#فساد
#ibrahim_qurji
#في_الحلقة_السابقة:-
1. معرفتنا ان سراج و سجى يخططوا باش يطيحوا يوسف في شر اعماله
2. معرفتنا في سر قديم خايفين انه ينكشف بخصوص البنت اللي اسمها نهال
3. اتصال مفاجأة قلب عقل يوسف فوق تحت شن رح يصير معاه ... تابعوني
_________________
#الحلقة_5
يوسف:ركب سيارته و لحقاته سجى
سجى:استنى وين ماشي و مخليني هك
يوسف:اطلعي من ام رأسي ... و برا اقلبي وجهك
سجى:حاطه ايدها في نصها ... و قامت حاجبها ... نعم نعم ما سمعتش
يوسف:مسح ع وجهه ... صبرك يا رب ... انس خوود المصيبة هذي من قدامي خير ما نرتكب فيها جريمة تو ... و فتح باب السيارة
سجى:سكرت الباب بالقوة ... اسمعني علاش تتصرف هك
يوسف:كان نعرف من مسلطك عليا بس في هاليووم الاغبر بس 😡
سجى:انلا اصبر نكلم فيك ... فتحت باب السيارة ... بنمشي معاك
يوسف:شبحلها بنظرة جدية ... انزلي
سجى:لا بنمشي معاك لعند ما توافق اني نعالج اختك
يوسف:شبحلها من جديد ... و فتح الباب من جهتها ... هيا كلمة و ما نحبش نعاود كلامي ... انزلي
سجى:سكرت الباب ... و شافتله بتحدي شن بدير
يوسف:تحملي ما يجيك امالا ... وولع سيارته و طلع بسرعة رهيبة
________________
مروة:واقفة في المطبخ و ماسكة السكين و تقشر في البطاطا ... و تفكر اني لازم نربح ثقة الحاجة كان هذا مش رح نأمن ع رووحي بين العيلة المهبولة هذي
عبير:فتحت شيشة المياه ... و قربت منها كبت المياه عليها ... اوو اسفه
مروة:بتهبلي و لا شن انتي
عبير:شن شن عاودي شن قلتي يا قليلة الادب يا حيوانه
مروة:قامت السكين اللي في ايدها و حطاته ع رقبتها ... اسمعيني كويس بتحبيني بتكرهيني مشكلتك اما انك تعامليني معاملة كلاب هذي ما تمشيش معاي ... عزوز الشر ... و مشت و خلتها ...
عبير:اني اللي ترفعي عليا المووس يا حيوانة ... ما نتسمى عبير لو ما ندمتك ع اليووم اللي جيتي فيه للقصر هذا ... و الايام بينا 😠
________________
ترن ترن ترن
يوسف:يسوووق بسرعة جنونية ... رد ع التلفون و فتح السبيكر ... الوووووو
راجل:حياة ولد خووك رح تكلفك هلبا يا يوسف كرمان
يوسف:وقف فرام فجأة في نص الطريق ... خلا سجى خبطت خشمها ع الفودرا متاع السيارة ... اءء شن نقول انت ... شن درت في ياسين
راجل:لتوا ما درتش شي ... بس صدقني رح ندير
يوسف:لو انت راجل ... واجهني بروحي و طلع الولد من المشكلة
راجل:هههههه .... المهم تعال في المكان اللي بنبعته لك توا ... و بعدها نحكوا راجل لراجل ... و سكر الخط
يوسف:حط رأسه ع الدومان ... و هو يفكر ... شاف يمينه شبح سجى حاطه ايدها ع خشمها و ينزف ... طلع منديل و عطاهالها ... شفتي عنادك لوين يوصل فيك
سجى:خدت المنديل و مسحت خشمها ... شن بدير تووو
يوسف:بنمشي نجيب ولد خووي كيف شن بندير ... و تو بتروحي زي البنت الفالحة فاهمة و لا
سجى:هزت برأسها ... به و الشغل شن رح يصير فيه
يوسف:تعالي ابدي من بكرا
سجى:نصدمت من ردة فعل يووسف ... انت صح اللي تقول فيه و لا اني محصلة ضربة ع رأسي
يوسف:لو ما تبيش الشغل عادي ره نشوف وحدة اخرى
سجى:لالا نبيه بجد الشغل هذا ... و نزلت من السيارة
يوسف:مسكها من ايدها ... عيوني عليك و مش رح نخليك بروحك ... فاهمة و لا
سجى:هزت براسها ... نجيه يا رب ... و نزلت و هي تسب و تلعن في روحها ... كيف قدرت ادير شي زي هذا و خاصة مع شخص تكرها هك من غير سبب و مش متعرفه عليه غير يومين بس
