﺩ ﺍﻳﺪﻳﻪ ﺷﺎﺵ ﻣﻦ ﻧﻬﺎﻳﻪ ﺍﻳﺪ ﻓﻴﻪ ﻣﺴﻜﻪ ﺗﺒﻄﻢ ﻭﻣﻦ ﻗﺪﺍﻡ ﻓﻴﻪ ﻟﻮﻥ ﺑﻴﺞ ﻭﻋﻠﻴﻪ ﺷﺎﺵ ﻓﻴﻪ ﻭﺭﺩ ﺍﺳﻮﺩ ﺣﻄﻴﺘﻪ ﻉ ﺳﺮﻳﺮ ﻭﺗﻴﺖ ﺑﺎﻗﻲ ﻟﺒﺴﺘﻲ ﻭﺳﺘﺸﻮﺭﺕ ﺟﻤﺘﻲ ﻭﺩﺭﺕ ﺷﻌﺮﻱ ﻣﻦ ﻻﻭﺭﻩ ﻛﻠﻪ ﻓﻠﻮ ﻭﺻﺒﻴﺖ ﺑﻨﻄﻠﻊ ﺷﻨﻄﺘﻲ ﻟﻘﻴﺖ ﺍﻳﻬﻢ ﻣﺼﺒﻲ ﻋﻨﺪ ﺑﺎﺏ ﻭﻣﺘﻜﻲ ﻉ ﺳﺎﺱ ﻭﻣﺮﺑﻊ ﺍﻳﺪﻳﻪ ﻋﻨﺪ ﺻﺪﺭﻩ
ﺍﻧﺎ .. ﻫﻴﻴﻴﻴﻲ ﻓﺠﻌﺘﻨﻨﻨﻲ
ﺍﻳﻬﻢ ﺍﺑﺘﺴﻢ .. ﻫﺒﻠﻪ ﻣﺎﻩ ﻋﺎﺭﻓﺘﻴﻨﻲ ﺑﻨﺠﻲ
ﺍﻧﺎ .. ﻗﺼﺪﻱ ﻣﺎﺩﺭﺗﺶ ﺻﻮﺕ ﻓﺠﻌﺘﻨﻲ
ﺍﻳﻬﻢ .. ﺗﻌﺎﻟﻲ ﻳﺎﻣﻔﺠﻮﻋﻪ ﺍﻧﺘﻲ
ﺍﻧﺎ .. ﺟﻴﺖ ﺑﺪﺭﻱ
ﺍﻳﻬﻢ .. ﺑﺪﺭﻱ ﻣﻦ ﻋﻤﺮﻙ ﺳﺎﻋﻪ ﺛﻼﺛﻪ
ﺍﻧﺎ .. ﺻﺎﺡ ﻗﻌﺪﺕ ﻧﺤﻮﺱ ﻣﺶ ﻣﺮﻛﺰﻩ
ﺍﻳﻬﻢ .. ﺗﻌﺎﻟﻲ ﻫﻲ ﺧﻠﻲ ﻧﺘﻐﺪﻭ
ﺍﻧﺎ .. ﺟﻌﺎﻧﻪ ﻭﻣﺎﻓﻄﺮﺗﺶ ﻧﺤﺐ ﺣﺪ ﻳﺎﻛﻞ ﻣﻌﺎﻳﺎ
ﺍﻳﻬﻢ .. ﺑﺎﻩ ﺍﺷﺮﺑﻲ ﻋﺼﻴﺮ ﻉ ﺍﻗﻞ ﺗﺨﺸﻲ ﻉ ﻏﺪﺍﺀ ﻃﻮﻝ
ﺍﻧﺎ ... ﺑﺎﻩ ﺗﻌﺎﻝ ﻫﻴﺎ
ﺍﻳﻬﻢ .. ﻧﺨﺶ ﻟﺤﻤﺎﻡ ﻉ ﺳﺮﻳﻊ ﻭﻧﺠﻴﻚ
ﺍﻧﺎ .. ﺑﺎﻩ ﻫﻴﺎ
ﻣﺸﻴﺖ ﻟﻤﻄﺒﺦ ﻟﻘﻴﺘﻪ ﺟﺎﻳﺐ ﺍﻧﺼﺎﺹ ﺷﺎﻭﺭﻣﺎ ﺍﻟﻠﺤﻢ ﻭﻗﺎﺯﻭﺯﻩ ﻭﺑﻄﺎﻃﺎ ﺣﻄﻴﺘﻬﻦ ﻉ ﻃﺎﻭﻟﻪ ﻭﺷﺮﺑﺖ ﻋﺼﻴﺮ ﻭﻗﻤﻌﺰﺕ ﻧﺮﺍﺟﻲ ﻓﻴﻪ
ﺍﻳﻬﻢ .. ﺍﺑﺪﻱ ﻫﻴﺎ ﺟﻴﺘﻚ
ﻗﻤﻌﺰ ﺗﻼﻳﺎ ﻭﺍﻧﺎ ﻓﺘﺤﺖ ﻧﺼﻲ ﻭﻗﺴﻤﺘﻪ ﻗﻌﺪﺕ ﻧﺎﻛﻞ ﻑ ﻗﺴﻤﻪ ﺍﻟﻲ ﻗﺴﻤﺘﻬﺎ
ﺍﻳﻬﻢ .. ﻋﺎﺩﺍﺕ ﻏﺮﻳﻴﺎﺕ ﻋﻨﺪﻙ
ﺍﻧﺎ .. ﻫﻬﻬﻬﻪ ﻋﻠﻴﺶ ﻛﻨﻚ
ﺍﻳﻬﻢ .. ﻭﺍﻟﻠﻪ ﺍﻟﻠﻪ ﻏﺮﻳﺒﺎﺕ ﺗﻮﺍ ﻗﺴﻤﻪ ﻫﺬﻱ ﻟﻴﺶ
ﺍﻧﺎ .. ﻫﻜﻲ ﻧﺪﻳﺮ ﻓﻴﻬﺎ ﻣﻦ ﻭﺍﻧﺎ ﺻﻐﻴﺮﻩ ﺗﻌﻮﺩﺕ ﻋﻠﻴﻬﺎ
ﺍﻳﻬﻢ .. ﻏﺮﻳﺒﻪ ﻣﺎﻗﺘﻠﻚ
ﻗﻌﺪﺕ ﻧﻘﺴﻢ ﻑ ﺑﺎﻗﻲ ﻗﺴﻤﻪ ﻭﻫﻮ ﻳﺒﺤﺖ ﻓﻴﺎ
ﺍﻧﺎ .. ﺍﻛﻴﺪﻩ ﺣﺘﻰ ﺍﻧﺖ ﻋﻨﺪﻙ ﻋﺎﺩﺍﺕ ﻏﺮﻳﺒﺎﺕ
ﺭﻓﻌﺖ ﺭﺍﺳﻲ ﻭﺑﺤﺘﺖ ﻓﻴﻪ ﻭﺣﻄﻴﺘﻠﻬﺎ ﻟﻪ ﻑ ﻓﻤﻪ ﻋﺾ ﺻﺒﻌﻲ
ﺍﻧﺎ .. ﺍﺣﺤﺢ ﺻﺒﻌﻲ
ﻗﺴﻢ ﻣﻦ ﻧﺼﻪ ﻭﺍﻧﺎ ﻧﺒﺤﺖ ﻓﻴﻪ
ﺍﻳﻬﻢ .. ﺍﻫﺎ ﺍﻛﻴﺪﻩ ﻓﻲ ﻭﺍﻧﺎ ﻣﺶ ﺣﺎﺱ ﺑﻴﻬﻦ
ﺣﻄﻠﻬﺎ ﻟﻴﺎ ﻑ ﻓﻤﻲ
ﺍﻧﺎ .. ﻗﻮﻟﻲ ﺷﻦ ﺩﺭﺕ ﺍﻟﻴﻮﻡ
ﺍﻳﻬﻢ ﻳﻔﺘﺢ ﻑ ﻗﺎﺯﻭﺯﻩ .. ﻣﺸﻴﺖ ﻟﻤﺤﻞ ﺍﻭﻝ ﺣﺎﺟﻪ ﺷﻔﺖ ﻟﺤﺴﺎﺑﺎﺕ ﻭﺑﻌﺪﻫﺎ ﺷﻔﺖ ﻣﺤﻠﻨﺎ ﺍﻧﺎ ﻭﺧﻮﺗﻲ ﻭﺑﺮﻣﺖ ﻉ ﺟﻤﺎﻋﺘﻲ ﻭﻣﺸﻴﺖ ﻟﻤﻄﻌﻢ ﺟﻴﺖ ﻏﺪﺍﺀ ﻭ ﺣﺎﺟﺎﺕ ﺑﻴﺶ ﻧﺨﺶ ﺑﻴﻬﻦ ﻉ ﻫﻞ ﺣﺒﻴﺒﺘﻲ
ﺍﻧﺎ ﺍﺑﺘﺴﻤﺖ .. ﺳﻠﻢ ﺍﻳﺪﻳﻚ ﻳﺎ ﻋﻤﺮﻱ ﺭﺑﻲ ﻳﻌﻄﻴﻚ ﺻﺤﻪ
ﺍﻳﻬﻢ .. ﺳﻠﻤﻚ ﺑﻌﺪﻳﻦ ﻧﺤﻄﻚ ﻭﻧﺴﻠﻢ ﻉ ﻫﻠﻚ ﻭﺑﻌﺪﻳﻦ ﻧﺮﺩ ﻟﻌﺸﺎﺀ
ﺍﻧﺎ .. ﺑﺎﻩ ﺣﺒﻴﺒﻲ ﺷﻨﻮ ﺷﻌﺮﻱ ﺣﻠﻮ ﺟﺎﻱ
ﺍﻳﻬﻢ .. ﺣﻠﻮ ﺍﻫﺎ
ﺍﻧﺎ .. ﺧﻔﺖ ﻳﻘﻌﺪ ﺧﺎﺭﺏ
ﺍﻳﻬﻢ .. ﻻ ﺗﻤﺎﻡ ﺑﻜﻞ
ﺻﺒﻴﺖ ﻧﻠﻢ ﻑ ﺣﺎﺟﺎﺕ
ﺍﻳﻬﻢ .. ﻛﻤﻠﻲ ﺑﺎﻗﻲ ﻧﺼﻚ
ﺍﻧﺎ .. ﻻ ﺧﻼﺹ ﺷﺒﻌﺖ
ﻣﺪﻟﻲ ﺑﻄﺎﻃﺎ ﺟﺎﻳﺎ ﺑﻨﻤﺴﻜﻬﺎ
ﺍﻳﻬﻢ .. ﺍﻓﺘﺤﻲ ﻓﻤﻚ
ﺍﻧﺎ ﺍﺑﺘﺴﻤﺖ ﻭﻛﻠﻴﺘﻬﺎ ﻣﻨﻪ
ﺍﻳﻬﻢ .. ﺻﺤﻪ
ﺍﻧﺎ .. ﺳﻠﻤﻚ ﺣﺒﻴﺒﻲ
ﺍﻳﻬﻢ .. ﺍﻧﺎ ﺑﻨﺨﺶ ﻧﻘﻴﻞ ﺷﻮﻳﺎ
ﺍﻧﺎ .. ﺑﺎﻩ ﻭﺍﻣﺘﻰ ﻧﻮﻋﻴﻚ
ﺍﻳﻬﻢ .. ﺑﻌﺪ ﺍﻟﻌﺼﺮ ﺑﻴﺶ ﻧﺼﻠﻮ ﻭﻧﻌﺪﻭ
ﺍﻧﺎ .. ﺑﺎﻫﻲ ﺗﻤﺎﻡ
ﻗﺮﺏ ﻣﻨﻲ ﻭﺑﺎﺱ ﺭﺍﺳﻲ
ﺍﻧﺎ ﺍﺑﺘﺴﻤﺖ .. ﻧﻮﻡ ﺍﻟﻌﻮﺍﻓﻲ "
" ﺩﻧﻴﺎ .. ﺍﻣﺠﺪ ﺑﺤﺖ ﻫﺬﺍ ﺍﺣﻠﻰ ﻭﻻ ﻫﺬﺍ
ﺍﻣﺠﺪ .. ﻫﻨﺎ ﺍﺛﻨﻴﻦ ﺣﻠﻮﺍﺕ
ﺩﻧﻴﺎ .. ﺍﻧﺎ ﺣﺴﻴﺖ ﻓﺴﺘﺎﻥ ﻫﺬﺍ ﺍﺣﻠﻰ ﻳﺠﻲ ﻋﻠﻴﺎ
ﺍﻣﺠﺪ .. ﺇﺳﺄﻟﻲ ﺧﻮﺍﺗﻚ ﻭﻻ ﺍﻱ ﺣﺪ ﺍﻧﺎ ﺷﻨﻮ ﻋﺮﻓﻨﻲ
ﺩﻧﻴﺎ .. ﻧﺤﺐ ﺭﺍﻳﻚ ﺍﻧﺖ ﺍﻛﺜﺮ
ﺍﻣﺠﺪ .. ﻗﺘﻠﻚ ﻫﻨﺎ ﺍﺛﻨﻴﻦ ﺣﻠﻮﺍﺕ ﺗﺒﻴﻬﻦ ﺗﻮﺍ ﻧﺸﺮﻳﻬﻦ ﻟﻜﻲ
ﺩﻧﻴﺎ .. ﺑﺲ ﺍﻧﺎ ﻧﺒﻴﻚ ﺗﻌﻄﻴﻨﻲ ﺭﺍﻳﻚ ﻣﺶ ﺗﻘﻮﻟﻲ ﻧﺸﺮﻳﻬﻦ ﻫﻨﺎ ﺍﺛﻨﻴﻦ ﻭﺧﻼﺹ
ﻗﻌﺪ ﺍﻋﻠﻴﻮﻩ ﻳﻌﻴﻂ
ﺍﻣﺠﺪ .. ﺍﻋﻠﻴﻮﻩ ﻳﺒﻜﻲ ﺷﻮﻓﻴﻪ
ﺩﻧﻴﺎ ﺑﺤﺘﺖ ﻓﻴﻪ ﻭﺳﻜﺘﺖ
ﺍﻣﺠﺪ .. ﻋﺪﻱ ﻟﻌﻴﻞ ﻳﺒﻜﻲ
ﺩﻧﻴﺎ ﺻﺒﺖ ﻭﺳﻴﺒﺎﺗﻪ
ﺍﻣﺠﺪ .. ﺗﺄ ﺍﻭﻭﻭﻑ "
" ﻳﻮﺳﻒ .. ﻭﻳﻨﻬﺎ ﺷﻦ ﺻﺎﻳﺮ ﻓﻴﻬﺎ
ﺍﻡ ﻣﻮﺩﻩ .. ﻣﺎﻓﻴﻬﺎ ﺷﻲ ﻣﺎﺗﺸﻐﻠﺶ ﺑﺎﻟﻚ ﺑﺲ ﻣﻦ ﺗﻌﺐ ﺷﻮﻳﺎ
ﻳﻮﺳﻒ .. ﻭﻳﻨﻬﺎ
ﺍﻡ ﻣﻮﺩﻩ .. ﺧﺸﻠﻬﺎ ﺗﻮﺍ ﻛﻨﺖ ﻋﻨﺪﻫﺎ
ﺧﺶ ﻳﻮﺳﻒ ﻟﻐﺮﻓﻪ
ﻳﻮﺳﻒ .. ﺍﻧﺎ ﻣﺶ ﻗﺎﻳﻞ ﻣﺎﺗﻌﺒﻴﺶ ﺭﻭﺣﻚ ﻋﻠﻴﺶ ﺗﺠﻬﺪﻱ ﻑ ﺭﻭﺣﻚ
ﻣﻮﺩﻩ ﺍﺑﺘﺴﻤﺖ ﺑﺸﻮﻳﺎ ﻭﻏﻤﻀﺖ ﻋﻴﻮﻧﻬﺎ .. ﺍﻧﺎ ﻛﻮﻳﺴﻪ
ﻳﻮﺳﻒ ﻣﺴﻚ ﺍﻳﺪﻫﺎ .. ﻻ ﻭﻳﻦ ﻛﻮﻳﺴﻪ ﺷﻮﻓﻲ ﻭﺟﻚ ﻛﻴﻒ ﺫﺍﺑﻞ ﻭﺃﺻﻔﺮ
ﻣﻮﺩﻩ .. ﻃﺒﻴﻌﻲ ﻣﺎﺗﺨﺎﻓﺶ
ﻳﻮﺳﻒ .. ﺍﻟﻴﻮﻡ ﺗﻤﺸﻲ ﻣﻌﺎﻳﺎ
ﻣﻮﺩﻩ .. ﺑﺲ ..
