فراشات بلا اجنحه

الفصل الرابع عشر

صباح المحبه
فراشات بلا اجنحه
الكاتبه نازك الحمراني
البارت الرابع عشر

طول فترة التحاق صادق الحزن يرافقه لان حبيبته مخطبها
طول الوقت مهموم ضايج

بيده السلاح لازم واجب يفكر بيها...يشوف اصدقائه الي يسولف"ولي يفتر بسلاحه...اله هو يصفن
اجى من بعید صدیقه عمار کعد یمه ضرب فخذه

-شنهي صادق يابه هونها وتهون چا الدنیا یرادلها معارك...لاتصفن
وانا اخوك.....

-عمار أنت صاحب عسكريه وياي...وصديق سلاح
صعبه تحس أنت مغبون حقك....
وصديقك الوحيد
تلكاه يخونك ويطعنك باعز شي تملكه

-هو هذا حال الدنيا...كل يوم رح تكتشف وجوه
والصاحب أذا طعنك مو نهاية العالم...
وليخون الشينه على نفسه...

رجع صفن صادق ليش مهند هيچ یسوي...ليش هيج
راسل تسنيم....
رغم صدك الي سواه الخاطره....ولأن صاحبه

بس بعد اخر رساله تسنيم راوتها اله...
عرف مهند معجب بتسنيم...النذل مخلي عينه
على حمامته....

كام مبتعد من الهمر يتمشى...ميريد يبقى نفس المكان
يريد يشتم هوى....حلكه مر من كلشي...شاف محل قريب على سوك
الي واكفه بيه الهمر...

وكف يم المحل طلع أفلوس....يحاجي صاحب المحل

-عمي ممكن علچ أبو السهم وبسكت..الرجال صاحب المحل ابتعد مقبل يبع...

-أغشغ هل محلات كلها اله هنا...أجى جندي اصله
من نفس الموصل

-تعال خويي أش تريد أدليك...

-لا بعد مااريد هي كلها مسدوده بوجهي...
بقى على علچ ابو السهم....بس ليش ميبع اليه

-لا تلوم الناس..
دحق ورح أحچیلک أني من الموصل..

الناس شافت اوقات صعبة كثير
ومرات اتذكر واقول سبحان الله معطينا الصبر

أهلنا هنا يخافون من الجيش ومن الاعتقالات ومن التبلي ومن كلشي...
أصعب اوقات عشناها هاي الفتره

والي يتعامل مع الحكومه اتشوفه مهدد
دتهديد مبطن.أو يزرعون عبوة لاصقة ببيته يابسيارته

-زين أحنا شعلينا...احنا هنا جايين من محافظاتنا
حتى نحميهم من القاعده"والنقشبنديه وغيرها

-لان انزرعت الطائفية بكل العراق
وأكو ضباط من الجيش يغلطون عالناس..
مااقول كلهم بس الاغلبية

يايعتقلون عشوائي وايذلوهم......يا يسبوهم

قليل اتلقى زينين...
لان الزين مكروه اكيد ويستبعدوه

-الهل درجه واصل الحقد والخوف عند الناس...
شلون...

-واكثر...الناس خايفه
من سبوع طالع من للمستشفى
لان أمي مريضه.....
واراجع الطبيبة.....دحقت الجندي بالتقاطع
مال ترفك لايت مذبوح مزتوت