فراشات بلا اجنحه

الفصل الثالث و العشرون

❤مساء الخير❤
.....نازك الحمراني....
#فراشات_بلا_اجنحه
#بارت_الثالث وعشرين
............

طلع من الغرفه والده مدهوش بأمره حاول يوكفه

-رائد وين عايف مريتك بهل اليل...ثوب العرس الابيض لبسه من دقايق شعره مبلل...

ميريد يتخيل سمران مو بحياته علمودها كلشي سوه
مستحيل يترك حبه

ساق بسرعه ضارب مقياس السرعه المحدده عرض الحائط..
مايمكن يتخيل حياته دون حب حياته سمران..
هي بلنسبه اله ،ام،اخت،زوجه،كل المسميات الي تربط المرأه برجل ..هي الدنيا عنده.. رن موبايله مجاوب

يريد يوصل الها....طلاك لا..يسوق محترك دمه

الطريق بين كربلاء وبغداد صار طويل...لو هو طويل
مختنك مقهور....
وكل خطوه تقربه من بيت اهل سمران يعجز
ركن سيارته متعصب نزل يدك باب بيتهم...فتحته امها
واخوه سمران مااهتم الهم

-سمران ،سمران وينج اطلعي. صارت كدامه وهي تطلع من باب الهول..

-من شوكت تحجين بطلاك يله تعاي للبيت بسرعه
دللتج زياده عن الزوم...اجى يدخل يجرها..

وكف اخوها بينها.....يهدد رائد

-لا تحاول تاخذها كوه.....اختي متستحق تزوج عليها
ورح اطلكها غصب عنك وكف مقابيل اخوها..

-شوف اكبر واحد يهددني مااهتم بيه...اني لبراسي
اسوي كل واحد عنده جبير...

واني الوحيد جبير روحي.. اخذها يعني أخذها...لا وحق هو الله...وحق علي الصميده...اذا مااخذتها وياي هسه
ليكون هذا البيت محروك وعليه وعلى اعدائي...

-هدد بس اكلك المحكمه تاخذ مجراها من اول جلسه..
اخبالك وهوستك وي جوارينكم ووو كومه شغلات

-واني كتلك طلاك مااطلق ،لان مريتي...احبها واريدها

-تحبها من كل عقلك وانت ضربتها...نظرات رائد بينه وبين سمران..متعجبه

-اضربها أني اضرب مره،شكلولك عليه مريه شو متستحي بويه أني اضرب، زلم أتعارك وي عفطيه

بس مال أضرب مره أله تخبلت صدك...لو جنك ماتعرفني...

سمران متريد تكون نسخة سكينه الي ساكته عن ظلم عمران واهله،وفوكها زواجه عليها

تريد تبقى قويه بعيد عنه...تعرف متكدر تقاوم نظراته خصوص بثوب المعرس الجايه بيه...اناقته ممتخلي عنها رغم متعصب...

اقترب منها رائد يريد يدور بعيونها حبه...لكاها لكن وياه شي ثاني حقدها عليه لان زوج عليها

-سمران شوكت ضاربج اني...صاح بقوه مرعبه
الجيران سمعت صياحه.... لكن محب احد يدخل....أحجيييي

سكوتها رافضه تحجي لأن تعرف من تحجي اي كلمه
قليله بحق رائد الي يحبها حد الجنون

بس هسه هي بصراع بين عقلها،وبين كلبها وبين الكبريائها وكرامتها...
متكدر أسامحه بعد أن دخلت زوجه جديده بحياتهم