#فساد
#ibrahim_qurji
#في_الحلقة_السابقة:-
1. قرار زواج سجى و يوسف و نجلاء و انس
2. معرفتنا ان الكوبرا قتل اخت سجى في عرسها
3. خطط الكوبرا باش يتخلص من سجى
4. رجوع نهال و صدمتهم باللي قالته
__________________
#الحلقة_12
نهال:قامت الخمار ... اني يا يوسف كرمان المرأة اللي امرت بقتلها و هي حامل ... و اهو اليووم رجعتلك و شووف من معاي ... قدمت بنت في عمر 5 سنين ... اي ركز فيها كوييس ... هذي بنتك اللي حاولت تقتلها و هي في بطني ... كلهم مصدومين من اللي سمعووه بس الصدمة الاكبر كانت ع عيوون سجى 😲😲 ... شافتله بكره و ناضت من جنبه ... و ركبت الحجرة ... لحقها يوسف
نهال:استنى ما تبيش تستحمدلي و لا شن
يوسف:حسابك بعدين ... و ركب
.
.
.
نهال:قعمزت ع الكنبة ... اووف قاعدين زي ما انتم ما تغيرتوش بكل
صالحة:حطت ايدها ع قلبها ... يارب اللي كنا خايفين منه صااار ... تعالي يا مروة ارفعيني خلاص معادش قادرة نتحمل
مروة:مصدومة من اللي تشوف فيه ... اءء تعالي يا حاجة استندي عليا تعالي
نجلاء:خدت تلفونها و ركبت ... رغم ان خلاص انقرت فاتحتها ع انس ... فما باليد حيلة 🤷♀️
__________________
يوسف:يطق الباب بالقوة ... افتحي يا سجى نفهمك كل شي افتحي
سجى:تبكي ع الموقف البايخ اللي انحطت فيه ... خلاص امشي معادش نبي نسمع صووتك برا خلاص ... علاش درت فيا هك يا واطي برا اقلب وجههك خلاص 😭😭
يوسف:ايس من سجى ... بدي يهدي في خبطاته ... خلاص مش رح نزعجك و امتى ما تلقي رووحك هديتي تو نحكوا ... و نزل بغلللل
يوسف:وينها وينها الحيوانه وينها
عبير:اهدى اهدى يا ولدي اهدى ... ما يصيرش هك ما اديرش شي تندم عليه بعدين
يوسف:بعدي من قدامي يماا و نزل .... وينك وينك يا حيوانه وينك
نهال:وقفت بكل برود ... هنايا اهوا نعم
يوسف:مسكها من ايدها بالقوووة ... انتي شن اللي ناوية اديريه
نهال:نفضت ايدها بقوة ... ايييي خلاص سنين و اني نستى في اليووم هذا باش نشوف لعيونك زي ما كانوا اخر مرة شفتك فيها ... حسيت بشعور الكسرة و الضعف و لا لما فتت هك ... شفت صدمتك و لا ... بالله برا شووف منظرك في المرايا ... عيون واضح فيهم الخووف ... جسم ركباته الرعشة ... لسان مش قادر يحكي كلمتين ع بعض ... خدت بنتها ... تشوف في البنت هذي و لا هي اللي رح تأخد انتقامي منك ... و طلعت
كلام نهال كان واضح فيه التحدي 💔 لانه قلبها مكسور
________________
صالحة:ترعش بروحها ... و قلبها يرجف بقوة ... يارب شن اللي قاعد يصير العيلة بدت اضيع من قدامي معادش عرفت شن ندير
مروة:يا حاجة هاك خودي دواك ... تو الضغط يرتفعلك
صالحة:خدت الحبة ... و خدت رشفة امية
مروة:عارفة يا حاجة مش وقت كلام ... بس من هذي اللي جت و دارت العرض هذا كله
صالحة:تنهدت بوجع ... هذي نهااال كانت كل شي حلووو عند يوسف حبها حب جنون
مروة:و به شن اللي صار خلاهم اعداء هك
صالحة:في يوم و ليلة اختفت نهال و معادش نندروا عليها نهائي ... و بعد بكم يووم وصلنا خبر انها توفت و لقو جثتها في مكان مش معروووف ... منها نسكر باب نهال و يوسف خش في حالة لعند ما ضحكله الحظ مع سجى
مروة:به وين كانت مختفية الوقت هذا كله ... و شن اللي خلاها ترجع في الوقت هذا بالذات
صالحة:السؤال هذا اسأليه ليهااا
مروة:تنهدت ... و طلعت و عقلها يرفع و يجيب شن في اسرار اخرى في العيله هذي 🤷♀️
________________
