#ﻋﻜﺲ_ﺗﻴﺎﺭ
ﺣﻠﻘﻪ 11
" ﻋﺰﻭ .. ﺍﻣﻤﻤﻤﻴﻴﻴﻲ
ﻣﺎﻣﺎ ﻃﻠﻌﺖ ﻣﻦ ﻣﻄﺒﺦ .. ﻛﻨﻚ ﺗﻌﻴﻂ ﺷﻦ ﻓﻲ
ﻋﺰﻭ .. ﺗﻌﺎﻟﻲ ﻫﻨﺎ ﺍﻟﻔﺮﺣﻪ ﺭﻳﻬﺎﻡ ﺗﻼﻗﻰ ﻣﻊ ﺍﺳﺎﻣﻪ
ﻣﺎﻣﺎ .. ﻭﻳﻦ ﺗﻼﻗﻰ ﻣﻌﺎﻩ
ﻋﺰﻭ .. ﻑ ﺟﺎﻣﻌﻪ ﻭﻳﻦ ﻳﻌﻨﻲ
ﻣﺎﻣﺎ .. ﺍﻧﺎ ﻳﺎﻭﻟﻴﺪﻱ ﻉ ﺣﺴﺐ ﻋﻠﻤﻲ ﺃﻧﻬﻢ ﻣﺎﻳﺘﻼﻗﻮﺵ ﻋﻠﻴﺶ ﺷﻦ ﻓﻲ
ﻋﺰﻭ .. ﻣﻌﻨﺎﻫﺎ ﻗﻮﻟﻴﻠﻬﺎ ﻗﺎﻟﻚ ﻋﺰﻭ ﺭﻳﺤﻲ ﺭﻭﺣﻚ ﺧﻴﺮﻟﻚ ﻣﺎﻧﺒﻴﺶ ﻧﺘﻬﻮﺭ ﺍﻧﺎ ﻳﺎﺍﻣﻲ ﺧﻠﻮﻧﻲ ﺳﺎﻛﺖ
ﻣﺎﻣﺎ .. ﺑﺎﻩ ﺑﺎﻩ ﻏﻴﺮ ﺍﻫﺪﻯ ﺳﻠﻢ ﻭﻟﻴﺪﻱ
ﻋﺰﻭ .. ﺍﻧﺎ ﻃﺎﻟﻊ ﺗﻐﺪﻭ ﺍﻧﺘﻢ
ﻣﺎﻣﺎ .. ﻭﻳﻦ ﻣﺎﺷﻲ ﺗﻌﺎﻝ ﻫﻨﺎ
ﻋﺰﻭ .. ﻳﺎﺍﻣﻲ ﻃﺎﻟﻊ ﻣﺎﺗﺴﻜﻨﻴﻠﻴﺶ ﺗﺮﺍ
ﻃﻠﻊ ﻭﻣﺎﻣﺎ ﺧﺸﺖ ﻟﺪﺍﺭ ﻉ ﺑﻨﺎﺕ
ﻣﺎﻣﺎ .. ﻳﻨﻌﻠﻴﺎ ﺍﻧﺘﻦ ﺑﺘﺠﻠﻄﻨﻲ ﻭﻻ ﺗﺮﻳﺤﺘﻦ
ﺭﻳﻬﺎﻡ .. ﻛﻨﻚ ﻳﺎﻣﺎﻣﺎ ﺷﻦ ﻓﻲ
ﺭﺣﺎﺏ ﻧﺎﺿﺖ ﺑﺤﺘﺖ ﻑ ﻣﺎﻣﺎ
ﻣﺎﻣﺎ .. ﺧﻮﻙ ﻗﺎﻟﻚ ﺭﻳﺤﻲ ﺭﻭﺣﻚ ﻣﻌﺶ ﻳﺒﻲ ﻻﻗﺎﺕ ﺍﻧﺘﻲ ﻭﺧﻄﻴﺒﻚ ﺷﻮﺭﺍ ﻭﺍﺻﻠﻪ ﻛﻼﻡ ﻳﻨﻌﻠﻴﺎ ﺗﺨﻠﻦ ﻧﺎﺱ ﻳﺤﻜﻮ ﻋﻠﻴﻨﺎ
ﺭﻳﻬﺎﻡ .. ﻣﻦ ﻗﺎﻟﻪ ﻫﻮ
ﻣﺎﻣﺎ .. ﺍﻟﻤﺮﻩ ﻫﺬﻱ ﺩﻭﺍﻟﻲ ﻣﺮﻩ ﺍﺧﺮﻯ ﻣﺶ ﻋﺎﺭﻓﻪ ﺷﻦ ﺍﺩﻳﺮ ﺧﻼﺹ ﻣﺶ ﻗﺎﺩﺭﻩ ﺗﺼﺒﺮﻱ ﺷﻬﻮﺭ ﻭﺗﻘﻌﺪﻱ ﻋﻨﺪﻩ
ﺭﻳﻬﺎﻡ .. ﻏﻴﺮ ﺍﻫﺪﻯ ﻳﺎﻣﺎﻣﺎ ﺑﺲ ﺭﺍﻩ ﺳﻜﺮﻙ ﻳﺮﻗﻰ
ﻣﺎﻣﺎ .. ﺍﺍﻩ ﺍﺩﻳﺮﻥ ﺍﻟﻌﻤﺎﻳﻞ ﻭﺗﻘﻮﻟﻠﻲ ﺍﻫﺪﻯ "
" ﺧﺸﻴﺖ ﺩﻭﺷﺖ ﻭﻃﻠﻌﺖ ﻟﺒﺴﺖ ﻓﺴﺘﺎﻥ ﻟﻮﻧﻪ ﺍﺧﻀﺮ ﻛﻢ ﺷﺘﻮﻱ ﻭﻓﻴﻪ ﻭﺭﺩﺍﺕ ﺻﻐﻴﺮﺍﺕ ﻟﻮﻧﻬﻦ ﺩﻣﻲ ﻭﻋﻠﻴﻬﺎ ﺟﺎﻛﻪ ﺍﻣﺮﻳﻜﻪ ﻣﺸﻄﺖ ﺷﻌﺮﻱ ﻭﺟﻔﺘﺘﻪ ﻭﻟﻔﻴﺘﻪ ﻓﻮﻕ ﻭﻣﺸﻴﺖ ﻟﺤﻤﺎﻡ
ﺍﻧﺎ .. ﺣﺒﻴﺒﻲ ﺍﻳﻬﻢ ﻫﻴﺎ ﻭﻗﺖ ﺗﺎﺧﺮﻧﺎ
ﺍﻳﻬﻢ .. ﻟﺤﻈﻪ ﺑﺲ ﻭﻃﺎﻟﻊ ﺍﻟﺒﺴﻲ ﻋﻠﻲ ﻣﺎﻃﻠﻌﺖ
ﺍﻧﺎ .. ﺑﺎﻩ ﺣﺎﺿﺮ
ﺩﺭﺕ ﻛﺮﻳﻢ ﻭﻣﺴﻜﺮﺍ ﻭﺭﻭﺝ ﻫﺎﺩﻱ ﺑﻜﻞ ﻭﺣﻄﻴﺖ ﻭﺷﺎﺡ ﺣﻂ ﻟﻮﻧﻪ ﺩﻣﻲ ﻭﻛﻨﺪﺭﻩ ﻭﺳﺒﻴﺪﺭﻭ ﻧﻔﺲ ﺍﻟﻮﻗﺖ ﺍﻣﺮﻳﻜﻴﻪ ﺑﺨﻴﺖ ﻋﻄﺮﻱ ﻭﺑﺮﻣﺖ ﻉ ﺷﻘﻪ ﻭﺭﺩﻳﺖ ﻟﺪﺍﺭ ﻟﻘﻴﺖ ﺍﻳﻬﻢ ﻳﻠﺒﺲ
ﺍﻧﺎ .. ﺑﺎﻩ ﺍﻟﻲ ﻃﻠﻌﺖ ﻭﻗﺖ
ﺍﻳﻬﻢ .. ﻣﺰﺍﻝ ﻣﺎﺩﻭﻗﻮ ﻋﻠﻴﻨﺎ
ﺩﻕ ﺑﺎﺏ
ﺍﻧﺎ .. ﻫﺎﻩ
ﺍﻳﻬﻢ .. ﺍﻣﺸﻲ ﺣﻠﻲ
ﻣﺸﻴﺖ ﺣﻠﻴﺖ ﺑﺎﺏ
ﺭﺗﺎﺝ .. ﻗﺎﻟﺘﻠﻜﻢ ﻣﺎﻣﺎ ﻫﻴﺎ ﻏﺪﺍﺀ ﻃﺎﺍﻳﺐ
ﺍﻧﺎ ﺍﺑﺘﺴﻤﺖ .. ﺑﺎﻩ ﻫﻴﺎ ﻧﺎﺯﻟﻴﻦ ﺣﺒﻴﺒﺘﻲ
ﻧﺰﻟﺖ ﺗﺠﺮﻱ ﻭﺍﻧﺎ ﺧﺸﻴﺖ ﻟﻘﻴﺖ ﻣﺰﺍﻝ ﻳﺼﻜﺮ ﻑ ﺳﻴﺮ
ﺍﻧﺎ .. ﺍﻳﻬﻢ ﻓﻴﺶ ﺗﺮﺍﺟﻲ
ﺍﻳﻬﻢ .. ﻫﻬﻬﻪ ﻧﺮﺍﺟﻲ ﻓﻴﻚ ﺗﻠﺒﺴﻴﻨﻲ
ﻛﺮﻳﺖ ﺳﻮﺭﻳﺎ ﻣﻦ ﻉ ﺳﺮﻳﺮ
ﺍﻧﺎ .. ﻫﻴﺎ ﻣﺪ ﺍﻳﺪﻙ
ﺍﻳﻬﻢ ﻣﺒﺘﺴﻢ .. ﺍﻭﻭﻭ ﻉ ﺩﻟﻊ
ﻟﺒﺴﺘﻪ ﺳﻮﺭﻳﺎ ﻭﺑﻨﺼﻜﺮ ﺍﻟﺒﻄﻢ ﻛﺮﻧﻲ ﻣﻦ ﺧﺼﺮﻱ ﺑﻘﻮﻩ ﻟﻴﻦ ﻟﺼﻘﺖ ﻓﻴﻪ
ﺍﻳﻬﻢ .. ﻣﺶ ﻛﺎﻥ ﻧﻔﻮﺗﻮﻫﻢ ﺧﻴﺮ ﻟﻨﺎ
ﺍﻧﺎ ﻓﻨﺼﺖ .. ﺍﻳﻬﻤﻤﻢ ﻭﺧﺮ ﺣﻲ ﻋﻠﻴﻚ ﻳﺮﺍﺟﻮ ﻓﻴﻨﺎ
ﺍﻳﻬﻢ ﺍﺑﺘﺴﻢ ﻉ ﺟﻨﺐ .. ﻧﺎﺧﺬ ﺍﻟﻲ ﻧﺒﻴﻬﺎ ﻗﺒﻞ
ﺍﻧﺎ .. ﺑﻌﺪﻳﻦ ﻭﺍﻟﻠﻪ ﺗﻮﺍ ﺧﻠﻴﻨﺎ ﻧﻨﺰﻟﻮ ﻋﻴﺐ ﻳﺎﺣﺎﻧﻂ
ﻗﻌﺪﺕ ﻧﺼﻜﺮ ﻑ ﺑﻄﻢ ﺑﺴﺮﻋﻪ ﻭﻣﺪﻳﺘﻠﻪ ﺟﺎﻛﺘﻪ ﺍﻟﺠﻠﺪ
ﺍﻧﺎ .. ﻫﻴﺎ ﺳﻘﺪ ﻳﺎﻣﺴﺘﻔﺰ
ﻟﺒﺲ ﻭﺑﺦ ﻋﻄﺮﻩ ﻭﺍﻧﺎ ﺧﺬﻳﺖ ﻣﻮﺑﺎﻳﻠﻲ ﻭﻃﻠﻌﻨﺎ ﻣﻦ ﺷﻘﻪ
ﺍﻳﻬﻢ .. ﺣﻮﻟﻴﻪ ﺍﻟﻮﺷﺎﺡ
ﺍﻧﺎ .. ﺧﻠﻴﻪ ﻭﺧﻼﺹ ﻣﺰﺍﻟﺖ ﺟﺪﻳﺪﻩ
ﺍﻳﻬﻢ .. ﻫﻬﻬﻪ ﺑﺎﻩ ﻳﺎﻋﺒﻴﻄﻪ
ﺍﻧﺎ .. ﺧﻼﺹ ﻫﻠﻚ ﺍﺳﺲ
ﻧﻐﺰﻧﻲ ﻑ ﺟﻨﺒﻲ
ﺍﻧﺎ ﻧﻄﻴﺖ ﻭﺍﺑﺘﺴﻤﺖ .. ﺍﻳﻬﻤﻤﻢﻡ
ﻣﻨﻴﺮ .. ﺍﻭﻭﻭ ﺍﻟﻌﺮﺳﺎﻥ ﻋﻨﺪﻧﺎ
ﺍﻧﺎ ﻭﺟﻲ ﻗﻌﺪ ﺍﺣﻤﺮ ﻻﻧﻪ ﻋﺮﻓﺘﻪ ﺷﺎﻓﻨﻪ
ﺍﻳﻬﻢ .. ﻭﻳﻦ ﻳﺎ ﺑﺎﺷﺎ ﻗﺎﻟﻮ ﺍﺷﻐﺎﻝ ﻭﺩﻧﻴﺎ ﺷﺎﻳﻼ
ﻣﻨﻴﺮ .. ﺑﻌﺪﻳﻦ ﻳﺎﺣﺎﻧﻂ ﺧﻠﻲ ﻧﺴﻠﻤﻮ ﻉ ﻣﺮﺍﺕ ﺧﻮﻳﺎ
ﺍﻧﺎ .. ﺧﻴﺮﺍﺕ ﻛﻴﻒ ﺣﺎﻟﻚ ﻳﺎﻣﻨﻴﺮ
ﻣﻨﻴﺮ .. ﺍﻟﺤﻤﺪﺍﻟﻠﻪ ﺑﺨﻴﺮ ﺍﻧﺘﻲ ﺷﻦ ﺩﺍﻳﺮﻩ ﻣﻊ ﺍﻳﻬﻢ
ﺍﻧﺎ ﺿﺤﻜﺖ .. ﻛﻨﻜﻢ ﻧﻔﺲ ﺍﻟﺴﻮﺍﻝ
ﻣﻨﻴﺮ .. ﺣﺼﻠﻪ ﻣﺎﻩ ﻋﺎﺭﻓﻪ ﺍﻧﺎ
