#ﻋﻜﺲ_ﺍﻟﺘﻴﺎﺭ
ﺣﻠﻘﻪ 21
" ﻋﺪﺍ ﻣﻨﻴﺮ ﻳﺠﺮﻱ ﻭﺍﻟﻲ ﻑ ﺍﻳﺪﻩ ﺣﺎﺟﻪ ﻃﻠﻘﻬﺎ ﻭﻣﺸﺎﺀ ﻳﺠﺮﻱ ﻭﺭﺍﺀ ﻣﻨﻴﺮ
ﻣﻨﻴﺮ .. ﻣﺮﺭﺭﺭﻳﻢ
ﻣﺮﻳﻢ ﻛﺎﻧﺖ ﻃﺎﻳﺤﺎﺕ ﺗﻼﻫﺎ ﺻﻮﺍﻧﻲ ﻭﻫﻴﺎ ﻣﻘﻤﻌﺰﻩ ﻣﺎﺳﻜﻪ ﺭﺍﺳﻬﺎ ﻭﺗﻼﻫﺎ ﺭﺗﺎﺝ
ﻣﻨﻴﺮ .. ﻛﻨﻚ
ﺭﺗﺎﺝ .. ﻛﺎﻧﺖ ﻑ ﻗﻄﻮﺳﻪ ﻓﻮﻕ ﺍﺩﺭﺍﺝ ﻭﻣﺮﻳﻢ ﺧﺎﻓﺖ ﻭﻃﻴﺤﺖ ﺻﻮﺍﻧﻲ ﻭﺧﻮﻓﺘﻨﻲ ﻣﻌﺎﻫﺎ
ﻣﺤﻤﺪ .. ﻋﻨﺠﺪ ﻭﺟﻚ ﻳﺎﻓﺮﺧﻪ ﺧﻮﻓﺘﻲ ﺍﻣﻨﺎ ﺍﺯﻑ
ﻣﻨﻴﺮ ﻣﺼﺒﻲ ﺗﻼﻫﺎ .. ﺗﺤﺴﻲ ﻑ ﺣﺎﺟﻪ ﻛﻨﻚ ﺳﺎﻛﺘﻪ
ﻣﺮﻳﻢ .. ﺧﻮﻓﺘﻨﻲ ﺑﺲ ﺍﻧﺎ ﻣﺎﻧﺤﺒﻬﻨﺶ
ﺍﻧﺎ ﻛﻨﺖ ﺗﻼ ﺍﻳﻬﻢ ﻭﺑﺤﺘﺖ ﻟﻘﻴﺖ ﻗﻄﻮﺳﻪ ﺻﻐﻴﺮﻩ ﺑﻜﻞ ﻭﻣﻨﻀﺮﻫﺎ ﻳﻬﺒﻞ ﻟﻮﻧﻬﺎ ﺍﺑﻴﺾ ﻣﺸﻴﺖ ﻣﺴﻜﺘﻬﺎ
ﺍﻧﺎ .. ﺍﻳﻬﻢ ﺑﺤﺖ ﺗﻬﺒﺒﻞ ﻧﺒﻴﻬﺎ ﻧﺒﻴﻬﺎ ﻣﺶ ﺷﻮﺭﻱ
ﺍﻣﺠﺪ ﻳﻀﺤﻚ .. ﺷﻦ ﺗﺒﻲ ﻓﻴﻬﺎ ﺭﺍﻩ ﺗﻘﻌﺪ ﻣﻨﺠﺮﺑﻪ
ﺍﻧﺎ .. ﻻﻻ ﺑﺤﺘﻠﻬﺎ ﺍﺟﻨﺒﻴﻪ
ﺍﻳﻬﻢ ﻳﻀﺤﻚ .. ﺍﺟﻨﺒﻴﻪ ﻗﺘﻴﻠﻲ
ﺍﻧﺎ .. ﻧﺒﻴﻬﺎ ﻣﺎﺩﺧﻠﻨﻴﺶ
ﺳﻠﻴﻤﻪ .. ﺳﻴﺒﻴﻬﺎ ﻳﺎﺑﻨﻴﻪ ﺭﺍﻩ ﺗﻘﻌﺪ ﻓﻴﻬﺎ ﺣﺎﺟﻪ ﻭﺍﻧﺘﻲ ﺣﺎﻣﻞ
ﺣﺴﻴﺖ ﻭﺟﻲ ﻧﺤﻤﺮ ﻭﺑﺤﺘﺖ ﻑ ﺍﻳﻬﻢ ﺍﻟﻲ ﻣﺎﺳﻚ ﺿﺤﻜﺘﻪ ﻣﺴﻚ ﺍﻳﺪﻳﺎ
ﺍﻳﻬﻢ .. ﺧﻼﺹ ﺣﻄﻴﻬﺎ
ﺍﻧﺎ ﺑﺤﺘﺖ ﻓﻴﻪ ﻭﻣﺪﻳﺖ ﻓﻤﻲ .. ﺣﺒﻴﺒﻲ
ﺍﻳﻬﻢ ﻳﻔﻨﺺ ﻭﻣﺎﺳﻚ ﺿﺤﻜﺘﻪ .. ﻣﻴﺴﺲ ﺧﻼﺹ ﻛﻠﻤﻪ
ﺣﻄﻴﺘﻬﺎ ﻭﻛﺸﺨﺖ ﻭﻣﺸﻴﺖ ﻭﺳﻴﺒﺘﻪ
ﺗﺴﻨﻴﻢ .. ﺧﻼﺹ ﺧﻠﻴﻬﺎ ﺗﺄﺧﺬﻫﺎ ﺯﻋﻠﺖ ﺗﻮﺍ
ﺳﻠﻴﻤﻪ .. ﻋﻄﻴﻬﺎ ﻟﻬﺎ ﻭﺑﻜﺮﺍ ﺷﻴﻠﻬﺎ ﺩﻛﺘﻮﺭ
ﺍﻳﻬﻢ .. ﻋﻠﻴﻚ ﺳﺮﻳﺐ ﻭﺧﻼﺹ
ﺑﺮﻡ ﺑﻴﻤﺴﻚ ﺍﻟﻘﻄﻮﺳﻪ ﻣﺎﻟﻘﻬﺶ
ﺍﻳﻬﻢ .. ﻭﻳﻨﻬﺎ ﻫﺬﻱ ﺗﻮﺍ
ﺑﺸﺮﻯ .. ﻣﺸﺖ ﻟﻤﻴﺲ ﺗﻠﺤﻖ ﻓﻴﻬﺎ
ﺩﻧﻴﺎ .. ﻛﺒﺪﻥ ﻉ ﺑﻌﻀﻬﻦ
ﺟﺎﻧﻲ ﺍﻳﻬﻢ ﻭﺍﻧﺎ ﻛﻨﺖ ﻣﻘﻤﻌﺰﻩ ﻉ ﻣﺎﺩﻩ ﺍﻟﺰﺭﻉ ﻭﻫﻴﺎ ﺗﻼﻳﺎ ﻧﻠﻌﺐ ﻓﻴﻬﺎ ﺑﻌﺪ ﺟﺎﺀ ﺍﻳﻬﻢ ﻛﺸﺨﺖ
ﺍﻳﻬﻢ .. ﺟﺒﺘﻴﻬﺎ ﻣﻌﺎﻙ ﺻﻜﺮﺗﻲ ﺭﺍﺳﻚ
ﺍﻧﺎ .. ﺟﺖ ﺑﺮﻭﺣﻬﺎ ﺍﻧﺎ ﻣﺎﺟﺒﺘﻬﺶ
ﺍﻳﻬﻢ ﺭﻓﻊ ﺣﺎﺟﺒﻪ ﻭﻗﻤﻌﺰ ﺗﻼﻳﺎ .. ﺣﺒﻴﺒﺘﻲ ﺍﻟﺒﻴﺒﻲ ﺯﻋﻠﺖ
ﺍﻧﺎ .. ﺗﺄ ﺍﻳﻬﻢ ﺣﻮﻝ ﺧﻼﺹ ﻣﺎﺯﻋﻠﺘﺶ
ﺍﻳﻬﻢ .. ﺧﻼﺹ ﺻﺒﻲ ﻣﻌﺎﻳﺎ ﻛﻠﻬﻢ ﻳﺒﺤﺘﻮ ﻓﻴﻨﺎ ﻳﺤﺴﺎﺑﻮﻧﺎ ﻣﺴﻠﺴﻞ ﺗﺮﻛﻲ ﻭﺑﻨﺪﻳﺮﻭ ﻟﻘﻄﺎﺕ
ﺍﻧﺎ .. ﻫﻬﻬﻬﻬﻬﻪ ﺣﻮﻝ ﻋﻠﻴﻚ ﺳﻤﺎﻃﻪ ﻓﻴﻚ ﻛﻠﻪ ﺍﻧﺖ
ﺍﻳﻬﻢ ﺍﺑﺘﺴﻢ ﻭﺑﺼﻮﺕ ﻫﺎﺩﻱ .. ﺍﻧﺤﺒﻚ
ﺍﻧﺎ ﺍﺑﺘﺴﻤﺖ ﻭﺣﻄﻴﺖ ﺍﻳﺪﻱ ﻉ ﻛﺮﺍﻋﻪ ﻭﻫﻮ ﻣﺴﻜﻬﺎ .. ﻭﺍﻧﺎ ﻧﺤﺒﻚ ﺗﻌﺎﻝ ﻧﺼﺒﻮ ﻫﻴﺎ
ﺍﻳﻬﻢ .. ﺑﻜﺮﺍ ﺗﻮﺍ ﻧﺸﻴﻠﻬﺎ ﻟﺪﻛﺘﻮﺭ ﻭﻧﺠﻴﺒﻬﺎ ﻟﻜﻲ ﺗﻤﺎﻡ
ﺍﻧﺎ ﺿﺤﻜﺖ .. ﺟﺪﺩﺩﺩﺩ
ﺍﻳﻬﻢ .. ﻫﻬﻬﻪ ﺍﻫﺎ ﺟﺪ ﺍﻣﺸﻲ ﺍﻏﺴﻠﻲ ﺍﻳﺪﻳﻚ ﻣﺮﺍﺕ ﻓﻴﻬﺎ ﺣﺎﺟﻪ
ﺍﻧﺎ .. ﺑﺎﻩ
ﺧﺸﻴﺖ ﺟﻮﺍ ﻟﺤﻮﺵ ﻭﺍﻳﻬﻢ ﻋﺪﺍ ﻟﺸﺒﺎﺏ
ﺧﺸﻴﺖ ﻟﻘﻴﺖ ﺩﻧﻴﺎ ﺗﻮﻛﻞ ﻑ ﺍﻋﻠﻴﻮﻩ ﻭﺗﺴﻨﻴﻢ ﺗﻐﺴﻞ ﻑ ﺧﻀﺮﺍ
ﺩﻧﻴﺎ ﺍﺑﺘﺴﻤﺖ .. ﺭﺿﺎﻛﻲ
ﺍﻧﺎ ﺍﺑﺘﺴﻤﺖ .. ﺍﻫﺎ ﻗﺎﻟﻲ ﺑﻜﺮﺍ ﻧﺠﻴﺒﻬﺎ ﻟﻜﻲ
ﺗﺴﻨﻴﻢ .. ﺷﻦ ﺗﺒﻲ ﻑ ﻭﺟﻴﺠﻬﺎ ﺑﺲ
ﺍﻧﺎ .. ﻭﺍﻟﻠﻪ ﺳﻤﺤﻪ ﻭﺻﻐﻴﺮﻩ
ﺗﺴﻨﻴﻢ .. ﺷﻦ ﺗﺒﻲ ﺗﺴﻤﻴﻬﺎ
ﺍﻧﺎ .. ﻣﺶ ﻋﺎﺭﻓﻪ ﺑﻜﺮﺍ ﻧﻔﻜﺮ
ﺩﻧﻴﺎ .. ﺑﺪﻻ ﻣﺎ ﺗﻔﻜﺮﻱ ﻑ ﺍﺳﻢ ﺑﻨﺘﻚ ﻭﻻ ﻭﻟﺪﻙ ﺍﻟﻲ ﺟﺎﻱ
ﺍﻧﺎ ﺿﺤﻜﺖ .. ﻋﺎﺩﻱ ﻧﻔﻜﺮ ﻑ ﺍﻻﺛﻨﻴﻦ ﺳﺎﻫﻼ
ﺗﺴﻨﻴﻢ .. ﺩﻧﻴﺎ ﻧﺤﻦ ﻃﺎﻟﻌﻴﻦ ﻛﻤﻠﻲ ﻭﺍﻟﺤﻘﻴﻨﻪ
ﺩﻧﻴﺎ .. ﺑﺎﻩ ﺧﻼﺹ ﻗﺮﻳﺐ ﻳﻜﻤﻞ ﺍﺻﻼً
ﻃﻠﻌﻨﺎ ﺗﻼﻫﻢ
ﺭﺣﻤﻪ .. ﻭﺣﺪﻩ ﻣﻨﻜﻦ ﺗﻘﺮﺽ ﺍﻟﺨﻀﺮﺍ
ﺍﻧﺎ .. ﻫﺎﺗﻲ ﺗﻮﺍ ﻧﺪﻳﺮﻫﻦ ﺍﻧﺎ
