#فساد
#ibrahim_qurji
#في_الحلقة_السابقة:-
1. معرفتنا ان الكوبرا هي اللي قتلك يونس و خطفت ولده و قتلت حسنة اخت سجى
2. الكوبرا ترمي نهال من ع السطح
__________________
#الحلقة_14
سجى:فهمني انت علاش ادير فيا هك
يوسف:تبي تفهمي
سجى:اي
يوسف:متأكده
سجى:اي
يوسف:مسكها من وراء رأسها ... و باسها 🤭
سجى:جت بتضربه بإيدها بس مسكها من ايديهااا ... لعند ما قاطعهم التلفوون
يوسف:بعد من عليها ... و خدي تلفونه
سجى:استغلت الفرصة و هربت للدار و سكرت ع رووحها ... تسمع فيه من وراء الباب بتكلم بصووت كله عصبية ... ما اهتمتش
يوسف:امتى الزفت ... به شن صار فيها ... تي به به اني مسافة الطريق و نوصل فيكم ... سجى سجى عرفها متحشمه ... اني طالع و احتمال نعطل ... تبي اي حاجة كلمي الراجل اللي برا
سجى:من خلف الباب ... ع اساس مهتمه توووو 😒 برا ان شاء الله معاد ترجع
__________________
صالحة:حاطه ايدها ع وجهها ... يا رب شن االي قاعد يصير معانا ...
عبير:اهدي يا حاجة ... اكيد البنت كانت تمر بضغوطات نفسية
صالحة:شن هما الضغوطات اللي تخلي الشخص ينتحر هك من غير اي سبب
مروة:لا يا ربي مش مصدقة اللي قاعد يصير ... هيا جااية و الشر في عيونها تبيها تنتحر ... هذي اني ما نصدقهاش
نجلاء:امالا شن
مروة:نقص ايدي من هنايا لو ما كانش في حد متعمد يقتلها
نجلاء:شن قصدك انتي
مروة:ما قصدي شي اني ... بس كلنا نعرفوا انها كانت مدرهه كبد الكل هنايا ... خاصةة انتم كعيلة ... مش عارفة شن دارت البنت باش تكرهوها هك
عبير:احني ما نكرهووش حد ... هي اللي جت هنايا و في عيونها الشر ... و خدت اللي تستحقه 😡
مروة:شافت لعبير من فووق لتحت بشك ... و مشت ... لا مش مصدقة اللي نسمع فيه
صالحة:يارب قومها بالسلامه مش ناقصني نقطع قلبي اني 💔
كانت حالة الحاجة صالحة النفسية تاعبة لابعد الحدود ... لانها كانت تحب عيلتها اكثر من كل شي في الدنيا كلها ... بس تو عيلتها تدمر بالشوي قدام عيونها 💔💔
__________________
يوسف:وين انتم
انس:في المستشفى
يوسف:به شن اللي صاير
انس:ما نعرفش شي ... كانوا مقعمزين في الصالة ... سمعوا حاجة طاحت من السطح من لما طلعوا لقوها غارقة في دمها
يوسف:الزح ... به ما فيش حد شاف شن اللي صار
انس:زي ما قتلك ما فيش حد شاف حاجة
يوسف:تي به به ... اني مسافة الطريق و نووصل انت برا خوود سجى و ارفعها للقصر
انس:به تمام
.
.
.
سجى:طلعت من الحجرة بعد ما اطمنت ان يوسف خلاص مشي ... مشت دارت صونية فشاار ... و قعمزت قدام التلفزوون تتفرج ... و الله الجوو من غير الدراه هذاك ... و بدت تتذكر في البووسة ... شن صايرلك يا بنت افطني ع رووحك مش جو رومانسية تووو ... بس يا رب مش قادره ننساه ... مش قادره نطلعه من رأسي طوول الوقت و اني نفكر فيه ... ضحكت ع روحها من الكلام اللي تقول فيه و كملت باقي الفيلم ❤
