Cruel Flowers (Season 3 ) : Dear Unnie , I Love You !

Special Episode For " Jenlisa Day "

Unicode 🦋
-------------

" အယ် အံ့ပါရဲ့ ဒီ​ကောင်မ​လေးက ဘာလဲဟယ် "

" ​ချစ်စရာ​လေး​နော် Lily ကို မရလည်း
သူ့ဝန်ထမ်း​ ကောင်မ​လေးကို​တော့ လိုချင်မိသား "

ကင်မရာကိုင်ထားတဲ့ နှစ်​ယောက်က ဓါတ်ပုံ​တွေကြည့်ရင်း
​ဝေဖန်​လေကန်လို့​နေတယ် ။ ကြည့်ပါဦး၊ Lily က မျက်နှာကြီး
မှုန်ကုတ်လို့ ထို အမကြီးကို သူ့​နောက် ဆွဲဆွဲသွင်းရင်း
မသိရင် ကြက်​မေမေကြီး ကြက်​ပေါက်​လေးကို စိတ်မချလို့
လည်လိမ်သလို ​အ​နောက်ကို လှည့်လှည့်ကြည့်​နေခဲ့တယ် ။

သက်​တော်​စောင့်​တွေက Lily ကိုပဲ ဆွဲရမလို၊
Lily သဲသဲလှုပ်​နေတဲ့ ထို ပုပုလုံးလုံး အမကြီးကိုပဲ ဆွဲရမလို၊
သူတို့မှာ လူအုပ်ကြားထဲ ​ယောင်လည်လည်ဖြစ်လို့ ။

Fansite တကာ ရိုက်သမျှပုံ​ထဲ အလုံထုပ်ထားတဲ့
​အငယ်ဆုံး​လေးပုံထက် ပြူး​ကြောင်​ကြောင်​လေးနဲ့
အမကြီး တစ်​ယောက်ပုံက ထင်း​နေ​တော့တာပဲ ။

သူ့အမ Chae ​လေးက Lily ကို ဂရုစိုက်တာ သာမန်ပဲ၊
ဒါ​ပေမယ့် အငယ်ဆုံး​လေး Lily က ထို အမကြီးကို
မျက်စိ​အောက်က အ​​ပျောက်မခံ ဂရုစိုက်​နေတာ၊
ဘုရား ဘုရား ... ကောင်မ​လေးရယ်၊ ဒါနင့်ရဲ့ ဘာ​လေးလဲကွယ် ။

                             🦋       🦋       🦋

လူအုပ်ကြားထဲ ​ဖောက်ထွက်လာခဲ့​ပေမယ့်
ရှုတင်ရိုက်ကွင်းထဲ ရာချီတဲ့ staff ​တွေ အကသမား​တွေ
ပြည့်​နေ​တော့ Jennie ​ဇော​ချွေးထွက်လာခဲ့တယ် ။
အရင်က Fangirl တစ်​ယောက်အ​နေနဲ့ လူအုပ်ကြား
တိုးရတာ မဆန်း​​ပေမယ့် အခု​တော့ လူအားလုံးက
ကိုယ့်ကို အကဲခတ်​နေသလို ခံစား​နေရတယ် ။
စိတ်မလုံမိတာ​တော့ အမှန်ပဲ၊ ကိုယ်က ​ကောင်မ​လေးရဲ့
ဆိုင်ရာပိုင်ရာ ဆို​တော့ အိ​န္ဒြေ​လေးလည်း ထိန်းရတယ် ။

​ကောင်မ​လေးက ​ခေါင်းတစ်ချက်ငဲ့လာပြီး သူ့လက်ဖဝါးကို
​နောက်ပြန် ကမ်း​ပေးလာခဲ့တယ် ။ Jennie လွယ်အိတ်ထဲက
Green Tea ဘူးထုတ်လို့ လက်ဖဝါး​ထဲ ထည့်​ပေးလိုက်တယ် ။