ﺭﺣﻤﻪ .. ﻳﺒﻮﻫﻦ ﻟﺴﻼﻃﻪ ﺍﻟﻤﺸﻮﻳﻪ ﺭﺍﻩ ﺍﻓﻄﻨﻲ
ﺍﻧﺎ .. ﺍﻫﺎ ﺑﺎﻩ ﺳﺎﻫﻼ ﻭﻳﻦ ﻣﺮﻳﻢ
ﺭﺣﻤﻪ .. ﺧﺸﺖ ﺑﺘﺮﻳﺢ ﻗﺎﻟﺖ ﻧﻔﺠﻌﺖ
ﺍﻧﺎ .. ﻭﺍﻋﺮﻩ ﺍﻟﻔﺠﻌﻪ ﺭﺍﻩ
ﺭﺣﻤﻪ .. ﻳﻴﻲ ﻣﺶ ﻏﻴﺮ ﻭﺍﻋﺮﻩ
ﺧﺬﻳﺖ ﺧﻀﺮﺍ ﻭﻣﺎﺷﻴﺎ ﺷﻮﺭ ﺍﻣﺠﺪ
ﺍﻧﺎ .. ﺍﻫﻦ ﺍﻟﺨﻀﺮﺍ ﺍﻣﺘﺎﻉ ﺳﻼﻃﻪ ﺍﻟﻤﺸﻮﻳﻪ
ﺍﻣﺠﺪ .. ﻣﻨﻮﺭﻩ ﺳﻠﻢ ﺍﻳﺪﻳﻚ
ﺍﻧﺎ .. ﺳﻠﻤﻚ ﺗﺒﻲ ﺣﺎﺟﻪ ﺍﺧﺮﻯ
ﺍﻣﺠﺪ .. ﻻ ﻻ ﺩﻧﻴﺎ ﻭﻳﻦ
ﺍﻧﺎ .. ﺗﺮﻗﺪ ﻑ ﺍﻋﻠﻴﻮﻩ ﺟﻮﺍ
ﻣﺸﻴﺖ ﺗﻼ ﺍﻟﺒﻨﺎﺕ
ﺑﺸﺮﻯ .. ﺧﻼﺹ ﻣﺮﻳﻢ ﻋﺎﺩ ﺯﺑﺪﻩ ﻣﺎ ﺻﺪﻗﺖ
ﺳﻠﻴﻤﻪ .. ﺧﻠﻴﻬﺎ ﻣﺎﻟﻚ ﻭﻣﺎﻟﻬﺎ ﺑﻌﺪ ﻧﻜﻤﻠﻮ ﻭﺑﻨﺎﻛﻠﻮ ﺗﻮﺍ ﻧﻜﻠﻤﻮﻫﺎ
ﺭﺣﻤﻪ .. ﻣﻌﺮﻭﻓﻪ ﻣﺮﻳﻢ ﻣﺘﺤﻤﻠﺶ ﺩﻳﻤﺎ ﻫﻚ ﻣﻦ ﻫﻴﺎ ﻭﺻﻐﻴﺮﻩ
ﺳﻠﻴﻤﻪ .. ﻟﻘﻴﺘﻦ ﻉ ﺷﻨﻮ ﺗﻜﺴﺪﻥ ﺗﻮﺍ ﺍﻧﺘﻦ ﺧﻠﻨﻬﺎ
ﺑﺸﺮﻯ ﺗﻀﺤﻚ .. ﺍﻗﺴﻤﻲ ﻋﻠﻴﻨﺎ ﻣﻦ ﺣﺐ ﻣﺮﻳﻢ ﻳﺎﺍﻋﻤﻴﻤﻪ
ﺳﻠﻴﻤﻪ .. ﺭﻳﺘﻮ ﺷﻨﻮ ﺗﻘﻮﻝ ﻫﺎﻟﻤﻔﺼﻮﻋﻪ
ﺗﺴﻨﻴﻢ .. ﻣﻌﺎﻫﺎ ﺍﻟﺤﻖ ﺷﻮﻓﻲ ﻛﻴﻒ ﺩﺍﻓﻌﻲ ﻋﻠﻴﻬﺎ ﻋﺎﺩ
ﺍﻧﺎ .. ﻣﺮﻳﻢ ﺗﻨﺤﺐ ﻋﺎﺩ ﻭﺍﻧﺘﻦ ﻣﺮﻛﺒﺎﺕ ﻋﻠﻴﻬﺎ ﺍﻛﻴﺪﻩ ﺑﺘﻨﻔﺠﻊ
ﺭﺣﻤﻪ .. ﺯﺑﻴﺪﻩ ﻛﻴﻔﻚ ﻛﻴﻔﻬﺎ ﺗﺘﻔﻘﻦ
ﺍﻧﺎ ﺍﺑﺘﺴﻤﺖ .. ﻛﻨﻚ ﻳﺎﺭﺣﻤﻪ ﻣﻌﺎﻳﺎ
ﺳﻠﻴﻤﻪ .. ﻛﻨﻚ ﻣﻌﺎﻫﺎ ﺻﺎﺡ ﺧﻠﻴﻬﺎ ﻣﺎﺗﺰﻋﻠﻮﻫﺶ ﺣﺎﻣﻞ ﺣﺘﻰ ﺍﻧﺖ ﻳﺎﺍﻳﻬﻢ ﻣﺶ ﻣﺴﺎﻣﺤﺘﻚ
ﺍﻳﻬﻢ ﻧﻔﺠﻊ .. ﻛﻨﻲ ﺷﻦ ﺩﺭﺕ ﺍﻧﺎ
ﺳﻠﻴﻤﻪ .. ﻛﺎﻥ ﺯﻋﻠﺖ ﻣﻴﺲ ﺗﻮﺍ
ﺍﻳﻬﻢ ﺻﺒﻰ ﻭﺟﺎﺀ ﺷﻮﺭﻧﺎ .. ﺍﻭﻭﻭ ﻣﻴﺲ ﺧﺬﺕ ﻣﻜﺎﻧﻲ ﺷﻤﻌﻨﻰ ﻳﺎﻋﺰﻳﺰ
ﺳﻠﻴﻤﻪ .. ﻣﺎﺗﺰﻋﻠﻬﺶ ﻭﺧﻼﺹ
ﺑﺤﺘﺖ ﻓﻴﻪ ﻭﺭﻗﺼﺘﻠﻪ ﺣﻮﺍﺟﺒﻲ ﻭﻫﻮ ﻏﻤﺰﻟﻲ
ﺍﻳﻬﻢ .. ﻭﻛﺎﻥ ﺯﻋﻠﺘﻨﻲ ﻫﻴﺎ
ﺳﻠﻴﻤﻪ .. ﻻ ﻻ ﻣﻴﺲ ﻣﺎﺍﺩﻳﺮﻫﺶ
ﺍﻳﻬﻢ .. ﺷﻦ ﻋﺮﻓﻚ ﻳﺎﺍﻣﻲ
ﺭﺣﻤﻪ .. ﻓﻮﺗﻲ ﻳﺎﻣﺎﻣﺎ ﻫﺬﺍ ﻣﻜﺴﺪ ﻋﻠﻴﻚ ﺭﺍﻩ
ﺳﻠﻴﻤﻪ .. ﻫﻴﻴﻲ ﻋﺎﺭﻓﺘﻪ ﻃﺮﻭﺣﻚ ﻣﺶ ﻋﻠﻴﺎ
ﺍﻳﻬﻢ ﻳﻀﺤﻚ .. ﺑﺎﻫﻲ ﺑﺎﻩ ﻳﺎﺍﻣﻲ
ﻣﺤﻤﺪ .. ﺗﻌﺎﻝ ﺍﻧﺖ
ﺍﻳﻬﻢ .. ﺑﺎﻩ ﺟﻴﺖ ﻭﻳﻦ ﻣﻨﻴﺮ
ﺗﺴﻨﻴﻢ ﻏﻤﺰﺕ ﻟﻲ ﺍﻳﻬﻢ .. ﻣﺘﻀﺎﻣﻦ ﻣﻊ ﻣﺮﻳﻢ ﺣﺘﻰ ﻫﻮ
ﺍﻳﻬﻢ ﺿﺤﻚ ﻭﻫﺰ ﺭﺍﺳﻪ "
" ﻣﺼﺒﻲ ﻋﻨﺪ ﺷﺠﺮ ﻭﻳﺮﻥ ﻉ ﻣﺮﻳﻢ
ﻣﺮﻳﻢ ﻛﺎﻧﺖ ﺭﺍﻗﺪﻩ ﻉ ﺳﺮﻳﺮ ﻭﻣﻮﺑﺎﻳﻞ ﺗﻼﻫﺎ ﺣﻄﺖ ﺍﻳﺪﻫﺎ ﻉ ﻛﻮﻣﺪﻳﻨﺎ ﻭﺭﻓﻌﺖ ﺭﻭﺣﻬﺎ
ﻣﺮﻳﻢ .. ﺍﺣﻢ ﺍﺣﻢ ﻧﻌﻢ
ﻣﻨﻴﺮ .. ﻭﻳﻨﻚ ﺍﺧﺘﻔﻴﺘﻲ
ﻣﺮﻳﻢ .. ﺗﻌﺒﺎﻧﻪ ﻭﻣﻌﺶ ﻋﻨﺪﻱ ﻧﻴﻪ ﻧﻨﺰﻝ
ﻣﻨﻴﺮ .. ﻏﻴﺮ ﻧﺰﻟﻲ ﺗﻌﺎﻟﻲ
ﻣﺮﻳﻢ .. ﻭﺍﻟﻠﻪ ﻣﺎﻋﻨﺪﻱ ﻧﻴﻪ ﺧﻼﺹ
ﻣﻨﻴﺮ .. ﺑﺎﻫﻲ ﺗﻌﺎﻟﻲ ﺗﻼ ﺷﺠﺮ ﻧﺸﻮﻓﻚ ﻧﻄﻤﻦ ﻋﻠﻴﻚ
ﻣﺮﻳﻢ ﺳﻜﺘﺖ ﺷﻮﻳﺎ
ﻣﻨﻴﺮ ﺑﺼﻮﺕ ﻫﺎﺩﻱ .. ﻉ ﺷﺎﻥ ﺧﺎﻃﺮﻱ
ﻣﺮﻳﻢ ﺍﺑﺘﺴﻤﺖ .. ﺑﺎﻩ ﺗﻮﺍ ﻧﻨﺰﻝ ﻫﻴﺎ
ﻧﺰﻟﺖ ﺗﺠﺮﻱ ﺑﻌﺪ ﺟﺖ ﺑﺘﻔﺘﺢ ﺑﺎﺏ ﺷﺎﻓﺖ ﺍﻣﺠﺪ ﻣﻘﺎﺑﻼﻫﺎ ﺍﺫﻛﺮﺕ ﺑﺎﺏ ﺍﻟﻲ ﻳﻔﺘﺢ ﻉ ﻣﺨﺰﻥ ﻣﺸﺖ ﺗﺠﺮﻱ ﻓﺘﺤﺎﺗﻪ ﻭﺧﺸﺖ ﻟﻠﻤﺨﺰﻥ
ﻣﺮﻳﻢ .. ﻣﺨﺰﻥ ﺍﻟﻨﺤﺲ ﺧﺮﺑﺖ ﻋﻠﻴﺎ ﻭﻧﻜﺪﺕ ﻋﻠﻴﺎ
ﻓﺘﺤﺖ ﺑﺎﺏ ﻣﺨﺰﻥ ﺑﺸﻮﻳﺎ ﻭﺟﺖ ﻋﻨﺪ ﻣﻨﻴﺮ ﺍﻟﻲ ﻛﺎﻥ ﺑﺎﺭﻡ ﻳﺮﺍﺟﻲ ﻑ ﻣﺮﻳﻢ ﻉ ﺳﺎﺱ ﺗﺒﻲ ﺗﺠﻲ ﻣﻘﺎﺑﻼﺗﻪ ﺭﻓﻌﺖ ﺭﻭﺣﻬﺎ ﻭﺣﻄﺖ ﺍﻳﺪﻳﻬﺎ ﻉ ﻋﻴﻮﻧﻪ
ﻣﻨﻴﺮ ﺍﺑﺘﺴﻢ ﻭﺣﻂ ﺍﻳﺪﻳﻪ ﻉ ﺍﻳﺪﻳﻬﺎ .. ﻣﻦ ﻭﻳﻦ ﺟﻴﺘﻲ ﺍﻧﺘﻲ
ﻣﺮﻳﻢ .. ﺍﻣﻤﻢ ﺍﻧﺎ ﺍﻟﻌﺼﻔﻮﺭﻩ ﻣﺶ ﻣﺮﻳﻢ
ﻣﻨﻴﺮ ﺿﺤﻚ .. ﺑﺎﻩ ﻳﺎﻋﺼﻔﻮﺭﺗﻲ ﺍﻧﺘﻲ ﻭﻳﻦ ﻣﺮﻳﻢ
ﻣﺮﻳﻢ ﺍﺑﺘﺴﻤﺖ .. ﺯﻋﻼﻧﻪ ﻣﺮﻳﻢ
