#فساد
#ibrahim_qurji
#في_الحلقة_السابقة:-
1. يوسف يحكي كل شي لسجى 😔
2. مروة تسمع حديث عبير و يحيى 😧
3. مروة تواجهه يحيى 🙃
4. سراج يخطف سجى ... و يطلق ع يوسف 😳
_________________
#الحلقة_20 و الاخيرة
(اقروها للاخر باش تفهموا القصة كلها لاني ما حبيتش نختصرها ❤🤞)
سراج:معادش عندي شي نخسره ... و انت لازم تموت و تطلع من حياتنا نهائي ... قام السلاح في وجهه يوسف ... و طاااف 🔫🔫
يوسف:طاح ع الارض و غرق في دمه ....
سجى:لااااااااا ... و اغمى عليها
سراج:هي هي فيقي فيقي ... حط سلاحه ... سجى فيقي كل شي انتهي
ثواني و تلغم المكان كله بالشرطة ... و داهموا المكان
سهام:خلي سلاحك ع الارض و سلم نفسك
سراج:خدي السلاح ... و قامه بوجه سهام
سهام:انصدمت لما شافت سراج ... سراج خلي سلاحك ع الارض ... انت متهم بمحاولة قتل يوسف كرمان و الفساد و التستر تحت درع القانون
سراج:لا مش رح نخسر ... و سحب سلاحه
سهام:رمت 4 طلقات كافية ان تخلي سراج ميت 🔫
انس:فات و شاف يوسف ... معلم معلم يوسف فيق انت قدها فيق
يوسف:بدي يستعيد في وعيه بالشوي بالشوي ... بتوجع اه شن اللي صار
انس:جرح بسيط بس
يوسف:شاف ايده كانت تنزف ... شاف سجى لقاها مغمى عليها ... قدملها ... سجى حبيبتي فيقي قصتنا ما كملتش ... مزال في حاجات بتعاركوا عليها ... مزال بنزعلك و تطلعي للحديقة ... مزال بنربوا صغارنا و بنكبروا مع بعض
سجى:فتحت عيونها ... يوسف يوسف انت مزال حييي 😭😭
يوسف:اء مستحيل نمووت ع يد شخص غيرك
سجى:حضناته بكل حب ❤ تعاودها اني اللي بنقتلك
___________________
بعد يومين
سجى:حاطه ايدها ع بطنها اللي بدي يكبر بالشوي
يوسف:حضنها من الخلف ... شني حبيبتي
سجى:كيف حال جرحك توا
يوسف:مية مية ... اسمعيني سجى ... شوفيلي ترا
سجى؛شافت لعيونه بكل حب ... نعم
يوسف:في اخر فترة صارتلنا هلبا مشاكل ... خطف و قتل و مووت ... شن رأيك نخدوا بعض و الصغار و نسافروا ... و نربيوا ولدنا بعيد عن كل هالمشاكل هذي
سجى:اممم ... بالنسبة ليا ما عنديش اي مشكلة ... بس عيلتك ... اكيد رح ينزعجوا من قرارنا ... خاصصة الحاجة بتزعل
يوسف:حناي خليها عليا اني ... تو نقنعها ... المهم انتي تكوني مقتنعة
سجى:اممم به 😊
يوسف:طالما متفقين ... اني تو بنطلع نجهز كل شي و نرجعلك ... و باسها من رأسها ... كل يووم نزيد نحبك اكثر ❤ ...
سجى:و اني اكثر ❤
__________________
مروة:تلم في حوايجها في الشنطة
يحيى:شن اديري انتي
مروة:اللي كان لازم اندريه من البداية ...
يحيى:معناها مصره ع موقفك
مروة:اي مزال ...
يحيى:وين ناوية تمشي ... و شن رح اديري بعد ما تطلعي من هنايا ... كيف رح تعيشي
مروة:هذا اخر همك انت ... رح نعيش بالطريقة اللي نشوفها مناسبة ... و كان ع الفلووس ... ما تخافش مش رح نطلب منك شي ... لان الحمد لله عندي كل خير ... مصمده شوي مبلغ هك ... بنمشي نأجر شقة و بنفتح شغل و بنعيش منه ... و ما تخافش مش رح نفضحك انت و امك المجرمة قدام عيلتكم ... خلي ربي هو االي يأخد الحق ... و خدت شنطتها و طلعت .. اي قبل ما ننسى ... حسبي الله و نعم الوكيل فيكم ... و ربي يأخد فيك الحق انت و امك ... و طلعت 💔
يحيى:الكلمة اللي سمعها ... غرست في قلبه زي المووس 💔
