فراشات بلا اجنحه

الفصل الثامن والعشرون

❤مسائكم محبه❤
.....نازك الحمراني......

#فراشات_بلا_اجنحه
#البارت الثامن_وعشرون
راحت نهال للمهد لكت بنتها عيونها مفتوحه
والنفس ماكو....شالتها تتحرك بيها يمنى يسرى
ماكو

لبست عبايتها طلعت تركض وتصرخ بشارع...
وكفلها تكسسي بعد ان شاف حيرتها،..اجت تصعد

سيد حسن نزل من تكسي ثاني شاف مرته بحاله رثه
ركض عليها راد يعرف شبيها...

لكى بنته بين ايدها باوع الها دموع أب يشوف بنته
بهيج حاله....مسح دموعه قبل لايوكعن..

استغفر رب العالمين الاجل ينطي قوه النفسه الضعيفه ركض للتكسي الي نزل منه ونهال اتبعه....

بحضنه بنيته وعلى رقبته بيرغ أخضر انطته اله العتبه لأن من الخدمه المؤمنين...

سحبه من رقبته  مسح بيه دموعه....كاتمه بجيه قويه يمسح وجه بنته عسى باب الله المؤتى ينظر الحاله...

ويكون الي يشوفه سراب....وصلو للمستشفى منعوه يدخل..نطى بنته النهال..يتوسلهم

-خويه بنيتي عاد دخلو مريتي احلفكم بجدي رسول الله...تعاطفو الموقفه..

دخلت نهال و البجيي والصراخ اقصى شي سوته
وصوت دعوات زوجها بأذنه تاذيها يدعي بحشرجه

-يارب لا تبتليني بأعز ماأملك يارب لا تجعل بلائي بضناي...يامن تحي العظام وهي رميم..احي وشافي

متريد تأيس تريد تبشره الاجل دعائه الي قطع نياط قلبها تلكوها المقيمين اخذوها منها

وكعت للكاع منهار تلحفت بعبايتها...الباب انسد
الكل دخل ورى بنتها...وهي منعوها تدخل

بجيب ثوبها موبايلها رن..شالته صوت سيد حسن يبجي

-شلونج نهال بنتنا شلونها...مكدرت تحجي سالها وكرر
وحتى طمأنه...

-تعال حسن حموت والله...صوته يتوسل الشرطه الخفر
مااحست اله هو يمها..مد ايده يكومها

-نهال كومي وين الغرفه كامت مسالته شلون دخل
اشرت على باب باب يتوسط الردههه

دك الباب عليهم طلع واحد الممرضين التفت اله
سيد حسن واشرلها تبقى دخلوه وهي مادخلوها

بقت اتلوب شسوي اتصيح لو شنو اليطفي نارعا
بعدها بربع ساعه طلعو بنتها

نطا  أياها الدكتور الي يم الممرض كالها بلهاث بعد تعب الاجل ينعش قلب بنته...

-هاي انكتبلها عمر جديد.......اخذتها بين حضنها
تشمشم بيها

لان الربع ساعه مرت عليها بسنه
لحضات خوف ورعب النفس بصدر بنتها
حمدت لله وشكرته طلع زوجها تعبان من هول ماشافه

يشوف بنتها بجهاز الانعاش يحيوها..وهو ماكو جدامه
غير ان يستغفر...

بقت بنتهم تحت المراقبه الى ان مرت بخير وسلامه ويراد الها مراقبه ثانيه....