#ﻋﻜﺲ_ﺍﻟﺘﻴﺎﺭ
ﺣﻠﻘﻪ 16
" ﺧﺶ ﻟﻜﻮﺟﻴﻨﻪ ﻭﺍﻧﺎ ﻛﻨﺖ ﻃﺎﻳﺤﻪ ﻉ ﺣﺎﺷﻴﻪ ﺍﻟﻤﺮﻣﺮ ﺍﻣﺘﺎﻉ ﺍﻟﻐﺎﺯ ﻭﺭﺍﺳﻲ ﻳﻨﺰﻑ
ﺍﻳﻬﻢ ﻣﻨﺼﺪﻡ ﻭﻗﺮﺏ ﻣﻨﻲ .. ﻣﻴﻴﺲ ﻣﻴﻴﻴﺲ
ﺭﻓﻊ ﺭﺍﺳﻲ ﻭﻻﻗﻰ ﺩﻡ ﻗﻌﺪ ﻳﺒﺤﺖ ﻑ ﺍﻳﺪﻩ ﺍﻟﻲ ﻣﻌﺒﻴﻪ ﺩﻡ ﻭﻓﻴﺎ ﺻﺒﻰ ﻳﺠﺮﻱ ﺟﺎﺑﻠﻲ ﻭﺷﺎﺡ ﻻﻧﻪ ﻟﺒﺴﺘﻲ ﻛﺎﻧﺖ ﻣﺴﺘﻮﺭﻩ ﺷﻤﺮﻧﻲ ﻭﻧﺰﻝ ﻳﺠﺮﻱ ﻣﻦ ﺩﺭﻭﺝ
ﺍﺫﻛﺮ ﻣﻔﺎﺗﻴﺤﻪ ﻓﻮﻕ
ﺍﻳﻬﻢ .. ﺗﺴﺴﺴﺴﻨﻴﻴﻲﻡ
ﻃﻠﻌﻦ ﻳﺠﺮﻥ ﻣﻦ ﺣﻮﺵ
ﺳﻠﻴﻤﻪ .. ﻳﻨﻌﻠﻴﺎ ﻛﻨﻬﺎ
ﺍﻳﻬﻢ .. ﺍﺭﻛﺒﻲ ﺟﻴﺒﻲ ﻣﻔﺘﺎﻳﺢ ﻉ ﻃﺎﻭﻟﻪ ﺑﺴﺮﻋﻪ
ﺗﺴﻨﻴﻢ ﻣﻨﺼﺪﻣﻪ .. ﺑﺎﻫﻲ ﺑﺎﻩ ﻫﻴﺎ ﺭﺍﻛﺒﻪ
ﺭﻛﺒﺖ ﻟﺸﻘﻪ ﻭﺍﻳﻬﻢ ﻃﻠﻊ ﻟﺠﻨﺎﻥ ﻭﺳﻠﻴﻤﻪ ﺧﺸﺖ ﺗﻠﺒﺲ ﻑ ﻋﺒﺎﻳﺘﻬﺎ ﻭﺗﺴﻨﻴﻢ ﻧﺰﻟﺖ ﻣﻦ ﺩﺭﻭﺝ
ﺗﺴﻨﻴﻢ .. ﺍﻣﺴﻚ ﻫﺎﻙ
ﺧﺬﺍﻫﻦ ﻣﻨﻬﺎ ﻭﻓﺘﺢ ﺳﻴﺎﺭﻩ ﺣﻄﻨﻲ ﻣﻦ ﻻﻭﺭﻩ ﻭﻃﻠﻌﺖ ﺳﻠﻴﻤﻪ ﺭﻛﺒﺖ ﻣﻌﺎﻳﺎ
ﺳﻠﻴﻤﻪ .. ﺷﻦ ﺻﺎﻳﺮﻟﻬﺎ ﻛﻨﻬﺎ ﺗﻨﺰﻑ ﺍﻟﺒﻨﺖ ﻳﺎﺍﻳﻬﻢ
ﺍﻳﻬﻢ ﻣﺮﺗﺒﻚ .. ﻣﺶ ﺷﺶ ﻋﺎﺭﺭﻓﻪ ﺭﻛﺒﺖ ﻟﻘﻴﺘﻬﺎ ﻫﻚ
ﺳﻠﻴﻤﻪ .. ﺍﻥ ﺷﺎﺀ ﺍﻟﻠﻪ ﺧﻴﺮ ﻳﺎﺭﺑﻲ
ﺍﻳﻬﻢ ﺑﺮﻡ ﻳﺒﺤﺖ ﻓﻴﺎ .. ﻣﺰﺍﻟﺖ ﺗﻨﺰﻑ
ﺳﻠﻴﻤﻪ .. ﺍﻫﺎ ﻣﺰﺍﻝ ﺍﺳﺘﻌﺠﻞ ﻫﻴﺎ
ﺯﺍﺩ ﻑ ﺳﺮﻋﻪ ﻣﺘﺎﻋﻪ ﻟﻴﻦ ﻭﺻﻞ ﻟﻤﺴﺘﺸﻔﻰ ﻭﻧﺰﻟﻨﻲ ﻳﺠﺮﻱ "
" ﺗﺴﻨﻴﻢ .. ﻣﺶ ﻋﺎﺭﻓﻪ ﻧﺰﻟﻬﺎ ﻣﻐﻤﻲ ﻋﻠﻴﻬﺎ ﻭﺗﻨﺰﻑ
ﻣﺤﻤﺪ .. ﻫﻮ ﻛﺎﻥ ﻓﻮﻕ ﻭﻧﺰﻝ ﻭﻻ ﺭﻛﺐ ﻻﻗﻬﻰ ﻫﻚ
ﺗﺴﻨﻴﻢ .. ﻛﺎﻥ ﻟﻮﻃﻪ ﺑﻌﺪﻫﺎ ﺭﻛﺐ
ﻣﻨﻴﺮ .. ﻣﺎﺭﺩﺵ ﻋﻠﻴﺎ ﺍﻧﺎ
ﻣﺤﻤﺪ .. ﺍﻛﻴﺪﻩ ﻻﻫﻲ ﻓﻴﻬﺎ ﺗﻮﺍ ﺍﻣﻚ ﺷﺎﻟﺖ ﻣﻮﺑﺎﻳﻠﻬﺎ ﻣﻌﺎﻫﺎ
ﺗﺴﻨﻴﻢ .. ﻻﻻ ﻗﺎﻋﺪ ﺟﻮﺍ ﻣﺎﺷﺎﻟﺘﺶ
ﻣﻨﻴﺮ .. ﺗﻮﺍ ﺷﻮﻳﺎ ﺃﺧﺮﻯ ﻧﺮﻥ ﻋﻠﻴﻪ ﻣﺮﺍﺕ ﻛﻴﻒ ﺧﺬﻭﻫﺎ ﻣﻨﻪ
ﺗﺴﻨﻴﻢ .. ﺍﻫﺎ ﺍﻛﻴﺪﻩ ﺍﺻﻼ ﻣﺎﻟﺶ ﻭﺍﺟﺪ ﺍﻟﻤﻮﺿﻮﻉ
ﻣﻨﻴﺮ .. ﺑﺎﻩ ﺩﻳﺮﻧﺎ ﺣﺎﺟﻪ ﻧﺎﻛﻠﻮﻫﺎ ﺍﺯﻑ
ﺗﺴﻨﻴﻢ .. ﺑﺎﻫﻲ ﻫﻴﺎ ﺗﻮﺍ ﻧﺪﻳﺮﻟﻜﻢ
ﻣﻨﻴﺮ .. ﺳﻘﺪﻳﻨﺎ ﻳﺎﻓﺮﺧﻪ ﻋﻨﺪﻧﺎ ﺷﻐﻞ ﻧﺤﻦ
ﺗﺴﻨﻴﻢ .. ﺣﺎﺿﺮ
ﺧﺸﺖ ﺗﺴﻨﻴﻢ ﻟﻜﻮﺟﻴﻨﻪ ﻭﻣﻨﻴﺮ ﻭﻣﺤﻤﺪ ﺑﺮﺍ ﻑ ﺟﻨﺎﻥ
ﻣﻨﻴﺮ .. ﺷﻦ ﻗﺼﻪ ﺳﻮﺍﻟﻚ ﻧﺒﺪﻱ ﺍﻳﻬﻢ ﺣﺎﻛﻲ ﺣﺎﺟﻪ
ﻣﺤﻤﺪ .. ﻻﻻ ﻣﺎ ﻗﺎﻝ ﺷﻲ ﺑﺲ ﺷﻜﻠﻪ ﻣﺘﻌﺎﺭﻛﻴﻦ
ﻣﻨﻴﺮ .. ﻳﺴﺘﺮ ﺍﻟﻠﻪ ﻫﺬﺍ ﻣﺎﻳﻌﺮﻓﺶ ﻳﺘﺤﻜﻢ ﻑ ﺍﻋﺼﺎﺑﻪ ﺑﻜﻞ ﻋﺎﺭﻓﻪ ﺍﻧﺎ ﻓﻼﻡ
ﻣﺤﻤﺪ .. ﺑﺲ ﻣﻊ ﺍﻟﻲ ﻳﺤﺒﻬﺎ ﻳﺘﻤﺴﻚ ﻑ ﺍﻋﺼﺎﺑﻪ ﺍﻧﺖ ﻣﺶ ﻣﺬﻛﺮﻩ ﻣﻊ ﻫﺒﻪ ﻭﻻ ﻻ ﻛﺎﻥ ﻳﺮﻋﺶ ﻋﻠﻴﻬﺎ ﺭﻋﻴﺶ
ﻣﻨﻴﺮ .. ﺍﻟﻠﻪ ﻳﻠﻌﻨﻜﻢ ﺍﻧﺘﻢ ﻭﺣﺒﻜﻢ ﺑﻜﻠﻞ
ﻣﺤﻤﺪ ﺍﺑﺘﺴﻢ .. ﺍﻩ ﻣﻦ ﺍﻟﺤﺐ
ﻣﻨﻴﺮ .. ﺭﻳﺖ ﻛﻴﻒ ﻳﻀﺤﻚ ﺧﺰﻱ ﺯﻱ ﺍﻟﻘﺮﺩﻩ
ﻣﺤﻤﺪ .. ﺗﻲ ﻛﻨﻚ ﻳﺎﺗﻴﺲ ﻧﻖ ﻉ ﺍﻣﻲ ﺳﺎﺩ ﻣﺎﻧﻲ ﻣﺘﻌﺎﺭﻙ ﻣﻌﺎﻫﺎ ﺗﻮﺍ
ﻣﻨﻴﺮ .. ﺍﻟﻌﺐ ﻭﻋﻠﻴﺶ ﻣﺘﻌﺎﺭﻛﻴﻦ
ﻣﺤﻤﺪ .. ﻉ ﺳﺒﻪ ﻣﻌﺶ ﻧﻔﻀﻰ ﻭﻣﻘﺼﺮ ﻣﻌﺎﻫﺎ
ﻣﻨﻴﺮ .. ﺍﻧﻘﻨﻚ ﺳﻤﻄﺘﻬﺎ ﺍﻣﺸﻲ ﺍﺧﻄﺐ ﺍﺯﻑ ﺍﻟﺒﻨﺖ ﻣﻌﻠﻘﻪ ﻣﻌﺎﻙ ﻟﻬﺎ ﻛﻢ
ﻣﺤﻤﺪ .. ﻳﺼﻴﺮ ﺧﻴﺮ ﻭﺧﻼﺹ ﻭﺍﻧﺖ ﻉ ﺳﺎﺱ ﻣﺎﻓﻴﺶ ﻭﺣﺪﻩ ﻑ ﺑﺎﻟﻚ ﺯﺍﺭﻕ ﻋﻠﻴﻚ ﺭﺍﻩ .. ﻭﻏﻤﺰﻟﻪ
ﻣﻨﻴﺮ ﺗﻮﺗﺮ .. ﺯﺭﺍﻕ ﻋﻠﻴﺎ ﺷﻨﻮ ﻻ ﺍﻧﻲ ﺩﺍﻳﺮ ﻋﻼﻗﻪ ﻻ ﺳﺤﻨﺘﻲ ﺍﻧﺎ ﺧﻄﺎﻧﻲ ﺍﻟﻨﺒﻲ
ﻣﺤﻤﺪ .. ﺍﻟﻠﻪ ﺍﻟﻠﻪ ﺗﻮﺍ ﻧﺸﻮﻓﻮ
ﻣﻨﻴﺮ .. ﺭﻭﺡ ﻳﺎ ﺹ &$&
ﻣﺤﻤﺪ ﻳﻀﺤﻚ .. ﻳﻴﻨﻌﻠﻴﺎ ﻣﻦ ﺍﻟﺶ &$&
ﻣﻨﻴﺮ .. ﺍﺳﺲ ﺗﺴﻨﻴﻢ ﺟﺖ ﺧﻼﺹ "
" ﺩﻧﻴﺎ .. ﻣﺎﻗﺪﺭﺗﺶ ﻧﺮﺩﻩ ﻣﺎﻗﺪﺭﺗﺶ ﻧﺪﻳﺮ ﻫﻜﻲ ﻗﻮﻟﻴﻠﻲ ﺷﻦ ﻧﺪﻳﺮ ﺍﻧﺎ ﻣﺶ ﻣﺘﺨﺎﻳﻠﻪ ﺣﻴﺎﺗﻲ ﻣﻦ ﻏﻴﺮﻩ
ﺍﺧﺘﻬﺎ .. ﺍﺳﺲ ﺧﻼﺹ ﺍﻫﺪﻱ ﺍﻧﺘﻲ ﻻﺯﻡ ﻣﺎﺗﺨﻠﻴﺶ ﻳﻔﻜﺮ ﻓﻴﻬﺎ ﻣﺎﺗﺨﻠﻴﻠﺶ ﻣﺠﺎﻝ ﺍﺻﻼ
ﺩﻧﻴﺎ .. ﻭﻛﻴﻒ ﻫﺬﻱ ﺍﻣﺠﺪ ﻫﻮ ﺍﻟﻲ ﻋﻠﻤﻨﻲ ﻛﻴﻒ ﻧﺤﺒﻪ ﻭﻛﻴﻒ ﻧﻌﻴﺶ ﻉ ﺳﺒﺎﻩ ﻭﻫﻤﻨﻲ ﺑﺤﺒﻪ ﻣﻦ ﻳﻘﻮﻝ ﺍﻧﻪ ﻳﻄﻠﻊ ﺩﺍﺱ ﻑ ﻗﻠﺒﻪ ﻫﺬﺍ ﻛﻠﻪ ﻭﺍﻧﻪ ﺍﻧﺎ ﻣﺎﻗﺪﺭﺗﺶ ﻧﺴﻴﻪ
ﺍﺧﺘﻬﺎ .. ﺧﻠﻴﻨﻲ ﻧﻜﻤﻞ ﻛﻼﻣﻲ ﺑﺲ ﻗﺒﻞ ﺍﻟﺮﺍﺟﻞ ﻣﺎﻳﺒﻲ ﺍﻻ ﺍﺳﺘﻜﺮﺍﺩ ﺗﻌﺒﻴﻪ ﺧﻠﻴﻪ ﺍﻳﺪﻭﺭ ﻋﻠﻴﻚ ﺩﻳﻤﺎ
ﺩﻧﻴﺎ .. ﻣﺸﻜﻠﺘﻲ ﻧﻀﻌﻒ ﻣﻌﺎﻩ ﻣﺎﻧﻘﺪﺭﺵ
ﺍﺧﺘﻬﺎ .. ﻻ ﺗﻘﺪﺭﻱ ﻣﺎﻓﻴﺶ ﺣﺎﺟﻪ ﻣﺎﺗﻘﺪﺭﻳﺶ ﻧﻔﺲ ﻣﺎﻗﺪﺭﺗﻲ ﺗﺎﺧﺬﻱ ﺍﻝ ..