ﺍﻧﺎ .. ﻻﻻ ﺣﺮﺍﻡ ﻋﻠﻴﻚ ﻟﻌﻨﺪ ﺗﻮﺍ ﻃﻴﺐ
ﻣﻨﻴﺮ .. ﻳﺘﻘﻴﻚ ﺷﺮﻩ ﺑﻌﺪ ﻳﻨﻔﺼﻞ
ﺍﻳﻬﻢ .. ﺧﺶ ﻳﺎﺣﻴﻮﺍﻥ ﺍﻧﺖ ﺧﻴﺮﻟﻚ
ﺧﺸﻴﻨﺎ ﻟﺤﻮﺵ ﻋﻤﻲ ﻟﻘﻴﺖ ﺗﺴﻨﻴﻢ ﻭﺩﻧﻴﺎ ﻳﻨﻀﻤﻦ ﻑ ﻃﺎﻭﻟﻪ ﻗﺮﺑﺖ ﻣﻨﻬﻢ
ﺍﻧﺎ .. ﻫﺎﺗﻲ ﻳﺎﺩﻧﻴﺎ ﺗﻮﺍ ﻧﺪﻳﺮﻫﻦ
ﺗﺴﻨﻴﻢ .. ﻳﺎﺑﺘﻲ ﺣﻨﺘﻚ ﺗﻮﺍ ﺍﻃﻴﺮ ﺧﻠﻴﻚ
ﺍﻧﺎ .. ﺣﺴﺴﺘﻴﻨﻲ ﻣﻴﻪ ﻳﺎﺧﻴﻪ ﻭﺳﻴﻮﺭﻫﺎ ﻃﺎﻳﺮﻩ
ﻧﻀﻤﺖ ﺧﺒﺰﻩ ﻭﺑﺮﻣﺖ ﻉ ﺟﻴﻬﺎ ﺍﻟﻲ ﻣﻘﻤﻌﺰﻳﻦ ﻓﻴﻬﺎ ﺷﺒﺎﺏ ﺑﺤﺖ ﻓﻴﺎ ﺍﻳﻬﻢ ﻭﻗﺮﻥ ﺣﻮﺍﺟﺒﻪ ﻭﻗﻌﺪ ﻳﻨﺰﻝ ﻭﻳﺮﻗﻰ ﻑ ﺣﻮﺍﺟﺒﻪ ﻭﻏﻤﺰﻟﻲ ﻗﻌﺪﺕ ﻧﻀﺤﻚ ﻉ ﺣﺮﻛﺎﺗﻪ
ﺳﻠﻴﻤﻪ .. ﻫﻴﺎ ﺗﻔﻀﻠﻮ ﻏﺪﺍﺀ ﻭﺍﺗﻲ
ﺍﻳﻬﻢ .. ﺭﺯ ﺍﻣﻲ ﻭﻣﺤﺸﻲ ﺍﻣﻴﻲ ﺍﻭﻭﻭ ﻭﺍﺟﺪ ﻫﻜﻲ ﺳﻠﻢ ﺍﻳﺪﻳﻚ ﻳﺎﻏﺎﻟﻴﻪ
ﺳﻠﻴﻤﻪ ﺍﺑﺘﺴﻤﺖ .. ﺳﻠﻤﻚ ﺣﺒﻴﺒﻲ ﺻﺤﻪ
ﺗﺴﻨﻴﻢ .. ﻭﻋﺼﻴﺮ ﺳﻮﻧﺎ ﺣﺘﻰ ﻫﻮ ﻣﺎﺗﻨﺴﺶ
ﺍﻳﻬﻢ .. ﻭﻋﺼﻴﺮ ﻓﺮﺍﻭﻟﻪ ﺍﻟﻲ ﺳﺎﻛﻨﻪ ﺑﻴﻪ ﺗﺴﻨﻴﻢ
ﺗﺴﻨﻴﻢ .. ﻣﺶ ﺗﺤﺒﻪ
ﺍﻳﻬﻢ .. ﺧﻼﺹ ﻋﺎﺩ ﺣﻤﻀﺘﻲ ﻋﻠﻴﻪ
ﻣﻨﻴﺮ .. ﺑﺎﻫﻲ ﺣﻠﺘﻠﻜﻢ ﺗﻮﺍ ﻫﺪﺭﺯﻩ ﻉ ﺻﻔﺮﻩ ﺭﺍﻧﻲ ﻣﻴﺖ ﺟﻮﻉ
ﻗﻤﻌﺰﺕ ﺗﻼ ﺍﻳﻬﻢ ﻭﺍﻋﻤﻴﻤﻪ ﻭﺍﻣﺠﺪ ﻉ ﺭﺃﺱ ﻃﺎﻭﻟﻪ ﻭﻣﻦ ﺟﻴﻬﺎ ﺍﻣﺠﺪ ﺩﻧﻴﺎ ﻭﺭﺗﺎﺝ ﺑﻌﺪﻫﺎ ﻣﻨﻴﺮ ﻣﻦ ﺻﻔﺘﻨﺎ ﻭﻣﻦ ﺻﻔﻪ ﻷﺧﺮﻯ ﺗﺴﻨﻴﻢ
ﺳﻠﻴﻤﻪ .. ﺳﻤﻮ ﺑﺎﻟﻠﻪ
ﻗﻌﺪﻧﺎ ﻧﺘﻐﺪﻭ
ﻣﻨﻴﺮ ﻳﺄﻛﻞ .. ﻣﺤﺸﻲ ﻣﻦ ﺟﻤﻌﻪ ﺍﻟﻲ ﻓﺎﺗﺖ ﻗﺘﻠﻚ ﺩﻳﺮﻳﻪ ﺩﺭﺗﻴﻪ ﺍﻻ ﻉ ﺑﺮﻧﺴﺲ ﺍﻳﻬﻢ
ﺍﻳﻬﻢ ﺿﺮﺑﻪ ﻉ ﺿﻬﺮﻩ .. ﻏﻴﺮ ﺯﻣﻂ ﺍﻟﻲ ﻑ ﻓﻤﻚ ﺑﺲ
ﺳﻠﻴﻤﻪ .. ﺧﻠﻴﻪ ﺧﻠﻴﻪ ﻳﻔﺘﺮﺵ ﺑﺲ ﻗﺘﻠﻚ ﺻﺒﻲ ﺟﻴﺐ ﺧﻀﺮﺍ ﻗﺘﻠﻲ ﻻ ﻣﺎﻋﻨﺪﻳﺶ ﻧﻴﻪ
ﺍﻣﺠﺪ .. ﺗﺎﺧﺬﻱ ﻉ ﻛﻼﻣﻪ ﻳﺎﺍﻣﻲ
ﻣﻨﻴﺮ .. ﻗﺮﻳﺐ ﺷﺮﻗﺖ ﻣﻦ ﻛﺜﺮ ﻣﺎﺩﺭﺗﻮ ﻋﻠﻴﺎ ﻫﺠﻮﻡ
ﺩﻧﻴﺎ .. ﺻﺤﻪ ﺻﺤﻪ ﻣﺎﺗﻌﺪﻟﺶ ﻋﻠﻴﻬﻢ ﻫﺬﻳﻤﺎ ﺩﻳﻤﺎ ﻫﻚ ﻏﺎﻳﺮﻳﻦ ﻣﻨﻚ ﺭﺍﻫﻮ
ﻣﻨﻴﺮ .. ﻫﻬﻬﻪ ﺍﻫﻲ ﻣﺮﺍﺕ ﺧﻮﻳﺎ ﺻﻘﻊ
ﺗﺴﻨﻴﻢ .. ﺗﻤﺸﻲ ﻓﻴﻚ ﻳﺎﻫﺒﻞ
ﻣﻨﻴﺮ .. ﺍﻫﻲ ﻣﻴﺲ ﺍﻟﺠﺪﻳﺪﻩ ﺗﻮﺍ ﺗﺤﻜﻢ ﻋﻠﻴﺎ ﺍﻧﺎ ﺷﻨﻮ ﻫﺒﻞ ﻭﻻ ﺣﺎﻧﻂ ﻭﻫﻤﺎ ﻏﺎﻳﺮﻥ ﻣﻨﻲ ﻧﻔﺲ ﻣﺎﻗﺎﻟﺖ ﺩﻧﻴﺎ
ﺍﻧﺎ .. ﻫﻬﻬﻬﻪ ﻻ ﻫﻤﺎ ﻏﺎﻳﺮﻥ ﻣﻨﻚ ﺍﻧﺖ ﺻﻘﻊ ﻋﻠﻴﻬﻢ
ﻣﻨﻴﺮ .. ﺍﻫﻮ ﺍﻟﻜﻼﻡ ﺍﻟﺼﺢ
ﺍﻳﻬﻢ ﺑﺤﺖ ﻓﻴﺎ ﻣﻦ ﺟﻨﺐ .. ﻣﻨﻮﺭﻩ ﻉ ﺑﻴﻌﻪ
ﺍﻧﺎ ﺍﺑﺘﺴﻤﺖ .. ﻧﻘﻮﻝ ﻑ ﺣﻖ ﻛﻨﻚ ﺍﻧﺖ
ﺍﻳﻬﻢ .. ﺍﻟﺤﻖ ﺻﺎﺭ ﺑﺎﻫﻲ ﺑﺎﻩ ﻳﺎﻣﻴﺲ
ﺍﻣﺠﺪ .. ﻣﻴﺲ ﻣﺎﺗﺨﺘﺼﺮﻱ ﻉ ﺭﻭﺣﻚ ﻭﺗﻘﻮﻟﻴﻠﻬﻢ ﺍﻣﺠﺪ ﺍﺣﺴﻦ ﻣﻨﻜﻢ
ﻗﻌﺪﺕ ﻧﺒﺤﺖ ﻓﻴﻬﻢ ﻫﻤﺎ ﺛﻼﺛﻪ
ﺍﻧﺎ .. ﻣﺎﻓﻴﺶ ﺍﺣﺴﻦ ﻣﻦ ﺗﻮﺟﺎ
ﺭﺗﺎﺝ ﺍﺑﺘﺴﻤﺖ ﻭﺑﺤﺘﺖ ﻓﻴﺎ
ﺍﻳﻬﻢ .. ﺗﻮﺟﺘﻲ ﺍﻧﺎ ﻛﻨﻬﺎ ﺳﺎﻛﺘﻪ ﺍﻟﻴﻮﻡ
ﺭﺗﺎﺝ .. ﻧﻌﺴﺎﺍﺍﻧﻪ
ﺍﻳﻬﻢ .. ﻫﻬﻪ ﺑﻌﺪ ﻏﺪﺍﺀ ﺍﺭﻗﺪﻱ ﺭﺍﻙ ﺗﺨﺸﻲ ﻟﻤﻄﺒﺦ ﻉ ﺳﺎﺱ ﻳﻌﻠﻤﻮ ﻓﻴﻚ
ﺭﺗﺎﺝ .. ﻻﻻ ﻣﺎﺩﺧﻠﻨﻴﺶ ﺑﻴﻬﻢ ﺍﻧﺎ ﺧﻼﺹ ﻓﻲ ﺗﺴﻨﻴﻢ ﻭ ﻣﺎﻣﺎ ﻭﺩﻧﻴﺎ ﻭﻣﻴﺲ ﺍﺧﺮﻯ ﺗﻮﺍ
ﺍﻳﻬﻢ .. ﻫﻬﻬﻪ ﻻ ﺧﻼﺹ ﺭﺍﻩ ﺗﺴﻨﻴﻢ ﻧﺒﻮ ﻧﺠﻮﺯﻭﻫﺎ ﺗﻘﻌﺪﻱ ﺍﻧﺘﻲ ﺗﻀﻤﻲ ﻭﺗﺤﻮﺳﻲ
ﺭﺗﺎﺝ ﻣﺪﺕ ﻓﻤﻬﺎ .. ﻋﺎﺩﻱ
ﺍﻣﺠﺪ .. ﻣﺎﺗﻠﺒﺴﻬﺶ ﺧﻠﻴﻬﺎ ﺣﺒﻴﺒﻪ ﺧﻮﻫﺎ
ﺗﻐﺪﻳﻨﺎ ﻭﺻﺒﻴﻨﺎ ﻭ ﺷﺒﺎﺏ ﻃﻠﻌﻮ ﻟﺠﻨﺎﻥ ﻭﻧﺤﻦ ﻗﻌﺪﻧﺎ ﻧﻠﻤﻮ ﻑ ﻣﻮﺍﻋﻴﻦ "
" ﺍﻳﻬﻢ ﻣﺼﺒﻲ ﻑ ﺟﻨﺎﻥ ﻭﻳﺪﺧﻦ ﺟﺎﺀ ﻭﺭﺍﻩ ﺍﻣﺠﺪ
ﺍﻣﺠﺪ .. ﺷﻨﺠﻮ
ﺍﻳﻬﻢ ﺑﺤﺖ ﻓﻴﻪ .. ﺗﻤﺎﻡ ﻭﺍﻟﻠﻪ
ﺍﻣﺠﺪ .. ﻣﻴﺲ ﺷﻨﻮ ﺣﺴﻴﺘﻪ ﺟﻮﻛﻢ ﺳﺎﻟﻚ
ﺍﻳﻬﻢ ﺍﺑﺘﺴﻢ .. ﻻ ﺗﻤﺎﻡ ﺟﻮﻧﺎ ﺗﻮﺍ
ﺍﻣﺠﺪ .. ﺑﺎﻩ ﺍﻟﺤﻤﺪﺍﻟﻠﻪ ﻭﺑﺎﻳﻦ ﻋﻠﻴﻬﺎ ﻃﻴﻮﺑﻪ ﺑﻜﻞ
ﺍﻳﻬﻢ .. ﺑﻜﻞ ﺑﺲ ﻫﺮﺟﻪ ﻧﺤﺲ ﻓﻴﻬﺎ ﻛﺎﻧﻲ ﻧﺤﻜﻲ ﻣﻊ ﺗﺴﻨﻴﻢ ﺟﻮﻫﺎ ﺯﻱ ﺑﻨﺎﺕ ﺻﻐﺎﺭ ﻣﺰﺍﻝ
ﺍﻣﺠﺪ .. ﺍﻛﻴﺪﻩ ﻫﺬﻱ ﻣﺰﺍﻝ ﺻﻐﻴﺮﻩ ﻳﻌﻨﻲ ﺗﺒﻲ ﺗﺮﺍﻋﻴﻬﺎ ﺷﻮﻳﺎ ﺍﻧﺎ ﻋﺎﺭﻓﻚ ﻓﻼﻡ ﻣﺮﻩ ﻣﺮﻩ
ﺍﻳﻬﻢ .. ﻫﻬﻬﻪ ﻻﻻ ﻣﻌﺎﻫﺎ ﻣﺎﺳﻚ ﺭﻭﺣﻲ ﻻﻧﻪ ﻋﺎﺭﻑ ﺩﻣﻮﻋﻬﺎ ﻣﺴﺮﻉ ﻣﺎﻳﻨﺰﻟﻦ
