#فساد
#ibrahim_qurji
#في_الحلقة_السابقة:-
1. معرفتنا بحمل نجلاء
2. معرفة مروة بسر يتعلق بموت مرت يونس الاولى
3. مخطط عماد باش يمسك اي دليل ع سجى
4. اتفاق سراج و نهال باش يدمروا يوسف ... تابعوني 👇👇
_________________
#الحلقة_8
يوسف:مسك ايدها ... خلاص اهدي
سجى:ما نبيش ... اطلع
يوسف:جمع قوته و مسكها من خصرها و باسسها 🤭
سجى:وخرت من عليه و ........ و ضرباته كف 👋 و مسحت ع فمها ... من انت عشان تبوسني يا قليل الادب
يوسف:تطلعي تو و لا ندير شي ما يعجبكش
سجى:شن مزال بدير يا واطي
يوسف:حاجات مش لازم اني نقولها
سجى:شافت بتحدي لعيون يوسف اللي كان ناوي يشريها معاها بأي طريقة ... استغفرت ربي ... استنى هنايا
يوسف:هي نستنى حتى اني
_________________
انس:رجع للحوش بعد ما خلا يوسف و سجى يتناقشوا
نجلاء:انس يا انس
انس:نعم
نجلاء:معقولة اسبوع و اني نحاول نكلمك و انت مش مدورني
انس:زي ما تعرفي ضغط الشغل مع خووك يوسف ... تفضلي تبي حاجة
نجلاء:اي ... نبي نعطيك اسم شخص و تشوفلي وين قاعد
انس:بإستغراب 🤨 ... و انتي من امتى واخده شغل خووك ... و شن بديري بيه
نجلاء:غير دير اللي قتلك عليه و بعدين ساهل تو نحكيلك شن ندير بيه
انس:اسمه
نجلاء:همممممم
انس:شن اسمه
نجلاء:اسمه عثمان ال ......
انس:تمام ... و مشي
___________________
عبير:شن اديري انتي هنايا
ماجدة:الحاجة صالحة قالتلي انظم غرفة الضيووف
عبير:شن جايينا ضيوف و اني ما نعلمش و لا كيف
ماجدة:هذي اوامر الحاجة ... و اني ما نعلمش ع شي
عبير:مشت و هي تنفخ ... يا رب امتى هالعيلة هذي تحط عقلها في رأسها بس ... و تبطل ادير في حاجات من بالها ... و مشت
.
.
.
امنة:شن يا حاجة ... لاباس تجهزي في غرفة الضيووف في ضيف جاي و لا شن
صالحة:و من امت و انتي تحشي في رووحك في حاجات ما تخصكش
امنة:اءء اني قلت بلك تبي مساعدة في شي بس
صالحة:اللي بيدير خير ما يشاورش 😒
امنة:يا حاجة ما تفهمنيش غلط ... هو صح الحووش ليك و عندك الحق تفوتي من تبي بس ...
صالحة:لا بس و لا بسش ... اللي عاجبه به و اللي مش عاجبه اهوا الباب يفوت جمل ... و مشت
____________________
سجى:نزلت بشنطة صغيرة و خدت جاكيتها و طلعت
يوسف:شن هذا
سجى:شنو اللي شنو
يوسف:اشر ع الشنطة ... هذي
سجى:شن تشبح فيها ... يا شنطة هذا الدراه يوسف و انت هذي اسمها شنطة
يوسف:بطلي وقاحة و الا نعرف شن ندير فيك ... و قولي هذي شن فيها
سجى:حوايجي شن يعني اسلحة و مخدرات تحسابني زيك ... هي هاتها و تعال اني بنركب 😤
يوسف:صبرك يا رب ... شن درتي فيا يا حناي بس باش يصير فيا هذا كله
_________________🔥رواياتي🔥______________
_____________🔥ibrahim qurji🔥____________
نهال:واقفة في بلكوني الفندق
موسى:انتي مش عارفه حجم المصيبة اللي حطيتي روحك فيها و حطيتينا معاك ... سنين و احني نخططوا و انتي تجي بكل سهوله في يووم و ليلة تتقفي مع شرطي مش عارف وين لقيتيه
نهال:تشرب في القهوة ... تعرف علاش واقفت اني نخدم مع الشرطة ... مش غلاوة فيه الشرطي ... بس عندي خطة رح ادمر كل اللي في طريقي
موسى:يستر الله من خططك ما تنقلبش عليا و ادمرنا احنى
نهال:تشوف في الملاك اللي راقد ع السرير و لا ... هو سلاحي الوحيد تو اللي رح نحارب بيه
موسى:بس هذي طفلة كيف رح ادخليها في قصص ثارات و انتقام و مع من مع يوسف كرمان
نهال:وقفت و رمت الكوب ع الحيط و تكسر ... يوسف كرمان يوسف كرمان ... تعرف من هذا يوسف كرمان ... هذا اللي دمرلي حياتي و خلاني بالوضع هذا ... قامت كمامها ... شووف لايديا كيف مشوهات ... من اللي داره هذا كله ... يوسف كرمان ... و تو جي الدور عليا باش نرد الصاع صاعين ... و ما نتسمى نهال لو ما خليتاش يركع قدام رجليا و يطلب السماح مني ... و رح تشوف يا موسى 😡 ...
