فراشات بلا اجنحه

الفصل الخامس

الجزء الخامس
.....نازك الحمراني.....

.........

طلع هو وجماعته بيدهم الفرش الخشبيه
يكنسون شوارع الي تحيط ألعتبه ألحسينيه
عملهم تطوعي قرب الى وجه الله....

يحرك الفرشه واصوات أصدقائه الي يسولف ولي يضحك

وهو افكاره يم والدته الي خلاها قبل لايجي
تروح تخطبله تسنيم.......
ولأن ماتحمل الأنتظار طلع بسرعه من ألبيت

هل أبنيه ماعرف شلون حبها حب قوي...وشلون بسرعه
أتخذ خطوه خطوبتها...

كمل المساحه مالته كعد على الرصيف تعبان شال ألكمامه الي مخليها على خشمه تحمي من ألتراب
...يتلمس جبهته بتعب أجا صديقه حسن كعد يمه
وكمبص مثله...-شلونك صادق أحسك مهموم كول خويه....كول ليش تصفن عاشك"لو مهموم..... ألحسره أعتلت وجهه

-تصدك اني بثنينهن ومحتار ياحسن....

-ليش أثنينهن وشلون"يعني أحچي حتى أساعدك.
أليوم يمك باچر طالع ألتحق للجيش

-ألله يساعدك متكدر تساعدني بس أنت كلي
شلونه ألوضع بلموصل بعده خطر...

-أي والله كلش خطره"بس كلمن يومه موشرط
يعني تلكى واحد بنص الأنفجار يطلع عايش"
ألخطوره
متقدم من الأجل ساعه"
ولاتأخر ساعه....

-صح حچيك بس سمعت ألوضع صار أخف

-أي عود كلنا خفت الطائفيه ورح نرتاح بس شو نفس ألشي....وتدري بيه
لاشغل ولاشهاده عندي
ألمتوسطه مابيها تعيين...

يعني بس الجيش كدامي..
راتب زين والحمدالله
وهمين تخدم بلدك "ونكسب أجر الدفاع عنه
وأنت بعدك عل أجور اليوميه مو...
ودور هسه عاشك أوووف ياصادق صعبه

...ترى حتى العشك يرادله أفلوس"وبيت..

-اي اعرف كلشي يرادله أفلوس
هو ليش جاي أسألك..

لأن صديقنا كلي تعال ألمكاني وصل تانكر مي للجيش"
أو اوصل بانزين
يعني حسب هو أذا ممتواجد لأن أني من فتره كملت دورة السياقه ودورة التدريب عل سلاح بقت

ناوي أقدم على الجيش...أذا كلش تصعب عليه
لأن أمي تريد أفلوس...
وباچر عکبه الزواج یراد اله آفلوس...

-أي خلاص مبروك عليك يعني جندي حتصير مو..

-بس بلبدايه جندي بعدين يضيفون شهادتي واصير ضابط ههههه
وأله اخليك من الصبح تلعب شناو الف مره....

-أي يحقلك ليش لا بس شوكت تروح للدوره...
ترى تدريب قاسي"نوم قليل"أكل قليل
لاعبالك

-أي أعرف كلولي الشباب ولساني أفكر...دورتنا يجوز خمس أشهر مدري ست اشهر
ابقى هناك أدرب
ولسى ممقرر
بس مكتلي أنت وين أداوم....لأن دورتنا رح يكون
مكانها بلحمدانيه.......