يوسف:تغيرت ملامحه لجدية و اتصل ب انس و حكاله ع كل شي ... و طلب انه يجهزله شوي شباب باش يدير هجمة ع الخاطف
____________________
في الليل 🌫🌫
مروة:مقعمزة ع حافة السرير ... ما سمعتهاش شن قالت اليوووم ... ما خلت كلمة و ما قالتها
يحيى:انتي عاطيتيها قيمه اكبر من اللازم ... ها شوفيني اني كيف محتفرها و ما ندورش فيها ... حتى انتي ديري هك
مروة:سكتت ... و هي تفكر
يحيى:خدي البطانية ... لما تكملي تفكير طفي عليا الضي
_________________🔥رواياتي🔥______________
_____________🔥ibrahim qurji🔥____________
ثاني يووم 🌫🌫
رغم انه كان الجووو مغيم بس كان حلووو و جو طلووع
سجى:فاقت الصبح و دوشت و غسلت و لبست سروال جينز واسع شوي و بلوزة كحلا و كاب وردي و فردت شعرها الاصفر المائل للذهبي و لبست بووت اكحل ... و نزلت ... صباح الخير يا عيلة
منى:صباح الورد ... وين ماشية بالنشاط هذا
سجى:ما قتلكش ... حصلت شغل
منى:بإستغراب ... وين حصلتيه بالسرعة هذي 🤨
سجى:تشرب في العصير ... رندة اخت يوسف مش صايلها حادث و سببلها اعاقة ...
منى:اممم به
سجى:خلاص يما امس كلمتني الحاجة صالحة و قالتلي نبيك اديري علاج طبيعي للبنت ... و اني وافقت
منى:به علاش ما عندناش العلم اني و بوووك
سجى:ما اديريش منه رأس موضووع يما ... هي وقت اني تأخرت ... سلامات ... باست ع رأسها و طلعت ❤
_______________
يوسف:فاق ع صووت المنبه ... كانت الساعة 9 اول ما فاق جت في باله صوورة سجى كيف عانداته و كيف خبطت السيارة و ركبت معاه ... رجع حط رأسه ع المخدة ... و عقله بدي يرفع و يجيب ... لو انها سجى باعتها شخص عشان تتجسس عليه ... لانه اصرارها ع الخدمة عندها مش طبيعي ... بعت رسالة لأنس بأنه يراقب كل حركاتها ...
.
.
.
مروة:صباح الخير
صالحة:صباح النوور يا بنتي
مروة:كيف حالك اميمة اليووم ان شاء الله كويسة
صالحة:الحمد لله يا بنتي ... وينك لا عاد درتي طله و لا شي معقولة هك ... و لا يحيى واخد كل شي
مروة:خجلت و نزلت رأسها ... لا و الله يا اميمة ... بس هك و خلاص ... لكن حقك عليا اليووم طاسة قهيوة من يدياتي
صالحة:تسلم يدياتك يا بنتي ❤
عبير:كانت تراقب في حركات مروة و عارفه انها تغيظ فيها و هيا كانت تحرق من داخلها 🔥🔥
___________________
في مكان اخر و بالتحديد المانيا
بنت:كانت واقفة ع البلكوني و تشرب في القهوة و ماسكة الايباد ... ضحكت بهزوة
رجل:حضنها من خلف ... شن جاهزة
البنت:طوول عمري و اني نستنى في اللحظة هذي ... طوول العمر و اني النوم مفارقني و نستنى امتى نشوف لوجه و عيونه ... هل هو قاعد زي ماهو و لا تغير ... نبي نوقف قدام وجهه ... و نقوله البنت اللي تحسابها ميتة اهي اليووم واقفة قدامك و رح تنتقم منك ع كل شي درته ليا
راجل:بس احني ما اتفقناش هك ... لازم نلعبوها صح باش تكملي انتقامك ع اكمل وجهه
البنت:شافت للساعة المعلقة ع الحيط ... امتى قتلي موعد الطائرة
راجل:بعد 4 ساعات
البنت:خلاص امالا عطيني ساعة نمشي نجيب حاجة و نجي
راجل:و مهمة الحاجة هذي
البنت:اكيد ما يكملش انتقامي الا بيها هياااا 🔥
_________________
طق طق طق
عفاف:تفضلي
سجى:اءء اني دكتورة العلاج الطبيعي الخاصة برندة
رندة:اها وصلتي ... خشي تفضلي حكالي عليك خووي يووسف
سجى:في خاطرها ... غير زعما شن حكالك عليا خووك المغرور هذا ... و خشت
.