ﺣﻮﻝ ﺍﻳﺪﻳﻬﺎ ﻭﻧﺰﻟﻦ ﺍﻳﺪﻳﻬﺎ ﻋﻨﺪ ﻓﻤﻪ ﻗﻌﺪ ﻳﺸﻢ ﻑ ﺭﻳﺤﺘﻬﻦ ﻭﻣﻐﻤﺾ ﻋﻴﻮﻧﻪ ﺣﻮﻝ ﺍﻳﺪﻳﻬﺎ ﻭﺑﺮﻡ
ﻣﻨﻴﺮ .. ﻛﻨﻬﺎ ﺯﻋﻼﻧﻪ ﻣﺮﻳﻢ
ﻣﺮﻳﻢ ﻫﺰﺕ ﻛﺘﻮﻓﻬﺎ ﻭﺩﺭﺍﺕ ﺣﺮﻛﻪ ﺑﻔﻤﻬﺎ ﺑﻤﻌﻨﻰ ﻣﺶ ﻋﺎﺭﻓﻪ
ﻣﻨﻴﺮ ﺿﺤﻚ .. ﻣﺸﻌﺎﺭﻓﻪ ﺻﺎﺭ ﺑﺎﻩ ﺑﺎﻫﻲ ﺗﻌﺎﻟﻲ ﻗﻤﻌﺰﻱ
ﻣﺮﻳﻢ .. ﻻ ﻣﺎﻧﺒﻴﺶ ﻧﻘﻤﻌﺰ ﻣﺨﺰﻥ ﺍﻟﻨﺤﺲ ﻫﺬﺍ ﻣﻊ ﺍﻧﻲ ﺟﻴﺖ ﻣﻨﻪ ﺗﻮﺍ
ﻣﻨﻴﺮ .. ﺍﻧﺘﻲ ﺧﻮﺍﻓﻪ ﺑﺲ ﻗﻄﻮﺳﻪ ﻫﻴﺎ ﻭﺻﻐﻴﺮﻩ
ﻣﺮﻳﻢ ﻛﺸﺨﺖ .. ﺍﻥ ﺷﺎﺀ ﺍﻟﻠﻪ ﺗﻤﻮﺕ ﺧﻮﻓﺘﻨﻲ
ﻣﻨﻴﺮ ﻳﻀﺤﻚ .. ﺣﻲ ﻋﻠﻴﻚ ﻣﻦ ﻣﻴﺲ ﺧﺬﺗﻬﺎ
ﻣﺮﻳﻢ .. ﺟﺪﻳﺎﺕ ﻣﺎﺗﺨﺎﻓﺶ ﻣﻨﻬﻦ
ﻣﻨﻴﺮ .. ﻻﻻ ﻣﺴﻜﺘﻬﺎ ﻑ ﺍﻳﺪﻳﻬﺎ ﺃﺧﺮﻯ ﻭﺯﻋﻠﺖ ﺑﻌﺪ ﺍﻳﻬﻢ ﻗﺎﻝ ﻻ
ﻣﺮﻳﻢ .. ﻳﻴﻲ ﻣﻌﺶ ﻧﺨﺶ ﺣﻮﺷﻜﻢ ﺍﻛﻴﺪﻩ ﺣﺘﻨﺰﻝ
ﻣﻨﻴﺮ ﺍﺑﺘﺴﻢ .. ﺍﻟﻲ ﻳﺴﻤﻌﻚ ﻳﻘﻮﻝ ﻛﻠﺐ
ﻣﺮﻳﻢ .. ﺍﻧﺎ ﻫﻜﻲ ﻣﺎﻧﺤﺒﻬﻨﺶ ﺍﻟﺤﻴﻮﺍﻧﺎﺕ ﺳﻮﺍﺀ ﻟﻄﻴﻒ ﻭﻻ ﻻ
ﻣﻨﻴﺮ .. ﺑﺎﻫﻲ ﺗﻌﺎﻟﻲ ﻣﻌﺎﻳﺎ ﻫﻴﺎ ﺍﻗﻌﺪﻱ ﻣﻌﺎﻧﺎ
ﻣﺮﻳﻢ .. ﻣﻌﺶ ﻋﻨﺪﻱ ﻧﻴﻪ
ﻣﻨﻴﺮ .. ﺟﻮ ﺑﻼﻙ ﺷﻴﻦ ﺗﻌﺎﻟﻲ ﻫﻴﺎ
ﻣﺮﻳﻢ ﺳﻜﺘﺖ
ﻣﻨﻴﺮ .. ﻫﻴﺎ ﻧﻌﺪﻱ ﺍﻧﺎ ﻭﻧﺮﺍﺟﻴﻚ ﻏﺎﺩﻱ
ﻣﺮﻳﻢ ﺍﺑﺘﺴﻤﺖ .. ﺑﺎﻫﻲ ﺗﻮﺍ ﻧﺠﻲ ﻋﺪﻱ ﺧﻼﺹ
ﻣﻨﻴﺮ .. ﻳﻨﻌﻠﻴﺎ ﻋﺴﻞ
ﻣﺮﻳﻢ ﺗﺤﺸﻤﺖ ﻭﻓﻨﺼﺖ ﻋﻴﻮﻧﻬﺎ .. ﻣﻨﻴﺮﺭﺭ ﻋﺪﻱ ﺧﻼﺹ
ﻣﻨﻴﺮ ﺗﻨﻬﺪ .. ﺑﺎﻩ
ﻋﺪﺍ ﺷﻮﺭ ﺷﺒﺎﺏ ﻭﻫﻴﺎ ﺭﻛﺒﺖ ﻟﺤﻮﺷﻬﻢ ﻭﻧﺰﻟﺖ
ﺑﺸﺮﻯ .. ﺍﻫﻲ ﻧﺰﻟﺖ
ﻓﺎﻃﻤﻪ .. ﺗﻌﺎﻟﻲ ﻳﺎﻣﺮﻋﻮﺷﻪ
ﺍﻳﻬﻢ .. ﺍﻭﻭﻭ ﺍﻟﺨﻮﺍﻓﻪ ﺟﺖ
ﺍﻣﺠﺪ .. ﻭﻳﻦ ﻳﺎﻣﺮﻳﻢ ﺭﺗﺎﺝ ﺍﺭﺟﻞ ﻣﻨﻚ ﻃﻠﻌﺖ
ﻣﺮﻳﻢ ﻛﺸﺨﺖ ﻋﻠﻴﻬﻢ ﻭﺑﺤﺘﺖ ﻑ ﻣﻨﻴﺮ ﻭﻫﻮ ﻏﻤﺰﻟﻬﺎ ﺍﺑﺘﺴﻤﺖ
ﻣﺤﻤﺪ .. ﺍﻟﻠﻪ ﻉ ﺩﻟﻮﻋﻪ
ﺍﻳﻬﻢ ﻳﺮﻗﺺ ﻑ ﺣﻮﺍﺟﺒﻪ ﻭﺑﺤﺖ ﻑ ﻣﻨﻴﺮ .. ﻛﻴﻒ ﻳﺎﻣﻨﻴﺮ ﻏﺮﻳﺒﻪ ﺳﺎﻛﺖ ﻭﻣﺎﻧﺒﺸﺘﻬﺶ
ﻣﻨﻴﺮ .. ﻋﻠﻴﺶ ﻧﺒﻲ ﻧﺒﺎﺵ
ﻣﺤﻤﺪ .. ﺩﻳﻤﺎ ﻻﺑﺴﻬﺎ ﺍﺻﻼً ﺍﻧﺖ
ﻣﻨﻴﺮ .. ﻣﺎﻋﻨﺪﻳﺶ ﻧﻴﻪ ﺍﻟﻴﻮﻡ
ﻭﻃﻠﻊ ﺩﺧﺎﻧﻪ ﻳﺪﺧﻦ
ﻣﺤﻤﺪ .. ﺗﻲ ﻳﻨﻌﻠﻴﺎ ﻣﻦ ﺍﻟﻬﺎﺩﻱ ﺍﻧﺎ ﻭﻭﻭﻭﻭ
ﺍﻳﻬﻢ ﺑﺤﺖ ﻓﻴﺎ ﻭﺍﻧﺎ ﻧﻬﺪﺭﺯ .. ﻭﻭﻭﻭ ﻭﻭﻭﻭﻭ ﻋﻠﻴﺎ ﺍﻧﺎ ﻭﺧﻼﺹ
ﺍﻣﺠﺪ ﻓﻬﻢ ﻗﺼﺪ ﺍﻳﻬﻢ .. ﺍﺍﺍﺍﻩ ﻳﺎﺻﺎﻳﻊ ﺍﺻﺒﺮﻟﻚ ﻫﺎﻟﺪﻗﻴﻘﺘﻴﻦ
ﺳﻠﻴﻤﻪ .. ﺍﻳﻬﻢ ﻛﻨﻚ ﺗﻌﻴﻂ ﺳﻤﺎﻟﻠﻪ
ﺭﺣﻤﻪ .. ﺧﻠﻴﻪ ﻳﺎﻣﺎﻣﺎ ﻧﺎﻳﻀﻪ ﻋﻠﻴﻪ ﺣﺎﻟﺘﻪ ﺍﻳﺎﻡ ﺷﺒﺎﺏ
ﺍﻧﺎ ﻧﻀﺤﻚ ﻭﻧﺒﺤﺖ ﻓﻴﻪ
ﺍﻳﻬﻢ ﺭﻓﻊ ﺣﺎﺟﺒﻪ .. ﺗﻀﺤﻜﻲ ﻋﺎﺩ ﺍﻧﺘﻲ ﻋﺠﺒﺎﺗﻚ
ﺍﻧﺎ ﻃﻠﻌﺖ ﻟﺴﺎﻧﻲ ﻭﻫﺰﻳﺖ ﺭﺍﺳﻲ
ﺍﻳﻬﻢ ﻳﻀﺤﻚ .. ﻫﺒﻠﻪ ﺑﻌﺪﻳﻦ ﺍﻧﺖ ﻗﺘﻠﻲ ﺩﻗﻴﻘﺘﻴﻦ ﺗﻲ ﻗﺮﻳﺐ ﻳﺠﻲ ﺍﻟﺼﺒﺢ ﻭﺍﻧﺖ ﻣﺰﺍﻟﺖ ﻣﺎﻛﻤﻠﺖ ﺍﻣﻬﺎ ﻫﺎﻟﺸﻮﺍﻳﻪ
ﺍﻣﺠﺪ .. ﺑﺎﻩ ﻋﺎﺩ ﺍﻧﺎ ﺍﻗﻮﺓ ﻣﻦ ﺍﻟﻨﺎﺭ ﺍﺯ &&
ﻣﺤﻤﺪ .. ﺍﻭﻛﻲ ﺍﻭﻛﻲ ﻏﻴﺮ ﻓﻜﻮﻧﺎ ﻣﻦ ﺗﻔﻠﻴﻢ ﺍﺯﺡ ﻣﺶ ﺑﺮﻭﺣﻨﺎ ﺭﺍﻩ
ﻣﻨﻴﺮ ﻳﺪﺧﻦ ﻭﻳﺒﺤﺖ ﻑ ﻣﺮﻳﻢ ﻛﻴﻒ ﺗﺤﻜﻲ ﻭﻛﻴﻒ ﺗﺤﺮﻙ ﻭﻣﻨﺴﺘﻪ
ﻣﺮﻳﻢ ﻛﺎﻧﺖ ﺗﻼ ﺭﺣﻤﻪ ﺑﻌﺪﻫﺎ ﺟﺖ ﺗﻼﻳﺎ ﺗﻮﺭﻱ ﻓﻴﺎ ﻑ ﺻﻮﺭ ﻋﻄﺘﻨﻲ ﺍﻟﻤﻮﺑﺎﻳﻞ ﻭﺭﻓﻌﺖ ﺭﺍﺳﻬﺎ ﺟﺖ ﻋﻴﻨﻪ ﻑ ﻋﻴﻦ ﻣﻨﻴﺮ ﻫﺰﺕ ﺭﺍﺳﻬﺎ ﻭﺭﻓﻌﺖ ﺣﻮﺍﺟﺒﻬﺎ ﺑﻤﻌﻨﻰ ﻛﻨﻚ ﻫﺰﻟﻬﺎ ﺭﺍﺳﻪ ﻭﺑﺮﻡ ﻉ ﺷﺒﺎﺏ
ﺷﻮﻳﺎ ﻭﺣﻄﻴﻨﺎ ﺷﻮﺍﻳﺎ ﻭﺗﻌﺸﻴﻨﺎ ﻭﺧﺸﻴﻨﺎ ﺑﻨﻠﻤﻮ ﺍﻟﺤﻮﺳﻪ ﺧﺶ ﺍﻳﻬﻢ ﻳﺨﺸﺶ ﻑ ﺻﻮﺍﻧﻲ
ﺍﻳﻬﻢ .. ﺭﺣﻤﻪ ﻣﺰﺍﻟﺘﻲ ﻗﺎﻋﺪﻩ
ﺭﺣﻤﻪ .. ﻛﻨﻚ ﺗﺒﻲ ﺣﺎﺟﻪ
ﺍﻳﻬﻢ .. ﺑﻴﺸﻮ ﻣﺮﻳﻢ ﻣﺰﺍﻟﺘﻦ
ﻣﺮﻳﻢ ﻭﺑﺸﺮﻯ .. ﺍﻫﺎ ﻋﻠﻴﺶ ﺗﺴﺎﻝ