ﺩﻧﻴﺎ .. ﺍﻣﺠﺪ ﺟﺎﺀ ﺗﻮﺍ ﺑﻨﺼﻜﺮ ﻧﺤﻜﻮﺍ ﺑﻌﺪﻳﻦ
ﺍﺧﺘﻬﺎ .. ﺍﻭﻛﻲ ﺩﻳﺮﻱ ﻧﻔﺲ ﻣﺎﻗﺘﻠﻚ
ﺩﻧﻴﺎ .. ﺍﻥ ﺷﺎﺀ ﺍﻟﻠﻪ ﺑﺎﻩ
ﺻﻜﺮﺕ ﺍﻟﺨﻂ ﻭﻃﻠﻌﺖ ﻣﻦ ﺩﺍﺭ
ﺍﻣﺠﺪ .. ﻭﻳﻨﻚ ﻧﺪﻭﺭ ﻓﻴﻚ
ﺩﻧﻴﺎ .. ﻑ ﺩﺍﺭ ﻛﻨﺖ ﻣﺶ ﺑﻨﻄﻠﻌﻮ ﻗﻠﺖ
ﺍﻣﺠﺪ .. ﺧﻠﻴﻬﺎ ﺑﻜﺮﺍ ﻻﻧﻪ ﻣﻴﺲ ﻑ ﻣﺴﺘﺸﻔﻰ
ﺩﻧﻴﺎ .. ﻫﻴﻴﻲ ﻛﻨﻬﺎ
ﺍﻣﺠﺪ .. ﺗﻌﺎﻟﻲ ﻧﻘﻮﻟﻚ ﺷﻦ ﺻﺎﻳﺮ ﺍﻧﺎ ﻛﻨﺖ ﺑﺮﺍ ﺧﺸﻴﺖ ﻟﻘﻴﺖ ﻣﺤﻤﺪ ﻭﻣﻨﻴﺮ ﻫﻤﺎ ﺍﻟﻲ ﺣﻜﻮﻟﻲ
ﺩﻧﻴﺎ .. ﺑﺎﻩ ﻛﻨﻬﺎ
ﺍﻣﺠﺪ "...
" ﺍﻳﻬﻢ .. ﻣﺶ ﻃﻮﻟﻮ ﻳﺎﺍﻣﻲ ﺍﻭﻑ
ﺳﻠﻴﻤﻪ .. ﺗﻮﺍ ﺷﻮﻳﺎ ﻭﻳﻄﻠﻌﻮ ﺍﻛﻴﺪﻩ
ﺷﻮﻳﺎ ﻭﻃﻠﻌﺖ ﺩﻛﺘﻮﺭﻩ
ﺍﻳﻬﻢ .. ﺷﻦ ﺻﺎﺭﻟﻬﺎ ﻛﻮﻳﺴﻪ ﺗﻮﺍ
ﺩﻛﺘﻮﺭﻩ .. ﻛﻮﻳﺴﻪ ﺗﻮﺍ ﺟﺮﺡ ﻛﺎﻥ ﺧﻔﻴﻒ ﺍﺻﻼ ﻣﺶ ﻋﻤﻴﻖ ﺧﻴﻄﻨﻪ ﻟﻬﺎ ﻭﻫﻴﺎ ﺩﺍﺧﺖ ﺍﺻﻼً ﻭﺧﺒﻄﺖ ﻑ ﻣﺮﻣﺮ ﻭﻋﻠﺠﻨﺎ ﺍﻳﺪﻫﺎ ﺍﻟﻤﺤﺮﻭﻗﻪ ﻭﺿﻌﻬﺎ ﻣﺴﺘﻘﺮ ﺗﻮﺍ ﺗﻘﺪﺭﻭ ﺗﺨﺸﻮ ﺗﺸﻮﻓﻮﻫﺎ ﺗﻮﺍ ﺷﻮﻳﺎ ﻭﺣﻨﺪﻳﺮﻭﻟﻬﺎ ﺧﺮﻭﺝ ﻋﻠﻴﻬﺎ ﺍﻟﻌﺎﻓﻴﻪ
ﺍﻳﻬﻢ ﺑﺼﻮﺕ ﻭﺍﻃﻲ .. ﺷﻜﺮﺍً
ﺧﺶ ﻳﺠﺮﻱ ﻟﻐﺮﻓﻪ ﻭﺍﻧﺎ ﻛﻨﺖ ﻧﺒﺤﺖ ﻑ ﺍﻳﺪﻱ ﺍﻟﻤﺮﺑﻮﻃﻪ
ﺍﻳﻬﻢ .. ﺍﻟﺤﻤﺪﺍﻟﻠﻪ ﺳﻼﻣﺘﻚ
ﻫﺰﻳﺖ ﺭﺍﺳﻲ ﻭﺳﻜﺘﺖ
ﺳﻠﻴﻤﻪ .. ﺳﻼﻣﺘﻚ ﻳﺎﻣﻴﺲ ﺗﺤﺴﻲ ﻑ ﺣﺎﺟﻪ
ﺍﻧﺎ .. ﺍﻟﻠﻪ ﻳﺴﻠﻤﻚ ﻻ ﻣﺎﻧﺤﺲ ﻑ ﺷﻲ
ﺳﻠﻴﻤﻪ .. ﻛﻨﻬﺎ ﺍﻳﺪﻙ ﻣﺤﺮﻭﻗﻪ
ﺍﻧﺎ ﺑﺤﺘﺖ ﻑ ﺍﻳﻬﻢ ﻭﺧﻨﻔﺘﻨﻲ ﻋﺒﺮﻩ .. ﻣﻦ ﺍﻟﻐﺎﺯ ﺍﻧﺎ ﻣﺎﻛﻨﺘﺶ ﻓﺎﻃﻨﻪ
ﺳﻠﻴﻤﻪ .. ﺳﺎﻫﻠﻪ ﺳﺎﻫﻠﻪ ﺗﻮﺍ ﺷﻮﻳﺎ ﻭﺗﻄﻠﻌﻲ
ﺍﻳﻬﻢ .. ﻧﻌﺪﻱ ﻧﺠﻴﺐ ﺩﻭﺍﺀ
ﺳﻠﻴﻤﻪ .. ﻋﻠﻴﺶ ﺗﻄﻠﻊ ﺗﻮﺍ ﺧﻠﻴﻬﺎ ﺑﺎﻟﻤﺮﻩ ﻭﻧﺤﻦ ﻃﺎﻟﻌﻴﻦ
ﺍﻳﻬﻢ .. ﺑﺎﻩ
ﺳﻠﻴﻤﻪ .. ﺍﻧﺎ ﻧﻌﺪﻱ ﺷﻮﻳﺎ ﻧﺠﻴﺐ ﻣﻴﻪ ﻭﺗﻮﺍ ﻧﺠﻲ
ﺍﻳﻬﻢ .. ﺑﺎﻩ ﺗﻤﺎﻡ
ﻃﻠﻌﺖ ﻭﺍﻳﻬﻢ ﻗﺮﺏ ﻣﻨﻲ ﻣﺴﻚ ﺍﻳﺪﻱ ﺑﺤﺘﺖ ﻓﻴﻪ ﻭﻑ ﺍﻳﺪﻱ ﺍﻟﻲ ﻣﺎﺳﻜﻬﺎ ﺑﺤﺖ ﻑ ﺍﻳﺪﻩ ﻭﺣﻮﻟﻬﺎ
ﺍﻧﺎ ﺗﻨﻬﺪﺕ ﻭﺑﺮﻣﺖ ﻭﺟﻲ ﺷﻮﺭ ﺳﺎﺱ
ﺍﻳﻬﻢ .. ﻋﻠﻴﺶ ﺩﺧﺘﻲ
ﺍﻧﺎ ﺑﺼﻮﺕ ﻭﺍﻃﻲ .. ﻣﺶ ﻋﺎﺭﻓﻪ
ﺍﻳﻬﻢ .. ﺭﺍﻙ ﺗﻘﻌﺪﻱ ﺣﺎﻣﻞ
ﺍﻧﺎ ﺩﻣﻮﻋﻲ ﻳﻨﺰﻟﻦ .. ﻣﺎﺗﺒﻴﺶ ﺍﻋﻴﺎﻝ ﻣﻨﻲ
ﺍﻳﻬﻢ ﻓﻨﺺ .. ﺣﺎﺍﺍﺍﺍﻣﻠﻠﻞ
ﺍﻧﺎ ﻋﻴﻄﺖ .. ﻣﺶ ﺣﺎﺍﺍﻣﻞ ﻣﺶ ﺣﺎﻣﻞ ﻭﻻ ﻧﻔﻜﺮ ﻧﺤﻤﻞ ﻣﻨﻚ ﺍﺻﻼً ﻣﺎﺗﺨﺎﻓﺶ
ﺍﻳﻬﻢ ﻣﺴﻚ ﺍﻳﺪﻱ ﺍﻟﻤﺤﺮﻭﻗﻪ ﻭﺿﻐﻂ ﻋﻠﻴﻬﺎ .. ﻭﻃﻴﻲ ﺻﻮﻭﺗﺘﻚ
ﺍﻧﺎ .. ﺍﺍﺍﺍ ﺍﻣﻤﻤﻢ ﺍﻳﺪﻱ ﺣﺮﺍﻡ ﻋﻠﻴﻚ
ﺍﻳﻬﻢ .. ﺗﻮﺍ ﺣﺴﻴﺘﻴﻬﺎ ﺍﻳﺪﻙ ﻭﻗﺖ ﻓﻜﺮﺗﻲ ﺗﺨﻮﻧﻲ ﻣﺎﻓﻜﺮﺗﻴﺶ ﻓﻴﺎ ﺷﻦ ﺣﻴﺼﻴﺮﻟﻲ ﻭﻗﺘﻬﺎ
ﺍﻧﺎ ﺑﺼﻮﺕ ﻣﺘﻘﻄﻊ .. ﻣﺎﺧﻨﺘﻜﺶ ﺍﻧﺎ ﺃﻃﻠﻖ ﺍﻳﺪﻱ ﺍﺍﺍ ﻳﺎﺍﻳﻬﻢ
ﻃﻠﻘﻬﺎ ﻭﺻﺒﻰ ﻣﻦ ﺗﻼﻳﺎ
ﺍﻧﺎ ﺑﺮﻣﺖ ﻭﺟﻲ ﻣﺎﻧﺒﻴﺶ ﻧﺒﺤﺖ ﻓﻴﻪ .. ﺣﻄﻨﻲ ﻋﻨﺪ ﻫﻠﻲ
ﺍﻳﻬﻢ .. ﻧﻌﻢ ﻗﺘﻠﻚ ﻣﺎﺗﺤﻠﻤﻴﺶ ﺑﻄﻼﻕ ﻗﻠﺘﻬﺎ ﻭﻻ ﻻ ﻣﺎﺗﺨﻠﻨﻴﺶ ﻧﻄﻠﻊ ﺟﻨﻮﻧﻲ ﻋﻠﻴﻚ ﺗﻮﺍ
ﺳﻜﺘﺖ ﻭ ﺩﻣﻮﻋﻲ ﻉ ﺧﺪﻱ ﻣﺶ ﻗﺎﺩﺭﻩ ﻧﺘﺤﻤﻞ ﺍﻟﻲ ﺻﺎﺭ ﻭﻻ ﻧﺘﺤﻤﻞ ﻛﻼﻣﻪ ﻭﻣﻌﺎﻣﻠﺘﻪ ﻟﻴﺎ ﻛﻼﻣﻪ ﻭﺍﺍﻋﺮ ﻭﻣﻌﺎﻣﻠﺘﻪ ﺍﻭﻋﺮ ﻗﻌﺪﺕ ﻧﺬﻛﺮ ﻓﻴﻪ ﻛﺎﻥ ﻭﻛﻴﻒ ﻗﻌﺪ ﺷﻮﻳﺎ ﻭﺧﺸﺖ ﺳﻠﻴﻤﻪ ﻧﺴﻤﻊ ﻓﻴﻬﺎ ﺗﺤﻜﻲ ﺗﻼﻳﺎ ﻫﻴﺎ ﻭﺍﻳﻬﻢ ﻭﺍﻧﺎ ﻣﺶ ﻣﺮﻛﺰﻩ ﻣﻌﺎﻫﻢ ﺑﻜﻞ
ﺍﻳﻬﻢ .. ﻫﻴﺎ ﺻﺒﻲ ﺧﻼﺹ ﺑﻨﺮﻭﺣﻮ ﻛﻤﻠﺖ ﺍﻟﺘﻐﺬﻳﻪ
ﺻﺒﺘﻨﻲ ﺍﻋﻤﻴﻤﻪ ﻭﺳﺎﻋﺪﺗﻨﻲ ﻧﻠﺒﺲ ﻭﺷﺎﺡ ﻭﺍﻳﻬﻢ ﻃﻠﻊ ﻣﻦ ﺗﻼﻧﺎ
ﺳﻠﻴﻤﻪ .. ﻭﺳﻌﻲ ﺑﺎﻟﻚ ﻋﻠﻴﻪ ﺍﻳﻬﻢ ﺑﻌﺪ ﻳﻌﺼﺐ ﺩﻳﻤﺎ ﻫﻚ
ﺍﻧﺎ ﺳﺎﻛﺘﻪ ﻭﻧﺴﻤﻊ ﻓﻴﻬﺎ
ﺳﻠﻴﻤﻪ .. ﺍﻧﺘﻲ ﻫﺎﺩﻳﻪ ﺑﻜﻞ ﻭﺍﻳﻬﻢ ﻳﺒﻲ ﺑﻨﺖ ﻫﻜﻲ ﺑﻴﺶ ﻳﺘﺮﻳﺢ ﻣﻌﺎﻫﺎ ﺑﺲ ﻣﺸﺎﻛﻞ ﻳﺼﻴﺮﻥ ﺑﺬﺍﺕ ﻑ ﺍﻭﻝ ﺳﻨﻪ ﺗﻮﺍ ﻳﻌﺮﻑ ﻏﻠﻄﻪ ﻭﻳﺮﺍﺿﻴﻜﻲ
