بين قضبان الجحيم

السبعون والاخير ❤️

بين قضبان الجحيم

بقلمي عذراء الساعدي

.....

علمتني شما يجيس الخوف كلبي

تكلي احبك واطمأن

يا حبيبي الغربه بعيونك وطن

❤️

❤️

❤️

حبيبي هذه امر الله ولا اعتراض على حكمه

كلنه على هل درب اليوم هوه باجر احنه

خليك قوي وكون كد الامانه وصونهه صيرلهم سند مثل ما صرتلي

مدد وطفه الضوه اني هم شمرت روحي ونمت

براحه ماجنت ادري بحجايتي هاي

لعبت بحالي اني جان قصدي كون كد الامانه

وحافظ عليهه وساعدهم من بعيد لبعيد يعني كون

الملاك الحارس الهم بس الي صار ......

ثاني يوم راح سووله ثواب ووزعو ماكو فاتحه

بسبب كورونا رجع بالليل

سبح ونام

والصبح طلع لدوامه

يومين وكال لامي حضري روحج اخذكم لمره المرحوم

تعزوهه وتشوفوهه شمحتاجه

والله كمنه حضرنه وطلعنه وصلنه لبابهم وراح

دكينه الباب طولت يله فتحته

جانت مخليه الشال على وجهه من فتنه جوه يله وخرته

جانت هادئه وحزينه كلش

نكسر كلبي عليهه بجه ابنهه كامت جابته اني شفته

لو روحي نسحت

شلون هذه حيربه بلايه ابوه اووي يمه

ضلينه كاعدين يمهه بالساعتين

ودك عليه وسام كال تعاي طلعيلي بس انتي اني بالباب

ترخصت وكمت

فتحت الباب لكيته محمل علاليك صار يدخلهن بالحوش

واني اخذهن للمطبخ

سالني اذا البنيه كالت محتاجه شي كتله لا تكول كلشي ما محتاجه

لعد صيحي امي خلي نتوكل

صار يله

فتت صحت امي واخذت عبوسي منهه

وسلمنه وطلعنه البنيه من شافت المسواك دمعت عيونهه

وصلتنه للباب وفاتت

احس ضغطي علك من القهر

بس رجعنه مددت مابيه اتحرك وسام وصلنه وراح مدري وين

مشت الايام بسرعه

وسام مدري شبيه متغير صاير سكوتي ويصفن هواي