ﺍﻣﺠﺪ .. ﺣﺼﻠﺘﻬﺎ ﺻﻐﻴﺮﻩ ﺗﻘﺪﺭ ﺗﺸﻜﻠﻬﺎ ﻉ ﺍﻳﺪﻙ ﻛﻴﻒ ﻣﺎﺗﺒﻲ
ﺍﻳﻬﻢ .. ﺍﻧﺖ ﺷﻨﺠﻮﻙ
ﺍﻣﺠﺪ .. ﻛﻴﻒ ﻣﺎﺍﻧﺎ ﻗﺎﻋﺪ
ﺍﻳﻬﻢ .. ﺷﻨﺠﻮ ﺷﻐﻞ
ﺍﻣﺠﺪ .. ﺗﻤﺎﻡ ﻣﺎﺷﻲ ﺑﺲ ﺩﻳﺮ ﻃﻠﻪ ﻉ ﻣﺤﻠﻚ
ﺍﻳﻬﻢ .. ﺍﻛﻴﺪﻩ ﺑﻜﺮﺍ
ﺍﻣﺠﺪ .. ﺍﻣﺘﻰ ﺑﺘﺒﺪﺍ ﻑ ﺷﻐﻞ
ﺍﻳﻬﻢ .. ﺑﺎﻟﻚ ﺍﺳﺒﻮﻉ ﺟﺎﻱ ﻣﺸﻌﺎﺭﻑ ﻭﺍﻟﻠﻪ
ﻣﻨﻴﺮ .. ﺷﻦ ﺗﺤﻜﻮﺍ ﺍﻧﺘﻢ
ﺍﻳﻬﻢ .. ﺍﻧﺖ ﺍﻟﻲ ﻣﻦ ﻧﺒﺪﺭﻱ ﻧﺸﻮﻑ ﻓﻴﻚ ﺗﺤﻜﻲ ﻉ ﻣﻮﺑﺎﻳﻞ ﻭﻣﻨﺴﺠﻢ ﺷﻦ ﻋﻨﺪﻙ .. ﻭﻏﻤﺰﻟﻪ
ﻣﻨﻴﺮ ﺍﺑﺘﺴﻢ .. ﻧﻜﻠﻢ ﻑ ﻣﺮﻳﻢ
ﺍﻣﺠﺪ .. ﺍﻭﺑﺎ ﺍﻣﺘﻰ ﺻﺎﺭ ﻛﻼﻡ ﻫﺬﺍ
ﻣﻨﻴﺮ .. ﻏﻴﺮ ﻭﺳﻊ ﺑﺎﻟﻚ ﻋﻨﺪﻫﺎ ﻣﺸﺮﻭﻉ ﺗﺨﺮﺝ ﻭﻧﺒﻲ ﻧﺴﺎﻋﺪﻫﺎ ﻓﻴﻪ
ﺍﻳﻬﻢ .. ﻣﻜﺎﻟﻤﺎﺕ ﻭﻻﻗﺎﺋﺎﺕ ﻭﻳﺒﺪﺃ ﺟﻮ ﺍﻟﻲ ﻳﺒﻴﻪ ﺧﻮﻧﺎ
ﻣﻨﻴﺮ .. ﺻﻜﺮ ﻓﻤﻚ ﻳﺎﺣﻴﻮﺍﻥ
ﺭﺗﺎﺝ .. ﺗﻌﺎﻟﻮ ﺍﺷﺮﺑﻮ ﺷﺎﻫﻲ
ﺍﻣﺠﺪ .. ﺧﺶ ﺍﻧﺖ ﻭﻳﺎﻩ
ﺧﺸﻮﻟﻨﺎ ﺟﻮﺍ ﻧﺤﻦ ﻣﻘﻤﻌﺰﻳﻦ ﻉ ﺻﺎﻟﻮﻥ ﻭﺍﻋﻤﻴﻤﻪ ﻟﻮﻃﻪ ﻉ ﻋﺪﺍﻟﻪ ﺷﺎﻫﻲ
ﺳﻠﻴﻤﻪ .. ﺗﻌﺎﻟﻮ ﻫﻴﺎ ﺷﺎﻫﻲ ﺳﺎﺧﻦ
ﺍﻳﻬﻢ .. ﺍﻧﻘﻨﻪ ﺷﺎﻫﻲ ﻭﻧﺮﻗﺪ ﻫﻠﻜﺎﻥ ﻣﻦ ﻃﺮﻳﻖ
ﺳﻠﻴﻤﻪ .. ﺗﺮﻳﺢ ﻳﺎﺑﺎﺗﻲ
ﻣﻨﻴﺮ .. ﻭﺍﻧﻘﻨﻪ ﺍﻧﺎ
ﺍﻣﺠﺪ .. ﻧﻌﻢ ﺍﻧﻘﻨﻚ ﺷﻨﻮ ﺍﻟﻤﺤﻞ ﻳﺮﺍﺟﻲ ﻓﻴﻚ ﻳﺎﺣﻠﻮ ﻋﻠﻴﺶ ﻓﺎﺗﺤﻴﻦ ﻓﺮﻉ ﺟﺪﻳﺪ ﺩﺍﺑﻴﻦ ﺑﺘﺮﻗﺪ ﻑ ﺣﻮﺵ
ﻣﻨﻴﺮ .. ﺍﻧﻘﻨﻪ ﺩﻭﺭﻭ ﺣﺪ ﻳﻘﻌﺪ ﻓﻴﻪ ﻣﻠﻴﺖ ﺍﻧﺎ ﺍﺯﻑ
ﺍﻳﻬﻢ .. ﻣﺰﺍﻝ ﻣﺎﺣﺼﻠﺘﻮ ﺣﺪ
ﻣﻨﻴﺮ .. ﻣﺰﺍﻝ ﻗﺎﻋﺪ ﻣﺘﺰﺑﻚ ﻑ ﺍﻣﻪ ﺍﻧﺎ
ﺍﻳﻬﻢ .. ﺗﻮﺍ ﻧﺸﻮﻓﻠﻚ ﺍﻧﺎ ﺍﺻﺎﺣﺒﻲ
ﻣﻨﻴﺮ .. ﺍﺩﻳﺮ ﻓﻴﺎ ﺧﻴﺮ ﻭﻟﻠﻪ
ﺍﻳﻬﻢ .. ﺑﺎﻩ ﺧﻼﺹ ﺭﺍﻙ ﺗﺒﻜﻲ ﺑﺲ
ﺗﺴﻨﻴﻢ .. ﻛﻞ ﻳﻮﻡ ﻫﻜﻲ ﻳﺠﻲ ﻳﻨﻖ ﻋﻨﺪ ﺭﻭﺳﻨﺎ
ﻣﻨﻴﺮ .. ﺍﺳﻜﺘﻲ ﺍﻧﺘﻲ ﻣﺶ ﺣﺎﺳﻪ ﻣﺎﻫﻮ
ﺗﺴﻨﻴﻢ .. ﻣﺴﻜﻴﻦ
ﻣﻨﻴﺮ ﻋﺰﻕ ﻓﻴﻬﺎ ﻣﺨﺪﻩ .. ﺧﺎﻃﻲ ﻭﺟﻲ
ﺍﻳﻬﻢ .. ﺍﻫﺪﺃ ﻳﺎﻭﺣﺶ
ﺷﺮﺑﻨﺎ ﺍﻟﺸﺎﻫﻲ ﻭﺭﻛﺒﻨﺎ ﻟﺸﻘﻪ ﺭﻗﺪﻧﺎ ﻃﻮﻝ ﻣﻦ ﺗﻌﺐ ﻃﺮﻳﻖ "
" ﺭﺷﺎ .. ﻛﺬﺍﺍﺍﺑﻪ ﺗﻘﻮﻝ ﻛﻨﺖ ﺣﺎﺳﻪ ﻗﺘﻠﻪ ﻣﺎﺗﺠﻴﺶ ﺍﻟﻴﻮﻡ
ﺭﻳﻬﺎﻡ .. ﺑﺎﻩ ﺍﻧﺎ ﻓﻴﻬﺎ ﻣﺎﻓﻴﻬﺎ ﺧﻄﻴﺒﻲ ﺑﺎﻫﻲ ﺍﻟﻲ ﺟﺖ ﻑ ﻭﺟﻲ
ﺭﺷﺎ .. ﺍﻫﺎ ﺑﺎﻩ ﺑﺲ ﻣﻦ ﻗﺎﻟﻬﺎ ﻟﻪ ﻫﺬﺍ ﺣﺪ ﻳﺨﺮﺏ ﻋﻠﻴﻨﺎ ﻭﻻ ﺷﻨﻮ
ﺭﺣﺎﺏ .. ﺩﻳﺮﻥ ﺍﺣﺘﻴﻄﺎﺗﻜﻦ ﻭﺧﻼﺹ ﻓﻜﻨﺎ ﻣﻦ ﻣﺸﺎﻛﻞ ﻭﻧﻜﺪ
ﺭﺷﺎ .. ﻏﻴﺮ ﺭﺩﻱ ﺑﺎﻟﻚ ﺍﻧﺘﻲ ﺍﻟﻲ ﻃﺎﺭﻕ ﻣﻌﺎﻧﺎ ﻑ ﻧﻔﺲ ﺍﻟﺤﻮﺵ
ﺭﺣﺎﺏ .. ﺑﺎﻩ ﺍﻧﺎ ﻭﻟﺪ ﺧﺎﻟﻲ
ﺭﻳﻬﺎﻡ .. ﺑﺲ ﻧﺤﻦ ﻣﺶ ﺩﺍﻳﺮﻥ ﺧﻠﻄﻪ ﻭﺍﺟﺪ ﺑﻴﻬﻢ ﺣﺘﻰ ﻭﻛﺎﻥ ﻑ ﻧﻔﺲ ﺍﻟﺤﻮﺵ
ﺭﺷﺎ .. ﻟﻮ ﻛﺎﻥ ﻧﻄﻠﻌﻮ ﻣﻦ ﺷﻘﻪ ﻧﺎﺧﺬﻭ ﺭﺍﺣﺘﻨﺎ ﺃﻛﺜﺮ
ﺭﻳﻬﺎﻡ .. ﻳﺎﺭﻳﺖ ﻭﺍﻟﻠﻪ ﺑﺲ ﻣﻦ ﻭﻳﻦ ﻳﺎﺣﺴﺮﻩ
ﺭﺷﺎ .. ﺷﻘﺘﻨﺎ ﻗﺎﻋﺪﻩ ﻣﺴﺠﻠﻪ ﺏ ﺍﺳﻢ ﺑﺎﺑﺎ ﻭ ﻫﺬﻱ ﺏ ﺍﺳﻢ ﻣﺎﻣﺎ
ﺭﻳﻬﺎﻡ .. ﻣﺸﻌﺎﺭﻓﻪ ﺑﺲ ﻣﺎﺣﺘﻰ ﻗﻌﺪﻧﺎ ﻃﻮﻝ ﺍﻟﻌﻤﺮ ﻓﻴﻬﺎ
ﺭﺣﺎﺏ .. ﺍﻧﺘﻲ ﻃﺎﻟﻌﻪ ﻣﻨﻬﺎ ﺑﻌﺪ ﻛﻢ ﺷﻬﺮ ﺭﻳﺤﻲ ﺭﻭﺣﻚ ﻭﺍﺳﻜﺘﻲ
ﺭﺷﺎ .. ﺗﺒﻴﻬﺎ ﻋﺎﺩ ﺍﻧﺘﻲ
ﺭﺣﺎﺏ .. ﺷﻦ ﺭﺍﻳﻚ ﺍﻧﺘﻲ ﺍﻛﻴﺪﻩ ﺍﻧﺎ ﻣﺎﻋﻨﺪﻳﺶ ﺗﻠﻔﻮﻥ ﺑﻴﺶ ﻧﺤﻜﻲ ﺑﻴﻪ ﺣﺘﻰ
ﺭﺷﺎ .. ﺗﻮﺍ ﺍﺩﻳﺮﻳﻪ ﻭﻻ ﺑﻌﺪ ﻧﺸﺮﻱ ﺍﻧﺎ ﻣﻮﺑﺎﻳﻞ ﺟﺪﻳﺪ ﻧﻌﻄﻴﻚ ﺍﻣﺘﺎﻋﻲ
ﺭﺣﺎﺏ .. ﻭﺍﻟﻠﻪ ﻧﺎﺧﺬ ﺍﻣﺘﺎﻋﻚ
ﺭﺷﺎ .. ﻫﺎ ﻣﺶ ﺣﻞ ﻳﺎﻓﺴﺨﻪ
ﺭﺣﺎﺏ .. ﻏﻴﺮ ﺭﺍﺟﻲ ﻟﻴﻦ ﻧﻄﻠﻌﻮ ﻣﻦ ﺷﻘﻪ ﻗﺒﻞ ﻭﺍﻧﺘﻲ ﺗﻔﺮﻏﻲ ﻗﺒﻞ ﺍﻟﻐﻨﺎﻭﻩ
ﺭﺷﺎ .. ﻫﻬﻬﻬﻪ ﺧﻠﻴﻨﺎ ﻧﺤﻠﻤﻮ ﻛﻨﻚ ﺍﻧﺘﻲ
ﺭﻳﻬﺎﻡ .. ﺍﻥ ﺷﺎﺀ ﺍﻟﻠﻪ ﻣﺎ ﻳﻄﻠﻊ ﻋﺮﺳﻲ ﺍﻻ ﻑ ﺣﻮﺵ ﺟﺪﻳﺪ
ﺭﺷﺎ .. ﻳﺎﺭﻳﺖ ﻭﺍﻟﻠﻪ
ﺭﺣﺎﺏ .. ﻭﺍﻧﺎ ﻋﻨﺪﻱ ﻣﻮﺑﺎﻳﻞ ﺑﻴﺶ ﻧﺤﻜﻲ ﻣﻊ ﻃﺎﺭﻕ
ﺭﻳﻬﺎﻡ .. ﻫﻬﻬﻪ ﻧﺎﻗﺼﻨﺎ ﻣﻴﺲ ﺗﻜﻤﻞ ﻣﻌﺎﻧﺎ ﺍﻟﺤﻠﻢ
ﺭﺷﺎ .. ﺍﻟﺤﻴﻮﺍﻧﻪ ﺍﻟﻴﻮﻡ ﺭﻭﺣﺖ ﺍﺯﻋﻤﻚ ﺍﻣﺘﻰ ﺗﺒﻲ ﺗﺠﻴﻨﺎ