ﻫﺰﻳﺖ ﺭﺍﺳﻲ ﻭﺻﺒﻴﺖ ﻗﻌﺪﺕ ﻣﺴﺘﻨﺪﻩ ﻋﻠﻴﻬﺎ ﻟﻴﻦ ﻃﻠﻌﻨﺎ ﻣﻦ ﻣﺴﺘﺸﻔﻰ ﻭﺭﻛﺒﻨﺎ ﻑ ﺳﻴﺎﺭﻩ ﻭﻃﻠﻌﻨﺎ ﻣﺎﻓﻴﺶ ﺣﺪ ﺣﻜﺎﺀ ﺷﻲ ﻭﺍﻧﺎ ﻧﺤﺲ ﻑ ﺍﻳﺪﻱ ﺗﺤﺮﻕ ﻻﻧﻪ ﻣﺴﻜﻨﻲ ﻣﻜﺎﻥ ﺍﻟﺤﺮﻗﻪ ﺍﺗﻜﻴﺖ ﻉ ﻗﺰﺍﺯ ﻟﻴﻦ ﻭﺻﻠﻨﺎ ﻟﺤﻮﺵ ﻭﺧﺸﻴﻨﺎ
ﻣﻨﻴﺮ .. ﺍﻟﺤﻤﺪﺍﻟﻠﻪ ﻉ ﺳﻼﻣﻪ ﺳﺎﻫﻠﻪ ﺳﺎﻫﻠﻪ ﻋﻴﻦ ﻭﻃﺎﺭﺕ
ﺍﻧﺎ ﺍﺑﺘﺴﻤﺖ ﺑﺸﻮﻳﺎ .. ﺍﻟﻠﻪ ﻳﺴﻠﻤﻚ
ﻣﺤﻤﺪ .. ﺍﻟﺤﻤﺪﺍﻟﻠﻪ ﻉ ﺳﻼﻣﻪ
ﺍﻧﺎ ﻫﺰﻳﺖ ﺭﺍﺳﻲ .. ﺍﻟﻠﻪ ﻳﺴﻠﻤﻚ
ﺗﺴﻨﻴﻢ .. ﺧﻮﻓﺘﻴﻨﻲ ﻋﻠﻴﻚ ﺣﻤﺪﺍﻟﻠﻪ ﻋﻠﻰ ﺍﻟﺴﻼﻣﻪ
ﺍﻧﺎ ﺍﺑﺘﺴﻤﺖ .. ﺍﻟﻠﻪ ﻳﺴﻠﻤﻚ
ﺗﺴﻨﻴﻢ .. ﺗﺤﺴﻲ ﻑ ﺣﺎﺟﻪ ﺗﻮﺍ
ﺍﻧﺎ .. ﻻﻻ ﻛﻮﻳﺴﻪ
ﺳﻠﻴﻤﻪ .. ﺧﻼﺹ ﺭﻛﺒﻬﺎ ﻳﺎﺍﻳﻬﻢ ﺧﻠﻴﻬﺎ ﺗﺮﻳﺢ ﺗﻮﺍ ﻧﺪﺯﻭﻟﻬﺎ ﻋﺸﺎﺀ
ﺍﻧﺎ .. ﻣﺎﺗﻌﺒﻴﺶ ﺭﻭﺣﻚ ﻳﺎﺍﻋﻤﻴﻤﻪ ﺍﻧﺎ ﻣﺶ ﺟﻌﺎﻧﻪ
ﺳﻠﻴﻤﻪ .. ﻻﻻ ﻻﺯﻡ ﺗﺎﻛﻠﻲ ﻭﺗﻘﻮﺗﻲ ﺭﻭﺣﻚ ﺍﻧﺖ ﺗﻌﺒﺎﻧﻪ ﺣﺘﻰ ﻭﺟﻚ ﺍﺻﻔﺮ ﺑﺎﻳﻦ
ﺍﻧﺎ .. ﺷﻜﺮﺍً ﻭﺍﻟﻠﻪ ﻏﻴﺮ ﺗﻌﺒﻲ ﺭﻭﺣﻚ
ﺳﻠﻴﻤﻪ .. ﻣﺎﻓﻴﻬﺎ ﺗﻌﺐ ﺍﺭﻛﺒﻲ ﺧﻼﺹ
ﻣﺸﻴﺖ ﻟﺪﺭﻭﺝ ﺑﺪﻳﺖ ﻧﺮﻛﺐ ﻭﺍﻳﻬﻢ ﻭﺭﺍﻳﺎ ﺑﺪﺍ ﺭﺍﺳﻲ ﻳﺒﺮﻡ ﺃﺧﺮﻯ ﻣﺴﻜﺖ ﻑ ﺣﺪﻳﺪ ﺩﺭﻭﺝ
ﺍﻳﻬﻢ .. ﻣﺰﺍﻟﺘﻲ ﺩﺍﻳﺨﻪ
ﺍﻧﺎ ﻫﺰﻳﺖ ﺭﺍﺳﻲ ﻭﺭﻛﺒﺖ ﻓﺘﺢ ﻫﻮ ﺍﻟﺒﺎﺏ ﻭﺍﻧﺎ ﺧﺸﻴﺖ ﻟﺪﺍﺭ ﻧﻄﻠﻊ ﻑ ﺩﺑﺶ ﻻﻧﻪ ﺑﻨﺪﻭﺵ ﺩﺑﺸﻲ ﺗﻌﺒﻰ ﺩﻡ
ﺧﺬﻳﺖ ﺩﺑﺸﻲ ﻭﺧﺸﻴﺖ ﺩﻭﺷﺖ ﺟﺴﻤﻲ ﺑﺲ ﺷﻌﺮﻱ ﻻ ﻉ ﺳﺒﻪ ﺍﻟﺨﻴﺎﻃﻪ "
" ﻋﺰﻭ .. ﺗﻌﺎﻟﻦ ﻗﻤﻌﺰﻥ ﻛﻠﻜﻦ ﻫﻴﺎ
ﺭﻳﻬﺎﻡ .. ﺷﻦ ﻓﻲ
ﻋﺰﻭ .. ﻏﻴﺮ ﻗﻤﻌﺰﻥ ﺗﻮﺍ ﺗﻌﺮﻓﻦ
ﻣﺎﻣﺎ .. ﺍﻥ ﺷﺎﺀ ﺍﻟﻠﻪ ﺧﻴﺮ ﻳﺎﻋﺰﻭ ﺷﻨﻮ ﺻﺎﻳﺮ ﻣﻴﺲ ﻓﻴﻬﺎ ﺣﺎﺟﻪ
ﻋﺰﻭ .. ﻻ ﻳﺎﺍﻣﻲ ﺧﻴﺮ ﻭﺍﻟﻠﻪ
ﻃﻠﻊ ﻣﻔﺘﺎﺡ ﻭﻣﺴﻚ ﺍﻳﺪﻫﺎ ﺣﻄﻪ ﻓﻴﻬﺎ
ﺭﺣﺎﺏ ﺍﺑﺘﺴﻤﺖ ﻭﺑﺤﺘﺖ ﻑ ﻋﺰﻭ ﻭﻋﺰﻭ ﺍﺑﺘﺴﺎﻣﻠﻬﺎ
ﻣﺎﻣﺎ .. ﻣﻔﺘﺎﺡ ﺷﻨﻮ ﻫﺬﺍ ﻳﺎﻋﺰﻭ
ﻋﻼﺀ .. ﺷﻮﻓﻲ ﺷﻨﻮ ﻣﻜﺘﻮﺏ ﻉ ﻣﺪﺍﻟﻴﻪ
ﺑﺤﺘﺖ ﻣﺎﻣﺎ ﻑ ﻣﺪﺍﻟﻴﻪ ﻭﻛﺎﻥ ﻣﻜﺘﻮﺏ ﺑﻴﺖ ﺍﺳﻤﺎﺀ ﺍﻝ &$&
ﻣﺎﻣﺎ .. ﺍﻧﺎ ﻣﺰﺍﻝ ﻣﺎ ﻓﻬﻤﺖ
ﺭﺷﺎ .. ﺍﺻﺒﺮﻭ ﻣﺰﺍﻝ ﻣﺶ ﻣﺴﺘﻮﻋﺒﻪ ﺍﻧﺎ ﻧﺤﻦ ﺑﻨﻄﻠﻌﻮ ﻣﻦ ﺣﻮﺵ ﻫﺬﺫﺍﺍﺍﺍ
ﻋﺰﻭ .. ﺍﻳﻮﺍ ﺍﺳﺒﻮﻉ ﺟﺎﻱ ﺣﻨﻨﺘﻘﻠﻮ ﻟﺤﻮﺷﻨﺎ ﺟﺪﻳﺪ
ﺭﺷﺎ ﺻﺒﺎﺕ ﺗﻨﻂ .. ﻛﺬﺫﺑﺒﻪ ﻛﻨﻜﻢ ﻣﺎﻗﻠﺘﻮ ﺍﺍﺍﻩ
ﻋﻼﺀ ﻳﻀﺤﻚ .. ﻳﺎﻫﺒﻠﻪ ﺍﻫﺪﻯ
ﺭﻳﻬﺎﻡ ﺗﻀﺤﻚ .. ﺍﻟﻠﻪ ﺣﻮﺷﻨﺎ ﺑﺮﻭﺣﻨﺎ ﻭﺭﻭﻧﺎ ﺻﻮﺭﻩ ﻛﺎﻥ ﻣﺼﻮﺭﻳﻨﺎ
ﻣﺎﻣﺎ ﺍﺑﺘﺴﻤﺖ .. ﺍﻣﺘﻰ ﺻﺎﺭ ﻛﻼﻡ ﻫﺬﺍ ﻳﺎﺍﻋﻴﺎﻝ
ﻋﺰﻭ ﺣﻂ ﺍﻳﺪﻩ ﻉ ﻛﺮﺍﻋﻬﺎ .. ﻣﻦ ﺳﻨﺘﻴﻦ ﻭﺍﻧﺎ ﻧﻄﺎﻟﺐ ﺑﺤﻖ ﺑﺎﺗﻲ ﺳﻨﻪ ﺍﻟﻲ ﻓﺎﺗﺖ ﻛﻴﻒ ﻋﻄﻮﻩ ﻟﻴﺎ ﺩﻭﻳﺖ ﻟﺨﺎﻟﻲ ﻋﺒﺪﺍﻟﻠﻪ ﻭﻗﺘﻠﻪ ﺍﻧﻪ ﻣﺎﻳﺴﺪﺵ ﺍﻟﻤﺒﻠﻎ ﻗﺎﻟﻲ ﺑﻴﻊ ﺷﻘﻪ ﻫﺬﻱ ﻧﺤﻦ ﻧﺸﺮﻭﻫﺎ ﻭﺍﻗﻌﺪﻭ ﻓﻴﻬﺎ ﻟﻴﻦ ﺗﻜﻤﻞ ﺑﻨﻲ ﻭﻳﻮﺳﻒ ﻛﺎﻥ ﻳﺴﺎﻋﺪ ﻓﻴﺎ ﻭﺍﺟﺪ ﺑﻴﺶ ﻛﻤﻠﺖ ﻭﻋﻼﺀ ﻣﺎﻟﺶ ﻭﺍﺟﺪ ﻛﻴﻒ ﻋﺮﻑ ﻭﻗﻌﺪ ﻣﻌﺎﻳﺎ ﻟﻴﻦ ﻛﻤﻠﻨﺎ
ﻣﺎﻣﺎ ﺍﺑﺘﺴﻤﺖ .. ﺭﺑﻲ ﻳﺨﻠﻴﻜﻢ ﻟﻴﺎ ﻭﻳﻔﺮﺣﻨﻲ ﺑﻴﻜﻢ ﻳﺎﺭﺏ
ﺭﺷﺎ .. ﺍﻣﺘﻰ ﻧﺸﻮﻓﻮﻩ ﺑﻨﻌﺪﻱ
ﻋﺰﻭ .. ﺑﻜﺮﺍ ﺑﺲ ﺗﻮﺍ ﺍﺑﺪﻥ ﻑ ﻟﻢ ﺍﻟﻜﻮﺟﻴﻨﻪ ﺑﻜﺮﺍ ﺻﺒﺢ ﺑﻨﺠﻴﺒﻮ ﻣﺼﺮﻳﺎ ﻳﻨﻀﻔﻮ ﺍﻟﺤﻮﺵ ﻭﻧﻘﻠﻮ ﻛﻮﺟﻴﻨﻪ
ﺭﻳﻬﺎﻡ .. ﺍﻟﻠﻪ ﺑﺎﻩ ﺍﺣﻜﻮﻟﻨﺎ ﻋﻠﻴﻪ ﻛﻢ ﺩﺍﺭ ﻭﻛﻴﻒ ﺷﻜﻠﻪ
ﻋﺰﻭ .. ﻫﻬﻪ ﺑﻜﺮﺍ ﺧﻼﺹ ﻋﺪﻥ ﻟﻤﻦ ﺗﻮﺍ
ﺭﺣﺎﺏ .. ﻓﻴﺶ ﺑﻨﻠﻤﻮ ﺑﺎﻩ
ﻋﻼﺀ .. ﺟﺒﻨﺎ ﻛﺎﺭﺗﻴﻦ ﺗﻮﺍ ﻧﺠﻴﺒﻬﻦ ﻟﻜﻦ
ﺭﺷﺎ .. ﺑﺎﻩ ﺟﻴﺒﻬﻦ ﻋﻠﻲ ﻣﺎﺧﺸﻴﻨﺎ ﻧﻠﻤﻮ
ﺧﺸﻦ ﺍﻟﺒﻨﺎﺕ ﻟﻜﻮﺟﻴﻨﻪ ﻭ ﻣﺎﻣﺎ ﻣﻘﻤﻌﺰﻩ ﺗﻼ ﻋﺰﻭ ﻳﺤﻜﻴﻠﻬﺎ ﻉ ﺣﻮﺵ
ﺭﻳﻬﺎﻡ .. ﻣﻦ ﺍﻣﺲ ﺭﻧﻴﺖ ﻉ ﻣﻴﺲ ﻣﻘﻔﻞ ﺣﺘﻰ ﺗﻮﺍ ﺣﺴﻨﻲ ﻧﺸﻐﻠﺖ ﻋﻠﻴﻬﺎ
ﺭﺣﺎﺏ .. ﻣﺸﻌﺎﺭﻓﻪ ﺍﻣﺲ ﻋﺎﺩﻱ ﻛﺎﻧﺖ ﻭﺍﻟﻴﻮﻡ ﺍﻧﺎ ﻣﺎﻋﺪﻳﺘﺶ
ﺭﻳﻬﺎﻡ .. ﻣﺎﺣﻜﻴﺘﻴﺶ ﻣﻊ ﻣﺤﻤﺪ ﺷﻦ ﺟﻮﻩ
ﺭﺷﺎ .. ﻻ ﻣﺘﻌﺎﺭﻛﻴﻦ ﺑﻌﺪﻳﻦ ﻣﺤﻤﺪ ﺷﻦ ﺑﻴﻌﺮﻓﻪ ﺑﻤﻴﺲ