كانت جدية نهال في كلامها رسمية بأنها رح تنتقم من يووسف بس شن رح يصير زعما 💔
_____________________
يوسف:درس السيارة ... قبل ما تنزلي في حاجات بنبهك عليهم اولا الاحترام شي اساسي في الحووش هنايا ... تفيقي الصبح تصبحي ع حناي في دارها ... و تنزليتفطري و تتغدي و تتعشي معانا ... سهرات اخر الليل لا اكل اخر الليل حتى هو لا
سجى:نرتكب فيك جريمة تو و نأخد كل هذا بالمجان في الحبس ... فاهم يا شطور و لا ... و بعدين كل اللي قلته هذا كووم من اللي رح نديره معاك يا يوسف
يوسف:قرب منها ... متأكدة
سجى:وخر من عليا ... و نزلت
.
.
.
صالحة:اهلا و سهلا بيك يا بنتي ... امك وصتني عليك و اني رح نحطك بين عيوني ... و بالمناسبة لاباس ع خالتك
سجى:فووق نفس ... اهلين بيك خالتي ... الله لا يوريك باس ان شاء الله
يوسف:حناي مش خالتك
سجى:اسفة يا خالتي بس من الصعب نتعود ... لاني فترة و راجعة ان شاء الله
يوسف:بهزوة ... خودي راحتك في الحووش ... و اني بنمشي يا حناي نشوف انس
صالحة:به يا ولدي ... و انتي يا بنتي تعالي خليني نرفعك للدار و تريحي
سجى:بصوت واطي ... اي احسن من وجوهكم
__________________
يوسف:حاط ايده ع رأسه ... تصدق يا انس البنت اهيا بتهبلني و تقلبها فووق رأسي شكلها
انس:خيرها ... تبان انها كويسة
يوسف:بهزوة ... طيبة لو تشوفها كيف تتكلم و كيف تتصرف تقول هالطيبة هذي وين مخفية ... بس هيا الشر الصغير
انس:شكلك معجب بشرها
يوسف:تغيرت نظرته ... شن تحكي انت اي اعجاب هذا انت زابط انه الاشكال هذي مش من مستواي ... و توا برا دير اللي وصيتك عليه
انس:تمام ... اي قبل ما نمشي في شي نبي نقولك عليه
يوسف:احكي شن في
انس:اليوم نجلاء قالتلي نسألها ع شخص
يوسف:و من هذا
انس:مش عارف عليه الحق ... بس اسمه عثمان ال .....
يوسف:بدي يردد في الاسم في باله من غير فايدة ... به شن لقيت عليه
انس:عرفت انه كان مسافر الفترة اللي فاتت يعالج في امه و توا رجع من جديد
يوسف:زيد جيبلي عليه معلومات ... و اني تو نحكي مع نجلاء و نفهم منها شن قصة الراجل هذا
_________________🔥رواياتي🔥______________
_____________🔥ibrahim qurji🔥____________
بعد يومين
في الليل 🌧🌧
سجى:تكلم في التلفوون ... و الله مليت منها يا سراج اللعبة هذي كل حياتي بدت خوف في خوف
سراج:طالما قدرتي توصلي للقصر معادش مزال لنا هلبا يا سجى ... كلها شوي وقت و اني نطلعك من الغادي
سجى:بس امتى يا سراج ... يوسف خانقني و مش مخليني براحتي و زيادة اخته الدراه الكبد نجلاء و عيلته كلهم دراهات ... الكويسة حناهم بس ... شايتلني ع كفوف الراحة
سراج:من نجلاء هذي
سجى:مش قتلك اخته ... دايرة جو الجكترة متاع انها انخطبت لواحد من منظره زيها حتى هووو
سراج:اممم ... المهم اي شي جديد يصير معاك كلميني
سجى:تمام ... و صكرت ... و هي تشووف للمطر من الروشن لمحت نجلاء و خطيبها يتناقشوا تحت المطر ... ما اهتمتش صكرت الستارة و رقدت
__________________
نجلاء:مش مصدقة ان يوسف واقف يا عثمان ع خطوبتنا
عثمان:اي حتى اني 😊
نجلاء:تعرف بعد ما تصلت بيك و ما تردش خفت انك تخليني في مصيبة مع خووي
عثمان:بعد ما وصلتني رسالتك ركبت اول طايرة و جيت هنايا طووول
نجلاء:بنمشي نجيب غطاء و نجي الجوو بدي يمطر
عثمان:به بري و اني نستنى فيك
نجلاء:😊😊
.
.
.
سجى:طوول الليل ما جانيش نووم بديت ندور في الحجرة و نفكر شن بنلقى باش نعطيه لسراج ... وصلتني رسالة من رقم غريب
(عارف انك تبي تكشفي اسرار العيلة ... لاقيني بعد شوي في الحديقة الخلفية)
شبحت من الروشن نشوف في اثنين يتناقشوا ... و كان نقاشهم عبارة عن مشكله ... ثواني و شخص طلع سكين و طعن الثاني طعنتين ... اني لما شفتهم جمدت في مكاني ... و عيطت بأعلى صووتي 😨😨 #يتبع