.
.
عماد:اوووف من الطرف هذي اضرب هي 😍
نجلاء:واقفة اعلى الدرج ... هذي دكتورة العلاج الطبيعي الخاصة برندة ... جابها اليووم يوسف ... اععععع شن عجبك فيها بس ... منظرها تقول طرف سبول هي و شعرها الاصفر
عماد:بس اعترفي هي احلى منك
نجلاء:ناس مريضة و نزلت من جنبه ... اهلا
سجى:اءء اكيد انتي نجلاء
نجلاء:اي حبيبتي ... في شي
سجى:لا شي بس سبحان الله ما فيش شبه بينكم ابدأ
نجلاء:اي واضح اني احلى
سجى:لا مش قصدي هك ... بس بصراحة و لا هيا احلى
عماد:صفق من فووق اهو القصف و لا بلاش 😂😂
نجلاء:بعصبية ... اسكت انت ... و انتي الهي في شغلك
رندة:هي نطلعوا البرا يا سجى ... بعد اليوم الجوو حلو
سجي:اي عادي هي 😊😊
نجلاء:ثواني و حست روحها بتستفرغ ... مشت جري تجري و لونها انخطف
_________________🔥رواياتي🔥______________
_____________🔥ibrahim qurji🔥____________
يوسف:ماسك الاوراق بين ايديه و يتصفح فيهم ... شن صار يا انس ... لقيتلي من وين متصل الرقم
انس:مزال عند عبد الله قاعد يطلع فيه
يوسف:به شن صار في البنت
انس:اليووم كيف بدت تباشر في الخدمة
يوسف:خلي عينك عليها لاني ما عنديش فيها ثقة ... و راقب كل شي ادير فيه
انس:تمام يا معلم ... توصي ع شي
يوسف:خدي رشفة قهوة و هو يشوف من البلكوني كيف سجى بدت جلسات العلاج ❤
_________________
امنة:مصيبة لو عرف يوسف باللي نديروا فيه
عبير:مش رح يعرف ... مش تبي ولدك يأخد كل شي منه و لا
امنة:اي نبي ... بس مش بالطريقة هذي
عبير:ع ما اظني المرة الاولى ما قتليش هك ... شن اللي خلاك تتغيري
امنة:المرة هذيك درناها و اختفت هك طووول بس المرة هذي اعذريني يا سلفتي و الله ما نقدر
عبير:امالا لما يطلعلكم يووسف من القصر و يأخد كل شي ... صدقيني مش رح نساعد حتى بربع جني ... و طلعت
________________
سجى:قيمي رجلك الفووق شوي ... و تو نزليها تحت ... اي زيدي شوي
رندة:صعب يا سجى ...
سجى: مع الاصرار ما فيش شي صعب ... و ضرب تلفونها ... انتي كلمي و خليني اني نشوف امي و نجي
رندة:به تمام
سجى:مشت بين الشجرات ... الووو ها سراج ... ها شن تبي
سراج:نبي نعرف شن صار معاك ... معادش كلمتيني
سجى:اليووم بس كيف بديت ... مزال ما صارش شي
سراج:به دورتي و لا شن
سجى:تي نقولك مزال يا سراج
سراج:به يا سجى ... بس حاولي المرة هذي تقربي منه و خليه يوثق فيك
سجى:صدقني يا سراج رح ندير اي شي باش نخلي يوسف يوثق فيا ... و تلفتت ع وراها و بلعت ريقها بخوف 😰😰 #يتبع
