فراشات بلا اجنحه

الفصل السابع

الجزء السابع...
.....نازك  الحمراني….
...................................

مرت الأيام بين تسنيم وصادق بقهر....
چن الدنیا
عادت هل حب ...

صادق أحتار يشوف أصرار أمه"
وباقر واصرارهم
على المشاكل الي بينهم....ولي كل يوم تكبر....
من غير الحجي الي يسمعو أله.........

يروح للشغل حتى ميسمع الحجيهم....
واذا رجع يصعد للسطح يصفر بلكن تجيه.....صار يوكف بلساعات
حتى الشمس بحراتها مرحمته
حولت بشرته الحلوه القريبه للشقار الى حنطيه حمره....

يعرف هسه تسنيم تفكر بيه
مثل ماهو يفكر واكثر
فتح البرج بعصبيه....طير طيوره يصوفرالهن
حتى يسمعن اله ويرجعن......من شوكت صار هيج
وتغيرت أموره من صادق الملتزم...
الواحد مطيرجي يسوي حرب......هو هذا الحب
بسبب حبه الي يريد يلمسه بأيده

أختنك من الدنيا واهله.....
كاره الشغل الي يسوق بساعات علمود شكم فلس

لعن حظه الف مره ....
تسنيم بعد الرمي الي صار بينه وبين أهلها مشافها

والايام كلما جايها تبعدهم ماتقربهم .....
حجي أبو حسن
بس هو يعرف بوضعه واخوه أحمد
ولي ميكدر يسوي شي بس يصبره بحجايه

لأن أخوه  أحمد مكروه عند ألعائله لأن يحترم زوجته
ومدللها وهل شي منافي القوانين نوريه...
الي كارهه ضعف زوجها لان ساكت وهاديء
تشوفه بصادق وأحمد....

تعب وهو يصفر يتمنى والده يصير وياه يساعده
بس والده مريض ميكدر الأمه..امه الي الزمن كل مايمشي عليها..
تصير أجلد"واقسى
وكأن مصاب الدنيا تنطيها شحنة قسوه

دمعه وكعت على خده ميريد يضعف أكثر كدام روحه
كعد يم ألحمام يسولف الهن الي يصير وياه...
كمش طيرته تسنيم...فتح جناحها يداعبها
قربها اله باسها...يحاجيها

-ماكو حمامتي الحبيبه أظن طبكت وي أهلها عليه
شدكولين تسنيم...
مشتاقلها وحك علي الفحل
ميت وااريد أشوفها.....
بس هي ماكو........ليش حمامتي ليش هل غيبه

تعب وهي هل اسبوع ماكو....مشافها
نزل يروح للعتبه الطاهره
عسى تنشال همومه يم أنيس نفوس المظلومين

طلع يباوع البيتهم صوت رضوان العالي بيه
معناها الهل سبب مكدرت تجيه.....
أجر تكسي
شاف الشباب تنظف شوارع العتبه أبو حسن الشیبه
شافه تقرب علیه...

-السلام علیکم آبني صادق شبيك مهموم..
وانت واكف يم حضرت المهمومين.....صادق یشوف
بحجي أبو حسن القلب الي محتوي كل هل شباب

-والله ياأبو حسن انسدت وحك رب الولي"....

-لادكول هيج أبني باب الله مفتوح دائما للسائلين
واحنا كل الي ديصير ويانه ياأما أختبار "يااتنبيه
وبلحالتين لازم نكون كد الي يصير....
واله مانكون"رجالآ عاهدو الله"....