ဝိုးတဝါးအိမ်မက်

အပိုင်း🌺၄၇🌺

💤ဝိုးတဝါးအိမ်မက်💤
🌈ဇာတ်သိမ်းပိုင်း🌈BL🌈
🍀🍀🍀🍀🍀🍀🍀🍀

""ဒီကို ဘာလာလုပ်တာလဲ..ကိုလွန်းပုံရိပ်..""

သူစိမ်းဆန်ဆန် ခက်ထန် မာကျောစွာ ထွက်ပေါ်လာသည့် ခါးသက်၏ အမေးစကားကြောင့် လွန်းဆွံ့အ..လို့သွားလေသည်။

""ခါးသက်..""

""ပြောစရာစကားမရှိဘူးဆိုရင်..ထွက်သွားပါတော့ ကိုလွန်းပုံရိပ်..ခင်ဗျားနဲ့ကျွန်တော်ကြားမှာ ထပ်ပြီး ပတ်သက်စရာ ဘာအကြောင်းမှမရှိတော့ဘူး..""

*""သေချာသွားပြီလား..တကယ်ဘဲ..မင်းနဲ့ငါ့ကြားမှာ ပတ်သက်မှုလေးတစ်ခုတောင် မရှိတော့ဘူးပေါ့။ ""

""ကိုလွန်းပုံရိပ်ကို ကျွန်တော် လွတ်လပ်ခွင့်ပေးလိုက်ပြီဘဲ .ကျွန်တော်ဝေးရာကို ထွက်သွားပါတော့.""

""ကောင်းပြီလေ..မင်းက ငါ့ကို လွတ်လပ်ခွင့်ပေးလိုက်ပြီဆိုတော့ ငါစိတ်ကြိုက် နေပိုင်ခွင့်ရှိသွားပြီပေါ့..အဲ့တော့..ငါဒီမှာ ပြောင်းလာပြီး..မင်းရဲ့အနားမှာနေမယ်.ဒါက ငါ့ရဲ့ကိုယ်ပိုင်ဆုံးဖြတ်ချက်ဘဲ ခါးသက်..""

ဟု လွန်း အေးဆေးတည်ငြိမ်စွာ‌ဆိုလိုက်သည်။ ထိုနောက် ခါးသက်ဘေးနား တိုးကပ်သွားကာ..

""အရင်ဦးဆုံး..မင်းရဲ့ မုတ်ဆိတ်မွေးတွေ ပါးသိုင်းမွေးကို ငါရိတ်ပေးမယ်..""

""ပြောနေတာမကြားဘူးလား..ထွက်သွားလို့..ထွက်သွား..ခင်‌ဗျားဆီက..သနားတာတွေဘာတွေ..မလိုချင်ဘူး..အရှင်းဆုံးပြောလိုက်မယ် ကိုလွန်းပုံရိပ် ခင်ဗျားကို ကျွန်တော် လုံး၀မလိုအပ်ဘူး..ထွက်သွား..သွား...""

ခါးသက် လွန်းကိုယ်လေးကို တွန်းထုတ်ရင်း ဆိုသည်။ လွန်း မျက်၀န်းအိမ်ထဲ မျက်ရည်များပြည့်လျှံလာကာ ပါးပြင်ပေါ် အတားဆီးမရှိ စီးကျလို့လာခဲ့သည်။

      ပါးပြင်ပေါ်က မျက်ရည်စတွေကို သုတ်ပြီး..

""ထွက်သွားရအောင်..ငါကဘယ်ကိုထွက်သွားရမှာလဲ..ငါက မင်းရဲ့ တရား၀င်ဇနီးမယားတစ်ယောက်အနေနဲ့ .မင်းရဲ့ဘေးနားမှာ ငါရှိနေပိုင်ခွင့်ရှိတယ် ..ခါးသက်..မင်းသဘောကျသည်ဖြစ်စေ မကျသည်ဖြစ်စေ..ငါကတော့ မင်းရဲ့ဘေးနား မှာဘဲ..နေမှာဘဲ..""