#فساد 2
#ibrahim_qurji
اني سجى بنت في نص العشرينات مواصفاتي بيضة و طويلة شوي و رقيقة عايشة مع ماما و بابا و اختي اللي ماتت يوم عرسها ... طبعا قصتي معقدة شوي و رح تعرفوها من خلال الحلقات 👇👇
_____________
في وسط زحمة السيارات و الشرطة و المرور و الاسعاف تساعد فيهم حادث كبير و شنيع بين 4 سيارات 💔
شخص 1:نفخ دخانه ... و هذا الثاني تخلصنا منه
شخص 2:بس انت ما شفتش الاسعاف كيف سعفتهم
شخص1:شبحله بغل ... و هو طلع منه
شخص2:ما نعرفش عليه ...
شخص1:كيف ما تعرفش عليه ال🤬🤬 ... تمشي تقلب وجهك من قدامي كان ما ماتش تنهي عليه اليووم قبل بكرا ... و رمي دخانه و عفس عليه ... خراوات ما يفهموش بكل ما يعرفوش كيف يكملوا شغلهم ...
شخص2:هز رأسه و ركب السيارة و طلع
_________________
يحيى:تي الف مبروك يا عريس
يوسف:شبحله شبحه تخوف ...
يحيى:تي نباركولك خيرك تقول جبتلك خبر مووت حد
يوسف:بصوته الرجولي يحرك في القرواطة ... قتلك الف مرة معادش تجيبلي سيرة المووت ع لسانك
يحيى:ماهو منضرك اللي يشوفك يقوول هك ... افرد وجهك شوي
انس:نزل ع وذن يوسف ...
يوسف:وقف وقفه خلا الكل يركز ... و شن صارله به
انس:يونس في العناية و ....
يوسف:بعصبية ... و شن قووول
انس:ياسين ولده مش معروف عليه وين ... ما لقوشي معاه في الحادث
يوسف:كيف ولده مش معاه في الحادث وين اختفى انس:ما نعرفش عليه
يوسف:وين الحرس اللي معاه
انس:انت تزبط خووك ما يحبش جو الفشخره هذا باش ما يبيش يرفعهم معاه
يوسف:تقلب الدنيا عليه و ما نبيش نشبح وجهك من غيره ... اني ما نقدرش نتحرك من هنايا ... و حط حد يشوفلي وضع يونس في المستشفى و ما تخليش حد يقربه ... فاهم و لا
انس:خدي بعضه و طلع هو و الحرس
مختار:شن في يا يوسف خيره وجهك مقلوب هك
يوسف:يحرك في القرواطة ... شن مزال المهزلة هذي ما كملتش و لا شن
مختار:نكلم فيك اني شن اللي صاير
يوسف:بعصبية ... اللي صار ان اعدائنا قدروا يوصلوا فينا ... و ضربوني بأهم شي عندي و هو خووي يونس اللي قاعد يصارع في الموت في المستشفى
مختار:اءء شن تقول انت ... من اللي قالك
يوسف:ما يهمش من اللي قالي ... المهم تو خلينا نكملوا الهم هذا و بعدين ساهل
_________________
مروة:مش معقولة هك خيرها عطلت العروووس هك ... شن اللي صاير زعما ... وين هلها حتى هما امها و اختها ما تشيحيش غير الصغيرة بس اتحوس هنايا و هنايا
نجلاء(حماتها):اي رسمي ترا خلي نمشي نشووف ترا بلك صايرلهم حاجة ... قلبي محسسني ان في حاجة صايره
مروة:استنيني حتى اني بنمشي معاك
رندة:وين ماشيات انتي وياها ... استنوني حتى اني بنمشي معاك
نجلاء:مبردك النم ... هي اطلعي 🤦♀️
.
.
.
سجى:حاطه ايديها ع وجهها و تبكي بصمت 😭
منى:تخبط ع وجهها ... ووه ووه يا بنتي ما زلتي صغيره عمرها كمل و هي عروسة 😭
محسن(بوها):خلاص يا مرا ... يمسح في دمعته ربي يرحمها ... خلاص اطلعوا لازم نوقفوا الفرح
مروة:هيا يا عروووس شن تستني ... فاتت و شافت الصدمة ... خيركم شن في
نجلاء:خيركم شن اللي صاير
رندة:بعدولي شوي ترا ... و شافت حسنه مغطيينها بالكاب ... حطت ايدها ع فمها ... و شافت لمروة و نجلاء اللي كانوا هما بروحهم في صدمة من اللي شافوه
________________