ﻳﻮﺳﻒ .. ﻣﺎﺑﺴﺶ ﺣﻨﺮﻭﺡ ﺑﻴﻚ ﻣﺶ ﻉ ﺷﻘﺘﻨﺎ ﻣﺎﺗﺨﺎﻓﻴﺶ
ﻣﻮﺩﻩ .. ﻭﻳﻦ ﺑﺎﻫﻲ
ﻳﻮﺳﻒ .. ﺳﺮ
ﻣﻮﺩﻩ ﺍﺑﺘﺴﻤﺖ ﺑﺸﻮﻳﺎ .. ﻓﻜﻨﺎ ﻣﻦ ﺣﻨﺎﻃﻪ ﻭﻳﻦ ﺑﻨﻤﺸﻮ
ﻳﻮﺳﻒ .. ﺧﻼﺹ ﻗﺘﻠﻚ ﺳﺮ ﺍﻧﺎ ﻣﻜﺎﻥ ﺣﻴﻌﺠﺒﻚ ﺍﻛﻴﺪﻩ ﻭﻧﻐﻴﺮﻭ ﺟﻮﻧﺎ
ﻣﻮﺩﻩ ﺍﺑﺘﺴﻤﺖ .. ﺗﻤﺎﻡ
ﻳﻮﺳﻒ .. ﺍﻣﺘﻰ ﺍﻟﺨﺮﻭﺝ
ﻣﻮﺩﻩ .. ﻣﺎﻣﺎ ﻭﺃﻳﻤﻦ ﻣﺎﺷﻴﻦ ﺍﻳﺪﻳﺮﻭ ﻓﻴﻪ ﺧﻼﺹ ﻛﻤﻠﺖ ﺣﺘﻰ ﺗﻐﺬﻳﻪ
ﻳﻮﺳﻒ .. ﻫﺎﺗﻲ ﺍﻳﺪﻙ ﺑﻴﺶ ﺗﺼﺒﻲ "
" ﺍﻧﺎ .. ﺍﻳﻬﻢ ﺗﺆ ﻫﻴﺎ ﺇﺫﻥ ﻋﺼﺮ ﻭﻗﺮﻳﺐ ﻳﺎﺫﻥ ﺍﻟﻤﻐﺮﺏ ﻛﻨﻪ ﻧﻮﻣﻚ ﺛﻘﻴﻞ ﻫﻜﻲ ﺍﻳﻬﻢ ﻫﻴﺎ ﺍﻭﻑ ﻫﺬﺍ ﻛﻠﻪ ﻗﺎﻳﻼ ﻣﺶ ﻟﻴﻞ
ﺑﺮﻣﺖ ﺑﻨﺎﺧﺬ ﻣﻮﺑﺎﻳﻠﻲ ﻭﻫﻮ ﻓﺘﺢ ﻋﻴﻮﻧﻪ ﺷﻮﻳﺎ ﺍﻭﻝ ﻣﺎﺑﺮﻣﺖ ﻛﺮﻧﻲ ﻣﻦ ﺧﺼﺮﻱ ﺟﻴﺖ ﻋﻠﻴﻪ
ﺍﻧﺎ .. ﺍﺍﺍﺍﻩ ﻭﺍﻋﻲ ﺗﻮﺍ
ﺍﻳﻬﻢ ﻣﺒﺘﺴﻢ ﻭﻳﺤﻮﻟﻲ ﻑ ﺷﻌﺮ ﻣﻦ ﻉ ﻭﺟﻲ .. ﺗﺒﻴﻨﻲ ﻧﺸﻮﻑ ﻛﻞ ﻫﺎﻟﺠﻤﺎﻝ ﻭﻗﻠﺒﻲ ﻳﻬﺪﺍ
ﺍﻧﺎ ﺍﺑﺘﺴﻤﺖ .. ﺍﻣﻤﻢ ﺑﺎﻩ ﺩﺍﺑﻴﻦ ﻧﻀﺖ ﻣﻤﻜﻦ ﺗﻄﻠﻘﻨﻲ ﻭﻗﺖ ﺧﻼﺹ
ﺍﻳﻬﻢ ﺣﻂ ﺍﻳﺪﻩ ﻉ ﺳﺮﻳﺮ ﻣﻦ ﺟﻴﻬﺎ ﺃﺧﺮﻯ .. ﺑﺎﻫﻲ ﻣﺼﺒﻲ
ﻭﺧﺮﺕ ﻣﻦ ﻋﻠﻴﻪ ﻭﻗﻌﺪﺕ ﻧﻜﺮ ﻑ ﺍﻳﺪﻩ
ﺍﻧﺎ .. ﺍﻳﻬﻢ ﺍﺭﺧﻲ ﺭﻭﺣﻚ ﻭﺻﺒﻲ
ﺍﻳﻬﻢ .. ﻧﺒﻲ ﺑﻮﺳﻪ ﻗﺒﻞ ﻧﺼﺒﺮ ﻗﻠﺒﻲ ﺑﻴﻬﺎ
ﺍﻧﺎ .. ﺑﻮﺳﻪ ﻑ ﻋﻴﻨﻚ ﻭﺍﻧﺎ ﻣﻜﻴﺠﻪ
ﺍﻳﻬﻢ ﺭﻓﻊ ﺣﺎﺟﺒﻪ .. ﻧﻌﻢ ﻋﺎﻭﺩﻱ
ﺍﻧﺎ ﺿﺤﻜﺖ .. ﻑ ﻉ ﻱ ﻥ ﻙ
ﻛﺮ ﺍﻳﺪﻱ ﺑﻘﻮﻩ ﻭﺧﻼﻧﻲ ﺗﺤﺘﻪ
ﺍﻧﺎ ﻧﻀﺤﻚ .. ﺍﻳﻬﻬﻬﻢ ﻻﺍﺍ
ﺍﻳﻬﻢ ﻧﻐﺰﻧﻲ ﻑ ﺟﻨﺒﻲ .. ﺍﻳﻬﻢ ﺗﻮﺍ ﺍﻩ
ﺍﻧﺎ ﻣﺴﻜﺖ ﻓﻲ ﺭﻗﺒﺘﻪ ﻭﻧﺪﻭﻱ ﺑﺪﻟﻊ ﻭﻧﺮﻣﺶ ﻑ ﻋﻴﻮﻧﻲ .. ﻳﺎ ﻋﻤﺮﻱ ﻭﻗﺖ ﺣﺮﺍﻡ ﻋﻠﻴﻚ ﺑﻌﺪﻳﻦ ﺍﻟﻲ ﺗﺒﻴﻪ ﺑﺲ ﺗﻮﺍ ﺍﻧﺎ ﻣﻨﻀﻤﻪ ﺭﻭﺣﻲ ﻧﻬﻮﻥ ﻋﻠﻴﻚ ﻧﻌﺎﻭﺩ ﺃﺧﺮﻯ ﻭﻧﺘﺎﺧﺮﻭ ﻭﺍﻧﺎ ﻣﺮﺍﻳﻔﻪ ﻉ ﻫﻠﻲ
ﺍﻳﻬﻢ ﺑﺼﻮﺕ ﻫﺎﺩﻱ .. ﻻ ﻣﺎﻳﻬﻮﻧﺶ ﻣﻌﻨﺎﻫﺎ ﺻﺒﻲ ﻣﻦ ﺗﻼ ﻭﺟﻲ ﺧﻴﺮ ﻣﺎﻧﺘﻮﺣﺶ ﻋﻠﻴﻚ
ﺍﻧﺎ .. ﻫﻬﻬﻪ ﺑﺎﻩ ﻭﺳﻌﻠﻲ
ﺣﻮﻝ ﻣﻦ ﻋﻠﻴﺎ ﻭﺍﻧﺎ ﺻﺒﻴﺖ ﻧﺠﺮﻱ ﻧﻠﺒﺲ ﻑ ﻋﺒﺎﻳﺎ
ﺍﻳﻬﻢ ﺑﻴﻄﻠﻊ ﻣﻦ ﺩﺍﺭ .. ﺧﻤﺎﺭ ﺍﻩ ﺭﺍﻙ ﺗﻄﻠﻌﻴﻠﻲ ﻫﻜﻲ
ﺍﻧﺎ .. ﺍﻫﻮ ﻣﻮﺗﻴﺘﻪ ﻏﻴﺮ ﺍﻣﺸﻲ
ﻃﻠﻊ ﻣﻦ ﺗﻼﻳﺎ ﻭﺍﻧﺎ ﻟﺒﺴﺖ ﻭﺷﺎﺡ ﻭﺧﻠﻴﺖ ﺧﻤﺎﺭ ﻣﺮﻓﻮﻉ ﻓﻮﻕ ﻧﻀﻤﺖ ﺍﻟﺴﺮﻳﺮ ﻭﺯﺩﺕ ﺍﻟﻌﻄﺮ ﻃﻠﻊ ﺍﻳﻬﻢ ﻳﺼﻠﻲ ﻭﻏﻴﺮ ﺩﺑﺸﻪ
ﺍﻳﻬﻢ .. ﻫﻴﺎ ﺍﻧﺰﻟﻲ
ﺍﻧﺎ .. ﺗﻌﺎﻝ ﻫﻨﺎ ﻧﺰﻟﻨﻲ ﻛﻌﺐ ﻭﺧﻤﺎﺭ ﻭﺩﺭﻭﺝ ﻫﺬﺍ ﻭﻳﻦ ﺟﻴﺖ ﻃﺎﻳﺤﻪ
ﺍﻳﻬﻢ .. ﻫﻬﻬﻪ ﻫﺎﺗﻲ ﺍﻳﺪﻙ ﻫﺬﺍ ﺍﻟﻲ ﻳﻠﺒﺰ ﻉ ﻭﺟﻪ
ﺍﻧﺎ .. ﻏﻴﺮ ﺍﻣﺴﻜﻨﻲ ﻛﻮﻳﺲ ﻭﻓﻜﻨﻲ ﻣﻦ ﻛﻼﻡ ﺗﻮﺍ
ﻧﺰﻟﻨﺎ ﻭﻃﻠﻌﻨﺎ ﺭﻛﺒﻨﺎ ﻑ ﺳﻴﺎﺭﻩ
ﺍﻳﻬﻢ .. ﻣﺎﺗﻌﺮﻓﻴﺶ ﺗﻤﺸﻲ ﺑﻜﻌﺐ ﻋﻠﻴﺶ ﺗﻠﺒﺴﻲ ﻓﻴﻪ
ﺍﻧﺎ .. ﻧﻠﺒﺲ ﺳﺒﻴﺪﺭﻭ ﻣﺜﻼً
ﺍﻳﻬﻢ .. ﻋﺎﺩﻱ ﻭﻛﺎﻥ ﻳﻠﺒﺴﻮ ﻓﻴﻪ ﺑﺮﺍ ﺣﺘﻰ ﻉ ﻓﻴﻠﻮ
ﺍﻧﺎ .. ﺑﺎﻩ ﻣﺮﻩ ﺍﺧﺮﻯ ﺍﻥ ﺷﺎﺀ ﺍﻟﻠﻪ
ﺍﻳﻬﻢ .. ﻫﺎﺯﻳﻪ ﻉ ﻛﻼﻣﻲ ﻃﺒﻌﺎً
ﺍﻧﺎ .. ﻫﻬﻬﻬﻪ ﻭﺍﻟﻠﻪ ﻣﺎﻫﺎﺯﻳﻪ
ﺍﻳﻬﻢ ﺣﺎﻁ ﺍﻳﺪﻩ ﻉ ﻟﺤﻴﺘﻪ ﻭﻳﻤﺸﻲ ﻓﻴﻬﺎ .. ﺑﺎﻩ ﺑﺎﻩ ﻳﺎﻣﻴﺲ ﺑﻌﺪﻳﻦ ﻗﺎﻋﺪ ﻧﻠﻢ ﻓﻴﻬﻦ
ﺍﻧﺎ .. ﻳﺎﺑﺮ ﺍﻟﺒﻲ ﺍﻟﻤﻌﺼﺐ
ﺍﻳﻬﻢ ﺿﺤﻚ .. ﻳﺎﺑﺮﻧﻲ ﻫﺎﻟﺠﻤﺎﻝ
ﺍﻧﺎ .. ﻭﻳﻦ ﺗﺸﻮﻑ ﻓﻴﻪ ﺗﻮﺍ ﺍﻧﺖ ﻗﺎﻋﺪﻩ ﻻﺑﺴﻪ ﺣﺎﺟﻪ ﺳﻮﺩﻩ ﻉ ﻭﺟﻲ
ﺍﻳﻬﻢ .. ﻧﻘﺼﺪ ﺍﻟﺒﻨﺖ ﺍﻟﻲ ﺧﻄﻤﺖ
ﺍﻧﺎ ﺑﺮﻣﺖ ﻋﻠﻴﻪ .. ﺍﻳﻴﻴﻬﻢ
ﺍﻳﻬﻢ .. ﻫﻬﻬﻪ ﻏﻴﺮ ﺑﻼ ﺍﻋﻴﺎﻁ ﺑﺲ
ﺍﻧﺎ .. ﺟﺮﺏ ﺑﺤﺖ ﺗﺮﺍ
ﺍﻳﻬﻢ .. ﻧﻐﻤﺾ ﻋﻴﻮﻧﻲ ﻣﺜﻼً ﻛﻴﻒ ﻧﺒﻲ ﻧﺴﻮﻕ
ﺍﻧﺎ .. ﺣﺎﻧﻂ ﺑﺴﻼﻣﺘﻚ
ﺍﻳﻬﻢ .. ﺑﻜﻞ ﻫﻴﺎ ﻧﺰﻟﻲ
ﻓﺘﺤﺖ ﺍﻟﺒﺎﺏ
