#فساد
#ibrahim_qurji
#في_الحلقة_السابقة:-
1. موت نهال
2. نهال تحكي لسجى عن الكوبرا 🙃
3. حمل سجى المفاجأ 😧
________________
#الحلقة_16
انس:طق طق طق ... و خش ... شن يا مرت خوي جاهزة
الدكتور:اءء المدام سجى طلعت من بكري
انس:تي كيف طلعت من بكري و هي توا كيف كانت عندك
الدكتور:اهدى يا استاذ ... اني وصفتلها ع ادوية و اكيد مشت للصيدلية باش تجيبهم
انس:طلع و خلاه ... و بدي يدور ع سجى في كل المستشفى ...
صالحة:ها شن يا انس وين سجى
انس:مش عارف عليها وين مشت ... الدكتزر قالي انها طلعت من بكري من المعاينة
صالحة:تي كيف طلعت من بكري ... وين مشت اللطف
انس:يا حاجة انتي خليك هنايا ... و اني نمشي نشوفها بلك مشت للسيارة
صالحة:به ما تعطلش يا ولدي
__________________
سجى:كانت في مكان مهجور زي الهنقر ... عيونها مغمضات و فمها مسكر ... كانت تسمع في كلامهم ... من غير ما تتحرك او تقول اي كلمه 💔
شخص1:اهو تو جبناها هنايا ... شن مزال تاني
شخص2:المعلم شن قالنا ... نخطفوها و نجيبوها هنايا و خلاص
شخص1:انت هذا اللي فالح فيه ... تأخد في الاوامر من شخص مش معروف هل هو موجود او لا ... و لا بزيادة مسمى روحه الكوبرا
سجى:اول ما سمعت كلمه الكوبرا ... بدت تبكي و تدعي لربي انها ما يصيرش فيها زي ما صار لنهال
شخص2:بإمكانك رفضت ... بس انت ع شان الفلووس ادير اي شي ... حتى لو قالولك اقتل ... تقتل
شخص1:من ما يحبش الفلووس هو ... اني كان مش ع شان ولدي و علاجه ... ره ما خشيتش معاكم في المهزلة هذي بكل
شخص2:بإمكانك تتراجع حتى تواا 😒
شخص1:تنهد ... و قدم ع سجى و بدي يلمس في وجهها ... اسمعيني احني عبيد مأمورة ... لو بتبدي هادية ... رح يمشي كل شي زي ما نبو ... كان هذا السلاح يستنى فيك
سجى:هزت برأسها ... بمعنى تمام
شخص:اني رح انحي عنك الفوطة من فمك ... اي غلط نحس بيه رح تموتي ... و بعد من ع فمها ...
.
.
.
سجى:تتكلم بصعوبة ... انتم شن نبوا مني ... و علاش خطفتوني
شخص:احني ما نبوا منك شي ... بس نبوا من عيلتك
سجى:اءء بس اهلي مسافرين
شخص:اي نعرف ... مش من اهلك انتي ... من اهل راجلك
سجى:تبكي ... بس انا شن دخلني ... حرام عليكم ما اديرش فيا شي ... الله يستر عليك ... اءء اني حامل
شخص:بعد من عليها ... سمعت و لا البنت طلعت حامل
شخص2:ما عندناش دخل فيها ... زي ما يقول المعلم ... احني انفذوا
___________________
يوسف:و هذي القصة يا عمر
عمر:يصب في القهوة في الفنجان ... و الله نصيحة مني يا غالي و لا اعترفلها ارجل
يوسف:زعما ... انت تزبطني في الحاجات اللي زي هك مش اوي ... و لساني يرتبط
عمر:و الله اني نصيحة و قلتها و انت حر
يوسف:ضرب تلفونه ... دقيقة بس ... ها يا انس
انس:اءء يوسف وين انت
يوسف:في المعرض وين بنمشي ... علاش شن في
انس:يحك في رأسه ... شن بنقولك
يوسف:انس احكي شن صاير ... حناي فيها شي سجى فيها شي ... احكي يا سي 🤬🤬
انس:خدي نفس عميق ... سجى مرضت شوي ... و رفعناها للعيادة
يوسف:شن فيها ... و في اي عيادة انتم
انس:ما فيها شي اغمى عليها بس
يوسف:قولي في اي عيادة ... اني جاي مسافة الطريق
انس:اءء .....
يوسف:في شي ثاني ... بعصبية احكي
انس:سجى مش مقابلة في تي مكان في العيادة و كأنه الارض انشقت و بلعتها
يوسف:انهد حيله ... و قعمز ع الكرسي ... تءء انت شن تقوول كيف اختفت هك ... تقلب العيادة فوق تحت ... و لو اضطر الامر انك تسكرها و معادش تخلي حد يطلع منها و لا يفووت ... لعند ما نلقى سجى ... خدي مفاتيحه و طلع
عمر:يوسف يوسف استنى ... شن صاير
يوسف:انت دير بالك ع المعرض يا عمر ... و لما نجي نحكيلك
