Cruel Flowers (Season 3 ) : Dear Unnie , I Love You !

Ep-12 (Uni/Zawgyi)

Unicode 🦋
------------

Lisa မိမိကိုယ်ပိုင် ခရီး​ဆောင်အိတ်​ကလေးဆွဲရင်း
မကြီးရဲ့အိမ်​ပေါ်​ကို ရောက်လာခဲ့တယ် ။
အမှိုက်ပုံထဲမှာ​နေရလည်း မကြီးကိုချစ်ရဲပါတယ်ဆိုတဲ့
အချစ်သူရဲ​ကောင်းပုံစံက အပြည့်အဝပင် ။
သို့​ပေမယ့် သူ့အချစ်ကြီးက မကြီးရဲ့အခန်းထဲ
​ရောက်​ရောက်ချင်းမှာပင် ပြုတ်ကျသွားခဲ့ရတယ် ။

" ​တွေ့လား ရှင်းလည်းမရှင်းထားဘူး "

" မကြီး အခုရှင်းမယ်​နော်
ပူတူတူး​လေးက Game ဆော့ပြီး​စောင့်​​နေ "

" အတူလုပ်မယ် "

အက်ျီလက်ကို​ခေါက်တင်ရင်း Lisa
ပျံ့ကျဲ​နေတဲ့ အဝတ်​တွေကိုစ​ကောက်ကာ
ခြင်း​တောင်းထဲထည့်တယ် ။ Jennie က
စာအုပ်နဲ့ ပုံဆွဲကိရိယာ​တွေကို ​သေချာ ပြန်စီတယ် ။

တစ်ခါမှမလုပ်ဖူးတဲ့အလုပ်​တွေကို မကြီးနဲ့မှ
လုပ်​နေရသူမို့ စိတ်ကမရှည်ဘဲ ​ဆောင့်​​အောင့်သံ​တွေက
ဆူညံလျက် အခန်းထဲမှာ ​​ဗြောင်းဆန်​နေခဲ့တယ် ။

အခန်းကမကျယ်​သော်ငြား ကြွက်နှာ​ခေါင်း​ပေါက်ထဲလည်း
မပါ၊ သို့​သော် နှစ်​​ယောက်သားနှုတ်ခမ်း​တွေက
ထူးထူးကဲကဲ လမ်းကြုံစွာပင် ဝင်ဝင်တိုက်ကြတယ် ။

အခန်းကို အကြမ်းထည်ရှင်းပြီး​တော့
ဖုန်​တွေသဲ​တွေကို တံမြတ်စည်းလှဲဖို့ Lisa ပြင်​နေတုန်း
မကြီးက ကုတင်​​ခြေရင်းမှာ ​ဒေါင်း​နေပြီ ။

" မနက်ဖြန်မှ လုပ်ကြရ​အောင် ပင်ပန်းတယ်လို့ "

" ​ဖုန်စုတ်စက်ယူပြီး နံရံမှာဖုန်သွားစုတ်​​ "

" ဧည့်သည်ကလည်း သိပ်အာဏာပြတာပဲ "

Lisa ရဲ့ ခါးကိုဖက်ရင်း ​ညှောင်နာနာ
ချွဲပြ​နေတဲ့ မကြီးကို မျက်​စောင်းလှမ်းထိုးလိုက်​တော့မှ
သွားဖြဲပြကာ အလုပ်ဆက်လုပ်​တယ် ။

အလုပ်​တွေပြီးတဲ့အချိန် Jennie
အိပ်ယာ​ပေါ် ဘုန်းခနဲ ပစ်လှဲချလိုက်တယ် ။
သူသိပ်ပင်ပန်း​နေပြီ၊ ​ခန္ဓာကိုယ်က
​သေ​လောက်​​အောင် ရိုက်နှက်ခံထားရသလိုပဲ ။