ﺭﻳﻬﺎﻡ .. ﻣﺮﺍﺕ ﺗﻘﻌﺪ ﻋﻨﺪﻫﻢ ﺣﺎﺟﻪ ﻑ ﺣﻮﺵ
ﺭﺷﺎ .. ﺍﺯﻋﻤﻚ ﻧﻜﻠﻤﻪ ﺣﺴﻜﻦ ﺷﻐﻠﺘﻨﻲ
ﺭﻳﻬﺎﻡ .. ﺷﻮﻓﻴﻪ ﺍﺻﻼ ﻏﺮﻳﺒﻪ ﺗﻘﻔﻠﻪ
ﺭﺷﺎ .. ﺑﺎﻩ ﻧﻌﺪﻱ ﻟﺪﺍﺭ ﺍﻧﺘﻦ ﻗﻮﻟﻠﻲ ﻛﺎﻥ ﺣﺪ ﺟﺎﺀ ﺑﺎﻫﻲ
ﺭﺣﺎﺏ .. ﺗﻤﺎﻡ ﻋﺪﻱ
ﺧﺸﺖ ﺭﺷﺎ ﻟﺪﺍﺭ ﻭﻃﻠﻌﺖ ﺍﻟﻔﻮﻥ ﻣﻦ ﺟﻴﺒﻬﺎ ﻭﺣﻄﺖ ﻉ ﺭﻗﻢ ﻣﺤﻤﺪ ﻗﻌﺪ ﻳﺮﻥ ﺑﻌﺪﻫﺎ ﺷﻮﻳﺎ ﻭﺭﺩ
ﻣﺤﻤﺪ .. ﺍﻳﻮﺍﻩ
ﺭﺷﺎ .. ﺍﻫﻠﻴﻦ
ﻣﺤﻤﺪ ﺗﻨﻬﺪ .. ﺷﻨﺠﻮ
ﺭﺷﺎ .. ﺍﻣﻤﻢ ﻛﻮﻳﺴﻪ ﺍﻧﺖ ﺷﻦ ﺟﻮﻙ
ﻣﺤﻤﺪ ... ﺷﻦ ﺟﻮﻱ
ﺭﺷﺎ .. ﺍﻫﻢ
ﻣﺤﻤﺪ .. ﻧﺤﺒﻚ
ﺭﺷﺎ ﺍﺑﺘﺴﻤﺖ .. ﻗﺪ ﺷﻨﻮ
ﻣﺤﻤﺪ .. ﻗﺪ ﺷﻨﻮ ﻳﺎ ﻣﺤﻤﺪ ﻗﺪ ﺷﻨﻮ ﻗﺪ ﺯﻋﻠﻲ ﻣﻨﻬﺎ ﺗﻮﺍ
ﺭﺷﺎ .. ﺍﻧﺖ ﺯﻋﻼﻥ ﻣﻨﻲ
ﻣﺤﻤﺪ .. ﺷﻦ ﺭﺍﻳﻚ
ﺭﺷﺎ .. ﻭﺍﻧﺖ ﻣﺶ ﻣﺰﻋﻠﻨﻲ ﺑﺘﺼﺮﻓﺎﺗﻚ
ﻣﺤﻤﺪ .. ﻋﺎﺭﻑ ﺍﻧﻲ ﻣﺰﻋﻠﻚ ﻭﺍﺟﺪ ﺑﺲ ﺍﻧﺎ ﻣﻌﺘﺮﻑ ﺑﻐﻠﻄﻲ ﻭﻗﺘﻠﻚ ﺣﻨﻌﻮﺿﻚ ﻉ ﻛﻞ ﺍﻻﻫﻤﺎﻝ ﻫﺬﺍ ﺑﺲ ﺍﻧﺘﻲ ﻣﺶ ﺻﺎﺑﺮﻩ ﻋﻠﻴﺎ ﻭﻣﺘﺴﺮﻋﻪ ﺩﻳﻤﺎ ﻫﻚ ﺍﻧﺘﻲ ﻭﻻ ﻻ
ﺭﺷﺎ .. ﺍﺣﻤﻴﺪﺍ
ﻣﺤﻤﺪ .. ﻳﺎﻫﻤﻪ ﻧﻌﻢ
ﺭﺷﺎ .. ﺗﻌﺒﺖ ﺍﻧﺎ
ﻣﺤﻤﺪ .. ﻣﻦ ﺷﻨﻮ ﺗﻌﺒﺘﻲ ﺑﺎﻟﻀﺒﻂ
ﺭﺷﺎ .. ﻣﻦ ﻣﺸﺎﻛﻠﻨﺎ ﻳﻌﻨﻲ ﺩﻳﻤﺎ ﻫﻚ ﻧﺤﻦ ﻻﺯﻡ ﻧﺪﻳﺮﻭ ﻣﺸﺎﻛﻞ ﻭﻧﻜﺪﻭ ﻉ ﺑﻌﻀﻨﺎ ﻋﻼﻗﺘﻨﺎ ﻃﻮﻟﺖ ﻭﻃﻮﻟﻦ ﻣﻌﺎﻫﺎ ﻣﺸﺎﻛﻞ
ﻣﺤﻤﺪ .. ﺍﻟﻤﻌﻨﻰ ﺑﺎﻩ ﻣﻌﺶ ﺗﺒﻴﻨﻲ
ﺭﺷﺎ .. ﻻ ﺍﻧﺖ ﻓﻬﻤﺘﻨﻲ ﻏﻠﻂ ﺍﻧﺎ ﻣﺎﻧﻘﺪﺭﺵ ﺑﻼﻙ ﻭﺑﻼ ﻛﻼﻣﻚ ﺑﺲ ﻧﺤﻜﻴﻠﻚ ﻣﺤﻤﺪ ﺍﻧﺖ ﻋﺎﺭﻓﻨﻲ ﻧﺤﺒﻚ ﻭﺍﺟﺪ ﻣﺶ ﺷﻮﻳﺎ
ﻣﺤﻤﺪ .. ﺭﺷﺎ ﺻﺪﻗﻴﻨﻲ ﻣﺶ ﺣﺘﻨﺪﻣﻲ ﻉ ﻋﻼﻗﺘﻨﺎ ﻫﺬﻱ
ﺭﺷﺎ ﺗﻨﻬﺪﺕ .. ﻣﻦ ﻗﺎﻝ ﻧﺎﺩﻣﻪ ﺍﺻﻼً ﻣﺴﺘﺤﻴﻞ ﻧﻨﺪﻡ ﻉ ﺣﺐ ﺑﺎﻟﻨﺴﺒﻪ ﻟﻴﺎ ﺣﻴﺎﺀ
ﻣﺤﻤﺪ ﺍﺑﺘﺴﻢ .. ﻧﺠﻚ ﻟﻴﺎ ﻭﺧﻼﺹ
ﺭﺷﺎ .. ﺯﻋﻼﻥ ﻣﻨﻲ ﻣﺰﺍﻟﺖ
ﻣﺤﻤﺪ .. ﻳﻌﻨﻲ ﺍﻧﺘﻲ ﻋﺎﺭﻓﺘﻴﻨﻲ ﻛﻴﻒ ﻧﺮﺿﻰ
ﺭﺷﺎ ﺍﺑﺘﺴﻤﺖ .. ﺍﻣﻤﻢ ﺍﺳﻤﻊ ﺑﺎﻩ
ﻣﺤﻤﺪ .. ﺷﻨﻮ
ﺭﺷﺎ .. ﻫﺬﻱ ﺭﺩﻱ ﻉ ﻛﻼﻣﻚ ﺑﻌﺪ ﻗﺘﻠﻲ ﻣﻌﺶ ﺗﺒﻴﻨﻲ
ﻭﺍﻧﺎ ﻧﺴﻴﺖ ﺍﻭﻻﻧﻲ ﻋﺸﺎﻥ ﺍﻧﺎ ﺍﻧﺴﻰ ﺗﺎﻧﻲ ﻗﻠﻘﺎﻥ ﺣﺒﻴﺒﻲ ﻟﻴﻪ ﺩﺍﺀ ﻧﺎ ﻣﺎﻳﺠﻴﺶ ﻑ ﺑﺎﻟﻲ ﺍﻧﺴﺎﻙ ﺣﺘﻰ ﻑ ﺧﻴﺎﻟﻲ ﻟﻮ ﻛﺎﻥ ﻑ ﺑﻨﺎ ﺍﻳﻪ
ﻣﺎﻋﺎﺵ ﻭﻻ ﻛﺎﻥ ﻳﺎﺣﺒﻴﺒﻲ ﺍﻟﻲ ﻳﻨﺴﻴﻨﻲ ﺩﺍﺀ ﺍﻟﻲ ﻣﺎﺑﻴﻨﻚ ﻭﺑﻴﻨﻲ ﺍﻳﺎﻡ ﻭﺳﻨﻴﻦ ﻛﺘﻴﺮ ﻣﻌﺎﻙ ﻣﺎﺗﺨﺎﻓﺶ ﻣﻦ ﺩﻧﻴﺎ ﺩﻱ ﻋﻠﻴﺎ ﺩﺍﺀ ﺍﻧﺖ ﺑﺎﻟﻨﺴﺒﻪ ﻟﻴﺎ ﺍﻷﻭﻝ ﻭﺍﻻﺧﻴﺮ ﻟﻮ ﻣﺎﺩﺧﻠﺘﺶ ﺣﻴﺎﺗﻲ ﻛﺎﻧﺖ ﻭﻗﻔﺖ ﺣﻴﺎﺗﻲ ﻭﻣﺎﻛﻨﺘﺶ ﻋﺸﺘﻬﺎ
ﺩﻱ ﺍﻻﺣﻼﻡ ﺍﻟﻲ ﻟﻴﺎ ﻛﺎﻧﻮﺍ ﺑﻴﻀﻌﻴﻮﺍ ﻣﻦ ﺍﻳﺪﻳﺎ ﻭﺟﻴﺖ ﺍﻧﺖ ﻟﺤﻘﺘﻬﺎ
ﻣﺤﻤﺪ ﻃﻮﻝ ﻣﺎ ﻫﻴﺎ ﺗﻐﻨﻲ ﻭﻫﻮ ﻣﺒﺘﺴﻢ
ﺭﺷﺎ ﺗﻨﻬﺪﺕ .. ﻧﺤﺒﺒﺒﻚ
ﻣﺤﻤﺪ .. ﻧﻤﻮﺕ ﻓﻴﻚ
ﺭﺷﺎ .. ﺣﺒﻴﺒﻲ ﺑﻨﺴﺎﻟﻚ
ﻣﺤﻤﺪ .. ﻧﻌﻢ ﻳﺎ ﻋﻤﺮﻱ
ﺭﺷﺎ .. ﺍﻧﺘﻢ ﺻﺎﻳﺮ ﻋﻨﺪﻛﻢ ﺣﺎﺟﻪ ﻫﻜﻲ ﻭﻻ ﻫﻜﻲ
ﻣﺤﻤﺪ .. ﻛﻴﻒ ﺷﻨﻮ
ﺭﺷﺎ .. ﺍﻣﺲ ﻧﺮﻧﻮ ﻉ ﻣﻴﺲ ﻣﻘﻔﻞ ﻭﺣﺘﻰ ﺍﻟﻴﻮﻡ ﻧﺸﻐﻠﻬﺎ ﻋﻠﻴﻬﺎ
ﻣﺤﻤﺪ .. ﻣﺮﺍﺕ ﻓﻮﻧﻬﺎ ﺧﺎﺭﺏ ﺭﻧﻮ ﻉ ﺍﻳﻬﻢ ﺑﺲ ﻣﺎﻓﻲ ﺷﻲ ﺭﺍﻩ
ﺭﺷﺎ .. ﺗﻮﺍ ﻧﻘﻮﻝ ﻟﺨﻮﺗﻲ ﺑﺎﻩ ﺍﻧﺖ ﺷﻔﺘﻬﺎ ﻛﻮﻳﺴﻪ ﻭﺍﻟﻠﻪ ﻣﺸﻐﻮﻟﻪ ﻋﻠﻴﻬﺎ
ﻣﺤﻤﺪ ﺍﺭﺗﺒﻚ .. ﺷﻔﺘﻬﺎ ﺷﻔﺘﻬﺎ ﻛﻮﻳﺴﻪ ﺭﺍﻩ
ﺭﺷﺎ .. ﺑﺎﻩ ﻧﺤﻜﻮﺍ ﻑ ﻟﻴﻞ ﺗﻮﺍ ﻋﻨﺪﻱ ﺣﻮﺳﻪ ﺗﻮﺍ ﻧﺤﻜﻴﻠﻚ ﺑﻌﺪﻳﻦ
ﻣﺤﻤﺪ .. ﺑﺎﻩ ﺗﻤﺎﻡ ﺣﺒﻴﺒﻲ
ﺭﺷﺎ ﺻﻜﺮﺕ ﻭﻣﺸﺖ ﻟﻜﻮﺟﻴﻨﻪ ﻣﻊ ﺑﻨﺎﺕ "
" ﻃﻠﻌﺖ ﻣﻦ ﺣﻤﺎﻡ ﻻﺑﺴﻪ ﺩﺑﺸﻲ ﺧﺸﻴﺖ ﻟﻜﻮﺟﻴﻨﻪ ﻧﺼﺐ ﻑ ﻋﺼﻴﺮ
ﺍﻳﻬﻢ .. ﻣﻴﺲ
ﺍﻧﺎ .. ﻧﻌﻢ
ﺍﻳﻬﻢ .. ﺍﻧﺘﻲ ﻭﻳﻦ
ﺍﻧﺎ .. ﻑ ﻛﻮﺟﻴﻨﻪ
ﺧﺶ ﻋﻠﻴﺎ ﻭﺣﻂ ﺷﻜﺎﺭﺍ ﻉ ﻃﺎﻭﻟﻪ
ﺍﻳﻬﻢ .. ﺩﻭﺍﻙ ﻫﺬﺍ ﻭﺑﻌﺪﻳﻦ ﺷﻮﻳﺎ ﺭﺍﻛﺒﻴﻦ ﻫﻠﻲ ﻭﻋﻴﺖ ﻋﻤﺎﻣﻲ
ﺍﻧﺎ .. ﻋﻤﺎﻣﻚ !!
