#فساد
#ibrahim_qurji
#في_الحلقة_السابقة:-
1. معرفتنا بخطط نهال و سراج
2. خروج سجى و يوسف من القصر
3. مروة عرفت بسر نهال
4. سجى تطعن يوسف في جنبه
________________
#الحلقة_13
سجى:يوسف حرام عليك ما اديرش شي اندم عليه
يوسف:اني ليا اني بس و ملكي اني بس
سجى:قاومت قاومت ... وصلت ايدها تحت المخدة و طلعت السكين 🔪 ... و طعناته في جنبه ....
يوسف:يشوفلها بشبحات تخوف ... وقف من عليها و هو ينزف ... مسكها من ايدها اللي فيها السكين ... و بعصبية تبي تقتليني ... ها تبي تقتليني ... هيا اهو اني قدامك اقتليني
سجى:تبكي 😭 ... اءء اسفة اسفة يا يوسف انت تنزف
يوسف:كلميني هنايا تبي تقتليني و لا ... خدي ايدها اللي فيها السكين و حطه ع قلبه ... هيا ديريها و خليصيني من هالحياة هيااا ديريها
سجى:رمت السكين ... لا ما نبيش نقتلك ... و مشت تجري للمطبخ ... شن ما فيش اي عدة اسعافات هنايا ... انت تنزف لازم نوقف النزيف ... لو اني كنت ناوية نقتلك ره ضربتك في الوريد و خليتك تنزف لين تموت ... ما تنساش اني دكتورة و اخصائية علاج طبيعي ... فا نقدر نقتلك بكل سهولة ... و توا هاك حط هذا ع الجرح ... باش ما يتلوثش ... و عطاته منشفة ... و مشت فاتت للحمام 💔
_______________
الكوبرا:موزع مجموعة صور قدامه ... كانت صور لكل العيلة من يوسف و سجى و نجلاء و انس و الجدة و يحيى و مروة و نهال و رندة و حتى صورة يونس اللي عليها علامة ❌ بالاحمر ... اممم شكلكم بتخلوني بنرجع لقصص القتل و الجرائم ... زعما بمن نبدا تووو ... اممم سجى او نهال او انس ... 😈
.
.
.
نجلاء:نازلة و لابسه توته عليها ميكي ماوس و قايمة شعرها الفووق و مغطية وجهها بشوي مكياج تخفي اثار الضربة
نهال:اووو صباحية مباركة يا عروووس ... اوو اسفه امبارح جيتكم ع غفلة من غير عزومة ... بس تعودي
نجلاء:انتي من اي طينة معجونه ... مش متي و شبعتي مووت كيف طلعتي هك بعد كل هالسنين ... صدق من قال بسبع ارواح
نهال:حبيبتي سبعة ثمانية ارواح هذي حاجة ترجعلي ... المهم اني هناية قاعدة ع قلوبكم ... تبيها خودي تخليها خلي
نجلاء:ههههه ضحكتيني ... اسمعيني يا حلوة لو انتي مفكرة ان يوسف خووي طلع من هنايا ع شانك ... لا تكوني غالطة ... هوا طلع لانه مش طايق انه يشوفك و لا ... لا هو و لا اي حد في الحووش هذا ... بري من قدامي ... و نزلت
نهال:لما نوريك يا نجلاء لو ما خربتش عليك فرحتك هذي اني ما نتسمى 😈
_________________
سجى:طلعت من الحمام بعد ما غسلت ايديها من الدم مسحت وجهها بتعب ... اءء يوسف يوسف ... ما فيش حد رد عليها ... دورت ع تلفوني ما لقيتاش عرفت ان يووسف خداه ... و بديت ندعي يارب زعما شن اللي يستنى فياااا ... فات عليها شريط حياتها في ثانية ... نزلت دمعتها تتذكر كيف وافقت ع سراج في اللعبة هذي ... ندمت و حطت رأسها بين ايديها و بدت تدعي من كل قلبها ... ثواني و سمعت الباب فتح
سجى:اءء يوسف اني اسفه مكانش قصدي بس خفت
يوسف:جهزي رووحك بنمشوا
سجى:اءء وين بترفعني 😰
يوسف:ج ه ز ي رووحك بنمشوا
سجى:هزت رأسها بخوف 😰 ... اءء به تمام
يوسف:حط ايده ع الجرح و تألم
سجى:اءء يوسف انت قاعد تنزف ... خليني نخيطلك الجرح ع اقلها ... و حطت ايدها ع الجرح
يوسف:بعصبية ... بعدي خليك بعيده مني ... و ما تلمسنيش ... و فات للحمام
سجى:عرفت روحها غالطة في كل اللي دارته و الفكرة اللي خدتها ع يووسف من سراج
