فراشات بلا اجنحه

الفصل الرابع

🌹مسائكم رحمه🌹
....نازك الحمراني..
البارت الرابع

...،.......
...........
.....

يباوع ألها شلون تتحجج بلكنس..
يراقبها وهي ترمش بعينها بداخله يكول
عيونها أحلى عيون بين البني الفاتح "والجوزي
خصوص أذا صدت للشمس....يبرز لون عيونها
طولها القريب للقصير....
بشرتها بين ألبيضه ولون الرمل

حتى ضعفها القريب للضعف كلش يحبهبرغم مقياس جسمها عند غيره تعتبر كلش ضعيفه
بس هو لأن يحبها
يشوف كلشي بيها حلو

أبتسامتها سارقه كل الحزن بداخله....يريد يسمع صوتها أكثر.....خصوص من عترفت اله..

أتمنى يطفر من السياج يحچي وياها....بس صوت أمها تصيح....

-خايبه ألمسلوله "المعلوله وينچ....بدون سابق أنذار
أندارت ونزلت رکض
لان تغيرت معالم وجهه خجلانه من غلط أمها كدام حبيبها.....ولأن هل غلط برز واحد من عيوبها
الي تكره كلش

رجلها تسابق وشالها الي يداعب بيه الهوى وهي تركض.....
سرح بخياله"
معقوله الشي يتمناه جاي يتحقق..
والبنيه اليحبها طلعت تبادره بنفس الشعور..
ونفس ألأحساس....

اي هي كبرت جدام عينه..والحد مااتركت ألمدرسه...
وهو كمل...
يعني مغابت عن باله...ليش ملاحظ هي معجبه بيه

قرر ميفكر بأي شي ..بس يفكر شلون يفاتح أمه
وشلون يجمع مبلغ يجهز نفسه ويزوجها..لازم يقلل روحاته وي أصدقاء ينظفون شوارع العتبه..
ولازم يزود ساعات الشغل...
ويفكر جديآ بموضوع البانزين الي ياخذه للجيش
ولي چان لاغي هل فكره من باله

طبطبت أيد وعته من صفنته"وتفكيره المتعب....التفت شاف أخو أحمد وعلامات ألضحك مغطيه وجهه

-ها صادق هاي أنت مرتجي عل حايط تباوع على بنت الجيران واني أكول من أربع أشهر.....اشبي ألولد جاب حمام
وبنى برج
وصار واهسه بلحمام ...مثل ألمطيرچیه‌‌...

نظرات صادق المفزوعه وهو أنكمش بلجرم المشهود
والحب الي خافيه بگلبه أنفضح......خلى ايده على حلك أخوه دنجه اخو يبرك جسمه للكاع معصب من عنده

-لك نصي خرب شرفك شجابك همزين مشافتك البنيه
خرب مدكلي شجابك..مااريد احد يعرف أني أحچي وياها

أخطبها يله.. ضحكة أحمد بوجه اخوه رافع حاجبه

-على كيفك لك شوف وضعك شون تغيير هاي شنو
هيچ تحبها ومن شوكت تحبها غير تحچي دكول
بله أني الأخو الوسطاني ألي دوليآ محد معترف بيه
بقائمة أبناء العائله"ويعتبر الوسطاني الفرد المنسي
لأن الكل تخاف الچبیر...وتحب الزغير
والوسطاني صاير مثل رجل حانه"ومانه محد بحاله

بس وينك خاب ما فکرت بنوریه أمك شرح اتسوي"وشتعمل..

-لا....مافكرت أحمد شجاي تقصد