ﺍﻳﻬﻢ .. ﺍﻫﺎ ﻛﻨﻚ ﻋﻨﺪﻙ ﻣﺎﻧﻊ
ﺍﻧﺎ .. ﻻ ﻋﻠﻴﺶ
ﺻﺒﻴﺖ ﺧﺸﻴﺖ ﻟﺪﺍﺭ ﻭﻛﻨﺖ ﻣﺘﺎﻛﺪﻩ ﺍﻧﻪ ﻫﺒﻪ ﺣﺘﻜﻮﻥ ﻣﻌﺎﻫﻢ ﻓﺘﺤﺖ ﺩﻭﻻﺏ ﻭﻃﻠﻌﺖ ﻓﺴﺘﺎﻥ ﺳﻤﺎﺉ ﻛﻢ ﻓﻴﻪ ﺩﺍﻧﺘﻴﻞ ﻣﻦ ﻗﺪﺍﻡ ﻭﺧﻴﻂ ﻳﺮﺗﺒﻂ ﻣﻦ ﻻﻭﺭﻩ ﺩﺍﻧﺘﻴﻞ ﺣﺘﻰ ﻫﻮ ﻗﺼﻴﺮ ﻟﺘﺤﺖ ﺭﻛﺒﻪ ﺑﺸﻮﻳﺎ ﻭﻃﻠﻌﺖ ﺳﺒﺎﻁ ﻓﺮﺵ ﺳﻜﺮﻱ ﻭﻓﺮﺩﺕ ﺷﻌﺮﻱ ﻉ ﺿﻬﺮﻱ ﻭﺩﺭﺕ ﺭﺳﻢ ﻋﻴﻦ ﻭﺭﻭﺝ ﺧﻔﻴﻒ ﻭﻏﺮﻗﺖ ﺭﻭﺣﻲ ﻋﻄﺮ ﺳﻤﻌﺖ ﺑﺎﺏ ﺩﻕ ﻣﺸﻴﺖ ﻓﺘﺤﺖ ﺧﺸﺖ ﺗﺴﻨﻴﻢ ﻭﺑﺸﺮﻯ
ﺍﻧﺎ ﺍﺑﺘﺴﻤﺖ ﺑﺸﻮﻳﺎ .. ﺗﻔﻀﻠﻦ
ﺑﺸﺮﻯ .. ﺍﻟﺤﻤﺪ ﺍﻟﻠﻪ ﻉ ﺳﻼﻣﻪ
ﺍﻧﺎ .. ﺍﻟﻠﻪ ﻳﺴﻠﻤﻚ
ﺗﺴﻨﻴﻢ .. ﻳﻨﻌﻠﻴﺎ ﺍﻣﺸﻲ ﺗﺮﻳﺤﻲ ﺍﻧﺘﻲ
ﺍﻧﺎ .. ﻣﺲ ﺗﻌﺒﺎﻧﻪ ﻭﺟﺮﺡ ﻛﺎﻥ ﺧﻔﻴﻒ
ﺗﺴﻨﻴﻢ .. ﺑﺎﻫﻲ ﺗﻮﺍ ﻛﺎﻧﻮ ﻋﻴﺖ ﻋﻤﻲ ﻋﻨﺪ ﺣﻮﺵ ﻋﻤﻮ ﺑﻌﺪ ﺳﻤﻌﻮ ﺑﻴﻚ ﺑﻴﺠﻮ ﻳﺴﺎﻭﻟﻮ ﻋﻠﻴﻚ
ﺍﻧﺎ ﺍﺑﺘﺴﻤﺖ .. ﻣﺮﺣﺒﺘﻴﻦ ﺑﻴﻬﻢ ﻑ ﺍﻱ ﻭﻗﺖ
ﺗﺴﻨﻴﻢ .. ﺗﻌﺎﻟﻲ ﻭﺭﻳﻨﺎ ﺍﻟﺤﺎﺟﺎﺕ ﻟﻀﻴﺎﻓﻪ ﻭﻻ ﻛﺎﻥ ﻑ ﺷﻲ ﻳﺒﻲ ﺩﻭﺭ
ﺍﻧﺎ .. ﺑﺎﻩ ﻫﻴﺎ ﻭﺍﻟﺸﻘﻪ ﻣﺶ ﺣﺎﻳﺴﻪ ﺭﺍﻩ ﻛﻮﺟﻴﻨﻪ ﻣﻤﻜﻦ ﻣﻦ ﺣﻮﺳﺘﻲ ﻧﺒﺪﺭﻱ
ﺑﺸﺮﻯ .. ﺳﺎﻫﻠﻪ ﺗﻮﺍ ﻧﻠﻤﻮﻫﺎ ﻧﺤﻦ ﺍﻧﺘﻲ ﻗﻤﻌﺰﻱ
ﺧﺸﻴﻨﺎ ﻟﻜﻮﺟﻴﻨﻪ
ﺗﺴﻨﻴﻢ .. ﻣﺎﻛﻠﻴﺘﻲ ﺷﻲ ﺻﺎﺡ
ﺍﻧﺎ .. ﻻ ﻻ ﺷﺮﺑﺖ ﻋﺼﻴﺮ
ﺗﺴﻨﻴﻢ .. ﻛﻮﻟﻲ ﺍﻟﺒﺸﻜﻮﻁ ﺩﺍﻳﺮﺕ ﻣﺮﻳﻢ
ﺍﻧﺎ ﺍﺑﺘﺴﻤﺖ .. ﺳﻠﻢ ﺍﻳﺪﻳﻬﺎ ﺗﻮﺍ ﻧﺬﻭﻗﻪ
ﻗﻌﺪﺕ ﻧﻮﺭﻱ ﻓﻴﻬﻦ ﺣﺎﺟﺎﺕ ﻟﻴﻦ ﺳﻤﻌﺖ ﺑﺎﺏ ﻳﺪﻕ
ﺑﺸﺮﻯ .. ﺗﻮﺍ ﻧﻔﺘﺢ ﺍﻧﺎ
ﺍﻧﺎ ﺗﻮﺗﺮﺕ ﻣﻦ ﺗﻮﺍ ﻗﺒﻞ ﻻ ﻧﺸﻮﻓﻬﺎ
ﺗﺴﻨﻴﻢ .. ﻣﺎﺗﻮﺭﺗﻴﺶ ﺍﻳﻬﻢ ﻟﻮ ﻳﺤﺒﻬﺎ ﻣﺎﻛﻨﺶ ﺳﻴﺒﻬﺎ ﺍﻫﺪﻯ
ﺍﻧﺎ ﺍﺑﺘﺴﻤﺖ .. ﻣﺶ ﻣﺘﻮﺗﺮﻩ ﻋﺎﺩﻱ
ﺗﺴﻨﻴﻢ .. ﺣﺎﺳﻪ ﺑﻴﻚ
ﻃﻠﻌﺖ ﺑﻴﺶ ﻧﺴﺘﻘﺒﻠﻬﻢ
ﻓﺎﻃﻤﻪ ﺍﻡ ﻣﺤﻤﺪ .. ﻋﻮﻳﻨﻪ ﻭﻃﺎﺭﺕ ﺣﻤﺪﺍﻟﻠﻪ ﻉ ﺳﻼﻣﺘﻚ ﻣﺸﺎﺀﺍﻟﻠﻪ ﻋﻠﻴﻚ
ﺍﻧﺎ ﺍﺑﺘﺴﻤﺖ .. ﺍﻟﻠﻪ ﻳﺴﻠﻤﻚ ﺗﻔﻀﻠﻲ ﺗﻔﻀﻠﻲ
ﻣﺮﻳﻢ .. ﻓﺠﻌﺘﻴﻨﺎ ﻋﻠﻴﻚ ﻛﻴﻒ ﺣﺎﻟﻚ ﺗﻮﺍ
ﺍﻧﺎ .. ﻣﺎﺗﻨﻔﺠﻌﻲ ﻉ ﻏﺎﻟﻲ ﺣﻤﺪﺍﻟﻠﻪ ﻛﻮﻳﺴﻪ
ﻋﻴﺸﻪ ﺍﻡ ﻫﺒﻪ .. ﺧﻴﺮ ﺍﻟﺤﻤﺪﺍﻟﻠﻪ ﻉ ﺳﻼﻣﺘﻚ ﻳﺎﺑﻨﺘﻲ
ﺍﻧﺎ .. ﺍﻟﻠﻪ ﻳﺴﻠﻤﻚ ﺷﻜﺮﺍً ﻳﺎﺍﻋﻤﻴﻤﻪ ﺗﻔﻀﻠﻲ
ﺳﻠﻤﺖ ﻋﻠﻴﺎ ﺭﻳﻤﺎ ﻋﺎﺩﻱ ﻭﻫﺒﻪ ﻛﺎﻧﺖ ﻭﺭﺍﻫﺎ ﺑﺤﺘﺖ ﻓﻴﺎ ﻣﻦ ﻓﻮﻕ ﻟﻌﻨﺪ ﻟﻮﻃﻪ ﺑﻌﺪﻫﺎ ﻣﺪﺕ ﺍﻳﺪﻫﺎ ﻧﺤﺲ ﺑﻲ ﺍﻳﺪﻫﺎ ﺗﺮﻋﺶ ﻭﻫﻴﺎ ﺗﺴﻠﻢ
ﻫﺒﻪ .. ﺍﻟﺤﻤﺪﺍﻟﻠﻪ ﻉ ﺳﻼﻣﻪ
ﺍﻧﺎ .. ﺍﻟﻠﻪ ﻳﺴﻠﻤﻚ ﺗﻔﻀﻠﻲ
ﺧﺸﻮ ﻟﺼﺎﻟﻪ ﻭﺍﻧﺎ ﻗﻠﺒﻲ ﻳﺪﻕ ﺑﻘﻮﻩ ﻭﻣﺘﻮﺗﺮﻩ ﺧﺸﻴﺖ ﻗﻤﻌﺰﺕ ﺗﻼﻫﻢ
ﻓﺎﻃﻤﻪ .. ﺑﻌﺪ ﻗﺎﻟﻠﻬﺎ ﻟﻴﺎ ﻣﺤﻤﺪ ﻃﺮﺕ ﻭﻧﺰﻟﺖ ﻭﺍﻟﻠﻪ ﻭﺷﻐﻠﺘﻲ ﺑﺎﻟﻲ ﻣﺎﺗﺴﺘﺎﻫﻠﻲ ﻭﺍﻟﻠﻪِ
ﺍﻧﺎ ﻣﺒﺘﺴﻤﻪ .. ﺗﺴﻠﻤﻲ ﻳﺎﺍﻋﻤﻴﻤﻪ ﺍﻟﻠﻪ ﻏﺎﻟﺐ ﻧﺼﻴﺐ
ﻋﻴﺸﻪ .. ﺍﻧﺘﻲ ﺩﺧﺘﻲ ﻭﻻ ﻃﺤﺘﻲ
ﺍﻧﺎ .. ﻻﻻ ﺩﺧﺖ
ﻓﺎﻃﻤﻪ .. ﻣﺶ ﺣﺎﻣﻞ
ﺍﻧﺎ .. ﻻ ﻻ ﻣﺶ ﺣﺎﻣﻞ
ﺳﻠﻴﻤﻪ .. ﻣﺰﺍﻟﺖ ﺻﻐﻴﺮ ﻻﺣﻘﻪ ﻉ ﺍﻟﻌﻴﺎﻝ ﻛﻴﻒ ﺟﻮﺯﻭ ﻫﻤﺎ
ﺩﻕ ﺑﺎﺏ ﻭﺍﻧﺎ ﺻﺒﻴﺖ ﺣﻠﻴﺖ
ﺩﻧﻴﺎ .. ﻫﻴﻲ ﻣﻴﺴﻮ ﺍﻟﺤﻤﺪﺍﻟﻠﻪ ﻉ ﺳﻼﻣﻪ ﻳﺎﺧﻴﻪ ﻭﺍﻟﻠﻪ ﺍﻻ ﻋﻴﻦ ﻣﻦ ﻓﺮﺣﻚ ﻫﺬﻱ
ﺍﻧﺎ ﺿﺤﻜﺖ .. ﻧﺠﻚ ﻟﻴﺎ ﺍﻧﺘﻲ ﺍﻟﻠﻪ ﻳﺴﻠﻤﻚ ﻳﺎ ﻋﻤﺮﻱ ﺗﻔﻀﻠﻲ
ﺧﺸﺖ ﻟﺼﺎﻟﻪ ﻭﻣﺸﻴﺖ ﺑﻨﺸﻮﻑ ﺑﻨﺎﺕ ﻭﺍﻧﺘﺒﻬﺖ ﻟﻬﺒﻪ ﻭﻫﻴﺎ ﺗﺒﺤﺖ ﻓﻴﺎ
ﺧﺸﻴﺖ ﻟﺒﻨﺎﺕ
ﻣﺮﻳﻢ .. ﻋﺪﻱ ﺗﺮﻳﺤﻲ ﻗﻤﻌﺰﻱ
ﺍﻧﺎ .. ﻣﺮﺍﺕ ﺗﺒﻦ ﺣﺎﺟﻪ