ﺍﻳﻬﻢ .. ﺗﻌﺎﻟﻲ ﻫﻨﺎ ﻭﻳﻦ ﻣﺎﺷﻴﻪ ﻧﺰﻟﻲ ﻣﻌﺎﻳﺎ
ﺍﻧﺎ .. ﻫﺎﺕ ﻋﻄﻴﻨﻲ ﺣﺎﺟﻪ ﻣﺶ ﺛﻘﻴﻠﻪ
ﺧﺬﻳﺖ ﻣﻨﻪ ﺍﻟﺤﻠﻮ ﻭﺧﺸﻴﺖ ﺑﻴﻪ ﻟﺤﻮﺵ ﺭﻓﻌﺖ ﺧﻤﺎﺭ ﻣﻊ ﻧﺰﻟﺖ ﻣﺮﻭﺍﻥ
ﻣﺮﻭﺍﻥ ﺍﺑﺘﺴﻢ .. ﺍﻭﻭﻭﻭ ﻣﻴﺲ
ﺍﻧﺎ ﺿﺤﻜﺖ .. ﻣﺮﻭﺍﻥ ﻛﻴﻒ ﺣﺎﻟﻚ
ﺳﻠﻢ ﻋﻠﻴﺎ
ﻣﺮﻭﺍﻥ .. ﺍﻟﺤﻤﺪﺍﻟﻞﻩ ﻛﻴﻒ ﺣﺎﻟﻚ ﺍﻧﺘﻲ
ﺍﻧﺎ .. ﻛﻮﻳﺴﻪ ﺷﺨﺒﺎﺭﻛﻢ ﺍﻧﺘﻢ
ﻣﻊ ﺧﺸﺖ ﺍﻳﻬﻢ ﻣﻦ ﺑﺎﺏ ﺑﺤﺖ ﻓﻴﺎ ﻭﺑﺤﺖ ﻑ ﺍﻳﺪ ﻣﺮﻭﺍﻥ ﺍﻟﻲ ﻣﺎﺳﻜﻪ ﺍﻳﺪﻱ ﺳﺤﺒﺖ ﺍﻳﺪﻱ
ﺍﻧﺎ .. ﺧﺶ ﺍﻳﻬﻢ
ﺍﻳﻬﻢ ﺑﺤﺖ ﻓﻴﺎ ﺑﺘﻔﻨﻴﺼﻪ .. ﻭﻳﻦ ﻋﺰﻭ ﻭﻻ ﻋﻼﺀ
ﻣﺮﻭﺍﻥ ﻣﺪ ﺍﻳﺪﻩ .. ﺍﻧﺎ ﻣﺮﻭﺍﻥ ﺧﻮ ﻳﻮﺳﻒ
ﺍﻳﻬﻢ ﺑﺤﺖ ﻓﻲ ﺍﻳﺪﻩ ﺑﻌﺪﻫﺎ ﻣﺪ ﺍﻳﺪﻩ ﺳﻠﻢ ﻋﻠﻴﻪ ﺷﻔﺖ ﻋﺰﻭ ﻧﺎﺯﻝ ﻣﻦ ﺩﺭﻭﺝ
ﺍﻧﺎ ﺍﺑﺘﺴﻤﺖ .. ﻋﺰﻭ
ﻋﺰﻭ ﺍﺑﺘﺴﻢ ﻭﺳﻠﻢ ﻋﻠﻴﺎ ﺑﺎﻟﺨﺪ .. ﻛﻴﻒ ﺣﺎﻟﻚ ﺷﻨﺠﻮ
ﺍﻧﺎ .. ﺍﻟﺤﻤﺪﺍﻟﻠﻪ ﺗﻤﺎﻡ ﻛﻴﻒ ﺣﺎﻟﻜﻢ ﺍﻧﺘﻢ
ﻋﺰﻭ .. ﺍﺭﻛﺒﻲ ﻳﺮﺍﺟﻮ ﻓﻴﻚ ﻓﻮﻕ
ﺭﻛﺒﺖ ﺍﻟﺪﺭﻭﺝ ﻭﺩﻗﻴﺖ ﻉ ﺑﺎﺏ ﻓﺘﺤﻮﻟﻲ ﻃﻮﻝ
ﺭﺣﺎﺏ .. ﻣﻴﻴﻴﻴﻴﻴﺴﺲﺱ
ﺍﻧﺎ ﺿﺤﻜﺖ ﻭﺣﻀﻨﺘﻬﺎ .. ﺭﺍﻳﻔﺖ ﻋﻠﻴﻚ ﻳﺎﺣﻴﻮﺍﻧﻪ
ﻗﻌﺪﺕ ﺣﺎﺿﻨﺘﻨﻲ ﺯﻳﻦ ﻭﺗﻀﺤﻚ
ﺭﺣﺎﺏ .. ﺗﺮﺍ ﻭﺭﻳﻨﻲ ﺳﺎﻣﻨﻪ ﻭﻻ ﻧﺎﻗﺼﻪ
ﺍﻧﺎ .. ﻫﻬﻬﻪ ﺳﺎﻣﻄﻪ ﻭﻳﻦ ﻣﺎﻣﺎ ﻭﺑﻨﺎﺕ
ﺭﺣﺎﺏ .. ﺗﻌﺎﻟﻲ
ﻃﻠﻌﺖ ﻣﺎﻣﺎ ﻣﻦ ﻣﻄﺒﺦ ﺟﻴﺘﻬﺎ ﻧﺠﺮﻱ ﻭﺣﻀﻨﺘﻬﺎ ﺑﻘﻮﻩ ﻗﻌﺪﺕ ﺗﺒﻜﻲ
ﺍﻧﺎ ﻣﺒﺘﺴﻤﻪ .. ﻋﻠﻴﺶ ﺩﻣﻮﻉ ﻋﻠﻴﺶ
ﻭﺧﺮﺕ ﻭﺑﺴﺘﻪ ﺧﺪﻫﺎ
ﻣﺎﻣﺎ .. ﻛﻴﻒ ﺣﺎﻟﻚ ﺷﻦ ﺩﺍﻳﺮﻩ ﺷﻨﻮ ﺍﻳﻬﻢ ﻣﻌﺎﻙ
ﺍﻧﺎ ﺍﺑﺘﺴﻤﺖ ﻭﻣﺴﺤﺖ ﺧﺪﻫﺎ .. ﻫﻬﻪ ﺍﻟﺮﻭﺝ ﺍﻧﺎ ﻛﻮﻭﻭﻳﻴﻴﺴﻪ ﻳﺎﻣﺎﻣﺎ ﺍﻧﺘﻢ ﻛﻴﻒ ﺣﺎﻟﻜﻢ ﺭﺍﻳﻔﺖ ﻋﻠﻴﻜﻢ ﻛﻠﻜﻢ
ﻣﺎﻣﺎ ﺍﺑﺘﺴﻤﺖ .. ﺍﻥ ﺷﺎﺀ ﺍﻟﻠﻪ ﺩﻳﻤﺎ ﻛﻮﻳﺴﻪ
ﺭﺷﺎ .. ﺧﻼﺹ ﺍﻃﻠﻘﻴﻬﺎ ﻧﺒﻮﻫﺎ ﺣﺘﻰ ﻧﺤﻦ
ﻛﺮﻧﻲ ﻣﻦ ﻣﺎﻣﺎ ﻭﺣﻀﻨﻨﻲ ﻫﻨﺎ ﺍﺛﻨﻴﻦ
ﺭﻳﻬﺎﻡ .. ﺣﻲ ﺣﻲ ﻣﻜﻴﺎﺝ ﻭﺟﻮ ﻭﺭﺍﻳﺤﻪ ﺳﺎﻣﻨﻪ
ﺭﺷﺎ .. ﺗﺮﺍ ﻭﺭﻳﻨﻲ ﻭﺭﻳﻨﻲ ﻻ ﻭﻳﻦ ﺭﺍﻳﺤﻪ ﺳﺎﻣﻨﻪ
ﺍﻧﺎ .. ﻃﻴﺢ ﺳﻌﺪﻛﻦ ﻭﻳﻦ ﺳﺎﻣﻨﻪ ﺣﺮﺍﻡ ﻋﻠﻴﻜﻦ
ﺭﻳﻬﺎﻡ .. ﻻ ﻭﺍﻟﻠﻪ ﺳﺎﻣﻨﻪ
ﺭﺣﺎﺏ .. ﺧﻠﻨﻬﺎ ﺗﺴﻠﺢ ﺑﺲ
ﻗﻌﺪﺕ ﻧﻤﺸﻲ ﺷﻮﺭ ﺩﺍﺭﻧﺎ ﻭﻧﻔﺘﺢ ﻑ ﻋﺒﺎﻳﺎ
ﺍﻧﺎ .. ﺍﻫﺎ ﺷﻌﺮﻱ ﺗﺨﺮﺏ ﺣﺴﻴﺘﻪ ﻣﻦ ﻭﺷﺎﺡ
ﺳﻠﺤﺖ ﻋﺒﺎﻳﺎ ﻭﺣﻮﻟﺖ ﻭﺷﺎﺡ ﻭﻃﻠﻘﺖ ﺷﻌﺮﻱ
ﻛﺎﻥ ﺟﺎﻱ ﻣﻦ ﻗﺪﺍﻡ ﺣﻮﻟﺘﻪ ﻉ ﺿﻬﺮﻱ
ﺍﻧﺎ .. ﺷﻦ ﺭﺍﻳﻜﻦ ﻛﻮﻳﺴﻪ
ﺭﺣﺎﺏ ﺿﺤﻜﺖ ﻭﺭﺷﺎ ﺗﺒﺤﺖ ﻓﻴﺎ ﻭﺗﺮﻓﻊ ﻑ ﺣﻮﺍﺟﺒﻬﺎ
ﺭﻳﻬﺎﻡ .. ﻋﺮﻭﺱ ﻳﺎﺑﻨﺎﺕ ﻛﻨﻜﻦ
ﺍﻧﺎ .. ﻛﻨﻜﻦ
ﺭﺷﺎ ﺟﺘﻨﻲ ﻭﺑﺮﻣﺘﻨﻲ ﻉ ﻣﺮﺍﻳﺎ .. ﻳﺎﺣﻠﻮﻩ ﺩﻳﺮﻱ ﻛﺮﻳﻢ ﺍﺳﺎﺱ ﻉ ﺍﻗﻞ
ﺍﻧﺎ ﻓﺘﺤﺖ ﻋﻴﻮﻧﻲ ﺯﻳﻦ ﻭﺣﻄﻴﺖ ﺍﻳﺪﻱ ﻉ ﺭﻗﺒﺘﻲ .. ﻫﺎﺗﻦ ﺗﺮﺍ ﺧﻠﻲ ﻧﺪﻳﺮ ﻣﺸﻔﺘﻬﺶ ﻫﺬﻱ ﻛﻴﻒ ﺑﺲ
ﺭﺣﺎﺏ ﻏﻤﺰﺗﻠﻲ .. ﺗﺼﺒﻴﺮﻩ ﻗﺒﻞ ﻻ ﺗﻄﻠﻌﻮ
ﺍﻧﺎ .. ﻫﻬﻬﻪ ﺍﻣﺸﻲ ﻳﺎﺻﺎﻳﻌﻪ
ﺭﺷﺎ .. ﺣﻮﻟﻲ ﺧﻠﻲ ﻧﺪﻳﺮﻟﻚ
ﺩﺭﺗﻠﻲ ﺭﺷﺎ ﺍﻟﻜﺮﻳﻢ ﻭﻃﻠﻌﻨﺎ ﺑﺮﺍ
ﻋﺰﻭ ﺍﺑﺘﺴﻢ .. ﻛﻴﻒ ﺣﺎﻟﻚ
ﺍﻧﺎ .. ﻛﻮﻳﺴﻪ ﺍﻟﺤﻤﺪﺍﻟﻠﻪ ﺍﻧﺖ ﻛﻴﻒ ﺣﺎﻟﻚ
ﻋﺰﻭ .. ﺍﻟﺤﻤﺪﺍﻟﻠﻪ
ﺍﻧﺎ .. ﻋﻼﺀ ﻭﻳﻦ
ﻋﺰﻭ .. ﻑ ﻣﺤﻞ ﺗﻮﺍ ﻳﺠﻲ؛؛ﻫﻴﺎ ﺳﻘﺪﻥ ﻗﻬﻮﺀ ﺭﺍﺟﻞ ﻣﺴﺘﻌﺠﻞ
ﺭﺣﺎﺏ .. ﺧﻼﺹ ﻗﺮﻳﺐ ﺍﻃﻴﺐ
ﻋﺰﻭ .. ﺑﻴﺴﻠﻢ ﻋﻠﻴﻚ ﻳﺎﺍﻣﻲ
ﺍﻧﺎ .. ﺧﻼﺹ ﺧﻠﻴﻚ ﻣﻌﺎﻩ ﺗﻮﺍ ﻧﺠﻴﺒﻮ ﻗﻬﻮﺀ
ﻃﻠﻊ ﻋﺰﻭ
ﺭﻳﻬﺎﻡ .. ﻳﺎﻋﻴﻨﻲ ﻭﺧﻼﺹ
ﺭﺷﺎ .. ﺍﻫﺎ ﻓﻄﻨﺘﻲ
ﺍﻧﺎ .. ﺗﺮﻳﺤﻦ ﺍﻧﺘﻦ ﺧﻴﺮﻟﻜﻦ
ﻣﺎﻣﺎ .. ﻣﺎﺗﻌﺪﻟﻴﺶ ﻋﻠﻴﻬﻦ ﻋﺎﻟﻬﺒﻞ ﻫﺬﻳﻨﺎ ﺍﻧﺘﻲ ﺷﻦ ﺩﺍﻳﺮﻩ ﺑﺎﻟﻲ ﻣﺸﻐﻮﻝ ﻋﻠﻴﻚ
