فراشات بلا اجنحه

الفصل السادس

الجزء السادس
🌺مسائكم محبه🌺
....نازك الحمراني.........
....................................

أجى السيد...ولي بدخلته الكلبين نبضن
لأن فرحه سريعه"وخطوبه أسرع......
محد يعرف احساس هل گلبین الي چانو کاتمین حبهم
وخاصه صادق لان یحترم صداقته وي هادي

حاول كد ميكدر يحارب گلبه مایفشي سره الاجل مبدأ
ولي زرعه من الصبر حصده اليوم....
مرتبك يرتب ساعته الكترونيه يضبط اول ثانيه
وااول دقيقه للخطبه

ألچادر ألأبيض الي خلته أحلام على راس بنتها
ولي يوصل الحد اقدامها....مثل العبائه

كعدتها هي أو ام باقر...خلو رجليها بطشت ماي"وياس وریحته تزکم الآنف
طلعت عمتها هيل...
وخلتهن باصابع رجليها...
وبين اصبع واصبع هيله حتی تتعطر حیاتهم ....
وجابت أيدها همات خلت بين أصبع واصبع هيله....
قطعتين من القند حتى تصير حياتهم حلوه
ووكفت رقيه"وسكينه...
رقيه بيدها كاسه فارغه..
والسكينه بيدها القند ....
طول ما الشيخ يملجها
تحك القند واحد بالثاني ويوكع بالكاسه...
طلب الشيخ موافقت تسنيم.....ولي بدورها
طلبت رخصه من ابوها

وي كلمة أقبلتي الي كالها السيد
هل كلمه الي اذا انكالت والكلمات الي وراها تتم مراسيم العقد..
قبل لاتاخذ تسنيم الرخصه من والدها..
ولي وي حركة شفافها تترخص منه
صار وياها صياح قوي وحجي ثاني اقوى من خارج غرفة العقد...

ألكل قبل أن يخلص العقد كامو يركضو على مصدر الصوت
بلا وعي
بفضول...
بوجل حتى أبو رضوان "وهادي كامو يتبعون خطوات بعض... اله تسنيم وصادق ألي صفناتهم على بعض وهم مدنجين كرهو هل صياح
ولي صار بينهم وبين الحلال خطوه...

أيد صادق نمدت ألفخذ السيد ألي متوسطه هو تسنيم
..يريده"وبعيونه توسل يكمل العقد
وچن خايف أذا ماكمل العقد هسه ...ميكمل بعدين
خوفة صادق من هل لحظه....نسته شنو الي خارج الغرفه من صياح...

حبات الهيل الي بيدها وكعن وحده ورى الثانيه مثل ماتوكع ألاحلام"والأمنيات

صياح أبو رائد ألي صاح بغضب....لأن أبنه رائد دخل عصبي متكاون وي باقر أخو صادق

بسبب الساكيه الي متوسطه البستانين مفتوحه وغركان الزرع....
رائد الي دخلوه الجواريين للبيت ونقط دم تجري من خشمه...
وباقر الي خارج بيتهم واكف وحلكه وخشمه يجرن دم من ضربات رائد القويه ولي ورث هل الايد القويه من أبوه...صاح باقر والحركه من الوجع ومن أتهام صديقه وجاره

-لك رائد ألزرع مالنا اثنينا متضرر وتتهمني أليه
واحلفلك مو أني..مو أني....
لأن أني جنت أحضر الخطوبة صادق
وأنت ألناقص تمد أيدك عليه وتريدني أسكت الك
أكفر بهل صحبه"بهل جوره بس بسيطه أني ألك

...............نظرات رائد الحاده وده يضربه بعد
بس أيد أبوه القويه
وي كمشة أخو هادي محايطي يمنعو يتكاون
لأن من ربع ساعه چان رائد وباقر یضحكون...رد عليه
والشرار من عيونه تجدح...وطبق علیهم مثل
الي شابه اباه ماظلم......