كان حازم يستعيد وعيه ببطىء عندما كانت نور بجانبه وممسكه بيده....
حازم بتعب:أنا فين؟!
قامت نور وضغطت على زر بجانب حازم ثم قالت:حمدﷲ على سلامتك يا حازم.
حازم:إنتِ مين؟!
تغيرت ملامح نور وقالت:أنا....أنا نور يا حازم.
حازم:نور مين؟!
جاء الطبيب في هذه اللحظه وتفقده وتفقد الأجهزة الموضوع عليها ثم قال:الحمد لله اللي حصل دا معجزة.
حازم:إيه اللي حصل؟!
الطبيب:إنت مش فاكر إنت عملت حادثة.
حازم:حادثة؟!
الطبيب لـِ نور:بعد إذنك ممكن تخرجي علشان نفحص المريض.
خَرَجَت نور وظل الطبيب يفحص حازم ثم خرج فَجَرت نور عليه وهى تقول:طمني يا دكتور، حازم كويس صح؟!
الطبيب:الحقيقة أستاذ حازم صحتو كويسه بس....
نور بخوف:بس إيه؟!
الطبيب:للأسف نتيجة الحادثة ونتيجة ضربة قوية على دماغو إتسببو في فقدان ذاكرة مؤقت.
نور بصدمة:فقدان ذاكرة؟!
الطبيب:أنا مش عاوز حضرتك تقلقي خالص دا وارد جدًا إنو يحصل ومع وقت قليل جدًا بتبتدي الذاكرة والمخ يرجعوا للوضع الطبيعي.
نور:يعني ممكن فقدان الذاكرة دا يطول؟!
الطبيب:وارد ووارد بردو يفتكر بكرة ولا بعدوا الموضوع مش معلوم بالنسبالنا العلم عند ﷲ.
نور:ونعم بالله.
الطبيب:يا ريت ما تضغطيش عليه لإن ممكن يحصل العكس وبدل ما يفتكر نشوش دماغو وتفكيروا كإننا بنعملوDeleteلكل حاجه، وياريت لو كان حصل أي حاجه سببتلو ضغط قبل الحادثة متحكيهاش.
نور:حاضر يا دكتور، بعد إذنك.
تَرَكَت نور الطبيب ودخلت غرفة حازم ببطىء...
نور:حمدﷲ على سلامتك يا حازم.
حازم:ﷲ يسلمك.
كانت نور مرتبكة بعض الشيء لا تعلم ماذا تقول وماذا تفعل فلاحظ حازم إرتباكها وقال:المفروض أنا اللي أرتبك كده مش إنتِ.
نور وهى تصطنع الإبتسام:أه... إيه... يعني مش عارفه أقول إيه... إن شاء ﷲ تقوم بالسلامة قريب.
حازم:بإذن ﷲ، بس إنتِ مين؟!
نور:أنا نور كنت طالبة عند حضرتك.
حازم:هو أنا مدرس؟!
نور:حضرتك أستاذ جامعي ودارس الفلسفة والتاريج وعلم الأديان.
حازم بضحك:أنا شكلي مهم أوي.
نور:أكيد.
حازم:بس إنتِ لي هنا؟!
..........
أكمل حازم وهو يقول:مش قصدي طبعًا بس يعني شكلك قريبة مني.
نور:حضرتك أخونا مش أستاذنا.
حازم:شرف ليـ...... ولم يكمل كلامه وأمسك رأسه وبدأ يصرخ ويتأوه بعنف....
زعرت نور عندما رأته هكذا وضغطت على زر الطوارىء فجاء الطبيب مُسرعًا...
الطبيب:إيه اللي حصل؟!
نور بخوف:كنا بنتكلم وفجأة مسك دماغه وقعد يصرخ.
الطبيب:إتفضلي بره بعد إذنك.
خرجت نور للخارج ولم يَمُر الكثير من الوقت وإلتحق بها الطبيب...
نور:إيه اللي حصل يا دكتور؟!
الطبيب:وارد جدًا إن دماغو تتشوش وهو بيفتكر موقف معين أو لو بيضغط على نفسو يفتكر أو لو حد ضغط عليه.
نور:بس أنا مضغطش عليه أنا حتى مقولتلوش إني صحبة مراتو وإن مراتو إتقتلت.
الطبيب:الكلام دا لو إتقالو أنا مش عارف إيه اللي ممكن يحصل.
نور:أنا مش هقولو خالص.
الطبيب:هو معندوش أب أو أخ أو أم يعني عيلة وكده.
نور:للأسف لأ هو الولد الوحيد وبابا ومامتو توفوا..... ثم قالت مُتَذَكُرة:بس في واحد صاحب باباه يعني في مقام عمو بالظبط بس مش عارفه هعرف أوصلوا ولا لأ.
الطبيب:حاولي فضلًا ضروري جدًا أشوفوا وأتكلم معاه.
نور:حاضر.
الطبيب:أنا إديتو حقنة مهدئة وهينام من تأثيرها شويه وإن شاء ﷲ إما يصحى يكون أحسن.
نور:إن شاء ﷲ.
الطبيب:بعد إذن حضرتك.
نور:إتفضل يا دكتور.
دخلت نور وجلست بجانب حازم فخانتها ذاكرتها وشردت....
"Flash Back"
كانت نور تمشي عائدة إلى البيت وكان بعض الشباب يعيقون طريقها....
أحد الشباب:ماشي لوحدك لي يا جميل؟!
تَقَدَمَ أحدهم وأمسك يد نور ليوقفها...
نور بغضب:عايز إيه يا متخلف منك له؟!
أحد الشباب:ﷲ ﷲ دي القطة بيطلعلها صوت أهى.
نور:وبتعرف تخربش يا روح أمك فإحذر مني.
وقالت نور تلك الكلمات وكانت تذهب ولكن أحدهم جذبها بعنف ثم ظهرت يدٍ ما وأمسكت بيد الشاب الممسكه بها ودفعتها دفعة قوية مما أوقع الشاب أرضًا.
نَظَرَت نور إلى صاحب تلك اليد ووجدته حازم فقالت بدهشة:حازم؟!!
حازم:يلا يا ابني إنت وهو إمشوا من هنا وخلو يومكو يعدي على خير.
أحد الشباب:إحنا مش عاوزينو يعدي.
زفر حازم بنفاذ صبر ثم أمسك بيد نور وكادوا يذهبو ولكن جاء أحد الشباب وكان على وشك أن يمسك بحازم ولكن حازم أمسكه وأبرحه ضربًا.
حازم من وسط أنفاسه المتقطعه من كثرة ضربه للشاب:ها تحبو تروحوا زي ما إنتو ولا تروحوا على المستشفى.
نظر الشابان إلى بعضهم البعض ثم فروا هاربين....
"Back"
قطع شرود نور دخول الممرضة...
الممرضة:في أوضة تانية لو حضرتك حبا تنامي.
نور:شكرًا ليكِ أنا مش هسيبوا.
خرجت الممرضة وكانت نور تفكر كيف ستصل لصديق والد حازم فتذكرت الأشياء التي قد أعطتها لها الممرضة فيما سبق.
كانت نور قد تركت تلك الأشياء بجانبها ففتحتها وأخذت تبحث عن هاتف حازم حتى وجدته فحاولت أن تفتحه فكتبت تاريخ ميلاد صديقتها تقى وكان صحيح وكانت على وشك الدخول لقائمة الإتصالات ولكن أوقفتها يدٍ ما جعلت نور تشهق من خوفها.....
"يُتَبَع"
بِقَلَمِي🖋:
"روضة رضا"