ﺍﻧﺎ ﺍﺑﺘﺴﻤﺖ .. ﺍﻟﺤﻤﺪ ﺍﻟﻠﻪ ﻳﺎﻣﺎﻣﺎ ﻛﻮﻳﺴﻪ
ﺭﺣﺎﺏ .. ﺍﻫﻲ ﻗﻬﻮﺀ
ﺍﻧﺎ .. ﻫﺎﺗﻴﻬﺎ
ﻃﻠﻌﺖ ﺍﻧﺎ ﻭﻣﺎﻣﺎ ﺑﻌﺪ ﺷﺎﻑ ﻣﺎﻣﺎ ﺻﺒﻰ ﻭﺟﺎﻫﺎ ﺳﻠﻢ ﻋﻠﻴﻬﺎ ﻭﺑﺎﺱ ﺭﺍﺳﻬﺎ
ﺍﻳﻬﻢ .. ﻛﻴﻒ ﺣﺎﻟﻚ ﻳﺎﻋﻤﺘﻲ
ﻣﺎﻣﺎ .. ﺍﻟﺤﻤﺪﺍﻟﻠﻪ ﺍﻧﺎ ﻛﻴﻒ ﺣﺎﻟﻚ ﺍﻧﺖ
ﺍﻳﻬﻢ .. ﺑﺨﻴﺮ ﺷﻦ ﺩﺍﻳﺮﻩ ﺻﺤﺘﻚ
ﻣﺎﻣﺎ .. ﺍﻟﺤﻤﺪﺍﻟﻠﻪ ﺑﺨﻴﺮ؛؛ﻟﻴﺶ ﻣﺘﻌﺐ ﺭﻭﺣﻚ ﻫﻜﻲ
ﺍﻳﻬﻢ .. ﻣﺎﻓﻴﻬﺶ ﺗﻌﺐ
ﻗﻤﻌﺰﺕ ﻣﺎﻣﺎ ﺷﻮﻳﺎ ﺗﻬﺪﺭﺯ ﻣﻌﺎﻩ ﻭﺍﻧﺎ ﻧﺒﺤﺖ ﻓﻴﻪ ﻭﺧﻼﺹ
ﺭﻥ ﺗﻠﻔﻮﻥ ﻋﺰﻭ ﺻﺒﻰ ﻃﻠﻊ ﻣﻦ ﺗﻼﻧﺎ ﻭﺻﺒﺖ ﻣﺎﻣﺎ
ﻣﺎﻣﺎ .. ﺑﻴﺶ ﺗﺠﻲ ﺑﻌﺪﻳﻦ ﺑﺪﺭﻱ ﺗﻬﺪﺭﺯ ﻣﻊ ﺷﺒﺎﺏ ﺭﺍﻙ ﺗﻐﻴﺐ
ﺍﻳﻬﻢ .. ﺍﻥ ﺷﺎﺀ ﺍﻟﻠﻪ
ﺻﺒﺖ ﻃﻠﻌﺖ ﻭﺍﻧﺎ ﻗﺮﺑﺖ ﻣﻨﻪ
ﺍﻧﺎ .. ﺣﺒﻴﺒﻲ
ﺍﻳﻬﻢ ﺑﺤﺖ ﻓﻴﺎ ﻭﺭﻓﻊ ﺣﺎﺟﺒﻪ .. ﻧﻌﻢ
ﺍﻧﺎ .. ﺯﻋﻼﻥ ﻣﻨﻲ
ﺍﻳﻬﻢ ﺑﺤﺖ ﻓﻴﺎ ﻭﻓﻨﺺ ﻭﺿﺎﻏﻂ ﻉ ﺳﻨﻮﻧﻪ .. ﻣﺮﻩ ﺃﺧﺮﻯ ﺍﻟﺨﺮﻭﺍﺕ ﻣﻌﺶ ﺗﻤﺪﻟﻲ ﺍﻳﺪﻙ ﺗﺴﻠﻤﻲ ﻋﻠﻴﻬﻢ ﻭﻻ ﺭﺍﻓﻌﻪ ﺍﻟﺨﻤﺎﺭ ﻭﺟﻚ ﻣﻌﺒﻲ ﻣﻴﻪ ﻟﻮﻥ ﻭﻟﻮﻥ ﺍﻧﺎ ﻧﺒﻬﺘﻚ ﻳﺎﻣﻴﺲ
ﺍﻧﺎ .. ﺃﺧﺮﻯ ﻣﺮﻩ ﺣﺒﻴﺒﻲ ﺑﺲ ﺣﺮﺟﻨﻲ ﻫﻮ ﻣﺪ ﺍﻳﺪﻩ ﻧﺰﻝ ﻓﺠﺎﺀ ﻣﺎﻧﻨﺪﺭﻳﺶ ﻋﻠﻴﻪ
ﺍﻳﻬﻢ .. ﺑﺎﻩ ﺑﻨﻄﻠﻊ ﺍﻧﺎ
ﺍﻧﺎ ﻣﺴﻜﺖ ﺍﻳﺪﻩ .. ﻣﺎﺗﻌﺪﻳﺶ ﻭﺍﻧﺖ ﺯﻋﻼﻥ
ﺍﻳﻬﻢ .. ﻣﺶ ﺯﻋﻼﻥ ﺣﻮﻟﻲ ﺍﻳﺪﻙ ﺗﻮﺍ ﻳﺨﺶ ﺧﻮﻙ
ﺍﻧﺎ .. ﻋﺎﺩﻱ ﺭﺍﺟﻠﻲ ﺣﺒﻴﺒﻲ ﺍﻓﺮﺩ ﻭﺟﻚ ﻭﺍﻟﻠﻪ ﻣﺎﺑﻘﺼﺪ ﺧﻼﺹ
ﺍﻳﻬﻢ .. ﺑﺎﻩ ﺧﻠﻴﻨﻲ ﻧﻄﻠﻊ ﻣﺶ ﺯﻋﻼﻥ ﺧﻼﺹ
ﺻﺒﻰ ﻭﺍﻧﺎ ﺟﻴﺖ ﻗﺪﺍﻣﻪ
ﺍﻧﺎ .. ﺭﺩ ﺑﺎﻟﻚ ﻉ ﺭﻭﺣﻚ
ﺍﻳﻬﻢ ﺍﺑﺘﺴﻢ ﺑﺸﻮﻳﺎ .. ﺣﺎﺿﺮ
ﻓﺘﺤﺖ ﺑﺎﺏ ﻭﻃﻠﻊ ﺍﻳﻬﻢ ﻭﺍﻧﺎ ﺗﻨﻬﺪﺕ ﻭﺍﺑﺘﺴﻤﺖ ﻭﺧﺸﻴﺘﻠﻬﻦ
ﻣﺎﻣﺎ .. ﺍﻳﻬﻢ ﻋﺪﺍ
ﺍﻧﺎ .. ﺗﻮﺍ ﻃﻠﻊ
ﺭﺣﺎﺏ .. ﺗﻌﺎﻟﻲ ﻗﻤﻌﺰﻱ
ﻗﻤﻌﺰﺕ ﺗﻼ ﻣﺎﻣﺎ ﻭﺭﺣﺎﺏ ﻣﺪﻟﺘﻠﻲ ﻗﻬﻮﺀ
ﺭﺷﺎ .. ﺑﺎﻩ ﺍﺣﻜﻴﻠﻨﺎ ﺳﻤﺢ ﺟﻮﺍﺯ
ﺍﻧﺎ .. ﻫﻬﻬﻪ ﻃﻴﺢ ﺳﻌﺪﻙ ﻣﺰﺍﻝ ﻣﺎﺻﻜﺮﺕ ﺷﻬﺮ
ﺭﻳﻬﺎﻡ .. ﻗﺮﻳﺐ ﺗﺼﻜﺮﻱ
ﺭﺣﺎﺏ .. ﻭﻻ ﻣﺎﺗﺒﻴﺶ ﺗﺤﻜﻲ ﻫﺎﺑﺎ ﻫﺎﺑﺎ
ﻣﺎﻣﺎ .. ﻃﺢ ﺳﻌﺪﻛﻦ ﺧﻠﻦ ﺑﻨﺖ ﻋﻨﻜﻦ
ﺍﻧﺎ .. ﻫﺒﺎﻻﺕ ﻭ ﺍﻟﻠﻪ
ﻣﺎﻣﺎ .. ﺷﻨﺠﻮﻩ ﻫﻮ ﻣﻌﺎﻙ
ﺍﻧﺎ .. ﻣﺸﺎﺀﺍﻟﻠﻪ ﻋﻠﻴﻪ ﻳﺎﻣﺎﻣﺎ ﻛﻮﻳﺲ
ﻣﺎﻣﺎ .. ﻣﻨﺴﺠﻤﻪ ﺷﻜﻠﻚ
ﺍﻧﺎ ﺍﺑﺘﺴﻤﺖ .. ﺍﻫﺎ ﺍﻟﺤﻤﺪﺍﻟﻠﻪ
ﻣﺎﻣﺎ .. ﺑﺎﻩ ﺍﻟﺤﻤﺪﺍﻟﻠﻪ ﻃﻤﻨﺘﻴﻨﻲ
ﺍﻧﺎ .. ﻃﻤﻨﻲ ﻳﺎﻣﺎﻣﺎ ﺍﻧﺎ ﻛﻮﻭﻳﺴﻪ ﻭﻣﺘﺮﻳﺤﻪ
ﻣﺎﻣﺎ .. ﻭﻋﺮﺑﻚ ﺷﻨﻮ ﺍﻣﺲ ﻛﻨﺘﻲ ﻣﺘﻐﺪﻳﻪ ﻣﻌﺎﻫﻢ
ﺍﻧﺎ .. ﻛﻮﻳﺴﻴﻦ ﻳﻌﻨﻲ ﺧﻮﺗﻪ ﻣﺸﺎﺀ ﺍﻟﻠﻪ ﻋﻠﻴﻬﻢ ﻭﺍﻣﻪ ﻫﺎﺩﻳﻪ ﻑ ﺣﺎﻟﻬﺎ ﺗﺤﺴﻴﻬﺎ ﻭﺗﺴﻨﻴﻢ ﻣﻦ ﻣﻌﺎﻳﺎ ﻛﺎﻧﺖ ﻣﺎﻋﻨﺪﻫﺶ ﺩﻭﺍﺀ ﻭﻻﺧﺮﻯ ﺻﻐﻴﺮﻩ
ﺭﺷﺎ .. ﻭﺳﻠﻔﺘﻚ
ﺍﻧﺎ .. ﻋﺴﻮﻟﻪ ﺑﻜﻞ
ﺭﺣﺎﺏ .. ﺍﻫﺎ ﺑﺎﻳﻦ ﻋﻠﻴﻬﺎ ﻑ ﻋﺮﺱ
ﺍﻧﺎ .. ﻣﺘﻌﻠﻘﻴﻦ ﺑﺒﻌﻀﻬﻢ ﻭﻣﺘﺮﺍﺑﻄﻴﻦ ﻣﺶ ﻛﻴﻔﻨﺎ
ﻣﺎﻣﺎ .. ﻭﺧﺸﻲ ﻓﻴﻬﻢ ﻋﺎﺩ ﺍﻧﺘﻲ ﺳﻠﻢ ﺑﻨﻴﺘﻲ ﺧﻠﻴﻚ ﻛﻴﻒ ﻣﺎﻧﻌﺮﻓﻚ ﻭﻛﻴﻒ ﻣﺎﻭﺻﻴﺘﻚ ﻛﻠﻬﻢ ﺍﻛﺴﺒﻴﻬﻢ
ﺍﻧﺎ .. ﺍﻥ ﺷﺎﺀ ﺍﻟﻠﻪ ﻳﺎﻣﺎﻣﺎ
ﺭﺣﺎﺏ .. ﺻﻮﺭﺗﻲ ﻭﻻ ﻻ
ﺍﻧﺎ ﻣﺪﻳﺘﻠﻬﺎ ﻓﻮﻥ .. ﺍﻫﺎ ﻓﻲ ﺻﻮﺭ ﺷﻮﻓﻴﻬﻦ
ﺭﺣﺎﺏ .. ﺣﻠﻲ ﺭﻣﺰ
ﺍﻧﺎ ﺟﻴﺖ ﺗﻼﻫﺎ .. ﻳﻴﻲ ﻫﺬﺍ ﺍﻳﻬﻢ ﺩﺍﻳﺮﻩ ﻗﺘﻠﻪ ﻓﻜﻨﻲ ﻣﻨﻪ ﺑﺲ ﻗﺎﻟﻲ ﻉ ﺳﺒﻪ ﺻﻮﺭ ﻓﺘﺤﺘﻪ ﻟﻬﻦ ﻭﻗﻌﺪﻥ ﻳﺘﻔﺮﺟﻦ ﻉ ﺻﻮﺭﻧﺎ ﻛﻠﻬﻦ ﻛﺎﻧﻦ ﻗﺮﻳﺒﺎﺕ ﺷﻮﻳﺎ ﺑﻌﺪﻫﺎ ﻣﺸﻦ ﻉ ﺻﻮﺭﻩ ﻛﺎﻥ ﻳﺒﻮﺱ ﻑ ﺧﺪﻱ ﻭﺍﻧﺎ ﻧﻀﺤﻚ
ﺭﺷﺎ .. ﺍﻟﻌﺮﺏ ﻣﻨﺴﺠﻤﻴﻦ
ﺭﻳﻬﺎﻡ .. ﺗﺤﺴﻴﻬﻢ
ﺭﺣﺎﺏ .. ﺍﺳﻜﺘﻦ ﺧﻠﻲ ﻧﺘﻔﺮﺝ
