قام حازم بإندفاع وكان الغضب يسيطر عليه وأمسك برقبتها ودفعها ناحية الحائط وقال:لما إحنا عشرة لي تبيعي العشرة؟!
كانت نور تتكلم بصعوبة وتقول:إيدك يا حازم....ه...ه...هموت....
أخرج حازم هاتفه من جيبه وَوَجَهَهُ أمام عينها وقال:كنتِ بتشاوري لمين؟!
أشارت نور بيدها بأنه على وشك أن تنقطع أنفاسها فتركها حازم....
كانت نور تستنشق بصعوبة بالغة....
كرر حازم ما فعله ووجه الهاتف أمام عيناها وكرر سؤاله:كنتِ بتشاوري لمين.
نور بغضب:إنت مجنون إنت كنت هتموتني!!
حازم:وإنتِ موتي مراتي.
نور:إنتَ غبي ومُتخلف إحنا كنا متفقين نعمل لشروق مفاجأة وكنت بشاور للناس علشان ترمي البلالين والورد.
وقف حازم للحظه وإستجمع نفسه وقال لنفسه:إيه يا حازم، الغضب اللي طول عمرك بتتمكن منه خليته يتمكن منك....وفي مين نور يا حازم، نور اللي بالرغم إنها بتحبك إلا إنها أكتر واحدة ساعدتك علشان تبقى مع تُقى....
قطع شروده دخول والدة نور وهى تحمل القهوة وعندما رأت إبنتها وجهها شاحب وتأخذ أنفاسها بصعوبة وقعت منها القهوة وجرت عليها وهى تقول:نور...مالك يا حبيبتي؟!، إنتِ كويسه؟!
نور:أه يا ماما.
والدة نور:مال شكلك عامل كده لي ومش عارفه تاخدي نفسك.....كانت تقول تلك الكلمات وهى تنظر لحازم بشك.
نور:مفيش حاجه يا ماما حسيت بس بدوخة مش أكتر.
كان حازم على وشك الخروج ولكن أوقفته يد نور....
نور:أنا أه بحبك بس مش لدرجة إني أقتل صحبتي ملعون دا حب.
والدة نور بصدمة:قتل؟!، قتل إيه، هو في إيه حد يفهمني.
حازم:مفيش حاجه يا طنط....ثم نظر لنور وقال:أنا أسف سامحيني...ثم خرج.
كان حازم شاردًا وهو يقود سيارته....
"Flash Back"
حازم:ها بقا هتقولي أنا ولا أقول أنا؟!
نور:حازم متوترنيش إستنى.
حازم:في واحدة تقول للدكتور بتاعها يا حازم؟!
نور:أنا، وبعدين إنت أنقذتني مره من اللي كانوا بيعاكسوني وطلعت عارف بابا يعني براحتي.
حازم:براحتك يا ستي.
نور:طب ها مش هتقولي كنت عاوز تقولي إيه؟!
حازم:لا قولي أنتِ الأول.
نور:عمرك شوفت بنت هى اللي بتبدأ؟!
حازم:Girls First علفكرة.
نور:إلا دا، طب بص نقول مع بعض.
حازم:إيه شغل العيال دا!!
نور:يلا بقا هعد لغاية تلاتة يلا واحد، اتنين، تلاتة.
قام كلًا من حازم ونور بالتكلم في نفس اللحظة....
حازم:نور أنا بحب تقى، نور:حازم أنا بحبك.
تغيرت ملامح كلًا منهم وصُدمت نور مما سمعت...
حازم بتوتر:نور إنتِ....إنتِ بتقولي إيه؟!
نور وهى تحاول إستجماع نفسها:إنت....إنت....إنت قولتلي إمبارح إنك بتحب وإنك....وإنك.....إنت...إنت كنت تقصد تقى؟!
حازم:أنا إفتكرتك عارفه.
نور وقد خانتها دموعها وبدا أن صوت ضربات قلبها على وشك الإنفجار:حازم...أنا....إنسى أي حاجه سمعتها إعتبر إن مقابلتنا دي محصلتش خالص وكانت على وشك المغادرة ولكن أوقفتها يد حازم وصوته وهو يقول:نور إستني.
نور وقد بدا أنها تحاول تنظيم أنفاسها المتقطعه:حازم إسمعني إنتَ العمر مافيهوش غير صاحبة واحدة وأخ واحد تفتكر العمر فيه أد إيه علشان أخسر صاحبة زي تقى وأخ زيك؟!
حازم بندم:أنا مكنتش أعرف.
نور:أنا أسفة ولو سمحت مهما حصل تقى متعرفش الكلام دا وكمان محدش هيقولك تعمل إيه علشان تفاجإها وتتقدملها بشكل يليق بيها ويفرحها غيري، ربنا يسعدك يا حازم وطول ما إنت فرحان أنا هكون بخير...ثم قالت تلك الكلمات وذهب....
"Back"
أفاق حازم من شروده على إصتدام سيارته وإنقلابها وفقدان وعيه......
_______________________________
كان حازم يستعيد وعيه ببطىء عندما كانت نور بجانبه وممسكه بيده....
حازم بتعب:أنا فين؟!
قامت نور وضغطت على زر بجانب حازم ثم قالت:حمدﷲ على سلامتك يا حازم.
حازم:إنتِ مين؟!
"تُتَبَع"
بِقَلَمِي🖋:
"روضة رضا"