ﺭﺣﺎﺏ .. ﺍﻥ ﺷﺎﺀ ﺍﻟﻠﻪ ﺗﺠﻲ ﺑﻜﺮﺍ ﺧﻤﻴﺲ
ﺭﺷﺎ .. ﺻﺎﺡ ﺍﻫﺎ ﺍﻧﺎ ﻣﺎﻋﻨﺪﻳﺶ ﺟﺎﻣﻌﻪ
ﺭﻳﻬﺎﻡ .. ﻣﺸﻄﺮﻛﻦ ﺍﻧﺎ ﻋﻨﺪﻱ ﺟﺎﻣﻌﻪ
ﺭﺷﺎ .. ﻭﻣﺎﺗﻌﺪﻳﺶ ﻫﻴﺎ ﻣﺤﺎﺿﺮﻩ ﻭﺣﺪﻩ ﺑﺲ ﺧﻠﻲ ﺻﺎﺣﺒﺎﺗﻚ ﻳﺴﺠﻠﻨﻬﺎ ﻟﻜﻲ ﻭﻻ ﺷﺎﻃﺮﺍﺕ ﻏﻴﺮ ﺍﻧﺘﻲ ﺗﺴﺠﻠﻴﻬﻦ
ﺭﻳﻬﺎﻡ .. ﺗﻮﺍ ﻧﻘﻮﻟﻠﻬﻦ ﺍﺻﻼً ﻣﺎﻋﻨﺪﻳﺶ ﻓﻴﻬﺎ ﻧﻴﻪ ﺗﺼﺪﻗﻲ
ﺭﺣﺎﺏ .. ﻛﻨﻚ ﺍﻟﻴﻮﻡ ﺍﻧﺘﻦ ﻣﻦ ﻧﺒﺪﺭﻱ ﻭﺍﻧﺘﻦ ﺗﺤﻠﻤﻦ ﻣﻦ ﺍﻛﺪﻟﻜﻦ ﺍﻧﻬﺎ ﺟﺎﻳﺎ ﺗﻮﺍ
ﺭﻳﻬﺎﻡ .. ﺍﻧﺘﻲ ﻣﺎﻋﻨﺪﻛﺶ ﻗﺮﺍﻳﺎ ﺗﻘﺮﻳﻬﺎ
ﺭﺣﺎﺏ .. ﻻﻻ ﻭﻣﺶ ﻣﺎﺷﻴﻪ ﺑﻜﺮﺍ ﺑﻨﺮﻗﺪ
ﺭﺷﺎ .. ﺗﻌﺎﻟﻦ ﻧﻜﺴﺪﻭ ﺗﻼ ﻣﺎﻣﺎ ﻗﺎﻋﺪﻩ ﺑﺮﻭﺣﻬﺎ "
" ﻉ ﻣﻐﺮﺏ ﻧﻀﺖ ﻗﺒﻞ ﺍﻳﻬﻢ ﻭﻣﺸﻴﺖ ﻟﻤﻄﺒﺦ ﻧﺪﻳﺮ ﻑ ﻗﻬﻮﺀ ﻭﻃﻠﻌﺖ ﻣﻌﺎﻫﺎ ﺷﻜﻼﻃﻪ ﻃﻠﻌﺖ ﻟﺼﺎﻟﻪ ﻧﻮﻟﻊ ﻑ ﺿﻮﺍﻳﺎ ﺷﻘﻪ ﻣﻀﻠﻤﻪ ﺩﺭﺕ ﻗﻬﻮﺀ ﻭﺣﻄﻴﺘﻬﺎ ﻉ ﻃﺎﻭﻟﻪ ﻭﺧﺸﻴﺖ ﻟﺪﺍﺭ ﻗﻤﻌﺰﺕ ﻉ ﺳﺮﻳﺮ ﻭﻗﻌﺪﺕ ﻧﻠﻌﺐ ﺑﺸﻌﺮﻩ
ﺍﻧﺎ ﺑﺼﻮﺕ ﻫﺎﺩﻱ .. ﺍﻳﻬﻢ ﺣﺒﻴﺒﻲ ﻧﻮﺽ ﻫﻴﺎ
ﻗﺮﺑﺖ ﻣﻦ ﻭﺟﻪ ﻭﺑﺴﺘﻪ ﻉ ﺧﺪﻩ ﻣﺴﻚ ﺧﺼﺮﻱ ﺑﻘﻮﻩ
ﺍﻳﻬﻢ ﻳﺤﻜﻲ ﻭﻫﻮ ﻣﻐﻤﺾ ﻋﻴﻮﻧﻪ .. ﺧﻠﻴﻚ ﻫﻜﻲ
ﺍﻧﺎ .. ﻫﻬﻬﻪ ﻧﻮﺽ ﻫﻴﺎ ﻣﺶ ﺣﺘﺮﻗﺪ ﻫﻜﻲ ﺑﻌﺪﻳﻦ
ﺍﻳﻬﻢ ﻗﻠﺐ ﻉ ﺿﻬﺮﻩ .. ﺍﺣﺴﻦ ﻻﻧﻪ ﻋﻨﺪﻱ ﺷﻐﻞ ﻑ ﻟﻴﻞ
ﺣﻄﻴﺖ ﺍﻳﺪﻱ ﻉ ﺻﺪﺭﻩ
ﺍﻧﺎ .. ﻣﺶ ﻗﻠﺖ ﺗﺒﻲ ﺗﺒﺪﺍ ﺍﺳﺒﻮﻉ ﺍﻟﺠﺎﻱ
ﺍﻳﻬﻢ ﺑﺼﻮﺕ ﻓﻴﻪ ﺑﺤﻪ .. ﻫﻬﻬﻪ ﺍﻟﺸﻐﻞ ﺍﻧﺘﻲ ﻳﺎﺣﻤﺎﺭﻩ
ﺍﻧﺎ .. ﻫﻬﻬﻪ ﺣﺎﻧﻂ ﺑﺴﻼﻣﺘﻚ ﻫﻴﺎ ﻧﻮﺽ ﺩﺭﺕ ﻗﻬﻮﺀ ﻭﻧﺤﺐ ﺣﺪ ﻳﺸﺮﺏ ﻣﻌﺎﻳﺎ ﺍﻧﺎ
ﺍﻳﻬﻢ .. ﻋﺪﻱ ﻭﺗﻮﺍ ﻧﻠﺤﻘﻚ
ﺍﻧﺎ .. ﻻﻻ ﺻﺒﻲ ﺗﻮﺍ ﺑﺮﺩﺕ ﺍﻛﻴﺪﻩ
ﺍﻳﻬﻢ .. ﻳﻴﻲ ﺳﻜﻨﺎﻥ ﻫﺎﻩ ﺻﺒﻴﺖ
ﺍﻧﺎ .. ﺍﻣﺸﻲ ﺍﻏﺴﻞ ﻭﺟﻚ ﻭﺗﻌﺎﻟﻲ
ﺍﻳﻬﻢ .. ﻫﻴﺎ
ﻃﻠﻌﺖ ﻟﻤﻄﺒﺦ ﻭﻗﻤﻌﺰﺕ ﻉ ﻛﺮﺳﻲ ﺟﺎﻧﻲ ﺍﻳﻬﻢ ﻣﺎﺳﻚ ﻣﻮﺑﺎﻳﻠﻪ
ﺍﻳﻬﻢ .. ﺷﺒﺎﺏ ﻗﺎﻟﻮﻟﻲ ﺑﻴﻜﺴﺪﻭ ﻑ ﺟﻨﺎﻥ ﻋﻨﺪﻧﺎ ﺗﻮﺍ ﺗﻨﺰﻟﻲ
ﺍﻧﺎ .. ﻋﺎﺩﻱ ﻧﺸﺮﺑﻮ ﻗﻬﻮﺗﻨﺎ ﻭﻧﻨﺰﻟﻮ
ﻗﻤﻌﺰ ﻣﻘﺎﺑﻠﻨﻲ
ﺍﻧﺎ .. ﺣﺒﺒﻴﻴﻴﻴﺒﻲ
ﺍﻳﻬﻢ ﻣﺒﺘﺴﻢ .. ﻳﺎﺭﻭﻭﺡ ﺣﺒﻴﺒﻚ ﻧﻌﻢ
ﺍﻧﺎ .. ﻋﺎﺩﻱ ﺑﻜﺮﺍ ﻧﻌﺪﻭ ﻟﻬﻠﻲ
ﺍﻳﻬﻢ .. ﺍﻛﻴﺪﻩ ﻳﺎ ﻋﻤﺮﻱ ﺑﻜﺮﺍ ﺧﻤﻴﺲ ﻣﺎﻓﻴﺶ ﺩﺍﻋﻲ ﺗﻌﺪﻱ ﻟﻤﺪﺭﺳﻪ ﻋﺪﻱ ﻻﺣﺪ
ﺍﻧﺎ .. ﺣﺘﻰ ﺍﻧﺎ ﻗﻠﺘﻬﺎ
ﺍﻳﻬﻢ .. ﺧﻼﺹ ﺑﻜﺮﺍ ﻧﻌﺪﻭ ﻟﻬﻠﻚ
ﺍﻧﺎ .. ﻏﺪﺍﺀ ﻭﻻ ﻋﺸﺎﺀ
ﺍﻳﻬﻢ .. ﺧﻠﻴﻬﺎ ﻋﺸﺎﺀ ﺧﻴﺮ ﺍﻧﺎ ﻫﻜﻲ ﻧﻘﻮﻝ ﻭ ﺍﻧﺘﻲ ﻉ ﺭﺍﺣﺘﻚ
ﺍﻧﺎ .. ﻻﻻ ﺧﻼﺹ ﺧﻠﻴﻬﺎ ﻋﺸﺎﺀ ﺑﺲ ﻧﻌﺪﻭ ﻋﺸﻴﻪ ﻣﺶ ﻣﻐﺮﺏ ﻻﻧﻪ ﻣﺮﺍﺍﺍﺍﻳﻔﻪ ﻋﻠﻴﻬﻢ ﺑﻜﻞ
ﺍﻳﻬﻢ ﺍﺑﺘﺴﻢ .. ﺣﺎﺿﺮ ﺍﻟﻲ ﺗﺒﻴﻬﺎ
ﺍﻧﺎ .. ﺍﻳﻬﻢ ﻣﻦ ﻓﻲ ﻟﻮﻃﻪ
ﺍﻳﻬﻢ .. ﻳﺎ ﺳﺘﻲ ﻫﺬﻳﻤﺎ ﻋﻴﺖ ﻋﻤﻲ ﺍﻟﻲ ﺗﻼﻧﺎ ﻋﻨﺪﻫﻢ ﻣﺤﻤﺪ ﺑﺲ ﻭﻋﻨﺪﻫﻢ ﻣﺮﻳﻢ ﻭﺑﺸﺮﻯ ﻭﻋﻴﺖ ﻋﻤﻲ ﻵﺧﺮﻳﻦ ﻫﺬﻳﻤﺎ ﻛﺎﻧﻮ ﺗﻼﻧﺎ ﺑﺲ ﻋﻤﻲ ﺑﺎﻉ ﻓﻴﻠﺘﻪ ﻭﺳﻜﻦ ﺑﻌﻴﺪ ﻋﻠﻴﻨﺎ ﺑﻌﺪ ﻣﺎ ﺻﺎﺭﺕ ﻗﺼﺘﻲ ﺍﻧﺎ ﻭﻫﺒﻪ
ﺍﻧﺎ .. ﺍﻫﺎ ﻭﻛﻢ ﻋﻨﺪﻫﻢ ﺍﻋﻴﺎﻝ
ﺍﻳﻬﻢ .. ﻋﻨﺪﻫﻢ ﻧﺎﺻﺮ ﻫﺬﺍ ﺩﻳﻤﺎ ﻳﺠﻴﻨﺎ ﻭﻏﺎﻟﻲ ﻋﻠﻴﻨﺎ ﻭﺍﺟﺪ ﻭﻳﺎﺳﻴﻦ ﻫﺬﺍ ﺳﺎﺣﺐ ﺭﻭﺣﻪ ﻣﻨﺎ ﻭﺍﺟﺪ ﻭﻫﺒﻪ ﻭﺭﻳﻤﺎ ﻣﻌﺶ ﻗﻌﺪﻥ ﻋﻼﻗﺎﺕ ﻛﻴﻒ ﻗﺒﻞ
ﺍﻧﺎ .. ﻭﻟﻴﺶ ﺍﻧﺘﻢ ﻓﺴﺨﺘﻮ
ﺍﻳﻬﻢ ﺻﺒﻰ .. ﻫﻴﺎ ﻭﻗﺖ
ﺻﺒﻴﺖ
ﺍﻧﺎ .. ﺑﺎﻩ ﻫﻴﺎ
ﻣﺸﻴﺖ ﻏﻴﺮﺕ ﺩﺑﺸﻲ ﻭﻧﺰﻟﻨﺎ ﻧﺴﻤﻌﻮ ﻑ ﺻﻮﺗﻬﻢ ﻑ ﺟﻨﺎﻥ ﻋﺎﻟﻲ
ﺍﻳﻬﻢ .. ﺍﻟﺴﺴﻼﺍﺍﻡ ﻋﻠﻴﻜﻢ
ﻧﺎﺻﺮ .. ﺟﺎﺀ ﺍﻟﻬﺮﺟﻪ ﺟﺎﺀ
ﺍﻳﻬﻢ .. ﺷﺮﻓﺘﻜﻢ ﻛﻴﻒ ﺣﺎﻟﻚ ﻳﺎﻃﻴﺮ
ﻧﺎﺻﺮ .. ﺍﻟﺤﻤﺪﺍﻟﻠﻪ ﻭﺍﻟﻠﻪ
ﺍﻳﻬﻢ ﻗﺪﻣﻨﻲ ﻗﺪﺍﻣﻪ .. ﺗﻌﺎﻟﻲ ﺧﻠﻲ ﻧﻌﺮﻓﻚ؛؛ﻫﺬﺍ ﻧﺎﺻﺮ ﺍﻟﻲ ﺣﻜﻴﺘﻠﻚ
ﻧﺎﺻﺮ .. ﺭﺍﺟﻲ ﻗﺒﻞ ﺳﻼﻡ ﺷﻦ ﺣﺎﻛﻲ ﻫﺬﺍ ﻋﻠﻴﺎ
ﺍﻧﺎ ﺿﺤﻜﺖ .. ﻫﻬﻬﻪ ﻗﺎﻟﻲ ﺍﻧﻚ ﻏﻠﻴﻆ ﺑﺲ ﻭﺍﻟﻠﻪ ﺑﺎﻳﻦ ﺍﻧﻚ ﻛﻮﻳﺲ
ﻧﺎﺻﺮ .. ﻻﻻ ﺍﻳﻬﻢ ﻣﺎﺍﺩﻳﺮﻫﺶ