ﻣﺸﺖ ﻉ ﺻﻮﺭﻩ ﻭﻛﺎﻥ ﻳﺒﻮﺱ ﻑ ﻉ ﻓﻤﻲ ﻭﺍﻧﺎ ﻣﺎﺳﻜﻪ ﻑ ﻭﺟﻪ
ﺍﻧﺎ ﺍﻧﺤﺮﺟﺖ .. ﺧﻼﺹ ﻛﻤﻠﻦ
ﺭﺣﺎﺏ .. ﻫﻬﻬﻪ ﺍﻧﺘﻲ ﺍﻟﻤﺆﺩﺑﻪ ﻓﻴﻨﺎ
ﺍﻧﺎ ﻓﻨﺼﺖ .. ﺣﻴﻮﺍﻧﺎﺕ ﺍﻧﺘﻦ ﻭﺍﻟﻠﻪ
ﺭﻳﻬﺎﻡ .. ﺧﻼﺹ ﻋﻴﺐ ﺑﻄﻠﻦ
ﺭﺷﺎ .. ﻃﻴﺒﺘﻲ ﻑ ﺷﻘﺘﻚ ﻭﻻ ﻣﺰﺍﻝ
ﺍﻧﺎ .. ﻻ ﻣﺰﺍﻝ ﺍﻛﻴﺪﻩ ﺍﺳﺒﻮﻉ ﺟﺎﻱ ﻋﺎﺩ
ﻣﺎﻣﺎ .. ﺗﻠﺤﻘﻲ ﺑﺎﻫﻲ ﻣﺪﺭﺳﻪ ﻭﺷﻘﻪ ﻭﻏﺪﺍﺀ ﻭﺭﺍﺟﻞ
ﺍﻧﺎ .. ﺍﻥ ﺷﺎﺀ ﺍﻟﻠﻪ ﻧﻠﺤﻖ ﺗﻄﻴﺐ ﻛﺎﻥ ﻫﺬﺍ ﻑ ﻟﻴﻞ
ﺭﻳﻬﺎﻡ .. ﻫﻨﺎ ﻛﻢ ﻫﺎﻟﺸﻬﺮ ﻭﺗﻜﻤﻞ ﺛﺎﻧﻮﻱ ﻭﺟﺎﻣﻌﻪ ﺳﺎﻫﻞ
ﺭﺷﺎ .. ﺍﻫﺎ ﺟﺎﻣﻌﻪ ﻣﺶ ﻛﻴﻒ
ﺍﻧﺎ .. ﻳﻘﺪﺭﻧﻲ ﺭﺑﻲ ﻟﻴﻦ ﻧﻜﻤﻞ ﻫﺎﻟﺴﻨﻪ
ﻣﺎﻣﺎ .. ﺍﻥ ﺷﺎﺀ ﺍﻟﻠﻪ ﺗﻮﺍ ﺗﻤﺸﻲ ﺑﺎﻟﺠﻮﻫﺎ ﺍﻫﻢ ﺷﻲ ﺭﺍﺣﻪ ﺑﺎﻝ ﺑﻌﺪﻫﺎ ﻛﻠﻪ ﻳﺴﻬﻞ ﻋﻠﻴﻚ
ﺍﻧﺎ .. ﺍﻟﺤﻤﺪﺍﻟﻠﻪ
ﺻﺒﻴﺖ ﺍﻧﺎ ﻭﺭﺷﺎ ﺷﻠﻨﺎ ﺳﻔﺮﻩ
ﺭﺷﺎ ﻣﺼﺒﻴﻪ ﻉ ﺣﻮﺽ ﺗﻐﺴﻞ .. ﺷﻦ ﺟﻮﻫﻢ ﻋﺎﺋﻠﻪ ﻛﻴﻮﺕ ﺑﺎﻳﻦ
ﺍﻧﺎ .. ﺍﻫﺎ ﺑﻜﻞ ﺭﺩ ﺑﺎﻟﻚ ﺗﺨﺴﺮﻳﻪ ﻣﺤﻤﺪ ﺍﻳﻬﻢ ﻳﺸﻜﺮ ﻓﻴﻪ ﺑﻜﻞ ﺑﻌﺪﻳﻦ ﻣﺶ ﻫﺮﺟﻪ ﻭﺍﺟﺪ ﺣﺘﻰ
ﺭﺷﺎ .. ﺍﻫﺎ ﻳﺎﺧﻴﺘﻲ ﻧﻘﻌﺪ ﻛﻨﻪ ﻭﺣﻴﺪﻩ
ﺍﻧﺎ .. ﻫﻬﻬﻪ ﺳﻤﺤﻪ ﻋﺎﺩ
ﺭﺷﺎ .. ﺗﻮﺍ ﺗﺨﻠﻴﻨﻲ ﻣﻦ ﻣﺤﻤﺪ ﺍﻧﺘﻲ ﺷﻨﻮ ﺟﻮﻙ ﺑﺎﻳﻦ ﻑ ﻋﻴﻮﻧﻚ ﺍﻟﺤﺐ
ﺍﻧﺎ ﺿﺤﻜﺖ .. ﺣﺒﻴﺘﻪ ﻭﺍﺟﺪ ﻳﺎ ﺭﺷﺎ ﺑﻜﻞ ﺍﺧﺮﻯ ﻣﺎﻧﺤﺴﺎﺑﺶ ﺭﻭﺣﻲ ﻧﺘﻘﺒﻠﻪ
ﺭﺷﺎ .. ﻛﺎﻥ ﻣﺶ ﻛﻮﻳﺲ ﻣﻌﺎﻙ ﻳﻌﻨﻲ
ﺍﻧﺎ .. ﻻ ﻋﺎﺩﻱ ﺑﺲ ﺗﻮﺍ ﻏﻴﺮﺭﺭ ﻳﻬﺒﺒﻴﻞ ﻳﺎﺧﻴﻪ ﺣﺒﻴﺒﻲ
ﺭﺷﺎ .. ﻳﺎﻋﻤﺮﻱ ﺭﺑﻲ ﻳﺨﻠﻴﻜﻢ ﻟﺒﻌﻀﻜﻢ
ﻃﻠﻌﻨﺎ ﻟﺼﺎﻟﻪ ﻭ ﻗﻌﺪﻧﺎ ﻧﻬﺪﺭﺯﻭ ﻟﻌﻨﺪ ﺍﻟﻤﻐﺮﺏ ﻭﺟﻮ ﺧﻮﺗﻲ
ﻋﻼﺀ .. ﻭﻳﻨﻬﺎ ﻣﻴﺲ
ﺭﺣﺎﺏ .. ﺗﻮﺍ ﺗﺠﻴﻚ ﺗﺼﻠﻲ
ﺳﻠﺤﺖ ﻋﺒﺎﻳﺎ ﻭﻃﻠﻌﺖ
ﺍﻧﺎ ﺍﺑﺘﺴﻤﺖ .. ﺍﻋﻠﻴﻮﻩ ﻛﻴﻒ ﺣﺎﻟﻚ
ﻋﻼﺀ ﺍﺑﺘﺴﻢ .. ﺍﻟﺤﻤﺪﺍﻟﻞﻩ ﻛﻴﻒ ﺣﺎﻟﻚ ﺍﻧﺘﻲ
ﺍﻧﺎ .. ﺍﻟﺤﻤﺪﺍﻟﻠﻪ ﻣﺮﺍﻳﻔﻪ ﻋﻠﻴﻜﻢ ﺑﺲ
ﻋﺰﻭ .. ﺗﻌﺎﻟﻲ ﻗﻤﻌﺰﻱ
ﺟﻴﺖ ﻗﻤﻌﺰﺕ ﺗﻼﻩ
ﻋﺰﻭ .. ﺷﻦ ﺩﺍﻳﺮﻩ ﻣﺘﺮﻳﺤﻪ
ﺍﻧﺎ .. ﺍﻟﺤﻤﺪﺍﻟﻠﻪ ﻛﻮﻳﺴﻪ
ﻋﺰﻭ .. ﺷﻨﻮ ﺍﻳﻬﻢ ﻣﻌﺎﻙ ﻛﻮﻳﺲ ﺭﺍﺿﻴﻪ ﻳﺎﻣﻴﺲ ﻭﻻ ﻻ
ﺍﻧﺎ .. ﻋﺰﻭ ﻗﺘﻠﻚ ﻛﻮﻳﺴﻪ ﻭﺍﻟﻠﻪ ﺍﻧﺖ ﻋﺎﺭﻓﻨﻲ ﺑﻌﺪ ﻧﻘﻌﺪ ﻣﻀﺎﻳﻘﻪ
ﻋﺰﻭ .. ﺑﺎﻩ ﺍﻟﺤﻤﺪﺍﻟﻠﻪ
ﻣﺎﻣﺎ .. ﻭﻳﻦ ﺍﻳﻬﻢ ﻛﺄﻧﻪ ﻣﺎﺟﺎﺀ ﺧﻼﺹ ﺑﻨﺤﻄﻮ ﻋﺸﺎﺀ
ﺍﻧﺎ .. ﻫﻴﺎ ﺗﻮﺍ ﻧﺸﻮﻓﻪ ﻳﺎﻣﺎﻣﺎ
ﻣﺎﻣﺎ .. ﺑﺎﻫﻲ ﻫﻴﺎ
ﻣﺸﻴﺖ ﻟﺪﺍﺭ ﺭﻧﻴﺖ ﻋﻠﻴﻪ
ﺍﻧﺎ .. ﺣﺒﻴﺒﻲ ﻭﻳﻨﻚ
ﺍﻳﻬﻢ .. ﻫﻴﺎ ﺣﺒﻴﻴﺘﻲ ﻑ ﻃﺮﻳﻖ
ﺍﻧﺎ .. ﻗﺮﻳﺐ ﻭﻻ ﺑﻌﻴﺪ
ﺍﻳﻬﻢ .. ﺧﻼﺹ ﻗﺮﻳﺐ
ﺍﻧﺎ .. ﺑﺎﻩ ﺗﻤﺎﻡ
ﺍﻳﻬﻢ .. ﻧﺘﻼﻗﻮﺍ
ﻃﻠﻌﺖ ﺧﺸﻴﺖ ﻟﻤﻄﺒﺦ
ﺍﻧﺎ .. ﺧﻼﺹ ﻳﺎﻣﺎﻣﺎ ﻧﺤﻄﻮ ﺍﻟﻌﺸﺎﺀ
ﺭﻳﻬﺎﻡ .. ﻗﺮﻳﺐ ﻗﺎﻋﺪ
ﺍﻧﺎ .. ﺍﻫﺎ ﻗﺮﻳﺐ ﻗﺎﻟﻲ
ﻗﻌﺪﻧﺎ ﻧﺤﻄﻮ ﻑ ﺍﻟﻌﺸﺎﺀ
ﻋﺰﻭ .. ﻫﻴﺎ ﺳﻘﺪﻥ
ﺭﻳﻬﺎﻡ .. ﺧﻼﺹ ﻃﺸﻪ ﻭﻧﺤﻄﻮ
ﻋﺰﻭ .. ﺑﺎﻩ ﺑﺴﺮﻋﻪ
ﺣﻄﻴﻨﺎ ﺍﻟﻌﺸﺎﺀ ﻟﺮﺟﺎﻟﻪ ﻭﻋﺸﺎﺀ ﻟﻨﺎ "
" ﻣﺮﻳﻢ ﻣﻘﻤﻌﺰﻩ ﻉ ﻃﺎﻭﻟﻪ ﻫﻴﺎ ﻭﻣﻨﻴﺮ ﻭﻣﺎﺳﻜﻪ ﻓﻨﺠﺎﻝ ﻗﻬﻮﻩ
ﻣﻨﻴﺮ .. ﺭﻛﺰﻱ ﻣﻌﺎﻳﺎ
ﻣﺮﻳﻢ .. ﻣﻮﻋﻴﻨﻲ ﻣﻦ ﻧﻮﻣﻲ ﻭﺗﺒﻴﻨﻲ ﻧﺼﺤﺼﺢ ﻣﻌﺎﻙ
ﻣﻨﻴﺮ .. ﺗﻮﺍ ﻧﻜﺐ ﻋﻠﻴﻚ ﻣﻴﻪ ﺍﻧﺎ ﻭﻻ ﻧﺸﻴﻠﻚ ﺑﻜﻒ
ﻣﺮﻳﻢ ﺗﺘﺎﻭﺏ .. ﺍﺍﺍﺍﻩ ﻧﺎﻋﺴﻪ ﺣﺮﺍﻡ ﻋﻠﻴﻚ ﻛﻨﺖ ﻑ ﺟﺎﻣﻌﻪ ﻑ ﺻﺒﺢ ﻭﻛﻴﻒ ﺭﺍﻗﺪﻩ ﺍﻧﺖ ﺭﻧﻴﺖ
ﻣﻨﻴﺮ .. ﺧﺮﺑﺖ ﻋﻠﻴﻚ ﺍﻟﻨﻮﻣﻪ ﻳﻌﻨﻲ
ﻣﺮﻳﻢ .. ﺧﺮﺑﺘﻬﺎ ﺑﺲ ﺍﻧﺖ
ﻣﻨﻴﺮ .. ﻳﻴﻲ ﻋﻠﻴﺎ ﻭﻳﻦ ﻧﻮﺣﻲ ﻋﺎﺩ ﺍﻧﺎ ﺍﻧﻚ ﺭﺍﻗﺪﻩ ﺗﻮﺍ
ﻣﺮﻳﻢ .. ﺻﺪﺍﻉ ﺑﺎﻫﻲ ﺧﻼﺹ ﻣﺎﺗﻌﻠﻴﺶ ﺻﻮﺗﻚ ﻳﻌﻨﻲ ﺑﻠﻴﺰ
ﻣﻨﻴﺮ .. ﺍﺍﺍﺹ ..
