#فساد
#ibrahim_qurji
#في_الحلقة_السابقة:-
1. معرفتنا بعودة نهال بعد سنين ... بس كيف رجعت و هي ع اساس ميته ... من وراء اللعبة هذي ... و هل رح يستغلها سراج في مخططه او لا ... تابعوني 👇👇
_________________
#الحلقة 7
نجلاء:حاطة ايدها ع فمها بصدمة ... يا رب مصيبة مصيبة و طحت فيها ... حي عليا شن بندير لو حد علم بالمصيبة هذي ... ما فيش حل غير اني نتصل بيه ... و خدت تلفونها و ايديها يرعشوا ... اتصلت بيه مرتين ثلاثة و ما فيش رد 💔 حطت ايدها ع وجهها و هي حايرة شن رح يصير فيها 💔
__________________
مروة:فاتت لغرفة يونس و بدت تقلب في الحجرة و تشوف فيها نزلت عينها ع ملف فيه اوراق ... فتحاته و الصدمة ع وجهها من اللي قاعدة تشوف فيه و مش فاهمة شي ... كيف شخص يقدر ينهي حياة شخص بالسهوله هذي ... هنايا عرفت نفسي في ورطة و عايشة في قلب الفساد 😨😨 ... شفت صور مراءة مشوهة و مش باين منها شي و اوراق الطب الشرعي يأكد ان سبب الوفاة تعنيف زوجي و شوهلها وجهها ... مسحت ع وجهها و ردت الملف تحت السرير ... و طلعت 💔
_________________
سراج:خبط بإيده بقوة ع الطاولة ... ما تنرفزنيش قولي كيف دخلتي للبلاد و انتي ميته
نهال:رجعت شعرها للخلف ... اسمعني يا ضابط و لا نقيب و لا شرطي و لا اللي هو ... اني دخلت للبلاد بأوراق قانونية ... و لو في اي غلط اهو المحامي متاعي البرا تقدر تتفاهم انت وياه ... و اني طلعني
سراج:تحسابي رووحك في المانيا تفوتي بهوية مزورة و تبيني نقعد ساكت
نهال:اسمعني ... اني جاية هنايا عندي شوي اشغال لازم نخلصهم ... و بعدين راجعه من وين ما جيت
سراج:نقدر نعرف شن هما الحاجات اللي ناوية تكمليهم
نهال:اظني هذا الشي يخصني ... ووقفت بكل قوة ... اني الفترة هذي قاعدة في البلاد لو تبيني في شي تعرف وين تلقاني ... و جت بتطلع بس وقفها صوت سراج
سراج:الشي اللي جاية تكمليه ليه علاقة بيوسف كرمان
نهال:سكتت ثواني .... و شافتله مش قتلك هذي حاجة تخصني
سراج:راجعة عشان تنتقمي من يوسف كرمان و ع اللي داره فيك و لا
نهال:🤨 اهاا انت كل همك يوسف كرمان ... شن في بينك و بينه
سراج:جاوبي ع سؤالي
نهال:و كان قتلك اي يعني ... شن رح ادير تحبسني مثلا
سراج:ابتسم ... مش لازم نحبسك ... مرات نساعدك في الشي هذا
نهال:كيف ما فهمتش كيف تساعدني
سراج:اسمعيني كويس ... لو وصلنا لحل نكونوا متفاهمين
نهال:رجعت شعرها خلف وذنها ... اممم نسمع منك
________________
سجى:لبست سروال جينز ازرق مع بلوزة كحلا مع كاب وردي و نزلت شعرها مع بوت بني ... نزلت صباحو قايز
محسن:يشرب في القهوة ... صباح النور
منى:صباح النور بنتي
سجى:شن صار فيكم بتمشوا
محسن:اي بنمشوا ... التاكسي قريب توصل
سجى:بنستاحشكم هلبا اسبوعين يمااا ... بتخلوني بروحي 😢😢
منى:حضنتها ... وينها بنتي القوية اللي ما يقدر يهزها والي ... و بعدين مش قتلك مش رح تقعدي بروحك ... و الحاجة صالحة رح تحطك في عيونها و مش رح تخلي حد يقرب منك
سجى:لا يما اني قتلك في هذاك الحووش ما نبيش نقعد كان هذا نمشي معاكم ... و طلعت شافت انس واقف يستنى فيها
سجى:اوووف يا رب امتى نتخلص من البشر هذوم
انس:فتحلها الباب ... تفضلي
سجى:ركبت من غير ما تتكلم ...
انس:حرك السيارة
