#فساد
#ibrahim_qurji
#في_الحلقة_السابقة:-
1. معرفة الكل بحمل نجلاء
2. صدمة الكل بقرار يوسف بزواج نجلاء و انس و بزواجه هو و سجى
3. معرفه مروة بقصة موت زوجة يونس
4. ظهور شخصية الكوبرا ... و عندها ايد في في اللي قاعد يصير في القصر
_________________
#الحلقة_11
الكل ساكت بصدمة و ذهول من القرار اللي خذاه يوسف بالزواج ... سجى معلقة عيونها في يوسف
نجلاء:بعصبية ... لا يا بابا خلاص يكفي سنين و احني عايشين تحت رحمتك بس توا خلاص قرارك مشيه عليك ... ما تمشيشي علينااا خلاص يااسر ... و الخادم هذا اللي عندك اني مش رح نتزوجه لو نموووت
يوسف:هيييي خلااص و قدملها ... بس تدخلوا بينهم مروة و صالحة ... اسمعيني كويس لو ما تزوجتيش من انس لا انتي اختي و لا نعرفك فاهمة و لاااا
صالحة:يااااسر يا يووسف ... صح نجلاء غلطت بس المفروض انك ما توافقش ع قرار زي هذا ... و بعدين كيف ما تستشارنيش في موضووع زي هذا يخص سمعتنا يا يوسف
يوسف:شاف لسجى اللي عيونها مزال معلقاات فيه ... اني اللي عليا قلته يا حنااي و الخميس الفاتحة ... و ركب بعصبية
سجى:ركبت بدوون ما تحكي و لا كلمة
مروة:مسكينة البنت مش مستوعبة اللي صار فيها ... الصبح مشكله و توا مشكلة ثانية ...
يحيى:خلاص يا مروة اركبي الفووووق
مروة:بس ....
يحيى:كلمة هي بري اركبي
__________________
ثاني يوووم ⛈⛈
يوم غائم و ممطر و الجوو مصقع ... بس في قلووب مزالت باردة زي برادة الثلج ما تبيش تدفأ ابدأ 💔
سجى:وعت و هي مزالت عليها اثااار الصدمة من اللي سمعاته ... غسلت وجها مرتين ووثلاثة تحت المية الدافية باش تنسى شن سمعت ... بس كلام يوسف قاعد يردد في وذنها ... خدت تلفوونها و اتصلت بسراج
سراج:تي وينك الزفت من امس نتصل بيك ما نحصلش فيك وين كنتي
سجى:بكلمات سابقتها صووت بكاها ... انت شن درت فيا كيف تحطني في موقف زي هذا يا سراج
سراج:احكيلي شن صايرلك و خيرني شن درتلك اني
سجى:نكرهك سراج نكرهك دمرتلي حياتي يا سراج نكرهك ... و سكرت الخط في وجهه ... و دفنت رأسها في المخدة و بدت تبكي
سراج:مش مستوعب اي حاجة ... عاود اتصل بيها مرتين ثلاثة بس ما فيش رد 💔
.
.
.
عبير:ماسكة علبة الدواء ... تفضلي يا حاجة
صالحة:صحيتي
عبير:شفتي يا حاجة شن يدير يووسف و لا لانقني معادش عرفت كيف نتصرف معاااه ... تو في قصة نجلاء اي من حقه يعصب عليها و يأخدها اي شخص باش يستر عليها ... به شن قصة البنت سجى علاش يتزوجها و هي اصلا رح تمشي بعد ما يروحوا اهلها و لا
صالحة:تنهدت ... اهلها مزال مش مروحين ... خالتها زادت ساءت حالتها و دخلوها للعناية ... معناه مزال معطلين
عبير:هذا اللي كنت خايفة منه من البداية ... جيتها هنايا و سكنتها و ع اساس اخصائية علاج طبيعي باش تعالج رندة ... هذا كله مش خاش رأسي ابدأ
صالحة:يعني نلزوا البنت و نخلوها بروحها و هي في الاصل امانه
عبير:لا مش نلزوها يا حاجة ... بس نبطلوا الزواج هذا و مش رح نخلووه يكمل
صالحة:بس يووسف خطط و جهز كل شي و خلاص
عبير:تنهد ... و في بالها ان سجى تخطط من البداية تفووت ع القصر و ادير اي حاجة بحجة انها تعالج في رنده ... بس دبارك عندي يا بنت الكلب لو ما فسدتش احلامك الوردية اني ما نتسمى عبير 😡
_________________🔥رواياتي🔥______________
_____________🔥ibrahim qurji🔥____________
ماجدة:طق طق طق
سجى:من تحت المخده ... واضحات عيونها منفخات من البكيي ... ها شن مزال تبوا مني
ماجدة:اءء ... الاستاذ يوسف يبيك يا سجى
سجى:شن مزال يبي مني بعد كل شي داره شن مزال
ماجدة:ما نعرفش ... بس هوا يستنى فيك في المكتب
سجى:نزلت من ع السرير و غسلت وجهها و مشت للمكتب ... و في بالها انها تنهي المهزلة اللي صارت امبارح بأي طريقة
.
.
.
طق طق طق
يوسف:ماسك علبة في ايده ... فوتي
سجى:اول ما فاتت هجمت عليه ... علاش درت فيا هك يا حيوان يا واطي ... من قال اني نبي نتزوجك و نعيش معاااك ... شن تبي مني
يوسف:ماسكها من ايدها .... اهدي اهدي يا بنت تو نفهمك بكل شي غير اهدي
سجى:ما نبيش نفهم ... و يكون في علمك المهزلة االي صارت امس ....