ﺍﻧﺎ .. ﻻﻻ ﻭﺍﻟﻠﻪ ﻗﺎﻟﻲ ﻏﺎﻟﻲ ﻋﻠﻴﺎ
ﺳﻠﻤﺖ ﻋﻠﻴﻪ
ﺍﻳﻬﻢ .. ﻭﻫﺬﺍ ﺍﺣﻤﻴﺪﺍ ﺭﻓﻴﻖ ﺩﺭﺑﻲ
ﺍﻧﺎ ﺯﺭﺗﻨﻲ ﺿﺤﻜﻪ ﻭﻫﻮ ﻣﻨﺰﻝ ﺭﺍﺳﻪ .. ﻛﻴﻒ ﺣﺎﻟﻚ ﻳﺎﻣﺤﻤﺪ
ﻣﺤﻤﺪ .. ﻛﻮﻳﺴﻪ ﺍﻟﺤﻤﺪ ﺍﻟﻠﻪ
ﺍﻳﻬﻢ .. ﻣﺮﻳﻢ ﻫﺬﻱ ﺷﺮﺍﺭ ﻳﺸﻊ ﻣﻦ ﻋﻴﻮﻧﻬﺎ ﻣﺠﺮﻣﻪ ﻣﻦ ﻫﻴﺎ ﻭﺻﻐﻴﺮﻩ
ﻣﺮﻳﻢ .. ﺣﺮﺍﻡ ﻋﻠﻴﻚ ﻳﺎﺍﻳﻬﻢ ﻋﻠﻴﻚ ﺳﻤﻌﻪ
ﺍﻳﻬﻢ .. ﻫﻬﻪ ﻫﺬﺍ ﺍﻟﺤﻖ ﻭﻫﺬﻱ ﺑﺸﺮﻯ ﺯﻱ ﻧﺴﻤﻪ ﻣﺎﻋﻨﺪﻫﺶ ﺻﻮﺕ ﻭﻏﺎﻟﻴﻪ ﻉ ﻗﻠﺒﻲ ﻭﺍﺟﺪ
ﺑﺸﺮﻯ ﻣﺒﺘﺴﻤﻪ .. ﻛﻴﻒ ﺣﺎﻟﻚ ﻳﺎ ﻣﻴﺲ ﺍﻳﻬﻢ ﺣﻜﻰ ﻋﻠﻴﻚ ﻭﺍﺟﺪ ﺑﻌﺪ ﺍﻟﺨﻄﺒﻪ
ﺍﻧﺎ ﺍﺑﺘﺴﻤﺖ .. ﺷﻜﻠﻲ ﺑﻨﻘﻤﻌﺰ ﻣﻌﺎﻙ ﺍﻧﺘﻲ
ﺍﻳﻬﻢ .. ﻗﻤﻌﺰﻱ ﻫﻲ
ﻗﻤﻌﺰﺕ ﻉ ﻛﺮﺳﻲ ﺗﻼﻩ
ﺍﻳﻬﻢ ﻃﺒﺲ ﻋﻠﻴﺎ ﺑﺼﻮﺕ ﻭﺍﻃﻲ .. ﺍﻃﻠﻘﻲ ﺭﻭﺣﻚ
ﺍﻧﺎ .. ﺑﺎﻩ
ﻣﺮﻳﻢ .. ﻗﺮﺑﻲ ﻫﻨﺎ ﺧﻠﻲ ﻧﻬﺪﺭﺯﻭ ﻣﻌﺎﻙ
ﻗﺮﺑﺖ ﻣﻨﻬﻢ
ﺍﻧﺎ .. ﺍﻳﻦ ﻭﺣﺪﻩ ﺑﺸﺮﻯ ﺍﻧﺘﻦ ﺗﺸﺒﻬﻦ ﺑﻌﻀﻜﻦ ﻭﺍﺟﺪ
ﺑﺸﺮﻯ .. ﻫﻬﻪ ﺍﻧﺎ ﺑﺸﺮﻯ ﺩﻳﻤﺎ ﻳﻘﻮﻟﻠﻨﺎ ﻓﻴﻬﺎ
ﺍﻧﺎ .. ﺍﻫﺎ ﺗﺸﺒﻬﻦ ﺑﻌﻀﻜﻦ ﺑﻜﻞ ﻣﺤﻤﺪ ﻣﺶ ﺷﻮﺭﻛﻦ ﺑﻜﻞ
ﻣﺮﻳﻢ .. ﻳﺸﺒﻪ ﺑﺎﺑﺎ ﻫﻮ
ﺗﺴﻨﻴﻢ .. ﺑﺘﻌﺪﻱ ﺑﻜﺮﺍ ﻟﻤﺪﺭﺳﻪ
ﺍﻧﺎ .. ﻻ ﺑﻜﺮﺍ ﻣﺎﺷﻴﻪ ﻟﻬﻠﻲ ﺍﺻﻼً
ﺗﺴﻨﻴﻢ .. ﺍﻫﺎ ﺧﻤﻴﺲ ﺧﻠﻴﻬﺎ ﻉ ﺃﺣﺪ ﺧﻴﺮ
ﻣﺮﻳﻢ .. ﻋﻼﻗﻪ ﺻﺎﺡ
ﺍﻧﺎ .. ﻫﻬﻪ ﺍﻧﺎ ﻭﺍﻳﻬﻢ ﻻ ﺷﻔﺘﻪ ﻳﻮﻡ ﻣﻘﺎﺑﻠﻪ ﺑﺲ
ﻣﺮﻳﻢ .. ﻳﻮﻡ ﺗﻠﺒﻴﺴﻪ ﻣﺮﻭﺡ ﻳﺤﻜﻲ ﻋﻠﻴﻚ ﻋﻴﻮﻧﻬﺎ ﺷﻌﺮﻫﺎ ﻃﻮﻟﻬﺎ ﺟﺴﻤﻬﺎ ﻳﺤﻜﻲ ﺑﺤﺐ ﻟﻴﻦ ﺣﺴﻴﺘﻪ ﻭﺃﺧﺬﻙ ﻉ ﺣﺐ
ﺍﻧﺎ ﺍﺑﺘﺴﻤﺖ .. ﻻ ﻣﺶ ﻉ ﺣﺐ
ﺑﺸﺮﻯ .. ﺍﻳﻬﻢ ﺯﻣﺎﻥ ﻳﻘﻮﻝ ﻧﺒﻴﻬﺎ ﺻﻐﻴﺮﻩ ﺑﻴﺶ ﺩﻟﻌﻨﻲ ﺻﺎﺭ ﺍﻟﻲ ﻳﺒﻴﻪ
ﻣﻨﻴﺮ .. ﺗﻌﺎﻟﻰ ﻳﺎﻓﺮﺧﻪ ﻫﻨﺎ
ﻣﺮﻳﻢ .. ﺍﻧﺎﺍﺍ
ﻣﻨﻴﺮ .. ﺍﻣﻼ ﻣﻦ ﺗﻌﺎﻟﻲ ﺑﻨﻮﺭﻳﻚ ﺣﺎﺟﻪ
ﺍﻧﺎ .. ﺩﻧﻴﺎ ﻭﻳﻦ
ﺗﺴﻨﻴﻢ .. ﻗﺎﻟﺖ ﺑﺘﻤﺮ ﻉ ﻫﻠﻬﺎ ﺗﻮﺍ ﺗﺠﻲ
ﺍﻧﺎ .. ﺍﻫﺎ ﻭﺍﻋﻤﻴﻤﻪ
ﺗﺴﻨﻴﻢ .. ﺟﻮﺍ ﻣﺎﻣﺎ ﻣﺎﺗﻄﻠﻌﺶ ﻭﺍﺟﺪ ﻟﺠﻨﺎﻥ
ﻗﻌﺪﺕ ﻧﺴﻤﻊ ﻑ ﺭﻧﻪ ﻣﻮﺑﺎﻳﻠﻲ
ﺍﻳﻬﻢ .. ﺍﻫﻮ ﻣﻌﺎﻳﺎ ﻫﺎﻛﻲ
ﺍﻧﺎ .. ﻣﻦ ﻳﺮﻥ
ﺍﻳﻬﻢ .. ﺭﺷﺎ
ﺍﻧﺎ ﺑﺤﺘﺖ ﻓﻲ ﻣﺤﻤﺪ .. ﺍﻫﺎ ﻧﺒﺪﺭﻱ ﺭﻧﻴﺖ ﻣﺎﺭﺩﺗﺶ ﻫﺎﺕ
ﺧﺬﻳﺖ ﻣﻨﻪ ﻣﻮﺑﺎﻳﻞ ﻭﺗﺒﺎﻋﺪﺕ ﻋﻠﻴﻬﻢ ﺷﻮﻳﺎ
ﺍﻧﺎ .. ﺍﻳﻮﺍﻩ
ﺭﺷﺎ .. ﻫﻼ
ﺍﻧﺎ .. ﺍﻫﻠﻴﻦ ﺷﻨﺠﻮ ﻭﻳﻨﻚ ﻣﺎﺗﺮﺩﻳﺶ ﻳﺎﺣﻨﻪ
ﺭﺷﺎ .. ﻛﻨﺎ ﺗﻼ ﻣﺎﻣﺎ ﻣﺎﻩ ﻭﻣﻮﺑﺎﻳﻞ ﻑ ﺩﺍﺭ
ﺍﻧﺎ .. ﻏﺮﻳﺒﻪ ﻗﺒﻞ ﺩﻳﻤﺎ ﺭﻓﻴﻖ ﺩﺭﺑﻚ ﺷﻜﻠﻚ ﺗﺎﻛﺘﻴﻬﺎ ﻣﻊ ﺟﻤﺎﻋﻪ ﻻﻧﻪ ﺟﻮﻫﻢ ﺷﻴﻦ
ﺭﺷﺎ .. ﻣﺤﻤﺪ ﺗﻼﻙ
ﺍﻧﺎ .. ﻫﻬﻬﻪ ﺍﻧﺎ ﻗﺎﻋﺪﻳﻦ ﻑ ﺟﻨﺎﻥ
ﺭﺷﺎ .. ﺳﻠﻤﺘﻲ ﻋﻠﻴﻪ
ﺍﻧﺎ .. ﻃﺒﻌﺎً ﻭﻫﻮ ﻣﺰﻟﻂ ﻣﻨﻲ ﻣﺴﻜﻴﻦ
ﺭﺷﺎ .. ﻳﺎﺭﻳﺖ ﻋﻴﻮﻧﻚ ﻋﻴﻮﻧﻲ
ﺍﻧﺎ .. ﻫﻬﻬﻬﻬﻪ ﻋﻨﺠﺪ ﻭﺟﻚ ﺗﻮﺍ ﺯﺑﺪﻩ ﺭﺍﻧﻪ ﺑﻨﻘﻮﻟﻚ ﺑﻜﺮﺍ ﺟﺎﻳﺘﻜﻢ
ﺭﺷﺎ ﻋﻴﻄﺖ .. ﻛﻨﻨﻨﻨﻨﺖ ﺣﺎﺍﺍﺳﻪ ﺭﺍﻳﻔﻨﺎ ﻋﻠﻴﻚ ﻭﺍﻟﻠﻪ
ﺍﻧﺎ .. ﻫﻬﻬﻬﻪ ﻳﺎﻫﺒﻠﻪ ﺣﺘﻰ ﺍﻧﺎ ﻣﺮﺍﻳﻔﻪ ﻋﻠﻴﻜﻢ
ﺭﺷﺎ .. ﺟﺎﻳﺎ ﻏﺪﺍﺀ
ﺍﻧﺎ .. ﻻﻻ ﻑ ﻋﺸﻴﻪ ﻭﻣﺘﻌﺸﻴﻪ ﻋﻨﺪﻛﻢ
ﺭﺷﺎ .. ﺑﺎﻫﻲ ﺗﻤﺎﻡ
ﺍﻧﺎ .. ﺧﻼﺹ ﻧﺘﻼﻗﻮﺍ ﺑﻜﺮﺍ
ﺭﺷﺎ .. ﺳﻠﻤﻴﻠﻲ ﻉ ﺍﺣﻤﻴﺪﺍ
ﺍﻧﺎ .. ﺍﻣﺸﻲ ﻳﺎﺣﻴﻮﺍﻧﻪ
ﺻﻜﺮﺕ ﻣﻨﻬﺎ ﻭﺟﻴﺖ ﻗﻤﻌﺰﺕ ﺗﻼ ﺍﻳﻬﻢ
ﺍﻳﻬﻢ ﺑﺼﻮﺕ ﻭﺍﻃﻲ .. ﻗﺘﻴﻠﻬﺎ
ﺍﻧﺎ .. ﺍﻫﺎ ﻗﺘﻠﻬﺎ
ﺍﻳﻬﻢ .. ﺑﺎﻩ ﺗﻤﺎﻡ
ﻣﺮﻳﻢ .. ﻫﺎ ﺷﻦ ﺗﺒﻲ ﻓﻴﺎ ﺗﻮﺍ ﺍﻧﺖ
ﻣﻨﻴﺮ .. ﺟﺒﺘﻠﻚ ﻣﺸﺮﻭﻋﻲ ﺍﻣﺘﺎﻉ ﺗﺨﺮﺝ ﻭﺍﻣﺘﺎﻉ ﺻﺎﺣﺒﻲ ﺗﺴﺘﻔﺎﺩﻱ ﻣﻨﻬﻢ
ﻣﺮﻳﻢ ﺍﺑﺘﺴﻤﺖ .. ﺷﻜﺮﺍً ﺗﻌﺒﺘﻚ ﻣﻌﺎﻳﺎ
ﻣﻨﻴﺮ .. ﺑﻜﺮﺍ ﻗﺎﻋﺪﻩ ﺍﻧﺘﻲ
ﻣﺮﻳﻢ .. ﺍﻫﺎ ﻗﺎﻋﺪﻩ
ﻣﻨﻴﺮ .. ﺧﻼﺹ ﻧﺘﻼﻗﻮﺍ ﺑﻜﺮﺍ ﻋﻄﻠﺘﻲ ﺍﻧﺎ
ﻣﺮﻳﻢ .. ﺑﺎﻩ ﺗﻤﺎﻡ
ﻣﻨﻴﺮ .. ﻭﺑﻌﺪﻳﻦ ﻧﺤﻜﻮﺍ ﻑ ﻟﻴﻞ
ﻣﺮﻳﻢ .. ﻣﺶ ﻋﺎﺭﻓﻪ ﺍﻧﺎ ﻣﺎﻧﺴﻬﺮﺵ