ﺍﻳﻬﻢ .. ﺍﻣﻤﻤﻤﻢ ﻣﻴﺲ ﺷﻦ ﺩﻳﺮﻱ ﻣﻌﺎﻫﻢ
ﺍﻧﺎ ﻓﻬﻤﺖ ﻗﺼﺪﻩ ﻣﻦ ﺍﻭﻝ ﻭﻗﻌﺪﺕ ﻧﻔﻨﺺ ﻓﻴﻪ ﻧﺒﻴﻪ ﻳﺴﻜﺖ
ﺗﺴﻨﻴﻢ ﺗﻀﺤﻚ ﻭﺣﻄﺖ ﺍﻳﺪﻳﻬﺎ ﻉ ﻛﺘﻮﻓﻲ ﻭﻗﺪﻣﺘﻨﻲ .. ﻫﺎﻙ ﺍﻣﺴﻚ ﺧﻮﺫﻫﺎ
ﺍﻳﻬﻢ ﻳﻀﺤﻚ .. ﻳﻨﻌﻠﻴﺎ ﺗﻔﻬﻤﻲ ﻓﻴﺎ ﺍﻧﺘﻲ
ﻣﺴﻚ ﺍﻳﺪﻱ
ﺍﻧﺎ ﺑﺼﻮﺕ ﻭﺍﻃﻲ .. ﺍﻳﻬﻢ ﻋﻴﺐ
ﺍﻳﻬﻢ .. ﻫﻴﺎ ﺗﻌﺎﻟﻲ ﺑﺲ
ﻃﻠﻊ ﺑﻴﺎ ﺣﺘﻰ ﺗﺴﻠﻴﻢ ﻉ ﺍﻋﻤﻴﻤﻪ ﻣﺎﺳﻠﻤﺖ ﺟﻴﻨﺎ ﻋﻨﺪ ﺩﺭﻭﺝ
ﺍﻧﺎ .. ﺍﻳﻬﻢ ﻛﻨﻚ ﺍﻧﺖ ﻋﻴﺐ
ﺍﻳﻬﻢ ﺍﺑﺘﺴﻢ .. ﺑﺘﻘﻌﺪﻱ ﺗﺤﻜﻲ ﺍﻧﺘﻲ
ﺍﻧﺎ ﺍﺑﺘﺴﻤﺖ .. ﺗﺒﻴﻨﻲ ﻧﺴﻜﺖ ﻭﻣﻌﺶ ﻧﺤﻜﻲ
ﺍﻳﻬﻢ .. ﺗﻲ ﻳﻨﻌﻠﻴﺎ ﻧﺤﺒﻚ ﻭﺍﻧﺘﻲ ﻫﺎﺩﻳﻪ ﻫﻜﻲ
ﺍﻧﺎ ﺑﺪﻟﻊ .. ﺍﻳﻴﻴﻬﻢ ﺍﻧﻨﺤﺒﺒﻚ
ﺍﻳﻬﻢ ﻗﻌﺪ ﻳﻘﺮﺏ ﻣﻨﻲ ﺑﻌﺪﻫﺎ ﻭﺧﺮ ﺷﻮﻳﺎ ﻭﻟﻤﻨﻲ ﺑﻴﺪﻩ ﻭﺭﻓﻌﻨﻲ
ﺍﻧﺎ ﻧﻀﺤﻚ .. ﻃﺤﺢ ﺳﻌﺪﻙ ﺭﺍﻩ ﻳﺸﻮﻓﻨﺎ ﺣﺪ
ﺍﻳﻬﻢ ﻋﺾ ﻉ ﻓﻤﻪ .. ﺗﻲ ﻭﻃﻲ ﺻﻮﺗﻚ ﺍﻧﺘﻲ ﺣﺘﻔﻀﺤﻴﻨﺎ
ﻗﻌﺪ ﻳﺠﺮﻱ ﺑﻴﺎ ﻉ ﺩﺭﻭﺝ
ﺍﻧﺎ ﻧﻀﺤﻚ .. ﺭﺍﻙ ﻃﻴﺢ ﻭﻃﻴﺤﻨﻲ ﻣﻌﺎﻙ
ﻓﺘﺢ ﻟﺒﺎﺏ ﻭﺧﺶ ﺑﻴﺎ ﺳﻠﺢ ﻛﻮﻳﺶ ﻭﺧﺶ ﻳﻤﺸﻲ ﺑﺸﻮﻳﺎ ﻭﻳﺒﺤﺖ ﻓﻴﺎ
ﺍﻧﺎ ﻣﺒﺘﺴﻤﻪ .. ﺧﻼﺹ ﻧﺰﻟﻨﻲ
ﺍﻳﻬﻢ ﺑﺼﻮﺕ ﻫﺎﺩﻱ .. ﻣﺶ ﺣﻨﻔﺲ ﺍﻻ ﻓﻮﻕ ﺳﺮﻳﺮ
ﺍﻧﺎ ﻓﻨﺼﺖ .. ﺍﻳﻬﻢ ﻛﻨﻚ ﺍﻧﺖ ﺍﻟﻴﻮﻡ
ﺍﻳﻬﻢ ﻳﻀﺤﻚ ﻭﻳﻔﺘﺢ ﻑ ﺩﺍﺭ ﻭﺣﻄﻨﻲ ﻉ ﺳﺮﻳﺮ
ﺍﻧﺎ .. ﺧﻠﻴﻨﻲ ﻧﻐﻴﺮ ﺑﺲ ﻭﺑﻌﺪﻫﺎ ﻧﺠﻮ ﻧﻜﺴﺪﻭ ﻣﻊ ﺑﻌﻀﻨﺎ
ﺍﻳﻬﻢ .. ﻧﺨﺶ ﻧﺪﻭﺵ ﺣﺘﻰ ﺍﻧﺎ ﺑﻨﺘﻲ ﺷﻮﺍﻳﺎ
ﺧﺶ ﺍﻳﻬﻢ ﻳﺪﻭﺵ ﻭﺍﻧﺎ ﻗﻌﺪﺕ ﻣﺒﺘﺴﻤﻪ ﻉ ﺣﺮﻛﺎﺗﻪ ﻭﻣﺸﻴﺖ ﻧﺪﻭﺵ "
" ﺩﻧﻴﺎ .. ﻳﻌﻄﻴﻚ ﺻﺤﻪ
ﺍﻣﺠﺪ ﻳﺴﻠﺢ ﻑ ﺳﺎﻋﺘﻪ ﻉ ﺯﻳﺎﻧﻪ .. ﺳﻠﻤﻚ ﺷﻨﻮ ﺳﻤﺤﻪ ﺷﻮﺍﻳﺘﻲ
ﺩﻧﻴﺎ .. ﻣﺸﺎﺀ ﺍﻟﻠﻪ ﻋﻠﻴﻬﺎ ﺍﻧﺎ ﺑﻨﺪﻭﺵ ﻟﻲ ﺍﻋﻠﻴﻮﻩ ﻭﻧﺮﻗﺪﻩ ﻭﺑﻌﺪﻫﺎ ﺑﻨﺪﻭﺵ ﻟﺮﻭﺣﻲ ﻛﺎﻥ ﺑﺘﺮﻗﺪ ﺍﻧﺖ ﻭﺑﺘﺮﻳﺢ
ﺍﻣﺠﺪ .. ﻻ ﺗﻮﺍ ﻧﺮﺍﺟﻴﻚ ﻋﻠﻲ ﻣﺎﻛﻤﻠﺘﻲ
ﺩﻧﻴﺎ .. ﻋﻠﻲ ﺭﺍﺣﺘﻚ
ﻣﺸﺖ ﺩﻧﻴﺎ ﻃﻠﻊ ﻑ ﺩﺑﺶ ﺍﻋﻠﻴﻮﻩ ﻭﺍﻣﺠﺪ ﻣﺼﺒﻲ ﺗﻼﻫﺎ ﻳﺒﺤﺖ ﻓﻴﻬﺎ
ﺍﻣﺠﺪ .. ﻣﺰﺍﻟﺘﻲ ﺯﻋﻼﻧﻪ ﻣﻨﻲ ﺍﻧﺘﻲ
ﺩﻧﻴﺎ ﺑﺤﺘﺖ ﻓﻴﻪ ﻭﺭﺩﺕ ﻃﻠﻊ ﻑ ﺩﺑﺶ .. ﻋﻠﻴﺶ ﺗﺴﺎﻝ
ﺍﻣﺠﺪ ﻳﻤﺴﺢ ﻑ ﺟﺒﻬﺘﻪ .. ﻛﻴﻒ ﻋﻠﻴﺶ ﻧﺴﺄﻝ ﻧﺴﺄﻝ ﻻﻧﻪ ﻣﺎﻧﺒﻴﻜﺶ ﺗﺰﻋﻠﻲ ﻭﺗﺸﻴﻠﻲ ﻋﻠﻴﺎ ﻭﺗﻘﻌﺪ ﻋﻼﻗﺘﻨﺎ ﻏﻴﺮ ﺷﻜﻴﻼﺕ ﻗﺪﺍﻡ ﻫﻠﻲ ﻭﺍﻟﻨﺎﺱ .. ﺗﻨﻬﺪ .. ﻭ
ﻷﻧﻪ ﻋﺎﺭﻑ ﺭﻭﺣﻲ ﻏﻠﻄﺖ ﻑ ﺣﻘﻚ ﻭﺍﺍﺟﺪ ﻣﺶ ﺷﻮﻳﺎ
ﺩﻧﻴﺎ ﻫﺰﺕ ﺭﺍﺳﻬﺎ .. ﺧﻠﻴﻨﻲ ﻧﺨﺶ ﻧﺪﻭﺵ ﻟﻌﻠﻲ
ﺍﻣﺠﺪ ﻣﺴﻚ ﺍﻳﺪﻫﺎ .. ﻣﺰﺍﻟﺘﻲ ﺷﺎﻳﻼ ﻋﻠﻴﺎ ﻭﺍﺟﺪ ﻣﺎﻩ
ﺩﻧﻴﺎ .. ﻣﺎﻧﻌﺮﻓﺶ
ﺍﻣﺠﺪ .. ﻟﻌﻨﺪ ﺍﻣﺘﻰ ﺑﺎﻩ ﺗﻘﻌﺪﻱ ﻫﻜﻲ ﺯﻋﻼﻧﻪ
ﺩﻧﻴﺎ .. ﻟﻴﻦ ﻧﺮﻭﻕ ﺑﺮﻭﺣﻲ ﺧﻠﻴﻨﻲ ﻳﺎﺍﻣﺠﺪ ﺑﻨﺨﺶ ﻧﺪﻭﺵ ﻟﻌﻠﻲ ﻛﺎﻥ ﺑﺘﺮﻗﺪ ﺍﺭﻗﺪ ﻗﺘﻠﻚ ﻣﺎﺗﺮﺟﻨﻴﺶ
ﺍﻣﺠﺪ ﻣﺴﺢ ﻉ ﻭﺟﻪ .. ﺑﺎﻩ ﺧﺸﻲ ﻧﺮﺍﺟﻲ ﻓﻴﻚ
ﺧﺸﻴﺖ ﺩﻧﻴﺎ ﻭﻫﻮ ﻓﺘﺢ ﺑﻄﻢ ﺳﻮﺭﻳﺎ ﻭﻗﻤﻌﺰ ﻉ ﺳﺮﻳﺮ ﻳﻤﺸﻲ ﻑ ﺍﻳﺪﻩ ﻉ ﺷﻌﺮﻩ ﺑﺮﻡ ﻻﻗﻰ ﻣﻮﺑﺎﻳﻞ ﻣﺪﺍﻳﺮ ﺿﻲ ﺻﻜﺮ ﻋﻠﻴﻬﺎ ﻭﻗﻔﻠﻪ
ﺍﻣﺠﺪ .. ﺍﺳﺘﻐﻔﺮﺍﻟﻞﻩ ﻳﺎﺍﺭﺑﻲ ﻭﺧﻼﺹ
ﻗﻌﺪ ﻳﺮﺍﺟﻲ ﻓﻴﻬﺎ ﻟﻴﻦ ﻃﻠﻌﺖ ﺣﻄﺖ ﻋﻠﻲ ﻉ ﺳﺮﻳﺮ
ﺩﻧﻴﺎ .. ﻛﻨﻚ ﻣﺎﺧﺸﻴﺖ
ﺍﻣﺠﺪ .. ﻧﺮﺍﺟﻰ ﻓﻴﻚ ﻧﺨﺸﻮ ﻣﻊ ﺑﻌﻀﻨﺎ ﺧﺎﻳﻒ ﻧﺨﺶ ﻧﺪﻭﺵ ﻭﻧﻄﻠﻊ ﻣﺮﺗﺨﻲ ﻧﺮﻗﺪ ﻭﺍﻧﺎ ﺑﻨﻬﺪﺭﺯ ﻣﻌﺎﻙ
ﺩﻧﻴﺎ .. ﺍﻫﺎ
ﻟﺒﺴﺖ ﺍﻋﻠﻴﻮﻩ ﻭﺣﻄﺎﺗﻪ ﻑ ﺳﺮﻳﺮ