يوسف:اللي صاير ان ما نيدبيش اي شي يصيرلك لان انتي امانه من عمي محسن ... فما نبيش اللي صارلك مع عماد يتكرر مع شخص ثاني
سجى:ههههههه ضحكتني ... تو ع اساس مداير الشوو هذا و الزواج كله لانك خايف عليا يتكرر موفق عماد مع شخص اخر ... اكذب كذبة اخرى
يوسف:تبي تصدقي به ما تبيش هذي حاجة ترجعلك ... و بعدين 3 شهور و تطلقي و تأخدي كل حقوقك
سجى:اي حقوق تبيني نأخدها ترا بالله
يوسف:لما تكوني مرت يوسف كرمان ما فيش ذكر يقدر يقرب منك ... و بعد كم شهر ... تأخدي حريتك و تكملي حياتك ... و بعدين ما تخافيش مش رح نلمسك ... كلها فاتحة و كل واحد يقعد وين ما يبي و يرقد وين ما يبي ... الا لو انك حبيتيني فبعدين هذا شي اخر ... المهم بووك رح يجي و يقرأ الفاتحة ... فلهذا جهزي رووحك من توااا
سجى:في احلامك ... و طلعت بغللللل
يوسف:صدقيني رح نأثر فيك زي ما اثرتي فيا يا سجى ❤
___________________
سراج:بعد ما فقد الامل من الاتصاال بسجى ... اتصل بنهااال
نهال:اووو الضابط سرااج ... تفضل كيف نقدر نساعدك
سراج:ويين انتي
نهال:اممم سؤال غريب ع شرطي زيك ... قاعدة في الفندق وين بنكوون يعني ... سن في حاجة
سراج:لالا ... بس ممكن نبدوا في الخطة في هاليوومين
نهال:بإستغراب ... اممم يومين ... به حلوووو
سراج:تمام امالا سكري هي
نهال:قعمزت و خدت رشفة من القهوة ... و شافت للسرير شافت بنتها ... كله عشانك يا بنتي ... ره كان هذا ما خليتكش تتورطي في اللعبة هذي 😔
.
.
.
سجى:ادوور في الحديقة و تشووف في الورود و الفراشات ... رغم انه الجوو بارد ... تحكي مع رووحها ... علاش وصلت لهنايا اني ... مش كان طلعت منها اللعبة افضل ... ره كان هذا تو مع ماما و خالتي ... به زعما كلام سراج ع يووسف صح ... بس اني ما شفتش عليه شي يخليني نشك فييه
سراج:بسست بسست
سجى:شافت من فووق السوور و شافت سراج و شهقت ... انت شن ادير هنايا
سراج:انشغلت عليك من بعد الكلام اللي قلتيه ليااا ... شن في احكيلي
سجى:فقدت اعصابها ... و بدت تضرب فيه ع صدره كله منك كله منك يا سراج علاش حطيتني في الموقف هذا ... اهو تو اني مضطرة اني نتزوج من المتخلف هذااك 😔
سراج:بإبتسامه خبث ... هذا افضل حل اديريه
سجى:شافتله بحقد ... اني نقولك يبي يتزوجني و انت تقولي افضل قرار
سراج:اشبحيلي حبيبتي ... هذا افضل قرار توو و انتي لازم توافقي ع الزواج ... و تكسبي ثقة يووسف و تجيبيلي دليل يخليه مرمي طوول عمره في الحبس لعند ما يعفن فييه ... و بعدها كل هذا يصير ملكك انتي
سجى:شن التفكير الخامر هذا اللي تفكر فيه ... كيف هكي نهون عليك و تبيعني عشان شي انت تبيه ... كل شي تربح قضية يوسف كرمان و تحبسه ... بش اني رح نوافق مش عشانك انت ... لا لانه ضحك عليا و خلاني عبره لمن اعتبر ... بس صدقني في اقرب وقت يا سراج رح ننفصل عليك ... و فاتت من جنبه
سراج:في باله ... اصلا اني ما نحبكش يا مريضة ... بس اللي رح اديريه لمصلحتي ... و بعدين حتى انتي بحح 😈
_________________🔥رواياتي🔥______________
_____________🔥ibrahim qurji🔥____________
الكوبرا:اي زي ما سمعت يووسف رح يتزوج من هذيك البنت ... لو ان البنت قريبه منه رح تفسد علينا مخططنا كله
شخص:به شن ناوي ادير
الكوبرا:اللي لازم يصير ... احني لازم نتخلصوا من البنت قبل ما تنقرا فاتحتها ع يووسف
شخص:و كيف رح اديري شي زي هذا
الكوبرا:ساهلة ... بنفس الطريقة اللي ماتت بيها اختها 😈😈
__________________
بعد يوومين في القصر
رغم ان الجوو كان مشحوون من كل القرارات اللي صارت بس سجى وافقت ع يوسف بحكم شرحلها كل شي ... و نجلاء وافقت ع انس لانها كانت مجبورة و ما فيش حل قدامها ...
في هالجوو المشحوون و اللي كل واحد مش طايق رووحه ضرب الجرس ... و فاتت بنت لابسه خماار
كلهم:بإستغراب 🤨 من هذي
نهال:قامت الخمار ... اني يا يوسف كرمان المرأة اللي امرت بقتلها و هي حامل ... و اهو اليووم رجعتلك و شووف من معاي ... قدمت بنت في عمر 5 سنين ... اي ركز فيها كوييس ... هذي بنتك اللي حاولت تقتلها و هي في بطني ... كلهم مصدومين من اللي سمعووه بس الصدمة الاكبر كانت ع عيوون سجى 😲😲 #يتبع