ﻣﻨﻴﺮ .. ﺍﻫﺎ ﺑﺎﻩ ﻉ ﺭﺍﺣﺘﻚ
ﻣﺤﻤﺪ ﻣﻘﻤﻌﺰ ﻣﻌﺎﻫﻢ ﻭﺳﺎﻛﺖ ﻭﺻﻠﻪ ﻣﺴﺞ ﻉ ﻣﻮﺑﺎﻳﻠﻪ
ﺭﺷﺎ .. ﻧﺮﻥ ﻋﻠﻴﻚ ﺗﺮﺩ ﻭﻻ ﻧﺘﻌﺐ ﺭﻭﺣﻲ ﺑﺲ
ﺑﺤﺖ ﻑ ﻣﺴﺞ ﻭﺻﺒﻰ ﻣﻦ ﺗﻼﻫﻢ ﺭﻥ ﻋﻠﻴﻬﺎ ﻭﻗﻌﺪ ﺳﺎﻛﺖ
ﺭﺷﺎ .. ﺍﺣﻤﻴﺪﺍ ﺣﻤﺎﺩﻱ ﺭﺩ ﻋﻠﻴﺎ ﻣﺎﺗﺴﻜﺘﺶ ﻫﻜﻲ
ﻣﺤﻤﺪ ﺗﻨﻬﺪ .. ﻧﻌﻢ ﻳﺎ ﺭﺷﺎ
ﺭﺷﺎ .. ﻧﺤﺒﻚ
ﻣﺤﻤﺪ .. ﺗﺆ ﺍﺩﻳﺮﻱ ﺍﻟﻲ ﻳﻘﻬﺮﻧﻲ ﻭﺗﺤﺮﻕ ﺩﻣﻲ ﻭﺗﺰﻋﻠﻨﻲ ﺑﻌﺪﻫﺎ ﺗﺠﻲ ﻛﻴﻒ ﻛﻞ ﻣﺮﻩ ﺗﺒﻴﻨﻲ ﻧﺴﺎﻣﺤﻚ
ﺭﺷﺎ .. ﻣﺤﻤﺪ ﻭﺍﻟﻠﻪ ﺍﻧﺖ ﻣﻌﺼﺐ ﻣﻦ ﻋﻨﺪﻙ ﻭﺍﺧﺮﻯ ﺑﻌﺪ ﺭﻭﺣﺖ ﻛﺎﻥ ﻑ ﻣﻮﺿﻮﻉ ﺻﺎﻳﺮ ﺑﺎﻩ ﺍﻟﻲ ﻣﺎﺧﻠﻴﺘﻜﺶ ﺗﺠﻲ
ﻣﺤﻤﺪ .. ﻭﺷﻦ ﻫﻮ ﻣﻮﺿﻮﻉ
ﺭﺷﺎ .. ﺑﻌﺪ ﺭﻭﺣﺖ ﻗﺎﻟﺘﻠﻲ ﺭﻳﻬﺎﻡ ...&&.. ؛؛ﻭﺍﻟﻠﻪ ﻣﺎﻧﻘﺪﺭ ﻧﺘﻼﻗﻰ ﻣﻌﺎﻙ ﻑ ﺟﺎﻣﻌﻪ ﻣﺼﻴﺮﻱ ﻭﺳﻤﻌﺘﻲ ﻛﻞ ﺣﺎﺟﻪ ﻧﺨﺴﺮﻫﺎ
ﻣﺤﻤﺪ ﺳﻜﺖ
ﺭﺷﺎ .. ﺍﺣﻤﻴﺪﺍ ﺭﺩ ﻓﻜﻨﺎ ﻣﻦ ﺟﻮ ﺷﻴﻦ ﺍﻟﻲ ﺗﺪﻳﺮ ﻓﻴﻪ
ﻣﺤﻤﺪ .. ﺭﺷﺎ ﺍﻧﺘﻲ ﻋﺎﺭﻓﻪ ﺳﻤﻌﺘﻚ ﺗﻬﻤﻨﻲ ﻭﻣﺼﻴﺮﻙ ﻛﻞ ﺣﺎﺟﻪ ﺷﻮﺭﻙ ﺗﻬﻤﻨﻲ ﻭﻋﺎﺭﻑ ﻭﻣﻘﺪﺭ
ﺭﺷﺎ .. ﺷﻦ ﺗﻘﺼﺪ
ﻣﺤﻤﺪ .. ﺍﻟﻲ ﻧﻘﺼﺪﻩ ﺍﻧﺎ ﺍﻟﻲ ﺗﺮﻳﺤﻚ ﺩﻳﺮﻳﻬﺎ
ﺭﺷﺎ .. ﺑﺲ ﻑ ﻧﻔﺲ ﻭﻗﺖ ﻳﻬﻤﻨﻲ ﺯﻋﻠﻚ ﺍﻧﺎ ﻣﺎﻧﺒﻴﻜﺶ ﺗﺰﻋﻞ ﻣﻨﻲ ﻉ ﻣﻮﺿﻮﻉ ﻫﻜﻲ
ﻣﺤﻤﺪ .. ﻻ ﻣﺶ ﺯﻋﻼﻥ ﺑﺲ ﺍﻧﺘﻲ ﻋﺎﺭﻓﻪ ﺍﻧﺎ ﻣﻀﺎﻳﻖ ﻓﺘﺮﻩ ﻫﺬﻱ ﻭﻉ ﻛﻢ ﻣﺮﻩ ﺑﻨﻘﻮﻟﻚ ﻣﻌﺶ ﻧﺤﻜﻮﺍ ﻓﺘﺮﻩ ﻫﺬﻱ ﺑﺲ ﻣﺎﻳﻬﻮﻧﺶ ﻋﻠﻴﺎ ﻧﺰﻋﻠﻚ ﻻﻧﻪ ﻋﺎﺭﻓﻚ ﺗﻮﺍ ﺗﺰﻋﻠﻲ
ﺭﺷﺎ .. ﻻ ﺭﺩ ﺑﺎﻟﻚ ﺗﻘﻮﻝ ﻫﻜﻲ ﻣﺎﻧﺘﺤﻤﻠﺶ ﺍﻧﺎ ﻣﻀﺎﻳﻖ ﻭﻛﺎﻥ ﻋﺎﺩﻱ ﺍﻧﺎ ﻣﻌﺎﻙ ﻭﻧﺘﺤﻤﻞ ﻉ ﻣﻬﻢ ﺍﻧﺖ ﺗﻘﻌﺪ ﺟﻨﺒﻲ ﺑﺲ
ﻣﺤﻤﺪ ﺍﺑﺘﺴﻢ .. ﺭﺑﻲ ﻳﺨﻠﻴﻚ ﻟﻴﺎ
ﺭﺷﺎ .. ﺑﺎﻩ ﺍﺣﻜﻴﻠﻲ ﻣﺮﺍﻳﻔﻪ ﻉ ﻫﺪﺭﺯﺗﻚ
ﻣﺤﻤﺪ .. ﻣﻴﺲ ﺗﺸﺒﻬﻠﻚ ﻭﺍﺟﺪ ﺑﻌﺪ ﺷﻔﺘﻬﺎ ﺗﺰﻟﻄﺖ ﻻﻧﻪ ﻋﺎﺭﻓﻬﺎ ﻋﺎﺭﻓﻪ
ﺭﺷﺎ .. ﻫﻬﻪ ﻗﺎﻟﺘﻠﻲ ﺗﺴﻠﻢ ﻋﻠﻴﻬﺎ ﻭﻣﺘﺤﺸﻢ
ﻣﺤﻤﺪ .. ﻭﺻﻠﺖ ﻟﻚ ﺍﻟﺨﺒﺮ ﻃﻮﻝ
ﺭﺷﺎ .. ﻛﻨﺎ ﻧﺤﻜﻮﺍ ﺗﻮﺍ
ﻣﺤﻤﺪ .. ﺍﻫﺎ
ﻣﻨﻴﺮ .. ﻫﻴﺎﺍﺍﺍ ﺍﻧﺖ ﻭﻗﺖ ﻏﺮﺍﻣﻴﺎﺗﻚ
ﻣﺤﻤﺪ .. ﻫﻬﻬﻬﻪ ﺑﺎﻩ ﻫﻴﺎ ﺟﺎﻱ
ﺭﺷﺎ .. ﺧﻼﺹ ﻧﺤﻜﻮﺍ ﻑ ﻟﻴﻞ
ﻣﺤﻤﺪ .. ﺑﺎﻩ ﺃﻭﻛﻲ
ﺻﻜﺮ ﻣﻨﻬﺎ ﻭﻗﺮﺏ ﻣﻨﺎ
ﺍﻣﺠﺪ .. ﺳﻠﻤﺘﻠﻨﺎ ﻋﻠﻴﻬﺎ
ﻣﺤﻤﺪ .. ﺻﻜﺮ ﻓﻤﻚ ﻳﺎﺣﻴﻮﺍﻥ
ﺍﻳﻬﻢ .. ﺧﻠﻮﻩ ﻛﻨﻜﻢ ﺍﻟﻤﺪﺍﻡ ﻋﺎﺩ
ﻣﺮﻳﻢ .. ﺍﻥ ﺷﺎﺀ ﺍﻟﻠﻪ ﻏﻴﺮ ﺳﻤﺤﻪ ﺍﻟﻲ ﻗﺮﻳﺐ ﺗﻨﻜﻠﺐ ﻋﻠﻴﻬﺎ
ﻣﺤﻤﺪ ﺑﺤﺖ ﻓﻴﻬﺎ ﻣﻦ ﺟﻨﺐ .. ﻣﺶ ﺷﻮﺭﻙ ﻉ ﻣﻬﻢ ﺍﻧﺎ ﻋﺠﺒﺘﻨﻲ
ﻣﻨﻴﺮ ﻏﻤﺰﻟﻪ .. ﻻ ﻋﺎﺭﻓﻬﺎ ﺍﻧﺎ ﺳﻤﺤﻪ
ﻣﺤﻤﺪ ﻋﺰﻕ ﻓﻴﻪ ﺑﺎﻛﻮ ﺩﺧﺎﻥ .. ﻏﻢ ﻓﻤﻚ ﺍﻧﺖ
ﻧﺎﺻﺮ .. ﺧﻼﺹ ﺧﺎﻃﻮﻩ ﺍﻟﺮﺍﺟﻞ ﺳﻴﻮﺭﻧﺎ ﻧﺸﻮﻓﻮﻫﺎ
ﻣﺤﻤﺪ .. ﻋﻠﻴﻚ ﻣﻌﻴﻼ ﻓﻴﻜﻢ ﻭﺧﻼﺹ
ﻣﻨﻴﺮ .. ﻛﺎﻥ ﻳﻌﺮﻓﻮﻫﺎ ﻣﻦ ﺑﺲ
ﻣﺮﻳﻢ .. ﻣﻦ ﻣﻦ ﻗﻮﻟﻲ ﺍﻧﺎ
ﻣﺤﻤﺪ ﻳﻔﻨﺺ ﻓﻴﻪ ﻭﻳﻌﺾ ﻉ ﺷﻮﺍﺭﺑﻪ
ﻣﻨﻴﺮ ﻳﻀﺤﻚ .. ﻧﻘﻮﻟﻠﻬﻢ ﻣﺎﻓﻴﺶ ﺣﺪ ﻳﻌﺮﻑ ﻏﻴﺮ ﺍﻧﺎ ﻭﺣﺪ ﺍﺧﺮﻯ
ﻛﻠﻬﻢ ﻗﻌﺪﻭ ﻳﺴﺄﻟﻮ ﻭﺍﻧﺎ ﺯﺍﺭﺗﻨﻲ ﺿﺤﻜﻪ
ﺍﻧﺎ .. ﻛﻨﻜﻢ ﻓﻀﻮﻟﻴﻦ ﺍﻧﺘﻢ ﺗﻮﺍ ﻳﺠﻮﺯ ﻭﺗﻌﺮﻓﻮﻫﺎ
ﺩﻧﻴﺎ .. ﻣﻌﻨﺎﻫﺎ ﺍﻧﺘﻲ ﺍﻟﻲ ﻋﺎﺭﻓﻪ ﻗﻮﻟﻴﻠﻲ ﺍﻧﺎ ﺳﻠﻔﻚ ﻓﻮﺗﻴﻬﻢ ﺍﻟﺒﺎﻗﻲ
ﺑﺸﺮﻯ .. ﺍﻧﺎ ﺍﻧﺎ ﺑﻴﺶ ﻧﺤﻜﻴﻠﻚ ﺍﻳﻬﻢ ﺷﻦ ﻛﺎﻥ ﻳﻘﻮﻝ
ﺍﻧﺎ .. ﻣﺎﻧﻌﺮﻓﺶ ﻭﻭﻭﻭ ﻋﻠﻴﺎ ﻋﻠﻴﻚ ﻗﺼﻘﺼﻪ
ﺍﻳﻬﻢ .. ﺳﻤﺤﻪ ﺑﺎﻫﻲ
ﺍﻧﺎ ﻓﻨﺼﺖ ﻓﻴﻪ ﻭﺭﻓﻌﺖ ﺣﻮﺍﺟﺒﻲ .. ﺳﻤﺤﻪ ﻧﻌﻢ
ﻣﻨﻴﺮ .. ﻫﻬﻬﻬﻬﻪ ﻻ ﺧﺮﺑﺘﻮ ﻉ ﺍﻳﻬﻢ ﻫﻜﻲ ﺣﻲ ﻋﻠﻴﻜﻢ
ﺍﻳﻬﻢ .. ﺍﻭﻱ ﺍﻭﻱ ﺟﺖ ﻉ ﺭﺍﺳﻲ ﺑﺘﻌﺮﻓﻮﻫﺎ ﺍﻧﻬﻮ ﻣﺤﻤﺪ ﺧﻄﻮﻧﻲ ﺍﻧﺎ ﻭﻣﺮﺍﺗﻲ
ﺍﻧﺎ .. ﻭﺍﻧﺖ ﻟﻴﺶ ﺗﺴﺎﻝ
ﺍﻳﻬﻢ ﺑﺼﻮﺕ ﻭﺍﻃﻲ .. ﻳﺎﻋﻤﺮﻱ ﺣﻨﺎﻃﻪ ﺯﺍﻳﺪﻩ ﺍﻟﻠﻪ ﻳﻘﻄﻊ ﺍﻟﺤﻨﺎﻃﻪ ﺑﻜﻞ
ﻗﻌﺪﺕ ﻛﻠﻬﻢ ﻳﻀﺤﻜﻮ ﻭﺍﻧﺎ ﻧﻀﺤﻚ ﻣﻌﺎﻫﻢ
ﺍﻳﻬﻢ .. ﻋﻠﻲ ﻳﺮﺍﺿﻲ ﻓﻴﻚ ﺿﺤﻜﺘﻴﻬﻢ ﻋﻠﻴﺎ ﻋﻨﺠﺪ ﻭﺟﻚ
