كان معتز على وشك التكلم ولكن أوقفته ليندا وهى تقول:حبيبي إنتَ لسه ممشتش؟!......
معتز:ينهار أسود.
إغتاظت نور وقالت:كلم يا حبيبها....وقالت هذه الكلمات ثم ذهبت....
ليندا:هى نور مشيت لي؟!
معتز بضيق:نور...نور اللي هى دي، لأ عادي.
ليندا:أها طب تمام، إنت مروحتش لي؟!
معتز:كنت مروح حالًا، سلام.
ليندا:سلام.
في المستشفى:
دَخَلت المُمَرضة إلى عند حازم ولكنها لم تجده، فخرجت لتُبلغ الطبيب.....
في الجامعة:
ذهب معتز وراء نور بسيارته وهدأ السرعه عندما إقترب منها وقال:نور إركبي.
نور بغضب:إنت عارف لو ممشتش هصوت وألم عليك الناس.
معتز:إركبي وهفهمك على كل حاجه.
نور:تفهمني إيه؟!، وأنا مالي ما تخطب ولا تتجوز أنا مالي.
معتز بمكر:إيه دا يعني أنتِ مش متضايقه؟!
نور:وهضايق من إيه؟!، بالعكس فرحتلك.
معتز:بس شكلك وتصرفاتك بيقولو غير كده.
توقفت نور عن المشي وقالت:لي أن شاء ﷲ شكلي وتصرفاتي بيقولو إيه؟!
أوقف معتز السيارة ونزل وذهب إلى نور ثم وقف أمامها ونظر بعينها مباشرة وقال:بيقول إنك غيرانة.
نور بتوتر:أغير إيه؟!
معتز:تغيري عليا مثلًا!!
نور:لأ طبعًا...ثم إستدارت وقالت:إيه اللي أنت بتقولو دا؟!
إستدار معتز ووقف أمام نور ورفع وجهها بيده وهو يقول:بصي في عيوني وقوليلي إنك مغرتيش.
إحمرت وجنتا نور ثم بعدت عنه وقالت:أنا همشي ولو جيت ورايا مش هيحصل طيب...
إبتسم معتز وهو يرى نور تذهب ثم ركب سيارته وذهب لحازم...
في المستشفى:
كانت نور على وشك الصعود بالمصعد ولكن أوقفها معتز وهو يدخل ويقف بجانبها...
نور:إنت إيه اللي جابك؟!
معتز وهو يعتدل في وقفته ويمسك ياقة قميصه:جاي أشوف صحبي، وبعدين أنا اللي المفروض أسألك إنتي إيه اللي جايبك هنا؟!
نور:جايه أشوف حازم.
ضحك معتز ورجع للوراء وهو ينظر وضغط على زر التوقف فوقف المصعد فجأه....
شهقت نور من الخوف وقالت:إيه اللي حصل؟!
معتز:مش عارف.
نور بزعر:لأ مبعرفش أقف في الأسانسير كتير أعمل حاجه مش هقدر أخد نفسي.
معتز:إهدي أنا شكلي ضغطت على الزرار وأنا مش واخد بالي.
نور بغصب:اللهم طولك يا روح.
معتز:أنتِ عندك"Narrow Indoor Puppia"؟!
نور بتوتر:لأ.
معتز:مبتعرفيش تكدبي علفكرة.
نور وهى تفتح باب المصعد:وصلنا علفكرة.....ولم تنتظره وذهبت لغرفة حازم....
عند حازم:
دخلت نور وهى تقول:بطلنا عامل إيه إنهارده؟!
حازم بإبتسامة:الحمد لله كويس.
دخل معتز في هذه اللحظه وقال:عامل إيه إنهاردة يا زوز؟!
حازم:الحمد لله بخير، هو إنتو جايين مع بعض؟!
نور بإندفاع:لأ.
حازم بإستغراب:وإنتو عاملين إيه؟!
نور:أنا الحمد لله إستلمت شغلي إنهاردة وللصدفة البحتة بقيت معيدة مع دكتور معتز...
حازم بإستفهام:دكتور معتز مين؟!
أشارت نور ناحية معتز وهى تقول:دكتور معتز دا....
حازم:هو.....أنا مش فاهم.
