[Unicode]
"အမွေကိစ္စတွေက သက်ဆိုင်သူ ၂၅နှစ်ပြည့်မှလွှဲပေးမှာဖြစ်ပါတယ် .. ကျန်တဲ့သက်ဆိုင်သူတွေကိုလည်းအဲ့နေ့မှာဘဲ လွှဲပေးပါမယ် ဒီအတော်အတွင်းမှာ အဘိုးနဲ့အဘွားရဲ့ လူယုံကဘဲစီမံပေးပါလိမ့်မယ် "
"သက်ဆိုင်သူက ဘယ်သူလဲ . . ဆယ်ဟွန်းလား "
မနေနိုင်စွာ ဝင်မေးတဲ့ အဒေါ်ဖြစ်သူကိုဆယ်ဟွန်း စိတ်ပျက်စွာကြည့်လိုက်မိသည်။အဘိုးဆုံးပြီး ၃ရက်နေတော့ အဘွားပါဆုံးသည်ကို လာမကန်တော့ကြ။အမွေကိစ္စရှေ့နေက လှမ်းဆက်ခေါ်တော့မှ ရောက်လာကြသည်။
"အဲ့တာတော့ ကျွန်တော်ပြောပြခွင့်မရှိပါဘူး .. ဒါလည်းသူတို့ရဲ့ ဆန္ဒပါ "
"လူယုံဆိုတဲ့ သူကိုဘယ်လိုယုံရမလဲ .. သူငွေကြေးအလွဲသုံးစားလုပ်နေရင်ဘယ်လိုလုပ်မလဲ "
"အဘိုးနဲ့အဘွားကတော့ သူ့ကို သွေးသားအရင်းတွေထက်ပိုယုံတယ်လို့ပြောလေ့ရှိတယ်ဗျ .. အဟမ်း ဒါလေးအသိပေးချင်လို့ ခေါ်လိုက်ရတာပါဗျ .. စိတ်မရှိရင် ကျွန်တော်ဒီအိမ်ကိုတစ်ခါတည်းသော့ခတ်သွားချင်လို့ ဖယ်ပေးလို့ရမလားမသိဘူး "
ရှေ့နေကြီးပြောလာတော့ ဆယ်ဟွန်းလည်းယခင်နေခဲ့စဥ်က ကျန်ခဲ့တဲ့ပစ္စည်းတွေထဲကလိုအပ်မယ်ထင်တာတွေကို အိတ်နဲ့ထည့်ယူနေလိုက်သည်။အမွေဆိုတာထိုက်မှသာ ရတာမို့လို့ ဆယ်ဟွန်းကတော့အမွေဆိုတာထက် အဘိုးအဘွားကိုသာပြန်လိုချင်ပါသည်။
"ခဏ "
ဦးလေးနှင့်အဒေါ်ထွက်သွားပြီး လိုက်ထွက်ဖို့ပြင်နေတဲ့ ဆယ်ဟွန်းကို ရှေ့နေကြီးက လှမ််းတားသည်။ဆယ်ဟွန်းလက်ထဲထည့်ပေးလာသည်က ခြံတံခါးသော့။
"ဆယ်ဟွန်းနေချင်သေးရင် ဆက်နေလို့ရပါတယ် "
"ဗျာ "
"ဒီအိမ်က ဆယ်ဟွန်းအပိုင်မို့ ဆယ်ဟွန်းဆက်နေချင်လည်းရတယ် .. သော့ခတ်ပြီး ပိတ်ထားလို့လည်းရတယ် .. ဆယ်ဟွန်းအဖေနဲ့အမေလက်ထပ်ပြီးတော့ ဒီအိမ်ကြီးကိုစဆောက်ခဲ့တာ မင်းနာမည်ကိုသူတို့ဘဲရွေးပြီး ဒီအိမ်ကြီးရဲ့ မြေပိုင်ဆိုင်မှုစာချုပ်ကို မင်းနာမည်နဲ့ချုပ်ထားတာ "
YOU ARE READING
In Your Arms Where I Wanna Be
Fanfiction[Zawgyi] "မင္းက ဆိုးလြန္းတယ္လုိ႔မထင္ဘူးလား " "ဝါးး .. ကိုကိုက စကားကို ၁၀လံုးေတာင္ေျပာလိုက္တယ္ !!? " ဆယ္ဟြန္းရဲ႕ေအးစက္လြန္းတဲ့ဘဝႀကီးထဲ ဂ်စ္တူးေကာင္ေလးဝင္ေရာက္လာတဲ့အခါမွာေတာ့ .. ။ 💫 In Your Amrs Where I Wanna Be 💫 [Unicode] "မင်းက ဆိုးလွန်းတယ်လို့မ...
