❤صباح الخير❤
....نازك الحمراني.....الي يغلس عسحك يدخل الجنه😌😌
#فراشات_بلا_اجنحه
..#البارت_الثلاثون....
بدت رحلت نهال وسيد حسن للاطباء
كل دكتور يوصف حالت بنتهم بشكل حتى صارت عابشه علمضادات...
قلب أم تشوف بنتها تذبل كدامها...
من غير رضوان والدها يتعارك وياها لان تطلع وحدها
من تاخذ بنتها للطبيب
خاصه من تروح لتحاليل..
وتكون التحاليل دورات مره الصبح..ومره العصر
وذا مراجعه الطبيب بنتها ترجع متاخره
رضوان مايعجبه هيج....يوكف الها بدرب متعصب ويصيح.....
رغم احلام تحاول تهدي....بس ولا يمه
وهل مره کعد الها باب بیتهم منتظرها
خايف عليها ،
ويغار برعونيه
من شافها نزلت من التكسي كام ويصيح متعصب
حتى السايق اجى ينزل لو ماخوفه...صاح عليها
-وچ کلبه وين رجلج نهال ترحين وحدچ لطبيب
يا حقيره
شنو بس انتي ام....وين مولي ابوها ماياخذها وياج....
وكفت حاضنه بنتها اجت توكع عبايتها من الصياح
حلكها يابس من التعب خايفه من ابوها...مدري على بنتها الي جانت نايمه وفزت
وهمات خايفه لا تجادل ابوها...
وياخذ الكاع الي لمتها هي ورجلها
بعد ان طردتهم أم سيد حسن.......جاوبته بتوتر
-بويه سيد حسن...إبوها..ابو بنتي اشتغل شغله ثانيه ويه الدوام
لان ميلحك عالمصاريف والطبيب
وانت تعرف راتب سيد حسن يدوب يكفي....
وينطي الامه....
وعلاج بتنا هواي يفلوس يريدله.......شعوره كأب مقهور على وضع بنته...مايعرف يعبر.... صاح عليها
ودائما تعبيراته تخونه
-انعل ابوج يابو ابوها
يله دخلي قبل لا ننفضح
دخلت ودموعها توكع على وجهه بنتها.....
دأئما ابوها هيج وياها...رغم عوضها وماخلاها تتهجول بلأجارات...لكن رجع الاسلوبه
أجي سيد حسن من الشغل
استقبلته بعد أن مسحت دموعها كأن مصاير شي
لان اتشوف التعب بدى يغير ملامحه الحلوه
يشتغل عماله،
وعامل بسطيه ملابس يم الحضره الحسينه ..
وخادم للعتبه
ودها تغير مكانها بعيد عن تعب اهلها لكن تعرف العين بصيره والايد قصيره ...
خصوص بعد مرض والد سيد حسن ويبعث افلوس الاهله
والبقيه يشيلهن وينطيهن الها.......
التعب صار عليه تعبين....والكل تريد منه فلوس
اول ميجي من الشغل يتمدد وكل مكان تكمشه منه يون تعب..
يصيحها حتى تنام على صدره عسى قربها منه ينسى تعب،وذلة الشغل
كبرت بنتهم وطلعت السنه والطبيب مافاركها
وسيد حسن التعب مافاركه...
ونهال القهر وياها صاحب
أنت تقرأ
فراشات بلا اجنحه
Romanceالقصه المحذوفة الذي يبحث عنها الجميع قصة منقولة للكاتبة نازك الحمراني