نور:أنا هروح أجيب قهوة وبالمره أسيبكو مع بعض علشان دكتور معتز يعزمك على خطوبتو...ونظرت لمعتز وقالت:تحب تشرب قهوة؟!
معتز:إذا تكرمتي.
نور:أوك، بعد أذنكو...وقالت تلك الكلمات ثم ذهبت...
حازم:دكتور مين، وخطوبة مين، وفي إيه؟!
حكى معتز كل ما حدث لحازم....
حازم:منا مش فاهم إنت إزاي مكنتش تعرف حكاية الخطوبة دي؟!
معتز:هروح لسيادة العميد أفهم أنا مرضتش أتكلم وأعك الدنيا.
حازم:أنا عاوز أخرج أنا زهقت.
معتز:العميد خليل عرف؟!
حازم:عرف إيه؟!
معتز:إن مفيش فقدان ذاكرة.
حازم:إششششش هتفضحنا.
معتز:أيوه يعني هو عارف؟!
حازم:إنت عرفت منين؟!
معتز بضحك:...
"Flash Back"
خرجت نور من غرفة حازم وهى تبكي، فذهب معتز وإلتحق بها وأمسك يدها ليوقفها وهو يقول:نور....يا نور....نور إستني.
إستدارت نور وكانت دموعها منهمرة على خذيها فتألم معتز لرؤيتها هكذا وقال:إهدي حازم أكيد مكنش قصدوا هو......لم يكمل كلامه وقاطعته نور وهى تقول:هو عندو حق يا معتز بس أنا فعلًا كنت قلقانة عليه من باب الأخوة مش أكتر أنا مش عارفه لي هو مش عاوز ينسى دا حتى تقى كانت نسيت.
قال معتز بضحك:هو فاكر حاجـ.......وقبل أن يكمل كلامه شرد فيما حدث وجرى شريط أحداث من أمامه وقال لنفسه:منين حازم فاقد الذاكرة، ومنين كان في المكان اللي كان فيه الواد اللي قتل تقى، إزاي كان بيتكلم عادي نبرتو كانت نبرة صحبي اللي أنا عارفها كويس، طب إزاي عرف إني بحب نور وأنا مش مبين أي حاجه إلا إذا كان فعلًا مش فاقد الذاكرة.......
"Back"
معتز:إحنا لحد دلوقتي متكلمناش ومعرفتش إنت لي بتعمل كده علفكرة.
حازم:بعدين يا معتز، المهم هتعمل إيه مع نور؟!
معتز:مش عارف.
حازم:هو إيه اللي مش عارف؟!، إنت لازم تفهمها كل حاجه.
معتز:إفرض سيادة العمـ.....قاطعه حازم وهو يقول:معتز...نور شكلها معجبة بيك،أو خلاص حبتك تعمل إيه بقا إنت تروح تخطب ومتعرفهاش إن دا مفروض عليك، لا وكمان مش عاوز تبررلها إيه دا؟!
معتز:تفتكر هتيجي خطوبتي؟!
حازم بغضب:إبقى فكرني إما أستلم سلاحى أقتلك....ثم تعالت نبرات صوته وهو يقول:إنت غبي يا ابني؟!
معتز:دا لو أستلمتو باللي إنت بتعملو دا.
حازم:دلوقتي يا معتز ليندا دي نظامها إيه؟!
معتز:حازم أنا معرفش بقا كل دا كل اللي أعرفوا إني بحبها...
كانت نور على وشك الدخول ولكن وقف وعندما سمعت كلام معتز وقعت منها القهوة أرضًا....ومن ثم جَرت إلى المصعد لكي تذهب....
حازم:يخربيتك بتحب ليندا؟!
معتز: ليندا مين يا عم أنا بتكلم على نور.
رأي حازم بقايا القهوة على الأرض بجانب الباب فأشار لمعتز ومن ثم فتح معتز الباب ووجد القهوة على الأرض.
ضرب حازم جبهته وهو يقول:نور سمعتك.
معتز:سمعت إيه؟!
حازم:سمعت وإنت بتقول بحبها وإفتكرتك بتتكلم عن ليندا......
"تُتَبَع"
بِقَلَمِي🖋:
"روضة رضا"
