بين قضبان الجحيم

الثامن والأربعون

بين قضبان الجحيم

بقلمي عذراء الساعدي ❤

❤ ❤

انت روحي وراحتي

واخر ندى ال عالورد ينزل

انت ليلي ولالتي وتفاحتي الجمعت

حلاه الشمس والظل!!!

ّّّّّّ********

وسام باوعله عاكد حاجبه بعدين ضحك وكله تره ذني

اني جبتهن طكيناهه بظحكه كلنه

بعدهه كام ومدلي ايده وكلهم يله عيني تصبحون على خير

لزمت بيده وكمت

خله ايده على جتفي ومشينه للغرفه غسلت وبدلت

وجيت شمرت روحي بحضنه خلصهه غزل

وهاي تالي نمنه وهيج مر على زواجنه شهر كامل عشت بيه

احلى ايام حياتي وصدك حسيت

نفسي بشر اليوم عراق وروز موعد رحلتهم حيرجعون

لالمانيا عيوني بالكوه فاتحتهن

هل كد ما بجيت عليهم وسام يوصلهم للمطار ومناك يروح

للدوام نزلو يجرون بالجنط واني دموعي جرت

راح بوس امه وعيونه مدمعه

وهيه تبجي وسام من شافهم هيج انهزم كلهم انتضركم بالسيارة

اعرفه ميتحمل يشوف احد يبجي

روز جتي حضنتني وبجت عراق وخر من امه اجه باسني

براسي وطلع خانكته العبره

طلعنه وراهم ودعناهم وفتنه استغربت اشو نغم مطلعت

سلمت عليهم فتت للغرفه لكيتهه لافه راسهه وكاعده تبجي

يا نغومه انتي مو كاعده ليش مطلعتي ودعتيهم

البارحه سلمت عليهم بالليل قبل لا افوت انام يدري بيه ما

اتحمل اشوفه ماخذ جنطته وطالع

الله يحفظهم ويسعدهم وين ميرحون عراق خوش عراق

ويستاهل يعيش بخير وبالعراق ماكو مستقبل

خليه مرتاح هناك وراسه بارد

احنه مو هل كاعدين هنا شمحصلين بس الضيم والهم

ويوميه نسمع كتلو فلان وفجروا كذا مكان وراح ضحيتهه هل كد

خليه بعيد وسعيد

خيه والكلب شيقنعه يريد اعزازه يمه

والله ما اعرف شكلج بعد بس خطيه ما يصلح تبجين وراهم كومي