[Unicode]
" ကိုကို မနက်ဖြန် လေယာဥ်ဘယ်ချိန်လဲ လာကြိုမယ်လေ "
" ကိုကို ပြန်မလာဖြစ်သေးဘူး .. ဂျုံအင်ကိုပြောဖို့ မေ့နေတာ ကိုကို ဒီမှာခဏလောက်နေဖြစ်ဦးမယ် "
" ကိုကိုကလည်း ... "
ဆယ်ဟွန်း အင်္ကျီတွေကို အိတ်ထဲထည့်နေရင်းပြောလိုက်တော့ ဂျုံအင်ရဲ့အလိုမကျတဲ့အသံလေးထွက်လာသည်။တကယ်တော့ ခဏနေဆို သူလေဆိပ်ဆင်းတော့မှာဖြစ်သည်။
" ကိုကို တောင်းပန်ပါတယ်နော် .. ဂျုံအင် ဘွဲ့ယူတဲ့ပွဲအမီ ကိုကိုပြန်လာချင်တာပေါ့ .. ဒါပေမယ့် ကိစ္စလေးရှိနေတော့ "
" ကိုကိုကောင်မလေးရနေတာလား အဲ့မှာ "
ခပ်စူးစူးအသံလေးထွက်လာတော့ ဆယ်ဟွန်း သဘောတကျရယ်လိုက်မိသည်။ဒီကလေးကတော့ လျှောက်ထင်နေပြန်ပါပြီ။
" မဟုတ်ပါဘူး ဂျုံအင်ရယ် "
" အဲ့တာဆို ကျောင်းပိတ်သွားပြီကို ဘာလို့မနက်ဖြန်ပြန်မလာတာလဲလို့ .. ကိုကို ကျွန်တော်နဲ့ခွဲပြီး အဲ့ဒီမှာ ဘာဆက်နေစရာအကြောင်းရှိသေးလို့ "
" မူးနေတာလား ဂျုံအင် "
တဖြည်းဖြည်းလေးလာတဲ့ အသံကြောင့်ဆယ်ဟွန်းမေးလိုက်တော့ တစ်ဖက်ကအသံတိတ်သွားသည်။ဒီကလေး သောက်နေပြန်သည်။ဆယ်ဟွန်းတားမရတဲ့ထဲမှာ အသောက်အစားကိစ္စပါသည်။ဂျုံအင်က မသောက်ဖို့ပြောရင် ဘယ်တော့မှနားမထောင်။
" တစ်ယောက်တည်းလား .. ဘယ်မှာသောက်နေတာလဲ "
အင်္ဂလန်မှာ နေ့လည်၂နာရီမို့ ဆိုးလ်မှာည၁၀နာရီခန့်ရှိနေပြီ။တစ်ယောက်တည်းအပြင်မှာဆို ဆယ်ဟွန်းစိတ်ပူလွန်းလို့ရူးရချည်ရဲ့။
" မမူးပါဘူး .. လုံးဝ မမူးဘူး မူးစရာလား "
" ဂျုံအင် ဘယ်သူနဲ့သောက်နေတာလဲလို့ "
ခုချိန် မျက်နှာလေးမြင်ရရင် ချစ်စရာကောင်းအောင်နီရဲနေဦးမှာသေချာသည်။ဆယ်ဟွန်း ပြုံးလိုက်မိပေမယ့် စိတ်ပူတဲ့စိတ်ကပိုနေတာမို့ ထပ်ပြီးမေးလိုက်သည်။ဘယ်သူမှမရှိရင် ဝူဂျင်းဖြစ်ဖြစ်ဖုန်းဆက်ပြီး အိမ်ပြန်ပို့ပေးဖို့ပြောရမည်။
DU LIEST GERADE
In Your Arms Where I Wanna Be
Fanfiction[Zawgyi] "မင္းက ဆိုးလြန္းတယ္လုိ႔မထင္ဘူးလား " "ဝါးး .. ကိုကိုက စကားကို ၁၀လံုးေတာင္ေျပာလိုက္တယ္ !!? " ဆယ္ဟြန္းရဲ႕ေအးစက္လြန္းတဲ့ဘဝႀကီးထဲ ဂ်စ္တူးေကာင္ေလးဝင္ေရာက္လာတဲ့အခါမွာေတာ့ .. ။ 💫 In Your Amrs Where I Wanna Be 💫 [Unicode] "မင်းက ဆိုးလွန်းတယ်လို့မ...