فراشات بلا اجنحه

الفصل الثالث عشر

💙مسائكم رحمه💙
.....نازك الحمراني.....

#فراشات_بلا_اجنحه
جزء الثالث عشر
.................

اتصال عمار على صادق...
يخبره موعد التحاقهم
تأفف صادق بتعب لأن للان ممسوي شي على موضوعه
هو وتسنيم..

للأن مضامنها حتكون اله وهي كل فتره يجوها خطابه
ويتوتر ويتقوقع الحزن صدره

تعب على لاشيء
كلما يتقدم خطوه...
الحظ وامه ورضوان يرجعونه عشره....

وكأن الكون كله مجتمع ضد زواجه من تسنيم
وهي ترفض تنهزم وياه....
ورافضه مبدأء الفكره كلها

حسب أليوم أربعاء ألسبت لازم يلتحق...لازم يتحرك
طلع من الغرفه على صياح باقر"وضربه الزوجته منال
هل مشهد الي صار
من أساسيات البيت....

باقر ولي كلما أجا يتلاشى "
يتعب"ألماضي يسحبه الظلامه

خصوص بعد أن سمع أنو خطيبته أستقرت بحياتها
ومرتاحه بزواجها وي شخص قدرها ويحبها..

يعني ألبنيه شريفه مو مثل ماصورتله أمه...و طاهره
محد نجسها أله هو.....
وأمه نوريه وهمته ألعكس

باقر عايش أجواء تأنيب الضمير..
على حب عاش الاجله
وقتله بايده
برصاصة الذله

كل مايحس أنو ظلم حبيبته يحمل منال اليتيمه السبب
متناسي ضعف شخصيته "وخضوعه ألامه..ولي مفهمته بر الأم بطريقه عوجاء...

يشوف أصرار صادق"ودريد على حبهم وقوفهم بوجه جبروت أمهم...
ويعرف رح ينتصرون بلأخير

عكسه هو

يشوف رائد صديقه ألوحيد
ولصيقه شلون حارب قوة أبوه رضوان..
وعادات أهله وأخذ اليحبها....
ألكل عايش السلام الداخلي أله هو....

منال أعتاد عليه لأن مكسوره..
والمكسور يدور أشباهه

أعتادت ظلم بيت زوجها وانو واقع تعيشه...
ولاذلة وظلمه الشارع

تريد فقط بيت تعيش بيه"
تربي أبنها وبنتها..ولا تبقى بشارع للوحوش ألبشريه هيج تصبر روحها..

هل مره صادق سكت ماراد يدخل بينهم..
لأن اخوه يزيد بعصبيته والضحيه منال....ابتعد تاركهم

يتقرب ألمكان جلست أمه وابوه.....
يشربون چاي
كعد جو رجلهم وبينهم متربع .....ولازم ياخذ جواب منهم قبل لايلتحق

عيونه الابوه....والامه سم بأسم الله

-يمه أشوكت قررتي ترحين تخطبين اليه...
مازال ناويه زوجيني ...
واريد قبل لا التحق ضامن نفسي ....

تركت أستكان ألشاي بصينيه..
والتمعت عيون نوريه فرحه"وانتصار بحقد دفين رافعه ايدها

-كللوووش...هسه وصرت شاب عاقل تاخذ حچاية أمك
وترى يمه بنات أم زهره يجنن...
طول"وسمن أحسن ألك من أم عصاجيل...