У Сэүнийг дээшээ гарсаны дараа би унтахаар хэвтсэн ч бодох ёстой асуудлууд минь намайг унтахыг зөвшөөрсөнгүй. Жижигхэн буйдан дээр атиралдаж хэвтэх угаасаа хэцүү байсан болохоор зүгээр сууж байгаад өглөө болгохоор шийдлээ.
Лаа хэдийнээ хайлаад дуусчээ. Өрөөнд ахиад л харанхуй ноёрхоно. Салхивчний завсраар хаа нэг хүйтэн салхи сийгүүлэн орж ирэхээс өөрөөр ямар ч чимээ ч үл сонсогдоно.
Харин би ганцхан өдөрт болж өнгөрсөн зүйлсийн талаарх өөрийнхөө бодлыг удирдаж, цэгцлэхийг хичээнэ.
- Шин Рүми аавын төрсөн хүүхэд мөн болов уу?
Тэд үнэхээр дотно харагдсан шүү дээ. Эргэлзэхгүй байна...
- Тэгвэл аав анхнаасаа л өөр нэгэнтэй харилцаатай байсан болж таарч байна уу?
Эсвэл тэд зүгээр л дотно харилцаатай
хойд аав, охин хоёр байх. Гэхдээ тэр чамд
ямар хамаатай юм? Шин Хэрён? Тэр нэгэнт орхиод явсан хүн шүү дээ.- Харин ээ... Өнөөдрийг хүртэл ганцхан өдрөөс бусад өдөр тэр хүнийг огтхон ч дурсдаггүй байсан болохоор мартчихсан гэж бодсон ч миний буруу байсан бололтой...
Тэгвэл авыгаа эргүүлээд
авмаар байгаа хэрэг үү?- Үгүй ээ... Хүсэхгүй байна... Орхиж явчихаад гэнэт л нэг өдөр амьдралд минь өөр нэг охиноо хөтлөөд гараад ирсэнд нь, тэгчихээд одоог хүртэл өөрийгөө миний аав гэж дуудсаар байгаад нь дургүй хүрч байна.
Гэвч бид хэн нэгэнд уурласан ч
санахаа больдоггүй юм...- Тийм гэж үү? Мэдэхгүй юм даа...
Тэгвэл У Сэүний талаар
юу гэж бодож байна?- Харин ээ... Бас л мэдэхгүй байна...
❦❦❦
"Явцгаая! Шин найруулагч аа..."
Хөнгөн нойрноос минь хэн нэгэн намайг хэд хэд дуудсаар сэрээлээ. Нүдээ нухалсаар нээж ядахад У Сэүний царай тодхон харагдав. Би сая л нэг хаана байгаагаа санах шиг болон хурдхан шиг л дээш босон суугаад цонхоор харвал гэгээ хэдийнээ орчихсон байлаа.
Унтахгүй гэж бодсон ч унтчихжээ...
Судсаар гүйх цус минь царцчихсан аятай бүхэл бие минь хүйт оргино. "Ханиадаа эдгээгээд удаагүй байж ахиад ханиад хүрчихгүй байлгүй дээ..." гэж бодсоор босож зогсоод хувцас хунараа янзаллаа.
ESTÁS LEYENDO
FORGET-ME-NOT
Romance"Мөсөн ханхүү" хочит залуу жүжигчин У Сэүн болон хатуу самар хэмээгддэг кино найруулагч Шин Хэрён нарын түүх.❤️🔥 Дүрүүдэд: • У Сэүн • Шин Хэрён • Жон Жонгүг • Шин Рүми • И Сүман ...