ﺭﻥ ﻓﻮﻥ ﻣﺮﻳﻢ ﺑﺤﺖ ﻓﻴﻪ ﻛﺎﻥ ﻣﺴﺠﻞ ﺭﻭﺣﻲ ﻣﻨﻴﺮ ﺯﻣﻂ ﺭﻳﻘﻪ ﻭﻣﺮﻳﻢ ﻛﺮﺕ ﺍﻟﻔﻮﻥ
ﻣﺮﻳﻢ .. ﺻﺎﺣﺒﺘﻲ ﻫﺬﻱ
ﻣﻨﻴﺮ ﺑﺼﻮﺕ ﻭﺍﻃﻲ .. ﻣﺎﺳﺎﻟﺘﺶ
ﻣﻨﻴﺮ ﺻﺒﻰ ﻭﻳﺼﻜﺮ ﻑ ﻻﺏ
ﻣﺮﻳﻢ .. ﻭﻳﻦ ﻣﺎﺷﻲ
ﻣﻨﻴﺮ ﺑﺪﻭﻥ ﻭﻳﺒﺤﺖ ﻓﻴﻬﺎ .. ﺍﻩ ﻃﺎﻟﻊ ﺍﺫﻛﺮﺕ ﻓﻲ ﻋﻨﺪﻱ ﺷﻐﻞ ﻣﻬﻢ ﺗﻮﺍ ﻭﺍﻧﺘﻲ ﺍﺻﻼً ﺗﺎﻋﺒﻪ ﺧﻼﺹ ﻋﺪﻱ ﺗﺮﻳﺤﻲ
ﻣﺮﻳﻢ ﺻﺒﺖ ﻭﻗﻌﺪﺕ ﺗﺒﺤﺖ ﻓﻴﻪ .. ﺑﺎﻩ ﻧﺘﻼﻗﻮﺍ ﺑﻜﺮﺍ
ﻣﻨﻴﺮ .. ﺑﺠﻮﻙ ﻳﺎ ﻣﺮﻳﻢ ﺍﻣﺘﻰ ﻣﺎﺗﻔﻀﻲ
ﺧﺬﺍ ﻻﺏ ﻭﻃﻠﻊ ﺑﺴﺮﻋﻪ ﻭﻣﺮﻳﻢ ﺗﺒﺤﺖ ﻓﻴﻪ
ﺑﺸﺮﻯ ﻃﻠﻌﺖ ﻣﻦ ﺣﻮﺷﻬﻢ .. ﻭﻳﻦ ﻣﻨﻴﺮ ﻛﻨﺖ ﺩﺍﻳﺮﺗﻠﻪ ﺗﺎﺭﺕ ﺍﻟﻲ ﻳﺤﺒﻪ
ﻣﺮﻳﻢ .. ﺗﻮﺍ ﻋﺪﺍ
ﺑﺸﺮﻯ .. ﻛﻴﻒ ﺟﺎﺀ ﻛﻨﻪ
ﻣﺮﻳﻢ .. ﻭﻳﻦ ﻧﻨﺪﺭﻱ ﻋﻠﻴﻪ ﺍﻧﺎ
ﺑﺸﺮﻯ .. ﺑﺎﻫﻲ ﺑﺸﻮﻳﺎ ﺳﻮﺍﻝ ﺭﺍﻩ ﻛﻨﻚ ﺍﻧﺘﻲ
ﻣﺮﻳﻢ ﻗﻤﻌﺰﺕ ﻉ ﻛﺮﺳﻲ ﻭﻗﻌﺪﺕ ﻣﺎﺳﻜﻪ ﺩﻣﻮﻋﻬﺎ
ﺑﺸﺮﻯ .. ﻛﻨﻚ
ﻣﺮﻳﻢ .. ﻣﺎﻛﻨﻲ ﺷﻲ
ﺑﺸﺮﻯ .. ﻛﻨﻪ ﻣﻨﻴﺮ ﺿﺎﻳﻘﻚ
ﻣﺮﻳﻢ .. ﻻ ﺑﺲ ﺍﻧﺎ ﺗﻌﺒﺎﻧﻪ ﻫﻜﻲ ﺧﺎﺷﻪ ﻧﺘﺮﻳﺢ ﺗﻤﺎﻡ
ﺑﺸﺮﻯ .. ﺑﺎﻩ ﻋﺪﻱ "
" ﻑ ﻟﻴﻞ
ﺭﺣﺎﺏ ﺗﺴﻠﺲ ﻣﻦ ﺩﺭﻭﺝ
ﻃﺎﺭﻕ .. ﺑﺨﺨﺦ
ﺭﺣﺎﺏ ﻧﻄﺖ ﻭﺣﻄﺖ ﺍﻳﺪﻫﺎ ﻉ ﻓﻤﻬﺎ ﻭﻏﻤﻀﺖ ﻋﻴﻮﻧﻬﺎ
ﻃﺎﺭﻕ .. ﻫﻬﻬﻪ ﻓﺠﻌﺘﻚ ﻳﺎﻫﺒﻠﻪ
ﺭﺣﺎﺏ ﺑﺼﻮﺕ ﻭﺍﻃﻲ .. ﻳﺎ ﻏﺒﻲ ﻧﺎﻭﻱ ﺗﻔﻀﺤﻨﺎ ﺍﻧﺖ ﻛﻨﻚ ﻑ ﺷﻨﻮ ﺗﺤﺲ
ﻃﺎﺭﻕ .. ﻛﻨﻚ ﻳﺎﻋﻤﺮﻱ ﻧﻐﻴﺮﻟﻚ ﻑ ﺟﻮﻙ
ﺭﺣﺎﺏ .. ﻭﺗﻔﺠﻌﻨﻲ
ﻃﺎﺭﻕ .. ﺍﻫﻮ ﻣﺎﻗﺘﻠﻚ ﺗﻐﻴﺮ ﺟﻮ
ﺭﺣﺎﺏ ﺍﺑﺘﺴﻤﺖ .. ﻛﻴﻒ ﺣﺎﻟﻪ ﺣﺒﻴﺒﻲ
ﻃﺎﺭﻕ .. ﺗﻌﺒﺎﻥ ﺣﺒﻴﺒﻚ
ﺭﺣﺎﺏ .. ﻓﻴﺎ ﻭﻻ ﻓﻴﻚ ﺣﺒﻴﺒﻲ ﻛﻨﻚ ﻳﺎﻋﻤﺮﻱ
ﻃﺎﺭﻕ .. ﺍﻫﻮ ﻫﻼﻙ ﻣﻦ ﻋﻤﻞ
ﺭﺣﺎﺏ .. ﺑﺎﻩ ﻣﺎﺗﻌﺒﺶ ﺭﻭﺣﻚ ﻭﺗﻬﻠﻜﻬﺎ
ﻃﺎﺭﻕ .. ﺧﻠﻴﻚ ﻣﻨﻲ ﺗﻮﺍ ﺍﻧﺘﻲ ﺷﻦ ﺟﻮﻙ
ﺭﺣﺎﺏ .. ﺍﻧﺎ ﻛﻮﻳﺴﻪ ﺑﺲ ﻣﺮﺍﻳﻔﻪ ﻋﻠﻴﻚ
ﻃﺎﺭﻕ .. ﺍﻥ ﺷﺎﺀ ﺍﻟﻠﻪ ﺭﺑﻲ ﻳﺠﻤﻌﻨﺎ ﺑﺤﻼﻝ
ﺭﺣﺎﺏ ﺍﺑﺘﺴﻤﺖ .. ﺍﻥ ﺷﺎﺀ ﺍﻟﻠﻪ ﻳﺎﺭﺏ
ﻃﺎﺭﻕ .. ﺧﻼﺹ ﺍﺭﻛﺒﻲ ﺧﺎﻳﻒ ﺣﺪ ﻳﺸﻮﻓﻨﺎ
ﺭﺣﺎﺏ .. ﺍﻧﺤﺒﻚ
ﻃﺎﺭﻕ ﺍﺑﺘﺴﻢ ﺑﺸﻮﻳﺎ .. ﺭﺑﻲ ﻳﺨﻠﻴﻚ ﻟﻴﺎ
ﺭﻛﺒﺖ ﺭﺣﺎﺏ ﻭﻃﺎﺭﻕ ﻃﻠﻊ ﻣﻮﺑﺎﻳﻠﻪ
ﻃﺎﺭﻕ .. ﻣﺎﺗﺤﺮﻛﻴﺶ ﻟﻴﻦ ﺍﻧﺎ ﻧﻌﻄﻴﻚ ﻋﻠﻢ ﻣﺎﺗﻠﻌﺒﻴﺶ ﻣﻦ ﻭﺭﺍﻳﺎ ﻳﻜﻮﻥ ﺍﺣﺴﻠﻚ ﺭﺍﻩ "
" ﺧﺸﻴﺖ ﻟﺪﺍﺭ ﺍﻧﺎ ﻭﺍﻳﻬﻢ ﻛﺎﻥ ﻑ ﺣﻤﺎﻡ
ﺣﻮﻟﺖ ﺷﻌﺮﻱ ﻉ ﺟﻨﺐ ﻭﺑﻨﻔﺘﺢ ﺳﻮﺳﺘﻪ ﺧﺶ ﺍﻳﻬﻢ ﻟﺪﺍﺭ
ﺍﻧﺎ .. ﻫﻮﻣﺎ ﺍﻓﺘﺤﻠﻲ ﺳﻮﺳﺘﻪ
ﺻﺒﺎ ﻭﺭﺍﻳﺎ ﻭﻓﺘﺤﻬﺎ ﺑﺸﻮﻳﺎ
ﺍﻧﺎ .. ﻫﻴﺎ ﺑﺴﺮﻋﻪ ﻣﺼﻘﻌﻪ ﺍﺻﻼً
ﺣﺮﻙ ﺻﺒﻌﻪ ﻉ ﺭﻗﺒﺘﻲ ﻭﻗﻌﺪ ﻳﻤﺸﻲ ﻓﻴﻪ ﻉ ﺿﻬﺮﻱ ﺍﻧﺎ ﺟﺴﻤﻲ ﺍﻗﺸﻌﺮ ﻭﻏﻤﻀﺖ ﻋﻴﻮﻧﻲ ﻭﺍﺑﺘﺴﻤﺖ
ﺍﻧﺎ ﺑﺼﻮﺕ ﻭﺍﻃﻲ .. ﺍﻳﻴﻬﻢ
ﺍﻳﻬﻢ ﺗﻨﻬﺪ .. ﻭﺗﻴﻨﻪ
ﺍﻧﺎ ﺑﺮﻣﺖ ﻋﻠﻴﻪ ﻭﻗﻌﺪﺕ ﻧﺒﺤﺖ ﻑ ﻋﻴﻮﻧﻪ
ﺍﻳﻬﻢ ﺣﺮﻙ ﺭﺍﺳﻪ .. ﻫﻤﻤﻢ
ﺍﻧﺎ ﺣﻄﻴﺖ ﺍﻳﺪﻱ ﻉ ﻟﺤﻴﺘﻪ ﻭﻧﺤﺮﻙ ﻑ ﺻﺒﻌﻲ ﺑﺸﻮﻳﺎ ﻋﻠﻴﻬﺎ
ﺍﻳﻬﻢ ﺑﺼﻮﺕ ﻫﺎﺩﻱ .. ﻧﺒﺪﺭﻱ ﻭﻋﺪﺗﻴﻨﻲ ﺍﻟﻲ ﻧﺒﻴﻬﺎ ﺻﺎﺡ
ﺍﻧﺎ .. ﺑﺎﻩ ﺧﻠﻴﻨﻲ ﻧﺪﻭﺵ ﻭ ﻧﻐﻴﺮ ﺷﻦ ﺭﺍﻳﻚ
ﺍﻳﻬﻢ ﺍﺑﺘﺴﻢ ﻉ ﺟﻨﺐ .. ﺗﻤﺎﻡ ﻧﺮﺍﺟﻴﻚ
ﺣﺮﻛﺖ ﺍﻳﺪﻱ ﻉ ﻓﻤﻪ ﻣﻦ ﺗﺤﺖ
ﺍﻳﻬﻢ .. ﻋﺎﺟﺒﻚ ﺍﻟﺠﻮ ﻭﺍﻟﻠﻪ
ﺍﻧﺎ ﺿﺤﻜﺖ .. ﻫﻬﻬﻪ ﺳﺎﺍﺍﻣﻂ ﺍﻧﺖ
ﺍﻳﻬﻢ .. ﺧﻠﻲ ﻧﻄﻠﻊ ﺧﻴﺮ ﻣﺎﻧﺘﺤﻤﺲ ﻭﻳﺼﻴﺮ ﻓﻴﻬﺎ ﺟﻮ ﺷﻴﻦ
ﺍﻧﺎ .. ﻫﻬﻬﻪ ﺑﺎﻫﻲ ﻋﺪﻱ ﻫﻴﺎ
