بين قضبان الجحيم

البارت الرابع

فاتت الشرطية سحلتني

اني وشالي روحي صارت بشعري

هم راح اخسره مثل ما خسرت كلشي حلو بحياتي اخذتني لغرفه

التحقيق لكيته كاعد وبيده

المكينه بس شفتهه عطت

يمااا لا عليك النبي لا والنبي

اموت والله البس الحجاب اني

شمدريني انتو حتطبون علينه

عليك النبي لتسويهه

اشر للشرطيه مشتني للكرسي

هيه تدفع بيه واني ادفع بيهه

سحلتني سحل وكعدتني

وكلبجت اديه ولزمتني حتى

ما اتحرك بس سمعت صوتهه

نزلت دموعي يماا شعري

جوه فخذي صار سنين مكاصته

لان بابا جان يحب الشعر الطويل

لافه شعري كعكه يفتح ويرد ليوره لزمه

بيده وخله المكينه وكعت خصله منه بالكاع

غمضت عيوني ما اريد اشوفه شلون يوكع

وسرحت بفكري لايام بابا وماما وشلون

جانو مدلليني لحد ما نجريت اديه مفتوحه

شوكت فتحوهه ما حسيت الشرطيه

طالعه ماكو باقين بس اني وياه

كال هل مرة ما زينته بس اخذت

خصله علمود القسم هوه يحجي واني باوعت

على الكاع لكيت خصله وحده لزمت

شعري ممصدكه يربي بعده الحمدلله الف الحمد الله
والشكر

هاي جره اذن الج بس اذا نعادت بعد صدقا

راح ازينج من صدك فهمتي

والنبي من الفرحه اجيت احضنه لو ما عاط

بيه وفززني حتى اطلع

طلعت شارده منه نركعت بالباب بس ما

اهتميت المهم شعري باقي

عاط بيه ثول اي والله ثول
يالنسره

ما اهتميتله جن ما سمعت

رجعت اضحك وجن كلشي بالدنيا وردي

لزمت نويره ورفعت ثوبي وصلته لركبي

وكمنه نركص بزخنه بزخ مصاير

وهاي مكيفه تحب التمركص حتى ما سألتني

شكو وليش جاي اركص انتبهت البنات

فاتحات حلوكهن علينه تعبت وكعدت