ﻣﺮﻳﻢ .. ﻻﻻ ﻛﺎﻥ ﻧﺒﻮ ﺗﻮﺍ ﻧﻘﻮﻟﻮﻟﻚ ﻋﺪﻱ
ﺍﻧﺎ .. ﺑﺎﻫﻲ ﻫﻲ
ﻣﺸﻴﺖ ﻗﻤﻌﺰﺕ ﺗﻼﻫﻦ ﻭﻗﻌﺪﺕ ﺗﺴﺎﻝ ﻓﻴﺎ ﺩﻧﻴﺎ ﻛﻴﻒ ﺻﺎﺭ ﻫﻜﻲ
ﻋﻴﺸﻪ .. ﻛﻴﻒ ﺣﺎﻝ ﺍﻳﻬﻢ
ﺍﻧﺎ ﻋﻴﻮﻧﻲ ﻃﻮﻝ ﺟﻦ ﻉ ﻫﺒﻪ ﺍﻟﻲ ﺑﺤﺘﺖ ﻓﻴﺎ .. ﺍﻟﺤﻤﺪ ﺍﻟﻠﻪ ﻛﻮﻳﺲ ﺣﺎﻝ ﺷﻐﻞ
ﻓﺎﻃﻤﻪ .. ﺗﺎﻗﻠﻤﺘﻲ ﻣﻌﺎﻩ ﺍﻳﻬﻢ ﻫﺮﺟﺘﻪ ﻭﺍﺟﺪﻩ
ﺍﻧﺎ ﺿﺤﻜﺖ .. ﻻ ﻋﺎﺩﻱ ﺗﺎﻗﻠﻤﻨﺎ ﻉ ﺑﻌﻀﻨﺎ
ﺧﺸﻦ ﺑﻨﺎﺕ ﻳﻘﺪﻣﻦ
ﻫﺒﻪ .. ﺻﺎﺡ ﺍﻫﺎ ﺧﺼﻮﺻﺎ ﺍﻧﻜﻢ ﻣﺎﺗﻌﺮﻓﻮﺵ ﺑﻌﻀﻜﻢ
ﺍﻧﺎ ﺑﺤﺘﺖ ﻓﻴﻬﺎ .. ﻣﺶ ﺷﺮﻁ ﻋﺎﺩﻱ
ﺗﺴﻨﻴﻢ .. ﺻﺎﺡ ﻣﺶ ﺷﺮﻁ ﺍﻫﻢ ﺷﻲ ﺷﻨﻮ ﺑﻌﺪ ﺟﻮﺯﻭ ﻣﺎﻣﻠﻲ ﻋﻼﻗﻪ ﻭﻣﺎﺻﺎﺭﺵ ﻣﻨﻬﻢ
ﻫﺒﻪ .. ﺑﺲ ﺣﺘﻰ ﺣﺐ ﻣﺎﻳﻨﺘﺴﺶ ﻳﺎﺗﺴﻨﻴﻢ
ﻣﺮﻳﻢ .. ﺷﻦ ﺩﺧﻞ ﺍﻟﺤﺐ ﺍﻟﻲ ﻣﺎﻳﻨﺘﺴﺶ ﻑ ﻣﻮﺿﻮﻉ ﻫﺬﺍ
ﻫﺒﻪ .. ﻻ ﺩﺧﻞ ﻻﻧﻪ ﺭﺍﺟﻞ ﺍﻟﻲ ﻳﻘﻌﺪ ﻳﺤﺐ ﺑﻌﺪﻫﺎ ﻳﺠﻮﺯ ﻋﺎﺩﻱ ﺍﻛﻴﺪﻩ ﺣﻴﺘﻌﺐ ﻭﻳﻘﻌﺪ ﻳﻘﺎﺭﻥ
ﺍﻧﺎ .. ﺑﺎﻩ ﺩﺍﺑﻴﻦ ﻫﻮ ﻳﺤﺒﻬﺎ ﻟﻴﺶ ﻳﺠﻮﺯ
ﺻﺒﻴﺖ
ﺍﻧﺎ .. ﻋﻦ ﺍﺫﻧﻜﻢ ﺷﻮﻳﺎ
ﺧﺸﻴﺖ ﻟﻜﻮﺟﻴﻨﻪ ﻭﻗﻌﺪﺕ ﻧﺼﺐ ﻑ ﻣﻴﺎﻩ ﻑ ﻛﺒﺎﻳﻪ ﻭﺗﻄﻠﻊ ﻣﻨﻬﺎ ﻭﺍﻧﺎ ﻣﺶ ﻓﺎﻃﻨﻪ
ﺑﺸﺮﻯ .. ﻣﺎﺗﻌﺪﻟﻴﺶ ﻉ ﻛﻼﻣﻬﺎ ﻫﺬﻱ ﺩﻳﻤﺎ ﻫﻚ
ﻣﺎﺭﺩﻳﺘﺶ ﻭﻗﻌﺪﺕ ﻧﺸﺮﺏ ﻑ ﻣﻴﻪ ﻃﻠﻌﺖ ﻗﻌﺪﺕ ﺗﻼﻫﻢ ﺳﺎﻛﺘﻪ ﻟﻴﻦ ﺷﻮﻳﺎ ﻭﻧﺰﻟﻮ ﻉ ﺳﺒﻪ ﺗﻌﺒﺎﻧﻪ ﺧﺸﻴﺖ ﻏﻴﺮﺕ ﺩﺑﺸﻲ ﻭﺭﻗﺪﺕ ﺣﺎﺳﻪ ﺭﻭﺣﻲ ﻑ ﺩﺍﻭﻣﻪ ﻛﺒﻴﻴﻴﻴﺮ ﺭﻗﺪﺕ ﺑﺪﻭﻥ ﻣﺎﻧﺤﺲ "
" ﺍﻟﻴﻮﻡ ﺛﺎﻧﻲ ﻑ ﺻﺒﺢ
ﻣﺮﻳﻢ ﻣﻘﻤﻌﺰﻩ ﻉ ﻃﺎﻭﻟﻪ ﻭﺣﺎﻃﻪ ﺷﻴﺘﺎﺕ ﻗﺪﺍﻣﻬﺎ ﻭﻻﺑﺴﻪ ﻧﻀﺮﺍﺕ ﻭﻣﺎﺳﻜﻪ ﻗﻠﻢ .. ﻣﺎﺍﺍﺑﻼﺍﺵ ﺗﻐﻴﻴﻴﺐ ﻋﻨﺎ ﺗﺎﻧﻲ ﻣﺎﺍﺍﺑﻼﺍﺵ ﻳﺎﺍﺳﺎﺍﺍﻳﺐ ﺍﺭﺿﻴﻨﺎ ﻣﺎﺍﺑﻼﺍﺵ ﻗﻮﻟﻲ ﻣﻴﻦ ﺣﻴﻤﻠﻪ ﻓﻲ ﻳﻮﻡ ﻣﻜﺎﻧﻚ ﻗﻮﻟﻲ ﻣﻴﻦ
ﻣﻨﻴﺮ .. ﺍﻟﻠﻪ ﺍﻟﻠﻪ ﻉ ﻓﻦ
ﻣﺮﻳﻢ .. ﺍﺳﺘﻐﻔﺮﺍﻟﻞﻩ ﺷﻦ ﺗﺒﻲ ﺗﻮﺍ ﺍﻧﺖ
ﻣﻨﻴﺮ .. ﺗﻘﺮﻱ
ﻣﺮﻳﻢ .. ﺷﻦ ﺗﺤﻖ ﻓﻴﺎ
ﻣﻨﻴﺮ .. ﺑﺎﻩ ﺑﺎﻟﻨﺠﺎﺡ
ﻣﺮﻳﻢ .. ﺑﻌﺪ ﺧﻄﺮﻫﺎ ﺍﻧﺎ ﻣﻮﺍﻓﻘﻪ
ﻣﻨﻴﺮ ﻗﺮﻥ ﺣﻮﺍﺟﺒﻪ .. ﻉ ﺷﻨﻮ
ﻣﺮﻳﻢ .. ﻉ ﺻﺎﺣﺒﻚ
ﻣﻨﻴﺮ ﻣﻼﻣﺤﻪ ﺗﻐﻴﺮﺕ .. ﻛﻴﻒ ﻣﻮﺍﻓﻘﻪ ﻣﺶ ﻛﻨﺘﻲ ﻣﺎﺗﺒﻴﺶ
ﻣﺮﻳﻢ .. ﺑﻌﺪ ﻓﻜﺮﺕ ﻑ ﻣﻮﺿﻮﻉ ﻟﻘﻴﺖ ﺭﻭﺣﻲ ﻣﻮﺍﻓﻘﻪ ﻭﺍﻛﻴﺪﻩ ﺍﻧﺖ ﻣﺶ ﺣﺘﺠﻴﺒﻠﻲ ﺍﻱ ﺣﺪ ﻳﻌﻨﻲ
ﻣﻨﻴﺮ .. ﺍﻩ ﻛﻴﻒ ﺍﻧﺘﻲ ﻗﻠﺘﻲ ﻣﻦ ﺍﻭﻝ ﻣﺶ ﻣﻮﺍﻓﻘﻪ ﻋﻠﻴﺶ ﺗﻐﻴﺮﻱ ﻑ ﺭﺍﻳﻚ ﺗﻮﺍ
ﻣﺮﻳﻢ .. ﻭﻏﻴﺮﺗﻪ ﻳﻌﻨﻲ ﻋﻠﻴﺶ ﺩﺍﻳﺮ ﻗﺼﻪ ﺍﻧﺖ ﺗﻮﺍ
ﻣﻨﻴﺮ .. ﻻﻧﻪ ﻗﻠﺖ ﻟﺮﺍﺟﻞ ﺧﻼﺹ ﻣﺶ ﻣﻮﺍﻓﻘﻪ
ﻣﺮﻳﻢ .. ﺍﻣﻤﻢ ﺑﺎﻩ ﺧﻼﺹ ﺣﺼﻞ ﺧﻴﺮ
ﻣﻨﻴﺮ .. ﺍﻳﻮﺍﻩ ﺧﻼﺹ ﺻﻜﺮﻱ ﻉ ﻣﻮﺿﻮﻉ
ﻣﺮﻳﻢ ﺍﺑﺘﺴﻤﺖ .. ﺗﻤﺎﻡ ﺻﻜﺮﺗﻪ ﻋﻠﻴﺶ ﺭﺍﻗﻴﻠﻚ
ﻣﻨﻴﺮ ﻳﻮﻟﻊ ﻑ ﺩﺧﺎﻥ ﻭﻳﺒﺤﺖ ﻓﻴﻬﺎ .. ﻣﺶ ﺭﺍﻗﻴﻠﻲ
ﻭﻧﻔﺦ ﺩﺧﺎﻥ ﻑ ﻭﺟﻬﺎ
ﻣﺮﻳﻢ ﺣﻄﺖ ﺍﻳﺪﻫﺎ ﻉ ﻃﺎﻭﻟﻪ ﻭﻗﺮﺑﺖ ﻣﻨﻪ ﻭﻣﺴﻜﺖ ﺩﺧﺎﻥ ﺑﻴﺪﻫﺎ .. ﻣﺶ ﻛﻮﻳﺲ ﺭﺍﻩ ﺩﺧﻦ ﻭ ﺭﺍﻗﻴﻠﻚ ﻭﺍﻋﺮﺕ ﺍﻻﺛﻨﻴﻦ
ﻣﻨﻴﺮ ﻣﺴﻚ ﺍﻳﺪﻫﺎ ﺍﻟﻲ ﻣﺎﺳﻜﻪ ﺩﺧﺎﻥ ﻭﺭﻓﻊ ﺣﺎﺟﺒﻪ .. ﻣﻌﺶ ﺗﻠﻤﺴﻴﻪ ﻫﺬﺍ
ﺣﻮﻝ ﺍﻳﺪﻫﺎ ﻭﻗﻌﺪ ﻣﺎﺳﻜﻬﺎ
ﻣﺮﻳﻢ .. ﺍﻣﻢ ﻭﻟﻴﺶ ﻳﻌﻨﻲ
ﻣﻨﻴﺮ ﺑﺘﻜﺸﻴﺦ .. ﻫﻜﻴﻲ ﻭﺧﻼﺍﺹ ﻻﺯﻡ ﺗﻌﺮﻓﻲ ﻛﻞ ﺣﺎﺟﻪ ﺍﻧﺘﻲ
ﻣﺮﻳﻢ ﺭﺍﻓﻌﻪ ﺣﻮﺍﺟﺒﻬﺎ .. ﻻﺯﻡ ﺍﻫﺎ
ﻣﻨﻴﺮ ﻏﻤﺰﻟﻬﺎ .. ﻉ ﺷﻦ ﺗﻠﻤﺤﻲ ﺍﻧﺘﻲ
ﻣﺮﻳﻢ ﻛﺮﺕ ﺍﻳﺪﻫﺎ .. ﺷﻲ ﺧﻼﺹ ﺧﻠﻴﻨﻲ ﻧﻘﺮﺍ ﻛﻨﻚ ﺳﻜﻨﺖ ﺍﻧﺖ
