#فساد
#ibrahim_qurji
كل عام و انتم بألف خير
(عيد اضحى مبارك 🐏🐏)
#في_الحلقة_السابقة:-
1. معرفتنا بحادث اخ يوسف و موته مدبر ... و ضياع ولده ياسين
2. وفاة العرووس يوم عرسها
3. معرفتنا ان الضابط سراج ناوي يدير شي ليوسف فهل رح ينجح او لا
______________________
#الحلقة_3
سجى:قوول سراج شغلتني
سراج:خدي نفس عميق .... اءء اختك
سجى:خيرها اختي
سراج:اختك ماتت مقتوله مش موته طبيعية
سجى:بصدمه 😨😨 اءء شن تقول انت
سراج:اي صدقيني يا سجى اختك ماتت مقتوله و انتي تعرفي الشي هذا من البداية كانت خايفة من الزواج هذا
سجى:استنى شوي عليا بس ... فهمني
سراج:طلبت تقرير من الطبيب الشرعي و طلع سبب الوفاة في دواء خداته سببلها تضخم في القلب و هذا الشي خلاها تصاب بسكته قلبية
سجى:علامات الصدمة في وجهها ... و علاش ما قلتش من البداية
سراج:هذا مش موضوعنا توو ... موضوعنا انك لازم تكوني قريبة من يوسف كرمان ... و تجيبيلي اي دليل عليه
سجى:رفعت حاجبها بصدمة ... و شن علاقة يوسف كرمان بموت اختي
سراج:بكل سهوله ... هو اللي قتل اختك و اايوم مشيت باش نلقي القبض عليه طلع منها كالعادة بكل بساطة
سجى:حاطة يدها ع فمها بصدمة ... و سكرت الخط
سراج:تنهد بخبث ... ان شاء الله غير قدرت نأثر عليها بس و تجيبلي اللي قلتلها عليه
______________
نرجس:فقت الصبح غسلت وجهي و صليت و ندعي لربي يغفرلي ع اللي درته ... و طلعت وصلت للشغل و لقيته مقلوب فووق تحت
نرجس:خير شن في
ابرار:كانو في فلوس في الشنطة هاذي طلعوا ناقصات
نرجس:شهقت بتوتر ... و قداش المبلغ ان شاء الله غير مش هلبا بس
ابرار:ما نعرفش ... لكن تقريبا 3000 من فئة الخمسين
نرجس:معقولة في ناس ايدهم خفيفة هك ... حرام عليهم ... و في خاطرها يا رب سامحني و الله كنت مضطرة اني نأخدهم 😔
ابرار:انتي ما شفتيش حد مر من هنايا
نرجس:تبي الحق و لا ما نبيش نتهم حد ... بس شفت امل الافريقية فايته من الجهه هذي ... بس ما تقوليش لحد
ابرار:كوني مطمنة ... تو نعرف كيف نتفاهم معاها
نرجس:😊😊
__________________
عبير:واقفة ع البلكوني و تشرب في قهوتها ... به شن يصير تو يا حاجة
صالحة:في شن
عبير:في يوسف ... مش معقولة رح يسكت ع اللي صار هك مووت عروسته ... و يونس ... و ضياع ياسين كلها هذا سببله مشكلة نفسية ... احني لازم نلقوا زوجه مناسبة ليه ... و طلعه من اللي هو فيه
صالحة:انتي هك رأيك
عبير:اي يا حاجة
_____________
سجى:حاطة ايدها وراء رأسها و ادووور و هي تفكر شن بدير و هل الكلام اللي قاله سراج صح و لا ... رغم حبها ليه و مستعدة ادير اي شي عشانه ... قررت تأخد اكبر خطوة في حياتها ... خدت تلفونها و اتصلت
يوسف:بصوته الرجولي اللي يقتل الوووو
سجى:اءء يوسف معاي و لا
يوسف:اي تفضلي من
سجى:اني سجى اخت الرحومه حسنة
يوسف:الله يرحمها و يغفر لها ... تفضلي كيف نقدر نساعدك
سجى:في موضووع نبي نحكي فيه معاك
يوسف:ان شاء الله خير
سجى:لا خير بإذن الله
يوسف:خلاص امالا نص ساعة تعالي للقصر
سجى:تمام 😊
_________________🔥رواياتي🔥______________
_____________🔥ibrahim qurji🔥____________