ﺍﻧﺎ .. ﻫﻬﻬﻬﻪ ﺑﻴﺶ ﺍﻟﻠﻪ ﻳﻘﻄﻊ ﺍﻟﺤﻨﺎﻃﻪ
ﻧﺎﺻﺮ .. ﻫﺬﻱ ﻋﻴﻨﻬﻢ ﺑﺲ ﻧﻘﻮ ﻣﻌﺎﻛﻢ
ﺍﻳﻬﻢ .. ﻻ ﺍﻟﻠﻪ ﻳﺮﺑﺤﻜﻢ ﺧﻠﻮﻧﺎ ﻛﻴﻒ ﻗﻠﻨﺎ ﻳﺎﻫﺎﺩﻱ ﻧﺤﻦ
ﻧﺎﺻﺮ .. ﺗﻮﺍ ﻧﻘﻮﻟﻚ ﺍﻧﺎ ﻋﻴﻮﻥ ﻣﻦ
ﺍﻧﺎ .. ﻗﻮﻟﻲ ﺍﻧﺎ ﻣﻦ
ﻣﺮﻳﻢ .. ﺗﺴﻤﻌﻲ ﻣﻨﻪ ﺍﻟﺤﻴﻮﺍﻥ ﻫﺬﺍ
ﻧﺎﺻﺮ .. ﺑﻼ ﻏﻠﻂ ﺧﻴﺮ ﻣﺎﻧﺼﺒﻬﻦ ﻟﻜﻲ ﻳﺎﻓﺮﺧﻪ
ﻣﺮﻳﻢ .. ﺻﺐ ﻋﺼﻴﺮ ﻭﻻ ﻗﻬﻮﺀ
ﻧﺎﺻﺮ .. ﻫﺎﻫﺎ ﺍﺷﺤﺘﻮﻟﻬﺎ ﺿﺤﻜﻪ
ﻣﺮﻳﻢ .. ﻣﺎﻧﻀﺤﻜﺶ ﻓﻴﻚ ﺍﺻﻼً ﺍﻧﺎ "
" ﻑ ﻟﻴﻞ
ﺍﻳﻬﻢ .. ﻫﻴﺎﺍﺍ ﻳﺎﺍﺍﻣﻴﺲ
ﺍﻧﺎ .. ﺷﻮﻳﺎ ﺣﺒﻴﺒﻲ
ﺍﻳﻬﻢ .. ﻣﻴﻴﻴﺲ
ﺍﻧﺎ .. ﺷﻮﻳﺎ ﺑﺲ ﻳﺎﻋﻤﺮﻱ
ﺍﻳﻬﻢ .. ﻣﻴﺲ ﺍﻃﻠﻌﻲ ﻫﺬﺍ ﻛﻠﻪ ﻟﺒﺲ
ﺍﻧﺎ .. ﺗﻲ ﻗﻠﻨﺎ ﺷﻮﻳﺎ ﻭﺍﻧﺖ ﻣﺴﺘﻌﺠﻞ
ﻟﺒﺴﺖ ﺭﻭﺏ ﺍﺳﻮﺩ ﻗﺼﻴﺮ ﻭﻋﻠﻴﻪ ﻃﺮﻑ ﻣﻦ ﺑﺮﺍ ﻃﻠﻘﺖ ﺷﻌﺮﻱ ﻭﺑﺮﻣﺖ ﻉ ﻭﺟﻲ ﻭﻃﻠﻌﺖ ﻟﻘﻴﺘﻪ ﻳﻀﺤﻚ
ﺍﻧﺎ .. ﻛﻨﻚ ﺗﻀﺤﻚ
ﺍﻳﻬﻢ .. ﺷﻨﻮ ﺟﻌﻔﺮ ﺍﻟﻲ ﻃﻠﻊ ﺗﻮﺍ
ﺍﻧﺎ .. ﺳﺎﻣﻂ ﻣﺎﻫﻮ ﺳﻜﻨﺖ ﺍﻧﺖ
ﺍﻳﻬﻢ .. ﻫﻴﺎ ﺍﻣﺸﻲ ﻗﺪﺍﻣﻲ
ﺣﻂ ﺍﻳﺪﻳﻪ ﻉ ﻛﺘﻮﻓﻲ ﻭﺍﻧﺎ ﻧﻤﺸﻲ ﻗﺪﺍﻣﻪ
ﻗﻤﻌﺰﺕ ﻉ ﺻﺎﻟﻮﻥ ﻭﻫﻮ ﺭﻗﺪ ﻉ ﻛﺮﺍﻋﻲ
ﺍﻳﻬﻢ .. ﺷﻦ ﺭﺍﻳﻚ ﻑ ﺣﻨﺎﻃﻪ ﺍﻟﻲ ﻧﺒﺪﺭﻱ
ﺍﻧﺎ .. ﺟﻮﻫﻢ ﺳﻤﺢ ﻭﺍﻟﻠﻪ ﺩﻳﻤﺎ ﺗﻜﺴﺪﻭ ﻣﻊ ﺑﻌﻀﻜﻢ
ﺍﻳﻬﻢ .. ﺍﻫﺎ ﻛﻞ ﺧﻤﻴﺲ ﺩﻳﻤﺎ ﻧﻜﺴﺪﻭ ﻑ ﺟﻨﺎﻥ؛؛ﻭﺍﻧﺘﻢ
ﺍﻧﺎ .. ﻧﺤﻦ ﻻ ﺻﺎﺡ ﻋﺎﻳﺸﻴﻦ ﻣﻊ ﺧﻮﺍﻟﻲ ﻣﻦ ﻧﺤﻦ ﺻﻐﺎﺭ ﺑﺲ ﻣﺎﻓﻴﺶ ﺍﺧﺘﻼﻃﺎﺕ ﻭﺍﺟﺪ ﺣﺘﻰ ﺑﺒﻨﺎﺕ ﺧﻮﺍﻟﻲ ﻛﻞ ﺣﺪ ﻑ ﺣﺎﻟﻪ
ﺍﻳﻬﻢ .. ﺍﺣﺴﻦ ﻣﺎﻧﺤﺒﺶ ﺍﺧﺘﻼﻃﺎﺕ
ﺍﻧﺎ .. ﺑﺲ ﻫﺪﺭﺯﺕ ﻟﻮﻃﻪ ﻣﻌﺎﻫﻢ
ﺍﻳﻬﻢ .. ﻻ ﻋﺎﺩﻱ ﺍﻧﺎ ﻋﺎﺭﻓﻬﻢ ﺍﺻﻼً ﻛﻠﻬﻢ ﻧﻬﺪﺭﺯ ﻣﻌﺎﻫﻢ ﺑﺲ ﻛﻞ ﺣﺪ ﻋﺎﺭﻓﻪ ﻣﻦ ﺟﻮﺍ ﻫﻮ ﺷﻨﻮ ﻭﺍﻋﻴﺎﻝ ﻋﻤﺎﻣﻲ ﻋﺎﺭﻓﻬﻢ ﻛﻮﻳﺲ ﻣﺤﻤﺪ ﻫﺬﺍ ﻫﺎﺩﻱ ﺗﺤﺴﻴﻪ ﺷﻮﻳﺎ ﻭﻃﻴﺐ ﻭﺍﺟﺪ ﻧﺎﺻﺮ ﻫﺬﺍ ﻫﺮﺟﻪ ﻭﻫﺒﻞ ﻣﺎﻋﻨﺪﺵ ﻉ ﺧﺒﺎﺛﻪ ﺑﻜﻞ
ﺍﻧﺎ .. ﺍﻫﺎ ﻭﺍﺿﺢ ﻓﻴﻬﻢ ﻛﻮﻳﺴﻴﻦ ﺑﻜﻞ
ﺍﻳﻬﻢ .. ﺍﻳﻮﺍﻩ ﻭﺟﻤﻌﻪ ﻏﺪﺍﻧﺎ ﻟﻮﻃﻪ ﻃﺒﻌﺎً
ﺍﻧﺎ .. ﺍﻫﺎ ﺍﻛﻴﺪﻩ
ﺍﻳﻬﻢ .. ﺑﻜﺮﺍ ﻣﺎﻃﻴﺒﻴﺶ ﻏﺪﺍﺀ ﺗﻮﺍ ﻧﺠﻴﺐ ﺳﻨﺪﻭﺷﺎﺕ ﺍﻟﻬﻲ ﻑ ﺭﻭﺣﻚ
ﺍﻧﺎ .. ﻧﺠﻚ ﻟﻴﺎ ﻭﺧﻼﺹ
ﺍﻳﻬﻢ .. ﻋﺴﻞ ﺻﺎﺡ ﻧﺴﺘﺎﻫﻞ ﺑﻮﺳﻪ
ﺍﻧﺎ .. ﻫﻬﻬﻬﻪ ﻻﻻ ﺧﻠﻴﻚ ﺑﻌﻴﺪ
ﺍﻳﻬﻢ .. ﺑﻜﺮﺍ ﺣﻨﻮﺽ ﺑﺪﺭﻱ ﻛﺎﻥ ﻧﻀﺘﻲ ﻭﺍﻟﻘﻴﺘﻴﻨﻲ ﻣﺶ ﻗﺎﻋﺪ ﻣﻌﻨﺎﻫﺎ ﻃﺎﻟﻊ ﻭﻣﺮﺍﺕ ﻧﻄﻮﻝ
ﺍﻧﺎ .. ﺑﺎﻫﻲ ﺣﺒﻴﺒﻲ
ﺍﻳﻬﻢ ﻗﻤﻌﺰ ﻭﻣﺴﻚ ﺍﻳﺪﻱ ﻭﺑﺎﺳﻬﺎ ﻣﻦ ﺟﻮﺍ ﻭﺍﻧﺎ ﻧﺒﺤﺖ ﻓﻴﻪ ﻭﻣﺒﺘﺴﻤﻪ
ﺍﻳﻬﻢ ﻣﺒﺘﺴﻢ .. ﻛﻨﻚ ﺗﺒﺤﺘﻲ ﻫﻜﻲ
ﺍﻧﺎ .. ﺷﻲ ﻧﺤﺒﻚ ﺑﺲ
ﺍﻳﻬﻢ ﻣﺴﻜﻨﻲ ﻣﻦ ﺧﺼﺮﻱ ﻭﺿﻐﻂ ﻋﻠﻴﺎ ﺍﻧﺎ ﺣﻄﻴﺖ ﺭﺍﺳﻲ ﻉ ﻛﺘﻔﻪ ﻭﺍﻳﺪﻩ ﻷﺧﺮﻯ ﻉ ﺷﻌﺮﻱ
ﺍﻧﺎ .. ﻏﻈﻴﻢ ﺣﻀﻲ ﺑﻴﻚ ﻳﻮﻡ ﺟﺎﺑﻚ ﺍﻟﻠﻪ ﻑ ﺩﻧﻴﺘﻲ
ﻣﻴﻞ ﺭﺍﺳﻪ ﻭﺑﺎﺳﻨﻲ ﻉ ﺧﺪﻱ
ﺍﻳﻬﻢ .. ﻳﻌﻨﻲ ﻣﺶ ﻧﺎﺩﻣﻪ ﻉ ﺟﻮﺍﺯﻧﺎ
ﺍﻧﺎ ﻣﺎﺳﻜﻪ ﻑ ﺿﻬﺮﻩ .. ﺍﻛﻴﺪﻩ ﻻ ﺑﺲ ﻧﺎﺩﻣﻪ ﻉ ﺣﺎﺟﻪ ﻭﺣﺪﻩ ﺍﻧﻪ ﻣﺎﻋﻄﻴﺘﻜﺶ ﻓﺮﺻﻪ ﺑﻴﺶ ﻧﺘﻌﺮﻓﻮ ﻗﺒﻞ ﺧﻄﺒﻪ
ﺍﻳﻬﻢ .. ﻻ ﻋﺎﺩﻱ ﺑﺎﻟﻌﻜﺲ ﺟﺒﻨﺎ ﺣﺐ ﺣﻼﻝ ﻫﻜﻲ ﺍﺣﻠﻰ
ﺍﻧﺎ .. ﻗﺼﺪﻱ ﻟﻮ ﻛﺎﻥ ﺗﻌﺮﻓﻨﺎ ﻛﺎﻥ ﺟﻮﻧﺎ ﺣﻠﻮ ﻑ ﺍﻳﺎﻡ ﺍﻭﻟﻰ
ﺍﻳﻬﻢ ﻭﺧﺮﻧﻲ ﻭﺣﺎﻁ ﺭﺍﺳﻪ ﻑ ﺭﻗﺒﺘﻲ ﻭﻣﻐﻤﺾ ﻋﻴﻮﻧﻪ
ﺍﻳﻬﻢ ﺑﺼﻮﺕ ﻫﺎﺩﻱ .. ﻛﻠﻪ ﻧﻌﻮﺿﻪ ﻟﻜﻲ ﺣﺘﺸﻮﻓﻲ ﺍﻳﺎﻡ ﺍﺣﻠﻰ
ﻳﺤﺮﻙ ﻑ ﺧﺸﻤﻪ ﻉ ﺭﻗﺒﺘﻲ ﻭﺑﺎﺳﻨﻲ ﺑﻬﺪﻭﺀ ﻭﺍﻧﺎ ﺍﺭﺗﺨﻴﺖ
ﺍﻧﺎ ﺑﺼﻮﺕ ﻭﺍﻃﻲ .. ﻧﺤﺒﺒﺒﺒﻚ ﻭﺍﻟﻠﻪ
ﺍﻳﻬﻢ ﺑﻬﻤﺲ .. ﻣﺶ ﻧﺨﺸﻮ ﻟﺪﺍﺭ
ﺍﻧﺎ ﻣﺴﻜﺖ ﻓﻲ ﺭﻗﺒﺘﻪ ﻭﻫﻮ ﻧﺰﻝ ﺑﻴﺎ ﻭﻭﻭﻭﻭ "
" ﺍﻟﻴﻮﻡ ﺛﺎﻧﻲ ﻑ ﺻﺒﺢ
ﻣﺎﻣﺎ .. ﺭﺍﻙ ﺗﻨﺴﻰ ﺍﻟﻲ ﻭﺻﻴﺘﻚ ﻋﻠﻴﻬﻦ ﻳﺎﻋﺰﻭ ﻋﺎﺑﻴﻪ ﻋﻠﻴﻚ ﺳﻠﻢ ﻭﻟﻴﺪﻱ
ﻋﺰﻭ .. ﻣﺶ ﻧﺎﺳﻲ ﻳﺎﺍﻣﻲ ﺗﻮﺍ ﻧﺪﺯﻫﻦ ﻣﻊ ﻋﺎﻣﻞ ﺍﻟﻲ ﻋﻨﺪﻱ ﻑ ﻣﺤﻞ