ﻃﻠﻊ ﻣﻦ ﺗﻼﻳﺎ ﻭﺍﻧﺎ ﺧﺸﻴﺖ ﺩﻭﺷﺖ ﻭﻃﻠﻌﺖ ﻗﻤﻌﺰﺕ ﻉ ﻛﺮﺳﻲ ﻭﺩﻫﻨﺖ ﺟﺴﻤﻲ ﺑﺎﻟﻮﺷﻦ ﻫﺎﺩﻱ ﻭﺑﺨﻴﺖ ﻋﻄﺮ ﻭﻟﺒﺴﺖ ﺭﻭﺏ ﻧﺒﻴﺘﻲ ﺳﻴﻮﺭﻩ ﺭﻗﻴﻘﻪ ﻭﺻﺪﺭﻩ ﺷﻔﺎﻑ ﻗﺼﻴﺮ ﻓﻮﻕ ﺭﻛﺒﻪ ﻧﺸﻔﺖ ﺷﻌﺮﻱ ﻭﻣﺸﻄﺘﻪ ﻭﻃﻠﻘﺘﻪ ﻉ ﺿﻬﺮﻱ ﻭﺩﺭﺕ ﺭﻭﺝ ﻭﻣﺴﻜﺮﺍ ﻭﺯﺩﺕ ﺍﻟﻌﻄﺮ ﻭﻃﻠﻌﺖ ﻟﻘﻴﺘﻪ ﻣﻮﻃﻲ ﺍﺿﺎﺀﺓ ﻭﻓﺎﺗﺢ ﺍﻝ Tv ﺍﻧﺎ .. ﻫﻮﻣﺎ ﺣﺎﻁ ﻉ ﻓﻴﻠﻢ
ﺍﻳﻬﻢ ﺭﻓﻊ ﺭﺃﺳﻪ ﻭﺑﺤﺖ ﻓﻴﺎ .. ﺍﻫﺎ ﺗﻮﺍ ﺣﻄﻴﺘﻪ
ﺍﻧﺎ .. ﻭﻗﻔﻪ ﻋﻠﻲ ﻣﺎﺟﺒﺖ ﺣﺎﺟﺎﺕ ﻧﺴﻠﻮ ﻋﻠﻴﻬﻦ
ﺍﻳﻬﻢ ﻧﺎﺽ ﻭﻗﻌﺪ ﻳﻘﺮﺏ ﻣﻨﻲ ﻭﻳﺤﺮﻙ ﻑ ﺭﻗﺒﺘﻪ ﻳﻤﻴﻦ ﻭﻳﺴﺎﺭ ﻗﻌﺪﺕ ﻧﻮﺧﺮ ﺑﺸﻮﻳﺎ
ﺍﻧﺎ .. ﺍﻳﻬﻢ ﻛﻨﻚ
ﺍﻳﻬﻢ ﺭﺍﻓﻊ ﺣﻮﺍﺟﺒﻪ .. ﻛﻨﻲ ﻭﺗﺴﺎﻟﻲ ﺃﺧﺮﻯ ﻣﺶ ﻋﺎﺭﻓﻪ ﻳﻌﻨﻲ
ﺍﻧﺎ .. ﻭﺍﻟﻠﻪ ﻣﺎﺩﺭﺕ ﺣﺎﺟﻪ ﺍﻧﺎ
ﺯﺍﺩ ﻗﺮﺏ ﻣﻨﻲ ﻟﻴﻦ ﻟﺼﻘﺖ ﻑ ﺳﺎﺱ ﻭﻫﻮ ﻟﺼﻖ ﻓﻴﺎ ﻭﺣﻂ ﺍﻳﺪﻳﻪ ﻭﺭﺍﻳﺎ ﻭﻗﺮﺏ ﻣﻦ ﻭﺫﻧﻲ
ﺍﻳﻬﻢ ﺑﻬﻤﺲ .. ﺑﺘﻌﺮﻓﻲ ﺭﻭﺣﻚ ﺷﻦ ﺩﺭﺗﻲ
ﺍﻧﺎ ﻣﻐﻤﻀﻪ ﻋﻴﻮﻧﻲ ﻻﻧﻪ ﻋﻄﺮﻩ ﻛﺎﻥ ﻗﻮﻱ
ﺍﻳﻬﻢ .. ﺷﻦ ﺍﻟﻲ ﻣﺎﺩﺭﺗﻴﻪ ﻓﻴﺎ ﺍﻧﺘﻲ ﻣﻦ ﻧﺸﻮﻓﻚ ﻗﻠﺒﻲ ﻳﺘﻌﺐ ﻧﺤﺲ ﻑ ﺭﻭﺣﻲ ﺩﻳﻤﺎ ﻧﺒﻴﻚ ﺩﻳﻤﺎ ﻣﺘﻤﻨﻴﻚ ﺟﻨﺒﻲ ﻧﺤﺲ ﻓﻴﻚ ﺑﻨﺘﻲ ﻧﺤﺒﻚ ﻳﺎﻣﻴﺲ ﻧﺤﺒﺒﺒﻚ ﻧﺤﺐ ﻛﻞ ﺣﺎﺟﻪ ﻓﻴﻚ ﺷﻦ ﺩﺭﺗﻲ ﻓﻴﺎ ﻳﺎﺑﻨﺖ ﺍﻟﻨﺎﺱ ﺑﺲ
ﺍﻧﺎ ﺍﺑﺘﺴﻤﺖ ﻭﻣﺴﻜﺖ ﻑ ﺳﻮﺭﻳﺘﻪ ﺯﻳﻦ ﻭﺧﺮ ﻭﻗﻌﺪ ﻳﺒﺤﺖ ﻓﻴﺎ ﻭﺣﻂ ﺃﻃﺮﺍﻑ ﺻﻮﺍﺑﻌﻪ ﺗﺤﺖ ﻭﺟﻲ ﻭﺭﻓﻌﻪ ﻭﺍﻧﺎ ﻧﺮﻣﺶ ﻑ ﻋﻴﻮﻧﻲ
ﺍﻳﻬﻢ ﺿﺤﻚ ﻉ ﺟﻨﺐ .. ﻫﻴﺎ ﺟﻴﺒﻲ ﺣﺎﺟﺎﺕ ﻭﺗﻌﺎﻟﻲ
ﺍﻧﺎ ﺍﺑﺘﺴﻤﺖ .. ﺑﺎﻩ ﻋﺎﻭﺩ ﺍﻟﻔﻴﻠﻢ ﻧﺼﻪ ﻛﻤﻞ ﻑ ﺍﻟﻔﻴﻠﻢ ﺍﻟﻲ ﻛﻨﺖ ﺩﺍﻳﺮﻩ ﺍﻧﺖ
ﺍﻳﻬﻢ ﺭﺩ ﻟﺼﻖ ﻓﻴﺎ .. ﻣﺶ ﻋﺎﺟﺒﻚ
ﺍﻧﺎ ﺑﺴﺘﻪ ﻉ ﻓﻤﻪ ﺑﺴﺮﻋﻪ ﻭﺧﺮﺕ ﻭﻫﺰﻳﺖ ﺭﺍﺳﻲ ﻭﺍﺑﺘﺴﻤﺖ .. ﺍﻛﻴﺪﻩ ﻋﺎﺟﺒﻨﻲ
ﺍﻳﻬﻢ .. ﻃﻴﺮﻱ ﻣﻦ ﺗﻼﻳﺎ ﻣﺶ ﺿﺎﻣﻦ ﻗﻠﺒﻲ ﻻﻧﻪ ﺷﻮﻳﺎ ﻭﻳﻄﻠﻊ ﻳﺘﻮﺣﺶ ﻋﻠﻴﻚ
ﺍﻧﺎ .. ﺍﻧﺖ ﺍﺑﻌﺪ ﺑﻴﺶ ﻧﻄﻠﻊ
ﺍﻳﻬﻢ ﻏﻤﺰﻟﻲ .. ﺑﻼﻩ ﻓﻴﻠﻢ ﻣﺶ ﻻﺯﻡ
ﺭﻓﻌﺖ ﻛﺮﻋﻴﺎ ﻭﻣﺴﻜﺖ ﻑ ﺭﻗﺒﺘﻪ ﺯﻳﻦ ﻭﻫﻮ ﺭﻓﻊ ﺭﺃﺳﻪ ﻭﺍﺑﺘﺴﻢ ﻭﺍﻧﺎ ﻛﺮﻋﻴﺎ ﺍﺭﺗﻔﻌﻦ ﻣﻦ ﻉ ﻭﻃﻰ
ﺍﻳﻬﻢ ﻣﺴﻚ ﺧﺼﺮﻱ ﻭﻗﻌﺪ ﻳﻤﺸﻲ ﺑﻴﺎ .. ﺣﺘﻘﻌﺪﻱ ﺍﻧﺘﻲ ﺍﻟﺤﺐ ﺍﻟﻮﺣﻴﺪ ﺩﺍﺧﻞ ﻗﻠﺒﻲ .. ﻭﺳﻜﺖ ﺷﻮﻳﺎ
ﺍﻳﻬﻢ ﺑﺼﻮﺕ ﻫﺎﺩﻱ .. ﻭﺗﻌﻴﺸﻲ ﺑﻘﻠﺒﻲ ﻭﺑﻴﻦ ﺍﺿﻼﻋﻲ ﻭﻑ ﻛﻞ ﺟﺰﺀ ﻣﻨﻲ
ﺍﻧﺎ ﻏﻤﻀﺖ ﻋﻴﻮﻧﻲ ﻭﺑﺴﺘﻪ ﻉ ﺭﻗﺒﺘﻪ ﺑﺸﻮﻳﺎ
ﺍﻳﻬﻢ ﺑﻬﻤﺲ ﻭﺯﺍﺩ ﻣﺴﻚ ﺧﺼﺮﻱ .. ﻻ ﻋﻴﻮﻥ ﺍﻻ ﻋﻴﻮﻧﻚ ﻭﻻ ﺣﻀﻮﺭ ﺍﻻ ﺣﻀﻮﺭﻙ
ﻓﺘﺢ ﺍﻟﺪﺍﺭ ﺑﻜﺮﺍﻋﻪ ﻭﻋﺰﻗﻨﻲ ﻉ ﺳﺮﻳﺮ ﻭﺷﻌﺮﻱ ﺟﺎﺀ ﻉ ﻭﺟﻲ
ﺍﻧﺎ .. ﻫﻬﻬﻬﻪ ﻳﺎﻫﺒﻞ ﻗﺮﻳﺐ ﻛﺴﺮﺗﻨﻲ
ﺍﻳﻬﻢ ﻳﻘﺪﻡ ﻉ ﺳﺮﻳﺮ ﻭﻣﺒﺘﺴﻢ ﺣﻂ ﻛﺮﺍﻋﻪ ﻉ ﺳﺮﻳﺮ ﻭﻛﺮﺍﻉ ﻷﺧﺮﻯ ﻉ ﻭﻃﻰ ﻗﻌﺪ ﻳﻘﺮﺏ ﻣﻨﻲ ﻟﻌﻨﺪ ﻭﺻﻞ ﻓﻴﺎ ﻣﺴﻜﺖ ﻑ ﺳﻮﺭﻳﺘﻪ ﻭﻭﻭﻭﻭ "
" ﻑ ﺍﻟﺼﺒﺢ
ﺍﻣﺠﺪ .. ﺩﻧﻴﺎ ﻳﺎﺍﺍﺩﻧﻴﺎﺍﺍﺍ
ﺧﺶ ﻋﻠﻴﻬﺎ ﻑ ﻣﻄﺒﺦ ﻭﻫﻴﺎ ﻛﺎﻧﺖ ﻃﺎﻟﻌﻪ
ﺍﻣﺠﺪ ﻓﻨﺺ .. ﻛﻨﻚ ﻣﺎﺗﺮﺩﻱ ﻣﺶ ﺗﺴﻤﻌﻲ ﻓﻴﺎ
ﺩﻧﻴﺎ .. ﻛﻨﺖ ﻃﺎﻟﻌﻪ ﺑﻨﺸﻮﻓﻚ
ﺍﻣﺠﺪ .. ﻣﺎﺗﻘﺪﺭﻳﺶ ﺗﺮﺩﻱ ﻳﻌﻨﻲ
ﺩﻧﻴﺎ .. ﻣﺎﻗﺘﻠﻚ ﻛﻨﺖ ﻃﺎﻟﻌﻪ ﻛﻨﻚ ﺍﻧﺖ
ﺍﻣﺠﺪ .. ﻣﺎﻛﻨﻲ ﺷﻲ
ﺩﻧﻴﺎ .. ﺷﻦ ﻛﻨﺖ ﺗﺒﻲ
ﺍﻣﺠﺪ .. ﻣﻌﺶ ﻧﺒﻴﻬﺎ ﺑﻜﻞ
ﺑﺮﻡ ﻳﻤﺸﻲ ﻭﻫﻴﺎ ﻭﺭﺍﻩ
ﺩﻧﻴﺎ .. ﻋﻠﻴﺶ ﻣﻜﺒﺮ ﺍﻟﻤﻮﺿﻮﻉ ﺍﻧﺖ ﻗﺘﻠﻚ ﻛﻨﺖ ﻃﺎﻟﻌﻪ ﻋﻠﻴﺶ ﻫﺬﺍ ﻛﻠﻪ
ﺍﻣﺠﺪ .. ﺍﻧﺎ ﻣﻜﺴﺪ ﻫﻚ ﺑﻨﺪﻳﺮ ﻣﺸﺎﻛﻞ ﺍﻟﻨﺒﻲ ﻣﺎﺗﺮﻗﻴﻠﻴﺶ ﺍﻟﻘﺎﺯ ﻳﺎﺩﻧﻴﺎ
ﺩﻧﻴﺎ .. ﺑﺎﻩ ﻣﺎ ﺣﻜﻴﺖ ﺷﻲ ﺍﻧﺎ