ﺍﻣﺠﺪ ﺟﺎﺀ ﻭﺭﺍﻫﺎ ﻭﺑﺄﺱ ﺭﺍﺳﻬﺎ .. ﻧﻌﺴﺎﻥ ﺑﻜﻞ ﺑﻴﺎﻥ
ﺩﻧﻴﺎ ﺑﺮﻣﺖ ﻋﻠﻴﻪ .. ﺍﻫﺎ ﺑﻜﻞ
ﺍﻣﺠﺪ ﺍﺑﺘﺴﻢ ﻻﻧﻪ ﻛﺎﻧﺖ ﻗﺮﻳﺒﻪ ﻣﻨﻪ ﻗﺮﺏ ﻣﻨﻬﺎ ﻭﻫﻮ ﺗﺒﺤﺖ ﻓﻴﻪ ﺣﺴﺖ ﺭﻭﺣﻬﺎ ﺑﺘﻀﻌﻒ ﻭﺧﺮﺕ ﻭﺣﻄﺖ ﺍﻳﺪﻫﺎ ﻉ ﺷﻌﺮﻫﺎ ﻣﻦ ﻻﻭﺭﻩ
ﺩﻧﻴﺎ .. ﻟﻴﻞ ﺧﻼﺹ ﺧﻠﻴﻨﺎ ﻧﺪﻭﺷﻮ ﻭﻧﺘﺮﻳﺤﻮ
ﺍﻣﺠﺪ ﻫﺰ ﺭﺍﺳﻪ ﻭﺧﺶ ﻟﺤﻤﺎﻡ ﻭﻫﻴﺎ ﺗﻨﻬﺪﺕ "
" ﺑﺸﺮﻯ .. ﺍﺣﻜﻴﻠﻲ ﺍﺣﻜﻴﻠﻲ ﺗﻮﺍ ﻧﺸﻮﻑ ﻑ ﻣﻨﻴﺮ ﻛﻴﻒ ﻳﺒﺤﺖ ﻓﻴﻚ ﺑﻌﺪﻫﺎ ﻏﻤﺰﻟﻚ ﺷﻨﻮ
ﻣﺮﻳﻢ ﺍﺑﺘﺴﻤﺖ ﻭﺗﻠﻌﺐ ﺑﺸﻌﺮﻫﺎ .. ﻣﺎﺻﺎﺭ ﺷﻲ ﻫﻮ ﻧﺰﻟﻨﻲ ﻭﺣﻜﻰ ﻣﻌﺎﻳﺎ ﻫﻜﻲ ﻟﻴﻦ ﻫﺪﻳﺖ ﻭﺭﺿﻴﺖ
ﺑﺸﺮﻯ .. ﻳﺎﻋﻴﻨﻲ ﻭﺧﻼﺹ ﻣﺎﺗﺮﺿﻲ ﺍﻻ ﻣﻨﻪ
ﻣﺮﻳﻢ .. ﺍﻫﺎ ﻭﺑﻌﺪﻳﻦ ﻫﻮ ﺍﻭﻝ ﻭﺍﺣﺪ ﺟﺎﻧﻲ ﺑﻌﺪ ﺍﻟﻘﺼﻪ ﻭﻗﻌﺪ ﻣﻌﺎﻳﺎ ﻭﺩﺍﺭﻟﻲ ﺍﻫﻤﻴﻪ ﻣﺶ ﻛﻠﻜﻢ ﺗﻬﺰﻭ
ﺑﺸﺮﻯ .. ﺍﻧﺘﻲ ﺍﺩﻳﺮﻱ ﻑ ﺩﺭﺍﻣﺎ ﻉ ﺳﺒﻪ ﺳﻲ ﺍﻟﺴﻴﺪ
ﻣﺮﻳﻢ .. ﺍﻧﺘﻲ ﺷﻦ ﻓﻬﻤﻚ ﻑ ﺍﻟﺤﺐ ﻭﺣﻘﺮﺑﻲ ﻛﻠﻪ ﺍﻧﺘﻲ ﻋﻘﺪﻩ
ﺑﺸﺮﻯ .. ﺍﻭﻭﻑ ﻣﺎﺩﺧﻠﻜﺶ ﺍﻧﺎ ﻣﺎﻧﺒﻴﺶ ﻧﺠﻮﺯ ﻭﻻ ﻧﺤﺐ ﻫﺬﺍ ﻣﺎﻧﺎﻗﺺ ﻋﻠﻴﺎ ﺑﺎﻟﻠﻪ
ﻣﺮﻳﻢ .. ﻳﻌﻌﻊ ﻛﻴﻒ ﺗﺒﻲ ﺗﻌﻴﺸﻲ ﺑﺲ ﻓﻬﻤﻴﻨﻲ
ﺑﺸﺮﻯ ﺭﻗﺪﺕ ﻉ ﺳﺮﻳﺮ ﻭﺗﻐﻄﺖ .. ﺗﺤﻘﻲ ﻓﻴﺎ ﻣﻴﺘﻪ ﺗﻮﺍ ﻣﺎﻧﻲ ﻋﺎﻳﺸﻪ ﺍﺣﻠﻰ ﻋﻴﺸﻪ
ﻣﺮﻳﻢ .. ﺑﺎﻩ ﺗﻮﺍ ﻧﺸﻮﻓﻚ
ﺑﺸﺮﻯ .. ﻃﻔﻲ ﺍﻟﻀﻲ ﺧﻠﻴﻨﻲ ﻧﺮﻗﺪ ﺍﻧﺘﻲ ﻣﻌﺶ ﺗﻜﻤﻠﻲ ﻛﻼﻡ
ﻣﺮﻳﻢ ﻛﺸﺨﺖ ﻭﺻﺒﺖ ﻃﻔﺖ ﺍﻟﻀﻲ ﻭﻓﺘﺤﺖ ﻣﻮﺑﺎﻳﻞ ﻭﺣﻄﺖ ﺳﻤﺎﻋﺎﺕ ﻧﺰﻟﺖ ﻓﻴﺪﻳﻮ ﻉ ﺍﻧﺴﺘﻪ ﺍﻏﻨﻴﻪ ﻣﺶ ﻣﻌﻘﻮﻝ ﻟﻤﺤﻤﺪ ﺣﻤﺎﻗﻲ ﻭﻗﻌﺪﺕ ﺗﺴﻤﻊ ﻓﻴﻪ ﻭﻣﺒﺘﺴﻤﻪ ﻟﻴﻦ ﻣﻨﻴﺮ ﺩﺍﺭ ﻻﻳﻚ ﻭﺧﺸﻠﻬﺎ ﺧﺎﺹ
ﻣﻨﻴﺮ .. ﺍﺭﻗﺪﻱ ﻭﺍﻧﺘﻲ ﺗﺴﻤﻌﻲ ﻑ ﻫﺎﻟﻴﻞ
ﻣﺮﻳﻢ ﺍﺑﺘﺴﻤﺖ .. ﻋﺎﺩﻱ ﺑﻌﺪﻳﻦ ﻧﺤﺐ ﺍﻏﻨﻴﻪ ﻫﺬﻱ
ﻣﻨﻴﺮ .. ﺣﺘﻰ ﺍﻧﺎ ﻧﺤﺒﻬﺎ ﻭﻧﺤﺐ ﻣﻘﻄﻊ ﺑﻌﺪ ﻳﻘﻮﻝ ﻣﺶ ﻣﻌﻘﻮﻝ ﺍﻧﺎ ﺍﻳﺪﻱ ﻟﻤﺴﻪ ﺍﻳﺪﻙ
ﻣﺮﻳﻢ ﺍﺑﺘﺴﻤﺖ ﻭﻗﻌﺪﺕ ﺗﻨﺶ ﻉ ﻭﺟﻬﺎ ﻃﻔﺖ ﺍﻟﻤﻮﺑﺎﻳﻞ ﻭﻗﻌﺪﺕ ﺗﺴﻤﻊ ﻓﻴﻬﺎ ﻟﻴﻦ ﺭﻗﺪﺕ "
" ﺧﺸﻴﺖ ﺩﻭﺷﺖ ﻭﻃﻠﻌﺖ ﻟﻘﻴﺖ ﺍﻳﻬﻢ ﻳﻤﺴﺢ ﻑ ﺷﻌﺮﻩ
ﺍﻳﻬﻢ .. ﻃﻠﻌﺘﻲ
ﺍﻧﺎ ﻣﺎﺷﻴﺎ ﺷﻮﺭ ﺩﻭﻻﺏ .. ﺍﻫﺎ ﺷﻦ ﺗﺤﻖ ﻓﻴﺎ
ﺍﻳﻬﻢ .. ﻃﺎﻟﻌﻠﻚ ﻟﺴﺎﻥ ﻳﺎﻓﺮﺧﻪ
ﺍﻧﺎ ﻧﻀﺤﻚ .. ﺍﻧﺖ ﺳﻮﺍﻟﻚ ﻏﺒﻲ ﺑﺪﺍﻝ ﻣﺎ ﺗﻘﻮﻝ ﺻﺤﻪ ﻭﻻ ﻧﻌﻴﻤﺎ ﻻ ﺗﻘﻮﻟﻲ ﻃﻠﻌﺘﻲ ﺷﻨﻮ ﻋﺒﺎﻃﻪ ﻫﺬﻱ
ﺑﺮﻣﺖ ﻟﻘﻴﺘﻪ ﻑ ﻭﺟﻲ ﻧﻄﻴﺖ
ﺍﻧﺎ .. ﻫﻴﻴﻲ ﻓﺠﻌﺘﻨﻲ ﻛﻨﻚ ﺗﺒﺤﺖ ﻫﻜﻲ ﺍﻧﺖ ﻉ ﺷﻨﻮ ﻧﺎﻭﻱ ﺍﻳﻴﻴﻴﻬﻢ ﺗﺨﻮﻑ ﻓﻴﺎ ﻧﻀﺮﺗﻚ ﻫﺬﻱ ﺭﺍﻩ
ﺍﻳﻬﻢ ﺿﺤﻚ ﻭﺣﻂ ﺍﻳﺪﻩ ﻉ ﻓﻤﻲ ﻭﻳﻤﺸﻲ ﻓﻴﻪ ﺑﺸﻮﻳﺎ .. ﻧﺤﺒﻚ ﻭﺍﻧﺘﻲ ﺗﺪﻭﻱ ﻫﻜﻲ ﻭﻧﺤﺒﻚ ﻭﺍﻧﺘﻲ ﻫﺎﺩﻳﻪ ﻭﻧﺤﺒﻚ ﻭﺍﻧﺘﻲ ﺍﻣﻤﻤﻢ ﻭﺍﻧﺘﻲ ﺷﻨﻮ ﻭﺍﻧﺘﻲ ﻫﻨﺎ .. ﻭﺷﻴﺮ ﻉ ﺳﺮﻳﺮ ﻭﻏﻤﺰﻟﻲ .. ﻭﻧﺤﺒﻚ ﻭﺍﻧﺘﻲ ﻉ ﺻﺪﺭﻱ .. ﺗﻨﻬﺪ ﻭﺭﻓﻊ ﺭﺍﺳﻪ ﻓﻮﻕ ﺑﻌﺪﻫﺎ ﻧﺰﻟﻪ ﻭﺑﺤﺖ ﻓﻴﺎ .. ﻭﻧﺤﺒﻚ ﻛﻴﻒ ﻣﺎﺍﻧﺘﻲ ﺑﻜﻞ ﺣﺎﻻﺗﻚ
ﺍﻧﺎ ﺳﺎﻛﺘﻪ ﻭﻧﺴﻤﻊ ﻓﻴﻪ ﻭﻗﻠﺒﻲ ﻳﺪﻕ ﺑﻘﻮﻩ
ﺍﻳﻬﻢ ﻧﻔﺦ ﻑ ﻭﺟﻲ ﺑﻴﺶ ﺍﻧﺎ ﺭﻣﺸﺖ .. ﺷﻦ ﺍﻧﺎ ﺭﻭﻣﻨﺴﻲ ﻟﺪﺭﺟﻪ ﻫﺬﻱ
ﺍﻧﺎ ﻫﺰﺕ ﻛﺘﻮﻓﻲ .. ﻣﺶ ﻋﺎﺭﻓﻪ ﺑﺲ ﻧﺤﺒﻚ ﻛﻴﻒ ﻣﺎﺍﻧﺖ ﻧﻔﺲ ﻣﺎﻗﻠﺘﻠﻲ
ﺍﻳﻬﻢ ﺍﺑﺘﺴﻢ ﻉ ﺟﻨﺐ .. ﺍﻟﺒﺴﻲ ﺧﻴﺮ ﻣﺎﺗﻤﺮﺿﻲ
ﻃﻠﻌﺖ ﺑﺠﺎﻣﻪ ﻛﻢ ﺧﻔﻴﻔﻪ ﻧﺎﻋﻤﻪ ﻭﺍﺟﺪ ﻭﺣﻠﻮﻩ ﻗﻤﻌﺰﺕ ﻉ ﺳﺮﻳﺮ ﻭﻣﺎﺳﻜﻪ ﺍﺟﻨﺎﺑﻲ ﺍﻳﻬﻢ ﻳﻤﺸﻂ ﻑ ﺷﻌﺮﻩ ﻗﺪﺍﻡ ﺍﻟﻤﺮﺍﻳﺎ
ﺍﻳﻬﻢ .. ﻛﻨﻚ ﻣﺎﺳﻜﻪ ﺍﺟﻨﺎﺑﻚ ﺗﺤﺴﻲ ﻑ ﺣﺎﺟﻪ
