فراشات بلا اجنحه

الفصل العاشر

🍁مسائكم رحمه🍁
......نازك الحمراني.....
جزء العاشر

دخل صادق للمعسکر....ومنها بعد أجرائات روتينيه.
أخذ جنطته يروح للغرفه هو ومجموعة جنود
أول مافتح ألباب شاف مجموعة چرابی منظمه
وشباب يرتبون ملابسهم بلوكرات...
يضحكون يتخلل ضحكهم تعارف على أسماء بعضهم ومحافظاتهم...قطع حجيهم صوت صادق وهو يسلم

-ألسلام عليكم.....

-وعليكم السلام ردو بوجوه ضاحكه.....رجعو يكملون سوالفهم وهو يدور له چربایه فارغه من مجموعة ألچرابي ....
ويم كل چربایه لوکر أبو البابين...
شاف چربایه فارغه
كعد عليها وخلى جنطته بلكاع أيد يباوع على أقدام صارت كدامه رفع نظره أيد أنمدت عليه

-شونك أسمي عمار وهنا جدید بدوره...کام يرحب بأول صديقه أله....... ..
خلال هل يومين صار اله صديق

وبدت ألتدريبات العسكريه
القاسيه من أول يوم وقبل أذان الفجر بساعتين

ألجنود نايمين وصوت أطلاقات ناريه يم راسهم وصياح

-أكعدددو قنادرررر ألي أخذته الرهبه من النار الي تجي من البنادق وطلق الخلب...

ولي تفاجأ بشتائم..
ولي تأذى من الصوندات وهو ستوه کاعد
للي تأخر ثانيه من ألكعده....
يلبسون بدلاتهم العسكريه

بسرعه بدون ترتيب حتى متلوحهم ضربه عصا الضابط
ألتمو بساحه ترابيه رافعين وجوهم بشموخ...وخطبة الضابط الي يدربهم بقسوه

-ماأعدنا هنا الجندي ضعيف أنتم رجال عراقيين
و الجندي قبل مايدخل عسكرية
هو عندة غيرة وشجاعة
و جميع مقومات البطولة ألعسكرية
وي تدريباتنا تصيروون مقاتلين .. .
جيشنا مشهود له. بالطولات
والفرد العراقي عنده عزيمه وشجاعه.

قبل عشرين سنه وكفت هاي وكفتكم....
چنت بمثل عمرکم‌...

سوینا تدریبات دحرج علی رمل..
وسبح بلخیسه...ومي المجاري..والهروله

اسولفلكم اشكد چنا فرحانين لأن ماغلطنا
ولاضعفنا من موقف
بس الضابط الي دربنا....بیومها شاف وضعنا تعبانين
ضابط وكف مقابيلنا واحنا ونلهث
لأن من تدريب التدريب...

من تلاثه الفجر للثنعش
توقعنا هل ضابط راح يرحمنا وسأل كال تعبتوا مو الله يساعدكم ولدي
منو يريد يرتاح.....

محد جاوب من الخوف سکتو
بس أني هنا صرت كدامه.... لان صاحلي بحنيه

- تعبت وليدي مبين من هدومك كلها خيسه
وماي مجاري و وجهك اصفر

فرحت كلت اي والله سيدي تعبنا
حسبالي راح يكول خلصت العقوبه
وبعد لا تعيدون ألغلط باوع على ضابطنا..

-ذول مبينين ولد ماما وجدد مووو....جاوبه
لا والله سيدي تدريبات يوميه شوفت عينك ..
صفن الضابط واحنا الكل بالاستعداد
كردوس كامل
وساعه اكثر اقل بالشمس