فساد

الحلقة 6 🔥🔥

#فساد

#ibrahim_qurji

#في_الحلقة_السابقة:-

1. معرفتنا ان في شخص رح ينضم للعبة الانتقام ... بس يا ترى هل رح ينجح او لا 🤷‍♂️
2. معرفتنا بظهور الخاطف .. بس شن يبي من يوسف و من يكون هذا
3. شن موقف سجى بعد ما تلفتت و شافت اللي وراها ... تابعوني 👇👇
_________________

#الحلقة_6

في المطار ( النداء الاخير للرحلة )

رجل:شن درتي انتي شن المصيبة هذي اللي جايبتيها
البنت:هذي اللي بتتكمل انتقامي
رجل:بس انتي هك رح تفسدي الخطة كلها و ادخليها في بعضها
البنت:😑😑 هذي حاجة ترجعلي ... بتمشي معاي هي كان هذا .....
رجل:استغفر الله و خلاص ... بس يكون في علمك لو عرف يوسف بالمصيبة اللي جايبتيها معاك رح ينقلب عليك الانتقام
البنت:ما يهمنيش 😌😌
___________________

سراج:نبي نعرف شن صار معاك ... معادش كلمتيني
سجى:اليووم بس كيف بديت ... مزال ما صارش شي
سراج:به دورتي و لا شن
سجى:تي نقولك مزال يا سراج
سراج:به يا سجى ... بس حاولي المرة هذي تقربي منه و خليه يوثق فيك
سجى:صدقني يا سراج رح ندير اي شي باش نخلي يوسف يوثق فيا ... و تلفتت ع وراها و بلعت ريقها بخوف 😰😰 ... اءء انت ... و سكرت الخط
عماد:خيره لونك خطف هك ... و في من كنتي تكلمي
سجى:🤨🤨 ... اظني هذي حاجة ترجعلي ... و انت ما عندكش دخل ... برا اقلب من وجهي ... و مشت
عماد:مسكها من ايدها ... مش عارف كيف يووسف وثق فيك و دخلك هنايا ع القصر ... بس اني مش رح نوثق فيك ... و رح نقعد وراك لعند ما نعرف شن السبب اللي خلاك توافقي ع الشغل هذا ... بس صدقيني رح تندمي
سجى:بعدت ايده ... المهم الحاجة و يوسف واثقين فيا و الباقي طز ... و مشت 😌 كملت باقي المعالجة
_________________

امنة:حاطة رأسها بين ايديها
عماد:باس ع رأسها ... خيرها الحنينة اليووم طايرتلها
امنة:تفكر بعمق ... اطلع من بالي يا فرخ
عماد:لا شكله الموضووع كبير هو ... احكي شن اللي صاير معاك ... بووي زعلك في شي
امنة:خدت نفس عميق ... و بدت تحكي
عماد:كان مش مستوعب امه شن قاعدة تحكي ... ساكت و خلاص 🙄
.
.
.
يوسف:كان ماسك التلفوون ... و ساند رأسه ع كرسي المكتب و هو يفكر و مش عارف شن اللي قاعد يصير معاه كل ما يشوف سجى ... قلبه يفز من مكانه ... وقف و شاف من البلكوني ... كيف سجى تعالج في رندة خدي بعضه و قوى قلبه و نزل يشوف فيهم ❤

_________________🔥رواياتي🔥______________
_____________🔥ibrahim qurji🔥____________

سجى:حاولي انك تحركي رجلك ترا هك
رندة:بصعوبة تحاول تتحرك ... بس كانت تتوجع
سجى:ما تضغطيش ع رووحك حبيبتي ... حاولي بالشوي ... و بعدين احني مزال في بداية العلاج ... و صدقيني رح تصيري احسن من قبل 😊
رندة:اكيد ما عنديش شك ... بس يا ريتك تقعدي ديما هنايا لاني بجد ارتحتلك من كل قلبي و كل اللي في الحووش حتى هما ارتاحولك
سجى:من قصدك كل اللي في الحووش ... كان ع نجلاء و لا عماد ... لا يا ودي ما نبيش منهم محبة يا وخيتي ... منضرهم باين عليه الشر
رندة:ضحكت بعفوية ... لا ما نقصدش ع عليهم اني ...
سجى:امالا ع شن تقصدي 🤨
رندة:شوفي وراك ...
سجى:تلفتت و شافت يوسف واقف و يشوفلهم ... ابتسمت له
يوسف:بادلها نفس الابتسامة ... و اشرلها ب 👌👌 بمعنى ممتاز
سجى:رجعت عيونها ع رندة ...
رندة:شفتي و لا ... صدقيني يوسف خووي اعجب بيك من اول ما فتي للحوووش
سجى:شافتله ليوسف بكره ... و رجعت عيونها ع رندة ... نفضت ايديها ... هي هكي نكون كملنا
رندة:ما تزعليش مني يا سجوو ... و الله نظرات يوسف خوي نزبطهم لما يعجب بالشخص
سجى:لا ما زعلتش ... و في خاطرها قدرت نسيطر عليك يا يوووسف
.
.
.
عماد:شن اللي قاعد نسمع فيه يما و مش مستوعب شي
امنة:حتى اني نفس الشي و خايفة يا ولد
عماد:ما تخافيش يما طالما اني معاك ... و احني بنديروا الشي هذا لمصلحتنا
امنة:و خايفة تنقلب علينا المصلحة
عماد:مسك ايد امه ... كوني واثقة اني مش رح نخدلك ... و رح نجيب حقنا 
__________________