ﺍﻧﺎ .. ﻣﺶ ﻋﺎﺭﻓﻪ ﺍﺟﻨﺎﺑﻲ ﻳﻮﺟﻌﻦ ﻓﻴﺎ ﺑﺲ
ﺍﻳﻬﻢ .. ﺍﺭﻗﺪﻱ ﻉ ﺿﻬﺮﻙ ﺗﻮﺍ ﻧﺠﻴﻚ ﻣﺶ ﺣﻨﻄﻮﻝ
ﺭﻗﺪﺕ ﻭﻧﺤﺲ ﻓﻴﻬﻦ ﻳﻮﺟﻌﻦ ﻗﻠﺖ ﻣﻤﻜﻦ ﻣﻦ ﺗﺼﺒﺎﻱ ﺍﻟﻴﻮﻡ ﺻﺒﻴﺖ ﻭﺍﺟﺪ ﺷﻮﻳﺎ ﻭﺧﺶ ﻋﻠﻴﺎ ﻣﺎﺳﻚ ﺗﺒﺴﻲ ﻑ ﺍﻳﺪﻩ
ﺍﻧﺎ .. ﺷﻨﻮ ﻫﺬﺍ
ﺍﻳﻬﻢ .. ﺯﻳﺖ ﺯﻳﺘﻮﻥ ﺳﺎﺧﻦ ﺗﻮﺍ ﻧﺪﻫﻠﻚ ﺑﻴﻪ ﺗﺮﻳﺤﻲ
ﺍﻧﺎ .. ﻻﻻ ﻓﻜﻨﻲ ﺳﺎﺩ ﻏﻴﺮ ﺑﻨﺘﻪ ﺷﻴﻨﻪ ﻭﺗﻌﻠﻖ ﻑ ﺩﺑﺶ
ﺍﻳﻬﻢ .. ﻏﻴﺮ ﻫﻴﺎ ﻣﻤﻜﻦ ﻭﺃﺧﺬﻩ ﺑﺮﺩ
ﺍﻧﺎ .. ﺍﻭﻭﻑ ﻳﺎﺍﻳﻬﻢ
ﺭﻓﻌﻠﻲ ﺑﺠﺎﻣﻪ ﻭﺩﻫﻨﻲ ﺑﺸﻮﻳﺎ ﻭﺭﺩ ﻧﺰﻟﻬﺎ
ﺍﻳﻬﻢ .. ﺧﻼﺹ ﺗﻮﺍ ﺗﻘﻌﺪﻱ ﺍﺣﺴﻦ
ﺻﺒﻰ ﻭﺟﺎﺏ ﻣﺸﻂ
ﺍﻳﻬﻢ .. ﻣﺶ ﻛﻮﻳﺲ ﺗﺮﻗﺪﻱ ﺑﻴﻪ ﻭﻫﻮ ﻣﺒﻠﻮﻝ ﺗﻮﺍ ﺗﻤﺮﺿﻲ ﻭﻣﻌﺶ ﺗﺼﺒﻲ ﻭﺍﺟﺪ ﻭﻻ ﺗﻠﺒﺴﻲ ﺧﻔﻴﻒ ﻟﻴﻦ ﻳﺨﺶ ﺻﻴﻒ ﻓﻜﻴﻨﻲ ﻣﻦ ﺍﻫﻤﺎﻝ ﻭﺧﻼﺹ ﻣﻌﺶ ﻓﻲ ﻃﻠﻮﻉ ﻓﻜﻴﻨﺎ ﻣﻨﻪ
ﺍﻧﺎ .. ﺍﻣﻤﻢ ﺣﺒﻴﺒﻲ
ﺍﻳﻬﻢ .. ﺷﻨﻮ ﻧﻌﻢ
ﺍﻧﺎ .. ﺑﻌﺪ ﺑﻜﺮﺍ ﻋﻨﺪﻧﺎ ﻋﺮﺱ ﻭﺍﻋﻤﻴﻤﻪ ﺗﺒﻴﻨﺎ ﻣﻌﺎﻫﺎ
ﺍﻳﻬﻢ .. ﻻ
ﺍﻧﺎ .. ﺍﻳﻴﻴﻬﻢ ﺧﺎﻃﺮﻯ ﻓﻴﻪ ﺣﺮﺍﻡ ﻋﻠﻴﻚ
ﺍﻳﻬﻢ .. ﻻﻻ ﺗﻤﺮﺿﻲ ﻳﺎﻣﻴﺲ ﻓﻜﻴﻨﻲ ﺍﻧﺘﻲ ﻃﻠﻌﺖ ﺟﻨﺎﻥ ﻭﺩﺭﺍﺕ ﻓﻴﻚ ﻫﻜﻲ
ﺍﻧﺎ .. ﻻﻻ ﻏﻴﺮ ﻉ ﺳﺒﻪ ﺻﺒﻴﺖ ﻣﺎﺗﻘﻮﻟﻴﺶ ﻻ ﻉ ﺳﺒﻪ ﺧﺎﻃﺮﻱ
ﺍﻳﻬﻢ .. ﺣﺎﺿﺮ ﺑﺎﻫﻲ
ﺑﺮﻣﺖ ﻋﻠﻴﻪ ﻭﺑﺴﺖ ﺧﺪﻩ
ﺍﻧﺎ .. ﻧﺠﻚ ﻟﻴﺎ
ﺍﻳﻬﻢ .. ﺑﺎﻩ ﻗﻮﻟﻴﻠﻲ ﺭﺷﺎ ﺷﻦ ﺟﻮﻫﺎ ﻣﻊ ﻣﺤﻤﺪ
ﺍﻧﺎ ﻓﻨﺼﺖ ﻋﻴﻮﻧﻲ ﻭﺑﺮﻣﺖ ﻋﻠﻴﻪ ﻟﻘﻴﺘﻪ ﺭﺍﻓﻊ ﺣﺎﺟﺒﻪ ﻭﻣﺒﺘﺴﻢ ﻉ ﺟﻨﺐ
ﺍﻳﻬﻢ .. ﺍﺑﺮﻣﻲ ﺧﻠﻴﻨﻲ ﻧﺴﻠﻜﻪ ﻟﻜﻲ ﻭﻣﺎﺍﺩﻳﺮﺵ ﺭﻭﺣﻚ ﻣﺶ ﻋﺎﺭﻓﻪ ﺗﻮﺍ
ﺍﻧﺎ .. ﻣﺤﻤﺪ ﻗﺎﻟﻚ
ﺍﻳﻬﻢ .. ﺍﻫﺎ
ﺍﻧﺎ .. ﺍﻫﺎ ﻛﻮﻳﺴﻴﻦ
ﺍﻳﻬﻢ .. ﺑﺎﻫﻲ ﻛﻮﻳﺲ ﻫﺎﺑﺎ ﻋﻠﻴﻚ ﺍﻧﺘﻲ
ﺍﻧﺎ .. ﻣﺎﺩﺧﻠﻨﺶ ﺑﻴﻬﻢ ﻧﺤﻦ ﻛﻞ ﺣﺪ ﻑ ﺣﺎﻟﻪ
ﺣﻂ ﻣﻨﺸﻒ ﻉ ﻣﺨﺪﻩ ﻭﺧﺮﻧﻲ ﺑﻴﺶ ﻧﺮﻗﺪ ﻭﻫﻮ ﺟﺎﺀ ﻣﻦ ﺟﻴﻬﺎ ﻣﺘﺎﻋﻪ
ﺍﻧﺎ .. ﺣﺒﻴﺒﻲ ﺑﻌﺪ ﻃﺤﺖ ﻑ ﺣﻮﺵ ﻫﻠﻲ ﻛﻴﻒ ﻋﺮﻓﺖ ﻣﻦ ﻛﻠﻤﻚ
ﺍﻳﻬﻢ .. ﻛﻠﻤﺘﻚ ﻉ ﻣﻮﺑﺎﻳﻠﻚ ﻣﺎﻓﻴﺶ ﺭﺩ ﺑﻌﺪﻫﺎ ﺭﺩﺕ ﺭﺣﺎﺏ ﺑﻌﺪ ﺳﺎﻟﺖ ﻋﻠﻴﻚ ﻫﻴﺎ ﺍﺭﺗﺒﻜﺖ ﻣﻌﺶ ﻋﺮﻓﺖ ﻛﻴﻒ ﺗﻜﺬﺏ ﻭ ﻗﺎﻟﺘﻠﻲ
ﺍﻧﺎ .. ﺍﻧﺖ ﻟﻴﺶ ﺭﺍﻥ
ﺍﻳﻬﻢ .. ﻧﺒﻲ ﻧﻄﻤﻦ ﻋﻠﻴﻚ ﺑﺲ ﻛﻨﺖ
ﺑﺮﻡ ﻉ ﻛﻮﻣﺪﻳﻨﺎ ﻭﺣﻂ ﺍﻳﺪﻩ ﺧﺬﺍ ﺣﺎﺟﻪ ﻭﺑﺮﻡ ﻋﻠﻴﺎ
ﺍﻧﺎ ﻗﺮﺑﺖ ﺭﻗﺪﺕ ﻉ ﺻﺪﺭﻩ
ﺍﻳﻬﻢ .. ﻣﺶ ﺩﺭﺗﻠﻚ ﻣﻨﺸﻒ ﻉ ﻣﺨﺪﻩ ﺑﻴﺶ ﻳﻜﺐ ﺷﻌﺮﻙ
ﺍﻧﺎ .. ﻻﻻ ﻣﺎﻧﺒﻴﻬﺶ ﺧﻠﻴﻨﻲ ﻫﻨﺎ
ﺍﻳﻬﻢ .. ﻋﻮﺝ
ﺍﻧﺎ .. ﺍﻳﻴﻴﻴﻬﻤﻤﻢ
ﺍﻳﻬﻢ ﻳﻀﺤﻚ .. ﺧﻼﺹ ﺑﺎﻫﻲ ﻣﺶ ﻗﺘﻠﻚ ﺍﻧﺘﻲ ﻫﺪﻳﺘﻚ ﺑﺮﻭﺣﻬﺎ
ﺭﻓﻌﺖ ﺭﻭﺣﻲ
ﺍﻧﺎ .. ﺷﻨﻮ ﻭﺭﻳﻨﻲ
ﻣﺪﻟﻲ ﻓﺎﺯﻭ ﺻﻐﻴﺮ
ﺍﻧﺎ .. ﺷﻨﻮ ﻫﺬﺍ
ﺍﻳﻬﻢ .. ﺍﻓﺘﺤﻲ ﻫﻴﺎ
ﻓﺘﺤﺘﻪ ﻭﻛﺎﻥ ﻓﻴﻪ ﺃﻭﺭﺍﻕ ﺻﻐﻴﺮﻩ ﻗﻌﺪﺕ ﻧﻔﺘﺢ ﻓﻴﻬﻦ ﻭﻛﺎﻥ ﻑ ﻛﻞ ﻭﺭﻗﻪ ﻓﻲ ﺍﻗﺘﺒﺎﺱ ﺣﻠﻮ ﻧﻘﺮﺍ ﻓﻴﻬﻦ ﻭﻧﺒﺘﺴﻢ ﻭﻧﺒﺤﺖ ﻑ ﺍﻳﻬﻢ ﻧﻼﻗﻪ ﻳﺒﺤﺖ ﻓﻴﺎ ﺯﻳﻦ ﻑ ﻧﻬﺎﻳﻪ ﻓﺎﺯﻭ ﻛﺎﻥ ﻑ ﺳﻠﺴﻠﻪ ﻣﻜﺘﻮﺏ ﻋﻠﻴﻬﺎ ﺍﻳﻬﻢ
ﺍﻧﺎ ﺍﺑﺘﺴﻤﺖ ﻭﺗﻨﻬﺪﺕ .. ﻭﻭﻭﺍﺍﺟﺪ ﻫﻜﻲ ﻭﺍﻟﻠﻪ ﻧﺤﺒﻚ ﻳﺎﺍﺣﻠﻰ ﺭﺍﺟﻞ ﻑ ﻋﺎﻟﻢ
ﺣﻀﻨﺘﻪ ﺯﺯﺯﻳﻴﻦ ﻭﻗﻌﺪﺕ ﺳﺎﻛﺘﻪ
ﺍﻳﻬﻢ ﻳﻀﺤﻚ .. ﻛﻨﻚ ﻳﺎﻣﻴﺲ
ﺍﻧﺎ .. ﻣﺎﻧﺒﻴﺶ ﻧﺴﻴﺒﻚ ﺑﻨﻘﻌﺪ ﻣﺎﺳﻜﻪ ﻓﻴﻚ
ﺍﻳﻬﻢ .. ﺑﺎﻩ ﺗﻌﺎﻟﻲ ﺍﺭﻗﺪﻱ ﻭﺍﻣﺴﻜﻲ ﻓﻴﺎ
ﺭﻗﺪﺕ ﻭﺍﻧﺎ ﻣﺎﺳﻜﻪ ﻓﻴﻪ ﻛﺎﻧﻲ ﺧﺎﻳﻔﺘﻪ ﻳﺮﻳﺢ ﻣﻨﻲ "
" ﺍﻟﻴﻮﻡ ﺍﻟﺜﺎﻧﻲ ..
