ما إن سمع معتز تلك الكلمات حتى ضرب جبهته وأرجع شعره للوراء بخوف.....
نور:مش فاهمه؟!
ليندا:مش فاهمه إيه يا بنتي، معتز خطيبي قدامك أهو.
صُدمت نور وقالت بإندفاع:نعم؟!
ليندا:في حاجه ولا إيه يا نور؟!
تَصَنَعَت نور الإبتسام وهى تقول:أتفاجإت بس، على العموم مبروك.....ونظَرت لمعتز وهى تقول:لايقين على بعض، بعد إذنكو.
ليندا:تسلمي، إتفضلي.
ذهبت نور وظل معتز واقفًا لا يعرف ماذا يفعل فقطعت تفكيره ليندا وهى تقول:أنا هروح بقا أبلغ باقي الناس.
معتز:تمام وأنا هروح المدرج أشوف أول محاضرة هتبقى إزاي.
ليندا:تمامGood Luck.
ذَهَب معتز إلى المدرج وهو مازال يفكر فيما حدث وكيف سَيُصَلِح ذلك....
دَخَلَ معتز المدرج وتفاجأ بوجود عميد الكلية ونور....
العميد:أهلًا أهلًا دكتور معتز.
معتز:أهلًا بحضرتك سيادة العميد.
العميد:أستاذة نور هتكون مساعدة حضرتك.
نَظَرَ كلًا من نور ومعتز لبعضهم البعض....
معتز:شرف ليا يا فندم.
العميد:أستاذة نور لسه جديدة بالنسبالها أول يوم مش خبرة زي حضرتك أكيد هتتعلم منك.
قالت نور بصوٍت منخفض:أه طبعًا خبرة السنين كان بيعمل دكتوراة على المجرمين والـ..... سمعها معتز فقال:بتقولي حاجه يا أستاذة نور؟!
نور بإستخفاف:لأ بقول هستفاد كتير من خبرات حضرتك الكتيرة.
العميد:أسيبكو أنا بقا وGood Luck.
خَرَجَ العميد وترك نور ومعتز في منتصف المدرج.....
معتز:بعد ما نروح هفهمك على كل حاجه.
نور:بتقول حاجه يا.....يا دكتور معتز؟!
معتز:لأ مبقولش يا أستاذة نور.
نور:يا ريت نبدأ المحاضرة الطلبة مستنيين.
ذَهَبَ معتز ووقف في منتصف المدرج وقال:السلام عليكم ورحمة ﷲ بركاته، أعرفكم بنفسي أنا دكتور معتز الأشموني هدرسلكو علم نفس وأشار لنور وهو يقول:أستاذة نور معيدة المادة وهتكون مكاني لو حصل حاجه، من رأيي نخلي المحاضرة دي تعارف وكل واحد يعرفني بنفسو ونبدأ المنهج من المحاضرة الجايه.
تكلم أحد الطُلاب وقال:إتشرفنا بحضرتك يا دكتور.
معتز:إسمك إيه؟!
-مازن.
معتز:عاشت الأسامي يا مازن، يلا يا جماعة كل واحد يعرفني بنفسو.
كان الطُلاب يعرفون أنفسهم ويتبادلون الأحاديث مع معتز فتكلم واحدًا منهم بتهكم وإستخفاف فأضحك قلة ممن حوله......
لاحظ معتز ما حَدَث وقال:قوم أقف.
لم يقف ذلك الطالب فكرر معتز كلامه:قولتلك قوم أقف ولا عندك مشاكل في السمع؟!
أشار ذلك الطالب على نفسه وهو يقول:بتكلمني أنا؟!
معتز:إسمها حضرتك، وأه بكلمك إنت.
وَقَفَ وهو يقول:نعم.
معتز:قول كنت بتضحك وبتضحك الناس على إيه علشان نضحك معاكو.
-مكنتش بضحك.
معتز بإستهزاء:لأ عيب واحد في سنك يكدب، هتدخل النار.