ﻣﻨﻴﺮ ﺻﺒﻰ .. ﺑﺎﻩ ﺗﺒﻲ ﺷﻲ ﺗﻮﺍ
ﻣﺮﻳﻢ .. ﻻ ﺳﻼﻣﺘﻚ
ﻣﻨﻴﺮ ﺍﺑﺘﺴﻢ .. ﺳﻼﻣﺘﻲ ﺍﻭﻛﻲ ﺍﻭﻛﻲ
ﻃﻠﻊ ﻭﻣﺮﻳﻢ ﻗﻌﺪﺕ ﺗﺸﻢ ﻑ ﺍﻳﺪﻫﺎ ﺍﻟﻲ ﻓﻴﻬﺎ ﺩﺧﺎﻥ "
" ﻭﻋﻴﺖ ﺳﺎﻋﻪ ﺳﺒﻌﻪ ﻗﻌﺪﺕ ﻧﻬﻮﻱ ﻑ ﺣﻮﺵ ﻭﺗﻮﺿﻴﺖ ﻭﺻﻠﻴﺖ ﻭﻃﻠﻌﺖ ﺑﺮﺍ ﻟﻘﻴﺖ ﺍﻳﻬﻢ ﻣﺰﺍﻝ ﺭﺍﻗﺪ ﻑ ﻣﻜﺎﻧﻪ ﺧﺸﻴﺖ ﻟﻜﻮﺟﺒﻨﻪ ﺑﺪﻳﺖ ﻑ ﻓﻄﻮﺭ ﻭﻛﻨﺖ ﻻﺑﺴﻪ ﺭﻭﺏ ﺣﻮﺵ ﻟﻮﻧﻪ ﺍﺣﻤﺮ ﻗﺼﻴﺮ ﻓﻮﻕ ﻣﻦ ﺭﻛﺒﻪ ﻭﻟﻌﻨﺪ ﻧﺺ ﺍﻻﻳﺪ ﻭﻣﻦ ﻗﺪﺍﻡ ﻓﻴﻪ ﺑﻄﻢ ﻭﻣﻦ ﻟﺮﻗﺒﻪ ﻓﻴﻬﺎ ﺭﺑﻄﻪ ﻭﺩﺍﻳﺮﻩ ﺷﻌﺮﻱ ﺫﻳﻞ ﺣﺼﺎﻥ ﻛﻴﻒ ﺑﻨﻄﻠﻊ ﻣﻦ ﻛﻮﺟﻴﻨﻪ ﺧﺶ ﺍﻳﻬﻢ ﻗﻌﺪ ﻳﺒﺤﺖ ﻓﻴﺎ ﺷﻮﻳﺎ ﻭﺍﻧﺎ ﺟﻴﺖ ﺑﻨﻄﻠﻊ
ﺍﻳﻬﻢ .. ﺻﺒﺎﺡ ﺍﻟﺨﻴﺮ
ﺍﻧﺎ ﺑﺤﺘﺖ ﻓﻴﻪ .. ﺻﺒﺎﺡ ﺍﻟﻨﻮﺭ
ﺍﻳﻬﻢ .. ﺗﻌﺎﻟﻲ ﺍﻓﻄﺮﻱ ﺑﻴﺶ ﺗﺎﺧﺬﻱ ﺩﻭﺍﻙ
ﺍﻧﺎ .. ﺍﻓﻄﺮ ﺍﻧﺖ ﺍﻧﺎ ﻣﺎﻋﻨﺪﻳﺶ ﻧﻴﻪ
ﺍﻳﻬﻢ ﻓﻨﺺ .. ﺍﻓﻄﺮﻱ ﺍﺯﺯﻑ ﺗﻮﺍ ﺗﺒﺪﻱ ﺗﺪﻭﺧﻴﻠﻲ ﻧﻔﺲ ﺍﻣﺲ ﻭﻧﻘﻌﺪ ﻧﻌﺎﻧﻲ ﻑ ﺟﺪ ﺍﺻﻠﻚ ﺍﻧﺎ
ﺍﻧﺎ ﺧﻨﻘﺘﻨﻲ ﺍﻟﻌﺒﺮﻩ ﻭﺧﺸﻴﺖ ﻗﻤﻌﺰﺕ ﺻﺒﻴﺘﻠﻪ ﺣﻠﻴﺐ ﻭﻗﻬﻮﺀ ﺍﻣﺘﺎﻋﻪ ﻭﻗﻌﺪﺕ ﻧﺎﻛﻞ ﺷﻮﻳﺎ ﻭﻫﻮ ﻳﺎﻛﻞ ﻭﻣﺎﺑﺤﺘﺶ ﻓﻴﺎ ﺑﻜﻞ ﻭﺍﻧﺎ ﻣﺶ ﻗﺎﺩﺭﻩ ﻧﺸﻴﻞ ﻋﻴﻮﻧﻲ ﻣﻦ ﻋﻠﻴﻪ ﺻﺒﻰ ﻗﻌﺪ ﻳﻐﺴﻞ ﻑ ﺍﻳﺪﻳﻪ
ﺍﻳﻬﻢ ﻭﻫﻮ ﻣﺼﺒﻲ ﻉ ﺣﻮﺽ .. ﺧﻮﺫﻱ ﺩﻭﺍﻙ ﻭﺍﻟﻴﻮﻡ ﺍﻧﺎ ﻣﺶ ﻣﺮﻭﺡ ﺍﻻ ﻑ ﻟﻴﻞ ﻭﺑﻨﺼﻜﺮ ﺷﻘﻪ ﺣﻨﻘﻮﻝ ﻟﻬﻠﻲ ﺍﻧﻪ ﻃﺎﻟﻌﻴﻦ ﻣﺎﻓﻴﺶ ﺩﺍﻋﻲ ﻳﺠﻮﻙ ﻗﻤﻌﺰﻱ ﻑ ﺷﻘﺘﻚ
ﺍﻧﺎ ﻏﻤﻀﺖ ﻋﻴﻮﻧﻲ ﺯﻳﻦ ﻭﺗﻨﻬﺪﺕ .. ﺗﻤﺎﻡ
ﻃﻠﻊ ﻣﻦ ﺗﻼﻳﺎ ﺧﺶ ﻳﻠﺒﺲ ﻭﺍﻧﺎ ﺣﺴﻴﺖ ﺑﺪﻭﺧﻪ ﺃﺧﺮﻯ ﻛﻨﺖ ﻣﺎﺷﻴﻪ ﺑﻨﺨﺶ ﻟﺪﺍﺭ ﻻﻧﻪ ﻧﺤﺲ ﻑ ﺭﺍﺳﻲ ﻭﺩﻭﺧﻪ ﺍﻧﺎ ﺧﺎﺷﻪ ﻭﻫﻮ ﻃﻠﻊ ﻗﻌﺪﺕ ﻧﺒﺤﺖ ﻑ ﻋﻴﻮﻧﻪ ﺯﻳﻦ ﻭﻫﻮ ﻳﺒﺤﺖ ﻓﻴﺎ ﻭﺳﺎﻛﺖ ﻗﻌﺪﻧﺎ ﻛﻢ ﺩﻗﻴﻘﻪ ﻭﻧﺤﻦ ﻧﺒﺤﺘﻮ ﻑ ﺑﻌﻀﻨﺎ
ﺍﻳﻬﻢ .. ﺟﺒﺘﻴﻬﺎ ﻟﺮﻭﺣﻚ
ﺑﺤﺖ ﻓﻴﺎ ﺑﻨﻀﺮﻩ ﺍﺳﺘﺤﻘﺎﺭ ﻣﺴﺘﺤﻴﻞ ﻧﻨﺴﺎﻫﺎ ﻑ ﺣﻴﺎﺗﻲ ﻭﻋﺪﺍ ﻭﺳﻴﺒﻨﻲ ﻣﺸﻴﺖ ﻧﻠﺤﻖ ﻓﻴﻪ ﺳﻤﻌﺘﻪ ﺻﻜﺮ ﻋﻠﻴﺎ ﻭﻧﺰﻝ ﻣﺸﻴﺖ ﻟﺪﺍﺭ ﻋﺰﻗﺖ ﺭﻭﺣﻲ ﻉ ﺳﺮﻳﺮ ﻭﻧﺤﺲ ﻑ ﻗﻠﺒﻲ ﻧﺎﺍﺍﺭ ﻧﺎﺭﺭ ﺷﺎﻋﻠﻪ ﻣﺶ ﻗﺎﺩﺭﻩ ﻧﻄﻔﻴﻬﺎ ﺏ ﺷﻲ ﻣﻘﻬﻮﺭﻩ ﺑﻨﻤﻮﺕ ﻭﺍﻟﻲ ﻗﻬﺮﻧﻲ ﺍﻧﻲ ﻣﻀﻠﻮﻭﻣﻪ ﻣﺎﻟﻴﺶ ﺍﻱ ﺫﻧﺐ ﻑ ﻗﺼﻪ ﻭﻣﺶ ﻗﺎﺩﺭﻩ ﻧﺒﺮﺭﻟﻪ ﺍﻟﻲ ﺻﺎﻳﺮ ﻭﻛﻴﻒ ﺣﻨﻨﺒﺮ ﻭﻫﻮ ﻣﺶ ﻋﺎﻃﻴﻨﻲ ﺍﻱ ﻓﺮﺻﻪ ﻧﺸﺮﺣﻠﻪ ﺍﺻﻼ ﻣﺴﺘﺤﻴﻞ ﻧﺴﺎﻣﺤﻪ ﺑﺴﻬﻮﻟﻪ ﻉ ﻛﻼﻣﻪ ﻭﻣﻌﺎﻣﻠﺘﻪ ﻟﺠﺎﺭﺣﻪ ﺧﺬﻳﺖ ﺩﻭﺍﺀ ﻭﺭﺩﻳﺖ ﺭﻗﺪﺕ ﺍﻟﻨﻮﻡ ﻫﻮ ﺍﻟﻮﺳﻴﻠﻪ ﺍﻟﻮﺣﻴﺪﻩ ﺍﻟﻲ ﻧﺘﺮﻳﺢ ﻓﻴﻬﺎ ﻣﻦ ﺍﻟﻮﺍﻗﻊ ﺍﻟﻲ ﻋﺎﻳﺸﺘﻪ ﺑﺲ ﻟﻼﺳﻒ ﻣﺠﺮﺩ ﻣﺎﻧﺮﻗﺪ ﺍﻳﻬﻢ ﻳﺠﻴﻨﻲ ﻑ ﺍﻟﺤﻠﻢ ﻣﻦ ﻛﺜﺮ ﺗﻔﻜﻴﺮ ﻑ ﻣﻮﺿﻮﻉ ﻧﺤﻠﻢ ﺑﻴﻪ ﻣﺸﺎﺀ ﺍﻟﻴﻮﻡ ﻛﻠﻪ ﻭﺍﻧﺎ ﺭﺍﻗﺪﻩ "
" ﻑ ﻟﻴﻞ ﺭﻭﺡ ﺍﻳﻬﻢ ﺧﺶ ﻻﻗﻰ ﻣﺤﻤﺪ ﻑ ﺟﻨﺎﻥ ﻳﻜﻠﻢ
ﻣﺤﻤﺪ .. ﺭﺷﺮﺵ ﺷﻮﻳﺎ ﻭﻧﻜﻠﻤﻚ ﺍﻳﻬﻢ ﺟﺎﺀ ﺗﻮﺍ
ﺭﺷﺎ .. ﺍﻭﻛﻲ ﺣﺒﻴﺒﻲ
ﺻﻜﺮ ﻭﺑﺤﺖ ﻑ ﺍﻳﻬﻢ
ﺍﻳﻬﻢ .. ﻓﺎﺿﻲ
ﻣﺤﻤﺪ .. ﻧﺮﺍﺟﻲ ﻓﻴﻚ ﻛﻨﺖ
ﺍﻳﻬﻢ ﻗﻤﻌﺰ ﺗﻼﻩ ﻭﻃﻠﻊ ﺩﺧﺎﻥ
ﻣﺤﻤﺪ .. ﺷﻦ ﺟﻮ
ﺍﻳﻬﻢ .. ﻣﺖ &$& ﻛﻴﻒ ﻣﺎﺗﺸﻮﻑ ﻓﻴﻬﺎ
ﻣﺤﻤﺪ .. ﻛﻨﻜﻢ ﺍﻟﻬﺪﺭﺟﻪ ﻣﺸﻜﻠﻪ ﻛﺒﻴﺮﻩ
ﺍﻳﻬﻢ ﻣﺴﺢ ﻭﺟﻪ ﻭﻃﻠﻊ ﺍﻟﻤﻮﺑﺎﻳﻞ ﻣﺪﻩ ﻟﻤﺤﻤﺪ
ﺍﻳﻬﻢ .. ﺣﺘﻰ ﺍﻟﻲ ﻳﻘﻮﻟﻮﻙ ﻛﺎﻧﺖ ﻣﺤﺒﻮﺳﻪ ﺣﺘﺨﻮﻥ ﺣﺘﺨﻮﻥ ﻛﻠﻬﻦ ﻧﻔﺲ ﻃﻴﻨﻪ