ﻣﺎﻣﺎ .. ﺑﺘﻌﺪﻱ ﻟﻤﻴﺲ
ﺭﺷﺎ .. ﺍﻫﺎ ﻧﺒﻲ ﻧﻌﺪﻳﻠﻬﺎ
ﻣﺎﻣﺎ .. ﻛﻠﻤﺘﻴﻬﺎ ﺑﺎﻫﻲ
ﺭﺷﺎ .. ﻛﻠﻤﺘﻬﺎ ﻗﺎﻟﺘﻠﻲ ﺍﻟﻴﻮﻡ ﻧﻀﺖ ﻓﻤﻲ ﻉ ﻭﻃﻰ ﻣﺎﺗﺤﺮﻛﺘﺶ ﻣﻦ ﺍﻟﺴﺮﻳﺮ
ﻣﺎﻣﺎ .. ﻳﻨﻌﻠﻴﺎ ﺷﻜﻠﻪ ﻭﺣﻤﻬﺎ ﻃﺎﻟﻊ ﻭﺍﻋﺮ ﻫﺎﻟﺒﻨﺖ ﻭﺭﺍﻫﺎ ﺍﻣﺘﺤﺎﻧﺎﺕ ﻭﺣﻮﺵ ﻭﺭﺍﺟﻞ ﻛﻴﻒ ﺗﺒﻲ ﺗﻠﺤﻖ ﺑﺲ
ﺭﺷﺎ .. ﺍﻥ ﺷﺎﺀ ﺍﻟﻠﻪ ﺗﻠﺤﻖ ﺭﺑﻲ ﻣﻌﺎﻫﺎ
ﻣﺎﻣﺎ .. ﻛﺎﻥ ﺃﺻﺒﺮﺕ ﺑﺲ ﻟﻴﻦ ﻛﻤﻠﺖ ﺑﻌﺪﻳﻦ ﺣﻤﻠﺖ
ﺭﺣﺎﺏ .. ﻣﻦ ﻫﺬﻱ
ﺭﺷﺎ .. ﻣﻴﺲ
ﺭﺣﺎﺏ ﺗﺸﺮﺏ ﻑ ﻣﻴﻪ .. ﻃﺒﻴﻌﻲ ﺑﺘﺤﻤﻞ ﻣﺎﻩ ﺍﺟﻮﺯﺕ ﻭﺗﺮﻗﺪ ﻣﻊ ﺭﺍﺟﻞ
ﻣﺎﻣﺎ .. ﺭﺣﺎﺍﺍﺏ
ﺭﺣﺎﺏ .. ﻛﻨﻚ ﻧﺤﻜﻲ ﻑ ﺍﻟﺤﻖ ﻳﺎﻣﺎﻣﺎ
ﻣﺎﻣﺎ .. ﺑﺎﻫﻲ ﻋﺎﺭﻓﻪ ﺑﺲ ﻣﺰﺍﻟﺖ ﺻﻐﻴﺮﻩ ﺃﺳﺮﻋﺖ ﻓﻴﻬﺎ
ﺭﺷﺎ .. ﺧﻼﺹ ﺻﺎﺭ ﺗﻮﺍ ﻭﺷﻜﻠﻬﺎ ﺑﺎﻟﻐﻠﻂ ﺍﻟﺤﻤﻠﻪ
ﺭﺣﺎﺏ .. ﻛﻴﻒ ﺑﺎﻟﻐﻠﻂ ﺗﺮﺍ ﻋﻨﺠﺪ ﺑﺎﻟﻐﻠﻂ ﻭﺧﻼﺹ
ﻣﺎﻣﺎ .. ﺍﻃﻠﻌﻲ ﻣﻦ ﺗﻼ ﻭﺟﻲ ﻓﺮﺧﻪ ﻻ ﺗﺤﺸﻢ ﻻ ﺗﺴﺘﺤﻲ
ﺭﺷﺎ ﻓﻨﺼﺖ ﻓﻴﻬﺎ ﻭﺭﺣﺎﺏ ﻃﻠﻌﺖ .. ﻣﺎﺗﻌﺪﻟﻴﺶ ﻋﻠﻴﻬﺎ ﺭﺣﺎﺏ
ﻣﺎﻣﺎ .. ﺑﺎﻟﻲ ﻣﺸﻐﻮﻝ ﻋﻠﻴﻬﺎ ﻳﺎﺧﻴﻪ ﻃﻤﻨﻴﻨﻲ ﻋﻠﻴﻬﺎ ﺍﻟﻴﻮﻡ ﻭﺧﻠﻴﻬﺎ ﺗﺎﻛﻞ ﺍﻛﻴﺪﻩ ﺗﻌﺒﺎﻧﻪ ﻭﺻﺎﻳﻔﻪ
ﺭﺷﺎ .. ﺍﻥ ﺷﺎﺀ ﺍﻟﻠﻪ ﻧﻤﺸﻲ ﻧﻮﺗﻲ ﺭﻭﺣﻲ ﺗﻮﺍ ﻋﻼﺀ ﻗﺮﻳﺐ ﻳﺨﺶ
ﻣﺸﺖ ﺗﻠﺒﺲ ﻭﺧﺶ ﻋﻼﺀ
ﻋﻼﺀ .. ﻭﻳﻨﻬﺎ ﺍﻟﻔﺮﺧﻪ ﺭﺷﺎ
ﺭﺷﺎ .. ﻫﻴﺎ ﺟﻴﺘﻚ
ﻋﻼﺀ .. ﻋﺎﺭﻓﺘﻴﻨﻲ ﻣﺶ ﻓﺎﺿﻲ
ﺭﺷﺎ .. ﺟﻴﻴﺖ ﺧﻼﺍﺹ ﻭﻭﻭﻭﻩ ﻋﻠﻴﻨﺎ ﻋﻠﻴﻚ ﺍﻋﺼﺎﺏ
ﻃﻠﻊ ﻫﻮ ﻭﻳﺎﻫﺎ ﻭﺻﻠﻬﺎ ﻟﻌﻨﺪ ﺣﻮﺷﻨﺎ
ﻋﻼﺀ .. ﺗﻮﺍ ﻧﻨﺰﻝ ﺍﻧﺎ ﻧﺪﻕ ﻣﺮﺍﺕ ﻳﻔﺘﺤﻮ ﺧﻮﺗﻪ ﻭﺗﻘﻌﺪﻱ ﻣﺼﺒﻴﻪ ﻑ ﺷﺎﺭﻉ
ﺭﺷﺎ .. ﺑﺎﻫﻲ ﺍﻧﺰﻝ ﻫﻲ
ﻧﺰﻝ ﻋﻼﺀ ﺩﻕ ﺑﺎﺏ ﻭﺑﺮﻡ ﻭﺟﻪ ﻟﺸﺎﺭﻉ ﻟﻴﻦ ﻓﺘﺢ ﺑﺎﺏ ﺑﺮﻡ ﻭﻛﺎﻧﺖ ﺑﺸﺮﻯ ﻓﺎﺗﺤﻪ
ﺑﺸﺮﻯ .. ﺍﺣﻢ ﺗﻔﻀﻞ
ﻋﻼﺀ ﺍﺑﺘﺴﻢ .. ﺷﻜﺮﺍً ﺟﺎﻳﺐ ﺍﺧﺘﻲ ﻑ ﺳﻴﺎﺭﻩ ﺗﻨﺰﻝ ﺑﺲ
ﺑﺸﺮﻯ ﺳﻜﺘﺖ ﻭﻧﺰﻟﺖ ﺭﺷﺎ ﺧﺸﺖ
ﺑﺸﺮﻯ ﺍﺑﺘﺴﻤﺖ .. ﺍﻫﻼ ﻭﺳﻬﻼً
ﺭﺷﺎ .. ﺍﻫﻠﻴﻦ ﺑﻴﻚ ﻛﻴﻒ ﺣﺎﻟﻚ
ﺑﺸﺮﻯ .. ﺍﻟﺤﻤﺪﺍﻟﻠﻪ ﺗﻔﻀﻠﻲ ﺧﺸﻲ
ﺭﺷﺎ .. ﺯﻳﺪ ﻓﻀﻠﻚ ﺷﻜﺮﺍً
ﻭﺻﻠﺘﻬﺎ ﻟﺤﻮﺵ ﻫﻞ ﺍﻳﻬﻢ ﻭﺭﻛﺒﺖ ﻣﻌﺎﻫﺎ ﺗﺴﻨﻴﻢ
ﺗﺴﻨﻴﻢ .. ﺍﻫﺎ ﺗﻌﺒﺎﻧﻪ ﺍﻟﻴﻮﻡ ﻭﺍﺟﺪ
ﺭﺷﺎ .. ﻻﻻ ﻣﺎﻣﺎ ﺑﺎﻟﻬﺎ ﻣﻨﺸﻐﻞ ﻋﻠﻴﻬﺎ ﺑﻜﻞ
ﺗﺴﻨﻴﻢ .. ﺍﻫﺎ ﻳﺎ ﺭﻭﺣﻲ ﻋﺎﺩ ﻫﻴﺎ ﺍﻡ ﻭﺑﺎﻟﻬﺎ ﻣﺎﻳﺮﺣﻬﺶ
ﺩﻗﻦ ﻉ ﺑﺎﺏ ﻭﺍﻳﻬﻢ ﻓﺘﺢ
ﺍﻳﻬﻢ ﺍﺑﺘﺴﻢ .. ﺍﻫﻼ ﻛﻴﻒ ﺣﺎﻟﻚ ﺗﻔﻀﻠﻲ
ﺭﺷﺎ .. ﺍﻟﺤﻤﺪ ﺍﻟﻠﻪ ﻛﻴﻒ ﺣﺎﻟﻚ ﺍﻧﺖ
ﺍﻳﻬﻢ .. ﺣﻤﺪﺍﻟﻠﻪ ﺑﺨﻴﺮ
ﺗﺴﻨﻴﻢ .. ﺍﻧﺎ ﻧﺎﺯﻟﻪ ﺍﻭﻛﻲ ﻳﺎﺍﻳﻬﻢ
ﺍﻳﻬﻢ .. ﺍﻭﻛﻲ ﻳﺎﻃﺸﻪ
ﺭﺷﺎ .. ﻣﻴﺲ ﻭﻳﻦ ﺭﺍﻗﺪﻩ
ﺍﻳﻬﻢ .. ﻻﻻ ﺧﺸﻴﻠﻬﺎ ﻑ ﺩﺍﺭ ﻣﺘﻤﺪﺩﻩ ﺍﻧﺎ ﻃﺎﻟﻊ ﺧﻮﺫﻱ ﺭﺍﺣﺘﻚ
ﺧﺸﺖ ﺭﺷﺎ ﻭﺍﻳﻬﻢ ﻃﻠﻊ
ﺭﺷﺎ .. ﻳﺎ ﺣﺒﻴﺒﺘﻲ ﺍﻧﺘﻲ ﺗﻌﺒﺎﻧﻪ
ﺭﻓﻌﺖ ﺭﺍﺳﻲ
ﺍﻧﺎ .. ﺟﻴﺘﻲ ﺭﺷﺎ
ﺭﺷﺎ .. ﺟﻴﺘﻚ ﺷﻨﻮ ﻛﻮﻳﺴﻪ ﺗﻮﺍ
ﺍﻧﺎ .. ﻳﻌﻨﻲ ﺑﺲ ﺍﻟﻲ ﻧﺤﻄﻬﺎ ﻑ ﻓﻤﻲ ﻧﻄﻠﻌﻬﺎ
ﺭﺷﺎ .. ﺑﺎﻫﻲ ﺻﺒﻲ ﺍﻧﺸﻄﻲ ﺷﻮﻳﺎ ﻭﻻﺯﻡ ﺗﺎﻛﻠﻲ ﺑﺸﻮﻳﺎ ﺑﺸﻮﻳﺎ
ﺍﻧﺎ .. ﻭ ﺍﻟﻠﻪ ﻣﺎﻋﻨﺪﻱ ﻧﻴﻪ
ﺭﺷﺎ .. ﺑﺎﻫﻲ ﺧﺸﻲ ﻟﺤﻤﺎﻡ ﺍﻏﺴﻠﻲ
ﺻﺒﻴﺖ ﻭﺭﺷﺎ ﻗﻌﺪﺕ ﺗﻨﻀﻢ ﻑ ﺳﺮﻳﺮ
ﺍﻧﺎ .. ﺍﻳﻬﻢ ﻃﻠﻊ
ﺭﺷﺎ .. ﺍﻫﺎ ﻃﻠﻊ ﺑﻌﺪ ﺟﻴﺖ ﺍﻧﺎ
ﺧﺸﻴﺖ ﻟﺤﻤﺎﻡ ﻏﺴﻠﺖ ﻭﺟﻲ ﺑﻴﺶ ﺻﺤﺼﺤﺖ ﻭﻃﻠﻌﺖ
ﺍﻧﺎ .. ﺗﻌﺎﻟﻲ ﻧﺪﻳﺮﻭ ﻧﺴﻜﺎﻓﻲ
ﺧﺸﻴﺖ ﻟﻜﻮﺟﻴﻨﻪ ﻟﻘﻴﺖ ﻋﺮﻡ ﺍﻛﻴﺎﺱ ﻓﺘﺤﺘﻬﻦ ﻟﻘﻴﺘﻬﻦ ﺷﻜﻼﻃﺎﺕ ﻭﺑﺸﻜﻮﻁ ﻭﻋﺼﺎﺋﺮ ﻭﻣﻜﺴﺮﺍﺕ
ﻋﺮﻓﺘﻪ ﺍﻳﻬﻢ ﺟﺎﺑﻬﻦ ﻉ ﺳﺒﻪ ﻗﺘﻠﻪ ﺭﺷﺎ ﺑﺘﺠﻲ
ﻃﻠﻌﺖ ﺑﺸﻜﻮﻁ ﻭﺣﻄﻴﺖ ﻭﺭﺷﺎ ﺍﺩﻳﺮ ﻑ ﻧﺴﻜﺎﻓﻲ
ﺍﻧﺎ .. ﻣﺤﻤﺪ ﻋﺎﺭﻑ ﺑﺠﻴﺘﻚ
ﺭﺷﺎ .. ﺍﻫﺎ ﺑﺲ ﻣﺎﻗﺘﻠﺶ ﺍﻧﻲ ﺟﻴﺖ ﺗﻮﺍ
