#فساد
#ibrahim_qurji
#في_الحلقة_السابقة:-
1. الكوبرا يختطف سجى 🙃
2. الكوبرا تقتل عم يوسف 😈
3. هروب سجى من الخاطفين 🥲🥲
_____________
#الحلقة_17
سجى:عارفتك طيب اول ما شفتك ... و طلعت تمشي بخطوات بطيئة ... و طلعت برا الباب نسمع في صووت رصااص 🔫🔫
شخص:وقفي و الا نرمي عليك
سجى:نزلت دمعتها ... عرفت ان نهايتي رح تكون المووت قبل ما نعترف ليوسف بحبي ليه ...
شخص:وقفي و لا نقتله
سجى:معادش حملوها رجليها ... انهارت ... ثواني و بدي الرصاص من جديد ... وقفت و هربت ... نجري و خلاص في هذاك الليل ... وصلت لشارعين ... وين يا رب قولي وين نمشي ... وين قالي الراجل ... اءء اي اتذكرت يمين ... و كملت باقي الجري و بعدين زي ما وصفلي الراجل ... لعند ما طلعت ع الرئيسي ... بديت نشووف في سيارات ... بديت نأشر زي المنجوهه لعند ما وقفتلي سيارة نزل منها شخص كبير في العمر ... ركبت معاه و اني مش عارفه شن نقوول 😔
_______________
في ثواني انقلبت الدنيا عياط ... بعد ما سمعوا بمووت مختار 😔
امنة:ووووه يا الغالي مشيت و خليتنا ... مشيت يا غالي
صالحة:تبكي بحرقة ع ولدها 😭😭
نجلاء:خلاص مرت عمي كله قضاء و قدر ... الله يرحمه و يغفرله يا رب
امنه:شافتلها بكره ... لا مش قضاء و قدر ... راجلي انقتل و مات ... و في حد قتله هنايا ... شن دارلكم مسكين هووو 😭
عبير:اكيد يوسف و انس مش رح يخلوا القصة تمشي هك ... و رح نعرفوا لو هو انقتل و لا مات موته طبيعية ... الله يرحمه و يغفرله 😢
عماد:بووي مات يا انس ... سندي في الدنيا خلاص راح ... معادش عندي حد نحط رأسي ع كتفه ... 😢
انس:خلاص يا عماد ... كل اللي صار قضاء و قدر ...
عماد:شاف لانس بكره ... انت و اللي اسمه يووسف انتم الاثنين اللي وصلتوا بووي للحاله هذي ... و صدقوني رح ننتقم منكم ... بنفس الطريقة و رح نحرق قلوب نسوانكم ... زي ما حرقتوا قلب امييي
يحيى:هييي خلاص بلا جوو زغار عاد ... بوك هوا عمي و عزائنا عزاء واحد ... فكنا من دسكة بنأخد بثار بووي ... برا شووف من اللي خلا بووك يوصل للحاله هذي ... و طلع ... ناس مريضة
__________________
الشايب:يا بنتي وين مكانك
سجى:سارحه في كلام الراجل لما قال(بري اسألي راجلك علاش شراك من اهلك ... و من يكونوا اهلك اصلا)
الشايب:يا بنتي وين سرحتي
سجى:همممم
الشايب:مش رح نسألك وين كنتي و شن اديري في الوقت هذا البرا و علاش منظرك هك ... بس الباين عليك بنت نااس و محترمه ...
سجى:تمسح في دمعتها 😢 ... يا عمي نسألك سؤال
الشايب:تفضلي
سجى:ممكن الحياة اللي عايشها تكون كذبة
الشايب:ما فهمتش
سجى:خلاص يا عمي انسى ... اهوو الحووش وصلت
الشايب:درس ع اليمين ... نصيحة مني يا بنتي ما تصدقيش كل شي تشوفيه
سجى:بإستغراب ... هزت برأسها تمام ... و مشكور يا عمي ... وصلت لقدام الفيلا نسمع في صووت عياط قوي طالع منها ... خشيت و اني قلبي مقطوووع ....