ﻣﺎﻣﺎ .. ﺍﻟﻠﻪ ﻳﻔﺘﺤﻬﺎ ﻋﻠﻴﻚ ﻭﻳﺮﺯﻗﻚ
ﻋﺰﻭ .. ﺍﻥ ﺷﺎﺀ ﺍﻟﻠﻪ ﻳﺎﺍﻣﻲ ﺍﺩﻋﻴﻠﻲ ﻳﺼﻴﺮ ﺍﻟﻲ ﻑ ﺑﺎﻟﻲ
ﻣﺎﻣﺎ .. ﺍﻥ ﺷﺎﺀ ﺍﻟﻠﻪ ﺍﻟﻲ ﺗﺒﻴﻬﺎ ﺗﺼﻴﺮ
ﻋﺰﻭ .. ﻳﺎﺭﺏ ﺗﺒﻲ ﺣﺎﺟﻪ ﺍﺧﺮﻯ ﺭﻧﻲ ﻋﻠﻴﺎ
ﻣﺎﻣﺎ .. ﻧﺒﻲ ﺳﻼﻣﺘﻚ ﺑﺲ ﺍﻧﺎ
ﻃﻠﻊ ﻋﺰﻭ ﻣﻦ ﺷﻘﻪ ﻭﺭﻥ ﻉ ﻋﻠﻲ
ﻋﺰﻭ .. ﻫﺎ ﺍﻋﻠﻴﻮﻩ ﺑﺸﺮﻧﻲ
ﻋﻠﻲ .. ﺍﻟﻤﻮﺿﻮﻉ ﻣﺎﺕ ﻑ ﻭﺍﻧﺘﻬﻰ ﺍﻃﻤﻦ
ﻋﺰﻭ ﺍﺑﺘﺴﻢ .. ﺍﻟﻠﻪ ﻳﺒﺸﺮﻙ ﺑﺨﻴﺮ ﺟﻤﻴﻠﻚ ﻫﺬﺍ ﻓﻮﻕ ﺭﺍﺳﻲ ﻃﻮﻝ ﻋﻤﺮﻱ ﻣﺎﻧﻨﺴﺎﻩ
ﻋﻠﻲ .. ﺑﻼ ﻛﻼﻡ ﻓﺎﺿﻲ ﻋﻼﺀ ﻛﻴﻒ ﺧﻮﻳﺎ ﺗﺒﻴﻨﻲ ﻧﺸﻮﻓﻪ ﻣﺎﺷﻲ ﻟﻨﺎﺭ ﺑﻜﺮﻋﻴﻪ ﻧﺴﻜﺖ
ﻋﺰﻭ .. ﺣﻤﻞ ﻭﻧﺰﺍﺡ ﻣﻦ ﻉ ﺻﺪﺭﻱ
ﻋﻠﻲ .. ﺧﻠﻲ ﻋﻴﻮﻧﻚ ﻋﻠﻴﻪ ﺑﺲ ﺍﻧﺖ ﻟﻴﻦ ﻳﺸﻴﻞ ﻣﻮﺿﻮﻉ ﻣﻦ ﺑﺎﻟﻪ
ﻋﺰﻭ .. ﺍﻧﺎ ﻋﺎﺭﻑ ﻋﻼﺀ ﻟﻴﺶ ﺍﺩﻳﺮ ﻫﻜﻲ
ﻋﻠﻲ .. ﺍﻥ ﺷﺎﺀ ﺍﻟﻠﻪ ﻳﻨﺴﻰ ﻣﻮﺿﻮﻉ ﺑﻜﻞ
ﻋﺰﻭ .. ﺍﻥ ﺷﺎﺀ ﺍﻟﻠﻪ ﻣﻨﻮﺭ ﻳﺎﺑﺮﻭ "
" ﻋﻼﺀ .. ﻛﻴﻒ ﺍﻧﺘﻬﻰ ﺷﻐﻠﻨﺎ ﻧﺤﻦ ﺍﻣﺘﻰ ﺑﺪﻳﻨﺎ ﺑﻴﺶ ﺗﻘﻮﻟﻲ ﺍﻧﺘﻬﻰ
ﻭﻟﻴﺪ .. ﻣﻌﺶ ﻋﻨﺪﻙ ﺷﻐﻞ ﻣﻌﺎﻳﺎ ﺍﻧﺎ ﻣﻬﺎﺟﺮ ﺑﺮﺍ ﻟﻴﺒﻴﺎ ﺑﻜﻞ
ﻋﻼﺀ .. ﺍﻛﻴﺪﻩ ﻋﻨﺪﻙ ﻣﻌﺎﺭﻑ ﺗﺪﻟﻨﻲ ﻧﺸﺘﻐﻞ ﻣﻌﺎﻫﻢ
ﻭﻟﻴﺪ .. ﺍﻧﺎ ﻣﺎﻧﻌﺮﻑ ﺣﺪ ﻭﻗﺘﻠﻚ ﻃﺎﻟﻊ ﻣﻨﻬﺎ ﺑﻜﻞ ﻟﻴﺒﻴﺎ ﺍﻧﺎ ﻣﻄﻠﻮﺏ ﻟﺪﻭﻟﻪ ﻭﻛﻞ ﺍﻟﻲ ﻳﺸﺘﻐﻠﻮ ﻣﻌﺎﻳﺎ ﻣﻄﻠﻮﺑﻴﻦ ﺍﻧﻔﺬ ﺑﺮﻳﺸﻚ ﺧﻴﺮﻟﻚ
ﻋﻼﺀ ﺳﻜﺖ
ﻭﻟﻴﺪ .. ﺍﻭﻛﻲ
ﺻﻜﺮ ﻋﻠﻴﻪ ﻭﻋﻼﺀ ﻗﻤﻌﺰ ﻗﻌﺪ ﻳﻔﻜﺮ ﻑ ﻣﻮﺿﻮﻉ ﺧﺶ ﻋﻠﻴﻪ ﻋﺰﻭ
ﻋﺰﻭ .. ﻫﻼ
ﻋﻼﺀ ﺳﺎﺭﺡ ﻭﻣﺶ ﻓﺎﻃﻦ
ﻋﺰﻭ ﺧﺶ ﻗﻤﻌﺰ .. ﻛﻨﻚ ﺳﺮﺣﺎﻥ
ﻋﻼﺀ .. ﺗﻮﺍ ﻟﻮ ﺣﺪ ﺍﺭﺗﺒﻚ ﻏﻠﻂ ﻭﺑﻌﺪﻫﺎ ﺗﺎﺏ ﺭﺑﻲ ﻳﻐﻔﺮ ﻟﻪ
ﻋﺰﻭ .. ﻋﻠﻴﺶ
ﻋﻼﺀ .. ﻧﺴﺄﻝ ﺑﺲ
ﻋﺰﻭ .. ﻫﻮ ﻛﺎﻥ ﺩﺍﻳﺮ ﻏﻠﻂ ﻭﻣﻘﺘﻨﻊ ﺑﻴﻪ ﻭﻻ ﻣﺠﺒﻮﺭ
ﻋﻼﺀ .. ﻻ ﻫﻮ ﻣﺶ ﻣﻘﺘﻨﻊ ﺑﺲ ﻉ ﺳﺒﻪ ﺣﺪ ﻳﺤﺒﻪ ﻳﺒﻲ ﻳﺸﻮﻑ ﺍﻟﻲ ﻳﺤﺒﻬﻢ ﻣﺘﺮﻳﺤﻴﻦ
ﻋﺰﻭ .. ﺍﻧﺖ ﻗﻠﺖ ﻏﻠﻂ ﻓﺎﻳﺒﻘﻰ ﻛﻴﻒ ﺗﺠﻲ ﺗﻌﺎﻟﺞ ﻏﻠﻂ ﺏ ﻏﻠﻂ ﺍﻧﺖ ﺍﻟﻲ ﺣﺘﺨﺴﺮ ﻑ ﻧﻬﺎﻳﻪ ﺑﻜﻞ ﻭﺍﻟﻲ ﺗﺤﺒﻬﻢ ﺗﻘﺪﺭ ﺗﺴﻌﺪﻫﻢ ﺏ ﺍﻱ ﻃﺮﻳﻘﻪ ﺍﺧﺮﻯ ﺑﻄﺮﻳﻘﻪ ﺗﺮﺿﻴﻬﻢ ﻭﺗﺮﺿﻰ ﺭﺑﻚ ﻭﺗﺮﺿﻰ ﺭﻭﺣﻚ ﺍﻧﺖ ﺑﻌﺪ ﺍﺩﻳﺮ ﺣﺎﺟﻪ ﻋﺎﺭﻓﻬﺎ ﺻﺎﺡ ﻣﺶ ﺗﺤﺲ ﺑﺮﺍﺣﻪ ﻧﻔﺲ ﺍﻟﺸﻲ
ﻋﻼﺀ ﻫﺰ ﺭﺍﺳﻪ
ﻋﺰﻭ .. ﻋﻠﻴﺶ ﻛﻨﻚ
ﻋﻼﺀ .. ﻻ ﺷﻲ ﺑﺲ ﺳﺎﻟﺖ
ﻋﺰﻭ .. ﺍﻫﺎ ﺍﻟﻴﻮﻡ ﺟﺎﻳﻪ ﻣﻴﺲ
ﻋﻼﺀ ﺍﺑﺘﺴﻢ .. ﻉ ﻏﺪﺍﺀ
ﻋﺰﻭ .. ﻻﻻ ﻋﺸﻴﻪ
ﻋﻼﺀ .. ﺑﺎﻫﻲ ﺗﻤﺎﻡ
ﻋﺰﻭ .. ﺧﻠﺖ ﻣﻜﺎﻧﻬﺎ ﺻﺎﺡ
ﻋﻼﺀ .. ﺍﻛﻴﺪﻩ ﻣﻜﺎﻧﻬﺎ ﻧﺎﻗﺺ ﺑﻌﺪ ﻋﻴﺪ ﺭﻳﻬﺎﻡ ﺑﻴﻔﻀﻰ ﺣﻮﺵ ﻋﻠﻴﻨﺎ
ﻋﺰﻭ .. ﻫﺬﻱ ﺍﻟﺤﻴﺎﺀ ﺳﻴﻮﺭﻧﺎ ﻛﻠﻨﺎ ﻣﺠﻮﺯﻳﻦ
ﻋﻼﺀ .. ﺍﻧﺎ ﻣﺶ ﻣﺠﻮﺯ ﻟﻴﻦ ﺍﻧﺘﻬﻦ ﻉ ﺧﻮﺍﺗﻲ ﻭﻧﺸﻮﻑ ﺍﻣﻲ ﻣﺘﺮﻳﺤﻪ
ﻋﺰﻭ .. ﺍﻣﻲ ﻣﻬﻤﺎ ﻳﺼﻴﺮ ﻧﺤﺴﻬﺎ ﺷﺎﻳﻠﻪ ﻫﻤﻨﺎ ﻣﺰﺍﻝ
ﻋﻼﺀ .. ﻋﺎﺭﻑ ﺍﻧﺎ ﻣﺎﻧﺒﻲ ﺷﻲ ﻣﻦ ﺩﻧﻴﺎ ﺗﻮﺍ ﻏﻴﺮ ﻧﺴﻌﺪﻫﺎ ﻭﻧﺸﻮﻓﻬﺎ ﻓﺮﺣﺎﻧﻪ
ﻋﺰﻭ .. ﺗﺤﻂ ﺍﻳﺪﻙ ﻑ ﺍﻳﺪﻱ ﺑﻴﺶ ﻧﺴﻌﺪﻫﺎ
ﻋﻼﺀ .. ﻛﻴﻒ ﻳﻌﻨﻲ
ﻋﺰﻭ "...
" ﻳﻮﺳﻒ .. ﻧﺠﻲ ﻟﻴﻮﻡ ﻧﺮﻭﺡ ﺑﻴﻚ
ﻣﻮﺩﻩ .. ﻳﻮﺳﻒ ﺧﻠﻴﻨﻲ ﻣﺰﺍﻟﺖ ﺗﻌﺒﺎﻧﻪ ﻭﺍﻟﻠﻪ ﻣﺶ ﻗﺎﺩﺭﻩ ﻧﺸﻴﻞ ﺭﻭﺣﻲ
ﻳﻮﺳﻒ .. ﺗﺎﺧﺬﻱ ﻑ ﺩﻭﺍﻙ ﺑﺎﻫﻲ
ﻣﻮﺩﻩ ﺑﺼﻮﺕ ﺩﺍﻫﺶ .. ﺍﻫﺎ ﻧﺎﺧﺬ
ﻳﻮﺳﻒ .. ﻣﻮﺩﻩ ﺍﻃﻠﻌﻲ ﻑ ﺗﻐﻄﻴﻪ
ﻣﻮﺩﻩ ..
ﻳﻮﺳﻒ ﻗﻌﺪ ﻳﺴﻤﻊ ﻑ ﻧﻔﺴﻬﺎ .. ﻣﻮﺩﻩ ﺭﺩﻱ ﻋﻠﻴﺎ ﻣﻮﺩﻩ
" ﻳﺘﺒﻊ "..
ﺭﺍﻳﻜﻦ ﻳﺎﺑﻨﺎﺕ ﺗﻮﻗﻌﺎﺗﻜﻦ ﻟﺤﻠﻘﻪ ﺟﺎﻳﺎ
ﺑﻨﺎﺕ ﺑﺎﻟﻨﺴﺒﻪ ﻟﺘﻔﺎﻋﻞ ﺿﻌﻴﻴﻒ ﺑﻜﻠﻠﻞ ﻟﻮ ﻛﺎﻥ ﺣﺘﻰ ﺣﻠﻘﻪ ﺍﻟﻴﻮﻡ ﻫﻜﻲ ﺣﻴﻘﻌﺪ ﺗﻨﺰﻳﻞ ﻳﻮﻡ ﺑﻌﺪ ﻳﻮﻡ ﻻﻧﻪ ﺍﻟﻲ ﻳﺸﻮﻓﻮ ﻑ ﺭﻭﺍﻳﻪ ﻭﺍﺟﺪ ﺑﻜﻞ ﻭﺍﻟﺼﺮﺍﺣﺔ ﺍﻧﺎ ﻧﺘﻌﺐ ﻓﻴﻬﺎ ﻧﺒﻲ ﺗﻔﺎﻋﻞ ﻭﻛﻼﻡ ﻳﺪﻋﻤﻨﻲ
Anosha Alriany