ﻣﺤﻤﺪ ﻗﻌﺪ ﻳﻘﺮﺃ ﻑ ﻣﺴﺞ ﻭﺑﺤﺖ ﻑ ﺍﻳﻬﻢ .. ﺷﻦ ﻗﺼﻪ ﺍﻟﻤﺴﺞ ﻫﺬﺍ
ﺍﻳﻬﻢ ﺗﻨﻬﺪ .. ﻭﺍﺻﻞ ﻟﻼﺧﺖ ﺍﻭﻝ ﺍﻣﺲ ﻭﻫﻴﺎ ﻑ ﻣﺪﺭﺳﻪ
ﻣﺤﻤﺪ .. ﻏﻴﺮ ﺭﺍﺟﻲ ﺑﺲ
ﺍﻳﻬﻢ .. ﺷﻦ ﻧﺮﺍﺟﻲ ﻣﺎﻓﻴﺶ ﻋﺬﺭ ﻋﻠﻲ ﻣﺎﺣﻮﻟﺖ ﻧﺠﻴﺐ ﺍﻱ ﻋﺬﺭ ﻣﺎﻓﻴﺶ ﺍﻋﺬﺍﺭ ﻳﺒﺮﺭﻥ ﺍﻟﻲ ﺻﺎﺭ
ﻣﺤﻤﺪ .. ﻭﺑﺘﺨﻠﻴﻬﺎ ﻫﻚ
ﺍﻳﻬﻢ ﺑﺤﺖ ﻑ ﻣﺤﻤﺪ .. ﻧﻄﻠﻌﻪ ﻣﻦ ﻋﻴﻮﻧﻬﺎ ﺍﺳﺘﻐﻔﺎﻟﻬﺎ ﻟﻴﺎ ﺍﻟﻤﺸﻜﻠﻪ ﻣﺎﻗﺪﺭﺗﺶ ﻧﻤﺪ ﺍﻳﺪﻱ ﻧﻔﺶ ﻏﻠﻲ ﻓﻴﻬﺎ
ﻣﺤﻤﺪ .. ﺑﺎﻩ ﻣﺶ ﻣﺮﺍﺕ ﻳﻜﻮﻥ ﺍﻟﺮﻗﻢ ﻏﺎﻟﻂ
ﺍﻳﻬﻢ .. ﻛﻴﻒ ﻏﺎﻟﻂ ﺷﻮﻑ ﻛﻼﻣﻪ
ﻣﺤﻤﺪ .. ﺍﻳﻬﻢ ﻻﺯﻡ ﺗﺎﻛﺪ ﻻﺯﻡ
ﺍﻳﻬﻢ .. ﻛﻴﻒ ﺑﻨﺘﺎﻛﺪ ﺍﻧﺎ ﺭﺍﻩ ﻧﺎﺍﺭ ﻫﻨﻨﻨﺎ ﻧﺎﺍﺍﺭ ﻭﺧﺒﻂ ﻉ ﺻﺪﺭﻩ ﺑﻘﻮﻭﻭﻩ ﻧﺒﻲ ﺍﻱ ﺷﻲ ﻳﻄﻔﻴﻬﺎ ﻧﺒﻲ ﺍﻱ ﺣﺪ ﻳﻘﻮﻟﻲ ﻛﺬﺑﻪ ﻳﺎ ﻣﺤﻤﺪ ﻣﺶ ﻗﺎﺩﺭ ﻉ ﺑﻌﺪﻫﺎ ﺣﺘﻰ ﺑﻌﺪ ﺍﻟﻲ ﻋﺎﺭﻓﺘﻪ .. ﻭﺻﻮﺗﻪ ﻗﻌﺪ ﻭﺍﻃﻲ .. ﺑﺲ ﻧﺤﺒﻬﺎﺍﺍ ﻭﺍﻟﻠﻪ ﻧﺤﺒﻬﺎ
ﻣﺤﻤﺪ ﺍﺑﺘﺴﻢ .. ﺣﺎﺱ ﺑﻴﻚ ﺑﺲ ﺻﺪﻗﻴﻨﻲ ﺍﻟﻤﻮﺿﻮﻉ ﻏﻠﻂ ﻑ ﻏﻠﻂ ﺍﻛﻴﺪﻩ ﻑ ﻗﺼﻪ ﻭﺭﺍﻩ ﻣﻴﺲ ﺍﻟﻲ ﻧﺸﻮﻑ ﻓﻴﻬﺎ ﻭﻧﺸﻮﻑ ﻑ ﻧﻀﺮﺗﻬﺎ ﻟﻜﻲ ﺗﺤﺒﻚ ﺣﺘﻰ ﺭﺷﺎ ﻗﺎﻟﺘﻬﺎ ﻗﺎﻟﺖ ﺇﻧﻬﺎ ﺗﺤﺒﻚ ﻭﺍﺟﺪ
ﺍﻳﻬﻢ .. ﺭﺷﺎ
ﻣﺤﻤﺪ .. ﺣﻲ ﺣﻲ
ﺍﻳﻬﻢ .. ﻣﺎﺗﻘﻮﻟﻬﺶ
ﻣﺤﻤﺪ .. ﻫﺬﺍ ﺍﻟﻲ ﺻﺎﻳﺮ ﻳﺎ ﻋﺪﻳﻠﻲ
ﺍﻳﻬﻢ ﺍﺑﺘﺴﻢ .. ﻣﻦ ﺍﻣﺘﻰ
ﻣﺤﻤﺪ .. ﻣﻤﻜﻦ ﺳﻨﺘﻴﻦ ﻫﻜﻲ
ﺍﻳﻬﻢ .. ﺭﺑﻲ ﻳﻬﻨﻴﻜﻢ ﻳﺎ ﻃﻴﺮ
ﻣﺤﻤﺪ .. ﺍﻥ ﺷﺎﺀ ﺍﻟﻠﻪ ﻭﻳﻬﻨﻴﻚ
ﺍﻳﻬﻢ .. ﻛﻴﻒ ﺑﻨﺘﺎﻛﺪ ﺑﺎﻩ ﺗﻮﺍ ﺍﻧﺎ
ﻣﺤﻤﺪ .. ﻋﻨﺪﻱ ﺻﺎﺣﺒﻲ ﻳﺸﺘﻐﻞ ﻑ ﺷﺮﻛﻪ ﺍﻟﻴﺒﻴﺎﻧﺎ ﺑﻜﺮﺍ ﺣﻨﺪﻭﻳﻠﻪ ﺗﻮﺍ ﻳﻌﺮﻑ ﺍﺳﻤﻪ ﻭﻋﻨﻮﺍﻧﻪ ﻣﺎﺗﺨﺎﻓﺶ
ﺍﻳﻬﻢ .. ﺑﺎﻩ ﻛﻠﻤﻨﻲ ﻗﻮﻟﻲ ﺷﻦ ﻳﺼﻴﺮ ﻣﻌﺎﻙ
ﻣﺤﻤﺪ .. ﺍﻥ ﺷﺎﺀ ﺍﻟﻠﻪ ﺗﻤﺎﻡ ﺧﺶ ﺗﻮﺍ ﺍﺭﻗﺪ ﻣﻌﺎﻳﺎ
ﺍﻳﻬﻢ .. ﻻﻻ ﺑﻨﺮﻛﺐ ﻧﻄﻤﻦ ﻋﻠﻴﻬﺎ ﻣﻦ ﺳﺒﻌﻪ ﻣﺴﻴﺒﻬﺎ ﺑﺮﻭﺣﻬﺎ ﻭﺷﻮﻑ ﻛﻢ ﺳﺎﻋﻪ ﺗﻮﺍ
ﻣﺤﻤﺪ .. ﺭﺑﻲ ﻳﻬﺪﻳﻚ ﻭﺧﻼﺹ ﺗﺼﺒﺢ ﻋﻠﻰ ﺧﻴﺮ
ﺍﻳﻬﻢ .. ﻭﺍﻧﺖ ﻣﻦ ﺍﻫﻞ ﺍﻟﺨﻴﺮ
ﺭﻛﺐ ﺍﻳﻬﻢ ﻟﺸﻘﻪ ﺧﺶ ﻻﻗﻬﻰ ﻫﺪﻭﺀ ﺧﺶ ﻟﺪﺍﺭ ﻻﻗﻨﻲ ﺭﺍﻗﺪﻩ ﻃﻠﻊ ﺭﻗﻢ ﻑ ﻣﻜﺎﻧﻪ ﻛﻞ ﻣﺮﻩ ﻳﻔﻜﺮ ﻑ ﺣﺎﺟﻪ ﻟﻴﻦ ﺭﻗﺪ "
" ﻑ ﺍﻟﻴﻮﻡ ﺛﺎﻧﻲ
ﺍﻣﺠﺪ .. ﺩﻧﻴﻴﻴﻴﺎﺍﺍ
ﺩﻧﻴﺎ .. ﻧﻨﻌﻢ
ﺍﻣﺠﺪ .. ﺗﻌﺎﻟﻲ ﻫﻨﺎ
ﺩﻧﻴﺎ ﻃﻠﻌﺖ ﻣﻦ ﺩﺍﺭ ﻟﻘﺖ ﺍﻣﺠﺪ ﻋﻴﻮﻧﻪ ﺣﻤﻤﺮ
ﺍﻣﺠﺪ ﻋﺰﻕ ﺣﺒﻮﺏ ﻉ ﻭﻃﻰ ﺑﻘﻮﻩ
ﺩﻧﻴﺎ .. ﺍﺍﺍﺍ ﻣﻢ
ﺍﻣﺠﺪ ﺑﺼﻮﺕ ﻋﺎﻟﻲ .. ﻫﺬﺫﺫﺫﻳﻴﻴﻦﺍ ﺷﻨﻮﻭﻭﻭ "
" ﻑ ﺣﻮﺵ ﻫﻠﻲ
ﺭﺣﺎﺏ .. ﻫﻬﻬﻬﻪ ﻣﺪ ﻳﺎﺳﺎﻣﻂ ﺧﻠﻲ ﻧﺮﺗﺐ
ﻋﻼﺀ .. ﻫﻬﻪ ﺍﻣﺴﻜﻲ ﺭﺗﺒﻲ ﺳﻜﻨﺘﻲ
ﻣﺎﻣﺎ .. ﺧﻠﻴﻬﻦ ﻳﺎﻋﻼﺀ
ﻋﺰﻭ ﻣﺒﺘﺴﻢ .. ﺗﻌﺎﻝ ﺳﺎﻋﺪﻧﻲ ﺍﻧﺖ
ﻣﺎﻣﺎ .. ﺳﺎﻋﺪ ﺧﻴﻚ ﻣﻦ ﻧﺒﺪﺭﻱ ﻭﻫﻮ ﻳﺸﺘﻐﻞ
ﺭﻳﻬﺎﻡ .. ﻣﻴﺲ ﻣﺎﺗﺒﻴﺶ ﺗﺠﻲ ﻳﺎﻋﺰﻭ ﻗﺎﻟﻚ
ﻋﺰﻭ .. ﻗﺎﻟﻲ ﺑﻜﺮﺍ ﺍﻟﻴﻮﻡ ﺗﻌﺒﺎﻧﻪ ﻭﻣﻮﺑﺎﻳﻠﻬﺎ ﻃﺎﻳﺢ ﻣﻨﻜﺴﺮ ﻭﻫﻮ ﻛﺎﻥ ﺑﺮﺍ
ﺭﺷﺎ .. ﺭﺍﻳﻔﻨﺎ ﻋﻠﻴﻬﺎ ﻭﺍﻟﻠﻪ
ﻋﺰﻭ ﻧﺰﻝ ﻣﻦ ﺳﻠﻮﻡ ﻭﺭﻛﺐ ﻋﻼﺀ ﺷﻮﻳﺎ ﻭﺩﻕ ﺍﻟﺒﺎﺏ
ﻋﺰﻭ .. ﺗﻮﺍ ﻧﻤﺸﻲ ﻧﺤﻞ
ﻃﻠﻊ ﻋﺰﻭ ﻓﺘﺢ ﺑﺎﺏ ﻭﻗﻌﺪ ﻳﺒﺤﺖ ﻑ ﺍﻟﻲ ﻉ ﺑﺎﺏ
ﻋﻼﺀ ﻃﻠﻊ ﻭﺭﺍﻩ .. ﻣﻦ ﻳﺎ .. ﻭﻗﻌﺪ ﻳﺒﺤﺖ ﺣﺘﻰ ﻫﻮ ...
" ﻳﺘﺒﻊ "..
ﺭﺍﻳﻜﻦ ﻑ ﺍﻟﺤﻠﻘﻪ ﻫﻴﺎ ﺗﻮﻗﻌﺎﺗﻜﻦ ﻟﺤﻠﻘﺎﺕ ﺍﻟﺠﺎﻳﺎ
Anosha Alriany