ﺍﻧﺎ .. ﺑﺘﻼﻗﻮﺍ
ﺭﺷﺎ .. ﻳﺎﺭﻳﺖ ﻧﺸﻮﻓﻪ ﺑﺲ ﻣﺎﻧﺒﻴﺶ ﺷﺒﻪ ﻟﻜﻲ ﻓﻜﻴﻨﻲ
ﺍﻧﺎ .. ﺑﻌﺪ ﺑﺘﻄﻠﻌﻲ ﻗﻮﻟﻴﻠﻪ ﻻﻧﻪ ﺣﺘﻰ ﺍﻳﻬﻢ ﻋﻨﺪﻩ ﻋﻠﻢ ﺑﻌﻼﻗﺘﻜﻢ
ﺭﺷﺎ .. ﻫﻴﻴﻲ ﻟﻴﺶ ﺗﻘﻮﻟﻴﻠﻪ ﻳﺎﻣﻴﺲ
ﺍﻧﺎ .. ﻭﺍﻟﻠﻪ ﻣﺎﻗﺘﻠﻪ ﻣﺤﻤﺪ ﺣﺎﻛﻴﻠﻪ
ﺭﺷﺎ .. ﻳﻨﻌﻠﻴﺎ ﻋﻠﻴﻚ ﺗﺰﻟﻴﻂ ﻭﺍﻟﻠﻪ ﻟﻘﻄﻪ ﻣﺶ ﺣﻠﻮﻩ ﺑﻜﻞ
ﺍﻧﺎ .. ﻋﺎﺩﻱ ﺳﻴﻮﺭﻩ ﻋﺎﺭﻓﻬﺎ
ﺭﺷﺎ ﺣﻄﺘﻠﻲ ﻧﺴﻜﺎﻓﻲ ﻗﺪﺍﻣﻲ .. ﻋﺎﺭﻓﻪ ﺑﺲ ﺗﻮﺍ ﻳﻌﻨﻲ ﻣﺶ ﺣﻠﻮﻩ ﻑ ﺣﻘﻲ
ﺍﻧﺎ .. ﻫﻮ ﺍﻣﺘﻰ ﺑﻴﺠﻲ ﻳﺨﻄﺐ
ﺭﺷﺎ ﺍﺑﺘﺴﻤﺖ .. ﻗﺎﻟﻲ ﻉ ﺳﺎﺱ ﻧﻬﺎﻳﻪ ﺍﺳﺒﻮﻉ ﻫﺬﺍ ﺑﺲ ﻗﺘﻠﻪ ﻳﺨﻠﻴﻬﺎ ﺍﻟﺴﺒﺖ ﻻﻧﻪ ﺯﺭ ﺍﻟﻮﻗﺖ ﻭﻣﺰﺍﻝ ﻣﺎ ﺣﻜﻴﺖ ﻟﻤﺎﻣﺎ
ﺍﻧﺎ .. ﻓﻴﺶ ﺗﺮﺍﺟﻲ ﻛﻨﻚ ﻣﺎﻗﺘﻴﻠﻬﺎ
ﺭﺷﺎ .. ﻉ ﺳﺒﻪ ﺟﻴﻪ ﻫﻨﺎ ﺗﻮﺍ ﺧﻮﺗﻲ ﻳﺼﺒﻮ ﻓﻴﻬﺎ
ﺍﻧﺎ .. ﺍﻳﻮﻭﺍﻩ ﺻﺎﺭ ﺍﻧﺘﻲ ﺟﺎﻳﺎ ﻟﻤﺤﻤﺪ ﻣﺶ ﺟﺎﻳﺘﻨﻲ
ﺭﺷﺎ .. ﻻ ﺣﺮﺍﻡ ﻋﻠﻴﻚ ﻭﻗﻠﺘﻬﺎ ﻣﺎﻣﺎ ﻻﻧﻪ ﻋﺎﺭﻓﺘﻚ ﺗﻌﺒﺎﻧﻪ ﻭﺍﺟﺪ ﺭﻳﻬﺎﻡ ﻣﺎﺗﻘﺪﺭﺵ ﻻﻧﻪ ﺗﺒﻲ ﺗﺒﺪﺍ ﺗﻄﻠﻊ ﻭﺭﺣﺎﺏ ﺻﻐﻴﺮﻩ
ﺍﻧﺎ .. ﻧﺒﺼﺮ ﻣﻌﺎﻙ ﻳﺎﻫﺒﻠﻪ
ﺭﺷﺎ .. ﻛﺎﻥ ﻋﻨﺪﻙ ﺣﺎﺟﻪ ﺗﺒﻲ ﺿﻢ ﻋﻄﻴﻬﺎ ﻟﻴﺎ ﺍﻥ ﺷﺎﺀ ﺍﻟﻠﻪ ﺩﺑﺶ
ﺍﻧﺎ .. ﻻ ﻣﺎﻋﻨﺪﻱ ﺷﻲ ﺍﻧﺘﻲ ﺟﺎﻳﺎ ﺗﻬﺪﺭﺯﻱ ﻭﻻ ﺑﺘﻀﻤﻲ
ﺭﺷﺎ .. ﻋﻠﻴﺶ ﺟﺎﻳﺎ ﺍﻧﺎ ﺑﻨﺒﺮﻡ ﻋﻠﻴﻚ ﻭﻉ ﺣﻮﺵ
ﺍﻧﺎ .. ﺑﻜﺮﺍ ﻋﻨﺪﻱ ﻋﺮﺱ ﻧﺒﻴﻚ ﺗﺨﺘﺎﺭﻳﻠﻲ ﻭﺗﺒﺮﻣﻲ ﻋﻠﻴﺎ
ﺭﺷﺎ .. ﺟﺪ ﻭﻫﺬﺍ ﺍﻭﻝ ﻋﺮﺱ ﺗﺤﻀﺮﻳﻪ
ﺍﻧﺎ .. ﺍﻫﺎ
ﺭﺷﺎ .. ﺑﺎﻫﻲ ﺳﺎﻫﻞ ﺗﻮﺍ ﻧﺒﺮﻡ ﻋﻠﻴﻚ ﻭﻧﺨﺘﺎﺭﻟﻚ
ﺻﺒﻴﺖ ﺍﻧﺎ ﻭﻳﺎﻫﺎ ﻭﻗﻌﺪﺕ ﺗﺒﺮﻡ ﻉ ﺷﻘﻪ ﻭﻋﻠﻘﺖ ﻉ ﺩﺑﺶ ﻭﺧﺸﻴﻨﺎ ﻟﺪﺍﺭ ﺩﺭﺗﻠﻲ ﻓﺘﻠﻪ ﻟﻮﺟﻲ ﻛﻠﻪ ﻭﺣﻠﻮﻩ ﻭﺩﺭﺗﻠﻲ ﻗﻨﺎﻉ ﻭﺍﻧﺎ ﺧﺸﻴﺖ ﺩﻭﺷﺖ ﻭﻫﻴﺎ ﺗﺒﺮﻡ ﻉ ﺷﻘﻪ ﺭﻥ ﻣﻮﺑﺎﻳﻠﻬﺎ
ﻣﺤﻤﺪ .. ﺍﻃﻠﻌﻲ ﻣﻦ ﺭﻭﺷﻦ ﻛﻮﺟﻴﻨﻪ
ﺭﺷﺎ .. ﻣﺤﻤﺪ ﺭﺍﻩ ﻳﻘﻌﺪ ﻑ ﺣﺪ
ﻣﺤﻤﺪ .. ﻣﺎﻓﻴﺶ ﺣﺪ ﻣﺪﺑﺮﻫﺎ ﻣﺎﺗﺨﺎﻓﻴﺶ ﻏﻴﺮ ﺍﻃﻠﻌﻲ
ﻣﺸﺖ ﺗﺠﺮﻱ ﻟﺒﺴﺖ ﻭﺷﺎﺣﻬﺎ ﻭﻃﻠﻌﺖ ﻣﻦ ﺭﻭﺷﻦ ﻣﺤﻤﺪ ﻛﺎﻥ ﻣﺼﺒﻲ ﻉ ﺳﺎﺱ ﺭﻥ ﻋﻠﻴﻬﺎ
ﺭﺷﺎ ﻣﺒﺘﺴﻤﻪ .. ﺣﺒﻴﺒﻲ ﻣﺮﺍﻳﻔﻪ ﻋﻠﻴﻚ
ﻣﺤﻤﺪ .. ﻭﺍﻧﺎ ﻣﺮﺍﻳﻒ ﻋﻠﻴﻚ ﺑﺤﺘﻲ ﺍﻳﻤﻴﻦ
ﺭﺷﺎ ﺑﺤﺘﺖ .. ﺷﻨﻮ
ﻣﺤﻤﺪ .. ﺭﻭﺷﻦ ﻫﺬﻛﻪ ﺗﺸﻮﻓﻲ ﻓﻴﻪ ﻫﺬﺍ ﺭﻭﺷﻦ ﺩﺍﺭﻧﺎ
ﺭﺷﺎ ﺍﺑﺘﺴﻤﺖ ﻭﺗﻨﻬﺪﺕ .. ﺟﺪ ﺣﺒﻴﺒﻲ
ﻣﺤﻤﺪ .. ﺍﻫﺎ ﺣﺒﻴﺒﻲ ﻫﺬﻱ ﺩﺍﺭﻧﺎ
ﺭﺷﺎ .. ﺍﻧﺤﺒﻚ
ﻣﺤﻤﺪ ﺍﺑﺘﺴﻢ ﻭﻋﺰﻗﻠﻬﺎ ﺑﻮﺳﻪ ﺑﻴﺪﻩ .. ﺧﻼﺹ ﺧﺸﻲ ﻉ ﻣﻬﻢ ﺷﻔﺘﻚ ﻣﻊ ﺍﻧﻲ ﻣﺸﺒﻌﺘﺶ ﻣﻨﻚ ﺑﺲ ﺧﻼﺹ ﻋﺪﻱ
ﺭﺷﺎ .. ﺑﺎﻱ
ﺻﻜﺮﺕ ﻭﺧﺸﺖ ﻭﻫﻴﺎ ﻣﺒﺘﺴﻤﻪ ﺍﻧﺎ ﻃﻠﻌﺖ ﻣﻦ ﺩﻭﺵ ﻭﻟﺒﺴﺖ ﺟﺖ ﺩﺭﺍﺗﻠﻲ ﺷﻌﺮﻱ ﻭﻉ ﺍﻟﻌﺸﺎﺀ ﺭﻭﺣﺖ ﻭﺍﻳﻬﻢ ﻣﺰﺍﻝ ﻣﺎ ﺟﺎﺀ ﺭﻧﻴﺖ ﻋﻠﻴﻪ ﻟﻘﻴﺘﻪ ﻣﻘﻔﻞ ﻗﻠﺖ ﻣﻤﻜﻦ ﺷﺤﻦ ﺑﻌﺪﻫﺎ ﺟﺖ ﺍﻝ 10 ﻭﻫﻮ ﻣﺰﺍﻝ ﻣﺎﺟﺎﺀ ﺍﻧﺸﻐﻠﺖ ﻋﻠﻴﻪ ﻟﺒﺴﺖ ﻣﻼﻳﺎ ﺍﻟﺼﻼﺓ ﻭﻧﺰﻟﺖ
ﺍﻧﺎ .. ﻣﻨﻴﺮ ﻭﻳﻦ
ﺗﺴﻨﻴﻢ .. ﻣﺰﺍﻝ ﻣﺎﺭﻭﺡ ﻛﻨﻚ
ﺍﻧﺎ .. ﻧﺮﻥ ﻉ ﺍﻳﻬﻢ ﻣﻘﻔﻞ ﻭﻃﺎﻟﻊ ﻣﻦ ﺟﻴﻪ ﺭﺷﺎ ﻣﻦ ﻣﻨﺸﻐﻠﻪ ﻋﻠﻴﻪ
ﺧﺶ ﺍﻣﺠﺪ .. ﺳﻼﻡ
ﺍﻧﺎ ﺑﺮﻣﺖ ﻋﻠﻴﻪ .. ﻭﻋﻠﻴﻜﻢ
ﺍﻣﺠﺪ .. ﻛﻨﻜﻦ
ﺗﺴﻨﻴﻢ .. ﺗﻮﺍ ﻧﺮﻥ ﻉ ﻣﻨﻴﺮ
ﺍﻣﺠﺪ .. ﺷﻦ ﻓﻲ
ﺍﻧﺎ .. ﻧﺮﻥ ﻉ ﺍﻳﻬﻢ ﻣﻘﻔﻞ ﻣﻦ ﺑﺪﺭﻱ ﻭﻃﺎﻟﻊ ﻟﻪ ﻭﻗﺖ
ﺍﻣﺠﺪ .. ﺭﻧﻲ ﻉ ﺍﻣﺠﺪ ﺗﻮﺍ ﻧﺸﻮﻑ ﻣﺤﻤﺪ
ﺗﺴﻨﻴﻢ .. ﺍﻳﻮﺍ ﻣﻨﻴﺮ ﻭﻳﻨﻚ
ﻣﻨﻴﺮ .. ﻑ ﻃﺮﻕ
ﺗﺴﻨﻴﻢ .. ﺍﻳﻬﻢ ﻣﻌﺎﻙ
ﻣﻨﻴﺮ ..
ﺗﺴﻨﻴﻢ .. ﺷﻨﻮﻭﻭ
ﺍﻧﺎ ﺑﺮﻣﺖ ﺑﺤﺘﺖ ﻓﻴﻬﺎ ...
" ﻳﺘﺒﻊ "..
ﺭﺍﻳﻜﻦ ﻑ ﺍﻟﺤﻠﻘﻪ ﺗﻔﺎﻋﻠﻦ ﻳﺎﺑﻨﺎﺕ ﻧﺒﻲ ﻛﻼﻡ ﺣﻠﻮ ﻭﻳﻔﺮﺡ ﻭﺗﻔﺎﻋﻞ ﻳﺸﺸﺠﻌﻨﻲ
ﻻﻳﻚ + ﺗﻌﻠﻴﻖ + ﺗﺎﻕ ﺑﻴﺶ ﺗﻮﺻﻞ ﺭﻭﺍﻳﻪ ﺍﻛﺒﺮ ﻋﺪﺩ
Anosha Alriany