ﺍﻣﺠﺪ .. ﺍﻳﻮﺍﻩ ﺍﺳﻜﺘﻲ ﻣﺎﻧﺒﻴﺶ ﻧﺴﻤﻊ ﺻﻮﺗﻚ
ﺩﻧﻴﺎ ﺑﺮﻣﺖ ﻭﺳﻴﺒﺎﺗﻪ ﻭﻫﻮ ﻗﻌﺪ ﻳﺒﺤﺖ ﻓﻴﻬﺎ ﺟﺎﺀ ﺑﻴﺼﺒﻲ ﻳﺸﻮﻓﻬﺎ ﺭﻥ ﻣﻮﺑﺎﻳﻠﻪ
ﺍﻣﺠﺪ .. ﺍﻳﻮﺍ ﻣﻨﻴﺮ
ﻣﻨﻴﺮ .. ﺻﺒﺎﺡ ﺍﻟﺨﻴﺮ
ﺍﻣﺠﺪ .. ﺻﺒﺎﺡ ﺍﻟﻨﻮﺭ ﺍﻧﻌﻢ
ﻣﻨﻴﺮ .. ﺍﻧﺰﻟﻲ ﻧﺒﻴﻚ ﻑ ﻣﻮﺿﻮﻉ
ﺍﻣﺠﺪ .. ﺧﻴﺮ ﺍﻥ ﺷﺎﺀ ﺍﻟﻠﻪ
ﻣﻨﻴﺮ .. ﺧﻴﺮ ﺧﻴﺮ ﻏﻴﺮ ﺍﻧﺰﻝ
ﺍﻣﺠﺪ .. ﺑﺎﻩ ﻧﺤﻦ ﺷﻮﻳﺎ ﻭﻧﺎﺯﻟﻴﻦ ﺍﺻﻼً ﻛﺎﻥ ﻫﺬﺍ ﺧﻠﻴﻬﺎ ﻭﻧﺤﻦ ﻣﺮﻭﺣﻴﻦ ﻣﻦ ﺟﺎﻣﻊ
ﻣﻨﻴﺮ .. ﺑﺎﻩ ﺣﺘﻰ ﻫﻜﻲ ﺭﺃﻯ
ﺍﻣﺠﺪ .. ﺗﻤﺎﻡ
ﺻﻜﺮ ﻭﻃﻠﻊ ﻳﺸﻮﻑ ﺧﺶ ﻟﻤﻄﺒﺦ ﻭﻫﻴﺎ ﺗﻐﻠﻒ ﻑ ﺳﻔﺮﻩ ﻛﺎﻧﺖ
ﺍﻣﺠﺪ .. ﺍﺍ ﺩﻭﺩﻱ ﻛﻤﻠﺘﻲ
ﺩﻧﻴﺎ ﺑﺮﻣﺖ ﻋﻠﻴﻪ .. ﺍﻫﺎ
ﺍﻣﺠﺪ .. ﻧﻨﺰﻟﻮ
ﺩﻧﻴﺎ .. ﻉ ﺭﺍﺣﺘﻚ
ﺍﻣﺠﺪ .. ﺑﺎﻩ ﻫﻴﺎ ﺗﻮﺍ ﻧﺰﻝ ﺍﻋﻠﻴﻮﻩ ﺍﻧﺎ
ﺩﻧﻴﺎ .. ﺑﺎﻩ
ﻃﻠﻌﺖ ﻗﺪﺍﻣﻪ ﻭﻫﻮ ﻧﺎﺯﻝ ﻭﺭﺍﻫﺎ "
" ﻭﻋﻴﺖ ﺑﺪﺭﻱ ﺧﺸﻴﺖ ﺩﻭﺷﺖ ﻭﻃﻠﻌﺖ ﻗﻤﻌﺰﺕ ﻉ ﺳﺮﻳﺮ ﻉ ﺍﺳﺎﺱ ﺑﻨﻮﻋﻲ ﺍﻳﻬﻢ ﺑﺤﺘﺖ ﻓﻴﻪ ﻛﺎﻥ ﻭﺍﺿﺢ ﻉ ﻣﻼﻣﺤﻪ ﺍﻟﺘﻌﺐ ﻻﻧﻪ ﺍﻣﺲ ﻗﺎﻝ ﺑﺮﻡ ﻭﺍﺟﺪ ﻗﻌﺪﺕ ﻧﺘﺎﻣﻞ ﻓﻴﻪ ﻛﻴﻒ ﺭﺍﻗﺪ ﻛﺎﻥ ﺭﺍﻗﺪ ﻉ ﺟﻨﺒﻪ ﻭﺍﻳﺪﻳﻪ ﻗﺪﺍﻣﻪ ﻭﺷﻌﺮﻩ ﺟﺎﻱ ﻉ ﺣﻮﺍﺟﺒﻪ ﻗﻌﺪﺕ ﻧﺤﻮﻟﻪ ﻓﻴﻪ ﺑﺸﻮﻳﺎ ﻭﺣﻄﻴﺖ ﺻﻮﺍﺑﻌﻲ ﻉ ﺣﻮﺍﺟﺒﻪ ﻭﻧﻤﺸﻲ ﻓﻴﻪ ﻛﺎﻧﻦ ﻋﺮﺿﻴﺎﺕ ﻭﺍﺟﺪ ﻭﻧﺰﻟﺖ ﻉ ﻋﻴﻮﻧﻪ ﺭﻣﻮﺷﻪ ﻛﺜﻴﻔﺎﺕ ﻭﺍﺟﺪ ﻭﺳﻮﺩ ﺣﻄﻴﺖ ﺻﻮﺍﺑﻌﻲ ﻉ ﺧﺪﻭﺩﻩ ﻭﻧﻤﺸﻲ ﻓﻴﻬﻦ ﺧﺸﻤﻪ ﻛﺎﻥ ﺻﻐﻴﺮ ﻭﺣﺎﺩ ﺣﻄﻴﺖ ﺍﻳﺪﻱ ﻉ ﻟﺤﻴﺘﻪ ﻟﻲ ﻛﺎﻥ ﻟﻮﻧﻬﺎ ﻣﻤﺰﻭﺝ ﺑﻜﺴﺘﻨﺎﺉ ﻭﺍﺳﻮﺩ ﻭﻗﻌﺪﺕ ﻧﻠﻌﺐ ﻉ ﻓﻤﻪ ﻭﺳﺎﺭﺣﻪ ﻓﻴﻪ ﻣﺶ ﻣﺼﺪﻗﻪ ﺍﻧﻪ ﺍﻟﻲ ﺍﻣﺲ ﻧﻔﺴﻪ ﺍﻳﻬﻢ ﺍﻟﻲ ﻑ ﺑﺪﺍﻳﻪ ﺟﻮﺍﺯﻧﺎ ﺻﺎﺡ ﻛﺎﻥ ﻋﺎﺩﻱ ﻣﺶ ﺳﺊ ﺑﺲ ﺗﻮﺍ ﻏﻴﺮ ﺍﻧﺴﺎﻥ ﻳﻬﺒﻞ ﻗﺪ ﻣﺎﻧﻘﻮﻝ ﻳﻬﺒﻞ ﺷﻮﻳﺎ ﻓﻴﻪ ﻳﺴﺤﺮ ﺧﻼﻧﻲ ﻑ ﺍﺳﺒﻮﻋﻴﻦ ﻧﻘﻌﺪ ﻣﺘﻴﻤﻪ ﻓﻴﻪ ﻭﻣﺶ ﻣﺘﺤﻤﻠﻪ ﻓﻴﻪ ﺷﻲ ﻭﻣﺘﻤﻨﻴﻪ ﺍﻧﻲ ﻋﺮﻓﺘﻪ ﻣﻦ ﺳﻨﻴﻦ
ﻛﻨﺖ ﻣﺒﺘﺴﻤﻪ ﻭﻧﻠﻌﺐ ﻑ ﻓﻤﻪ ﻭﺳﺎﺭﺣﻪ ﻟﻴﻦ ﻋﻀﻨﻲ ﺍﻳﻬﻢ ﻑ ﺻﺒﻌﻲ
ﺍﻧﺎ ﻧﻔﺠﻌﺖ .. ﺍﺍﺍﺍ ﺻﺒﻌﻲ
ﺍﻳﻬﻢ ﺑﺼﻮﺕ ﻓﻴﻪ ﺑﺤﻪ .. ﻑ ﺷﻨﻮ ﺗﻔﻜﺮﻱ ﺳﺎﺭﺣﻪ ﻣﻦ ﻧﺒﺪﺭﻱ
ﺍﻧﺎ ﺍﺑﺘﺴﻤﺖ .. ﺻﺒﺎﺡ ﺍﻟﻌﺴﻞ
ﺍﻳﻬﻢ ﻧﺎﺽ ﻣﻦ ﻉ ﻣﺨﺪﻩ ﻭﻗﻌﺪ ﻳﻄﺮﺑﻖ ﻑ ﺭﻗﺒﺘﻪ .. ﺻﺒﺎﺡ ﺍﻟﺤﺐ
ﺍﻧﺎ .. ﻛﻨﺖ ﺑﻨﻮﺿﻚ ﺑﺲ ﻣﺎﻫﻨﺘﺶ ﻋﻠﻴﺎ ﺣﺴﻴﺘﻚ ﺗﺒﻲ ﺭﺍﺣﻪ
ﺍﻳﻬﻢ ﻣﺴﻚ ﺍﻳﺪﻱ ﻭﻛﺮﻧﻲ ﺗﻼﻩ .. ﺍﻫﺎ ﻭﺍﻟﻠﻪ ﻣﻦ ﺭﻗﺪﺕ ﻣﻌﺶ ﺣﺴﻴﺖ ﺑﺸﻲ
ﺑﺎﺳﻨﻲ ﻉ ﺧﺪﻱ
ﺍﻧﺎ .. ﺑﺎﻩ ﺧﻼﺹ ﻧﻮﺽ ﺩﻭﺵ ﻭﺗﻌﺎﻝ ﺑﻴﺶ ﻧﻔﻄﺮﻭ ﻭﻧﻨﺰﻟﻮ
ﺍﻳﻬﻢ .. ﺑﺎﻫﻲ ﻣﺶ ﻣﻄﻮﻝ
ﺍﻧﺎ .. ﻳﺎﺭﻳﺖ ﺣﺒﻴﺒﻲ
ﺻﺒﻰ ﺧﺶ ﻳﺪﻭﺵ ﻭﺍﻧﺎ ﺗﻨﻬﺪﺕ ﺻﺒﻴﺖ ﻧﻠﺒﺲ ﻃﻠﻌﺖ ﺳﺮﻭﺍﻝ ﺟﻴﻨﺰ ﻭﺑﻠﻮﺯﻩ ﻗﺼﻴﺮﻩ ﺍﺯﺭﻕ ﻣﻠﻜﻲ ﻭﺷﺎﺡ ﺍﺻﻔﺮ ﻭﻛﻨﺪﺭﻩ ﻧﻔﺲ ﻟﻮﻥ
ﻣﺸﻴﺖ ﻟﻤﻄﺒﺦ ﻧﺪﻳﺮ ﻑ ﻓﻄﻮﺭ ﺳﻤﻌﺖ ﺻﻮﺕ ﻣﻮﺑﺎﻳﻠﻲ ﻳﺮﻥ ﻭﺻﻮﺕ ﻳﻘﺮﺏ ﺧﺶ ﻋﻠﻴﺎ ﺍﻳﻬﻢ ﻣﺎﺳﻚ ﺍﻟﻤﻮﺑﺎﻳﻞ ﻑ ﺍﻳﺪﻩ
ﺍﻧﺎ .. ﻣﻦ ﻳﺮﻥ
ﺍﻳﻬﻢ .. ﺭﻗﻢ
ﺍﻧﺎ .. ﻭ ﺑﺎﻩ ﺭﺩ
ﺍﻳﻬﻢ .. ﻣﺎﺗﻌﺮﻓﻴﺶ ﻳﻌﻨﻲ
ﺍﻧﺎ .. ﺍﻛﻴﺪﻩ ﻻ ﻋﻠﻴﺶ ﺗﺴﺎﻝ
ﺍﻳﻬﻢ .. ﺩﺍﺯ ﻣﺴﺞ
ﺍﻧﺎ .. ﺍﻛﻴﺪﻩ ﺣﺪ ﻳﻌﺮﻓﻨﻲ
ﺭﺩ ﺍﻳﻬﻢ
ﺍﻳﻬﻢ .. ﺍﻳﻮﺍﺍ
ﺍﻟﺮﻗﻢ .. ﺍﻟﻮ ﻣﻴﺲ
ﺍﻳﻬﻢ ﻓﻨﺺ ﻓﻴﺎ ﻭﻣﺪﻟﻲ ﺍﻟﻤﻮﺑﺎﻳﻞ ...
" ﻳﺘﺒﻊ "..
ﺭﺍﻳﻜﻦ ﻑ ﺍﻟﺤﻠﻘﻪ ﻫﻴﺎ ﺗﻮﻗﻌﺎﺗﻜﻦ ﻟﺤﻠﻘﺎﺕ ﺍﻟﺠﺎﻳﺎ ﻧﺒﻲ ﻛﻼﻡ ﺣﻠﻮ ﻭﻃﻮﻳﻞ ﺗﻔﺎﻋﻠﻦ ﻳﺎﺑﻨﺎﺕ
Anosha Alriany
